06.02.19           Morning Malayalam Murli       Om Shanti           BapDada Madhuban


മധുരമായ കുട്ടികളെ - ഇപ്പോള് അശരീരിയായി മാറി വീട്ടിലേയ്ക്ക് പോകണം അതിനാല് എപ്പോള് ആരോട് സംസാരിക്കുകയാണെങ്കിലും ആത്മീയ സഹോദരങ്ങനാണെന്ന് മനസ്സിലാക്കി സംസാരിക്കൂ , ദേഹീ അഭിമാനിയായിരിക്കാന് പരിശ്രമിക്കൂ .

ചോദ്യം :-
ഭാവിയിലെ രാജ്യതിലകം പ്രാപ്തമാക്കുന്നതിന്റെ ആധാരമെന്താണ് ?

ഉത്തരം :-
പഠിപ്പ്. ഓരോരുത്തര്ക്കും പഠിച്ച് രാജ്യതിലകം നേടണം. പഠിപ്പിക്കുന്നതിന്റെ കര്ത്തവ്യം ബാബയുടേതാണ്, ഇതില് ആശീര്വ്വാദത്തിന്റെ കാര്യമില്ല. പൂര്ണ്ണ നിശ്ചയമുണ്ടെങ്കില് ശ്രീമത്തിലൂടെ നടന്നുകൊണ്ടിരിക്കൂ. തെറ്റ് ചെയ്യരുത്. അഥവാ അഭിപ്രായവ്യത്യാസത്തിലേക്ക് വന്ന് പഠിപ്പ് ഉപേക്ഷിച്ചാല് തോറ്റുപോകും, അതുകൊണ്ട് ബാബ പറയുന്നു - മധുരമായ കുട്ടികളെ, അവനവന്റെ മേല് ദയ കാണിക്കൂ. ആശീര്വ്വാദം യാചിക്കരുത്, പഠിപ്പില് ശ്രദ്ധ നല്കണം.

ഓംശാന്തി.
സുപ്രീം ടീച്ചര് കുട്ടികളെ പഠിപ്പിക്കുന്നു. കുട്ടികള്ക്കറിയാം പരമപിതാ പരമാത്മാവ് അച്ഛനുമാണ് ടീച്ചറുമാണ്. മറ്റാര്ക്കും പഠിപ്പിക്കാന് സാധിക്കാത്ത രീതിയിലാണ് നിങ്ങളെ പഠിപ്പിക്കുന്നത്. നിങ്ങള് പറയുന്നു ശിവബാബയാണ് പഠിപ്പിക്കുന്നത്. ഈ ബാബ ഒരാളുടേതല്ല. മന്മനാഭവ മദ്ധ്യാജീ ഭവ, ഇതിന്റെ അര്ത്ഥം മനസ്സിലാക്കിത്തരികയാണ് എന്നെ മാത്രം ഓര്മ്മിക്കൂ. കുട്ടികളാണെങ്കില് ഇപ്പോള് വിവേകശാലികളായി മാറി. പരിധിയില്ലാത്ത ബാബ പറയുന്നു സമ്പത്ത് നിങ്ങളുടേതു തന്നെയാണ് - ഇതൊരിക്കലും മറക്കരുത്. ബാബ ആത്മാക്കളോടുതന്നെയാണ് സംസാരിക്കുന്നത്. ഇപ്പോള് നിങ്ങള് ജീവാത്മാക്കളാണല്ലോ. പരിധിയില്ലാത്ത ബാബയും നിരാകാരനാണ്. നിങ്ങള്ക്കറിയാം ഈ ശരീരത്തിലൂടെ ബാബ നമ്മളെ പഠിപ്പിച്ചുകൊണ്ടിരിക്കുകയാണ്. മറ്റാരും ഇങ്ങനെ മനസ്സിലാക്കില്ല. സ്ക്കൂളില് ടീച്ചര് പഠിപ്പിക്കുന്നുണ്ട് അപ്പോള് പറയും ലൗകിക ടീച്ചര് ലൗകിക