09.11.2020           Morning Malayalam Murli       Om Shanti           BapDada Madhuban


മധുരമായ കുട്ടികളേ - നിങ്ങളുട െഈ സമയം വളര െഅധികം വിലപ്പെ ട്ടതാണ്, അതിനാല് ഇതിന െവ്യര്ത്ഥമ ാക്കരുത്, പാത്രം നോക്കി ജ്ഞാനം ദാനം ചെയ്യൂ.

ചോദ്യം :-
ഗുണങ്ങളുടെ ധാരണയും ഉണ്ടാകണം അതിനോടൊപ്പം പെരുമാറ്റവും ശരിയാകണം അതിനുള്ള സഹജമായ വിധി എന്താണ്?

ഉത്തരം :-
ബാബ എന്താണോ മനസ്സിലാക്കിത്തന്നത് - അത് മറ്റുള്ളവര്ക്ക് മനസ്സിലാക്കിക്കൊടുക്കൂ. ജ്ഞാനധനം ദാനം ചെയ്യൂ എങ്കില് ഗുണങ്ങളുടെ ധാരണയും ഉണ്ടാകും, പെരുമാറ്റവും നല്ലതാകും. ആരുടെ ബുദ്ധിയിലാണോ ഈ ജ്ഞാനം ഇരിക്കാത്തത്, ജ്ഞാനധനം ദാനം നല്കാത്തത് ആരാണോ അവര് വിഢ്ഢികളാണ്. അവര് സൗജന്യമായി തനിക്കുതന്നെ നഷ്ടം ഉണ്ടാക്കുകയാണ്.

ഗീതം :-
കുട്ടിക്കാലത്തെ ദിനങ്ങള് മറന്നുപോകരുത്.........

ഓംശാന്തി.
മധുര മധുരമായ കുട്ടികള് ഗീതം കേട്ടു, അര്ത്ഥം നല്ല രീതിയില് മനസ്സിലായി. നമ്മള് ആത്മാക്കളാണ്, പരിധിയില്ലാത്ത ബാബയുടെ കുട്ടികളാണ്- ഇത് മറന്നുപോകരുത്. ഈ നിമിഷം ബാബയുടെ ഓര്മ്മയില് ഹര്ഷിതമായിരിക്കുന്നു, അടുത്ത നിമിഷം ഓര്മ്മിക്കാന് മറക്കുമ്പോള്ദുഃഖിയായും മാറുന്നു. ഈ നിമിഷം ജീവിച്ചിരിക്കുന്നു, അടുത്ത നിമിഷം തന്നെ മരിക്കുകയും ചെയ്യുന്നു ഈ നിമിഷം പരിധിയില്ലാത്ത അച്ഛന്റേതാകുന്നു അടുത്ത നിമിഷം തന്നെ പരിധിയുള്ള കുടുംബത്തിലേയ്ക്കും പോകുന്നു. അതിനാല് ബാബ പറയുന്നു ഇന്ന് പുഞ്ചിക്കുകയും നാളെ കരയുകയും ചെയ്യരുത്. ഇതാണ് ഗീതത്തിന്റെ അര്ത്ഥം.

നിങ്ങള് കുട്ടികള്ക്ക് അറിയാം - മനുഷ്യര് വളരെ അധികം പരിശ്രമിക്കുന്നതും പരിശ്രമിക്കുകയും ക്ഷീണിക്കുകയും ചെയ്യുന്നത് ശാന്തിയ്ക്കുവേണ്ടിയാണ്. തീര്ത്ഥയാത്രകള് നടത്തുന്നു. ക്ഷീണിക്കുന്നതുകൊണ്ട് ശാന്തി ലഭിക്കും എന്നല്ല. ഈ ഒരേയൊരു സംഗമയുഗത്തില് മാത്രമാണ് ബാബ വന്ന് മനസ്സിലാക്കിത്തരുന്നത്. ആദ്യമാദ്യം സ്വയം തിരിച്ചറിയൂ. ആത്മാവ് ശാന്തസ്വരൂപം തന്നെയാണ്. വസിക്കുന്ന സ്ഥാനവും ശാന്തിധാമമാണ്. ഇവിടെ വരുമ്പോള് കര്മ്മം തീര്ച്ചയായും ചെയ്യേണ്ടതായി വരും. എപ്പോള് തന്റെ ശാന്തിധാമത്തിലാണോ അപ്പോള് ശാന്തമാണ്. സത്യയുഗത്തിലും