05.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളെ, ഇവിടെ നിങ്ങളുടെ എല്ലാം ഗുപ്തമാണ്. അതുകൊണ്ട് നിങ്ങള്ക്ക് ഷോ ചെയ്യേണ്ട (ആര്ഭാടത്തിന്റെ) ആവശ്യമില്ല. തന്റെ പുതിയ രാജധാനിയുടെ ലഹരിയില് ഇരിക്കണം.

ചോദ്യം :-
ശ്രേഷ്ഠ ധര്മ്മത്തിന്റെയും ദൈവീക കര്മ്മത്തിന്റെയും സ്ഥാപനയ്ക്കു വേണ്ടി നിങ്ങള് കുട്ടികള് ഏതൊരു പരിശ്രമമാണ് ചെയ്യുന്നത്?

ഉത്തരം :-
നിങ്ങള് ഇപ്പോള് പഞ്ചവികാരങ്ങളെയും ഉപേക്ഷിക്കുവാനുള്ള പരിശ്രമമാണ് ചെയ്യുന്നത്. എന്തുകൊണ്ടെന്നാല് ഈ വികാരങ്ങള് തന്നെയാണ് എല്ലാവരെയും ഭ്രഷ്ടമാക്കി മാറ്റിയത്. നിങ്ങള്ക്കറിയാം ഈ സമയം എല്ലാവരും ദൈവീക ധര്മ്മങ്ങളാലും കര്മ്മങ്ങളാലും ഭ്രഷ്ടരാണ്. ബാബ തന്നെയാണ് ശ്രീമതം നല്കി ശ്രേഷ്ഠമായ ധര്മ്മത്തിന്റെയും കര്മ്മത്തിന്റെയും സ്ഥാപന ചെയ്യുന്നത്. നിങ്ങള് ശ്രീമത്തിലൂടെ നടന്ന് ബാബയുടെ ഓര്മ്മയിലൂടെ വികാരങ്ങളുടെ മേല് വിജയം പ്രാപ്തമാക്കുന്നു. പഠിപ്പിലൂടെ സ്വയം സ്വയത്തിന് രാജതിലകം നല്കുന്നു.

ഗീതം :-
അങ്ങയെ പ്രാപ്തമാക്കിയ ഞങ്ങള് ഈ മുഴുവന് ലോകത്തെയും പ്രാപ്തമാക്കി കഴിഞ്ഞു...

ഓംശാന്തി.
മധുര-മധുരമായ ആത്മീയ കുട്ടികള് ഗീതം കേട്ടു. ആത്മീയ കുട്ടികള് തന്നെയാണ് പറയുന്നത്- ബാബാ. കുട്ടികള്ക്കറിയാം ഈ പരിധിയില്ലാത്ത ബാബ പരിധിയില്ലാത്ത സുഖം നല്കുന്ന ആളാണ് അര്ത്ഥം ബാബ എല്ലാവരുടെയും അച്ഛനാണ്. ബാബയെ എല്ലാ പരിധിയില്ലാത്ത കുട്ടികളും ആത്മാക്കളും ഓര്മ്മിച്ചുകൊണ്ടിരിക്കുന്നു. ഏതെങ്കിലും പ്രകാരത്തില് ഓര്മ്മിച്ചുകൊണ്ടിരിക്കുന്നു എന്നാല് അവര്ക്ക് ഇതറിയില്ല നമുക്ക് ആ പരമപിതാ പരമാത്മാവില് നിന്ന് വിശ്വത്തിന്റെ ചക്രവര്ത്തി പദവി പ്രാപ്തമാക്കണം. നിങ്ങള്ക്കറിയാം ബാബ നമുക്ക് നല്കുന്ന സത്യയുഗീ വിശ്വചക്രവര്ത്തി പദവി അഖണ്ഡവും അചഞ്ചലവും സുദൃഢവുമാണ്. ഈ ചക്രവര്ത്തി പദവി 21 ജന്മത്തേക്ക് നിലനില്ക്കുന്നു. മുഴുവന് വിശ്വത്തിലും നമ്മുടെ രാജ്യമുണ്ടായിരിക്കും അതിനെ ആര്ക്കും തട്ടിയെടുക്കുവാന് സാധിക്കില്ല, കൊളളയടിക്കാനും