11.01.19           Morning Malayalam Murli       Om Shanti           BapDada Madhuban


മധുരമായ കുട്ടികളേ - സദാ സന്തോഷത്തോടെയിരിക്കൂ , മറ്റുളളവര് ക്കും സന്തോഷത്തെ നല് കൂ , ഇതിനെ തന്നെയാണ് എല്ലാവരുടെമേല് കൃപ കാണിക്കുന്നത് , ആര് ക്കെങ്കിലും വഴി പറഞ്ഞുകൊടുക്കുക എന്നുളളത് ഏറ്റവും വലിയ പുണ്യമാണ് .

ചോദ്യം :-
ആര്ക്കാണ് സദാ സന്തുഷ്ടയിരിക്കാന് സാധിക്കുക? സന്തുഷ്ടമായിരിക്കാനുളള ഉപായമെന്താണ്?

ഉത്തരം :-
സദാ സന്തുഷ്ടമായിരിക്കാന് അവര്ക്കേ സാധിക്കൂ, ആരാണോ ജ്ഞാനത്തില് സമര്ത്ഥശാലികള്. ആരാണോ ഡ്രാമയെ കഥയുടെ രൂപത്തില് മനസ്സിലാക്കുകയും അതിനെ സ്മരിക്കുകയും ചെയ്യുന്നത്. സന്തുഷ്ടമായിരിക്കുന്നതിനു വേണ്ടി സദാ ബാബയുടെ ശ്രീമതത്തിലൂടെ മുന്നോട്ടു പോകൂ. സ്വയത്തെ ആത്മാവാണെന്നു മനസ്സിലാക്കൂ, ബാബ എന്താണോ കേള്പ്പിച്ചു തരുന്നത് അതിനെ നല്ല രീതിയില് മഥനം ചെയ്യൂ. വിചാരസാഗരമഥനം ചെയ്ത്-ചെയ്ത് സദാ സന്തോഷത്തോടെയിരിക്കാന് സാധിക്കുന്നു.