ശാന്തിയുണ്ടാകും. സുഖവുമുണ്ട്, ശാന്തിയുമുണ്ട്. ശാന്തിധാമത്തെ സുഖധാമം എന്ന് പറയില്ല. എവിടെ സുഖമുണ്ടോ അതിനെ സുഖധാമമെന്നും എവിടെ ദുഃഖമുണ്ടോ അതിനെ ദുഃഖധാമമെന്നും പറയുന്നു. ഈ മുഴുവന് കാര്യങ്ങളും നിങ്ങള് മനസ്സിലാക്കുന്നു. ഇതെല്ലാം ഏതൊരാള്ക്കും സന്മുഖത്താണ് മനസ്സിലാക്കിക്കൊടുക്കുന്നത്. പ്രദര്ശിനിയിക്ക്േ എപ്പോള് കടക്കുന്നുവോ അപ്പോള് ആദ്യം ബാബയുടെ പരിചയം നല്കണം. മനസ്സിലാക്കിക്കൊടുക്കണം ആത്മാവിന്റെ അച്ഛന് ഒന്നാണ്. അവര് തന്നെയാണ് ഗീതയുടെ ഭഗവാന്. ബാക്കി എല്ലാവരും ആത്മാക്കളാണ്. ആത്മാവ് ശരീരം ഉപേക്ഷിക്കുകയും ധാരണ ചെയ്യുകയും ചെയ്യുന്നു. ശരീരത്തിന്റെ പേരും മാറുന്നു. ആത്മാവിന്റെ പേര് മാറുന്നില്ല. അതിനാല് നിങ്ങള് കുട്ടികള്ക്ക് മനസ്സിലാക്കിക്കൊടുക്കാന് സാധിക്കും - പരിധിയില്ലാത്ത ബാബയില് നിന്നേ സുഖത്തിന്റെ സമ്പത്ത് ലഭിക്കൂ. ബാബ സുഖം നിറഞ്ഞ സൃഷ്ടി സ്ഥാപിക്കുകയാണ്. ബാബ ദുഃഖം നിറഞ്ഞ സൃഷ്ടി രചിക്കുകയില്ല. ഭാരതത്തില് ലക്ഷ്മീ നാരായണന്മാരുടെ രാജ്യമുണ്ടായിരുന്നില്ലേ. ചിത്രവുമുണ്ട്- പറയൂ സുഖത്തിന്റെ ഈ സമ്പത്താണ് ലഭിക്കുന്നത്. അഥവാ ഇത് പൂര്ണ്ണമായും നിങ്ങളുടെ കല്പനയാണ് എന്ന് പറയുകയാണെങ്കില് പിന്നീട് അവര്ക്ക് നിങ്ങള്വിട നല്കൂ. കല്പനയെന്ന് കരുതുന്നവര് ഒന്നും മനസ്സിലാക്കില്ല. നിങ്ങളുടെ സമയം വളരെ വിലപ്പെട്ടതാണ്. ഈ മുഴുവന് ലോകത്തിലും നിങ്ങളുടേതുപോലെ വലിപ്പെട്ട സമയമുള്ള മറ്റാരുമില്ല. വലിയ വലിയ ആളുകളുടെ സമയം വിലപ്പെട്ടതായിരിക്കും. ബാബയുടെ സമയം എത്ര വലിപ്പെട്ടതാണ്. ബാബ മനസ്സിലാക്കിത്തന്ന് എന്തില് നിന്നും എന്താക്കി മാറ്റുന്നു. അതിനാല് ബാബ നിങ്ങള് കുട്ടികളോടും പറയുകയാണ് തന്റെ വിലപ്പെട്ട സമയത്തെ പാഴാക്കരുത്. ജ്ഞാനം പാത്രം നോക്കി ദാനം ചെയ്യൂ. പാത്രമനുസരിച്ച് മനസ്സിലാക്കിക്കൊടുക്കണം - എല്ലാ കുട്ടികള്ക്കും മനസ്സിലാക്കാന് കഴിയില്ല, മനസ്സിലാക്കുന്നതിനുള്ള ബുദ്ധിയില്ല. ഏറ്റവുമാദ്യം ബാബയുടെ പരിചയം നല്കണം. ഏതുവരെ നമ്മള് ആത്മാക്കളുടെ അച്ഛന് ശിവബാബയാണ് എന്ന് മനസ്സിലാക്കുന്നില്ലയോ അതുവരെ മറ്റൊന്നും മനസ്സിലാക്കാന് സാധിക്കില്ല. വളരെ സ്നേഹത്തോടെ വിനയത്തോടെ മനസ്സിലാക്കിക്കൊടുത്ത് യാത്രയാക്കണം