10.02.2020           Morning Malayalam Murli       Om Shanti           BapDada Madhuban


മധുരമായ കുട്ടികളേ - എല്ലാവ രേയും ഈസ ന്തോഷ വാര്ത്ത കേള്പ്പി ക്കൂഅതായ ത്ഭാരതംഇ പ്പോ ള്വീണ്ടുംസ്വ ര്ഗ്ഗമാ വുകയാണ്, സ്വര്ഗ്ഗ സ്ഥനായ പിതാവ്വന്നി രിക്കുന്നു.

ചോദ്യം :-
സ്വര്ഗ്ഗത്തിന്റെ അധികാരിയാവുകയാണ് എന്ന സന്തോഷമുള്ള കുട്ടികളുടെ അടയാളം എന്തായിരിക്കും?

ഉത്തരം :-
അവരുടെയുള്ളില് ഒരു പ്രകാരത്തിലുള്ള ദുഃഖവും ഉണ്ടാകില്ല. അവര്ക്ക് ലഹരിയുണ്ടാകും അതായത് ഞങ്ങള് വളരെ വലിയ ആളുകളാണ്, പരിധിയില്ലാത്ത ബാബ നമ്മെ ലക്ഷ്മീ നാരായണനാക്കി മാറ്റുകയാണ്. അവരുടെ പെരുമാറ്റം വളരെ രാജകീയമായിരിക്കും. അവര്ക്ക് മറ്റുള്ളവരെ ഈ സന്തോഷവാര്ത്ത കേള്പ്പിക്കാതിരിക്കാന് സാധിക്കില്ല.

ഓംശാന്തി.
ബാബ മനസ്സിലാക്കിത്തരുകയാണ് മാത്രമല്ല കുട്ടികള്ക്ക് അറിയാവുന്നതുമാണ് അതായത് പ്രധാനമായും ഭാരതത്തിനും പിന്നെ മുഴുവന് ലോകത്തിനും ഈ സന്ദേശം എത്തിക്കണം. നിങ്ങള് എല്ലാവരും സന്ദേശ വാഹകരാണ്, വളരെ സന്തോഷം നിറഞ്ഞ സന്ദേശം എല്ലാവര്ക്കും നല്കണം അതായത് ഭാരതം ഇപ്പോള് സ്വര്ഗ്ഗമാവുകയാണ് അര്ത്ഥം സ്വര്ഗ്ഗത്തിന്റെ സ്ഥാപന നടക്കുകയാണ്. ആരെയാണോ സ്വര്ഗ്ഗസ്ഥനായ പിതാവേ എന്ന് വിളിക്കുന്നത് ആ അച്ഛന് സ്ഥാപന ചെയ്യാനായി വന്നിരിക്കുന്നു. നിങ്ങള് കുട്ടികള്ക്കുള്ള നിര്ദ്ദേശമിതാണ് ഈ സന്തോഷ വാര്ത്ത എല്ലാവരേയും കേള്പ്പിക്കൂ. ഓരോരുത്തര്ക്കും തന്റെ ധര്മ്മത്തിനുമേല് താല്പര്യമുണ്ടാകും. നിങ്ങള്ക്കും താല്പര്യമുണ്ട്, നിങ്ങള് സന്തോഷവാര്ത്ത കേള്പ്പിക്കുന്നു, ഭാരതത്തില് സൂര്യവംശീ ദേവീദേവതാ ധര്മ്മത്തിന്റെ സ്ഥാപന ഉണ്ടാവുകയാണ് അര്ത്ഥം ഭാരതം വീണ്ടും സ്വര്ഗ്ഗമാവുകയാണ്. ഈ സന്തോഷം ഉള്ളില് ഉണ്ടായിരിക്കണം - നമ്മള് ഇപ്പോള് സ്വര്ഗ്ഗത്തിന്റെ അധികാരിയായി മാറുകയാണ്. ആരുടെയുള്ളില് ഈ സന്തോഷം ഉണ്ടോ അവര്ക്ക് ഒരുപ്രകാരത്തിലുമുള്ള ദുഃഖം ഉണ്ടാവുക സാധ്യമല്ല. ഇതും കുട്ടികള്ക്ക് അറിയാം പുതിയ ലോകത്തിന്റെ സ്ഥാപന നടക്കുന്നതില് ബുദ്ധിമുട്ടുകളും ഉണ്ടാകും. അബലകള്ക്കുമേല് എത്ര അത്യാചാരം