കുട്ടികളെ പഠിപ്പിക്കുന്നു. ഇത് പാരലൗകിക സുപ്രീം ടീച്ചറാണ്, ബാബ പാരലൗകിക കുട്ടികളെ പഠിപ്പിക്കുന്നു. നിങ്ങളും പരലോകം അഥവാ മൂലവതനത്തില് വസിക്കുന്നവരാണ്. ബാബയും പരലോകത്തില് വസിക്കുന്നു. ബാബ പറയുന്നു ഞാനും ശാന്തിധാമത്തിലെ നിവാസിയാണ് നിങ്ങളും ശാന്തിധാം നിവാസികളാണ്. നമ്മള് ഇരുകൂട്ടരും ഒരു ധാമത്തില് വസിക്കുന്നവരാണ്. നിങ്ങള് സ്വയത്തെ ആത്മാവാണെന്ന് മനസ്സിലാക്കൂ. ഞാന് പരമാത്മാവാണ്. ഇപ്പോള് നിങ്ങളിവിടെ പാര്ട്ട് അഭിനയിച്ചുകൊണ്ടിരിക്കുന്നു. പാര്ട്ട് അഭിനയിച്ച് അഭിനയിച്ച് ഇപ്പോള് നിങ്ങള് പതിതരായി മാറിക്കഴിഞ്ഞിരിക്കുന്നു. ഈ വിശ്വം മുഴുവനും പരിധിയില്ലാത്ത സ്റ്റേജാണ് ഇതില് കളി നടക്കുന്നു. ഈ മുഴുവന് സൃഷ്ടിയും കര്മ്മക്ഷേത്രമാണ്, ഇതില് കളി നടന്നുകൊണ്ടിരിക്കുന്നു. ഇതും കേവലം നിങ്ങള് മാത്രമാണ് അറിയുന്നത് ഇത് പരിധിയില്ലാത്ത കളിയാണ്, ഇതില് പരിധിയില്ലാത്ത രാവും പകലുമുണ്ട്. സൂര്യനും ചന്ദ്രനും എത്ര പരിധിയില്ലാത്ത പ്രകാശമാണ് നല്കുന്നത്, ഇത് പരിധിയില്ലാത്ത കാര്യമാണ്. ഇപ്പോള് നിങ്ങള്ക്ക് ജ്ഞാനമുണ്ട്. രചയിതാവുതന്നെ വന്ന് രചയിതാവിന്റേയും രചനയുടേയും ആദി-മദ്ധ്യ-അന്ത്യത്തിന്റെ പരിചയം നല്കുന്നു. ബാബ പറയുന്നു നിങ്ങള്ക്ക് രചനയുടെ ആദി -മദ്ധ്യ-അന്ത്യത്തിന്റെ രഹസ്യം കേള്പ്പിക്കുന്നതിന് വന്നിരിക്കുന്നു. ഇത് പാഠശാലയാണ്, പഠിപ്പിക്കുന്ന ബാബ അഭോക്താവാണ്. ഞാന് അഭോക്താവാണെന്ന് ആരും തന്നെ പറയില്ല. അഹമ്മദാബാദില് ഒരു സന്യാസി ഇങ്ങനെ പറഞ്ഞിരുന്നു, പക്ഷേ പിന്നീട് കള്ളത്തരം പിടിക്കപ്പെട്ടു. ഈ സമയം കള്ളത്തരവും വളരെയുണ്ട്. പല വേഷധാരികളും ഉണ്ട്. ബാബയ്ക്ക് വേഷവും കാണിക്കുന്നില്ല. മനുഷ്യര് മനസ്സിലാക്കുന്നു കൃഷ്ണനാണ് ഗീത കേള്പ്പിച്ചത്. എങ്കില് ഇന്ന് എത്ര കൃഷ്ണന്മാരാണ്. അത്ര കൃഷ്ണന്മാരൊന്നും ഉണ്ടാകില്ല. ഇവിടെ നിങ്ങളെ ശിവബാബയാണ് വന്ന് പഠിപ്പിക്കുന്നത്. ആത്മാക്കളെയാണ് കേള്പ്പിക്കുന്നത്.