എന്തുകൊണ്ടെന്നാല് ആസുരീയ സമ്പ്രദായത്തില് വഴക്കുണ്ടാക്കാന് സമയമെടുക്കില്ല. ഗവണ്മെന്റ് വിദ്യാര്ത്ഥികളുടെ എത്ര മഹിമ ചെയ്യുന്നു. അവര്ക്കായി എന്തെല്ലാം സൗകര്യങ്ങള് ഒരുക്കുന്നു. കോളേജ് വിദ്യാര്ത്ഥികളാണ് ആദ്യം കല്ലെറിയാന് തുടങ്ങുന്നത്. അവേശമുണ്ടാകുമല്ലോ. വൃദ്ധര്ക്കോ മാതാക്കള്ക്കോ ഇത്ര ശക്തിയോടെ കല്ല് എറിയാന് സാധിക്കില്ല. സാധാരണയായി വിദ്യാര്ത്ഥികളാണ് ബഹളം ഉണ്ടാക്കുന്നത്. അവരെയാണ് അടിയുണ്ടാക്കാനായി തയ്യാറാക്കുന്നത്. ഇപ്പോള് ബാബ ആത്മാക്കള്ക്ക് മനസ്സിലാക്കിത്തരുന്നു- നിങ്ങള് തലതിരിഞ്ഞവരായി മാറി. സ്വയം ആത്മാവാണ് എന്നതിനുപകരം ശരീരമാണ് എന്ന് കരുതുന്നു. ഇപ്പോള് ബാബ നിങ്ങളെ ശരിയാക്കുകയാണ്. രാവും പകലും തമ്മിലുള്ള വ്യത്യാസമുണ്ട്. ശരിയാകുന്നതിലൂടെ നിങ്ങള് വിശ്വത്തിന്റെ അധികാരിയായി മാറുന്നു. ഇപ്പോള് നിങ്ങള് മനസ്സിലാക്കുന്നുണ്ട് അരകല്പം നമ്മള്തലതിരിഞ്ഞവരായിരുന്നു. ഇപ്പോള് ബാബ അരകല്പത്തിലേയ്ക്ക് നമ്മളെ നേരെയാക്കുന്നു. അല്ലാഹുവിന്റെ കുട്ടിയായി മാറുമ്പോള് വിശ്വസാമ്രാജ്യമാകുന്ന സമ്പത്ത് പ്രാപ്തമാകുന്നു. മായ തലതിരിഞ്ഞവരാക്കി മാറ്റുമ്പോള് സമ്പത്തെല്ലാം നഷ്ടമാകുന്നു പിന്നെ താഴെയ്ക്ക് ഇറങ്ങാന് തുടങ്ങുന്നു. രാമരാജ്യത്തേയും രാവണ രാജ്യത്തേയും നിങ്ങള് കുട്ടികള് അറിയുന്നുണ്ട്. നിങ്ങള്ക്ക് ബാബയുടെ ഓര്മ്മയില് ഇരിക്കണം. തീര്ച്ചയായും ശരീര നിര്വ്വഹണാര്ത്ഥം കര്മ്മം ചെയ്യണം എങ്കിലും ഒരുപാട് സമയം ലഭിക്കുന്നുണ്ടല്ലോ. ജിജ്ഞാസുക്കളാരുമില്ല, ഒരു ജോലിയും ഇല്ലെങ്കില് ബാബയുടെ ഓര്മ്മയില് ഇരിക്കണം. അത് അല്പകാലത്തിലേയ്ക്കുള്ള സമ്പാദ്യമാണ് എന്നാല് നിങ്ങളുടേത് സദാ കാലത്തിലേയ്ക്കുള്ള സമ്പാദ്യമാണ്, ഇതില് കൂടുതല് ശ്രദ്ധ നല്കണം. മായ അടിക്കടി മറ്റു ചിന്തകളിലേയ്ക്ക് കൊണ്ടുപോകുന്നു. ഇത് ഉണ്ടാകും. മായ മറപ്പിക്കും. ഇതിനെക്കുറിച്ച് ഒരു നാടകവും കാണിക്കുന്നുണ്ട്- പ്രഭു ഇങ്ങനെ ചെയ്യുന്നു, മായ അങ്ങനെ ചെയ്യുന്നു. ബാബ കുട്ടികള്ക്ക് മനസ്സിലാക്കിത്തരുന്നു എന്നെ മാത്രം ഓര്മ്മിക്കൂ, ഇതില് തന്നെയാണ് വിഘ്നങ്ങള് ഉണ്ടാകുന്നത്. മറ്റൊരുകാര്യത്തിലും ഇത്രയും വിഘ്നം