03.01.2019           Morning Malayalam Murli       Om Shanti           BapDada Madhuban


മധുരമായ കുട്ടികളെ - അല്ലാഹുവും സമ്പത്തും , അച്ഛന് റേയും ആസ്തിയുടേയും ഓര് മ്മയുണ്ടെങ്കില് സന്തോഷത്തിന് റെ അളവ് വര് ദ്ധിയ്ക്കും , ഇത് വളരെ സഹജമായതും ഒരു സെക്കന് റിന് റെ കാര്യവുമാണ് .

ചോദ്യം :-
അതിരില്ലാത്ത സന്തോഷം ഏത് കുട്ടികള്ക്കാണ് ഉണ്ടാവുക? സദാ സന്തോഷത്തിന്റെ അളവ് വര്ദ്ധിയ്ക്കാനുള്ള മാര്ഗ്ഗം എന്താണ്?

ഉത്തരം :-
ഏത് കുട്ടികളാണോ അശരീരിയാകുന്നതിനുള്ള ആഭ്യാസം ചെയ്യുന്നത്, ബാബ കേള്പ്പിക്കുന്നതിനെ നല്ലരീതിയില് ധാരണചെയ്ത് മറ്റുള്ളവരെക്കൊണ്ട് ധാരണ ചെയ്യിപ്പിക്കുന്നത്, അവര്ക്കുതന്നെയാണ് അതിരില്ലാത്ത സന്തോഷമുണ്ടാകുന്നത്. സന്തോഷത്തിന്റെ അളവ് വര്ദ്ധിയ്ക്കുന്നതിനുവേണ്ടി അവിനാശിയായ ജ്ഞാനരത്നങ്ങളെ ദാനം ചെയ്തുകൊണ്ടിരിക്കൂ,വളരെ അധികം പേരുടെ മംഗളം ചെയ്യൂ. സദാ സ്മൃതിയിലുണ്ടായിരിക്കണം നമ്മള് ഇപ്പോള് സുഖത്തിന്റേയും ശാന്തിയുടേയും കൊടുമുടിയിലേയ്ക്ക് പോവുകയാണ്,എങ്കില് സന്തോഷം ഉണ്ടായിരിക്കും.

ഓംശാന്തി.
ബാപ്ദാദയുടെ ചിന്തയിതാണ് കുട്ടികള് ആരുടെ ഓര്മ്മയിലാണ് ഇരിക്കുന്നത് എന്നത് കുട്ടികളെക്കൊണ്ട് ഒരു സെക്കന്റില് എഴുതിവാങ്ങിക്കണം. ഇത് എഴുതുന്നതിന് ഒട്ടും സമയമെടുക്കില്ല. സര്വ്വരും ഒരു സെക്കന്റില് എഴുതി അച്ഛനു കാണിച്ചുതരണം. (എല്ലാവരും എഴുതി ബാപ്ദാദയെ കാണിച്ചു പിന്നീട് ബാബയും എഴുതി. ബാബ എഴുതിയത്പോലെ മറ്റാരും എഴുതിയിരുന്നില്ല)ബാബ എഴുതി അല്ലാഹുവും സമ്പത്തും, എത്ര സഹജമാണ്. അല്ലാഹു അര്ത്ഥം ബാബ, സമ്പത്ത് അര്ത്ഥം ചക്രവര്ത്തീ പദവി. ബാബ പഠിപ്പിക്കുന്നു പിന്നീട് നിങ്ങള് രാജ്യപദവി പ്രാപ്തമാക്കുന്നു. ബാക്കി കൂടുതലായി ഒന്നും എഴുതേണ്ട ആവശ്യമില്ല. നിങ്ങള് എഴുതാന് രണ്ടു മിനിറ്റോളം എടുത്തു. അല്ലാഹുവും സമ്പത്തും സെക്കന്റിന്റെ കാര്യമാണ്. സന്യാസി കേവലം അല്ലാഹുവിനെ ഓര്മ്മിക്കും,നിങ്ങള്ക്ക് രാജധാനികൂടി ഓര്മ്മ വരുന്നുണ്ട്. ഓര്മ്മിക്കുന്നത് ശീലമായിരിക്കുന്നു. ഇത് ബുദ്ധിയിലുണ്ടെങ്കില് സന്തോഷത്തിന്റെ അതിരുകള് കടക്കും. അല്ലാഹു എന്നതിന്റെ അര്ത്ഥം എത്ര ഉയരമുള്ള കൊടുമുടിയാണ്. അതിനും മുകളിലായി മറ്റൊരു വസ്തുവുമില്ല. വസിക്കുന്ന സ്ഥാനവും ഉയര്ന്നതിലും ഉയര്ന്നതാണ്. സെക്കന്റില് മുക്തിയും ജീവന്മുക്തിയും എന്നതിന്റെ അര്ത്ഥവും ആരും അറിയുന്നില്ല. തീര്ച്ചയായും അതിനും അര്ത്ഥമുണ്ടാകും. കുട്ടി ജനിച്ചാല് ഉടനെ എഴുതും ഇന്ന മണിക്കുറില് ഇന്ന മിനിറ്റില് ഇന്ന സെക്കന്റില് ജനിച്ചു. ടിക്ക് ടിക്ക് എന്ന് നടന്നുകൊണ്ടേയിരിക്കും. ടിക്ക് എന്ന സമയം മതി അല്ലാഹുവും സമ്പത്തും, ഓര്മ്മിക്കാന് സെക്കന്റുപോലും എടുക്കുന്നില്ല. പറയേണ്ട ആവശ്യവുമില്ല. ഇതുതന്നെയാണ് ഓര്മ്മ. നിങ്ങള് കുട്ടികള്ക്ക് ഇത്രയും നല്ല അവസ്ഥ ഉണ്ടായിരിക്കണം. പക്ഷേ ഓര്മ്മയുണ്ടാകുമ്പോഴേ ആ അവസ്ഥയുണ്ടാകൂ. ഇവിടെ ഇരിക്കുമ്പോള് കുട്ടികള്ക്ക് അച്ഛന്റേയും രാജധാനിയുടേയും ഓര്മ്മ ഉണ്ടായിരിക്കണം. ബുദ്ധികൊണ്ടാണ് കാണുന്നത്, ഇതിനെയാണ് ദിവ്യദൃഷ്ടി എന്നു പറയുന്നത്. ആത്മാവും കാണുന്നുണ്ട്. ആത്മാവുതന്നെയാണ് അച്ഛനെ ഓര്മ്മിക്കുന്നുണ്ടാവുക. നിങ്ങളും അച്ഛനെ ഓര്മ്മിക്കു എങ്കില് രാജധാനിയും ഒപ്പം ഓര്മ്മവരും. എത്ര സമയം എടുക്കുന്നുണ്ട്. ഇവിടെയും ഓര്മ്മയില് ഇരിക്കുകയാണെങ്കില് ഗദ്ഗദം വരും. ബാബയും ഈ സന്തോഷത്തില് ഇരിക്കുകയാണ്. ബാബയ്ക്ക് ഇവിടെയുള്ള ഒരു കാര്യവും ഓര്മ്മയിലില്ല. ബാബ അവിടെയുള്ള കാര്യങ്ങളാണ് ഓര്മ്മിക്കുന്നത്. ബാബയും രാജധാനിയും ഭൂമിയില് നില്ക്കുന്നതുപോലെ. ബാബ പറയുകയാണ് ഞാന് നിങ്ങള് കുട്ടികള്ക്കായി രാജധാനി കൊണ്ടുവന്നിട്ടുണ്ട്. നിങ്ങള് ഓര്മ്മിക്കുന്നില്ല അതുകൊണ്ടാണ് സന്തോഷം നിലനില്ക്കാത്തത്. നിങ്ങള് ഇരിക്കുമ്പോഴും എഴുന്നേല്ക്കുമ്പോഴും സ്വയം ആത്മാവാണെന്നു മനസ്സിലാക്കി അച്ഛനേയും സമ്പത്തിനേയും ഓര്മ്മിക്കു. നിങ്ങള് വസിക്കുന്നത് എത്ര ശ്രേഷ്ഠമായ സ്ഥാനത്താണ്. ലോകത്തിന് ഇത് അറിയുമോ. മനുഷ്യര് മുക്തിയിലേയ്ക്ക് പോകുന്നതിനുവേണ്ടി എത്ര തലയിട്ടുടയ്ക്കുന്നു. ഇപ്പോള് മുക്തിധാമം എവിടെയാണ്? നിങ്ങള് ആത്മാവ് റോക്കറ്റാണെന്ന് മനസ്സിലാക്കുന്നുണ്ട്. അവര് ചന്ദ്രനിലേയ്ക്കുവരെ പോകുന്നുണ്ട് അതിനുശേഷമാണ് ധ്രുവങ്ങള്.