09.02.20    Avyakt Bapdada     Malayalam Murli     20.11.85     Om Shanti     Madhuban


സംഗമയുഗിബ്രാഹ്മണരുടെവേറിട്ടതും,
പ്രിയപ്പെട്ടതുമായശ്രേഷ്ഠമായലോകം


ഇന്ന് ബ്രാഹ്മണരുടെ രചയിതാവായ ബാബ തന്റെ ചെറിയ അലൗകീക സുന്ദരമായ ലോകത്തെ കണ്ടു കൊണ്ടിരിക്കുന്നു. ഈ ബ്രാഹ്മണരുടെ ലോകം സത്യുഗീ ലോകത്തേക്കാള് വളരെ വേറിട്ടതും പ്രിയപ്പെട്ടതുമാണ്. ഈ അലൗകീക ലോകത്തിലെ ബ്രാഹ്മണ ആത്മാക്കള് എത്രയോ ശ്രേഷ്ഠമാണ്, വിശേഷമാണ്. ദേവതാ രൂപത്തേക്കാളും ഈ ബ്രാഹ്മണ സ്വരൂപം വിശേഷമാണ്. ഈ ലോകത്തിന്റെ മഹിമയാണ് വ്യത്യസ്ഥത. ആ ലോകത്തിലെ ഓരോ ആത്മാവും വിശേഷമാണ്. ഓരോ ആത്മാവും സ്വരാജ്യ അധികാരി രാജാവാണ്. ഓരോ ആത്മാവും സ്മൃതിയുടെ തിലകധാരികളാണ്, അവിനാശി തിലകധാരിയാണ്, സ്വരാജ്യ തിലകധാരിയാണ്, പരമാത്മ ഹൃദയ സിംഹാസനസ്തരാണ്. അതിനാല് സര്വ്വ ആത്മാക്കളും ഈ സുന്ദരമായ ലോകത്തിന്റെ കിരീടം, സിംഹാസനം, തിലകധാരികളാണ്. ഇങ്ങനെയുള്ള ലോകം മുഴുവന് കല്പത്തിലും വച്ച് എപ്പോഴെങ്കിലും കേട്ടിട്ടുണ്ടോ അഥവാ കണ്ടിട്ടുണ്ടോ. ഈ ലോകത്തിലെ ഓരോ ബ്രാഹ്മണ ആത്മാവിന്റെ ഒരച്ഛന്, ഒരേ പരിവാരം, ഒരേ ഭാഷ, ഒരേ ജ്ഞാനം, ഒരേയൊരു ശ്രേഷ്ഠ ജീവിതത്തിന്റെ ലക്ഷ്യം, ഒരേ മനോഭാവന, ഒരേ ദൃഷ്ടി, ഒരേയൊരു ധര്മ്മം, ഒരേയൊരു ഈശ്വരീയ കര്മ്മം. അങ്ങനെയുള്ള ലോകം എത്രത്തോളം ചെറുതാണോ അത്രത്തോളം വേറിട്ടതുമാണ്. ഇങ്ങനെ സര്വ്വ ബ്രാഹ്മണ ആത്മാക്കളും മനസ്സില് ഗീതം പാടുന്നുണ്ട്-നമ്മുടെ ചെറിയ ലേകം വേറിട്ടതും പ്രിയപ്പെട്ടതുമാണെന്ന്. ഈ ഗീതം പാടുന്നില്ലേ? ഈ സംഗമയുഗി ലോകം കണ്ട് കണ്ട് ഹര്ഷിതമാകുന്നുണ്ടോ? എത്ര വേറിട്ട ലോകമാണ്. ഈ ലോകത്തിലെ ദിനചര്യയും വേറിട്ടതാണ്. തന്റെ രാജ്യം, തന്റെ നിയമം, തന്റെ രീതി സമ്പ്രദായം, എന്നാല് രീതിയും വേറിട്ടതാണ് സ്നേഹവും വേറിട്ടതാണ്. അങ്ങനെയുള്ള ലോകത്തില് വസിക്കുന്ന ബ്രാഹ്മണ ആത്മാക്കളല്ലേ. ഇതേ ലോകത്തില്ലല്ലേ വസിക്കുന്നത്? ഇടയ്ക്ക് തന്റെ ലോകത്തെ ഉപേക്ഷിച്ച് പഴയ ലോകത്തിലേക്ക് പോകുന്നില്ലല്ലോ! അതിനാല് പഴയ ലോകത്തിലുള്ളവര്ക്ക് ഈ ബ്രാഹ്മണര് ആരാണെന്ന് മനസ്സിലാക്കാന് സാധിക്കുന്നില്ല. പറയാറില്ലേ- ബ്രഹ്മാകുമാരിമാരുടെ രീതി തന്നെ വ്യത്യസ്ഥമാണെന്ന്, ജ്ഞാനം