ഓംശാന്തി.
ആത്മീയ അച്ഛന് ആത്മീയ കുട്ടികളുമായി ആത്മീയ സംഭാഷണം നടത്തുകയാണ്. ഇത് ആത്മാക്കള്ക്ക് അറിയാം, നമുക്കു പഠിപ്പു നല്കുന്നതും നമ്മുടെ ഒരേയൊരു അച്ഛനാണ്, ടീച്ചറുടെ ജോലിയാണ് നമുക്ക് പഠിപ്പ് നല്കുക എന്നുളളത്. ഗുരുവിന്റെ ജോലിയാണ് ലക്ഷ്യത്തെ പറഞ്ഞു തരുക എന്നുളളത്. ലക്ഷ്യത്തെക്കുറിച്ച് കുട്ടികള്ക്ക് മനസ്സിലായിക്കഴിഞ്ഞു. മുക്തി-ജീവന്മുക്തിക്കുവേണ്ടി ഓര്മ്മയുടെ യാത്ര വളരെയധികം ആവശ്യമാണ്. രണ്ടും വളരെയധികം എളുപ്പമാണ്. 84 ജന്മങ്ങളുടെ ചക്രവും കറങ്ങണം. ഇത് ഓര്മ്മയിലുണ്ടായിരിക്കണം, ഇപ്പോള് നമ്മുടെ 84 ജന്മങ്ങള് പൂര്ത്തിയായിക്കഴിഞ്ഞു, ഇപ്പോള് തിരികെ വീട്ടിലേക്ക് പോകണം. പക്ഷേ പാപാത്മാക്കള്ക്ക് മുക്തി-ജീവന്മുക്തിയിലേക്ക് തിരികെ പോകാന് സാധിക്കില്ല. ഇതുപോലെ വിചാരസാഗരമഥനം ചെയ്യണം. ആരു ചെയ്യുന്നുവോ അവര് നേടുക തന്നെ ചെയ്യും. സന്തോഷത്തിലും അവര്ക്കേ ഇരിക്കാന് സാധിക്കൂ, മറ്റുളളവര്ക്കും സന്തോഷത്തെ നല്കാന് അവര്ക്കേ സാധിക്കൂ. മറ്റുളളവര്ക്ക് വഴി പറഞ്ഞുകൊടുത്ത് അവരുടെ മേല് കൃപ കാണിക്കണം. നിങ്ങള് കുട്ടികള്ക്ക് അറിയാം ഇത് പുരുഷോത്തമ സംഗമയുഗമാണ്. ഇതും ചിലര്ക്ക് ഓര്മ്മയുണ്ടാവുന്നു, ചിലര്ക്ക് ഇല്ല. മറന്നു പോകുന്നു. ഇതെങ്കിലും ഓര്മ്മിക്കുകയാണെങ്കില് സന്തോഷത്തിന്റെ അതിര് വര്ദ്ധിക്കുന്നു. അച്ഛന്, ടീച്ചര്, ഗുരു എന്നീ രൂപത്തില് ഓര്മ്മിക്കാന് സാധിക്കുകയാണെങ്കിലും സന്തോഷം വര്ദ്ധിക്കുന്നു. പക്ഷേ മുന്നോട്ടു പോകവേ എന്തെങ്കിലും പ്രശ്നങ്ങളില് ഏര്പ്പെടുന്നു. എങ്ങനെയാണോ പര്വ്വതത്തിനു താഴേക്കും മുകളിലേക്കുമായി കയറുന്നത് അതുപോലെ കുട്ടികളുടെ അവസ്ഥയും അങ്ങനെയായിത്തീരുന്നു. ചിലര് വളരെയധികം മുകളിലേക്ക് കയറുന്നുണ്ട് പിന്നീട് താഴേക്കു തന്നെ വീഴുന്നു, അപ്പോള് ആദ്യത്തെക്കാളും മോശമാകുന്നു, സമ്പാദ്യം മുഴുവനും നശിക്കുന്നു. എത്ര തന്നെ ദാനപുണ്യ കര്മ്മങ്ങള് ചെയ്താലും, പുണ്യം ചെയ്ത്-ചെയ്ത് പിന്നീട് പാപം ചെയ്യാന് ആരംഭിക്കുകയാണെങ്കില്, ചെയ്ത പുണ്യമെല്ലാം തന്നെ നശിക്കുന്നു. ഏറ്റവും വലിയ പുണ്യമാണ്-ബാബയെ ഓര്മ്മിക്കുക. ഓര്മ്മയിലൂടെയാണ് പുണ്യാത്മാവായിത്തീരുക. അഥവാ കൂട്ടുകെട്ടിന്റെ പ്രഭാവത്തില്പ്പെട്ട് തെറ്റുകള് തന്നെ ആവര്ത്തിക്കുകയാണെങ്കില് മുമ്പത്തെക്കാളും കൂടുതല് താഴേക്കു അദ്ധപതിക്കുന്നു. പിന്നീട് ആ കണക്കിന്റെ ശേഖരണം ഉണ്ടാവുകയില്ല. നഷ്ടത്തിലേക്ക് പോകുന്നു. പാപകര്മ്മം ചെയ്യുമ്പോള് നഷ്ടം സംഭവിക്കുന്നു. പിന്നീട് പാപത്തിന്റെ കണക്ക് വര്ദ്ധിക്കുന്നു. കണക്കുകള് സൂക്ഷിക്കാറുണ്ടല്ലോ. ബാബയും പറയുന്നു നിങ്ങളുടെ കണക്ക് പുണ്യത്തിന്റെതായിരുന്നു, പാപം ചെയ്തതിലൂടെ അത് നൂറുമടങ്ങ് നഷ്ടത്തിലേക്ക് പോയിരിക്കുന്നു. പാപവും ചിലത് വളരെ വലുതായിരിക്കും, ചിലത് ചെറുതും. കാമമാണ് ഏറ്റവും കടുത്തത്, ക്രോധം രണ്ടാമത്തെ നമ്പറിലാണ്, ലോഭം അതിനെക്കാളും കുറവാണ്. ഏറ്റവും കൂടുതല് കാമത്തിനു വശപ്പെടുകയാണെങ്കില്, എന്ത് സമ്പാദിച്ചുവോ അത് ഇല്ലാതായിത്തീരുന്നു. പ്രാപ്തിക്കു പകരം കൂടുതല് നഷ്ടമുണ്ടാകുന്നു. സദ്ഗുരുവിന്റെ നിന്ദകന് ഒരിക്കലും ഉന്നതിയുണ്ടാകില്ല. ബാബയുടേതായി പിന്നീട് ഉപേക്ഷിച്ചു പോകുന്നു. എന്താണ് കാരണം? പ്രത്യേകമായും കാമത്തിന്റെ മുറിവു പറ്റിയിട്ടുണ്ടാവും. ഇതു തന്നെയാണ് കടുത്ത ശത്രു. അതിന്റെ തന്നെയാണ് കോലത്തെ ഉണ്ടാക്കി കത്തിക്കുന്നത്. ക്രോധത്തിന്റെയും ലോഭത്തിന്റെയും കോലത്തെ ഉണ്ടാക്കുന്നില്ല. കാമത്തിന്റെ മേല് പൂര്ണ്ണമായും വിജയിച്ചാലെ ജഗദ്ജീത്തായിത്തീരുകയുളളൂ. വിളിക്കുന്നതും ഇങ്ങനെയാണ്, ഞങ്ങള് രാവണന്റെ രാജ്യത്തില് പതിതമായവരെ വന്ന് പാവനമാക്കൂ. എല്ലാവരും പതിതപാവനാ എന്ന് പാടുന്നുണ്ട്. അല്ലയോ പതിതരെ പാവനമാക്കുന്ന സീതമാരുടെ രാമാ വരൂ..... പക്ഷേ അര്ത്ഥത്തെ മനസ്സിലാക്കുന്നില്ല. ബാബ തീര്ച്ചയായും പുതിയ ലോകത്തെ സ്ഥാപിക്കാന് വരുമെന്നുളളതും അറിയാം. പക്ഷേ കല്പത്തിന് വളരെയധികം കാലയളവ് നല്കിയതിലൂടെ ഘോരാന്ധകാരമായിത്തീര്ന്നു. ജ്ഞാനവും അജ്ഞാനവുമല്ലേ. ഭക്തി അജ്ഞാനമാണ്, ആരെയാണോ പൂജിക്കുന്നത് അവരെക്കുറിച്ച് അറിയുന്നില്ല. അപ്പോള് അവരുടെ അടുത്തേക്ക് എങ്ങനെ എത്തിച്ചേരാനാണ്? അതുകൊണ്ട് ദാന-പുണ്യ കര്മ്മങ്ങളെല്ലാം തന്നെ നിഷ്ഫലമായിത്തീരുന്നു. അല്പകാലത്തിനു മാത്രം കാഗവിഷ്ടസമാനം സുഖം ലഭിക്കുന്നു. ബാക്കി ദുഖം തന്നെ ദുഖമാണ്. ഇപ്പോള് ബാബ പറയുന്നു - എന്നെ മാത്രം ഓര്മ്മക്കുകയാണെങ്കില് നിങ്ങളുടെ എല്ലാ ദുഖവും ദൂരീകരിക്കപ്പെടുന്നു. പഴയത് നശിച്ച് പുതിയത് ശേഖരിക്കുന്ന വിധത്തില് നമ്മള് എത്രത്തോളം ഓര്മ്മിക്കുന്നു എന്ന് നോക്കണം. ചിലര് ഒന്നും തന്നെ ശേഖരിക്കുന്നില്ല. മുഴുവന് ആധാരവും ഓര്മ്മയിലാണ്. ഓര്മ്മ കൂടാതെ എങ്ങനെ പാപം നശിക്കുന്നു അഥവാ ഇല്ലാതാകുന്നു. ജന്മജന്മാന്തരങ്ങളിലെ പാപങ്ങള് ധാരാളമുണ്ടല്ലോ. ഈ ജന്മത്തിലെ ജീവിതകഥ കേള്പ്പിച്ചാല് ജന്മജന്മാന്തരത്തിലെ പാപം ഒരിക്കലും നശിക്കുകയില്ല. കേവലം ഈ ജന്മത്തെ ഭാരം ഇല്ലാതാക്കാനാവും. ബാക്കി ധാരാളം പ്രയത്നിക്കണം. ഇത്രയ്ക്കും ജന്മത്തിലെ കര്മ്മക്കണക്കുകള് യോഗത്തിലൂടെ മാത്രമേ ഇല്ലാതാക്കാന് സാധിക്കൂ. ചിന്തിക്കണം നമുക്ക് എത്രത്തോളം യോഗമുണ്ട്? നമ്മുടെ ജന്മം സത്യയുഗത്തിന്റെ ആദിയില് ഉണ്ടാകുമോ? ആരാണോ വളരെ നന്നായി പുരുഷാര്ത്ഥം ചെയ്യുന്നത് അവരേ സത്യയുഗത്തിന്റെ ആദിയില് ജന്മമെടുക്കൂ. അവര് ഒരിക്കലും മറഞ്ഞിരിക്കുകയില്ല. എല്ലാവരും സത്യയുഗത്തിലേക്ക് വരുകയില്ലല്ലോ. അവസാനം പോയി ചെറിയ പദവി നേടും. ആദ്യം വന്നാലും അവര് ജോലി ചെയ്യുന്നവരായിരിക്കും(ദാസി-ദാസന്). ഇതെല്ലാം തന്നെ മനസ്സിലാക്കേണ്ടതായ സാധാരണകാര്യങ്ങളാണ്. അതുകൊണ്ട് ബാബയെ നല്ല രീതിയില് ഓര്മ്മിക്കുക. നിങ്ങള്ക്ക് അറിയാം നമ്മള് പുതിയലോകത്തിനു വേണ്ടി വിശ്വത്തിന്റെ അധികാരിയായിത്തീരുന്നതിനായി വന്നിരിക്കുകയാണ്. ആരാണോ ഓര്മ്മിക്കുന്നത് അവര്ക്ക് തീര്ച്ചയായും സന്തോഷമുണ്ടാകുന്നു. അഥവാ രാജാവാകണമെങ്കില് പ്രജകളെയും ഉണ്ടാക്കേണ്ടതായി വരുന്നു. ഇല്ലെങ്കില് ഞങ്ങള് രാജാവാകുന്നു എന്ന് എങ്ങനെ മനസ്സിലാകാനാണ്. ആരാണോ സെന്റര് തുറക്കുന്നത്, സേവനം ചെയ്യുന്നത്, അവര്ക്കാണ് സമ്പാദ്യം ഉണ്ടാകുന്നത്. അവര്ക്ക് ധാരാളം പ്രാപ്തി ഉണ്ടാകുന്നു. അവര്ക്ക് അതിന്റെ പ്രതിഫലവും ലഭിക്കുന്നു. ചിലര് 3-4 സെന്ററുകള് തുറക്കുന്നുണ്ടല്ലോ. ആരെല്ലാം തന്നെ ഇതിനുവേണ്ടി സഹകരിക്കുന്നുവോ അവര്ക്കും അതിന്റെ വീതം ലഭിക്കുന്നു. ഒരുമിച്ച് മായയുടെ ദുഖത്തിന്റെ മേല്ക്കൂരയെ എടുക്കുകയാണെങ്കില് ഇതില് എല്ലാവരും കൈകോര്ക്കുന്നു. അപ്പോള് അവര്ക്കെല്ലാം പ്രതിഫലം ലഭിക്കുന്നു. ആരാണോ വളരെയധികം പേര്ക്ക് വഴി പറഞ്ഞു കൊടുക്കുന്നത്, എത്ര പ്രയത്നിക്കുന്നുവോ അത്രയും ഉയര്ന്ന പദവി നേടുന്നു. അവര്ക്ക് ധാരാളം സന്തോഷമുണ്ടാകുന്നു. ഹൃദയത്തിന് അറിയാം ഞങ്ങള് എത്ര പേര്ക്ക് വഴി പറഞ്ഞു കൊടുത്തു? എത്ര പേരെ ഉദ്ധരിച്ചു? സര്വ്വതും ചെയ്യാനുളള സമയം ഇതാണ്. കഴിക്കുവാനും കുടിക്കുവാനും എല്ലാവര്ക്കും ലഭിക്കുന്നുണ്ടല്ലോ? ചിലര് ഒരു ജോലിയും ചെയ്യാത്തവരാണ്. മമ്മ എത്ര സേവനമാണ് ചെയ്യുന്നത്? സേവനത്തിലൂടെയാണ് അവരുടെ മംഗളം ധാരാളമുണ്ടായത്. ഇവിടെ ധാരാളം സേവനം ചെയ്യണം. യോഗത്തിന്റെയും സേവനമുണ്ടല്ലോ. എത്ര ആഴമുളള നിര്ദ്ദേശനങ്ങളാണ് ലഭിച്ചു കൊണ്ടിരിക്കുന്നത്. ഇനി മുന്നോട്ടു പോകുന്തോറും ധാരാളം പോയിന്റുകള് ലഭിച്ചുകൊണ്ടിരിക്കും. ഓരോ ദിവസം കൂടുന്തോറും ഉന്നതിയുണ്ടായിക്കൊണ്ടിരിക്കും. പുതിയ പുതിയ പോയിന്റുകള് പുറത്തേക്കു വരുന്നു. ആര്ക്കാണോ സേവനത്തിനോട് താല്പര്യമുളളത് അവര് പെട്ടെന്ന് പിടിച്ചെടുക്കുന്നു. സേവനം ചെയ്യാത്തവരുടെ ബുദ്ധിയില് ഒന്നും തന്നെ ഇരിക്കില്ല.