സാധിക്കില്ല. നമ്മുടെ രാജധാനി ദൃഢതയുളളതാണ്. എന്തുകൊണ്ടെന്നാല് അവിടെ ഒരു ധര്മ്മം മാത്രമാണുള്ളത്. ദ്വൈതമില്ല. സത്യയുഗം അദ്വൈത രാജ്യമാണ്. കുട്ടികള് എപ്പോഴെല്ലാമാണോ ഗീതം കേള്ക്കുന്നത് അപ്പോള് തന്റെ രാജധാനിയുടെ ലഹരി ഉണ്ടായിരിക്കണം. ഇങ്ങനെ-ഇങ്ങനെയുള്ള ഗീതങ്ങള് വീട്ടില് ഉണ്ടായിരിക്കണം. നിങ്ങളുടെ എല്ലാം ഗുപ്തമാണ്. മറ്റു വലിയ-വലിയ വ്യക്തികള്ക്കെല്ലാം ധാരാളം പ്രൗഢത്വമുണ്ട്. നിങ്ങള്ക്ക് യാതൊരു പ്രൗഢിയുമില്ല. നിങ്ങള് കാണുന്നുണ്ടല്ലോ ബാബ എത്ര സാധാരണ ശരീരത്തിലേക്കാണ് പ്രവേശിച്ചിരിക്കുന്നത്. ഇതും കുട്ടികള്ക്കറിയാം ഇവിടെയുളള ഓരോ മനുഷ്യരും മോശമായതും അധാര്മ്മികപരവുമായ കര്മ്മങ്ങളാണ് ചെയ്യുന്നത്. അതുകൊണ്ടാണ് വിവേകശൂന്യര് എന്ന് പറയുന്നത്. ബുദ്ധി തീര്ത്തും പൂട്ടപ്പെട്ടിരിക്കുകയാണ്. നിങ്ങള് എത്ര വിവേകശാലികളായിരുന്നു. വിശ്വത്തിന്റെ അധികാരികളായിരുന്നു. ഇപ്പോള് മായ നമ്മെ ഒരു പ്രയോജനമില്ലാത്തവരും വിവേകശൂന്യരുമാക്കി മാറ്റി. ബാബയെ ലഭിക്കുന്നതിനായി ധാരാളം യജ്ഞവും തപവുമെല്ലാം ചെയ്തുവന്നിരുന്നു എന്നാല് ഒന്നും ലഭിച്ചില്ല. വെറുതെ അലഞ്ഞുകൊണ്ടിരിക്കുന്നു. ദിവസന്തോറും അമംഗളം തന്നെയാണ് ഉണ്ടായിക്കൊണ്ടിരിക്കുന്നത്. എത്രത്തോളം മനുഷ്യര് തമോപ്രധാനമായി മാറിക്കൊണ്ടിരിക്കുന്നുവോ അത്രത്തോളം അമംഗളം ഉണ്ടാവുക തന്നെ വേണം. ഏതെല്ലാം ഋഷിമുനിമാരുടെയാണോ മഹിമ പാടിയിരുന്നത് അവര് പവിത്രമായിരുന്നു. അറിയില്ല അറിയില്ല (നേതി-നേതി) എന്ന് പറഞ്ഞിരുന്നു. ഇപ്പോള് തമോപ്രധാനമായതുകൊണ്ടാണ് പറയുന്നത് ശിവോഹം, സര്വ്വവ്യാപി, എന്നിലും നിന്നിലുമെല്ലാം ഈശ്വരനുണ്ടെന്ന്. സന്യാസിമാര് കേവലം പരമാത്മാവെന്നു പറയുന്നു. പരമപിതാവെന്ന് ഒരിക്കലും പറയില്ല. പരമപിതാവാണെങ്കില് പിന്നെ സര്വ്വവ്യാപിയെന്ന് പറയുന്നത് തെറ്റാണ്. അതുകൊണ്ടാണ് ഈശ്വരന് അഥവാ പരമാത്മാവെന്ന് പറയുന്നത്. പിതാവ് എന്ന വാക്ക് ബുദ്ധിയില് വരുന്നില്ല. ചിലരെല്ലാം പറയുന്നത് വെറുതെയാണ്. അഥവാ പരമപിതാവാണെന്ന് മനസ്സിലാക്കുകയാണെങ്കില് ബുദ്ധി പെട്ടെന്നു തന്നെ തിളങ്ങും. ബാബ സ്വര്ഗ്ഗത്തിന്റെ സമ്പത്ത് നല്കുന്നു. അതിനാല് ബാബ സ്വര്ഗ്ഗം സ്ഥാപിക്കുന്ന പിതാവാണ്. പിന്നെന്തിനാണ് നമ്മള് നരകത്തില് ജീവിക്കുന്നത്. ഇപ്പോള് നമുക്ക് എങ്ങനെ മുക്തി-ജീവന്മുക്തി സമ്പത്ത് ലഭിക്കാനാവും? ഇത് ആരുടെയും ബുദ്ധിയില് വരുന്നില്ല. ആത്മാവ് പതിതമായിരിക്കുകയാണ്. ആത്മാവ് ആദ്യം സതോപ്രധാനവും വിവേകശാലിയുമായിരിക്കും പിന്നീട് സതോ, രജോ, തമോയിലേക്ക് വരുന്നു. വിവേകശൂന്യരാകുന്നു. ഇപ്പോള് നിങ്ങള്ക്ക് വിവേകം വന്നുകഴിഞ്ഞു. ബാബ നമുക്ക് ഈ സ്മൃതി ഉണര്ത്തി തന്നു. ഭാരതം പുതിയ ലോകമായിരുന്നപ്പോള് നമ്മുടെ രാജ്യമായിരുന്നു. ഒരു മതം, ഒരു ഭാഷ, ഒരു ധര്മ്മം, ഒരു മഹാരാജാ-മഹാറാണിയുടെ രാജ്യമായിരുന്നു. പിന്നീട് ദ്വാപരയുഗത്തില് വാമമാര്ഗ്ഗം ആരംഭിക്കുന്നു. ഇതെല്ലാം ഓരോരുത്തരുടെയും കര്മ്മത്തില് ആശ്രയിച്ചിരിക്കും. കര്മ്മങ്ങള്ക്കനുസരിച്ച് ഒരു ശരീരം ഉപേക്ഷിച്ച് മറ്റൊന്നെടുക്കുന്നു. ഇപ്പോള് ബാബ പറയുന്നു-ഞാന് നിങ്ങള്ക്ക് 21 ജന്മത്തേക്കുള്ള ചക്രവര്ത്തി പദവി പ്രാപ്തമാക്കാനുള്ള കര്മ്മമാണ് പഠിപ്പിക്കുന്നത്. സത്യയുഗത്തിലും പരിധിയുള്ള അച്ഛനുണ്ടായിരിക്കും എന്നാല് ഈ രാജ്യഭാഗ്യത്തിന്റെ സമ്പത്ത് പരിധിയില്ലാത്ത ബാബയാണ് നല്കിയതെന്ന ജ്ഞാനം അവിടെയുണ്ടായിരിക്കില്ല. പിന്നീട് ദ്വാപരയുഗം മുതല് രാവണ രാജ്യം ആരംഭിക്കുന്നതിലൂടെ വികാരി സംബന്ധമുണ്ടാകുന്നു. പിന്നീട് കര്മ്മങ്ങള്ക്കനുസരിച്ചാണ് ജന്മം ലഭിക്കുന്നത്. ഭാരതത്തില് പൂജ്യരായ രാജാക്കന്മാരുണ്ടായിരുന്നു അതേപോലെ പൂജാരി രാജാക്കന്മാരുമുണ്ടായിരുന്നു. സത്യ-ത്രേതായുഗത്തില് എല്ലാവരും പൂജ്യരായിരുന്നു. അവിടെ പൂജയോ ഭക്തിയോ ഇല്ല പിന്നീട് ദ്വാപരയുഗത്തില് ഭക്തിമാര്ഗ്ഗം ആരംഭിക്കുമ്പോള്, രാജാവും റാണിയും പോലെ തന്നെ പ്രജകളും, പൂജാരിയും ഭക്തരുമായി മാറുന്നു. സൂര്യവംശികളായ ഏറ്റവും ഉയര്ന്ന പൂജ്യ രാജാക്കന്മാര് പോലും പൂജാരിമാരായി മാറുന്നു.

