07.11.2023           Morning Malayalam Murli       Om Shanti           BapDada Madhuban


മധുരമായ കുട്ടികളെ- ജാഗ്രതയോടെ പഠിപ്പില് പൂര്ണ്ണ ശ്രദ്ധ കൊടുക്കൂ, ശിവബാബയോടാണ് ഞങ്ങള്ക്ക് ഡയറക്ട് കണക്ഷന് എന്നല്ല, ഇങ്ങനെ പറയുന്നതും ദേഹാഭിമാനമാണ്.

ചോദ്യം :-
ഭാരതം അവിനാശിയായ തീര്ത്ഥസ്ഥാനമാണ്- എങ്ങിനെ?

ഉത്തരം :-
ഭാരതം അച്ഛന്റെ ജന്മസ്ഥാനമായതിനാല് അവിനാശീ ഖണ്ഢമാണ്, ഈ അവിനാശീ ഖണ്ഢത്തില് സത്യ-ത്രേതായുഗങ്ങളില് ദേവീദേവതകള് രാജ്യം ഭരിച്ചിരുന്നു, ആ സമയത്തെ ഭാരതത്തെ ശിവാലയം എന്നാണ് വിളിച്ചത്. പിന്നീട് ഭക്തിമാര്ഗ്ഗത്തില് ജഢമൂര്ത്തികളെ നിര്മ്മിച്ച് പൂജചെയ്യുന്നു, ശിവക്ഷേത്രങ്ങളും അനേകം നിര്മ്മിക്കുന്നു അതിനാല് ഈ സമയത്തും തീര്ത്ഥസ്ഥാനമാണ് അതിനാല് ഭാരതത്തെ അവിനാശീ തീര്ത്ഥസ്ഥാനമെന്ന് പറയാന് സാധിക്കും.

ഗീതം :-
രാത്രിയിലെ യാത്രക്കാരാ, ക്ഷീണിക്കരുത്...........

ഓംശാന്തി.  
ഓ രാത്രിയിലെ യാത്രക്കാരാ ക്ഷീണിക്കരുത് എന്ന് ആരാണ് ശ്രദ്ധയുണര്ത്തുന്നത്? ഇത് ശിവബാബയാണ് പറയുന്നത്. ചില കുട്ടികള് ഇങ്ങനെ കരുതുന്നു എന്റേത് ശിവബാബ മാത്രമാണ്, ശിവബാബയുമായി എനിക്ക് ഡയറക്ട് കണക്ഷനാണ്. പക്ഷേ ശിവബാബ കേള്പ്പിക്കുന്നത് തീര്ച്ചയായും ബ്രഹ്മാമുഖത്തിലൂടെയല്ലേ. ചിലര് കരുതുന്നു ശിവബാബ എനിക്ക് നേരിട്ട് പ്രേരണ നല്കുകയാണ്. പക്ഷേ ഈ ചിന്തിക്കുന്നത് തെറ്റാണ്. ശിവബാബ തീര്ച്ചയായും ബ്രഹ്മാമുഖത്തിലൂടെയേ പഠിപ്പിക്കൂ. നിങ്ങള്ക്ക് മനസ്സിലാക്കിത്തരുകയാണ് കുട്ടികളേ ക്ഷീണിച്ചുപോകരുത്. ശിവബാബയുമായി നിങ്ങള്ക്ക് കണക്ഷനുണ്ട്, നല്ലത് തന്നെ . ശിവബാബയും പറയുന്നത് മന്മനാഭവ എന്നുതന്നെയാണ്. ബ്രഹ്മാബാബയും പറയുന്നു മന്മനാഭവ. അതിനാല് ബ്രഹ്മാകുമാരന്മാരും കുമാരിമാരും പറയുന്നു മന്മനാഭവ. പക്ഷേ ശ്രദ്ധയുണര്ത്താന് മുഖം ആവശ്യമാണല്ലോ. ചില കുട്ടികള് കരുതുന്നു ഞങ്ങള്ക്ക് ശിവബാബയോടാണ് കണക്ഷന്. പക്ഷേ നിര്ദ്ദേശങ്ങള് ബ്രഹ്മാവിലൂടെയല്ലേ തരുക. അഥവാ നിര്ദ്ദേശങ്ങള് നേരിട്ട് ലഭിക്കുകയാണെങ്കില് പിന്നെ ബാബക്ക് ഇവിടെ വരേണ്ട ആവശ്യം തന്നെ എന്താണ്? ഇങ്ങനെ ചിന്തിക്കുന്ന കുട്ടികളുമുണ്ട്- ശിവബാബയ്ക്ക് ബ്രഹ്മാവിലൂടെ സംസാരിക്കാന് കഴിയുമെങ്കില് നമ്മളിലൂടെയും സംസാരിക്കാന് സാധിക്കും. പക്ഷേ ബ്രഹ്മാവില്ലാതെ കണക്ഷന് ഉണ്ടാവില്ല. ചില കുട്ടികള് ബ്രഹ്മാവിനോട് അല്ലെങ്കില് ബ്രഹ്മാകുമാര്-കുമാരിമാരോട് പിണങ്ങുമ്പോള് ഇങ്ങനെ പറയുന്നു. ശിവബാബയോട് യോഗം വെയ്ക്കുകതന്നെ വേണം. അച്ഛന് കുട്ടികള്ക്ക് പഠിപ്പില് ശ്രദ്ധ നല്കുന്നതിനുവേണ്ടി പറയേണ്ടിവരുകയാണ്. അച്ഛന് മനസ്സിലാക്കിത്തരുന്നു നിങ്ങള് സമയത്തിന് ക്ലാസിലേയ്ക്ക് വരുന്നില്ല, ഇത് ആരാണ് പറഞ്ഞത്? ശിവബാബയും ബ്രഹ്മാദാദയും രണ്ടുപേരും പറഞ്ഞു, രണ്ടുപേരുടേയും ശരീരം ഒന്നാണ്. അതിനാല് പറയുന്നു ജാഗരുകരായി പഠിപ്പില് പരിപൂര്ണ്ണ ശ്രദ്ധനല്കു. ഉയര്ന്നതിലും ഉയര്ന്ന അച്ഛനാണ് പഠിപ്പിക്കുന്നത്. ആദ്യം ശിവബാബയുടെ മഹിമ ചെയ്യണം. ബാബയുടെ മഹിമ വളരെ ഉയര്ന്നതാണ്. ബാബയുടെ മഹിമ അനന്തമാണ് . അച്ഛന്റെ മഹിമകളുടെ വളരെ നല്ല നല്ല പദങ്ങളുണ്ട് എന്നിട്ടും കുട്ടികള് ചിലപ്പോള് മറന്നുപോകുന്നു. വിചാരസാഗര മഥനം ചെയ്ത് ബാബയുടെ മുഴുവന് മഹിമകളും എഴുതണം.

