01.12.19    Avyakt Bapdada     Malayalam Murli     15.03.85     Om Shanti     Madhuban


പരിശ്രമത്തില്നിന്നുംമുക്തമാകുന്നതിനുള്ളസഹജമായസാധനം- നിരാകാരിസ്വരൂപത്തിന്റെസ്ഥിതി


ബാപ്ദാദാ കുട്ടികളുടെ സ്നേഹത്തില്, വാണിക്കുപരി നിര്വ്വാണ അവസ്ഥയില് നിന്നും വാണിയില് വരുന്നു. എന്തിന്? കുട്ടികളെ തനിക്ക് സമാനം നിര്വ്വാണ സ്ഥിതിയുടെ അനുഭവം ചെയ്യിക്കുന്നതിന്. നിര്വ്വാണ സ്വീറ്റ് ഹോമിലേക്ക് കൊണ്ടു പോകുന്നതിന്. നിര്വ്വാണ സ്ഥിതി നിര്വ്വികല്പ സ്ഥിതിയാണ്. നിര്വ്വാണ സ്ഥിതി നിര്വ്വികാരി സ്ഥിതിയാണ്. നിര്വ്വാണ സ്ഥിതിയില് നിന്ന് നിരാകാരി തന്നെ സാകാരി സ്വരൂപധാരിയായി വാണിയില് വരുന്നു. സാകാരത്തില് വന്നിട്ടും നിരാകാരി സ്വരൂപത്തിന്റെ സ്മൃതി, സ്മൃതിയിലുണ്ട്. ഞാന് നിരാകാരി, സാകാരത്തിന്റെ ആധാരത്തിലൂടെ സംസാരിച്ചു കൊണ്ടിരിക്കുന്നു. സാകാരത്തിലും നിരാകാരി സ്ഥതിയുടെ സ്മൃതി ഉണ്ടായിരിക്കണം- ഇതിനെയാണ് പറയുന്നത് നിരാകാരി തന്നെ സാകാരത്തിലൂടെ വാണിയില്, കര്മ്മത്തില് വരുക എന്ന്. യഥാര്ത്ഥ സ്വരൂപം നിരാകാരിയാണ്, സാകാരം ആധാരമാണ്. ഈ ഡബിള് സ്മൃതി നിരാകാരി തന്നെ സാകാരി ശക്തിശാലി സ്ഥിതിയാണ്. സാകാരത്തിന്റെ ആധാരമെടുത്തിട്ടും നിരാകാരി സ്വരൂപത്തെ മറക്കരുത്. മറക്കുന്നു അതിനാല് ഓര്മ്മിക്കാന് പരിശ്രമിക്കേണ്ടി വരുന്നു. ലൗകീക ജീവിതത്തില് തന്റെ ശരീരത്തിന്റെ സ്വരൂപം സ്വതവേ സദാ ഓര്മ്മയുണ്ടായിരിക്കും- ഞാന് ഇന്നയാള് ഈ സമയത്ത് ഈ കാര്യം ചെയ്തു കൊണ്ടിരിക്കുന്നു. കാര്യം മാറുന്നുണ്ട് എന്നാല് ഞാന് ഇന്നയാളാണ് എന്നത് മാറുന്നില്ല, മറക്കുന്നുമില്ല. അതേപോലെ ഞാന് നിരാകാരി ആത്മാവാണ്, ഈ യഥാര്ത്ഥ സ്വരൂപം ഏതൊരു കാര്യം ചെയ്യുമ്പോഴും സ്വതവേയും സദായും ഓര്മ്മയുണ്ടായിരിക്കണം. ഒരു പ്രാവശ്യം സ്മൃതി വന്നു, പരിചയവും ലഭിച്ചു ഞാന് നിരാകാരി ആത്മാവാണ്. പരിചയം അര്ത്ഥം അറിവ്. അതിനാല് ജ്ഞാനത്തിന്റെ ശക്തിയിലുടെ സ്വരൂപത്തെ മനസ്സിലാക്കി. മനസ്സിലാക്കിയതിന് ശേഷം എങ്ങനെ മറക്കാന് സാധിക്കും? ജ്ഞാനത്തിന്റെ ശക്തിയിലൂടെ ശരീരത്തിന്റെ ബോധത്തെ മറന്നിട്ടും മറക്കാന് സാധിക്കുന്നില്ല. അപ്പോള് ഈ ആത്മീയ സ്വരൂപത്തെ എങ്ങനെ മറക്കാന് സാധിക്കും. അതിനാല് ഇത് സ്വയത്തോട് ചോദിക്കൂ, അഭ്യസിക്കൂ. നടക്കുമ്പോഴും, കറങ്ങുമ്പോഴും, കാര്യങ്ങള് ചെയ്യുമ്പോഴും