ഇപ്പോള് നിങ്ങള് നിര്വ്വികാരിയായി മാറുന്നു അതിന്റെ പ്രാപ്തി 21 ജന്മത്തേക്കാണ് ഉള്ളത്. പിന്നീട് ഭക്തിമാര്ഗ്ഗം ആരംഭിക്കുന്നു. ദേവതകളുടെ ക്ഷേത്രങ്ങളുണ്ടാക്കി പൂജ ചെയ്തുകൊണ്ടിരുന്നു. ഇത് ഭാരതത്തില് മാത്രമാണ് നടക്കുന്നത്. ബാബ കേള്പ്പിക്കുന്ന 84 ജന്മങ്ങളുടെ കഥ പോലും ഭാരതവാസികള്ക്കുവേണ്ടിയാണ്. മറ്റെല്ലാ ധര്മ്മത്തിലുള്ളവരും അതിനുശേഷമാണ് വരുന്നത്. പിന്നീട് ഒരുപാട് അഭിവൃദ്ധിയുണ്ടാകുന്നു. വ്യത്യസ്ത ധര്മ്മത്തിലുളളവരുടെ രൂപ-ഭാവങ്ങള്, ഓരോ കാര്യത്തിലും വ്യത്യസ്ത-വ്യത്യസ്തമായിരിക്കും. ആചാര-അനുഷ്ഠാനങ്ങളും വ്യത്യസ്ത-വ്യത്യസ്തമായതായിരിക്കും. ഭക്തിമാര്ഗ്ഗത്തിനുവേണ്ടി സാമഗ്രികളും വേണം. ബീജം ചെറുതാണെങ്കിലും വൃക്ഷം എത്ര വലുതായിരിക്കും. വൃക്ഷത്തിലെ ഇലകളെയൊന്നും എണ്ണാന് സാധിക്കില്ല. അതേപോലെ തന്നെ ഭക്തിയും വിസ്താരത്തിലാണ്. ഒരുപാട് ശാസ്ത്രങ്ങള് ഉണ്ടാക്കികൊണ്ടിരിക്കുന്നു. ഇപ്പോള് ബാബ കുട്ടികളോട് പറയുന്നു-ഈ ഭക്തിമാര്ഗ്ഗത്തിലെ സാമഗ്രികളെല്ലാം തന്നെ ഇല്ലാതാകണം. ഇനി അച്ഛനായ എന്നെ ഓര്മ്മിക്കൂ. ഭക്തിമാര്ഗ്ഗത്തിലെ പ്രഭാവം ഒരുപാടുണ്ടല്ലോ! എത്ര മനോഹരമായ നൃത്തം, തമാശകള്, പാട്ട് ഇവയ്ക്കു വേണ്ടിയെല്ലാം എത്രയാണ് ചിലവഴിക്കുന്നത്. ഇപ്പോള് ബാബ പറയുന്നു-അച്ഛനായ എന്നെയും സമ്പത്തിനെയും ഓര്മ്മിക്കൂ. തന്റെ ആദി സനാതന ധര്മ്മത്തെ ഓര്മ്മിക്കൂ. ജന്മ-ജന്മാന്തരങ്ങളിലായി അനേക പ്രകാരത്തിലുള്ള ഭക്തി നിങ്ങള് ചെയ്തുവന്നു. സന്യാസിമാരുപോലും ആത്മാക്കള് വസിക്കുന്ന സ്ഥാനത്തെ അതായത് തത്വത്തെ പരമാത്മാവാണെന്ന് മനസ്സിലാക്കി വന്നു. ബ്രഹ്മത്തെ അഥവാ തത്വത്തെ തന്നെ ഓര്മ്മിച്ചുകൊണ്ടിരിക്കുന്നു. വാസ്തവത്തില് സതോപ്രധാന സന്യാസിമാര് ഉണ്ടായിരുന്നപ്പോള് അവര്ക്ക് കാട്ടില് പോയി ശാന്തിയില് ഇരിക്കണമായിരുന്നു. അവര് ബ്രഹ്മത്തില് ചെന്ന് ലയിക്കുകയില്ലല്ലോ. അവര് മനസ്സിലാക്കുന്നു ബ്രഹ്മത്തിന്റെ ഓര്മ്മയിലിരിക്കുന്നതിലൂടെ ശരീരം ഉപേക്ഷിച്ചു കഴിഞ്ഞാല് ബ്രഹ്മത്തില് പോയി ലയിക്കാന് സാധിക്കും. ബാബ പറയുന്നു- ആരും