08.03.20    Avyakt Bapdada     Malayalam Murli     04.12.85     Om Shanti     Madhuban


സങ്കല്പത്തിന്റെഭാഷ - സര്വ്വശ്രേഷ്ഠമായഭാഷ


ഇന്ന് ബാപ്ദാദയുടെ മുന്നില് ഡബിള് രൂപത്തില് ഡബിള് സഭയുണ്ട്. രണ്ടും സ്നേഹി കുട്ടികളുടെ സഭയാണ്. ഒന്ന് സാകാര രൂപത്തിലുള്ള കുട്ടികളുടെ സഭ. മറ്റൊന്ന് ആകാരി സ്നേഹി സ്വരൂപരായ കുട്ടികളുടെ സഭ. സ്നേഹ സാഗരനായ ബാബയുമായി മിലനം ചെയ്യുന്നതിന് നാല് ഭാഗത്തുമുള്ള ആകാര രൂപധാരി കുട്ടികള് തന്റെ സ്നേഹത്ത ബാപ്ദാദായുടെ മുന്നില് പ്രത്യക്ഷമാക്കി കൊണ്ടിരിക്കുന്നു. ബാപ്ദാദ സര്വ്വ കുട്ടികളുടെയും സ്നേഹത്തിന്റെ സങ്കല്പം, ഹൃദയത്തിന്റെ വ്യത്യസ്ഥമായ ഉണര്വ്വിന്റെയും ഉത്സാഹത്തിന്റെയും സങ്കല്പം, ഹൃദയത്തിന്റെ വ്യത്യസ്ഥമായ ഭാവനകളോടൊപ്പം സ്നേഹത്തിന്റെ സംബന്ധത്തിന്റെ അധികാരത്തിലൂടെ അധികാരമാകുന്ന മധുര മധുരമായ കാര്യങ്ങള് കേട്ടു കൊണ്ടിരിക്കുകയായിരുന്നു. ഓരോ കുട്ടിയും തന്റെ ഹൃദയത്തിന്റെ കാര്യങ്ങള്, തന്റെ വ്യത്യസ്ഥമായ പരിതസ്ഥിതികളുടെ കാര്യങ്ങള്, സേവനത്തിന്റെ വാര്ത്തകള്, നയനങ്ങളുടെ ഭാഷയിലൂടെ, ശ്രേഷ്ഠ സങ്കല്പങ്ങളുടെ ഭാഷകളിലൂടെ ബാബയുടെ മുന്നില് സ്പ്ഷടമാക്കി കൊണ്ടിരിക്കുകയായിരുന്നു. ബാപ്ദാദ സര്വ്വ കുട്ടികളുടെയും ആത്മീയ സംഭാഷണം മൂന്ന് രൂപങ്ങളിലൂടെ കേട്ടു കൊണ്ടിരുന്നു.1.നയനങ്ങളുടെ ഭാഷയിലൂടെ സംസാരിക്കുകയായിരുന്നു. 2. ഭാവനയുടെ ഭാഷയില് 3. സങ്കല്പത്തിന്റെ ഭാഷയില് സംസാരിക്കുകയായിരുന്നു. മുഖത്തിന്റെ ഭാഷ സര്വ്വ സാധാരണമായ ഭാഷയാണ്. എന്നാല് ഈ മൂന്ന് പ്രകാരത്തിലുമുള്ള ഭാഷ ആത്മീയ യോഗി ജീവിതത്തിന്റെ ഭാഷയാണ്. ഇത് ആത്മീയ കുട്ടികളും ആത്മീയ അച്ഛനും മനസ്സിലാക്കുന്നു, അനുഭവം ചെയ്യുന്നു. എത്രത്തോളം അന്തര്മുഖീ സ്വീറ്റ് സയലന്സ് സ്വരൂപത്തില് സ്ഥിതി ചെയ്യുന്നുവൊ അത്രയും മൂന്ന് ഭാഷകളിലൂടെ സര്വ്വ ആത്മാക്കളെയും അനുഭവം ചെയ്യിക്കും. ഈ അലൗകീക ഭാഷകള് എത്ര ശക്തിശാലിയാണ്. മുഖത്തിന്റെ ഭാഷ കേട്ട്, കേള്പ്പിച്ച് ഭൂരിപക്ഷം പേരും ക്ഷീണിച്ചു. മുഖത്തിന്റെ ഭാഷയിലൂടെ ഏതൊരു കാര്യത്തെയും