03.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളെ, എല്ലാവര്ക്കും ഈയൊരു സന്ദേശം തന്നെ നല്കൂ, ബാബയുട െആജ്ഞയാണ്-ഈ പുരുഷോത്തമ സംഗമയുഗത്തില് പവിത്രമാവു കയാണെങ്കില് സത്യയുഗീ സമ്പത്ത് ലഭിക്കും.

ചോദ്യം :-
ഏതൊരു ചിലവ് കുറഞ്ഞ കച്ചവടമാണ് എല്ലാവര്ക്കും പറഞ്ഞുകൊടുക്കേണ്ടത്?

ഉത്തരം :-
ഈ അന്തിമ ജന്മത്തില് ബാബയുടെ ആജ്ഞയനുസരിച്ച് നടന്ന് പവിത്രമാവുകയാണെങ്കില് 21 ജന്മത്തേക്കുവേണ്ടി വിശ്വത്തിന്റെ ചക്രവര്ത്തി പദവി ലഭിക്കും. ഇത് വളരെ ചിലവ് കുറഞ്ഞ കച്ചവടമാണ്. ഈയൊരു കച്ചവടം ചെയ്യാന് നിങ്ങള് എല്ലാവരെയും പഠിപ്പിക്കൂ. പറയൂ-ഇപ്പോള് ശിവബാബയെ ഓര്മ്മിച്ച് പവിത്രമാകാമെങ്കില് പവിത്രമായ ലോകത്തിന്റെ അധികാരിയായി മാറാം.

ഓംശാന്തി.
ആത്മീയ കുട്ടികള്ക്കറിയാം, ആത്മീയ അച്ഛന് മനസ്സിലാക്കി തരുന്നു പ്രദര്ശിനി അഥവാ മേളയില് ഷോ കാണിക്കുമ്പോള് അഥവാ ചിത്രങ്ങള് കാണിച്ച് മനുഷ്യര്ക്ക് മനസ്സിലാക്കികൊടുക്കുമ്പോള് ബാബയില് നിന്ന് ഇപ്പോള് പരിധിയില്ലാത്ത സമ്പത്തെടുക്കണം എന്നു വേണം പറഞ്ഞു കൊടുക്കാന്. ഏത് സമ്പത്ത്? മനുഷ്യനില് നിന്ന് ദേവതയായി മാറാനുള്ള സമ്പത്ത്. അഥവാ പരിധിയില്ലാത്ത ബാബയില് നിന്നും എങ്ങനെയാണ് അരകല്പത്തിലേക്കുള്ള സ്വര്ഗ്ഗരാജ്യമാകുന്ന സമ്പത്തെടുക്കേണ്ടതെന്ന് മനസ്സിലാക്കി കൊടുക്കേണ്ടതാണ്. ബാബ കച്ചവടക്കാരന് തന്നെയാണ്. ബാബയുമായി ഈ കച്ചവടം ചെയ്യണം. മനുഷ്യര്ക്ക് അറിയാം ദേവീ-ദേവതകള് പവിത്രമായി ജീവിച്ചിരുന്നു. ഭാരതത്തില് സത്യയുഗമുണ്ടായിരുന്നപ്പോള് ദേവീ-ദേവതകള് പവിത്രരായിരുന്നു. സ്വര്ഗ്ഗത്തിലേക്കു പോകുന്നതിനുവേണ്ടി തീര്ച്ചയായും അവരെന്തെങ്കിലും പ്രാപ്തി എടുത്തിട്ടുണ്ടായിരിക്കും. സ്വര്ഗ്ഗത്തിന്റെ സ്ഥാപന നിര്വ്വഹിക്കുന്ന ബാബയ്ക്കല്ലാതെ മറ്റാര്ക്കും പ്രാപ്തി ചെയ്യിപ്പിക്കാനും സാധിക്കില്ല. പതിത-പാവനനായ ബാബ തന്നെയാണ് പതിതരെ പാവനമാക്കി പാവന ലോകത്തിന്റെ രാജ്യം നല്കുന്നത്. കച്ചവടം എത്ര ലാഭത്തിലാണ് നല്കുന്നത്. ഇത് നിങ്ങളുടെ അന്തിമ ജന്മമാണെന്ന് മാത്രം പറയുന്നു. ഏതു വരെ ഞാന് ഈ ലോകത്തിലുണ്ടോ, അത്രയും സമയം പവിത്രമായി