12.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളേ - നിങ്ങള്ക്ക് സമ്പാദിക്കാനുള്ള താല്പര്യം വളരെയധികം ഉണ്ടായിരിക്കണം. ഈ പഠിപ്പില് തന്നെയാണ് സമ്പാദ്യമുള്ളത്.

ചോദ്യം :-
ജ്ഞാനമില്ലാത്ത ഏതൊരു സന്തോഷത്തിന്റെ കാര്യമാണ് വിഘ്നരൂപമാകുന്നത്?

ഉത്തരം :-
സാക്ഷാത്കാരമുണ്ടാവുക എന്നത് സന്തോഷത്തിന്റെ കാര്യമാണ് എന്നാല് യഥാര്ത്ഥ രീതിയിലുള്ള ജ്ഞാനമില്ലെങ്കില് ഒന്നുകൂടി സംശയമുണ്ടാകുന്നു. ആര്ക്കെങ്കിലും ബാബയുടെ സാക്ഷാത്കാരമുണ്ടായി, ബിന്ദുവിനെ കണ്ടു എങ്കില് എന്താണ് മനസ്സിലാക്കുക. അവര് ഒന്നുകൂടി സംശയിക്കും. അതിനാല് ജ്ഞാനമില്ലാതെയുള്ള സാക്ഷാത്കാരത്തില് ഒരു ലാഭവുമില്ല. ഇതില് ഒന്നുകൂടി മായയുടെ വിഘ്നങ്ങള് ഉണ്ടായിക്കൊണ്ടിരിക്കും. പലര്ക്കും സാക്ഷാത്കാരത്തിന്റെ തലകീഴായ ലഹരിയും ഉണ്ടാകാറുണ്ട്.

ഗീതം :-
ഭാഗ്യം ഉണര്ത്തി വന്നിരിക്കുന്നു....

ഓംശാന്തി.
മധുര-മധുരമായ ആത്മീയ കുട്ടികള് ഗീതം കേട്ടു. പുതിയവരും പഴയവരും കേട്ടു. കുമാരന്മാരും കേട്ടു- ഇത് പാഠശാലയാണെന്ന്. പാഠശാലയിലൂടെ എന്തെങ്കിലുമൊക്കെ ഭാഗ്യമുണ്ടാക്കാറുണ്ട്. മറ്റു വിദ്യാലയങ്ങളില് അനേക പ്രാകാരത്തിലുമുള്ള ഭാഗ്യമാണ് ഉള്ളത്. ചിലര് സര്ജനായി മാറാന് വേണ്ടി, ചിലരാണെങ്കില് വക്കീലായി മാറാന് വേണ്ടിയുള്ള ഭാഗ്യമുണ്ടാക്കുന്നുണ്ട്. ഭാഗ്യത്തെ ലക്ഷ്യമെന്നാണ് പറയുന്നത്. ഭാഗ്യമുണ്ടാക്കാതെ പാഠശാലയില് എന്ത് പഠിക്കാനാണ്! ഇപ്പോള് ഇവിടെ കുട്ടികള്ക്കറിയാം നമ്മളും ഭാഗ്യമുണ്ടാക്കുവാന് വേണ്ടി വന്നിരിക്കുകയാണെന്ന്. പുതിയ ലോകത്തിലേക്കുവേണ്ടി തന്റെ രാജ്യഭാഗ്യമുണ്ടാക്കാന് വന്നിരിക്കുകയാണ്. ഈ രാജ്യഭാഗ്യം പുതിയ ലോകത്തിലേക്കുവേണ്ടിയാണ്. ബാക്കിയെല്ലാം പഴയ ലോകത്തിലേക്കുവേണ്ടിയാണ്. മനുഷ്യര് പഴയ ലോകത്തിലേക്കുവേണ്ടി വക്കീലും, ഇഞ്ചിനീയറും, സര്ജനുമെല്ലാമായി മാറുന്നു. അങ്ങനെയായി ഇപ്പോള് പഴയ ലോകത്തില് വളരെകുറച്ചു സമയം മാത്രമെയുള്ളൂ. ഇതെല്ലാം തന്നെ ഇല്ലാതാകും. മറ്റെല്ലാ ഭാഗ്യവും ഈ മൃത്യുലോകത്തിലേക്കു വേണ്ടിയാണ് അതായത് ഈ ജന്മത്തിലേക്കുവേണ്ടിയാണ്. നിങ്ങളുടെ ഈ പഠിപ്പ് പുതിയ ലോകത്തിലേക്കുവേണ്ടിയാണ്. നിങ്ങള് പുതിയ ലോകത്തിലേക്കുവേണ്ടി ഭാഗ്യമുണ്ടാക്കാന് വന്നിരിക്കുകയാണ്. പുതിയ ലോകത്തില് നിങ്ങള്ക്ക് രാജ്യഭാഗ്യം ലഭിക്കും. ആരാണ് പഠിപ്പിക്കുന്നത്? പരിധിയില്ലാത്ത അച്ഛന്. ഈ അച്ഛനില് നിന്നും തന്നെ സമ്പത്ത് നേടണം. എങ്ങനെയാണോ ഡോക്ടറില് നിന്ന് ഡോക്ടറുടെ സമ്പത്ത് പ്രാപ്തമാക്കുന്നത്. അതെല്ലാം ഈ ജന്മത്തെ സമ്പത്താണ്. ഒന്ന് അച്ഛനില് നിന്ന് സമ്പത്ത് ലഭിക്കുന്നു. മറ്റൊന്ന് തന്റെ പഠിപ്പിലൂടെയുള്ള സമ്പത്ത്. ശരി, പിന്നീട് വൃദ്ധരാകുമ്പോള് ഗുരുവിന്റെ അടുത്തേക്കുപോകുന്നു. അപ്പോള് എന്താണ് ആഗ്രഹിക്കുന്നത്? പറയുന്നു-നമുക്ക് ശാന്തിധാമത്തിലേക്കു പോകാനുള്ള പഠിപ്പ് നല്കൂ എന്ന്. നമുക്ക് സദ്ഗതി നല്കൂ. ഈ കലിയുഗത്തില് നിന്ന് മുക്തമാക്കി ശാന്തിധാമത്തിലേക്ക് കൊണ്ടുപോകൂ. ഈ ജന്മത്തേക്കുവേണ്ടി അച്ഛനില് നിന്നും സമ്പത്ത് ലഭിക്കുന്നു, ടീച്ചറില് നിന്നും സമ്പത്ത് ലഭിക്കുന്നു. എന്നാല് ഗുരുവില് നിന്ന് ഒന്നും ലഭിക്കുന്നില്ല. ടീച്ചറില് നിന്ന് പഠിച്ച് എന്തെങ്കിലുമൊക്കെ സമ്പത്ത് പ്രാപ്തമാക്കുന്നു. ടീച്ചറായി മാറാം, തയ്ക്കുന്ന ടീച്ചറാവുകയും ചെയ്യാം എന്തെന്നാല് ഉപജീവനമാര്ഗ്ഗം വേണമല്ലോ! അച്ഛനില് നിന്നുളള സമ്പത്ത് ഉണ്ടായിട്ടും അവനവന്റെ സമ്പാദ്യമുണ്ടാക്കാന് വേണ്ടി പഠിക്കുന്നു. ഗുരുവില് നിന്ന് ഒരു സമ്പാദ്യവും ഉണ്ടാകുന്നില്ല. ശരിയാണ്, ചിലരെല്ലാം ഗീത വളരെ നല്ല രീതിയില് പഠിച്ച് പിന്നീട് ഗീതയെക്കുറിച്ച് പ്രഭാഷണങ്ങളെല്ലാം ചെയ്യുന്നുണ്ട്. ഇതെല്ലാം അല്പകാലത്തെ സുഖത്തിനുവേണ്ടിയാണ്. ഇപ്പോള് ഈ മൃത്യുലോകത്തില് കുറച്ചു സമയം മാത്രമെയുള്ളൂ. പഴയ ലോകം ഇല്ലാതാകണം. നിങ്ങള്ക്കറിയാം നമ്മള് പുതിയ ലോകത്തിലേക്കുള്ള ഭാഗ്യമുണ്ടാക്കാന് വന്നിരിക്കുയാണ്. ഈ പഴയ ലോകം ഇല്ലാതാകണം. അച്ഛന്റെയും അവനവന്റെയും സമ്പാദ്യമെല്ലാം ഭസ്മമാകും. കൈ കാലിയാകും. ഇപ്പോള് പുതിയ ലോകത്തിലേക്കുവേണ്ടി സമ്പാദിക്കണം. പഴയ ലോകത്തിലെ മനുഷ്യര്ക്ക് ഈ സമ്പാദ്യമുണ്ടാക്കി കൊടുക്കാന് സാധിക്കില്ല. പുതിയ ലോകത്തിലേക്കുവേണ്ടി സമ്പാദ്യം ചെയ്യിപ്പിക്കുന്നത് ശിവബാബയാണ്. ഇവിടെ നിങ്ങള് പുതിയ ലോകത്തിലേക്കുവേണ്ടി ഭാഗ്യമുണ്ടാക്കാന് വന്നിരിക്കുകയാണ്. ശിവബാബ തന്നെയാണ് നിങ്ങളുടെ അച്ഛനും ടീച്ചറും സദ്ഗുരുവും. ബാബ വരുന്നതു തന്നെ സംഗമത്തിലാണ്. ഭാവിയിലേക്ക് സമ്പാദിക്കാന് പഠിപ്പിക്കുന്നു. ഇപ്പോള് ഈ പഴയ ലോകത്തില് ബാക്കി കുറച്ചു ദിവസങ്ങളാണ് ഉള്ളത്. ഇത് ലോകത്തിലെ മനുഷ്യര്ക്കറിയില്ല. പുതിയ ലോകം ഇനി എപ്പോള് വരാനാണ്, ഈ ബ്രഹ്മാകുമാരിമാര് പറയുന്നതെല്ലാം അന്ധവിശ്വാസമാണെന്ന് മറ്റുളളവര് മനസ്സിലാക്കുന്നു. ഇങ്ങനെയുളളവരും ഒരുപാട് പേരുണ്ട്. അച്ഛന് പറയുന്നു- പുതിയ ലോകത്തിന്റെ സ്ഥാപനയുണ്ടാകുന്നു, അപ്പോള് അവരുടെ കുട്ടി പറയും- ഇത് അന്ധമായ വിശ്വാസമാണെന്ന്. നിങ്ങള് കുട്ടികള് മനസ്സിലാക്കുന്നു-പുതിയ ലോകത്തിലേക്കുവേണ്ടിയാണ് ശിവബാബ നമ്മുടെ അച്ഛനും ടീച്ചറും സദ്ഗുരുവും. ബാബ വരുന്നതു തന്നെ ശാന്തിധാമത്തിലേക്കും സുഖധാമത്തിലേക്കും കൊണ്ടുപോകാനാണ്. ഭാഗ്യത്തിലില്ലാത്തവര് ഒന്നു മനസ്സിലാക്കുന്നില്ല. ഒരു വീട്ടില് തന്നെ പത്നി പഠിക്കും, പതി പഠിക്കില്ല, കുട്ടികള് പഠിക്കും, മാതാപിതാക്കള് ഇത് പഠിക്കില്ല ഇങ്ങനെയുളള വീടുമുണ്ടാകുന്നു. തുടക്കത്തില് മുഴുവന് കുടുംബത്തിലുള്ളവരും വന്നിരുന്നു. എന്നാല് മായയുടെ കൊടുങ്കാറ്റേല്ക്കുന്നതിലൂടെ ആശ്ചര്യത്തോടെ കേട്ട്, പറഞ്ഞുകൊടുത്ത് പിന്നീട് ബാബയെ ഉപേക്ഷിച്ച് പോകുന്നു. ഇങ്ങനെയും പറയാറുണ്ട്- ആശ്ചര്യമായി കേള്ക്കും ബാബയുടേതായി മാറും പഠിപ്പ് പഠിക്കും എന്നിട്ടും....... അയ്യോ ഡ്രാമയുടെ ഭാവി. ബാബ സ്വയം പറയുന്നു- അയ്യോ ഡ്രാമ, അയ്യോ മായ എന്ന്. ഇതെല്ലാം ഡ്രാമയുടെ കാര്യം തന്നെയല്ലേ! സ്ത്രീയും പുരുഷനും പരസ്പരം വിവാഹമോചനം നല്കുന്നു. കുട്ടികള്അച്ഛന്റെ കൈ ഉപേക്ഷിക്കുന്നു. ഇവിടെ അങ്ങനെയൊന്നും സംഭവിക്കില്ല. ഇവിടെ വേര്പിരിയാന് സാധിക്കില്ല. ബാബ വന്നിരിക്കുന്നത് കുട്ടികളെ സത്യമായ സമ്പാദ്യം ചെയ്യിപ്പിക്കാനാണ്. അച്ഛന് ആരെയും ചെളികുഴിയില് വീഴ്ത്തില്ലല്ലോ! ബാബ പതിത-പാവനനും ദയാമനസ്കനുമാണ്. ബാബ വന്നാണ് ദുഃഖത്തില് നിന്ന് മുക്തമാക്കുന്നത്. വഴികാട്ടിയായി മാറി കൂടെകൊണ്ടുപോകുന്നവനാണ്. ഞാന് നിങ്ങളെ കൂടെകൊണ്ടുപോകാം എന്ന് ഒരു ലൗകീക ഗുരുവും പറയില്ല. ഇങ്ങനെയുള്ള ഗുരുവിനെ എപ്പോഴെങ്കിലും കണ്ടിട്ടുണ്ടോ, കേട്ടിട്ടുണ്ടോ? ഗുരുക്കന്മാരോട് നിങ്ങള് ചോദിക്കൂ-നിങ്ങളുടെ ഇത്രയധികം ശിഷ്യന്മാരെല്ലാം ശരീരം ഉപേക്ഷിക്കുമ്പോള് ഈ ശിഷ്യന്മാരെയും കൂടെകൊണ്ടുപോകുമോ? ഞാന് എന്റെ എല്ലാ ശിഷ്യന്മാരെയും കൂടെകൊണ്ടുപോകാം എന്ന് ആരും പറയില്ല. ഇത് സാധ്യമല്ല. ഞാന് നിങ്ങള് എല്ലാവരെയും മുക്തിധാമത്തിലേക്കും നിര്വ്വാണധാമത്തിലേക്കും കൊണ്ടുപോകാമെന്ന് ഒരിക്കലും ആര്ക്കും പറയാന് സാധിക്കില്ല. ഞങ്ങളെ അങ്ങ് കൂടെ കൊണ്ടുപോകുമോ എന്നാര്ക്കും ചോദിക്കാനും സാധിക്കില്ല. ശാസ്ത്രങ്ങളില് ഭഗവാനുവാചയുണ്ട്-ഞാന് നിങ്ങളെ കൊണ്ടുപോകാം എന്ന്. കൊതുകിന്കൂട്ടത്തിനു സമാനം എല്ലാവരും പോകുന്നു. സത്യയുഗത്തില് കുറച്ച് മനുഷ്യര് മാത്രമെയുള്ളൂ. കലിയുഗത്തില് ഒരുപാട് മനുഷ്യരുണ്ട്. ശരീരം ഉപേക്ഷിച്ച് ബാക്കി എല്ലാ ആത്മാക്കളും കണക്കുകളെല്ലാം ഇല്ലാതാക്കി തിരിച്ചുപോകുന്നു. ഓടിപ്പോവുക തന്നെ വേണം. ഇത്രയും മനുഷ്യര്ക്ക് ഇവിടെ വസിക്കാന് സാധിക്കില്ല. നിങ്ങള് കുട്ടികള്ക്ക് നല്ല രീതിയില് അറിയാം-ഇപ്പോള് നമുക്ക് വീട്ടിലേക്ക് പോകണം. ഈ ശരീരം ഉപേക്ഷിക്കണം. താങ്കളും മരിച്ചു ലോകവും മരിച്ചു. സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിക്കണം. ഈ പഴയ ശരീരത്തെ ഉപേക്ഷിക്കണം. ഈ ലോകവും പഴയതാണ്. എങ്ങനെയാണോ പഴയ വീട്ടില് ഇരിക്കുമ്പോള് തന്നെ പുതിയ വീട് തയ്യാറാവുകയാണെങ്കില് നമുക്ക് വേണ്ടിയാണ് ഇത് ഉണ്ടാക്കുന്നതെന്ന് മനസ്സിലാക്കുന്നത്. ബുദ്ധി പുതിയ വീട്ടിലേക്ക് പോകും. ഈ വീട്ടില് ഇത് ഉണ്ടാക്കണം, ഇത് ചെയ്യണം എന്നെല്ലാം. മുഴുവന് മമത്വവും പഴയതില് നിന്നും ഇല്ലാതായി പുതിയതിലേക്കാകുന്നു. അത് പരിധിയുള്ള കാര്യമാണ്. ഇതാണ് പരിധിയില്ലാത്ത കാര്യം. പഴയ ലോകത്തിനോട് മമത്വം ഇല്ലാതാക്കി പുതിയ ലോകത്തിലേക്ക് വെക്കണം. പഴയ ലോകം ഇല്ലാതാകണമെന്നറിയാം. പുതിയ ലോകം സ്വര്ഗ്ഗമാണ്. സ്വര്ഗ്ഗത്തില് നമ്മള് രാജ്യഭാഗ്യം പ്രാപ്തമാക്കുന്നു. എത്രത്തോളം യോഗത്തിലിരിക്കുന്നുവോ, ജ്ഞാനം ധാരണ ചെയ്യുന്നുവോ, മറ്റുള്ളവര്ക്ക് മനസ്സിലാക്കികൊടുക്കുന്നുവോ അത്രത്തോളം സന്തോഷത്തിന്റെ ലഹരി വര്ദ്ധിക്കും. വളരെ വലിയ പരീക്ഷയാണ്. നമ്മള് സ്വര്ഗ്ഗത്തിലെ 21 ജന്മത്തിലേക്കുവേണ്ടി സമ്പത്ത് പ്രാപ്തമാക്കുന്നു. ധനവാനായി മാറുന്നത് നല്ലതല്ലേ! ഉയര്ന്ന ആയുസ്സ് ലഭിച്ചു എങ്കില് നല്ലതല്ലേ! എത്രത്തോളം സൃഷ്ടിചക്രത്തെ ഓര്മ്മിക്കുന്നുവോ തനിക്ക് സമാനമാക്കി മാറ്റുന്നുവോ അത്രത്തോളം ലാഭമുണ്ട്. രാജാവായി മാറണമെങ്കില് പ്രജയുമുണ്ടാക്കണം. പ്രദര്ശിനിയില് ഇത്രയും പേര് വരുന്നു. അവരെല്ലാം പ്രജകളായി മാറിക്കൊണ്ടേയിരിക്കും എന്തുകൊണ്ടെന്നാല് അവിനാശിയായ ജ്ഞാനത്തിന്റെ വിനാശമുണ്ടാകുന്നില്ല. ബുദ്ധിയിലുണ്ട്- പവിത്രമായി മാറി പവിത്രമായ ലോകത്തിന്റെ അധികാരിയായി മാറണം. പുരുഷാര്ത്ഥം കൂടുതല് ചെയ്യുകയാണെങ്കില് പ്രജയില് ഉയര്ന്ന പദവി പ്രാപ്തമാക്കാന് സാധിക്കും. ഇല്ലായെന്നുണ്ടെങ്കില് കുറച്ചു പ്രജകളെ ഉണ്ടാകൂ. നമ്പര്വൈസാണല്ലോ! രാമരാജ്യത്തിന്റെ സ്ഥാപന നടന്നുകൊണ്ടിരിക്കുകയാണ്. രാവണരാജ്യം വിനാശമാകും. സത്യയുഗത്തില് ദേവതകള് മാത്രമായിരിക്കും.

ബാബ മനസ്സിലാക്കി തന്നിട്ടുണ്ട് - ഓര്മ്മയുടെ യാത്രയിലൂടെ നിങ്ങള് സതോപ്രധാന ലോകത്തിന്റെ അധികാരിയായി മാറും. അവിടെ രാജാവും പ്രജകളുമെല്ലാം അധികാരികളാണ്. പ്രജയും പറയുന്നു നമ്മുടെ ഭാരതം ഏറ്റവും ഉയര്ന്നതാണ്. വാസ്തവത്തില് ഭാരതം വളരെ ഉയര്ന്നതായിരുന്നു. ഇപ്പോള്ഇല്ല, എന്നാല് തീര്ച്ചയായും ഉയര്ന്നതായിരുന്നു. ഇപ്പോള് തികച്ചും ദരിദ്രമായിരിക്കുന്നു. പ്രാചീന ഭാരതം ഏറ്റവും ധനവാനായിരുന്നു. നിങ്ങള്ക്കറിയാം നമ്മള് ഭാരതവാസികള് ഏറ്റവും ഉയര്ന്ന കുലത്തിലുള്ളവരായിരുന്നു. മറ്റാരേയും ദേവത എന്ന് പറയാന് സാധിക്കില്ല. ഇപ്പോള് നിങ്ങള് കുട്ടികള് ഈ ജ്ഞാനം പഠിക്കുന്നു പിന്നീട് മറ്റുള്ളവര്ക്കും മനസ്സിലാക്കികൊടുക്കണം. മനുഷ്യര്ക്ക് മനസ്സിലാക്കികൊടുക്കണമല്ലോ. നിങ്ങളുടെ അടുത്ത് ചിത്രങ്ങളുമുണ്ട്. നിങ്ങള്ക്ക് തെളിയിച്ച് മനസ്സിലാക്കികൊടുക്കാന് സാധിക്കും- ദേവീ-ദേവതകള് എങ്ങനെ പദവി പ്രാപ്തമാക്കി? തിയ്യതിയും സമയവും നിങ്ങള്ക്ക് തെളിയിച്ച് കൊടുക്കാന് സാധിക്കും. ഇപ്പോള് ശിവബാബയില് നിന്നും ഇവര് വീണ്ടും ഈ പദവി പ്രാപ്തമാക്കുകയാണ്. ശിവന്റെ ചിത്രവുമുണ്ട്. ശിവന് പരമപിതാ പരമാത്മാവാണ്. ബാബ പറയുന്നു- ബ്രഹ്മാവിലൂടെ നിങ്ങള്ക്ക് യോഗബലത്തിലൂടെ 21 ജന്മത്തേക്കുള്ള സമ്പത്താണ് പ്രാപ്തമാകുന്നത്. നിങ്ങള്ക്ക് സൂര്യവംശീ ദേവീ-ദേവതകളുടെ വിഷ്ണുപുരിയിലെ അധികാരിയായി മാറാന് സാധിക്കും. ശിവബാബ ബ്രഹ്മാവാകുന്ന ദാദയിലൂടെയാണ് ഈ സമ്പത്ത് നല്കുന്നത്. ആദ്യം ബ്രഹ്മാവിന്റെ ആത്മാവാണ് കേള്ക്കുന്നത്. ആത്മാവ് തന്നെയാണ് ധാരണ ചെയ്യുന്നത്. മുഖ്യമായ കാര്യം തന്നെ ധാരണ ചെയ്യുന്നതിന്റെയാണ്. ചിത്രം ശിവന്റെയാണ് കാണിക്കുന്നത്. പരമപിതാ പരമാത്മാവായ ശിവന്റെ ചിത്രമാണ്. ബ്രഹ്മാ-വിഷ്ണു-ശങ്കരന് സൂക്ഷ്മവതനത്തിലെ ദേവതകളാണ്. പ്രജകളുടെ പിതാവായ ബ്രഹ്മാവ് തീര്ച്ചയായും ഇവിടെത്തന്നെ വേണം. പ്രജാപിതാ ബ്രഹ്മാവിന്റെ കുട്ടികളായി ബ്രഹ്മാകുമാര് കുമാരിമാര് ഒരുപാടു പേരുണ്ട്. ഏതുവരെ ബ്രഹ്മാവിന്റെ കുട്ടിയായി മാറുന്നില്ലയോ, അതുവരെയും ബ്രാഹ്മണനായി മാറിയിട്ടില്ല, എങ്കില് പിന്നെ എങ്ങനെയാണ് ശിവബാബയില് നിന്നും സമ്പത്ത് നേടുക. കുഖ വംശാവലികളാകാന് സാധിക്കില്ല. മുഖവംശാവലിയെന്നാണ് മഹിമ. നിങ്ങള് പറയും നമ്മള് പ്രജാപിതാ ബ്രഹ്മാവിന്റെ മുഖ വംശാവലികളാണെന്ന്. മറ്റെല്ലാവരും ഗുരുക്കന്മാരുടെ ശിഷ്യന്മാരായിരിക്കും. ഇവിടെ നിങ്ങള് ഒരാളെ മാത്രമാണ് അച്ഛനെന്നും ടീച്ചറെന്നും സദ്ഗുരുവെന്നും പറയുന്നത്. ഈ ബ്രഹ്മാവിനെയും അങ്ങനെ പറയില്ല. നിരാകാരനായ ശിവബാബയുമുണ്ട്. ജ്ഞാനത്തിന്റെ സാഗരനാണ്. സൃഷ്ടിയുടെ ആദി-മദ്ധ്യ-അന്ത്യത്തിന്റെ ജ്ഞാനവും നല്കുന്നു. ടീച്ചറും നിരാകാരന് തന്നെയാണ് സാകരമാധ്യമത്തിലൂടെ ജ്ഞാനം കേള്പ്പിക്കുന്നു. ആത്മാവ് തന്നെയാണ് സംസാരിക്കുന്നത്. ആത്മാവ് തന്നെയാണ് പറയുന്നത് എന്റെ ശരീരത്തെ ഉപദ്രവിക്കരുതെന്ന്. ആത്മാവ് ദുഃഖിയാകുമ്പോഴാണ് നിര്ദേശം നല്കുന്നത്- കുട്ടികളെ, വിനാശം മുന്നില് നില്ക്കുകയാണ് പാരലൗകീക അച്ഛന് അവസാന സമയത്ത് എല്ലാവരേയും തിരിച്ചുകൊണ്ടുപോകുന്നതിനുവേണ്ടി വരികയാണ്. ബാക്കി എന്തെല്ലാമുണ്ടോ അതെല്ലാം വിനാശമാകണം. ഈ ലോകത്തെ തന്നെയാണ് മൃത്യുലോകമെന്ന് പറയുന്നത്. സ്വര്ഗ്ഗം എന്നത് ഈ ലോകത്തിലാണുളളത്. ദില്വാഡാ ക്ഷേത്രം ഉണ്ടാക്കിയിട്ടുണ്ട്. താഴെ തപസ്സ് ചെയ്യുന്നു മുകളില് സ്വര്ഗ്ഗമാണ്. ഇല്ലായെന്നുണ്ടെങ്കില് എവിടെയാണ് കാണിക്കുക. മുകളില് ദേവതകളുടെ ചിത്രങ്ങള് കാണിച്ചിട്ടുണ്ട്. ദേവതകളും ഇവിടെ തന്നെയായിരിക്കും ഉണ്ടായിരിക്കുക. മനസ്സിലാക്കി കൊടുക്കാന് വളരെ നല്ല യുക്തി വേണം. ക്ഷേത്രത്തില് പോയി മനസ്സിലാക്കികൊടുക്കണം - ഇത് നമ്മളെ പഠിപ്പിക്കുന്ന ശിവബാബയുടെ ഓര്മ്മചിഹ്നമാണ്. ശിവന് വാസ്തവത്തില് ബിന്ദുവാണ്. എന്നാല് ബിന്ദുവിനെ എങ്ങനെയാണ് പൂജിക്കുക, ഫലവും പൂക്കളും എങ്ങനെയാണ് അര്പ്പിക്കുക, അതിനുവേണ്ടിയാണ് വലിയ രൂപമുണ്ടാക്കിയിരിക്കുന്നത്. വാസ്തവത്തില് ഇത്രയും വലിയ രൂപമൊന്നുമില്ല. പാടാറുമുണ്ട്- ഭ്രൂമദ്ധ്യത്തില് അത്ഭുതകരമായ ഒരു നക്ഷത്രം തിളങ്ങുന്നു. വളരെ സൂക്ഷ്മം തന്നെയാണ്. ബിന്ദുവാണ്. വലിയ സാധനമാണെങ്കില് ശാസ്ത്രജ്ഞന്മാര് പെട്ടെന്ന് തന്നെ അതിനെ പിടിച്ചെടുക്കും. ആയിരം സൂര്യനോളം തേജസ്സുള്ളതൊന്നുമില്ല. ചില ഭക്തര് വരുമ്പോള് പറയാറുണ്ട് നമുക്ക് ഇങ്ങനെയുളള മുഖമാണ് കാണുവാന് സാധിക്കുന്നതെന്ന്. ബാബ മനസ്സിലാക്കി തരുന്നു- അവര്ക്ക് പരമപിതാ പരമാത്മാവിന്റെ പൂര്ണ്ണ പരിചയം ലഭിച്ചിട്ടില്ല. അവരുടെ ഭാഗ്യം തുറന്നിട്ടില്ല. ഏതു വരെ ബാബയെ അറിയുന്നില്ലയോ, അതുവരെയും ആത്മാവായ ഞാന് ഒരു ബിന്ദുവിന് സമാനമാണെന്നും ബിന്ദുവായ ശിവബാബയെ ഓര്മ്മിക്കണമെന്നും അറിയില്ല. അങ്ങനെ മനസ്സിലാക്കി ഓര്മ്മിക്കുമ്പോള് മാത്രമേ വികര്മ്മം വിനാശമാകൂ. ബാക്കി ഇങ്ങനെയും അങ്ങനെയുമെല്ലാം(തേജസ്സുറ്റ പ്രകാശത്തെ) കാണുന്നതിനെ മായയുടെ വിഘ്നമെന്നാണ് പറയുക. നമുക്ക് ബാബയെ ലഭിച്ചു എന്ന സന്തോഷത്തിലാണ് ഇപ്പോള്. ബാബ പറയുന്നു-കൃഷ്ണന്റെ സാക്ഷാത്കാരം ലഭിക്കുമ്പോള് വളരെ സന്തോഷത്തോടുകൂടി നൃത്തമാടുന്നു. എന്നാല് അതിലൂടെയൊന്നും സദ്ഗതി ലഭിക്കില്ല. ഈ സാക്ഷാത്കാരം പരിശ്രമം കൂടാതെ തന്നെ ലഭിക്കുന്നതാണ്. അഥവാ നല്ല രീതിയില് പഠിച്ചില്ലെങ്കില് പ്രജയിലേക്ക് പോകും. സാക്ഷാത്കാരത്തിന്റെ ലാഭവും ലഭിക്കുമല്ലോ! ഭക്തിമാര്ഗ്ഗത്തില് ഒരുപാട് പരിശ്രമിക്കുമ്പോഴാണ് സാക്ഷാത്കാരം ലഭിക്കുന്നത്. ഇവിടെ കുറച്ച് പരിശ്രമിക്കുകയാണെങ്കില് പോലും സാക്ഷാത്കാരമുണ്ടാകുന്നു എന്നാല് അതിലൂടെ ഒരു ലാഭവുമില്ല. കൃഷ്ണപുരിയില് സാധാരണ പ്രജയായി മാറും. ഇപ്പോള് നിങ്ങള്ക്കറിയാം ശിവബാബ നമുക്ക് ഈ ജ്ഞാനം കേള്പ്പിക്കുകയാണ്. ബാബയുടെ നിര്ദേശമാണ്-തീര്ച്ചായായും പവിത്രമായി മാറണം. എന്നാല് ചിലര്ക്കൊന്നും പവിത്രമായിരിക്കാന് സാധിക്കുന്നില്ല. ചിലപ്പോള് ചില പതിതരും ഇവിടെ ഒളിഞ്ഞിരിക്കുന്നു. അവര് അവനവന്റെ നഷ്ടമാണ് ഉണ്ടാക്കുന്നത്. സ്വയത്തെ ചതിക്കുകയാണ്. ബാബയെ ചതിക്കുന്നതിന്റെ കാര്യം തന്നെയില്ല. ബാബയെ ചതിച്ച് പൈസ എന്തെങ്കിലും നേടാനുണ്ടോ? ശിവബാബയുടെ ശ്രീമതത്തിലൂടെ നിയമമനുസരിച്ച് നടക്കുന്നില്ല എങ്കില് എന്തായിരിക്കും അവസ്ഥ? ഭാഗ്യത്തിലില്ലായെന്ന് മനസ്സിലാക്കാം. പഠിക്കുന്നില്ല എങ്കില് കൂടുതലായി മറ്റുള്ളവര്ക്ക് ദുഃഖം കൊടുത്തുകൊണ്ടേയിരിക്കുന്നു. ഒന്ന് അവര്ക്ക് ധാരാളം ശിക്ഷകള് അനുഭവിക്കേണ്ടതായി വരും. മറ്റൊന്ന് പദവിയും ഭ്രഷ്ടമാകും. നിയമവിരുദ്ധമായ ഒരു കര്മ്മവും ചെയ്യരുത്. ബാബ മനസ്സിലാക്കിത്തരുമല്ലോ നിങ്ങളുടെ പെരുമാറ്റം ശരിയല്ലെന്ന്. ബാബ സമ്പാദിക്കാനുള്ള വഴിയാണ് പറഞ്ഞു തരുന്നത്. പിന്നെ ആര് ചെയ്തോ ഇല്ലയോ അവരുടെ ഭാവി. ശിക്ഷകള് അനുഭവിച്ച് തിരിച്ച് ശാന്തിധാമത്തിലേക്ക് പോവുക തന്നെ വേണം. പദവി ഭ്രഷ്ടമാവുകയും ചെയ്യും. ഒന്നും ലഭിക്കില്ല. ഒരുപാട് പേര് വരുന്നുണ്ട് എന്നാല് ഇവിടെ ബാബയില് നിന്ന് സമ്പത്തെടുക്കുന്ന കാര്യമാണ്. കുട്ടികള് പറയുന്നു - ബാബാ, ഞങ്ങള് സ്വര്ഗ്ഗത്തിലെ സൂര്യവംശി പദവി പ്രാപ്തമാക്കുമെന്ന്. രാജയോഗമല്ലേ! വിദ്യാര്ത്ഥികള് സ്കോളര്ഷിപ്പും നേടാറുണ്ടല്ലോ! പാസാകുന്നവര്ക്ക് സ്കോളര്ഷിപ്പ് ലഭിക്കുന്നു. സ്കോളര്ഷിപ്പ് നേടിയവരുടെയാണ് മാലയുണ്ടാകുന്നത്. ആര് എത്രത്തോളം പാസാകുന്നുവോ അത്രത്തോളം