സ്പ്ഷ്ടമാക്കാന് സമയമെടുക്കും. എന്നാല് നയനങ്ങളുടെ ഭാഷ സൂചന നല്കുന്നതിന്റെ ഭാഷയാണ്. മനസ്സിന്റെ ഭാവനയുടെ ഭാഷ മുഖത്തിലൂടെ ഭാവ രൂപത്തില് പ്രസിദ്ധമാകുന്നു. മുഖത്തിന്റെ ഭാവം മനസ്സിന്റെ ഭാവനയെ തെളിയിക്കുന്നു. ആര് മറ്റുള്ളവരുടെ മുന്നില് സ്നേഹത്തോടെയാണൊ പോകുന്നത്, ശത്രുതയോടെയാണൊ പോകുന്നത്, അതോ സ്വാര്ത്ഥതയോടെയാണൊ എന്ന് മനസ്സിന്റെ ഭാവം മുഖത്തിലൂടെ അറിയാന് സാധിക്കും. ഏത് ഭാവനയിലൂടെയാണ് വന്നിരിക്കുന്നതെന്ന് മുഖവും നയനവും പറയും. അതിനാല് ഭാവനയുടെ ഭാഷയെ മുഖത്തിന്റെ ഭാവത്തിലൂടെ അറിയാനും സാധിക്കും, പറയാനും സാധിക്കും. അതേപോലെ സങ്കലപ്ത്തിന്റെ ഭാഷയും വളരെ ശ്രേഷ്ഠമായ ഭാഷയാണ് കാരണം സങ്കല്പ ശക്തി ഏറ്റവും ശ്രേഷ്ഠമായ ശക്തിയാണ്, മുഖ്യമായ ശക്തിയാണ്. ഏറ്റവും തീവ്രഗതിയുടെ ഭാഷ ഈ സങ്കല്പത്തിന്റെ ഭാഷയാണ്. എത്ര തന്നെ ദൂരെയാണെങ്കിലും, സാധനമൊന്നുമില്ലെങ്കിലും സങ്കല്പത്തിന്റെ ഭാഷയിലൂടെ ആര്ക്കും സന്ദേശമെത്തിക്കാന് സാധിക്കും. അന്ത്യത്തില് ഇതേ സങ്കല്പത്തിന്റെ ഭാഷ തന്നെ ഉപയോഗപ്പെടും. സയന്സിന്റെ സാധനങ്ങള് പരാജയപ്പെടുമ്പോള് സയലൈന്സിന്റെ സാധനങ്ങള് ഉപയോഗപ്പെടും. എന്നാല് ഏതൊരു ബന്ധം യോജിപ്പിക്കുന്നതിനും സദാ ലൈന് ക്ലിയറായിരിക്കണം. എത്രത്തോളം ബാബയിലും ബാബ കേള്പ്പിച്ചിട്ടുള്ള ജ്ഞാനത്തിലും അഥവാ ആ ജ്ഞാനത്തിലൂടെ സേവനത്തിലും സദാ ബിസിയായിരിക്കുന്നതിന്റെ അഭ്യാസിയാകുന്നുവൊ അത്രത്തോളം ശ്രേഷ്ഠ സങ്കല്പമായത് കാരണം ലൈന് ക്ലിയറായിരിക്കും. വ്യര്ത്ഥ സങ്കല്പം പോലും ശല്യമാണ്. വ്യര്ത്ഥം എത്രത്തോളം സമാപ്തമായി സമര്ത്ഥ സങ്കല്പം ഉണ്ടാകുന്നുവൊ അത്രത്തോളം സങ്കല്പത്തിന്റെ ശ്രേഷ്ഠമായ ഭാഷ സ്പ്ഷ്ടമായി അനുഭവിക്കാന് സാധിക്കും. മുഖത്തിന്റെ ഭാഷയിലൂടെ അനുഭവിക്കുന്നത് പോലെ. സങ്കല്പത്തിന്റെ ഭാഷ സെക്കന്റില് മുഖത്തിന്റെ ഭാഷയേക്കാള് വളരെ കൂടുതല് മറ്റുള്ളവരെ അനുഭവം ചെയ്യിക്കാന് സാധിക്കും. മൂന്ന് മിനിറ്റിന്റെ പ്രഭാഷണത്തിന്റെ സാരം സെക്കന്റില് സങ്കല്പത്തിന്റെ ഭാഷയിലൂടെ അനുഭവം ചെയ്യിക്കാനാകും. സെക്കന്റില് ജീവന്മുക്തി എന്നത് അനുഭവം ചെയ്യിക്കാനാകും.