ഉണ്ടാകുന്നു. കുട്ടികള്ക്ക് സദാ ഈ കാര്യം ഓര്മ്മവേണം - ഞങ്ങള് ഭാരതത്തിന് പരിധിയില്ലാത്ത സന്തോഷ വാര്ത്ത കേള്പ്പിക്കുകയാണ്. ബാബ എങ്ങനെ നോട്ടീസുകള് അച്ചടിച്ചോ - സഹോദരീ സഹോദരന്മാരെ വന്ന് ഈ സന്തോഷ വാര്ത്ത കേള്ക്കൂ. എങ്ങനെ എല്ലാവര്ക്കും ഈ സന്ദേശം എത്തിക്കും എന്നതില് മുഴുവന് ദിവസവും ചിന്തയുണ്ടായിരിക്കണം. പരിധിയില്ലാത്ത ബാബ പരിധിയില്ലാത്ത സമ്പത്ത് നല്കാന് വന്നിരിക്കുന്നു. ഈ ലക്ഷ്മീ നാരായണന്മാരുടെ ചിത്രം നോക്കി മുഴുവന് ദിവസവും ഹര്ഷിതമായിരിക്കണം. നിങ്ങള് വളരെ വലിയ ആളുകളാണ് അതിനാല് നിങ്ങളില് നിന്നും ഒരിയ്ക്കലും തരംതാഴ്ന്ന പെരുമാറ്റം ഉണ്ടാവരുത്. നിങ്ങള്ക്ക് അറിയാം നമ്മള് കുരങ്ങിനേക്കാള് മോശമായിരുന്നു. ഇപ്പോള് ബാബ നമ്മളെ ദേവീ ദേവതയാക്കി മാറ്റുകയാണ്. എങ്കില് എത്ര സന്തോഷം ഉണ്ടായിരിക്കണം. പക്ഷേ അത്ഭുതമാണ് കുട്ടികള്ക്ക് ഈ സന്തോഷം ഉണ്ടാകുന്നില്ല. ആ ലഹരിയോടെ എല്ലാവരേയും സന്തോഷ വാര്ത്ത കേള്പ്പിക്കുന്നുമില്ല. ബാബ നിങ്ങളെ സന്ദേശ വാഹകരാക്കി മാറ്റി. എല്ലാവരുടേയും കാതുകളില് ഈ സന്ദേശം എത്തിച്ചുകൊണ്ടിരിക്കൂ. നമ്മുടെ ആദി സനാതന ദേവീദേവതാ ധര്മ്മം എപ്പോഴാണ് സ്ഥാപിക്കപ്പെട്ടത്? പിന്നീട് എവിടെപ്പോയി? എന്നത് ഭാരതവാസികള്ക്ക് അറിയില്ല. ഇപ്പോള് ചിത്രം മാത്രമേയുള്ളു. മറ്റെല്ലാ ധര്മ്മങ്ങളും ഉണ്ട് ആദി സനാതന ദേവീദേവതാ ധര്മ്മം മാത്രമില്ല. ഭാരതത്തില് തന്നെയാണ് ചിത്രങ്ങളുള്ളത്. ബ്രഹ്മാവിലൂടെ സ്ഥാപന ചെയ്യുന്നു. അതിനാല് നിങ്ങള് എല്ലാവരേയും ഈ സന്തോഷ വാര്ത്ത കേള്പ്പിക്കൂ എങ്കില് നിങ്ങളുടെ ഉള്ളില് സന്തോഷം ഉണ്ടാകും. പ്രദര്ശിനിയില് നിങ്ങള് ഈ സന്തോഷ വാര്ത്ത കേള്പ്പിക്കാറില്ലേ. വന്ന് പരിധിയില്ലാത്ത അച്ഛനില് നിന്നും സ്വര്ഗ്ഗത്തിന്റെ സമ്പത്ത് എടുക്കൂ. ഈ ലക്ഷ്മീ നാരായണന്മാര് സ്വര്ഗ്ഗത്തിന്റെ അധികാരികളല്ലേ. പിന്നീട് അവര് എവിടെപ്പോയി? ഇത് ആരും മനസ്സിലാക്കുന്നില്ല അതിനാലാണ് പറയുന്നത്- രൂപം മനുഷ്യന്റെ എന്നാല് സ്വഭാവം കുരങ്ങിനെപ്പോലെയാണ്. ഇപ്പോള് നിങ്ങളുടെ രൂപം മനുഷ്യന്റേതാണ്, സ്വഭാവം ദേവതയുടേതുപോലെ ആവുകയാണ്. നിങ്ങള്ക്ക് അറിയാം