ഉണ്ടാകില്ല. പവിത്രതയ്ക്കായി എത്ര അടി കൊള്ളുന്നു. ഭാഗവതത്തില് ഈ സമയത്തെക്കുറിച്ചാണ് പാടിയിരിക്കുന്നത്. പൂതനകളും, ശൂര്പ്പണകളും ഉണ്ട്, ഇതെല്ലാം ബാബ വന്ന് പവിത്രമാക്കി മാറ്റുന്ന ഈ സമയത്തിലെ കാര്യങ്ങളാണ്. എന്തെല്ലാം ഉത്സവങ്ങള് ആഘോഷിക്കുന്നുണ്ടോ അതെല്ലാം കഴിഞ്ഞുപോയതാണ്, അതാണ് ആഘോഷിക്കുന്നത്. കഴിഞ്ഞുപോയതിന്റെ മഹിമ പാടുന്നു. രാമരാജ്യത്തിന്റെ മഹിമ പാടുന്നു എന്തുകൊണ്ടെന്നാല് അത് കഴിഞ്ഞുപോയതാണ്. എങ്ങനെയാണോ ക്രിസ്തു മുതലായവര് വന്നത്, അവര് ധര്മ്മം സ്ഥാപിച്ചുപോയി. നാളും ദിവസവും എല്ലാം എഴുതിവെയ്ക്കുന്നു പിന്നീട് അവരുടെ പിറന്നാള് ആഘോഷിക്കുന്നു. ഭക്തിമാര്ഗ്ഗത്തിലും ഈ കാര്യം അരകല്പം നടക്കുന്നു. സത്യയുഗത്തില് ഇതുണ്ടാകില്ല. ഈ ലോകം തന്നെ അവസാനിക്കാനുള്ളതാണ്. ഈ കാര്യങ്ങള് നിങ്ങളിലും വളരെ കുറച്ചുപേരേ മനസ്സിലാക്കുന്നുള്ളൂ. ബാബ മനസ്സിലാക്കിത്തന്നിട്ടുണ്ട് മുഴുവന് ആത്മാക്കള്ക്കും അന്തിമത്തില് തിരിച്ചുപോകണം. എല്ലാ ആത്മാക്കളും ശരീരം ഉപേക്ഷിച്ച് പോകും. നിങ്ങള് കുട്ടികളുടെ ബുദ്ധിയിലുണ്ട്- ഇനി കുറച്ച് ദിവസങ്ങളേ ബാക്കിയുള്ളു. ഇപ്പോള് വീണ്ടും ഇതെല്ലാം വിനാശമാകും. സത്യയുഗത്തില് നമ്മള് മാത്രമേ വരൂ. എല്ലാ ആത്മാക്കളും വരില്ല. ആരാണോ കല്പം മുമ്പ് വന്നത് അവര് തന്നെയാണ് നമ്പര്വൈസ് ആയി വരുന്നത്. അവര് തന്നെയാണ് നല്ലരീതിയില് പഠിക്കുകയും പഠിപ്പിക്കുകയും ചെയ്യുന്നത്. ആരാണോ നല്ലരീതിയില് പഠിക്കുന്നത് അവര് തന്നെയാണ് നമ്പര് അനുസരിച്ച് ട്രാന്സ്ഫര് ആകുന്നത്. നിങ്ങളും ട്രാന്സ്ഫര് ആവുകയാണ്. നിങ്ങളുടെ ബുദ്ധിയ്ക്ക് അറിയാം ഏതെല്ലാം ആത്മാക്കളുണ്ടോ അവര് എല്ലാവരും നമ്പര്വൈസ് ആയി ശാന്തിധാമത്തില് ചെന്നിരിക്കും അതിനുശേഷം നമ്പര്വൈസ് ആയി തിരിച്ചുവന്നുകൊണ്ടിരിക്കും. ബാബ വീണ്ടും പറയുന്നു പ്രധാനകാര്യം ബാബയുടെ പരിചയം നല്കുന്നതാണ്. ബാബയുടെ പേര് സദാ നാവിലുണ്ടായിരിക്കണം. ആത്മാവ് എന്താണ്, പരമാത്മാവ് എന്താണ്? ലോകത്തിലെ ആര്ക്കും അറിയില്ല. ഭൃകുടി മദ്ധ്യത്തില് തിളങ്ങുന്ന അത്ഭുത നക്ഷത്രം... എന്ന് പാടുന്നുണ്ട് എന്നാല് മറ്റൊന്നും അറിയില്ല. മാത്രമല്ല ഈ ജ്ഞാനം വളരെ കുറച്ചുപേരുടെ ബുദ്ധിയിലേയുള്ളു. അടിക്കടിക്ക് മറന്നും