04.02.2020           Morning Malayalam Murli       Om Shanti           BapDada Madhuban


മധുരമായ കുട്ടികളെ - നിങ്ങള് ഇതുവരെ എന്തെല്ലാം പഠിച്ചുവോ അതെല്ലാം മറന്നുകളയൂ, ജീവിച്ചിരിക്കെ മരിക്കുക അര്ത്ഥം എല്ലാം മറക്കുക, കഴിഞ്ഞതൊന്നും ഓര്മ്മ വരരുത്.

ചോദ്യം :-
ആരാണോ പൂര്ണ്ണമായും ജീവിച്ചിരിക്കെ മരിക്കാത്തത് അവരുടെ അടയാളം എന്തായിരിക്കും?

ഉത്തരം :-
അവര് ബാബയോട് പോലും തര്ക്കിച്ചുകൊണ്ടിരിക്കും. ശാസ്ത്രങ്ങളുടെ ഉദാഹരണം പറഞ്ഞുകൊണ്ടിരിക്കും. ആരാണോ പൂര്ണ്ണമായും മരിച്ചു കഴിഞ്ഞത് അവര് പറയും ബാബ എന്താണോ കേള്പ്പിക്കുന്നത് അത് സത്യമാണ്. നമ്മള് പകുതി കല്പം എന്താണോ കേട്ടത് അത് അസത്യമായിരുന്നു അതുകൊണ്ട് ഇപ്പോള് അത് വായില് പോലും വരരുത്. ബാബ പറഞ്ഞിട്ടുണ്ട് മോശമായത് കേള്ക്കരുത്.....

ഗീതം :-
ഓം നമ ശിവായ...........

ഓംശാന്തി.
കുട്ടികള്ക്ക് മനസ്സിലായിക്കഴിഞ്ഞു തപസ്യ എന്ന പേരില് ശാന്തിയില് ഇരുത്തുന്ന ഈ ഡ്രില് ചെയ്യിക്കുകയാണ്. ഇപ്പോള് ബാബ ആത്മീയ കുട്ടികള്ക്ക് മനസ്സിലാക്കി തരുകയാണ് ആരാണോ ജീവിച്ചിരിക്കെ മരിക്കുന്നത്, പറയും ഞങ്ങള് ജീവിച്ചിരിക്കെ മരിച്ചു കഴിഞ്ഞു, എങ്ങനെയാണോ മനുഷ്യര് മരിച്ചു കഴിയുമ്പോള് എല്ലാം മറക്കുന്നത് കേവലം സംസ്ക്കാരം ശേഷിക്കുന്നു. ഇപ്പോള് നിങ്ങളും ബാബയുടെതായി മാറി ലോകത്തു നിന്നും മരിച്ചു കഴിഞ്ഞിരിക്കുന്നു. ബാബ പറയുന്നു നിങ്ങളില് ഭക്തിയുടെ സംസ്ക്കാരം ഉണ്ടായിരുന്നു, ഇപ്പോള് ആ സംസ്ക്കാരം മാറികൊണ്ടിരിക്കുന്നതുകൊണ്ട് നിങ്ങള് ജീവിച്ചിരിക്കെ മരിച്ചുവല്ലോ. മരിക്കുന്നതിലൂടെ മനുഷ്യന് എന്തെല്ലാം പഠിച്ചിട്ടുണ്ടായിരുന്നോ അതെല്ലാം മറക്കുന്നു പിന്നീട് അടുത്ത ജന്മത്തില് പുതിയതായി പഠിക്കേണ്ടി വരുന്നു. ബാബയും പറയുന്നു നിങ്ങള് എന്തെല്ലാം പഠിച്ചിട്ടുവോ അതെല്ലാം മറക്കൂ. അതുകൊണ്ട് തന്നെയാണ് പറഞ്ഞത് - മോശമായത് കേള്ക്കരുത്, മോശമായത് കാണരുത്.....