അന്തര്മുഖി ആത്മാക്കളുടെ ഭാഷ അലൗകീക ഭാഷയാണ്. ഇപ്പോള് സമയത്തിനനുസരിച്ച് ഈ മൂന്ന് ഭാഷകളിലൂടെ സഹജമായി സഫലത പ്രാപ്തമാക്കാന് സാധിക്കും. പരിശ്രമവും കുറവ്, സമയവും കുറവ്. എന്നാല് സഫലത സഹജമാണ് അതിനാല് ഇപ്പോള് ഈ ആത്മീയ ഭാഷയുടെ അഭ്യാസിയാകൂ. അപ്പോള് ഇന്ന് ബാപ്ദാദയും കുട്ടികളുടെ ഈ മൂന്ന് രീതിയിലുള്ള ഭാഷ കേട്ടു കൊണ്ടിരിക്കുകയായിരുന്നു. സര്വ്വ കുട്ടികള്ക്കും പ്രതികരണം നല്കി കൊണ്ടിരിക്കുകയായിരുന്നു. സര്വ്വരുടെയും വളരെ സ്നേഹത്തിന്റെ സ്വരൂപം ബാപ്ദാദ കണ്ട് സ്നേഹത്തെ, സ്നേഹ സാഗരത്തില് ലയിപ്പിച്ചു കൊണ്ടിരിക്കുകയായിരുന്നു. സര്വ്വരുടെയും ഓര്മ്മകളെ സദാ കാലത്തേക്ക് സ്മരണയുടെ രൂപമാക്കുന്നതിനുള്ള ശ്രേഷ്ഠമായ വരദാനം നല്കി കൊണ്ടിരിക്കുകയായിരുന്നു. സര്വ്വരുടെയും മനസ്സിന്റെ വ്യത്യസ്ഥമായ ഭാവങ്ങളെ അറിഞ്ഞ് സര്വ്വ കുട്ടികളെ പ്രതി സര്വ്വ ഭാവങ്ങളുടെയും പ്രതികരണമായി സദാ നിര്വ്വിഘ്നരായി ഭവിക്കട്ടെ, സമര്ത്ഥരായി ഭവിക്കട്ടെ, സര്വ്വ ശക്തി സമ്പന്നരായി ഭവിക്കട്ടെ എന്നതിന്റെ ശുഭ ഭാവന ഈ രൂപത്തില് നല്കി കൊണ്ടിരിക്കുകയായിരുന്നു. ബാബയുടെ ശുഭ ഭാവന, സര്വ്വ കുട്ടികളുടെ ശുഭ കാമനകള്, പരിതസ്ഥിതിക്കനുസരിച്ച് സഹയോഗത്തിന്റെ ഭാവന അഥവാ ശുഭ ഭാവന, ആ സര്വ്വ ശുഭ കാമനകള് ബാപ്ദാദായുടെ ശ്രേഷ്ഠ ഭാവനയിലൂടെ സമ്പന്നമാകും. പോകുന്തോറും ഇടയ്ക്ക് കുട്ടികളുടെ മുന്നില് പഴയ കര്മ്മ കണക്കുകള് പരീക്ഷണത്തിന്റെ രൂപത്തില് വരുന്നുണ്ട്. ശരീരത്തിന്റെ രോഗത്തിന്റെ രൂപത്തില് അഥവാ മനസ്സിന്റെ വ്യര്ത്ഥമായ കൊടുങ്കാറ്റിന്റെ രൂപത്തില്, സംബന്ധ സമ്പര്ക്കത്തിന്റെ രൂപത്തില് വരും. വളരെ സമീപവും സഹയോഗിയുമായിട്ടുള്ളവരില് നിന്നും സഹയോഗത്തിന് പകരം ചെറിയ രൂപത്തില് ഉരസലുമുണ്ടാകാം. എന്നാല് ഇതെല്ലാം പഴയയ കണക്ക് സമാപ്തമായി കൊണ്ടിരിക്കുന്നു അതിനാല് ഈ ചഞ്ചലതയിലും