ചെക്ക് ചെയ്യൂ- നിരാകാരി തന്നെ സാകാരി ആധാരത്തിലൂടെയാണൊ ഈ കാര്യം ചെയ്തു കൊണ്ടിരിക്കുന്നത്! എങ്കില് സ്വതവേ തന്നെ നിര്വ്വികല്പ സ്ഥിതി, നിരാകാരി സ്ഥിതി, നിര്വിഘ്ന സ്ഥിതി സഹജമായി നില നില്ക്കും. പരിശ്രമത്തില് നിന്നും മുക്തമാകും. അടിക്കടി മറക്കുമ്പോഴാണ് പരിശ്രമം അനുഭവപ്പെടുന്നത്. പിന്നെ ഓര്മ്മിക്കുന്നതിന് പരിശ്രമിക്കുന്നു. എന്തിന് മറക്കുന്നു, മറക്കണോ? ബാപ്ദാദാ ചോദിക്കുന്നു- നിങ്ങളാരാണ്? സാകാരിയാണൊ അതോ നിരാകാരിയാണോ? നിരാകാരിയല്ലേ. നിരാകാരിയായിട്ടും എന്തിന് മറക്കുന്നു. യഥാര്ത്ഥ സ്വരൂപത്തെ മറക്കുന്നു, ആധാരത്തെ ഓര്ക്കുന്നു. ഇതെന്ത് ചെയ്യുന്നുവെന്നോര്ത്ത് സ്വയം ചിരി വരുന്നില്ലേ? ഇപ്പോള് ചിരി വരുന്നില്ലേ? യഥാര്ത്ഥമായത് മറക്കുന്നു, യഥാര്ത്ഥമല്ലാത്തത് ഓര്മ്മയുണ്ടാകുന്നു? ബാപ്ദാദായ്ക്ക് ഇടയ്ക്കിടയ്ക്ക് കുട്ടികളോട് ആശ്ചര്യം തോന്നുന്നു. തന്റെ ബാബായെ മറക്കുന്നു, മറന്നിട്ട് പിന്നെയെന്ത് ചെയ്യുന്നു? തന്റെ ബാബയെ മറന്ന് പരിഭ്രാന്തരാകുന്നു. ബാബയെ സ്നേഹത്തോടെ നിരാകാരിയില് നിന്നും സാകാരത്തില് ആഹ്വാനം ചെയ്ത് കൊണ്ടു വരുന്നു, ആരോടാണൊ സ്നേഹമുള്ളത്, അവരെ പോലെ നിരാകാരി സ്ഥിതിയില് സ്ഥിതി ചെയ്യാന് സാധിക്കില്ലേ! ബാപ്ദാദായ്ക്ക് കുട്ടികളുടെ പരിശ്രമം കാണാനാകില്ല! മാസ്റ്റര് സര്വ്വ ശക്തിവാനും, പരിശ്രമവും? മാസ്റ്റര് സര്വ്വ ശക്തിവാന് സര്വ്വ ശക്തികളുടെ അധികാരികളാണ്. ഏത് ശക്തിയെ ഏത് സമയത്ത് ശുഭ സങ്കല്പത്തിലൂടെ ആഹ്വാനം ചെയ്യുമ്പോള് ആ ശക്തി നിങ്ങള് അധികാരികളുടെ മുന്നില് ഹാജരാണ്. അങ്ങനെയുള്ള അധികാരി, സര്വ്വ ശക്തികളും അവരുടെ സേവാധാരികളാണ്, അവര് പരിശ്രമിക്കുമോ അതോ ശുഭ സങ്കല്പത്തെ ഓര്ഡര് ചെയ്യുമോ? എന്ത് ചെയ്യും, രാജാവല്ലേ അതോ പ്രജയാണോ? യോഗ്യരായ കുട്ടികളെ എന്താണ് പറയുന്നത്? രാജാ കുട്ടിയെന്നല്ലേ പറയുന്നത്. അപ്പോള് നിങ്ങള് ആരാണ്? രാജാ കുട്ടിയാണോ അതോ അധീനരായ കുട്ടികളാണോ? അധികാരി ആത്മാക്കളല്ലേ. അതിനാല് ഈ ശക്തികള്, ഈ ഗുണങ്ങള്, സര്വ്വതും നിങ്ങളുടെ സേവാധാരികളാണ്, ആഹ്വാനം ചെയ്യൂ, ഹാജരാകുന്നു. ശക്തിഹീനരായിട്ടുള്ളവര് ശക്തിശാലി ആയുധങ്ങളുണ്ടായിട്ടും ശക്തിഹീനത കാരണം പരാജയപ്പെടുന്നു. നിങ്ങള് ശക്തിഹീനരാണോ? ധൈര്യശാലികളായ കുട്ടികളല്ലേ! സര്വ്വശക്തിവാന്റെ കുട്ടികള് ശക്തിഹീനരാണെങ്കില് സര്വ്വരും എന്ത് പറയും? നല്ലതായി