05.07.20    Avyakt Bapdada     Malayalam Murli     20.02.86     Om Shanti     Madhuban


പറക്കുന്ന കലയിലൂട െസര്വ്വരുടെയും മംഗളം


ഇന്ന് വിശേഷിച്ച് ഡബിള് വിദേശി കുട്ടികള്ക്ക് ഡബിള് ആശംസകള് നല്കാന് വേണ്ടി വന്നിരിക്കുന്നു. ഒന്ന്- ദൂരദേശത്ത് വ്യത്യസ്ഥമായ ധര്മ്മത്തിലേതായിട്ടും ഭാരതത്തില് സമീപത്തിരിക്കുന്ന അനേക ആത്മാക്കളേക്കാള് വേഗത്തില് ബാബയെ തിരിച്ചറിഞ്ഞു. ബാബയെ തിരിച്ചറിയുന്നതിന്റെ അര്ത്ഥം തന്റെ ഭാഗ്യത്തെ പ്രാപ്തമാക്കുന്നതിന്റെ ആശംസകള്, രണ്ടാമത് തീവ്രഗതിയിലൂടെ തിരിച്ചറിഞ്ഞ പോലെ തീവ്രഗതിയിലൂടെ സേവനത്തിലും സ്വയത്തെ അര്പ്പിച്ചു. അതിനാല് സേവനത്തില് തീവ്രഗതിയിലൂടെ മുന്നോട്ടു പോകുന്നതിന്റെ ആശംസകള്. സേവനത്തിന്റെ അഭിവൃദ്ധിയുടെ ഗതി തീവ്രമാണ്, മുന്നോട്ടും ഡബിള് വിദേശി കുട്ടികള്ക്ക് വിശേഷ കാര്യത്തിന് നിമിത്തമാകണം. ഭാരതത്തിലെ നിമിത്തമായ ആദി രത്നങ്ങളായ വിശേഷ ആത്മാക്കള് സ്ഥാപനയുടെ കാര്യത്തില് വളരെ ശക്തമായ അടിത്തറയായി കാര്യത്തിന്റെ സ്ഥാപന ചെയ്തു, ഡബിള് വിദേശി കുട്ടികള് നാല് ഭാഗത്തും ശബ്ദം മുഴക്കുന്നതിന് തീവ്രഗതിയിലൂടെ സേവനം ചെയ്തു, ചെയ്തു കൊണ്ടിരിക്കും, അതിനാല് ബാപ്ദാദ സര്വ്വ കുട്ടികള്ക്കും വരുമ്പോള് തന്നെ, ജനിക്കുമ്പോള് തന്നെ വളരെ വേഗം സേവനത്തില് മുന്നോട്ടുയരുന്നതിന്റെ വിശേഷ ആശംസകള് നല്കി കൊണ്ടിരിക്കുന്നു. കുറച്ച് സമയത്തിനുള്ളില് പല ദേശങ്ങളിലും സേവനത്തെ വിസ്താരത്തില് കൊണ്ടു വന്നു, അതിനാല് ശബ്ദം മുഴക്കുന്ന കാര്യം സഹജമായ അഭിവൃദ്ധി പ്രാപ്തമാക്കി കൊണ്ടിരിക്കുന്നു. സദാ ഡബിള് ലൈറ്റായി, ഡബിള് കിരീടധാരിയാകുന്നതിന്റെ സമ്പൂര്ണ്ണ അധികാരം പ്രാപ്തമാക്കുന്നതിന്റെ തീവ്ര പുരുഷാര്ത്ഥം തീര്ച്ചയായും ചെയ്യും. ഇന്ന് വിശേഷിച്ചും മിലനത്തിന് വേണ്ടി വന്നിരിക്കുന്നു. ബാപ്ദാദ കണ്ടു കൊണ്ടിരിക്കുന്നു- സര്വ്വരുടെയും ഹൃദയത്തില് സന്തോഷത്തിന്റെ ഗീതം മുഴങ്ങി കൊണ്ടിരിക്കുന്നു. കുട്ടികളുടെ സന്തോഷത്തിന്റെ നാദം, സന്തോഷത്തിന്റെ ഗീതം ബാപ്ദാദായ്ക്ക് കേള്ക്കാന് സാധിക്കുന്നുണ്ട്. ഓര്മ്മയിലും സേവനത്തിലും താല്പര്യത്തോടെ മുന്നോട്ടു പൊയ്ക്കൊണ്ടിരിക്കുന്നു. ഓര്മ്മയുമുണ്ട്, സേവനവുമുണ്ട് എന്നാല് ഇപ്പോള് കൂടുതലായി