12.03.19           Morning Malayalam Murli       Om Shanti           BapDada Madhuban


മധുരമായകുട്ടികളേ- അന്തര്മുഖിയായിഓര്മ്മയുടെഅ ഭ്യാസംചെയ്യൂ, ഞാന്ആത്മാഭിമാനിയായുംപരമാത്മാ ഭിമാനിയായുംഎത്രസമയംഇരുന്നൂഎ ന്ന്പരിശോധിക്കൂ.

ചോദ്യം :-
ഏത് കുട്ടികളാണോ ഏകാന്തതയിലേയ്ക്ക് പോയി ആത്മാഭിമാനിയാകുന്നതിനുള്ള അഭ്യാസം ചെയ്യുന്നത് അവരുടെ അടയാളം എന്തായിരിക്കും?

ഉത്തരം :-
അവരുടെ വായില് നിന്ന് ഒരിയ്ക്കലും തല കീഴായ വാക്കുകള് വരികയില്ല. 2-ആത്മീയ സഹോദരങ്ങളാണെന്നുളള സ്നേഹം പരസ്പരം വളരെയധികമുണ്ടാകും. സദാ പാല്ക്കടലായിരിക്കും. 3- ധാരണ വളരെ നല്ലതായിരിക്കും. അവരില് നിന്ന് ഒരു വികര്മ്മവും ഉണ്ടാകില്ല. 4-അവരുടെ ദൃഷ്ടി അതിമധുരമായിരിക്കും. ഒരിയ്ക്കലും ദേഹാഭിമാനം വരില്ല. 5-ആര്ക്കും ദുഃഖം നല്കില്ല.

ഓംശാന്തി.
ആത്മീയ കുട്ടികളെ പ്രതി, കേവലം ആത്മാവ് എന്ന് മാത്രം പറയുകയാണെങ്കില് അതില് ശരീരം ഉള്പ്പെടുന്നില്ല അതിനാല് ആത്മീയ കുട്ടികളെ പ്രതി ആത്മീയ അച്ഛന് മനസ്സിലാക്കിത്തരുകയാണ്- സ്വയം ആത്മാവാണെന്ന് മനസ്സിലാക്കണം. നമ്മള് ആത്മാക്കള്ക്ക് അച്ഛനില് നിന്നും ഈ ജ്ഞാനം ലഭിക്കുകയാണ്. കുട്ടികള് ദേഹീ അഭിമാനിയായിരിക്കണം. അച്ഛന് വന്നിരിക്കുന്നതുതന്നെ കുട്ടികളെ തിരികെക്കൊണ്ടുപോകാനാണ്. തീര്ച്ചയായും സത്യയുഗത്തില് ആത്മാഭിമാനിയായിരിക്കും എന്നാല് അവിടെ നിങ്ങള് പരമാത്മാഭിമാനിയായിരിക്കില്ല. ഇവിടെ നിങ്ങള് ആത്മാഭിമാനിയായും മാറുന്നുണ്ട് ഒപ്പം പരമാത്മ അഭിമാനിയായും മാറുന്നുണ്ട് അര്ത്ഥം നമ്മള് അച്ഛന്റെ കുട്ടികളാണ്. ഇവിടെയുള്ളതും അവിടെയുള്ളതും(സത്യയുഗത്തില്) തമ്മില് വളരെ അധികം വ്യത്യാസമുണ്ട്. ഇവിടെ പഠിപ്പുണ്ട്, അവിടെ പഠിക്കുക എന്ന കാര്യമേയില്ല. ഇവിടെ എല്ലാവരും സ്വയം ആത്മാവാണെന്ന് മനസ്സിലാക്കുന്നു, ബാബ എന്നെ പഠിപ്പിക്കുകയാണ് എന്ന നിശ്ചയത്തില് ഇരുന്ന് കേള്ക്കുകയാണെങ്കില് വളരെ നല്ല ധാരണയുണ്ടാകും. ആത്മാഭിമാനിയായി മാറിക്കൊണ്ടിരിക്കും. ഈ അവസ്ഥയില് തന്നെ നിലനില്ക്കുക എന്ന ലക്ഷ്യം വളരെ ഉയര്ന്നതാണ്. കേള്ക്കുമ്പോള് വളരെ സഹജമായിത്തോന്നും. സ്വയം ആത്മ സ്മൃതിയിലിരുന്ന് മറ്റുള്ളവരേയും ആത്മാവെന്ന് മനസ്സിലാക്കി സംസാരിക്കുന്നത് എങ്ങനെയാണെന്നുളള അനുഭവം കുട്ടികള് കേള്പ്പിക്കണം. അച്ഛന് പറയുന്നു ഞാന് ഈ ശരീരത്തിലാണെങ്കില് പോലും എനിക്ക് ഇതിന്റെ സത്യമായ അഭ്യാസമുണ്ട്. ഞാന് കുട്ടികളെ ആത്മാവാണെന്നു തന്നെയാണ് മനസ്സിലാക്കുന്നത്. ആത്മാവിനെയാണ് പഠിപ്പിക്കുന്നത്. ഭക്തിമാര്ഗ്ഗത്തിലും ആത്മാവാണ് പാര്ട്ടഭിനയിച്ച് വന്നത്. പാര്ട്ട് അഭിനയിച്ച് അഭിനയിച്ച് പതിതമായി മാറി. ഇപ്പോള് ആത്മാവിന് വീണ്ടും പവിത്രമായി മാറണം. ഏതുവരെ അച്ഛനെ പരമാത്മാവാണെന്ന് മനസ്സിലാക്കി ഓര്മ്മിക്കുന്നില്ലയോ എങ്ങനെ പവിത്രമായി മാറും. ഇതില് കുട്ടികള്ക്ക് വളരെ അധികം അന്തര്മുഖിയായി മാറി ഓര്മ്മയുടെ അഭ്യാസം ചെയ്യണം. ജ്ഞാനം വളരെ സഹജമാണ്. ബാക്കി ഈ നിശ്ചയം പക്കാ ആയിരിക്കണം നമ്മള് ആത്മാക്കളാണ് പഠിക്കുന്നത്, ബാബ നമ്മളെ പഠിപ്പിക്കുകയാണ്, എങ്കില് ധാരണയും ഉണ്ടാകും വികര്മ്മങ്ങള് ഒന്നും ഉണ്ടാവുകയുമില്ല. ഈ സമയത്ത് നമ്മളില് നിന്നും വികര്മ്മങ്ങള് ഒന്നും ഉണ്ടാകുന്നില്ല എന്ന് പറയാന് പറ്റില്ല. അന്തിമത്തിലേ വികര്മ്മാജീത്താകൂ. ഭായി-ഭായി എന്ന ദൃഷ്ടി വളരെ മധുരമാണ്. ഇതില് ഒരിയ്ക്കലും ദേഹാഭിമാനം വരുകയില്ല. കുട്ടികള്ക്കറിയാം അച്ഛന്റെ ജ്ഞാനം വളരെ ആഴമുള്ളതാണ്. അഥവാ ഉയര്ന്നതിലും ഉയര്ന്നവരായി മാറണമെന്നുണ്ടെങ്കില് ഈ അഭ്യാസം വളരെ നന്നായി ചെയ്യണം. ഇതില് ശ്രദ്ധ നല്കണം. അന്തര്മുഖിയാകാന് ഏകാന്തതയും വേണം. ഇവിടെ ഇരിക്കുമ്പോള് ലഭിക്കുന്ന ഏകാന്തത വീട്ടിലിരിക്കുമ്പോഴോ ജോലിസ്ഥലത്തോ ലഭിക്കില്ല. ഇവിടെ നിങ്ങള്ക്ക് ഈ അഭ്യാസം വളരെ നന്നായി ചെയ്യാന് കഴിയും. ആത്മാവിനെത്തന്നെയാണ് കാണേണ്ടത്. ഞാനും ആത്മാവാണ് എന്ന് മനസ്സിലാക്കണം ഈ അഭ്യാസം ഇവിടെ ചെയ്യുന്നതിലൂടെ ശീലമായി മാറും. പിന്നീട് തന്റെ ചാര്ട്ടും വെയ്ക്കണം- എത്രത്തോളം ആത്മാഭിമാനിയായി മാറി? ആത്മാവിനെത്തന്നെയാണ് നാം കേള്പ്പിക്കുന്നത്, ആത്മാവിനോടുതന്നെയാണ് സംസാരിക്കുന്നത്. ഈ അഭ്യാസം വളരെ കൂടുതല് വേണം. കുട്ടികള് മനസ്സിലാക്കുന്നുണ്ടാകും ഈ കാര്യം ശരിയാണ്. ദേഹാഭിമാനം ഇല്ലാതാകണം നമ്മള് ആത്മാഭിമാനിയായിത്തീരണം, ധാരണ ചെയ്യുകയും ചെയ്യിക്കുകയും വേണം. പരിശ്രമിച്ച് സ്വയം ആത്മാവാണെന്ന് മനസ്സിലാക്കി അച്ഛനെ ഓര്മ്മിക്കണം- ഈ ചാര്ട്ട് വളരെ ഗഹനമായതാണ്. വലിയ വലിയ മഹാരഥികളും മനസ്സിലാക്കുന്നുണ്ടാകും- ബാബ ഓരോ ദിവസവും വിചാരസാഗര മഥനം ചെയ്യാന് തരുന്ന വിഷയങ്ങള് വളരെ വലിയ പോയിന്റുകളാണ്. പിന്നീട് ഒരിയ്ക്കലും വായില് നിന്ന് തലതിരിഞ്ഞ വാക്കുകള് പുറത്തുവരില്ല. ആത്മീയ സഹോദരങ്ങള് തമ്മില് പരസ്പരം വളരെ അധികം സ്നേഹമുണ്ടായിരിക്കും. നമ്മള് എല്ലാവരും ഈശ്വരന്റെ സന്താനങ്ങളാണ്. അച്ഛന്റെ മഹിമ നിങ്ങള്ക്ക് അറിയാവുന്നതാണ്. കൃഷ്ണന്റെ മഹിമ വ്യത്യസ്തമാണ്, കൃഷ്ണനെ പറയുന്നത് സര്വ്വഗുണ സമ്പന്നന്.......എന്നാണ് പക്ഷേ കൃഷ്ണനില് ഇത്രയും ഗുണങ്ങള് എവിടെനിന്നു വന്നു? തീര്ച്ചയായും കൃഷ്ണന്റെ മഹിമ വേറെയാണ് എങ്കിലും സര്വ്വഗുണ സമ്പന്നനായി മറിയത് ജ്ഞാനസാഗരനായ അച്ഛനില് നിന്നല്ലേ. അതിനാല് തന്റെ പരിശോധന നടത്തണം, ഓരോ ചുവടിലും മുഴുവന് കണക്കുകളും എടുക്കണം. വ്യാപാരികള് മുഴുവന് ദിവസത്തേയും കണക്ക് രാത്രിയിലാണ് നോക്കുക. നിങ്ങളും വ്യാപാരം ചെയ്യുകയല്ലേ. രാത്രിയിലിരുന്ന് പരിശോധിക്കണം ഞാന് എല്ലാവരെയും ആത്മീയ സഹോദരങ്ങളാണെന്ന് മനസ്സിലാക്കിത്തന്നെയാണോ എല്ലാവരോടും സംസാരിച്ചത്? ആര്ക്കും ദുഃഖം നല്കിയില്ലല്ലോ? എന്തുകൊണ്ടെന്നാല് നിങ്ങള്ക്ക് അറിയാം നമ്മള് ആത്മീയ സഹോദരങ്ങള് എല്ലാവരും പാല്ക്കടലിലേയ്ക്ക് (സ്വര്ഗ്ഗം) പോയിക്കൊണ്ടിരിക്കുകയാണ്. ഇവിടെയാണെങ്കില് വിഷയ സാഗരമാണ്. നിങ്ങള് ഇപ്പോള് രാവണരാജ്യത്തിലുമല്ല, രാമരാജ്യത്തിലുമല്ല. നിങ്ങള് നടുവിലാണ് അതിനാല് സ്വയം ആത്മാവാണെന്ന് മനസ്സിലാക്കി അച്ഛനെ ഓര്മ്മിക്കണം. എത്രത്തോളം എനിക്ക് ആത്മാ ഭായി-ഭായി ദൃഷ്ടിയുടെ അവസ്ഥയുണ്ട് എന്ന് നോക്കണം. നമ്മള് സര്വ്വാത്മാക്കളും പരസ്പരം സഹോദരങ്ങളാണ്, ഈ ശരീരത്തിലൂടെ പാര്ട്ട് അഭിനയിച്ചുകൊണ്ടിരിക്കുകയാണ്. ആത്മാവ് അവിനാശിയാണ്, ശരീരം വിനാശിയാണ്, നമ്മള് 84 ജന്മങ്ങളുടെ പാര്ട്ട് അഭിനയിച്ചിട്ടുണ്ട്. ഇപ്പോള് അച്ഛന് വന്ന് പറയുന്നു എന്നെ മാത്രം ഓര്മ്മിക്കു, സ്വയം ആത്മാവാണെന്നു മനസ്സിലാക്കു. ആത്മാവാണെന്ന് മനസ്സിലാക്കിയാല് സഹോദരങ്ങളാകും. ഇത് അച്ഛന് തന്നെയാണ് മനസ്സിലാക്കിത്തരുന്നത്. അച്ഛനല്ലാതെ മറ്റാര്ക്കും ഈ പാര്ട്ടില്ല. പ്രേരണയുടെ കാര്യമില്ല. ടീച്ചേഴ്സ് ഇരുന്ന് പഠിപ്പിക്കുന്നത് എങ്ങനെയാണോ അതുപോലെ അച്ഛന് ഇരുന്ന് കുട്ടികള്ക്ക് മനസ്സിലാക്കിത്തരുകയാണ്. ഇതെല്ലാം ചിന്തിക്കേണ്ട വിഷയങ്ങളാണ്, ഇതിന് സമയവും നല്കേണ്ടിവരും. അച്ഛന് ജോലിവ്യവഹാരങ്ങള് ചെയ്യാനുളള അനുവാദം നല്കിയിട്ടുണ്ട് എന്നാല് ഓര്മ്മയുടെ യാത്രയും പ്രധാനമാണ്. ഇതിനുവേണ്ടിയും സമയം നല്കണം. എല്ലാവരുടേയും സേവനവും വ്യത്യസ്തമാണ്. ചിലര്ക്ക് വളരെയധികം സമയം ലഭിക്കുന്നുണ്ട്. മാഗസീനിലും വളരെ യുക്തിപൂര്വ്വം എഴുതണം ഇവിടെ ഇങ്ങനെയൊരു അച്ഛനെയാണ് ഓര്മ്മിക്കേണ്ടത്. പരസ്പരം ആത്മീയ സഹോദരനെന്ന് മനസ്സിലാക്കണം.

അച്ഛന് വന്ന് സര്വ്വാത്മാക്കളേയും പഠിപ്പിക്കുന്നു. ആത്മാക്കളില് ദൈവീക ഗുണങ്ങളുടെ സംസ്ക്കാരം ഇപ്പോഴാണ് നിറക്കേണ്ടത്. ഭാരതത്തിന്റെ പ്രാചീനയോഗം എങ്ങനെയുള്ളതാണ്? എന്ന് മനുഷ്യര് ചോദിക്കാറുണ്ട്. നിങ്ങള്ക്ക് മനസ്സിലാക്കിക്കൊടുക്കാന് സാധിക്കും പക്ഷേ ഇപ്പോള് നിങ്ങള് വളരെ കുറച്ചുപേരേയുള്ളു, നിങ്ങളുടെ പേര് അത്രത്തോളം പ്രശസ്തമായിട്ടില്ല. ഈശ്വരന് യോഗം പഠിപ്പിക്കുകയാണ്. തീര്ച്ചയായും അവരുടെ മക്കളുമുണ്ടാകും. ഈ കാര്യം ആര്ക്കും അറിയില്ല എന്നത് കുട്ടികള്ക്കും അറിയാം. നിരാകാരനായ ഭഗവാന് എങ്ങനെയാണ് പഠിപ്പിക്കുന്നത്, ബാബ സ്വയം പറയുന്നു ഞാന് കല്പ കല്പം സംഗമയുഗത്തില് വന്ന് ഞാന് ഇങ്ങനെയാണ് വരുന്നതെന്ന് പറയുന്നു. ആരുടെ ശരീരത്തിലാണ് വരുന്നത് എന്നതില് സംശയിക്കേണ്ടതില്ല. ഇത് ഉണ്ടായതും ഉണ്ടാക്കപ്പെട്ടതുമായ ഡ്രാമയാണ്. ഒരാളുടെ ശരീരത്തിലേക്ക് മാത്രമാണ് വരുന്നത്. പ്രജാപിതാ ബ്രഹ്മാവിലൂടെയാണ് സ്ഥാപന. ഈ ബ്രഹ്മാവാണ് ഏറ്റവുമാദ്യത്തെ വിശിഷ്ട സന്താനമാകുന്നത്. ആദിസനാതന ദേവീ ദേവതാ ധര്മ്മം സ്ഥാപിക്കുകയാണ്. പിന്നീട് ബ്രഹ്മാവ് തന്നെയാണ് ആദ്യ നമ്പറിറിലേക്കും വരുന്നത്. ഈ ചിത്രത്തില് വളരെ നല്ല രീതിയില് കാര്യങ്ങള് മനസ്സിലാക്കാനുണ്ട്. ബ്രഹ്മാവില് നിന്ന് വിഷ്ണു, വിഷ്ണുവില് നിന്ന് ബ്രഹ്മാവ് എങ്ങനെയായിത്തീരുന്നു എന്ന് മറ്റാര്ക്കും മനസ്സിലാക്കിത്തരാന് കഴിയില്ല. മനസ്സിലാക്കിക്കൊടുക്കുന്നതിന് യുക്തികള് വേണം. ഇപ്പോള് നിങ്ങള്ക്ക് അറിയാം എങ്ങനെയാണ് അച്ഛന് ദേവീദേവതാ ധര്മ്മം സ്ഥാപിക്കുന്നത്, ഈ ചക്രം എങ്ങനെയാണ് കറങ്ങുന്നത്, ഈ കാര്യങ്ങള് മറ്റാര്ക്കും മനസ്സിലാക്കാന് സാധിക്കില്ല. അതുകൊണ്ട് ബാബ മനസ്സിലാക്കിത്തരുകയാണ് ഇങ്ങനെ ഇങ്ങനെയെല്ലാം യുക്തിപൂര്വ്വം എഴുതൂ. യഥാര്ത്ഥ യോഗം ആര്ക്ക് പഠിപ്പിച്ചുതരാന് കഴിയും- ഇത് മനസ്സിലാക്കിക്കഴിഞ്ഞാല് നിങ്ങളുടെ അടുത്തേയ്ക്ക് അനേകം പേര് വരും. വലിയ വലിയ ആശ്രമങ്ങളെല്ലാം ഇളകിക്കൊണ്ടിരിക്കും. അവസാന സമയത്ത് ഇത് സംഭവിക്കാനുള്ളതാണ്, പിന്നീട് എല്ലാവരും അത്ഭുതപ്പെടും. ഭക്തിമാര്ഗ്ഗത്തില് എത്രയധികം പ്രസ്ഥാനങ്ങളുണ്ട്. ജ്ഞാനമാര്ഗ്ഗത്തിന്റേതായി ഒന്നുപോലുമില്ല. അതിനാല് നിങ്ങള്ക്കാണ് വിജയമുണ്ടാവുക. ഇതും നിങ്ങള്ക്ക് അറിയാം ഓരോ 5000 വര്ഷങ്ങള്ക്കുശേഷവും അച്ഛന് വരുന്നുണ്ട്. അച്ഛനിലൂടെ നിങ്ങള് പഠിക്കുകയാണ്, മറ്റുള്ളവരേയും പഠിപ്പിക്കുന്നു. കത്തുകളിലൂടെ എങ്ങനെ മറ്റുള്ളവര്ക്ക് മനസ്സിലാക്കിക്കൊടുക്കാം ഇതിനുള്ള യുക്തികളും കല്പ കല്പത്തേതു പോലെ പുറത്തുവരും, അതിലൂടെ അനേകം പേര് മനസ്സിലാക്കും. ഒരേഒരു ധര്മ്മത്തിന്റെ സ്ഥാപന ചെയ്യാന് ബാബയ്ക്കല്ലാതെ മറ്റാരെക്കൊണ്ടും സാധിക്കില്ല. നിങ്ങള്ക്ക് അറിയാം ഒരു വശത്ത് രാവണനാണ്, മറുവശത്ത് രാമനാണ്. രാവണനുമേല് നിങ്ങള് വിജയം നേടുകയാണ്. അവര് എല്ലാവരും രാവണ സമ്പ്രദായമാണ്. നിങ്ങള് ഈശ്വരീയ സമ്പ്രദായത്തിലുള്ളവര് വളരെ കുറച്ചേയുള്ളു. ഭക്തിയ്ക്ക് എത്ര പ്രദര്ശനമാണ്. എവിടെയെല്ലാം വെള്ളമുണ്ടോ അവിടെയെല്ലാം