09.11.19           Morning Malayalam Murli       Om Shanti           BapDada Madhuban


മധുരമായകുട്ടികളെ - നിങ്ങളുടെഓര്മ്മവളരെഅതിശയകരമാണ്. കാരണംനിങ്ങള്ഒരേസമയംഅച്ഛന്, ടീച്ചര്, സദ്ഗുരു - മൂന്ന്പേരേയുംഓര്മ്മിക്കുന്നു

ചോദ്യം :-
ഏതെങ്കിലും കുട്ടിയെ മായ അഹങ്കാരത്തിലേക്ക് കൊണ്ടുവന്നാല് അവര് ഏതു കാര്യത്തില് അശ്രദ്ധരാകുന്നു?

ഉത്തരം :-
അഹങ്കാരത്തിലേക്ക് വരുന്ന കുട്ടികള് ദേഹാഭിമാനത്തില് വശപ്പെട്ട് മുരളി നഷ്ടപ്പെടുത്തുന്നു. പഴഞ്ചൊല്ലില്ലേ - എലിക്ക് മഞ്ഞള് കഷ്ണം കിട്ടിയപ്പോള് സ്വയം വ്യാപാരിയാണെന്ന് വിചാരിച്ചു... ഒരുപാടു പേര് മുരളി പഠിക്കുന്നില്ല, നമുക്ക് നേരിട്ട് ശിവബാബയുമായാണ് കണക്ഷന് എന്ന് പറയുന്നു. ബാബ പറയുന്നു - കുട്ടികളേ, മുരളിയില് ദിവസവും പുതിയ പുതിയ കാര്യങ്ങള് വരുന്നുണ്ട്. അതുകൊണ്ട് മുരളി ഒരിക്കലും നഷ്ടപ്പെടുത്തരുത്. ഇക്കാര്യത്തില് ശ്രദ്ധിക്കൂ.

ഓംശാന്തി.
അതി മധുരമായ കളഞ്ഞുപോയി തിരികെക്കിട്ടിയ കുട്ടികളോട് ആത്മീയ അച്ഛന് ചോദിക്കുന്നു, നിങ്ങള് ഇവിടെ ആരുടെ ഓര്മ്മയിലാണ് ഇരിക്കുന്നത്? എല്ലാവരും മൂന്ന് പേരുടെയും ഓര്മ്മയിലാണോ ഇരിക്കുന്നത്? ഓരോരുത്തരും അവരവരോട് ചോദിക്കൂ നമ്മള് ഇവിടെ ഇരിക്കുമ്പോള് മാത്രമാണോ ബാബയെ ഓര്മ്മിക്കുന്നത് അതോ നടക്കുമ്പോഴും ചുറ്റിക്കറുമ്പോഴും ബാബയെ ഓര്മ്മിക്കാറുണ്ടോ? കാരണം ഇത് അതിശയകരമായ കാര്യമാണ്. മറ്റൊരാത്മാവിനെ പ്രതിയും ഇങ്ങനെ പറയില്ല. ഈ ലക്ഷ്മീ-നാരായണന് വിശ്വത്തിന്റെ അധികാരികളാണ്. എങ്കില് കൂടിയും അവരുടെ ആത്മാവിനേയും അച്ഛനും, ടീച്ചറും, സദ്ഗുരുവുമാണെന്ന് പറയില്ല. മുഴുവന് ലോകത്തിലും എത്ര ജീവാത്മാക്കള് ഉണ്ടെങ്കിലും ഒരാത്മാവിനേയും ഇങ്ങനെ പറയില്ല. നിങ്ങള് കുട്ടികള് മാത്രമാണ് ഇങ്ങനെ ഓര്മ്മിക്കുുന്നത്. ഉള്ളിലറിയാം ബാബ നമ്മുടെ അച്ഛനും ടീച്ചറും സദ്ഗുരുവുമാണ്. അതും സുപ്രീമാണ്. മൂന്ന് പേരേയും ഓര്മ്മിക്കുന്നുണ്ടോ അതോ ഒരാളെ മാത്രമാണോ ഓര്മ്മിക്കുന്നത്? ബാബ ഒരാളേയുള്ളൂ എന്നാല് മൂന്ന് ഗുണങ്ങളിലും നിങ്ങള് ഓര്മ്മിക്കുന്നു. ശിവബാബ നമ്മുടെ അച്ഛനും ടീച്ചറും സദ്ഗുരുവുമാണ്. ഇത് എക്സ്ട്രാ ഓര്ഡിനറിയാണ് (അസാധാരണമാണ്). ഇരിക്കുമ്പോഴും നടക്കുമ്പോഴും ചുറ്റിക്കറങ്ങുമ്പോഴും ഇക്കാര്യം ഓര്മ്മ വരണം. ബാബ ചോദിക്കുകയാണ് - ബാബ അച്ഛനും ടീച്ചറും സദ്ഗുരുവുമാണ് എന്ന് ഓര്മിക്കുന്നുണ്ടോ? ഇങ്ങനെ ഒരു ദേഹധാരിയും ഉണ്ടായിരില്ല. ദേഹധാരികളില് നമ്പര്വണ് ശ്രീകൃഷ്ണനാണ്, കൃഷ്ണനെ അച്ഛന്, ടീച്ചര്, സദ്ഗുരു എന്ന് വിളിക്കില്ലല്ലോ. ഇത് വളരെ അതിശയകരമായ കാര്യമാണ്. അതുകൊണ്ട് സത്യം പറയണം മൂന്ന് രൂപത്തിലും ഓര്മ്മിക്കുന്നുണ്ടോ? ഭക്ഷണം കഴിക്കുമ്പോള് ശിവ പിതാവിനെ മാത്രമേ ഓര്മ്മിക്കാറുള്ളോ അതോ മൂന്ന് പേരേയും തന്നെ ഓര്മ്മിക്കാറുണ്ടോ? മറ്റൊരാത്മാവിക്കുറിച്ചും ഇങ്ങനെ പറയാന് സാധിക്കില്ല. ഇത് വളരെ അതിശയകരമായ കാര്യമാണ്. ബാബയുടെ മഹിമ വളരെ വിചിത്രമാണ്. അതുകൊണ്ട് ഇങ്ങനെ മൂന്ന് രൂപത്തിലും ബാബയെ ഓര്മ്മിക്കണം. ഈ അതിശയകരമായ കാര്യത്തിലേക്ക് ബുദ്ധി പൂര്ണ്ണമായും പോകണം. ബാബ വന്ന് തന്റെ പരിചയവും മുഴുവന് ചക്രത്തിന്റെ ജ്ഞാനവും നല്കുകയാണ്. ഇങ്ങനെയാണ് യുഗങ്ങള്, ഇത്ര ഇത്ര വര്ഷമാണ്, ഇത് കറങ്ങിക്കൊണ്ടേയിരിക്കുന്നു. ഈ ജ്ഞാനവും രചയിതാവായ ബാബ തന്നെയാണ് നല്കുന്നത്. ബാബയെ ഓര്മ്മിക്കുമ്പോള് വളരെയധികം ശക്തി ലഭിക്കും. അച്ഛനും ടീച്ചറും ഗുരുവും ഒരാള് തന്നെയാണ്. ഇത്രയും ഉയര്ന്ന മറൊരാത്മാവില്ല. എന്നാല് മായ ഈ ബാബയെ മറപ്പിക്കുന്നു. അപ്പോള് ടീച്ചറിനേയും ഗുരുവിനേയും കൂടി മറന്ന് പോകുന്നു. ഇക്കാര്യം ഓരോരുത്തരും തന്റെ ഹൃദയത്തില് സൂക്ഷിക്കണം. ബാബ നമ്മെ ഇങ്ങനെയുള്ള വിശ്വത്തിന്റെ അധികാരിയാക്കി മാറ്റുകയാണ്. പരിധിയില്ലാത്ത അച്ഛന്റെ സമ്പത്തും തീര്ച്ചയായും പരിധിയില്ലാത്തതായിരിക്കും. ഒപ്പം തന്നെ ഈ മഹിമയും ബുദ്ധിയില് വരണം, നടക്കുമ്പോഴും ചുറ്റിക്കറങ്ങുമ്പോഴും മൂന്ന് പേരുടെയും ഓര്മ്മ ബുദ്ധിയിലുണ്ടായിരിക്കണം. ഈ ഒരാത്മാവു മൂന്ന് രൂപത്തിലും ഒരുമിച്ച് സേവനം ചെയ്യുന്നതുകൊണ്ടാണ് സുപ്രീം എന്ന് പറയുന്നത്. വിശ്വത്തില് എങ്ങനെ ശാന്തി സ്ഥാപിക്കാം എന്ന ചോദ്യമുന്നയിച്ചുകൊണ്ട് സമ്മേളനങ്ങള് നടത്തുന്നുണ്ട്. ഇപ്പോള് ശാന്തി സ്ഥാപിക്കുകയാണ്, വന്ന് മനസ്സിലാക്കൂ. ആരാണോ സ്ഥാപിക്കുന്നത്, ആ ബാബയുടെ കര്ത്തവ്യം നിങ്ങള് തെളിയിച്ചു പറഞ്ഞു കൊടുക്കണം. ബാബയുടെ കര്ത്തവ്യവും കൃഷ്ണന്റെ കര്ത്തവ്യവും തമ്മില് വ്യത്യാസമുണ്ട്. മറ്റുള്ളവര്ക്കെല്ലാം ശരീരത്തിനാണ് പേര് ലഭിക്കുന്നത്. ബാബയുടെ ആത്മാവിന്റെ പേരാണ് പ്രസിദ്ധം. ആ ആത്മാവ് അച്ഛനും ടീച്ചറും ഗുരുവുമാണ്. എന്നാല് ആത്മാവിലുള്ള ജ്ഞാനം എങ്ങനെ നല്കും? ശരീരത്തിലൂടെ തന്നെയല്ലേ നല്കുക. നല്കുന്നതുകൊണ്ട് തന്നെയാണല്ലോ മഹിമ പാടുന്നത്. ശിവജയന്തിക്ക് കുട്ടികള് കോണ്ഫറന്സ് നടത്താറുണ്ട്. സര്വ്വ മതങ്ങളിലുമുള്ള നേതാക്കന്മാരെ വിളിക്കാറുണ്ട്. ഈശ്വരന് സര്വ്വവ്യാപിയല്ല എന്ന് നിങ്ങള് പറഞ്ഞു കൊടുക്കണം. അഥവാ എല്ലാവരിലും ഈശ്വരന് ഉണ്ടെങ്കില് ഒരോ ആത്മാവും അച്ഛനും ടീച്ചറും ഗുരുവുമാകണം! സൃഷ്ടിയുടെ ആദി മധ്യ അന്ത്യത്തിന്റെ ജ്ഞാനം അറിയുമോ? ഇതാര്ക്കും കേള്പ്പിക്കാന് സാധിക്കില്ല. ഉയര്ന്നതിലും ഉയര്ന്ന ബാക്ക് എത്രയാണ് മഹിമയുള്ളതെന്ന് നിങ്ങള് കുട്ടികളുടെ ഉള്ളിലുണ്ടായിരിരിണം. ബാബ മുഴുവന് വിശ്വത്തിനേയും പാവനമാക്കി മാറ്റുന്നു. പ്രകൃതിയേയും പാവനമാക്കി മാറ്റുന്നു. സമ്മേളനങ്ങളില് നിങ്ങള് മറ്റുള്ളവരോട് ആദ്യം ചോദിക്കേണ്ടത്- ഗീതയുടെ ഭഗവാന് ആരാണ്? സത്യയുഗീ ദേവീ ദേവതാ ധര്മ്മം സ്ഥാപിച്ചതാരാണ്? കൃഷ്ണന് എന്നാണ് പറയുന്നതെങ്കില് ബാബയെ അപ്രത്യക്ഷമാക്കുകയാണ് അല്ലെങ്കില് പറയും നാമ- രൂപങ്ങളില് നിന്നും വേറിട്ടതാണ്. അങ്ങനെയൊരാളേയില്ലാ എന്ന് വരുത്തും. അപ്പോള് അച്ഛനല്ലാത്തവര് അനാഥരാകില്ലേ? പരിധിയില്ലാത്ത അച്ഛനെ അറിയുന്നില്ല. കാമത്തിന്റെ വാള് പ്രയോഗിച്ച് പരസ്പരം എത്രമാത്രം ഉപദ്രവിക്കന്നു. പരസ്പരം ദു:ഖിപ്പിക്കുന്നു. ഇക്കാര്യങ്ങളെല്ലം നിങ്ങളുടെ ബുദ്ധിയില് പ്രവര്ത്തക്കണം. വ്യത്യാസം പറഞ്ഞുകൊടുക്കണം - ഈ ലക്ഷ്മീ നാരായണന് ഭഗവാനും ഭവതിയുമാണല്ലോ. ഇവരുടെയും വംശാവലി ഉണ്ടല്ലോ. എങ്കില് തീര്ച്ചയായും എല്ലാവരും ഭഗവാനും ഭഗവതിയും ആയിരിക്കേണ്ടേ. നിങ്ങള് സര്വ്വധര്മ്മത്തിലുള്ളവരേയും വിളിക്കന്നുണ്ട്. നല്ല വിദ്യാഭ്യാസമുള്ളവരെ, ബാബയുടെ പരിചയം നല്കാന് കഴിയുന്നവരെ തീര്ച്ചയായും വിളിക്കണം. നിങ്ങള്ക്കെഴുതാന് സാധിക്കും - ആര്ക്കെങ്കിലും രചയിതാവിന്റേയോ രചനയുടെ ആദി മധ്യ അന്ത്യത്തിന്റേയോ പരിചയം നല്കാന് സാധിക്കുമെങ്കില് അവരുടെ യാത്രയ്ക്കും താമസത്തിനും ഉള്ള എല്ലാ സൗകര്യങ്ങളും ചെയ്തുകൊടുക്കാം- രചയിതാവിന്റെയും രചനയുടേയും പരിചയം നല്കുകയാണെങ്കില് മാത്രം. ആര്ക്കും നല്കുവാന് സാധിക്കില്ല എന്ന് നിങ്ങള്ക്കറിയാം. ഇനി വിദേശത്തു നിന്ന് ആരെങ്കിലും വന്ന് രചയിതാവിന്റേയോ രചനയുടെ ആദി മധ്യ അന്ത്യത്തിന്റേയോ പരിചയം നല്കുകയാണെങ്കിലും ചിലവു ഞങ്ങള് വഹക്കാം. ഇങ്ങനെയൊരു പരസ്യം നല്കാന് മറ്റാര്ക്കും സാധിക്കില്ല. നിങ്ങള് ധൈര്യശാലികളല്ലേ. മഹാവീരന്മാരും മഹാവീരനിമാരുമാണ്. നിങ്ങള്ക്കറിയാം ലക്ഷ്മീ നാരായണന് വിശ്വത്തിന്റെ ചക്രവര്ത്തി പദവി എങ്ങനെയാണ് ലഭിച്ചതെന്ന്. എന്ത് ധൈര്യമാണ് കാണിച്ചതെന്ന്. ബുദ്ധിയില് ഇക്കാര്യങ്ങളെല്ലാം ഉണ്ടായിരിക്കണം. നിങ്ങളെത്ര ഉയര്ന്ന കാര്യമാണ് ചെയ്തുകൊണ്ടിരിക്കുന്നത്. മുഴുവന് വിശ്വത്തിനേയും പാവനമാക്കികൊണ്ടിരിക്കുന്നു. ബാബയേയും ഓര്മ്മക്കണം, സമ്പത്തിനേയും ഓര്മ്മക്കണം. ശിവബാബയെ ഓര്മ്മയുണ്ടോ എന്ന് മാത്രം ചോദിച്ചാല് പോരാ, ബാബയുടെ മഹിമയും പറഞ്ഞു കൊടുക്കണം. ഈ മഹിമ നിരാകാരന്റേത് മാത്രമാണ്. എന്നാല് നിരാകാരന് തന്റെ പരിചയം എങ്ങനെ നല്കും? രചനയുടെ ആദി മധ്യ അന്ത്യത്തിന്റെ ജ്ഞാനം നല്കുന്നതിന് തീര്ച്ചയായും മുഖം വേണം. മുഖത്തിനും എത്രയാണ് മഹിമ. മനുഷ്യര് ഗോമുഖത്ത് പോകുന്നതിന് വേണ്ടി എത്രയാണ് കഷ്ടപ്പെടുന്നത്. എന്തെല്ലാം കാര്യങ്ങളാണ് ഉണ്ടാക്കി വച്ചിരിക്കുന്നത്. അമ്പെയ്തതും ഗംഗ ഉത്ഭവിച്ചു... ഗംഗ പതിത പാവനിയാണെന്ന് കരുതുന്നു. ജലം എങ്ങനെ പതിതത്തില് നിന്നും പാവനമാക്കി മാറ്റും. പതിത പാവനന് ഒരു ബാബ തന്നെയാണ്. ബബ കുട്ടികളെ എന്തെല്ലാം പഠിപ്പിക്കുനന്നു. ബാബ പറയന്നു ഇങ്ങനെ ഇങ്ങനെയെല്ലാം ചെയ്യൂ. രചയിതാവായ ബാബയുടേയും രചനയുടേയും പരിചയം ആരാണ് വന്ന് നല്കുക. ഋഷി മുനിമാരെല്ലാം പറഞ്ഞിരുന്നത് അറിയില്ല എന്ന് തന്നെയാണ്. അര്ത്ഥം നാസ്തികരാണ്. ഇപ്പോള് ആസ്തികര് ആരെങ്കിലും ഉണ്ടോ എന്ന് നോക്കണം. നിങ്ങള് കുട്ടികളിപ്പോള് നാസ്തികനില് നിന്നും ആസ്തികനായി