03.12.18           Morning Malayalam Murli       Om Shanti           BapDada Madhuban


മധുരമായ കുട്ടികളെ - ജ്ഞാനയോഗത്തോടൊപ്പം നിങ്ങളുടെ പെരുമാറ്റവും വളരെ നല്ലതായിരിക്കണം , ഒരു പ്രകാരത്തിലുള്ള ഭൂതവും ഉള്ളില് ഉണ്ടാകരുത്

ചോദ്യം :-
സല്പുത്രരായ കുട്ടികള്ക്ക് ഏതൊരു ലഹരിയാണ് സ്ഥിരമായി ഉണ്ടാവുക?

ഉത്തരം :-
ബാബയില് നിന്നും നമ്മള് ഇരട്ടക്കിരീടം, വിശ്വത്തിന്റെ അധികാരിയായി മാറുന്നതിനുള്ള സമ്പത്ത് എടുക്കുകയാണ്. ഈ ലഹരി സല്പുത്രരായ കുട്ടികള്ക്കു മാത്രമേ സ്ഥിരമായി ഉണ്ടാകു. പക്ഷേ കാമത്തിന്റേയും ക്രോധത്തിന്റേയും ഭുതം ഉള്ളിലുണ്ടെങ്കില് ഈ ലഹരിയുണ്ടാവുക സാധ്യമല്ല. ഇങ്ങനെയുള്ള കുട്ടികള്ക്ക് പിന്നീട് അച്ഛനെ ബഹുമാനിക്കാനും സാധിക്കില്ല അതിനാല് ആദ്യം ഭൂതങ്ങളെ ഓടിക്കണം. തന്റെ അവസ്ഥയെ ശക്തിശാലിയാക്കി മാറ്റണം.

ഗീതം :-
എന് മനസ്സിന് കവാടത്തില് വന്നതാരോ

ഓംശാന്തി.
ഇതിന്റെ അര്ത്ഥം നിങ്ങള് കുട്ടികള്ക്ക് അല്ലാതെ മറ്റാര്ക്കും മനസ്സിലാക്കാന് സാധിക്കില്ല. പരമപിതാ പരമാത്മാവിന് സ്ഥൂലത്തിലോ സൂക്ഷ്മത്തിലോ ഒരു ചിത്രമില്ലാത്തതിനാല് മനസ്സിലാക്കുന്നതും നമ്പര്വൈസ് പുരുഷാര്ത്ഥം അനുസരിച്ചാണ്. സുക്ഷ്മത്തിലുള്ളത് ദേവതകളാണ്, അവര് 3 പേരേയുള്ളു. അതിലും അതിസൂക്ഷ്മമാണ് പരമാത്മാവ്. ഇപ്പോള് അല്ലയോ പരമപിതാ പരമാത്മാവേ എന്ന് വിളിക്കുന്നത് ആരാണ്? ആത്മാവ്. പരമപിതാ പരമാത്മാവിനെ പരമമായ ആത്മാവ് എന്നാണ് വിളിക്കുന്നത്. ലൗകിക പിതാവിനെ ആത്മാവ് പരമപിതാവ് എന്ന് വിളിക്കില്ല. പാരലൗകിക പരമപിതാ പരമാത്മാവിനെ ആരാണോ ഓര്മ്മിക്കുന്നത് അവരെ ദേഹീ അഭിമാനി എന്നു പറയുന്നു. ദേഹവുമായി സംബന്ധമുള്ളപ്പോള് ലൗകിക പിതാവിനെ ഓര്മ്മവരും. ഇത് ആത്മാവുമായി സംബന്ധം വെയ്ക്കുന്ന അച്ഛനാണ്. ഇപ്പോള് ആ അച്ഛന് വന്നിരിക്കുകയാണ്. ആത്മാവ് ബുദ്ധികൊണ്ടാണ് അറിയുന്നത്, ആത്മാവില് ബുദ്ധിയുണ്ടല്ലോ. അതിനാല് പരമപിതാ പരമാത്മാവ് പാരലൗകിക പിതാവാണ്. അവരെയാണ് ഈശ്വരന് എന്നു വിളിക്കുന്നത്. ഇപ്പോള് ബാബ ഈ ചോദ്യാവലി ഉണ്ടാക്കിയിട്ടുണ്ട്. ഇതിലൂടെ മനസ്സിലാക്കിക്കൊടുക്കുന്നത് നിങ്ങള് കുട്ടികള്ക്ക് സഹജമായിരിക്കും. എങ്ങനെയാണോ ഫോം പൂരിപ്പിക്കുന്നത് അതുപോലെ ചോദ്യങ്ങള് ചോദിക്കാനും സാധിക്കും. തീര്ച്ചയായും ആരാണോ ചോദിക്കുന്നത് അവര് ജ്ഞാനമുള്ളവരായിരിക്കും അതിനാല് അവര് ടീച്ചറാണ്. ആത്മാവു തന്നെയാണ് ശരീരം ധാരണ ചെയ്യുന്നതും പിന്നീട് ഇന്ദ്രിയങ്ങളിലൂടെ മനസ്സിലാക്കിക്കൊടുക്കുന്നതും. അതിനാല് കുട്ടികള്ക്ക് സഹജമാക്കി മനസ്സിലാക്കിക്കൊടുക്കുന്നതിന് വേണ്ടിയാണ് ഇത് ഉണ്ടാക്കിയിരിക്കുന്നത്. പക്ഷേ ജ്ഞാനം കേള്പ്പിക്കുന്ന കുട്ടികളുടെ അവസ്ഥയും വളരെ നല്ലതായിരിക്കണം. ആരിലാണോ കാമം, ക്രോധം, ലോപം, മോഹം, അഹങ്കാരം എന്നീ ഭൂതങ്ങള് ഇല്ലാത്തത് അവരിലേ ദൈവീക പെരുമാറ്റം ഉണ്ടാകൂ. ഇവ വലിയ വലിയ ഭുതങ്ങളാണ്. നിങ്ങള് കുട്ടികളില് ഒരു ഭൂതവും ഉണ്ടാകരുത്. നമ്മള് ഭുതത്തെ ഓടിക്കുന്നവരാണ്. അലഞ്ഞു തിരിയുന്ന അശുദ്ധ ആത്മാക്കളെയാണ് അവര് ഭൂതം എന്നു പറയുന്നത്. ആ ഭൂതത്തെ ഓട്ടിക്കുന്നവരും സൂത്രശാലികളായിരിക്കും. ഈ 5 വികാരരൂപത്തിലുള്ള ഭൂതത്തെ പരമപിതാ പരമാത്മാവിനല്ലാതെ മറ്റാരെക്കൊണ്ടും ഓട്ടിക്കാന് കഴിയില്ല. സര്വ്വരില് നിന്നും ഭൂതത്തെ ഓട്ടിക്കുന്നത് പരമാത്മാവാണ്. സര്വ്വരുടേയും സദ്ഗതി ചെയ്യുന്നതും രാവണനില് നിന്നും മുക്തമാക്കുന്നതും ബാബ തന്നെയാണ്. ഇതാണ് വലിയ ഭൂതം. പറയാറുണ്ട് ഇവരില് ക്രോധത്തിന്റെ ഭൂതമുണ്ട്, ഇവരില് മോഹത്തിന്റേയും അശുദ്ധ അഹങ്കാരത്തിന്റേയും ഭൂതമുണ്ട്. സര്വ്വരേയും ഈ ഭൂതത്തില് നിന്നും മുക്തമാക്കുന്നത് പരമപിതാ പരമാത്മാവ് ഒന്ന് മാത്രമാണ്. നിങ്ങള്ക്ക് അറിയാം ഈ സമയത്ത് ഏറ്റവും ശക്തിശാലി ക്രിസ്ത്യന്സാണ്. അവരുടെ ഇംഗ്ലീഷ് ഭാഷയും വളരെ നല്ലതാണ്. രാജാക്കന്മാര് അവരവരുടെ ഭാഷയില് രാജ്യം ഭരിക്കും. ദേവതകളുടെ ഭാഷ ആര്ക്കും അറിയില്ല. നമ്മുടെ പെണ്കുട്ടികള് മുമ്പ് എല്ലാം വന്ന് പറയുമായിരുന്നു. രണ്ടോ നാലോ ദിവസം ധ്യാനത്തില് ഇരിക്കുമായിരുന്നു. ബുദ്ധിവാനായ സന്ദേശീ കുട്ടികള്ക്ക് അവിടെയുള്ള ഭാഷ കണ്ടിട്ടുവന്ന് പറയാന് സാധിക്കും.

നിങ്ങള് കുട്ടികള് എല്ലാവര്ക്കും ഭാരതത്തിന്റെ കഥ കേള്പ്പിക്കു. ഭാരതം സതോപ്രധാനമായിരുന്നു, ഇപ്പോള് തമോപ്രധാനമാണ്, പൂജ്യനില് നിന്നും പൂജാരിയായി മാറി. ഭാരതത്തില് ദേവതകളുടെ ചിത്രം അനേകമുണ്ട്, അന്ധവിശ്വാസത്തോടെ പൂജിക്കുന്നു. ജീവിതകഥ അറിയില്ല. നമ്മള് എല്ലാവരും അഭിനേതാക്കള് ആയതിനാല് ഡ്രാമയുടെ സംവിധായകനെ അറിയണം അതിനാലാണ് ചോദ്യാവലി ഉണ്ടാക്കിയിരിക്കുന്നത്. നിങ്ങള് പോപ്പിന് എഴുതണം, നിങ്ങള് നിങ്ങളുടെ അനുയായികളോട് പറയുന്നുണ്ട് വിനാശത്തിന്റെ ഈ കാര്യങ്ങള് അവസാനിപ്പിക്കൂ എന്ന്, എന്നിട്ടും അവര് മാനിക്കാത്തത് എന്തുകൊണ്ടാണ്? നിങ്ങള് എല്ലാവരുടേയും ഗുരുവാണ്, നിങ്ങള്ക്ക് വളരെ അധികം മഹിമയുണ്ട് എന്നിട്ടും എന്തുകൊണ്ടാണ് അവര് അനുസരിക്കാത്തത്? കാരണം നിങ്ങള്ക്ക് അറിയില്ലായെങ്കില് ഞങ്ങള് താങ്കള്ക്ക് പറഞ്ഞുതരാം. ഇതൊന്നും നിങ്ങളുടെ മതപ്രകാരത്തിലല്ല. ഇത് ഈശ്വരീയ മതപ്രകാരമാണ് ഉണ്ടാക്കുന്നത്. സ്വര്ഗ്ഗത്തിന്റെ സ്ഥാപന ആദം- ഹവ്വയിലൂടെയാണ് നടന്നുകൊണ്ടിരിക്കുകയാണ്. ജ്ഞാനസാഗരനാണ് ഭഗവാന്, അവര് ഗുപ്തമാണ്. തീര്ച്ചയായും ഭഗവാന്റെ സേന, ഭഗവാന്റെ മതപ്രകാരം നടക്കുന്നവരായിരിക്കും. ഇങ്ങനെ ഇങ്ങനെ മനസ്സിലാക്കിക്കൊടുക്കണം. പക്ഷേ കുട്ടികള് ഇത്രയ്ക്ക് വിശാലബുദ്ധികളല്ല, അതിനാല് സ്ക്രൂ ടൈറ്റ് ആക്കേണ്ടിവരുന്നു. എഞ്ചിന് തണുത്തുപോയാല് അതിനെ ചൂടുപിടിപ്പിക്കാന് കല്ക്കരിയിടുന്നതുപോലെ. ഇതും ജ്ഞാനത്തിന്റെ കല്ക്കരിയാണ്. പരമപിതാ പരമാത്മാവ് ഏറ്റവും വലുതാണ് അതിനാല് ബാബയെ സലാം ചെയ്യാന് എല്ലാവരും വരും. പോപ്പ് ശക്തിശാലിയാണ് എന്ന് എല്ലാവരും മനസ്സിലാക്കുന്നു. പോപ്പിന് എത്ര ബഹുമാനം നല്കുന്നുവോ അത്രയും ബഹുമാനം മറ്റാര്ക്കും നല്കുന്നില്ല. അച്ഛനെ അറിയില്ല. കാരണം ഗുപ്തമാണ്. ബാബയെ കുട്ടികള് മാത്രമാണ് അറിയുന്നത്, ഒപ്പം ലക്ഷ്യവും നല്കുന്നു. പക്ഷേ മായ കുട്ടികളെപ്പോലും അച്ഛന് ബഹുമാനം നല്കാന് അനുവദിക്കുന്നില്ല. അച്ഛന് വിശ്വത്തിന്റെ അധികാരിയാക്കി മാറ്റുകയാണ്, ഈ ലഹരി പുറത്ത് പോകുമ്പോള് തന്നെ അവസാനിക്കുന്നു. ബാബയില് നിന്നും ഇരട്ടക്കിരീടത്തിന്റെ സമ്പത്ത് എന്തുകൊണ്ട് നമുക്ക് എടുത്തുകൂട, ഇതാണ് സല്പുത്രരുടെ ലഹരി. പക്ഷേ വളരെ അധികം കുട്ടികള് ഇങ്ങനെയുണ്ട് അവരില് കാമം, ക്രോധം, ലോപം മുതലായവയുടെ ഭൂതം വരുന്നു. ബാബ മുരളി കേള്പ്പിക്കുമ്പോള് ഉള്ളില് തോന്നും ഇതുവരെ തന്റെയുള്ളില് കാമത്തിന്റെ ചെറിയ ലഹരിയുണ്ട്. അഥവാ ഒരു ഭാഗം ശക്തമാണെങ്കില് പിന്നെ ഒന്നും സംഭവിക്കില്ല. ചിലയിടങ്ങളില് സ്ത്രീ ശക്തിശാലിയായിരിക്കും ചിലയിടങ്ങളില് പുരുഷന് ശക്തിശാലിയായിരിക്കും. ബാബയുടെ അടുത്തേയ്ക്ക് സര്വ്വപ്രകാരത്തിലുമുള്ള വാര്ത്തകളും എത്തും. ചിലര് സത്യമായ ഹൃദയത്തോടെ എഴുതും, ഉള്ളും പുറവും ശുദ്ധമായിരിക്കണം. ചിലര് പുറത്ത് സത്യവും അകത്ത് അസത്യവുമായിരിക്കും. വളരെപ്പേര്ക്ക് കൊടുങ്കാറ്റുകള് വരും. എഴുതുന്നു ബാബാ ഇന്ന് എനിക്ക് കാമത്തിന്റെ കൊടുങ്കാറ്റ് വന്നൂ പക്ഷേ ഞാന് രക്ഷപ്പെട്ടു. അഥവാ എഴുതുന്നില്ലെങ്കില് തെറ്റ് ശീലമാകും. അവസാനം വീണുപോകും. ബാബയ്ക്ക് കുട്ടികളുടെ മേലെ വിശ്വാസമുണ്ടല്ലോ. അല്പം ഗ്രഹപ്പിഴയാണ് ഉള്ളതെങ്കില് അത് ഇറങ്ങിക്കോളും. ചിലര് ഇന്ന് നന്നായിട്ട് പോകുന്നുണ്ടാകും എന്നാല് നാളെ ബോധം കെട്ട് തലതാഴ്ത്തും. തീര്ച്ചയായും എന്തെങ്കിലും അവജ്ഞ ചെയ്തിട്ടുണ്ടാകും. സര്വ്വകാര്യങ്ങളിലും സത്യമായിരിക്കണം എങ്കിലേ സത്യഖണ്ഢത്തിന്റെ അധികാരിയാകാന് സാധിക്കു. അസത്യം പറയുകയാണെങ്കില് അസുഖം വ്യദ്ധിപ്രാപിച്ച് നഷ്ടമുണ്ടാക്കിത്തരും.

