11.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളേ - നിങ്ങള് കുട്ടികള്ക്ക് പ്രാണദാനം ചെയ്യുന്ന തിനുവേണ്ടിപ്രാ ണേശ്വ രനായബാബ വന്നിരിക്കുകയാണ്. പ്രാണദാനം ലഭിക്കുക അര്ത്ഥം തമോപ്രധാനത് തില് നിന്നും സതോപ്ര ധാനമായി മാറുക.

ചോദ്യം :-
ഡ്രാമയുടെ ഓരോ രഹസ്യവും അറിയുന്നതുകാരണം ഏതൊരു ദൃശ്യം നിങ്ങള്ക്ക് പുതിയതല്ല?

ഉത്തരം :-
ഈ സമയം മുഴുവന് ലോകത്തിലും നടക്കുന്ന കോലാഹലങ്ങള്, മനുഷ്യര് വിനാശകാലെ വിപരീത ബുദ്ധിയുള്ളവരായി അവനവന്റെ കുലത്തെ തന്നെ നശിപ്പിക്കുന്നതിനുവേണ്ടി ഒരുപാട് സാധനങ്ങളെല്ലാം ഉണ്ടാക്കുന്നുണ്ട്. ഇതൊന്നും തന്നെ പുതിയ കാര്യമല്ല. എന്തുകൊണ്ടെന്നാല് നിങ്ങള്ക്കറിയാം ഈ ലോകം പരിവര്ത്തനപ്പെടുക തന്നെ വേണം. മഹാഭാരത യുദ്ധത്തിനുശേഷം മാത്രമെ നമ്മുടെ പുതിയ ലോകം വരികയുള്ളൂ.

ഗീതം :-
ആരാണ് ഇന്ന് അതിരാവിലെ വന്നിരിക്കുന്നത്....

ഓംശാന്തി.
ആരാണ് അതിരാവിലെ വന്ന് മുരളി വായിക്കുന്നത്? ലോകം തീര്ത്തും ഘോരമായ അന്ധകാരത്തിലാണ്. നിങ്ങള് ഇപ്പോള് ജ്ഞാനത്തിന്റെ സാഗരനും പതിത-പാവനനും പ്രാണേശ്വരനുമായ ബാബയില് നിന്ന് മുരളി കേട്ടുകൊണ്ടിരിക്കുകയാണ്. ബാബ പ്രാണനെ രക്ഷിക്കുന്ന ഈശ്വരനാണ്. പറയാറുണ്ടല്ലോ- അല്ലയോ ഈശ്വരാ ഈ ദുഃഖത്തില് നിന്ന് രക്ഷപ്പെടുത്തൂ എന്ന്. മനുഷ്യര് പരിധിയുള്ള രക്ഷയാണ് യാചിക്കുന്നത്. ഇപ്പോള് നിങ്ങള് കുട്ടികള്ക്ക് പരിധിയില്ലാത്ത സഹായമാണ് ലഭിക്കുന്നത്. എന്തുകൊണ്ടെന്നാല് പരിധിയില്ലാത്ത അച്ഛനല്ലേ! നിങ്ങള്ക്കറിയാം ആത്മാവും ഗുപ്തമാണ്. കുട്ടികളുടെ ശരീരം പ്രത്യക്ഷമാണ്. അതിനാല് ബാബയുടെ ശ്രീമതമാണ് കുട്ടികളെ പ്രതി. സര്വ്വശാസ്ത്രമയീ ശിരോമണീ ഗീത പ്രസിദ്ധമാണ്. ഗീതയില് കേവലം ശ്രീകൃഷ്ണന്റെ പേരു വെച്ചു. ഇപ്പോള് നിങ്ങള്ക്കറിയാം ശ്രീമത് ഭഗവാനുവാചയാണെന്ന്. ഇത് മനസ്സിലായിക്കഴിഞ്ഞു ഭ്രഷ്ടാചാരിയെ ശ്രേഷ്ഠാചാരിയാക്കി മാറ്റുന്നത് ഒരു ബാബയാണ്. ബാബ തന്നെയാണ് നരനില് നിന്ന് നാരായണനാക്കി മാറ്റുന്നത്. കഥയും സത്യനാരായണന്റെയാണ്. അമരകഥ എന്നാണ് പറയുന്നത്. അമരപുരിയിലെ അധികാരിയാക്കാനും അഥവാ നരനില് നിന്ന് നാരായണനാക്കി മാറ്റാനുമുള്ള കാര്യം ഒന്നു തന്നെയാണ്. ഇത് മൃത്യുലോകമാണ്. ഭാരതം തന്നെയായിരുന്നു അമരപുരി. ഇത് ആര്ക്കും അറിയില്ല. ഇവിടെ തന്നെയാണ് അമരനായ ബാബ പാര്വ്വതിമാര്ക്ക് അമരകഥ കേള്പ്പിച്ചത്. ഒരു പാര്വ്വതി അഥവാ ഒരു ദ്രൗപതിയല്ല. ഈ കഥ ഒരുപാട് കുട്ടികള് കേള്ക്കുന്നുണ്ട്. ശിവബാബ ബ്രഹ്മാബാബയിലൂടെയാണ് കേള്പ്പിക്കുന്നത്. ബാബ പറയുന്നു- ഞാന് ബ്രഹ്മാവിലൂടെ മധുര-മധുരമായ കുട്ടികള്ക്ക് മനസ്സിലാക്കികൊടുക്കുന്നു. ബാബ മനസ്സിലാക്കി തന്നിട്ടുണ്ട്- കുട്ടികള്ക്ക് തീര്ച്ചയായും ആത്മ-അഭിമാനിയായി മാറണം. ബാബയ്ക്കു മാത്രമെ അങ്ങനെയാക്കാന് സാധിക്കുകയുള്ളൂ. ലോകത്തില് ആത്മജ്ഞാനമുള്ള ഒരു മനുഷ്യനുമില്ല. ആത്മാവിന്റെ തന്നെ ജ്ഞാനമില്ലെങ്കില് പിന്നെ എങ്ങനെയാണ് പരമാത്മാവിന്റെ ജ്ഞാനമുണ്ടാകുന്നത്. നമ്മള് ആത്മാവ് തന്നെയാണ് പരമാത്മാവെന്ന് പറയുന്നു. എത്ര വലിയ തെറ്റിലാണ് മുഴുവന് ലോകവും കുടിങ്ങിയിരിക്കുന്നത്. തീര്ത്തും കല്ലുബുദ്ധികളാണ്. വിദേശത്തുള്ളവരും കുറഞ്ഞ കല്ലുബുദ്ധികളൊന്നുമല്ല. ഈ ബോംബുകളെല്ലാം ഉണ്ടാക്കുന്നത് അവനവനെയും മുഴുവന് ലോകത്തേയും നശിപ്പിക്കാനാണെന്ന കാര്യം ബുദ്ധിയില് വരുന്നില്ല. അവനവന്റെ വിനാശത്തിനുവേണ്ടിയുള്ള മുഴുവന് തയ്യാറെടുപ്പാണ് ചെയ്തുകൊണ്ടിരിക്കുന്നത്. നിങ്ങള് കുട്ടികള്ക്ക് ഇത് പുതിയ കാര്യമല്ല. ഡ്രാമയനുസരിച്ച് അവര്ക്കും പാര്ട്ടുണ്ടെന്നറിയാം. ഡ്രാമയുടെ ബന്ധനത്തില് ബന്ധിക്കപ്പെട്ടിരിക്കുകയാണ്. കല്ലുബുദ്ധികളല്ലെങ്കില് ഇങ്ങനെയുള്ള കര്മ്മം ചെയ്യുമോ? മുഴുവന് കുലത്തിന്റെയും വിനാശമാണ് ചെയ്യുന്നത്. അത്ഭുതമല്ലേ! എന്താണ് ചെയ്തുകൊണ്ടിരിക്കുന്നത്. ഇന്ന് കുഴപ്പമില്ലാതെയൊക്കെ പോകും. നാളെ മിലട്ടറിക്കാര് പ്രശ്നമുണ്ടാക്കിയാല് പ്രധാനമന്ത്രിയെ വരെ വധിക്കുന്നു. ഇങ്ങനെ-ഇങ്ങനെ യാദൃശ്ചികമായതെല്ലാം ഉണ്ടായിക്കൊണ്ടേയിരിക്കുന്നു. ആര്ക്കും സഹിക്കാന് സാധിക്കില്ല. ശക്തിശാലിയാണല്ലോ! ഇന്നത്തെ ലോകത്തില് ഒരുപാട് പ്രശ്നങ്ങളാണ്. കല്ലുബുദ്ധികളും ഒരുപാടുണ്ട്. ഇപ്പോള് നിങ്ങള് കുട്ടികള്ക്കറിയാം ആരാണോ ബാബയോട് വിനാശകാലെ വിപരീത ബുദ്ധി വെക്കുന്നത്, അവരും