ഇത് നിങ്ങള് കുട്ടികളെക്കുറിച്ചാണ്. ചിലര് അനേക ശാസ്ത്രം മുതലായവ പഠിച്ചിട്ടുള്ളവരാണ്, പൂര്ണ്ണമായും മരിക്കുന്നില്ല അതിനാല് വെറുതെ തര്ക്കിക്കും. മരിച്ചുകഴിഞ്ഞാല് പിന്നെ തര്ക്കിക്കുകയില്ല. പറയും ബാബ എന്താണോ കേള്പ്പിച്ചത് അതാണ് സത്യം, ബാക്കി കാര്യങ്ങള് നമ്മളെന്തിനാണ് പറയുന്നത്! ബാബ പറയുന്നു ഇത് വായില് വരികപോലും അരുത്. മോശമായത് കേള്ക്കരുത്. ബാബ നിര്ദ്ദേശം നല്കിയിട്ടിണ്ടല്ലോ - ഒന്നും കേള്ക്കരുത്. പറയൂ ഇപ്പോള് ഞങ്ങള് ജ്ഞാനസാഗരന്റെ കുട്ടികളായി മാറിയിരിക്കുന്നു അതിനാല് ഭക്തിയെ എന്തിന് ഓര്മ്മിക്കണം! ഞങ്ങള് ഒരു ഭഗവാനെ തന്നെയാണ് ഓര്മ്മിക്കുന്നത്. ബാബ പറയുന്നു ഭക്തി മാര്ഗ്ഗത്തെ മറക്കൂ. ഞാന് നിങ്ങള്ക്ക് സഹജമായ കാര്യം കേള്പ്പിക്കുകയാണ്, ബീജമായ എന്നെ ഓര്മ്മിക്കുകയാണെങ്കില് മുഴുവന് വൃക്ഷവും ബുദ്ധിയിലേയ്ക്ക് വരികതന്നെ ചെയ്യും. നിങ്ങള്ക്ക് മുഖ്യമായത് ഗീതയാണ്. ഗീതയില് തന്നെയാണ് ഭഗവാന്റെ അറിവുള്ളത്. ഇപ്പോള് ഇത് പുതിയ കാര്യമാണ്. പുതിയ കാര്യത്തില് എപ്പോഴും കൂടുതല് ശ്രദ്ധ കൊടുക്കാറുണ്ട്. കാര്യം വളരെ ലളിതമാണ്, ഓര്മ്മിക്കുന്നതാണ് ഏറ്റവും വലിയ കാര്യം. ഇടയ്ക്കിടയ്ക്ക് പറയേണ്ടി വരുന്നു - മന്മനാ ഭവ. ബാബയെ ഓര്മ്മിക്കൂ, ഇത് തന്നെയാണ് ഏറ്റവും ഗുപ്തമായ കാര്യം, ഇതില് തന്നെയാണ് വിഘ്നം ഉണ്ടാവുന്നത്. മുഴുവന് ദിവസത്തിലും രണ്ട് മിനിറ്റ് പോലും ഓര്മ്മിക്കാത്ത അനേകം കുട്ടികളുണ്ട്. ബാബയുടെതായിട്ട് പോലും നല്ല കര്മ്മം ചെയ്യാത്തതുകൊണ്ട് ഓര്മ്മിക്കാനും കഴിയുന്നില്ല, വികര്മ്മം ചെയ്തുകൊണ്ടിരിക്കുന്നു. ബുദ്ധിയില് ഇരിക്കുന്നേയില്ല അതിനാല് പറയും ഈ ബാബയുടെ ആജ്ഞയോട് അനാദരവാണ്, പഠിക്കാന് കഴിയില്ല, ആ ശക്തി ലഭിക്കില്ല. ഭൗതീക പഠിപ്പില് നിന്ന് പോലും ബലം ലഭിക്കുന്നുണ്ടല്ലോ. പഠിപ്പ് വരുമാന മാര്ഗ്ഗമാണ്. ശരീര നിര്വഹാര്ത്ഥമാണെങ്കില് പോലും അല്പകാലത്തേയ്ക്ക് വേണ്ടിയാണ്. ചിലര് പഠിച്ച് പഠിച്ച് മരിച്ച് പോകുന്നു അപ്പോള് ആ പഠിപ്പ് കൂടെ കൊണ്ട് പോകുന്നില്ല. അടുത്ത ജന്മമെടുത്ത് വീണ്ടും പുതിയതായി പഠിക്കേണ്ടി വരുന്നു. ഇവിടെയാണെങ്കില് നിങ്ങള് എത്ര പഠിക്കുന്നുവോ, അത് കൂടെ കൊണ്ട് പോകും എന്തുകൊണ്ടെന്നാല് നിങ്ങള് പ്രാപ്തി നേടുന്നത് അടുത്ത ജന്മത്തിലാണ്. ബാക്കി അതെല്ലാം തന്നെ ഭക്തി