01.10.2020           Morning Malayalam Murli       Om Shanti           BapDada Madhuban


മധുരമായ കുട്ടികളേ - നിങ്ങള്ക്ക്ദ േവതയാകണം അതുകൊണ്ട് മായയുടെ അവഗു ണങ്ങള െത്യാഗം ചെയ്യൂ, ക്രോധിക്കുക, അടിക്കുക, ബഹളമുണ്ടാക്കുക, മോശമായകര്മ്മം ചെയ്യുക, മോഷ്ടിക്കുക ഇതെല്ലാം മഹാപാപമാണ്.

ചോദ്യം :-
ഈ ജ്ഞാനത്തില് ഏത് കുട്ടികള്ക്കാണ് തീക്ഷ്ണമായി പോകാന് സാധിക്കുന്നത്? നഷ്ടമുണ്ടാകുന്നതാര്ക്കാണ്?

ഉത്തരം :-
ആര്ക്കാണോ തന്റെ കണക്ക് വെയ്ക്കാന് അറിയുന്നത് അവര്ക്ക് ഈ ജ്ഞാനത്തില് വളരെ തീക്ഷ്ണമായി പോകാന് സാധിക്കുന്നു. നഷ്ടം സംഭവിക്കുന്നത് അവര്ക്കാണ് ആരാണോ ദേഹീ അഭിമാനിയായിരിക്കാത്തത്. ബാബ പറയുകയാണ് വ്യാപാരികള്ക്ക് കണക്ക് നോക്കാനുള്ള ശീലമുണ്ടാകും, അവര്ക്ക് ഇവിടെയും തീക്ഷ്ണമായി പോകാന് സാധിക്കുന്നു.

ഗീതം :-
മുഖം നോക്കൂ മനുഷ്യാ.....

ഓംശാന്തി.
ആത്മീയ പാര്ട്ട്ധാരീ കുട്ടികള്ക്ക് ബാബ മനസ്സിലാക്കി തരികയാണ് എന്തുകൊണ്ടെന്നാല് ആത്മാവ് തന്നെയാണ് പരിധിയില്ലാത്ത നാടകത്തില് പാര്ട്ടഭിനയിച്ചുകൊണ്ടിരിക്കുന്നത്. മനുഷ്യരുടെ പാര്ട്ടാണല്ലോ. കുട്ടികള് ഈ സമയം പുരുഷാര്ത്ഥം ചെയ്തുകൊണ്ടിരിക്കുകയാണ്. കേവലം വേദ-ശാസ്ത്രങ്ങള് പഠിക്കുന്നു, ശിവന്റെ പൂജ ചെയ്യുന്നു പക്ഷെ ബാബ പറയുകയാണ് ഇതിലൂടെ എന്നെ പ്രാപ്തമാക്കാന് സാധിക്കില്ല കാരണം ഭക്തി ഇറങ്ങുന്ന കലയുടെയാണ്. ജ്ഞാനത്തിലൂടെ സദ്ഗതിയുണ്ടാകുന്നു അതിനാല് തീര്ച്ചയായും ചില കാരണത്താല് ഇറങ്ങുകയും ചെയ്യും. ഇതൊരു കളിയാണ്, ഇതിനെ ആരും അറിയുന്നില്ല. ശിവലിംഗത്തെ പൂജിക്കുന്നു അപ്പോള് അതിനെ ബ്രഹ്മമെന്ന് പറയുകയില്ല. അപ്പോള് പിന്നെ പൂജിക്കുന്നതാരെയാണ്. അതിനെയും ഈശ്വരനാണെന്ന് മനസ്സിലാക്കി പൂജിക്കുന്നു. നിങ്ങള് ആദ്യമാദ്യം ഭക്തി ആരംഭിച്ചപ്പോള് വജ്രം കൊണ്ടുള്ള ശിവലിംഗമുണ്ടാക്കി. ഇപ്പോഴാണെങ്കില് നിര്ദ്ധനനായതുകാരണം കല്ലുകൊണ്ട് ഉണ്ടാക്കുന്നു. വജ്രത്തിന്റെ ലിംഗം ആ സമയം 4-5 ആയിരത്തിന്റെതാകും. ഈ സമയത്താണെങ്കില് അതിന്റെ വില 5-7 ലക്ഷമുണ്ടാകും. അങ്ങനെയുള്ള വജ്രം ഇപ്പോള് കിട്ടാന് ബുദ്ധിമുട്ടാണ്. കല്ലു ബുദ്ധിയായി മാറിയതുകൊണ്ട് പൂജയും കല്ലിന്റേത് ചെയ്യുന്നു, ജ്ഞാനമില്ലാതെ. എപ്പോള് ജ്ഞാനമുണ്ടാകുന്നുവോ അപ്പോള് നിങ്ങള് പൂജ ചെയ്യുകയില്ല. ചൈതന്യമായി സന്മുഖത്തുണ്ട്, ആ ബാബയെ തന്നെയാണ് നിങ്ങള് ഓര്മ്മിക്കുന്നത്. ഓര്മ്മയിലൂടെ വികര്മ്മം വിനാശമാകുമെന്ന് മനസ്സിലാക്കുന്നു. ഗീതത്തിലും പറയുകയാണ് - അല്ലയോ കുട്ടികളെ, പ്രാണിയെന്ന് പറയുന്നത് ആത്മാവിനെയാണ്. പ്രാണന് പോയാല് പിന്നെ ശവമാണ്. ആത്മാവ് പോവുന്നു. ആത്മാവ് അവിനാശിയാണ്. ആത്മാവ് എപ്പോള് ശരീരത്തില് പ്രവേശിക്കുന്നുവോ അപ്പോള് ചൈതന്യമാകുന്നു. ബാബ പറയുകയാണ് - അല്ലയോ ആത്മാക്കളെ, തന്റെ ഉള്ള് പരിശോധിക്കു, എത്രത്തോളം ദൈവീക ഗുണങ്ങളുടെ ധാരണ ഉണ്ടായിട്ടുണ്ട്? ഒരു വികാരവുമില്ലല്ലോ? മോഷണം മുതലായ ഒരു ആസൂരിയ ഗുണവും ഇല്ലല്ലോ? ആസൂരീയ കര്ത്തവ്യം ചെയ്യുന്നതിലൂടെ പിന്നീട് വീണു പോകും. ഇത്രയും പദവി നേടാന് സാധിക്കില്ല. തീര്ച്ചയായും മോശമായ ശീലങ്ങള് ഉപേക്ഷിക്കണം. ദേവത ഒരിക്കലും ആരോടും ക്രോധിക്കുകയില്ല. ഇവിടെ അസുരന്മാരിലൂടെ വളരെയധികം ബുദ്ധിമുട്ട് അനുഭവിക്കുന്നു എന്തുകൊണ്ടെന്നാല് നിങ്ങള് ദൈവീക സമ്പ്രദായത്തിലെതാവുകയാണ് അതിനാല് എത്ര ശത്രുവായി മാറുന്നു. മായയുടെ അവഗുണങ്ങളാണ് പ്രവര്ത്തിക്കുന്നത്. അടിക്കുക, ബഹളമുണ്ടാക്കുക, മോശമായ കര്മ്മം ചെയ്യുക ഇതെല്ലാം പാപമാണ്. നിങ്ങള് കുട്ടികള്ക്കാണെങ്കില് വളരെ ശുദ്ധമായിരിക്കണം. മോഷണം മുതലായവ ചെയ്യല് മഹാപാപമാണ്. ബാബയോട് നിങ്ങള് പ്രതിജ്ഞ ചെയ്തു വന്നിരിക്കുകയാണ് - എന്റെത് ഒരു ബാബ മാത്രമാണ് രണ്ടാമതൊരാളില്ല. ഞങ്ങള് അങ്ങയെ തന്നെ ഓര്മ്മിക്കും. ഭക്തിമാര്ഗ്ഗത്തില് കേവലം പാടുന്നുണ്ട് പക്ഷെ അവര്ക്ക് അറിയുകയില്ല. ഓര്മ്മയിലൂടെ എന്താവുന്നുവെന്ന്. അവര്ക്ക് ബാബയെ അറിയുകയില്ല. ഒരു ഭാഗത്ത് പറയുന്നു നാമരൂപത്തില് നിന്ന് വേറിട്ടതാണെന്ന്, പിന്നീട് മറു ഭാഗത്ത് ശിവലിംഗത്തിന്റെ പൂജ ചെയ്യുന്നു. നിങ്ങള്ക്ക് നല്ല രീതിയില് മനസ്സിലാക്കി പിന്നീട് മനസ്സിലാക്കി കൊടുക്കണം. ബാബ പറയുകയാണ് ഇതും തീരുമാനിക്കൂ മഹാന് ആത്മാവെന്ന് ആരെയാണ് പറയുക? ചെറിയ കുട്ടിയായ ശ്രീകൃഷ്ണന്, സ്വര്ഗ്ഗത്തിന്റെ രാജകുമാരനാണോ മഹാത്മാവ് അതോ ഇന്നത്തെ കലിയുഗീ മനുഷ്യനാണോ? കൃഷ്ണന് വികാരത്തിലൂടെ ജന്മമെടുക്കുന്നില്ല. അതാണ് നിര്വ്വികാരീ ലോകം. ഇതാണ് വികാരീ ലോകം. നിര്വികാരിക്ക് ധാരാളം ടൈറ്റില് കൊടുക്കാം. വികാരിക്ക് എന്ത് ടൈറ്റിലാണ്? ശ്രേഷ്ഠാചാരിയാണെങ്കില് ഒരു ബാബ തന്നെയാണാക്കുന്നത്. ബാബയാണെങ്കില് ഏറ്റവും ഉയര്ന്നതിലും ഉയര്ന്നതാണ് ബാക്കി എല്ലാ മനുഷ്യരും പാര്ട്ട്ധാരിയാണ് അതിനാല് തീര്ച്ചയായും പാര്ട്ടില് വരേണ്ടതുണ്ട്. സത്യയുഗം ശ്രേഷ്ഠരായ മനുഷ്യരുടെ ലോകമാണ് മൃഗങ്ങള് മുതലായ എല്ലാം ശ്രേഷ്ഠമാണ്. അവിടെ മായാ രാവണനില്ല. അവിടെ ഇങ്ങനെയുള്ള ഒരു തമോഗുണീ മൃഗങ്ങളും ഉണ്ടായിരിക്കുകയില്ല. നിങ്ങള്ക്കറിയാം - മയില്, അത് വികാരത്തിലൂടെ കുട്ടികളെ ജനിപ്പിക്കുന്നില്ല. അതിന്റെ കണ്ണുനീര് വീഴ്ത്തുമ്പോള് ഗര്ഭധാരണം നടക്കുന്നു. ദേശീയ പക്ഷിയെന്ന് പറയുന്നു. സത്യയുഗത്തിലും വികാരത്തിന്റെ പേരുണ്ടായിരിക്കില്ല. ആദ്യ നമ്പര് ആരാണോ വിശ്വത്തിന്റെ രാജകുമാരനായ ശ്രീകൃഷ്ണന്, മയില്പീലി തലയില് ചൂടുന്നു. എന്തെങ്കിലും രഹസ്യമുണ്ടാവുമല്ലോ. അതിനാല് ഈ എല്ലാ കാര്യങ്ങളും ബാബ സൂക്ഷ്മത്തില് മനസ്സിലാക്കി തരുന്നു. അവിടെ കുട്ടികള് ജന്മമെടുക്കുന്നതെങ്ങനെയാണ്, അതാണെങ്കില് നിങ്ങള്ക്കറിയാം. അവിടെ വികാരം ഉണ്ടായിരിക്കില്ല. ബാബ പറയുന്നു നിങ്ങളെ ദേവതയാക്കുന്നു അതിനാല് തന്റെ പരിശോധന പൂര്ണ്ണമായും ചെയ്യൂ. പരിശ്രമിക്കാതെ വിശ്വത്തിന്റെ ചക്രവര്ത്തിയാവാന് സാധിക്കില്ല.