പുതിയ മനുഷ്യന് എന്ന് ആരെയാണ് പറയുന്നത്? തീര്ച്ചയായും സ്വര്ഗ്ഗത്തിലെ പുതിയ മനുഷ്യന് കൃഷ്ണനാണ്. പക്ഷേ ഈ സമയത്ത് ബ്രാഹ്മണരുടെ കുടുമയെക്കുറിച്ചാണ് പാടിയിട്ടുള്ളത്. കുട്ടികള്ക്ക് ജന്മം നല്കിയശേഷം പഠിപ്പിക്കുന്നു. അഥവാ ലക്ഷ്മീ നാരായണന്മാരെ പുതിയ മനുഷ്യര് എന്നു പറയുകയാണെങ്കില് അവര്ക്ക് ശിക്ഷണം കൊടുക്കേണ്ട ആവശ്യം തന്നെയില്ല. എങ്കില് ഇപ്പോള് പുതിയ മനുഷ്യന് ആരാണ്? ഇത് മനസ്സിലാക്കേണ്ടതും മനസ്സിലാക്കിക്കൊടുക്കേണ്ടതുമായ വളരെ വലിയ കാര്യമാണ്. അച്ഛന് സര്വ്വശക്തിവാനാണ്, വിശ്വത്തിന്റെ സര്വ്വാധികാരിയാണ്. വിശ്വത്തിന്റെ സര്വ്വശക്തിവാന് എന്ന പദം അച്ഛന്റെ മഹിമകളില് എഴുതാന് മറന്നുപോകുന്നു. ഭാരതം അവിനാശിയായ തീര്ത്ഥസ്ഥാനമാണെന്ന് ഭാരതത്തിന്റെ മഹിമ പാടുന്നു, എന്തുകൊണ്ട്? തീര്ത്ഥാടനങ്ങള് ഭക്തിമാര്ഗ്ഗത്തിലാണുണ്ടാകുന്നത്. എങ്കില് പിന്നെ ഭാരതത്തെ അവിനാശീ തീര്ത്ഥസ്ഥാനമെന്ന് പറയാന് എങ്ങനെ സാധിക്കും? എങ്ങിനെയാണ് അവിനാശീ തീര്ത്ഥസ്ഥാനമാകുന്നത്? സത്യയുഗത്തെ നമുക്ക് തീര്ത്ഥസ്ഥാനമെന്ന് പറയാന് സാധിക്കുമോ? നമ്മള് ഭാരതം അവിനാശീ തീര്ത്ഥസ്ഥാനമാണെന്ന് എഴുതുന്നു എന്തുകൊണ്ട്? വ്യക്തമായി മനസ്സിലാക്കിക്കൊടുക്കണം ങാ, സത്യ-ത്രതായുഗങ്ങളിലും ഇവിടം തീര്ത്ഥസ്ഥാനമായിരുന്നു, ദ്വാപര-കലിയുഗങ്ങളിലും തീര്ത്ഥസ്ഥാനമാണ്. അവിനാശീ എന്നു പറയുന്നതിനാല് നാലുയുഗങ്ങളിലും സിദ്ധമാക്കി പറഞ്ഞുകൊടുക്കണം. തീര്ത്ഥാടനങ്ങള് ആരംഭിക്കുന്നത് ദ്വാപരം മുതലാണ്. എങ്കില് ഭാരതം അവിനാശീ തീര്ത്ഥസ്ഥാനമാണെന്ന് നമുക്ക് എഴുതാന് കഴിയുമോ? സത്യ-ത്രേതായുഗങ്ങളിലും തീര്ത്ഥസ്ഥാനമായിരുന്നു, ഇവിടെ ചൈതന്യ ദേവീദേവതകള് വസിച്ചിരുന്നു. ഇവിടെയുള്ളത് ജഢതീര്ത്ഥമാണ്, ശിവാലയമായിരുന്നപ്പോള് അവിടെയുണ്ടായിരുന്നത് ചൈതന്യത്തിലുള്ള സത്യം സത്യമായ തീര്ത്ഥമാണ്. ഈ കാര്യങ്ങള് അച്ഛനാണ് വന്നിരുന്ന് മനസ്സിലാക്കിത്തരുന്നത്. ഭാരതമാണ് അവിനാശീ ഖണ്ഢം. ബാക്കി എല്ലാം വിനാശമാകും. ഈ കാര്യങ്ങള് ഒരു മനുഷ്യനും അറിയില്ല. പതിതപാവനനായ അച്ഛന് ഇവിടെ വന്ന് ആരെയാണോ പാവന ദേവീദേവതയാക്കി മാറ്റുന്നത് അവരാണ് പിന്നീട് ഈ ശിവാലയത്തില് വസിക്കുന്നത്. ഇവിടെയാണെങ്കില്ഭദ്രീനാഥ്, അമര്നാഥിലേയ്ക്ക് പോകേണ്ടി വരുന്നു. അവിടെ ഭാരതം തന്നെ തീര്ത്ഥസ്ഥാനമാണ്. അവിടെ ശിവബാബയുണ്ട് എന്നല്ല പറയുന്നത്. ശിവബാബ ഇപ്പോഴാണുള്ളത്. മുഴുവന് മഹിമയും ഇപ്പോഴത്തേതാണ്. ഇത് ശിവബാബയുടെ ജന്മസ്ഥലമാണ്. ഇത് ബ്രഹ്മാവിന്റെ ജന്മസ്ഥലവും കൂടിയാണ്. ശങ്കരന്റെ ജന്മസ്ഥലം എന്ന് പറയാറില്ല. ശങ്കരന് ഇവിടെ വരേണ്ട ആവശ്യം തന്നെയില്ല. ശങ്കരന് വിനാശാര്ത്ഥം നിമിത്തമായിരിക്കുകയാണ്. വിഷ്ണു വന്ന് രണ്ട് രൂപങ്ങളില് രാജ്യം ഭരിക്കുന്നു, പാലന ചെയ്യുന്നു. വിഷ്ണുവിന്റെ രണ്ട് രൂപങ്ങള് യുഗള്സായിട്ടാണ് കാണിക്കുന്നത്. അവരുടെ അടയാളമാണ് വിഷ്ണു. അവര് സത്യയുഗത്തിലാണ് വരുന്നത്. അതിനാല് നമുക്ക് ചെയ്യേണ്ടത് ഒരച്ഛന്റെ മഹിമയാണ്. ബാബ രക്ഷകനുമാണ്. ലോകരാണെങ്കില് ധര്മ്മസ്ഥാപകരേപ്പോലും രക്ഷകര് എന്നു വിളിക്കുന്നു. ക്രിസ്തു, ബുദ്ധന് മുതലായവരെ രക്ഷകര് എന്നു വിളിക്കുന്നു. അവര് സമാധാനം സ്ഥാപിക്കാനായി വന്നവരാണെന്ന് കരുതുന്നു. പക്ഷേ അവര് സമാധാനം സ്ഥാപിക്കുകയോ ആരെയെങ്കിലും ദുഃഖത്തില് നിന്നും മോചിപ്പിക്കുകയോ ചെയ്യുന്നില്ല. അവര്ക്ക് ധര്മ്മത്തിന്റെ സ്ഥാപനയാണ് ചെയ്യേണ്ടത്. അവരുടെ പുറകില് അവരുടെ ധര്മ്മത്തിലുള്ളവര് വരുന്നു. ഈ രക്ഷകന് എന്ന പദം നല്ലതാണ്. ഇതും തീര്ച്ചയായും ഇടണം. ഈ ചിത്രങ്ങള് എപ്പോഴാണോ വിദേശത്ത് പ്രത്യക്ഷമാകുന്നത് അപ്പോളിത് എല്ലാഭാഷകളിലും വരും. ലോകര് പോപ്പിന് എത്ര മഹിമ പാടുന്നു. പ്രിസിഡണ്ട് മരിച്ചുപോയാല് എത്ര മഹിമ പാടുന്നു, എത്ര വലിയ ആളാണോ അത്രയും പ്രശംസ ലഭിക്കുന്നു. എന്നാല് ഈ സമയത്ത് എല്ലാവരും ഒരുപോലെയായി. ഭഗവാനെ സര്വ്വവ്യാപി എന്നു പറയുന്നു. എല്ലാ ആത്മാക്കളും തന്റെ അച്ഛനെ കളങ്കപ്പെടുത്തിക്കൊണ്ട് പറയുന്നു ഞങ്ങള് എല്ലാവരും അച്ഛന്മാരാണ്. ലൗകികത്തിലെ കുട്ടിയ്ക്ക് പോലും പറയാന് സാധിക്കില്ല ഞാന് തന്നെയാണ് അച്ഛനെന്ന്. ങാ, എപ്പോഴാണോ അവര്ക്ക് തന്റെ മക്കളുണ്ടാകുന്നത് അപ്പോള് ആ കുട്ടികളുടെ അച്ഛനാവും. ഇങ്ങനെ സംഭവിക്കാം. ഇവിടെ നമ്മള് എല്ലാ ആത്മാക്കളുടേയും അച്ഛന് ഒന്നാണ്. നമുക്ക് അവരുടെ അച്ഛനാവാനേ സാധിക്കില്ല. പിന്നെ ജ്ഞാനത്തിന്റെ വഴിപ്രകാരം പറയാറുണ്ട് ശിവബാലകനെ അവകാശിയാക്കുന്നുവെന്ന്. ഈ കാര്യങ്ങള് വളരെ വിരളമായേ ആളുകള് മനസ്സിലാക്കു. ശിവബാലകനെ അവകാശിയാക്കി ശിവനില് ബലിയാകുന്നു. ശിവബാബയില് കുട്ടികള് അര്പ്പണമാകുന്നു. ഇത് എക്സ്ചേഞ്ചാണ്. സമ്പത്ത് നല്കുന്നതിന് എത്ര മഹത്വമാണ്. അച്ഛന് പറയുന്നു ദേഹസഹിതം എന്തെല്ലാമുണ്ടോ അതിന്റെയെല്ലാം അനന്തരാവകാശിയാക്കി എന്നെമാറ്റു. പക്ഷേ ദേഹാഭിമാനം മുറിയുക ബുദ്ധിമുട്ടാണ്. സ്വയം ആത്മാവാണെന്ന് മനസ്സിലാക്കി അച്ഛനെ ഓര്മ്മിക്കണം അപ്പോഴേ ദേഹാഭിമാനം മുറിയൂ. ദേഹീ-അഭിമാനിയായി മാറുക വളരെ പ്രയാസമാണ്. നമ്മള് ആത്മാക്കള് അവിനാശിയാണ്. നമ്മള് സ്വയം ശരീരമാണെന്നു കരുതിയിരിക്കുകയാണ്. ഇപ്പോള് വീണ്ടും സ്വയം ആത്മാവാണെന്നു മനസ്സിലാക്കണം- ഇതിലാണ് പരിശ്രമം. ഏറ്റവും കലശലായ രോഗം ദേഹാഭിമാനത്തിന്റേതാണ്. സ്വയം ആത്മാവാണെന്നു മനസ്സിലാക്കി പരമപിതാ പരമാത്മാവിനെ ഓര്മ്മിച്ചില്ലെങ്കില് വികര്മ്മം വിനാശമാകില്ല.

അച്ഛന് മനസ്സിലാക്കിത്തരുകയാണ് നല്ലരീതിയില് പഠിക്കുകയും എഴുതുകയും ചെയ്താല് ചക്രവര്ത്തിയാവും. ശ്രീമതത്തിലൂടെ നടക്കണം, ഇല്ലെങ്കില് ശ്രീ ശ്രീയുടെ ഹൃദയത്തില് കയറുക എന്നത് അസംഭവ്യമാകും. ഹൃദയത്തില് കയറിയാലേ സിംഹാസനത്തില് ഇരിക്കാന് പറ്റൂ. തീര്ത്തും ദയാഹൃദയരായി മാറണം. മനുഷ്യര് വളരെ ദുഃഖികളാണ്. പക്ഷേ കാണാനാണെങ്കിലോ വളരെ ധനികരും. പോപ്പിനെ നോക്കൂ എത്ര അംഗീകാരമാണ്. അച്ഛന് പറയുന്നു ഞാന് എത്ര നിരഹങ്കാരിയാണ്. എന്നെ സ്വാഗതം ചെയ്യാന് ഇത്രയധികം ചിലവൊന്നും ചെയ്യരുതെന്ന് ലോകത്തുള്ള ആരെങ്കിലും പറയുമോ. ബാബ എവിടെ പോവുകയാണെങ്കിലും ആദ്യം തന്നെ എഴുതിയറിയിക്കും- ഒരു ആര്ഭാടവും വേണ്ട, സ്റ്റേഷനിലേയ്ക്ക് എല്ലാവരും വരേണ്ടതില്ല, എന്തെന്നാല് ഞാന് ഗുപ്തമാണ്. ഇതും