05.04.2021           Morning Malayalam Murli       Om Shanti           BapDada Madhuban


മധുരമായ കുട്ടികളേ, നിഷ്കളങ്കരുടെ നാഥനും അതിസ്നേഹിയുമായ ബാബ നിങ്ങളുടെ സന്മുഖത്ത് ഇരിക്കുകയാണ്, നിങ്ങള് സ്നേഹത്തോടെ ഓര്മ്മിക്കൂ എങ്കില് ലഹരി വര്ദ്ധിച്ചു കൊണ്ടേയിരിക്കും, വിഘ്നങ്ങള് ഇല്ലാതാവുകയും ചെയ്യും.

ചോദ്യം :-
ബ്രാഹ്മണ കുട്ടികള്ക്ക് ഏതൊരു കാര്യം സദാ ഓര്മ്മയുണ്ടെങ്കില് അവര് ഒരിക്കലും വികര്മ്മം ചെയ്യില്ല?

ഉത്തരം :-
ഏത് കര്മ്മമാണോ നമ്മള് ചെയ്യുന്നത്, നമ്മളെ കണ്ട് മറ്റുള്ളവരും ചെയ്യും - ഇത് ഓര്മ്മയിലുണ്ടെങ്കില് വികര്മ്മം ഒരിക്കലും ഉണ്ടാകില്ല. അഥവാ ആരെങ്കിലും ഒളിപ്പിച്ചിട്ട് പാപകര്മ്മം ചെയ്താലും അത് ധര്മ്മരാജനില് നിന്നും ഒളിപ്പിക്കാന് സാധിക്കില്ല, ഉടന്തന്നെ അതിന്റെ ശിക്ഷ കിട്ടും. മുന്നോട്ട് പോകവെ ഇനിയും കടുത്ത നിയമമാകും. ഈ ഇന്ദ്ര സഭയില് ഒരു പതിതര്ക്കും ഒളിഞ്ഞിരിക്കാന് സാധിക്കില്ല.

ഗീതം :-
നിഷ്കളങ്കരുടെ നാഥനേക്കാള് വിചിത്രമായി ..........................

ഓംശാന്തി.
മധുരമധുരമായ ആത്മീയ കുട്ടികള്ക്കറിയാം ഇപ്പോള് ആത്മീയ അച്ഛന് നമുക്ക് സൃഷ്ടിയുടെ ആദി മദ്ധ്യ അന്ത്യത്തിന്റെ ജ്ഞാനം കേള്പ്പിക്കുകയാണ്. നിഷ്കളങ്കരുടെ നാഥന് എന്നാണ് ബാബയുടെ പേര്. ബാബ വളരെ നിഷ്കളങ്കനാണ്, എത്ര ബുദ്ധിമുട്ട് അനുഭവിച്ചാലും കുട്ടികളെ പഠിപ്പിക്കുകയാണ്. കുട്ടികളെ സംരക്ഷിക്കുകയാണ്. പിന്നീട് കുട്ടികള് വലുതായാല് എല്ലാം കുട്ടികള്ക്ക് കൊടുത്ത് സ്വയം വാനപ്രസ്ഥത്തിലേക്ക് പോകുന്നു. മനസ്സിലാക്കും കുട്ടികളോടുള്ള കടമകള് നിറവേറ്റി, ഇനി കുട്ടികള് സ്വയം നോക്കണം. അപ്പോള് ബാബ നിഷ്കളങ്കന് തന്നെ അല്ലേ. ഇതും ഇപ്പോഴാണ് ബാബ മനസ്സിലാക്കി തരുന്നത് എന്തുകൊണ്ടെന്നാല് സ്വയം നിഷ്കളങ്കരുടെ നാഥനാണ്. പരിധിയുള്ള അച്ഛനെക്കുറിച്ചും മനസ്സിലാക്കി തരുകയാണ്, എത്ര നിഷ്കളങ്കരാണ് എന്ന്. എന്നാല് അവരുടേത് പരിധിയുള്ള നിഷ്കളങ്കത്വമാണ്. എന്നാല് പരിധിയില്ലാത്ത നിഷ്കളങ്കനാണ് നമ്മുടെ ബാബ. പരംധാമത്തില് നിന്നാണ് വരുന്നത്, പഴയ ലോകത്തിലെ പഴയ ശരീരത്തിലേക്കാണ് വരുന്നത് അതിനാല് മനുഷ്യര് മനസ്സിലാക്കുന്നത് ഇങ്ങനെയാണ് ഭഗവാന് എങ്ങനെയാണ് പഴയതും പതിതവുമായ ശരീരത്തിലേക്ക് വരുന്നത്? ഇത് അറിയാത്തതു