പോകാതെ ബുദ്ധിയെ ശക്തിശാലിയാക്കുകയാണെങ്കില് ബുദ്ധിബലത്തിലൂടെ ഈ പഴയ കണക്ക്, കണക്കായി അനുഭവിക്കുന്നതിന് പകരം സദാ പാസാക്കുന്നതിന് നിമിത്തമായി തീരുന്നു എന്ന അനുഭവം ചെയ്യുന്നു. സംഭവിക്കുന്നത് ഇതാണ്- ബുദ്ധി ബലമില്ലാത്തത് കാരണം കടെ ഭാരത്തിന്റെ രൂപത്തില് അനുഭവിക്കുന്നു, ഭാരമായതിനാല് ബുദ്ധി കൊണ്ട് യഥാര്ത്ഥ രീതിയില് നിര്ണ്ണയിക്കാന് സാധിക്കാത്തതിനാല്, ഭാരം കൂടുതല് താഴേക്ക് കൊണ്ടു വരുന്നു. സഫലതയുടെ ഉയരങ്ങളിലേക്ക് പോകാന് സാധിക്കുന്നില്ല അതിനാല് സമാപ്തമാക്കുന്നതിന് പകരം കൂടുതല് വര്ദ്ധിക്കുന്നു. പഴയ കണക്കിനെ സമാപ്തമാക്കുന്നതിനുള്ള സാധനമാണ് സദാ തന്റെ ബുദ്ധിയെ ക്ലിയറാക്കി വയ്ക്കൂ. ബുദ്ധിയില് ഭാരം വയ്ക്കരുത്. ബുദ്ധിയെ എത്രത്തോളെ ഭാര രഹിതമാക്കി വയ്ക്കുന്നുവൊ അത്രയും ബുദ്ധി ബലം സഹജമായും സഫലത പ്രാപ്തമാക്കി തരും അതിനാല് ഭയപ്പെടരുത്. വ്യര്ത്ഥ സങ്കല്പം എന്ത് കൊണ്ട് വന്നു, എന്ത് കൊണ്ട് ഇങ്ങനെ, ഇങ്ങനെയുള്ള ഭാരത്തിന്റെ സങ്കല്പം സമാപ്തമാക്കി ബുദ്ധിയുടെ ലൈന് ക്ലിയറാക്കൂ. ഭാര രഹിതമാക്കി വയ്ക്കൂ. അപ്പോള് ധൈര്യം നിങ്ങളുടേത്, സഹായം ബാബയുടേത്. സഫലത അനുഭവപ്പെട്ടു കൊണ്ടിരിക്കും. മനസ്സിലായോ.

ഡബിള് ലൈറ്റാകുന്നതിന് പകരം ഡബിള് ഭാരമെടുക്കുന്നു. ഒന്ന് കഴിഞ്ഞു പോയ കണക്ക്, രണ്ടാമത് വ്യര്ത്ഥ സങ്കല്പത്തിന്റെ ഭാരം അപ്പോള് ഡബിള് ഭാരം മുകളിലേക്ക് കൊണ്ടു പോകുമോ അതോ താഴേക്ക് കൊണ്ടു വരുമോ അതിനാല് ബാപ്ദാദ സര്വ്വ കുട്ടികള്ക്കും വിശേഷിച്ചു അറ്റന്ഷന് നല്കി കൊണ്ടിരിക്കുന്നു- സദാ ബുദ്ധിയുടെ ഭാരത്തെ സമാപ്തമാക്കൂ. ഏതൊരു പ്രകാരത്തിലുമുള്ള ഭാരം ബുദ്ധിയോഗത്തിന് പകരം കര്മ്മ കണക്കിലേക്ക് പരിവര്ത്തനപ്പെടാം അതിനാല് സദാ തന്റെ ബുദ്ധിയെ ഭാര രഹിതമാക്കി വയ്ക്കൂ. അപ്പോള് യോഗ ബലം, ബുദ്ധി ബലത്തിന്റെ കണക്കിനെ സമാപ്തമാക്കും.

സര്വ്വരുടെയും സേവനത്തിന്റെ വ്യത്യസ്ഥമായ ഉണര്വ്വും ഉത്സാഹവും ലഭിച്ചു. ആര് എത്രത്തോളം സത്യമായ ഹൃദയത്തോടെ നിസ്വാര്ത്ഥമായ ഭാവത്തോടെ സേവനം ചെയ്തു കൊണ്ടിരിക്കുന്നു, അങ്ങനെ സത്യമായ ഹൃദയമുള്ളവരുടെ മേല് ബാബ സന്തുഷ്ടനാണ്. ആ സന്തുഷ്ടതയുടെ ലക്ഷണമാണ് ഹൃദയത്തിന്റെ സന്തുഷ്ടതയും, സേവനത്തിന്റെ സഫലതയും. ഇത് വരെ എന്തെല്ലാം ചെയ്തുവൊ, ചെയ്തു കൊണ്ടിരിക്കുന്നുവൊ എല്ലാം നല്ലതാണ്. മുന്നോട്ടും നല്ലതിലും വച്ച് നല്ലത് തന്നെ സംഭവിക്കണം.അതിനാല് നാല് ഭാഗത്തുമുള്ള കുട്ടികള്ക്ക് ബാപ്ദാദ സദാ ഉന്നതി പ്രാപ്തമാക്കി കൊണ്ടിരിക്കൂ, വിധിയനുസരിച്ച് അഭിവൃദ്ധി പ്രാപ്തമാക്കി കൊണ്ടിരിക്കൂ, ഈ വരദാനത്തിനോടൊപ്പം ബാപ്ദാദ കോടി മടങ്ങ് സ്നേഹ സ്മരണ നല്കി കൊണ്ടിരിക്കുന്നു. കൈ കൊണ്ടുള്ള കത്തും മനസ്സിന്റെ കത്തും രണ്ടിന്റെയും പ്രതികരണം, ബാപ്ദാദ സര്വ്വ കുട്ടികള്ക്കും ആശംസകളോടൊപ്പം നല്കി കൊണ്ടിരിക്കുന്നു. ശ്രേഷ്ഠമായ പുരുഷാര്ത്ഥം, ശ്രേഷ്ഠമായ ജീവിതത്തില് സദാ ജീവിച്ചു കൊണ്ടിരിക്കൂ. അങ്ങനെയുള്ള സ്നേഹത്തിന്റെ ഭാവനകളോടൊപ്പം സര്വ്വര്ക്കും സ്നേഹ സ്മരണയും നമസ്തേ.

ബാലകന് തന്നെ അധികാരി
ഇന്ന് ബാപ്ദാദ തന്റെ ശക്തി സേനയെ കണ്ടു കൊണ്ടിരിക്കുകയായിരുന്നു- ഈ ആത്മീയ ശക്തി സേന മന്ജീത്ത്, ജഗത്ത് ജീത്താണൊ? മന്ജീത്ത് അര്ത്ഥം മനസ്സിലെ വ്യര്ത്ഥ സങ്കല്പം, വികല്പങ്ങളുടെ മേല് വിജയി. അങ്ങനെ വിജയിച്ച കുട്ടികളാണ് വിശ്വരാജ്യ അധികാരിയാകുന്നത് അതിനാല് മന്ജീത്ത് ജഗത്ത് ജീത്ത് എന്നാണ് പറയുന്നത്. എത്രത്തോളം ഈ സമയത്ത് സങ്കല്പ ശക്തി അര്ത്ഥം മനസ്സിനെ സ്വയത്തിന്റെ അധികാരത്തില് വയ്ക്കുന്നുവൊ അത്രത്തോലം വിശ്വരാജ്യ അധികാരിയായി മാറുന്നു. ഇപ്പോള് ഈ സമയത്ത് ഈശ്വരീയ ബാലകരാണ്, ഇപ്പോഴത്തെ ബാലകരാണ് വിശ്വത്തിന്റെ അധികാരിയാകുന്നത്. ബാലകനാകാതെ അധികാരിയാകാന് സാധിക്കില്ല. പരിധിയുള്ള അധികാരത്തിന്റെ പരിധിയുള്ള ലഹരിയെ സമാപ്താമാക്കി, പരിധിയുള്ള അധികാരത്തില് നിന്നും