മാര്ഗ്ഗമാണ്. എന്തെല്ലാം വസ്തുക്കളാണ്, ഇത് ആരും അറിയുന്നില്ല. ആത്മീയ അച്ഛന് നിങ്ങള് ആത്മാക്കള്ക്കിരുന്ന് ജ്ഞാനം നല്കുന്നു. ഒരു തവണ മാത്രമാണ് പരമാത്മാവായ ബാബ വന്ന് ആത്മാക്കള്ക്ക് ജ്ഞാനം നല്കുന്നത്, അതിലൂടെ വിശ്വത്തിന്റെ അധികാരിയായി മാറുകയും ചെയ്യുന്നു. ഭക്തി മാര്ഗ്ഗത്തില് സ്വര്ഗ്ഗമൊന്നും ഉണ്ടാകുന്നില്ല. ഇപ്പോള് നിങ്ങള് നാഥന്റെതായി മാറി. മായ പല തവണ കുട്ടികളെ പോലും അനാഥരാക്കി മാറ്റുന്നു, ചെറിയ ചെറിയ കാര്യങ്ങളില് പരസ്പരം വഴക്കടിക്കുന്നു. ബാബയുടെ ഓര്മ്മയിലിരിക്കാത്തതുകൊണ്ട് അനാഥരായില്ലേ. അനാഥരായി മാറിയെങ്കില് ഏതെങ്കിലുമൊക്കെ പാപ കര്മ്മം ചെയ്യും. ബാബ പറയുന്നു എന്റെതായി മാറി എന്റെ പേര് മോശമാക്കരുത്. പരസ്പരം വളരെ സ്നേഹത്തോടുകൂടി പെരുമാറൂ, തലതിരിഞ്ഞ വാക്കുകള് പറയരുത്.

ബാബയ്ക്ക് ഇങ്ങനെയിങ്ങനെയുള്ള അഹല്യകളെയും, കുബ്ജകളെയും, കാട്ടാളസ്ത്രീകളെപ്പോലും ഉദ്ധരിക്കേണ്ടതുണ്ട്. പറയാറുണ്ട് കാട്ടാളസ്ത്രീയില് നിന്ന് പഴം കഴിക്കാം. ഇപ്പോള് ഇങ്ങനെ കാട്ടാളത്തിയില് നിന്നൊരിക്കലും കഴിക്കാന് സാധിക്കില്ല. കാട്ടാളത്തിയില് നിന്നും എപ്പോഴാണോ ബ്രാഹ്മണിയായി മാറുന്നത് അപ്പോള് കഴിക്കാന് സാധിക്കും. അതുകൊണ്ടാണ് ബ്രഹ്മാഭോജനത്തിന് മഹിമയുള്ളത്. ശിവബാബ കഴിക്കുന്നില്ല. ബാബയാണെങ്കില് അഭോക്താവാണ്. ബാക്കി ഈ രഥമാണെങ്കില് കഴിക്കുമല്ലോ. നിങ്ങള് കുട്ടികള്ക്ക് ആരോടും തര്ക്കിക്കേണ്ട ആവശ്യമില്ല. എപ്പോഴും തന്റെ ഭാഗം സുരക്ഷിതമാക്കി വെയ്ക്കണം. രണ്ട് അക്ഷരം മാത്രം പറയൂ - ശിവബാബ പറയുന്നു. ശിവബാബയെ തന്നെയാണ് രുദ്രനെന്നും പറയുന്നത്. രുദ്ര ജ്ഞാന യജ്ഞത്തില് നിന്നും വിനാശത്തിന്റെ ജ്വാല വരുന്നുവെങ്കില് രുദ്ര ഭഗവാന് ഉണ്ടാവണമല്ലോ. കൃഷ്ണനെയാണെങ്കില് രുദ്രനെന്ന് പറയുകയില്ല. വിനാശവും ഒരു കൃഷ്ണനൊന്നുമല്ല ചെയ്യിപ്പിക്കുന്നത്, ബാബ തന്നെയാണ് സ്ഥാപന, വിനാശം, പാലന ചെയ്യിപ്പിക്കുന്നത്. സ്വയം ഒന്നും ചെയ്യുന്നില്ല, ഇല്ലായെങ്കില് ദോഷം സംഭവിക്കും. ചെയ്യുന്നതും ചെയ്യിപ്പിക്കുന്നതും ബാബയാണ്. ബാബ പറയുന്നു ഞാനാരോടും വിനാശം ചെയ്യൂ എന്ന് പറയുന്നില്ല. ഇതെല്ലാം