കുട്ടികള് വളരെ യുക്തിയോടെ ചോദ്യാവലി ഉണ്ടാക്കണം- പരമപിതാ പരമാത്മാവുമായി നിങ്ങളുടെ സംബന്ധം എന്താണ്? എപ്പോള് പിതാവാണോ അപ്പോള് സര്വ്വവ്യാപി എന്നതിന് പ്രസക്തിയില്ല. പരമാത്മാവ് സദ്ഗതി ദാതാവാണ്, പതിതപാവനനാണ്, ഗീതയുടെ ഭഗവാനാണ് എങ്കില് തീര്ച്ചയായും എപ്പോളെങ്കിലും വന്ന് ജ്ഞാനം നല്കിയിട്ടുണ്ടാകണം. അഥവാ ഇതാണ് കാര്യമെങ്കില് അവരുടെ ജീവിതകഥ അറിയുമോ? അറിയുകയില്ലെങ്കില് സമ്പത്ത് ലഭിക്കില്ല. അച്ഛനില് നിന്നും തീര്ച്ചയായും സമ്പത്ത് ലഭിക്കും. പിന്നീട് രണ്ടാമത്തെ ചോദ്യം ചോദിക്കു- പ്രജാപിതാ ബ്രഹ്മാവിനേയും അവരുടെ മുഖവംശാവലികളേയും അറിയുമോ? ആരുടെ നാമമാണോ സരസ്വതി, അവര് ജ്ഞാനജ്ഞാനേശ്വരിയാണ്. അവരെ ജ്ഞാനത്തിന്റെ ദേവി എന്നാണ് പറയുന്നത്. ഇവരാണ് ജഗദംബ. എങ്കില് തീര്ച്ചയായും അവരുടെ കുട്ടികളുമുണ്ടാകും. അച്ഛനും ഉണ്ടാകും. ജ്ഞാനം നല്കുന്നത് ആ അച്ഛനാണ്. ഇപ്പോള് ഈ പ്രജാപിതാവും ജഗദംബയും ആരാണ്? അവരെ ധനലക്ഷ്മി എന്നും പറയുന്നു, ആ സമയത്ത് ജ്ഞാനജ്ഞാനേശ്വരിയല്ല. ഈ ബ്രഹ്മാ-സരസ്വതി രാജ-രാജേശ്വരിയായി മാറുന്നു. എങ്കില് അനേകം കുട്ടികളും സ്വര്ഗ്ഗത്തിന്റെ അധികാരിയാകുന്നുണ്ടാവും. ഇപ്പോള് ഇത് സംഗമമാണ്, കുംഭമാണ്. നോക്കൂ ആ കുംഭമേളയില് എന്താണ് സംഭവിക്കുന്നത്, ഭക്തിമാര്ഗ്ഗത്തിലുള്ള അര്ത്ഥത്തിനും ഇതിനും രാത്രിയുടേയും പകലിന്റേയും വ്യത്യാസമുണ്ട്. അത് ജലം കൊണ്ടുള്ള നദിയുടേയും സാഗരത്തിന്റേയും മേളയാണ്. ഇത് സാഗരത്തില് നിന്നും പുറപ്പെടുന്ന മനുഷ്യഗംഗകളുടെ മിലനമാണ്. പതിതത്തില് നിന്നും പാവനമാക്കി മാറ്റുന്നത് ആരാണ്? ഈ ചോദ്യവും ചോദിക്കാവുന്നതാണ്. ഇത് അറിഞ്ഞിരിക്കേണ്ട കാര്യമല്ലേ അതുകൊണ്ടാണ് ചോദിക്കുന്നത്. ഈ മാതാപിതാവിന്റെ ജ്ഞാനത്തിലൂടെ നിങ്ങള്ക്ക് രാജരാജേശ്വരിയാകാന് സാധിക്കും. ഈശ്വരന് സര്വ്വവ്യാപിയാണ് എന്ന് പറയുമ്പോള് മുഖം എങ്ങനെ മധുരിക്കും? ഇപ്പോള് നിങ്ങള്ക്ക് ഭക്തിയുടെ ഫലമായി ജ്ഞാനം ലഭിക്കുന്നു. ഇപ്പോള് ഭഗവാന് പഠിപ്പിക്കുകയാണ് അതിനാല് അലച്ചിലില് നിന്നും മുക്തമാകുന്നു. ബാബ പറയുന്നു- കുട്ടീ, അശരീരിയായി ഭവിയ്ക്കു. ആത്മാവിന് ജ്ഞാനം ലഭിച്ചു, ഇപ്പോള് ആത്മാവ് പറയുന്നു- നമുക്ക് അച്ഛന്റെ അടുത്തേയ്ക്ക് തിരിച്ച് പോകണം. പിന്നീടാണ് പ്രാലബ്ധം. രാജധാനി സ്ഥാപിക്കപ്പെടും. എത്ര മനസ്സിലാക്കേണ്ട കാര്യങ്ങളാണ്. ഈ ചോദ്യാവലി വളരെ നല്ലതാണ്. എല്ലാവരുടേയും പോക്കറ്റില് ഇത് ഉണ്ടാവണം, സര്വ്വീസബിളായ കുട്ടികളേ ഇതിനെ ഗൗരവത്തോടെ എടുക്കു. കുട്ടികള്ക്കുവേണ്ടി അച്ഛന് എത്ര പരിശ്രമിക്കേണ്ടി വരുന്നു. ബാബ പറയുന്നു- കുട്ടികളേ, തന്റെ ഭാവിയെ ശ്രേഷ്ഠമാക്കി മാറ്റു. ഇല്ലെങ്കില് കല്പ കല്പം പദവി കുറഞ്ഞുപോകും. എങ്ങനെയാണോ ബാബ മഹാരാജാവും മഹാറാണിയുമാകുന്നത് അതുപോലെ കുട്ടികളുമാകണം. പക്ഷേ അതിന് സ്വയത്തില് നിശ്ചയം വരണം. രാജാവില് വളരെയധികം ശക്തിയുണ്ടാകും. അവിടെ സുഖംതന്നെ സുഖമായിരിക്കും. ബാക്കി രാജാവാകുന്നവരും ഈശ്വരാര്ത്ഥം ദാനപുണ്യങ്ങള് ചെയ്തതിന്റെ ഫലമായാണ് ആകുന്നത്. രാജാവിന്റെ ആജ്ഞയനുസരിച്ചാണ് മുഴുവന് പ്രജകളും നടക്കുക. ഈ സമയത്ത് ഭാരതവാസികളില് ആരും രാജാവില്ല, പഞ്ചായത്തീരാജാണ്, അപ്പോള് എത്ര ബലഹീനമായി.

