01.04.2021           Morning Malayalam Murli       Om Shanti           BapDada Madhuban


മധുരമായ കുട്ടികളെ, നിങ്ങള് ഈശ്വരീയ വിമോചന സേനയാണ്. നിങ്ങള് എല്ലാവര്ക്കും സദ്ഗതി നല്കണം, എല്ലാവരുടേയും പ്രീതി ഒരു ബാബയുമായി കൂട്ടിച്ചേര്ക്കണം.

ചോദ്യം :-
മനുഷ്യര് തങ്ങളുടെ ബുദ്ധി ഏത് കാര്യത്തിലാണ് ഉപയോഗിക്കുന്നത്, നിങ്ങള് നിങ്ങളുടെ ബുദ്ധി എവിടെയാണ് ഉപയോഗിക്കേണ്ടത്?

ഉത്തരം :-
മനുഷ്യര് അവരുടെ ബുദ്ധി ആകാശത്തിന്റെയും മുഴുവന് സൃഷ്ടിയുടെയും അറ്റം കണ്ടുപിടിക്കാനാണ് ഉപയോഗിക്കുന്നത്. എന്നാല് ഇതിലൂടെ ഒരു ലാഭവുമില്ല. ഇതിന്റെ അറ്റം കണ്ടുപിടിക്കാന് സാധിക്കില്ല. നിങ്ങള് കുട്ടികള് നിങ്ങളുടെ ബുദ്ധി പൂജ്യരായി മാറുന്നതിന് വേണ്ടിയാണ് ഉപയോഗിക്കുന്നത്. അവരെ ലോകര് പൂജിക്കുന്നില്ല. നിങ്ങള് കുട്ടികള് പൂജ്യരായ ദേവതകളായി മാറുന്നു.

ഗീതം :-
അങ്ങയെ നേടിയ ഞങ്ങള് ഈ മുഴുവന് ലോകത്തേയും നേടിക്കഴിഞ്ഞു......

ഓംശാന്തി.
കുട്ടികള് മനസ്സിലാക്കികഴിഞ്ഞു ഇത് ജ്ഞാനമാര്ഗ്ഗമാണ്. മറ്റേത് ഭക്തിമാര്ഗ്ഗമാണ്. ഇപ്പോള് ചോദ്യം ഉയരുന്നതിതാണ്-ഭക്തിമാര്ഗ്ഗമാണോ നല്ലത് അതോ ജ്ഞാനമാര്ഗ്ഗമാണോ നല്ലത്? രണ്ടും രണ്ടല്ലേ! പറയാറുണ്ട്-ജ്ഞാനത്തിലൂടെയാണ് സദ്ഗതിയുണ്ടാകുന്നത്. ഭക്തിയും ജ്ഞാനവും രണ്ടും വ്യത്യസ്തമാണെന്ന് തീര്ച്ചയായും അവര് പറയും. മനുഷ്യര് മനസ്സിലാക്കുന്നു ഭക്തി ചെയ്യുന്നതിലൂടെ ജ്ഞാനം ലഭിക്കും അപ്പോള് സദ്ഗതിയുണ്ടാകുന്നു. ഭക്തിയുടെ മദ്ധ്യത്തില് ജ്ഞാനത്തിന് വരാന് സാധിക്കില്ല. ഭക്തി എല്ലാവര്ക്കും വേണ്ടിയാണ്, അതേപോലെ ജ്ഞാനവും എല്ലാവര്ക്കും വേണ്ടിയാണ്. ഈ സമയം കലിയുഗത്തിന്റെ അവസാനമാണ്. അതിനാല് തീര്ച്ചയായും എല്ലാവരുടെയും ദുര്ഗതിയാണ്. അതുകൊണ്ട് വിളിക്കുന്നുമുണ്ട് പാടുന്നുമുണ്ട്-മറ്റെല്ലാ സംഗവും ഉപേക്ഷിച്ച് ഇപ്പോള് ബാബയുടെ സംഗത്തിലേക്ക് ചേര്ക്കണം. ഇപ്പോള് ഭഗവാന് ആരാണ്? ആരുടെ സംഗവുമായാണ് ചേര്ക്കേണ്ടത്? ഇത് മനസ്സിലാക്കുന്നില്ല. ഞങ്ങളുടെ സത്യമായ പ്രീതി അങ്ങയോടൊപ്പം യോജിപ്പിക്കും എന്ന് സാധാരണയായി എല്ലാവരുടെയും ബുദ്ധി കൃഷ്ണനിലേക്ക് പോകുന്നു. കൃഷ്ണനോട് തന്നെയാണ് പ്രീതി യോജിപ്പിക്കുന്നതെങ്കില് ഗുരുക്കന്മാരുടെയൊന്നും ആവശ്യമേയില്ല. അപ്പോള് കൃഷ്ണനെ തന്നെ ഓര്മ്മിക്കണം. കൃഷ്ണന്റെ ചിത്രം എല്ലാവരുടെയും പക്കലുണ്ട്. കൃഷ്ണ ജയന്തിയും ആഘോഷിക്കുന്നുണ്ട്. പിന്നെ മറ്റാരുടെയും അടുത്തേക്ക് പോകേണ്ട ആവശ്യവുമില്ല. മീര ഒന്നുമായി മാത്രം കൂട്ട് കൂടിയതുപോലെ. ജോലി കാര്യങ്ങളെല്ലാം ചെയ്തുകൊണ്ടും കൃഷ്ണനെ തന്നെയാണ് ഓര്മ്മിച്ചുകൊണ്ടിരുന്നത്. വീട്ടില് ഇരിക്കുകയും കര്മ്മം ചെയ്യുകയും കഴിക്കുകയും കുടിക്കുകയുമെല്ലാം ചെയ്യുമല്ലോ. അപ്പോഴെല്ലാം സത്യമായ പ്രീതി ഒരു കൃഷ്ണനുമായി വെച്ചു. പ്രിയതമനെയും പ്രിയതമയെയും പോലെ. കൃഷ്ണനെ ഓര്മ്മിക്കുന്നതിലൂടെ ഫലവും ലഭിക്കുന്നു. കൃഷ്ണനെ എല്ലാവര്ക്കും അറിയാം. ഇങ്ങനെയൊരു മഹിമയുമുണ്ട്-മറ്റെല്ലാ സംഗത്തില് നിന്നും ബുദ്ധിയോഗത്തെ അകറ്റി സത്യമായ പ്രീതി ഞങ്ങള് അങ്ങയോടൊപ്പം യോജിപ്പിക്കും. ഇപ്പോള് ഉയര്ന്നതിലും വെച്ച് ഉയര്ന്നതും സത്യമായതും പരമപിതാവു തന്നെയാണ്. എല്ലാവര്ക്കും സമ്പത്ത് നല്കുന്നത് ഒരേയൊരു അച്ഛന് തന്നെയാണ്. എന്നാല് അച്ഛനെ ആര്ക്കും അറിയില്ല. പരമപിതാ പരമാത്മാ ശിവനെന്ന് പറയുന്നുണ്ടെങ്കിലും എപ്പോഴാണ് വരുന്നതെന്ന് അറിയില്ല. ശിവജയന്തിയുണ്ടാകുന്നുണ്ടെങ്കില് തീര്ച്ചയായും വരുന്നുണ്ടായിരിക്കും. എപ്പോള് എങ്ങനെയാണ് വരുന്നത്? എന്താണ് ചെയ്യുന്നത്? എന്ന് ആര്ക്കും അറിയില്ല. സര്വ്വരുടെയും സദ്ഗതി ചെയ്യുന്നു എന്ന് ഒരു മനുഷ്യര്ക്കും അറിയില്ല. എന്നാല് എങ്ങനെയാണ് ചെയ്യുന്നത്? സദ്ഗതിയുടെ അര്ത്ഥമെന്താണ്! ഒന്നും മനസ്സിലാക്കുന്നില്ല. ശിവബാബ തീര്ച്ചയായും സ്വര്ഗ്ഗത്തിന്റെ ചക്രവര്ത്തി പദവി നല്കിയിട്ടുണ്ടായിരിക്കും. ഈ ധര്മ്മത്തിലുണ്ടായിരുന്ന കുട്ടികള്ക്ക് തന്നെ ഇതറിയില്ല. മറന്നുപോയിരിക്കുന്നു അപ്പോള് മറ്റുള്ളവര് എങ്ങനെ മനസ്സിലാക്കും. ഇപ്പോള് ശിവബാബയിലൂടെ നിങ്ങള് അറിഞ്ഞ് മറ്റുള്ളവര്ക്ക് പറഞ്ഞുകൊടുക്കുന്നു. നിങ്ങള് ഈശ്വരീയ മുക്തിസേനയാണ്. മുക്തി നല്കുന്ന സേനയെന്ന് പറഞ്ഞാലും ശരി, സദ്ഗതി നല്കുന്ന സേനയെന്ന് പറഞ്ഞാലും ശരി. ഇപ്പോള് നിങ്ങള് കുട്ടികളില് ഉത്തരവദിത്വമുണ്ട്. നിങ്ങള്ക്ക് ചിത്രങ്ങള് വെച്ചും മനസ്സിലാക്കികൊടുക്കാന് സാധിക്കും. ഭാഷകള് ഒരുപാടുണ്ട്. മുഖ്യ ഭാഷകളിലെല്ലാം ചിത്രങ്ങളുണ്ടാക്കണം. ഭാഷകളുടെയും പ്രശ്നമുണ്ട്. അതിനാല് പ്രദര്ശിനിയും ഉണ്ടാക്കണം. ചിത്രങ്ങളില് മനസ്സിലാക്കിക്കൊടുക്കുന്നത് വളരെ സഹജമായിരിക്കും. സൃഷ്ടി ചക്രത്തിലും മുഴുവന് ജ്ഞാനമുണ്ട്. ഏണിപ്പടി കേവലം ഭാരതവാസികള്ക്കു വേണ്ടിയാണ്. ഇതില് മറ്റൊരു ധര്മ്മത്തെക്കുറിച്ചുമില്ലല്ലോ. അതുകൊണ്ടുതന്നെ ഭാരതം അല്പം തമോപ്രധാനമായി മാറുമ്പോള് മറ്റു ധര്മ്മങ്ങളൊന്നും ആകുന്നില്ല. എല്ലാവരും തമോപ്രധാനമായി മാറുന്നുണ്ട്. അപ്പോള് അവര്ക്ക് വേണ്ടുന്ന രീതിയിലും മനസ്സിലാക്കി കൊടുക്കണം. ഇങ്ങനെയെല്ലാം ബുദ്ധിയില് സേവനത്തിനുള്ള ചിന്ത വരണം. രണ്ടച്ഛന്റെ രഹസ്യവും മനസ്സിലാക്കികൊടുക്കണം. സമ്പത്ത് രചയിതാവില് നിന്നാണ് ലഭിക്കുന്നത്. ലക്ഷ്മീ-നാരായണന് ഭാരതത്തിലെ ആദ്യത്തെ മഹാരാജാവും മഹാറാണിയുമായിരുന്നു അഥവാ ഭഗവാന് ഭഗവതിയായിരുന്നു എന്ന് എല്ലാ ധര്മ്മത്തിലുള്ളവര്ക്കും അറിയാം. ശരി, അവര്ക്ക് ഈ സ്വര്ഗ്ഗമാകുന്ന രാജ്യം എവിടുന്ന് ലഭിച്ചു? തീര്ച്ചയായും ഭഗവാനിലൂടെയായിരിക്കും ലഭിച്ചിട്ടുണ്ടായിരിക്കുക. എങ്ങനെ എപ്പോള് ലഭിച്ചു എന്ന് ആര്ക്കും അറിയില്ല. ഗീതയില് കൃഷ്ണന്റെ പേര് വെച്ച് പിന്നീട് പ്രളയം കാണിച്ചിരിക്കുന്നു. പക്ഷേ ഫലമൊന്നുമില്ല. ഇത് നിങ്ങള് കുട്ടികള്ക്ക് മനസ്സിലാക്കിക്കൊടുക്കണം. ചിത്രങ്ങളാണെങ്കില് എല്ലാ വിധത്തിലുമുണ്ട്. ലക്ഷ്മീ-നാരായണന്റെ ചിത്രങ്ങളുമുണ്ട്. ഒരുപക്ഷെ രൂപവും വേഷവുമെല്ലാം വ്യത്യസ്തമായിരിക്കും. ആര്ക്ക് എന്ത് തോന്നിയോ ആ രീതിയില് ഉണ്ടാക്കി. ശ്രീനാഥനും ശ്രീനാഥിനിയും ഈ രാധയും കൃഷ്ണനുമല്ലേ. ശ്രീരാധയും ശ്രീകൃഷ്ണനൊന്നും കിരീടധാരിയല്ല. കറുത്തവരുമല്ല. ലക്ഷ്മീ-നാരായണന്റെ രാജധാനിയാണ്. അല്ലാതെ രാധയുടെയും കൃഷ്ണന്റെയുമല്ല. അനേക പ്രകാരത്തിലുള്ള ക്ഷേത്രങ്ങളുണ്ടാക്കിയിട്ടുണ്ട്, എന്നാല് എല്ലാത്തിനും ലക്ഷ്മീ-നാരായണന് എന്ന ഒരു പേരു മാത്രമെ വെക്കൂ. ലക്ഷ്മീ-നാരായണന്റെ രാജധാനി എന്നാണ് പറയുന്നത്. സീതാ രാമന്റെയും, രാധാ കൃഷ്ണന്റെയും കുലമൊന്നുമില്ല. ഈ കാര്യങ്ങളൊന്നും മനുഷ്യരുടെ ചിന്തയില്പ്പോലുമില്ല. നിങ്ങള് കുട്ടികള്ക്കും നമ്പര്വൈസ് പുരുഷാര്ത്ഥമനുസരിച്ച് അറിയാം. സേവനത്തിന് താല്പര്യമുള്ളവര് അതിനായി പിടഞ്ഞുകൊണ്ടേയിരിക്കും. ചിലര് ഞങ്ങള് മനസ്സിലാക്കുന്നുണ്ട് എന്ന് പറയുന്നു, എന്നാലും പതുക്കെ പതുക്കെ വായ തുറക്കാനുള്ള യുക്തികളും രചിക്കണം. വേദ ശാസ്ത്രങ്ങളുടെ അദ്ധ്യയനം ചെയ്യുന്നതിലൂടെ, യജ്ഞം, തപം മുതലായവ ചെയ്യുന്നതിലൂടെ, തീര്ത്ഥ യാത്രകള് ചെയ്യുന്നതിലൂടെ പരമാത്മാവിനെ പ്രാപ്തമാക്കാന് സാധിക്കുമെന്ന് പലരും മനസ്സിലാക്കുന്നു. എന്നാല് ബാബ മനസ്സിലാക്കി തരുന്നു ഇതെല്ലാം എന്നില് നിന്ന് അകലുന്നതിനുള്ള വഴികളാണ്. ഡ്രാമയില് എല്ലാവര്ക്കും ദുര്ഗതി പ്രാപിക്കുക തന്നെ വേണം. അതിനുവേണ്ടിയാണ് ഇങ്ങനെയുള്ള കാര്യങ്ങളെല്ലാം പറഞ്ഞു തരുന്നത്. മുമ്പെല്ലാം നമ്മളും പറയുമായിരുന്നു ഭഗവാന് ഉയരത്തിലാണ്. ഭഗവാനെ പ്രാപിക്കാന് ആര്ക്കും ഏത് വഴിയിലൂടെയും പോകാമെന്ന്. അതിനാല് മനുഷ്യര് ഒരുപാട് പ്രകാരത്തിലുള്ള വഴികളിലൂടെയാണ് പോയിക്കൊണ്ടിരിക്കുന്നത്. ഭക്തിമാര്ഗ്ഗത്തിലെ വഴി അന്വേഷിച്ച് ക്ഷീണിക്കുമ്പോള് ഭഗവാനെ വിളിക്കുന്നു-അല്ലയോ പതിത പാവനാ, അങ്ങ് വന്ന് പാവനമാകാനുള്ള വഴി പറഞ്ഞു തരൂ. അങ്ങില്ലാതെ പാവനമാകാന് സാധിക്കില്ല. ഞങ്ങള് ക്ഷീണിച്ചുപോയിരിക്കുന്നു. ഭക്തി ദിനംപ്രതി പൂര്ണ്ണമായും ക്ഷീണിപ്പിക്കുന്നു. ഇപ്പോള് മേളയിലെല്ലാം എത്ര ലക്ഷക്കണക്കിന് പേരാണ് വന്നുചേരുന്നത്. എത്ര മാലിന്യമാണ് ഉണ്ടാകുന്നത്. ഇപ്പോള് എല്ലാത്തിന്റെയും അവസാനമാണ്. ലോകത്തിന് പരിവര്ത്തനപ്പെടണം. വാസ്തവത്തില് ലോകം ഒന്നുമാത്രമേയുള്ളൂ. പക്ഷേ രണ്ടു ഭാഗങ്ങളാക്കിയിരിക്കയാണ്. അപ്പോള് മനുഷ്യര് മനസ്സിലാക്കുന്നു സ്വര്ഗ്ഗവും നരകവും രണ്ടും വേറെ-വേറെ ലോകമാണെന്ന്. എന്നാല് സൃഷ്ടി പകുതി-പകുതിയാണ്. മുകളില് സത്യ-ത്രേതായുഗം പിന്നീട് ദ്വാപര-കലിയുഗമാണ്. കലിയുഗത്തില് തമോപ്രധാനമായി മാറുക തന്നെ വേണം. സൃഷ്ടി പഴയതാകുന്നു. ഈ കാര്യങ്ങളെയൊന്നും ആരും മനസ്സിലാക്കുന്നില്ല. ആശയക്കുഴപ്പത്തിലാണ്. ചിലര് കൃഷ്ണനെ ഭഗവാനെന്നും. മറ്റു ചിലര് രാമനെ ഭഗവാനെന്നും പറയുന്നു. ഇന്നത്തെ കാലത്ത് മനുഷ്യര് സ്വയത്തെ തന്നെ ഭഗവാനെന്ന് പറയുന്നു. ഞങ്ങള് ഈശ്വരന്റെ അവതാരമാണെന്നാണ് പറയുന്നത്. ദേവതകളേക്കാളും മനുഷ്യര് സമര്ത്ഥരായി മാറിയിരിക്കുന്നു. ദേവതകളെ ദേവത എന്ന പേരു മാത്രമെ പറയുകയുള്ളൂ. ഇത് പക്ഷേ മനുഷ്യനെ ഭഗവാന് എന്നു പറഞ്ഞുകളയുന്നു. ഇതാണ് ഭക്തിമാര്ഗ്ഗം. ദേവതകള് സ്വര്ഗ്ഗത്തില് വസിക്കുന്നവരാണ്. ഇപ്പോള് കലിയുഗമാകുന്ന ഇരുമ്പ് യുഗത്തില് മനുഷ്യര്ക്ക് എങ്ങനെ ഭഗവാനാകാന് സാധിക്കും? ബാബ പറയുന്നു-ഞാന് വരുന്നതു തന്നെ സംഗമയുഗത്തിലാണ്. അപ്പോള് തന്നെയാണ് എനിക്ക് വന്ന് ലോകത്തെ പരിവര്ത്തനപ്പെടുത്തേണ്ടത്. കലിയുഗത്തില് നിന്ന് സത്യയുഗമായാല് ബാക്കിയെല്ലാവരും ശാന്തിധാമത്തിലേക്ക് പോകും. ശാന്തിധാമം നിരാകാരിയായ ലോകമാണ്. ഈ ലോകം സാകാരി ലോകമാണ്. നിരാകാരി വൃക്ഷത്തെക്കുറിച്ചും മനസ്സിലാക്കിക്കൊടുക്കാന്, ആ ചിത്രം വലുതാക്കി ഉണ്ടാക്കുക തന്നെ വേണം. ആകാശത്തെപ്പോലെത്തന്നെ ബ്രഹ്മ മഹതത്വവും വലുതാണ്. രണ്ടിന്റേയും അറ്റം കണ്ടുപിടിക്കാന് സാധിക്കില്ല. വിമാനത്തില് പോകാനുളള പദ്ധതിയെല്ലാം ഉണ്ടാക്കാറുണ്ട്. എന്നാല് അറ്റം കണ്ടുപിടിക്കാന് സാധിക്കില്ല. സമുദ്രം തന്നെ സമുദ്രം....ആകാശം തന്നെ ആകാശമാണ്. അവിടെ ഒന്നും തന്നെയില്ല. ഒരുപാട് പരിശ്രമിക്കാറുണ്ടെങ്കിലും ഈ കാര്യങ്ങള് കൊണ്ട് എന്താണ് പ്രയോജനം. ഞങ്ങള് ഞങ്ങളുടെ ബുദ്ധി പ്രയോഗിക്കുകയാണെന്ന് കരുതുന്നു. ഇതാണ് മനുഷ്യരുടെ ബുദ്ധി, സയന്സിന്റെ അഹങ്കാരവും മനുഷ്യനിലുണ്ട്. മനുഷ്യര് എത്ര തന്നെ അറ്റം കണ്ടുപിടിച്ചാലും അവരെ മുഴുവന് ലോകവും പൂജിക്കില്ല. ദേവതകളുടെ പൂജയുണ്ടാകുന്നുണ്ട്. നിങ്ങള് കുട്ടികളെ ബാബ എത്ര ഉയര്ന്നതാക്കിയാണ് മാറ്റുന്നത്. എല്ലാവരേയും ശാന്തിധാമത്തിലേക്ക് കൊണ്ടുപോകുന്നു. നമ്മള് മൂലവതനത്തില് നിന്നാണ് വരുന്നതെന്ന് എല്ലാവര്ക്കും അറിയാമെങ്കിലും നിങ്ങള് മനസ്സിലാക്കുന്ന പ്രകാരത്തില് ലോകം മനസ്സിലാക്കുന്നില്ല. ശാന്തിധാമം എന്താണ്, എങ്ങനെയാണ് അവിടെ ആത്മാക്കള് വസിക്കുന്നത്, പിന്നീട് എങ്ങനെയാണ് സംഖ്യാക്രമമനുസരിച്ച് താഴേക്ക് വരുന്നത്, ഇതൊന്നും ആര്ക്കും അറിയില്ല. ബ്രഹ്മ തത്വത്തില് നിരാകാരിയായ വൃക്ഷമാണ്. സത്യയുഗത്തില് കുറച്ചുപേരാണ് ഉള്ളതെന്ന് മനസ്സിലാക്കുന്നില്ല. ബാക്കിയെല്ലാ ആത്മാക്കളും മൂലവതനത്തിലാണ് വസിക്കുന്നത്. ഈ സാകാര ലോകം പോലെ തന്നെയാണ് മൂലവതനവും. വതനം ഒരിക്കലും ശൂന്യമാകുന്നില്ല. സാകാര വതനവും മൂലവതനവും. അന്ത്യമാകുമ്പോഴെ പരിവര്ത്തനം സംഭവിക്കൂ. കുറച്ചുപേരൊക്കെ ഈ സാകാര വതനത്തിലുണ്ടായിരിക്കും. മുഴുവന് വതനവും ശൂന്യമായാല് പിന്നെ പ്രളയമുണ്ടാകുമോ, പ്രളയമുണ്ടാകില്ല, അവിനാശിഖണ്ഡമല്ലേ. ഈ കാര്യങ്ങളെല്ലാം ബുദ്ധിയില് വെക്കണം. നമുക്ക് മറ്റുളളവരുടെ മംഗളം ചെയ്യണമെന്ന ചിന്ത മുഴുവന് ദിവസവും ഉണ്ടായിക്കൊണ്ടിരിക്കണം. ബാബയോടൊപ്പം പ്രീതിയുണ്ടായി എങ്കില് ബാബയുടെ പരിചയം കൊടുക്കണമല്ലോ. ബാബ അച്ഛനാണ്. അച്ഛനില് നിന്നാണ് സമ്പത്ത് ലഭിക്കുന്നത്. എങ്ങനെയാണ് സമ്പത്ത് ലഭിക്കുന്നതെന്ന് നമുക്ക് പറഞ്ഞുകൊടുക്കാന് സാധിക്കും. പറഞ്ഞുകൊടുക്കുന്നവരിലും സംഖ്യാക്രമമാണ്. ചിലര് നല്ല രീതിയില് പ്രഭാഷണം ചെയ്യുന്നു. ചിലര്ക്ക് ചെയ്യാന് സാധിക്കുന്നില്ല എങ്കില് അവര് പഠിക്കണം. ഓരോ കുട്ടികള്ക്കും അവനവന്റെ മംഗളം ചെയ്യണം. മാര്ഗ്ഗം ലഭിച്ചു എങ്കില് മറ്റുള്ളവരുടെ മംഗളം ചെയ്യണം. മറ്റുള്ളവരെയും ബാബയുടെ സമ്പത്തിന്റെ അവകാശിയാക്കി മാറ്റണമെന്ന് ഉളളിലുണ്ടാകുമല്ലോ. ആത്മീയ സേവനം ചെയ്യണം. എല്ലാവരും പരസ്പരം മറ്റുളളവരുടെ സേവനം ചെയ്യുന്നു.