നമ്മള് വീണ്ടും സര്വ്വഗുണ സമ്പന്നരായി മാറുകയാണ്. പിന്നീട് മറ്റുള്ളവരെക്കൊണ്ടും ഈ പുരുഷാര്ത്ഥം ചെയ്യിക്കണം. പ്രദര്ശിനിയുടെ സേവനം വളരെ നല്ലതാണ്. ഗൃഹസ്ഥ വ്യവഹാരത്തിന്റെ ബന്ധനം ഇല്ലാത്തത് ആര്ക്കാണോ, വാനപ്രസ്ഥിയാണ് അഥവാ വിധവയാണ്, കുമാരിമാരാണ് എങ്കില് അവര്ക്ക് സേവനം ചെയ്യാന് വളരെ അധികം ചാന്സുണ്ട്. സേവനത്തില് മുഴുകണം. ഈ സമയത്ത് കല്യാണം കഴിക്കുന്നത് നഷ്ടമാണ്, വിവാഹം കഴിക്കാതിരിക്കുന്നതാണ് ഉത്തമം. ബാബ പറയുന്നു ഈ മൃത്യുലോകം പതിതലോകം വിനാശമാവുകയാണ്. നിങ്ങള്ക്ക് പാവനമായ ലോകത്തിലേയ്ക്ക് പോകണം അതിനാല് ഈ സേവനത്തില് മുഴുകണം. പ്രദര്ശിനിയ്ക്കു പിന്നാലെ പ്രദര്ശിനികള് നടത്തണം. സേവനയുക്തരായ കുട്ടികള്ക്ക് സേവനത്തോട് നല്ല താല്പര്യമുണ്ട്. ഞാന് ജോലി ഉപേക്ഷിക്കട്ടേ? എന്ന് ചില കുട്ടികള് ബാബയോട് ചോദിക്കാറുണ്ട്. ബാബ നോക്കൂം- യോഗ്യരാണെന്നുകണ്ടാല് അവധി നല്കുന്നു, നന്നായി സേവനം ചെയ്യൂ. ഇങ്ങനെയുള്ള സന്തോഷ വാര്ത്ത എല്ലാവരേയും കേള്പ്പിക്കണം. ബാബ പറയുന്നു- വന്ന് തന്റെ രാജ്യഭാഗ്യം എടുക്കു. നിങ്ങള് 5000 വര്ഷങ്ങള്ക്കുമുമ്പും രാജ്യഭാഗ്യം എടുത്തിരുന്നു, ഇപ്പോള് വീണ്ടും എടുക്കു. എന്റെ മതത്തിലൂടെ നടക്കുക മാത്രം ചെയ്യൂ.

നോക്കണം- എന്റെയുള്ളില് ഏതൊരു അവഗുണമാണ് ഉള്ളത്? നിങ്ങള്ക്ക് ഈ ബാഡ്ജുകള് ഉപയോഗിച്ച് വളരെ അധികം സേവനം ചെയ്യാന് സാധിക്കും, ഇത് ഒന്നാന്തരം വസ്തുവാണ്. വിലയില്ലാത്ത സാധനമാണ് പക്ഷേ ഇതിലൂടെ എത്ര ഉയര്ന്ന പദവി നേടാന് സാധിക്കും. മനുഷ്യര് പഠിക്കുന്നതിനുള്ള പുസ്തകങ്ങള്ക്കായി എത്ര രൂപ ചിലവാക്കുന്നു. ഇവിടെ പുസ്തകത്തിന്റെ കാര്യമില്ല. കേവലം എല്ലാവരുടേയും കാതുകളില് ഈ സന്ദേശം നല്കണം, ഇതാണ് ബാബയുടെ സത്യമായ മന്ത്രം. ബാക്കി എല്ലാവരും അസത്യമായ മന്ത്രമാണ് നല്കിക്കൊണ്ടിരിക്കുന്നത്. അസത്യമായ വസ്തുവിന് മൂല്യമുണ്ടാകുമോ. വജ്രത്തിനാണ് മൂല്യമുള്ളത് അല്ലാതെ കല്ലിനല്ല. പാട്ടുണ്ടല്ലോ ഓരോ ഓരോ വാക്കും ലക്ഷങ്ങളുടെ സമ്പത്താണെന്ന്, ഈ മഹിമ ഈ ജ്ഞാനത്തിനുള്ളതാണ്. ബാബ പറയുന്നു ശാസ്ത്രങ്ങള് അനേകമുണ്ട്. നിങ്ങള് അരകല്പം പഠിച്ചുവന്നതാണ്, അതില് നിന്നും