മേളകള് നടത്തുന്നു. എത്ര ചിലവ് ചെയ്യുന്നു. എത്രപേര് മുങ്ങി മരിക്കുന്നു. ഇവിടെയാണെങ്കില് അങ്ങനെയുള്ള കാര്യങ്ങളൊന്നുമില്ല. എന്നിട്ടും ബാബ പറയുന്നു ആശ്ചര്യത്തോടെ എന്നെ തിരിച്ചറിയുന്നു, കേള്ക്കുന്നു, കേള്പ്പിക്കുന്നു, പവിത്രമായിരിക്കുന്നു എന്നിട്ടും അല്ലയോ മായേ നീ കാരണം തോറ്റുപോകുന്നു. കല്പ കല്പം ഇങ്ങനെ സംഭവിക്കും. തോറ്റുപോകുന്നവരുമുണ്ട്. മായയുമായി യുദ്ധം ചെയ്യുകയാണ്. മായയുടെ പ്രഭാവവും ഉണ്ട്. ഭക്തിയ്ക്ക് ഇളക്കം സംഭവിക്കുകതന്നെ വേണം. അരകല്പം നിങ്ങള് പ്രാലബ്ധം അനുഭവിക്കുന്നു അതിനുശേഷം രാവണരാജ്യത്തില് ഭക്തി ആരംഭിക്കുന്നു. അതിന്റെ അടയാളങ്ങളും ഇന്നുണ്ട്, വികാരത്തിലേയ്ക്ക് വീണുപോയാല് പിന്നീട് ദേവതകളെന്ന് പറയില്ലല്ലോ. എങ്ങനെയാണ് വികാരിയായി മാറുന്നത്, ഇത് ലോകത്തിലുള്ള ആര്ക്കും അറിയില്ല. വാമമാര്ഗ്ഗത്തിലേയ്ക്കു പോയി എന്ന് ശാസ്ത്രങ്ങളില് എഴുതിവെച്ചിട്ടുണ്ട്. എപ്പോഴാണ് പോയതെന്ന് അറിയില്ല. ഈ കാര്യങ്ങളെല്ലാം നല്ലരീതിയില് മനസ്സിലാക്കാനും മനസ്സിലാക്കിക്കൊടുക്കാനുമുള്ളതാണ്. നിശ്ചയബുദ്ധിയാകുമ്പോഴേ ഇത് മനസ്സിലാക്കു. അങ്ങനെയുളളവര്ക്ക് ബാബയോട് ആകര്ഷണമുണ്ടാകും, അവര് പറയും ഇങ്ങനെയുള്ള അച്ഛനുമായി എനിക്ക് മിലനം നടത്തണമെന്ന്. എന്നാല് വീട്ടിലേയ്ക്ക് പോയതിനുശേഷവും ഈ ലഹരിയുണ്ടോ എന്ന് ആദ്യം നോക്കൂ? നിശ്ചയബുദ്ധിയായി തന്നെയിരിക്കുന്നുണ്ടോ? ഓര്മ്മ വന്നുകൊണ്ടേയിരിക്കണം, കത്ത് എഴുതികൊണ്ടിരിക്കണം, അങ്ങ് ഞങ്ങളുടെ സത്യമായ അച്ഛനാണ്, അങ്ങയില് നിന്നും ഉയര്ന്ന സമ്പത്ത് ലഭിക്കുന്നു, ഞങ്ങള്ക്ക് അങ്ങയെ കാണാതിരിക്കാന് കഴിയില്ല. വിവാഹ നിശ്ചയത്തിനുശേഷം കണ്ടുമുട്ടുമല്ലോ. വിവാഹ നിശ്ചയത്തിനുശേഷം കാണാനുളള വ്യാകുലതയായിരിക്കും. നിങ്ങള്ക്ക് അറിയാം നമ്മുടെ പരിധിയില്ലാത്ത അച്ഛന് ടീച്ചറും പ്രയിതമനും സര്വ്വതുമാണ്. ബാക്കി എല്ലാവരില് നിന്നും ദുഃഖം മാത്രമേ ലഭിക്കൂ അതിനു പകരമായി ബാബ സുഖം നല്കുന്നു. അവിടെയും എല്ലാവരും സുഖമാണ് നല്കുക. ഈ സമയം നിങ്ങള് സുഖത്തിന്റെ സംബന്ധത്തില് ബന്ധിതരാണ്.

ഇത് പുരുഷോത്തമനാകുന്നതിനുള്ള പുരുഷോത്തമ യുഗമാണ്. മുഖ്യമായ കാര്യമിതാണ്- സ്വയം ആത്മാവാണെന്ന് മനസ്സിലാക്കി അച്ഛനെ സ്നേഹത്തോടെ ഓര്മ്മിക്കണം. ഓര്മ്മയിലൂടെ സന്തോഷത്തിന്റെ അതിര് വര്ദ്ധിക്കുന്നു. നമ്മളാണ് ഏറ്റവും കൂടുതല് ഭക്തി ചെയ്തത്. ഒരുപാട് ബുദ്ധിമുട്ടുകള് അനുഭവിച്ചു. ഇപ്പോള് തിരിച്ച് കൂട്ടിക്കൊണ്ടുപോകാന് അച്ഛന് വന്നിരിക്കുകയാണ് അതിനാല് തീര്ച്ചയായും പാവനമായി മാറണം. ദൈവീക ഗുണങ്ങള് ധാരണ ചെയ്യണം. കണക്കു വെക്കണം- മുഴുവന് ദിവസത്തില് എത്രപേര്ക്ക് അച്ഛന്റെ പരിചയം നല്കി? അച്ഛന്റെ പരിചയം നല്കാതെ സുഖം തോന്നില്ല.വ്യാകുലപ്പെട്ടുകൊണ്ടിരിക്കും. യജ്ഞത്തില് ഒരുപാട് വിഘ്നങ്ങളും ഉണ്ടാകുന്നുണ്ട്, അടി കൊളേളണ്ടിവരുന്നു. മറ്റൊരു സത്സംഗത്തിലും പവിത്രതയുടെ നിബന്ധനയില്ല. ഇവിടെ നിങ്ങള് പവിത്രമായി മാറുകയാണ് അതിനാല് അസുരന്മാര് വിഘ്നം സൃഷ്ടിക്കുന്നു. പാവനമായി മാറി വീട്ടിലേയ്ക്ക് പോകണം. ആത്മാവാണ് സംസ്ക്കാരം കൊണ്ട് പോകുന്നത്. യുദ്ധത്തിന്റെ മൈതാനത്തില് വെച്ച് മരണമടഞ്ഞാല് സ്വര്ഗ്ഗത്തിലെത്തും എന്നു കരുതുന്നു അതിനാല് സന്തോഷത്തോടെ യുദ്ധത്തിനു പോകുന്നു. നിങ്ങളുടെ അടുത്തേയ്ക്ക് കമാന്ഡര്, മേജര്, ഭടന്മാര് മുതലായ എല്ലാവരും വരുന്നുണ്ട്. സ്വര്ഗ്ഗത്തിലേയ്ക്ക് എങ്ങനെ പോകാന് കഴിയും? യുദ്ധമൈതാനത്തിലും മിത്രസംബന്ധികളെ ഓര്മ്മവരുന്നു. ഇപ്പോള് അച്ഛന് മനസ്സിലാക്കിത്തരുന്നു എല്ലാവര്ക്കും തിരിച്ച് പോകണം. സ്വയം ആത്മാവാണെന്ന് മനസ്സിലാക്കു, പരസ്പരം ആത്മീയ സഹോദരങ്ങളാണെന്ന് കരുതൂ. അച്ഛനെ ഓര്മ്മിക്കു. ആര് എത്രത്തോളം പുരുഷാര്ത്ഥം ചെയ്യുന്നുവോ അത്രയും ഉയര്ന്ന പദവി നേടും. മനുഷ്യര് പറയുന്നുണ്ട് നമ്മള് എല്ലാവരും സഹോദരങ്ങളാണ്. പക്ഷേ ഇതിന്റെ അര്ത്ഥം അറിയുന്നില്ല. അച്ഛനേയും അറിയുന്നില്ല നമ്മള് നിഷ്കാമ സേവനം ചെയ്യുകയാണ് എന്നതും ആളുകള് മനസ്സിലാക്കുന്നില്ല. നമ്മുക്ക് ഫലത്തിന്റെ ഇച്ഛയില്ല. പക്ഷേ ഫലം തീര്ച്ചയായും ലഭിക്കും. നിഷ്കാമ സേവനം ചെയ്യുന്നത് ഒരേ ഒരു ബാബയാണ്. കുട്ടികള്ക്ക് അറിയാം അച്ഛനെ വളരെ അധികം ആക്ഷേപിച്ചിട്ടുണ്ട്. ദേവതകളുടെ ഗ്ലാനിയും ചെയ്തിട്ടുണ്ട്. ഇപ്പോള് ദേവതകള്ക്ക് ഒരു ഹിംസയും ചെയ്യാന് കഴിയില്ല. ഇവിടെ നിങ്ങള് ഡബിള് അഹിംസകരായി മാറുകയാണ്. കാമകഠാരി പ്രയോഗിക്കരുത്, ക്രോധിക്കരുത്. ക്രോധവും വലിയ വികാരമാണ്. കുട്ടികളോട് വളരെയധികം ക്രോധിച്ചു എന്നു