എങ്ങനെയാണോ നിങ്ങളുടെ ആത്മാവ് ബിന്ദു, അതുപോലെ ബാബയും ബിന്ദുവാണ്. ഇതില് സംശയിക്കേണ്ട ഒരു കാര്യവുമില്ല. ചിലര് പറയുന്നു ഞങ്ങള് കണ്ടിട്ടുണ്ട്. ബാബ പറയുന്നു കാണുന്നവരുടെ പൂജ നിങ്ങള് ഒരുപാട് ചെയ്തു. ഫലം ഒന്നും തന്നെ ഉണ്ടായില്ല. ഇപ്പോള് യഥാര്ത്ഥ രീതി ഞാന് നിങ്ങള്ക്ക് മനസ്സിലാക്കി തരുന്നു. എന്നില് എല്ലാ പാര്ട്ടും നിറഞ്ഞിരിക്കുന്നു. പരം ആത്മാവാണല്ലോ, പരംപിതാവ്. ഒരു കുട്ടിയും തന്റെ ലൗകിക അച്ഛനെ അങ്ങനെ പറയുകയില്ല. സന്യാസിമാര്ക്കാണെങ്കില് അച്ഛനെന്ന് പറയാന് കുട്ടികളുമില്ല. ഇതാണെങ്കില് എല്ലാ ആത്മാക്കളുടെയും അച്ഛനാണ്, ആരാണോ സമ്പത്ത് നല്കുന്നത്. അവര്ക്കാണെങ്കില് ഗൃഹസ്ഥാശ്രമവുമില്ല. ബാബയിരുന്ന് മനസ്സിലാക്കി തരുന്നു- നിങ്ങള് തന്നെയാണ് 84 ജന്മങ്ങള് അനുഭവിക്കുന്നത്. ആദ്യമാദ്യം നിങ്ങള് സതോപ്രധാനമായിരുന്നു പിന്നീട് താഴെയിറങ്ങി വന്നു. ഇപ്പോള് ആരും സ്വയം സുപ്രീം എന്ന് പറയില്ല, ഇപ്പോഴാണെങ്കില് നീചനെന്ന് മനസ്സിലാക്കുന്നു. ബാബ ഇടയ്ക്കിടയ്ക്ക് മനസ്സിലാക്കി തരുന്നുണ്ട് മുഖ്യമായ കാര്യം എന്തെന്നാല് തന്റെ ഉള്ള് നോക്കൂ എന്നില് യാതൊരു വികാരവും ഇല്ലല്ലോ? രാത്രിയില് ദിവസവും തന്റെ കണക്ക് നോക്കൂ. വ്യാപാരികള് എപ്പോഴും കണക്ക് പരിശോധിക്കാറുണ്ട്. സര്ക്കാര് ഉദ്യോഗസ്ഥര്ക്ക് കണക്ക് നോക്കാന് സാധിക്കില്ല. അവര്ക്കാണെങ്കില് കൃത്യമായ വേതനം ലഭിക്കുന്നു. ഈ ജ്ഞാനമാര്ഗ്ഗത്തിലും വ്യാപാരികള് തീക്ഷ്ണമായി പോകുന്നു, വിദ്യാഭ്യാസമുള്ള ഓഫീസര്മാര് ഇത്രയ്ക്കില്ല. വ്യാപാരത്തിലാണെങ്കില് ഇന്ന് 50 സമ്പാദിച്ചു, നാളെ 60 സമ്പാദിക്കും. ഇടയ്ക്ക് നഷ്ടവും ഉണ്ടാകും. സര്ക്കാര് ഉദ്യോഗസ്ഥര്ക്ക് നിശ്ചിത വേതനമാണ്. ഈ സമ്പാദ്യത്തിലും അഥവാ ദേഹീ അഭിമാനിയായില്ലെങ്കില് നഷ്ടം സംഭവിക്കും. മാതാക്കളാണെങ്കില് വ്യാപാരം ചെയ്യുന്നില്ല. അവര്ക്കിത് കുറച്ചുകൂടി സഹജമാണ്. കന്യകമാര്ക്കും സഹജമാണ് എന്തുകൊണ്ടെന്നാല് മാതാക്കള്ക്കാണെങ്കില് പടി ഇറങ്ങേണ്ടി വരുന്നുണ്ട്. ബലിയാകുന്നത് അവരാണ് ആരാണോ ഇത്രയും പ്രയത്നിക്കുന്നത്. കന്യകമാരാണെങ്കില് വികാരത്തില് പോകുന്നേയില്ലായെങ്കില് എന്തുപേക്ഷിക്കാനാണ്. പുരുഷന്മാര്ക്കാണെങ്കില് പ്രയത്നിക്കണം. വീടും കുടുംബത്തെയും സംരക്ഷിക്കണം. പടി എത്ര കയറിയിട്ടുണ്ടോ അതെല്ലാം ഇറങ്ങേണ്ടതുണ്ട്. ഇടയ്ക്കിടയ്ക്ക് മായ ചാട്ടവാര് കൊണ്ടടിച്ച് വീഴ്ത്തുന്നു. ഇപ്പോള് നിങ്ങള് ബി.കെ. ആയിരിക്കുകയാണ്. കുമാരിമാര് പവിത്രമായി തന്നെയിരിക്കുന്നു. ഏറ്റവും കൂടുതല് പതിയുടെ പ്രേമമാണ്. നിങ്ങള്ക്കാണെങ്കില് പതികളുടെയും പതിയെ (പരമാത്മാവ്) ഓര്മ്മിക്കണം, ബാക്കിയെല്ലാം മറക്കണം. അമ്മയ്ക്കും അച്ഛനും കുട്ടികളോട് മോഹമുണ്ടാകുന്നു. കുട്ടികളാണെങ്കിലോ അറിവില്ലാത്തവരാണ്. വിവാഹത്തിന് ശേഷം മോഹം തുടങ്ങുന്നു. ആദ്യം സ്ത്രീ പ്രിയപ്പെട്ടവളായിരിക്കും പിന്നീട് വികാരങ്ങളില് തള്ളപ്പെടുന്നതിന്റെ പടി ആരംഭിക്കുന്നു. കുമാരി നിര്വികാരിയായതുകൊണ്ട് പൂജിക്കപ്പെടുന്നു. നിങ്ങളുടെ പേര് ബി.കെ. എന്നാണ്. നിങ്ങള് മഹിമയ്ക്ക് യോഗ്യരാകുന്നു പിന്നീട് പൂജയ്ക്ക് യോഗ്യരായി മാറും. ബാബ നിങ്ങളുടെ ടീച്ചറുമാണ്. അതിനാല് നിങ്ങള് കുട്ടികള്ക്ക് ലഹരിയുണ്ടായിരിക്കണം, നമ്മള് വിദ്യാര്ത്ഥികളാണ്. ഭഗവാന് തീര്ച്ചയായും ഭഗവാന് - ഭഗവതിയാക്കുക തന്നെ ചെയ്യും. കേവലം മനസ്സിലാക്കി തരുകയാണ് - ഭഗവാന് ഒന്ന് മാത്രമാണ്. ബാക്കി എല്ലാവരും സഹോദര-സഹോദരന്മാരാണ്. മറ്റൊരു ബന്ധവുമില്ല. പ്രജാപിതാ ബ്രഹ്മാവിലൂടെ രചനയുണ്ടാകുന്നു പിന്നീട് അഭിവൃദ്ധിയുണ്ടാകുന്നു. ആത്മാക്കളുടെ വൃദ്ധിയെന്ന് പറയില്ല. വൃദ്ധിയുണ്ടാവുന്നത് മനുഷ്യരുടെയാണ്. ആത്മാക്കളുടെയാണെങ്കില് പരിമിതമായ നമ്പരാണ്. ഒരുപാട് വന്നുകൊണ്ടിരിക്കുന്നു. എപ്പോള് വരെ അവിടെയുണ്ടോ, വന്നുകൊണ്ടിരിക്കും. വൃക്ഷം വളര്ന്നുകൊണ്ടിരിക്കും. ഉണങ്ങി പോകില്ല. ഇതിനെ ആല്വൃക്ഷവുമായാണ് താരതമ്യം ചെയ്യുന്നത്. തായ്ത്തടിയില്ല. ബാക്കി മുഴുവന് വൃക്ഷവും നില്ക്കുകയാണ്. നിങ്ങളുടേതും ഇങ്ങനെയാണ്. തായ്ത്തടിയില്ല. അല്പമാത്രം അവശേഷിക്കുന്നു. ഇപ്പോഴും ക്ഷേത്രങ്ങള് ഉണ്ടാക്കികൊണ്ടിരിക്കുന്നു. മനുഷ്യര്ക്ക് ദേവതകളുടെ രാജ്യം എപ്പോഴായിരുന്നുവെന്ന് അറിയുകയില്ല. പിന്നിട് എങ്ങോട്ട് പോയി? ഈ ജ്ഞാനം നിങ്ങള് ബ്രാഹ്മണര്ക്ക് മാത്രമാണുള്ളത്. പരമാത്മാവിന്റെ സ്വരൂപം ബിന്ദുവാണെന്ന കാര്യം മനുഷ്യര്ക്കറിയുകയില്ല. പരമാത്മാവ് അഖണ്ഡ ജ്യോതി സ്വരൂപമാണെന്ന് ഗീതയില് എഴുതിയിട്ടുണ്ട്. മുന്പ് ഭാവനയ്ക്കനുസരിച്ച് അനേകര്ക്ക് സാക്ഷാത്ക്കാരം ഉണ്ടായിട്ടുണ്ട്. വളരെ തേജോമയമായിരുന്നു. മതി, ഞങ്ങള്ക്ക് സഹിക്കാന് കഴിയുന്നില്ല. അതാണെങ്കില് സാക്ഷാത്ക്കാരമായിരുന്നു. ബാബ പറയുകയാണ് സാക്ഷാത്ക്കാരത്തിലൂടെ ഒരു മംഗളവുമുണ്ടാകുന്നില്ല. ഇവിടെ മുഖ്യമായത് ഓര്മ്മയുടെ യാത്രയാണ്. എങ്ങനെയാണോ പാളം തെറ്റി പോകാറില്ലേ. ഓര്മ്മയും ഇടയ്ക്കിടയ്ക്ക് തെന്നി പോകാറുണ്ട്. ആഗ്രഹിക്കുന്നു എത്രയും ബാബയെ ഓര്മ്മിക്കണമെന്ന്, പിന്നീട് മറ്റു പല ചിന്തകളും വരുന്നു. ഇതില് തന്നെയാണ് നിങ്ങളുടെ മത്സരം. പെട്ടെന്ന് പാപം ഇല്ലാതാകുകയില്ല. സമയമെടുക്കുന്നു. കര്മ്മാതീത അവസ്ഥ നേടി കഴിഞ്ഞാല് പിന്നീട് ഈ ശരീരമുണ്ടായിരിക്കില്ല. എന്നാല് ഇപ്പോള് ആര്ക്കും തന്നെ കര്മ്മാതീത അവസ്ഥ നേടാന് കഴിയില്ല. പിന്നീട് അവര്ക്ക് സത്യയുഗീ ശരീരം വേണം. അതിനാല് നിങ്ങള് കുട്ടികള്ക്ക് ബാബയെ തന്നെ ഓര്മ്മിക്കണം. സ്വയം നോക്കികൊണ്ടിരിക്കൂ - എന്നില് നിന്ന് ഒരു മോശമായ പ്രവൃത്തിയും ഉണ്ടാകുന്നില്ലല്ലോ? കണക്ക് തീര്ച്ചയായും വെയ്ക്കണം. അങ്ങനെയുള്ള വ്യാപാരിക്ക് പെട്ടെന്ന് സമ്പന്നനാകാന് സാധിക്കുന്നു.