ബാബ വന്നാണ് ആത്മീയ സേവനം പഠിപ്പിക്കുന്നത്. മറ്റാര്ക്കും ആത്മീയ സേവനത്തെക്കുറിച്ച് അറിയില്ല. ആത്മീയ അച്ഛന് തന്നെയാണ് ആത്മാക്കളുടെ സേവനം ചെയ്യുന്നത്. ഭൗതികസേവനം ജന്മാന്തരങ്ങളായി ഒരുപാട് ചെയ്തു. ഇപ്പോള് അന്തിമ ജന്മത്തില് ബാബ പഠിപ്പിച്ചിട്ടുള്ള ആത്മീയ സേവനം ചെയ്യണം. ഇതില് മാത്രമാണ് മംഗളം ഉള്ളത്. മറ്റൊന്നിലൂടെയും പ്രയോജനമില്ല. ഗൃഹസ്ഥ വ്യവഹാരത്തിലും കഴിയണം എല്ലാ കടമകളും നിറവേറ്റണം. ഗൃഹസ്ഥത്തിലുള്ളവര്ക്കും ഇതു തന്നെ മനസ്സിലാക്കിക്കൊടുത്ത് അവരുടെയും മംഗളം ചെയ്യണം. പ്രീതിയുണ്ടെങ്കില് എന്തെങ്കിലും കേള്ക്കും. നമുക്കും സന്യാസം ചെയ്യേണ്ടതായി വരുമോ എന്ന് പലരും പേടിക്കുന്നു. ഇന്നത്തെ കാലത്ത് സന്യാസിമാര് ഒരുപാട് പേരുണ്ട്. കാഷായ വേഷം ധരിച്ച് രണ്ടക്ഷരം കേള്പ്പിച്ചുകൊടുത്താല് പിന്നെ എവിടുന്നെങ്കിലുമൊക്കെ ഭക്ഷണം ലഭിക്കുക തന്നെ ചെയ്യും. ഏതെങ്കിലും കടയില് ചെന്നാല്രണ്ട് പൂരിയൊക്കെ കൊടുക്കും. പിന്നീട് മറ്റൊരാളുടെ പക്കല് പോകും, വയറിന്റെ കാര്യം നടന്നോളും. ഭിക്ഷ യാചിക്കുന്നവരും അനേക പ്രകാരത്തിലുണ്ടായിരിക്കും. ഈ ബാബയില് നിന്ന് ഒരു പ്രകാരത്തിലുള്ള സമ്പത്ത് തന്നെയാണ് ലഭിക്കുന്നത്. പരിധിയില്ലാത്ത ചക്രവര്ത്തി പദവിയാണ് ലഭിക്കുന്നത്. സദാ നിരോഗിയായി മാറുന്നു. ധനവാന്മാര് ബുദ്ധിമുട്ടിയാണ് വരുക. പാവപ്പെട്ടവരുടെയും മംഗളം ചെയ്യണം. ബാബ ധാരാളം പ്രദര്ശിനികളെല്ലാം ചെയ്യിപ്പിക്കുന്നുണ്ട്. കാരണം ഗ്രാമീണര് ഒരുപാട് പേരുണ്ടല്ലോ. മന്ത്രിമാരെല്ലാം ഈ ജ്ഞാനം വളരെ നല്ലതാണെന്ന് മനസ്സിലാക്കുമ്പോള് എല്ലാവരും കേള്ക്കാന് തുടങ്ങും. ശരിയാണ്, മുന്നോട്ട് പോകവേ നിങ്ങളുടെ പേര് പ്രശസ്തമാകും. അപ്പോള് ഒരുപാട് പേര് വരും. കറ കളയാന് സമയമെടുക്കും. രാത്രിയും പകലും ആരെങ്കിലും ഇതിനായി പ്രയത്നിക്കുകയാണെങ്കില് ചിലപ്പോള് കറ ഇല്ലാതായേക്കാം. ആത്മാവ് പവിത്രമായി മാറുമ്പോള് ഈ ശരീരവും ഉപേക്ഷിക്കും. ഇതെല്ലാം മനസ്സിലാക്കേണ്ട കാര്യങ്ങളാണ്. പ്രദര്ശിനിയിലും മനസ്സിലാക്കിക്കൊടുക്കണം. മുഖ്യമായത് മുഴുവന് ഭാരതത്തിന്റെയും കാര്യമാണ്. ഭാരതത്തിന്റെ ഉയര്ച്ചയുണ്ടാകുമ്പോള് എല്ലാവരുടെയും ഉയര്ച്ചയുണ്ടാകുന്നു. പ്രൊജക്ടറിനെക്കാളും പ്രദര്ശിനിയിലാണ് കൂടുതല് സേവനമുണ്ടാകുക. പതുക്കെ-പതുക്കെ അഭിവൃദ്ധി പ്രാപിച്ചുകൊണ്ടിരിക്കും. ദിവസന്തോറും നിങ്ങളുടെ പേര് പ്രശസ്ഥമായിക്കൊണ്ടിരിക്കും. 