10.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളെ, പഴയ ലോകത് തില്നിന്ന് മരിച് ച്പുതിയ ലോകത്തില േക്ക്പോകാനാണ് നിങ്ങള് ഈ സര്വ്വകലാശാലയിലേക്ക് വന്നിരിക്കുന്നത്. ഇപ്പോള് നിങ്ങളുട െപ്രീതി ഒരു ഭഗവാനോട് മാത്രമാണ്.

ചോദ്യം :-
ഏതൊരു വിധിയിലൂടെയാണ് ബാബയുടെ ഓര്മ്മ നിങ്ങളെ ധനവാനാക്കി മാറ്റുന്നത്?

ഉത്തരം :-
ബാബ ബിന്ദുവാണ്. നിങ്ങള് ബിന്ദുവായി ബിന്ദുവായ ബാബയെ ഓര്മ്മിക്കൂ എന്നാല് ധനവാനായി മാറും. എങ്ങനെയാണോ ഒന്നിനോടൊപ്പം ബിന്ദു(പൂജ്യം) ഇടുകയാണെങ്കില് പത്തും പിന്നീട് വീണ്ടും ബിന്ദു ഇടുകയാണെങ്കില് നൂറും, ആയിരവുമായി മാറുന്നത്. അതുപോലെ ബാബയുടെ ഓര്മ്മയിലൂടെയും ബിന്ദു വര്ദ്ധിച്ചുകൊണ്ടിരിക്കും (സമ്പാദ്യം). നിങ്ങള് ധനവാനായി മാറിക്കൊണ്ടിരിക്കുന്നു. ഓര്മ്മയില് തന്നെയാണ് സത്യമായ സമ്പാദ്യമുള്ളത്.

ഗീതം :-
സഭയില് തെളിഞ്ഞ ദീപം.....

ഓംശാന്തി.
ഈ ഗീതത്തിന്റെ അര്ത്ഥം എത്ര വിചിത്രമാണ്. എന്തിനുവേണ്ടിയാണ് പ്രീതിയുണ്ടായത്? ആരോടാണ് പ്രീതിയുള്ളത്? ഭഗവാനോട്. എന്തുകൊണ്ടെന്നാല് ഈ ലോകത്തില് നിന്ന് മരിച്ച് ഭഗവാന്റെ അടുത്തേക്ക് പോകണം. മരിച്ചു പോകണം എന്ന ചിന്ത വരുന്ന രീതിയിലുളള പ്രീതി എപ്പോഴെങ്കിലും ആരോടെങ്കിലും തോന്നാറുണ്ടോ? അങ്ങനെയെങ്കില് ആരെങ്കിലും അവരോട് പ്രീതി വെക്കുമോ? ഗീതത്തിന്റെ അര്ത്ഥം എത്ര അത്ഭുതകരമാണ്. ഈയാംമ്പാറ്റകള് പ്രകാശത്തിനോട് പ്രീതി വെച്ച് ചുറ്റിക്കറങ്ങി-ക്കറങ്ങി അതില്പ്പെട്ട് കത്തിയെരിഞ്ഞ് മരിക്കുന്നു. നിങ്ങള്ക്കും ബാബയുടെ ഓര്മ്മയില് അതായത് പ്രീതിയില് ഈ ശരീരം ഉപേക്ഷിക്കണം. അര്ത്ഥം ബാബയെ ഓര്മ്മിച്ചോര്മ്മിച്ച് ഈ ശരീരത്തെ ഉപേക്ഷിക്കണം. ഈ മഹിമ ഒരു ബാബയുടേത് മാത്രമാണ്. ശിവബാബ എപ്പോഴാണോ ഇങ്ങോട്ട് വരുന്നത് അപ്പോള് ആരെല്ലാമാണോ ബാബയോട് പ്രീതി വെക്കുന്നത് അവര്ക്ക് ഈ ലോകത്തില് നിന്ന് മരിക്കേണ്ടതായി വരുന്നു. ഭഗവാനോട് പ്രീതി വെക്കുകയാണെങ്കില് മരിച്ച് എങ്ങോട്ടാണ് പോകുന്നത്. തീര്ച്ചയായും ഭഗവാന്റെ അടുത്തേക്ക് തന്നെ പോകും. മനുഷ്യര് ഭഗവാന്റെ അടുത്തേക്കുപോകുന്നതിനായി ദാന-പുണ്യ കര്മ്മവും തീര്ത്ഥ യാത്രകളുമെല്ലാം ചെയ്യുന്നുണ്ട്. ശരീരം ഉപേക്ഷിക്കുന്ന സമയത്തും മനുഷ്യനോട് പറയാറുണ്ട്- ഭഗവാനെ ഓര്മ്മിക്കൂ എന്ന്. ഭഗവാന് എത്ര പ്രസിദ്ധമാണ്. ഭഗവാന് വരുമ്പോള് മുഴുവന് ലോകത്തേയും നശിപ്പിക്കുന്നു. പഴയ ലോകത്തില് നിന്ന് മരിച്ച് പുതിയ ലോകത്തിലേക്ക് പോകാനാണ് നിങ്ങള് ഈ സര്വ്വകലാശാലയിലേക്ക് വന്നിരിക്കുന്നത്. പഴയലോകത്തെ പതിതലോകം അഥവാ നരകമെന്നു പറയുന്നു. ബാബ പുതിയ ലോകത്തേക്കു പോകാനുളള വഴിയാണ് പറഞ്ഞുതരുന്നത്. കേവലം എന്നെ ഓര്മ്മിക്കൂ. ഞാന് സ്വര്ഗ്ഗം സ്ഥാപിക്കുന്ന പിതാവാണ്. പരിധിയുള്ള അച്ഛനില് നിന്നും നിങ്ങള്ക്ക് ധനവും, സമ്പാദ്യവും കെട്ടിടവുമെല്ലാം ലഭിക്കുന്നു. എന്നാല് പെണ്കുട്ടികള്ക്ക് സമ്പത്ത് ലഭിക്കുന്നില്ല. അവരെ മറ്റൊരു വീട്ടിലേക്ക് പറഞ്ഞയക്കുന്നു. അതിനര്ത്ഥം അവര് അവകാശികളല്ല എന്നാണ്. എന്നാല് ഭഗവാന് സര്വ്വ ആത്മാക്കളുടെയും പിതാവാണ്. ബാബയുടെ അടുത്തേക്ക് എല്ലാവര്ക്കും വരണം. ബാബ തീര്ച്ചയായും ഒരു സമയം വന്ന് എല്ലാവരെയും വീട്ടിലേക്ക് കൊണ്ടുപോകുന്നു. എന്തുകൊണ്ടെന്നാല് പുതിയ ലോകത്തില് വളരെക്കുറച്ച് മനുഷ്യര് മാത്രമെയുണ്ടാകൂ. പഴയ ലോകത്തില് ഒരുപാടു പേരുണ്ട്. പുതിയ ലോകത്തില് വളരെക്കുറച്ചു മനുഷ്യരും ധാരാളം സുഖവുമുണ്ട്. പഴയ ലോകത്തില് ഒരുപാട് മനുഷ്യരുള്ളതുകാരണം ദുഃഖവും ഒരുപാടുണ്ട്, അതുകൊണ്ടാണ് വിളിക്കുന്നത്. ബാപു ഗാന്ധിജിയും അല്ലയോ പതിത-പാവനാ വരൂ എന്ന് പറഞ്ഞിരുന്നു. ബാബയെ അറിയില്ലെന്നു മാത്രം. പതിത-പാവനന് പരമപിതാ പരമാത്മാവാണ്, മുഴുവന് ലോകത്തിന്റെയും മുക്തിദാതാവാണെന്ന് മനസ്സിലാക്കുന്നുണ്ട്. രാമനെയും സീതയേയും മുഴുവന് ലോകവും അംഗീകരിക്കില്ല. മുഴുവന് ലോകവും പരമപിതാ പരമാത്മാവിനെയാണ് മുക്തിദാതാവെന്നും വഴികാട്ടിയുമായി അംഗീകരിക്കുന്നത്. ദുഃഖത്തില് നിന്നാണ് മുക്തമാക്കുന്നത്. ശരി, ദുഃഖം നല്കുന്നത് ആരാണ്? പതിത-പാവനനായതിനാല് ബാബക്ക് ദുഃഖം നല്കാന് സാധിക്കില്ല. സുഖധാമമാകുന്ന പാവന ലോകത്തിലേക്ക് കൊണ്ടുപോകുന്ന ആളാണ്. നിങ്ങള് ആത്മീയ അച്ഛന്റെ ആത്മീയ കുട്ടികളാണ്. അച്ഛനെപോലെ തന്നെയാണ് കുട്ടികളും. ലൗകീക അച്ഛന്റെത് ലൗകീക കുട്ടികളാണ്. ലൗകീകം എന്നാല് ശരീരത്തിന്റെ കുട്ടികള്. ഇപ്പോള് നിങ്ങള് കുട്ടികള്ക്ക് സ്വയത്തെ ആത്മാവാണെന്ന് മനസ്സിലാക്കണം. പരമപിതാ പരമാത്മാവ് നമുക്ക് സമ്പത്ത് നല്കാന് വന്നിരിക്കുകയാണ്. നമ്മളും ബാബയുടെ കുട്ടികളായി മാറുകയാണെങ്കില് തീര്ച്ചായായും സ്വര്ഗ്ഗത്തിന്റെ സമ്പത്ത് ലഭിക്കും. ബാബ സ്വര്ഗ്ഗം സ്ഥാപിക്കുന്നു. നമ്മള് വിദ്യാര്ത്ഥികളാണെന്ന് മറക്കരുത്. കുട്ടികളുടെ ബുദ്ധിയിലുണ്ട് ശിവബാബ മധുബനിലാണ് മുരളി വായിക്കുന്നതെന്ന്. സ്ഥൂലമായ(മരത്തിന്റെ) ഓടക്കുഴലിന്റെ കാര്യമല്ല. കൃഷ്ണന് നൃത്തമാടുക, മുരളി വായിക്കുക ഇതെല്ലാം ഭക്തിമാര്ഗ്ഗത്തിലെതാണ്. എന്നാല് ജ്ഞാനത്തിന്റെ മുരളി ശിവബാബ തന്നെയാണ് വായിക്കുന്നത്. നിങ്ങളുടെ അടുത്ത് നല്ല-നല്ല ഗീതങ്ങളുണ്ടാക്കുന്നവരെല്ലാം വരും. ഗീതങ്ങളുണ്ടാക്കുന്നത് പ്രത്യേകിച്ചും പുരുഷന്മാര് തന്നെയാണ്. ശിവബാബയുടെ ഓര്മ്മവരുന്ന ജ്ഞാനത്തിന്റെ ഗീതം തന്നെ നിങ്ങള്ക്ക് പാടണം.

ബാബ പറയുന്നു-അളളാഹുവാകുന്ന എന്നെ ഓര്മ്മിക്കൂ. ശിവനെ ബിന്ദു എന്നാണ് പറയുന്നത്. വ്യാപാരത്തിലുള്ളവര് ബിന്ദു(പൂജ്യം) എന്ന് എഴുതുമ്പോള് ശിവനെന്നു പറയുന്നു. ഒന്നിന് ശേഷം ബിന്ദു ഇടുകയാണെങ്കില് പത്തും. വീണ്ടും ബിന്ദു ഇടുകയാണെങ്കില് നൂറാകുന്നു. വീണ്ടും ബിന്ദു ഇടുകയാണെങ്കില് ആയിരമായി മാറും. അതിനാല് നിങ്ങള്ക്കും ശിവനെ ഓര്മ്മിക്കണം. എത്രത്തോളം ശിവനെ ഓര്മ്മിക്കുന്നുവോ അത്രത്തോളം ബിന്ദു(സമ്പാദ്യം) വര്ദ്ധിച്ചുകൊണ്ടേയിരിക്കും. നിങ്ങള് അരകല്പത്തിലേക്ക് ധനവാനായി മാറുന്നു. സത്യയുഗത്തില് ദരിദ്രരില്ല. എല്ലാവരും സുഖികളായിരിക്കും. ദുഃഖത്തിന്റെ പേരുപോലുമില്ല. ഇപ്പോള് ബാബയുടെ ഓര്മ്മയിലൂടെ വികര്മ്മങ്ങള് നശിക്കുന്നു. നിങ്ങള് വളരെ ധനവാനായി മാറും. ഇതു തന്നെയാണ് സത്യമായ ബാബയിലൂടെയുള്ള സത്യമായ സമ്പാദ്യം. ഇതു മാത്രമെ കൂടെവരൂ. മനുഷ്യരെല്ലാവരും വെറും കൈയ്യോടെയാണ് പോകുന്നത്. നിങ്ങള്ക്ക് നിറഞ്ഞ കൈയ്യോടെ വേണം പോകാന്. ബാബയെ ഓര്മ്മിക്കണം. ബാബ മനസ്സിലാക്കിതന്നിട്ടുണ്ട്- പവിത്രതയുണ്ടെങ്കില് ശാന്തിയും സമൃദ്ധിയുമുണ്ടായിരിക്കും. നിങ്ങള് ആത്മാക്കള് ആദ്യം പവിത്രമായിരുന്നു. പിന്നീടാണ് അപവിത്രമായി മാറിയത്. സന്യാസിമാര്ക്കു പോലും പകുതി പവിത്രതയേയുളളൂ. നിങ്ങളുടേത് പൂര്ണ്ണസന്യാസമാണ്. നിങ്ങള്ക്കറിയാം സന്യാസിമാര്ക്ക് എത്ര സുഖം