ബിന്ദു രൂപത്തെക്കുറിച്ച് എങ്ങനെ മനസ്സിലാക്കി കൊടുക്കണം? ആത്മാവ് എത്ര വലുതാണെന്ന് നിങ്ങള് ആരോടെങ്കിലും ചോദിക്കൂ? ആത്മാവിന്റെ ദേശത്തെക്കുറിച്ചും കാലത്തെക്കുറിച്ചും പറയാന് പറഞ്ഞാല് ആര്ക്കും അതിന് സാധിക്കില്ല. മനുഷ്യന് പരമാത്മാവിന്റെ പേര്, രൂപം, ദേശം, കാലം എന്നിവ ചോദിക്കുന്നു. നിങ്ങള് ആത്മാവിന്റെ ചോദിക്കുകയാണെങ്കില് അവര് സംശയിക്കും. ആര്ക്കും തന്നെ അറിയുന്നില്ല. ഇത്രയ്ക്കും ചെറിയ ബിന്ദുവായ ആത്മാവില് മുഴുവനും പാര്ട്ട് അടങ്ങിയിട്ടുണ്ട്. ഇവിടെയും പലര്ക്കും ആത്മാ-പരമാത്മാവിനെക്കുറിച്ച് അറിയുന്നില്ല. കേവലം ദുര്വികാരങ്ങളെ സന്യസിച്ചിട്ടുണ്ട്, ഇതും അത്ഭുതമാണ്. സന്യാസിമാരുടെ ധര്മ്മം വ്യത്യസ്തമാണ്. ഈ ജ്ഞാനം നിങ്ങള്ക്കുളളതാണ്. ബാബ മനസ്സിലാക്കിത്തരുന്നു, നിങ്ങള് പവിത്രമായിരുന്നു, ഇപ്പോള് അപവിത്രമായതാണ്. ഇപ്പോള് വീണ്ടും പവിത്രമായിത്തീരണം. നിങ്ങള് തന്നെയാണ് 84 ജന്മങ്ങളുടെ ചക്രം കറങ്ങിയത്. ലോകത്തിലുളളവര്ക്ക് ലേശം പോലും ഈ കര്യങ്ങളെക്കുറിച്ച് അറിയുന്നില്ല. ജ്ഞാനം വേറെയാണ് ഭക്തി വേറെയാണ്. ജ്ഞാനം കയറ്റുന്നു, ഭക്തി ഇറക്കുന്നു. അപ്പോള് രാത്രിയുടെയും പകലിന്റെയും വ്യത്യാസമുണ്ട്. മനുഷ്യര് എത്ര തന്നെ സ്വയത്തെ വേദശാസ്ത്രങ്ങളുടെ അധികാരിയാണെന്നു മനസ്സിലാക്കുന്നുണ്ടെങ്കിലും പക്ഷേ ഒന്നും തന്നെ അറിയുന്നില്ല. നിങ്ങള്ക്കും ഇപ്പോഴാണ് അറിയുന്നത്. നിങ്ങളിലും നമ്പര്വൈസാണ്. മറക്കുന്നതു കാരണമാണ് സന്തോഷം നഷ്ടപ്പെടുന്നത്. ഇല്ലെങ്കില് അളവറ്റ സന്തോഷം ഉണ്ടായിരിക്കണം. ബാബയില് നിന്നും നമുക്ക് ഈ സമ്പത്ത് ലഭിച്ചുകൊണ്ടിരിക്കുകയാണ്. ബാബ സാക്ഷാത്കാരം ചെയ്യിപ്പിക്കുന്നു. പക്ഷേ സാക്ഷാത്കാരം ലഭിക്കുന്നുണ്ട്, ശ്രീമത്ത് പാലിക്കുന്നില്ല എങ്കില് എന്ത് പ്രയോജനമാണ് ! ബാബയെ ദുഖത്തിലാണ് എല്ലാവരും സ്മരിക്കുന്നത്. ബാബയെ പറയുന്നു - മുക്തേശ്വരാ അല്ലയോ രാമാ, പ്രഭോ..... എന്നു പറയുന്നു. പക്ഷേ അവര് ആരാണെന്ന് അറിയില്ല. സ്വയത്തെ ആത്മാവാണെന്നു മനസ്സിലാക്കി