നിങ്ങള് ധ്രുവങ്ങള്ക്കും മുകളിലേയ്ക്ക് പോകുന്നു. ചന്ദ്രന്റെ നിലാവ് ഈ ലോകത്തിലാണ്. സൂര്യ ചന്ദ്രന്മാര്ക്കും മുകളില്, ശബ്ദത്തിനും ഉപരി എന്നു പറയാറുണ്ട്. ഈ ശരീരത്തെയും ഉപേക്ഷിക്കണം. നിങ്ങള് വരുന്നത് മധുരമായ ശാന്തിനിറഞ്ഞ വീട്ടില് നിന്നാണ്. വരുന്നതിനും പോകുന്നതിനും സമയമെടുക്കില്ല. നമ്മുടെ വീടാണ്. ഇവിടെയാണെങ്കില് എവിടേയ്ക്ക് പോകണമെങ്കിലും സമയമെടുക്കുന്നു. ആത്മാവ് ശരീരം ഉപേക്ഷിച്ചാല് സെക്കന്റില് എവിടെ നിന്ന് എവിടെയെത്തുന്നു. ഒരു ശരീരം ഉപേക്ഷിച്ച് അടുത്തതില് ചെന്ന് പ്രവേശിക്കുന്നു. അതിനാല് സ്വയം ആത്മാവാണെന്നു മനസ്സിലാക്കണം. നിങ്ങള് വളരെ ഉയരമുള്ള കൊടുമുടിലേയ്ക്ക് പോവുകയാണ്. മനുഷ്യര് ശാന്തി ആഗ്രഹിക്കുന്നുണ്ട്. ശാന്തിയുടെ ഏറ്റവും ഉയരമുള്ള കൊടുമുടിയാണ് നിരാകാരീ ലോകം,പിന്നീട് സുഖത്തിന്റേയും ഉയരമുള്ള കൊടുമുടിയുണ്ട് അതാണ് സ്വര്ഗ്ഗം. ഉയര്ന്നതിലും ഉയര്ന്നതിനേയാണ് സ്തംഭം എന്നു പറയുന്നത്. നിങ്ങളുടെ വീടും എത്ര ഉയര്ന്നതാണ്. ലോകത്തിലുള്ളവര്ക്ക് ഒരിയ്ക്കലും ഇതിനെക്കുറിച്ച് ചിന്തിക്കാന് പോലും സാധിക്കില്ല. അവര്ക്ക് ഇതെല്ലാം മനസ്സിലാക്കിക്കൊടുക്കാന് ആരുമില്ല. അതിനെയാണ് ശാന്തിയുടെ സ്തംഭം എന്നു പറയുന്നത്. മനുഷ്യര് കേവലം പറഞ്ഞുകൊണ്ടിരിക്കുന്നു വിശ്വത്തില് ശാന്തിയുണ്ടാകണം. പക്ഷേ ശാന്തി എവിടെയാണുള്ളത് ഇതിന്റെ അര്ത്ഥം അറിയില്ല. ഈ ലക്ഷ്മീ നാരായണന്മാര് സുഖത്തിന്റെ ഗോപുരത്തിലാണ്,അവിടെ ലോപമോ അത്യാഗ്രഹമോ ഇല്ല. അവിടെ കഴിക്കുന്നതും കുടിക്കുന്നതും സംസാരിക്കുന്നതും എല്ലാം വളരെ രാജകീയമായിരിക്കും അതേപോലെ വളരെ അധികം സുഖം ഉണ്ടായിരിയ്ക്കും.അവര്ക്ക് എത്ര മഹിമയാണെന്നു നോക്കൂ എന്തുകൊണ്ടെന്നാല് അവര് അത്രയ്ക്ക് പരിശ്രമിച്ചിട്ടുണ്ട്. ഇവിടെ ഒരാളല്ല, മുഴുവന് മാലയും ഉണ്ടാവുകയാണ്. വാസ്തവത്തില് 9 രത്നങ്ങള് എന്ന് പാടിയിട്ടുണ്ട്. തീര്ച്ചയായും അവര് ഗുപ്തമായി പരിശ്രമിച്ചിട്ടുണ്ടാകും. അച്ഛനേയും സമ്പത്തിനേയും ഓര്മ്മയുണ്ടാകണം അപ്പോഴേ വികര്മ്മം വിനാശമാകു. പക്ഷേ മായ ഓര്മ്മിക്കുവാന് അനുവദിയ്ക്കുന്നില്ല. ചിലപ്പോള് കാമം, ചിലപ്പോള് ക്രോധം.... വളരെ അധികം കൊടുങ്കാറ്റുകളിലേയ്ക്ക് കൊണ്ടുവരുന്നു. തന്റെ നാഡി പരിശോധിക്കണം. നാരദനോടും മുഖം നോക്കാന് പറഞ്ഞിരുന്നു. അതായത് ആ അവസ്ഥ ഇപ്പോള് വന്നിട്ടില്ല, ഉണ്ടാക്കണം. ബാബ ലക്ഷ്യം തീര്ച്ചയായും നല്കും. ഉള്ളില് പുരുഷാര്ത്ഥം ചെയ്തുകൊണ്ടിരുക്കൂ, മുന്നോട്ടുപോകവേ ആ അവസ്ഥ നിങ്ങളുടേതാകും. അശരീരിയായിരിക്കുന്നതിനുള്ള അഭ്യാസം ചെയ്യണം. ഇപ്പോള് തിരിച്ച് പോകണം. ബാബ പറഞ്ഞിട്ടുണ്ട് എന്നെ ഓര്മ്മിക്കു. ഓര്മ്മിക്കുന്നില്ലെങ്കില് ശിക്ഷകള് അനുഭവിക്കേണ്ടതായും വരും പദവിയും കുറഞ്ഞുപോകും. ഇത് വളരെ സൂക്ഷ്മമായ കാര്യമാണ്. ലോകര് എത്രത്തോളം സയന്സിന്റെ ആഴങ്ങളിലേക്ക് പോകുന്നു.