10.11.2020           Morning Malayalam Murli       Om Shanti           BapDada Madhuban


മധുരമായ കുട്ടികളേ - ആത്മാവിന െസതോപ്രധാനമാക്കി മാറ്റുന്നതിനുള്ള ചിന്തയു ണ്ടായിരിക്കണം, ഒരു കുറവും ഉണ്ടായിരിക്കരുത്, മായ തെറ്റ് ചെയ്യിക്കരുത്.

ചോദ്യം :-
നിങ്ങള് കുട്ടികളുടെ മുഖത്തുനിന്നും സദാ ഏതൊരു ശുഭമായ വാക്കാണ് വരേണ്ടത്?

ഉത്തരം :-
സദാ മുഖത്തിലൂടെ ഈ ശുഭമായ വാക്കുകള് പറയൂ അതായത് ഞങ്ങള് നരനില് നിന്നും നാരായണനായി മാറും, കുറഞ്ഞവരാകില്ല. ഞങ്ങള് തന്നെയായിരുന്നു വിശ്വത്തിന്റെ അധികാരി ഇനി വീണ്ടും ആകും. എന്നാല് ഈ ലക്ഷ്യം വളരെ ഉയര്ന്നതാണ്, അതിനാല് വളരെ വളരെ ശ്രദ്ധയോടെയിരിക്കണം. തന്റെ കണക്കുകള് നോക്കണം. ലക്ഷ്യത്തെ മുന്നില് വെച്ച് പുരുഷാര്ത്ഥം ചെയ്തുകൊണ്ടിരിക്കണം, നിരാശരാകരുത്.

ഓംശാന്തി.
ബാബ ഇരുന്ന് ആത്മീയ കുട്ടികള്ക്ക് മനസ്സിലാക്കിത്തരികയാണ് - എപ്പോള് ഇവിടെ ഓര്മ്മയില് ഇരിക്കുന്നുവോ അപ്പോള് സഹോദരീ സഹോദരന്മാരോട് പറയൂ, നിങ്ങള് ആത്മാഭിമാനിയായി ഇരിക്കൂ എന്നിട്ട് ബാബയെ ഓര്മ്മിക്കൂ. ഈ ഓര്മ്മ ഉണര്ത്തണം. നിങ്ങള്ക്ക് ഇപ്പോള് ഈ സ്മൃതി ഉണരുകയാണ്. നമ്മള് ആത്മാക്കളാണ്, നമ്മുടെ അച്ഛന് നമ്മെ പഠിപ്പിക്കാന് വരികയാണ്. നമ്മളും കര്മ്മേന്ദ്രിയങ്ങളിലൂടെയാണ് പഠിക്കുന്നത്. ബാബയും കര്മ്മേന്ദ്രിയങ്ങളെ ആധാരമാക്കി ഈ ശരീരത്തിലൂടെ ആദ്യമാദ്യം ഇങ്ങനെ പറയുന്നു - ബാബയെ ഓര്മ്മിക്കൂ. കുട്ടികള്ക്ക് മനസ്സിലാക്കിത്തന്നിട്ടുണ്ട് ഇത് ജ്ഞാന മാര്ഗ്ഗമാണ്. ഭക്തിമാര്ഗ്ഗം എന്ന് പറയില്ല. ജ്ഞാനം ഒരേയൊരു പതിത പാവനന്, ജ്ഞാനസാഗരനാണ് നല്കുന്നത്. നിങ്ങള്ക്ക് ലഭിക്കുന്ന ആദ്യപാഠം ഇതാണ് - സ്വയം ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ. ഇത് വളരെ അത്യാവശ്യമാണ്. മറ്റൊരു സത്സംഗത്തിലും ആര്ക്കും ഇങ്ങനെ പറയാന് കഴിയില്ല. ഇന്നത്തെ കാലത്ത് ഒരുപാട് വ്യാജ സംഘടനകള് ഉണ്ട്. നിങ്ങളില് നിന്നും കേട്ട് ആരെങ്കിലും പറഞ്ഞാലും അര്ത്ഥം മനസ്സിലാകില്ല. മനസ്സിലാക്കാനുള്ള ബുദ്ധിയുണ്ടാവില്ല. ബാബ നിങ്ങളോട് മാത്രമാണ് ഇത് പറയുന്നത് അതായത് പരിധിയില്ലാത്ത അച്ഛനെ ഓര്മ്മിക്കൂ എങ്കില് വികര്മ്മം വിനാശമാകും. വിവേകവും പറയുന്നുണ്ട് ഇത് പഴയ ലോകമാണ്. പുതിയ ലോകവും പഴയ ലോകവും തമ്മില് ഒരുപാട് വ്യത്യാസമുണ്ട്. അത് പാവനമായ ലോകമാണ് എന്നാല് ഇത് പതിതമായ ലോകമാണ്. അല്ലയോ പതിത പാവനാ വരൂ, വന്ന് പാവനമാക്കി മാറ്റൂ എന്ന് പറഞ്ഞ് വിളിക്കുന്നുമുണ്ട്. എന്നെ മാത്രം ഓര്മ്മിക്കൂ എന്ന് ഗീതയിലും ഉണ്ട്. ദേഹത്തിന്റെ മുഴുവന് സംബന്ധങ്ങളേയും ഉപേക്ഷിച്ച് സ്വയം ആത്മാവാണെന്ന് മനസ്സിലാക്കൂ. ഈ ദേഹത്തിന്റെ സംബന്ധങ്ങള് മുമ്പ് ഉണ്ടായിരുന്നില്ല. നിങ്ങള് ആത്മാക്കള് ഇവിടെ വരുന്നത് പാര്ട്ട് അഭിനയിക്കാനാണ്. ഒറ്റയ്ക്കാണ് വന്നത്, ഒറ്റയ്ക്കുതന്നെ പോകണം എന്ന് ഗീതവുമുണ്ട്. ഇതിന്റെ അര്ത്ഥം മനുഷ്യര് മനസ്സിലാക്കുന്നില്ല. ഇപ്പോള് നിങ്ങള്ക്ക് പ്രാക്ടിക്കലായി അറിയാം. ഓര്മ്മയുടെ യാത്രയിലൂടെ അഥവാ ഓര്മ്മയുടെ ബലത്തിലൂടെ ഇപ്പോള് നമ്മള് പവിത്രമായി മാറുകയാണ്. അത് ഹഠയോഗമാണ് അതിലൂടെ മനുഷ്യര് അല്പകാലത്തിലേയ്ക്ക് ആരോഗ്യവാനായിരിക്കുന്നു. സത്യയുഗത്തില് നിങ്ങള് എത്ര ആരോഗ്യവാന്മാരായാണ് ഇരിക്കുന്നത്. ഹഠയോഗത്തിന്റെ ആവശ്യമില്ല. ഇതെല്ലാം ഇവിടെ ഈ മോശമായ ലോകത്തിലാണ് ചെയ്യേണ്ടത്. ഇത് പഴയ ലോകമാണ്. സത്യയുഗം പുതിയ ലോകമായിരുന്നു അത് കഴിഞ്ഞുപോയി, അതില് ഈ ലക്ഷ്മീ നാരായണന്മാരുടെ രാജ്യമുണ്ടായിരുന്നു. ഇത് ആര്ക്കും അറിയില്ല. അവിടെ ഓരോ വസ്തുവും പുതിയതാണ്. ഉണരൂ പ്രിയതമകളേ ഉണരൂ... എന്ന് ഗീതവും ഉണ്ടല്ലോ. നവയുഗമാണ് സത്യയുഗം. പഴയ ലോകമാണ് കലിയുഗം. ഇപ്പോള് ഇതിനെ സത്യയുഗം എന്ന് പറയില്ല. ബാബ സ്മൃതി ഉണര്ത്തിത്തന്നു - ഇപ്പോള് കലിയുഗമാണ്. നിങ്ങള് സത്യയുഗത്തിനായാണ് പഠിക്കുന്നത്. ഈ പഠിപ്പിലൂടെ നിങ്ങള് പുതിയ ലോകത്തില് രാജ്യപദവി പ്രാപ്തമാക്കും എന്ന് പറഞ്ഞ് പഠിപ്പിക്കുന്ന മറ്റാരും ഉണ്ടാകില്ല. ആര്ക്കും പറയാന് കഴിയില്ല. നിങ്ങള് കുട്ടികളില് ഓരോ കാര്യത്തിന്റേയും ഓര്മ്മ ഉണര്ത്തുകയാണ്. തെറ്റ് ചെയ്യരുത്. ബാബ എല്ലാവര്ക്കും മനസ്സിലാക്കിത്തന്നുകൊണ്ടിരിക്കുന്നു. എവിടെ വേണമെങ്കിലും ഇരുന്നോളു, ജോലികള് ചെയ്തോളൂ, എന്നാല് ആത്മാവാണെന്ന് മനസ്സിലാക്കി ചെയ്യൂ. ജോലികാര്യങ്ങളില് അല്പം ബുദ്ധിമുട്ടുണ്ടെങ്കില് എത്ര സാധിക്കുമോ അത്രയും സമയം എടുത്ത് ഓര്മ്മയില് ഇരിക്കൂ എങ്കിലേ ആത്മാവ് പവിത്രമാകൂ. മറ്റൊരു ഉപായവുമില്ല. നിങ്ങള് രാജയോഗം പഠിക്കുകയാണ് പുതിയ ലോകത്തിലേയ്ക്കായി. കലിയുഗത്തിലെ ആത്മാക്കള്ക്ക് അവിടേയ്ക്ക് പോകാന് സാധിക്കില്ല. മായ ആത്മാവിന്റെ ചിറകിനെ മുറിച്ചിരിക്കുകയാണ്. ആത്മാവ് പറക്കുമല്ലോ. ഒരു ശരീരം വിട്ട് അടുത്തത് എടുക്കുന്നു. ആത്മാവാണ് ഏറ്റവും വേഗതകൂടിയ റോക്കറ്റ്. നിങ്ങള് കുട്ടികള്ക്ക് ഈ പുതിയ പുതിയ കാര്യങ്ങള് കേട്ട് അത്ഭുതം തോന്നുന്നു. ആത്മാവ് എത്ര ചെറിയ റോക്കറ്റാണ്. അതില് 84 ജന്മങ്ങളുടെ പാര്ട്ട് അടങ്ങിയിട്ടുണ്ട്. ഇങ്ങനെയുള്ള കാര്യങ്ങള് മനസ്സില് ഓര്മ്മിക്കുന്നതിലൂടെ ഉത്സാഹം ഉണ്ടാകും. സ്ക്കൂളില് വിദ്യാര്ത്ഥികളുടെ ബുദ്ധിയില് അഭ്യസിച്ച വിദ്യ ഓര്മ്മ നില്ക്കുമല്ലോ. നിങ്ങളുടെ ബുദ്ധിയില് ഇപ്പോള് എന്താണ്? ബുദ്ധി ശരീരത്തിലല്ല. ആത്മാവില് തന്നെയാണ് മനസ്സും ബുദ്ധിയും. ആത്മാവുതന്നെയാണ് പഠിക്കുന്നത്. ജോലി കാര്യങ്ങളെല്ലാം ചെയ്യുന്നതും ആത്മാവാണ്. ശിവബാബയും ആത്മാവാണ്. എന്നാല് പരമാത്മാവ് എന്നാണ് വിളിക്കുന്നത്. ബാബ ജ്ഞാനസാഗരനാണ്. ബാബ വളരെ ചെറിയ ബിന്ദുവാണ്. എന്താണോ ആ ബാബയിലുള്ള സംസ്ക്കാരം അതുതന്നെയാണ് നിങ്ങള് കുട്ടികളില് നിറയുന്നത് എന്നതും ആര്ക്കും അറിയില്ല. ഇപ്പോള് നിങ്ങള് യോഗബലത്തിലൂടെ പാവനമായി മാറുന്നു. അതിനായി പുരുഷാര്ത്ഥം ചെയ്യണം. ഞാന് തോറ്റുപോകുമോ എന്ന പേടി പഠിപ്പില് ഉണ്ടാകാറുണ്ട്. ഇതില് ഒന്നാമത്തെ വിഷയം തന്നെ ഇതാണ് അതായത് നാം ആത്മാക്കള്ക്ക് സതോപ്രധാനമായി മാറണം. ഒരു കുറവും ഉണ്ടാകരുത്. ഇല്ലെങ്കില് തോറ്റുപോകും. മായ നിങ്ങളെ എല്ലാകാര്യവും മറപ്പിക്കും. ആത്മാവ് ചാര്ട്ട് വെയ്ക്കണം എന്ന് ആഗ്രഹിക്കുന്നുണ്ട്. മുഴുവന് ദിവസത്തിലും ഒരു ആസൂരീയ കാര്യവും ചെയ്യരുത്. എന്നാല് മായ ചാര്ട്ട് വെയ്ക്കാന് അനുവദിക്കുന്നില്ല. നിങ്ങള് മായയുടെ വലയില് പെടുന്നു. കണക്ക് വെയ്ക്കണം എന്ന് മനസ്സ് പറയുന്നുണ്ട്. വ്യാപാരികള് എപ്പോഴും ലാഭ നഷ്ടത്തിന്റെ കണക്ക് വെയ്ക്കാറുണ്ട്. നിങ്ങളുടേത് വളരെ വലിയ കണക്കാണ്. 21 ജന്മങ്ങളിലേയ്ക്കുള്ള സമ്പാദ്യമാണ്, ഇതില് തെറ്റ് ചെയ്യരുത്. കുട്ടികള് ഒരുപാട് അശ്രദ്ധരാവുന്നുണ്ട്. ഈ ബാബയെ നിങ്ങള് സൂക്ഷ്മ വതനത്തിലും സ്വര്ഗ്ഗത്തിലും കാണുന്നുണ്ട്. ബാബയും ഒരുപാട് പുരുഷാര്ത്ഥം ചെയ്യുന്നുണ്ട്. അത്ഭുതപ്പെടുകയും ചെയ്യുന്നു. ബാബയുടെ ഓര്മ്മയില് കുളിക്കുന്നു, ഭക്ഷണം കഴിക്കുന്നു, എന്നിട്ടും മറന്നുപോകുന്നു പിന്നീട് വീണ്ടും ഓര്മ്മിക്കാന് തുടങ്ങുന്നു. ഇതാണ് പ്രധാന വിഷയം. ഇതില് ഒരു അഭിപ്രായ വ്യത്യാസവും വരില്ല. ദേഹസഹിതം ദേഹത്തിന്റെ മുഴുവന് സംബന്ധങ്ങളേയും ഉപേക്ഷിക്കൂ എന്ന് ഗീതയിലും ഉണ്ട്. ബാക്കിയുള്ളത് ആത്മാവാണ്. ദേഹത്തെ മറന്ന് സ്വയം ആത്മാവാണെന്ന് മനസ്സിലാക്കൂ. ആത്മാവുതന്നെയാണ് പതിതവും തമോപ്രധാനവുമായി മാറിയിരിക്കുന്നത്. ആത്മാവ് നിര്ലേപമാണ് എന്ന് പിന്നീട് മനുഷ്യര് പറയുന്നു. ആത്മാവുതന്നെയാണ് പരമാത്മാവ്, പരമാത്മാവുതന്നെയാണ് ആത്മാവ് അതിനാല് ആത്മാവില് ഒന്നും ഏല്ക്കില്ല എന്ന് കരുതുന്നു. തമോഗുണികളായ മനുഷ്യര് പഠിപ്പിക്കുന്നതും തമോഗുണിയായ കാര്യങ്ങളാണ്. സതോഗുണിയാക്കി മാറ്റാന് സാധിക്കില്ല. ഭക്തിമാര്ഗ്ഗത്തില് തമോപ്രധാനമായി മാറണം. ഓരോ വസ്തുവും ആദ്യം സതോപ്രധാനവും പിന്നീട് സതോ, രജോ, തമോയിലേയ്ക്ക് വരികയും ചെയ്യുന്നു. നിര്മ്മാണവും നാശവും ഉണ്ടാകുന്നു. ബാബ പുതിയ ലോകത്തിന്റെ നിര്മ്മാണം നടത്തുന്നു പിന്നീട് ഈ പഴയലോകത്തിന്റെ നാശം സംഭവിക്കുന്നു. ഭഗവാന് പുതിയ ലോകം രചിക്കുന്നയാളാണ്. ഈ പഴയ ലോകം മാറി പുതിയതാവും. പുതിയ ലോകത്തിന്റെ അടയാളം ഈ ലക്ഷ്മീ നാരായണന്മാരല്ലേ. ഇവര് പുതിയ ലോകത്തിന്റെ അധികാരികളാണ്. ത്രേതയേയും പുതിയ ലോകം എന്ന് പറയില്ല. കലിയുഗത്തെ പഴയത് എന്നും, സത്യയുഗത്തെ പുതിയത് എന്നും പറയും. കലിയുഗ അന്ത്യത്തിനും സത്യയുഗ ആരംഭത്തിനും ഇടയിലുള്ള സംഗമമാണിത്. ആരെങ്കിലും എം. എ, ബി. എ. ക്ക് പഠിക്കുകയാണെങ്കില് ഉയര്ന്നതായി