ഒന്നും ലഭിച്ചില്ല. ഇപ്പോള് നിങ്ങള്ക്ക് ജ്ഞാനരത്നങ്ങള് നല്കുകയാണ്. അവര് ശാസ്ത്രങ്ങളുടെ അധികാരമുള്ളവരാണ്. എന്നാല് ബാബ ജ്ഞാനസാഗരമാണ്. ബാബയുടെ ഓരോ വാക്കുകളും ലക്ഷങ്ങള്-കോടികള് വിലയുള്ളതാണ്. നിങ്ങള് വിശ്വത്തിന്റെ അധികാരികളാവുന്നു. പോയി കോടാനുകോടിപതികളാവുന്നു. ഈ ജ്ഞാനത്തിനുതന്നെയാണ് മഹിമയുള്ളത്. അവര് ശാസ്ത്രങ്ങളെല്ലാം പഠിച്ച് ദരിദ്രരായി മാറി. അതിനാല് ഇപ്പോള് ഈ ജ്ഞാനരത്നങ്ങളുടെ ദാനവും ചെയ്യണം. ബാബ വളരെ സഹജമായ യുക്തികള് പറഞ്ഞുതരുന്നു. പറയൂ, തന്റെ ധര്മ്മത്തെ മറന്ന് നിങ്ങള് പുറത്ത് അലഞ്ഞുതിരിയുകയാണ്. നിങ്ങള് ഭാരതവാസികളുടേത് ആദിസനാതന ദേവീദേവതാ ധര്മ്മമായിരുന്നു, ആ ധര്മ്മം എവിടെപ്പോയി? 84 ലക്ഷം യോനികള് എന്നു പറയുന്നതിനാല് ബുദ്ധിയില് ഒന്നും ഇരിക്കുന്നില്ല. ഇപ്പോള് ബാബ മനസ്സിലാക്കിത്തരുന്നു നിങ്ങള് ആദി സനാതന ദേവീദേവതാ ധര്മ്മത്തിലേതായിരുന്നു പിന്നീട് 84 ജന്മങ്ങള് എടുത്തു. ഈ ലക്ഷ്മീ നാരായണന്മാര് ആദിസനാതന ദേവീദേവതാ ധര്മ്മത്തിലുള്ളവരല്ലേ. ഇപ്പോള് ധര്മ്മഭ്രഷ്ടരും കര്മ്മഭ്രഷ്ടരുമായി മാറിയിരിക്കുന്നു. മറ്റെല്ലാ ധര്മ്മങ്ങളുമുണ്ട്, ഈ ആദി സനാതന ധര്മ്മം മാത്രമില്ല. എപ്പോഴാണോ ഈ ധര്മ്മം ഉണ്ടായിരുന്നത് അപ്പോള് മറ്റൊരു ധര്മ്മവും ഉണ്ടായിരുന്നില്ല. എത്ര സഹജമാണ്. ഇത് ബാബയും ദാദയുമാണ്. പ്രജാപിതാ ബ്രഹ്മാവുണ്ടെങ്കില് തീര്ച്ചയായും അനേകം ബ്രഹ്മാകുമാരന്മാരും കുമാരിമാരും ഉണ്ടാകും. ബാബ വന്ന് രാവണന്റെ ജയിലില് നിന്നും, ശോകവാടികയില് നിന്നും മോചിപ്പിക്കുന്നു. ശോകവാടികയുടെ അര്ത്ഥവും ആരും മനസ്സിലാക്കുന്നില്ല. ബാബ പറയുന്നു ഇത് ശോകത്തിന്റെ, ദുഃഖത്തിന്റെ ലോകമാണ്. അതാണ് സുഖത്തിന്റെ ലോകം. നിങ്ങള് നിങ്ങളുടെ ശാന്തിയുടെ ലോകത്തേയും സുഖത്തിന്റെ ലോകത്തേയും ഓര്മ്മിക്കുന്നു. ഇന്കോര്പ്പേറിയല് വേള്ഡ് എന്ന് പറയാറുണ്ടല്ലോ. ഇംഗ്ലീഷിലുള്ള വാക്ക് വളരെ നല്ലതാണ്. ഇംഗ്ലീഷ് ഉപയോഗിച്ചു വരുന്നുണ്ട്. ഇപ്പോഴാണെങ്കില് അനേകം ഭാഷകളായി. മനുഷ്യന് ഒന്നും മനസ്സിലാക്കുന്നില്ല - നിര്ഗുണ ബാലന്മാരുടെ സംഘടന... എന്ന് ഇപ്പോള് പറയാറുണ്ട് നിര്ഗുണം