എന്തെല്ലാമാണ് ഉണ്ടാക്കിക്കൊണ്ടിരിക്കുന്നത്. ആ സംസ്ക്കാരവും വേണമല്ലോ, അവര് അവിടെച്ചെന്ന് ഈ സാധനങ്ങള് ഉണ്ടാക്കും. കേവലം ഈ ലോകത്തിന് മാറ്റം വരണം. ഇവിടെയുള്ള സംസ്ക്കാരത്തിന്റെ ആധാരത്തില് തന്നെയാണ് ചെന്ന് ജന്മമെടുക്കുക.യുദ്ധം ചെയ്യുന്നവരുടെ ബുദ്ധിയില് യുദ്ധത്തിന്റെ സംസ്ക്കാരമുണ്ടാകും, അവര് ആ സംസ്ക്കാരവും കൊണ്ടാണ് പോകുന്നത്. യുദ്ധം ചെയ്യാതിരിക്കാനേ സാധിക്കില്ല. ഉദ്ധ്യോഗസ്ഥരുടെ മുന്നില് നീണ്ട വരിയായിരിക്കും. സേനയില് ചേരുന്ന സമയത്ത് എന്തെങ്കിലും അസുഖമൊന്നുമില്ലല്ലോ എന്ന് പരിശോധിക്കും. കണ്ണ്, കാത് എല്ലാം ശരിയാകണം. യുദ്ധം ചെയ്യാന് എല്ലാം ശരിയായിരിക്കണം. ഇവിടെയും ആര് ആരെല്ലാമാണ് വിജയമാലയിലെ മണിയാവുക എന്ന് നോക്കുകയാണ്. നിങ്ങള്ക്ക് പുരുഷാര്ത്ഥം ചെയ്ത് കര്മ്മാതീത അവസ്ഥ നേടണം. ആത്മാവ് അശരീരിയായാണ് വന്നത്, അശരീരിയായിത്തന്നെ തിരികെപ്പോകണം. അവിടെ ശരീരവുമായി ഒരു സംബന്ധവുമില്ല. ഇപ്പോള് അശരീരിയാകണം. ആത്മാക്കള് അവിടെ നിന്നാണ് വരുന്നത്, വന്ന് ശരീരത്തില് പ്രവേശിക്കുന്നു. വളരെ അധികം ആത്മാക്കള് വന്നുകൊണ്ടേയിരിക്കും. എല്ലാവര്ക്കും അവരവരുടെ പാര്ട്ട് ലഭിച്ചിട്ടുണ്ട്. പുതിയതായി വരുന്ന പവിത്രമായ ആത്മാക്കള്ക്ക് ആദ്യം തീര്ച്ചയായും സുഖം ലഭിക്കും അതിനാല് അവരുടെ മഹിമ ഉണ്ടാകുന്നു. വളരെ വലിയ വൃക്ഷമല്ലേ. വലിയ ആളുകള് എത്ര പ്രശസ്തമാണ്. തന്റെ ശക്തിയ്ക്ക് അനുസരിച്ച് സുഖത്തിലായിരിക്കും. അതിനാല് ഇപ്പോള് കുട്ടികള്ക്ക് പരിശ്രമിക്കണം, കര്മ്മാതീത അവസ്ഥയില് പവിത്രമായി തിരിച്ച് പോകണം.തന്റെ പെരുമാറ്റത്തെ നോക്കണം ഞാന് ആര്ക്കും ദുഃഖം നല്കുന്നില്ലല്ലോ.അച്ഛന് എത്ര മധുരമാണ്. അതി സ്നേഹിയല്ലേ. അതിനാല് കുട്ടികള്ക്കും ഇതുപോലെയാവണം. ഇത് നിങ്ങള് കുട്ടികള്ക്ക് അറിയാം അച്ഛന് ഇവിടെയുണ്ട്. പക്ഷേ മനുഷ്യര്ക്ക് അറിയുമോ അച്ഛന് ഇവിടെ സ്ഥാപന ചെയ്യുകയാണെന്ന്,എന്നിട്ടും ജന്മ ജന്മാന്തരങ്ങള് ഓര്മ്മിച്ചുകൊണ്ടിരിക്കുന്നു. ശിവക്ഷേത്രങ്ങളില് ചെന്ന് എത്ര പൂജ ചെയ്യുന്നു. വളരെ ഉയരമുള്ള കൊടുമുടിയിലുള്ള ഭദ്രീനാഥ് പോലുള്ള ക്ഷേത്രങ്ങളിലേയ്ക്കും പോകുന്നു. എത്രയധികം ഉത്സവങ്ങള് ആഘോഷിക്കുന്നു കാരണം അത്രയ്ക്കും മധുരമല്ലേ. ഉയര്ന്നതിലും ഉയര്ന്ന ഭഗവാന് എന്ന് പാടുന്നുമുണ്ട്. ബുദ്ധിയില് നിരാകാരനെത്തന്നെയാണ് ഓര്മ്മ വരുക. നിരാകാരന് തന്നെയാണ്. പിന്നീടാണ്

