04.03.19           Morning Malayalam Murli       Om Shanti           BapDada Madhuban


മധുരമായ കുട്ടികളേ - മുഴുവന് ലോകത്തിലും നിങ്ങളെപ്പോലെ കോടിമടങ്ങ് ഭാഗ്യശാലികളായ വിദ്യാര് ത്ഥികള് വേറെയില്ല , ജ്ഞാനസാഗരനായ അച്ഛന് സ്വയം ടീച്ചറായി വന്ന് നിങ്ങളെ പഠിപ്പിക്കുകയാണ് .

ചോദ്യം :-
ഏതൊരു ലഹരി സദാ നിലനിര്ത്തുകയാണെങ്കില് മോഹത്തിന്റെ ചരടുകള് പൊട്ടിപ്പോകും?

ഉത്തരം :-
സേവനം ചെയ്യുന്നതിനുള്ള ലഹരി സദാ നിലനിര്ത്തുകയാണെങ്കില് മോഹത്തിന്റെ ചരടുകള് പൊട്ടിപ്പോകും. സദാ ബുദ്ധിയില് ഓര്മ്മയുണ്ടാകണം ഈ കണ്ണുകള് കൊണ്ട് എന്തെല്ലാം കാണുന്നുവോ അതെല്ലാം വിനാശമാകാനുള്ളതാണ്. ഇതിനെയെല്ലാം കണ്ടുകൊണ്ടും കാണരുത്. അച്ഛന്റെ ശ്രീമതമാണ്- മോശമായത് കേള്ക്കരുത്, മോശമായത് കാണരുത്......