ബാബയുടെയടുത്ത് ഏത് ജ്ഞാനമാണോ ഉള്ളത് അത് നല്കികൊണ്ടിരിക്കുന്നു. ബാബ പറയുകയാണ് എന്റെ ആത്മാവില് ഈ ജ്ഞാനം അടങ്ങിയിട്ടുള്ളതാണ്. കല്പം മുന്പ് എന്ത് ജ്ഞാനമാണോ നല്കിയിരുന്നത് അതുപോലെ തന്നെയേ ഇപ്പോഴും പറയൂ. കുട്ടികള്ക്ക് മാത്രമേ മനസ്സിലാക്കി കൊടുക്കൂ, വേറെ ആര് അറിയാനാണ്. നിങ്ങള് ഈ സൃഷ്ടി ചക്രത്തെ അറിയുന്നു, ഇതില് എല്ലാ അഭിനേതാക്കളുടെയും പാര്ട്ട് അടങ്ങയിരിക്കുന്നു. മാറ്റാന് സാധിക്കില്ല. ആര്ക്കും മുക്തി നേടാനും സാധിക്കില്ല. അതെ, ബാക്കി സമയം മുക്തി ലഭിക്കുന്നു. നിങ്ങളാണെങ്കില് ആള്റൗണ്ടറാണ്. 84 ജന്മങ്ങള് എടുക്കുന്നു. ബാക്കി എല്ലാവരും തന്റെ വീട്ടിലിരിക്കും പിന്നീട് പുറകെ വരും. മോക്ഷം ആഗ്രഹിക്കുന്നവര് ഇവിടെ വരില്ല. അവര് അവസാനം തിരിച്ച് പോകും. ഒരിക്കലും ജ്ഞാനം കേള്ക്കില്ല. കൊതുകിന് കൂട്ടങ്ങളെ പോലെ വരും പോകും. നിങ്ങള് ഡ്രാമയനുസരിച്ച് പഠിക്കുകയാണ്. ബാബ 5000 വര്ഷങ്ങള്ക്കു മുന്പും ഇങ്ങനെ രാജയോഗം പഠിപ്പിച്ചിട്ടുണ്ടായിരുന്നുവെന്ന് അറിയാം. ശിവബാബ ഇങ്ങനെ പറയുന്നുവെന്ന് നിങ്ങള് പിന്നീട് മറ്റുള്ളവര്ക്കും മനസ്സിലാക്കി കൊടുക്കണം . ഇപ്പോള് നിങ്ങള്ക്കറിയാം നമ്മള് എത്ര ഉയര്ന്നവരായിരുന്നു, ഇപ്പോള് എത്ര താഴ്ന്നവരായി. വീണ്ടും ബാബ ഉയര്ന്നവരാക്കി മാറ്റുന്നുവെങ്കില് അങ്ങനെയുള്ള പുരുഷാര്ത്ഥവും ചെയ്യണമല്ലോ. ഇവിടെ നിങ്ങള് വരുന്നത് തന്നെ റിഫ്രഷാവാനാണ്. ഇതിന്റെ പേര് തന്നെ മധുബന് എന്നാണ്. നിങ്ങളുടെ കല്ക്കത്ത അഥവാ ബോംബേയില് മുരളി വായിക്കുന്നില്ല. മധുബനില് തന്നെയാണ് മുരളി മുഴുങ്ങുക. മുരളി കേള്ക്കുന്നതിന് വേണ്ടി ബാബയുടെയടുത്ത് വരേണ്ടതുണ്ട് റിഫ്രഷാവാന്. പുതിയ പുതിയ പോയിന്റുകള് വന്നുകൊണ്ടിരിക്കുന്നു. സന്മുഖത്ത് കേള്ക്കുകയാണെങ്കില് അനുഭവം ഉണ്ടാകും, വളരെയേറെ വ്യത്യാസമുണ്ടാകുന്നു. മുന്നോട്ട് പോകവേ അനേകം പാര്ട്ട് കാണുന്നു. ബാബ ആദ്യമാദ്യം എല്ലാം കേള്പ്പിക്കുന്നുവെങ്കില് രസം നഷ്ടപ്പെടുമായിരുന്നു. പതുക്കെ പതുക്കെ പുറത്തുവന്നുകൊണ്ടിരിക്കുന്നു. ഒരു സെക്കന്റ് പോലും അടുത്ത് സെക്കന്റ് പോലെയായിരിക്കില്ല. ബാബ ആത്മീയ സേവനം ചെയ്യാന് വന്നിരിക്കുകയാണ് അതിനാല് ആത്മീയ സേവനം ചെയ്യുന്ന ഉത്തരവാദിത്വം കുട്ടികളുടെതും കൂടിയാണ്. കുറഞ്ഞത് ഇതെങ്കിലും പറയൂ - ബാബയെ ഓര്മ്മിക്കൂ, പവിത്രമായിരിക്കൂ. പവിത്രതയില് തന്നെയാണ് തോറ്റു പോകുന്നത് കാരണം ഓര്മ്മിക്കുന്നില്ല. നിങ്ങള് കുട്ടികള്ക്ക് വളരെയധികം സന്തോഷമുണ്ടായിരിക്കണം. നമ്മള് പരിധിയില്ലാത്ത ബാബയുടെ സന്മുഖത്ത് ഇരിക്കുകയാണ് ആരും തന്നെ അറിയുന്നില്ല. ജ്ഞാനത്തിന്റെ സാഗരന് ശിവബാബ തന്നെയാണ്. ദേഹധാരിയില് നിന്ന് ബുദ്ധിയോഗം മാറ്റണം. ശിവബാബയുടെ രഥമാണിത്. ഇദ്ദേഹത്തെ ആദരിക്കുന്നില്ലായെങ്കില് ധര്മ്മരാജനിലൂടെ വളരെയധികം ശിക്ഷ അനുഭവിക്കേണ്ടി വരും. മുതിര്ന്നവര്ക്ക് ആദരവ് നല്കാറുണ്ടല്ലോ. ആദി ദേവന് എത്ര ആദരവാണ് നല്കുന്നത്. ജഡചിത്രത്തിന് ഇത്രയും ആദരവ് നല്കുന്നുണ്ടെങ്കില് ചൈതന്യത്തിന് എത്ര നല്കണം. ശരി!

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) ഉള്ളില് തന്റെ പരിശോധന ചെയ്ത് ദൈവീക ഗുണം ധാരണ ചെയ്യണം. മോശമായ ശീലങ്ങള് ഇല്ലാതാക്കണം. പ്രതിജ്ഞ ചെയ്യണം - ബാബാ ഞങ്ങള് ഒരിക്കലും മോശമായ കര്മ്മം ചെയ്യുകയില്ല.

2) കര്മ്മാതീത അവസ്ഥ നേടുന്നതിന് വേണ്ടി ഓര്മ്മയുടെ മത്സരം നടത്തണം. ആത്മീയ സേവനത്തില് തത്പരരായിരിക്കണം. മുതിര്ന്നവരെ ബഹുമാനിക്കണം.

വരദാനം :-
സര്വ്വ ഖജനാവുകളെയും തനിക്കും സര്വ്വര്ക്കും വേണ്ടി ഉപയോഗിക്കുന്ന അഖണ്ഢ മഹാദാനിയായി ഭവിക്കൂ

ഏതുപോലെയാണോ ബാബയുടെ ഭണ്ഢാരം സദാ പ്രര്ത്തിച്ചുകൊണ്ടിരിക്കുന്നത്, ദിവസവും നല്കുന്നു ഇതുപോലെ നിങ്ങളുടെയും യന്ത്രം കറങ്ങിക്കൊണ്ടിരിക്കണം എന്തുകൊണ്ടെന്നാല് താങ്കളുടെ പക്കല് ജ്ഞാനത്തിന്റെ, ശക്തികളുടെ, സന്തോഷങ്ങളുടെ നിറഞ്ഞ ഭണ്ഢാരമുണ്ട്. ഇത് കയ്യില് വയ്ക്കുന്നതിലോ ഉപയോഗിക്കുന്നതിലോ യാതൊരു അപകടവുമില്ല. ഈ ഭണ്ഢാരം തുറന്നിരിക്കുകയാണെങ്കില് കള്ളന് വരില്ല. അടച്ച് വയ്ക്കുകയാണെങ്കില് കള്ളന് വരും അതുകൊണ്ട് ദിവസവും തനിക്ക് ലഭിച്ചിട്ടുള്ള ഖജനാവുകളെ നോക്കൂ ഒപ്പം സ്വയത്തെ പ്രതിയും സര്വ്വരെ പ്രതിയും ഉപയോഗിക്കൂ എങ്കില്അഖണ്ഢ മഹാദാനിയായി തീരും.

സ്ലോഗന് :-
ശ്രവിച്ചതിനെക്കുറിച്ച് മനനം ചെയ്യൂ, മനനം ചെയ്യുന്നതിലൂടെ ശക്തിശാലിയാകും.