കൊണ്ടാണ് പാവനമായ ശരീരമുള്ള കൃഷ്ണന്റെ പേരെഴുതിയത്. ഇതേ ഗീത, വേദ- ശാസ്ത്രങ്ങളെല്ലാം വീണ്ടും ഉണ്ടാക്കും. നോക്കൂ, ശിവബാബ എത്ര നിഷ്കളങ്കനാണ്. വരുമ്പോള് ബാബ ഇവിടെ തന്നെ ഇരിക്കുന്നുണ്ട് എന്നതുപോലെയുള്ള അനുഭവമാണ് നല്കുന്നത്. ഈ സാകാരത്തിലെ ബാബയും നിഷ്കളങ്കനാണല്ലോ. വല്ല ഷാളോ, തിലകമോ അണിഞ്ഞിട്ടൊന്നുമല്ല ബാബ ഇരിക്കുന്നത്, മറിച്ച് സാധാരണമായിട്ടാണ് ബാബ ഇരിക്കുന്നത്. കുട്ടികള്ക്ക് അറിയാം - എത്രയധികം ജ്ഞാനമാണ് ശിവബാബ തരുന്നത്, ഇത്രയും നല്കാനുള്ള ശക്തി വേറെ ആര്ക്കും ഉണ്ടാകില്ല. ദിനം പ്രതിദിനം കുട്ടികളുടെ ലഹരി വര്ദ്ധിക്കുകയാണ്. എത്രത്തോളം ബാബയെ ഓര്മ്മിക്കുന്നോ അത്രയും സ്നേഹം വര്ദ്ധിക്കും. ഏറ്റവും പ്രിയപ്പെട്ടത് ബാബയല്ലേ. ഇപ്പോള് മാത്രമല്ല പക്ഷെ ഭക്തിമാര്ഗ്ഗത്തിലും നിങ്ങള്ക്ക് ഏറ്റവും പ്രിയപ്പെട്ടതായിരുന്നു. പറയുമായിരുന്നു - ബാബാ അങ്ങ് എപ്പോഴാണോ വരുന്നത് അപ്പോള് മറ്റുള്ളവരില് നിന്നെല്ലാം സ്നേഹത്തെ മാറ്റി ഒരു ബാബയുടെ കൂടെ വെക്കാം. നിങ്ങള്ക്കിപ്പോള് അറിയാം, പക്ഷെ മായ അത്രയും സ്നേഹിക്കാന് അനുവദിക്കില്ല. തന്നെ ഉപേക്ഷിച്ച് ബാബയെ സ്നേഹിക്കാന് മായ ഇഷ്ടപ്പെടില്ല. മായ ആഗ്രഹിക്കുന്നത് ദേഹാഭിമാനിയായി എന്നെ സ്നേഹിക്കണം എന്നാണ്. ഇതാണ് മായയുടെ ആഗ്രഹം അതിനാല് എത്ര വിഘ്നമാണ് ഉണ്ടാക്കുന്നത്. എന്നാല് നിങ്ങള്ക്ക് വിഘ്നങ്ങളെ മറികടക്കണം. കുട്ടികള് എന്തെങ്കിലും പരിശ്രമം ചെയ്യണമല്ലോ. പുരുഷാര്ത്ഥത്തിലൂടെയാണ് നിങ്ങള് തന്റെ പ്രാലബ്ധം നേടുന്നത്. കുട്ടികള്ക്കറിയാം, ഉയര്ന്ന പദവി നേടുന്നതിന് വേണ്ടി എത് പുരുഷാര്ത്ഥം ചെയ്യണം. ഒന്ന് വികാരങ്ങളുടെ ദാനം ചെയ്യണം, മറ്റൊന്ന് ബാബയിലൂടെ എന്ത് അവിനാശി ജ്ഞാന രത്നങ്ങളുടെ ധനമാണോ പ്രാപ്തമായത്, അത് ദാനം ചെയ്യൂ. ഈ അവിനാശി ധനത്തിലൂടെയാണ് നിങ്ങള് ഇത്രയും ധനവാനാകുന്നത്. ജ്ഞാനം വരുമാന മാര്ഗ്ഗമാണ്. മറ്റുള്ളതെല്ലാം ശാസ്ത്രങ്ങളുടെ ജ്ഞാനമാണ്, ഇതാണ് ആത്മീയ ജ്ഞാനം. ശാസ്ത്രങ്ങള് പഠിച്ചും ധാരാളം സമ്പാദിക്കാറുണ്ട്. ഒരു മുറിയില് ഗ്രന്ഥമെല്ലാം വെച്ച്, കുറച്ച് എന്തെങ്കിലും കേള്പ്പിച്ചാല് അതിലൂടെ വരുമാനമാകുന്നുണ്ട്, അത് യഥാര്ത്ഥമായ ജ്ഞാനമല്ല. യഥാര്ത്ഥ ജ്ഞാനം ഒരു ബാബയാണ് തരുന്നത്. ഏതുവരെ ഈ ആത്മീയ ജ്ഞാനം പ്രാപ്തമാകുന്നില്ലയോ അതുവരേക്കും അവരുടെ ബുദ്ധിയില് ശാസ്ത്രങ്ങളുടെ തത്വജ്ഞാനമായിരിക്കും. നിങ്ങളുടെ കാര്യം കേള്ക്കില്ല. നിങ്ങള് വളരെ കുറച്ച് പേരെ ഉള്ളൂ. ഇത് 100% ഉറപ്പാണ് നിങ്ങള്ക്ക് ആത്മീയ അച്ഛനിലൂടെയാണ് ആത്മീയ ജ്ഞാനം പ്രാപ്തമാകുന്നത്. ജ്ഞാനം വരുമാന മാര്ഗ്ഗമാണ്. ധാരാളം ധനവും കിട്ടും. യോഗത്തിലൂടെ ആരോഗ്യം കിട്ടും അര്ത്ഥം നിരോഗി ശരീരം പ്രാപ്തമാകും. ജ്ഞാനത്തിലൂടെ സമ്പത്ത് പ്രാപ്തമാകുന്നു. ഇതാണ് മുഖ്യമായ രണ്ട് വിഷയങ്ങള്. എന്നാലും ചിലര് നല്ല രീതിയില് ധാരണ ചെയ്യും, ചിലരുടെ ധാരണ കുറവായിരിക്കും. അതിനാല്സമ്പത്തും കുറച്ചേ പ്രാപ്തമാകൂ. ശിക്ഷകളെല്ലാം അനുഭവിച്ച് പോയി പദവി നേടും. പൂര്ണ്ണമായും ഓര്മ്മയില് കഴിയുന്നില്ലെങ്കില് വികര്മ്മം വിനാശമാകില്ല. പിന്നെ ശിക്ഷയും അനുഭവിക്കേണ്ടി വരും. പദവിയും ഭ്രഷ്ടമാകും, സ്കൂളില് നടക്കുന്നത് പോലെ. ഇതാണ് പരിധിയില്ലാത്ത ജ്ഞാനം, ഇതിലൂടെ ദുഖത്തിന്റെ തോണി മറുകര എത്തും. വക്കീലാകുന്നതിന്, വൈദ്യനാകുന്നതിന്, എന്ജിനിയറാകുന്നതിനുള്ള പഠിപ്പാണ് അവിടെ പഠിക്കുന്നത്. ഇവിടെയാണെങ്കില് ഒരു പഠിപ്പാണ് ഉള്ളത്. യോഗത്തിലൂടെയും ജ്ഞാനത്തിലൂടെയും സദാ ആരോഗ്യമുള്ളവരും, ധനവാന്മാരുമായിരിക്കും. രാജകുമാരനായിരിക്കും. അവിടെ സ്വര്ഗ്ഗത്തില് വക്കീലും ജഡ്ജിയുമൊന്നുമുണ്ടാകില്ല. അവിടെ ധര്മ്മരാജന്റെയും ആവശ്യമില്ല. ഗര്ഭജയിലിലും ശിക്ഷ അനുഭവിക്കേണ്ട, ധര്മ്മരാജപുരിയിലും ശിക്ഷ അനുഭവിക്കേണ്ടി വരില്ല. അവിടെ ഗര്ഭ കൊട്ടാരത്തില് വളരെ സുഖമുള്ളവരായിരിക്കും. ഇവിടെ ഗര്ഭജയിലില് ശിക്ഷ അനുഭവിക്കേണ്ടി വരുന്നു. ഈ കാര്യങ്ങള് എല്ലാം നിങ്ങള് കുട്ടികളാണ് ഇപ്പോള് മനസ്സിലാക്കുന്നത്. ബാക്കി ശാസ്ത്രങ്ങളും, സംസ്കൃതത്തില് ശ്ലോകങ്ങളെല്ലാം ഉണ്ടാക്കിയത് മനുഷ്യരാണ്. ചോദിക്കാറുണ്ട് സത്യയുഗത്തിലെ ഭാഷ ഏതാണ് എന്ന്? ബാബ മനസ്സിലാക്കി തരുകയാണ് - എന്താണോ ദേവതകളുടെ ഭാഷ അതായിരിക്കും അവിടുത്തെ ഭാഷ. എന്നാല് അവിടെയുള്ള ഭാഷ വേറെ എവിടേയും ഉണ്ടാകില്ല. അവിടെ സംസ്കൃത ഭാഷയാണ് എന്നല്ല. ദേവതകളുടേയും പതിത മനുഷ്യരുടേയും ഭാഷ ഒന്നായിരിക്കില്ല. അവിടുത്തെ ഭാഷ അവിടെ നടക്കും. ഇത് ചോദിക്കേണ്ട കാര്യമില്ല. ആദ്യം