ഓംശാന്തി.
മധുരമായ സാലിഗ്രാമങ്ങളെപ്രതി അഥവാ ആത്മീയ കുട്ടികളെപ്രതി ശിവഭഗവാന് ഉച്ചരിക്കുകയാണ്. ഇത് കുട്ടികള്ക്ക് അറിയാവുന്നതാണ് നമ്മള് സത്യയുഗി ആദി സനാതന ദേവീദേവതാ ധര്മ്മത്തിലുള്ളവരായിരുന്നു, അതിനാല് സദാ ഇത് ഓര്മ്മയിലുണ്ടായിരിക്കണം. ആദി സനാതന ദേവീദേവതാ ധര്മ്മത്തെ വളരെ അധികംപേര് അംഗീകരിക്കുന്നു പക്ഷേ ദേവതാ ധര്മ്മത്തിനു പകരം ഹിന്ദു എന്ന് പേരുവെച്ചു. നിങ്ങള്ക്ക് അറിയാം നമ്മള് ആദി സനാതനധര്മ്മത്തിലെ ആരായിരുന്നു? പിന്നീട് പുനര്ജന്മം എടുത്ത് എടുത്ത് ഇങ്ങനെയായി മാറി. ഇത് ഭഗവാന് മനസ്സിലാക്കിത്തരുകയാണ്. ഭഗവാന് ഏതെങ്കിലും ദേഹധാരിയായ മനുഷ്യനല്ല. ബാക്കി എല്ലാവര്ക്കും തന്റേതായി ശരീരമുണ്ട്, ശിവബാബയെ പറയുന്നത് വിദേഹീ എന്നാണ്. ബാബയ്ക്ക് സ്വന്തമായി ശരീരമില്ല ബാക്കി എല്ലാവര്ക്കും സ്വന്തമായി ശരീരമുണ്ട്, അതിനാല് സ്വയം വിദേഹിയാണ് എന്ന് മനസ്സിലാക്കുന്നത് നിങ്ങള്ക്ക് എത്ര മധുരമായി തോന്നുന്നു. നമ്മള് എന്തായിരുന്നു, ഇപ്പോള് എന്തായി മാറുകയാണ്. ഈ ഡ്രാമ എങ്ങനെ ഉണ്ടാക്കപ്പെട്ടതാണ്- ഇതും നിങ്ങള് ഇപ്പോഴാണ് മനസ്സിലാക്കുന്നത്. ഈ ദേവീദേവതാ ധര്മ്മം തന്നെയാണ് പവിത്ര ഗൃഹസ്ഥാശ്രമം. ഇപ്പോള് ആശ്രമമില്ല. നിങ്ങള്ക്ക് അറിയാം നമ്മള് ഇപ്പോള് ആദി സനാതന ദേവീദേവതാ ധര്മ്മത്തിന്റെ സ്ഥാപന ചെയ്യുകയാണ്. ഹിന്ദുവെന്ന പേര് ഇപ്പോള് വെച്ചതാണ്. ആദി സനാതന ഹിന്ദുധര്മ്മമല്ല. ബാബ വളരെ അധികം പ്രാവശ്യം പറഞ്ഞിട്ടുണ്ട്- ആദി സനാതന ധര്മ്മത്തിലുള്ളവര്ക്ക് മനസ്സിലാക്കിക്കൊടുക്കൂ. പറയൂ, ഇതില് എഴുതൂ ആദി സനാതന ദേവീദേവതാ ധര്മ്മത്തിലേതാണോ അതോ ഹിന്ദുധര്മ്മത്തിലേതാണോ? എങ്കില് അവര്ക്ക് 84 ജന്മങ്ങളെ മനസ്സിലാക്കാം. ഈ ജ്ഞാനം വളരെ സഹജമാണ്. കേവലം ലക്ഷക്കണക്കിന് വര്ഷങ്ങള് എന്നു പറയുന്നതിനാല് മനുഷ്യര് സംശയിക്കുന്നു. ഇതും ഡ്രാമയില് ഉള്ളതാണ്. സതോപ്രധാനത്തില് നിന്നും തമോപ്രധാനമായി മാറണം എന്നതും ഡ്രാമയിലുള്ള പാര്ട്ടാണ്. ദേവതാ ധര്മ്മത്തിലുള്ളവര് തന്നെ 84 ജന്മങ്ങള് എടുത്ത് എടുത്ത് ഇപ്പോള് മോശമായിരിക്കുന്നു. ആദ്യം ഭാരതം എത്ര ശ്രേഷ്ഠമായിരുന്നു. ഭാരതത്തിന്റെ മഹിമ തന്നെയാണ് പാടേണ്ടത്. ഇപ്പോള് വീണ്ടും തമോപ്രധാനത്തില് നിന്നും സതോപ്രധാനം, പഴയ ലോകത്തില് നിന്നും പുതിയതായി മാറുകതന്നെ വേണം. മുന്നോട്ട് പോകുന്തോറും നിങ്ങള് പറയുന്നത് എല്ലാവരും തീര്ച്ചയായും മനസ്സിലാക്കും. പറയൂ, ഘോരമായ നിദ്രയില് നിന്നും ഉണരൂ. അച്ഛനേയും സമ്പത്തിനേയും ഓര്മ്മിക്കു. നിങ്ങള് കുട്ടികള് മുഴുവന് ദിവസവും സന്തോഷമായിരിക്കണം. മുഴുവന് ലോകത്തിലും, മുഴുവന് ഭാരതത്തിലും നിങ്ങളെപ്പോലെ കോടിമടങ്ങ് ഭാഗ്യശാലികളായ വിദ്യാര്ത്ഥികള് മറ്റാരുമില്ല. മനസ്സിലാക്കുന്നുണ്ട് നമ്മള് എന്തായിരുന്നുവോ അതായി വീണ്ടും മാറുകയാണ്. ഉമി കുത്തിച്ചേറി മാറ്റി വീണ്ടും അതായി മാറും. ഇതില് നിങ്ങള് സംശയിക്കരുത്. പ്രദര്ശിനിയില് ഒരല്പം കേട്ടിട്ട് പോയാല്പോലും പ്രജയായി മാറും എന്തുകൊണ്ടെന്നാല് അവിനാശീ ജ്ഞാനധനത്തിന്റെ വിനാശം ഒരിയ്ക്കലും ഉണ്ടാകില്ല. ദിനംപ്രതി ദിനം നിങ്ങളുടെ സംഘടന ശക്തിശാലിയായി മാറും. പിന്നെ ഒരുപാടുപേര് നിങ്ങളുടെ അടുത്തേയ്ക്ക് വരും. പതുക്കെ പതുക്കെ ധര്മ്മത്തിന്റെ സ്ഥാപനയുണ്ടാകും. അഥവാ ഏതെങ്കിലും പ്രശസ്തനായ വ്യക്തി പുറത്തുനിന്നും വരുകയാണെങ്കില് അവരുടെ മുഖം ദര്ശിക്കാന് എത്ര മനുഷ്യരാണ് പോകുന്നത്. ഇവിടെയാണെങ്കില് ആ കാര്യമില്ല. നിങ്ങള്ക്ക് അറിയാം ഈ ലോകത്തില് എന്തെല്ലാം വസ്തുക്കളുണ്ടോ അതെല്ലാം വിനാശിയാണ്. അതിനെയൊന്നും കാണരുത്. മോശമായത് കാണരുത്.... ഈ അഴുക്ക് ഭസ്മമാകാനുള്ളതാണ്. എന്തെല്ലാം കാണുന്നുവോ അത് മനുഷ്യരാണെങ്കിലും ശരി, മനസ്സിലാക്കുന്നുണ്ട് ഇവയെല്ലാം കലിയുഗിയാണ്. നിങ്ങളാണ് സംഗമയുഗീ ബ്രാഹ്മണര്. സംഗമയുഗത്തെ ആരും അറിയുന്നില്ല. കേവലം ഇത് മാത്രം ഓര്മ്മിക്കു- ഇത് സംഗമയുഗമാണ്, ഇപ്പോള് വീട്ടിലേയ്ക്ക് പോകണം. തീര്ച്ചയായും പവിത്രമായി മാറണം. ഇപ്പോള് ബാബ പറയുന്നു ഈ കാമവികാരം ആദി മദ്ധ്യ അന്ത്യം ദുഃഖം നല്കുന്നതാണ്, ഇതിനെ ജയിക്കു. നോക്കൂ വിഷത്തിനായി എത്ര ബുദ്ധിമുട്ടിക്കുന്നു. ബാബ പറയുന്നു കാമം മഹാ ശത്രുവാണ്, അതിനെ ജയിക്കൂ. ഇപ്പോള് ഈ സമയത്ത് എത്രയധികം മനുഷ്യരാണ് ഈ ലോകത്തില്. നിങ്ങള് ഓരോരുത്തര്ക്കായി എത്രത്തോളം മനസ്സിലാക്കിക്കൊടുക്കും. ഒരാള്ക്ക് മനസ്സിലാക്കിക്കൊടുക്കുകയാണെങ്കില് അടുത്ത ആള് പറയും മാജിക്കാണ്, പിന്നീട് പഠിപ്പ് ഉപേക്ഷിക്കുന്നു അതിനാല് ബാബ പറയുകയാണ് ആദി സനാതന ധര്മ്മത്തിലുള്ളവര്ക്ക് മനസ്സിലാക്കിക്കൊടുക്കു. ആദി സനാതന ധര്മ്മം തന്നെയാണ് ദേവതാ ധര്മ്മം. നിങ്ങള് മനസ്സിലാക്കിക്കൊടുക്കുന്നു ഈ ലക്ഷ്മീ നാരായണന്മാര് എങ്ങനെയാണ് ഈ പദവി നേടിയത്? മനുഷ്യനില് നിന്നും എങ്ങനെ ദേവതയായി മാറി? തീര്ച്ചയായും അന്തിമ ജന്മത്തിലായിരിക്കും. 84 ജന്മങ്ങള് പൂര്ത്തിയാക്കി പിന്നീട് ഇവരായി മാറി. ആര്ക്കാണോ സേവനത്തില് ലഹരിയുള്ളത് അവര് ഇതില് മുഴുകും. ബാക്കി എല്ലാത്തില് നിന്നും മോഹം മുറിയും. നമ്മള് ഈ കണ്ണുകള് കൊണ്ട് എന്തെല്ലാം കാണുന്നുണ്ടോ അതിനെയെല്ലാം മറക്കണം. കാണുന്നേയില്ല അങ്ങനെയായിരിക്കണം. മോശമായത് കാണരുത്..... മനുഷ്യരാണെങ്കില് കുരങ്ങിന്റെ ചിത്രം ഉണ്ടാക്കിയിരിക്കുന്നു. ഒന്നും മനസ്സിലാക്കുന്നില്ല. പെണ്കുട്ടികള് എത്ര പരിശ്രമിക്കുന്നു. ആരാണോ മനസ്സിലാക്കിക്കൊടുത്ത് യോഗ്യരാക്കി മാറ്റുന്നത് അവര്ക്ക് ബാബ അവസരങ്ങള് നല്കുന്നു. ആരാണോ ജോലി ചെയ്ത് കാണിക്കുന്നത് അവര്ക്കുതന്നെയാണ് സമ്മാനവും ലഭിക്കുന്നത്. ബാബ നമുക്ക് എത്ര സമ്മാനം നല്കും ഇതു നിങ്ങള്ക്ക് അറിയാം. ആദ്യസമ്മാനമാണ് സൂര്യവംശീ രാജധാനി. രണ്ടാമതാണ് ചന്ദ്രവംശീ രാജധാനി. എല്ലാവരും നമ്പര്വൈസ് തന്നെയായിരിക്കും. ഭക്തിമാര്ഗ്ഗത്തിലെ ശാസ്ത്രങ്ങള് എത്രയാണ് ഇരുന്ന് ഉണ്ടാക്കുന്നത്. ഇപ്പോള് ബാബ മനസ്സിലാക്കിത്തരുന്നു ഈ ശാസ്ത്രങ്ങള് വായിക്കുക, യജ്ഞം തപം എന്നിവ ചെയ്യുന്നതുകൊണ്ട് എന്റെ അടുത്ത് എത്താന് കഴിയില്ല. ദിവസങ്ങള് ചെല്ലുന്തോറും എത്രത്തോളം പാപാത്മാക്കളായിത്തീരുന്നു. പുണ്യാത്മാവാകാന് ആര്ക്കും സാധിക്കില്ല. അച്ഛന് തന്നെയാണ് വന്ന് പുണ്യാത്മാവാക്കി മാറ്റുന്നത്. ഒന്ന് പരിധിയുള്ള ദാനപുണ്യം, രണ്ടാമത്തേത് പരിധിയില്ലാത്തതാണ്. ഭക്തിമാര്ഗ്ഗത്തില് പരോക്ഷമായി ഈശ്വരാര്ത്ഥം ദാനപൂണ്യങ്ങള് ചെയ്യുന്നു പക്ഷേ ഈശ്വരന് എന്ന് വിളിക്കുന്നത് ആരെയാണ് എന്നതുപോലും അറിയുകയില്ല. ഇപ്പോള് നിങ്ങള്ക്ക് അറിയാം. നിങ്ങള് പറയുന്നു ശിവബാബ ഞങ്ങളെ എന്തില് നിന്ന് എന്താക്കിയാണ് മാറ്റുന്നത്! ഭഗവാന് ഒന്നേയുള്ളു. ഭഗവാനെ പിന്നീട് സര്വ്വവ്യാപി എന്നു പറയുന്നു. അതിനാല് അവര്ക്ക് മനസ്സിലാക്കിക്കൊടുക്കണം നിങ്ങള് എന്താണ് ചെയ്തത് എന്ന്. നിങ്ങളുടെ അടുത്തേയ്ക്ക് വരുന്നുമുണ്ട് പക്ഷേ അല്പം കേട്ട് പുറത്തുപോയാല് അതോടെ കഴിഞ്ഞു. ഇവിടത്തെ കാര്യം ഇവിടെത്തന്നെ ഇരുന്നു. എല്ലാം മറക്കുന്നു. നിങ്ങളോട് പറയും ജ്ഞാനം നല്ലതാണ് ഞങ്ങള് വീണ്ടും വരുമെന്ന്. പക്ഷേ മോഹത്തിന്റെ ചരടുകള് മുറിയുന്നില്ല. മോഹജീത്ത് രാജാവിന്റെ കഥ എത്ര നല്ലതാണ്. മോഹജീത്ത് രാജാവ് ഫസ്റ്റ് ക്ലാസായ ഈ ലക്ഷ്മീ നാരായണന്മാരാണ്. പക്ഷേ മനുഷ്യര് മനസ്സിലാക്കുന്നില്ല. അത്ഭുതമാണ്. രാവണരാജ്യത്തില് ഏണിപ്പടികള് ഇറങ്ങി തീര്ത്തും താഴേക്ക് വീണുപോയി. കുട്ടികളുടെ കളിയുണ്ടല്ലോ. മുകളിലേയ്ക്ക് പോയിട്ട് പിന്നീട് താഴേക്ക് വീഴുന്നു. നിങ്ങളുടെ കളിയും വളരെ സഹജമാണ്. അച്ഛന് പറയുന്നു നല്ലരീതിയില് ധാരണ ചെയ്യൂ. ഒരു മോശമായ കാര്യവും ചെയ്യരുത്.