നിങ്ങളോട് വീണ്ടും വീണ്ടും പറയുകയാണ് സ്വയം ആത്മാവാണെന്ന് മനസ്സിലാക്കി സഹോദരാത്മാവിനെ കേള്പ്പിക്കൂ. ബുദ്ധിയിലുണ്ടായിരിക്കണം - ബാബയുടെ നോളേജ് നമ്മള് സഹോദരന്മാരെ കേള്പ്പിക്കുന്നു. പുരുഷന്മാരായാലും സ്ത്രീകളായാലും പരസ്പരം സഹോദരങ്ങളാണ്. അതുകൊണ്ടാണ് ബാബ പറയുന്നത് നിങ്ങളെല്ലാവരും എന്റെ സമ്പത്തിന്റെ അവകാശികളാണ്. ലൗകികത്തില് സ്ത്രീകള്ക്ക് സമ്പത്ത് ലഭിക്കുന്നില്ല കാരണം അവര്ക്ക് ഭര്തൃഗൃഹത്തിലേയ്ക്ക് പോകണം. ഇവിടെയാണെങ്കില് എല്ലാവരും ആത്മാക്കളാണ്. അശരീരിയായി വീട്ടിലേയ്ക്ക് പോകണം. ഇപ്പോള് നിങ്ങള്ക്ക് ലഭിക്കുന്ന ജ്ഞാനരത്നങ്ങള് അവിനാശീ രത്നമായി മാറുന്നു. ആത്മാവുതന്നെയാണ് ജ്ഞാനത്തിന്റെ സാഗരനായി മാറുന്നത്. ആത്മാവുതന്നെയാണ് എല്ലാം ചെയ്യുന്നത്. പക്ഷേ മനുഷ്യര്ക്ക് ദേഹാഭിമാനമുള്ളതു കാരണം, ദേഹീ-അഭിമാനിയായി മാറുന്നില്ല. ഇപ്പോള് നിങ്ങള്ക്ക് ദേഹീ അഭിമാനിയായി മാറി ഒരു ബാബയെ ഓര്മ്മിക്കണം. കുറച്ചെങ്കിലും പരിശ്രമം ചെയ്യണം. ലൗകിക ഗുരുക്കന്മാരെ എത്ര ഓര്മ്മിക്കുന്നു. മൂര്ത്തികള് വെക്കുന്നു. ഇപ്പോള് ശിവബാബയുടെ ചിത്രവും, മനുഷ്യന്റെ ചിത്രവും തമ്മില് രാത്രി- പകലിന്റെ വിത്യാസമുണ്ട്. സ്ത്രീകള് ഗുരുക്കന്മാരുടെ ഫോട്ടോ മാലയില് അണിയുമ്പോള് ഭര്ത്താക്കന്മാര്ക്ക് മറ്റുള്ളവരുടെ ഫോട്ടോ അണിയുന്നത് ഇഷ്ടമാകുന്നില്ല, ശരി, ശിവബാബയുടെ ചിത്രമാണ് അണിയുന്നത് എങ്കില് എല്ലാവര്ക്കും നല്ലതായി തോന്നും കാരണം ബാബ പരമപിതാവാണല്ലോ. ബാബയുടെ ചിത്രമാണ് വേണ്ടത് ബാബയാണ് കഴുത്തിലെ മാലയുണ്ടാക്കുന്നയാള്. നിങ്ങള് രുദ്രമാലയിലെ മുത്തായി മാറും. മുഴുവന് ലോകത്തിലുളളവരും രുദ്രമാലയിലുളളവരാണ്, പ്രജാപിതാ ബ്രഹ്മാവിന്റെ മാലയിലുളളവരുമാണ്, മുകളില് വംശാവലിയുമുണ്ട്. അതാണ് പരിധിയുള്ള വംശാവലി. ഇത് പരിധിയില്ലാത്തതാണ്. ഏതെല്ലാം മനുഷ്യരുണ്ടോ എല്ലാവരും മാലയിലെ മുത്തുകളാണ്. ആത്മാവ് ചെറുതിലും ചെറിയ ബിന്ദുവാണ്. തികച്ചും ചെറിയ ബിന്ദു. ഇങ്ങനെ ആത്മാക്കളാകുന്ന ബിന്ദുക്കളെ എണ്ണികൊണ്ടിരിക്കുകയാണെങ്കില് എണ്ണാന് പറ്റാത്തത്ര ആയിത്തീരും. എണ്ണിയെണ്ണി ക്ഷീണിക്കും. പക്ഷേ നോക്കൂ, മുകളിലുളള ആത്മാക്കളുടെ വൃക്ഷം എത്ര ചെറിയതാണ്. ബ്രഹ്മതത്വത്തില് വളരെ ചെറിയ സ്ഥലത്തിരിക്കുന്നു. ആത്മാക്കള് പിന്നീട് ഇവിടെ പാര്ട്ട് അഭിനയിക്കാന് വരുന്നു. ഇവിടെ എത്ര വലിയ ലോകമാണ്. എവിടേയ്ക്കെല്ലാം വിമാനത്തില് പോകുന്നു. പരമധാമത്തില് വിമാനത്തിന്റെ ആവശ്യമില്ല. ആത്മാക്കളുടെ ചെറിയ വൃക്ഷമാണ്.