ജീവിക്കൂ. ഞാന് വന്നിരിക്കുകയാണ് പവിത്രമാക്കി മാറ്റാന്. നിങ്ങള് ഈ അന്തിമ ജന്മത്തില് പാവനമായി മാറാനുള്ള പുരുഷാര്ത്ഥം ചെയ്യുകയാണെങ്കില് പാവനമായ ലോകത്തിന്റെ സമ്പത്തെടുക്കാം. കച്ചവടം വളരെ ലാഭകരമാണ്. അതിനാല് ബാബയ്ക്ക് ചിന്ത വന്നു കുട്ടികള്ക്ക് ഇങ്ങനെയെല്ലാം മനസ്സിലാക്കി കൊടുക്കണം ബാബയുടെ ആജ്ഞയാണ്- പവിത്രമാകൂ എന്ന്. ഇത് പവിത്രമാകാനുളള പുരുഷോത്തമ സംഗമയുഗമാണ്. ഉത്തമനിലും ഉത്തമ പുരുഷന് ദേവതകള് തന്നെയാണ്. ലക്ഷ്മീ-നാരായണന്റെ രാജ്യമായിരുന്നില്ലേ! ദൈവീകലോകത്തിന്റെ അധികാരമാണ് നിങ്ങള്ക്ക് ബാബയില് നിന്ന് സമ്പത്തിന്റെ രൂപത്തില് ലഭിക്കുന്നത്. ഈ അന്തിമ ജന്മം ബാബയുടെ മതപ്രകാരം പവിത്രമാകുകയാണെങ്കില് യോഗബലത്തിലൂടെ സ്വയത്തെ എങ്ങനെ പാവനമാക്കി മാറ്റണം എന്ന യുക്തിയും പറഞ്ഞു തരുന്നു. കുട്ടികള്ക്ക് മംഗളാര്ത്ഥം ചിലവ് ചെയ്യുക തന്നെ വേണം. ചിലവാക്കാതെ രാജധാനി സ്ഥാപിക്കാന് സാധിക്കില്ല. ഇപ്പോള് ലക്ഷ്മീ-നാരായണന്റെ രാജധാനിയാണ് സ്ഥാപിക്കുന്നത്. കുട്ടികള്ക്ക് തീര്ച്ചയായും പവിത്രമായി മാറണം. മനസാ-വാചാ കര്മ്മണാ ഏതൊരു തലകീഴായ കര്ത്തവ്യവും ചെയ്യരുത്. ദേവതകള്ക്ക് ഒരിക്കലും ഒരു മോശമായ ചിന്തപോലും വരില്ല. വായിലൂടെ അങ്ങനെയുളള വാക്കുകളൊന്നും വീഴുകയില്ല. അവര് സര്വ്വഗുണ സമ്പന്നരും, സമ്പൂര്ണ്ണ നിര്വ്വികാരിയും മര്യാദാ പുരുഷോത്തമരുമാണ്.....ആരാണോ ജീവിച്ചുപോയവര് അവരുടെയെല്ലാം മഹിമ പാടാറുണ്ട്. ഇപ്പോള് നിങ്ങള് കുട്ടികളെയും അതേപോലെയുള്ള ദേവീ-ദേവതകളാക്കി മാറ്റാന് വന്നിരിക്കുകയാണ്. അതിനാല് മനസാ-വാചാ-കര്മ്മണാ ഒരു മോശമായ കര്മ്മവും ചെയ്യരുത്. ദേവതകള് സമ്പൂര്ണ്ണ നിര്വ്വികാരികളായിരുന്നു. ഈ ഗുണവും നിങ്ങള് ഇപ്പോഴാണ് ധാരണ ചെയ്യുന്നത് എന്തുകൊണ്ടെന്നാല് ഈ മൃത്യുലോകത്തില് ഇത് നിങ്ങളുടെ അന്തിമ ജന്മമാണ്. പതിത ലോകത്തെ മൃത്യുലോകമെന്നും പാവന ലോകത്തെ അമരലോകമെന്നും പറയുന്നു. ഇപ്പോള് മൃത്യുലോകത്തിന്റെ വിനാശം തൊട്ട് മുന്നില് നില്ക്കുകയാണ്. തീര്ച്ചയായും അമരപുരിയുടെ സ്ഥാപനയുണ്ടാകും. ഇത് ശാസ്ത്രങ്ങളില് കാണിച്ചിട്ടുള്ള അതേ മഹാഭാരത യുദ്ധമാണ്. ഇതിലൂടെ പഴയ വികാരി ലോകം സമാപ്തമാകുന്നു. എന്നാല് ആരിലും ഈ ജ്ഞാനമില്ല. ബാബ പറയുന്നു എല്ലാവരും അജ്ഞതയാകുന്ന നിദ്രയില് ഉറങ്ങിക്കിടക്കുകയാണ്. പഞ്ചവികാരങ്ങളുടെ ലഹരിയിലാണ്. ഇപ്പോള് ബാബ പറയുന്നു-പവിത്രമാകൂ. മാസ്റ്റര് ഗോഡല്ലേ! ലക്ഷ്മീ-നാരായണനെ ദേവീ-ദേവതകളെന്ന് പറയുന്നു അര്ത്ഥം ഈശ്വരനിലൂടെയാണ് ഇവര് ഈ സമ്പത്ത് പ്രാപ്തമാക്കിയത്. ഇപ്പോള് ഭാരതം പതിതമാണ്. മനസാ-വാചാ-കര്മ്മണാ അങ്ങനെയുളള കര്ത്തവ്യമാണ് നടക്കുന്നത്. ഏതൊരു കാര്യവും ആദ്യം വരുന്നത് ബുദ്ധിയിലാണ് പിന്നീടാണ് വായിലൂടെ വരുക. കര്മ്മത്തിലൂടെ വരുന്നതിലൂടെ വികര്മ്മമായി മാറുന്നു. ബാബ പറയുന്നു-സത്യയുഗത്തില് ഒരു വികര്മ്മവും ഉണ്ടാകുന്നില്ല. ഈ കലിയുഗത്തില് വികര്മ്മമുണ്ടാകുന്നു കാരണം രാവണ രാജ്യമാണ്. ഇപ്പോള് ബാബ പറയുന്നു-ശേഷിച്ച ആയുസ്സ് പവിത്രമായി മാറൂ. പ്രതിജ്ഞ ചെയ്യണം. പവിത്രമായി പിന്നീട് എന്നോടൊപ്പം ബുദ്ധിയുടെ യോഗവും വെക്കണം. അതിലൂടെ നിങ്ങളുടെ ജന്മ-ജന്മാന്തര പാപങ്ങള് ഇല്ലാതാകുന്നു. അപ്പോള് മാത്രമെ നിങ്ങള് 21 ജന്മത്തേക്ക് സ്വര്ഗ്ഗത്തിന്റെ അധികാരികളായി മാറുകയുള്ളൂ. ബാബ ഓഫര് ചെയ്യുകയാണ്. ബാബ മനസ്സിലാക്കി തരുന്നു-ഈ ബ്രഹ്മാവിലൂടെയാണ് സമ്പത്ത് നല്കുന്നത്. ഒന്ന് ശിവബാബ, ബ്രഹ്മാവ് ദാദയാണ്. അതുകൊണ്ടാണ് എപ്പോഴും ബാപ്ദാദയെന്ന് പറയുന്നത്. ശിവബാബയും ബ്രഹ്മാവാകുന്ന ദാദയും. ബാബ നല്ല കച്ചവടമാണ് ചെയ്യുന്നത്. മൃത്യുലോകത്തിന്റെ വിനാശം തൊട്ട് മുന്നില് തന്നെ നില്ക്കുകയാണ്. അമരലോകത്തിന്റെ സ്ഥാപനയാണ് നടന്നുകൊണ്ടിരിക്കുന്നത്. ഭാരതവാസികളുടെ മംഗളത്തിനായാണ് പ്രദര്ശിനിയും മേളകളുമെല്ലാം നടക്കുന്നത്. ബാബ തന്നെ വന്നാണ് ഭാരതത്തില് രാമരാജ്യം സ്ഥാപിക്കുന്നത്. രാമരാജ്യത്തില് തീര്ച്ചയായും പവിത്രമായവര് തന്നെയായിരിക്കും. ബാബ പറയുന്നു-കുട്ടികളെ, കാമം മഹാശത്രുവാണ്. ഈ 5 വികാരങ്ങളെ തന്നെയാണ് മായ എന്നു പറയുന്നത്. ഈ വികാരങ്ങളുടെ മേല് വിജയം പ്രാപ്തമാക്കുന്നതിലൂടെ നിങ്ങള് വിശ്വത്തെ ജയിച്ചവരായി മാറും. ദേവീ-ദേവതകള് തന്നെയാണ് വിശ്വത്തെ ജയിച്ചവര്. മറ്റാര്ക്കും വിശ്വത്തെ ജയിച്ചവരായി മാറാന് സാധിക്കില്ല. ബാബ മനസ്സിലാക്കി തന്നിരുന്നു, ക്രിസ്ത്യാനികള് പരസ്പരം ഒരുമിക്കുകയാണെങ്കില് മുഴുവന് സൃഷ്ടിയുടെയും രാജ്യപദവി നേടാന് സാധിക്കും. പക്ഷെ നിയമമില്ല. പഴയ ലോകത്തെ ഇല്ലാതാക്കുന്നതിനുവേണ്ടിയാണ് ഈ ബോംബുകളെല്ലാം ഉണ്ടാക്കുന്നത്. കല്പ-കല്പം പുതിയലോകം പഴയതും പഴയലോകം പുതിയതായും മാറുന്നു. പുതിയ ലോകത്തില് ഈശ്വരീയ രാജ്യമാണ്. അതിനെ രാമരാജ്യമെന്ന് പറയുന്നു. ഈശ്വരനെ അറിയാത്തതുകാരണമാണ് രാമ-രാമ എന്ന് ജപിച്ചുകൊണ്ടി രിക്കുന്നത്. അതിനാല് നിങ്ങള് കുട്ടികളുടെ ഉള്ളില് ഈ കാര്യങ്ങള് ധാരണയുണ്ടായിരിക്കണം. വാസ്തവത്തില് നമ്മള് 84 ജന്മങ്ങള് എടുത്ത് സതോപ്രധാനത്തില് നിന്നും തമോപ്രധാനമായി മാറി. ഇപ്പോള് വീണ്ടും തീര്ച്ചയായും സതോപ്രധാനമായി മാറണം. ശിവബാബയുടെ നിര്ദ്ദേശപ്രകാരം നടക്കുകയാണെങ്കില് 21 ജന്മത്തേക്ക് പവിത്രമായ ലോകത്തില് ഉയര്ന്ന പദവി പ്രാപ്തമാക്കാന് സാധിക്കും. ഇനി വേണമെങ്കില് പുരുഷാര്ത്ഥം ചെയ്യാം, ചെയ്യാതിരിക്കാം. വേണമെങ്കില് ഓര്മ്മയിലിരുന്ന് മറ്റുള്ളവര്ക്ക് വഴി പറഞ്ഞുകൊടുക്കാം, കൊടുക്കാതിരിക്കാം. പ്രദര്ശിനിയിലൂടെ കുട്ടികള് ഒരുപാട് പേര്ക്ക് വഴി പറഞ്ഞുകൊടുക്കുന്നു. തന്റെയും മംഗളം ചെയ്യണം. കച്ചവടം വളരെ വളരെ ചെലവ് കുറഞ്ഞതാണ്. കേവലം ഈ അന്തിമജന്മം പവിത്രമായിരിക്കുന്നതിലൂടെ ശിവബാബയെ ഓര്മ്മിക്കുന്നതിലൂടെ നിങ്ങള് തമോപ്രധാനത്തില് നിന്നും സതോപ്രധാനമായിത്തീരുന്നു. ജീവിതം തന്നെ പരിവര്ത്തനപ്പെടുന്നു. ഇങ്ങനെ-ഇങ്ങനെയെല്ലാം ചിന്തിക്കണം. ബാബയുടെ അടുത്ത് വാര്ത്തകള് വരാറുണ്ട്, രാഖി അണിയാന് പോയപ്പോള് ചിലര് പറഞ്ഞു, ഈ തമോപ്രധാന ലോകത്തില് പവിത്രമായി ജീവിക്കുക എന്നുളളത് അസംഭവ്യമാണ്. പാവങ്ങളായ അവര്ക്ക് അറിയാന് സാധിക്കുന്നില്ല ഇത് സംഗമയുമാണെന്ന്. ബാബ തന്നെയാണ് പവിത്രമാക്കി മാറ്റുന്നത്. ഇവരുടെ സഹയോഗി പരമപിതാ പരമാത്മാവാണ്. ഇതിലൂടെയുളള പ്രാപ്തി വളരെ ഉയര്ന്നതാണെന്ന് അവര്ക്ക് അറിയില്ലല്ലോ. പവിത്രമാകുന്നതിലൂടെ പവിത്രമായ ലോകത്തിന്റെ അധികാരികളായി മാറാം. ബാബ പറയുന്നു-ഈ മായയാകുന്ന 5 വികാരങ്ങളില് വിജയം പ്രാപ്തമാക്കുന്നതിലൂടെ നിങ്ങള് വിശ്വത്തിന്റെ അധികാരികളായി മാറും. അപ്പോള് എന്തുകൊണ്ട് പവിത്രമായി മാറിക്കൂടാ. ഒന്നാന്തരം കച്ചവടമാണിത്. ബാബ പറയുന്നു-കാമം മഹാശത്രുവാണ്. ആ വികാരത്തില് വിജയം പ്രാപ്തമാക്കുന്നതിലൂടെ നിങ്ങള് പവിത്രമായി മാറും. മായയെ ജയിച്ചവര് ജഗത്ത്ജീത്തായി മാറും. യോഗബലത്തിലൂടെ മായയെ ജയിക്കുന്ന കാര്യമാണ്. പരമപിതാവായ പരമാത്മാവ് തന്നെയാണ് ആത്മാക്കള്ക്ക് മനസ്സിലാക്കിതരുന്നത്-എന്നെ ഓര്മ്മിക്കൂ എന്നാല് ആത്മാവിലുള്ള കറ ഇല്ലാതാകും. നിങ്ങള് സതോപ്രധാനമായ ലോകത്തിന്റെ അധികാരികളായി മാറും. ബാബ സംഗമത്തിലാണ് സമ്പത്ത് നല്കുന്നത്. ഏറ്റവും ഉത്തമ പുരുഷന് ഈ ലക്ഷ്മീ-നാരായണനായിരുന്നു. അവരെ തന്നെയാണ് മര്യാദാ പുരുഷോത്തമരെന്നും ദേവീ-ദേവതാ ധര്മ്മത്തിലുള്ളവരുമെന്ന് പറയുന്നത്. വളരെ നല്ല രീതിയിലാണ് മനസ്സിലാക്കി തരുന്നത്, എന്നാല് ചിലപ്പോള് ഈ പോയിന്റുകളെല്ലാം മറന്നുപോകുന്നു. പ്രഭാഷണത്തില് ഈ പോയിന്റുകളൊന്നും മനസ്സിലാക്കികൊടുത്തില്ലല്ലോ എന്ന് പിന്നീട് ഓര്മ്മ വരും. മനസ്സിലാക്കികൊടുക്കാന് ഒരുപാട് പോയിന്റുകളുണ്ട്. അങ്ങനെയൊക്കെ സംഭവിക്കാറുണ്ട്. വക്കീല്മാരും പല-പല പോയിന്റുകള് മറന്നുപോകാറുണ്ട്. അതേ പോയിന്റ് പിന്നീട് ഓര്മ്മ വരുകയാണെങ്കില് പ്രശ്നങ്ങളുണ്ടാക്കും. ഡോക്ടര്മാര്ക്കും ഇങ്ങനെയെല്ലാം സംഭവിക്കാറുണ്ട്. ഈ രോഗത്തിന് ഇന്ന മരുന്ന് ശരിയായിരിക്കും എന്ന് ചിന്തിക്കുന്നു. ഇവിടെയും ഒരുപാട് പോയിന്റുകളുണ്ട്. ബാബ പറയുന്നു, ഇന്ന് നിങ്ങള്ക്ക് ഗുഹ്യമായ പോയിന്റുകള് മനസ്സിലാക്കിതന്നു. എന്നാല് മനസ്സിലാക്കുന്നവരെല്ലാം പതിതരാണ്. വിളിക്കുന്നുണ്ട്-അല്ലയോ പതിത-പാവനാ... പക്ഷേ ആരോടെങ്കിലും നിങ്ങള് പതിതരാണെന്ന് പറയുകയാണെങ്കില് അവര് പിണങ്ങുന്നു. ഈശ്വരന്റെ മുന്നില് സത്യം പറയുന്നു, അല്ലയോ പതിതപാവനാ വരൂ, വന്ന് നമ്മെ പാവനമാക്കി മാറ്റൂ എന്ന്. പക്ഷേ ഈശ്വരനെ മറന്നുപോകുമ്പോള് പിന്നെ അസത്യം പറയുന്നു. അതിനാല് വളരെ യുക്തിയോടുകൂടി മനസ്സിലാക്കികൊടുക്കണം, സര്പ്പം ചാവുകയും വേണം എന്നാല് വടി ഒടിയാനും പാടില്ല. ബാബ പറയുന്നു- എലിയില് നിന്നും ഗുണമെടുക്കൂ. എലി കടിച്ചാല് രക്തം