എന്ത് വേണം? രണ്ടും ഉണ്ട് എന്നാല് സദാ രണ്ടിന്റെയും സന്തുലനം ഉണ്ടായിരിക്കണം. ഈ സന്തുലനം സ്വയത്തെ, സേവനത്തില് ബാബയുടെ ആശീര്വാദത്തിന്റെ അനുഭവിയാക്കുന്നു. സേവനത്തിന്റെ ഉണര്വ്വും ഉത്സാഹവും ഉണ്ടാകുന്നു. ഇപ്പോള് ഇനിയും സേവനത്തില് ഓര്മ്മയുടെയും സേവനത്തിന്റെയും സന്തുലനം വയ്ക്കുന്നതിലൂടെ കൂടുതല് ശബ്ദം ശക്തമായ രൂപത്തില് വിശ്വത്തില് മുഴങ്ങും. വിസ്താരം വളരെ നന്നായി ചെയ്തിട്ടുണ്ട്. വിസ്താരത്തിന് ശേഷം എന്താണ് ചെയ്യുന്നത്? വിസ്താരത്തിനോടൊപ്പം ഇപ്പോള് ഇനിയും സേവനത്തിന്റെ സാരം അങ്ങനെയുള്ള വിശേഷ ആത്മാക്കളെ നിമിത്തമാക്കണം, ആ വിശേഷ ആത്മാക്കള് ഭാരതത്തിലെ വിശേഷ ആത്മാക്കളെ ഉണര്ത്തണം. ഇപ്പോള് ഭാരതത്തിലും സേവനത്തിന്റെ രൂപരേഖ സമയത്തിനനുസരിച്ച് വര്ദ്ധിച്ചു കൊണ്ടിരിക്കുന്നു. നേതാക്കന്മാര്, ധര്മ്മനേതാക്കള്, അതിനോടൊപ്പം അഭിനേതാക്കളും സമ്പര്ക്കത്തില് വന്നു കൊണ്ടിരിക്കുന്നു. ബാക്കി ഇനി ആരൊക്കെ അവശേഷിച്ചിരിക്കുന്നു? സമ്പര്ക്കത്തില് വന്നു കൊണ്ടിരിക്കുന്നുണ്ട്, നേതാക്കന്മാരും വന്നു കൊണ്ടിരിക്കുന്നു എന്നാല് വിശേഷ രാജനേതാക്കന്മാര് വരെ സമ്പര്ക്കത്തില് വരുന്നതിന്റെ സങ്കല്പം ഉല്പന്നമാകുക തന്നെ വേണം.

സര്വ്വ ഡബിള് വിദേശി കുട്ടികള് പറക്കുന്ന കലയിലേക്ക് പൊയ്ക്കൊണ്ടിരിക്കുകയല്ലേ! കയറുന്ന കലയുള്ളവരല്ലല്ലോ! പറക്കുന്ന കലയല്ലേ? പറക്കുന്ന കലയില് വരിക അര്ത്ഥം സര്വ്വരുടെയും മംഗളം ഉണ്ടാകുക. സര്വ്വ കുട്ടികളുടെയും ഏകരസവും പറക്കുന്ന കലയുമായി തീരുമ്പോള് സര്വ്വരുടെയും മംഗളം അര്ത്ഥം പരിവര്ത്തനത്തിന്റെ കാര്യം സമ്പന്നമാകും. ഇപ്പോള് പറക്കുന്ന കലയാണ് എന്നാല് പറക്കുന്നതിനോടൊപ്പം സ്റ്റേജസ്സ് ഉണ്ട്. ചിലപ്പോള് വളരെ ഉയര്ന്ന സ്റ്റേജാണ്, ഇടയ്ക്ക് സ്റ്റേജിന് വേണ്ടി പുരുഷാര്ത്ഥം ചെയ്യുന്നതിന്റെ സ്റ്റേജാണ്. സദാ ഭൂരിപക്ഷം പേരുടെയും പറക്കുന്ന കലയാകണം അര്ത്ഥം സമാപ്തിയാകുക. ഇപ്പോള് സര്വ്വ കുട്ടികളും അറിയുന്നു- പറക്കുന്ന കല തന്നെയാണ് ശ്രേഷ്ഠമായ സ്ഥിതി. പറക്കുന്ന കല തന്നെയാണ് കര്മ്മാതീത സ്ഥിതിയെ പ്രാപ്തമാക്കുന്നതിന്റെ സ്ഥിതി. പറത്തുന്ന കല തന്നെയാണ് ദേഹത്തിലിരുന്നും, ദേഹത്തില് നിന്നും