ബ്രഹ്മാ-വിഷ്ണു- ശങ്കരന്മാര്. അവരെ ഭഗവാന് എന്നു വിളിക്കില്ല.

ഇപ്പോള് നിങ്ങള് കുട്ടികള് മനസ്സിലാക്കുന്നുണ്ട് നമ്മള് തന്നെയായിരുന്നു സതോപ്രധാന ദേവതകള്, നമ്മള് വിശ്വത്തിന്റെ അധികാരിയായിരുന്നപ്പോള് ഇത്രയുമധികം മനുഷ്യര് ഉണ്ടായിരുന്നില്ല. ഭാരതത്തില് തന്നെയാണ് നമ്മുടെ രാജ്യം ഉണ്ടായിരുന്നത്. ബാക്കി എല്ലാവരും ശാന്തീധാമത്തിലേയ്ക്ക് പോകും. ഇതെല്ലാം നിങ്ങള് കണ്ടുകൊണ്ടിരിക്കും, ഇതിന് വളരെ വിശാലബുദ്ധിവേണം. അവിടെ നിങ്ങള്ക്ക് പര്വ്വതം കയറേണ്ട ആവശ്യമില്ല. അവിടെ ഒരു അപകടവും സംഭവിക്കില്ല.അതാണ് സ്വര്ഗ്ഗത്തിന്റെ അദ്ഭുതം. സ്വര്ഗ്ഗത്തിന്റെ അദ്ഭുതം ഇല്ലാതാകുമ്പോള് മായയുടെ അദ്ഭുതം ഉണ്ടാകുന്നു. ഈ കാര്യങ്ങള് ലോകര്ക്ക് മനസ്സിലാക്കാന് സാധിക്കില്ല. ഇപ്പോള് നിങ്ങള് സ്വര്ഗ്ഗത്തിലേയ്ക്ക് പോകുന്നതിനുള്ള പുരുഷാര്ത്ഥം ചെയ്യുകയാണ്. അത് സുഖത്തിന്റെ ഗോപുരമാണ്.ഇതാണ് ദുഃഖത്തിന്റെ ഗോപുരം. യുദ്ധത്തില് ദിവസവും എത്ര മനുഷ്യരാണ് മരിക്കുന്നത് അവര് വീണ്ടും ജന്മമെടുക്കുന്നുമുണ്ടാകും. ഈശ്വരന്റെ അറ്റം കണ്ടെത്താന് സാധിക്കില്ല എന്നു പാടാറുണ്ട്. ബിന്ദുവായ ഈശ്വരന്റെ എന്ത് അറ്റമാണ് കണ്ടുപിടിയ്ക്കുക.ബാബ പറയുന്നു ഈ രചനയുടെ ആദി മദ്ധ്യ അന്ത്യത്തെ ആര്ക്കും അറിയില്ല. സാധു സന്യാസിമാര്ക്കുപോലും രചയിതാവിന്റേയും രചനയുടേയും അറ്റം കണ്ടെത്താന് സാധിക്കില്ല. നിങ്ങളെ അച്ഛന് പഠിപ്പിക്കുകയാണ്, ഇതിനെ പഠിപ്പ് എന്നാണ് പറയുന്നത്. സൃഷ്ടി ചക്രത്തിന്റെ രഹസ്യത്തെ നിങ്ങള് കുട്ടികളാണ് അറിഞ്ഞുകൊണ്ടിരിക്കുന്നത്. അവര് പറയും ഞങ്ങള്ക്ക് അറിയില്ല അല്ലെങ്കില് പിന്നെ ലക്ഷക്കണക്കിന് വര്ഷങ്ങളുണ്ടെന്ന് പറയുന്നു.