ലയിക്കുന്നില്ല. ആത്മാവ് അവിനാശിയാണല്ലോ!. ആത്മാവിന് എങ്ങനെ ലയിക്കാന് സാധിക്കും. ഭക്തിമാര്ഗ്ഗത്തില് എത്രയാണ് തലയിട്ടുടക്കുന്നത്. ഭഗവാന് ഏതെങ്കിലും രൂപത്തില് വരും എന്നും പറയുന്നു. ഏതാണ് ശരി? സന്യാസിമാര് പറയുന്നു- ബ്രഹ്മവുമായി യോഗം വെക്കുകയാണെങ്കില് ബ്രഹ്മത്തില് ലയിക്കും എന്ന്. ഗൃഹസ്ഥത്തിലുള്ളവര് പറയുന്നു ഭഗവാന് ഏതെങ്കിലും രൂപത്തില് പതിതരെ പാവനമാക്കി മാറ്റാന് വരും. മുകളില് നിന്ന് എങ്ങനെ പ്രേരണയിലൂടെ പഠിപ്പിക്കാന് സാധിക്കും. ടീച്ചര്ക്ക് വീട്ടിലിരുന്നുകൊണ്ട് പ്രേരണ നല്കുവാന് സാധിക്കുമോ! പ്രേരണ എന്ന വാക്കില്ല. പ്രേരണയിലൂടെ ഒരു കാര്യവും നടക്കുന്നില്ല. ശങ്കരന്റെ പ്രേരണയിലൂടെ വിനാശമെന്നാണ് പറയാറുള്ളത്. എന്നാല് ഇത് ഡ്രാമയില് അടങ്ങിയിട്ടുണ്ട്. യാദവര്ക്ക് മിസൈലുകളെല്ലാം ഉണ്ടാക്കുക തന്നെ വേണം. ഇത് വെറും മഹിമ മാത്രമാണ് പറയുന്നത്. ആര്ക്കും തന്റെ വലിയവരുടെ മഹിമയെക്കുറിച്ച് അറിയില്ല. ധര്മ്മ സ്ഥാപകരെയും ഗുരു എന്നാണ് പറയുന്നത് എന്നാല് അവര് ധര്മ്മം മാത്രമാണ് സ്ഥാപിക്കുന്നത്. സദ്ഗതി ചെയ്യുന്നവരെയാണ് ഗുരു എന്ന് പറയുക. മറ്റു ഗുരുക്കന്മാരെല്ലാം ധര്മ്മം സ്ഥാപിക്കാനാണ് വരുന്നത്. ആ ഗുരുക്കന്മാരുടെ പിറകില് അവരുടെ വംശാവലികളും വന്നുകൊണ്ടിരിക്കുന്നു. അവര് ആരുടെയും സദ്ഗതി ചെയ്യുന്നില്ല. അപ്പോള് അവരെ ഗുരു എന്ന് എങ്ങനെയാണ് പറയുന്നത്. സര്വ്വരുടെയും സദ്ഗതി ദാതാവാകുന്ന ഗുരു ഒന്നു മാത്രമെയുള്ളൂ. ഭഗവാനാകുന്ന അച്ഛന് വന്നിട്ടാണ് എല്ലാവരുടെയും സദ്ഗതി ചെയ്യുന്നത്. മുക്തി-ജീവന്മുക്തി നല്കുന്നത്. സദ്ഗതി നല്കുന്ന ഭഗവാനെ ഓര്മ്മിക്കാതിരിക്കാന് ആര്ക്കും സാധിക്കില്ല. തന്റെ പതിയോട് എത്രതന്നെ സ്നേഹമുണ്ടെങ്കിലും, അല്ലയോ ഭഗവാനേ, അല്ലയോ ഈശ്വരാ എന്ന് തീര്ച്ചയായും പറയുന്നു എന്തുകൊണ്ടെന്നാല് ഭഗവാന് തന്നെയാണ് സര്വ്വരുടെയും സദ്ഗതി ദാതാവ്. ബാബ മനസ്സിലാക്കി തരുന്നു, ഇത് മുഴുവന് രചനയാണ്. രചയിതാവാകുന്ന അച്ഛന് ഞാനാണ്. എല്ലാവര്ക്കും സുഖം നല്കുന്ന ബാബ ഒന്നു മാത്രമാണ്. ഒരു സഹോദരന് മറ്റൊരു സഹോദരന് സമ്പത്ത് നല്കാന് സാധിക്കില്ല. സമ്പത്ത് എപ്പോഴും