തന്നെ വേറെയാണെന്ന്. ലോകമേ വേറിട്ടതാണ് അപ്പോള് സര്വ്വതും പുതിയതും വേറിട്ടതുമായിരിക്കില്ലേ. സര്വ്വരും സ്വയത്തെ നോക്കൂ- പുതിയ ലോകത്തിലെ പുതിയ സങ്കല്പം, പുതിയ ഭാഷ, പുതിയ കര്മ്മം, അങ്ങനെ വേറിട്ടതായില്ലേ! പഴയതായി ഒന്നും തന്നെ അവശേഷിച്ചിട്ടില്ലല്ലോ! ലേശമെങ്കിലും പഴയതുണ്ടെങ്കില് അത് പഴയ ലോകത്തിന്റെ നേര്ക്ക് ആകര്ഷിക്കുന്നു, ഉയര്ന്ന ലോകത്തില് നിന്നും താഴേക്ക് പോകുന്നു. ഉയര്ന്നത് അര്ത്ഥം ശ്രേഷ്ഠമായത് കാരണം സ്വര്ഗ്ഗത്തെ ഉയര്ന്നതായി കാണിക്കുന്നു, നരകത്തെ താഴെയും കാണിക്കുന്നു. സംഗമയുഗീ സ്വര്ഗ്ഗം സത്യയുഗീ സ്വര്ഗ്ഗത്തേക്കാള് ഉയര്ന്നതാണ് കാരണം ഇപ്പോള് രണ്ട് ലോകത്തെ കുറിച്ചും അറിവുള്ളവരായി തീര്ന്നു. ഇവിടെ ഇപ്പോള് അറിഞ്ഞു കൊണ്ടും, കണ്ട് കൊണ്ടും വേറിട്ടതും പ്രിയപ്പെട്ടവരുമാണ് അതിനാല് മധുബന് സ്വര്ഗ്ഗമായി അനുഭവിക്കുന്നു. പറയാറില്ലേ- സ്വര്ഗ്ഗം കാണണമെങ്കില് ഇപ്പോള് കാണൂ. അവിടെ സ്വര്ഗ്ഗത്തെ കുറിച്ച് വര്ണ്ണിക്കില്ല. ഇപ്പോള് പറയുന്നു- നമ്മള് സ്വര്ഗ്ഗം കണ്ടുവെന്ന്. സ്വര്ഗ്ഗം കാണണമെങ്കില് ഇവിടെ വന്നു കാണൂ എന്ന് വെല്ലുവിളിക്കുന്നു. അങ്ങനെ വര്ണ്ണിക്കാറില്ലേ. ആദ്യം ചിന്തിച്ചിരുന്നു, കേട്ടിരുന്നു സ്വര്ഗ്ഗത്തിലെ മാലാഖമാര് വളരെ സുന്ദരമാണെന്ന്. എന്നാല് ആരും കണ്ടിട്ടില്ല. സ്വര്ഗ്ഗത്തില് ഇന്നതെല്ലാം ഉണ്ടെന്ന് വളരെ കേട്ടിട്ടുണ്ട് എന്നാല് ഇപ്പോള് സ്വയം സ്വര്ഗ്ഗത്തിന്റെ ലോകത്തിലെത്തി ചേര്ന്നു. സ്വയം സ്വര്ഗ്ഗത്തിലെ മാലാഖമാരായി. കറുപ്പില് നിന്നും വെളുപ്പായില്ലേ! ചിറക് ലഭിച്ചില്ലേ. ജ്ഞാന യോഗത്തിന്റെ അത്രയും വേറിട്ട ചിറക് ലഭിച്ചു അതിലൂടെ 3 ലോകങ്ങളും കറങ്ങാന് സാധിക്കും. സയന്സ് പഠിച്ചവരുടെയടുത്ത് പോലും ഇത്രയും തീവ്രഗതിയുടെ സാധനങ്ങളില്ല. സര്വ്വര്ക്കും ചിറക് ലഭിച്ചില്ലേ? ആരും അവശേഷിച്ചിട്ടില്ലല്ലോ. ഈ ലോകത്തിന്റെ തന്നെ മഹിമയാണ്- ബ്രാഹ്മണരുടെ ലോകത്തില് അപ്രാപ്തമായി ഒരു വസ്തുവുമില്ല, അതിനാല് മഹിമയാണ് ഒരേയൊരു ബാബയെ ലഭിച്ചുവെങ്കില് സര്വ്വതും ലഭിച്ചു. ഒരു ലോകമല്ല എന്നാല് മൂന്ന് ലോകങ്ങളുടെയും അധികാരിയായി തീരുന്നു. ഈ ലോകത്തിന്റെ മഹിമയാണ് സദാ സര്വ്വരും ഊഞ്ഞാലില് ആടിക്കൊണ്ടിരിക്കും. ഊഞ്ഞാലില് ആടുക എന്നത് ഭാഗ്യത്തിന്റെ ലക്ഷണമാണ്. ഈ ലോകത്തിന്റെ വിശേഷതയെന്താണ്? ഇടയ്ക്ക് അതീന്ദ്രിയ സുഖത്തിന്റെ ഊഞ്ഞാലില് ആടുന്നു, ഇടയ്ക്ക് സന്തോഷത്തിന്റെ, ഇടയ്ക്ക് ശാന്തിയുടെ, ഇടയ്ക്ക് ജ്ഞാനത്തിന്റെ. പരമാത്മ മടിത്തട്ടാകുന്ന ഊഞ്ഞാലില് ആടുന്നു. പരമാത്മ മടിത്തട്ടാണ് ഓര്മ്മയുടെ ലവ്ലീന് അവസ്ഥയില് ആടുക. മടത്തട്ടില് ലയിച്ചിരിക്കുന്നത് പോലെ. അതേപോലെ പരമാത്മാവിന്റെ ഓര്മ്മയില് മുഴുകുന്നു, സ്നേഹത്തില് ലയിക്കുന്നു. ഈ അലൗകീക മടിത്തട്ട് സെക്കന്റില് അനേക ജന്മങ്ങളുടെ ദുഃഖം, വേദനയെ മറപ്പിക്കുന്നു, അങ്ങനെ സര്വ്വരും ഊഞ്ഞാലില് ആടുന്നുണ്ടോ.

ഇങ്ങനെയുള്ള ലോകത്തിന്റെ അധികാരിയാകും എന്ന് സ്വപ്നത്തില് പോലും ചിന്തിച്ചില്ലല്ലോ! ബാപ്ദാദ ഇന്ന് തന്റെ പ്രിയപ്പെട്ട ലോകത്തെ കണ്ടു കൊണ്ടിരിക്കുകയായിരുന്നു. ഈ ലോകം ഇഷ്ടമാണോ? പ്രിയപ്പെട്ടതാണോ? ഒരു കാല് ആ ലോകത്തിലും, ഒരു കാല് ഈ ലോകത്തിലും വയ്ക്കുന്നില്ലല്ലോ? 63 ജന്മം ആ ലോകത്തെ കണ്ടു, അനുഭവിച്ചു. എന്ത് ലഭിച്ചു? എന്തെങ്കിലും ലഭിച്ചോ അതോ നഷ്ടപ്പെടുത്തിയോ? ശരീരവും നഷ്ടപ്പെടുത്തി, മനസ്സിന്റെ സുഖവും ശാന്തിയും നഷ്ടപ്പെടുത്തി, ധനവും നഷ്ടപ്പെടുത്തി, സംബന്ധവും നഷ്ടപ്പെടുത്തി. ബാബ നല്കിയ സുന്ദരമായ ശരീരം എവിടെ നഷ്ടപ്പെടുത്തി! ധനം ഉണ്ടാക്കുവാണെങ്കിലും കറുത്ത ധനം. സ്വച്ഛമായ ധനം എവിടെ പോയി? ഉണ്ടെങ്കിലും ഉപയോഗമില്ല. പറയുന്നു കോടിപതിയെന്ന് എന്നാല് കാണിച്ചു തരാന് സാധിക്കുമോ? അതിനാല് സര്വ്വതും നഷ്ടപ്പെടുത്തി എന്നിട്ടും ബുദ്ധി പോകുന്നുവെങ്കില് എന്ത് പറയും! വിവേകശാലികളാണോ? അതിനാല് തന്റെ ഈ ശ്രേഷ്ഠമായ ലോകത്തെ സദാ സ്മൃതിയില് വയ്ക്കൂ. ഈ ലോകത്തിലെ ഈ ജീവിതത്തിലെ വിശേഷതകളെ സദാ സ്മൃതിയില് വച്ച് സമര്ത്ഥരാകൂ.സ്മൃതി സ്വരൂപരാകൂ എങ്കില് സ്വതവേ നഷ്ടോമോഹാ ആയി തീരും. പഴയ ലോകത്തിലെ ഒന്നും ബുദ്ധി കൊണ്ട് സ്വീകരിക്കാതിരിക്കൂ. സ്വീകരിച്ചു അര്ത്ഥം ചതിവില്പ്പെട്ടു. ചതിവില്പ്പെടുക അര്ത്ഥം ദുഃഖം നേടുക. അപ്പോള് എവിടെ വസിക്കണം? ശ്രേഷ്ഠമായ ലോകത്തിലോ

അതോ പഴയ ലോകത്തിലോ? അതും ഇതും തമ്മിലുള്ള വ്യത്യാസം സ്പ്ഷ്ടമായി പ്രത്യക്ഷ രൂപത്തില് ഉണ്ടാകണം. ശരി.