ഇവരെല്ലാം പ്രജാപിതാ ബ്രഹ്മാവിന്റെ സന്താനങ്ങളാണ്. മമ്മാ-ബാബയെ ചിലര് ആദം എന്നും ചിലര് ആദിദേവ് എന്നും വിളിക്കുന്നു. പുരുഷനും സ്ത്രീയും തീര്ച്ചയായും ഉണ്ട്. നിങ്ങളുടേത് പ്രവൃത്തിമാര്ഗ്ഗമാണ്. നിവൃത്തിമാര്ഗ്ഗത്തില് കളിയുണ്ടാകുന്നില്ല. ഒരു കൈകൊണ്ട് എന്തു സംഭവിക്കും. ഇരുചക്രം വേണം. രണ്ടുപേരുണ്ടെങ്കില് തമ്മില് മത്സരം നടത്തും. രണ്ടാമത്തെ ചക്രം സഹയോഗം നല്കുന്നില്ലെങ്കില് വണ്ടി പതിയെ നിന്നുപോകും. എന്നാല് ഒന്നിന്റെ കാരണം നിന്നുപോകരുത്. ആദ്യമാദ്യം പവിത്ര പ്രവൃത്തിമാര്ഗ്ഗമായിരുന്നു. പിന്നീട് അപവിത്രമായി മാറി. വീണുപോകുന്നു. നിങ്ങളുടെ ബുദ്ധിയില് മുഴുവന് ജ്ഞാനവുമുണ്ട്. ഈ വൃക്ഷം എങ്ങിനെ വലുതാകുന്നു, എങ്ങിനെ എണ്ണം കൂടിക്കൊണ്ടിരിക്കുന്നു. ഇങ്ങനെയുള്ള വൃക്ഷം വേറെയുണ്ടാകുന്നില്ല. ചിലരുടെ ബുദ്ധിയില് രചയിതാവിന്റേയും രചനയുടെ ആദി മദ്ധ്യ അന്ത്യത്തിന്റേയും നോളേജ് പോലുമില്ല. അതുകൊണ്ട് ബാബ പറഞ്ഞിരുന്നു - ഇതെഴുതൂ അതായത് നമ്മള് രചയിതാവിലൂടെ രചയിതാവിന്റേയും രചനയുടേയും നോളേജ് നേടി. മറ്റുളളവര്ക്കാണെങ്കില് രചയിതാവിനേയും രചനയേയും അറിയുന്നില്ല. അഥവാ പരമ്പരയായി ഈ ജ്ഞാനമുണ്ടെങ്കില് ആരെങ്കിലും പറയേണ്ടേ. നിങ്ങള് ബ്രഹ്മാകുമാര് കുമാരിമാര്ക്കല്ലാതെ ആര്ക്കും പറയാന് സാധിക്കില്ല. നിങ്ങള്ക്കറിയാം നമ്മള് ബ്രാഹ്മണരെത്തന്നെയാണ് പരമപിതാ പരമാത്മാവ് പഠിപ്പിക്കുന്നത്. നമ്മുടെ ബ്രാഹ്മണ ധര്മ്മം തന്നെയാണ് ഉയര്ന്നതിലും ഉയര്ന്നത്. ചിത്രവും തീര്ച്ചയായും കാണിക്കണം. ചിത്രമില്ലാതെ ബുദ്ധിയിലൊന്നും ഇരിക്കില്ല. ചിത്രങ്ങള് വളരെ വലുതാകണം. വിവിധ ധര്മ്മങ്ങളുടെ വൃക്ഷവും എങ്ങനെ വലുതാകുന്നു എന്നും മനസ്സിലാക്കിത്തന്നിട്ടുണ്ട്. മുമ്പ് പറഞ്ഞിരുന്നു ആത്മാ സൊ പരമാത്മാവ്, പരമാത്മാവ് സൊ ആത്മാവ്, എന്നാല് ഇപ്പോള് ബാബ ഇതിന്റേയും അര്ത്ഥം പറഞ്ഞുതന്നിരിക്കുന്നു. ഈ സമയം നമ്മള് ബ്രാഹ്മണരാണ് പിന്നീട് നമ്മള് പുതിയ ലോകത്തില് ദേവതയായി മാറും, ഇപ്പോള് നമ്മള് പുരുഷോത്തമസംഗമയുഗത്തിലാണ്. അര്ത്ഥം ഇത് പുരുഷോത്തമനായി മാറുന്നതിനുള്ള സംഗമയുഗമാണ്. ഇതെല്ലാം നിങ്ങള്ക്കാണ് മനസ്സിലാക്കിക്കൊടുക്കാന് സാധിക്കുന്നത് - രചയിതാവിന്റേയും രചനയുടേയും അര്ത്ഥം, ഹംസോ സോഹം എന്നതിന്റെ അര്ത്ഥം. ഓം അര്ത്ഥം ഞാന് ആത്മാവ് ആദ്യം, പിന്നീടാണ് ഈ ശരീരം. ആത്മാവ് അവിനാശിയും ഈ ശരീരം വിനാശിയുമാണ്. നമ്മള് ഈ ശരീരം ധാരണ ചെയ്ത് പാര്ട്ട് അഭിനയിക്കുന്നു ഇതിനെ പറയുന്നു ആത്മാഭിമാനി. നമ്മള് ആത്മാക്കള് പാര്ട്ട് അഭിനയിക്കുന്നു, നമ്മള് ആത്മാക്കള് കര്മ്മം ചെയ്യുന്നു, നമ്മള് ആത്മാക്കള് പരമാത്മാവിന്റെ കുട്ടികളാണ്. എത്ര അത്ഭുതകരമായ ജ്ഞാനമാണ്. ഈ ജ്ഞാനം ബാബയില്ത്തന്നെയാണ് ഉള്ളത്. അതിനാലാണ് ബാബയെത്തന്നെ വിളിക്കുന്നത്.