തോന്നുമോ? അതിനാല് ആഹ്വാനം ചെയ്യാനും, ഓര്ഡര് ചെയ്യാനും പഠിക്കൂ. എന്നാല് സേവാധാരി ആരുടെ ഓര്ഡര് അനുസരിക്കും? അധികാരികളുടെ. അധികാരികള് സ്വയം സേവാധാരിയായി മാറി, പരിശ്രമിക്കുന്നവര് സേവാധാരിയായില്ലേ! മനസ്സിന്റെ പരിശ്രമത്തില് നിന്നും ഇപ്പോള് മുക്തരായില്ലേ! ശരീരത്തിന്റെ പരിശ്രമത്തിന്റെ യജ്ഞ സേവനം വേറെയാണ്. അതും യജ്ഞ സേവനത്തിന്റെ മഹത്വത്തെ അറിയുകയാണെങ്കില് പരിശ്രമം അനുഭവപ്പെടുന്നില്ല. മധുബനില് സമ്പര്ക്കത്തിലുള്ള ആത്മാക്കള് വരുന്നുണ്ട്, കാണുന്നുണ്ട്- ഇത്രയും ആത്മാക്കളുടെ ഭോജനം തയ്യാറാകുന്നു, സര്വ്വ കാര്യങ്ങളും നടക്കുന്നു, അതിനാല് കണ്ട് കണ്ട് - ഇത്രയും കഠിനാദ്ധ്വാനം എങ്ങനെ ചെയ്യുന്നുവെന്ന് മനസ്സിലാക്കുന്നു. അവര്ക്ക് വളരെ ആശ്ചര്യം അനുഭവപ്പെടുന്നു. ഇത്രയും വലിയ കാര്യം എങ്ങനെ നടക്കുന്നു.എന്നാല് ചെയ്യുന്നവര് ഇത്രയും വലിയ കാര്യത്തെയും എന്തായി മനസ്സിലാക്കുന്നു? സേവനത്തിന്റെ മഹത്വം കാരണം ഇത് കളിയായി അനുഭവപ്പെടുന്നു. പരിശ്രമം അനുഭവപ്പെടുന്നില്ല. അങ്ങനെ മഹത്വം കാരണം ബാബയോട് സ്നേഹമുള്ളത് കാരണം പരിശ്രമത്തിന്റെ രൂപം പരിവര്ത്തനപ്പെടുന്നു. അതേപോലെ മനസ്സിന്റെ പരിശ്രമത്തില് നിന്നും മുക്തമാകുന്നതിന്റെ സമയമായി കഴിഞ്ഞു. ദ്വാപര യുഗം മുതല് അന്വേഷിക്കുന്നതിന്റെ, അലയുന്നതിന്റെ, നിലവിളിക്കുന്നതിന്റെ, മനസ്സിന്റെ പരിശ്രമം ചെയ്തു വന്നു. മനസ്സിന്റെ പരിശ്രമം കാരണം ധനം സമ്പാദിക്കുന്നതിന്റെ പരിശ്രമവും വര്ദ്ധിച്ചു. ഇന്ന് ആരോടു ചോദിച്ചാലും എന്താണ് പറയുന്നത്? ധനം സമ്പാദിക്കുക എളുപ്പമുള്ള കാര്യമല്ല. മനസ്സിന്റെ പരിശ്രമത്തിലൂടെ ധനത്തിന്റെ സമ്പാദ്യത്തിന്റെയും പരിശ്രമം വര്ദ്ധിച്ചു, ശരീരം രോഗിയായി തീര്ന്നു, അതിനാല് ശരീരത്തിന്റെ കാര്യത്തിലും പരിശ്രമം, മനസ്സിനും പരിശ്രമം, ധനത്തിന്റെയും പരിശ്രമം എന്നാല് ഇന്ന് പരിവാരത്തില് സ്നേഹത്തെ നിറവേറ്റുന്നതിലും പരിശ്രമം അനുഭവപ്പെടുന്നു. ഇടയ്ക്ക് ഒരാള് പിണങ്ങുന്നു, ഇടയ്ക്ക് മറ്റൊരാള്.....പിന്നെ അവരെ ഇണക്കാനുള്ള പരിശ്രമത്തില് മുഴുകിയിരിക്കുന്നു. ഇന്ന് നിന്റെയാണ്, നാളെ വീണ്ടും കുടുങ്ങുന്നു. അതിനാല് സര്വ്വ പ്രകാരത്തിലുള്ള പരിശ്രമം ചെയ്ത് ക്ഷീണിച്ചില്ലേ. ശരീരം കൊണ്ട്, മനസ്സ് കൊണ്ട്, ധനം കൊണ്ട്, സംബന്ധം കൊണ്ട്, സര്വ്വതും കൊണ്ട് ക്ഷീണിച്ചില്ലേ.

ബാപ്ദാദാ ആദ്യം മനസ്സിന്റെ പരിശ്രമം സമാപ്തമാക്കുന്നു കാരണം ബീജം മനസ്സാണ്. മനസ്സിന്റെ പരിശ്രമം ശരീരത്തിന്റെ, ധനത്തിന്റെ പരിശ്രമം അനുഭവം ചെയ്യിക്കുന്നു. മനസ്സ് ശരിയല്ലായെങ്കില്, പറയാറുണ്ട് ഇന്ന് ഇന്ന കാര്യം നടക്കുന്നില്ലായെന്ന്. രോഗിയല്ല എന്നാലും 103 ഡിഗ്രി പനിയാണെന്ന് മനസ്സിലാക്കുന്നു. അതിനാല് മനസ്സിന്റെ പരിശ്രമം, ശരീരത്തിന്റെ പരിശ്രമം അനുഭവം ചെയ്യിക്കുന്നു. ധനത്തിലും ഇങ്ങനെ തന്നെയാണ്. മനസ്സ് കുറച്ചങ്കിലും മോശമാകുകയാണെങ്കില്, പറയും വളെ ജോലിയുണ്ടെന്ന്. സമ്പാദ്യം വളരെ പ്രയാസമാണ്. അന്തരീക്ഷം മോശമാണ്. മനസ്സ് സന്തോഷത്തിലാകുമ്പോള് പറയും വലിയ കാര്യമൊന്നുമല്ലായെന്ന്. ജോലിയത് തന്നെയായിരിക്കും എന്നാല് മനസ്സിന്റെ പരിശ്രമം ധനത്തിന്റെ പരിശ്രമത്തിന്റെ അനുഭവം ചെയ്യിക്കുന്നു. മനസ്സിന്റെ ശക്തിഹീനത അന്തരീക്ഷത്തിന്റെ ശക്തിഹീനതയില് കൊണ്ടു വരുന്നു. ബാപ്ദാദായ്ക്ക് കുട്ടികളുടെ മനസ്സിന്റെ പരിശ്രമം കാണാന് സാധിക്കില്ല. 63 ജന്മം പരിശ്രമിച്ചു. ഇപ്പോള് ഒരു ജന്മം ആനന്ദത്തിന്റെ ജന്മമാണ്, സ്നേഹത്തിന്റെ ജന്മമാണ്, പ്രാപ്തികളുടെ ജന്മമാണ്, വരദാനങ്ങളുടെ ജന്മമാണ്. സഹയോഗം നേടുന്നതിന്റെ, സഹയോഗം നല്കുന്നതിന്റെ ജന്മമാണ്. എന്നാലും ഈ ജന്മത്തിലും പരിശ്രമം എന്ത് കൊണ്ട്? അതിനാല് ഇപ്പോള് പരിശ്രമത്തെ സ്നേഹത്തില് പരിവര്ത്തനപ്പെടുത്തൂ. മഹത്വത്തിലൂടെ സമാപ്തമാക്കൂ.

ഇന്ന് ബാപ്ദാദാ പരസ്പരം കുട്ടികളുടെ പരിശ്രമത്തെ കുറിച്ച് വളരെ സംഭാഷണം ചെയ്യുകയായിരുന്നു. എന്ത് ചെയ്യുന്നു, ബാപ്ദാദാ പുഞ്ചിരിച്ചു കൊണ്ടിരുന്നു, മനസ്സിന്റെ പരിശ്രമം കാരണം എന്തായി മാറുന്നു, എന്ത് ചെയ്യുന്നു? അംഗവൈകല്യമുള്ള കുട്ടികള് ജനിക്കുന്നു, ചിലതിന് കൈയ്യില്ല, ചിലതിന് കാലില്ല. അങ്ങനെയുള്ള വ്യര്ത്ഥത്തിന്റെ വംശത്തെ ജനിപ്പിക്കുന്നു, പിന്നെ രചനയെ എന്ത് ചെയ്യും? അതിനെ പാലിക്കുന്നത് കാരണം പരിശ്രമിക്കേണ്ടി വരുന്നു. അങ്ങനെയുള്ള രചനയെ രചിക്കുന്നത് കാരണം കൂടിതല് പരിശ്രമിച്ച് ക്ഷീണിക്കുന്നു, നിരാശരായി തീരുന്നു. വളരെ പ്രയാസം അനുഭവപ്പെടുന്നു. നല്ലതാണ് എന്നാല് വളരെ പ്രയാസമാണ്. ഉപേക്ഷിക്കാനും ആഗ്രഹിക്കുന്നില്ല, പറക്കാനും ആഗ്രഹിക്കുന്നില്ല. അപ്പോള് എന്ത് ചെയ്യണം. നടക്കേണ്ടി വരുന്നു. നടക്കുമ്പോള് തീര്ച്ചയായും പരിശ്രമം അനുഭവപ്പെടുന്നില്ലേ അതിനാല് ഇപ്പോള് ശക്തിഹീനമായ രചനകളെ സമാപ്തമാക്കൂ എങ്കില് മനസ്സിന്റെ പരിശ്രമത്തില് നിന്നും മുക്തമാകും. പിന്നെ ചിരിക്കാനുള്ള കാര്യം എന്താണ് പറയുന്നത്? ബാബ പറയുന്നു- ഈ രചനയെ എന്ത് കൊണ്ട് രചിക്കുന്നു, ഇന്നത്തെ കാലത്ത് മനുഷ്യര് പറയാറില്ലേ- എന്ത് ചെയ്യാം ഈശ്വരനാണ് നല്കുന്നത് എന്ന്. തെറ്റ് മുഴുവന് ഈശ്വരന്റെ പേരില് പറയുന്നു, അതേപോലെ ഈ വ്യര്ത്ഥമായ രചനയെ കുറിച്ചെന്ത് പറയുന്നു? ഞാന് ആഗ്രഹിക്കുന്നില്ല, എന്നാല് മായ വരുന്നു. എന്റെ ആഗ്രഹമല്ല എന്നാല് സംഭവിക്കുന്നു അതിനാല് സര്വ്വശക്തിവാനായ ബാബയുടെ കുട്ടികള് അധികാരികളാകൂ. രാജാവാകൂ. ശക്തിഹീനര് അര്ത്ഥം അധീനരായ പ്രജകള്. അധികാരി അര്ത്ഥം ശക്തിശാലി രാജാവ്. അതിനാല് അധികാരിയായി ആഹ്വാനം ചെയ്യൂ. സ്വസ്ഥ്തിയാകുന്ന ശ്രേഷ്ഠ സിംഹാസനത്തിലിരിക്കൂ. സിംഹാസനത്തിലിരുന്ന് ശക്തികളാകുന്ന സേവാധാരികളെ ആഹ്വാനം ചെയ്യൂ. ഓര്ഡര് ചെയ്യൂ. നിങ്ങളുടെ സേവാധാരികള് നിങ്ങളുടെ ഓര്ഡര് അനുസരിക്കാതിരിക്കില്ല. പിന്നെ ഇങ്ങനെ പറയില്ല- എന്ത് ചെയ്യാം, സഹന ശക്തിയില്ലാത്തത് കാരണം പരിശ്രമിക്കേണ്ടി വരുന്നു, ഉള്ക്കൊള്ളാനുള്ള ശക്തി കുറവായിരുന്നു, അതിനാലാണ് ഇങ്ങനെ സംഭവിച്ചത്. നിങ്ങളുടെ സേവാധാരികള് സമയത്ത് കാര്യം ചെയ്യാന് എത്തിയില്ലായെങ്കില് എന്ത് സേവാധാരി? കാര്യം പൂര്ത്തിയായി കഴിഞ്ഞതിനു ശേഷം സേവാധാരി വന്നുവെങ്കില് എന്ത് സംഭവിക്കും! സമയത്തിന്റെ മഹത്വം സ്വയം അറിയുന്നവരുടെ സേവാധാരികളും സമയത്ത് മഹത്വം മനസ്സിലാക്കി ഹാജരാകും. ഏതെങ്കിലും ശക്തി അഥവാ ഗുണം സമയത്ത് പ്രത്യക്ഷമാകുന്നില്ലായെങ്കില് ഇതിലൂടെ തെളിയുന്നത് അധികാരിക്ക് സമയത്തിന്റെ മഹത്വമില്ലായെന്നാണ്. എന്ത് ചെയ്യണം? സിംഹാസനത്തിലിരിക്കുന്നതാണൊ നല്ലത് അതോ പരിശ്രമിക്കുന്നതാണൊ നല്ലത്? ഇപ്പോല് ഇതില് സമയം നല്കേണ്ട ആവശ്യമില്ല. പരിശ്രമിക്കുന്നതാണൊ നല്ലത് അതോ അധികാരിയാകുന്നതാണൊ നല്ലത്? എന്താണ് നല്ലത്? കേള്പ്പിച്ചില്ലേ- ഇതിന് വേണ്ടി കേവലം ഈ ഒരു അഭ്യാസം സദാ ചെയ്തു കൊണ്ടിരിക്കൂ- നിരാകാരി തന്നെ സാകാരി ആധാരത്തിലൂടെ ഞാന് ഈ കാര്യം ചെയ്തു കൊണ്ടിരിക്കുന്നു. ചെയ്യിക്കുന്നവനായി കര്മ്മേന്ദ്രിയങ്ങളിലൂടെ ചെയ്യിക്കൂ. തന്റെ നിരാകാരി യഥാര്ത്ഥ സ്വരൂപത്തെ സ്മൃതിയില് വയ്ക്കുകയാണെങ്കില് യഥാര്ത്ഥ സ്വരൂപത്തിന്റെ ഗുണങ്ങളും ശക്തികളും സ്വതവേ പ്രത്യക്ഷമാകും. സ്വരൂപത്തിനനുസരിച്ച് ഗുണങ്ങളും ശക്തികളുംസ്വതവേ കര്മ്മത്തില് വരുന്നു. കന്യക അമ്മയാകുമ്പോള് അമ്മയുടെ സ്വരൂപത്തില് സേവാഭാവം, ത്യാഗം, സ്നേഹം, അക്ഷീണ സേവനം തുടങ്ങിയ സര്വ്വ ഗുണങ്ങളും ശക്തികളും സ്വതവേ തന്നെ പ്രത്യക്ഷമാകുന്നു. അതിനാല് അനാദി അവിനാശി സ്വരൂപത്തെ ഓര്മ്മിക്കുന്നതിലൂടെ സ്വതവേ തന്നെ ഈ ഗുണങ്ങളും ശക്തികളും പ്രത്യക്ഷത്തില് വരും. സ്വരൂപമാണ് സ്ഥിതിയെയും സ്മൃതിയെയും സ്വതവേ സൃഷ്ടിക്കുന്നത്. മനസ്സിലായോ എന്താണ് ചെയ്യേണ്ടതെന്ന്? പരിശ്രമം എന്ന ശബ്ദത്തെ ജീവിതത്തില് നിന്നും സമാപ്തമാക്കൂ. പരിശ്രമമുള്ളത് കാരണമാണ് പ്രയാസം അനുഭവപ്പെടുന്നത്. പരിശ്രമം സമാപ്തമായാല് പ്രയാസം എന്ന ശബ്ദവും സ്വതവേ സമാപ്തമാകും. ശരി.

സദാ പ്രയാസത്തെ സഹജമാക്കുന്ന, പരിശ്രമത്തെ സ്നേഹത്തിലേക്ക് പരിവര്ത്തനപ്പെടുത്തുന്ന, സദാ സ്വ സ്വരൂപത്തിന്റെ സ്മൃതിയിലൂടെ ശ്രേഷ്ഠമായ ശക്തികളുടെയും ഗുണങ്ങളുടെയും അനുഭവം ചെയ്യുന്ന, സദാ ബാബയ്ക്ക് സ്നേഹത്തിന്റെ പ്രതികരണം നല്കുന്ന, ബാബയ്ക്ക് സമാനമാകുന്ന, സദാ ശ്രേഷ്ഠമായ സ്മൃതിയുടെ ശ്രേഷ്ഠമായ സിംഹാസനത്തിലിരുന്ന് അധികാരിയായി സേവാധാരികളിലൂടെ കാര്യം ചെയ്യിക്കുന്ന, അങ്ങനെയുള്ള രാജാ കുട്ടികള്ക്ക്, അധികാരി കുട്ടികള്ക്ക് ബാപ്ദാദായുടെ സ്നേഹ സ്മരണയും നമസ്തേ.

വിദേശി സഹോദരി സഹോദരന്മാരോട്-
1) സേവനം ബാബയുടെ കൂടെയുള്ള അനുഭവം ചെയ്യിക്കുന്നു. സേവനത്തിന് പോകുക അര്ത്ഥം സദാ ബാബയോടൊപ്പമിരിക്കുക. സാകാര രൂപത്തിലായിക്കോട്ടെ, ആകാര രൂപത്തിലായിക്കോട്ടെ. എന്നാല് സേവാദാരി കുട്ടികളുടെ കൂടെ സദാ ബാബയുണ്ട്. ചെയ്യുന്നവന് ചെയ്യിച്ചു കൊണ്ടിരിക്കുന്നു. സ്വയം എന്താണ് ചെയ്യുന്നത്? നിമിത്തമായി കളി കളിച്ചു കൊണ്ടിരിക്കുന്നു. അങ്ങനെയല്ലേ അനുഭവം ചെയ്യുന്നത്? അങ്ങനെയുള്ള സേവാധാരികള് സഫലതയുടെ അധികാരികളായി മാറുന്നു. സഫലത ജന്മസിദ്ധ അധികാരമാണ്, സഫലത സദാ മഹാന് പുണ്യാത്മാവാകുന്നതിന്റെ അനുഭവം ചെയ്യിക്കുന്നു. മഹാന് പുണ്യാത്മാവാകുന്നവര്ക്ക് അനേക ആത്മാക്കളുടെ ആശീര്വാദങ്ങളുടെ ലിഫ്റ്റ് ലഭിക്കുന്നു. ശരി.

ഇപ്പോള് ആ ദിനം വരണം- സര്വ്വരുടെയും മൂഖത്തിലൂടെ ഒന്നാണ്, ഒന്ന് തന്നെയാണ് എന്ന ഗീതം മുഴങ്ങും. ഡ്രാമയുടെ ഇതേ പാര്ട്ടാണ് നടന്നു കൊണ്ടിരിക്കുന്നത്. ഇത് നടന്നു, സമാപ്തിയായി. ഇപ്പോള് ഈ പാര്ട്ടിനെ സമീപത്തേക്ക് കൊണ്ടു വരണം. ഇതിന് വേണ്ടി വിശേഷ ആകര്ഷണത്തിന്റെ സാധനമാണെന്ന അനുഭവം ചെയ്യിക്കൂ.ജ്ഞാനം കേള്പ്പിക്കൂ, അനുഭവം ചെയ്യിക്കൂ. ജ്ഞാനം കേവലം കേട്ടാല് സന്തുഷ്ടരാകില്ല എന്നാല് ജ്ഞാനം കേള്പ്പിച്ച് അനുഭവവും ചെയ്യിക്കൂ എങ്കില് ജ്ഞാനത്തിനും മഹത്വമുണ്ട്, പ്രാപ്തി കാരണം ഉത്സാഹത്തിലും വരുന്നു. അവരുടെ പ്രഭാഷണങ്ങളെല്ലാം കേവലം നോളേജ്ഫുള് മാത്രമായിരിക്കും. നിങ്ങളുടെ പ്രഭാഷണം കേവലം നോളേജ്ഫുള് മാത്രമല്ല എന്നാല് അനുഭവത്തിന്റെ അധികാരമുള്ള വാക്കുകളായിരിക്കും. അനുഭവങ്ങളുടെ അധികാരത്തിലൂടെ സംസാരിച്ച് അനുഭവം ചെയ്യിക്കൂ. ഏതു പോലെ നല്ല പ്രഭാഷകര് സംസാരത്തിലൂടെ കരയിപ്പികകുകയും ചെയ്യുന്നു, ചിരിപ്പിക്കുകയും ചെയ്യുന്നു. ശാന്തിയില്, സൈലന്സിലേക്കും കൊണ്ടു പോകുന്നു. സംസാരത്തിനനുസരിച്ച് ഹോളിലെ അന്തരീക്ഷമായി മാറുന്നു. അത് താല്കാലികമാണ്. അവര്ക്ക് ചെയ്യാമെങ്കില് നിങ്ങള് മാസ്റ്റര് സര്വ്വശക്തിവാന് എന്ത് ചെയ്യാന് സാധിക്കില്ല. ശാന്തിയെന്ന് ആരെങ്കിലും പറയുമ്പോള് ശാന്തിയുടെ അന്തരീക്ഷമായകണം, ആനന്ദം എന്ന് പറയുമ്പോള് ആനന്ദത്തിന്റെ അന്തരീക്ഷവും. അങ്ങനെ അനുഭവം ചെയ്യിക്കുന്ന പ്രഭാഷണം, പ്രത്യക്ഷതയുടെ കൊടി പറത്തും. എന്തെങ്കിലും വിശേഷത കാണില്ലേ. ശരി- സമയം സ്വതവേ ശക്തികളെ നിറച്ചു കൊണ്ടിരിക്കുന്നു. സംഭവിക്കുക തന്നെ ചെയ്യും, കേവലം ആവര്ത്തിക്കണം. ശരി.

വിട പറയുന്ന സമയത്ത് ദാദി ജാനകിജിയുമായി ബാപ്ദാദായുടെ സംഭാഷണം-
കണ്ട് കണ്ട് ഹര്ഷിതമായി കൊണ്ടിരിക്കുന്നു! ഏറ്റവും കൂടുതല് സന്തോഷം ബാബയുടെ വേണ്ടപ്പെട്ട കുട്ടികള്ക്കാണ്, സദാ സന്തേഷത്തിന്റെ സാഗരത്തില് ആറാടി കൊണ്ടിരിക്കുന്നു. സുഖത്തിന്റെ സാഗരത്തില്, സര്വ്വ പ്രാപ്തികളുടെയും സാഗരത്തില് ആറാടി കൊണ്ടിരിക്കുന്നു, അവര് മറ്റുള്ളവരെയും അതേ സാഗരത്തില് ആറാടിക്കുന്നു. മുഴുവന് ദിവസവും എന്ത് ചെയ്യുന്നു? സാഗരത്തില് കുളിക്കാന് അറിയാത്തവര് ചെയ്യുന്നത്? കൈ പിടിച്ച് കുളിപ്പിക്കുന്നില്ലേ! ഇതേ കാര്യം ചെയ്യുന്നു, സുഖത്തില്, സന്തേഷത്തില് ആറാടൂ... ഇങ്ങനെ ചെയ്യുന്നില്ലേ! ബിസിയായിരിക്കുന്നതിനുള്ള