മാറില്ലേ. നിങ്ങള് ഈ പഠിപ്പിലൂടെ എത്ര ഉയര്ന്നതായി മാറുന്നു. ഇവരെ ഇത്രയും ഉയര്ന്നതാക്കി മാറ്റിയത് ആരാണ് എന്ന കാര്യം ലോകത്തിന് അറിയില്ല. നിങ്ങള് ഇപ്പോള് ആദി മദ്ധ്യ അന്ത്യത്തെ അറിഞ്ഞുകഴിഞ്ഞു. എല്ലാവരുടേയും ജീവചരിത്രം നിങ്ങള്ക്ക് അറിയാം. ഇതാണ് ജ്ഞാനം. ഭക്തിയില് ജ്ഞാനമില്ല കേവലം കര്മ്മകാണ്ഢമാണ് പഠിപ്പിക്കുന്നത്. ഭക്തി ഒരുപാടുണ്ട്. എത്ര വര്ണ്ണിക്കുന്നു. വളരെ സുന്ദരമായ കര്മ്മകാണ്ഢമാണ്. ജ്ഞാനത്തിന്റെ സാരം ഒന്നുമാത്രമാണ് മന്മനാഭവ. ബാബ പറയുന്നു, തമോപ്രധാനത്തില് നിന്നും സതോപ്രധാനമായി മാറുന്നതിനായി എന്നെ ഓര്മ്മിക്കൂ. പതീത പാവനാ വന്ന് ഞങ്ങളെ പാവനമാക്കി മാറ്റൂ എന്ന് നിങ്ങള് പറയാറുമുണ്ട്. രാവണ രാജ്യത്തില് എല്ലാവരും പതിതവും ദുഃഖിയുമാണ്. രാമരാജ്യത്തില് എല്ലാവരും പാവനവും സുഖിയുമാണ്. രാമരാജ്യം, രാവണരാജ്യം എന്നീ പേരുകളുമുണ്ട്. രാമരാജ്യത്തെക്കുറിച്ച് നിങ്ങള് കുട്ടികള്ക്കല്ലാതെ മറ്റാര്ക്കും അറിയില്ല. നിങ്ങള് ഇപ്പോള് പുരുഷാര്ത്ഥം ചെയ്തുകൊണ്ടിരിക്കുകയാണ്. 84 ജന്മങ്ങളുടെ രഹസ്യവും നിങ്ങള്ക്കല്ലാതെ മറ്റാര്ക്കും അറിയില്ല. ഭഗവാനുവാചാ- മന്മനാഭവ എന്നെല്ലാം പറയുന്നുണ്ട്. നിങ്ങള് എങ്ങനെയാണ് 84 ജന്മങ്ങള് പൂര്ത്തിയാക്കിയത് എന്ന് ആരെങ്കിലും പറഞ്ഞുതരുമോ. ഇപ്പോള് ചക്രം പൂര്ത്തിയാവുകയാണ്. ഗീത കേള്പ്പിക്കുന്നവര് ഗീതയെക്കുറിച്ച് എന്താണ് പറയുന്നത് എന്ന് പോയി കേള്ക്കൂ. നിങ്ങളുടെ ബുദ്ധിയില് ഇപ്പോള് മുഴുവന് ജ്ഞാനവും ഊറിവരികയാണ്. ബാബ ചോദിക്കുന്നു - മുന്പ് എപ്പോഴെങ്കിലും കണ്ടിട്ടുണ്ടോ? പറയുന്നു, ഉണ്ട് ബാബാ, കല്പം മുമ്പ് കണ്ടിരുന്നു. ബാബ ചോദിക്കുന്നു അതിന് നിങ്ങള് അര്ത്ഥമുള്ള ഉത്തരം നല്കുന്നു. തത്തയെപ്പോലെയല്ല പറയുന്നത്. പിന്നീട് ബാബ ചോദിക്കുന്നു - എന്തിനാ കണ്ടുമുട്ടിയത്, എന്താ നേടിയത്? അപ്പോള് നിങ്ങള്ക്ക് പറയാന് സാധിക്കും - ഞങ്ങള് വിശ്വരാജ്യം നേടിയിരുന്നു, അതില് എല്ലാം വരും. തീര്ച്ചയായും നിങ്ങള് പറയുന്നുണ്ട് നരനില് നിന്നും നാരായണനായി മാറിയിരുന്നു, വിശ്വത്തിന്റെ അധികാരിയായി മാറുക, അതില് രാജാവും റാണിയും ദൈവീക പരമ്പരയും എല്ലാം വരും. അതിന്റെ അധികാരിയായി രാജാവും റാണിയും പ്രജകളും എല്ലാവരും മാറും. ഇതിനെയാണ് പറയുന്നത് ശുഭകാര്യം പറയുക. ഞങ്ങള് നരനില് നിന്നും നാരായണനായി മാറും, അതില് കുറയില്ല. ബാബ പറയും- ശരി കുട്ടികളേ, പൂര്ണ്ണ പുരുഷാര്ത്ഥം ചെയ്യൂ. തന്റെ കണക്കുകളും നോക്കണം- ഈ അവസ്ഥയില് എനിക്ക് ഉയര്ന്ന പദവി നേടാന് സാധിക്കൂമോ അതോ ഇല്ലയോ? എത്ര പേര്ക്ക് വഴി പറഞ്ഞുകൊടുത്തൂ? എത്ര അന്ധന്മാരുടെ ഊന്നുവടിയായി മാറി? അഥവാ സേവനം ചെയ്യുന്നില്ലെങ്കില് മനസ്സിലാക്കണം- ഞാന് പ്രജയിലേയ്ക്ക് പോകും. തന്റെ ഹൃദയത്തോട് ചോദിക്കണം അഥവാ ഇപ്പോള് ശരീരം വിടുകയാണെങ്കില് എന്ത് പദവി നേടും? വളരെ വലിയ ലക്ഷ്യമാണ് അതിനാല് വളരെ ശ്രദ്ധയോടെ ഇരിക്കണം. പല കുട്ടികളും കരുതുന്നു ഞങ്ങള് ഓര്മ്മിക്കുന്നേയില്ല പിന്നെ കണക്ക് വെച്ചിട്ട് എന്ത് കാര്യം. അവരെ നിരാശ ബാധിച്ചവര് എന്നാണ് പറയുക. അവര് പഠിക്കുന്നതും ഇതുപോലെത്തന്നെയാണ്. ശ്രദ്ധ നല്കുന്നില്ല. മിഥ്യാ ജ്ഞാനിയായിരുന്ന് അവസാനം തോറ്റുപോകരുത്. തന്റെ മംഗളം ചെയ്യണം. പ്രധാനലക്ഷ്യം മുന്നിലുണ്ട്. നമുക്ക് പഠിച്ച് ഇതായി മാറണം. ഇതും അത്ഭുതമല്ലേ. കലിയുഗത്തില് രാജ്യപദവി ഇല്ല. സത്യയുഗത്തില് പിന്നീട് ഇവരുടെ രാജ്യം എങ്ങനെ ഉണ്ടായി. എല്ലാത്തിന്റേയും ആധാരം പഠിപ്പാണ്. ദേവന്മാരുടേയും അസുരന്മാരുടേയും യുദ്ധം നടന്നു, ദേവതകള് വിജയിച്ച് രാജ്യം നേടി എന്നല്ല. ഇപ്പോള് ദേവന്മാരും അസുരന്മാരും തമ്മിലുള്ള യുദ്ധം എങ്ങനെ സാധ്യമാകും. കൗരവരും പാണ്ഢവരും തമ്മിലും യുദ്ധം നടക്കുന്നില്ല. യുദ്ധത്തിന്റെ കാര്യം തന്നെ നിഷേധിക്കേണ്ടതാണ്. ആദ്യം ഈ മാതാക്കളോട് ബാബ പറയുന്നു- ദേഹത്തിന്റെ എല്ലാ സംബന്ധങ്ങളും ഉപേക്ഷിച്ച് സ്വയം ആത്മാവാണെന്ന് മനസ്സിലാക്കൂ. നിങ്ങള് ആത്മാക്കള് അശരീരിയായാണ് വന്നത്, ഇപ്പോള് വീണ്ടും തിരിച്ചുപോകണം. പവിത്ര ആത്മാക്കള്ക്കേ തിരിച്ചുപോകാന് സാധിക്കൂ. തമോപ്രധാനമായ ആത്മാക്കള്ക്ക് പോകാന് കഴിയില്ല. ആത്മാവിന്റെ ചിറക് ഒടിഞ്ഞിരിക്കുകയാണ്. മായ പതിതമാക്കി മാറ്റി. തമോപ്രധാനമായതിനാല് ഇത്രയും ദൂരെ പവിത്രമായ സ്ഥാനത്തേയ്ക്ക് പോകാന് കഴിയില്ല. ഇപ്പോള് നിങ്ങളുടെ ആത്മാവ് പറയും വാസ്തവത്തില് നമ്മള് പരംധാമത്തില് വസിക്കുന്നവരാണ്. ഇവിടെ 5 തത്വങ്ങളാല് നിര്മ്മിതമായ മൂര്ത്തിയെ ധരിച്ചിരിക്കുകയാണ് പാര്ട്ട് അഭിനയിക്കാനായി. മരിച്ചാല് പറയും സ്വര്ഗ്ഗവാസിയായി. ആര്? അവിടേയ്ക്ക് ശരീരം പോയോ അതോ ആത്മാവാണോ പോയത്? ശരീരം കത്തിനശിച്ചല്ലോ. ബാക്കിയുള്ളത് ആത്മാവാണ്. അതിന് സ്വര്ഗ്ഗത്തിലേയ്ക്ക് പോകാന് കഴിയില്ല. മനുഷ്യര് എന്ത് കേട്ടോ അത് പറയുന്നു. ഭക്തിമാര്ഗ്ഗത്തിലുള്ളവര് ഭക്തി മാത്രമാണ് പഠിപ്പിച്ചത്, കര്ത്തവ്യം എന്താണ് എന്നത് ആര്ക്കും അറിയില്ല. ശിവപൂജ സര്വ്വശ്രേഷ്ഠമെന്ന് പറയുന്നു. ഉയര്ന്നതിലും ഉയര്ന്നത് ശിവനാണ്, അവരെത്തന്നെയാണ് ഓര്മ്മിക്കുന്നത്, സ്മരിക്കുന്നത്. മാലയും നല്കാറുണ്ട്. പറയുന്നു ശിവ ശിവ എന്നു പറഞ്ഞ് മാല കറക്കിക്കൊണ്ടിരിക്കൂ. അര്ത്ഥമറിയാതെ മാലയെടുത്ത് ശിവ ശിവാ എന്ന് പറഞ്ഞുകൊണ്ടിരിക്കും. ഗുരുക്കന്മാര് അനേക പ്രകാരത്തിലുള്ള പഠിപ്പ് നല്കുന്നുണ്ട്. ഇവിടെയാണെങ്കില് ഒരേയൊരു കാര്യമേയുള്ളു- ബാബ സ്വയം പറയുന്നു എന്നെ ഓര്മ്മിക്കൂ എങ്കില് വികര്മ്മം വിനാശമാകും. ശിവ ശിവാ എന്ന് വായിലൂടെ പറയേണ്ടതില്ല. അച്ഛന്റെ പേര് കുട്ടികള് ഒര്മ്മിച്ചുകൊണ്ടിരിക്കുമോ. ഇവിടെ എല്ലാം ഗുപ്തമാണ്. നിങ്ങള് എന്താണ് ചെയ്യുന്നത് എന്നത് ആര്ക്കും അറിയില്ല. ആരാണോ കല്പം മുമ്പ് മനസ്സിലാക്കിയത് അവരേ മനസ്സിലാക്കൂ. പുതിയ പുതിയ കുട്ടികള് വന്നുകൊണ്ടിരിക്കുന്നു, വൃദ്ധി നേടിക്കൊണ്ടിരിക്കും. മുന്നോട്ട് പോകവേ ഡ്രാമ എന്താണ് കാണിച്ചുതരാന് പോകുന്നത് എന്നത് സാക്ഷിയായി കാണണം. ഇന്നയിന്നത് സംഭവിക്കും എന്ന് ബാബ ആദ്യം തന്നെ സാക്ഷാത്ക്കാരം നല്കുകയില്ല. അപ്പോള് പിന്നെ കൃത്രിമമാകും. ഇത് മനസ്സിലാക്കേണ്ട വളരെ വലിയ കാര്യമാണ്. നിങ്ങള്ക്ക് വിവേകം ലഭിക്കുകയാണ്, ഭക്തിമാര്ഗ്ഗത്തില് നിങ്ങള് വിവേകശൂന്യരായിരുന്നു. അറിയാം ഡ്രാമയില് ഭക്തിയും ഉള്പ്പെടുന്നുണ്ട്.