ബാലകന്റെ സ്ഥിതിയില് വരിക, എന്നാലേ ബാലകനില് നിന്നും അധികാരിയാകാന് സാധിക്കൂ അതിനാല് ഭക്തി മാര്ഗ്ഗത്തില് ആര് എത്ര തന്നെ ദേശത്തിന്റെ വലിയ അധികാരിയാണെങ്കിലും, ധനത്തിന്റെ അധികാരിയാണെങ്കിലും, പരിവാരത്തിന്റെ അധികാരിയാണെങ്കിലും ബാബയുടെ മുന്നില് സര്വ്വരും ബാലകരാണെന്ന് പറഞ്ഞ് പ്രാര്ത്ഥിക്കുന്നു. ഞാന് ഇന്ന അധികാരിയാണ് ഇങ്ങനെ ഒരിക്കലും പറയില്ല. നിങ്ങള് ബ്രാഹ്മണ കുട്ടികളും അധികാരിയായി തീരുന്നു അതു കൊണ്ടാണ് ഇപ്പോഴും നിശ്ചിന്ത ചക്രവര്ത്തിയാകുന്നത്, ഭാവിയില് വിശ്വത്തിന്റെ അധികാരി അഥവാ ചക്രവര്ത്തിയാകുന്നത്. ബാലകന് തന്നെ അധികാരി- ഈ സ്മൃതി സദാ നിരഹങ്കാരി, നിരാകാരി സ്ഥിതിയുടെ അനുഭവം ചെയ്യിക്കുന്നു. ബാലകനാകുക അര്ത്ഥം പരിധിയുള്ള ജീവിതത്തിന്റെ പരിവര്ത്തനമുണ്ടാകുക. ബ്രാഹ്മണനായിയെങ്കില് ബ്രാഹ്മണ ജീവിതത്തിന്റെ ആദ്യത്തെ സഹജമായ പാഠം ഏതാണ്? കുട്ടികള് പറഞ്ഞു ബാബാ, ബാബ പറഞ്ഞു കുട്ടി അര്ത്ഥം ബാലകന്. ഈ ഒരു ശബ്ദത്തിന്റെ പാഠം നോളേജ്ഫുളാക്കുന്നു. ബാലകന് അഥവാ കുട്ടി ഈ ഒരു ശബ്ദം പഠിച്ചുവെങ്കില് മുഴുവന് വിശ്വത്തിന്റെ മാത്രമല്ല മൂന്ന് ലോകങ്ങളുടെയും ജ്ഞാനം പഠിച്ചു. ഇന്നത്തെ ലോകത്തില് എത്ര തന്നെ വലിയ നോളേജ്ഫുളായിക്കോട്ടെ എന്നാല് മൂന്ന് ലോകങ്ങളെ കുറിച്ച് അറിയാന് സാധിക്കില്ല. ഈ കാര്യത്തില് ഒരു ശബ്ദം പഠിച്ചിട്ടുള്ള നിങ്ങളുടെ മുന്നില് എത്ര വലിയ അറിവുള്ളവന് പോലും വിവേക ശൂന്യനാണ്. അങ്ങനെ എത്ര സഹജമായി മാസ്റ്റര് നോളേജ്ഫുളായി? ബാബയും കുട്ടികളും, ഈ ഒരു ശബ്ദത്തില് സര്വ്വതും അടങ്ങിയിട്ടുണ്ട്. വിത്തില് മുഴുവന് വൃക്ഷം അടങ്ങിയത് പോലെ ബാലകന് അഥവാ കുട്ടിയാകുക അര്ത്ഥം സദാ മായയില് നിന്നും മുക്തമാകുക. മായയില് നിന്നും മോചിതരായിരിക്കൂ അര്ത്ഥം ഞാന് കുട്ടിയാണ് എന്ന സ്മൃതിയിലിരിക്കൂ. സദാ ഇതേ സ്മൃതി വയ്ക്കൂ- കുട്ടിയായി അര്ത്ഥം രക്ഷപ്പെട്ടു. ഈ പാഠം പ്രയാസമാണൊ? സഹജമല്ലേ. പിന്നെന്തിന് മറക്കുന്നു? ചില