01.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളെ, ദരിദ്രരുടെ നാഥനായ ബാബ നിങ്ങളെ കക്കയില് നിന്നും വജ്രസമാനമാക്കി മാറ്റുന്നതിന് വന്നിരിക്കുകയാണ് അതിനാല് നിങ്ങള് സദാ ബാബ യുടെ ശ്രീമത്തിലൂടെ നടക്കൂ.

ചോദ്യം :-
ആദ്യമാദ്യം നിങ്ങള് എല്ലാവര്ക്കും ഏതൊരു ഗുഹ്യമായ രഹസ്യമാണ് മനസ്സിലാക്കി കൊടുക്കേണ്ടത്?

ഉത്തരം :-
ڇബാപ്ദാദڈയുടെ. നിങ്ങള്ക്കറിയാം ഇവിടെ നമ്മള് ബാപ്ദാദയുടെ അടുത്ത് വന്നിരിക്കുകയാണ്. രണ്ട് പേരും ഒരുമിച്ചാണ്. ഒരു ശരീരത്തില് തന്നെ ശിവബാബയുടെ ആത്മാവും ബ്രഹ്മാവിന്റെ ആത്മാവും ഉണ്ട്. ഒന്ന് ആത്മാവാണ് മറ്റൊന്ന് പരമാത്മാവാണ്. അതിനാല് ആദ്യമാദ്യം ഈ ഗുഹ്യമായ രഹസ്യം എല്ലാവര്ക്കും മനസ്സിലാക്കി കൊടുക്കൂ,അതായത് ഈ ബാപ്ദാദ ഒരുമിച്ചാണ്. ഈ ദാദ ഭഗവാനല്ല. മനുഷ്യന് ഭഗവാനാകാന് സാധിക്കില്ല. നിരാകാരനെയാണ് ഭഗവാന് എന്ന് പറയുന്നത്. ശാന്തിധാമത്തിലാണ് ഈ ബാബ വസിക്കുന്നത്.

ഗീതം :-
അവസാനം ആ ദിനം ഇന്ന് വന്നു..............

ഓംശാന്തി.
ബാബ ദാദയിലൂടെ അതായത് ശിവബാബ ബ്രഹ്മാവാകുന്ന ദാദയിലൂടെ മനസ്സിലാക്കി തരുകയാണ്, ഇത് ഉറപ്പിക്കണം. ലൗകിക സംബന്ധത്തില് അച്ഛന് വേറെയായിരിക്കും, മുത്തച്ഛന് വേറെയായിരിക്കും. മുത്തച്ഛന്റെ സമ്പത്ത് അച്ഛനിലൂടെ ലഭിക്കുകയാണ്. പറയാറുണ്ടല്ലോ മുത്തച്ഛന്റെ സമ്പത്ത് നേടുകയാണ് എന്ന്. ബാബ ദരിദ്രരുടെ നാഥനാണ്. ദരിദ്രരെ ആരാണോ കിരീടധാരിയാക്കുന്നത് അവരെയാണ് ദരിദ്രരുടെ നാഥന് എന്ന് പറയുന്നത്. അതിനാല് ആദ്യമാദ്യം ഈ നിശ്ചയം ഉണ്ടായിരിക്കണം ഇത് ആരാണ്? കാണുമ്പോള് സാകാര മനുഷ്യനാണ്, ഇവരെയാണ് എല്ലാവരും ബ്രഹ്മാവെന്ന് പറയുന്നത്. നിങ്ങള് എല്ലാവരും ബ്രഹ്മാകുമാരന്മാരും ബ്രഹ്മാകുമാരിമാരുമാണ്. നിങ്ങള്ക്കറിയാം നമുക്ക് സമ്പത്ത് കിട്ടുന്നത് ശിവബാബയുടെ അടുത്ത് നിന്നാണ്. സര്വ്വരുടേയും അച്ഛനായ ബാബ സമ്പത്ത് തരുന്നതിന് വേണ്ടി വന്നിരിക്കുകയാണ്. സുഖത്തിന്റെ സമ്പത്താണ് ബാബ തരുന്നത്. പിന്നീട് അരകല്പത്തിനു ശേഷം രാവണന് ദുഖത്തിന്റെ ശാപവും തരും. ഭക്തി മാര്ഗ്ഗത്തില് ഭഗവാനെ കണ്ടു പിടിക്കുന്നതിന് വേണ്ടി എത്ര ബുദ്ധിമുട്ടുന്നുണ്ട്. എന്നാല് ആര്ക്കും ഭഗവാനെ കിട്ടുന്നില്ല. ഭാരതവാസികള് പാടാറുണ്ട് അങ്ങ് തന്നെയാണ് മാതാവും പിതാവുമെന്ന്........ പിന്നെ പറയുന്നു അങ്ങ് എപ്പോഴാണോ വരുന്നത് എന്റേതായി അങ്ങ് മാത്രമെ ഉണ്ടാവുകയുള്ളു, രണ്ടാമതാരും ഉണ്ടാകില്ല. വേറെ ആരോടും മമത്വം വെക്കില്ല എന്നും പറയാറുണ്ട്. എന്റേത് ഒരു ശിവബാബ മാത്രമായിരിക്കും. നിങ്ങള്ക്കറിയാം ഈ ബാബ ദരിദ്രരുടെ നാഥനാണ്. ദരിദ്രനെ ധനവാനാക്കി മാറ്റുക, കക്കയെ വജ്രതുല്യമാക്കി മാറ്റുന്നുണ്ട് അര്ത്ഥം കലിയുഗത്തിലെ പതിതമായ ദരിദ്രരെ സത്യയുഗത്തിലെ കിരീടധാരിയാക്കാനാണ് ബാബ വന്നിരിക്കുന്നത്. നിങ്ങള് കുട്ടികള്ക്കറിയാം ഇവിടെ നമ്മള് ബാപ്ദാദയുടെ അടുത്തേക്കാണ് വന്നിരിക്കുന്നത്. ഇവിടെ രണ്ടു പേരും ഒരുമിച്ചാണ്. ശിവബാബയും ബ്രഹ്മാവിന്റെ ആത്മാവും, രണ്ടു പേരും ഉണ്ടല്ലോ. ഒന്ന് ആത്മാവാണ്, മറ്റൊന്ന് പരമാത്മാവാണ്. നിങ്ങള് എല്ലാവരും ആത്മാക്കളാണ്. പാടാറുണ്ട് ആത്മാക്കളും പരമാത്മാവും അനേക കാലം വേര്പിരിഞ്ഞിരുന്നു.... ആദ്യം കണ്ടുമുട്ടുന്നത് നിങ്ങള് ആത്മാക്കളെയാണ് അര്ത്ഥം എത്ര ആത്മാക്കളുണ്ടോ അവര് പരമാത്മാവായ ബാബയെ കാണുകയാണ്, ഓ ഗോഡ് ഫാദര് എന്ന് നിങ്ങള് വിളിച്ചതും ബാബയെ ആണ്. അപ്പോള് നിങ്ങള് കുട്ടികളായല്ലോ. അച്ഛനില് നിന്നും തീര്ച്ചയായും സമ്പത്ത് കിട്ടും. ബാബ പറയുകയാണ് കിരീടധാരിയായിരുന്ന ഭാരതം ഇപ്പോള് ദരിദ്രമായിരിക്കുകയാണ്. ഇപ്പോള് ഞാന് വീണ്ടും നിങ്ങള് കുട്ടികളെ കിരീടധാരികളാക്കുന്നതിന് വന്നിരിക്കുകയാണ്. നിങ്ങള് ഇരട്ടക്കിരീടധാരികളാകും. പവിത്രതയുടേതാണ് ഒരു കിരീടം, അത് പ്രകാശമായിട്ടാണ് കാണിക്കുന്നത്. രണ്ടാമത്തേത് രത്നങ്ങള് പതിപ്പിച്ച കിരീടമാണ്. അതിനാല് ആദ്യമാദ്യം ഈ ഗുഹ്യമായ രഹസ്യം മനസ്സിലാക്കി കൊടുക്കണം ബാപ്ദാദ ഒരുമിച്ചാണ്. ഈ ദാദ ഭഗവാനല്ല, മനുഷ്യന് ഭഗവാന് ആകാന് സാധിക്കില്ല. നിരാകാരനെയാണ് ഭഗവാനെന്ന് പറയുന്നത്. ശാന്തിധാമത്തിലാണ് ബാബ വസിക്കുന്നത്. എവിടെയാണോ നിങ്ങള് എല്ലാ ആത്മാക്കളും വസിക്കുന്നത്, അതിനെ നിര്വാണധാമം അഥവാ വാനപ്രസ്ഥം എന്ന് പറയുന്നു പിന്നീട് നിങ്ങള് ആത്മാക്കള്ക്ക് ശരീരം ധാരണ ചെയ്ത് ഇവിടെ പാര്ട്ട് അഭിനയിക്കേണ്ടതുണ്ട്. അരകല്പം സുഖത്തിന്റെ പാര്ട്ടായിരുന്നു, അരകല്പം ദുഖത്തിന്റെയും. ബാബ പറയുകയാണ് എപ്പോഴാണോ ദുഖം അവസാനിക്കുന്നത് അപ്പോഴാണ് ഞാന് വരുന്നത്. ഈ ഡ്രാമ ഉണ്ടാക്കപ്പെട്ടതാണ്. ഇവിടെ നിങ്ങള് ഭട്ഠിയില് ഇരിക്കുന്നതിനാണ് വന്നിരിക്കുന്നത്. ഇവിടെയിരിക്കുമ്പോള് പുറമെയുള്ളതൊന്നും ഓര്മ്മയില് വരരുത്. ഇവിടെ മാതാ പിതാവും കുട്ടികളുമാണ് ഉള്ളത്. മാത്രമല്ല ഇവിടെ ശൂദ്ര സമ്പ്രദായത്തിലെ ആരും ഇല്ല. ആര് ബ്രാഹ്മണനല്ലയോ അവരെ ശൂദ്രന് എന്നാണ് പറയുക. അവരുടെ കൂട്ടുകെട്ട് ഇവിടെ ഇല്ല. ഇവിടെ ബ്രാഹ്മണരുടെ കൂട്ടുകെട്ടാണ് ഉള്ളത്. ബ്രാഹ്മണരായ കുട്ടികള്ക്കറിയാം ശിവബാബ ബ്രഹ്മാബാബയിലൂടെ നമ്മളെ നരകവാസിയില് നിന്നും സ്വര്ഗ്ഗത്തിന്റെ രാജധാനിയുടെ അധികാരിയാക്കാനാണ് വന്നിരിക്കുന്നത്. ഇപ്പോള് പതിതരായതു കൊണ്ട് നമ്മള് അധികാരികള് അല്ല. നമ്മള് പാവനമായിരുന്നു പിന്നീട് 84 ജന്മങ്ങളുടെ ചക്രം കറങ്ങി സതോ രജോ തമോവിലേക്ക് വന്നു. ഏണിപ്പടിയില് 84 ജന്മങ്ങളുടെ കണക്ക് കാണിച്ചിട്ടുണ്ടല്ലോ. ബാബയിരുന്ന് കുട്ടികള്ക്ക് മനസ്സിലാക്കി തരുകയാണ്. ഏത് കുട്ടികളെയാണോ ആദ്യമാദ്യം കാണുന്നത് അവരായിരിക്കും ആദ്യമാദ്യം സത്യയുഗത്തിലും വരിക. നിങ്ങള് 84 ജന്മങ്ങള് എടുത്തവരാണ്. രചയിതാവിന്റേയും രചനയുടേയും മുഴുവന് ജ്ഞാനവും ഒരു ബാബയുടെ അടുത്താണ് ഉള്ളത്. ബാബയാണ് മനുഷ്യ സൃഷ്ടിയുടെ ബീജരൂപന്. ഈ സൃഷ്ടിയുടെ ഉത്പത്തി, പാലന, വിനാശം ഇതെല്ലാം എങ്ങനെ നടക്കുന്നു എന്നതും ബീജത്തില് ഉണ്ടാകുമല്ലോ. ഇതും ബാബയാണ് മനസ്സിലാക്കി തരുന്നത്. ഇപ്പോള് നിങ്ങള്ക്കറിയാം ഭാരതവാസികള് ദരിദ്രരാണ്. എപ്പോള് ദേവി ദേവതകളായിരുന്നോ അപ്പോള് എത്ര ധനവാനായിരുന്നു. വജ്രങ്ങള് കൊണ്ട് കളിക്കുമായിരുന്നു. വജ്രങ്ങള് കൊണ്ട് നിര്മ്മിച്ച കൊട്ടാരങ്ങളില് ജീവിച്ചിരുന്നു. ഇപ്പോള് ബാബ സ്മൃതി ഉണര്ത്തി തരുകയാണ് എങ്ങനെയാണ് നിങ്ങള് 84 ജന്മങ്ങള് എടുത്തത് എന്ന്. വിളിക്കുന്നുണ്ട് - ഹേ പതിത പാവനാ, ദരിദ്രരുടെ നാഥനായ ബാബാ വരൂ. ഞങ്ങള് ദരിദ്രരെ വീണ്ടും സ്വര്ഗ്ഗത്തിന്റെ അധികാരിയാക്കി മാറ്റു. സ്വര്ഗ്ഗത്തില് അളവറ്റ സുഖമുണ്ടായിരുന്നു, ഇപ്പോഴാണെങ്കില് അളവില്ലാത്ത ദുഖമാണ്. കുട്ടികള്ക്കറിയാം ഇപ്പോള് എല്ലാവരും പൂര്ണ്ണമായും പതിതരായി