02.02.19           Morning Malayalam Murli       Om Shanti           BapDada Madhuban


മധുരമായ കുട്ടികളെ - വിദേഹിയായി ബാബയെ ഓര് മ്മിക്കൂ , സ്വധര് മ്മത്തില് സ്ഥിതി ചെയ്യൂ എങ്കില് ശക്തി ലഭിക്കും , സന്തോഷവും ആരോഗ്യവും ഉണ്ടായിരിക്കും , ബാറ്ററി പൂര് ണ്ണമായും നിറഞ്ഞുകൊണ്ടിരിക്കും

ചോദ്യം :-
ഡ്രാമയുടെ ഏതൊരു ഉള്ളടക്കത്തെ അറിയുന്നത് കാരണത്താലാണ് നിങ്ങള് കുട്ടികള് സദാ അചഞ്ചലരായിരിക്കുന്നത്?

ഉത്തരം :-
നിങ്ങള്ക്കറിയാം ഈ ഏതെല്ലാം ബോംബുകളാണോ ഉണ്ടാക്കിയിട്ടുള്ളത്, ഇത് തീര്ച്ചയായും പ്രയോഗിക്കപ്പെടണം. വിനാശം സംഭവിക്കണം അപ്പോഴാണ് നമ്മുടെ പുതിയ ലോകം വരിക. ഇത് ഡ്രാമയുടെ അനാദിയായ ഉള്ളടക്കമാണ്, എല്ലാവര്ക്കും തന്നെ മരിക്കണം. നമ്മള് ഈ പഴയ ശരീരം ഉപേക്ഷിച്ച് രാജധാനിയില് ജന്മമെടുക്കുമെന്ന സന്തോഷം നിങ്ങള്ക്കുണ്ട്. നിങ്ങള് ഡ്രാമയെ സാക്ഷിയായി കാണുന്നു, കരയേണ്ട ഒരാവശ്യവുമില്ല.

ഓംശാന്തി.
ബാബയിരുന്ന് കുട്ടികള്ക്ക് മനസ്സിലാക്കി തരുന്നു ഈ ഏതൊരു ആദി-സനാതന ദേവതാ ധര്മ്മമാണോ ഉണ്ടായിരുന്നത് അതിനെ ഹിന്ദു ധര്മ്മത്തിലേക്ക് എന്തുകൊണ്ടാണ് കൊണ്ട് വന്നത്? കാരണം കണ്ടെത്തണം. ആദ്യം ആദി സനാതന ദേവീ-ദേവതാ ധര്മ്മം മാത്രമായിരുന്നു ഉണ്ടായിരുന്നത്. പിന്നീട് എപ്പോഴാണോ വികാരിയായത് അപ്പോള് സ്വയത്തെ ദേവതാ എന്ന് പറയാന് സാധിക്കില്ല. അങ്ങനെ സ്വയത്തെ ആദി സനാതന ദേവീ-ദേവതാ ധര്മ്മം എന്നതിന് പകരം ഹിന്ദുവെന്ന് പറഞ്ഞു. ആദി സനാതനമെന്ന അക്ഷരവുമുണ്ട്. കേവലം ദേവതാ എന്നത് മാറ്റി ഹിന്ദു എന്ന് വച്ചിരിക്കുന്നു. ആ സമയം ഇസ്ലാമികള് വന്നപ്പോഴാണ് പുറമെ നിന്ന് വന്ന അവരാണ് ഹിന്ദു ധര്മ്മമെന്ന പേര് വച്ചത്. മുന്പ് ഹിന്ദുസ്ഥാന് എന്ന പേര് പോലും ഉണ്ടായിരുന്നില്ല. അതുകൊണ്ട് ആദി സനാതന ഹിന്ദു ദേവതാ ധര്മ്മത്തിലുള്ളവര് തന്നെയാണ് മനസ്സിലാക്കേണ്ടത്. അവര് വിശേഷിച്ചും ധര്മ്മാത്മാക്കളായിരിക്കും. എല്ലാവരും സനാതനരല്ല, ആരാണോ പിറകില് വന്നത് അവരെ സനാതനരെന്ന് പറയില്ല. ഹിന്ദുക്കളിലും പിറകില് വരുന്നവരുണ്ട്. ആദി സനാതന ഹിന്ദുക്കളോട് പറയണം നിങ്ങളുടേത് ആദി സനാതന ദേവതാ ധര്മ്മമായിരുന്നു. നിങ്ങള് തന്നെയായിരുന്നു സതോപ്രധാനരും ആദി സനാതനരുമായിരുന്നത് പിന്നീട് പുനര്-ജന്മങ്ങള് എടുത്തെടുത്ത് തമോപ്രധാനമായിരിക്കുന്നതാണ്, ഇപ്പോള് വീണ്ടും ഓര്മ്മയുടെ യാത്രയിലൂടെ സതോപ്രധാനമാകൂ. അവര്ക്ക് ഈ മരുന്ന് നന്നായി തോന്നും. ബാബ സര്ജനല്ലേ. ആര്ക്ക് ഈ മരുന്ന് നല്ലതായി തോന്നുന്നോ അവര്ക്ക് നല്കണം. ആര് ദേവീ-ദേവതാ ധര്മ്മത്തിലേതായിരുന്നോ, അവര്ക്ക് സ്മൃതി നല്കണം. എതുപോലെയാണോ നിങ്ങള് കുട്ടികള്ക്ക് സ്മൃതി വന്നത്. ബാബ മനസ്സിലാക്കി തന്നിട്ടുണ്ട് - എങ്ങനെയാണ് നിങ്ങള് സതോപ്രധാനത്തില് നിന്ന് തമോപ്രധാനമായത്? ഇപ്പോള് വീണ്ടും തമോപ്രധാനത്തില് നിന്ന് സതോപ്രധാനമാകണം. നിങ്ങള് കുട്ടികള് സതോപ്രധാനമായിക്കൊണ്ടിരിക്കുകയാണ് - ഓര്മ്മയുടെ യാത്രയിലൂടെ. ആര് ആദി സനാതന ഹിന്ദുവാണോ അവര് തന്നെയായിരിക്കും യഥാര്ത്ഥത്തില് ദേവതകളായിരുന്നത് അതുപോലെ ദേവതകളെ പൂജിക്കുന്നതും അവര് തന്നെയായിരിക്കും. അതില് തന്നെ ആര് ശിവന്റെ അല്ലെങ്കില് ലക്ഷ്മീ-നാരായണന്റെ, രാധാ-കൃഷ്ണന്റെ, സീതാ-രാമന്റെ ഭക്തരാണോ, അവര് ദേവതാ കുലത്തിലേതാണ്. ഇപ്പോള് സ്മൃതി വന്നിരിക്കുന്നു - ആര് സൂര്യവംശികളാണോ അവര് തന്നെയാണ് ചന്ദ്രവംശിയാകുന്നത് അതുകൊണ്ട് ഇങ്ങനെ-ഇങ്ങനെയുള്ള ഭക്തരെ അന്വേഷിക്കണം. മനസ്സിലാക്കാന് വരുന്ന അവരെക്കൊണ്ട് ഫോം പൂരിപ്പിക്കണം. മുഖ്യ സെന്ററുകളില് പൂരിപ്പിക്കുന്നതിനായുള്ള ഫോം തീര്ച്ചയായും ഉണ്ടായിരിക്കണം. ആര് വന്നാലും അവര്ക്ക് പാഠം തുടക്കം മുതലേ നല്കും. ആദ്യത്തെ മുഖ്യമായ കാര്യം ആര്ക്ക് ബാബയെ അറിയില്ലയോ അവര്ക്ക് മനസ്സിലാക്കി കൊടുക്കണം. നിങ്ങള്ക്ക് നിങ്ങളുടെ വലിയ അച്ഛനെ അറിയില്ലേ. നിങ്ങള് യഥാര്ത്ഥത്തില് പാരലൗകിക പിതാവിന്റേതാണ്. ഇവിടെ വന്ന് ലൗകിക പിതാവിന്റേതായതാണ്. നിങ്ങള് നിങ്ങളുടെ പാരലൗകിക പിതാവിനെ മറന്ന് പോകുന്നതാണ്. പരിധിയില്ലാത്ത ബാബ തന്നെയാണ് സ്വര്ഗ്ഗത്തിന്റെ രചയിതാവ്. അവിടെ ഈ അനേക ധര്മ്മങ്ങള് ഉണ്ടായിരിക്കില്ല. അപ്പോള് ഏതൊരു ഫോമാണോ പൂരിപ്പിക്കുന്നത് അതില് തന്നെയായിരിക്കണം മുഴുവന് ആധാരവും. ചില കുട്ടികള് വളരെ നന്നായി മനസ്സിലാക്കി കൊടുക്കുന്നുണ്ട്, എന്നാല് യോഗം ഇല്ല. അശരീരിയായിക്കൊണ്ടുള്ള ബാബയുടെ ഓര്മ്മ, അതില്ല. ഓര്മ്മയില് ഇരിക്കാന് സാധിക്കുന്നില്ല. മനസ്സിലാക്കുന്നുണ്ട്, ഞാന് നന്നായി മനസ്സിലാക്കി കൊടുക്കുന്നുണ്ട് മ്യൂസിയമെല്ലാം തുറക്കുന്നുണ്ട് എന്നാല് ഓര്മ്മ വളരെ കുറവാണ്. സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിച്ചുകൊണ്ടിരിക്കണം, ഇതില് തന്നെയാണ് പരിശ്രമമുള്ളത്. ബാബ മുന്നറിയിപ്പ് നല്കുകയാണ്. എനിക്ക് വളരെ നന്നായി ബോധ്യപ്പെടുത്താന് സാധിക്കും ഇങ്ങനെ മനസ്സിലാക്കരുത്. എന്നാല് ഇതിലൂടെ എന്ത് നേട്ടമാണുള്ളത്? ശരി, സ്വദര്ശന ചക്രധാരിയായി മാറി എന്നാല് ഇതില് വിദേഹി ആയാണ് മാറേണ്ടത്. കര്മ്മം ചെയ്തുകൊണ്ടും സ്വയത്തെ ആത്മാവാണെന്ന് മനസ്സിലാക്കണം. ആത്മാവാണ് ഈ ശരീരത്തിലൂടെ കര്ത്തവ്യം ചെയ്യുന്നത് - ഇത് ഓര്മ്മിക്കാന് പോലും അറിയുന്നില്ല, ചിന്തയില് വരുന്നില്ല, അവരെ ബുദ്ധുവെന്ന് പറയും. ബാബയെ ഓര്മ്മിക്കാന് സാധിക്കുന്നില്ല! സേവനം ചെയ്യുന്നതിനുള്ള ശക്തിയില്ല. ഓര്മ്മ കൂടാതെ ആത്മാവില് എവിടെ നിന്ന് ശക്തി വരും? എങ്ങനെ ബാറ്ററി നിറയും? പോകെ-പോകെ നിന്ന് പോകും, ശക്തി ഉണ്ടായിരിക്കില്ല.

ധര്മ്മമാണ് ശക്തിയെന്ന് പറയാറുണ്ട്. ആത്മാവ് സ്വധര്മ്മത്തില് ഇരിക്കണം, അപ്പോള് ശക്തി ലഭിക്കും. ബാബയെ ഓര്മ്മിക്കാനാറിയാത്ത ധാരാളം പേരുണ്ട്. മുഖത്തിലൂടെ അറിയാന് കഴിയും. മറ്റെല്ലാം ഓര്മ്മ വരും, ബാബയുടെ ഓര്മ്മ നില്ക്കുന്നില്ല. യോഗത്തിലൂടെ മാത്രമാണ് ശക്തി ലഭിക്കുക. ഓര്മ്മയിലൂടെ വളരെ സന്തോഷവും ആരോഗ്യവും ഉണ്ടാകും. പിന്നീട് അടുത്ത ജന്മത്തിലും ഇങ്ങനെയുള്ള തേജസ് നിറഞ്ഞ ശരീരം ലഭിക്കും. ആത്മാവ് പവിത്രമാണെങ്കില് ശരീരവും പവിത്രമായത് ലഭിക്കും. പറയും ഇത് 24 ക്യാരറ്റ് സ്വര്ണ്ണമാണ്, അപ്പോള് ആഭരണവും 24 ക്യാരറ്റായിരിക്കും. ഈ സമയം എല്ലാവരും 9 ക്യാരറ്റായിരിക്കുന്നു. സതോപ്രധാനത്തെ 24 ക്യാരറ്റെന്ന് പറയും, സതോയെ 22, ഇത് വളരെ മനസ്സിലാക്കേണ്ട കാര്യങ്ങളാണ്. ബാബ മനസ്സിലാക്കി തരുന്നു ആദ്യം ഫോം പൂരിപ്പിക്കണം അപ്പോഴാണ് അറിയാന് സാധിക്കുക, എത്രത്തോളം