ഇപ്പോള് ബാബ മനസ്സിലാക്കിത്തന്നിട്ടുണ്ട് ഇവിടെ നിങ്ങള് കാണുന്നതൊന്നും അവിടെയുണ്ടാകില്ല. സ്വര്ഗ്ഗമാണ് സുഖത്തിന്റെ ഗോപുരം. ഇവിടെയാണെങ്കില് ദുഃഖം തന്നെ ദുഃഖമാണ്. എല്ലാം അവസാനിക്കുന്ന വിധത്തില് മരണം പെട്ടെന്നാണ് വരിക. മരണത്തെ കാണുക എന്നത് അമ്മായിയുടെ വീടുപോലെയല്ല, ഇതിനെ ദുഃഖത്തിന്റെ കൊടുമുടി എന്നാണ് പറയുന്നത്. അതാണ് സുഖത്തിന്റെ കൊടുമുടി.മതി.ഇനി മൂന്നാമത് ഒരു വാക്കില്ല. നിങ്ങളിലും വളരെപേര് ഇങ്ങനെയാണ് കേള്ക്കും പക്ഷേ ധാരണയുണ്ടാകുന്നില്ല. ബുദ്ധി സ്വര്ണ്ണിമയുഗത്തിലേതാകുമ്പോഴേ ധാരണയുണ്ടാകൂ. ധാരണയുണ്ടാകുന്നില്ലെങ്കില് സന്തോഷമുണ്ടാകില്ല. ഏറ്റവും നന്നായി പഠിക്കുന്നവരുമുണ്ട് വളരെ കുറച്ച് പഠിക്കുന്നവരുമുണ്ട്. പഠിക്കുന്നതില് വ്യത്യാസമുണ്ടല്ലോ. അവര്ക്ക് പരിധിയില്ലാത്ത അച്ഛന് എത്രതന്നെ മനസ്സിലാക്കിക്കൊടുത്താലും ഒരിയ്ക്കലും മനസ്സിലാക്കില്ല. ഓര്മ്മയില്ലാതെ നിങ്ങള്ക്ക് ഒരിയ്ക്കലും പവിത്രമാകാന് സാധിക്കില്ല. ബാബയാണ് കാന്തം. ബാബ ഏറ്റവും ശക്തിയുള്ളയാളാണ്. ബാബയില് ഒരിയ്ക്കലും അഴുക്ക് പിടിക്കില്ല, ബാക്കി എല്ലാവരിലും അഴുക്ക് പിടിച്ചിരിക്കുകയാണ്, അതിനെ കളഞ്ഞ് പിന്നീട് സതോപ്രധാനമായിമാറണം. ബാബ പറയുന്നു എന്നെ മാത്രം ഓര്മ്മിക്കു ബാക്കി ആരിലും മമത്വം വെയ്ക്കരുത്. ധനവാന്മാര്ക്ക് മുഴുവന് ദിവസവും ധനത്തിലും സമ്പത്തിലുമായിരിക്കും ശ്രദ്ധ. ദരിദ്രരുടെ കൈയ്യില് ഒന്നുമില്ല പക്ഷേ ദരിദ്രരാണെങ്കിലും കാര്യങ്ങള് ധാരണ ചെയ്യുന്നതിന് വിവേകശാലിയായിരിക്കണം. ഓര്മ്മയില്ലാതെ അഴുക്ക് എങ്ങനെ ഇല്ലാതാകും. നമ്മള് എങ്ങനെ പവിത്രമായി മാറും. നിങ്ങള് ഉയര്ന്ന കൊടുമുടിയിലേയ്ക്ക് പോകുന്നതിന് വേണ്ടി ഇവിടേയ്ക്ക് വന്നിരിയ്ക്കുന്നു.അറിയാം അച്ഛന്റെ ശിക്ഷണം അനുസരിച്ച് നടക്കുകയാണെങ്കില് സുഖത്തിന്റെ ഉയര്ന്ന കൊടുമുടിയിലെത്താം. ഇതില് പരിശ്രമമുണ്ട്. ബാബ വരുന്നത് ഗോപുരത്തിലേയ്ക്ക് കൊണ്ടുപോകുന്നതിനാണ്. അതിനാല് ശ്രീമതം അനുസരിച്ച് നടക്കണം. മഹിമ പാടുന്നതില് ആദ്യത്തെ നമ്പര് ഈ ലക്ഷ്മീ നാരായണന്മാരുടേതാണ്. അവര് പൂര്ണ്ണമായും ഗോപുരത്തിലായിരിക്കും.അതിനുശേഷമുള്ളവരില് കുറച്ച് എന്തെങ്കിലും കുറവുണ്ടാകും. പുതിയ ലോകത്തെത്തന്നെയാണ് സുഖത്തിന്റെ ഗോപുരം എന്നു പറയുന്നത്. അവിടെ അഴുക്കുള്ള ഒരു വസ്തുവും ഉണ്ടാകില്ല. ഇങ്ങനെയുള്ള മണ്ണായിരിക്കില്ല, വീടിനെപ്പോലും തകര്ക്കുന്ന രീതിയിലുള്ള കാറ്റ് അവിടെ വീശില്ല. സ്വര്ഗ്ഗത്തിന് വളരെ അധികം മഹിമയുണ്ട്. അതിനുവേണ്ടി പുരുഷാര്ത്ഥം