മാറിക്കൊണ്ടിരിക്കുനന്നു. നിങ്ങളെ ഇത്രയും ഉയര്ന്നതാക്കി മാറ്റുന്ന പരിധിയില്ലാത്ത ബാബയെ നിങ്ങള്ക്കറിയാം. ഓ ഗോഡ് ഫാദര്, ദയകാണിക്കൂ എന്ന് പറഞ്ഞ് വിളിക്കുന്നുണ്ട്. ബാബ പറയുന്നു മുഴുവന് വിശ്വത്തിലും രാവണന്റെ രാജ്യമാണ്. സര്വ്വരും ഭ്രഷ്ടാചാരികളാണ്. അപ്പോള് ശ്രേഷ്ഠാചാരികളും ഉണ്ടാകണമല്ലോ. നിങ്ങള് കുട്ടികളുടെ ബുദ്ധിയിലുണ്ട് ആദ്യമാദ്യം പവിത്ര ലോകമായിരുന്നു. ബാബ അപവിത്രമായ ലോകം ഒരിക്കലും നിര്മ്മിക്കില്ല. ബാബ വന്ന് പാവന ലോകം സ്ഥാപിക്കുന്നു. അതിനെ ശിവാലയം എന്ന് വിളിക്കുന്നു. ശിവബാബ ശിവാലയമല്ലേ സ്ഥാപിക്കുക. എങ്ങനെയാണ് സ്ഥാപിക്കുന്നതെന്നും നിങ്ങള്ക്കറിയാം. മഹാപ്രളയമോ, വെള്ളപ്പൊക്കമോ ഒന്നും വരില്ല. ശാസ്ത്രങ്ങളില് എന്തല്ലാമാണ് എഴുതി വച്ചിരിക്കുന്നത്. അവസാനം അവശേഷിച്ച 5 പാണഢവര് പര്വ്വതത്തില് കയറി മരിച്ചുപോയി, ശേഷം എന്താണെന്ന് ആര്ക്കും അറിയില്ല. ഇതെല്ലാം ബാബയിരുന്ന് മനസ്സിലാക്കി തരുന്നു. ബാബ അച്ഛനും ടീച്ചറും സദ്ഗുരുവുമാണെന്ന് നിങ്ങള്ക്ക് മാത്രമേ അറിയൂ. സത്യയുഗത്തില് ക്ഷേത്രങ്ങളില്ല. ഈ ദേവതകള് ജീവിച്ച് പോയവരാണ്. അവരുടെ ഓര്മ്മചിഹ്നങ്ങളായ ക്ഷേത്രങ്ങള് ഇവിടെയുണ്ട്. ഓരോ സെക്കന്റിലും പുതിയ കാര്യങ്ങള് നടന്നു കൊണ്ടിരിക്കുന്നു, ചക്രം തിരിഞ്ഞുകൊണ്ടിരിക്കുന്നു. ബാബ കുട്ടികള്ക്ക് നല്ല നിര്ദ്ദേശങ്ങള് തരുന്നുണ്ട്. എന്നാല് ദേഹാഭിമാനികളായ ഒരുപാടു കുട്ടികള് കരുതുന്നു, നമുക്കെല്ലാം അറിയാം. മുരളിയും വായിക്കില്ല. മുരളിയോട് ആദരവേ ഇല്ല. ബാബ മുന്നറിയിപ്പ് തരുന്നു പലപ്പോഴും വളരെ നല്ല മുരളി നടക്കും. മുടക്കുവാന് പാടില്ല. പത്തോ പതിനഞ്ചോ ദിവസം മുരളി മുടങ്ങിപ്പോയാലും അത് പിന്നീട് ഇരുന്ന് വായിക്കണം. ബാബ ഇതും പറയുന്നു, മറ്റുള്ളവരെ വെല്ലുവിളിക്കൂ - ആര്ക്കെങ്കിലും രചയിതാവിന്റേയോ രചനയുടെയോ ആദി മധ്യ അന്ത്യത്തിന്റെ ജ്ഞാനം നല്കുകയാണെങ്കില് അവരുടെ ചിലവ് ഞങ്ങള് വഹിക്കാം. ഇക്കാര്യത്തെ തിരിച്ചറിയാവുന്നവര് മാത്രമല്ലേ ഇങ്ങനെ വെല്ലുവിളിക്കുകയുള്ളൂ. ടീച്ചര് സ്വയം അറിയുന്നതുകൊണ്ടാണല്ലോ ചോദിക്കുന്നത്. അറിയാത്തവര് എങ്ങനെ ചോദ്യം ചോദിക്കും.

ചില കുട്ടികള് മുരളിയില് അശ്രദ്ധരാകുന്നു. നമുക്ക് ശിവബാബയുമായാണ് കണക്ഷന് എന്ന് പറയുന്നു. എന്നാല് ശിവബാബ പറയുന്ന കാര്യങ്ങളും കേള്ക്കേണ്ടേ. അല്ലാതെ ഓര്മിച്ചാല് മാത്രം മതിയോ. ബാബ നല്ല-നല്ല മധുരമായ കാര്യങ്ങള് എങ്ങനെയാണ് കേള്പ്പിക്കുന്നത്. എന്നാല് മായ പൂര്ണ്ണമായും അഹങ്കാരിയാക്കി മാറ്റും. പഴഞ്ചൊല്ലില്ലേ - എലിക്ക് മഞ്ഞള് കഷ്ണം കിട്ടിയപ്പോള് വിചാരിച്ചു ഞാന് വ്യാപാരി ആയി... വളരെപ്പേര് മുരളി വായിക്കുന്നതേയില്ല. മുരളിയിലല്ലേ പുതിയ-പുതിയ കാര്യങ്ങള് വരുന്നത്. ഈ കാര്യങ്ങളെല്ലാം മനസ്സിലാക്കാനുള്ളതാണ്. ബാബയുടെ ഓര്മ്മയില് ഇരിക്കുമ്പോള് ഇക്കാര്യം കൂടി ഓര്മ്മക്കണം - ബാബ നമ്മുടെ അച്ഛനും ടീച്ചറും സദ്ഗുരുവുമാണ്. അല്ലെങ്കില് എവിടെ നിന്ന് പഠിക്കും. ബാബ കുട്ടികള്ക്ക് എല്ലാം മനസ്സിലാക്കി തരുന്നു. കുട്ടികള് തന്നെയാണ് ബാബയെ പ്രത്യക്ഷമാക്കുന്നത്. സണ് ഷോസ് ഫാദര്. കുട്ടിയെ പിന്നെ അച്ഛന് പ്രത്യക്ഷമാക്കുന്നു. ആത്മാവിനെ പ്രത്യക്ഷമാക്കുന്നു. കുട്ടികളുടെ ജോലിയാണ് ബാബയെ പ്രത്യക്ഷമാക്കുക എന്നത്. ബാബയും കുട്ടികളെ വിടില്ല, പറയും ഇന്ന് ഇന്ന സ്ഥലത്ത് പോകൂ, ഇന്നിവിടെ പോകൂ. ബാബക്ക് ഓര്ഡര് കൊടുക്കുവാന് സാധിക്കില്ല. നിങ്ങളുടെ ക്ഷണമെല്ലാ പത്രങ്ങളിലും വരും. ഈ സമയം മുഴുവന് ലോകവും നാസ്തികമാണ്. ബാബ വന്നിട്ട് ആസ്തികരാക്കി മാറ്റുന്നു. ഈ സമയത്ത് മുഴുവന് ലോകവും കാല് കാശിന് വിലയില്ലാത്തതാണ്. അമേരിക്കയുടെ പക്കല് ധനവും സമ്പത്തും എത്രയുണ്ടെങ്കിലും കാല് കാശിന് വിലയില്ല എന്നേ പറയൂ. ഇതെല്ലാം തന്നെ അവസാനിക്കുവാന് പോകുന്നതാണ്. മുഴുവന് ലോകത്തിലും നിങ്ങള് പൗണ്ടിനു തുല്യം മൂല്ല്യമുള്ളവരാകുന്നു. അവിടെ ദരിദ്രരാരും ഉണ്ടാകില്ല.

നിങ്ങള് കുട്ടികള് ജ്ഞാനം സ്മരിച്ച് ഹര്ഷിത മുഖമുള്ളവരായിരിക്കണം. അങ്ങനെയുള്ളവരെക്കുറിച്ചാണ് പറയുന്നത് - അതീന്ദ്രിയ സുഖത്തിനെക്കുറിച്ച് ഗോപ ഗോപികമാരോട് ചോദിക്കൂ എന്ന്. ഭഗവാന് അച്ഛനും ടീച്ചറും സദ്ഗുരുവുമാണെന്ന് അറിയില്ലായിരുന്നു. ഇപ്പോള് അച്ഛന് കുട്ടികളെ പഠിപ്പിച്ചുകൊണ്ടിരി ക്കുകയാണ്. കുട്ടികള്ക്ക് ഈ ലഹരി സ്ഥായിയായി ഉണ്ടായിരിക്കണം. അന്തിമം വരെ ഈ ലഹരി ഉണ്ടായിരിക്കണം. ഇപ്പോള് ലഹരി പെട്ടെന്ന് സോഡാവെള്ളം പോലെയാകുന്നു. സോഡ അങ്ങനെയല്ലേ കുറച്ചു സമയം വച്ച് കഴിഞ്ഞാല് ക്ഷാരജലമാകും. ഇങ്ങനെയാവാന് പാടില്ല. മറ്റുള്ളവര് അതിശയപ്പെടുന്ന രീതിയില് മനസ്സിലാക്കി കൊടുക്കൂ. നല്ലതാണെന്ന് പറയുന്നുണ്ട്. എന്നാല് അവര് സമയം കണ്ടു പിടിച്ചു മനസ്സിലാക്കുവാന് വരിക, അവരുടെ ജീവിതം തന്നെ മാറുക - അക്കാര്യം വളരെ വിരളമാണ്. ജോലി ചെയ്യുന്നതിനൊന്നും ബാബ തടസ്സം പറയുന്നില്ല. പവിത്രമാകൂ. ഞാന് പഠിപ്പിക്കുന്ന കാര്യങ്ങള് ഓര്മ്മിക്കൂ. ബാബ ടീച്ചറല്ലേ? ഇത് അസാധരണമായ പഠിപ്പാണ്. മനുഷ്യര്ക്കിത് പഠിപ്പിക്കുവാന് സാധിക്കില്ല. ഭാഗ്യശാലിരഥത്തില് വന്ന് പഠിപ്പിക്കുന്നത് ബാബ തന്നെയാണ്. ബാബ മനസ്സിലാക്കി തരുന്നു നിങ്ങളുടെയും സിംഹാസനത്തില് (ഭൃകുടിയില്) തന്നെയാണ് ആത്മാവ് വന്ന് ഇരിക്കുന്നത്. ആത്മാവിന് ഈ മുഴുവന് പാര്ട്ടും ലഭിച്ചിട്ടുള്ളതാണ്. ഇതെല്ലാം യഥാര്ത്ഥ കാര്യങ്ങളാണെന്ന് ഇപ്പോള് നിങ്ങള് മനസ്സിലാക്കൂ. ബാക്കിയെല്ലാം കൃത്രിമമാണ്. ഇത് നല്ല രീതിയില് ധാരണ ചെയ്ത് ചരട് ബന്ധിക്കൂ. അങ്ങനെയെങ്കില് കൈ തടയുമ്പോള് തന്നെ ഓര്മ്മവരും. എന്നാല് എന്തിനാണ് കെട്ടിയതെന്ന് പോലും മറന്നുപോകുന്നു. നിങ്ങള്ക്ക് ഇക്കാര്യം നല്ല രീതിയില് ഓര്മ്മിക്കണം. ബാബയെ ഓര്മ്മിക്കുന്നതിനോടൊപ്പം ജ്ഞാനവും വേണം. മുക്തിയുമുണ്ട്, ജീവന്മുക്തിയുമുണ്ട്. അതിമധുരമായ കുട്ടികളാകൂ. ബാബ ഉള്ളില് മനസ്സിലാക്കുന്നുണ്ട് കല്പ്പ-കല്പ്പം ഈ കുട്ടികള് പഠിക്കുന്നു. നമ്പര്വൈസ് പുരുഷാര്ത്ഥമനുസരിച്ച് തന്നെയാണ് സമ്പത്തെടുക്കുന്നത്. എങ്കിലും പഠിപ്പിക്കുന്ന ടീച്ചര് പുരുഷാര്ത്ഥം ചെയ്യിക്കില്ലേ. നിങ്ങള് അടിക്കടി മറന്ന് പോകുന്നതുകൊണ്ടാണ് ഓര്മ്മിപ്പിക്കേണ്ടി വരുന്നത്. ശിവബാബയെ ഓര്മ്മിക്കൂ. ബാബ അച്ഛനും ടീച്ചറും സദ്ഗുരുവുമാണ്. ചെറിയ കുട്ടികള്ക്ക് ഇങ്ങനെ ഓര്മ്മിക്കുവാന് സാധിക്കില്ല. കൃഷ്ണന് അച്ഛനും ടീച്ചറും