പ്രതികരിക്കുന്നുണ്ട്? എത്രത്തോളം ധാരണ ചെയ്തിട്ടുണ്ട്? ഓര്മ്മയുടെ യാത്രയില് എത്രത്തോളം ഇരിക്കുന്നുണ്ട്? ഇതും വരുന്നുണ്ട്. തമോപ്രധാനത്തില് നിന്ന് സതോപ്രധാനമാകേണ്ടത് ഓര്മ്മയുടെ യാത്രയിലൂടെയാണ്. മറ്റെല്ലാം ഭക്തിയുടെ ഭൗതീക യാത്രകളാണ്, ഇതാണ് ആത്മീയ യാത്ര. ആത്മാവ് യാത്ര ചെയ്യുന്നു. അതില് ആത്മാവും ശരീരവും രണ്ടും തന്നെ യാത്ര ചെയ്യുന്നു. പതിത-പാവനനായ ബാബയെ ഓര്മ്മിക്കുന്നതിലൂടെ തന്നെയാണ് ആത്മാവില് പ്രകാശം വരുന്നത്. ഏതെങ്കിലും ജിജ്ഞാസുവിനെ ബോധ്യപ്പെടുത്തേണ്ടതായുണ്ടെങ്കില് ബാബ പ്രവേശിക്കുകയും ചെയ്യും. മാതാവും-പിതാവും രണ്ട് പേരും തന്നെ സഹായിക്കുന്നു - ചിലയിടത്ത് ജ്ഞാനത്തിന്റെ, ചിലയിടത്ത് യോഗത്തിന്റെ. ബാബ സദാ വിദേഹിയാണ്. ശരീരത്തിന്റെ ബോധം തന്നെയില്ല. അതുകൊണ്ട് ബാബയ്ക്ക് രണ്ട് ശക്തിയുടെയും സഹായം നല്കാന് സാധിക്കും. യോഗമില്ലെങ്കില് ശക്തി എവിടെ നിന്ന് ലഭിക്കും? ഇത് ജ്ഞാനിയാണോ യോഗിയാണോ എന്ന് മനസ്സിലാക്കാന് സാധിക്കും. യോഗത്തിനായി ദിനം-പ്രതിദിനം പുതിയ-പുതിയ കാര്യങ്ങള് മനസ്സിലാക്കി തരുന്നു. മുന്പ് ഈ കാര്യങ്ങള് തീര്ത്തും മനസ്സിലാക്കി തന്നിരുന്നില്ല. സ്വയത്തെ ആത്മാവെന്ന് മനസ്സിലാക്കി ബാബയെ ഓര്മ്മിക്കൂ. ഇപ്പോള് ബാബ ശക്തിയോടെ എടുക്കുന്നു, അതിലൂടെ സഹോദരീ-സഹോദരന്റെ സംബന്ധം പോലും ഇല്ലാതാകണം, കേവലം സഹോദര-സഹോദര ദൃഷ്ടിയാകണം. നമ്മള് ആത്മാവ് സഹദര-സഹോദരങ്ങളാണ്. ഇത് വളരെ ഉയര്ന്ന ദൃഷ്ടിയാണ്. അവസാനം വരേയ്ക്കും ഈ പുരുഷാര്ത്ഥം നടക്കണം. എപ്പോള് സതോപ്രധാനമാകുന്നോ അപ്പോള് ഈ ശരീരം ഉപേക്ഷിക്കും അതുകൊണ്ട് എത്രത്തോളം സാധിക്കുമോ പുരുഷാര്ത്ഥത്തെ മുന്നോട്ട് നയിക്കണം. വൃദ്ധര്ക്ക് കൂടുതല് സഹജമാണ്. ഇപ്പോള് നമുക്ക് തീര്ച്ചയായും തിരിച്ച് പോകണം. യുവാക്കള്ക്ക് ഒരിക്കലും ഇങ്ങനെയുള്ള ചിന്ത വരില്ല. വൃദ്ധന്മാര് വാനപ്രസ്ഥികളായിരിക്കും. ഇപ്പോള് തിരിച്ച് പോകണമെന്ന് മനസ്സിലാക്കുന്നു. അതുകെണ്ട് ജ്ഞാനത്തിന്റെ ഈ എല്ലാ കാര്യങ്ങളും മനസ്സിലാക്കണം. വൃക്ഷത്തിന്റെ അഭിവൃദ്ധിയും ഉണ്ടായിക്കൊണ്ടിരിക്കുന്നു. അഭിവൃദ്ധി സംഭവിച്ച്-സംഭവിച്ച് മുഴുവന് വൃക്ഷവും തയ്യാറാകും. മുള്ളുകളെ പരിവര്ത്തനപ്പെടുത്തി പുതിയ ചെറിയ പൂക്കളുടെ വൃക്ഷമാക്കണം. പുതിയതായി പിന്നീട് പഴയതാകണം. ആദ്യം വൃക്ഷം ചെറുതായിരിക്കും പിന്നീട് വളര്ന്നുകൊണ്ടിരിക്കും. വൃദ്ധി സംഭവിച്ച്-സംഭവിച്ച് അവസാനം മുള്ളായി മാറുന്നു. ആദ്യമുള്ളത് പൂക്കളാണ്. പേര് തന്നെ സ്വര്ഗ്ഗം എന്നാണ്. പിന്നീട് കുറേക്കഴിയുമ്പോള് ആ സുഗന്ധവും, ശക്തിയും ഒന്നും ഉണ്ടായിരിക്കില്ല. മുള്ളില് സുഗന്ധമുണ്ടായിരിക്കില്ല. പേരിനുള്ള പുഷ്പങ്ങളിലും സുഗന്ധം ഉണ്ടായിരിക്കില്ല. ബാബ പൂന്തോട്ടക്കാരനുമാണ്, തോണിക്കാരനുമാണ്, എല്ലാവരുടെയും തോണി അക്കര എത്തിക്കുന്നു. എങ്ങനെയാണ് തോണി അക്കരെയെത്തിക്കുന്നത്, എവിടേക്കാണ് കൊണ്ടുപോകുന്നത് - ഇതും വിവേകശാലികളായ കുട്ടികള് ആരാണോ അവര്ക്ക് മനസ്സിലാക്കാന് സാധിക്കും. ആര് മനസ്സിലാക്കുന്നില്ലയോ, അവര് പുരുഷാര്ത്ഥവും ചെയ്യില്ല. തീര്ച്ചയായും സംഖ്യാക്രമം ഉണ്ടായിരിക്കില്ലേ. ചില-ചില വിമാനങ്ങള് ശബ്ദത്തേക്കാളും വേഗത്തില് പോകുന്നുണ്ട്. ആത്മാവ് എങ്ങനെയാണ് പോകുന്നത് - ഇതും ആര്ക്കും അറിയില്ല. ആത്മാവ് റോക്കറ്റിനേക്കാളും വേഗത്തില് പോകുന്നതാണ്. ആത്മാവിനെക്കാളും വേഗതയുള്ള മറ്റൊരു വസ്തു ഉണ്ടായിരിക്കില്ല. ആ റോക്കറ്റുകളില് പെട്ടന്ന് പറത്താന് സാധിക്കുന്ന വസ്തുക്കളാണ് ഉപയോഗിക്കുന്നത്. വിനാശത്തിന് വേണ്ടി എത്ര ബോംബ് മുതലായവയാണ് തയ്യാറാക്കുന്നത്. കപ്പലിലും, വിമാനത്തിലും ബോംബ് കൊണ്ടുപോകുന്നുണ്ട്. ഇന്നത്തെ സമയത്ത് പൂര്ണ്ണ തയ്യാറെടുപ്പോടെയാണ് ഇരിക്കുന്നത്. പത്രങ്ങളില് എഴുതാറുണ്ട്, ബോംബ് പ്രയോഗിക്കില്ല എന്ന് ഉറപ്പ് തരാന് സാധിക്കില്ല. ഒരുപക്ഷേ ബോംബ് പ്രയോഗിച്ചേക്കാം - ഇങ്ങനെ പറഞ്ഞുകൊണ്ടിരിക്കുന്നു. ഈ എല്ലാ തയ്യാറെടുപ്പുകളും നടന്നുകൊണ്ടിരിക്കുന്നു. വിനാശം തീര്ച്ചയായും സംഭവിക്കണം. ബോംബ് പൊട്ടിക്കാതിരിക്കുക, വിനാശം ഉണ്ടാകാതിരിക്കുക - ഇത് സാധ്യമല്ല. നിങ്ങള്ക്ക് തീര്ച്ചയായും പുതിയ ലോകം ആവശ്യമാണ്. ഇത് ഡ്രാമയില് അടങ്ങിയിട്ടുള്ളതാണ്, അതുകൊണ്ട് നിങ്ങള്ക്ക് വളരെ സന്തോഷമുണ്ടായിരിക്കണം. വേട്ട മൃഗത്തിന് മരണ വെപ്രാളം വേട്ടക്കാരന് ആനന്ദം.... ഡ്രാമയനുസരിച്ച് എല്ലാവര്ക്കും മരിക്കുക തന്നെ വേണം. നിങ്ങള് കുട്ടികള്ക്ക് ഡ്രാമയുടെ ജ്ഞാനമുള്ളത് കാരണം ഇളകുന്നില്ല. സാക്ഷിയായി കാണുന്നു. കരയേണ്ടതിന്റെ ആവശ്യമില്ല. സമയമാകുപോള് ശരീരം ഉപേക്ഷിക്കുക തന്നെ വേണം. നമ്മള് അടുത്ത ജന്മം രാജധാനിയില് എടുക്കുമെന്ന് നിങ്ങളുടെ ആത്മാവിനറിയാം. ഞാന് രാജകുമാരനാകും. ആത്മാവിനറിയാം അപ്പോഴാണ് ഒരു ശരീരം ഉപേക്ഷിച്ച് അടുത്തതെടുക്കുന്നത്. സര്പ്പത്തിലും ആത്മാവില്ലേ. പറയും ഞാന് ഒരു തോലുപേക്ഷിച്ച് അടുത്തതെടുക്കുന്നു. ഒരിക്കല് അതും ശരീരം ഉപേക്ഷിക്കും, വീണ്ടും കുട്ടിയാകും. കുട്ടികള് ജന്മമെടുക്കാറില്ലേ. പുനര്ജന്മം എല്ലാവര്ക്കുമെടുക്കണം. ഇതെല്ലാം വിചാര സാഗര മഥനം ചെയ്യേണ്ടതായുണ്ട്.

ഏറ്റവും മുഖ്യമായ കാര്യമാണ് വളരെ സ്നേഹത്തോടെ ബാബയെ ഓര്മ്മിക്കുക. ഏതുപോലെയാണോ കുട്ടികള് മാതാ-പിതാക്കളില് തീര്ത്തും ആകര്ഷിതരാകുന്നത്, അതുപോലെ വളരെ സ്നേഹത്തോടെ ബുദ്ധിയോഗം വഴി തീര്ത്തും ബാബയില് ഒട്ടിച്ചേരണം. ഞാന് എത്രത്തോളം ധാര ചെയ്തുകൊണ്ടിരിക്കുന്നുണ്ട് എന്ന് സ്വയത്തെ നോക്കുകയും വേണം. (നാരദന്റെ ഉദാഹരണം) ഭക്തന് ഏതുവരെ ജ്ഞാനമെടുക്കുന്നില്ലയോ അതുവരെ ദേവതയാകാന് സാധിക്കില്ല. ഇത് കേവലം ലക്ഷ്മിയെ വരിക്കുന്നതിന്റെ കാര്യമല്ല. ഇത് മനസ്സിലാക്കേണ്ട കാര്യമാണ്. എപ്പോള് നമ്മള് സതോപ്രധാനമായിരുന്നോ അപ്പോള് വിശ്വത്തില് രാജ്യം ഭരിച്ചിരുന്നുവെന്ന് നിങ്ങള് കുട്ടികള് മനസ്സിലാക്കുന്നുണ്ട്. ഇപ്പോള് വീണ്ടും സതോപ്രധാനമാകുന്നതിന് വേണ്ടി ബാബയെ ഓര്മ്മിക്കണം. ഈ പരിശ്രമം കല്പ-കല്പം നിങ്ങള് യഥാ യോഗവും യഥാ ശക്തിയുമനുസരിച്ച് ചെയ്തു തന്നെയാണ് വന്നത്. ഓരോരുത്തര്ക്കും മനസ്സിലാക്കാന് സാധിക്കും എനിക്ക് എത്രത്തോളം മറ്റൊരാള്ക്ക് മനസ്സിലാക്കി കൊടുക്കാന് സാധിക്കുന്നുണ്ട്? ദേഹ-അഭിമാനത്തില് നിന്ന് എത്രത്തോളം ഞാന് മുക്തമായിക്കൊണ്ടിരിക്കുന്നുണ്ട്? ഞാന് ആത്മാവ് ഒരു ശരീരമുപേക്ഷിച്ച് അടുത്തതെടുക്കുന്നു. ഞാന് ആത്മാവ് ഇത് ഉപയോഗിക്കുകയാണ്, ഇതെന്റെ അവയവങ്ങളാണ്. നമ്മള് എല്ലാവരും