ചെയ്യേണ്ട ആവശ്യമില്ല. കാരണം ആര്ക്കും അറിയില്ല ഇത് ആരാണെന്ന്. ബാക്കി എല്ലാവരേയും അറിയാം. എന്നാല് ശിവബാബയെ തീര്ത്തും അറിയില്ല. അതിനാല് ഗുപ്തമായിരിക്കുന്നതാണ് നല്ലത്. എത്രത്തോളം നിരഹങ്കാരിയാകുന്നോ അത്രയും നല്ലത്. നിങ്ങളുടെ ജ്ഞാനം തന്നെ ശാന്തമായിരിക്കുന്നതിന്റേതാണ്. ഇരുന്ന് അച്ഛന്റെ മഹിമ ചെയ്യണം. ബാബ പതിതപാവനനും സര്വ്വശക്തിവാനുമാണെന്നത് അച്ഛനില് നിന്ന് തന്നെയാണ് മനസ്സിലാക്കുന്നത്. അച്ഛനില് നിന്നു തന്നെയാണ് സമ്പത്ത് ലഭിക്കേണ്ടത്. ഇങ്ങനെ കുട്ടികള്ക്കല്ലാതെ മറ്റാര്ക്കും പറയാന് സാധിക്കില്ല. നിങ്ങള് പറയും ശിവബാബയില് നിന്നും ഞങ്ങള്ക്ക് പുതിയ ലോകത്തിന്റെ സമ്പത്ത് ലഭിച്ചുകൊണ്ടിരിക്കുകയാണ്. ചിത്രവുമുണ്ട്. നമ്മള് ഈ ദേവതകളേപ്പോലെയായി മാറുകയാണ്. ശിവബാബ നമ്മള്ക്ക് ബ്രഹ്മാവിലൂടെ സമ്പത്ത് നല്കുകയാണ്, അതിനാലാണ് ശിവബാബയുടെ മഹിമ പാടുന്നത്. പ്രഥമലക്ഷ്യം എത്ര വ്യക്തമാണ്. നല്കുന്നത് ബാബയാണ്. ബ്രഹ്മാവിലൂടെ പഠിപ്പിക്കുന്നു. ചിത്രങ്ങളിലൂടെ മനസ്സിലാക്കിക്കൊടുക്കണം. ശിവന്റെ ചിത്രങ്ങള് എത്രയാണ് ഉണ്ടാക്കിയിരിക്കുന്നത്. അച്ഛന് വന്ന് പതിതത്തില് നിന്നും പാവനമാക്കി മാറ്റി എല്ലാവരേയും മുക്തി, ജീവന്മുക്തിയിലേയ്ക്ക് കൊണ്ടുപോകുന്നു. ചിത്രങ്ങളിലും സ്പഷ്ടമാണ് അതിനാലാണ് ബാബ നിര്ബന്ധിക്കുന്നത് ഇത് എല്ലാവര്ക്കും നല്കു എങ്കില് അവര് അത് കൊണ്ടുപോയി വായിക്കും. ഇവിടെ നിന്നും സാധനങ്ങള് കൊണ്ടുപോയി വളരെ അലങ്കരിച്ച് വെയ്ക്കുന്നു. ഇത് വളരെ നല്ല സാധനമാണ്. തുണി കൊണ്ടുള്ള കര്ട്ടനുകളും വളരെ ഉപയോഗമുള്ളതാണ്. ഈ ചിത്രങ്ങളിലും തിരുത്തലുകള് നടന്നുകൊണ്ടിരിക്കും. രക്ഷകന് എന്ന വാക്കും അത്യാവശ്യമാണ്. രക്ഷകനായും പതിതവാനനായും മറ്റൊരാളില്ല. തീര്ച്ചയായും പാവനമായ ആത്മാക്കള് വരുന്നുണ്ട്, പക്ഷേ അവര് എല്ലാവരേയും പാവനമാക്കി മാറ്റുന്നില്ല. അവരുടെ ധര്മ്മത്തിലുള്ളവര്ക്ക് താഴെ പാര്ട്ടഭിനയിക്കാനായി വരണം. വിവേകശാലികളായ കുട്ടികള്ക്കേ ഈ പോയിന്റ്സ് ധാരണ ചെയ്യാന് കഴിയൂ.