മാറിയിരിക്കുകയാണ്. ഇപ്പോള് കലിയുഗത്തിന്റെ അവസാനമാണ് പിന്നീട് സത്യയുഗം വേണമല്ലോ. ആദ്യം ഭാരതത്തില് ഒരു ആദി സനാതന ദേവി ദേവതാ ധര്മ്മമുണ്ടായിരുന്നു, അത് ഇപ്പോള് പ്രായ ലോപമായി അതോടൊപ്പം എല്ലാവരും സ്വയത്തെ ഹിന്ദുവെന്ന് പറയാനും തുടങ്ങി. ഈ സമയത്ത് ക്രിസ്ത്യന്സും ധാരാളമായിരിക്കുന്നു, എന്തുകൊണ്ടെന്നാല് ഹിന്ദു ധര്മ്മത്തിലുള്ളവര് ധാരാളം അതിലേക്ക് പരിവര്ത്തനപ്പെട്ടു. നിങ്ങള് ദേവി ദേവതകളുടെ യഥാര്ത്ഥത്തിലുള്ള കര്മ്മം ശ്രേഷ്ഠമായിരുന്നു. നിങ്ങള് പവിത്രമായ പ്രവൃത്തി മാര്ഗ്ഗത്തിലായിരുന്നു. ഇപ്പോള് രാവണ രാജ്യത്തില് പതിതമായ പ്രവൃത്തി മാര്ഗ്ഗത്തിലുള്ളവരായി, അതിനാലാണ് ദുഖികളായത്. സത്യയുഗത്തെ ശിവാലയം എന്നാണ് പറയുക. ശിവബാബയാല് സ്ഥാപിക്കപ്പെട്ട സ്വര്ഗ്ഗം. ബാബ പറയുന്നു ഞാന് വന്ന് നിങ്ങളെ ശൂദ്രനില് നിന്നും ബ്രാഹ്മണനാക്കി സൂര്യവംശി ചന്ദ്രവംശി രാജധാനിയുടെ സമ്പത്ത് തരുകയാണ്. ഇത് ബാപ്ദാദയാണ്, ഇതൊരിക്കലും മറക്കരുത്. ശിവബാബ ബ്രഹ്മാബാബയിലൂടെ നമ്മളെ സ്വര്ഗ്ഗത്തിന്റെ അവകാശികളാക്കി മാറ്റുകയാണ് എന്തുകൊണ്ടെന്നാല് പതിതമായ ആത്മാവിന് മുക്തിധാമത്തിലേക്ക് പോകാന് സാധിക്കില്ല. ഇപ്പോള് ബാബ പറയുകയാണ് ഞാന് വന്ന് നിങ്ങള്ക്ക് പാവനമാകുന്നതിനുള്ള വഴിയാണ് പറഞ്ഞു തരുന്നത്. ഞാന് നിങ്ങളെ സ്വര്ഗ്ഗത്തിന്റെ അധികാരികളും കോടിപതികളാക്കിയുമാണ് പോയിരുന്നത്, തീര്ച്ചയായും നിങ്ങളുടെ സ്മൃതിയില് ഇത് ഉണ്ട് നിങ്ങള് സ്വര്ഗ്ഗത്തിന്റെ അധികാരികളായിരുന്നു. ആ സമയത്ത് നിങ്ങള് കുറച്ച് പേരെ ഉണ്ടാവുകയുള്ളു. ഇപ്പോഴാണെങ്കില് എത്ര മനുഷ്യരാണ്. സത്യയുഗത്തില് 9 ലക്ഷമാണ് ജനസംഖ്യ ഉണ്ടാവുക, അതിനാല് ബാബ പറയുകയാണ് ഞാന് ബ്രഹ്മാവിലൂടെ സ്വര്ഗ്ഗത്തിന്റെ സ്ഥാപനയും, ശങ്കരനിലൂടെ വിനാശവും ചെയ്യും. തയ്യാറെടുപ്പുകള് നടത്തിക്കൊണ്ടിരിക്കുകയാണ്, കല്പം മുമ്പത്തേതു പോലെ. എത്ര ബോംബുകളാണ് ഉണ്ടാക്കി കൊണ്ടിരിക്കുന്നത്. 