വരുന്നു എന്നാല് കടിച്ചത് അല്പം പോലും അറിയുന്നില്ല. വളരെ യുക്തിയോടുകൂടിയാണ് കടിക്കുന്നത്. അതിനാല് കുട്ടികളുടെ ബുദ്ധിയില് എല്ലാ പോയിന്റുകളും ഉണ്ടാകണം. യോഗത്തിലിരിക്കുന്നവര്ക്ക് സമയത്തിന് സഹായം ലഭിക്കുന്നു. കേള്ക്കുന്നയാള് കേള്പ്പിക്കുന്ന യാളെക്കാളും കൂടുതല് ബാബയുടെ സ്നേഹിയാകാനും സാധ്യതയുണ്ട്. അങ്ങനെയും സംഭവിക്കാം. അപ്പോള് ബാബ സ്വയം ഇരുന്ന് മനസ്സിലാക്കി കൊടുക്കുന്നു. അതിനാല് ഈ രീതിയില് മനസ്സിലാക്കികൊടുക്കൂ, അതിലൂടെ അവര് പവിത്രമായി മാറുന്നത് വളരെ നല്ലതാണെന്ന് പറയണം. ഈ ഒരു ജന്മം പവിത്രമാകുന്നതിലൂടെ നമ്മള് 21 ജന്മത്തേക്ക് പവിത്രമായ ലോകത്തിന്റെ അധികാരിയായി മാറും. ഭഗവാന്റെ വാക്കുകളാണ്-ഈ അന്തിമ ജന്മം പവിത്രമായി മാറൂ എന്നാല് ഞാന് ഗ്യാരന്റി നല്കുകയാണ് ഡ്രാമയുടെ പദ്ധതിയനുസരിച്ച് നിങ്ങള്ക്ക് 21 ജന്മത്തേക്കുവേണ്ടി സമ്പത്ത് പ്രാപ്തമാക്കാന് സാധിക്കും. നമ്മള് കല്പ-കല്പം സമ്പത്ത് പ്രാപ്തമാക്കിക്കൊണ്ടേയിരിക്കുന്നു. സേവനത്തിനോട് താല്പര്യമുള്ളവര്, നമുക്കും ചെന്ന് മനസ്സിലാക്കികൊടുക്കണമെന്ന് പറയും. സേവനത്തിനായി ഓടുന്നു. ബാബ ജ്ഞാനത്തിന്റെ സാഗരനാണ്. ധാരാളം ജ്ഞാനമഴ പെയ്യിക്കുന്നു. പവിത്രമായ ആത്മാക്കള്ക്ക് ധാരണയുമുണ്ടാകുന്നു. തന്റെ പേര് പ്രശസ്തമാക്കി കാണിക്കുന്നു. പ്രദര്ശിനിയിലും മേളയിലും അറിയാന് സാധിക്കും-ആര് എത്രത്തോളം സേവനം ചെയ്യുന്നു എന്ന്. ആര് എങ്ങനെയെല്ലാം മനസ്സിലാക്കി കൊടുക്കുന്നു എന്ന് പരിശോധിക്കേണ്ട കടമ ടീച്ചര്മാര്ക്കുളളതാണ്. കൂടുതലായും ലക്ഷ്മീ-നാരാ യണന്റെയും ഏണിപ്പടിയുടെയും ചിത്രത്തില് മനസ്സിലാക്കികൊടുക്കുക എന്നത് വളരെ നല്ലതാണ്. യോഗബലത്തിലൂടെയാണ് ഈ ലക്ഷ്മീ-നാരായണനായി മാറുന്നത്. ലക്ഷ്മീ-നാരായണന് തന്നെയാണ് ആദി ദേവനും ആദി ദേവിയും. ചതുര്ഭുജധാരിയില് ലക്ഷ്മിയും നാരായണനും രണ്ടുപേരും വരും. രണ്ടു കൈകള് ലക്ഷ്മിയുടെയും മറ്റുരണ്ട് കൈകള് നാരായണന്റെതുമാണ്. ഇത് ഭാരതവാസികള്ക്ക് അറിയില്ല. മഹാലക്ഷ്മിയ്ക്ക് നാല് കൈകളുണ്ട്. ഇതിനര്ത്ഥം തന്നെ അവര് യുഗിളാണ് എന്നാണ്. വിഷ്ണു എന്നത് ചതുര്ഭുജധാരിയാണ്.