അഭിനേതാക്കളാണ്. ഈ ഡ്രാമയില് ഇത് പരിധിയില്ലാത്ത വലിയ നാടകമാണ്. ഇതില് സംഖ്യാക്രമത്തില് എല്ലാവരും അഭിനേതാക്കളാണ്. നമുക്ക് മനസ്സിലാക്കാന് സാധിക്കും - ഇതില് ആര്-ആരെല്ലാമാണ് മുഖ്യ അഭിനേതാക്കള്. ഫസ്റ്റ്, സെക്കന്റ്, തേഡ് ഗ്രേഡില് ആരാരെല്ലാമാണ്? നിങ്ങള് കുട്ടികള് ബാബയിലൂടെ ഡ്രാമയുടെ ആദി മദ്ധ്യ അന്ത്യത്തെ അറിഞ്ഞിരിക്കുന്നു. രചയിതാവിലൂടെ രചനയുടെ ജ്ഞാനം ലഭിക്കുന്നു. രചയിതാവ് തന്നെയാണ് വന്ന് തന്റെയും രചനയുടെയും രഹസ്യം മനസ്സിലാക്കി തരുന്നത്. ഇത് (ബ്രഹ്മാവ്) ബാബയുടെ രഥമാണ്, ഇതില് പ്രവേശിച്ചാണ് വന്നിരിക്കുന്നത്. അതുകൊണ്ട് രണ്ട് ആത്മാക്കളുണ്ടെന്ന് പറയും. ഇതും സ്വാഭാവികമായ കാര്യമാണ്. പിതൃക്കളെ ഊട്ടുമ്പോള് ആത്മാവ് വരുന്നില്ലേ. മുന്പെല്ലാം വളരെയധികം വന്നിരുന്നു, അവരോട് ചോദിക്കുമായിരുന്നു. ഇപ്പോള് തമോപ്രധാനമായിരിക്കുന്നു. ചില-ചിലര് ഇപ്പോഴും പറയുന്നുണ്ട് - ഞാന് മുന്പത്തെ ജന്മത്തില് ഇന്ന ആളായിരുന്നു. ഭാവിയെക്കുറിച്ച് ആരും പറയാറില്ല. കഴിഞ്ഞ് പോയതിനെക്കുറിച്ച് കേള്പ്പിക്കുന്നു. എല്ലാവരിലും ആരും വിശ്വസിക്കുന്നില്ല.

ബാബ പറയുന്നു - മധുരമായ കുട്ടികളേ, ഇപ്പോള് നിങ്ങള്ക്ക് ശാന്തമായി കഴിയണം. നിങ്ങള് എത്രത്തോളം ജ്ഞാന-യോഗത്തില് ശക്തരാകുന്നോ പിന്നീട് ഉറച്ചവരാകും. ഇപ്പോള് ധാരാളം കുട്ടികള് പാകമാകാത്തവരാണ്. ഭാരതവാസി ദേവീ-ദേവതകള് എത്ര ഉറച്ചവരായിരുന്നു. ധനം കൊണ്ടും നിറഞ്ഞവരായിരുന്നു. ഇപ്പോള് കാലിയാണ്. അവര് സ്വയം പര്യാപ്തര്, നിങ്ങള് നിരാലംബര്. നിങ്ങള്ക്ക് സ്വയം തന്നെ അറിയാം ഭാരതം എന്തായിരുന്നു, ഇപ്പോള് എന്താണ്. വിശന്ന് മരിക്കേണ്ടി തന്നെ വരും. ധാന്യവും വെള്ളവും ഒന്നും തന്നെ ലഭിക്കില്ല. ചിലയിടത്ത് വെള്ളപ്പൊക്കമുണ്ടായിക്കൊണ്ടിരിക്കും, ചിലയിടത്ത് വെള്ളത്തിന്റെ തുള്ളി പോലും ഉണ്ടായിരിക്കില്ല. ഈ സമയം ദുഃഖത്തിന്റെ മേഘങ്ങളാണ്, സത്യയുഗത്തില് സുഖത്തിന്റെ മേഘങ്ങളാണ്. ഈ കളിയെ നിങ്ങള് കുട്ടികള് മാത്രമാണ് മനസ്സിലാക്കിയിട്ടുള്ളത് മറ്റാര്ക്കും തന്നെ അറിയില്ല. ബാഡ്ജ് ഉപയോഗിച്ച് മനസ്സിലാക്കി കൊടുക്കുന്നതും വളരെ നല്ലതാണ്. അത് ലൗകിക