അച്ഛന് പറയുന്നു ഞാന് ബീജസ്വരൂപവും സത്-ചിത് ആനന്ദസ്വരൂപവുമാണ്. ജ്ഞാനസാഗരനാണ്. ഇപ്പോള് ജ്ഞാനസാഗരന് എന്താ മുകളില്ത്തന്നെ ഇരിക്കുമോ? തീര്ച്ചയായും എപ്പോഴെങ്കിലും വന്ന് ജ്ഞാനം നല്കിയിട്ടുണ്ടാകും. ജ്ഞാനം എന്നാല് എന്താണ്, എന്നതുപോലും ചിലര്ക്ക് അറിയില്ല. ഇപ്പോള് അച്ഛന് പറയുന്നു ഞാന് നിങ്ങളെ പഠിപ്പിക്കാന് വരുകയാണ് അതിനാല് ദിവസവും പഠിക്കണം. ഒരു ദിവസം പോലും പഠിപ്പ് മുടക്കരുത്. തീര്ച്ചയായും നല്ല എന്തെങ്കിലും പോയിന്റുകള് ലഭിക്കും. മുരളി പഠിക്കുന്നില്ലെങ്കില് പോയിന്റ് തീര്ച്ചയായും മിസ്സാകും. പരിധിയില്ലാത്ത പോയിന്റ്സുണ്ട്. നിങ്ങള് ഭാരതവാസികള് ആദിസനാതന ദേവീദേവതാ ധര്മ്മത്തിലേതാണ് എന്നതും മനസ്സിലാക്കിക്കൊടുക്കണം. ഇപ്പോള് എത്രയധികം ധര്മ്മങ്ങളാണ്. വീണ്ടും ചരിത്രം ആവര്ത്തിക്കും. ഇതും കയറുന്നതിനും ഇറങ്ങുന്നതിനുമുള്ള ഏണിപ്പടിയാണ്. എങ്ങനെയാണോ ഭൂതത്തിന് ആജ്ഞ നല്കുന്നത്- പടികള് കയറൂ എന്നിട്ട് ഇറങ്ങൂ. നിങ്ങള് എല്ലാവരും ഭൂതങ്ങളല്ലേ. 84 ന്റെ ഏണിപ്പടി കയറുന്നു പിന്നീട് ഇറങ്ങുന്നു. എത്രയധികം മനുഷ്യരാണ്. ഓരോരുത്തര്ക്കും എത്ര പാര്ട്ടാണ് അഭിനയിക്കാനുള്ളത്. കുട്ടികള്ക്ക് വളരെ അത്ഭുതം തോന്നണം. നിങ്ങള്ക്ക് പരിധിയില്ലാത്ത മുഴുവന് നാടകത്തിന്റെയും അറിവ് ലഭിച്ചു. മുഴുവന് സൃഷ്ടിയുടേയും ആദി മദ്ധ്യ അന്ത്യത്തെ നിങ്ങള് ഇപ്പോള് മനസ്സിലാക്കി. ഒരു മനുഷ്യനും ഇത് അറിയാന് കഴിയില്ല. സത്യയുഗത്തില് ആരുടെ മുഖത്തുനിന്നും ഒരു മോശമായ വാക്കും വരില്ല. ഇവിടെയാണെങ്കില് പരസ്പരം വഴക്കുപറഞ്ഞുകൊണ്ടിരിക്കുന്നു. ഇതാണ് വിഷയ വൈതരണീ നദി അതായത് ഘോരനരകം. എല്ലാ മനുഷ്യരും ഘോരനരകത്തില് പെട്ടിരിക്കുകയാണ്. ഇവിടെ എങ്ങനെയാണോ രാജാവും റാണിയും അതുപോലെയാണ് പ്രജകളും. എപ്പോഴാണോ മനസ്സിലാക്കുന്നത് ആദി സനാതന ദേവീദേവതാ ധര്മ്മത്തിന്റെ സ്ഥാപന ആരാണ് ചെയ്തത്, അപ്പോള് അന്തിമത്തില് നിങ്ങളുടെ വിജയം ഉണ്ടാകും. ഇതാണ് ആദ്യത്തെ മുഖ്യമായ കാര്യം പക്ഷേ ഇത് ആരും അറിയുന്നില്ല.