നല്ല കാര്യം ലഭിച്ചില്ലേ. എത്ര ബിസിയായിരിക്കുന്നു? സമയമുണ്ടോ? ഇതില് തന്നെ സദാ ബിസിയാണ്, അപ്പോള് മറ്റുള്ളവരും നിങ്ങളെ അനുകരിക്കുന്നു. ഓര്മ്മ, സേവനമല്ലാതെ മറ്റൊന്നും കാണപ്പെടുന്നില്ല. സ്വതവേ ബുദ്ധി ഓര്മ്മയിലും സേവനത്തിലുമായി തീരുന്നു, മറ്റെങ്ങും പോകാന് സാധിക്കില്ല. നടത്തിക്കേണ്ടി വരുന്നില്ല, നടന്നു കൊണ്ടിരിക്കുന്നു. ഇതിനെയാണ് പറയുന്നത് പഠിച്ചത് പഠിപ്പിച്ചു കൊണ്ടിരിക്കുന്നു എന്ന്. നല്ല കാര്യമല്ലേ നല്കിയിരിക്കുന്നത്! ബാബ കുട്ടികളെ സമര്ത്ഥരാക്കിയല്ലേ പോയത്. അങ്ങനെ ഉപേക്ഷിച്ച് പോയില്ലല്ലോ. സമര്ത്ഥരാക്കി, സ്ഥാനം നല്കിയല്ലേ പോയത്. കൂടെ തന്നെയുണ്ട് എന്നാല് നിമിത്തമാക്കിയില്ലേ. സമര്ത്ഥരാക്കി സീറ്റ് നല്കി. ഇവിടെ നിന്ന് തന്നെ സീറ്റ് നേടുന്നതിന്റെ രീതി ആരംഭിച്ചു. ബാബ സേവനത്തിന്റെ സിംഹാസനം അഥവാ സേവനത്തിന്റെ സീറ്റ് നല്കി മുന്നോട്ടുയര്ത്തി, ഇപ്പോള് സാക്ഷിയായി കണ്ടു കൊണ്ടിരിക്കുന്നു, കുട്ടികള് എങ്ങനെ മുന്നോട്ട് പൊയ്ക്കൊണ്ടിരിക്കുന്നുവെന്ന്. കൂടെയുമുണ്ട്, സാക്ഷിയുമാണ്. രണ്ടു പാര്ട്ടും അഭിനയിച്ചു കൊണ്ടിരിക്കുന്നു. സാകാര രൂപത്തില് സാക്ഷിയെന്ന് പറയും, അവ്യക്ത രൂപത്തില് സാഥിയെന്നും. രണ്ട് പാര്ട്ടും അഭിനയിച്ചു കൊണ്ടിരിക്കുന്നു.ശരി.

വരദാനം :-
ഓരോ ശ്വാസത്തിലും ഓര്മ്മയുടെയും സേവനത്തിന്റെയും ബാലന്സിലൂടെ ആശീര്വാദം പ്രാപ്തമാക്കുന്ന സദാ പ്രസന്നചിത്തരായി ഭവിക്കട്ടെ!

ഓര്മ്മയുടെ ബന്ധം സദാ യോജിപ്പിച്ച് വയ്ക്കുന്നതില് ശ്രദ്ധിക്കുന്നു അതേപോലെ സേവനത്തിലും ബന്ധം സദാ യോജിച്ചിരിക്കണം. ഓരോ ശ്വാസത്തിലും ഓര്മ്മയും സേവനവുമായിരിക്കണം- ഇതിനെയാണ് പറയുന്നത് ബാലന്സ്, ഈ ബാലന്സിലൂടെ സദാ ആശീര്വാദത്തിന്റെ അനുഭവം ചെയ്തു കൊണ്ടിരിക്കും, ആശീര്വാദങ്ങളിലൂടെ പാലിക്കപ്പെട്ടു കൊണ്ടിരിക്കുന്ന എന്ന ശബ്ദം ഹൃദയത്തില് നിന്ന് വരും. പരിശ്രമത്തില് നിന്നും, യുദ്ധത്തില് നിന്നും മുക്തമാകും. എന്ത്, എന്ത് കൊണ്ട്, എങ്ങനെ എന്ന ചോദ്യങ്ങളില് നിന്നും മുക്തമായി സദാ പ്രസന്നചിത്തരായിരിക്കും. പിന്നെ സഫലത ജന്മസിദ്ധ അധികാരത്തിന്റെ രൂപത്തില് അനുഭവപ്പെടും.

സ്ലോഗന് :-
ബാബയില് നിന്നും ഉപഹാരം നേടണമെങ്കില് സ്വയത്തില് നിന്നും കൂടെയുള്ളവരില് നിന്നും നിര്വ്വിഘ്നമായിരിക്കുന്നതിന്റെ സര്ട്ടിഫിക്കറ്റ് കൂടെയുണ്ടായിരിക്കണം.