കുട്ടികള് ചിന്തിക്കുന്നുണ്ട്- മറക്കാന് ആഗ്രഹിക്കുന്നില്ല എന്നാല് മറന്നു പോകുന്നു. എന്ത് കൊണ്ട് മറക്കുന്നു? അപ്പോള് പറയും വളരെ കാലത്തെ സംസ്ക്കാരമാണ് അല്ലെങ്കില് പഴയ സംസ്ക്കാരമാണ് എന്ന്. എന്നാല് മര്ജീവാ ആയിയെങ്കില് മരിക്കുന്ന സമയത്ത് എന്താണ് ചെയ്യുന്നത്? അഗ്നി സംസ്ക്കാരം ചെയ്യുന്നില്ലേ. പഴയതിനെ സംസ്ക്കരിച്ചു അതിനാല് പുതു ജന്മം ലഭിച്ചു. സംസ്ക്കരിച്ചുവെങ്കില് പിന്നെ പഴയ സംസ്ക്കാരം എവിടെ നിന്ന് വന്നു. ശരീരത്തെ സംസ്ക്കരിച്ച് കഴിഞ്ഞാല് ശരീരം സമാപ്തമാകുന്നു. ഇന്നവരായിരുന്നു, ഇപ്പോള് ഇല്ല എന്ന് പറയും. അതിനാല് ശരീരത്തെ സംസ്ക്കരിച്ചതിന് ശേഷം ശരീരം സമ്പാതമാകുന്നു. ബ്രാഹ്മണ ജീവിതത്തില് എന്തിനെ സംസ്ക്കരിക്കുന്നു? ശരീരം അത് തന്നെയാണ്. എന്നാല് പഴയ സംസ്ക്കാരങ്ങളുടെ, പഴയ സ്മൃതികളുടെ, സ്വഭാവത്തിന്റെ സംസ്ക്കാരം ചെയ്യുന്നത് കൊണ്ട് മര്ജീവ എന്ന് പറയുന്നു. സംസ്ക്കരിച്ച് കഴിഞ്ഞാല് പഴയ സംസ്ക്കാരം എവിടെ നിന്ന് വരുന്നു. സംസ്ക്കരിച്ച മനുഷ്യന് വീണ്ടും നിങ്ങളുടെ മുന്നില് വന്നുവെങ്കില് അതിനെ എന്ത് പറയും? ഭൂതമെന്ന് പറയില്ലേ. അതിനാല് ഇവിടെയും പഴയ സംസ്ക്കാരം ഉണര്ന്നാല് എന്ത് പറയും? ഇതിനെയും മായയുടെ ഭൂതമെന്ന് പറയില്ലേ. ഭൂതങ്ങളെ ഓടിക്കുകയാണ് പതിവ്. വര്ണ്ണിക്കാറ് പോലുമില്ല. ഇത് പഴയ സംസ്ക്കാരമെന്ന് പറഞ്ഞ് സ്വയത്തെ ചതിക്കുന്നു. പഴയ കാര്യങ്ങള് നിങ്ങള്ക്ക് ഇഷ്ടപ്പെടുന്നുവെങ്കില് വാസ്തവത്തില് പഴയതിലും വച്ച് പഴയ ആദിക്കാലത്തെ സംസ്ക്കാങ്ങളെ ഓര്മ്മിക്കൂ. ഇത് മദ്ധ്യ കാലത്തെ സംസ്ക്കാരമായിരുന്നു. ഇത് പഴയതിലും വച്ച് പഴയതല്ല. മദ്ധ്യ കാലം അര്ത്ഥം ഇടയ്ക്കുള്ളതിനെ ഓര്മ്മിക്കുക അര്ത്ഥം അലഞ്ഞ് പരവശരാകുക അതിനാല് ഒരിക്കലും ബലഹീനതകളുടെ കാര്യങ്ങളെ കുറിച്ച് ചിന്തിക്കാതിരിക്കൂ. സദാ ഇതേ രണ്ട് ശബ്ദം ഓര്മ്മിക്കൂ- ബാലകന് തന്നെ അധികാരി. ബാലകന്റെ സ്മൃതി സ്വതവേ അധികാരിയുടെ സ്മൃതി കൊണ്ടു വരുന്നു. ബാലകനാകാന് അറിയാമല്ലോ?