5000 വര്ഷങ്ങള്ക്ക് മുമ്പും മഹാഭാരത യുദ്ധം നടന്നിട്ടുണ്ട്. ഭഗവാന് വന്ന് രാജയോഗം പഠിപ്പിച്ച് മനുഷ്യരെ ദേവതയാക്കി മാറ്റിയിട്ടുണ്ട്. അതിനാല് തീര്ച്ചയായും കലിയുഗി പഴയ ലോകത്തിന് വിനാശം ഉണ്ടാകണമല്ലോ. മുഴുവന് വൈക്കോല് കൂനക്കും തീ പിടിക്കും. ഇല്ലെങ്കില് എങ്ങനെയാണ് വിനാശം ഉണ്ടാവുക? ഇന്നുകാലത്ത് ബോംബുകളില് തീയും നിറക്കുന്നുണ്ട്. മിസൈലുകളുടെ മഴ പെയ്യും, ഭൂമികുലുക്കമെല്ലാം ഉണ്ടാകും അപ്പോഴല്ലേ വിനാശം ഉണ്ടാവുകയുള്ളു. പഴയ ലോകത്തിന്റെ വിനാശവും, പുതിയ ലോകത്തിന്റെ സ്ഥാപനയും നടക്കും. ഇത് സംഗമയുഗമാണ്. രാവണരാജ്യത്തിന് മരിക്കുകയും വേണം രാമരാജ്യം വിജയിക്കുകയും ചെയ്യും. പുതിയ ലോകം കൃഷ്ണന്റെ രാജ്യമായിരുന്നു. ലക്ഷ്മി നാരായണനു പകരം കൃഷ്ണന്റെ പേരാണ് പറയാറുള്ളത് എന്തുകൊണ്ടെന്നാല് സുന്ദരനാണ് കൃഷ്ണന്, ഏറ്റവും സ്നേഹി കുട്ടിയായിരിക്കും. ഇതൊന്നും മനുഷ്യര്ക്കറിയില്ല. കൃഷ്ണന് വേറെ രാജധാനിയിലേയും, രാധ വേറെ രാജധാനിയിലേയും ആയിരുന്നു. ഭാരതം കിരീടധാരിയായിരുന്നു. ഇപ്പോഴാണെങ്കില് ദരിദ്രമാണ്. വീണ്ടും ബാബ വന്ന് കിരീടധാരിയാക്കി മാറ്റുകയാണ്. ഇപ്പോള് ബാബ പറയുകയാണ് പവിത്രമാകൂ അതോടൊപ്പം മനസ്സുകൊണ്ട് എന്നെ ഓര്മ്മിക്കു എങ്കില് നിങ്ങള് സതോപ്രധാനമാകും. പിന്നീട് ആരാണോ സേവനം ചെയ്ത് തനിക്കു സമാനമാക്കി മാറ്റുന്നത് അവര് ഉയര്ന്ന പദവി നേടും. ഇരട്ടക്കിരീടധാരിയാകും. സത്യയുഗത്തില് രാജാവും റാണിയും പ്രജയും എല്ലാവരും പവിത്രമായിരുന്നു. ഇപ്പോഴാണെങ്കില് പ്രജ ഭരിക്കുന്ന രാജ്യമാണ്. രണ്ട് കിരീടവും ഇല്ല. ബാബ പറയുകയാണ് എപ്പോഴാണോ ഇങ്ങനെയുള്ള അവസ്ഥ വരുന്നത് അപ്പോള് ഞാന് വരും. ഇപ്പോള് ഞാന് നിങ്ങള് കുട്ടികള്ക്ക് രാജയോഗം പഠിപ്പിച്ചു തരുകയാണ്. ഞാനാണ് പതിത പാവനന്. ഇപ്പോള് നിങ്ങള് എന്നെ ഓര്മ്മിക്കു എങ്കില് നിങ്ങളുടെ ഉള്ളിലെ കറ ഇല്ലാതാകും. പിന്നെ സതോപ്രധാനമാകും. ഇപ്പോള് ശ്യാമനില് നിന്നും സുന്ദരനാകണം. സ്വര്ണ്ണത്തില് ക്ലാവ് പിടിച്ചാല് അത് കറുത്ത് പോകും അതിനാല് ഇപ്പോള് ക്ലാവിനെ ഇല്ലാതാക്കണം. പരിധിയില്ലാത്ത ബാബ പറയുകയാണ് നിങ്ങള് കാമ ചിതയില് ഇരുന്ന് കറുത്ത് പോയിരിക്കുകയാണ്, ഇപ്പോള് ജ്ഞാന ചിതയില് ഇരിക്കൂ അതോടൊപ്പം എല്ലാറ്റില് നിന്നും മമത്വം ഇല്ലാതാക്കണം. നിങ്ങള്എന്റെ പ്രിയതമകളാണ്. ഭക്തര് എല്ലാവരും ഭഗവാനെയല്ലേ ഓര്മ്മിക്കുന്നത്. സത്യ-ത്രേതാ യുഗങ്ങളില് ഭക്തി ഉണ്ടാകില്ല. അവിടെ ജ്ഞാനത്തിന്റെ പ്രാലബ്ധമായിരിക്കും. ബാബ വന്ന് ജ്ഞാനത്തിലൂടെ രാത്രിയെ പകലാക്കുകയാണ്. അല്ലാതെ ശാസ്ത്രം പഠിച്ചതിലൂടെ പകലിലേക്ക് വരും എന്നല്ല. അതെല്ലാം ഭക്തിയുടെ സാമഗ്രികളാണ്. ജ്ഞാന സാഗരനും പതിത പാവനനും ഒരു ബാബയെ ഉള്ളു, ഈ ബാബ വന്ന് തന്റെ കുട്ടികള്ക്ക് സൃഷ്ടി ചക്രത്തിന്റെ ജ്ഞാനം നല്കി യോഗം അഭ്യസിപ്പിക്കുകയാണ്. ഈശ്വരനോടൊപ്പം യോഗം വെക്കുന്നവര് യോഗ യോഗേശ്വരനാകും പിന്നീട് രാജ രാജേശ്വരനാകും, രാജ രാജേശ്വരിയാകും. നിങ്ങള് ഈശ്വരനിലൂടെ രാജാക്കന്മാരുടേയും രാജാവാകുകയാണ്. ആരാണോ പാവനമായ രാജാക്കന്മാര് അവര് തന്നെയാണ് പതിതരായത്. സ്വയം പൂജ്യനും പിന്നീട് പൂജാരിയുമാകുന്നു. ഇപ്പോള് എത്ര കഴിയുമോ ഓര്മ്മയുടെ യാത്രയിലിരിക്കു. ഏതുപോലെയാണോ പ്രിയതമന് പ്രിയതമയെ ഓര്മ്മിക്കുന്നത് അതു പോലെ. ഏതുപോലെയാണോ വിവാഹനിശ്ചയം കഴിയുന്നതോടെ പരസ്പരം രണ്ടു പേരും ഓര്മ്മിക്കുമല്ലോ. എന്നാല് ബാബയാകുന്ന പ്രിയതമന് ഭക്തിയില് ധാരാളം പ്രിയതമകളുണ്ട്. എല്ലാവരും ദുഖത്തില് ബാബയെ ഓര്മ്മിക്കുന്നുണ്ട്-അല്ലയോ ഭഗവാനെ ഞങ്ങളുടെ ദുഖത്തെ ഇല്ലാതാക്കി സുഖം തരൂ എന്ന്. ഇവിടെയാണെങ്കില് ശാന്തിയുമില്ല, സുഖവുമില്ല. സത്യയുഗത്തില് ഇത് രണ്ടും ഉണ്ടാകും.

ഇപ്പോള് നിങ്ങള്ക്കറിയാം ആത്മാവ് എങ്ങനെയാണ് 84 ജന്മങ്ങളുടെ പാര്ട്ട് അഭിനയിക്കുന്നത്. ബ്രാഹ്മണന്, ദേവത, ക്ഷത്രിയന് വൈശ്യന്, ശൂദ്രനായി തീരുന്നു. 84 ജന്മങ്ങളുടെ ഏണിപ്പടി ബുദ്ധിയിലില്ലേ. ഇപ്പോള് എത്ര കഴിയുമോ ബാബയെ ഓര്മ്മിക്കണം അതിലൂടെ പാപം മുറിഞ്ഞു പോകണം. കര്മ്മം ചെയ്യുമ്പോഴും ബുദ്ധിയില് ബാബയുടെ ഓര്മ്മ ഉണ്ടായിരിക്കണം. ബാബയില് നിന്നും നമ്മള് സ്വര്ഗ്ഗത്തിന്റെ സമ്പത്ത് നേടുകയാണ്. ബാബയേയും സമ്പത്തിനേയും ഓര്മ്മിക്കണം. ഓര്മ്മയിലൂടെ മാത്രമേ പാപം മുറിയുകയുള്ളൂ. എത്രത്തോളം ഓര്മ്മയിലിരിക്കുന്നോ അത്രയും പവിത്രതയുടെ പ്രകാശം വരും. കറ ഇല്ലാതാവുകയും ചെയ്യും. എത്ര കഴിയുമോ കുട്ടികള് സമയം കണ്ടുപിടിച്ച് ഓര്മ്മയില് ഇരിക്കാനുള്ള ഉപായം കണ്ടുപിടിക്കണം. അതിരാവിലെ നല്ല സമയം നിങ്ങള്ക്ക് കിട്ടും. ഇതിനുള്ള പുരുഷാര്ത്ഥം ചെയ്യണം. ഗൃഹസ്ഥ വ്യവഹാരത്തില് ഇരുന്നോളു, കുട്ടികളുടെ സംരക്ഷണം ചെയ്തോള്ളൂ പക്ഷെ ഈ അന്തിമ ജന്മം പവിത്രമായിരിക്കണം. കാമചിതയില് ഇരിക്കരുത്. ഇപ്പോള് നിങ്ങള് ജ്ഞാന ചിതയിലാണ് ഇരിക്കുന്നത്. ഈ പഠിപ്പ് വളരെ ഉയര്ന്നതാണ്, ഇതിന് ബുദ്ധി സ്വര്ണ്ണ പാത്രമായിരിക്കണം. ഓര്മ്മയില് ഇരിക്കുന്നില്ലെങ്കില് അത് ഇരുമ്പിന്റെ പാത്രമായി തീരും. ബാബയെ ഓര്മ്മിക്കുന്നതിലൂടെ സ്വര്ഗ്ഗത്തിന്റെ അധികാരിയായി തീരും. ഇത് വളരെ സഹജമാണ്. ഇതില് മുഖ്യമായത് പവിത്രതയാണ്. ഓര്മ്മയിലൂടെയാണ് പവിത്രമാകുന്നത് അതോടൊപ്പം സൃഷ്ടി ചക്രത്തെ ഓര്മ്മിക്കുന്നതിലൂടെ സ്വര്ഗ്ഗത്തിന്റെ അധികാരിയാകും. നിങ്ങള്ക്ക് വീടൊന്നും ഉപേക്ഷിക്കേണ്ട ആവശ്യമില്ല. ഗൃഹസ്ഥ വ്യവഹാരത്തില് ഇരിക്കണം. ബാബ പറയുകയാണ് 63 ജന്മങ്ങളായി നിങ്ങള് പതിത ലോകത്തിലാണ് ജീവിക്കുന്നത്. ഇപ്പോള് ശിവാലയം അമരലോകത്തിലേക്ക് പോകുന്നതിന് വേണ്ടി നിങ്ങള്ക്ക് ഈ ഒരു ജന്മം പവിത്രമായി മാറുന്നതില് എന്താണ് കുഴപ്പം. വളരെയധികം സമ്പാദ്യമുണ്ടാകും. 5 വികാരങ്ങളുടെ മുകളില് വിജയം നേടണം അപ്പോഴെ ജഗത്ജീത്താകു. ഇല്ലെങ്കില് പദവി പ്രാപ്തമാക്കാന് സാധിക്കില്ല. ബാബ പറയുകയാണ് എല്ലാവര്ക്കും മരിക്കുക തന്നെ വേണം. ഇത് അന്തിമ ജന്മമാണ് പിന്നീട് നിങ്ങള് പുതിയ ലോകത്തിലേക്ക് പോയി രാജ്യം ഭരിക്കും. വജ്രങ്ങളുടേയും രത്നങ്ങളുടേയും ഖജനാവുകള് നിറഞ്ഞിരിക്കും. അവിടെ നിങ്ങള് വജ്രങ്ങളും രത്നങ്ങളും കൊണ്ട് കളിക്കും. അതിനാല് ഇങ്ങനെയുള്ള അച്ഛന്റെ കുട്ടിയായിട്ടുണ്ടങ്കില് ആ അച്ഛന്റെ നിര്ദ്ദേശത്തിന് അനുസരിച്ച് നടക്കണം. ശ്രീമത്തിലൂടെയാണ് നിങ്ങള് ശ്രേഷ്ഠരാകുന്നത്. രാവണന്റെ നിര്ദേശത്തിലൂടെ നിങ്ങള് ഭ്രഷ്ടാചാരിയായി മാറുകയാണ് ചെയ്തത്. ഇപ്പോള് ബാബയുടെ ശ്രീമത്തിലൂടെ നടന്ന് തമോപ്രധാനത്തില് നിന്നും സതോപ്രധാനമാകണം. ബാബയെ ഓര്മ്മിക്കു വേറെ ഒരു ബുദ്ധിമുട്ടും ബാബ തരുന്നില്ല. ഭക്തി മാര്ഗ്ഗത്തില്ധാരാളം ബുദ്ധിമുട്ടുകള് അനുഭവിച്ചവരാണ് നിങ്ങള്. ഇപ്പോള് കേവലം ബാബയേയും സൃഷ്ടി ചക്രത്തേയും ഓര്മ്മിക്കൂ. സ്വദര്ശന ചക്രധാരിയാകൂ എങ്കില് നിങ്ങള് 21 ജന്മങ്ങളിലേക്ക് ചക്രവര്ത്തിയാകും. അനേക തവണ നിങ്ങള് നേടുകയും ചെയ്തിട്ടുണ്ട് അതുപോലെ നഷ്ടപ്പെടുത്തുകയും ചെയ്തിട്ടുണ്ട്. അരകല്പം സുഖമാണെങ്കില് അടുത്ത