ശ്രീമത്തിലൂടെ പൂര്ണ്ണമായി നടക്കാത്തതിനാല് പഠിക്കുന്നുമില്ല, പിന്നീട് തോറ്റുപോകുന്നു. സ്ക്കൂളില് സ്വഭാവവും പരിശോധിക്കും- ഇവരുടെ പെരുമാറ്റം എങ്ങനെയുള്ളതാണ്? ദേഹാഭിമാനം കാരണമാണ് എല്ലാ വികാരങ്ങളും വരുന്നത്. പിന്നീട് ധാരണ ഒട്ടും തന്നെയുണ്ടാകുന്നില്ല. ആജ്ഞാകാരീ കുട്ടികളേയാണ് അച്ഛന് സ്നേഹിക്കുക. വളരെയധികം പുരുഷാര്ത്ഥം ചെയ്യണം. ആര്ക്കെങ്കിലും മനസ്സിലാക്കിക്കൊടുക്കുമ്പോള് ആദ്യമാദ്യം അച്ഛന്റെ മഹിമകള് പറഞ്ഞുകൊടുക്കണം. അച്ഛനില് നിന്നും സമ്പത്ത് ലഭിക്കുന്നത് എങ്ങനെയാണ്? അച്ഛന്റെ മുഴുവന് മഹിമകളും എഴുതണം. ചിത്രങ്ങളെ മാറ്റാന് സാധിക്കില്ല. ബാക്കി പഠിപ്പിക്കേണ്ട കാര്യങ്ങള് മുഴുവന് എഴുതണം. അച്ഛന്റെ മഹിമ വേറിട്ടതാണ്. അച്ഛനില് നിന്നും കൃഷ്ണന് സമ്പത്ത് ലഭിച്ചു അതിനാല് കൃഷ്ണന്റെ മഹിമ മറ്റൊന്നാണ്. അച്ഛനെ അറിയാത്തതിനാല് ഭാരതം വലിയ തീര്ത്ഥസ്ഥാനമാണെന്നത് മനസ്സിലാക്കുന്നില്ല. ഭാരതം അവിനാശി തീര്ത്ഥസ്ഥാനമാണെന്നത് സിദ്ധമാക്കി പറഞ്ഞുകൊടുക്കണം. ഇങ്ങനെ നിങ്ങള് കുട്ടികള് മനസ്സിലാക്കിക്കൊടുത്താല് മനുഷ്യര് ഇത് കേട്ട് ആശ്ചര്യപ്പെടും. ഭാരതം വജ്രതുല്യമായിരുന്നു പിന്നീട് ഭാരതത്തെ കക്കയാക്കി മാറ്റിയത് ആരാണ്? ഇതിനെക്കുറിച്ച് മനസ്സിലാക്കിക്കൊടുക്കണം, വിചാരസാഗര മഥനം ചെയ്യേണ്ടത് വളരെ ആവശ്യമാണ്. ബാബ പെട്ടെന്ന് പറഞ്ഞുതരും ഇതില് ഇന്ന തിരുത്തല് ആവശ്യമാണ്. കുട്ടികള് ഇങ്ങനെ പറയുന്നില്ല. ബാബ തിരുത്തല് ആഗ്രഹിക്കുന്നു. ഒരു എഞ്ചിനീയറുണ്ടായിരുന്നു അദ്ദേഹത്തിന് മെഷീനിലെ കേട് മനസ്സിലാക്കാന് സാധിച്ചില്ല അപ്പോള് മറ്റൊരു അസിസ്റ്റന്റ് എഞ്ചിനീയര് പറഞ്ഞു ഇത് ഇങ്ങനെ ചെയ്താല് ശരിയാകും, പിന്നീട് അത് ശരിയാവുകയും ചെയ്തു. അപ്പോള് എഞ്ചിനീയര് വളരെ സന്തുഷ്ടനായി. പറഞ്ഞു ഇദ്ദേഹത്തിന് തീര്ച്ചയായും അധിക ശമ്പളം നല്കണം. അങ്ങനെ അദ്ദേഹത്തിന്റെ ശമ്പളം വര്ദ്ധിപ്പിച്ചു. അച്ഛനും പറയുന്നു നിങ്ങള് ശരിയാക്കു അപ്പോള് ബാബ ഹായ്, ഹായ് എന്നു പറയും. എങ്ങനെയാണോ ജഗദീഷ് സഞ്ജയനായത്, ചിലപ്പോള് നല്ല നല്ല പോയിന്റുകള് പുറത്തെടുക്കും അപ്പോള് ബാബ വളരെ സന്തുഷ്ടനാകും. കുട്ടികള്ക്ക് സേവനം ചെയ്യുന്നതിനുള്ള ലഹരിയുണ്ടാവണം. പ്രദര്ശികളും മേളകളും നടന്നുകൊണ്ടിരിക്കും. എവിടെ പ്രദര്ശിനികള് നടക്കുമ്പോഴും ഇതും കൊണ്ടുപോകണം. ഇവിടെ ബുദ്ധിയുടെ പൂട്ട് തുറക്കണം. എല്ലാവര്ക്കും സുഖം നല്കണം. സ്ക്കൂളില് പഠിക്കുന്നവര് നമ്പര്വൈസ് ആയിരിക്കുമല്ലോ. പഠിക്കുന്നില്ലെങ്കില് പിന്നെ അവരുടെ സ്വഭാവം മോശമാകും. ശരി.

വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. ആരോടും പിണങ്ങി പഠിപ്പ് ഉപേക്ഷിക്കരുത്. ദേഹാഭിമാനത്തെ ഉപേക്ഷിച്ച് സ്വയത്തോട് ദയ കാണിക്കണം. അച്ഛനുസമാനം നിരഹങ്കാരിയായി മാറണം.

2. നല്ല സ്വഭാവം ധാരണ ചെയ്യണം, എല്ലാവര്ക്കും സുഖം നല്കണം. ആജ്ഞാകാരിയായിരിക്കണം.

വരദാനം :-
സാരത്തിലേക്ക് വരുന്നതിന്റെ ശക്തിയിലൂടെ സെക്കന്റില് ഫുള്സ്റ്റോപ്പിടുന്നവരായ നഷ്ടോമോഹാ സ്മൃതിസ്വരൂപരായി ഭവിക്കട്ടെ.

അന്തിമത്തില് ഫൈനല് പേപ്പറിന്റെ ചോദ്യമുണ്ടാകും- സെക്കന്റില് ഫുള്സ്റ്റോപ്പ്, മറ്റൊന്നും തന്നെ ഓര്മ്മ വരരുത്. ബാബയും ഞാനും, മൂന്നാമതൊരു കാര്യമേയില്ല...സെക്കന്റിനുള്ളില് എന്റെ ബാബ, രണ്ടാമതാരുമില്ല, ഇത് ചിന്തിക്കുന്നതിലും സമയമെടുക്കുന്നു, പക്ഷെ ഉറച്ചതായിരിക്കണം, ഇളകരുത്. എന്ത്, എന്തുകൊണ്ട് ഈ ചോദ്യങ്ങള് വരരുത്, എങ്കില് നഷ്ടോമോഹാ സ്മൃതി സ്വരൂപരാകാം. അതിനാല് അഭ്യാസം ചെയ്യൂ, എപ്പോള് ആഗ്രഹിക്കുന്നുവോ വിസ്താരത്തിലേക്ക് വരൂ, എപ്പോള് ആഗ്രഹിക്കുന്നുവോ സാരത്തിലേക്ക് വരൂ. ബ്രേക്ക് ശക്തിശാലിയായിരിക്കണം.

സ്ലോഗന് :-
ആര്ക്ക് സ്വമാനത്തിന്റെ അഭിമാനമില്ലയോ അവര് തന്നെയാണ് സദാ വിനയമുള്ളവര്.