09.03.19           Morning Malayalam Murli       Om Shanti           BapDada Madhuban


മധുരമായ കുട്ടികളേ - ഓരോ നിമിഷവും ബാബയേയും സമ്പത്തിനേയും ഓര് മ്മിക്കൂ , ആത്മീയ സര് ജനായ ബാബ നിങ്ങള് ക്ക് നിരോഗിയായി മാറാന് ഒരേ ഒരു മരുന്നാണ് നല് കുന്നത് - കുട്ടികളേ , എന്നെ ഓര് മ്മിക്കൂ .

ചോദ്യം :-
സ്വയം തന്നോടുതന്നെ എന്തെല്ലാം കാര്യങ്ങള് സംസാരിക്കുകയാണെങ്കില് വളരെ അധികം ആനന്ദം അനുഭവപ്പെടും?

ഉത്തരം :-
അവനവനോട് സംസാരിക്കൂ- ഈ കണ്ണുകള്കൊണ്ട് എന്തെല്ലാമാണോ കാണുന്നത് സര്വ്വതും നശിക്കേണ്ടതാണ്. ഞാനും ബാബയും മാത്രമേയുണ്ടാകൂ. മധുരമായ ബാബ നമ്മളെ സ്വര്ഗ്ഗത്തിന്റെ അധികാരിയാക്കി മാറ്റുകയാണ്. ഈ രീതിയില് സംസാരിക്കൂ. ഏകാന്തതയിലേയ്ക്ക് പോകൂ എങ്കില് വളരെയധികം ആനന്ദം അനുഭവപ്പെടും.

ഓംശാന്തി.
പരമപിതാവായ ശിവഭഗവാന്റെ വാക്കുകളാണ്. മധുര മധുരമായ കുട്ടികള്ക്ക് പുരുഷോത്തമ സംഗമയുഗത്തെ ഓരോ ചുവടിലും ഓര്മ്മ വെയ്ക്കണം. ഇത് നിങ്ങള് കുട്ടികള് മാത്രമേ അറിയുന്നുള്ളു, അതും നമ്പര്വൈസായി. ഇത് ബുദ്ധിയില് ഓര്മ്മയുണ്ടാകണം- നമ്മള് ഇപ്പോള് പുരുഷോത്തമ സംഗമയുഗത്തില് പുരുഷോത്തമനായി മാറിക്കൊണ്ടിരിക്കുകയാണ്. ഈ രാവണന്റെ കൂട്ടില് നിന്നും നമ്മളെ മോചിപ്പിക്കാന് ബാബ വന്നിരിക്കുന്നു. ഒരു പക്ഷിയെ കൂട്ടില് നിന്നും പുറത്തേക്ക് വിട്ടാല് അത് വളരെ സന്തോഷത്തോടെ പറന്ന് സുഖം അനുഭവിക്കും. നിങ്ങള് കുട്ടികള്ക്കും അറിയാം അതുപോലെ ഇതും രാവണന്റെ കൂടാണ്, ഇവിടെ അനേക പ്രകാരത്തിലുള്ള ദുഃഖം മാത്രമാണ്. ഈ കൂട്ടില് നിന്നും പുറത്തെടുക്കാന് വേണ്ടിയാണ് ഇപ്പോള് ബാബ വന്നിരിക്കുന്നത്. എല്ലാവരും മനുഷ്യര് തന്നെയാണ്. ശാസ്ത്രങ്ങളില് എഴുതിവെച്ചിട്ടുണ്ട് അസുരന്മാരും ദേവന്മാരും തമ്മില് യുദ്ധം നടന്നു അതില് ദേവന്മാര് വിജയിച്ചു. ഇപ്പോള് യുദ്ധത്തിന്റെ കാര്യം തന്നെയില്ല. ഇപ്പോള് നിങ്ങള് അസുരനില് നിന്നും ദേവതയായി മാറുകയാണ്. ആസുരീയ രാവണന് അര്ത്ഥം 5 വികാരങ്ങള്ക്കു മേല് നിങ്ങള് വിജയം നേടുകയാണ്, അല്ലാതെ രാവണ സമ്പ്രദായത്തിനുമീതെയല്ല. പഞ്ചവികാരങ്ങളെയാണ് രാവണന് എന്നു പറയുന്നത്. അല്ലാതെ ആരെയും കത്തിക്കുന്ന കാര്യമൊന്നുമില്ല. നിങ്ങള് കുട്ടികള് വളരെ സന്തുഷ്ടരാകുന്നു. അമിതമായ ചൂടോ തണുപ്പോ ഇല്ലാത്ത