ഡ്രാമയിലടങ്ങിയിട്ടുള്ളതാണ്. ശങ്കരന് എന്തെങ്കിലും ചെയ്യുന്നുണ്ടോ? ഒന്നും ചെയ്യുന്നില്ല. ഇത് കേവലം പാടുന്നു ശങ്കരനിലൂടെ വിനാശം. ബാക്കി വിനാശം അതെല്ലാം സ്വയം തന്നെ ചെയ്തുകൊണ്ടിരിക്കുകയാണ്. ഇത് അനാദിയായി ഉണ്ടാക്കപ്പെട്ടിട്ടുള്ള നാടകമാണ് അതാണ് മനസ്സിലാക്കി കൊടുക്കുന്നത്. രചയിതാവായ ബാബയെ എല്ലാവരും മറന്നു പോയി. ഗോഡ് ഫാദര് രചയിതാവെന്ന് പറയുന്നുണ്ട് പക്ഷെ അദ്ദേഹത്തെ അറിയുന്നില്ല. ബാബ ലോകം സ്ഥാപിക്കുന്നുവെന്ന് മനസ്സിലാക്കുന്നുണ്ട്. ബാബ പറയുന്നു ഞാന് സ്ഥാപനയൊന്നും ചെയ്യുന്നില്ല, ഞാന് പരിവര്ത്തനം ചെയ്യുന്നു. കലിയുഗത്തെ സത്യയുഗമാക്കി മാറ്റുന്നു. ഞാന് സംഗമത്തിലാണ് വരുന്നത്, അതിനെയാണ് പറയുന്നത് - അതി മഹത്വമേറിയ യുഗം. ഭഗവാന് മംഗളകാരിയാണ്, എല്ലാവരുടെയും മംഗളം ചെയ്യുന്നു പക്ഷെ എങ്ങനെ, എന്ത് മംഗളമാണ് ചെയ്യുന്നത്, ഇതൊന്നും അറിയുകയില്ല. ഇംഗ്ലീഷില് പറയുന്നു ലിബറേറ്റര്, ഗൈഡ്, പക്ഷെ അതിന്റെ അര്ത്ഥമൊന്നും മനസ്സിലാക്കുന്നില്ല. പറയുന്നു ഭക്തിക്ക് ശേഷം ഭഗവാനെ ലഭിക്കും, സദ്ഗതി ലഭിക്കും. സര്വ്വരുടെയും സദ്ഗതി ഒരു മനുഷ്യനും ചെയ്യാന് സാധിക്കില്ല. ഇല്ലായെങ്കില് പരമാത്മാവിനെ പതിത പാവനന് സര്വ്വരുടെയും സദ്ഗതി ദാതാവ് എന്ന് എന്തുകൊണ്ടാണ് പാടപ്പെടുന്നത്? ബാബയെ ആരും അറിയുന്നില്ല, അനാഥരാ

ണ്. ബാബയോട് വിപരീത ബുദ്ധിയാണ്. ഇപ്പോള് ബാബയെന്ത് ചെയ്യാനാണ്. ബാബ സ്വയം അധികാരിയാണ്. ശിവജയന്തിയും ഭാരതത്തില് ആഘോഷിക്കുന്നു. ബാബ പറയുന്നു ഭക്തര്ക്ക് ഫലം നല്കാനായി ഞാന് വന്നിരിക്കുന്നു. വരുന്നതും ഭാരതത്തിലാണ്. വരുന്നതിന് വേണ്ടി എനിക്ക് തീര്ച്ചയായും ഒരു ശരീരം വേണമല്ലോ. പ്രേരണയിലൂടെ ഒന്നും നടക്കുന്നില്ല. ഇദ്ദേഹത്തില് പ്രവേശിച്ച്, ഇദ്ദേഹത്തിന്റെ മുഖത്തിലൂടെ നിങ്ങള്ക്ക് ജ്ഞാനം നല്കുന്നു. ഗോമുഖത്തിന്റെ കാര്യമൊന്നുമില്ല. ഇത് ഈ മുഖത്തിന്റെ കാര്യമാണ്. മുഖം മനുഷ്യന്റെയാണ് വേണ്ടത്, മൃഗത്തിന്റെയല്ല. ബുദ്ധി ഇത്രപോലും പ്രവ്രര്ത്തിക്കുന്നില്ല. പിന്നീട് വേറൊരു ഭാഗത്ത് ഭാഗീരഥനെ കാണിക്കുന്നു, അദ്ദേഹം എപ്പോള്, എങ്ങനെ വരുന്നു, അല്പം പോലും ആര്ക്കും അറിയുകയില്ല. അതിനാല് ബാബയിരുന്ന് കുട്ടികള്ക്ക് മനസ്സിലാക്കി തരികയാണ് നിങ്ങള് മരിച്ചിട്ടുണ്ടെങ്കില് ഭക്തി മാര്ഗ്ഗത്തെ പാടെ മറക്കൂ. ശിവഭഗവാനുവാച എന്നെ ഓര്മ്മിക്കുകയാണെങ്കില് വികര്മ്മം വിനാശമാകും. ഞാന് തന്നെയാണ് പതിത പാവനന്. നിങ്ങള് പവിത്രമായി മാറും പിന്നീട് എല്ലാവരെയും കൂടെ കൂട്ടികൊണ്ട് പോകും. വീട് വീടുകളില് സന്ദേശം നല്കൂ. ബാബ പറയുന്നു - എന്നെ ഓര്മ്മിക്കൂ അപ്പോള് വികര്മ്മം വിനാശമാകും. നിങ്ങള് പവിത്രമായി മാറും. വിനാശം മുന്നില് നില്ക്കുകയാണ്. നിങ്ങള് വിളിക്കുകയും ചെയ്യുന്നു അല്ലയോ പതിത പാവനാ വരൂ, പതിതരെ പാവനമാക്കി മാറ്റൂ, രാമരാജ്യം സ്ഥാപന ചെയ്യൂ, രാവണ രാജ്യത്തില് നിന്നും മുക്തമാക്കൂ. അവര് ഓരോരുത്തരും അവരവര്ക്കുവേണ്ടി പരിശ്രമം ചെയ്യുകയാണ്. ബാബ പറയുന്നു ഞാന് വന്ന് എല്ലാവര്ക്കും മുക്തി നല്കുന്നു. എല്ലാവരും 5 വികാരങ്ങളാകുന്ന രാവണന്റെ ജയിലില് അകപ്പെട്ടിരിക്കുകയാണ്. ഞാന് എല്ലാവരുടെയും സദ്ഗതി ചെയ്യുന്നു. ദുഖ ഹര്ത്താവ് സുഖ കര്ത്താവെന്നും എന്നെ പറയപ്പെടുന്നു. രാമരാജ്യം തീര്ച്ചയായും പുതിയ ലോകത്തിലായിരിക്കും.

നിങ്ങള് പാണ്ഡവരുടെ ബുദ്ധിയിപ്പോള് പ്രീത ബുദ്ധിയാണ്. ചില ചിലരുടെ ബുദ്ധി പെട്ടെന്ന് പ്രീത ബുദ്ധിയായി മാറുന്നു. ചിലരുടെത് പതുക്കെ പതുക്കെ പ്രീതിപ്പെടുന്നു. ചിലരാണെങ്കില് പറയുന്നു ഞങ്ങളെല്ലാം ബാബയില് സമര്പ്പണം ചെയ്തിരിക്കുന്നു. ഒരാളുടെ കൂടെയല്ലാതെ വേറൊരാളുടെ കൂടെയിരിക്കുക പോലുമില്ല. എല്ലാവരുടെയും ആശ്രയം ഒരേയൊരു ഗോഡ് മാത്രമാണ്. എത്ര സാധരണത്തിലും സാധാരണ കാര്യമാണ്. ബാബയെ ഓര്മ്മിക്കൂ, ചക്രത്തെ ഓര്മ്മിക്കൂ അപ്പോള് ചക്രവര്ത്തി രാജാവും റാണിയുമാകും. ഇത് വിശ്വത്തിന്റെ അധികാരിയായി മാറുന്നതിനുമുള്ള സ്ക്കൂളും കൂടിയാണ്, അതുകൊണ്ടാണ് ചക്രവര്ത്തി രാജാവെന്ന പേര് വന്നത്. ചക്രത്തെ അറിയുന്നതിലൂടെ പിന്നീട് ചക്രവര്ത്തി രാജാവാകുന്നു. ഇത് ബാബ തന്നെയാണ് മനസ്സിലാക്കി തരുന്നത്. ബാക്കി തര്ക്കിക്കേണ്ടതൊന്നുമില്ല. പറയൂ ഭക്തി മാര്ഗ്ഗത്തിലെ എല്ലാ കാര്യങ്ങളും ഉപേക്ഷിക്കൂ. ബാബ പറയുന്നു