ലഭിക്കുന്നുണ്ടെന്ന്. അല്പം സുഖമുണ്ടെങ്കിലും പിന്നീട് ദുഃഖം തന്നെ ദുഃഖമാണ്. മുമ്പ് സന്യാസിമാര് സര്വ്വവ്യാപിയെന്ന് പറഞ്ഞിരുന്നില്ല. സര്വ്വവ്യാപിയെന്നു പറഞ്ഞതിലൂടെ താഴേക്കു അദ്ധഃപതിച്ചു വന്നു. ലോകത്തില് അനേക പ്രകാരത്തിലുള്ള മേളകളുണ്ടാകാറുണ്ട്. എന്തുകൊണ്ടെന്നാല് അതിലൂടെ ധാരാളം സമ്പാദ്യം ഉണ്ടാകുന്നുണ്ടല്ലോ! ഇതും അവരുടെ തൊഴിലാണ്. മറ്റെല്ലാ ജോലിയും അഴുക്കു(പൊടി) നിറഞ്ഞതാണ്. ഈയൊരു ജോലിയിലൂടെ നരനില് നിന്ന് നാരായണനായി മാറാം. ഈ ജോലി വളരെ ചുരുക്കം പേര്ക്കു മാത്രമെ ചെയ്യാന് സാധിക്കുകയുള്ളൂ. ബാബയുടേതായി മാറിയതിനുശേഷം ദേഹ സഹിതം എല്ലാം ബാബക്ക് നല്കണം. എന്തുകൊണ്ടെന്നാല് നിങ്ങള് പുതിയശരീരം ലഭിക്കണമെന്ന് ആഗ്രഹിക്കുന്നു. ബാബ പറയുന്നു- ആത്മാവ് തമോപ്രധാനത്തില് നിന്നും സതോപ്രധാനമായി മാറുമ്പോള് കൃഷ്ണപുരിയിലേക്ക് പോകാന് സാധിക്കും. കൃഷ്ണപുരിയില് ആരും ഇങ്ങനെ പറയില്ല-നമ്മളെ പാവനമാക്കി മാറ്റൂ എന്ന്. ഇവിടെ എല്ലാ മനുഷ്യരും വിളിക്കുന്നുണ്ട്-അല്ലയോ മുക്തിദാതാവേ വരൂ, ഈ പാപാത്മാക്കളുടെ ലോകത്തില് നിന്ന് ഞങ്ങളെ മുക്തമാക്കൂ എന്ന്.

ഇപ്പോള് നിങ്ങള്ക്കറിയാം ബാബ വന്നിരിക്കുകയാണ് നമ്മളെ തിരികെ കൂടെകൊണ്ടുപോകുന്നതിനുവേണ്ടി. ശാന്തിധാമത്തില് പോകുന്നത് നല്ലതാണല്ലോ! മനുഷ്യര് ശാന്തിയാണ് ആഗ്രഹിക്കുന്നത്. ശാന്തി എന്ന് ഏതിനെയാണ് പറയുന്നത്? കര്മ്മം ചെയ്യാതെ ആര്ക്കും ഇരിക്കാന് സാധിക്കില്ല. ശാന്തിയുണ്ടാകുന്നത് ശാന്തിധാമത്തിലാണ്. സത്യയുഗത്തില് കര്മ്മം ചെയ്തുകൊണ്ടും ശാന്തിയുണ്ട്. അശാന്തിയില് മനുഷ്യര്ക്ക് ദുഃഖമാണ് ഉണ്ടാകുന്നത്. അതുകൊണ്ടാണ് പറയുന്നത്, എങ്ങനെ ശാന്തി ലഭിക്കും? ഇപ്പോള് നിങ്ങള് കുട്ടികള്ക്കറിയാം ശാന്തിധാമം നമ്മുടെ വീടാണ്. സത്യയുഗത്തില് ശാന്തിയും സുഖവുമുണ്ട്. എല്ലാമുണ്ട്. അപ്പോള് സുഖമാണോ വേണ്ടത് അതോ കേവലം ശാന്തിയോണോ വേണ്ടത്. ഈ ലോകത്തില് ദുഃഖമാണ് ഉള്ളത.് അതുകൊണ്ടാണ് പതിത-പാവനനായ ബാബയെയും ഇവിടെക്കു വിളിക്കുന്നത്. ഭക്തി ചെയ്യുന്നത് തന്നെ ഭഗവാനുമായുളള മിലനത്തിനാണ്. ഭക്തിയും ആദ്യം അവ്യഭിചാരിയാണ് പിന്നീട് വ്യഭിചാരിയായിരിക്കും അതായത് പലരെയും ഓര്മ്മിക്കുന്നു. വ്യഭിചാരിയായ ഭക്തിയില് നോക്കൂ, എന്തെല്ലാമാണ് ചെയ്യുന്നത്! ഏണിപ്പടിയില് എത്ര നല്ല രീതിയിലാണ് കാണിച്ചിട്ടുള്ളത്. എന്നാല് ആദ്യമാദ്യം ഭഗവാന് ആരാണ് എന്ന് തെളിയിക്കണം. ശ്രീകൃഷ്ണനെ അങ്ങനെയാക്കി മാറ്റിയതാരാണ്? മുമ്പത്തെ ജന്മത്തില് കൃഷ്ണന് ആരായിരുന്നു. മനസ്സിലാക്കികൊടുക്കാന് വളരെ നല്ല യുക്തി വേണം. നല്ല രീതിയില് സേവനം ചെയ്യുന്നവരുടെ ഹൃദയം തന്നെ അതിന് സാക്ഷ്യം വഹിക്കുന്നു. സര്വ്വകലാശാലയില് നല്ല രീതിതില് പഠിക്കുന്നവര് തീര്ച്ചയായും മുന്നേറുക തന്നെ ചെയ്യും. നമ്പര്വൈസ് തന്നെയായിരിക്കും. ചിലര് ടള്ബുദ്ധി(കല്ലുബുദ്ധി) യുള്ളവരുമുണ്ട്. ആത്മാവ് ശിവബാബയോട് പറയുന്നു, എന്റെ ബുദ്ധിയുടെ പൂട്ട് തുറക്കൂ. ബാബ പറയുന്നു-ബുദ്ധിയുടെ പൂട്ട് തുറക്കാന് തന്നെയാണല്ലോ ഞാന് വന്നിരിക്കുന്നത്. എന്നാല് നിങ്ങളുടെ കര്മ്മം മോശമായതുകാരണം പൂട്ട് തുറക്കുന്നതേയില്ല. പിന്നെ ബാബക്ക് എന്തു ചെയ്യാന് സാധിക്കും? ഒരുപാട് പാപങ്ങള് ചെയ്തിട്ടുണ്ട്. അപ്പോള് ബാബക്ക് അവരെ എന്തു ചെയ്യാന് സാധിക്കും. ടീച്ചറോട് വിദ്യാര്ത്ഥി പറയുകയാണ്-നമ്മള് കുറച്ചാണ് പഠിക്കുന്നതെങ്കില് ടീച്ചര്ക്ക് എന്തു ചെയ്യാന് സാധിക്കും? ടീച്ചര്ക്ക് കൃപ കാണിക്കാന് സാധിക്കുമോ! കൂടിപ്പോയാല് കുറച്ചുകൂടുതല് സമയം പഠിപ്പിച്ചുകൊടുക്കും. അതിന് നിങ്ങള്ക്കും അനുവാദമുണ്ട്. പ്രദര്ശിനി തുറന്നു കിടക്കുകയാണ് അഭ്യാസം ചെയ്യൂ. ഭക്തിമാര്ഗ്ഗത്തിലാണെങ്കില് മാല ജപിക്കൂ എന്ന് പറയും. ചിലര് പറയും ഈ മന്ത്രം ഓര്മ്മിക്കൂ എന്ന്. ഇവിടെ ബാബ തന്റെ പരിചയം നല്കുന്നു. ബാബയെ ഓര്മ്മിക്കണം. അതിലൂടെ സമ്പത്ത് ലഭിക്കുന്നു. അതിനാല് നല്ല രീതിയില് ബാബയില് നിന്ന് പൂര്ണ്ണസമ്പത്ത് എടുക്കണമല്ലോ! ഇതിലും ബാബ പറയുന്നു- ഒരിക്കലും വികാരത്തിലേക്ക് പോകരുത്. അലപ്മെങ്കിലും വികാരത്തിന്റെ സ്വാദ് അറിഞ്ഞാല് പിന്നീട് അത് വര്ദ്ധിച്ചുകൊണ്ടിരിക്കുന്നു. സിഗററ്റെല്ലാം ഒരു തവണയെങ്കിലും രുചിച്ചുനോക്കുകയാണെങ്കില് സംഗത്തിന്റെ പ്രഭാവം പെട്ടെന്നുതന്നെ ബാധിക്കുന്നു. പിന്നീട് ആ ശീലം മാറ്റാനും ബുദ്ധിമുട്ടാണ്. അതിനായി എത്രയാണ് ഒഴിവ് കഴിവുകള് പറയുക. ഒന്നിന്റെയും ശീലമുണ്ടാകാന് പാടില്ല. മോശമായ ശീലങ്ങളെല്ലാം ഇല്ലാതാക്കണം. ബാബ പറയുന്നു-ജീവിച്ചിരിക്കെ ശരീരബോധം മറന്ന് എന്നെ ഓര്മ്മിക്കൂ. ദേവതകള്ക്ക് എപ്പോഴും പവിത്രമായ പ്രസാദമാണ് അര്പ്പിക്കാറുള്ളത്. അതിനാല് നിങ്ങളും പവിത്രമായ ഭോജനം കഴിക്കൂ. ഇന്നത്തെകാലത്ത് സത്യമായ നെയ്യ് ലഭിക്കുന്നില്ല, എണ്ണയാണ് കഴിച്ചുകൊണ്ടിരിക്കുന്നത്. സത്യയുഗത്തില് എണ്ണയൊന്നുമുണ്ടാകില്ല. ഇവിടെ ഡൈയറിയില് നോക്കൂ, ശുദ്ധമായ നെയ്യുമുണ്ട് അസത്യമായ നെയ്യുമുണ്ട്. രണ്ടിലും ശുദ്ധമായ നെയ്യെന്നാണ് എഴുതിയിരിക്കുന്നത് എന്നാല് വിലയില് വ്യത്യാസമുണ്ട്. ഇപ്പോള് നിങ്ങള് കുട്ടികള്ക്ക് പുഷ്പത്തെപ്പോലെ വിടര്ന്ന് ഹര്ഷിതമായിരിക്കണം. സ്വര്ഗ്ഗത്തിലാണെങ്കില് പ്രകൃതിപരമായ സൗന്ദര്യമുണ്ട്. സത്യയുഗത്തില് പ്രകൃതിയും സതോപ്രധാനമായി മാറുന്നു. ലക്ഷ്മീ-നാരായണനെപ്പോലെ പ്രകൃതിപരമായ സൗന്ദര്യം ഇവിടെ ആര്ക്കും തന്നെ ഉണ്ടാകില്ല. ലക്ഷ്മീ-നാരായണനെ ഈ കണ്ണുകള്ക്കൊണ്ട് ആര്ക്കും കാണാന് സാധിക്കില്ലല്ലോ! ശരിയാണ്. സാക്ഷാത്കാരമുണ്ടാകാറുണ്ട്. എന്നാല് സാക്ഷാത്കാരമുണ്ടായാലും അതേപോലുള്ള ചിത്രമൊന്നും ഉണ്ടാക്കാന് സാധിക്കില്ലല്ലോ! ചില ചിത്രകലാകാരന്മാര്ക്ക് സാക്ഷാത്കാരമുണ്ടായാല് ആ സമയം ഇരുന്ന് ഉണ്ടാക്കാം........ പക്ഷെ എന്നാലും ബുദ്ധിമുട്ടാണ്. അപ്പോള് നിങ്ങള് കുട്ടികള്ക്ക് വളരെയധികം ലഹരിയുണ്ടായിരിക്കണം. ഇപ്പോള് നമ്മളെ ബാബ കൊണ്ടുപോകാന് വന്നിരിക്കുകയാണ്. ബാബയില് നിന്ന് നമുക്ക് സ്വര്ഗ്ഗത്തിന്റെ സമ്പത്ത് ലഭിക്കുന്നു. ഇപ്പോള് നമ്മുടെ 84 ജന്മങ്ങള് പൂര്ത്തിയായിക്കഴിഞ്ഞു. ഇങ്ങനെ-ഇങ്ങനെയുള്ള ചിന്തകള് ബുദ്ധിയില് വരുന്നതിലൂടെ സന്തോഷമുണ്ടായിരിക്കും. വികാരത്തിന്റെ ചിന്ത അല്പം പോലും വരാന് പാടില്ല. ബാബ പറയുന്നു- കാമം മഹാശത്രുവാണ്. അതുകൊണ്ടല്ലേ ദ്രൗപതിയും വിളിച്ചത്. ദ്രൗപതിക്ക് 5 പതിമാരൊന്നും ഉണ്ടായിരുന്നില്ല. ഈ ദുശ്ശാസനന് നമ്മെ മോശമാക്കി മാറ്റുന്നു ഇതില് നിന്നും നമ്മെ രക്ഷപ്പെടുത്തൂ എന്ന് പറഞ്ഞാണ് ദ്രൗപതി വിളിച്ചിരുന്നത്. പിന്നെങ്ങനെയാണ് 5 പതിമാരുണ്ടാകുന്നത്? ഇങ്ങനെയുള്ള കാര്യങ്ങളൊന്നുമില്ല. ഇടക്കിടക്ക് നിങ്ങള് കുട്ടികള്ക്ക് പുതിയ-പുതിയ പോയിന്റുകളെല്ലാം ലഭിച്ചുകൊണ്ടിരിക്കുന്നു. അതിനാല് ചില വാക്കുകള് മാറ്റിയെഴുതണം.