പോകുന്നു. ആദ്യമാദ്യം മനസ്സിലാക്കിക്കൊടുക്കണം ബാബയാണ് പതിത പാവനന്. സമ്പത്തും നല്കുന്നു, ചക്രവര്ത്തിയാക്കി മാറ്റുന്നു. നിങ്ങളുടെ പക്കല് ഗീതവുമുണ്ട്- അവസാനം ആ ദിനം ഇന്ന് വന്നു... ഭക്തിമാര്ഗ്ഗത്തില് ഈ വഴിയില് ഒരുപാട് ക്ഷീണിച്ചിരുന്നു. ദ്വാപരം മുതല് ഭക്തി ആരംഭിക്കുന്നു പിന്നീട് അന്തിമത്തില് ബാബ വന്ന് വഴി പറഞ്ഞുതരുന്നു. കണക്കെടുപ്പിന്റെ സമയം എന്നും ഇതിനെയാണ് പറയുന്നത്. ആസുരീയ ബന്ധനത്തിന്റെ മുഴുവന് കണക്കുകളും ഇല്ലാതാക്കി തിരിച്ചുപോകുന്നു. 84 ജന്മങ്ങളുടെ പാര്ട്ടിനെ നിങ്ങള് അറിയുന്നു. ഈ പാര്ട്ട് നടന്നുകൊണ്ടുതന്നെയിരിക്കും. ശിവജയന്തി ആഘോഷിക്കുന്നു അപ്പോള് തീര്ച്ചയായും ശിവന് വന്നിട്ടുണ്ടാകും. തീര്ച്ചയായും എന്തെങ്കിലും ചെയ്തിട്ടുണ്ടാകും. അവര് തന്നെയാണ് പുതിയ ലോകം നിര്മ്മിക്കുന്നത്. ഈ ലക്ഷ്മീ നാരായണന്മാര് അധാകിരാകളായിരുന്നു, എന്നാല് ഇപ്പോള് അല്ല. വീണ്ടും ബാബ രാജയോഗം പഠിപ്പിക്കുന്നു. ഈ രാജയോഗം പഠിപ്പിച്ചിരുന്നു. നിങ്ങളുടെ വായിലൂടെയല്ലാതെ മറ്റാരിലൂടെയും ഇത് വരില്ല. നിങ്ങള്ക്കേ മനസ്സിലാക്കിക്കൊടുക്കാന് സാധിക്കൂ. ശിവബാബ നമുക്ക് രാജയോഗം പഠിപ്പിച്ചുതരികയാണ്. ശിവോഹം എന്ന് ഉച്ഛരിക്കുന്നത് തെറ്റാണ്. നിങ്ങള്ക്ക് ഇപ്പോള് ബാബ മനസ്സിലാക്കിത്തന്നിട്ടുണ്ട്- നിങ്ങള് തന്നെയാണ് ചക്രം കറങ്ങി ബ്രാഹ്മണ കുലത്തില് നിന്നും ദേവതാകുലത്തിലേയ്ക്ക് വരുന്നത്. ഹം സോ, സോ ഹം എന്നതിന്റെ അര്ത്ഥവും നിങ്ങള്ക്ക് മനസ്സിലാക്കിക്കൊടുക്കാന് സാധിക്കും. ഇപ്പോള് നമ്മള് ബ്രാഹ്മണരാണ്, ഇത് 84 ജന്മങ്ങളുടെ ചക്രമാണ്. ഇത് മന്ത്രം ജപിക്കാനുള്ളതല്ല. ബുദ്ധിയില് ഇതിന്റെ അര്ത്ഥം ഉണ്ടായിരിക്കണം. അതും സെക്കന്റിന്റെ കാര്യമാണ്. എങ്ങനെയാണ് ബീജവും മുഴുവന് വൃക്ഷവും സെക്കന്റില് ശ്രദ്ധയില് വരുന്നത്. അതുപോലെ ഹം സോ എന്നതിന്റെ രഹസ്യവും ബുദ്ധിയില്വരണം. നമ്മള് ഇങ്ങനെയുള്ള ചക്രമാണ് കറക്കുന്നത് അതിനെ സ്വദര്ശന ചക്രം എന്നു പറയാറുണ്ട്. നിങ്ങള് ആരോടെങ്കിലും ഞങ്ങള് സ്വദര്ശന ചക്രധാരിയാണ് എന്ന് പറഞാല് അവര് അംഗീകരിക്കില്ല. പറയും ഇപ്പോള് എല്ലാവരും തനിക്കുതന്നെ ടൈറ്റില് നല്കുകയാണ്. പിന്നീട് നിങ്ങള് മനസ്സിലാക്കിക്കൊടുക്കും