അര്ത്ഥം ഒരു ഗുണവുമില്ല എന്നാണ്. ഇങ്ങനെയും സംഘടന ഉണ്ടാക്കിയിരിക്കുന്നു. നിര്ഗുണം എന്നതിന്റെ അര്ത്ഥം പോലും മനസ്സിലാക്കുന്നില്ല. അര്ത്ഥമില്ലാത്ത പേരുവെച്ചിരിക്കുന്നു. ഒരുപാട് സംഘടനകളുണ്ട്. ഭാരതത്തില് ഒരേയൊരു ആദിസനാതന ദേവീദേവതാ ധര്മ്മം മാത്രമേ ഉണ്ടായിരുന്നുള്ളൂ, മറ്റൊരു ധര്മ്മവും ഉണ്ടായിരുന്നില്ല. എന്നാല് മനുഷ്യര് 5000 വര്ഷം എന്നതിനുപകരം കല്പത്തിന്റെ ആയുസ്സ് ലക്ഷക്കണക്കിന് വര്ഷങ്ങളാണ് എന്ന് എഴുതിവെച്ചു. അതിനാല് നിങ്ങള് എല്ലാവരേയും ഈ അജ്ഞാന അന്ധകാരത്തില് നിന്നും രക്ഷിക്കണം. സേവനം ചെയ്യണം. തീര്ച്ചയായും ഈ ഡ്രാമ ഉണ്ടായതും ഉണ്ടാക്കപ്പെട്ടതുമാണ് എങ്കിലും ശിവബാബയുടെ യജ്ഞത്തില് നിന്നും കഴിക്കുകയും കുടിക്കുകയും ചെയ്തു, സേവനം ഒന്നും ചെയ്തില്ല എങ്കില് വലംകയ്യായ ധര്മ്മരാജന് തീര്ച്ചയായും ശിക്ഷ നല്കും അതിനാലാണ് മുന്നറിയിപ്പ് നല്കുന്നത്. സേവനം ചെയ്യുന്നത് വളരെ സഹജമാണ്. സ്നേഹത്തോടെ ആര്ക്കുവേണമെങ്കിലും മനസ്സിലാക്കിക്കൊടുക്കൂ. ബാബയുടെ അടുത്തേയ്ക്ക് ചിലരുടെ വാര്ത്തകള് എത്താറുണ്ട് ഞങ്ങള് ക്ഷേത്രത്തിലേയ്ക്കുപോയി, ഗംഗാഘട്ടിലേയ്ക്ക് പോയി എന്നുപറഞ്ഞ്. അതിരാവിലെ ഉണര്ന്ന് ക്ഷേത്രത്തിലേയ്ക്ക് പോകുന്നു, ധാര്മ്മിക ബോധമുള്ളവര്ക്ക് മനസ്സിലാക്കിക്കൊടുക്കുന്നത് സഹജമാണ്. ഏറ്റവും നല്ലത് ലക്ഷ്മീ നാരായണന്റെ ക്ഷേത്രത്തില് സേവനം ചെയ്യുന്നതാണ്. ശരി, അവരെ അങ്ങനെയാക്കി മാറ്റിയത് ശിവബാബയാണ്, അതിനാല് അവിടെയും ചെന്ന് മനസ്സിലാക്കിക്കൊടുക്കു. കാടിന് തീപിടിക്കും, ഇതെല്ലാം അവസാനിക്കും പിന്നീട് നിങ്ങളുടെ പാര്ട്ടും പൂര്ത്തിയാകും. നിങ്ങള് ചെന്ന് രാജകുലത്തില് ജന്മമെടുക്കും. എങ്ങനെയുള്ള പദവി ലഭിക്കും എന്നത് മുന്നോട്ട് പോകവേ മനസ്സിലാകും. ഡ്രാമയില് ഉള്ളത് ആദ്യം തന്നെ കേള്പ്പിക്കില്ല. നിങ്ങള്ക്ക് അറിയാന് പറ്റും ഞാന് എന്ത് പദവി നേടുമെന്നത്. കൂടുതല് ദാനപുണ്യങ്ങള് ചെയ്യുന്നവര് രാജകുലത്തില് വരുമല്ലോ. രാജാക്കന്മാരുടെ പക്കല് കൂടുതല് ധനം ഉണ്ടാകും. ഇപ്പോള് നിങ്ങള് അവിനാശിയായ ജ്ഞാനരത്നങ്ങളുടെ ദാനമാണ് ചെയ്യുന്നത്.

ഭാരതവാസികള്ക്കുവേണ്ടിയാണ് ഈ ജ്ഞാനം. പറയൂ, ആദിസനാതന ദേവീദേവതാ ധര്മ്മത്തിന്റെ സ്ഥാപന നടക്കുകയാണ്, പതിതത്തില് നിന്നും പാവനമാക്കി മാറ്റുന്ന ബാബ വന്നിരിക്കുന്നു. ബാബ പറയുന്നു എന്നെ ഓര്മ്മിക്കു, എത്ര സഹജമാണ്. എന്നാല് ഇത്രയും തമോപ്രധാനമായ ബുദ്ധിയാണ് അതില് ഒന്നും ധാരണയാവുന്നില്ല. വികാരങ്ങള് പ്രവേശിച്ചിരിക്കുകയാണ്. മൃഗങ്ങളും ഒരുപാട് തരത്തിലുണ്ട്, ചിലതിന് ക്രോധം കൂടുതലായിരിക്കും, ഓരോ മൃഗങ്ങളുടേയും സ്വഭാവം വേറെ വേറെയാണ്. പലതരം സ്വഭാവങ്ങളുണ്ടാകും ദുഃഖം നല്കാന്. ദുഃഖം നല്കുന്ന ഏറ്റവും ആദ്യത്തെ വികാരം കാമ കഠാര പ്രയോഗിക്കുന്നതാണ്. രാവണരാജ്യത്തില് ഈ വികാരങ്ങളാണ് രാജ്യം ഭരിക്കുന്നത്. ബാബ ദിവസവും മനസ്സിലാക്കിത്തന്നുകൊണ്ടിരിക്കുന്നു, എത്ര നല്ല നല്ല പെണ്കുട്ടികളാണ്, പാവങ്ങള് തടവിലാണ്, അവരെയാണ് ബന്ധനസ്ഥര് എന്നു പറയുന്നത്. വാസ്തവത്തില് അവര് ജ്ഞാനത്തിന്റെ സര്വ്വശ്രേഷ്ഠ സ്ഥിതിയില് എത്തിക്കഴിഞ്ഞാല് അവരെ ആര്ക്കും തടയാന് സാധിക്കില്ല. എന്നാല് മോഹത്തിന്റെ ചരട് കൂടുതലാണ്. സന്യാസിമാര്ക്കും വീട് ഓര്മ്മവരും, വളരെ ബുദ്ധിമുട്ടിയാണ് ഈ ചരട് പൊട്ടുന്നത്. ഇപ്പോള് നിങ്ങള്ക്ക് മിത്രസംബന്ധികള് എല്ലാവരേയും മറക്കണം എന്തുകൊണ്ടെന്നാല് ഈ പഴയലോകം മുഴുവന് നശിക്കാന് പോവുകയാണ്. ഈ ശരീരത്തേയും മറക്കണം. സ്വയം ആത്മാവാണെന്ന് മനസ്സിലാക്കി ബാബയെ ഓര്മ്മിക്കണം. പവിത്രമായി മാറണം. 84 ജന്മങ്ങളുടെ പാര്ട്ട് അഭിനയിക്കുകതന്നെ വേണം. ഇടയില് വെച്ച് ആര്ക്കും തിരിച്ചുപോകാന് സാധിക്കില്ല. ഇപ്പോള് നാടകം പൂര്ത്തിയാവുകയാണ്. നിങ്ങള് കുട്ടികള്ക്ക് വളരെ അധികം സന്തോഷം ഉണ്ടാകണം. ഇപ്പോള് നമുക്ക് നമ്മുടെ വീട്ടിലേയ്ക്ക് പോകണം. പാര്ട്ട് പൂര്ത്തിയായി- ബാബയെ വളരെ അധികം ഓര്മ്മിക്കണം എന്ന കാര്യത്തില് ഉത്കണ്ഠയുണ്ടായിരിക്കണം. ഓര്മ്മയിലൂടെ വികര്മ്മം വിനാശമാകും. വീട്ടിലേയ്ക്ക് പോകും പിന്നീട് സുഖധാമത്തിലേയ്ക്ക് വരും. ഈ ലോകത്തില് നിന്ന് പെട്ടെന്ന് രക്ഷപ്പെടണം എന്ന് ചിലര് കരുതാറുണ്ട്. പക്ഷേ എവിടേയ്ക്ക് പോകും? ആദ്യം ഉയര്ന്ന പദവി നേടുന്നതിനുള്ള പുരുഷാര്ത്ഥം ചെയ്യുകയല്ലേ വേണ്ടത്. ആദ്യം തന്റെ നാഢി പരിശോധിക്കണം- ഞാന് എത്രത്തോളം യോഗ്യനായി മാറി? സ്വര്ഗ്ഗത്തില് ചെന്ന് എന്ത് ചെയ്യും? ആദ്യം യോഗ്യരായി മാറണ്ടേ. ബാബയുടെ സല്പുത്രനായി മാറണം. ഈ ലക്ഷ്മീ നാരായണന്മാര് യോഗ്യരായ സല്പുത്രരായിരുന്നല്ലോ. കുട്ടികളെക്കണ്ട് ഭഗവാനും പറയുന്നു ഇവര് വളരെ നല്ലതാണ്, സേവനത്തിന് യോഗ്യരാണ്. ചിലരെക്കുറിച്ച് ഇവര് യോഗ്യരല്ല എന്നു പറയും. വെറുതേ തന്റെ പദവിയെ ഭ്രഷ്ഠമാക്കുന്നു. ബാബ സത്യമല്ലേ പറയുന്നത്. പതിതപാവനാ വരൂ, വന്ന് സുഖധാമത്തിന്റെ അധികാരിയാക്കി മാറ്റൂ എന്നുപറഞ്ഞ് വിളിക്കുന്നുമുണ്ട്. അളവില്ലാത്തത്ര സുഖം ആവശ്യപ്പെടുന്നില്ലേ. അതിനാല് ബാബ പറയുന്നു കുറച്ച് എന്തെങ്കിലും സേവനം ചെയ്യുന്ന തരത്തിലെങ്കിലും യോഗ്യരായി മാറൂ. ആരാണോ എന്റെ ഭക്തര്, അവരെ ഈ സന്തോഷ വാര്ത്ത കേള്പ്പിക്കൂ അതായത് ഇപ്പോള് ശിവബാബ സമ്പത്ത് നല്കുകയാണ്. ബാബ പറയുന്നു എന്നെ ഓര്മ്മിക്കു ഒപ്പം പവിത്രമായി മാറൂ എങ്കില് പവിത്രമായ ലോകത്തിന്റെ അധികാരിയായി മാറും. ഈ പഴയലോകത്തിന് തീ പിടിക്കുകയാണ്. മുന്നില് ലക്ഷ്യം കാണുമ്പോള് വളരെ അധികം സന്തോഷമുണ്ടാകും- എനിക്ക് ഇതായി മാറണം. മുഴുവന് ദിവസവും ബുദ്ധിയില് ഇത് ഓര്മ്മയുണ്ടാകണം എങ്കില് ഒരു മോശമായ കര്മ്മവും ഉണ്ടാകില്ല. ഞാന് ഇതായി മാറുകയാണ് പിന്നെ എങ്ങനെ മോശമായ കാര്യം ചെയ്യാന് പറ്റും? എന്നാല് ആരുടെയാണോ ഭാഗ്യത്തിലില്ലാത്തത് അവര് ഇങ്ങനെയുള്ള യുക്തികളൊന്നും രചിക്കുകയില്ല, തന്റെ സമ്പാദ്യം ഉണ്ടാക്കുകയില്ല. സമ്പാദ്യം എത്ര നല്ലതാണ്. വീട്ടില് ഇരുന്നുകൊണ്ടുതന്നെ എല്ലാവര്ക്കും തന്റെ സമ്പാദ്യം ഉണ്ടാക്കണം മാത്രമല്ല മറ്റുള്ളവരെക്കൊണ്ട് ചെയ്യിക്കുകയും വേണം. വീട്ടില് ഇരുന്ന് ഈ സ്വദര്ശന ചക്രം കറക്കൂ, മറ്റുള്ളവരേയും സ്വദര്ശനചക്രധാരിയാക്കി മാറ്റണം. എത്രത്തോളം മറ്റുള്ളവരെ ആക്കിമാറ്റുന്നുവോ അത്രത്തോളം തന്റെ പദവി ഉയരും. ഈ ലക്ഷ്മീ നാരായണനെപ്പോലെയായി മാറാന് കഴിയും, നിങ്ങളുടെ ലക്ഷ്യം തന്നെ ഇതാണ്. എല്ലാവരും കൈ ഉയര്ത്തുന്നതും സൂര്യവംശിയാവണം എന്നുപറഞ്ഞാണ്. ഈ ചിത്രവും പ്രദര്ശിനിയില് വളരെ അധികം ഉപയോഗത്തില് വരും. ഇതുപയോഗിച്ച് മനസ്സിലാക്കിക്കൊടുക്കണം. നമ്മെ ഉയര്ന്നതിലും ഉയര്ന്ന ബാബ എന്താണോ കേള്പ്പിക്കുന്നത് അതാണ് നമ്മള് കേള്ക്കുന്നത്. ഭക്തിമാര്ഗ്ഗത്തിലെ കാര്യങ്ങള് കേള്ക്കാന് നമ്മള് ഇഷ്ടപ്പെടുന്നില്ല. ഈ ചിത്രം വളരെ നല്ല വസ്തുവാണ്. ഇതിലൂടെ നിങ്ങള്ക്ക് വളരെ അധികം സേവനം ചെയ്യാന് സാധിക്കും. ശരി!