അച്ഛന് പറയുന്നു ഞാന് ഏഴകളുടെ തോഴന് തന്നെയാണ്. അവസാന സമയത്ത് വളരെ വൈകുമ്പോള് ഇത് മനസ്സിലാക്കും. ഇപ്പോള് നിങ്ങള്ക്ക് മൂന്നാമത്തെ നേത്രം ലഭിച്ചിരിക്കുന്നു. മധുരമായ വീട്ടിന്റേയും മധുരമായ രാജധാനിയുടേയും ഓര്മ്മ ബുദ്ധിയിലുണ്ട്. അച്ഛന് പറയുന്നു ഇപ്പോള് ശാന്തീധാമത്തിലേയ്ക്കും സുഖധാമത്തിലേയ്ക്കും പോകണം. നിങ്ങള് എന്ത് പാര്ട്ടാണോ അഭിനയിച്ചത് അത് ബുദ്ധിയില് വരുന്നുണ്ടല്ലോ. നിങ്ങള് ബ്രാഹ്മണര് ഒഴിച്ച് ബാക്കി എല്ലാവരും മരിച്ച് കിടക്കുകയാണ്. ബ്രാഹ്മണര് മാത്രമേ എഴുന്നേറ്റ് നില്ക്കുകയുള്ളു. ബ്രാഹ്മണര് തന്നെയാണ് ദേവതയായി മാറുന്നത്. ഈ ഒരു ധര്മ്മം സ്ഥാപിക്കപ്പെടുകയാണ്. ബാക്കി ധര്മ്മങ്ങള് എങ്ങനെയാണ് സ്ഥാപിക്കപ്പെട്ടത് എന്നതും ബുദ്ധിയിലുണ്ട്. മനസ്സിലാക്കിത്തരുന്നത് ഒരേഒരു ബാബയാണ്. ഇങ്ങനെയുള്ള അച്ഛനെ മിനിറ്റിന് മിനിറ്റിന് ഓര്മ്മിക്കണം. ജോലികളെല്ലാം ചെയ്തോളൂ പക്ഷേ പവിത്രമാവണം എന്നുമാത്രം. ആദി സനാതന ദേവീ ദേവതാ ധര്മ്മം പവിത്രമായിരുന്നു. ഇപ്പോള് വീണ്ടും പവിത്രമാകണം. നടക്കുമ്പോഴും കറങ്ങുമ്പോഴും നിങ്ങള് എന്നെ ഓര്മ്മിക്കു എങ്കില് നിങ്ങള് സതോപ്രധാനമായി മാറും. സതോപ്രധാനമായി മാറുമ്പോഴേ ശക്തിയുണ്ടാകൂ. ഓര്മ്മിയ്ക്കാതെ നിങ്ങള്ക്ക് ഉയര്ന്നതിലും ഉയര്ന്ന പദവി ഒരിയ്ക്കലും നേടാന് കഴിയില്ല. സതോപ്രധാനം വരെ എത്തുമ്പോഴേ പാപം ഭസ്മമാകൂ. ഇതാണ് യോഗാഗ്നി- ഈ പദം ഗീതയിലേതാണ്. യോഗം യോഗം എന്ന് പറഞ്ഞ് തലയിട്ടുടയ്ക്കുന്നു. യോഗം പഠിപ്പിക്കുന്നതിനുവേണ്ടി വിദേശത്തുനിന്നുപോലും ആളുകളെ കുടുക്കി കൊണ്ടുവരുന്നു. നിങ്ങളുടെ കാര്യങ്ങള് ആളുകള് മനസ്സിലാക്കണം. പരമാത്മാവ് സുപ്രീം സോള് ഒന്നേയുള്ളു. അവര് തന്നെയാണ് വന്ന് എല്ലാവരേയും സുപ്രീമാക്കുന്നത്. ഒരു ദിവസം പത്രത്തില് ഇങ്ങനെ വാര്ത്തയിടും. ഇത് സത്യമാണല്ലോ. ഒരേയൊരു പരമപിതാ പരമാത്മാവിനല്ലാതെ മറ്റാര്ക്കും രാജയോഗം പഠിപ്പിക്കാന് സാധിക്കില്ല. ഇങ്ങനെയുള്ള കാര്യങ്ങള് വലിയ വലിയ അക്ഷരങ്ങളില് അച്ചടിക്കണം. ശരി!

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. സൂര്യവംശീ രാജധാനിയുടെ സമ്മാനം നേടുന്നതിനുവേണ്ടി ബാപ്ദാദ നല്കുന്ന അവസരങ്ങള് ഉപയോഗിക്കണം. സേവനം ചെയ്ത് കാണിക്കണം. മോഹത്തിന്റെ ചരടുകളെ പൊട്ടിക്കണം.

2. ജ്ഞാനസാഗരനും വിദേഹിയുമായ അച്ഛന് സ്വയം പഠിപ്പിക്കാനായി വരുന്നു അതിനാല് ദിവസവും പഠിക്കണം. ഒരു ദിവസം പോലും പഠിപ്പ് മിസ്സാക്കരുത്. അച്ഛനു സമാനം വിദേഹിയാകുന്നതിനുള്ള പുരുഷാര്ത്ഥം ചെയ്യണം.

വരദാനം :-
ശ്രേഷ്ഠവൃത്തിയുടെ വ്രതം ധാരണ ചെയ്ത് സത്യമായ ശിവരാത്രി ആഘോഷിക്കുന്നരായ വിശ്വപരിവര്ത്തകരായി ഭവിക്കട്ടെ.

ഭക്തര് സ്ഥൂലവസ്തുക്കളുടെ വ്രതമെടുക്കുന്നു, എന്നാല് താങ്കള് താങ്കളുടെ ദുര്ബ്ബലവൃത്തികളെ സദാകാലത്തേക്ക് ഉപേക്ഷിക്കാനുള്ള വ്രതമെടുക്കുന്നു, എന്തുകൊണ്ടെന്നാല് ഏത് നല്ല കാര്യമായാലും ചീത്തകാര്യമായാലും ആദ്യം വൃത്തിയിലാണ് ധാരണ ചെയ്യുന്നത്, പിന്നീട് വാക്കിലേക്കും കര്മ്മത്തിലേക്കും വരുന്നു. താങ്കളുടെ ശുഭവൃത്തിയിലൂടെ ഉണ്ടാകുന്ന ശ്രേഷ്ഠ വാക്കുകളിലൂടെയും കര്മ്മങ്ങളിലൂടെയും തന്നെയാണ് വിശ്വപരിവര്ത്തനത്തിന്റെ മഹാകാര്യം സമ്പന്നമാകുന്നത്. ഈ ശ്രേഷ്ഠവൃത്തിയുടെ വ്രതം ധാരണ ചെയ്യുന്നത് തന്നെയാണ് ശിവരാത്രി ആഘോഷിക്കല്.

സ്ലോഗന് :-
ഭംഗി അവര്ക്കാണുള്ളത് ആരുടെ മനസ്സിലാണോ സദാ സന്തോഷത്തിന്റെ സൂര്യന് ഉദിച്ചിരിക്കുന്നത്.


മാതേശ്വരിജിയുടെ അമൂല്യമായ മഹാവാക്യങ്ങള്

1. നയനഹീനര് അഥവാ ജ്ഞാനനേത്രഹീനര്ക്ക് വഴി പറഞ്ഞുകൊടുക്കുന്ന പരമാത്മാവ്.

നയനഹീനര്ക്ക് വഴി കാട്ടിത്തരൂ പ്രഭോ... ഇപ്പോള് മനുഷ്യര് ഈ ഗീതം പാടുന്നു, നയനഹീനര്ക്ക് വഴി കാണിച്ചുതരൂ, അതിനര്ത്ഥം വഴി കാണിച്ചുതരുന്നത് ഒരേയൊരു പരമാത്മാവാണ്, അതുകൊണ്ടാണ് പരമാത്മാവിനെ വിളിക്കുന്നത്, മാത്രമല്ല വഴികാണിച്ചുതരൂ പ്രഭോ എന്ന് പറയുമ്പോള് തീര്ച്ചയായും മനുഷ്യര്ക്ക് വഴി കാണിച്ചുകൊടുക്കുന്നതിനുവേണ്ടി സ്വയം പരമാത്മാവ് നിരാകാരരൂപത്തില് നിന്ന് സാകാരരൂപത്തിലേക്ക് തീര്ച്ചയായും വരേണ്ടതുണ്ട്, അപ്പോഴേ സ്ഥൂലത്തില് വഴി പറഞ്ഞുകൊടുക്കൂ, വരാതെ വഴി പറഞ്ഞുകൊടുക്കാന് കഴിയില്ല. ഇപ്പോള് ആശയക്കുഴപ്പത്തിലായ മനുഷ്യര്ക്ക് വഴി വേണം, അതിനാല് പരമാത്മാവിനോട് പറയുന്നു, നയനഹീനര്ക്ക് വഴി പറഞ്ഞുതരൂ പ്രഭോ...ആ പരമാത്മാവിനെ തന്നെയാണ് പിന്നെ തോണിക്കാരന് എന്നും പറയുന്നത്, ആരാണോ ഇക്കരെ അഥവാ ഈ 5 തത്വങ്ങളാല് നിര്മ്മിതമായ സൃഷ്ടിയെ മറികടന്ന് അക്കരെ അഥവാ 5 തത്വങ്ങള്ക്കുമുപരി ആറാമത്തെ തത്വമായ അഖണ്ഡജ്യോതിമഹാതത്വത്തിലേക്ക് കൊണ്ടുപോകുന്നത് . അതിനാല് പരമാത്മാവും അക്കരെ നിന്ന് ഇക്കരേക്ക് വന്നാലേ കൊണ്ടുപോകൂ. അതിനാല് പരമാത്മാവിനും തന്റെ വീടില് നിന്ന് വരേണ്ടിവരുന്നു. അതിനാലാണ് പരമാത്മാവിനെ തോണിക്കാരന് എന്ന് പറയുന്നത്. പരമാത്മാവ് തന്നെയാണ് നാം ആത്മാക്കളാകുന്ന തോണിയെ അക്കരേക്ക് കൊണ്ടുപോകുന്നത്. ഇപ്പോള് ആരാണോ പരമാത്മാവിനോടൊപ്പം യോഗം വെക്കുന്നത് അവരെ കൂടെ കൊണ്ടുപോകും. ബാക്കി ആര് അവശേഷിക്കുന്നുവോ അവര് ധര്മ്മരാജന്റെ ശിക്ഷ അനുഭവിച്ചശേഷം പിന്നീട് മുക്തമാകും.

2. മുള്ളുകള് അഥവാ ദു:ഖത്തിന്റെ ലോകത്തില് നിന്ന് പൂക്കളുടെ ഛായ അഥവാ സുഖത്തിന്റെ ലോകത്തിലേക്ക് കൊണ്ടുപോകുന്നത് പരമാത്മാവാണ്.