ബാലകനാകൂ അര്ത്ഥം സര്വ്വ ഭാരങ്ങളില് നിന്നും ഭാര രഹിതമാകൂ. ഇട്യ്ക്ക് നിന്റെ, ഇടയ്ക്ക് എന്റെ, ഇതാണ് പ്രയാസമാക്കുന്നത്. എന്തങ്കിലും പ്രയാസമായി അനുഭവിക്കുമ്പോള് പറയാറില്ലേ- നിന്റെ കാര്യം നീ തന്നെ അറിഞ്ഞാല് മതിയെന്ന്. സഹജമാകുമ്പോള് എന്റെ എന്ന് പറയുന്നു. എന്റെ എന്ന ബോധം സമാപ്തമാകുക അര്ത്ഥം ബാലകന് തന്നെ അധികാരിയാകുക. ബാബ പറയുന്നു ബെഗറാകൂ(യാചകരാകൂ) എന്ന്. ഈ ശരീരമാകുന്ന വീട് പോലും നിന്റെയല്ല. ഇത് ലോണെടുത്തിരിക്കുന്നതാണ്. കേവലം ഈശ്വരീയ സേവനത്തിനായി ബാബ ലോണെടുത്ത് ട്രസ്റ്റിയാക്കി. ഇത് ഈശ്വരീയ ഉപഹാരമാണ്. നിങ്ങള് സര്വ്വതും നിന്റെ എന്ന് പറഞ്ഞ് ബാബയ്ക്ക് നല്കി. ഈ പ്രതിജ്ഞയെടുത്തിട്ടില്ലേ അതോ പകുതി നിന്റെ പകുതി എന്റെ എന്നാണൊ. ബാബയുടേതെന്ന് പറഞ്ഞത്, എന്റെ ആണെന്ന് മനസ്സിലാക്കി കാര്യത്തില് ഉപയോഗിച്ചാല് എന്ത് സംഭവിക്കും? അതിലൂടെ സുഖം ലഭിക്കുമോ? സഫലത ലഭിക്കുമോ? അതിനാല് സൂക്ഷിക്കാനേല്പ്പിച്ചതാണെന്ന് മനസ്സിലാക്കി ബാബയുടേതെന്ന് മനസ്സിലാക്കി പോകുകയാണെങ്കില് ബാലകന് തന്നെ അധികാരിയുടെ സന്തോഷത്തില്, ലഹരിയില് സ്വതവേയിരിക്കാന് സാധിക്കും. മനസ്സിലായോ? അതിനാല് ഈ പാഠം സദാ പക്കാ ആക്കൂ. പാഠം പക്കാ ആക്കിയില്ലേ അതോ തന്റെ സ്ഥലങ്ങളില് തിരിച്ചെത്തുമ്പോള് മറന്നു പോകുമോ. അശ്രദ്ധ കാണിക്കാത്തവരാകൂ. ശരി.

സദാ ആത്മീയ ലഹരിയിലിരിക്കുന്ന ബാലകന് തന്നെ അധികാരിയായ കുട്ടികള്ക്ക് സദാ ബാലകന് അര്ത്ഥം നിശ്ചിന്ത ചക്രവര്ത്തിയുടെ സ്മൃതിയിലിരിക്കുന്ന, സദാ ലഭിച്ചിട്ടുള്ളതിനെ ട്രസ്റ്റിയായി സേവനത്തില് അര്പ്പിക്കുന്ന കുട്ടികള്ക്ക്, സദാ പുതിയ ഉണര്വ്വിലും ഉത്സാഹത്തിലുമിരിക്കുന്ന കുട്ടികള്ക്ക് ബാപ്ദാദായുടെ സ്നേഹ സ്മരണയും നമസ്തേ.

വരദാനം :-
വിശേഷം എന്ന ശബ്ദത്തിന്റെ സ്മൃതിയിലൂടെ സമ്പൂര്ണ്ണതയുടെ ലക്ഷ്യത്തെ പ്രാപ്തമാക്കുന്ന സ്വപരിവര്ത്തകരായി ഭവിക്കട്ടെ.

സദാ ഇത് തന്നെ സ്മൃതിയിലുണ്ടാകണം- ഞാന് വിശേഷ ആത്മാവാണ്, വിശേഷപ്പെട്ട കാര്യത്തിന് നിമിത്തമായതാണ്, വിശേഷത കാണിക്കുന്നവനാണ്. ഈ വിശേഷം എന്ന ശബ്ദം വിശേഷിച്ചും ഓര്മ്മിക്കൂ- പറയുന്നതും വിശേഷം, കാണുന്നതും വിശേഷം, ചെയ്യുന്നതും വിശേഷം, ചിന്തിക്കുന്നതും വിശേഷം.... ഓരോ കാര്യത്തിലും ഈ വിശേഷം എന്ന ശബ്ദം കൊണ്ടു വരുന്നതിലൂടെ സഹജമായി സ്വപരിവര്ത്തകര് തന്നെ വിശ്വ പരിവര്ത്തകരായി മാറും. സമ്പൂര്ണ്ണത എന്ന ലക്ഷ്യത്തെ സഹജമായി തന്നെ പ്രാപ്തമാക്കാന് സാധിക്കും.

സ്ലോഗന് :-
വിഘ്നങ്ങളെ ഭയക്കുന്നതിന് പകരം പരീക്ഷണമാണെന്ന് മനസ്സിലാക്കി മറി കടക്കൂ.