പരിധിയിയുള്ള പിതാവ്, ഇതാണ് പാരലൗകിക പരിധിയില്ലാത്ത പിതാവ്. ഈ പിതാവ് ഒരേഒരു പ്രാവശ്യം സംഗമത്തിലാണ് പരിധിയില്ലാത്ത സമ്പത്ത് നല്കുന്നത്. പുതിയ ലോകമായി തീരുന്നു. ഇത് ഇരുമ്പ് യുഗമാണ് വീണ്ടും തീര്ച്ചയായും സ്വര്ണ്ണിമയുഗമാകണം. നിങ്ങള് ഇപ്പോള് സംഗമത്തിലാണ്. ഹൃദയം ശുദ്ധമാണെങ്കില് പ്രഭു സംപ്രീതനാണ്. ദിവസവും തന്നോട് ചോദിക്കൂ - മോശമായ കര്മ്മമൊന്നും ചെയ്തില്ലല്ലോ? ആരെപ്രതിയും ഉള്ളില് വികാരി ചിന്തയൊന്നും വന്നില്ലല്ലോ? തന്റെ ലഹരിയിലാണോ കഴിഞ്ഞത് അതോ വ്യര്ത്ഥ ചിന്തനത്തില് സമയം പാഴാക്കിയോ? ബാബയുടെ ആജ്ഞയാണ് - എന്നെ മാത്രം ഓര്മ്മിക്കൂ. അഥവാ ഓര്മ്മിക്കുനില്ലെങ്കില് ആജ്ഞാലംഘകരായി തീരും. ശരി!

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും സുപ്രഭാതവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.


ധാരണയ്ക്കുള്ള മുഖ്യ സാരം:-
1. ജ്ഞാന-യോഗത്തിന്റെ ലഹരിയില് കഴിയണം, മനസ്സ് ശുദ്ധമാക്കി വയ്ക്കണം. വ്യര്ത്ഥ ചിന്തനത്തില് തന്റെ സമയം പാഴാക്കരുത്.

2. നമ്മള് ആത്മാക്കള് സഹോദര-സഹോദരന്മാരാണ്, ഇപ്പോള് തിരിച്ച് വീട്ടിലേക്ക് പോകണം - ഈ അഭ്യാസം ഉറച്ചതാക്കണം. വിദേഹിയായി സ്വധര്മ്മത്തിലിരുന്ന് ബാബയെ ഓര്മ്മിക്കണം.


വരദാനം :-
അമംഗളത്തിന്റെ സങ്കല്പത്തെ സമാപ്തമാക്കി അപകാരികളിലും ഉപകാരം ചെയ്യുന്ന ജ്ഞാനി തു ആത്മാവായി ഭവിക്കൂ

ആരെങ്കിലും ദിവസവും താങ്കളുടെ ഗ്ലാനി ചെയ്യട്ടെ, അമംഗളം ചെയ്യട്ടെ, ചീത്ത വിളിക്കട്ടെ - അപ്പോഴും അവരെ പ്രതി മനസ്സില് വെറുപ്പിന്റെ ഭാവം വരരുത്, അപകാരിയിലും ഉപകാരം - ഇതാണ് ജ്ഞാനി തു ആത്മാവിന്റെ കര്ത്തവ്യം. ഏതുപോലെയാണോ താങ്കള് കുട്ടികള് 63 ജന്മം ബാബയെ ഗ്ലാനി ചെയ്തു എന്നിട്ടും ബാബ മംഗളകാരി ദൃഷ്ടിയോടെ കണ്ടു, അതുപോലെ ഫോളോ ഫാദര്. ജ്ഞാനി തു ആത്മാവിന്റെ അര്ത്ഥം തന്നെ സര്വ്വരെ പ്രതിയും മംഗളത്തിന്റെ ഭാവന വയ്ക്കുക എന്നതാണ്. അമംഗളം സങ്കല്പ മാത്രയില് പോലും ഉണ്ടായിരിക്കരുത്.

സ്ലോഗന് :-
മന്മനാഭവയുടെ സ്ഥിതിയില് ഉറച്ച് കഴിയുകയാണെങ്കില് മറ്റുള്ളവരുടെ മനസ്സിന്റെ ഭാവങ്ങളെ അറിയാന് സാധിക്കും.