ദിവസവും പ്രദര്ശിനിയില് മനസ്സിലാക്കികൊടുക്കാറുണ്ട്. ശാസ്ത്രത്തില് രഥത്തെയും കാണിച്ചിട്ടുണ്ട്. രഥത്തിലിരുന്നത് അര്ജ്ജുനനും, കൃഷ്ണന് രഥത്തെ തെളിച്ചു എന്നെല്ലാം പറയുന്നത് കഥകളാണ്. ഇപ്പോള് ഇത് ജ്ഞാനത്തിന്റെ കാര്യങ്ങളാണ്. ജ്ഞാനാമൃതത്തിന്റെ കലശം ലക്ഷ്മിയുടെ ശിരസ്സില് വെച്ചതായാണല്ലോ കാണിക്കുന്നത്. വാസ്തവത്തില് കലശം ജഗദംബയുടെ ശിരസ്സിലാണ് വെച്ചിരിക്കുന്നത്. അവരാണ് പിന്നീട് ലക്ഷ്മിയായി മാറുന്നത്. ഇതും മനസ്സിലാക്കികൊടുക്കണം. സത്യയുഗത്തില് ഒരു ധര്മ്മം ഒരു മതമുള്ള മനുഷ്യരാണ്. ദേവതകളുടേത് ഒരു മതമാണ്. ദേവതകളെ തന്നെയാണ് ശ്രീയെന്നു പറയുന്നത്. മറ്റാരെയും പറയുകയില്ല. അപ്പോള് ഈ ബാബയ്ക്ക് ചിന്ത വന്നിരുന്നു, മനസ്സിലാക്കികൊടുക്കുമ്പോള് ചുരുങ്ങിയ വാക്കുകള് പ്രയോഗിക്കണം. ഈ അന്തിമ ജന്മത്തില് 5 വികാരങ്ങളില് വിജയം പ്രാപ്തമാക്കുന്നതിലൂടെ രാമരാജ്യത്തിന്റെ അധികാരികളായി മാറും. ഇത് ലാഭകരമായ കച്ചവടമാണ്. ബാബ വന്ന് അവിനാശി ജ്ഞാന രത്നങ്ങളുടെ ദാനം ചെയ്യുന്നു. ബാബ ജ്ഞാനത്തിന്റെ സാഗരനാണ്. ബാബ തന്നെയാണ് ജ്ഞാന രത്നം നല്കുന്നത്. ഇന്ദ്രസഭയില് ചിലര് മരതക പരി, പുഷ്യരാഗ പരി(മാലാഖ)... എന്നെല്ലാം പേരുണ്ട്. എല്ലാവരും സഹയോഗികള് തന്നെയാണ്. വജ്രങ്ങള് പല വിധത്തിലുള്ളതായിരിക്കുമല്ലോ! അതുകൊണ്ടാണ് 9 രത്നങ്ങള് കാണിച്ചിട്ടുള്ളത്. നല്ല രീതീയില് പഠിച്ചവര്ക്ക് പദവിയും ലഭിക്കുമെന്നത് തീര്ച്ചയാണ്. നമ്പര്വൈസാണല്ലോ! ഇതു തന്നെയാണ് പുരുഷാര്ത്ഥം ചെയ്യാനുള്ള സമയം. നമ്മള് ബാബയുടെ മാലയിലെ മുത്തായി മാറുന്നു എന്ന് കുട്ടികള്ക്കറിയാം. എത്രത്തോളം ശിവബാബയെ ഓര്മ്മിക്കുന്നുവോ അത്രത്തോളം നമ്മള് ഓര്മ്മയാകുന്ന ഓട്ടമത്സരത്തില് മുന്നിലെത്തുകയാണ്. പാപവും പെട്ടെന്ന് വിനാശമാകും.

ഇത് വളരെ നീണ്ട പഠിപ്പൊന്നുമല്ല കേവലം പവിത്രമായി മാറണം. ദൈവീക ഗുണങ്ങളും ധാരണ ചെയ്യണം. വായിലൂടെ ഒരിക്കലും കല്ലുകള് വരരുത്. വായിലൂടെ കല്ലുകള് എറിയുന്നവര് കല്ലുബുദ്ധികളായി മാറുന്നു. ജ്ഞാനരത്നങ്ങള് വരുന്നവര് മാത്രമെ ഉയര്ന്ന പദവി പ്രാപ്തമാക്കുകയുള്ളൂ. ഇത് വളരെ സഹജമാണ്. ജിജ്ഞാസുക്കള്ക്കും മനസ്സിലാക്കികൊടുക്കണം, പതിതപാവനനും സര്വ്വരുടെയും മുക്തി - ജീവന്മുക്തി ദാതാവുമായ പരമപിതാപരമാത്മാവായ ശിവന് പറയുന്നു-അല്ലയോ ഭാരതവാസികളായ ആത്മീയ കുട്ടികളെ, ഈ രാവണ രാജ്യമാകുന്ന മൃത്യുലോകത്തിന്റെ, കലിയുഗത്തിലെ ഈ അന്തിമ ജന്മത്തിലും പവിത്രമായി ജീവിക്കുന്നതിലൂടെയും പരമപിതാവായ പരമാത്മാവുമായി ബുദ്ധിയോഗബലത്തിന്റെ യാത്രയിലൂടെയും തമോപ്രധാന ആത്മാക്കള് സതോപ്രധാനമായി സതോപ്രധാന സത്യയുഗീ വിശ്വത്തില് പവിത്രത, സുഖം, ശാന്തി, സമ്പത്തുകളാല് സമ്പന്ന മര്യാദാ പുരുഷോത്തമരും ദൈവീക പദവിയും വീണ്ടും പ്രാപ്തമാക്കാന് സാധിക്കും. 