നിങ്ങള് എഴുതുന്നു അല്പ സമയത്തിനുള്ളില് നമ്മള് ഈ ഭാരതത്തെ സ്വര്ഗ്ഗമാക്കി മാറ്റും എന്ന്. നിങ്ങള് വെല്ലുവിളിക്കുകയാണ്. ബാബ കുട്ടികളോട് പറയുന്നു, കുട്ടികള് അച്ഛനെ പ്രത്യക്ഷമാക്കുന്നു. അച്ഛന് കുട്ടികളെയും പ്രത്യക്ഷപ്പെടുത്തുന്നു. ഏത് അച്ഛന്? ശിവനും സാലിഗ്രാമുകളും. ശിവബാബ മനസ്സിലാക്കി തരുന്നതിനെ ഫോളോ ചെയ്യൂ. ഫോളോ ഫാദര് എന്ന മഹിമയും ഇവിടെയുളളതാണ്. ലൗകീക അച്ഛനെ ഫോളോ ചെയ്യുന്നതിലൂടെ നിങ്ങള് പതിതമായി മാറുന്നു. പരിധിയില്ലാത്ത അച്ഛന് പാവനമാക്കി മാറ്റാനാണ് ഫോളോ ചെയ്യാന് പറയുന്നത്. വ്യത്യാസമുണ്ടല്ലോ! ബാബ പറയുന്നു-മധുരമായ കുട്ടികളെ, ഫോളോ ചെയ്ത് പവിത്രമായി മാറൂ. ഫോളോ ചെയ്യുന്നതിലൂടെ സ്വര്ഗ്ഗത്തിന്റെ അധികാരിയായി മാറും. ലൗകീക അച്ഛനെ ഫോളോ ചെയ്യുന്നതിലൂടെ 63 ജന്മം നിങ്ങള് ഏണിപ്പടി താഴേക്ക് ഇറങ്ങി. ഇപ്പോള് ബാബയെ ഫോളോ ചെയ്ത് മുകളിലേക്ക് കയറണം. ബാബയോടൊപ്പം പോകണം. ബാബ പറയുന്നു-ഈ ഓരോ ഓരോ രത്നങ്ങളും ലക്ഷക്കണക്കിന് രൂപ വിലയുള്ളതാണ്. നിങ്ങള് ബാബയെ തിരിച്ചറിഞ്ഞാണ് ബാബയില് നിന്ന് സമ്പത്ത് പ്രാപ്തമാക്കുന്നത്. സന്യാസിമാര് പറയുന്നു, ബ്രഹ്മത്തില് ലയിക്കണം എന്ന്. ആരും ലയിക്കുന്നില്ല, വീണ്ടും താഴേക്ക് വരും. ബാബ ദിവസേന മനസ്സിലാക്കി തരുന്നു-മധുര-മധുരമായ കുട്ടികളെ, ആദ്യമാദ്യം എല്ലാവര്ക്കും ബാബയുടെ പരിചയം നല്കണം. പാരലൗകികപിതാവ് പാവനമാകാനുളള സമ്പത്താണ് നല്കുന്നത്. അതുകൊണ്ടാണ് പരിധിയില്ലാത്ത അച്ഛനെ പതിതപാവനന് എന്ന് പറയുന്നത്. ബാബയാണ് പതിത-പാവനന്. ലൗകികപിതാവിനെ പതിതപാവനന് എന്ന് പറയില്ല. അവര് സ്വയം വിളിച്ചുകൊണ്ടിരിക്കുന്നു-അല്ലയോ പതിത-പാവനാ വരൂ എന്ന്. അതിനാല് രണ്ട് അച്ഛന്റെയും പരിചയം എല്ലാവര്ക്കും നല്കണം. ലൗകീക അച്ഛന് പറയും വിവാഹം കഴിച്ച് പതിതമായി മാറൂ. പാരലൗകീക അച്ഛന് പറയുന്നു-പാവനമായി മാറൂ. എന്നെ ഓര്മ്മിക്കുന്നതിലൂടെ നിങ്ങള് പാവനാമായി മാറും. ഒരു ബാബയാണ് എല്ലാവരെയും പാവനമാക്കി മാറ്റുന്നത്. ഈ പോയിന്റുകള് മനസ്സിലാക്കികൊടുക്കാന് വളരെനല്ലതാണ്. ഭിന്ന-ഭിന്ന പ്രകാരത്തിലുള്ള പോയിന്റുകള് വിചാര സാഗര മഥനം ചെയ്ത് മനസ്സിലാക്കികൊടുത്തുകൊണ്ടിരിക്കൂ. ഇത് നിങ്ങളുടെ തന്നെ ജോലിയാണ്. നിങ്ങള് പതിതരെ പാവനമാക്കി മാറ്റുന്നവരാണ്. ഇപ്പോള് പാരലൗകീക