എന്നെ ഓര്മ്മിക്കൂ എന്ന് ഭക്തിയില് പറയുന്നില്ല. തീര്ത്തും ഇല്ല. അഥവാ പറയുമായിരുന്നു എങ്കില് അതും പരമ്പരാഗതമായി വരുമായിരുന്നു. ഭക്തി ഒരുപാട് സമയമായുണ്ടല്ലോ. ഭക്തി അളവറ്റരീതിയിലുണ്ട്, ജ്ഞാനം ഒന്നേയുളളൂ. മനുഷ്യര് മനസ്സിലാക്കുന്നു ഭക്തിയിലൂടെ ഭഗവാനെ ലഭിക്കുന്നു എന്ന്. പക്ഷേ എങ്ങനെ എപ്പോള് എന്ന് അറിയുന്നില്ല. ഭക്തി എപ്പോഴാണ് ആരംഭിക്കുന്നത്? ആരാണ് ഏറ്റവും കൂടുതല് ഭക്തി ചെയ്യുന്നത്- ഇതൊന്നും തന്നെ അറിയുന്നില്ല. എന്താ വീണ്ടും 40,000 വര്ഷങ്ങള് ഇനിയും ഭക്തി ചെയ്തുകൊണ്ടിരിക്കുമോ? ഒരു വശത്ത് മനുഷ്യര് ഭക്തി ചെയ്തുകൊണ്ടിരിക്കുന്നു, മറുവശത്ത് നിങ്ങള് ജ്ഞാനം നേടിക്കൊണ്ടിരിക്കുന്നു. മനുഷ്യരുമായി നിങ്ങള്ക്ക് എത്രത്തോളം പ്രയത്നിക്കണം. എത്ര ചിത്രപ്രദര്ശിനി വെച്ചാലും കോടിയില് ചിലര് മാത്രമാണ് വരുന്നത്. എത്രപേരെ തനിക്കു സമാനമാക്കിമാറ്റി കൊണ്ടു വരുന്നു. സത്യമായ ബ്രാഹ്മണര് എത്രപേരാണ് - ഈ കണക്ക് ഇപ്പോള് എടുക്കാന് സാധിക്കുകയില്ല. വളരെയധികം അസത്യമായ കുട്ടികളുമുണ്ട്. ബ്രാഹ്മണര് കഥകേള്പ്പിക്കുന്നവരുണ്ട്. ബാബ ഗീതയുടെ കഥ കേള്പ്പിക്കുന്നു. നിങ്ങളും കേള്പ്പിക്കുന്നുണ്ടല്ലോ, എങ്ങനെയാണോ അച്ഛന് അതുപോലെ കുട്ടികളും. കുട്ടികളുടെ ജോലിയാണ് സത്യം സത്യമായ ഗീത കേള്പ്പിക്കുക എന്നുളളത്. എല്ലാത്തിന്റെയും ശാസ്ത്രമുണ്ട്. വാസ്തവത്തില് ശാസ്ത്രങ്ങളെല്ലാം തന്നെ ഭക്തിമാര്ഗ്ഗത്തിലേതാണ്. ജ്ഞാനത്തിന്റെ പുസ്തകം ഒരേയൊരു ഗീതയാണ്. ഗീതയാണ് എല്ലാത്തിന്റെയും മാതാവും പിതാവും. ബാബതന്നെയാണ് വന്ന് എല്ലാവരുടെയും സദ്ഗതി ചെയ്യുന്നത്. മനുഷ്യര് പിന്നീട് അങ്ങനെയൊരു അച്ഛനെയാണ് ആക്ഷേപിക്കുന്നത്. ശിവബാബയുടെ ജയന്തിയാണ് വജ്രസമാനം. ഉയര്ന്നതിലും ഉയര്ന്ന ഭഗവാനാണ് സദ്ഗതി ദാതാവ്. ബാക്കിയുളളവരുടെ മഹിമ എങ്ങനെയുണ്ടാകാനാണ്. ദേവതകളുടെ മഹിമ പാടുന്നുണ്ടെങ്കിലും, ദേവതയാക്കി മാറ്റുന്നയാള് ഒരേയൊരു ബാബയാണ്. നമ്മുടെ സ്ഥാപനയുമുണ്ടാകുന്നുണ്ട്, നശീകരണവും ഉണ്ടാകുന്നുണ്ട്.