അച്ഛനില് നിന്നാണ് ലഭിക്കുന്നത്. നിങ്ങള് പരിധിയില്ലാത്ത കുട്ടികള്ക്കെല്ലാം പരിധിയില്ലാത്ത അച്ഛന്, പരിധിയില്ലാത്ത സമ്പത്ത് നല്കുന്നു. അതുകൊണ്ട് തന്നെയാണ് എന്നെ ഓര്മ്മിക്കുന്നത്-അല്ലയോ പരമപിതാവേ, ക്ഷമിക്കൂ, ദയ കാണിക്കൂ എന്ന്. ഒന്നും തന്നെ മനസ്സിലാക്കുന്നില്ല. ഭക്തിമാര്ഗ്ഗത്തില് അനേക പ്രകാരത്തിലുള്ള മഹിമ ചെയ്യുന്നു. ഇതും ഡ്രാമയനുസരിച്ച് അവരവരുടെ പാര്ട്ട് അഭിനയിച്ചുകൊണ്ടിരിക്കുകയാണ്. ബാബ പറയുന്നു-ഞാന് ഇവരുടെയൊന്നും വിളി കേട്ടിട്ടല്ല വരുന്നത്. ഇത് ഡ്രാമയില് നിശ്ചയിക്കപ്പെട്ടിട്ടുളളതാണ്. ഡ്രാമയില് ബാബയുടെ വരവിന്റെ പാര്ട്ട് അടങ്ങിയിട്ടുണ്ട്. അനേക ധര്മ്മത്തിന്റെ വിനാശം, ഒരു ധര്മ്മത്തിന്റെ സ്ഥാപന അഥവാ കലിയുഗത്തിന്റെ വിനാശം, സത്യയുഗത്തിന്റെ സ്ഥാപന എന്നിവ ചെയ്യുക തന്നെ വേണം. ഞാന് എന്റെ സമയത്ത് സ്വതവേ വരുകയാണ്. ഈ ഭക്തിമാര്ഗ്ഗത്തിന്റെയും പാര്ട്ട് ഡ്രാമയിലുണ്ട്. ഭക്തിമാര്ഗ്ഗത്തിലെ പാര്ട്ട് എപ്പോഴാണോ പൂര്ത്തിയാകുന്നത് അപ്പോഴാണ് ഞാന് വരുന്നത്. കുട്ടികളും പറയുന്നു, നമ്മള് മനസ്സിലാക്കിക്കഴിഞ്ഞു, 5000 വര്ഷത്തിനുശേഷം വീണ്ടും അങ്ങയുമായി കൂടിക്കാഴ്ച നടത്തിയിരിക്കുകയാണ്. ബാബാ അങ്ങ് കല്പം മുമ്പും ബ്രഹ്മാവിന്റെ ശരീരത്തില് തന്നെ വന്നിരുന്നു. ഈ ജ്ഞാനം നിങ്ങള്ക്ക് ഇപ്പോഴാണ് ലഭിക്കുന്നത് പിന്നീട് ഒരിക്കലും ലഭിക്കില്ല. ഇതാണ് ജ്ഞാനം, മറ്റേത് ഭക്തിയാണ്. ജ്ഞാനത്തിന്റെ പ്രാപ്തി, കയറുന്ന കലയാണ്. സെക്കന്റില് ജീവന്മുക്തി എന്ന് പറയാറുണ്ട്. ജനകന് സെക്കന്റില് ജീവന്മുക്തി ലഭിച്ചിരുന്നില്ലേ! ഇങ്ങനെയുണ്ട്, രാധ പിന്നീട് അനുരാധയായി(ഓരോരുത്തരും) മാറുന്നു. ജനകനും പിന്നീട് ഈ ജ്ഞാനത്തിലൂടെ സീതയുടെ അച്ഛന് അനുജനകനായി മാറി. ഇതും ഒരു ഉദാഹരണം മാത്രമാണ് നല്കിയിരുക്കുന്നത്. ഒന്നും മനസ്സിലാക്കുന്നില്ല. ജനകന് സെക്കന്റില് ജീവന്മുക്തി പ്രാപ്തമാക്കി എന്ന് പറയാറുണ്ട്. ഒരു ജനകന് മാത്രമാണോ ജീവന്മുക്തി പ്രാപ്തമാക്കിയത്? ജീവന്മുക്തി അര്ത്ഥം ഈ രാവണരാജ്യത്തില് നിന്നും ജീവിന്മുക്തി.