അങ്ങനെ ചെറിയ പ്രിയപ്പെട്ട ലോകത്തില് വസിക്കുന്ന വിശേഷ ബ്രാഹ്മണ ആത്മാക്കള്ക്ക്, സദാ സിംഹാസനസ്തരായ ആത്മാക്കള്ക്ക്, സദാ ഊഞ്ഞാലില് ആടുന്ന ആത്മാക്കള്ക്ക്, സദാ നിര്മ്മോഹിയും പരമാത്മാവിന് പ്രിയപ്പെട്ടവരുമായ കുട്ടികള്ക്ക് പരമാത്മ ഓര്മ്മ, പരമാത്മ സ്നേഹം, നമസ്തേ.

സേവാധാരി ടീച്ചേഴ്സിനോട്- സേവാധാരി അര്ത്ഥം ത്യാഗി തപസ്വീ ആത്മാക്കള്. സേവനത്തിന്റെ ഫലം സദാ ലഭിക്കുന്നുണ്ട് എന്നാല് ത്യാഗത്തിലൂടെയും തപസ്സിലൂടെയും സദാ മുന്നോട്ടുയര്ന്നു കൊണ്ടിരിക്കും. സദാ സ്വയത്തെ വിശേഷ ആത്മാവാണെന്ന് മനസ്സിലാക്കി വിശേഷ സേവനത്തിന്റെ തെളിവ് നല്കണം. ഇതേ ലക്ഷ്യം വയ്ക്കൂ. എത്രത്തോളം അടിത്തറ ശക്തമാണോ അത്രയും കെട്ടിടവും നല്ലതായിരിക്കും. അതിനാല് സദാ സേവാധാരിയണെന്ന് മനസ്സിലാക്കി മുന്നോട്ടു പോകൂ. ബാബ നിങ്ങളെ തിരഞ്ഞെടുത്തത് പോലെ നിങ്ങള് പ്രജകളെ തിരഞ്ഞെടുക്കൂ. സ്വയം സദാ നിര്വ്വിഘ്നമായി സേവനത്തെയും നിര്വ്വിഘ്നമാക്കൂ. സേവനം എല്ലാവരും ചെയ്യുന്നുണ്ട് എന്നാല് നിര്വ്വിഘ്ന സേവനമായിരിക്കണം, ഇതിലാണ് നമ്പര് ലഭിക്കുന്നത്. എവിടെയിരുന്നാലും അവിടത്തെ ഓരോ വിദ്യാര്ത്ഥിയും നിര്വ്വിഘ്നമായിരിക്കണം, വിഘ്നങ്ങളുടെ അലകള് പോലും ഉണ്ടാകരുത്. ശക്തിശാലി അന്തരീക്ഷമായിരിക്കണം. അവരെയാണ് നിര്വ്വിഘ്ന ആത്മാവ് എന്ന് പറയുന്നത്. ഇതേ ലക്ഷ്യം വയ്ക്കൂ- വിഘ്നങ്ങള് വരാത്ത രീതിയിലുള്ള ഓര്മ്മയുടെ അന്തരീക്ഷമായിരിക്കണം. കോട്ടയുണ്ടെങ്കില് ശത്രുക്കള്ക്ക് വരാന് സാധിക്കില്ല. അതിനാല് നിര്വ്വിഘ്നമായി നിര്വ്വിഘ്ന സേവാധാരിയാകൂ.ശരി.