നശിക്കും. ഇപ്പോള് ഈ ലോകത്തിന് പരിവര്ത്തനപ്പെടണം. വാസ്തവത്തില് മഹാഭാരതയുദ്ധമുണ്ടായിരുന്നു എന്നതും അറിയാം. ബാബ രാജയോഗം പഠിപ്പിച്ചിരുന്നു. ശാസ്ത്രങ്ങളില് മൊത്തമായും വിനാശമായതായാണ് കാണിക്കുന്നത്. എന്നാല് മുഴുവനായും വിനാശമുണ്ടാകുന്നില്ല, അങ്ങനെ സംഭവിച്ചാല് പ്രളയമുണ്ടാകില്ലേ. മനുഷ്യര് ആരുമില്ലാതെ, 5 തത്വങ്ങള് മാത്രമുണ്ടാകുന്ന അവസ്ഥയൊന്നും ഉണ്ടാകില്ല. മുഴുവനും പ്രളയമുണ്ടായാല് പിന്നെ മനുഷ്യര് എവിടുന്ന് വരാനാണ്. ശ്രീകൃഷ്ണന് വിരല് കടിച്ചുകൊണ്ട് ആലിലയില് കിടന്ന് സാഗരത്തിലേക്ക് വന്നു എന്ന് കാണിക്കുന്നുണ്ട്. ഒരു കുട്ടിക്ക് ഇങ്ങനെ സാഗരത്തിലൂടെ എങ്ങനെ വരാന് സാധിക്കും? ശാസ്ത്രങ്ങളില് ഇങ്ങനെയുള്ള കാര്യങ്ങളെല്ലാം എഴുതി വെച്ചിട്ടുണ്ട്. കാര്യം തന്നെ പറയണ്ട. ഇപ്പോള് നിങ്ങള് കുമാരിമാരിലൂടെ ഈ വിദ്വാന്മാര്ക്കും ഭീഷ്മ പിതാമഹനും ജ്ഞാന ബാണം തറയ്ക്കുന്നു. അങ്ങനെയുളളവരും മുന്നോട്ടുപോകവേ വരും. എത്രത്തോളം നിങ്ങള് സേവനത്തില് ശക്തി നിറക്കുന്നുവോ, ബാബയുടെ പരിചയം എല്ലാവര്ക്കും കൊടുത്തുകൊണ്ടിരിക്കുന്നുവോ അത്രത്തോളം നിങ്ങളുടെ പ്രഭാവവും വര്ദ്ധിക്കും. ശരിയാണ്. വിഘ്നവുമുണ്ടായിരിക്കും. ആസുരീയ സമ്പ്രദായത്തിലുള്ളവര് ഈ ജ്ഞാന യജ്ഞത്തില് ധാരാളം വിഘ്നങ്ങള് സൃഷ്ടിക്കുക തന്നെ ചെയ്യും. പാവപ്പെട്ട കല്ലുബുദ്ധികളായ മനുഷ്യര്ക്ക് ഒന്നും തന്നെ അറിയുന്നില്ല. ഇതെന്താണെന്ന്? പറയുന്നു-ഇവരുടെ ജ്ഞാനം തന്നെ വേറിട്ടതാണ്. ഇത് പുതിയ ലോകത്തിലേക്കുവേണ്ടിയുള്ള പുതിയ കാര്യമാണെന്ന് നിങ്ങള് മനസ്സിലാക്കുന്നു. ബാബ പറയുന്നു-ഈ രാജയോഗം നിങ്ങള്ക്ക് മറ്റൊരാള്ക്കും പഠിപ്പിക്കാന് സാധിക്കില്ല. ബാബ തന്നെയാണ് ജ്ഞാനവും യോഗവും പഠിപ്പിക്കുന്നത്. സദ്ഗതി ദാതാവ് ഒരു ബാബ തന്നെയാണ്. ബാബ തന്നെയാണ് പതിതപാവനന് എങ്കില് പതിതര്ക്കു മാത്രമല്ലേ ജ്ഞാനം നല്കുകയുള്ളൂ. നിങ്ങള് കുട്ടികള് മനസ്സിലാക്കുന്നുണ്ട്-നമ്മള് പവിഴബുദ്ധികളായി പവിഴനാഥനാകുന്നു. മനുഷ്യര് എത്ര ക്ഷേത്രങ്ങളാണ് ഉണ്ടാക്കിയിട്ടുള്ളത്. പക്ഷേ ഇവര് ആരാണ്, എന്ത് ചെയ്തിട്ടാണ് പോയത്. അര്ത്ഥം ഒന്നും മനസ്സിലാക്കുന്നില്ല. പവിഴനാഥനായ ബാബയുടെയും ക്ഷേത്രങ്ങളുണ്ട്. എന്നാല് ഭാരതം പവിഴപുരിയായിരുന്നു എന്ന് ആര്ക്കും തന്നെ അറിയില്ല. സ്വര്ണ്ണത്തിന്റെയും വജ്രങ്ങളുടെയും വൈഢൂര്യങ്ങളുടെയും കൊട്ടാരങ്ങളുണ്ടായിരുന്നു. ഇന്നലത്തെ കാര്യമാണ്. ഒരു സത്യയുഗത്തെ തന്നെ മനുഷ്യര് ലക്ഷക്കണക്കിന് വര്ഷങ്ങളുടേതാണെന്ന് പറയുന്നു. ബാബ പറയുന്നു- മുഴുവന് ഡ്രാമയും അയ്യായിരം വര്ഷത്തിന്റേതാണ്. അതുകൊണ്ടാണ് പറയുന്നത്-ഇന്നത്തെ ഭാരതം എന്താണ്! ഇന്നലത്തെ ഭാരതം എന്തായിരുന്നു! ലക്ഷക്കണക്കിന് വര്ഷത്തിന്റെ സ്മൃതി ആര്ക്കും ഉണ്ടാകില്ലല്ലോ. നിങ്ങള് കുട്ടികള്ക്ക് ഇപ്പോള് സ്മൃതിയുണര്ന്നു കഴിഞ്ഞു. ബാബ ഓരോ അയ്യായിരം വര്ഷത്തിനു ശേഷവും വന്ന് നമുക്ക് സ്മൃതി ഉണര്ത്തി തരുന്നു. നിങ്ങള് കുട്ടികള് സ്വര്ഗ്ഗത്തിന്റെ അധികാരികളായിരുന്നു. അയ്യായിരം വര്ഷത്തിന്റെ കാര്യമാണ്. ആരോടെങ്കിലും നിങ്ങള് ചോദിക്കൂ, ഈ ലക്ഷ്മീ-നാരായണന്റെ രാജ്യം എപ്പോഴായിരുന്നു? എത്ര വര്ഷങ്ങളായി? അപ്പോള് ലക്ഷക്കണക്കിന് വര്ഷങ്ങളായി എന്ന് പറയും. നിങ്ങള്ക്ക് മനസ്സിലാക്കികൊടുക്കാന് സാധിക്കും ഇത് അയ്യായിരം വര്ഷത്തിന്റെ കാര്യമാണ്. ഇങ്ങനെ പറയാറുണ്ട്, ക്രിസ്തുവിനു ഇത്ര വര്ഷം മുമ്പ് ഭാരതം സ്വര്ഗ്ഗമായിരുന്നു. ബാബ വരുന്നതു തന്നെ ഭാരതത്തിലാണ്. ഇതും കുട്ടികള്ക്ക് മനസ്സിലാക്കി തന്നിട്ടുണ്ട്-ബാബയുടെ ജയന്തി ആഘോഷിക്കുന്നുണ്ടെങ്കില് തീര്ച്ചയായും ബാബ എന്തെങ്കിലും കര്ത്തവ്യം ചെയ്തു പോയിരിക്കും. പതിത-പാവനനാണെങ്കില് തീര്ച്ചയായും വന്ന് പാവനമാക്കി മാറ്റുന്നുണ്ടായിരിക്കും. ജ്ഞാനത്തിന്റെ സാഗരനാണെങ്കില് തീര്ച്ചയായും ജ്ഞാനവും നല്കുമല്ലോ! യോഗത്തിലിരിക്കൂ, സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ. ഇതും ജ്ഞാനമായില്ലേ! മറ്റുള്ളവര് ഹഠയോഗികളാണ്. കാലിന്മേല് കാല് കയറ്റിവെച്ചാണ് ഇരിക്കുന്നത്. എന്തെല്ലാമാണ് ചെയ്യുന്നത്. നിങ്ങള് മാതാക്കള്ക്ക് ഇങ്ങനെയൊന്നും ചെയ്യാനും, ഇരിക്കാനും സാധിക്കില്ല. ബാബ പറയുന്നു-മധുരമായ കുട്ടികളെ, ഇതൊന്നും നിങ്ങള്ക്ക് ചെയ്യേണ്ട ആവശ്യമില്ല. സ്കൂളില് വിദ്യാര്ത്ഥികള് നിയമമനുസരിച്ചാണല്ലോ ഇരിക്കുന്നത്! ബാബ അതുപോലും പറയുന്നില്ല. എങ്ങനെ വേണമോ അങ്ങനെ ഇരിക്കൂ. ഇരുന്നിരുന്ന് ക്ഷീണിക്കുകയാണെങ്കിലും ശരി ഉറങ്ങിക്കോളൂ. ബാബ ഒരു കാര്യത്തിനും വേണ്ട എന്ന് പറയുന്നില്ല. ഇത് വളരെ സഹജമായി മനസ്സിലാക്കേണ്ട കാര്യമാണ്. ഇതില് ഒരു ബുദ്ധിമുട്ടിന്റെയും ആവശ്യവുമില്ല. എത്ര തന്നെ അസുഖമാണെങ്കിലും. കേട്ട്-കേട്ട് ശിവബാബയെ ഓര്മ്മിച്ചോര്മ്മിച്ച് പ്രാണന് ശരീരത്തില് നിന്ന് പോകുകയാണെങ്കിലോ. മഹിമയുണ്ടല്ലോ-ഗംഗയുടെ തീരത്ത് ഗംഗാ ജലം വായിലുണ്ടെങ്കില് പ്രാണന് ശരീരത്തില് നിന്ന് പോകണമെന്ന്. അതെല്ലാം ഭക്തിമാര്ഗ്ഗത്തിലെ കാര്യങ്ങളാണ്. വാസ്തവത്തില് ഇത് ജ്ഞാന അമൃതിന്റെ കാര്യമാണ്. നിങ്ങള്ക്കറിയാം, തീര്ച്ചയായും ഇങ്ങനെത്തന്നെ പ്രാണന് ശരീരത്തില് നിന്ന് പോകണം. നിങ്ങള് കുട്ടികള് വരുന്നത് പരംധാമത്തില് നിന്നാണ്. നിങ്ങള് ബാബയെ ഉപേക്ഷിച്ച് പോകുന്നു. ബാബ പറയുന്നു-ഞാന് നിങ്ങള് കുട്ടികളെ കൂടെകൊണ്ടുപോകും. ഞാന് വന്നിരിക്കുകയാണ് നിങ്ങള് കുട്ടികളെ കൂടെകൊണ്ടുപോകുന്നതിനുവേണ്ടി. നിങ്ങള്ക്ക് നിങ്ങളുടെ വീട്ടിലേക്കുള്ള വഴിയും അറിയില്ല. ആത്മാവിനെക്കുറിച്ചും അറിയില്ല. മായ തീര്ത്തും ചിറക് ഒടിച്ചിരിക്കുകയാണ്. അതുകൊണ്ട് ആത്മാവിന് പറക്കാന് സാധിക്കില്ല. കാരണം തമോപ്രധാനമാണ്. സതോപ്രധാനമാകാതെ എങ്ങനെ ശാന്തിധാമത്തിലേക്ക് പോകാന് സാധിക്കും. ഡ്രാമയുടെ പദ്ധതിയനുസരിച്ച് എല്ലാവര്ക്കും തമോപ്രധാനമായി മാറുക തന്നെ വേണം. ഈ സമയം മുഴുവന് വൃക്ഷവും തീര്ത്തും തമോപ്രധാനവും ജീര്ണ്ണിച്ചതുമായിരിക്കുന്നു. കുട്ടികള്ക്കറിയാം എല്ലാ ആത്മാക്കളും തമോപ്രധാനമാണ്. പുതിയ ലോകത്തില് സതോപ്രധാനമാണ്. ഇവിടെ ആര്ക്കും സതോപ്രധാന അവസ്ഥയുണ്ടാകില്ല. ആത്മാവ് പവിത്രമായാല് പിന്നെ ഇവിടെ നില്ക്കാന് സാധിക്കില്ല. പെട്ടെന്ന് തന്നെ ഓടിപ്പോകും. എല്ലാവരും ഭക്തി ചെയ്യുന്നത് മുക്തിക്കുവേണ്ടിയാണ് അഥവാ ശാന്തിധാമത്തിലേക്കു പോകുന്നതിനുവേണ്ടിയാണ്. എന്നാല് ആര്ക്കും തിരിച്ചുപോകാന് സാധിക്കില്ല. നിയമമില്ല. ബാബ ഈ രഹസ്യങ്ങളെല്ലാം ധാരണ ചെയ്യുന്നതിനുവേണ്ടി മനസ്സിലാക്കിതരുന്നു. എന്നാലും മുഖ്യമായ കാര്യം ബാബയെ ഓര്മ്മിക്കുകയും സ്വദര്ശനചക്രധാരിയാവുകയുമാണ്. ബീജത്തെ ഓര്മ്മിക്കുന്നതിലൂടെ മുഴുവന് വൃക്ഷവും ബുദ്ധിയില് വരും. വൃക്ഷം ആദ്യം ചെറുതായിരിക്കും പിന്നീട് വലുതായിക്കൊണ്ടേയിരിക്കുന്നു. അനേക ധര്മ്മങ്ങളുണ്ടല്ലോ! നിങ്ങള് ഒരു സെക്കന്റില് അറിയുന്നു. ലോകത്തില് മറ്റാര്ക്കും അറിയില്ല. മനുഷ്യ സൃഷ്ടിയുടെ ബീജരൂപം എല്ലാവരുടെയും അച്ഛന് ഒന്നാണ്. ബാബ ഒരിക്കലും സര്വ്വവ്യാപിയല്ല. ബാബയെ സര്വ്വവ്യാപി എന്നു പറഞ്ഞതാണ് ഏറ്റവും വലിയ തെറ്റ്. മനുഷ്യരെ ഒരിക്കലും ഭഗവാന് എന്ന് പറയാന് സാധിക്കില്ല. ബാബ കുട്ടികള്ക്ക് എല്ലാ കാര്യങ്ങളും സഹജമായി മനസ്സിലാക്കി തരുന്നു. പിന്നീട് ആരുടെ ഭാഗ്യത്തിലുണ്ടോ ആര്ക്ക് നിശ്ചയമുണ്ടോ അവര് തീര്ച്ചയായും ബാബയില് നിന്ന് സമ്പത്തെടുക്കും. നിശ്ചയമില്ലെങ്കില് ഒരിക്കലും മനസ്സിലാക്കില്ല. ഭാഗ്യത്തിലില്ലെങ്കില് പിന്നെ എന്ത് പുരുഷാര്ത്ഥം ചെയ്യാനാണ്. ഭാഗ്യത്തിലില്ലെങ്കില് പിന്നെ അവര് ഇരിക്കുന്നതും ഒന്നും മനസ്സിലാകാത്തതുപോലെയാണ്. ബാബ പരിധിയില്ലാത്ത സമ്പത്ത് നല്കാനാണ് വന്നിരിക്കുന്നത് എന്ന നിശ്ചയം പോലുമില്ല. മെഡിക്കല് കോളേജില് പുതിയ ഒരാള് വന്നിരുന്നാല് എന്ത് മനസ്സിലാക്കാനാണ്? ഒന്നും മനസ്സിലാക്കില്ലല്ലോ. ഇവിടെയും അങ്ങനെ വന്നിരിക്കുന്നവരുമുണ്ട്. ഈ അവിനാശി ജ്ഞാനത്തിന്റെ വിനാശമുണ്ടാകുന്നില്ല. ഇതും ബാബ മനസ്സിലാക്കി തന്നിട്ടുണ്ട്, രാജധാനി സ്ഥാപിക്കപ്പെടുകയാണല്ലോ! അതിനാല് കൂലിവേലക്കാരും, പ്രജകളും, പ്രജകളുടെയും കൂലിവേലക്കാര് എല്ലാവരും വേണമല്ലോ! അപ്പോള് അങ്ങനെയുള്ളവരും വരുന്നു. ചിലര്ക്ക് വളരെ നല്ല രീതിയില് മനസ്സിലാകും. അഭിപ്രായവും എഴുതാറുണ്ടല്ലോ! മുന്നോട്ട് പോകുന്തോറും ചിലര് മുന്നേറാന് പ്രയത്നിക്കും. എന്നാല് അവസാന സമയത്ത് ബുദ്ധിമുട്ടാണ്. എന്തുകൊണ്ടെന്നാല് ആ സമയം വളരെയധികം പ്രശ്നങ്ങളുണ്ടാകും. ദിവസന്തോറും കൊടുങ്കാറ്റ് വര്ദ്ധിച്ചുകൊണ്ടിരിക്കും. ഇത്രയും സെന്ററുകളുണ്ട്. നല്ല രീതിയില് മനസ്സിലാക്കുകയും ചെയ്യും. ബ്രഹ്മാവിലൂടെയാണ് സ്ഥാപന എന്ന് എഴുതിയിട്ടുമുണ്ട്. വിനാശവും മുന്നില് തന്നെ കാണുന്നുണ്ട്. ഗവര്ണ്മെന്റ് ആഗ്രഹിക്കുന്നു ജനനനിരക്ക് കുറയ്ക്കണമെന്ന്. എന്നാല് ഇതില് എന്ത് ചെയ്യാനാണ്? വൃക്ഷത്തിന്റെ അഭിവൃദ്ധിയുണ്ടാവുക തന്നെ വേണം. ഏതു വരെ ബാബ ഇവിടെയുണ്ടോ അതു വരെ എല്ലാ ധര്മ്മത്തിലുള്ള ആത്മാക്കള്ക്കും ഇവിടെ തന്നെ കഴിയണം. പോകാനുള്ള സമയമാകുമ്പോള് ആത്മാക്കളുടെ വരവ് അവസാനിക്കും. ഇപ്പോള് എല്ലാവര്ക്കും വരുക തന്നെവേണം. എന്നാല് ഈ കാര്യങ്ങളൊന്നും ആരും തന്നെ മനസ്സിലാക്കുന്നില്ല. ബാപുജിയും പറയുമായിരുന്നു ഇത് രാവണ രാജ്യമാണ്, നമുക്ക് രാമരാജ്യം വേണം. ഇന്നയാള് സ്വര്ഗ്ഗത്തിലേക്കുപോയി എന്ന് പറയാറുണ്ട്. അപ്പോള് അതിനര്ത്ഥം ഇത് നരകമാണെന്നല്ലേ! മനുഷ്യര് ഇത്രയും മനസ്സിലാക്കുന്നില്ല. സ്വര്ഗ്ഗവാസികളായി എങ്കില് നല്ലതല്ലേ! തീര്ച്ചയായും അപ്പോള് മുമ്പ് നരകവാസിയായിരുന്നു. ബാബ മനസ്സിലാക്കി തരുന്നു-മനുഷ്യരുടെ മുഖം മനുഷ്യന്റേതും സ്വഭാവം കുരങ്ങന്റേതുമാണ്. എല്ലാവരും പാടിക്കൊണ്ടിരിക്കുന്നു-പതിതപാവന സീതാറാം. നമ്മള് പതിതരാണ്. പാവനമാക്കി മാറ്റുന്നത് ഒരു ബാബയാണ്. മറ്റുളളവരെല്ലാം ഭക്തിമാര്ഗ്ഗത്തിലെ സീതകളാണ്. ബാബയാണ് രാമന്. ആരോടെങ്കിലും ശരിയായ രീതിയില് പറഞ്ഞാല് അംഗീകരിക്കില്ല. രാമനെ വിളിക്കുന്നു. ഇപ്പോള് നിങ്ങള് കുട്ടികള്ക്ക് ബാബ മൂന്നാമത്തെ നേത്രം നല്കിയിരിക്കുന്നു. നിങ്ങള് വേറൊരു ലോകത്തിലായതുപോലെയാണ്. പഴയ ലോകത്തില് എന്തെല്ലാമാണ് ചെയ്തുകൊണ്ടിരിക്കുന്നതെന്ന് ഇപ്പോള് നിങ്ങള് മനസ്സിലാക്കുന്നു. നിങ്ങള് കുട്ടികള് വിവേകശൂന്യരില് നിന്ന് വിവേകശാലികളായി മാറിയിരിക്കുന്നു. രാവണന് നിങ്ങളെ എത്ര വിവേകശൂന്യരാക്കി മാറ്റിയിരിക്കുന്നു. ബാബ മനസ്സിലാക്കി തരുന്നു-ഈ സമയം എല്ലാ മനുഷ്യരും തമോപ്രധാനമായി മാറിയിരിക്കുകയാണ്. അപ്പോഴാണ് ബാബ വന്ന് സതോപ്രധാനമാക്കി മാറ്റുന്നത്. ബാബ പറയുന്നു- നിങ്ങള് നിങ്ങളുടെ സേവനവും ചെയ്തുകൊണ്ടിരിക്കൂ, എന്നാല് ഒരു കാര്യം സ്മൃതിയില് വെക്കണം-ബാബയെ ഓര്മ്മിക്കൂ. തമോപ്രധാനത്തില് നിന്നും സതോപ്രധാനമായി മാറാനുള്ള വഴി മറ്റാര്ക്കും പറഞ്ഞു തരാന് സാധിക്കില്ല. എല്ലാവരുടെയും ആത്മീയ സര്ജന് ഒരു ബാബയാണ്. ആത്മീയ സര്ജനാകുന്ന