ബാബ ജ്ഞാനത്തിന്റെ സാഗരനാണ്. അതിനു വിപരീതം പിന്നീട് അജ്ഞാനത്തിന്റെ സാഗരവുമുണ്ട് ജ്ഞാനം അരകല്പം, അരകല്പം അജ്ഞാനം. ജ്ഞാനം ആര്ക്കും അറിയുന്നില്ല. ജ്ഞാനത്തെ പറയുന്നു രചയിതാവിലൂടെ രചനയെ അറിയുക. അപ്പോള് തീര്ച്ചയായും രചയിതാവില്ത്തന്നെയല്ലേ ജ്ഞാനമുള്ളത്. അതുകൊണ്ട് അവരെ രചയിതാവെന്നും പറയുന്നു. മനുഷ്യര് മനസ്സിലാക്കുന്നു രചയിതാവ് ഈ രചന രചിച്ചിരിക്കുന്നു. ബാബ മനസ്സിലാക്കിത്തരുന്നു ഇത് അനാദിയായി ഉണ്ടായതും ഉണ്ടാക്കപ്പെട്ടതുമായ കളിയാണ്. പറയുന്നു പതീതപാവനാ വരൂ അപ്പോള് രചയിതാവെന്ന് എങ്ങനെ പറയും? രചയിതാവെന്ന് പറയുന്നത് പ്രളയമുണ്ടായതിനു ശേഷം പിന്നീട് രചിക്കുമ്പോഴാണ്. ബാബയാണെങ്കില് പതീത ലോകത്തെ പാവനമാക്കി മാറ്റുകയാണ്. അപ്പോള് ഈ മുഴുവന് സൃഷ്ടി വൃക്ഷത്തിന്റെ ആദി-മദ്ധ്യ അന്ത്യം മധുര മധുരമായ കുട്ടികള് തന്നെയാണ് അറിയുന്നത്. എങ്ങനെയാണോ തോട്ടക്കാരന് ഓരോ ബീജത്തെക്കുറിച്ചും വൃക്ഷത്തേയും അറിയുന്നത്. ബീജത്തെ കാണുന്നതിലൂടെ മുഴുവന് വൃക്ഷവും ബുദ്ധിയില് വരുന്നു. അപ്പോള് ബാബ മനുഷ്യസൃഷ്ടിയുടെ ബീജമാണ്. എന്നാല് അവരെ ആരും തന്നെ അറിയുന്നില്ല. പാടാറുണ്ട് പരമപിതാ പരമാത്മാവ് മനുഷ്യസൃഷ്ടിയുടെ ബീജരൂപമാണ്. സത് ചിത്ത് ആനന്ദസ്വരൂപമാണ്, സുഖം, ശാന്തി, പവിത്രതയുടെ സാഗരനാണ്. നിങ്ങള്ക്കറിയാം ഈ മുഴുവന് ജ്ഞാനവും പരമപിതാപരമാത്മാവ് ഈ ശരീരത്തിലൂടെ നല്കിക്കൊണ്ടിരിക്കുകയാണ്. എങ്കില് തീര്ച്ചയായും ഇവിടേക്ക് വരുമല്ലോ. പ്രേരണയിലൂടെ എങ്ങനെ പതീതരെ പാവനമാക്കി മാറ്റും. ബാബ ഇവിടെ വന്ന് എല്ലാവരേയും പാവനമാക്കി കൂട്ടിക്കൊണ്ടുപോകുന്നു. ബാബയാണ് നിങ്ങളെ പാഠം പഠിപ്പിക്കുന്നത്. ഇത് പുരുഷോത്തമസംഗമയുഗമാണ്. നിങ്ങള്ക്ക് പ്രഭാഷണം ചെയ്യാന് സാധിക്കണം. അതായത് എങ്ങിനെയാണ് ആത്മാവ് തമോപ്രധാനത്തില്നിന്ന് ശ്രേഷ്ഠ സതോപ്രധാനമായി മാറുന്നത്. നിങ്ങളുടെ അടുത്ത് വിഷയങ്ങള് വളരെയുണ്ട്. ഈ പതീത തമോപ്രധാനലോകം സതോപ്രധാനമായി എങ്ങനെ മാറുന്നു ഇതും മനസ്സിലാക്കുന്നതിനുള്ളതാണ്. മുന്നോട്ട് പോകുന്തോറും നിങ്ങളുടെ ഈ ജ്ഞാനം അനേകം പേര് കേള്ക്കും. അഥവാ വിട്ടുപോയാലും പിന്നീട് വരും. കാരണം ഗതിയുടേയും സദ്ഗതിയുടേയും കട ഇതൊന്നുമാത്രമാണ്. നിങ്ങള്ക്ക് പറയാന് സാധിക്കണം സര്വ്വരുടേയും സദ്ഗതിദാതാവ് ഒരേയൊരു ബാബയാണ്. ബാബയെ ശ്രീ ശ്രീ എന്ന് പറയും. ശ്രേഷ്ഠത്തിലും ശ്രേഷ്ഠം പരമപിതാ പരമാത്മാവാണ്. ബാബ നമ്മെ ശ്രേഷ്ഠമാക്കി മാറ്റുന്നു. ശ്രേഷ്ഠം സത്യയുഗമാണ്. കലിയുഗം ഭ്രഷ്ടമാണ്. പറയാറുണ്ട് ഭ്രഷ്ടാചാരികളെന്ന്. പക്ഷേ സ്വയത്തെ മനസ്സിലാക്കുന്നില്ല. ഈ പതീതലോകത്തില് ഒരാളും ശ്രേഷ്ഠരല്ല. ശ്രീ ശ്രീ ശിവബാബ എപ്പോഴാണോ വരുന്നത് അപ്പോള് നമ്മെ ശ്രേഷ്ഠമാക്കി മാറ്റുന്നു. ശ്രീ എന്ന ടൈറ്റില് സത്യയുഗത്തിന്റെ ആരംഭത്തില് ദേവതകള്ക്കുണ്ടായിരുന്നു. ഇവിടെയാണെങ്കില് എല്ലാവരേയും ശ്രീയെന്ന് പറയും. വാസ്തവത്തില് ശ്രീ എന്ന പദം തന്നെ പവിത്രതയെക്കുറിക്കുന്നതാണ്. മറ്റുള്ള ധര്മ്മത്തിലുള്ള ആരെയും ശ്രീയെന്ന് പറയില്ല. ശ്രീ പോപ്പ് എന്ന് പറയാറുണ്ടോ? ഇവിടെയാണെങ്കില് എല്ലാവരേയും പറഞ്ഞുകൊണ്ടിരിക്കും. മുത്തുകള് പെറുക്കുന്ന ഹംസവും, അഴുക്കു കഴിക്കുന്ന കൊക്കും തമ്മില് വ്യത്യാസമുണ്ടല്ലോ. ഈ ദേവതകള് പൂക്കളാണ്. സ്വര്ഗ്ഗം അല്ലാഹുവിന്റെ പൂന്തോട്ടമാണ്. ബാബ നിങ്ങളെ പൂക്കളാക്കി മാറ്റിക്കൊണ്ടിരിക്കുന്നു. ബാക്കി പൂക്കളില് വൈവിദ്ധ്യമുണ്ട്. ഏറ്റവും നല്ല പൂവാണ് പൂക്കളുടെ രാജവ്. ഈ ലക്ഷ്മീനാരായണനെ പുതിയ ലോകത്തിലെ രാജാ റാണി പുഷ്പമെന്ന് പറയും.

നിങ്ങള് കുട്ടികള്ക്ക് ഉള്ളില് സന്തോഷമുണ്ടായിരിക്കണം. ഇവിടെ പുറമേ ഒന്നും തന്നെ ചെയ്യേണ്ടതില്ല. ഈ വിളക്കുകള് കൊളുത്തുന്നതിന്റെ അര്ത്ഥം അറിയണം. ശിവജയന്തിയില് കൊളുത്തണോ അതോ ദീപാവലിയിലോ? ദീപാവലിയില് ലക്ഷ്മിയെ ആഹ്വാനം ചെയ്യുന്നു. ലക്ഷ്മിയില്നിന്നും പൈസ യാചിക്കുന്നു. എന്നാല് ഭണ്ഡാരം നിറയ്ക്കുന്നത് ശിവഭോലാഭണ്ഡാരിയാണ്. നിങ്ങള്ക്കറിയാം ശിവബാബയിലൂടെ നമ്മുടെ അളവറ്റ ഖജനാവ് നിറയുന്നു. ഈ ജ്ഞാനരത്നം ധനമാണ്. സത്യയുഗത്തിലും നിങ്ങളുടെ അടുത്ത് അളവറ്റ ധനമുണ്ടാകും. പുതിയ ലോകത്തില് നിങ്ങള് സമ്പന്നരായിത്തീരുന്നു. സത്യയുഗത്തില് വളരെയധികം വജ്രവൈഢൂര്യങ്ങളുണ്ടായിരുന്നു. പിന്നീട് വീണ്ടും ഉണ്ടാകും. മനുഷ്യര് സംശയിക്കുന്നു. ഇതെല്ലാം അവസാനിച്ചാല് പിന്നീട് എവിടുന്നു വരും? ഖനികളെല്ലാം തൂര്ന്നു പോയി, പര്വ്വതങ്ങള് തകര്ന്നു, പിന്നീട് എവിടെനിന്നുണ്ടാകും. പറയൂ ചരിത്രം ആവര്ത്തിക്കപ്പെടില്ലേ. എന്തെല്ലാം ഉണ്ടായിരുന്നുവോ അതെല്ലാം പിന്നീട് ആവര്ത്തിക്കും. നിങ്ങള് കുട്ടികള് പുരുഷാര്ത്ഥം ചെയ്തുകൊണ്ടിരിക്കുകയാണ് സ്വര്ഗ്ഗത്തിന്റെ അധികാരിയായി മാറുന്നതിന്. സ്വര്ഗ്ഗത്തിന്റെ ഹിസ്റ്ററി, ജ്യോഗ്രഫി പിന്നീട് ആവര്ത്തിക്കും. ഗീതത്തിലുണ്ടല്ലോ - അങ്ങ് മുഴുവന് സൃഷ്ടിയും മുഴുവന് സമുദ്രവും മുഴുവന് ഭൂമിയും ഞങ്ങള്ക്കു നല്കി. അതാര്ക്കും നമ്മില് നിന്ന് തട്ടിയെടുക്കാന് സാധിക്കില്ല. അതിനു പകരമായി ഇപ്പോഴെന്താണ് നടക്കുന്നത്! ഭൂമിക്കുവേണ്ടി, വെള്ളത്തിനുവേണ്ടി, ഭാഷയ്ക്കുവേണ്ടി വഴക്കടിക്കുന്നു.

സ്വര്ഗ്ഗത്തിന്റെ രചയിതാവായ ബാബയുടെ ജന്മം ആഘോഷിക്കുന്നു. തീര്ച്ചയായും ബാബ സ്വര്ഗ്ഗത്തിന്റെ ചക്രവര്ത്തീ പദവി നല്കിയിട്ടുണ്ട്. ഇപ്പോള് നിങ്ങളെ ബാബ പഠിപ്പിച്ചുകൊണ്ടിരിക്കുന്നു. നിങ്ങള്ക്ക് ഈ ശരീരത്തിന്റെ നാമരൂപത്തില്നിന്ന് വേറിട്ട് സ്വയത്തെ ആത്മാവെന്ന് മനസ്സിലാക്കണം. പവിത്രമായി മാറണം - ഒന്നുകില് യോഗബലത്തിലൂടെ അല്ലെങ്കില് ശിക്ഷകളനുഭവിച്ച്. പിന്നീട് പദവിയും കുറവാകും. വിദ്യാര്ത്ഥികളുടെ ബുദ്ധിയിലുണ്ടായിരിക്കുമല്ലോ നമ്മള് ഇന്ന പദവി നേടും എന്ന്. ടീച്ചര് ഇത്രത്തോളം പഠിപ്പിച്ചിട്ടുണ്ട്. പിന്നീട് ടീച്ചര്ക്കും സമ്മാനം കൊടുക്കാറുണ്ട്. ഇവിടെയാണെങ്കില് ബാബ നിങ്ങളെ വിശ്വത്തിന്റെ അധികാരിയാക്കി മാറ്റുന്നു. അതിനാല് നിങ്ങള് ഭക്തിമാര്ഗ്ഗത്തില് ബാബയെ ഓര്മ്മിക്കുന്നു. ബാബയ്ക്ക് നിങ്ങള് എന്ത് സമ്മാനം നല്കാനാണ്? ഇവിടെ നിങ്ങള് എന്തെല്ലാം കാണുന്നോ അതൊന്നും നിലനില്ക്കില്ല. ഇത് പഴയ മോശമായ ലോകമാണ് അതിനാലാണ് എന്നെ വിളിക്കുന്നത്. ബാബ നിങ്ങളെ പതീതത്തില്നിന്ന് പാവനമാക്കി മാറ്റുന്നു. ഈ കളിയെ ഓര്മ്മിക്കണം. എന്നില് രചനയുടെ ആദി-മദ്ധ്യ-അന്ത്യത്തിന്റെ നോളേജുണ്ട്. അത് നിങ്ങളെ കേള്പ്പിക്കുന്നു. നിങ്ങള് ഇപ്പോള് കേള്ക്കുന്നു പിന്നീട് മറക്കും. 