5000 വര്ഷങ്ങള്ക്കു മുമ്പും ഇങ്ങനെയുണ്ടായിരുന്നു എന്ന് എഴുതണം. ഇത് വളരെ അത്ഭുതകരമായ കാര്യമാണ്. ബാബ സൂചന നല്കുന്നു. കുട്ടികള് ഒരുപാട് കാര്യങ്ങള് മറന്നുപോകുന്നു. എന്ത് സംഭവിക്കുകയാണെങ്കിലും പറയുന്നു ഇന്നേയ്ക്ക് 5000 വര്ഷങ്ങള്ക്കു മുമ്പും ഇങ്ങനെ സംഭവിച്ചിരുന്നു. വളരെ വ്യക്തമായ കാര്യമാണ്. പക്ഷെ ആരുടെയെങ്കിലും ബുദ്ധിയില് ഇരുന്നാല് മാത്രം! പത്രത്തില് കൊടുത്താല് എന്തെങ്കിലുമൊന്ന് മനസ്സിലാക്കിയാലായി! ജ്ഞാനമാര്ഗ്ഗത്തില് വളരെ ഒന്നാന്തരമായ അവസ്ഥ വേണം. ഇങ്ങനെ-ഇങ്ങനെയുള്ള കാര്യങ്ങളെ ഓര്മ്മിച്ച് ഹര്ഷിതമായിരിക്കുകയും വേണം. അഭ്യാസം ചെയ്താല് പിന്നെ അവസ്ഥ വളരെ സന്തോഷകരമായി മാറും. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. മറ്റെല്ലാത്തില് നിന്നും ബുദ്ധിയുടെ പ്രീതി വേര്പ്പെടുത്തി ഒരേ ഒരു ബാബയോടൊപ്പം യോജിപ്പിക്കണം. മറ്റെല്ലാവരുടെയും പ്രീതി ഒരു ബാബയോട് യോജിപ്പിക്കാനുള്ള സേവനം ചെയ്യണം.

2. സത്യം-സത്യമായ ആത്മീയ സേവാധാരിയായി മാറണം. അവനവന്റെയും മംഗളം ചെയ്യണം. മറ്റുള്ളവര്ക്കും വഴി പറഞ്ഞുകൊടുക്കണം. അവസ്ഥ വളരെ സന്തോഷമുള്ളതാക്കി വെക്കണം.

വരദാനം :-
ഒരു ബാബയുടെ സ്മൃതിയിലൂടെ സത്യമായ സുമംഗലിയുടെ അനുഭവം ചെയ്യുന്ന ഭാഗ്യശാലി ആത്മാവായി ഭവിക്കട്ടെ.

ആരാണോ ഏതൊരു ആത്മാവിന്റെ വാക്കുകളെയും കേട്ടിട്ടും കേള്ക്കാതിരിക്കുന്നത്, ഏതൊരു അന്യാത്മാവിന്റെ സ്മൃതി സങ്കല്പത്തിലോ സ്വപ്നത്തിലോ പോലും കൊണ്ടുവരാത്തത് അതായത് ഏതെങ്കിലും ദേഹധാരിയുടെ പ്രേരണയില് വരാത്തത്, ഒരു ബാബ രണ്ടാമതാരുമേയില്ല എന്ന സ്മൃതിയില് ഇരിക്കുന്നത്, അവരാണ് അവിനാശി സുമംഗലിയുടെ തിലകം ചാര്ത്തുന്നത്. അങ്ങിനെയുള്ള സത്യമായ സുമംഗലിമാര് തന്നെയാണ് ഭാഗ്യശാലികള്.

സ്ലോഗന് :-
തന്റെ ശ്രേഷ്ഠസ്ഥിതി ഉണ്ടാക്കണമെങ്കില് അന്തര്മുഖിയായി പിന്നെ ബഹിര്മുഖതയിലേക്ക് വരൂ.