നമ്മള് എങ്ങനെയാണ് 84 ജന്മങ്ങള് എടുത്തത്. ഈ ചക്രം കറങ്ങിക്കൊണ്ടിരിക്കും. ആത്മാവിന് തന്റെ 84 ജന്മങ്ങളുടെ ദര്ശനമുണ്ടാകുന്നു, ഇതിനെത്തന്നെയാണ് സ്വദര്ശനചക്രധാരി എന്നു പറയുന്നത്. ആദ്യം കേട്ട് അതിശയിക്കും. ഇത് എന്ത് പൊങ്ങച്ചമാണ് പറയുന്നത്. എപ്പോള് നിങ്ങള് ബാബയുടെ പരിചയം നല്കുന്നുവോ അപ്പോള് പൊങ്ങച്ചമാണെന്ന് തോന്നില്ല. ബാബയെ ഓര്മ്മിക്കാറുണ്ട്. അങ്ങ് വരുകയാണെങ്കില് ഞങ്ങള് സമര്പ്പണമാകും, അങ്ങയെ മാത്രം ഓര്മ്മിക്കും എന്ന് പാട്ടും പാടുന്നു. ബാബ ചോദിക്കുന്നു നിങ്ങള് പറഞ്ഞിരുന്നില്ലേ - ഇപ്പോള് വീണ്ടും ഓര്മ്മപ്പെടുത്തുകയാണ്. നഷ്ടോമോഹയായി മാറൂ. ഈ ദേഹത്തില് നിന്നും നഷ്ടോമോഹയായി മാറൂ. സ്വയം ആത്മാവാണെന്ന് മനസ്സിലാക്കി എന്നെ മാത്രം ഓര്മ്മിക്കൂ എങ്കില് നിങ്ങളുടെ വികര്മ്മം വിനാശമാകും. ഈ മധുരമായ കാര്യം എല്ലാവര്ക്കും ഇഷ്ടമാകും. ബാബയുടെ പരിചയത്തില് നിശ്ചയം വന്നിട്ടില്ലെങ്കില് ഏതെങ്കിലും കാര്യത്തില് സംശയം വന്നുകൊണ്ടിരിക്കും അതിനാല് ആദ്യം 2-3 ചിത്രങ്ങള് മുന്നില് വെയ്ക്കൂ, അതില് ബാബയുടെ പരിചയം ഉണ്ടായിരിക്കണം. ബാബയുടെ പരിചയം ലഭിക്കുന്നതിലൂടെ സമ്പത്തിനെക്കുറിച്ച് അറിയും.

ബാബ പറയുന്നു- ഞാന് നിങ്ങളെ രാജാക്കന്മാരുടേയും രാജാവാക്കുന്നു. ഈ ചിത്രം ഉണ്ടാക്കൂ. ഡബിള്കിരീടധാരികളായ ദേവതകള്ക്കുമുന്നില് ഒരുകിരീടം ധരിച്ചവര് തല കുമ്പിടുന്നു. ഞാന് തന്നെയാണ് പൂജ്യന്, ഞാന് തന്നെ പൂജാരിയായി മാറുന്നു എന്ന രസഹ്യവും മനസ്സിലാകണം. ആദ്യം ബാബയുടെ പൂജ ചെയ്യുന്നു പിന്നീട് തന്റെ തന്നെ ചിത്രത്തിന്റെ പൂജ ചെയ്യുന്നു. ആരാണോ പാവനമായി പോയത് അവരുടെ ചിത്രം ഉണ്ടാക്കി ഇരുന്ന് പൂജിക്കുന്നു. ഈ ജ്ഞാനവും ഇപ്പോഴാണ് നിങ്ങള്ക്ക് ലഭിച്ചത്. മുമ്പ് അങ്ങുതന്നെയാണ് പൂജ്യന് അങ്ങുതന്നെ പൂജാരിയും എന്ന് ഭഗവാനെക്കുറിച്ചാണ് പാടിയിരുന്നത്. ഇപ്പോള് നിങ്ങള്ക്ക് മനസ്സിലാക്കിത്തന്നു- നിങ്ങളാണ് ഈ ചക്രത്തില് വരുന്നത്. ബുദ്ധിയില് ഈ ജ്ഞാനം സദാ ഉണ്ടായിരിക്കണം പിന്നീട് മനസ്സിലാക്കിക്കൊടുക്കുകയും വേണം. ധനം നല്കാതെ ധനം വര്ദ്ധിക്കില്ല...