വേറിട്ട്, സദാ ബാബയിലും സേവനത്തിലും പ്രിയപ്പെട്ടതായിരിക്കുന്നതിനുള്ള സ്ഥിതി. പറക്കുന്ന കല തന്നെയാണ് വിദാതാവ് വരദാതാവിന്റെ സ്ഥിതി. പറക്കുന്ന കല തന്നെയാണ് നടക്കുമ്പോഴും കറങ്ങുമ്പോഴും ഫരിസ്ഥ അഥവാ ദേവത രണ്ട് രൂപത്തിന്റെയും സാക്ഷാത്ക്കാരം ചെയ്യിപ്പിക്കുന്നതിന്റെ സ്ഥിതി. പറക്കുന്ന കല സര്വ്വ ആത്മാക്കളെയും യാചനയില് നിന്നും വിടുവിച്ച് ബാബയുടെ സമ്പത്തിന്റെ അധികാരിയാക്കുന്നു. സര്വ്വ ആത്മാക്കളും അനുഭവിക്കും- നമ്മള് സര്വ്വ ആത്മാക്കളുടെ ഇഷ്ട ദേവന് അഥവാ ഇഷ്ട ദേവി അഥവാ നിമിത്തമായ അനേക ആത്മാക്കള്, സര്വ്വരും ഈ ഭൂമിയില് അവതരിച്ചിരിക്കുന്നു. സത്യയുഗത്തില് സര്വ്വരും സത്ഗതിയിലായിരിക്കും എന്നാല് ഈ സമയത്ത് സര്വ്വ ആത്മാക്കളുടെയും സത്ഗതി ദാതാവാണ്. ഏതൊരു നാടകവും സമാപ്തമാകുമ്പോള് അന്ത്യത്തില് സര്വ്വ അഭിനേതാക്കളും സ്റ്റേജില് മുന്നിലേക്ക് വരുന്നു. ഇപ്പോള് കല്പത്തിന്റെ ഡ്രാമ സമാപ്തമാകുന്നതിന്റെ സമയം വന്നു കൊണ്ടിരിക്കുന്നു. മുഴുവന് വിശ്വത്തിലെ ആത്മാക്കള്ക്ക് സ്വപ്നത്തില്, ഒരു സെക്കന്റിന്റെ ദര്ശനത്തില്, പ്രത്യക്ഷതയുടെ നാല് ഭാഗത്തുമുള്ള ശബ്ദത്തിലൂടെ ഈ സാക്ഷാത്ക്കാരം തീര്ച്ചയായും ഉണ്ടാകണം- ഈ ഡ്രാമയിലെ ഹീറോ പാര്ട്ടധാരികള് സ്റ്റേജില് പ്രത്യക്ഷമായി. ഭൂമിയിലെ നക്ഷത്രം, ഭൂമിയില് പ്രത്യക്ഷമായി. സര്വ്വരും തന്റെ ഇഷ്ട ദേവനെ പ്രാപ്തമാക്കുമ്പോള് വളരെ സന്തോഷിക്കും. ആശ്രയം ലഭിക്കും. ഡബിള് വിദേശികളും ഇഷ്ട ദേവന് ഇഷ്ട ദേവിമാരില് ഇല്ലേ! അതോ ഗോള്ഡന് ജൂബിലിക്കാരാണോ? നിങ്ങളും അതിലില്ലേ അതോ കാണുന്നവരാണോ? ഇപ്പോള് ഗോള്ഡന് ജൂബിലിയുടെ -ദൃശ്യം കണ്ടു. ഇത് രമണീകമായ പാര്ട്ടാണ് അഭിനയിച്ചത്. എന്നാല് അന്തിമ ദൃശ്യത്തില് നിങ്ങള് സാക്ഷാത്ക്കാരം ചെയ്യിക്കുന്നവരായിരിക്കുമോ അതോ കാണുന്നവരായിരിക്കുമോ? എന്തായിരിക്കും? ഹീറോ അഭിനോതാക്കളല്ലേ! ആ ദൃശ്യം എങ്ങനെയിരിക്കുമെന്ന് ഇമര്ജ്ജ് ചെയ്യൂ. ഈ അന്തിമ ദൃശ്യത്തിന് വേണ്ടി ഇപ്പോള് മുതലേ ത്രികാലദര്ശിയായി കാണൂ-എത്ര സുന്ദരമായ ദൃശ്യമായിരിക്കും, നമ്മള് എത്ര സുന്ദരമായിരിക്കും. അലങ്കരിക്കപ്പെട്ട ദിവ്യഗുണ മൂര്ത്തിയായി ഫരിസ്ഥ തന്നെ ദേവത, ഇതിന് വേണ്ടി