ചെയ്യണം. ലക്ഷ്മീ നാരായണന്മാര് എത്ര ശ്രേഷ്ഠമാണ്, അവരെ കാണുമ്പോള് തന്നെ മനസ്സ് സന്തോഷിക്കും. മുന്നോട്ട് പോകുന്തോറും വളരെ അധികം സാക്ഷാത്ക്കാരങ്ങള് ഉണ്ടായിക്കൊണ്ടിരിക്കും. ആരംഭത്തില് എത്ര സാക്ഷാത്ക്കാരമുണ്ടാകുമായിരുന്നു. ബാബ എത്ര അത്ഭുതങ്ങള് കാണിച്ചിരുന്നു. കിരീടം മുതലായവ അണിഞ്ഞുകൊണ്ട് വരുമായിരുന്നു. ആ വസ്തുക്കള് ഇവിടെ ലഭിക്കില്ല. ബാബ വജ്രവ്യാപാരിയാണ്. മുമ്പ് 50 ആയിരം രൂപയ്ക്ക് ലഭിച്ചിരുന്ന വജ്രം ഇപ്പോള് 50 ലക്ഷം രൂപകൊടുത്താലും കിട്ടില്ല. നിങ്ങള് സ്വര്ഗ്ഗത്തിലേയ്ക്ക് പോകാന് പുരുഷാര്ത്ഥം ചെയ്യുകയാണ്. അവിടെ അളവില്ലാത്ത സുഖമുണ്ട്. ബാബ എത്ര പഠിപ്പിക്കുന്നു പക്ഷേ എന്നിട്ടും കുട്ടികളില് രാത്രിയുടേയും പകലിന്റേയും വ്യത്യാസം ഇപ്പോഴുമുണ്ട്. രാജാവും റാണിയും എവിടെയാണ് ദാസ ദാസി എവിടെയാണ്. നല്ല രീതിയില് പഠിക്കുകയും പഠിപ്പിക്കുകയും ചെയ്യുന്നവര്ക്ക് ഒളിഞ്ഞിരിക്കാന് സാധിക്കില്ല. അവര് പെട്ടെന്ന് തന്നെ പറയും ബാബാ ഞങ്ങള് ഇന്ന സ്ഥലത്തുപോയി സേവനം ചെയ്യട്ടേ. സേവനം ഒരുപാടുണ്ട്. നിങ്ങള്ക്ക് ഈ കാടിനെ ക്ഷേത്രമാക്കി മാറ്റണം. റൊട്ടി കഴിച്ചോ കഴിച്ചില്ലയോ സേവനത്തിനായി ഓടണം. കച്ചവടക്കാര് അങ്ങനെയാണ്. നല്ല ഉപഭോക്താക്കള് വന്നാല് ഭക്ഷണം കഴിച്ചാലും ഇല്ലെങ്കിലും ഓടും. ധനം സമ്പാദിക്കുന്നതില് ലഹരിയുണ്ടാകും. ഇവിടെയാണെങ്കില് പരിധിയില്ലാത്ത അച്ഛനില് നിന്നും അളവറ്റ ധനമാണ് ലഭിക്കുന്നത്. തീര്ച്ചയായും കുറച്ച് സമയമുണ്ട് പക്ഷേ നാളെ ശരീരം വിട്ടാലോ,ഒരു ഉറപ്പുമില്ല. വിനാശമുണ്ടാവുകതന്നെവേണം. നിങ്ങളുടെ കാര്യത്തില് മൃഗത്തിന് പ്രാണവേദനയും വേട്ടക്കാരന് ആനന്ദവും എന്ന് പറയുന്നതുപോലെയായിരിയ്ക്കും.നിങ്ങളുടെ സന്തോഷത്തിന് അതിരുണ്ടാകില്ല. നിങ്ങള്ക്ക് അളവില്ലാത്ത സന്തോഷം ഉണ്ടായിരിക്കണം. നിങ്ങള് വളരെയധികം പേരുടെ മംഗളം ചെയ്യണം. അന്തിമത്തില് കര്മ്മാതീത അവസ്ഥയിലെത്തണം. നിങ്ങള് ഓര്മ്മിച്ച് ഓര്മ്മിച്ച് അശരീരിയായിത്തീരും അപ്പോള് അനായാസമായി പറക്കാന് സാധിക്കും. ഇത് വളരെ പരിശ്രമമുള്ള കാര്യമാണ്. ചിലര് വളരെ നന്നായി സേവനം ചെയ്യുന്നുണ്ട്. മുഴുവന് ദിവസവും മ്യൂസിയത്തില് മനസ്സിലാക്കിക്കൊടുത്തുകൊണ്ടിരിക്കുന്നു. രാത്രിയും പകലും സേവനത്തില് തല്പരരാണ്. നൂറുകണക്കിന് മ്യൂസിയം തുറക്കും. ലക്ഷക്കണക്കിന് ആളുകള് നിങ്ങളുടെ പക്കലേയ്ക്ക് വരും, നിങ്ങള്ക്ക് സമയമേ ഉണ്ടാകില്ല. ഈ അവിനാശീ ജ്ഞാനരത്നങ്ങളുടെ അഥവാ നിങ്ങളുടെ കടകളായിരിക്കും ഏറ്റവും കൂടുതല് ഉണ്ടാവുക. ശരി.