വ്യത്യസ്ഥ ഗ്രൂപ്പിനോട്- 1. സേവനം ചെയ്യൂ സന്തുഷ്ട നേടൂ. കേവലം സേവനം മാത്രം ചെയ്യരുത് എന്നാല് സന്തുഷ്ടതയുണ്ടാകുന്ന സേവനം ചെയ്യൂ. സര്വ്വരുടെയും ആശീര്വാദങ്ങള് ലഭിക്കണം. ആശീര്വാദങ്ങളുള്ള സേവനം സഹജമായ സഫലത നേടി തരുന്നു. പ്ലാനനുസരിച്ച് സേവനം ചെയ്യുക തന്നെ വേണം, വളെരയധികം ചെയ്യൂ. സന്തോഷത്തോടെ ഉത്സാഹത്തോടെ ചെയ്യൂ എന്നാല് ചെയ്തിട്ടുള്ള സേവനത്തില് ആശീര്വാദം പ്രാപ്തമായോ അതോ കേവലം പരിശ്രമം മാത്രമാണോ എന്ന് ശ്രദ്ധിക്കൂ. ആശീര്വാദങ്ങളുള്ളയിടത്ത് പരിശ്രമം ഉണ്ടാകില്ല. അതിനാല് ഇപ്പോള് ഇതേ ലക്ഷ്യം വയ്ക്കൂ- ആരുടെയെല്ലാം സമ്പര്ക്കത്തില് വരുന്നുവൊ അവരില് നിന്നും ആശീര്വാദങ്ങള് നേടണം. സര്വ്വരുടെയും ആശീര്വാദങ്ങള് നേടിയാലേ അരകല്പം നിങ്ങളുടെ ചിത്രം ആശീര്വാദം നല്കുകയുള്ളൂ. നിങ്ങളുടെ ചിത്രങ്ങളിലൂടെ ആശീര്വാദങ്ങള് നേടുന്നില്ലേ. ദേവി അഥവാ ദേവന്റെയടുത്ത് ആശീര്വാദം നേടാന് പോകുന്നില്ലേ. അതിനാല് ഇപ്പോള് സര്വ്വരുടെ ആശീര്വാദം ശേഖരിക്കുന്നുണ്ട് അതിനാലാണ് ചിത്രങ്ങളിലൂടെയും നല്കി കൊണ്ടിരിക്കുന്നത്. പ്രോഗ്രം ചെയ്യൂ, റാലി സംഘടിപ്പിക്കൂ.......വി ഐ പി കളുടെ, ഐ പി കളുടെ സേവനം ചെയ്യൂ, സര്വ്വതും ചെയ്യൂ എന്നാല് ആശീര്വാദങ്ങള് ലഭിക്കുന്ന സേവനം ചെയ്യൂ. (ആശീര്വാദങ്ങള് നോടുന്നതിനുള്ള സാധനമെന്ത്?) ഹാംജി പാഠം പക്കാ ആക്കുക. ഒരിക്കലും ആരോടും ഇല്ല ഇല്ല എന്ന് പറഞ്ഞ് ശക്തിഹീനമാക്കരുത്. മറ്റൊരു വ്യക്തി തെറ്റാണെങ്കിലും അവരോട് തെറ്റെന്ന് നേരിട്ട് പറയാതിരിക്കൂ. ആദ്യമേ തന്നെ അവര്ക്ക് ആശ്രയം നല്കൂ, ധൈര്യം നല്കൂ. ആദ്യം ശരിയെന്ന് പറഞ്ഞ് പിന്നീട് പറഞ്ഞു കൊടുക്കൂ എങ്കില് അവര് മനസ്സിലാക്കും. ആദ്യമേ തന്നെ ഇല്ലയെന്ന് പറയുമ്പോള് അവരിലുണ്ടായിരുന്ന കുറച്ച് ധൈര്യം പോലും ഇല്ലാതാകുന്നു. തെറ്റാകാം എന്നാല് തെറ്റിനെ തെറ്റെന്ന് പറഞ്ഞാല് അവര് സ്വയത്തെ ഒരിക്കലും തെറ്റാണെന്ന് മനസ്സിലാക്കില്ല, അതിനാല് ആദ്യം അവരോട് ശരിയെന്നു പറയൂ, ധൈര്യത്തെ വര്ദ്ധിപ്പിക്കൂ പിന്നീട് തീരുമാനം അവര് സ്വയം എടുക്കും. ബഹുമാനം നല്കൂ. ഈ വിധി സ്വന്തമാക്കൂ. തെറ്റാണെങ്കിലും ആദ്യം നല്ലതെന്ന് പറയൂ, ആദ്യം അവരില് ധൈര്യം ഉണ്ടാകട്ടെ. വീണു കിടക്കുന്നയാളെ ഉന്തി തള്ളിയിടുമോ അതോ എഴുന്നേല്പ്പിക്കുമോ? ..... അവര്ക്ക് ആശ്രയം നല്കി ആദ്യം എഴുന്നേല്പ്പിക്കൂ. ഇതിനെയാണ് ഉദാരതയെന്ന് പറയുന്നത്. സഹയോഗിയാകുന്നവരെ സഹയോഗിയാക്കൂ. നിങ്ങളും മുന്നില് ഞാനും മുന്നില് ഒപ്പത്തിനൊപ്പം നടക്കൂ. കൈ കോര്ത്ത് നടക്കൂ എങ്കില് സഫലതയും സന്തുഷ്ടതയുടെ ആശീര്വാദവും ലഭിക്കും. ഇങ്ങനെയുള്ള ആശീര്വാദങ്ങള് നേടുന്നതില് മഹാനാകൂ എങ്കില് സേവനത്തില് സ്വതവേ മഹാനായി മാറും.

സേവാധാരികളോട്- സേവനം ചെയ്ത് സദാ സ്വയത്തെ കര്മ്മയോഗി സ്ഥിതിയില് സ്ഥിതി ചെയ്യുന്നതിന്റെ അനുഭവം ചെയ്യുന്നുണ്ടോ, കര്മ്മം ചെയ്തും ഓര്മ്മ കുറവും, കര്മ്മത്തില് ബുദ്ധി കൂടുതല് പോകുന്നില്ലല്ലോ. കാരണം ഓര്മ്മയിലിരുന്ന് കര്മ്മം ചെയ്യുന്നതിലൂടെ കര്മ്മത്തില് ഒരിക്കലും ക്ഷീണം അനുഭവപ്പെടില്ല. ഓര്മ്മയിലിരുന്ന് കര്മ്മം ചെയ്യുന്നവര് കര്മ്മം ചെയ്തും സദാ സന്തോഷത്തിന്റെ അനുഭവം ചെയ്യുന്നു. കര്മ്മയോഗിയായി കര്മ്മം അര്ത്ഥം സേവനം ചെയ്യുന്നില്ലേ. കര്മ്മയോഗത്തിന്റെ അഭ്യാസി സദാ ഓരോ ചുവടിലും വര്ത്തമാനത്തയും ഭാവിയെയും ശ്രേഷ്ഠമാക്കുന്നു. ഭാവിയിലെ സമ്പാദ്യം സദാ സമ്പന്നവും വര്ത്തമാനം സദാ ശ്രേഷ്ഠവുമാകുന്നു. അങ്ങനെയുള്ള കര്മ്മയോഗിയായി സേവനത്തിന്റെ പാര്ട്ടഭിനയിക്കുന്നു, മറക്കുന്നില്ലല്ലോ? മധുബനില് സേവാധാരികളുണ്ട് അതിനാല് മധുബന് സ്വതവേ തന്നെ ബാബയുടെ ഓര്മ്മ നല്കുന്നു. സര്വ്വ ശക്തികളുടെ ഖജനാക്കള് ശേഖരിച്ചില്ലേ. സദാ സമ്പന്നരായിരിക്കുന്ന രീതിയില് ശേഖരിച്ചില്ലേ. സംഗമയുഗത്തില് ബാറ്ററി സദാ ചാര്ജ്ജാണ്. ദ്വാപരയുഗം മുതല് ബാറ്ററി ചാര്ജ്ജ് കയറുന്നു. സംഗമത്തില് സദാ സമ്പന്നം, സദാ ചാര്ജ്ജാണ്. അതിനാല് മധുബനില് ബാറ്ററി നിറയ്ക്കാന് വരുന്നില്ല, കൂടിക്കാഴ്ച്ച ആഘോഷിക്കാനാണ് വരുന്നത്. ബാബയും കുട്ടികളും തമ്മിലുള്ള സ്നേഹമാണ് അതിനാല് മിലനം ചെയ്യുക, കേള്ക്കുക, ഇത് തന്നെയാണ് സംഗമത്തിലെ കൂടിക്കാഴ്ച്ച..... ശരി.

യൂഥ് റാലിയുടെ സഫലതയ്ക്കുള്ള ബാപ്ദാദായുടെ വരദാനി മഹാവാക്യം- യൂഥ് വിഭാഗത്തെയുണ്ടാക്കൂ. എന്ത് ചെയ്താലും സന്തുഷ്ടതയുണ്ടാകണം, സഫലതയുണ്ടാകണം. ബാക്കി ജീവിതം സേവനത്തിന് വേണ്ടിയുള്ളതാണ്. ഉത്സാഹത്തോടെ ഏത് കാര്യം ചെയ്താലും നല്ലത്. പ്രോഗ്രാമാണ്, ചെയ്യണം അപ്പോള് അത് മറ്റൊരു രൂപമായി മറുന്നു. എന്നാല് തന്റെ ഉണര്വ്വും ഉത്സാഹത്തോടെയും ചെയ്യാന് ആഗ്രഹിക്കുന്നുവെങ്കില് നല്ലത്. എവിടെ പോയാലും ആരെ കണ്ടുമുട്ടിയാലും സേവനം തന്നെയാണ്. സംസാരിക്കുന്നത് മാത്രമല്ല സേവനം എന്നാല് തന്റെ മുഖം സദാ ഹര്ഷിതമായിരിക്കണം. ആത്മീയ മുഖം സേവനം ചെയ്യുന്നു. ഉണര്വ്വും ഉത്സാഹത്തോടെ സന്തോഷത്തോടെ ആത്മീയ സന്തോഷത്തിന്റെ തിളക്കത്തോടെ മുന്നോട്ടുയരണം എന്ന ലക്ഷ്യം വയ്ക്കൂ. ബലം പ്രയോഗിച്ച് ചെയ്യരുത്. പ്രോഗ്രാം ഉണ്ടെങ്കില് ചെയ്യണം, തന്റെ ഉണര്വ്വും ഉത്സാഹത്തോടെയും ചെയ്യൂ, ശരി.