ഇപ്പോള് മുതലേ സ്വയത്തെ സദാ ഫരിസ്ഥ സ്വരൂപത്തിന്റെ സ്ഥിതിയുടെ അഭ്യാസം ചെയ്ത് കൊണ്ട് മുന്നോട്ട് പോകൂ. നാല് മുഖ്യമായ വിഷയങ്ങള്- ജ്ഞാനം, നിരന്തരമായ ഓര്മ്മ, സര്വ്വ ദിവ്യ ഗുണങ്ങള്, ഒരു ദിവ്യ ഗുണത്തിന്റെ പോലും കുറവുണ്ടെങ്കില് 16 കലാ സമ്പന്നര് എന്ന് പറയില്ല. 16കല, സര്വ്വവും, സമ്പൂര്ണ്ണവും ഇത് മൂന്നിന്റെയും മഹിമയാണ്. സര്വ്വഗുണ സമ്പന്നന് എന്ന് പറയുന്നുണ്ട്, സമ്പൂര്ണ്ണ നിര്വ്വികാരിയെന്ന് പറയുന്നുണ്ട്, 16 കലാ സമ്പന്നന് എന്ന് പറയുന്നു. മൂന്ന് വിശേഷതകളും ഉണ്ടായിരിക്കണം. 16 കല അര്ത്ഥം സമ്പന്നവുമാകണം, സമ്പൂര്ണ്ണവുമാകണം, സര്വ്വവും വേണം. അതിനാല് ഇത് ചെക്ക് ചെയ്യൂ. കേള്പ്പിച്ചില്ലേ- ഈ വര്ഷം വളരെക്കാലത്തെ സമ്പാദ്യം ശേഖരിക്കുന്നതിനുള്ളതാണ്, പിന്നീട് വളരെക്കാലത്തെ സമ്പാദ്യം സമാപ്തമാകും, പിന്നെ കുറച്ച് കാലം എന്നേ പറയൂ, വളരെക്കാലം എന്ന് പറയില്ല. വളരെക്കാലത്തെ പുരുഷാര്ത്ഥത്തിന്റെ ലൈനില് വരൂ. അപ്പോള് വളരെക്കാലത്തെ രാജ്യ ഭാഗ്യം പ്രാപ്തമാക്കുന്നതിന്റെ അധികാരിയായി തീരും. രണ്ടോ നാലോ ജന്മമെങ്കിലും കുറഞ്ഞാല് വളരെക്കാലമെന്നതില് കണക്കാക്കില്ല. ആദ്യത്തെ ജന്മമാകണം, ആദ്യത്തെ പ്രകൃതിയുടെ ശ്രേഷ്ഠമായ സുഖവുമാകണം. ഒന്ന്- ഒന്ന്-ഒന്ന് ആകണം. സര്വ്വതിലും ഒന്നാമതാകണം. അതിനു വേണ്ടി എന്ത് ചെയ്യണം? സേവനവും നമ്പര്വണ്, സ്ഥിതിയും നമ്പര്വണ് എങ്കിലേ ഒന്ന്-ഒന്ന്-ഒന്നില് വരാന് സാധിക്കൂ. അതിനാല് സത്യയുഗത്തിന്റെ ആദിയില് വരുന്ന, നമ്പര്വണ് ആത്മാവിനോടൊപ്പം പാര്ട്ടഭിനയിക്കുന്ന, നമ്പര്വണ് ജന്മത്തില് പാര്ട്ടഭിനയിക്കുന്നവരാണ്. അതിനാല് സംവല്സരവും നിങ്ങള് തന്നെ ആരംഭിക്കും. ആദ്യത്തെ ജന്മത്തില് വരുന്നവര് തന്നെയാണ് ആദ്യത്തെ തിയതി, ആദ്യത്തെ മാസം, ആദ്യത്തെ സംവത്സരം ആരംഭിക്കും. അതിനാല് ഡബിള് വിദേശി നമ്പര്വണില് വരില്ലേ. ശരി- ഫരിസ്ഥയുടെ വസ്ത്രം അണിയാന് അറിയാമല്ലോ! ഇത് തിളങ്ങുന്ന വസ്ത്രമാണ്. ഈ സ്മൃതിയും സ്വരൂപവുമാകുക അര്ത്ഥം ഫരിസ്ഥ വേഷം ധാരണ ചെയ്യുക. തിളങ്ങുന്ന വസ്തു ദൂരെ നിന്ന് തന്നെ ആകര്ഷിക്കുന്നു. അതിനാല് ഈ ഫരിസ്ഥ വേഷം അര്ത്ഥം ഫരിസ്ഥ സ്വരൂപം ദൂരെ ദൂരെ വരെ ആത്മാക്കളെ ആകര്ഷിക്കുന്നു. ശരി.

ഇന്ന് യു കെ യുടെ ഊഴമാണ്. യു കെ യിലുള്ളവരുടെ വിശേഷതകളെന്താണ്? ലണ്ടനെ സത്യയുഗത്തിലും രാജധാനിയാക്കുമോ അതോ കേവലം കറങ്ങാനുള്ള സ്ഥലം മാത്രമാക്കുമോ? യുണൈറ്റഡ് കിംഗ്ഡം അല്ലേ. അവിടെയും രാജ്യം സ്ഥാപിക്കുമോ അതോ കേവലം രാജാക്കന്മാര് കറങ്ങുക മാത്രമാണോ ചെയ്യുന്നത്? പേര് കിംഗ്ഡം എന്നല്ലേ പറയുന്നത്. അതിനാല് ഈ സമയത്ത് സേവനത്തിന്റെ രാജധാനിയുണ്ട്. മുഴുവന് വിദേശത്തിന്റെ സേവനത്തിന്റെ രാജധാനി നിമിത്തമാണ്. കിംഗ്ഡം എന്ന പേര് ശരിയല്ലേ. സര്വ്വരെയും ഒരുമിപ്പിക്കുന്ന രാജ്യമാണ്. സര്വ്വ ആത്മാക്കളെയും ബാബയുമായി മിലനം ചെയ്യിക്കുന്നതിന്റെ രാജധാനിയാണ്. യു കെക്കാരോട് ബാപ്ദാദ പറയുന്നു- ഓ കെ ആയിട്ടിരിക്കുന്നവര് എന്ന്. ഒരിക്കലും ആരോട് ചോദിച്ചാലും ഓ കെ എന്നല്ലേ പറയുന്നത്. ആണെങ്കില് ശരിയാണ് എന്ന് ആരും പറയാറില്ല. ദീര്ഘ ശ്വാസമെടുത്ത് ഹാം എന്ന് പറയുന്നു. പിന്നീട് ശരിയാകുമ്പോള് ഓ കെ എന്ന് പറയുന്നു. അതിനാല് സംഗമയുഗത്തിന്റെ രാജധാനി, സേവനത്തിന്റെ രാജധാനി അതില് രാജ്യ സത്ത അര്ത്ഥം റോയല് പരിവാരത്തിലെ ആത്മാക്കള് തയ്യാറാകുന്നതിന്റെ പ്രേരണ നാല് ഭാഗത്തും വ്യാപിക്കണം. രാജധാനിയില് രാജ്യ അധികാരിയാക്കുന്നതിന്റെ രാജ്യ സ്ഥാനമായില്ലേ അതിനാല് ബാപ്ദാദ ഓരോ ദേശത്തിന്റെ വിശേഷതയെ വിശേഷ രൂപത്തിലൂടെ ഓര്മ്മിക്കുന്നു, വിശേഷതയിലൂടെ സദാ മുന്നോട്ടുയര്ത്തുന്നു. ബാപ്ദാദ കുറവുകളെ കാണുന്നില്ല, കേവലം സൂചന നല്കുന്നു. വളരെ നല്ലത്- നല്ലത് എന്ന് പറഞ്ഞ് പറഞ്ഞ് നല്ലതായി തീരുന്നു. ബലഹീനനാണ്, ബലഹീനനാണ് എന്ന് പറയുമ്പോള് ബലഹീനരായി മാറുന്നു. ഒന്ന് ആദ്യമേ തന്നെ ബലഹീനരാകുന്നു, പിന്നെ ആരെങ്കിലും പറയുമ്പോള് അബോധാവസ്ഥയിലേക്ക് പോകുന്നു. എങ്ങനെയുള്ള ബോധമില്ലാത്തവരെയും ശ്രേഷ്ഠ സ്മൃതിയുടെ, വിശേഷതകളുടെ സ്മൃതിയുടെ സഞ്ജീവനി മരുന്ന് കഴിപ്പിക്കൂ എങ്കില് അബോധാവസ്ഥയില് നിന്നും സ്വബോധത്തിലേക്ക് വരും. സഞ്ജീവനി മരുന്ന് സര്വ്വരുടെയും അടുത്തില്ലേ. അതിനാല് വിശേഷതകളുടെ സ്വരൂപത്തിന്റെ ദര്പ്പണം അവരുടെ മുന്നില് വയ്ക്കൂ കാരണം ഓരോ ബ്രാഹ്മണാത്മാവും വിശേഷപ്പെട്ടതാണ്. കോടിയില് ചിലരല്ലേ. അപ്പോള് വിശേഷപ്പെട്ടതല്ലേ. കേവലം ആ സമയത്ത് തന്റെ വിശേഷതയെ മറന്നു പോകുന്നു. അതിനെ ഓര്മ്മപ്പെടുത്തുകയാണെങ്കില് വിശേഷ ആത്മാവായി തീരും. എത്രത്തോളം വിശേഷതകളെ വര്ണ്ണിക്കുന്നുവൊ അവര്ക്ക് സ്വയം തന്നെ തന്റെ കുറവ് കൂടുതല് സ്പ്ഷ്ടമായി അനുഭവപ്പെടും. നിങ്ങള്ക്ക് ചെയ്യിക്കേണ്ട ആവശ്യം വേണ്ടി വരില്ല. നിങ്ങള് മറ്റുള്ളവരെ കുറവുകള് കേള്പ്പിക്കുകയാണെങ്കില് അവര് അത് മറച്ചു വയ്ക്കും. മാറ്റി പറയും, ഞാന് അങ്ങനെയല്ലയെന്ന്. നിങ്ങള് വിശേഷതകള് കേള്പ്പിക്കൂ. കുറവുകള് സ്വയം തന്നെ അനുഭവം ചെയ്യാത്തിടത്തോളം കാലം പരിവര്ത്തനം ചെയ്യാന് സാധിക്കില്ല. 50 വര്ഷം നിങ്ങള് പരിശ്രമിച്ചാലും, അതിനാല് ഈ സഞ്ചീവനി മരുന്നിലൂടെ അബോധാവസ്ഥയിലുള്ളവരെ ഉണര്ത്തി പറക്കൂ, പറത്തിക്കൂ. ഇത് തന്നെയല്ലേ യു കെക്കാര് ചെയ്യുന്നത്. ശരി.