ബാബയ്ക്കറിയാം എല്ലാ കുട്ടികളും എത്ര ദുര്ഗതിയാണ് പ്രാപിച്ചിരിക്കുന്നത്. അവരുടെ സദ്ഗതിയുണ്ടാകണം. ദുര്ഗതിയില് നിന്ന് പിന്നീട് ഉയര്ന്ന ഗതി, മുക്തി-ജീവന്മുക്തി പ്രാപിക്കുന്നു. ആദ്യം മുക്തിയിലേക്കുപോയി പിന്നീട് ജീവന്മുക്തിയിലേക്കു വരും. ശാന്തിയോടെ നിന്ന് പിന്നീട് സുഖധാമത്തിലേക്ക് വരുന്നു. ഈ ചക്രത്തിന്റെ മുഴുവന് രഹസ്യവും ബാബ മനസ്സിലാക്കി തന്നു. നിങ്ങളോടൊപ്പം മറ്റ് ഒരുപാട് ധര്മ്മങ്ങളും വന്നുപോകുന്നുണ്ട്. മനുഷ്യ സൃഷ്ടി അഭിവൃദ്ധി പ്രാപിച്ചുകൊണ്ടിരിക്കുന്നു. ബാബ പറയുന്നു-ഈ സമയം മനുഷ്യ സൃഷ്ടിയാകുന്ന വൃക്ഷം തമോപ്രധാനവും ജീര്ണ്ണിച്ചിരിക്കുകയുമാണ്. ആദി സനാതന ദേവീ-ദേവത ധര്മ്മത്തിന്റെ അടിത്തറ മുഴുവന് ജീര്ണ്ണിച്ചിരിക്കുന്നു. മറ്റെല്ലാ ധര്മ്മങ്ങളുമുണ്ട്. ഭാരതത്തില് ആരും സ്വയത്തെ ആദി സനാതന ദേവീ-ദേവത ധര്മ്മത്തിന്റേതാണെന്ന് മനസ്സിലാക്കുന്നില്ല. ദേവത ധര്മ്മത്തിലെതാണെങ്കിലും ഈ സമയം ആരും ഞങ്ങള് ആദി സനാതന ദേവീ-ദേവത ധര്മ്മത്തിലെതാണെന്ന് മനസ്സിലാക്കുന്നില്ല. എന്തുകൊണ്ടെന്നാല് ദേവതകള് പവിത്രമായിരുന്നല്ലോ! നമ്മള് പവിത്രമല്ലല്ലോ. നമ്മള് അപവിത്രരും പതിതരും സ്വയത്തെ എങ്ങനെ ദേവതയെന്ന് പറയും? ഹിന്ദു എന്ന് പറയുന്നതും ഡ്രാമയുടെ പദ്ധതിയനുസരിച്ചുള്ള ആചാരമാണ്. ജനസംഖ്യയുടെ പട്ടികയില് പോലും ഹിന്ദു എന്ന ധര്മ്മമാണ് എഴുതാറുളളത്. ഗുജറാത്തികളാണെങ്കിലും ഹിന്ദു ഗുജറാത്തിയെന്ന് പറയുന്നു. അവരോട് നിങ്ങള് ചോദിക്കൂ ഹിന്ദു എന്ന ധര്മ്മം എവിടെ നിന്നു വന്നു എന്ന്? എന്നാല് ഇത് ആര്ക്കും അറിയില്ല. വെറുതെ പറയുന്നു-നമ്മുടെ ധര്മ്മം കൃഷ്ണനാണ് സ്ഥാപിച്ചതെന്ന്. എപ്പോള്? ദ്വാപരയുഗത്തില്. ദ്വാപരയുഗം മുതലാണ് മനുഷ്യര് തന്റെ ധര്മ്മത്തെ മറന്ന് ഹിന്ദു എന്ന് പറയാന് തുടങ്ങിയത്. അതിനാല് അവരെ ദൈവീക ധര്മ്മ ഭ്രഷ്ഠമായവരെന്നാണ് പറയുന്നത്. സത്യയുഗത്തില് എല്ലാവരും നല്ല കര്മ്മമാണ് ചെയ്യുന്നത്. ഇവിടെ എല്ലാവരും മോശമായ കര്മ്മമാണ് ചെയ്യുന്നത് അതുകൊണ്ടാണ് ദേവീ-ദേവതകളെ ധര്മ്മഭ്രഷ്ടരും കര്മ്മഭ്രഷ്ടരും എന്ന് പറയുന്നത്. ഇപ്പോള് വീണ്ടും ശ്രേഷ്ഠമായ ധര്മ്മത്തിന്റെയും ശ്രേഷ്ഠമായ ദൈവീക കര്മ്മത്തിന്റെയും സ്ഥാപനയാണ് നടക്കുന്നത്. അതുകൊണ്ടാണ് പറയുന്നത് ഇപ്പോള് ഈ 5 വികാരങ്ങളെ ഉപേക്ഷിക്കൂ. ഈ വികാരങ്ങളെല്ലാം പകുതി കല്പമായിട്ടുള്ളതാണ്. ഈയൊരു ജന്മത്തില് ഇവയെ ഉപേക്ഷിക്കാനാണ് പ്രയത്നമുള്ളത്. പരിശ്രമമില്ലാതെ ഒരിക്കലും വിശ്വത്തിന്റെ ചക്രവര്ത്തി പദവി ലഭിക്കുകയില്ല. ബാബയെ ഓര്മ്മിക്കുമ്പോള് മാത്രമെ നിങ്ങള്ക്ക് സ്വയത്തിന് രാജതിലകം നല്കാന് സാധിക്കുകയുള്ളൂ. അര്ത്ഥം രാജ്യഭാഗ്യത്തിന്റെ അധികാരിയായി മാറൂ. എത്രത്തോളം നല്ല രീതിയില് ഓര്മ്മിക്കുന്നുവോ ശ്രീമതം പാലിക്കുന്നുവോ അത്രത്തോളം നിങ്ങള് രാജാക്കന്മാരുടെയും രാജാവായി മാറും. പഠിപ്പിക്കുന്ന ടീച്ചര് പഠിപ്പിക്കാന് വന്നിരിക്കുകയാണ്. ഈ പാഠശാല മനുഷ്യനില് നിന്ന് ദേവതയായി മാറാനുള്ളതാണ്. നരനില് നിന്ന് നാരായണനായി മാറാനുള്ള കഥയാണ് കേള്പ്പിക്കുന്നത്. ഈ കഥ എത്ര പ്രസിദ്ധമാണ്. ഇതിനെ അമരകഥയെന്നും, സത്യനാരായണന്റെ കഥയെന്നും മൂന്നാം കണ്ണിന്റെ കഥയെന്നും പറയുന്നു. മൂന്നിന്റെയും അര്ത്ഥം ബാബ മനസ്സിലാക്കി തരുന്നു. ഭക്തിമാര്ഗ്ഗത്തില് ഒരുപാട് കഥകളുണ്ട്. അതിനാല് നോക്കൂ എത്ര നല്ല ഗീതമാണ്. ബാബ നമ്മെ മുഴുവന് വിശ്വത്തിന്റെയും അധികാരിയാക്കി മാറ്റുന്നു. ഈ അധികാരി പദവി മറ്റാര്ക്കും തട്ടിയെടുക്കാന് സാധിക്കില്ല. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. സദാ ഈ സ്മൃതിയുണ്ടായിരിക്കണം നമ്മള് ഒരു മതം, ഒരു രാജ്യം ഒരു ധര്മ്മത്തിന്റെ സ്ഥാപനയ്ക്ക് നിമിത്തമാണ്. അതിനാല് ഒരു മതമായി തന്നെ കഴിയണം.

2. സ്വയത്തിന് രാജതിലകം നല്കുന്നതിനു വേണ്ടി വികാരങ്ങളെ ഉപേക്ഷിക്കുവാനുള്ള പരിശ്രമം ചെയ്യണം. പഠിപ്പില് പരിപൂര്ണ്ണ ശ്രദ്ധ നല്കണം.

വരദാനം :-
ത്രികാലദര്ശി സ്ഥിതിയിലൂടെ മായയുടെ യുദ്ധത്തില് നിന്നും സുരക്ഷിതമായി അതീന്ദ്രിയ സുഖത്തിന്റെ അധികാരിയായി ഭവിക്കട്ടെ.

.സംഗമയുഗത്തിലെ വിശേഷ വരദാനം അഥവാ ബ്രാഹ്മണ ജീവിതത്തിന്റെ വിശേഷതയാണ് - അതീന്ദ്രിയ സുഖം. ഈ അനുഭവം മറ്റൊരു യുഗത്തിലും പ്രാപ്തമാകില്ല. എന്നാല് ഈ സുഖത്തിന്റെ അനുഭൂതിക്കു വേണ്ടി ത്രികാല ദര്ശി സ്ഥിതിയിലൂടെ മായയുടെ യുദ്ധത്തില് നിന്നും സുരക്ഷിതരായിരിക്കണം. അഥവാ വീണ്ടും വീണ്ടും മായയുടെ യുദ്ധം നടക്കുന്നുണ്ടെങ്കില് അതീന്ദ്രിയ സുഖത്തിന്റെ അനുഭവം ചെയ്യാന് സാധിക്കില്ല. ആരാണോ അതീന്ദ്രിയ സുഖത്തിന്റെ അനുഭവം ചെയ്യുന്നത് അവരുടെ ഇന്ദ്രിയങ്ങളുടെ സുഖം ആകര്ഷിക്കില്ല. ജ്ഞാനസാഗരമായതു കാരണം അവരുടെ മുന്നില് അത് മൂല്യമില്ലാത്തതായി കാണപ്പെടും.

സ്ലോഗന് :-
കര്മ്മം അതോടൊപ്പം മനസ്സ് രണ്ട് സേവനത്തിന്റെയും ബാലന്സ് ഉണ്ടെങ്കില് ശക്തിശാലി വായുമണ്ഡലം ഉണ്ടാക്കാന് കഴിയും.