വളരെക്കാലത്തെ വേര്പാടിനുശേഷം തിരിച്ചുകിട്ടിയ മധുരമധുരമായ കുട്ടികള്ക്ക് മാതാവും പിതാവുമായയ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) ഞാന് എത്രത്തോളം യോഗ്യനായി മാറി? എന്ന് തന്റെ നാഢി പരിശോധിക്കണം. യോഗ്യരായി മാറി സേവനത്തിന്റെ തെളിവ് നല്കണം. ജ്ഞാനത്തിന്റെ സര്വ്വശ്രേഷ്ഠ സ്ഥിതിയില് എത്തി ബന്ധനമുക്തരായി മാറണം.

2) ഒരേയൊരു ബാബയുടെ ശ്രീമതത്തിലൂടെ നടന്ന് ഉള്ളിലെ അവഗുണങ്ങളെ ഇല്ലാതാക്കണം. ദുഃഖം നല്കുന്ന സ്വഭാവത്തെ ഉപേക്ഷിച്ച് സുഖദായിയായി മാറണം. ജ്ഞാനരത്നങ്ങളെ ദാനം ചെയ്യണം.

വരദാനം :-
ഉറച്ച ഭാവിയെ അറിഞ്ഞുകൊണ്ടും ശ്രേഷ്ഠ കാര്യത്തിന് പ്രത്യക്ഷ രൂപം നല്കുന്ന സദാ സമര്ത്ഥരായി ഭവിക്കൂ

പുതിയ ശ്രേഷ്ഠ വിശ്വം ഉണ്ടാകുന്നതിന്റെ ഭാവി ഉറച്ചതായിട്ടും സമര്ത്ഥ ഭവയുടെ വരദാനം പ്രാപ്തരാക്കിയ കുട്ടികള് കേവലം കര്മ്മത്തിന്റെയും ഫലത്തിന്റെയും, പുരുഷാര്ത്ഥത്തിന്റെയും പ്രാലബ്ധത്തിന്റെയും, നിമിത്തവും വിനയത്തിന്റെയും കര്മ്മ നിയമമനുസരിച്ച് നിമിത്തമായി കാര്യം ചെയ്യുന്നു ലോകത്തിലുള്ളവര്ക്ക് വിശ്വാസമുണ്ടായിരിക്കില്ല. എന്നാല് താങ്കള് പറയും ഈ കാര്യം അനേകം തവണ സംഭവിച്ചിട്ടുണ്ട്, ഇപ്പോഴും സംഭവിച്ചു കഴിഞ്ഞു എന്തുകൊണ്ടെന്നാല് സ്വപരിവര്ത്തനത്തിന്റെ പ്രത്യക്ഷ തെളിവിന് മുന്നില് മറ്റൊരു തെളിവിന്റെയും ആവശ്യകത തന്നെയില്ല. ഒപ്പം തന്നെ പരമാത്മാ കാര്യം സദാ സഫലം തന്നെയാണ്.

സ്ലോഗന് :-
പറയുന്നത് കുറവ്, ചെയ്യുന്നത് കൂടുതല് - ഈ ശ്രേഷ്ഠ ലക്ഷ്യം മഹാനാക്കി മാറ്റും.