അവര്ക്ക് സ്കോളര്ഷിപ്പ് ലഭിക്കുന്നു. ഇത് മാലയാണ്. സ്കോളര്ഷിപ്പുകാരുടെ അഭിവൃദ്ധിയുണ്ടായി - ഉണ്ടായി ആയിരമായി മാറുന്നു. രാജ്യപദവിയാണ് സ്കോളര്ഷിപ്പ്. നല്ല രീതിയില് പഠിപ്പ് പഠിക്കുന്നര്ക്ക് ഗുപ്തമായി ഇരിക്കാന് സാധിക്കില്ല. ഒരുപാട് പുതിയ-പുതിയവര് പോലും പഴയവരേക്കാളും മുന്നേറുന്നു. ചില കുമാരിമാര് വരുമ്പോള് പറയുന്നു - നമുക്ക് ഈ പഠിപ്പ് വളരെ നല്ലതായി തോന്നുന്നു. നമ്മള് പ്രതിജ്ഞ ചെയ്യുന്നു ഭൗതിക പഠിപ്പിന്റെ കോഴ്സ് പൂര്ത്തിയാക്കി ഈ പഠിപ്പില് മുഴുകുമെന്ന്. തന്റെ ജീവിതത്തെ വജ്രതുല്യമാക്കി മാറ്റും. ഞങ്ങള് ഞങ്ങളുടെ സത്യമായ സമ്പാദ്യം ചെയ്ത് 21 ജന്മത്തേക്കുവേണ്ടി സമ്പത്ത് പ്രപ്താമാക്കും. എത്ര സന്തോഷിക്കുന്നു. ഈ സമ്പത്ത് ഇപ്പോള് എടുത്തില്ലെങ്കില് പിന്നീട് ഒരിക്കലും എടുക്കാന് സാധിക്കില്ല എന്നറിയാം. പഠിപ്പിനോടുള്ള താല്പര്യമുണ്ടായിരിക്കുമല്ലോ. ചിലര്ക്ക് അല്പം പോലും മനസ്സിലാക്കാനുള്ള താല്പര്യമില്ല. എത്രത്തോളം പുതിയവര്ക്ക് താല്പര്യമുണ്ടോ അത്രയും പഴയവര്ക്കില്ല. അത്ഭുതമല്ലേ! ഡ്രാമയനുസരിച്ച് ഭാഗ്യത്തില് ഇല്ലെങ്കില് പിന്നെ ഭഗവാനുപോലും എന്ത് ചെയ്യാന് സാധിക്കും. ടീച്ചര് പഠിപ്പിക്കുകയാണ്. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) തന്റെ കുറവുകളെ ഒളിപ്പിച്ചുവെക്കുക എന്നതും സ്വയത്തെ ചതിക്കുകയാണ്. അതിനാല് ഒരിക്കലും സ്വയത്തോട് ചതികാണിക്കരുത്.

2) തന്റെ ഉയര്ന്ന ഭാഗ്യമുണ്ടാക്കുന്നതിനുവേണ്ടി ഒരു കര്മ്മവും നിയമവിരുദ്ധമായി ചെയ്യരുത്. പഠിപ്പിനോടുള്ള താല്പര്യം വെക്കണം. തനിക്ക് സമാനമാക്കി മാറ്റുന്നതിന്റെ സേവനം ചെയ്യണം.

വരദാനം :-
ഓരോ ചുവടും ആജ്ഞയിലൂടെ നടന്ന് മായയെ സമര്പ്പണം ചെയ്യിക്കുന്ന സഹജയോഗിയായി ഭവിക്കൂ

ഏത് കുട്ടികളാണോ ഓരോ ചുവടും ആജ്ഞയിലൂടെ നടക്കുന്നത് അവരുടെ മുന്നില് മുഴുവന് വിശ്വവും സമര്പ്പണമാകുന്നു, ഒപ്പമൊപ്പം മായയും തന്റെ വംശ സഹിതം സമര്പ്പണമാകുന്നു. ആദ്യം താങ്കള് ബാബയില് സമര്പ്പണമാകൂ അപ്പോള് മായ താങ്കളില് സമര്പ്പണമാകും അതുപോലെ തന്റെ ശ്രേഷ്ഠ സ്വമാനത്തില് കഴിഞ്ഞുകൊണ്ട് ഓരോ ആജ്ഞയിലൂടെയും നടന്നുകൊണ്ടിരിക്കൂ എങ്കില് ജന്മ-ജന്മാന്തരത്തെ പ്രയാസങ്ങളില് നിന്ന് മുക്തമാകും. ഇപ്പോള് സഹജയോഗിയും ഭാവിയില് സഹജ ജീവിതവുമായിരിക്കും. ഇങ്ങനെയുള്ള സഹജയോഗീ ജീവിതമുണ്ടാക്കൂ.

സ്ലോഗന് :-
തന്റെ പരിവര്ത്തനത്തിലൂടെ മറ്റാത്മാക്കളെ പരിവര്ത്തനം ചെയ്യുന്നത് തന്നെയാണ് ജീവദാനം നല്കുക.