ബാബയ്ക്ക് അറിയാം വളരെയധികം കുട്ടികള്ക്ക് കൊടുങ്കാറ്റ് വരുന്നുണ്ട് പക്ഷേ വിവരം അറിയിക്കുന്നില്ല. ഇത്തരത്തിലുള്ള കൊടുങ്കാറ്റുകള് വരുന്നു, അങ്ങ് വഴി പറഞ്ഞുതരൂ എന്ന് ബാബയ്ക്ക് എഴുതണം. ബാബ പരിസ്ഥിതി നോക്കിയിട്ട് വഴി പറഞ്ഞുതരും. എഴുതുന്നുമില്ല, തന്റെ സുഹൃത്തിന്റെ സ്ഥിതി ഇതാണ് ബാബാ, എന്ന് കൂട്ടുകാരും പറയുന്നില്ല. ബാബയെ വിവരം അറിയിക്കണം. ശരി.

വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

രാത്രിക്ലാസ് 11.1.69

പരിധിയില്ലാത്ത അച്ഛന് വന്ന് മനസ്സിലാക്കിത്തരുന്നു, തന്റേതാക്കി മാറ്റുന്നു, രാജ്യപദവിയ്ക്കായി പഠിപ്പ് നല്കുന്നു, പവിത്രമാക്കിയും മാറ്റുന്നു. ബാബ വളരെ സഹജമായ രീതിയില് തന്റേയും സമ്പത്തിന്റേയും പരിചയം നല്കുന്നു. സ്വയം മനസ്സിലാക്കാന് സാധിക്കില്ല. പരിധിയില്ലാത്ത അച്ഛനില് നിന്നും തീര്ച്ചയായും പരിധിയില്ലാത്ത സമ്പത്ത് ലഭിക്കും- ഇതും നല്ല ബുദ്ധിവാന്മാരായ കുട്ടികളേ മനസ്സിലാക്കു. അച്ഛന് എന്ത് സമ്പത്താണ് നല്കുന്നത്? വീടിന്റെ, പഠിപ്പിന്റെ പിന്നെ സ്വര്ഗ്ഗത്തിലെ ചക്രവര്ത്തീ പദവിയുടേയും സമ്പത്ത് നല്കുന്നു. ആരാണോ പവിത്രമായി ദൈവീക സമ്പ്രദായത്തിന്റേതാകുന്നത് അവരാണ് രാജധാനിയില് വരുക. ആര് എത്രത്തോളം പഠിക്കുന്നുവോ പഠിപ്പിക്കുന്നുവോ അത്രയും ഉയര്ന്ന പദവി നേടും. ഇത്രയും കുട്ടികളുണ്ട്, അച്ഛനില് നിന്നും സമ്പത്ത് എടുക്കുന്നു. അച്ഛന് സ്വര്ഗ്ഗത്തിന്റെ അധികാരിയാക്കി, നരനില് നിന്നും നാരായണനാക്കി മാറ്റുന്നു. ഇവര് രാജധാനിയുടെ അധികാരിയാണ്. അതിനാല് സ്വര്ഗ്ഗത്തിന്റെ രചയിതാവായ പരിധിയില്ലാത്ത അച്ഛന്റെ കുട്ടികളായ നമ്മള് സ്വര്ഗ്ഗത്തിന്റെ ചക്രവര്ത്തീപദം നേടും, എങ്ങനെയാണോ രാജാവും റാണിയും അതുപോലെ പ്രജകളും.......... എത്രത്തോളം പുരുഷാര്ത്ഥം ചെയ്യുന്നുവോ അത്രയും ഉയര്ന്ന പദവി നേടും. ഇത് രാജധാനിയ്ക്കു വേണ്ടിയുള്ള പുരുഷാര്ത്ഥമാണ്. സത്യയുഗത്തിലെ രാജധാനി എല്ലാവര്ക്കും ലഭിക്കില്ല. ആര് എത്രത്തോളം പുരുഷാര്ത്ഥം ചെയ്യുന്നോ അത്രയും ഉയര്ന്ന പദവി ലഭിക്കും. പുരുഷാര്ത്ഥമാണ് പ്രാലബ്ധത്തിന്റെ ആധാരം. പുരുഷാര്ത്ഥത്തിലൂടെയേ ചക്രവര്ത്തീപദം ലഭിക്കു. സ്വയം ആത്മാവാണെന്നു മനസ്സിലാക്കി അച്ഛനെ ഓര്മ്മിക്കുകയാണെങ്കില് തമോപ്രധാനത്തില് നിന്നും സതോപ്രധാനമായിത്തീരും, ശുദ്ധമായ സ്വര്ണ്ണമായി മാറും. രാജധാനിയും ലഭിക്കും. ഇവിടെ എങ്ങനെയാണോ പറയുന്നത് ഞങ്ങള് ഭാരതത്തിന്റെ അധികാരികളാണെന്ന് അതുപോലെ എല്ലാവരും അധികാരിയായി മാറും. പിന്നീട് പദവി എന്താണ് നേടുക? പഠിപ്പിനു ശേഷം സ്വര്ഗ്ഗത്തില് നമ്മുടെ പദവി എന്തായിരിക്കും. നിങ്ങള് ഇപ്പോള് സംഗമത്തില് പഠിക്കുകയാണ്, സത്യയുഗത്തില് രാജ്യം ഭരിക്കും. അച്ഛന് യോഗവും അഭ്യസിപ്പിക്കുന്നു ഒപ്പം പഠിപ്പിക്കുന്നുമുണ്ട്. നിങ്ങള് മനസ്സിലാക്കുന്നുണ്ട് നമ്മള് രാജയോഗമാണ് പഠിക്കുന്നത്. അച്ഛന്റെ ഓര്മ്മയിലൂടെ പാവനമായും മാറുന്നു. പിന്നീട് നമ്മുടെ പുനര്ജന്മം രാവണരാജ്യത്തിലായിരിക്കില്ല, രാമരാജ്യത്തിലായിരിക്കും ഉണ്ടാവുക. ഇപ്പോള് നമ്മള് പഠിച്ചുകൊണ്ടിരിക്കുകയാണ്- മന്മനാഭ, മധ്യാജീ ഭവ. ഇപ്പോള് കലിയുഗത്തിന്റെ അന്ത്യമാണ്, വീണ്ടും സത്യയുഗത്തിലെ സ്വര്ഗ്ഗം തീര്ച്ചയായും വരും. അച്ഛന് സംഗമയുഗത്തില് തന്നെയാണ് വന്ന് പരിധിയില്ലാത്ത സ്ക്കൂള് തുറക്കുന്നത്, ഇവിടെ പരിധിയില്ലാത്ത ചക്രവര്ത്തീപദം നേടുന്നതിനുള്ള പരിധിയില്ലാത്ത പഠിപ്പാണ്. നിങ്ങള്ക്ക് അറിയാം നമ്മള് ഇപ്പോള് പുതിയ ലോകത്തിന്റെ അധികാരിയായി മാറും. പുതിയ ലോകത്തെയാണ് സ്വര്ഗ്ഗം എന്നു പറയുന്നത്, ലഹരി കയറുമല്ലോ. തീര്ച്ചയായും പഴയ ലോകത്തിനുശേഷം പുതിയലോകം വരും. കുട്ടികള്ക്ക് ഓര്മ്മ വരുന്നു. മുഴുവന് കുട്ടികളുടേയും ഹൃദയത്തിലുണ്ട്- സ്വര്ഗ്ഗത്തിന്റെ അധികാരിയാക്കി മാറ്റാനായി ഞങ്ങളെ പരമപിതാ പരമാത്മാവ് പഠിപ്പിക്കുകയാണ്. കുട്ടികള്ക്ക് സദാ ഇത് ഓര്മ്മവേണം ഞങ്ങളെ ഭഗവാനാണ് പഠിപ്പിക്കുന്നത്, ഞങ്ങള് ഉയര്ന്നതിലും ഉയര്ന്ന സത്യയുഗത്തിലെ രാജാ-റാണിയാവുകയാണ്. രാജയോഗത്തിലൂടെയാണ് രാജധാനി ലഭിക്കുന്നത്, അതില് പവിത്രത, സുഖം, ശാന്തി എല്ലാം ഉണ്ട്. ഈ ബാബയില് ഇപ്പോള് ശിവബാബ വന്നിട്ടുണ്ട്. അവര് ഉയര്ന്നതിലും ഉയര്ന്നതാണ്. ആത്മാവ് അനുഭവവും കൊണ്ടാണ് പോകുന്നത്. അവിടെയെത്തുകയാണെങ്കില് അവിടെയുള്ള പദവി ഉയര്ന്നതായിരിക്കും. ഓരോ വിദ്യാര്ത്ഥികളുടേയും ഇരിപ്പിടം വ്യത്യസ്തമായിരിക്കും. ഒരാളുടെ സ്ഥലത്ത് മറ്റൊരാള്ക്ക് ഇരിക്കാന് സാധിക്കില്ല. ഒരാളുടെ പാര്ട്ട് മറ്റൊരാളുമായി സാമ്യമുണ്ടാകില്ല. ബാബ മനസ്സിലാക്കിത്തന്നിട്ടുണ്ട് ആത്മാവില് എല്ലാം രേഖപ്പെടുത്തിയിരിക്കുന്നു. ഡ്രാമാപ്ലാന് അനുസരിച്ച് നമ്മുടെ പുരുഷാര്ത്ഥം നടന്നുകൊണ്ടിരിക്കുന്നു, ചിലര് രാജാവും ചിലര് റാണിയുമാകും. അന്തിമത്തില് പുരുഷാര്ത്ഥത്തിന്റെ റിസള്ട്ട് വരും, അത് പിന്നീട് മാലയാകും. ഉയര്ന്ന നമ്പറിലുള്ളവര്ക്ക് തീര്ച്ചയായും അറിയാന് സാധിക്കും. മരിച്ചതിനുശേഷം ആത്മാവ് ചെയ്ത കര്മ്മങ്ങളുടെ ആധാരത്തില് രണ്ടാമത് ശരീരം എടുക്കും എന്ന് മനസ്സിലാകും. നല്ല കര്മ്മങ്ങള് ചെയ്തവര്ക്ക് യോഗബലത്തിലൂടെ നല്ല ജന്മം ലഭിക്കും. പുരുഷാര്ത്ഥം ചെയ്യുന്നില്ലെങ്കില് കുറഞ്ഞ പദവിയായിരിക്കും ലഭിക്കുക. ഇങ്ങനെ ഇങ്ങനെ ചിന്തിക്കുന്നതിലൂടെ സന്തോഷമുണ്ടാകും. മഹാരഥികള്ക്ക് ഇങ്ങനെയുള്ള മഹിമയുണ്ടാകും. എല്ലാവരുടേയും മുരളി ഒരുപോലെയായിരിക്കില്ല നടക്കുന്നത്. ഓരോരുത്തരുടേയും മുരളി വ്യത്യസ്തമായിരിക്കും; ഇത് ഉണ്ടായതും ഉണ്ടാക്കപ്പെട്ടതുമായ കളിയല്ലേ. ഇപ്പോള് കുട്ടികള്ക്ക് കര്മ്മങ്ങളില് ശ്രദ്ധയുണ്ട്. മാതാവും പിതാവും എങ്ങനെ ചെയ്യുന്നുവോ അതുകണ്ട് കുട്ടികളും പഠിക്കും. ഇപ്പോള് നിങ്ങള് ശ്രേഷ്ഠ കര്മ്മമാണ് ചെയ്യുന്നത്. സേവനത്തിലൂടെ മനസ്സിലാക്കാന് കഴിയും, മഹാരഥികളുടെ പ്രയത്നം ഒളിഞ്ഞിരിക്കില്ല. ആരാണ് ഉയര്ന്ന പദവി നേടുന്നതിനുള്ള പരിശ്രമം ചെയ്യുന്നത് എന്ന് മനസ്സിലാക്കാന് സാധിക്കും. എല്ലാ കുട്ടികള്ക്കും അവസരവുമുണ്ട്. ഉയര്ന്ന പദവി നേടുന്നതിനായി മന്മനാഭവ എന്ന പാഠം അര്ത്ഥസഹിതം ലഭിച്ചിട്ടുണ്ട്. കുട്ടികള് മനസ്സിലാക്കുന്നുണ്ട് ജ്ഞാനസാഗരനായ അച്ഛന് സ്വയം വന്നാണ് ഈ ഗീതാജ്ഞാനം നല്കുന്നത് അതിനാല് കൃത്യമായ ജ്ഞാനമേ നല്കു. പിന്നീട് ധാരണയാണ് ആധാരം, എന്താണോ കേട്ടത് അത് പ്രാക്ടിക്കലില് കൊണ്ടുവന്നുകൊണ്ടിരിക്കണം. പ്രയാസമുള്ളതല്ല. അച്ഛനെ ഓര്മ്മിക്കണം, ചക്രത്തെ അറിയണം. ഇത് അന്തിമ ജന്മത്തിലെ പഠിപ്പാണ്, ഇത് പാസായി പുതിയ ലോകമായ സത്യയുഗത്തിലേയ്ക്കു പോകും. നിശ്ചയത്തിലാണ് വിജയം എന്ന് പാട്ടുണ്ട്. പ്രീത ബുദ്ധികളായ കുട്ടികള് മനസ്സിലാക്കിയിട്ടുണ്ട്- നമ്മളെ പഠിപ്പിക്കുന്നത് ഭഗവാനാണ്. കുട്ടികള്ക്ക് അറിയാം നമ്മുടെ ആത്മാവാണ് ധാരണ ചെയ്യുന്നത്. ആത്മാവ് ഈ ശരീരത്തിലൂടെ പഠിക്കുന്നു, ജോലി ചെയ്യുന്നു. ഇത് മനസ്സിലാക്കേണ്ട കാര്യമാണ്. അച്ഛനെ ഓര്മ്മിക്കുന്നു പിന്നീട് മായാ രാവണന് ബുദ്ധിയോഗത്തെ മുറിക്കുന്നു, മായയെ ശ്രദ്ധിക്കണം. എത്രത്തോളം മുന്നോട്ട് പോകുന്നുവോ അത്രത്തോളം നിങ്ങളുടെ പ്രഭാവവും ഉണ്ടാകും ഒപ്പം സന്തോഷത്തിന്റെ അളവും വര്ദ്ധിക്കും. പുതിയ ജന്മമെടുക്കുമ്പോള് വളരെ അധികം ഷോ ചെയ്യും.

ശരി- മധുര മധുരമായ ആത്മീയ കുട്ടികള്ക്ക് ആത്മീയ ബാപ്ദാദയുടെ സ്നേഹ സ്മരണകളും ശുഭരാത്രിയും.

ധാരണയ്ക്കുള്ള മുഖ്യ സാരം:-

1. ഉള്ളിലും പുറത്തും ശുദ്ധമായിരിക്കണം. സത്യമായ ഹൃദയത്തോടെ തന്റെ വിവരങ്ങള് അച്ഛനെ അറിയിക്കണം, ഒന്നും ഒളിപ്പിക്കരുത്.

2. ഇപ്പോള് തിരിച്ച് പോകണം അതിനാല് അശരീരിയാകുന്നതിനുള്ള അഭ്യാസം ചെയ്യണം, ശാന്തമായിരിക്കണം.

വരദാനം :-
എന്റേത് എന്നതിനെ ഉപേക്ഷിച്ച് ട്രസ്റ്റിയായി സേവനം ചെയ്യുന്ന സദാ സന്തുഷ്ട ആത്മാവായി ഭവിക്കൂ

ലൗകിക പരിവാരത്തില് കഴിഞ്ഞുകൊണ്ടും, സേവനം ചെയ്തുകൊണ്ടും സദാ ഓര്മ്മയുണ്ടായിരിക്കണം ഞാന് ട്രസ്റ്റിയാണ്, സേവാധാരിയാണ്. സേവനം ചെയ്ത് അല്പം പോലും എന്റേതെന്ന ഭാവം ഉണ്ടാകരുത് അപ്പോള് സന്തുഷ്ടമായിരിക്കും. എപ്പോഴാണോ എന്റേതെന്ന് വരുന്നത് അപ്പോഴാണ് പ്രശ്നമുണ്ടാകുന്നത്, ചിന്തിക്കുന്നു എന്റെ കുട്ടി ഇങ്ങനെ ചെയ്യുന്നു... അതുകൊണ്ട് എവിടെയാണോ എന്റേതെന്നുള്ളത് അവിടെ പ്രശ്നമുള്ളവരാകുന്നു അതുപോലെ എവിടെ നിന്റേത്-നിന്റേതെന്ന് വരുന്നോ അവിടെ നീന്താന് ആരംഭിക്കും. നിന്റേത്-നിന്റേത് പറയുക അര്ത്ഥം സ്വമാനത്തില് കഴിയുക, എന്റേത്-എന്റേത് എന്ന് പറയുക അര്ത്ഥം അഭിമാനത്തിലേക്ക് വരിക.

സ്ലോഗന് :-
ബുദ്ധിയില് എല്ലാ സമയത്തും ബാബയുടെയും ശ്രീമതത്തിന്റെയും സ്മൃതി ഉണ്ടാകണം, അപ്പോള് പറയും ഹൃദയം കൊണ്ട് സമര്പ്പിക്കപ്പെട്ട ആത്മാവ്.