ലണ്ടനില് നിന്നും മറ്റ് സ്ഥാനങ്ങളിലേക്ക് എത്ര പേര് പോയി. ഭാരതത്തില് നിന്നും പോയി, ലണ്ടനില് നിന്നും എത്ര പേര് പോയി? ഓസ്ട്രേലിയയില് നിന്നും എത്ര പേര് പോയി? ഓസ്ട്രേലിയയും അഭിവൃദ്ധി നേടി, എവിടെ എവിടെയൊക്കെ പോയി? ജ്ഞാന ഗംഗകള് എത്ര ദൂരെ ദൂരെ ഒഴുകുന്നുവൊ അത്രയും നല്ലതാണ്. യു കെ, ഓസ്ട്രേലിയ, അമേരിക്ക, യൂറോപ്പ് ഇവിടെ എത്ര സേവാ കേന്ദ്രങ്ങളുണ്ട്? (സര്വ്വരും അവരവരുടെ സംഖ്യ കേള്പ്പിച്ചു)

അഭിവൃദ്ധി പ്രാപ്തമാക്കി കൊണ്ടിരിക്കുന്നു. ഇപ്പോള് എതേങ്കിലും വിശേഷ സ്ഥാനം അവശേഷിച്ചിട്ടുണ്ടോ? (വളരെയുണ്ട്) ശരി, അതിന്റെ പ്ലാനും ഉണ്ടാക്കി കൊണ്ടിരിക്കുകയല്ലേ! വിദേശത്തിന് ലഭിച്ച ലിഫ്റ്റാണ്- വളരെ സഹജമായി സേവാകേന്ദ്രങ്ങള് തുറക്കാന് സാധിക്കുന്നു. ലൗകീക സേവനവും ചെയ്യാന് സാധിക്കും, അലൗകീക സേവനത്തിനും നിമിത്തമാകാന് സാധിക്കും. ഭാരതത്തില് ക്ഷണം ലഭിക്കുന്നതിനനുസരിച്ച് സെന്റര് തുറക്കുന്നതിന്റെ വിശേഷതയുണ്ട്, എന്നാല് വിദേശത്ത് സ്വയം സ്വയത്തിന് ക്ഷണം നല്കുന്നു. ക്ഷണം നല്കുന്നവരും സ്വയം, എത്തി ചേരുന്നവരും സ്വയം, ഇത് സേവനത്തില് സഹജമായി അഭിവൃദ്ധി പ്രാപ്തമാക്കുന്നതിനുള്ള ലിഫ്റ്റാണ് ലഭിച്ചിരിക്കുന്നത്. എവിടെ പോയാലും രണ്ടോ മൂന്നോ പേര് ചേര്ന്ന് അവിടെ സ്ഥാപനയ്ക്ക് നിമിത്തമാകുന്നു, ആയി കൊണ്ടിരിക്കും. ഇതിനെ ഡ്രാമായനുസരിച്ച് ഗിഫ്റ്റ് എന്ന് പറയാം, ലിഫ്റ്റ് എന്ന് പറയാം, ലഭിച്ചിരിക്കുന്നതാണ് കാരണം കുറച്ച് സമയത്തിനുള്ളില് സേവനം സമാപ്തമാക്കണം അതിനാല് തീവ്രഗതിയുണ്ടാകണം എന്നാലെ സമയത്ത് സമാപ്തമാക്കാന് സാധിക്കൂ. ഭാരതത്തിന്റെ വിധിയും വിദേശത്തിന്റെ വിധിയും തമ്മില് വ്യത്യാസമുണ്ട് കാരണം വിദേശത്ത് പെട്ടെന്ന് അഭിവൃദ്ധിയുണ്ടായി കൊണ്ടിരിക്കുന്നു, ഉണ്ടാകും. ഒരു ദിനത്തില് തന്നെ വളരെയധികം സെന്റര് തുറക്കാന് സാധിക്കും. നാല് ഭാഗത്തും വിദേശത്ത് നിമിത്തമായിരിക്കുന്ന വിദേശികള്ക്ക് സേവനത്തിന്റെ അവസരം സഹജമാണ്. ഭാരതീയര്ക്ക് വിസ പോലും പ്രയാസപ്പെട്ടാണ് ലഭിക്കുന്നത്. അതിനാല് ഇത് അവസരമാണ്, അവിടെ വസിക്കുന്നവര് തന്നെ അവിടത്തെ സേവനത്തിന് നിമിത്തമായി തീരുന്നു അതിനാല് സേവനത്തിന്റെ അവസരമാണ്. ലാസ്റ്റില് നിന്നും ഫാസ്റ്റായി പോകാനുള്ള അവസരമുണ്ട് അതേപോലെ സേവനത്തിന്റെ അവസരവും ഫാസ്റ്റായി ലഭിച്ചിരിക്കുന്നു അതിനാല് ഞാന് അവസാനമാണ് വന്നിരിക്കുന്നത് എന്ന പരാതിയില്ല. അവസാനം വന്നവര്ക്ക് ഫാസ്റ്റായി പോകുന്നതിനുള്ള അവസരവും വിശേഷമായി ലഭിച്ചിരിക്കുന്നു അതു കൊണ്ട് ഓരോരുത്തരും സേവാധാരികളാണ്. സര്വ്വരും സേവാധാരികളല്ലേ അതോ സെന്ററില് വസിക്കുന്നവരാണൊ സേവാധാരികള്? എവിടെയാണെങ്കിലും സേവനമില്ലാതെ സമാധാനമില്ല. സേവനം തന്നെയാണ് സമാധാനത്തിന്റെ നിദ്ര. പറയുന്നു- സമാധാനത്തോടെ ഉറങ്ങുക എന്നതാണ് ജീവിതം. സേവനത്തെ തന്നെ സമാധാനപരമായ ഉറക്കം എന്നു പറയാം. സേവനമില്ലായെങ്കില് സമാധാനത്തോടെയുള്ള ഉറക്കമില്ല. കേള്പ്പിച്ചില്ലേ, സേവനം കേവലം വാക്കുകളാല് മാത്രമല്ല, ഓരോ സെക്കന്റും സേവനമാണ്. ഓരോ സങ്കല്പത്തിലും സേവനമാണ്. ആര്ക്കും ഇത് പറയാനാകില്ല- ഭാരതവാസികളാകട്ടെ, വിദേശികളാകട്ടെ, ബ്രാഹ്മണരാകട്ടെ, സേവനമില്ലായെന്ന് ആര്ക്കും പറയാനാകില്ല. രോഗം വന്നാലും മനസാ സേവനം, വായുമണ്ഡലത്തെയുണ്ടാക്കുന്നതിനുള്ള സേവനം, വൈബ്രേഷന് വ്യാപിപ്പിക്കുന്നതിനുള്ള സേവനം ചെയ്യാന് സാധിക്കും. ഏതൊരു പ്രകാരത്തിലുമുള്ള സേവനം ചെയ്തോളൂ എന്നാല് സേവനത്തില് തന്നെയിരിക്കണം. സേവനം തന്നെയാണ് ജീവിതം. ബ്രാഹ്മണന്റെ അര്ത്ഥം തന്നെ സേവാധാരിയെന്നാണ്.

സദാ പറക്കുന്ന കല, സര്വ്വരുടെ മംഗളത്തിന്റെ സ്ഥിതിയില് സ്ഥിതി ചെയ്യുന്ന, സദാ സ്വയത്തെ ഫരിസ്ഥയായി അനുഭവം ചെയ്യുന്ന, സദാ വിശ്വത്തിനു മുന്നില് ഇഷ്ട ദേവന്റെ രൂപത്തില് പ്രത്യക്ഷമാകുന്ന, ദേവാത്മാക്കള് സദാ സ്വയത്തെ വിശേഷ ആത്മാമാവണെന്ന മനസ്സിലാക്കി മറ്റുള്ളവര്ക്കും വിശേഷതയുടെ അനുഭവം ചെയ്യിക്കുന്ന, വിശേഷ ആത്മാക്കള്ക്ക് ബാപ്ദാദയുടെ സ്നേഹ സ്മരണയും നമസ്തേ.