നിങ്ങള് ബാബയില് നിന്ന് സമ്പത്തെടുക്കൂ. എന്താണോ കല്പം മുമ്പ് ഉണ്ടായിരുന്നത് അത് തന്നെ ഉണ്ടാകും. ആദ്യം സമ്പത്തെടുക്കൂ, വേറെ ഒന്നും ചോദിക്കേണ്ട ആവശ്യം തന്നെ ഇല്ല. ശരി 84 ജന്മങ്ങളില്ല, 80 അഥവാ 82 ജന്മങ്ങളാണെങ്കിലും, ഈ കാര്യങ്ങളെല്ലാം നിങ്ങള് വിടൂ. ബാബ പറയുകയാണ് അല്ലാഹുവിനെ ഓര്മ്മിക്കൂ. എന്തു തന്നെയായാലും സ്വര്ഗ്ഗത്തിന്റെ ചക്രവര്ത്തി പദവിയാണല്ലോ പ്രാപ്തമാകുന്നത്. കയറുകയും ഇറങ്ങുകയും വേണമല്ലോ. ഇപ്പോള് നിങ്ങള് മാസ്റ്റര് ജ്ഞാന സാഗരനും, മാസ്റ്റര് സുഖ സാഗരനുമായി മാറുകയാണ്. നിങ്ങള് പുരുഷാര്ത്ഥികളാണ്. ബാബ സമ്പൂര്ണ്ണനാണ്. ബാബയില് ഏത് ജ്ഞാനമാണോ ഉള്ളത് അത് കുട്ടികളിലും ഉണ്ട്. പക്ഷെ നിങ്ങളെ സാഗരം എന്ന് പറയില്ല. സാഗരം കേവലം ഒന്നു മാത്രമേ ഉള്ളൂ. ബാക്കി ജ്ഞാന സാഗരത്തില് നിന്നും ഉത്ഭവിച്ച നദികളാണ് നിങ്ങള്. നിങ്ങള് മാനസരോവരമാണ്, നദികളാണ്. നദികള്ക്ക് പേരുണ്ടല്ലോ. വളരെ വലിയ നദിയാണ് ബ്രഹ്മപുത്ര. കല്ക്കട്ടയില് നദിയും സാഗരവും കൂടി ചേരുന്നുണ്ട്. ആ സ്ഥലത്തിന്റെ പേരാണ് ഡയമണ്ട് ഹാര്ബര്. നിങ്ങള് ബ്രഹ്മാമുഖ വംശാവലികള്, വജ്ര സമാനമാവുകയാണ്. വളരെ വലിയ മേളകള് നടത്താറുണ്ട്. ബാബ ഈ ബ്രഹ്മാശരീരത്തിലേക്ക് പ്രവേശിച്ചാണ് കുട്ടികളെ കാണുന്നത്. ഇതെല്ലാം മനസ്സിലാക്കേണ്ട കാര്യങ്ങളാണ്. എന്നാലും ബാബ പറയുകയാണ് മന്മനാഭവ: ബാബയെ ഓര്മ്മിച്ചു കൊണ്ടേയിരിക്കൂ. ഏറ്റവും പ്രിയപ്പെട്ടതും, സര്വ്വ സംബന്ധങ്ങളുടേയും സാക്രീനും ശിവബാബയാണ്. ബാക്കി ഉള്ള സംബന്ധികളെല്ലാം വികാരികളാണ്. അവരില് നിന്നും ദുഖമാണ് പ്രാപ്തമാവുക. ബാബ നിങ്ങള്ക്ക് എല്ലാത്തിന്റെയും ഫലം നല്കും. സര്വ്വ സംബന്ധങ്ങളുടേയും സ്നേഹം നല്കുന്നുണ്ട്, എത്ര സുഖമാണ് നല്കുന്നത്. വേറെ ആര്ക്കും ഇത്രയും സുഖം നല്കാന് സാധിക്കില്ല. ചിലര്ക്ക് അല്പകാലത്തേക്കുള്ള സുഖമാണ് നല്കാന് കഴിയുക. ഇതിനെ തന്നെയാണ് സന്യാസിമാര് ക്ഷണഭംഗുരമായ സുഖം എന്ന് പറയുന്നത്. ദു:ഖധാമത്തില് തീര്ച്ചയായും ദുഖം തന്നെ ആണ് ഉണ്ടാവുക. നിങ്ങള് കുട്ടികള്ക്കറിയാം നമ്മള് ഈ പാര്ട്ട് അനേക തവണ അഭിനയിച്ചതാണ്. പക്ഷെ നമുക്ക് എങ്ങനെ ഉയര്ന്ന പദവി പ്രാപ്തമാക്കാം, അതിന്റെ ചിന്ത ഉണ്ടായിരിക്കണം. നമ്മള് ഒരിക്കലും തോല്ക്കാതിരിക്കുന്നതിനുള്ള പുരുഷാര്ത്ഥം