ഉണര്വ്വില്ല എങ്കില് ബന്ധിക്കപ്പെട്ടിരിക്കുന്നുവെന്നാണ്. സാരമില്ല. ഗോള്ഡന് ജൂബിലിക്കുള്ളില് സര്വ്വ ഭാഗങ്ങളിലും സേവനം ചെയ്യണമെന്ന ലക്ഷ്യം ഉണ്ടായിരുന്നു, പദയാത്രികര് തന്റെ തന്നെ ഗ്രൂപ്പില് പോകുന്നു അതേപോലെ ബസ്സിലൂടെ സേവനം ചെയ്യുന്നവരും ഉണ്ടാകണം. ഓരോ സോണിലും അഥവാ ഓരോ ഏരിയയിലും ബസ്സിലൂടെ സേവനം ചെയ്ത് ദില്ലി വരെയെത്താന് സാധിക്കും. രണ്ട് പ്രകാരത്തിലുള്ള ഗ്രൂപ്പ് ഉണ്ടാക്കൂ. ഒന്ന് ബസ്സിലൂടെ സേവനം ചെയ്ത് വരണം, മറ്റൊന്ന് നടത്തത്തിലൂടെയും. ഡബിളായി തീരും. ചെയ്യാന് സാധിക്കും, യുവാക്കളല്ലേ. അവര്ക്ക് തന്റെ ശക്തി എവിടെയെങ്കിലും ഉപയോഗിക്കണം. സേവനത്തില് ശക്തിയുപയോഗിക്കുകയാണെങ്കില് നല്ലത്. ഇതില് രണ്ടാ ഭാവങ്ങളും തെളിയണം- സേവനവും തെളിയണം, പേര് വച്ചിരിക്കുന്നത് പദയാത്രയെന്നാണ് അതിനാല് അതും തെളിയിക്കപ്പെടണം. ഓരോ ദേശത്തുള്ളവരും പദയാത്രികരെ അഭിമൂഖീകരിക്കുന്ന എന്തെങ്കിലും പ്രോഗ്രാം നേരത്തെ ഏര്പ്പാടാക്കണം എങ്കില് ശബ്ദം സ്വതവേ മുഴുകും. എന്നാല് കേവലം പദയാതികരായി മാത്രം കാണപ്പെടരുത്, ആത്മീയ യാത്രക്കാരായി കാണപ്പെടണം, ആത്മീയതയുടെയും സന്തോഷത്തിന്റെയും തിളക്കം കാണപ്പെടണം എങ്കില് നവീനതയുണ്ടാകും. മറ്റുള്ളവര് ചെയ്യുന്ന സാധാരണ യാത്ര പോലെ കാണപ്പെടരുത് എന്നാല് ഡബിള് യാത്രികരായി കാണപ്പെടണം, ഒരു യാത്രയല്ല ചെയ്യുന്നത്. ഓര്മ്മയുടെ യാത്ര ചെയ്യുന്നവരാണ്, പദയാത്രികരാണ്. ഡബിള് യാത്രയുടെ പ്രഭാവം മുഖത്തിലൂടെ കാണപ്പെടണം, ശരി.

വിശ്വത്തിലെ രാജ്യ നേതാക്കന്മാര്ക്കുള്ള അവ്യക്ത ബാപ്ദാദായുടെ മധുരമായ സന്ദേശം- വിശ്വത്തിലെ ഓരോ രാജ്യ നേതാവും തന്റെ ദേശത്തിന്റെ അഥവാ ദേശവാസികളെ ഉന്നതിയിലേക്ക് കൊണ്ടു പോകുന്നതിന് ശുഭ ഭാവന, ശുഭ കാമനയിലൂടെ തന്റെ കാര്യത്തില് മുഴുകിയിരിക്കുന്നു. എന്നാല് ഭാവന വളരെ ശ്രേഷ്ഠമാണ്, ആഗ്രഹിക്കുന്ന അത്രയും പ്രത്യക്ഷ തെളിവ് ലഭിക്കുന്നില്ല- എന്ത് കൊണ്ട്? കാരണം ഇന്നത്തെ ജനത അഥവാ വളരെ നേതാക്കന്മാരുടെ മനസ്സിന്റെ ഭാവനകള് സേവാ ഭാവം, സ്നേഹത്തിന്റെ ഭാവത്തിന് പകരം സ്വാര്ത്ഥ ഭാവം, ഈര്ഷ്യയുടെ ഭാവത്തിലേക്ക് പരിവര്ത്തനപ്പെട്ടു, അതിനാല് ആ അടിത്തറയെ സമാപ്തമാക്കുന്നതിന് പ്രകൃതിയുടെ ശക്തി, സയന്സിന്റെ ശക്തി, വിശ്വത്തെ കുറിച്ചുള്ള അറിവിന്റെ ശക്തി, രാജ്യത്തിന്റെ അധികാരത്തിന്റെ ശക്തിയിലൂടെ സ്വയം പ്രയത്നിച്ചു എന്നാല് യഥാര്ത്ഥമായ സാധനം ആത്മീയ ശക്തിയാണ്. അതിലൂടെയാണ് മനസ്സിന്റെ ഭാവന സഹജമായി പരിവര്ത്തനപ്പെടുന്നത്, ആ ഭാഗത്ത് ശ്രദ്ധ കുറയുമ്പോള് പരിവര്ത്തനപ്പെട്ടിട്ടുള്ള ഭാവനകളുടെ ബീജം സമാപ്തമാകുന്നില്ല. കുറച്ച് സമയത്തേക്ക് അടിച്ചമര്ത്തപ്പെടുന്നു. എന്നാല് സമയത്തിനനുസരിച്ച് അത് ഉഗ്രരൂപത്തില് പ്രത്യക്ഷപ്പെടുന്നു. അതിനാല് ആത്മീയ അച്ഛനുമായി സംബന്ധം യോജിപ്പിച്ച് ആത്മീയ ശക്തിയെടുത്ത് തന്റെ മനസ്സിന്റെ നേതാവാകൂ എങ്കില് രാജ്യനേതാവായി മറ്റുള്ളവരുടെയും മനസ്സിന്റെ ഭാവനകളെ പരിവര്ത്തനപ്പെടുത്താന് സാധിക്കും. നിങ്ങളുടെ മനസ്സിന്റെ സങ്കല്പവും ജനതയുടെ പ്രാക്ടിക്കല് കര്മ്മവും ഒന്നായി തീരും. രണ്ടിന്റെയും സഹയോഗത്തിലൂടെ സഫലതയുടെ പ്രത്യക്ഷ തെളിവ് അനുഭവപ്പെടുന്നു. ഓര്മ്മയുണ്ടായിരിക്കണം സ്വരാജ്യഅധികാരി തന്നെയാണ് സദാ യോഗ്യനായ രാജ്യ നേതാവ് ഭരണാധികാരിയാകുന്നത്. സ്വരാജ്യം നിങ്ങളുടെ ആത്മീയ ജന്മസിദ്ധ അധികാരമാണ്. ഈ ജന്മസിദ്ധ അധികാരത്തിന്റെ ശക്തിയിലൂടെ സദാ സത് ധര്മ്മത്തിന്റെ ശക്തിയും അനുഭവിക്കാം, സഫലമാകാം.

വരദാനം :-
സംഘഠനയിലിരുന്നും ലക്ഷ്യത്തെയും ലക്ഷണത്തെയും സമാനമാക്കുന്ന സദാ ശക്തിശാലി ആത്മാവായി ഭവിക്കട്ടെ.

സംഘഠനയില് പരസ്പരം കാണുമ്പോള് ഉണര്വ്വും ഉത്സാഹവും ഉണ്ടാകുന്നു, അലസതയും ഉണ്ടാകുന്നു. ചിന്തിക്കുന്നു- ഇവരും ചെയ്യുന്നു, അപ്പോള് ഞാനും ചെയ്തു, അതിനാല് സംഘഠനയിലൂടെ ശ്രേഷ്ഠമാകുന്നതിന്റെ സഹയോഗം നേടൂ. ഓരോ കര്മ്മം ചെയ്യുന്നതിനു മുമ്പ് ഈ വിശേഷ ശ്രദ്ധ അഥവാ ലക്ഷ്യം ഉണ്ടായിരിക്കണം- എനിക്ക് സ്വയത്തെ സമ്പന്നമാക്കി സാംപിളാകണം. എനിക്ക് ചെയ്തിട്ട് മറ്റുള്ളവരെ കൊണ്ടും ചെയ്യിക്കണം. എന്നിട്ട് അടിക്കടി ഈ ലക്ഷ്യത്തെ പ്രത്യക്ഷത്തില് കൊണ്ടു വരൂ. ലക്ഷ്യത്തെയും ലക്ഷണത്തെയും ഒന്നാക്കൂ എങ്കില് ശക്തിശാലിയായി തീരും.

സ്ലോഗന് :-
ലാസ്റ്റില് ഫാസ്റ്റായി പോകണമെങ്കില് സാധാരണ സങ്കല്പങ്ങളിലും വ്യര്ത്ഥ സങ്കല്പങ്ങളിലും സമയത്തെ നഷ്ടപ്പെടുത്താതിരിക്കൂ.