കേവലം എന്നെ ഓര്മ്മിക്കൂ. ഇത് തന്നെയാണ് മുഖ്യമായ കാര്യം. ആരാണോ തീവ്ര പുരുഷാര്ത്ഥി ആവുന്നത് അവര് പെട്ടെന്ന് പഠിപ്പില് ശ്രദ്ധിക്കുന്നു, ആര്ക്കാണോ പഠിപ്പില് രുചിയുള്ളത് അവര് അതിരാവിലെ എഴുന്നേറ്റ് പഠിക്കുന്നു. ഭക്തിയിലുള്ളവരും അതിരാവിലെ എഴുന്നേല്ക്കുന്നു. തീവ്രഭക്തി എത്ര ചെയ്യുന്നു, എപ്പോഴാണോ സിരസ്സ് മുറിക്കാന് തുടങ്ങുന്നത് അപ്പോള് സാക്ഷാത്ക്കാരം ഉണ്ടാകുന്നു. ഇവിടെയാണെങ്കില് ബാബ പറയുന്നു ഈ സാക്ഷാത്ക്കാരം പോലും ബുദ്ധിമുട്ട് ഉണ്ടാക്കുന്നതാണ്. സാക്ഷാത്ക്കാരത്തില് പോകുന്നതുകൊണ്ട് പഠിപ്പും യോഗവും രണ്ടും ഇല്ലാതാകുന്നു. സമയവും നഷ്ടമാകുന്നു അതുകൊണ്ട് ധ്യാനം മുതലായവയില് ഒട്ടും ആഗ്രഹമുണ്ടായിരിക്കരുത്. ഇതും വലിയൊരു രോഗമാണ്, അതിലൂടെ മായയുടെ പ്രവേശനം ഉണ്ടാകുന്നു. എങ്ങനെയാണോ യുദ്ധത്തിന്റെ സമയത്ത് ന്യൂസ് കേള്ക്കുമ്പോള് ഒന്നും കേള്ക്കാതിരിക്കാന് ഇടയ്ക്ക് കേടാക്കുന്നത്, അതുപോലെ മായയും വളരെ വിഘ്നമിടുന്നു. ബാബയെ ഓര്മ്മിക്കാന് അനുവദിക്കുകയില്ല. മനസ്സിലാക്കാന് സാധിക്കും ഇവരുടെ ഭാഗ്യത്തില് വിഘ്നമുണ്ട്. നോക്കേണ്ടതുണ്ട് മായയുടെ പ്രവേശനം ഇല്ലല്ലോ. ആവശ്യമില്ലാതൊന്നും പറയുന്നില്ലല്ലോ അപ്പോള് ബാബ പെട്ടെന്ന് താഴെ ഇറക്കും. ഒരുപാട് പേര് പറയുന്നുണ്ട്- ഞങ്ങള്ക്ക് കേവലം സാക്ഷാത്ക്കാരം ഉണ്ടാവുകയാണെങ്കില് ഇത്രയും ധനവും സമ്പത്തുമെല്ലാം ഞങ്ങള് അങ്ങേയ്ക്ക് നല്കും. ബാബ പറയുന്നു ഇതെല്ലാം നിങ്ങള് നിങ്ങളുടെയടുത്ത് തന്നെ വെയ്ക്കൂ. ഭഗവാന് നിങ്ങളുടെ പൈസയെല്ലാം കൊണ്ട് എന്താണ് കാര്യം. ബാബയ്ക്കാണെങ്കില് അറിയാം ഈ പഴയ ലോകത്തില് എന്തെല്ലാം ഉണ്ടോ, എല്ലാം ഭസ്മമായി മാറും. ബാബ എന്ത് ചെയ്യും? ബാബയുടെയടുത്ത് തുള്ളി-തുള്ളികളായി ചേര്ന്ന് തടാകമായി മാറുന്നു. ബാബയുടെ നിര്ദ്ദേശത്തിലൂടെ നടക്കൂ, ഹോസ്പിറ്റല് കം യൂണിവേഴ്സിറ്റി തുറക്കൂ, അവിടെ ആര്ക്കു വേണമെങ്കിലും വന്ന് വിശ്വത്തിന്റെ അധികാരിയാവാന് സാധിക്കും. മൂന്നടി മണ്ണിലിരുന്ന്കൊണ്ട് നിങ്ങള്ക്ക് മനുഷ്യനെ നരനില് നിന്ന് നാരായണനാക്കി മാറ്റണം. പക്ഷെ മൂന്നടി മണ്ണ് പോലും ലഭിക്കുന്നില്ല. ബാബ പറയുന്നു ഞാന് നിങ്ങള്ക്ക് എല്ലാ വേദ-ശാസ്ത്രങ്ങളുടെയും സാരം പറഞ്ഞു തരുന്നു. ഈ ശാസ്ത്രങ്ങളെല്ലാം ഭക്തി മാര്ഗ്ഗത്തിലെതാണ്. ബാബ ഒരു നിന്ദയും ചെയ്യുന്നില്ല. ഈ കളി ഉണ്ടായതും ഉണ്ടാക്കപ്പെട്ടതുമാണ്. ഇത് കേവലം മനസ്സിലാക്കി കൊടുക്കുന്നതിന് വേണ്ടിയാണ് പറയുന്നത്. വീണ്ടും കളി തന്നെ ആയില്ലേ. കളിയെ നമുക്ക് നിന്ദിക്കാന് സാധിക്കുകയില്ല. നമ്മള് പറയുന്നു - ജ്ഞാന സൂര്യന്, ജ്ഞാന ചന്ദ്രന് അപ്പോള് പിന്നെ അവര് ചന്ദ്രന് മുതലായവയിലെല്ലാം പോയി തിരയുന്നു. അവിടെ ഏതെങ്കിലും രാജ്യഭാഗ്യം വെച്ചിട്ടുണ്ടോ? ജപ്പാനിലെ ജനങ്ങള് സൂര്യനെ മാനിക്കുന്നുണ്ട്. നമ്മള് പറയുന്നു സൂര്യവംശീ, അവര് പിന്നീടിരുന്ന് സൂര്യനെ പൂജിക്കുന്നു, സൂര്യന് വെള്ളം നല്കുന്നു. അതിനാല് ബാബ കുട്ടികള്ക്ക് മനസ്സിലാക്കി തരുകയാണ് ഒരു കാര്യത്തിലും കൂടുതല് വാദ പ്രതിവാദം ചെയ്യരുത്. ഒരു കാര്യം മാത്രം കേള്പ്പിക്കൂ ബാബ പറയുന്നു- എന്നെ മാത്രം ഓര്മ്മിക്കൂ അപ്പോള് പാവനമായി മാറാം. ഇപ്പോള് രാവണ രാജ്യത്തില് എല്ലാവരും പതിതരാണ്.പക്ഷെ ആരും സ്വയം പതിതരാണെന്ന് അംഗീകരിക്കുന്നില്ല.

കുട്ടികളെ, നിങ്ങളുടെ ഒരു കണ്ണില് ശാന്തീ ധാമം, ഒരു കണ്ണില് സുഖധാമം ബാക്കി ഈ ദുഖധാമത്തെ മറക്കൂ. നിങ്ങള് ചൈതന്യ ലൈറ്റ് ഹൗസാണ്. ഇപ്പോള് പ്രദര്ശിനികളില് പോലും പേര് വെച്ചിരിക്കുന്നു - ഭാരതം ദ ലൈറ്റ് ഹൗസ്.......എന്നാല് അതാരും മനസ്സിലാക്കുന്നില്ല. നിങ്ങളിപ്പോള് ലൈറ്റ് ഹൗസല്ലേ. പോര്ട്ടില് ലൈറ്റ് ഹൗസ് കപ്പലിന് വഴി കാണിച്ചു കൊടുക്കുന്നു. നിങ്ങളും എല്ലാവര്ക്കും മുക്തി ജീവന് മുക്തി ധാമത്തിലേയ്ക്കുള്ള വഴി പറഞ്ഞു കൊടുക്കണം. എപ്പോള് ആര് പ്രദര്ശിനികളില് വന്നാലും വളരെ സ്നേഹത്തോടു കൂടി പറയൂ - ഗോഡ് ഫാദര് എല്ലാവരുടെയും ഒന്ന് തന്നെയല്ലേ. ഗോഡ് ഫാദര് അല്ലെങ്കില് പരംപിതാ പറയുന്നു എന്നെ ഓര്മ്മിക്കൂ അപ്പോള് തീര്ച്ചയായും മുഖത്തിലൂടെ പറയണമല്ലോ. ബ്രഹ്മാവിലൂടെ സ്ഥാപന, നമ്മള് എല്ലാവരും ബ്രഹ്മാമുഖവംശാവലീ ബ്രാഹ്മണരും ബ്രാഹ്മണികളുമാണ്. നിങ്ങള് ബ്രാഹ്മണരുടെ മഹിമ ആ ബ്രാഹ്മണര് പാടുന്നു ബ്രാഹ്മണ ദേവതായെ നമ: ഉയര്ന്നതിലും ഉയര്ന്നത് ഒരു ബാബ മാത്രമാണ്. ബാബ പറയുന്നു ഞാന് നിങ്ങള്ക്ക് ഉയര്ന്നതിലും ഉയര്ന്ന രാജയോഗം പഠിപ്പിക്കുന്നു, അതിലൂടെ നിങ്ങള് മുഴുവന് വിശ്വത്തിന്റെയും അധികാരിയാവുന്നു. ആ രാജ്യഭാഗ്യം നിങ്ങളില് നിന്ന് ആര്ക്കും തട്ടിയെടുക്കാന് സാധിക്കില്ല. വിശ്വത്തില് ഭാരതത്തിന്റെ രാജ്യമായിരുന്നു. ഭാരതത്തിന് എത്ര മഹിമയാണ്. ഇപ്പോള് നിങ്ങള്ക്ക് മനസ്സിലായി നമ്മള് ശ്രീമതത്തിലൂടെ ഈ രാജ്യം സ്ഥാപിച്ചുകൊണ്ടിരിക്കുകയാണ്. ശരി!

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര മധുരമായ കുട്ടികളെ പ്രതി മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും. ആത്മീയ അച്ഛന്റെ ആത്മീയകുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. തീവ്ര പുരുഷാര്ത്ഥി ആവുന്നതിന് വേണ്ടി പഠിപ്പില് താല്പര്യം വെയ്ക്കണം. അതിരാവിലെ എഴുന്നേറ്റ് പഠിപ്പ് പഠിക്കണം. സാക്ഷാത്ക്കാരത്തിന്റെ ആശ വെയ്ക്കരുത്, ഇതില് തന്നെയാണ് സമയം നഷ്ടപ്പെടുന്നത്.

2. ശാന്തിധാമത്തെയും സുഖധാമത്തെയും ഓര്മ്മിക്കണം, ഈ ദുഖധാമത്തെ മറക്കണം. ആരോടും തര്ക്കിക്കരുത്, സ്നേഹത്തോടുകൂടി മുക്തി ജീവന് മുക്തിധാമത്തിലേയ്ക്കുള്ള വഴി പറഞ്ഞു കൊടുക്കണം.

വരദാനം :-
നിമിത്തഭാവത്തിലൂടെ സേവനത്തില് സഫലത പ്രാപ്തമാക്കുന്നവരായ ശ്രേഷ്ഠസേവാധാരി യായി ഭവിക്കട്ടെ.

നിമിത്തഭാവം സേവനത്തില് സ്വതവേ സഫലത പ്രാപ്തമാക്കിത്തരുന്നു. നിമിത്തഭാവമില്ലെങ്കില് സഫലതയുണ്ടാകില്ല. ശ്രേഷ്ഠസേവാധാരി എന്നാല് ഓരോ ചുവടും ബാബയുടെ ചുവടനുസരിച്ച് വെക്കുന്നവര്, ഓരോ ചുവടും ശ്രേഷ്ഠമതമനുസരിച്ച് ശ്രേഷ്ഠമാക്കുന്നവര്. എത്രയും സേവനത്തില്, സ്വയത്തില് വ്യര്ത്ഥം സമാപ്തമാകുന്നുവോ അത്രയും ശക്തിശാലിയായി മാറുന്നു, മാത്രമല്ല ശക്തിശാലീ ആത്മാവ് ഓരോ ചുവടിലും സഫലത പ്രാപ്തമാക്കുന്നു. ശ്രേഷ്ഠസേവാധാരി അവരാണ് ആരാണോ സ്വയം സദാ ഉന്മേഷ ഉത്സാഹത്തില് ഇരിക്കുകയും മറ്റുള്ളവര്ക്കും ഉന്മേഷ ഉത്സാഹമുണ്ടാക്കിക്കൊടുക്കുകയും ചെയ്യുന്നത്.

സ്ലോഗന് :-
ഈശ്വരീയ സേവനത്തില് സ്വയത്തെ ഉഴിഞ്ഞുവെക്കൂ എങ്കില് ഉപഹാരം ലഭിച്ചുകൊണ്ടിരിക്കും.