ആരാണോ ധനം ദാനം നല്കാത്തത് അവരെ വിഡ്ഢി എന്നാണ് വിളിക്കുക. ബാബ എന്താണോ മനസ്സിലാക്കിത്തന്നത് അത് പിന്നീട് മറ്റുള്ളവര്ക്ക് മനസ്സിലാക്കിക്കൊടുക്കണം. മനസ്സിലാക്കിക്കൊടുക്കുന്നില്ലെങ്കിലും വെറുതേ തന്റെ തന്നെ നഷ്ടം ഉണ്ടാക്കുകയാണ്. ഗുണവും ധാരണയാകില്ല. പെരുമാറ്റവും അതുപോലെത്തന്നെയിരിക്കും. ഓരോരുത്തര്ക്കും അവനവനെ മനസ്സിലാക്കാന് സാധിക്കുമല്ലോ. നിങ്ങള്ക്ക് ഇപ്പോള് അറിവ് ലഭിച്ചു. ബാക്കി എല്ലാവരും അറിവില്ലാത്തവരാണ്. നിങ്ങള്ക്ക് എല്ലാം അറിയാം. ബാബ പറയുന്നു ഈ വശത്ത് ദൈവീക സമ്പ്രദായമാണ്, ആ വശത്ത് ആസുരീയ സമ്പ്രദായമാണ്. ബുദ്ധികൊണ്ട് നിങ്ങള് അറിയുന്നുണ്ട് നമ്മള് ഇപ്പോള് സംഗമയുഗത്തിലാണ്. ഒരേ വീട്ടില് ഒരാള് സംഗമയുഗത്തിലും, ഒരാള് കിലിയുഗത്തിലും, രണ്ടുപേരും ഒരുമിച്ചാണ് കഴിയുന്നത്. പിന്നീട് നോക്കും ഹംസമാകുന്നതിനുള്ള യോഗ്യതയില്ലെങ്കില് യുക്തികള് രചിക്കാന് തുടങ്ങും. ഇല്ലെങ്കില് വിഘ്നങ്ങള് ഇടും. തനിക്കുസമാനമാക്കി മാറ്റുന്നതിനുള്ള പരിശ്രമം ചെയ്യണം. ഇല്ലെങ്കില് ബുദ്ധിമുട്ടിച്ചുകൊണ്ടിരിക്കും പിന്നീട് യുക്തിപൂര്വ്വം മാറ്റി നിര്ത്തേണ്ടതായി വരും. വിഘ്നങ്ങള് തീര്ച്ചയായും വരും ഇങ്ങനെയുള്ള ജ്ഞാനം നിങ്ങള് മാത്രമാണ് നല്കുന്നത്. വളരെ മധുര്യമുള്ളവരുമായി മാറണം. നഷ്ടോമോഹയുമായി മാറണം. ഒരു വികാരത്തെ ഉപേക്ഷിച്ചു എങ്കില് മറ്റു വികാരങ്ങളെല്ലാം കൂടി വന്ന് ബുദ്ധിമുട്ടിക്കുന്നു. മനസ്സിലാക്കണം എന്തെല്ലാം സംഭവിക്കുന്നുവോ കല്പം മുമ്പ് നടന്നപോലെയാണ്. ഇങ്ങനെ മനസ്സിലാക്കി ശാന്തമായിരിക്കേണ്ടിവരും. ഇത് ഡ്രാമയുടെ ഭാവിയാണെന്നാണ് മനസ്സിലാക്കേണ്ടത്. നല്ല രീതിയില് മനസ്സിലാക്കികൊടുക്കുന്ന കുട്ടികള് പോലും താഴെ വീണുപോകുന്നു. വളരെ ശക്തിയോടെയാണ് മുറിവേല്ക്കുന്നത്. പിന്നീട് പറയും കല്പം മുമ്പും മുറിവേറ്റിട്ടുണ്ടായിരിക്കും. ഓരോരുത്തര്ക്കും അവനവന്റെ ഉള്ളില് മനസ്സിലാക്കാന് സാധിക്കും. എഴുതുന്നുമുണ്ട് ബാബ ഞാന് ക്രോധത്തിലേക്ക് വന്ന്, ഇന്നയാളെ അടിച്ചു ഈ തെറ്റ് സംഭവിച്ചു. ബാബ മനസ്സിലാക്കിതരുന്നു എത്രത്തോളം സാധിക്കുന്നോ നിയന്ത്രണത്തില് കൊണ്ടുവരൂ. എങ്ങനെ-എങ്ങനെയുള്ള മനുഷ്യരാണ്, അബലകളുടെ മേല് എത്ര അത്യാചാരങ്ങളാണ് ഉണ്ടാകുന്നത്. പുരുഷന്മാര് ബലവാന്മാരായിരിക്കും, സ്ത്രീ അബലയായിരിക്കും. ബാബ വീണ്ടും നിങ്ങള്ക്ക് ഈ ഗുപ്തമായ യുദ്ധം പഠിപ്പിക്കുകയാണ്, ഏതൊന്നിലൂടെയാണോ നിങ്ങള് രാവണന്റെ മേല് വിജയം പ്രാപ്തമാക്കുന്നത്. ഈ യുദ്ധം ആരുടെയും ബുദ്ധിയിലില്ല. നിങ്ങളിലും നമ്പര്വൈസായാണ് മനസ്സിലാക്കുന്നത്. ഇതാണ് തികച്ചും പുതിയ കാര്യം. ഇപ്പോള് നിങ്ങള് സുഖധാമത്തിലേക്കു വേണ്ടി പഠിക്കുകയാണ്. ഇതും ഇപ്പോള് ഓര്മ്മയുണ്ട് പിന്നീട് മറന്നുപോകുന്നു. മുഖ്യമായ കാര്യം തന്നെ ഓര്മ്മയുടെ യാത്രയാണ്. ഓര്മ്മയിലൂടെ നമ്മള് പാവനമായി മാറും. ശരി!

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ കുട്ടികള്ക്ക് മാതാ-പിതായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) എന്തു സംഭവിച്ചാലും ഭാവിയാണെന്നു മനസ്സിലാക്കി ശാന്തമായിരിക്കണം. ക്രോധിക്കരുത്. എത്രത്തോളം സാധിക്കുന്നുവോ സ്വയത്തെ നിയന്ത്രിക്കണം. യുക്തി രചിച്ച് തനിക്കു സമാനമാക്കി മാറ്റാന് പരിശ്രമിക്കണം.

2) വളരെ സ്നേഹത്തോടെയും വിനയത്തോടെയും എല്ലാവര്ക്കും ബാബയുടെ പരിചയം നല്കണം. എല്ലാവരെയും ഈ മധുര-മധുരമായ കാര്യം കേള്പ്പിക്കൂ, ബാബ പറയുന്നു - സ്വയത്തെ ആത്മാവാണെന്നു മനസ്സിലാക്കി എന്നെ ഓര്മ്മിക്കൂ, ഈ ദേഹത്തില് നിന്ന് നഷ്ടോമോഹയായി മാറൂ.

വരദാനം :-
വിനയമാകുന്ന കവചത്തിലൂടെ വ്യര്ത്ഥത്തിന്റെ രാവണനെ കത്തിക്കുന്ന സത്യമായ സ്നേഹിയും സഹയോഗിയുമായി ഭവിക്കൂ

ആര് എത്ര തന്നെ താങ്കളുടെ സംഘടനയില് കുറവുകള് കണ്ടെത്താന് പരിശ്രമിക്കട്ടെ എന്നാല് അല്പം പോലും സ്വഭാവ-സംസ്ക്കാരത്തിന്റെ കൂട്ടിയുരസലുകള് കാണപ്പെടരുത്. അഥവാ ആരെങ്കിലും ചീത്ത വിളിക്കട്ടെ, അപമാനിക്കട്ടെ, താങ്കള് മഹാത്മാവാകൂ. അഥവാ ആരെങ്കിലും തെറ്റ് ചെയ്യുകയാണെങ്കിലും താങ്കള് ശരിയായ് ഇരിക്കൂ. ആരെങ്കിലും ഉരസുകയാണെങ്കില് താങ്കള് അവര്ക്ക് സ്നേഹത്തിന്റെ ജലം നല്കൂ. ഇതെന്തുകൊണ്ട്, ഇങ്ങനെ എന്തുകൊണ്ട് ഈ സങ്കല്പം നടത്തി അഗ്നിയില് എണ്ണയൊഴിക്കരുത്. വിനയത്തിന്റെ കവചമണിഞ്ഞുകൊണ്ട് കഴിയൂ. എവിടെ വിനയമുണ്ടോ അവിടെ സ്നേഹവും സഹയോഗവും അവശ്യം ഉണ്ടായിരിക്കും.

സ്ലോഗന് :-
എന്റേതെന്ന അനേകം പരിധിയുള്ള ഭാവനകളെ ഒരു ڇഎന്റെ ബാബڈ എന്നതില് ലയിപ്പിക്കൂ.