പാര്ട്ടികളോട്- സദാ സ്വയത്തെ കര്മ്മയോഗിയാണെന്ന് അനുഭവം ചെയ്യുന്നുണ്ടോ! കര്മ്മയോഗി ജീവിതം അര്ത്ഥം ഓരോ കാര്യം ചെയ്യുമ്പോഴും ഓര്മ്മയുടെ യാത്രയില് സദായിരിക്കണം. ഈ ശ്രേഷ്ഠമായ കാര്യം ശ്രേഷ്ഠമായ ബാബയുടെ കുട്ടികള് തന്നെയാണ് ചെയ്യുന്നത്, സദാ സഫലവുമാകുന്നു. നിങ്ങള് സര്വ്വരും കര്മ്മയോഗി ആത്മാക്കളല്ലേ. കര്മ്മം ചെയ്യുമ്പോഴും സ്നേഹി, നിര്മ്മോഹി സദാ ഇതേ അഭ്യാസത്തിലൂടെ സ്വയത്തെ മുന്നോട്ടുയര്ത്തണം. സ്വയത്തിനോടൊപ്പം വിശ്വത്തിലെ ഉത്തരവാദിത്യം സര്വ്വരുടെയും മേലുണ്ട്. എന്നാല് ഇതെല്ലാം സ്ഥൂലമായ സാധനങ്ങളാണ്. കര്മ്മയോഗി ജീവിതത്തിലൂടെ മുന്നോട്ടുയരൂ മുന്നോട്ടുയര്ത്തൂ. ഇതേ ജീവിതം അതി പ്രിയപ്പെട്ട ജീവിതമാണ്. സേവനവും ചെയ്യണം, സന്തോഷവും ഉണ്ടാകണം. രണ്ടും ഒപ്പത്തിനൊപ്പം, ശരിയല്ലേ! സര്വ്വരുടെയും ഗോള്ഡന് ജൂബിലിയല്ലേ. ഗോള്ഡന് അര്ത്ഥം സതോപ്രദാന സ്ഥിതിയില് സ്ഥിതി ചെയ്യുന്നവര്. അതിനാല് സദാ സ്വയത്തെ ഈ ശ്രേഷ്ഠമായ സ്ഥിതിയിലൂടെ മുന്നോട്ടുയര്ത്തൂ. സര്വ്വരും നല്ല രീതിയില് സേവനം ചെയ്തില്ലേ! സേവനത്തിന്റെ അവസരവും ഇപ്പോഴാണ് നിങ്ങള്ക്ക് ലഭിക്കുന്നത്, പിന്നെ ഈ അവസരവും സമാപ്തമാകും. അതിനാല് സദാ സേവനത്തില് മുന്നോട്ടു പോകൂ. ശരി.

വരദാനം :-
ബാബയുടെ ഛത്രഛായയുടെ അനുഭവത്തിലൂടെ വിഘ്നവിനാശക ഡിഗ്രി നേടുന്ന അനുഭവി മൂര്ത്തായി ഭവിക്കട്ടെ.

എവിടെയാണൊ ബാബ കൂടെയുള്ളത്, അവിടെ ആര്ക്കും ഒന്നും ചെയ്യാന് സാധിക്കില്ല. ഈ കൂട്ട്ക്കെട്ടിന്റെ അനുഭവം തന്നെയാണ് ഛത്രഛായയായി മാറുന്നത്. ബാപ്ദാദ സദാ കുട്ടികളുടെ രക്ഷ ചെയ്യുന്നു. പരീക്ഷ വരുന്നത് നിങ്ങളെ അനുഭവിയാക്കുന്നതിനാണ് അതിനാല് സദാ മനസ്സിലാക്കണം- ഈ പരീക്ഷ എന്നെ മുന്നോട്ടുയര്ത്തുന്നതിന് വേണ്ടിയാണ് വരുന്നത്. ഇതിലൂടെ സദാ വിഘ്ന വിനാശകന്റെ ഡിഗ്രി, അനുഭവി മൂര്ത്തിയാകുന്നതിനുള്ള വരദാനം ലഭിക്കുന്നു. ആരെങ്കിലും ബഹളം വയ്ക്കുന്നു അഥവാ വിഘ്നം ഇടുകയാണെങ്കില് പതുക്കെ പതുക്കെ ശാന്തമാകും.

സ്ലോഗന് :-
സമയത്ത് സഹയോഗിയാകുന്നവര്ക്ക് കോടി മടങ്ങ് ഫലം ലഭിക്കുന്നു.