ലോകത്തിലേക്കാണ് നമ്മള് ഇപ്പോള് പോകുന്നത്. അവിടെ സദാ വസന്ത ഋതുവായിരിക്കും. സത്യയുഗീ സ്വര്ഗ്ഗത്തിലെ വസന്ത ഋതു ഇപ്പോഴാണ് വരുന്നത്. ഇവിടെയാണെങ്കില് വസന്ത ഋതു വരുന്നത് അല്പസമയത്തേയ്ക്കാണ്. അവിടെ വസന്ത ഋതു നിങ്ങള്ക്കുവേണ്ടി അരകല്പത്തിലേയ്ക്കായാണ് വരുന്നത്, അവിടെ ചൂടൊന്നും ഉണ്ടാകില്ല. ഇതിലൂടെയും മനുഷ്യര്ക്ക് ദുഃഖമുണ്ടാകുന്നു. മരിച്ചുവീഴുന്നു. ഈ മുഴുവന് ദുഃഖങ്ങളില് നിന്നും രക്ഷപ്പെടുന്നതിനായി അവിനാശീ സര്ജന് നമ്മുക്ക് സഹജമായ മരുന്ന് നല്കുകയാണ്. മറ്റു സര്ജന്റെ അടുത്തേയ്ക്ക് പോയാല് അനേകം മരുന്നുകളുടെ ഓര്മ്മയുണ്ടാകുന്നു. ഇവിടെ ഈ സര്ജന്റെ അടുത്താണെങ്കില് മരുന്നേയില്ല. കേവലം ബാബയെ ഓര്മ്മിക്കുന്നതിലൂടെ തന്നെ എല്ലാ രോഗങ്ങളും ഇല്ലാതാകും അല്ലാതെ വേറെ മരുന്നൊന്നുമില്ല.

കുട്ടികള് പറഞ്ഞിരുന്നു ഇന്ന് ചാര്ട്ട് എങ്ങനെ എഴുതണം എന്നതിനെക്കുറിച്ച് സെമിനാര് വെക്കാമെന്ന്. ബാബയെ എങ്ങനെ ഓര്മ്മിക്കണം? എന്നതിനെക്കുറിച്ച് സെമിനാര് വെയ്ക്കാം. ഇപ്പോള് തന്നെ ഇരുന്ന് ചാര്ട്ടെഴുതൂ എന്ന് പറഞ്ഞ് ബാബ ബുദ്ധിമുട്ടിക്കുന്നില്ല. പേപ്പറിനെ നശിപ്പിക്കേണ്ട ആവശ്യമേയില്ല. ബാബ കേവലം പറയുന്നു ബുദ്ധികൊണ്ട് അച്ഛനെ ഓര്മ്മിക്കു. അജ്ഞാനകാലത്ത് അച്ഛനെ ഓര്മ്മിക്കാന് എന്താ ചാര്ട്ട് ഉണ്ടാക്കിയിരുന്നോ! ഇതില് എഴുത്തുകുത്തുകളുടെ ആവശ്യമൊന്നുമില്ല. ബാബയോട് പറയുന്നു- ബാബാ ഞങ്ങള് അങ്ങയെ മറന്നുപോകുന്നു. ആരെങ്കിലും കേട്ടാല് എന്ത് വിചാരിക്കും? ജീവിച്ചിരിക്കെത്തന്നെ ഞങ്ങള് അച്ഛന്റേതായി മാറി എന്നും പറയുന്നുണ്ട്. എന്തിനാണ് ആയിമാറിയത്? അച്ഛനില് നിന്നും വിശ്വത്തിന്റെ ചക്രവര്ത്തീപദവിയുടെ സമ്പത്ത് നേടാന്. എന്നിട്ട് ഇങ്ങനെയുള്ള അച്ഛനെ നിങ്ങള് മറക്കുന്നത് എന്തുകൊണ്ടാണ്? ഇത്രയും ഉയര്ന്ന സമ്പത്ത് നല്കുന്ന അച്ഛനെ നിങ്ങള്ക്ക് ഓര്മ്മിക്കാന് സാധിക്കില്ലേ! എത്ര തവണ നിങ്ങള് സമ്പത്ത് എടുത്തിട്ടുണ്ട് എന്നിട്ടും നിങ്ങള് മറന്നുപോകുന്നു. അച്ഛനില് നിന്നും സമ്പത്ത് എടുക്കണമെങ്കില് ഓര്മ്മിക്കുകയും വേണം ദൈവീക ഗുണങ്ങളും ധാരണ ചെയ്യണം. എന്താണ് എഴുതേണ്ടത് എന്നുളളത് ഓരോരുത്തരും അവരവരുടെ ഹൃദയത്തോട് ചോദിക്കൂ, നാരദന്റെ ഉദാഹരണവുമുണ്ട്. സ്വയം പറയുന്നു വളരെ വലിയ ഭക്തനാണെന്ന്. നിങ്ങള്ക്കും അറിയാം നമ്മള് ജന്മ ജന്മാന്തരങ്ങള് പഴക്കമുള്ള ഭക്തരാണ്. നമ്മള് മധുരമായ അച്ഛനെ ഓര്മ്മിച്ച് എത്ര സന്തുഷ്ടരാകുന്നു. ആരാണോ കൂടുതല് ഓര്മ്മിക്കുന്നത് അവരാണ് ലക്ഷ്മീ നാരായണനെ വരിക്കുന്നതിന് യോഗ്യരായി മാറുന്നത്. ഏതെങ്കിലും ദരിദ്രനായ കുട്ടിയെ ധനവാന് ദത്തെടുക്കുകയാണെങ്കില് എത്ര സന്തോഷമുണ്ടാകും. അച്ഛനേയും സമ്പത്തിനേയുമായിരിക്കും ഓര്മ്മിക്കുന്നത്. ഇവിടെയാണെങ്കില് അനേകം പേരുണ്ട് അവര്ക്ക് പരിധിയില്ലാത്ത അച്ഛന്റെ കുട്ടിയായി മാറി രാജധാനി പ്രാപ്തമാക്കുന്നതിനുള്ള ബുദ്ധി തന്നെയില്ല. അത്ഭുതപ്പെടുത്തുന്ന കാര്യമാണ്. ഏത് അച്ഛനാണോ സ്വര്ഗ്ഗത്തിന്റെ അധികാരിയാക്കി മാറ്റുന്നത് ആ അച്ഛനെ ഓര്മ്മിക്കാന് സാധിക്കില്ലേ. അച്ഛന് കുട്ടികളെ ദത്തെടുക്കുന്നു. ഇങ്ങനെയുള്ള അച്ഛനെ ഓര്മ്മിക്കാതിരിക്കുക എന്നത് അത്ഭുതപ്പെടുത്തുന്ന കാര്യമാണ്. ഓരോ നിമിഷവും അച്ഛന്റെയും സമ്പത്തിന്റെയും ഓര്മ്മവന്നുകൊണ്ടിരിക്കണം.

അച്ഛന് പറയുന്നു- കളഞ്ഞുപോയി തിരികെ കിട്ടിയ മധുര മധുരമായ ഓമന മക്കളേ, നിങ്ങള് എന്നെ വിളിച്ചത് തന്നെ ദത്തെടുക്കാന് ആവശ്യപ്പെട്ടാണ്. അച്ഛനെ വിളിക്കാറുണ്ടല്ലോ. അച്ഛന് തന്നെയാണ് സ്വര്ഗ്ഗത്തിന്റെ സ്ഥാപന ചെയ്യുന്നത്. സ്വര്ഗ്ഗത്തിന്റെ സമ്പത്ത് നല്കുന്നത്. നിങ്ങള് വിളിക്കുന്നുമുണ്ട്- ബാബാ. ഞങ്ങള് പതിതരെ വന്ന് മടിയിലെടുക്കൂ. സ്വയം പറയുന്നു ഞങ്ങള് പതിതരാണ്, കക്കയാണ്, മോശമാണ്, കാലണയ്ക്ക് പോലും വിലയില്ലാത്തവരാണ്. പരിധിയില്ലാത്ത അച്ഛനെ നിങ്ങള് ഭക്തിമാര്ഗ്ഗത്തില് വിളിച്ചുകൊണ്ടിരുന്നു. ഇപ്പോള് അച്ഛന് പറയുന്നു ഭക്തിമാര്ഗ്ഗത്തിലും നിങ്ങള്ക്ക് അത്ര ദുഃഖമൊന്നും ഉണ്ടായിരുന്നില്ല. ഇപ്പോള് മനുഷ്യര്ക്ക് എത്ര ദുഃഖമാണ്. അച്ഛന് വന്നിരിക്കുകയാണ് അതിനാല് ഇത് തീര്ച്ചയായും വിനാശത്തിന്റെ സമയമാണ്. നിങ്ങള്ക്ക് അറിയാം ഈ യുദ്ധത്തിനുശേഷം എത്ര ജന്മങ്ങളില്, എത്ര വര്ഷങ്ങളില്, യുദ്ധമെന്ന പേരുപോലും ഉണ്ടാകില്ല. ഒരിയ്ക്കലും യുദ്ധം ഉണ്ടാകില്ല. ദുഃഖം രോഗം എന്നീ പേരുകള് പോലും ഉണ്ടാകില്ല. ഇപ്പോഴാണെങ്കില് എത്ര തരം അസുഖങ്ങളാണ്. അച്ഛന് പറയുന്നു- മധുരമായ കുട്ടികളേ, ഞാന് നിങ്ങളെ സര്വ്വദുഃഖങ്ങളില് നിന്നും മോചിപ്പിക്കുന്നു. നിങ്ങള് ഓര്മ്മിച്ചിരുന്നു- അല്ലയോ ഭഗവാനേ, വന്ന് ദുഃഖത്തെ ഇല്ലാതാക്കൂ, സുഖവും ശാന്തിയും നല്കൂ. ഇത് രണ്ടും എല്ലാവരും യാചിക്കുന്നു. എന്തുകൊണ്ടെന്നാല് ഇവിടെ അശാന്തിയാണ്. ശാന്തിസ്ഥാപിക്കാന് ആരാണോ ഉപദേശം നല്കുന്നത് അവര്ക്ക് സമ്മാനങ്ങള് ലഭിച്ചുകൊണ്ടിരിക്കുന്നു. പാവങ്ങള്ക്ക് ശാന്തി എന്ന് എന്തിനേയാണ് പറയുന്നത് എന്നതുപോലും അറിയില്ല. മധുരമായ അച്ഛനിലൂടെയല്ലാതെ മറ്റാരിലൂടെയും ശാന്തി ലഭിക്കുക സാധ്യമല്ല. മനസ്സിലാക്കിക്കൊടുക്കാന് നിങ്ങള് എത്ര പരിശ്രമിക്കുന്നു. എന്നിട്ടും മനസ്സിലാക്കുന്നില്ല. നിങ്ങള്ക്ക് ഗവണ്മെന്റിനോടും ചോദിക്കാന് സാധിക്കും- അനാവശ്യമായി എന്തിനാണ് പൈസ കളയുന്നത്? ശാന്തിയുടെ സാഗരന് ഒരേ ഒരു അച്ഛനാണ്, അച്ഛന് തന്നെയാണ് വിശ്വത്തില് ശാന്തി സ്ഥാപിക്കുന്നത്. ഗവണ്മെന്റ് ഉദ്യോഗസ്ഥര്ക്ക് നല്ല നല്ല കടലാസുകളില് വളരെ രാജകീയമായി കത്ത് എഴുതണം. നല്ല കടലാസ് കാണുമ്പോള് മനസ്സിലാക്കും ഇത് ഏതോ വലിയ ആളുടെ കത്താണ്. പറയൂ, നിങ്ങള് പറയുന്ന വിശ്വത്തിലെ ശാന്തി, വീണ്ടും ലഭിക്കുന്നതിനായി ഇതിനു മുമ്പ് എപ്പോഴാണ് ഉണ്ടായിരുന്നത്? തീര്ച്ചയായും എപ്പോഴെങ്കിലും ലഭിച്ചിട്ടുണ്ടാകും. നിങ്ങള്ക്ക് അറിയാം, അതിനാല് നിങ്ങള്ക്ക് തിയ്യതിയും സമയവുമെല്ലാം എഴുതാന് സാധിക്കും. അച്ഛന് തന്നെയാണ് വന്ന് വിശ്വത്തില് ശാന്തിയും സുഖവും സ്ഥാപിച്ചത്. അത് സത്യയുഗത്തിന്റെ സമയമായിരുന്നു. ഈ ലക്ഷ്മീ നാരായണനാണ് രാജവംശത്തിലെ അടയാളം. ബ്രഹ്മാവിന്റേയും നിങ്ങള് കുട്ടികളുടേയും പാര്ട്ടിനെക്കുറിച്ച് ആര്ക്കും അറിയില്ല. മുഖ്യമായ പാര്ട്ട് ബ്രഹ്മാവിന്റേതല്ലേ. ബ്രഹ്മാവാണ് രഥമായി മാറുന്നത്. ഈ രഥത്തിലൂടെയാണ് ബാബ ഇത്രയും കാര്യങ്ങള് ചെയ്യുന്നത്. പേരുതന്നെ കോടിമടങ്ങ് ഭാഗ്യശാലിയായ രഥം എന്നാണ്. എങ്ങനെ മറ്റുള്ളവര്ക്ക് മനസ്സിലാക്കിക്കൊടുക്കാം എന്ന് ചിന്തിക്കൂ. മനുഷ്യര്ക്ക് എത്ര ലഹരിയാണ്. ഇപ്പോള് നിങ്ങള് അച്ഛന്റെ പരിചയം നല്കണം. ജ്ഞാനസാഗരനായ അച്ഛന്റെ പക്കല് മാത്രമാണ് ജ്ഞാനമുള്ളത്. ബാബ എപ്പോഴാണോ വരുന്നത് അപ്പോഴാണ് നമുക്ക് നല്കുന്നത്, അതുവരെ ആര്ക്കും ജ്ഞാനം നല്കാന് സാധിക്കില്ല. ഭക്തര് എല്ലാവരും ഭക്തിചെയ്തുകൊണ്ടുതന്നെയാണിരിക്കുന്നത്. ജ്ഞാനം ഒരേ ഒരു അച്ഛനാണ് നല്കുന്നത്. ജ്ഞാനത്തിന്റെ സ്ഥായിയായ ഒരു പുസ്തകവും ഉണ്ടാക്കിയിട്ടില്ല. ജ്ഞാനം കാതുകള്കൊണ്ട് കേള്ക്കാനുള്ളതാണ്. ഈ പുസ്തകങ്ങള് എന്തെല്ലാം നിങ്ങള് സൂക്ഷിക്കുന്നുണ്ടോ അതെല്ലാം താല്ക്കാലികമാണ്. ഇതും അവസാനിക്കും. നിങ്ങള് കുറിപ്പുകള് തയ്യാറാക്കുന്നു ഇതും നശിക്കുന്നതാണ്. ഇത് തന്റെ പുരുഷാര്ത്ഥത്തിന് വേണ്ടിമാത്രമാണ്. അച്ഛന് പറയുന്നു ടോപ്പിക്കുകളുടെ ലിസ്റ്റ് ഉണ്ടാക്കൂ എങ്കില് ഓര്മ്മവരും പക്ഷേ ഇതും അറിയാവുന്നതാണ് ഈ പുസ്തകങ്ങള് ഒന്നും അവശേഷിക്കില്ല. നിങ്ങളുടെ ബുദ്ധിയില് ഓര്മ്മ മാത്രം ഉണ്ടാകും. ആത്മാവ് പൂര്ണ്ണമായും അച്ഛനെപ്പോലെ സമ്പന്നമായി മാറും. ബാക്കി എന്തെല്ലാം പഴയ സാധനങ്ങള് ഈ കണ്ണുകള്കൊണ്ടു കാണുന്നുണ്ടോ അതെല്ലാം നശിച്ചുപോകും. അവസാനം ഒന്നും ഉണ്ടാകില്ല.

അച്ഛന് അവിനാശീ സര്ജനാണ്. ആത്മാവും അവിനാശിയാണ്. ഒരു ശരീരം ഉപേക്ഷിച്ച് അടുത്തത് എടുക്കുന്നു. ദിനംപ്രതിദിനം ഏത് ശരീരമാണോ ലഭിക്കുന്നത് അത് മോശമായത് തന്നെയാണ്. ഇപ്പോള് നിങ്ങള് കുട്ടികള്ക്ക് അറിയാം നമ്മള് ശ്രേഷ്ഠാചാരിയായി മാറിക്കൊണ്ടിരിക്കുകയാണ്. അച്ഛന് തന്നെയാണ് ആക്കിമാറ്റുന്നത്. സാധു സന്യാസിമാരല്ലല്ലോ ആക്കി മാറ്റുന്നത്. അച്ഛന് നിങ്ങളെ ശ്രേഷ്ഠാചാരിയാക്കി മാറ്റുന്നു. ബാബ പറയുന്നു- മധുരമായ കുട്ടികളേ, ഞാന് നിങ്ങളെ എന്റെ കണ്ണുകളില് ഇരുത്തി കൂടെക്കൊണ്ടുപോകും. ആത്മാവും ഇവിടെ കണ്ണുകള്ക്കരികിലാണ് ഇരിക്കുന്നത്. അച്ഛന് പറയുന്നു അല്ലയോ ആത്മാക്കളേ നിങ്ങള് എല്ലാവരേയും സംതൃപ്തരാക്കി കൂടെക്കൊണ്ടുപോകും. ബാക്കി കുറച്ച് സമയമേയുള്ളു. ഇപ്പോള് പരിശ്രമിക്കൂ. തന്റെ ഹൃദയത്തോടു ചോദിക്കൂ- ഞാന് മധുരമായ അച്ഛനെ എത്ര സമയം ഓര്മ്മിക്കുന്നുണ്ട്? ഹീരയും റാഞ്ചയും തമ്മിലുള്ള സ്നേഹം വികാരത്തിനുവേണ്ടിയുള്ളതായിരുന്നില്ല. സത്യമായ സ്നേഹമായിരുന്നു. ഓര്മ്മിക്കുമ്പോള്ത്തന്നെ രൂപം മുന്നില് വരുമായിരുന്നു. രണ്ടുപേരും പരസ്പരം കണ്ടുമുട്ടുമായിരുന്നു. അച്ഛന് പറയുന്നു നിങ്ങളും ഇതുപോലെയായി മാറു. അവര് ഒരു ജന്മത്തിലെ പ്രിയതമനും പ്രിയതമയുമായിരുന്നു, നിങ്ങളാണെങ്കില് ജന്മജന്മാന്തരങ്ങളിലേതാണ്. ഈ കാര്യങ്ങള് ഈ സമയത്താണ് സംഭവിക്കുന്നത്. പ്രിയതമന്-പ്രിയതമ എന്ന വാക്കുകളും സ്വര്ഗ്ഗത്തിലില്ല. അവരും പവിത്രമായിരിക്കുന്നു. മനസ്സില് സങ്കല്പം വന്നൂ, ഉടന് മുന്നില് നില്ക്കുന്നു സന്തോഷമായി. നിങ്ങള് കുട്ടികള്ക്കാണെങ്കില് കാണാനായി ഇവിടെ ഒന്നുമില്ല. ഈ സമയത്ത് നിങ്ങള് കേവലം സ്വയം ആത്മാവാണെന്ന് മനസ്സിലാക്കു എന്നിട്ട് പ്രിയതമനായ അച്ഛനെ ഓര്മ്മിക്കൂ. ആത്മാവാണെന്ന് മനസ്സിലാക്കി വളരെ സന്തോഷത്തോടെ അച്ഛനെ ഓര്മ്മിക്കണം. അച്ഛന് മനസ്സിലാക്കിത്തന്നുകൊണ്ടിരിക്കുന്നു ഭക്തിമാര്ഗ്ഗത്തില് നിങ്ങള് ഇങ്ങനെയുള്ള പ്രിയതമകളായിരുന്നു, പ്രിയതമനില് ബലിയര്പ്പണമാകുമായിരുന്നു. അല്ലയോ പ്രിയതമാ അങ്ങു വരുകയാണെങ്കില് ഞങ്ങള് അങ്ങയില് സമര്പ്പണമാകും. ഇപ്പോള് പ്രിയതമന് വന്നിരിക്കുന്നു, എല്ലാവരേയും സുന്ദരമാക്കാന്. ആര് എങ്ങനെയായിരുന്നുവോ അങ്ങനെയാക്കി മാറ്റാന് പരിശ്രമിച്ചുകൊണ്ടിരിക്കുന്നു. നിങ്ങള് വെളുത്തവരായി മാറുമ്പോള് ശരീരവും വെളുത്തതാകും. ആത്മാവില്ത്തന്നെയാണ് അഴുക്ക് പിടിക്കുന്നത്. ഇപ്പോള് നിങ്ങള് എന്നെ ഓര്മ്മിക്കുകയാണെങ്കില് അഴുക്ക് ഇല്ലാതാകും. ഇവിടേയ്ക്ക് നിങ്ങള് കുട്ടികള് വരുന്നു, ഇവിടെയുള്ള ഏകാന്തത വളരെ നല്ലതാണ്. പുരോഹിതന്മാരും(പാദരി) കാല്നടയായി യാത്ര ചെയ്യുന്നു, തീര്ത്തും സൈലന്സില് ഇരിക്കുന്നു. മാല എപ്പോഴും അവരുടെ കൈയ്യിലുണ്ടാകും. ആരെയും കാണുന്നുപോലുമുണ്ടാകില്ല. പതുക്കെ പതുക്കെ നടന്നുനീങ്ങും. അവര് ക്രിസ്തുവിനെയാണ് ഓര്മ്മിച്ചുകൊണ്ടിരിക്കുന്നത്. അച്ഛനെ അറിയുന്നേയില്ല. എന്നെക്കുറിച്ച് പറയുന്നത് നാമരൂപങ്ങളില് നിന്ന് വേറിട്ടത് എന്നാണ്. ഇപ്പോള് ബിന്ദുവിനെ എങ്ങനെ കാണും! ബിന്ദുവിനെ എങ്ങനെ ഓര്മ്മിക്കണം എന്നത് ആര്ക്കും അറിയില്ല. നിങ്ങള്ക്ക് ഇപ്പോള് അറിയാന് കഴിഞ്ഞു അതിനാലാണ് നിങ്ങള് ഇവിടേയ്ക്ക് വരുന്നത്. മധുബനെക്കുറിച്ച് പാട്ടുമുണ്ട്. നിങ്ങള് വരുന്നത് ഇവിടേയ്ക്കാണ്, ഇതാണ് സത്യം സത്യമായ മധുബന്. ഏത്ര സാധിക്കുമോ അത്രയും ഏകാന്തമായി ഓര്മ്മയില് ഇരിക്കു. ആരെയും നോക്കരുത്. മുകളില് മട്ടുപ്പാവുകളുണ്ട്. അതിരാവിലെ ബാബയുടെ ഓര്മ്മയില് മട്ടുപ്പാവിലേയ്ക്ക് പോകൂ, വളരെ രസം തോന്നും. ഒരു മണിക്കോ രണ്ടുമണിക്കോ ഉണരുന്നതിനുള്ള പരിശ്രമം ചെയ്യൂ. നിങ്ങള് ഉറക്കത്തെ ജയിക്കുന്നവരാണ്. രാത്രിയില് നേരത്തേ ഉറങ്ങൂ. പിന്നീട് ഒരുമണിക്കോ രണ്ടുമണിക്കോ ഉണര്ന്ന് മട്ടുപ്പാവില്ച്ചെന്ന് ഏകാന്തതയില് അച്ഛന്റെ ഓര്മ്മയുടെ യാത്രചെയ്തുകൊണ്ടിരിക്കൂ. വളരെ അധികം സമ്പാദിക്കണം. അച്ഛനെ ഓര്മ്മിച്ചുകൊണ്ട് അച്ഛനെ മഹിമ ചെയ്യുന്നതില് മുഴുകൂ. പരസ്പരം ഈ നിര്ദ്ദേശം പങ്കുവെയ്ക്കു. ബാബ എത്ര മധുരമാണ്, ബാബയെ ഓര്മ്മിക്കുന്നതിലൂടെയേ പാപം ഇല്ലാതാകൂ. ഇവിടെ വളരെ അധികം സമ്പാദിക്കാന് സാധിക്കും. അതിനുള്ള അവസരങ്ങള് ഇവിടെ നന്നായി ലഭിക്കുന്നുണ്ട്. വീട്ടിലിരിക്കുമ്പോള് നിങ്ങള്ക്ക് ചെയ്യാന് സാധിക്കില്ല. സമയം കിട്ടുന്നേയില്ല. ലോകത്തിന്റെ വൈബ്രേഷനും പരിസ്ഥിതിയും വളരെ മോശമായിരിക്കും. ഓര്മ്മയുടെ യാത്ര ഇത്രത്തോളം അവിടെ നടക്കില്ല. ഇപ്പോള് ഇതില് എഴുതാനെന്തിരിക്കുന്നു. പ്രിയതമനും പ്രിയതമയും എന്താ എഴുതാറുണ്ടോ! ഉള്ളില് നോക്കണം ഞാന് ആര്ക്കും ദുഃഖം നല്കിയില്ലല്ലോ? ഇവിടേയ്ക്ക് നമ്മള് വന്നിരിക്കുന്നത് സമ്പാദിക്കാനാണ് അതിനാല് പരിശ്രമിക്കൂ, മുകളിലെ മട്ടുപ്പാവില്ചെന്ന് ഏകാന്തമായിരിക്കൂ. ഖജനാവുകളെ ശേഖരിക്കൂ. ഇത് സമ്പാദിക്കുന്നതിനുള്ള സമയമാണ്. 7 ദിവസം അല്ലെങ്കില് 5 ദിവസം വരുന്നു, മുരളി കേട്ടശേഷം പോയി ഏകാന്തമായിരിക്കണം. ഇവിടെ വീട്ടിലാണ് ഇരിക്കുന്നത്. അച്ഛനെ ഓര്മ്മിക്കൂ എങ്കില് നിങ്ങള്ക്കായി സമ്പാദ്യം സ്വരൂപിക്കപ്പെടും. വളരെ അധികം മാതാക്കള് ബന്ധനസ്ഥരാണ്. ഓര്മ്മിക്കുന്നു- ശിവബാബാ ഞങ്ങളെ ബന്ധനത്തില് നിന്നും മുക്തമാക്കൂ എന്ന് പറയുന്നു. വികാരത്തിനുവേണ്ടി എത്ര ഉപദ്രവിക്കുന്നു. കളി കാണിച്ചിട്ടില്ലേ- ദ്രൗപതിയുടെ വസ്ത്രാക്ഷേപം ചെയ്യുന്നതായി. നിങ്ങള് എല്ലാവരും ദ്രൗപതിമാരല്ലേ. അതിനാല് ബാബയെ ഓര്മ്മിച്ചുകൊണ്ടിരിക്കണം. ബാബ അനേകം യുക്തികള് പറഞ്ഞുതരുന്നു. ഇതില് സ്നാനം ചെയ്യുന്നതിന്റെ ഒരു കാര്യവുമില്ല. ങ്ഹാ, അഥവാ ടോയ്ലറ്റില് പോവുകയാണെങ്കില് തീര്ച്ചയായും സ്നാനം ആവശ്യമാണ്. മനുഷ്യരാണെങ്കില് സ്നാനം ചെയ്യുമ്പോഴും ഏതെങ്കിലും ദേവതയേയോ ഭഗവാനേയോ ഓര്മ്മിക്കുന്നു. മുഖ്യമായ കാര്യം ഓര്മ്മയാണ്. ജ്ഞാനം വളരെ അധികം ലഭിച്ചിട്ടുണ്ട്. 84 ജന്മങ്ങളുടെ ചക്രത്തിന്റെ ജ്ഞാനമുണ്ട്. തന്റെ ഉളളിലേക്ക് നോക്കൂ. അവനവനോടു ചോദിക്കൂ- ഇങ്ങനെയുള്ള മധുര മധുരമായ അച്ഛനെ, നമ്മളെ സ്വര്ഗ്ഗത്തിന്റെ അധികാരിയാക്കുന്ന അച്ഛനെ മുഴുവന് ദിവസത്തില് എത്ര സമയം ഓര്മ്മിച്ചു? മനസ്സ് പായുന്നില്ലല്ലോ? എവിടേയ്ക്ക് പായാനാണ്, വേറെ ലോകം തന്നെയില്ലല്ലോ. ഇതെല്ലാം അവസാനിക്കാനുള്ളതാണ്, നമ്മളും ബാബയും മാത്രമേ ബാക്കിയുണ്ടാകൂ. ഇങ്ങനെ ഇങ്ങനെ ഉള്ളില് സംസാരിച്ചുകൊണ്ടിരിക്കൂ എങ്കില് വളരെ അധികം ആനന്ദമുണ്ടാകും. ഇവിടേയ്ക്ക് ആരെല്ലാം വരുന്നുണ്ടോ അവരെല്ലാവരും പഴയ ഭക്തരാണ്, ആരാണോ വരാത്തത് അവര് ഇന്നത്തെ ഭക്തരാണ്. അവര് വൈകിയേ വരൂ. തുടക്കം മുതല് ഭക്തിചെയ്തവര് തീര്ച്ചയായും അച്ഛനില് നിന്നും സമ്പത്ത് എടുക്കാന് വരും. ഇത് ഗുപ്തമായ പരിശ്രമമാണ്. ആരാണോ ധാരണ ചെയ്യാത്തത് അവര് ഒരു പരിശ്രമവും ചെയ്യുന്നില്ല. ഇവിടേയ്ക്ക് നിങ്ങള് വരുന്നത് തന്നെ റിഫ്രഷ് ആകുന്നതിനുവേണ്ടിയാണ്. സ്വയം പരിശ്രമിക്കൂ. ഒരാഴ്ചകൊണ്ട് നിങ്ങള്ക്ക് ഇവിടെ ഇത്രയും സമ്പാദിക്കാന് സാധിക്കും അത് അവിടെ 12 മാസം കൊണ്ട് സമ്പാദിക്കാന് കഴിയില്ല. ഇവിടെ 7 ദിവസം കൊണ്ട് നിങ്ങള്ക്ക് മുഴുവന് കുറവുകളേയും നികത്താന് സാധിക്കും. അച്ഛന് നിര്ദ്ദേശം നല്കുകയാണ്. ശരി!

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. ഏകാന്തമായിരുന്ന് അച്ഛനെ ഓര്മ്മിച്ച് സമ്പാദ്യം സ്വരൂപിക്കണം. തന്റെ ഉള്ളില് പരിശോധിക്കണം- ഓര്മ്മയുടെ സമയത്ത് മനസ്സ് പായുന്നില്ലല്ലോ? ഞാന് എത്ര സമയം മധുരമായ അച്ഛനെ ഓര്മ്മിക്കുന്നുണ്ട്?

2. സദാ ഈ സന്തോഷത്തില് കഴിയണം, ബാബ നമ്മളെ രാവണന്റെ കൂട്ടില് നിന്നൂം മുക്തമാക്കി, ഇപ്പോള് നമ്മള് പോകുന്ന ലോകത്ത് അമിതമായ ചൂടുണ്ടാകില്ല, അതിയായ തണുപ്പും ഉണ്ടാകില്ല. അവിടെ സദാ വസന്തഋതുവാണ്.

വരദാനം :-
ആത്മീയ ലഹരിയിലൂടെ പഴയ ലോകത്തെ മറക്കുന്ന സ്വരാജ്യത്തിന്റെയും വിശ്വ രാജ്യത്തിന്റെയും അധികാരിയായി ഭവിയ്ക്കട്ടെ.

സംഗമയുഗത്തില് ആരെല്ലാമാണോ ബാബയുടെ സമ്പത്തിന്റെ അധികാരികള് അവര് തന്നെയാണ് സ്വരാജ്യാധികാരികളും വിശ്വരാജ്യാധികാരികളുമാകുന്നത്. ഇന്ന് സ്വരാജ്യമാണ് നാളെ വിശ്വരാജ്യമുണ്ടാകുന്നു. ഇന്നത്തെയും നാളത്തെയും കാര്യമാണ്. ഇങ്ങനെയുളള അധികാരി ആത്മാക്കള് ആത്മീയ ലഹരിയിലാണിരിക്കുന്നത്. ഈ ലഹരി പഴയ ലോകത്തെ സഹജമായും മറപ്പിക്കുന്നു. അധികാരികള് ഒരിക്കലും വസ്തുവിന്റെയോ വ്യക്തിയുടെയോ സംസ്കാരത്തിന്റെയോ അധീനതയിലേക്ക് വരികയില്ല. അവര്ക്ക് പരിധിയുളള കാര്യങ്ങളെ ഉപേക്ഷിക്കേണ്ടതായി വരുന്നില്ല, സ്വതവേ അതില് നിന്നും മുക്തമാകുന്നു.

സ്ലോഗന് :-
ഓരോ സെക്കന്റും ഓരോ ശ്വാസവും ഓരോ ഖജനാവിനെയും സഫലമാക്കുന്നവര് തന്നെയാണ് സഫലതാ മൂര്ത്തിയാകുന്നത്.