സദ്ഗുരുവുമാണ് എന്ന് ഒരിക്കലും പറയില്ല. സത്യയുഗത്തിന്റെ രാജകുമാരനായ കൃഷ്ണന് എങ്ങനെ ഗുരുവാകും. ദുര്ഗതിയിലാണ് ഗുരുവിനെ വേണ്ടത്. പാടാറുണ്ട് ബാബ വന്ന് സര്വ്വരുടേയും സദ്ഗതി ചെയ്യുന്നു എന്ന്. കൃഷ്ണനെ കരിങ്കുയില് പോലെ കറുപ്പിച്ചു കാണിച്ചിരിക്കുന്നു. ബാബ പറയുന്നു സര്വ്വരും കാമ ചിതയിലിരുന്ന് കരിങ്കുയില് പോലെയായി അതുകൊണ്ടാണ് ശ്യാമനെന്ന് പറയുന്നത്. മനസ്സിലാക്കുന്നതിനായി എത്രയോ ആഴമേറിയ കാര്യങ്ങളുണ്ട്. ഗീത സര്വ്വരും വായിക്കുന്നതാണ്. ഭാരതവാസികള് തന്നെയാണ് സര്വ്വ ശാസ്ത്രങ്ങളും അംഗീകരിക്കുന്നത്. സര്വ്വരുടെയും ചിത്രങ്ങള് വയ്ക്കുന്നുണ്ട്. അങ്ങനെയുള്ളവരെ എന്തു പറയും? വ്യഭിചാരി ഭക്തിയല്ലേ? ഒരു ശിവന്റെ ഭക്തി മാത്രമാണ് അവ്യഭിചാരി ഭക്തി. ജ്ഞാനവും ലഭിക്കുന്നത് ഒരു ശിവബാബയില് നിന്നല്ലേ. ഈ ജ്ഞാനം തീര്ത്തും വേറിട്ടതാണ്. ഈ ജ്ഞാനത്തയാണ് ആത്മീയ ജ്ഞാനം എന്നു പറയുന്നത്. ശരി!

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര -മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) വിനാശിയായ ലഹരി ഉപേക്ഷിച്ച് ഈ അലൗകിക ലഹരിയുണ്ടായിരിക്കണം - നമ്മള് കാല്ക്കാശിന് വിലയില്ലാത്തവരില് നിന്നും മൂല്യമുള്ള പൗണ്ടായി മാറുകയാണ്. സ്വയം ഭഗവാന് നമ്മളെ പഠിപ്പിക്കുന്നു. നമ്മുടെ പഠിപ്പ് അസാധാരണമാണ്.

2) ആസ്തികരായി ബാബയെ പ്രത്യക്ഷമാക്കുന്ന സേവനം ചെയ്യണം. ഒരിക്കലും അഹങ്കാരത്തിലേക്ക് വന്ന് മുരളി മുടക്കരുത്.

വരദാനം :-

ഓരോ ചുവടിലും വരദാതാവില് നിന്നും പ്രാപ്തമാക്കി പരിശ്രമത്തില് നിന്ന് മുക്തമായി കഴിയുന്ന അധികാരി ആത്മാവായി ഭവിക്കൂ

ആരാണോ സ്വയം വരദാതാവിന്റെ തന്നെ കുട്ടികളായിരിക്കുന്നത് അവര്ക്ക് ഓരോ ചുവടിലും വരദാതാവില് നിന്ന് വരദാനം സ്വതവേ തന്നെ ലഭിക്കുന്നു. വരദാനം തന്നെയാണ് അവരുടെ പാലന. വരദാനങ്ങളുടെ പാലനയിലൂടെ തന്നെയാണ് അവര് വളരുന്നത്. പരിശ്രമം കൂടാതെ ഇത്രയും ശ്രേഷ്ഠമായ പ്രാപ്തികള് ഉണ്ടാകുക ഇതിനെ തന്നെയാണ് വരദാനമെന്ന് പറയുന്നത്. അങ്ങനെ ജന്മ-ജന്മാന്തരം പ്രാപ്തിയുടെ അധികാരിയായി. ഓരോ ചുവടിലും വരദാതാവിന്റെ വരദാനം ലഭിച്ചുകൊണ്ടിരിക്കുന്നു, സദാ ലഭിച്ചുകൊണ്ടിരിക്കുകയും ചെയ്യും. അധികാരീ ആത്മാവിന് ദൃഷ്ടിയിലൂടെ, വാക്കിലൂടെ, സംബന്ധത്തിലൂടെ വരദാനം തന്നെ വരദാനമാണ്.

സ്ലോഗന് :-
സമയത്തിന്റെ വേഗതയനുസരിച്ച് പുരുഷാര്ത്ഥത്തിന്റെ വേഗത തീവ്രമാക്കൂ.