അച്ഛന് പറയുന്നു-പാവനമായി മാറണം. കാരണം വിനാശം തൊട്ട്മുന്നില് നില്ക്കുകയാണ്. ഇപ്പോള് എന്ത് ചെയ്യണം? തീര്ച്ചയായും പാരലൗകീക അച്ഛന്റെ മതപ്രകാരം തന്നെ നടക്കണമല്ലോ! ഇതും പ്രദര്ശിനിയില് അവരെക്കൊണ്ട് പ്രതിജ്ഞയായി എഴുതിക്കണം. പാരലൗകീക അച്ഛനെ ഫോളോ ചെയ്യും, ഞാന് പതിതമാകുന്നതില് നിന്നും മുക്തമാകുമെന്ന് എഴുതിക്കൂ. എഴുതൂ-ഞാന് ബാബയില് നിന്ന് ഗ്യാരണ്ടിയെടുക്കുന്നു. മുഴുവന് കാര്യവും പവിത്രതയിലാണ്. നിങ്ങള് കുട്ടികള്ക്ക് രാത്രിയും പകലും സന്തോഷമുണ്ടായിരിക്കണം- ബാബ നമുക്ക് സ്വര്ഗ്ഗീയസമ്പത്ത് നല്കുന്നു. അളളാഹുവും സമ്പത്തും. ഇപ്പോള് നിങ്ങള്ക്ക് മനസ്സിലായി, ശിവജയന്തിയെന്നാല് തന്നെ സ്വര്ണ്ണിമ ഭാരതത്തിന്റെ ജയന്തി എന്നാണ്. സര്വ്വ ശാസ്ത്രമയീ ശിരോമണിയാണ് ഭഗവത്ഗീത. ഗീത മാതാവാണ്. സമ്പത്ത് ലഭിക്കുന്നത് അച്ഛനില് നിന്നാണ്. ഗീതയുടെ രചയിതാവ് തന്നെ ശിവബാബയാണ്. പാരലൗകീക അച്ഛനില് നിന്ന് പാവനമാകാനുള്ള സമ്പത്താണ് ലഭിക്കുന്നത്. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. നമ്മള് ഈശ്വരീയ വിദ്യാര്ത്ഥികളാണെന്നുളളത് സദാ സ്മൃതിയില് വെക്കണം. ഏതൊരു മോശമായ ശീലവും ഉണ്ടാകരുത്. അവയെ ഇല്ലാതാക്കണം. വികാരത്തിന്റെ ചിന്ത അല്പം പോലും വരരുത്.

2. ജീവിച്ചിരിക്കെ ശരീരഭാരത്തെ മറന്ന് ബാബയെ ഓര്മ്മിക്കണം. ഭിന്ന-ഭിന്ന പോയിന്റുകള് വിചാര സാഗര മഥനം ചെയ്ത് പതിതരെ പാവനമാക്കി മാറ്റാനുള്ള ജോലി ചെയ്യണം.

വരദാനം :-
ജന്മസിദ്ധ അധികാരത്തിന്റെ ലഹരിയിലൂടെ ലക്ഷ്യത്തേയും ലക്ഷണത്തേയും സമാനമാക്കുന്ന ശ്രേഷ്ഠമായ ഭാഗ്യശാലിയായി ഭവിക്കട്ടെ.

ഏതുപോലെയാണോ ലൗകിക ജന്മത്തില് സ്ഥൂലമായ സമ്പത്ത് ജന്മസിദ്ധ അധികാരമാണ്, അതുപോലെ ബ്രാഹ്മണ ജന്മത്തില് ദിവ്യ ഗുണമാകുന്ന സമ്പത്ത്, ഈശ്വരീയ സുഖവും, ശക്തിയും ജന്മസിദ്ധ അധികാരമാണ്. ജന്മസിദ്ധ അധികാരത്തിന്റെ ലഹരി സ്വാഭാവികമായിരിക്കണം അപ്പോള് പരിശ്രമിക്കേണ്ടി വരില്ല. ഈ ലഹരിയില് കഴിയുന്നതിലൂടെ ലക്ഷ്യവും ലക്ഷണവും സമാനമാകും. സ്വയത്തെ എന്താണോ, എങ്ങനെയാണോ, ഏത് ശ്രേഷ്ഠമായ അച്ഛന്, അതോടൊപ്പം പരിവാരത്തിലേയാണോ അതുപോലെ അറിയുകയും അംഗീകരിക്കുകയും ചെയ്ത് ശ്രേഷ്ഠ ഭാഗ്യവാനാകൂ.

സ്ലോഗന് :-
ഓരോ കര്മ്മവും സ്വസ്ഥിതിയില് സ്ഥിതി ചെയ്ത് ചെയ്യൂ എങ്കില് സഹജമായും സഫലതാ നക്ഷത്രമാകും.