ചെയ്യണം. നല്ല നമ്പറോടു കൂടി പാസ്സായാല് ഉയര്ന്ന പദവി പ്രാപ്തമാക്കാം അതോടൊപ്പം അവര്ക്ക് സന്തോഷവും ഉണ്ടായിരിക്കും. എല്ലാവര്ക്കും ഒരു പോലെയാകാന് സാധിക്കില്ല, യോഗത്തിന്റെ കാര്യത്തിലും ഒരു പോലെയല്ല. ഒരിക്കലും കണ്ടിട്ടില്ലാത്ത എത്ര ഗോപികമാരാണ് ഉള്ളത്. ബാബയെ കാണുന്നതിന് വേണ്ടി അവര് ദാഹിക്കുകയാണ്. സാധുക്കളുടേയും സന്യാസിമാരുടേയും അടുത്ത് പോകുന്നതിന് ദാഹിക്കുന്നതിന്റെ കാര്യമില്ല. ഇവിടെ ശിവബാബയെ കാണുന്നതിന് വേണ്ടിയാണ് വരുന്നത്. അത്ഭുതകരമായ കാര്യമല്ലേ. വീട്ടില് ഇരുന്നുകൊണ്ടും ഓര്മ്മിക്കുന്നുണ്ട്, ഞങ്ങള് ശിവബാബയുടെ കുട്ടികളാണ് എന്ന് പറയുന്നുണ്ട്. ആത്മാവിന് സ്മൃതി വരുന്നുണ്ട്. നിങ്ങള് കുട്ടികള്ക്കറിയാം നമ്മള് കല്പ കല്പം ശിവബാബയില് നിന്നും സമ്പത്തെടുക്കും. അതേ അച്ഛന് ഇപ്പോള് കല്പത്തിന് ശേഷം വന്നിരിക്കുകയാണ്. അതിനാല് ബാബയെ കാണാതെ ഇരിക്കാന് സാധിക്കില്ലല്ലോ. ബാബ വന്നിട്ടുണ്ട് എന്നത് ആത്മാവിന് അറിയും. ശിവജയന്തിയും ആഘോഷിക്കാറുണ്ട്, പക്ഷെ ഒന്നും അറിയുന്നില്ല. ശിവബാബാ വന്നാണ് പഠിപ്പിക്കുന്നത്, ഇതൊന്നും ആര്ക്കും അറിയില്ല. പേരിനു മാത്രമാണ് ശിവജയന്തി ആഘോഷിക്കുന്നത്. അന്ന് അവധിയും എടുക്കാറില്ല. ആരാണോ സമ്പത്ത് നല്കിയത്, ആ അച്ഛന് ഒരു മഹത്വവും കൊടുക്കുന്നില്ല അതോടൊപ്പം ആര്ക്കാണോ സമ്പത്ത് നല്കിയത് (കൃഷ്ണന്) ആ പേരിനെ പ്രശസ്തമാക്കുകയും ചെയ്തു. ബാബ പ്രത്യേകിച്ചും ഭാരതത്തിക്ക്േ വന്ന് സ്വര്ഗ്ഗമാക്കി മാറ്റുകയാണ് ചെയ്തത്. ബാക്കി എല്ലാവര്ക്കും മുക്തി പ്രാപ്തമാകും. എല്ലാവരും ആഗ്രഹിക്കുന്നുണ്ട്. നിങ്ങള്ക്ക് അറിയാം മുക്തിക്ക് ശേഷം ജീവന്മുക്തി പ്രാപ്തമാകുന്നു. ബാബ വന്ന് മായയുടെ ബന്ധനങ്ങളില് നിന്നും മുക്തമാക്കുകയാണ്. സര്വ്വരുടേയും സദ്ഗതി ദാതാവ് എന്നാണ് ബാബയെ പറയാറുള്ളത്. ജീവന്മുക്തി എല്ലാവര്ക്കും പ്രാപ്തമാകും എന്നാല് നമ്പര്വാര് പുരുഷാര്ത്ഥം അനുസരിച്ചായിരിക്കും. ബാബ പറയുകയാണ്, ഇതാണ് പതിത ലോകവും, ദു:ഖധാമവും. സത്യയുഗത്തില് നിങ്ങള്ക്ക് എത്ര സുഖമാണ് പ്രാപ്തമാവുക. അതിനെയാണ് ബഹിശ്ത് എന്ന് പറയുന്നത്. അല്ലാഹു എന്തിനാണ് ബഹിശ്ത് രചിച്ചത്? കേവലം മുസ്ലീം ധര്മ്മത്തിലുള്ളവര്ക്ക് വേണ്ടിയാണോ രചിച്ചത്? അവരവരുടെ ഭാഷയില് ചിലര് സ്വര്ഗ്ഗമാണെന്നും ചിലര് ബഹിശ്ത് എന്നും പറയും. നിങ്ങള്ക്ക് അറിയാം സ്വര്ഗ്ഗമായിരുന്നപ്പോള് കേവലം ഭാരതം മാത്രമാണ് ഉണ്ടായിരുന്നത്. ഈ കാര്യങ്ങള് എല്ലാം നമ്പര്വാര് പുരുഷാര്ത്ഥം അനുസരിച്ച് നിങ്ങള് കുട്ടികളുടെ ബുദ്ധിയില് ഇരിക്കും. ഒരു മുസല്മാന് പറയുമായിരുന്നു ഞാന് അല്ലാഹുവിന്റെ പൂന്തോട്ടത്തിലേക്ക് പോയി എന്ന്. ഇതെല്ലാം സാക്ഷാത്കാരത്തിലൂടെയാണ്. ഇതെല്ലാം ആദ്യം തന്നെ ഡ്രാമയില് അടങ്ങിയിട്ടുള്ളതാണ്. ഡ്രാമയില് എന്തെല്ലാം നടക്കുന്നുണ്ടോ, ഒരു നിമിഷം കടന്നു പോയാലും അറിയാം കല്പം മുമ്പും ഇത് കടന്നു പോയിട്ടുണ്ട്. നാളെ എന്ത് സംഭവിക്കും, ഇതാര്ക്കും അറിയില്ല. ഡ്രാമയില് നിശ്ചയം ഉണ്ടായിരിക്കണം, എങ്കില് ഒരു ചിന്തയും ഉണ്ടാകില്ല. നമുക്ക് ബാബയുടെ ആജ്ഞയാണ് - മനസ്സു കൊണ്ട് ബാബയെ ഓര്മ്മിക്കൂ അതോടൊപ്പം തന്റെ സമ്പത്തിനെയും ഓര്മ്മിക്കണം. എല്ലാവരും മരിക്കും, ആരും ആര്ക്ക് വേണ്ടി കരയാന് ഉണ്ടാകില്ല. മരണം വരികയും പോവുകയും ചെയ്യും, കരയുന്നതിനുള്ള സമയം പോലും ഉണ്ടാകില്ല. ശബ്ദം പോലും വരില്ല. ഇന്ന് മനുഷ്യര് ചിതാഭസ്മം ഒഴുക്കുന്നതിന് എവിടെയെല്ലാം ചുറ്റി കറങ്ങുന്നു. എത്ര ഭാവനയോടെയാണ് പോകുന്നത്. ഇതെല്ലാം സമയത്തെ പാഴാക്കുന്ന കാര്യങ്ങളാണ്. ഇതിലെല്ലാം എന്താണ് ഉള്ളത്. മണ്ണ് മണ്ണിലേക്ക് ലയിച്ചു ചേരും. ഇതിലൂടെ ഭാരതം പവിത്രമാകുമോ? പതിത ലോകത്തില് ഏത് കര്മ്മം ചെയ്യുന്നുവോ അത് പതിതം തന്നെ ആയിരിക്കും. ദാന പുണ്യങ്ങളെല്ലാം ചെയ്യാറുണ്ട്. ഇതിലൂടെ ഭാരതം പാവനമായിട്ടുണ്ടോ? ഏണിപ്പടി ഇറങ്ങുക തന്നെ വേണം. സത്യയുഗത്തില് സൂര്യവംശികളായിരുന്നു. പിന്നെ ഏണിപ്പടി താഴേക്ക് ഇറങ്ങേണ്ടി വന്നു, പതുക്കെ പതുക്കെ താഴേക്ക് ഇറങ്ങി. എത്ര യജ്ഞങ്ങള് ചെയ്താലും തപസ്സ് ചെയ്താലും അടുത്ത ജന്മത്തില് അല്പകാലത്തേക്ക് അതിന്റെ ഫലം കിട്ടും. ആരെങ്കിലും മോശമായ കര്മ്മം ചെയ്യുന്നുവെങ്കില് അതിന്റെ ഫലം അവര്ക്ക് കിട്ടും. പരിധിയില്ലാത്ത ബാബക്ക് അറിയാം ഞാന് കുട്ടികളെ പഠിപ്പിക്കാനാണ് വന്നിരിക്കുന്നത് എന്ന്. സാധാരണമായ ശരീരത്തിലേക്കാണ് വരുന്നത്. തിലകമൊന്നും അണിയിക്കേണ്ട ആവശ്യമില്ല. വിലപിടിച്ച തിലകമെല്ലാം ഭക്തര് കൊടുക്കാറുണ്ട്, എന്നാല് എത്രയോ വഞ്ചിക്കപ്പെടുന്നു. ബാബ പറഞ്ഞിട്ടുണ്ട്, ഞാന് സാധാരണ ശരീരത്തിലേക്കാണ് വരുന്നത്, വന്ന് കുട്ടികളെ പഠിപ്പിക്കുകയാണ്. വാനപ്രസ്ഥ അവസ്ഥയല്ലേ. കൃഷ്ണന്റെ പേര് എന്തുകൊണ്ടാണ് എഴുതിയത്? ഇത് നിര്ണ്ണയിക്കുന്നതിനുള്ള ബുദ്ധി പോലുമില്ല. ഇപ്പോള് ശരിയും തെറ്റും നിര്ണ്ണയിക്കുന്നതിനുള്ള ബുദ്ധി ബാബ നല്കിയിരിക്കുകയാണ്. ബാബ പറയുകയാണ്, നിങ്ങള് യജ്ഞം, തപസ്സ്, ദാനം പുണ്യം, ശാസ്ത്രങ്ങളെല്ലാം പഠിച്ചാണ് വന്നിരിക്കുന്നത്. ആ ശാസ്ത്രങ്ങളില് എന്തെങ്കിലും ഉണ്ടോ? ഞാനാണോ രാജയോഗം പഠിപ്പിച്ച് നിങ്ങളെ വിശ്വത്തിന്റെ ചക്രവര്ത്തി ആക്കിയത് അതോ കൃഷ്ണനാണോ? ഇത് നിര്ണ്ണയിക്കൂ. പറയുന്നുണ്ട് - ബാബാ അങ്ങു തന്നെയാണ് കേള്പ്പിച്ചത്. കൃഷ്ണന് ചെറിയ രാജകുമാരനാണ്, ആ കുട്ടി എങ്ങനെയാണ് കേള്പ്പിക്കുക. ബാബാ അങ്ങ് നല്കിയ രാജയോഗത്തിലൂടെയാണ് ഞങ്ങള് ആ പദവി നേടിയത്. ബാബ പറയുന്നു, ശരീരത്തെ വിശ്വസിക്കരുത്. വളരെ പുരുഷാര്ത്ഥം ചെയ്യണം. ബാബാ ഇവര് നല്ല നിശ്ചയ ബുദ്ധിയാണ് എന്നെല്ലാം ബാബയുടെ അടുത്ത് വാര്ത്ത കേള്പ്പിക്കാറുണ്ട്. എന്നാല് അവര്ക്ക് തീര്ത്തും നിശ്ചയം ഇല്ല എന്ന് ബാബ പറയും, ആര്ക്കാണോ കൂടുതല് സ്നേഹം കൊടുത്തത് അവര് ഇവിടെ ഇന്ന് ഇല്ല. ബാബ എല്ലാവരുടേയും കൂടെ സ്നേഹത്തോടെ ആണ് നടക്കുന്നത്. ബാബക്കറിയാം ഞാന് എങ്ങനെയുള്ള കര്മ്മമാണോ ചെയ്യുന്നത്, എന്നെ നോക്കി മറ്റുള്ളവരും ചെയ്യും. ചിലര് വികാരത്തിലേക്ക് പോകും, പിന്നെ ഒളിഞ്ഞ് വന്ന് ഇവിടെ ഇരിക്കാറുണ്ട്. ബാബ ഉടന് തന്നെ സന്ദേശിയുടെ അടുത്ത് അത് പറയും. ഇങ്ങനെയുള്ള കര്മ്മം ചെയ്യുന്നവര് വളരെ ദുര്ബ്ബലരായിപ്പോകും. അവര്ക്ക് മുന്നോട്ട് പോകാന് സാധിക്കില്ല. അന്തിമത്തില് ദുര്ബ്ബലമായ സമയത്ത് ആരെങ്കിലും അങ്ങനെയുള്ള പാപം ചെയ്താല് അവര്ക്ക് കടുത്ത ശിക്ഷ അനുഭവിക്കേണ്ടി വരും. മുന്നോട്ട് പോകവെ നിങ്ങള് പലതും കാണും. ബാബ എന്തെല്ലാമാണ് ചെയ്യുന്നത് എന്ന് ചിന്തിക്കും. ബാബ ശിക്ഷയൊന്നും നല്കുന്നില്ല, ധര്മ്മരാജനിലൂടെ നല്കുന്നു. ജ്ഞാനത്തില് പ്രേരണയുടെ കാര്യമൊന്നുമില്ല. എല്ലാവരും ഭഗവാനെ അല്ലയോ പതിത പാവനാ വരൂ......വന്ന് ഞങ്ങളെ പാവനമാക്കി മാറ്റൂ എന്ന് വിളിക്കുന്നുണ്ട്. എല്ലാ ആത്മാക്കളും അവയവങ്ങളിലൂടെയാണ് വിളിക്കുന്നത്. ബാബ ജ്ഞാന സാഗരനാണ്. ബാബയുടെ അടുത്ത് എത്ര ജ്ഞാനമാണ് ഉള്ളത്, ഇത്രയും സാധനങ്ങള് വേറെ ആരുടെ അടുത്തും ഉണ്ടാകില്ല. കൃഷ്ണന്റെ മഹിമ തീര്ത്തും വ്യത്യസ്തമാണ്. ബാബയുടെ ശിക്ഷണത്തിലൂടെ എങ്ങനെയാണ് ലക്ഷ്മി നാരായണന് ആ പദവി നേടിയത്? ബാബയാണ് ആ പദവി പ്രാപ്തമാക്കി തരുന്നത്. ബാബ വന്ന് കര്മ്മം, അകര്മ്മം, വികര്മ്മത്തിന്റെ ഗതിയെ മനസ്സിലാക്കി തരുകയാണ്. ഇപ്പോള് നിങ്ങളുടെ മൂന്നാമത്തെ നേത്രം തുറക്കപ്പെട്ടിരിക്കുന്നു. നിങ്ങള്ക്ക് അറിയാം ഇത് 5000 വര്ഷത്തിന്റെ കാര്യമാണ്. ഇപ്പോള് വീട്ടിലേക്ക് പോകണം, പാര്ട്ട് അഭിനയിക്കണം. ഇത് സ്വദര്ശന ചക്രമാണ്. നിങ്ങളുടെ പേരാണ് സ്വദര്ശന ചക്രധാരി, ബ്രാഹ്മണ കുല ഭൂഷണര്, പ്രജാപിതാ ബ്രഹ്മാകുമാരന്മാരും കുമാരിമാരുമാണ്. ലക്ഷക്കണക്കിന് സ്വദര്ശന ചക്രധാരികളായി മാറുന്നു. നിങ്ങള് എത്ര ജ്ഞാനമാണ് പഠിച്ചു കൊണ്ടിരിക്കുന്നത്. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) ഈ സമയം വളരെ ദുര്ബ്ബലമാണ്, അതിനാല് ഒരു തലകീഴായ കര്മ്മവും ചെയ്യരുത്. കര്മ്മം-അകര്മ്മം-വികര്മ്മത്തിന്റെ ഗതിയെ ശ്രദ്ധയില് വെച്ച് സദാ ശ്രേഷ്ഠമായ കര്മ്മം ചെയ്യണം.

2) യോഗത്തിലൂടെ സദാ കാലത്തേക്ക് തന്റെ ശരീരത്തെ നിരോഗിയാക്കി മാറ്റണം. ഏറ്റവും പ്രിയപ്പെട്ട ബാബയെ ഓര്മ്മിക്കണം. ബാബയിലൂടെ ഏതൊരു അവിനാശിയായ ജ്ഞാന ധനം പ്രാപ്തമാകുന്നുവോ, അത് ദാനം ചെയ്യൂ.

വരദാനം :-
സ്വമാനത്തില് സ്ഥിതി ചെയ്ത് ലോകത്തിലെ ബഹുമാനം പ്രാപ്തമാക്കുന്നവരായ ദേഹാഭിമാനത്തില് നിന്ന് മുക്തരായി ഭവിക്കട്ടെ.

പഠിപ്പിന്റെ പ്രധാന ലക്ഷ്യമാണ്-ദേഹാഭിമാനത്തില് നിന്ന് വേറിട്ട് ദേഹിയഭിമാനിയാകുക. ഈ ദേഹാഭിമാനത്തില് നിന്ന് വേറിടുക അഥവാ മുക്തമാകുന്നതിന്റെ വിധിയാണ്-സദാ സ്വമാനത്തില് സ്ഥിതി ചെയ്യുക. സംഗമയുഗത്തിലെയും ഭാവിയിലെയും അനേക പ്രകാരത്തിലുള്ള സ്വമാനങ്ങളുണ്ട്, അവയില് ഏതെങ്കിലുമൊന്നില് സ്ഥിതി ചെയ്യുന്നതിലൂടെ ദേഹാഭിമാനം വിട്ടുപോകും. ആര് സ്വമാനത്തിലിരിക്കുന്നുവോ അവര്ക്ക് സ്വതവേ ബഹുമാനം പ്രാപ്തമാകുന്നു. സദാ സ്വമാനത്തില് ഇരിക്കുന്നവര് തന്നെയാണ് വിശ്വമഹാരാജനാകുന്നത്, മാത്രമല്ല ലോകം അവര്ക്ക് ബഹുമാനവും കൊടുക്കുന്നു.

സ്ലോഗന് :-
എങ്ങനെയാണോ സമയം അതിനനുസരിച്ച് സ്വയത്തെ മോള്ഡ് ആക്കുക(പാകപ്പെടുത്തുക)-ഇത് തന്നെയാണ് റിയല് ഗോള്ഡാവുക.