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-

1. ജ്ഞാനത്തിന്റെ ധാരണ ചെയ്യുന്നതിനായി ആദ്യം തന്റെ ബുദ്ധിയെ സ്വര്ണ്ണിമയുഗത്തിന്റേതാക്കണം. ബാബയുടെ ഓര്മ്മ കൂടാതെ മറ്റൊരു വസ്തുവിലും മമത്വം വെയ്ക്കരുത്.

2. കര്മ്മാതീത അവസ്ഥയെ പ്രാപ്തമാക്കി വീട്ടിലേയ്ക്ക് പോകുന്നതിനു വേണ്ടി അശരീരിയാകുന്നതിനുള്ള അഭ്യാസം ചെയ്യൂ. ആര്ക്കും ഞാന് ദുഃഖം നല്കുന്നില്ലല്ലോ എന്ന് തന്റെ പെരുമാറ്റത്തെ പരിശോധിക്കണം. ബാബയ്ക്കു സമാനം മധുരമായി മാറണം.

വരദാനം :-

ബ്രാഹ്മണ ജീവിതത്തിന്റെ സ്വാഭാവിക പ്രകൃതത്തിലൂടെ കല്ലിനെപ്പോലും വെള്ളമാക്കി മാറ്റുന്നവരായ മാസ്റ്റര് സ്നേഹത്തിന്റെ സാഗരമായി ഭവിയ്ക്കട്ടെ.

ലോകത്തിലുള്ളവര് പറയാറുണ്ട്,സ്നേഹം കല്ലിനെപ്പോലും വെള്ളമാക്കി മാറ്റുന്നു,അതേപ്പോലെ താങ്കള് ബ്രാഹ്മണരുടേയും സ്വാഭാവിക പ്രകൃതം മാസ്റ്റര് സ്നേഹ സാഗരമാണ്. ഭിന്ന ഭിന്ന പ്രകാരത്തിലുള്ള പ്രകൃതത്തെപ്പോലും പരിവര്ത്തനപ്പെടുത്താന് സാധിയ്ക്കുന്ന വിധത്തിലുള്ള ആത്മീയ സ്നേഹത്തിന്റെയും പരമാത്മാ സ്നേഹത്തിന്റെയും ശക്തി താങ്കളുടെ അടുത്തുണ്ട്.സ്നേഹസാഗരന് എങ്ങനെ സ്നേഹസ്വരൂപത്തിന്റെ അനാദി സ്വഭാവത്തിലൂടെ താങ്കള് കുട്ടികളെ തന്റെതാക്കി മാറ്റിയോ അതേപ്പോലെ താങ്കളും മാസ്റ്റര് സ്നേഹസാഗരനായി മാറി വിശ്വത്തിലെ ആത്മാക്കള്ക്ക് സത്യവും നിസ്വാര്ത്ഥവുമായ ആത്മീക സ്നേഹം കൊടുക്കുകയാണെങ്കില് അവരുടെ പ്രകൃതവും പരിവര്ത്തനപ്പെടും.

സ്ലോഗന് :-
തന്റെ വിശേഷതകളെ സ്മൃതിയില് വെച്ച് അതിനെ സേവനത്തില് ഉപയോഗിയ്ക്കുകയാണെങ്കില് പറക്കുന്ന കലയില് പറന്നുകൊണ്ടിരിയ്ക്കും.

ബ്രഹ്മാബാബയ്ക്ക് സമാനമായി മാറുന്നതിനുള്ള വിശേഷ പുരുഷാര്ത്ഥം

അന്തര്മുഖ സ്ഥിതിയില് ഇരുന്ന് പിന്നീട് ബാഹ്യര്മുഖതയിലേയ്ക്ക് വരിക,ഈ അഭ്യാസത്തിനുവേണ്ടി തന്റെ മുകളില് വ്യക്തിഗത ശ്രദ്ധ വെയ്ക്കുന്നതിന്റെ ആവശ്യകതയുണ്ട്,താങ്കള് അന്തര്മുഖ സ്ഥിതിയില് ഇരിയ്ക്കുമ്പോള് ബാഹ്യര്മുഖതയുടെ കാര്യങ്ങള് ശല്യം ചെയ്യില്ല.എന്തുകൊണ്ടെന്നാല് ദേഹ അഭിമാനത്തില് നിന്ന് വേര്പെട്ടിരിയ്ക്കും.