അരകല്പം ദുഖവുമായിരിക്കും. ബാബ പറയുകയാണ് ഞാന് കല്പ കല്പം സംഗമത്തിലാണ് വരുന്നത്. നിങ്ങളെ സുഖധാമത്തിന്റെ അധികാരിയാക്കി മാറ്റും. ഇപ്പോള് നിങ്ങള്ക്ക് സ്മൃതി വന്നിരിക്കുന്നു, നമ്മള് എങ്ങനെയാണ് ചക്രം കറങ്ങിയത് എന്ന്. ഈ ചക്രത്തെ തന്റെ ബുദ്ധിയില് വെക്കണം. ബാബയാണ് ജ്ഞാനസാഗരന്. നിങ്ങള് ഇവിടെ പരിധിയില്ലാത്ത ബാബയുടെ അടുത്താണ് ഇരിക്കുന്നത്. ഉയര്ന്നതിലും ഉയര്ന്ന ഭഗവാന് പ്രജാപിതാ ബ്രഹ്മാവിലൂടെ നിങ്ങള്ക്ക് സമ്പത്ത് നല്കുകയാണ്. അതിനാല് ഇപ്പോള് വിനാശം നടക്കുന്നതിന് മുമ്പ് ബാബയെ ഓര്മ്മിക്കൂ, പവിത്രമാകൂ. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) നിരന്തരം ബാബയുടെ ഓര്മ്മയില് കഴിയുന്നതിനു വേണ്ടി ബുദ്ധിയെ സ്വര്ണ്ണ പാത്രമാക്കി മാറ്റണം. കര്മ്മം ചെയ്യുമ്പോഴും ബാബയുടെ ഓര്മ്മ ഉണ്ടാകണം, ഓര്മ്മയിലൂടെയാണ് പവിത്രതയുടെ പ്രകാശം വരുന്നത്.

2) ഒരിക്കലും മുരളി മുടക്കരുത്. ഡ്രാമയുടെ രഹസ്യത്തെ നല്ല രീതിയില് മനസ്സിലാക്കണം. ഭട്ഠിയില് ഇരിക്കുമ്പോള് പുറത്തുള്ള ഒരു കാര്യത്തിന്റേയും ഓര്മ്മ വരരുത്.

വരദാനം :-
സ്വയത്തില് ബാപ്ദാദയെ അര്പ്പണം ചെയ്യിപ്പിക്കുന്നവരായ ത്യാഗമൂര്ത്തിയും നിശ്ചയ ബുദ്ധിയുമായി ഭവിക്കട്ടെ.

ڇബാബയെ കിട്ടി, എല്ലാം കിട്ടിڈ, ഈ ലഹരിയില് എല്ലാം ത്യാഗം ചെയ്യുന്നവരായ ജ്ഞാനസ്വരൂപരും നിശ്ചയ ബുദ്ധികളുമായ കുട്ടികള്, ബാബയിലൂടെ സന്തോഷത്തിന്റെയും ശാന്തിയുടെയും ശക്തിയുടെയും സുഖത്തിന്റെയും അനുഭൂതി ചെയ്യുമ്പോള് നാട്ടുമര്യാദകളുടെ പോലും ഉല്ക്കണ്ഠയില്ലാതെ സദാ ചുവടുകള് മുന്നോട്ട് വെക്കുന്നു. അവര്ക്ക് ലോകത്തിലെ എല്ലാം തന്നെ തുച്ഛവും സാരമില്ലാത്തതുമാണെന്ന അനുഭവം തോന്നുന്നു. അങ്ങിനെയുള്ള ത്യാഗമൂര്ത്തിയും നിശ്ചയബുദ്ധികളുമായ കുട്ടികള്ക്കുമേല് ബാപ്ദാദ തന്റെ സര്വ്വ സമ്പത്തുക്കളും സഹിതം സമര്പ്പണമാകുന്നു. കുട്ടികള് സങ്കല്പ്പം ചെയ്യുന്നു, ബാബാ ഞങ്ങള് അങ്ങയുടേതാണ്, അതേപോലെ ബാബയും പറയുന്നു, എന്താണോ ബാബയുടേത് അതെല്ലാം കുട്ടികളുടേതുമാണ്.

സ്ലോഗന് :-
തന്റെ ഓരോ സങ്കല്പ്പത്തിലൂടെയും കര്മ്മത്തിലൂടെയും ബാബയുടെ സ്നേഹത്തിന്റെ വൈബ്രേഷന് പരത്തുന്നവരാണ് സഹജയോഗികള്.