ബാബ വന്നാണ് ആത്മാക്കള്ക്ക് ഇഞ്ചക്ഷന് നല്കുന്നത്. എന്തുകൊണ്ടെന്നാല് ആത്മാവ് തന്നെയാണ് തമോപ്രധാനമായി മാറിയത്. ബാബയെ അവിനാശി സര്ജനെന്നാണ് പറയുന്നത്. ഇപ്പോള് ആത്മാവ് സതോപ്രധാനത്തില് നിന്നും തമോപ്രധാനമായി മാറിയിരിക്കുകയാണ്. ആത്മാവിന് ഇഞ്ചക്ഷന് ആവശ്യമാണ്. ബാബ പറയുന്നു-കുട്ടികളെ, സ്വയത്തെ ആത്മാവാണെന്ന് നിശ്ചയിക്കൂ. തന്റെ ബാബയെ ഓര്മ്മിക്കൂ. ബുദ്ധിയോഗം മുകളിലേക്കു വെക്കൂ. ജീവിച്ചിരിക്കെ തൂക്കുമരത്തില് തൂങ്ങിക്കിടക്കൂ അര്ത്ഥം ബുദ്ധിയോഗം മധുരമായ വീട്ടില് തൂക്കിയിടൂ. നമുക്ക് മധുരമായ ശാന്തിയുടെ വീട്ടിലേക്ക് പോകണം. നിര്വ്വാണധാമത്തെ മധുരമായ വീടെന്നാണ് പറയുന്നത്. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) ഈ പഴയ ലോകം നശിച്ചിരിക്കുകയാണ്. അതിനാല് സ്വയത്തെ ഈ ലോകത്തില് നിന്ന് വേറിട്ടതാണെന്ന് മനസ്സിലാക്കണം. വൃക്ഷത്തിന്റെ അഭിവൃദ്ധിയോടൊപ്പം ഏതെല്ലാം വിഘ്നങ്ങളാകുന്ന കൊടുങ്കറ്റാണോ വരുന്നത് അവയില് ഭയപ്പെടരുത്. അതിനെ മറികടക്കണം.

2) ആത്മാവിനെ സതോപ്രധാനമാക്കി മാറ്റുന്നതിനുവേണ്ടി സ്വയത്തിന് ജ്ഞാന-യോഗത്തിന്റെ ഇഞ്ചക്ഷന് കൊടുക്കണം. തന്റെ ബുദ്ധിയോഗം മധുരമായ വീടുമായി വെക്കണം.

വരദാനം :-
തന്റെ ഭാഗ്യത്തിന്റെയും ഭാഗ്യ വിധാതാവിന്റെയും സ്മൃതിയിലൂടെ സര്വ്വ ഇളക്കങ്ങളില് നിന്നും മുക്തമായി കഴിയുന്ന മാസ്റ്റര് രചയിതാവായി ഭവിക്കൂ

സദാ ആഹാ എന്റെ ഭാഗ്യം ആഹാ ഭാഗ്യ വിധാതാവ്! മനസ്സിന്റെ ഈ സൂക്ഷ്മ ശബ്ദത്തെ കേട്ടുകൊണ്ടിരിക്കൂ സന്തോഷത്തില് നൃത്തം ചെയ്തുകൊണ്ടിരിക്കൂ. അറിയേണ്ടിയിരുന്നത് അറിഞ്ഞു, നേടേണ്ടിയിരുന്നത് നേടി - ഈ അനുഭവങ്ങളില് കഴിയുകയാണെങ്കില് എല്ലാ ഇളക്കങ്ങളില് നിന്നും മുക്തമാകും. ഇപ്പോള് ഇളക്കങ്ങളില് അകപ്പെട്ട ആത്മാക്കളെ രക്ഷിക്കുന്നതിനുള്ള സമയമാണ് അതുകൊണ്ട് മാസ്റ്റര് സര്വ്വശക്തിമാനാണ്, മാസ്റ്റര് രചയിതാവാണ് - ഈ സ്മൃതിയിലൂടെ ബാലിശമായ ചെറിയ-ചെറിയ കാര്യങ്ങളില് സമയം പാഴാക്കരുത്.

സ്ലോഗന് :-
കമലാസനധാരി തന്നെയാണ് മായയുടെ ആകര്ഷണത്തില് നിന്നും വേറിട്ടതും, ബാബയുടെ സ്നേഹത്തില് പ്രിയപ്പെട്ടതുമായ കര്മ്മയോഗി.