5000 വര്ഷങ്ങള്ക്കുശേഷം വീണ്ടും ചക്രം പൂര്ത്തിയാകുന്നു. നിങ്ങളുടെ പാര്ട്ട് എത്ര മധുരമാണ്. നിങ്ങള് സതോപ്രധാനവും സ്നേഹിയുമായി മാറുന്നു. പിന്നീട് നിങ്ങള് തമോപ്രധാനമായും മാറുന്നു. ബാബാ വരൂ എന്ന് നിങ്ങള് തന്നെയാണ് വിളിക്കുന്നത്. ഇപ്പോള് ഞാന് വന്നിരിക്കുന്നു. നിശ്ചയമുണ്ടെങ്കില് ശ്രീമത്തിലൂടെ നടക്കണം. തെറ്റുകള് ചെയ്യരുത്. പല കുട്ടികളും അഭിപ്രായ വ്യത്യാസത്തിലേക്ക് വന്ന് പഠിപ്പ് ഉപേക്ഷിക്കുന്നു. ശ്രീമത്തിലൂടെ നടന്നില്ലായെങ്കില് നിങ്ങള് തന്നെ തോറ്റുപോകും. ബാബ പറയുന്നു അവനവനോടു ദയ കാണിക്കൂ. ഓരോരുത്തര്ക്കും പഠിച്ച് സ്വയം രാജ്യതിലകം നേടണം. ബാബയ്ക്കാണെങ്കില് പഠിപ്പിക്കുന്നതിന്റെ കര്ത്തവ്യമാണ് ഇതില് ആശീര്വ്വാദത്തിന്റെ കാര്യമില്ല. അങ്ങനെയാണെങ്കില് എല്ലാവരിലും ആശീര്വ്വാദം ചൊരിയേണ്ടതായി വരും. കൃപ ഭക്തിമാര്ഗ്ഗത്തിലാണ് യാചിക്കുന്നത്. ഇവിടെ ആ കാര്യമില്ല. ശരി !

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. പ്രവൃത്തിയിലിരുന്നുകൊണ്ടും(കുടുംബം) പരസ്പരം പുരുഷാര്ത്ഥത്തില് മത്സരിക്കണം. എന്നാല് ഏതെങ്കിലും കാര്യത്തില് ഒരു ചക്രം പതുക്കെയാകുകയാണെങ്കില് അതിന്റെ പിന്നില് മറ്റേതും നിന്നുപോകരുത്. രാജ്യതിലകം പ്രാപ്തമാക്കുന്നതിന് സ്വയം തന്നെ യോഗ്യനാക്കി മാറ്റണം.

2. ശിവജയന്തി വളരെ ഗംഭീരമായി ആഘോഷിക്കണം കാരണം ശിവബാബ ഏതൊരു ജ്ഞാനരത്നമാണോ നല്കുന്നത് അതിലൂടെ നിങ്ങള് പുതിയ ലോകത്തില് സമൃദ്ധരായി മാറുന്നു. നിങ്ങളുടെ എല്ലാ ഭണ്ഡാരവും സമ്പന്നമായിരിക്കും.

വരദാനം :-
സര്വ്വ പദാര്ത്ഥങ്ങളുടെ ആസക്തിയില് നിന്ന് വേറിട്ട് അനാസക്തരും പ്രകൃതിജീത്തുമായി ഭവിയ്ക്കട്ടെ.

അഥവാ ഏതെങ്കിലും പദാര്ത്ഥം കര്മ്മേന്ദ്രിയങ്ങളെ ചഞ്ചലപ്പെടുത്തുന്നുണ്ടെങ്കില് അഥവാ ആസക്തിയുടെ ഭാവം ഉത്പന്നമാകുന്നു എങ്കില് ഒരിക്കലും വേറിട്ടിരിക്കുവാന് സാധിക്കില്ല. ഇച്ഛകള് തന്നെയാണ് ആസക്തിയുടെ രൂപം. പലരും പറയാറുണ്ട് ഇച്ഛയില്ല, എന്നാല് നല്ലതായി തോന്നുന്നുണ്ട്. അപ്പോള് ഇതും സൂക്ഷ്മ ആസക്തിയാണ്, ഇതിനെ വളരെയധികം സൂക്ഷ്മ തലത്തില് പരിശോധിക്കണം, ഈ പദാര്ത്ഥം അതായത് അല്പകാലത്തേക്കുളള സുഖത്തിന്റെ സാധനം എന്നെ ആകര്ഷിക്കുന്നില്ലല്ലോ? ഈ പദാര്ത്ഥം പ്രകൃതിയുടെ സാധനമാണ്, ഇപ്പോള് ഇതില് നിന്നും അനാസക്തര് അര്ത്ഥം വേറിട്ടിരിക്കുകയാണെങ്കില് പ്രകൃതിജീത്തായിത്തീരുന്നു.

സ്ലോഗന് :-
എന്റെ-എന്റെ എന്ന കുഴപ്പങ്ങളെ ഉപേക്ഷിച്ച് പരിധിയില്ലാത്തതിലിരിക്കൂ, അപ്പോള് പറയും വിശ്വമംഗളകാരികള്.