വളരെപേര്ക്ക് ഒന്നും തന്നെ മനസ്സിലാക്കി കൊടുക്കാന് സാധിക്കുന്നില്ല, അങ്ങനെയാണെങ്കില് സ്ഥൂലമായ ജോലി ചെയ്യൂ. മിലിട്ടറിയില് എല്ലാ കര്മ്മങ്ങളും ചെയ്യുന്നവരുണ്ടാവും. ഇങ്ങനെ പറയാറുണ്ട് പഠിച്ചവരുടെ മുന്നില് പഠിപ്പില്ലാത്തവര്ക്ക് തലകുനിക്കേണ്ടതായി വരുമെന്ന്. മമ്മാ ബാബാ ചെയ്യുന്നത് കണ്ടു പഠിക്കൂ. നിങ്ങള്ക്കും മനസ്സിലാക്കാന് സാധിക്കും അനന്യമായ(വിശിഷ്ട) സന്താനങ്ങള് ആരാണെന്ന്. ബാബയോടു ചോദിക്കുകയാണെങ്കില് ബാബയും പേരു പറയും ഇന്നവരെ അനുകരിക്കൂ എന്ന്. ആരാണോ സേവാധാരി അല്ലാത്തത് അവര് മറ്റുളളവര്ക്ക് എന്ത് പഠിപ്പ് നല്കാനാണ്. അവര് ഒന്നുകൂടി സമയത്തെ വ്യര്ത്ഥമാക്കുകയാണ്. ബാബ പറയുന്നു അവനവന്റെ ഉന്നതി ചെയ്യാന് ആഗ്രഹിക്കുന്നു എങ്കില് ഇവിടെ അതിന് സാധിക്കുന്നു. ചിത്രം വെച്ചിട്ടുണ്ട് നമ്മള് എങ്ങനെ 84 ജന്മങ്ങള് എടുത്തു, ഇത് ഇപ്പോള് മനസ്സിലായി എങ്കില് മറ്റുളളവര്ക്ക് മനസ്സിലാക്കി കൊടുക്കൂ. ഇവരെപ്പോലെയായിത്തീരാന് എത്ര എളുപ്പമാണ്. ഇന്നലെ ഇവരുടെ ഭക്തി ചെയ്തിരുന്നു, ഇപ്പോള് ഇല്ല. ഇപ്പോള് ജ്ഞാനം ലഭിച്ചു. ഇങ്ങനെ ധാരാളം പേര് വന്ന് ജ്ഞാനം നേടുന്നു. എത്രത്തോളം നിങ്ങള് സെന്ററുകളില് വലയം സൃഷ്ടിക്കുന്നുവോ അത്രത്തോളം പേര്വന്ന് ഇത് കേള്ക്കും. കേള്ക്കുമ്പോള് അവര്ക്ക് സന്തോഷത്തിന്റെ അതിരു വര്ദ്ധിക്കുന്നു. നരനില് നിന്നും നാരായണനായിത്തീരണം. സത്യമായ സത്യനാരായണന്റെ കഥയാണ്, ഭക്തിയിലൂടെ താഴേക്ക് അദ്ധപതിച്ചുകൊണ്ടിരിക്കുന്നു. ജ്ഞാനം എന്താണെന്ന് അവര്ക്ക് അറിയുക പോലുമില്ല. നിങ്ങള്ക്ക് പരിധിയില്ലാത്ത അച്ഛന് യഥാര്ത്ഥമായി മനസ്സിലാക്കിത്തരുന്നു. ബാബ പറയുന്നു ഇന്നലെ നിങ്ങള്ക്ക് രാജ്യപദവി ഉണ്ടായിരുന്നു, ഇന്ന് അത് എവിടെപ്പോയി? ഇത് സ്വയം അറിയാം. ഇത് കളിയാണ്. ഒരേയൊരു ബാബയാണ് മുഴുവന് കളിയുടെയും രഹസ്യത്തെ മനസ്സിലാക്കിത്തരുന്നത്. നമ്മള് പറയുന്നു, ബാബാ താങ്കള് ഡ്രാമയില് ബന്ധനസ്ഥനാണ്, താങ്കള്ക്ക് വരുകതന്നെ വേണം, പതിത ലോകത്തിലെ പതിത ശരീരത്തിലേക്ക്. ഈശ്വരന്റെ വളരെയധികം മഹിമ പാടുന്നുണ്ട്. കുട്ടികള് പറയുന്നു, ബാബാ ഞങ്ങള് താങ്കളെ വിളിച്ചപ്പോള് താങ്കള്ക്ക് വരേണ്ടിവന്നു - ഞങ്ങളുടെ സേവനം ചെയ്യാന് അഥവാ ഞങ്ങളെ പതിതത്തില് നിന്നും പാവനമാക്കാന്. കല്പകല്പം ഞങ്ങളെത്തന്നെ ദേവതകളാക്കി മാറ്റി താങ്കള് പോകുന്നു. ഇത് ഒരു കഥപോലെയാണ്, ആരാണോ സമര്ത്ഥര് അവര്ക്ക് ഇത് ഒരു കഥപോലെയാണ്. നിങ്ങള് കുട്ടികള്ക്ക് വളരെയധികം സന്തോഷത്തോടെയിരിക്കണം. ബാബയും ഡ്രാമാ അനുസരിച്ച് സേവകനായി മാറുന്നു. ബാബ പറയുന്നു, എന്റെ നിര്ദ്ദേശനമനുസരിച്ച് നടക്കൂ. സ്വയത്തെ ആത്മാവാണെന്നു മനസ്സിലാക്കൂ, ദേഹാഭിമാനത്തെ ഉപേക്ഷിക്കൂ. പുതിയ ലോകത്തില് നിങ്ങള്ക്ക് പുതിയശരീരത്തെ ലഭിക്കുന്നു. ബാബ എന്താണോ മനസ്സിലാക്കിത്തരുന്നത്, അതിനെ നല്ല രീതിയില് മനനം ചെയ്യൂ. ബുദ്ധികൊണ്ട് മനസ്സിലാക്കൂ, ഞങ്ങള് വന്നിരിക്കുയാണ് - ഇതു പോലെയായിത്തീരുന്നതിനുവേണ്ടി. ലക്ഷ്യം മുന്നിലുണ്ടല്ലോ. ഭഗവാനുവാച, മറ്റുളളവര് ഭഗവാന് മനുഷ്യനാണെന്നു മനസ്സിലാക്കിയിരിക്കുന്നു, അല്ലെങ്കില് നിരാകാരനെന്നും പറയുന്നുണ്ട്. നിങ്ങള് ആത്മാക്കളെല്ലാം തന്നെ നിരാകാരികളാണ്. ശരീരമെടുത്ത് പാര്ട്ട് അഭിനയിക്കുകയാണ്. ബാബയും പാര്ട്ട് അഭിനയിക്കുന്നു. ആരാണോ നല്ല രീതിയില് സേവനം ചെയ്യുന്നത്, അവര്ക്കേ നിശ്ചയമുണ്ടാവൂ ഞങ്ങള് മാലയിലെ മുത്തായിത്തീരുമെന്ന്. നരനില് നിന്നും നാരായണനായിത്തീരണം. തോറ്റുപോകുന്നതിലൂടെ സ്വാഭാവികമായും സീതാരാമന്മാരായിത്തീരുന്നു. ഭഗവാനാണ് പഠിപ്പിക്കുന്നത് എങ്കില് നല്ല രീതിയില് പഠിക്കണം. പക്ഷേ ധാരാളം മായയുടെ എതിര്പ്പുകളും നേരിടേണ്ടതായിവരുന്നു. മായ കൊടുങ്കാറ്റിലേക്ക് അകപ്പെടുത്തുന്നു. ശരി.

വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുരമധുരമായകുട്ടികളെ പ്രതി മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും ആത്മീയഅച്ഛന്റെ ആത്മീയകുട്ടികള്ക്ക് നമസ്കാരം

ധാരണയ്ക്കുള്ള മുഖ്യ സാരം:-

1. വിചാരസാഗരമഥനം ചെയ്ത് അപാര സന്തോഷത്തിന്റെ അനുഭവം ചെയ്യണം. മറ്റുളളവര്ക്കും വഴി പറഞ്ഞുകൊടുക്കുന്നതിന്റെ കൃപ കാണിക്കണം. കൂട്ടുകെട്ടിന്റെ പ്രഭാവത്തിലേക്കു വന്ന് ഏതൊരു പാപകര്മ്മവും ചെയ്യരുത്.

2. മായയുടെ ദുഖത്തിന്റെ മേല്ക്കൂര എടുക്കുന്നതിനു വേണ്ടി എല്ലാവരും ഒരുമിച്ച് കൈകോര്ക്കണം. സെന്ററുകള് തുറന്ന് അനേകരുടെ മംഗളത്തിന് നിമിത്തമായിത്തീരണം.


വരദാനം :-

ബ്രാഹ്മണ ജീവിതത്തില് സദാ പ്രസന്നരും ശ്രദ്ധയുളളവരുമായിരിക്കുന്ന കമ്പയിന്റ് രൂപധാരിയായി ഭവിയ്ക്കട്ടെ.

അഥവാ ഏതെങ്കിലും പരിതസ്ഥിതിയില് പ്രസന്നതയുടെ അവസ്ഥ പരിവര്ത്തനപ്പെടുകയാണെങ്കില് അതിനെ സദാ കാലത്തേക്കുളള പ്രസന്നത എന്നു പറയില്ല. ബ്രാഹ്മണജീവിതത്തില് സദാ പ്രസന്നതയുടെയും ശ്രദ്ധയുടെയും അവസ്ഥ വേണം. അവസ്ഥ ഒരിക്കലും മാറരുത്. എപ്പോഴാണോ അവസ്ഥ മാറുന്നത്, അപ്പോള് പറയും എനിക്ക് ഏകാന്തത ആവശ്യമാണ്. ഇന്നെന്റെ അവസ്ഥ ഇങ്ങനെയാണ്. എപ്പോഴാണോ ഒറ്റയ്ക്കാണെന്നുളള അനുഭവമുണ്ടാകുന്നത്, അപ്പോഴാണ് അവസ്ഥ മാറുന്നത്. സദാ കമ്പയിന്റ് രൂപത്തിലിരിക്കുകയാണെങ്കില് അവസ്ഥ മാറുകയില്ല.

സ്ലോഗന് :-
ഏതെങ്കിലും ഉത്സവം ആഘോഷിക്കുക അര്ത്ഥം ഓര്മ്മയുടെയും സേവനത്തിന്റെയും ഉത്സാഹത്തിലിരിക്കുകയാണ്.


ബ്രഹ്മാബാബയ്ക്കു സമാനമാകുന്നതിനായുളള വിശേഷ പുരുഷാര്ത്ഥം -
ഇപ്പോള് തീവ്രപുരുഷാര്ത്ഥത്തിനായി ഈയൊരു ലക്ഷ്യം വെക്കൂ, ഞാന് ഡബിള്ലൈറ്റ് ഫരിസ്തയാണ്. നടക്കുമ്പോഴും കറങ്ങുമ്പോഴും ഫരിസ്താ സ്വരൂപത്തിന്റെ അനുഭൂതി വര്ദ്ധിപ്പിക്കൂ. അശരീരി സ്ഥിതിയുടെ അഭ്യാസം ചെയ്യൂ, സെക്കന്റില് ഏതെങ്കിലും സങ്കല്പങ്ങളെ സമാപ്തമാക്കുന്നതിലും, സ്വഭാവത്തിലും സംസ്കാരത്തിലും ഡബിള് ലൈറ്റായിമാറൂ.