ഇപ്പോള് നിങ്ങള് കുട്ടികള് മനസ്സിലാക്കുന്നുണ്ട്- നമ്മള് ഈ പഴയലോകത്തില് വസിക്കുന്നവരല്ല. വിദ്യാര്ത്ഥികള്ക്ക് ഈ പഠിപ്പ് ബുദ്ധിയില് ഉണ്ടാകും. നിങ്ങള്ക്കും മുഖ്യ മുഖ്യമായ പോയന്റുകള് ബുദ്ധിയില് ധാരണ ചെയ്യണം. നമ്പര് വണ് കാര്യം അള്ളാഹുവില് ഉറച്ചവരാകുക എന്നതാണ് അപ്പോള് മുന്നോട്ട് പോകാന് സാധിക്കും. ഇല്ലെങ്കില് വ്യര്ത്ഥമായ കാര്യങ്ങള് ചോദിച്ചുകൊണ്ടിരിക്കും. പെണ്കുട്ടികള് എഴുതാറുണ്ട് ഗീതയുടെ ഭഗവാന് ശിവനാണ്, ഈ കാര്യം വളരെ ശരിയാണ് എന്ന് ഇന്നയാള് എഴുതിത്തന്നു. ഇങ്ങനെ പറയുന്നുണ്ട് എന്നാല് ബുദ്ധിയില്ഒന്നും ഇരിക്കുന്നുണ്ടാകില്ല. അഥവാ ബാബ വന്നിരിക്കുന്നു എന്ന് മനസ്സിലാക്കിയാല് ഇങ്ങനെയുള്ള ബാബയെ എനിക്ക് ചെന്ന് കാണണം, സമ്പത്ത് എടുക്കണം എന്ന് പറയും. ഒരാള്ക്കുപോലും നിശ്ചയം ഉണ്ടാകുന്നില്ല. പെട്ടെന്ന് ഒരാളുടെ പോലും കത്ത് വരുന്നില്ല. ജ്ഞാനം വളരെ നല്ലതാണ് എന്ന് എഴുതുന്നുണ്ട് പക്ഷേ ആഹാ ഇങ്ങനെയുള്ള ബാബയാണ്, ഇത്രയും കാലം അകന്നിരുന്നു, ഭക്തിമാര്ഗ്ഗത്തില് ക്ഷീണിച്ചുപോയി, ഇപ്പോള് ആ ബാബ വിശ്വത്തിന്റെ അധികാരിയാക്കി മാറ്റാന് വന്നിരിക്കുന്നു എന്നു പറയത്തക്കരീതിയില് ധൈര്യമില്ല. എങ്കില് ഓടി വരും. മുന്നോട്ട് പോകവേ വരും. അഥവാ ബാബയെ മനസ്സിലാക്കി, ഉയര്ന്നതിലും ഉയര്ന്നത് ഭഗവാനാണ് എങ്കില് അവരുടേതായി മാറൂ. അവരുടെ വാതില് തുറക്കുന്ന രീതിയിലായിരിക്കണം മനസ്സിലാക്കിക്കൊടുക്കാന്. ശരി!

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ കുട്ടികള്ക്ക് മാതാ-പിതാവായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) ജോലി കാര്യങ്ങള് ചെയ്തുകൊണ്ടും ആത്മാവിനെ പാവനമാക്കി മാറ്റുന്നതിനായി സമയം കണ്ടെത്തി ഓര്മ്മയില് ഇരിക്കുന്നതിനുള്ള പരിശ്രമം ചെയ്യണം. ഒരിയ്ക്കലും ഒരു പ്രകാരത്തിലുള്ള ആസുരീയ കര്മ്മവും ചെയ്യരുത്.

2) തന്റേയും മറ്റുള്ളവരുടേയും മംഗളം ചെയ്യണം. പഠിപ്പ് പഠിക്കുകയും പഠിപ്പിക്കുകയും വേണം, മിഥ്യാ ജ്ഞാനിയായി മാറരുത്. ഓര്മ്മയുടെ ബലം ശേഖരിക്കണം.

വരദാനം :-
സാകാര ബാബയെ ഫോളോ ചെയ്ത് നമ്പര്വണ് നേടുന്ന സമ്പൂര്ണ്ണ ഫരിസ്തയായി ഭവിക്കൂ

നമ്പര്വണ് ആകുന്നതിനുള്ള സഹജമായ സാധനയാണ് - നമ്പര്വണ്ണായ ബ്രഹ്മാ ബാബ, ആ ഒരാളെ നോക്കൂ. അനേകരെ നോക്കുന്നതിന് പകരം ഒരാളെ നോക്കൂ, ഒരാളെ പിന്തുടരൂ. നമ്മള്തന്നെ ഫരിസ്ത എന്ന മന്ത്രത്തെ ഉറപ്പിക്കൂ അപ്പോള് അന്തരം ഇല്ലാതാകും. പിന്നീട് സയന്സിന്റെ യന്ത്രം തന്റെ കര്ത്തവ്യം ആരംഭിക്കും താങ്കള് സമ്പൂര്ണ്ണ ഫരിസ്താ ദേവതയായി പുതിയ ലോകത്തില് അവതരിക്കും. അതുകൊണ്ട് സമ്പൂര്ണ്ണ ഫരിസ്തയാകുക അര്ത്ഥം സാകാര ബാബയെ പിന്തുടരുക.

സ്ലോഗന് :-
മനനം ചെയ്യുന്നതിലൂടെ സന്തോഷത്തിന്റെ ഏതൊരു വെണ്ണയാണോ ലഭിക്കുന്നത് - അതാണ് ജീവിതത്തെ ശക്തിശാലിയാക്കുന്നത്.