മുള്ളുകളുടെ ലോകത്തുനിന്നും പൂക്കളുടെ ഛായയിലേക്ക് കൊണ്ടുപോകൂ... ഇപ്പോള് ഈ വിളി കേവലം പരമാത്മാവിനോടാണ് നടത്തുന്നത്. എപ്പോള് മനുഷ്യര് അതി ദു:ഖിതരാകുന്നോ അപ്പോള് പരമാത്മാവിനെ ഓര്മ്മിക്കുന്നു, പരമാത്മാവ് ഈ മുള്ളുകളുടെ ലോകത്ത് നിന്നും പൂക്കളുടെ തണലിലേക്ക് കൊണ്ടുപോകുന്നു. ഇതിലൂടെ തെളിയുന്നു അതായത് തീര്ച്ചയായും അതും ഏതോ ഒരു ലോകമാണ്. ഇപ്പോഴത്തെ ഈ ലോകം മുള്ളുകള് നിറഞ്ഞതാണെന്ന് ഇപ്പോള് സര്വ്വര്ക്കും അറിയാം. ഇക്കാരണത്താലാണ് മനുഷ്യര് ദു:ഖവും അശാന്തിയും അനുഭവിക്കുമ്പോള് പുഷ്പങ്ങളുടെ ലോകത്തെ ഓര്മ്മിക്കുന്നത്. അപ്പോള് അങ്ങിനെയും ഒരു ലോകമുണ്ടാകും ആ ലോകത്തിന്റെ സംസ്കാരം ആത്മാവില് നിറഞ്ഞിട്ടുണ്ടാകും. ഇപ്പോള് നമുക്കറിയാം ദു:ഖവും അശാന്തിയുമെല്ലാം കര്മ്മബന്ധനത്തിന്റെ കണക്കുകളാണെന്ന്. രാജാവ് മുതല് പാവപ്പെട്ടവര് വരെ ഓരോ മാനവനും ഈ കണക്കുകളാല് വരിഞ്ഞുമുറുക്കപ്പെട്ടിരിക്കയാണ്. അതിനാല് പരമാത്മാവ് തന്നെ പറയുന്നു, ഇത് കലിയുഗീലോകമാണ്, അത് പൂര്ണ്ണമായും കര്മ്മബന്ധന നിര്മ്മിതമാണ്, മുമ്പത്തെ ലോകം സത്യയുഗമായിരുന്നു അതിനെയാണ് പുഷ്പങ്ങളുടെ ലോകമെന്ന് പറയുന്നത്. അത് കര്മ്മബന്ധനരഹിത ജീവന്മുക്തരായ ദേവീദേവതകളുടെ രാജ്യമാണ്, അതിപ്പോളില്ല. ഇപ്പോള് നാം ജീവന്മുക്തമെന്ന് പറയുന്നതിന്റെ അര്ത്ഥം നാം ഏതെങ്കിലും ദേഹത്തില് നിന്ന് മുക്തമായിരുന്നെന്നല്ല, മറിച്ച് അവര്ക്ക് യാതൊരു ദേഹബോധവും ഇല്ലായിരുന്നു, അവര് ദേഹത്തിലിരുന്നുകൊണ്ടും ദു:ഖം അനുഭവിച്ചിരുന്നില്ല, അതായത് അവിടെ യാതൊരു കര്മ്മബന്ധനത്തിന്റെ അവസരവും ഇല്ല. അവര് ജനിച്ച് മരണം വരെ ആദി മദ്ധ്യ അന്ത്യം സുഖം അനുഭവിച്ചിരുന്നു. അതിനാല് ജീവന്മുക്തിയെന്നാല് ജീവിച്ചിരുന്നുകൊണ്ടും കര്മ്മാതീതം. അപ്പോള് ഈ മുഴുവന് ലോകത്തേയും 5 വികാരങ്ങള് വരിഞ്ഞുമുറുക്കിയിരിക്കുകയാണ്, 5 വികാരങ്ങളും പൂര്ണ്ണമായും ഉള്ളിലുണ്ടെന്ന് കരുതിക്കോളൂ, പക്ഷെ മനുഷ്യന് ഈ 5 വികാരങ്ങളെയും ജയിക്കാനുള്ള ശക്തിയില്ല, അപ്പോഴാണ് പരമാത്മാവ് സ്വയം വന്ന് നമ്മെ 5 ഭൂതങ്ങളില് നിന്ന് മോചിപ്പിക്കുന്നതും ഭാവിയിലെ പ്രാലബ്ധമായ ദേവീ ദേവതാ പദവി പ്രാപ്തമാക്കിത്തരുന്നതും.