5000 വര്ഷം മുമ്പത്തേതുപോലെ. എന്നാല് ഭാവിയിലുണ്ടാകാന് പോകുന്ന മഹാവിനാശത്തിന്റെ മുമ്പ് തന്നെ ബാബ നമുക്ക് സമ്പത്ത് നല്കുന്നു, പഠിപ്പ് പഠിപ്പിക്കുന്നു. എത്രത്തോളം പഠിക്കുന്നുവോ അത്രത്തോളം പദവിയും പ്രാപ്തമാക്കും. കൂടെ കൊണ്ടുപോവുക തന്നെ ചെയ്യുമല്ലോ പിന്നെ നമുക്ക് ഈ പഴയ ശരീരത്തിന്റെയും ഈ പഴയ ലോകത്തിന്റെയും ചിന്തയുണ്ടാകേണ്ട ആവശ്യമെന്താണ്. നിങ്ങള്ക്ക് പഴയ ലോകത്തെ ഉപേക്ഷിക്കാനുള്ള സമയമാണിത്. ഇങ്ങനെ-ഇങ്ങനെയുള്ള കാര്യങ്ങള് ബുദ്ധിയില് മനനം ചെയ്തുകൊണ്ടേയിരി ക്കുകയാണെങ്കില് വളരെ നല്ലതാണ്. ഇനി മുന്നോട്ട് പോകുന്തോറും പുരുഷാര്ത്ഥം ചെയ്ത് ചെയ്ത് സമയം സമീപത്തെത്തുമ്പോള് പിന്നീട് അലസതയും ഉണ്ടാവില്ല. ഈ ലോകവും കുറച്ചു സമയത്തേക്കുവേണ്ടി മാത്രമാണ് ഉള്ളത് എന്ന് കാണുമ്പോള് ബുദ്ധിയോഗം ബാബയിലേക്ക് വെക്കും. സേവനം ചെയ്യുന്നതിലൂടെ സഹായവും ലഭിക്കും. ആര്ക്ക് എത്രത്തോളം സുഖത്തിന്റെ വഴി പറഞ്ഞുകൊടുക്കുന്നുവോ അത്രത്തോളം സന്തോഷവും ലഭിക്കും, പുരുഷാര്ത്ഥവും നടക്കും. ഭാഗ്യം കാണപ്പെടാന് സാധിക്കും. നിങ്ങള്ക്കറിയാം കോടിപതികളും കോടാനുകോടി പതികളുമെല്ലാം ഇല്ലാതാകും. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. ഉയര്ന്ന പദവി പ്രാപ്തമാക്കുന്നതിനുവേണ്ടി വായിലൂടെ സദാ ജ്ഞാന-രത്നങ്ങള് വീഴണം. കല്ലുകളായിരിക്കരുത്. മനസാ-വാചാ-കര്മ്മണാ മര്യാദാ പുരുഷോത്തമരാക്കി മാറ്റുന്ന കര്മ്മങ്ങള് ചെയ്യണം.

2. ഈ അന്തിമ ജന്മത്തില് പവിത്രമാകുന്നതിനുള്ള പ്രതിജ്ഞ ചെയ്യണം. എല്ലാവര്ക്കും പവിത്രമായി മാറാനുള്ള യുക്തി പറഞ്ഞുകൊടുക്കണം.

വരദാനം :-
സദാ മംഗളകാരി ഭാവനയിലൂടെ ഗുണങ്ങളെ ഗ്രഹിക്കുന്നവരായ അചഞ്ചലരും ദൃഢതയുള്ളവരുമായി ഭവിക്കട്ടെ.

തന്റെ സ്ഥിതി സദാ അചഞ്ചലവും ദൃഢതയുള്ളതുമാക്കി മാറ്റുന്നതിനുവേണ്ടി സദാ ഗുണങ്ങളെ ഗ്രഹിക്കുന്നവരാകൂ. ഓരോ കാര്യത്തിലും ഗുണഗ്രാഹിയാകാമെങ്കില് ചഞ്ചലതയില് വരികയില്ല. ഗുണഗ്രാഹി അര്ത്ഥം മംഗളഭാവന. അവഗുണങ്ങളിലും ഗുണത്തെ കാണുക, ഇവരെ പറയാം ഗുണഗ്രാഹി. അതിനാല് അവഗുണമുള്ളവരിലും ഗുണത്തെ കാണൂ. അവര് അവഗുണങ്ങളില് ദൃഢമായിരിക്കുന്നത് പോലെ താങ്കള് ഗുണങ്ങളില് ദൃഢമായിരിക്കൂ. ഗുണങ്ങളെ ഗ്രഹിക്കുന്നവരാകൂ, അവഗുണങ്ങളെയല്ല.

സ്ലോഗന് :-
തന്റേതായതെല്ലാം ബാബക്ക് അര്പ്പിച്ച് സദാ ഭാരരഹിതമായിരിക്കുന്നവര് തന്നെയാണ് ഫരിസ്ത.