പറയാറുണ്ട്. അച്ഛന് മനസ്സിലാക്കിത്തരുന്നു ഒരിയ്ക്കലും അവരെ അടിക്കരുത്. അവരും സഹോദരനാണ്, അവരിലും ആത്മാവുണ്ട്. ആത്മാവ് വലുതോ ചെറുതോ ആവില്ല. ഇത് കുട്ടിയല്ല നിങ്ങളുടെ ചെറിയ സഹോദരനാണ്. ആത്മാവാണെന്നു കരുതണം. ചെറിയ സഹോദരനെ അടിയ്ക്കാന് പാടില്ല അതിനാലാണ് കൃഷ്ണനെ ഉരലില് കെട്ടിയിട്ടതായി കാണിക്കുന്നത്. വാസ്തവത്തില് ഇങ്ങനെയുള്ള കാര്യങ്ങളേയില്ല. ഇതെല്ലാം വ്യത്യസ്തമായ പഠനമാണ്. വാസ്തവത്തില് കൃഷ്ണന് വെണ്ണയോട് കൊതി തോന്നേണ്ട ആവശ്യമെന്താണ്. അവര് വെണ്ണകട്ടുവെന്ന് തലകീഴായ മഹിമയാണ് പാടുന്നത്. നിങ്ങള് പറയുന്നത് ശരിയായ മഹിമകളാണ്, നിങ്ങള് പറയും അവര് സര്വ്വഗുണ സമ്പന്നനാണ്, 16 കലാ സമ്പൂര്ണ്ണനാണ്. പക്ഷേ ഈ ഗ്ലാനിയും ഡ്രാമയില് ഉള്ളതാണ്. ഇപ്പോള് എല്ലാവരും തമോപ്രധാനമായിരിക്കുകയാണ്. അച്ഛന് വന്ന് സതോപ്രധാനമാക്കി മാറ്റുകയാണ്. പരിധിയില്ലാത്ത അച്ഛനാണ് പഠിപ്പിക്കുന്നത്. ബാബയുടെ മതമനുസരിച്ച് നടക്കണം. ഇതാണ് കഠിനത്തിലും കഠിനമായ വിഷയം. നിങ്ങള് നേടുന്ന പദവിയും എത്ര ഉയര്ന്നതാണ്. അഥവാ ഇത് സഹജമായിരുന്നെങ്കില് എല്ലാവരും ഈ പരീക്ഷയില് മുഴുകിയേനേ. ഇതില് വളരെയധികം പരിശ്രമമുണ്ട്. ദേഹാഭിമാനം വന്നാല് വികര്മ്മമുണ്ടാകും ഇതിന് ദൃഷ്ടാന്തമാണ് തൊട്ടാവാടി. അച്ഛനെ ഓര്മ്മിക്കുന്നതിലൂടെ നിങ്ങള് എഴുന്നേറ്റ് നില്ക്കുന്നു. മറക്കുന്നതിലൂടെ എന്തെങ്കിലും എന്തെങ്കിലും തെറ്റുകള് സംഭവിക്കുന്നു. പദവിയും കുറഞ്ഞുപോകും. ജ്ഞാനം എല്ലാവര്ക്കും നല്കിയിട്ടുണ്ട്, ഇതാണ് പിന്നീട് ഗീതയായത്. ഗരുഢപുരാണത്തില് ഭയാനകമായ കാര്യങ്ങള് എഴുതിയിട്ടുണ്ട് മനുഷ്യര് ഭയപ്പെടാന് വേണ്ടി. രാവണരാജ്യത്തില് പാപം ഉണ്ടാകുകതന്നെ ചെയ്യും എന്തുകൊണ്ടെന്നാല് ഇത് തീര്ത്തും മുള്ളുകളുടെ കാടാണ്. അച്ഛന് പറയുന്നു ദൃഷ്ടിയേയും പരിവര്ത്തനപ്പെടുത്തണം. ഒരുപാടുകാലം വീണുകിടക്കുകയായിരുന്നു അതിനാല് ശരീരത്തോട് സ്നേഹം തോന്നുന്നു. വിനാശിയായ വസ്തുക്കളോട് സ്നേഹം വെച്ചിട്ട് എന്താണ് പ്രയോജനം? അവിനാശിയുമായി സ്നേഹം വെയ്ക്കുന്നതിലൂടെ അവിനാശിയായിത്തീരുന്നു. കുട്ടികള്ക്കുള്ള നിര്ദ്ദേശമിതാണ്- ഇരിക്കുമ്പോഴും എഴുന്നേല്ക്കുമ്പോഴും നടക്കുമ്പോഴും ചുറ്റിക്കറങ്ങുമ്പോഴും അച്ഛനെ ഓര്മ്മിക്കൂ. ശരി!

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. ശരീരം വിനാശിയാണ്, അതിനോടുള്ള സ്നേഹത്തെ ഇല്ലാതാക്കി അവിനാശിയായ അത്മാവുമായി സ്നേഹം വെയ്ക്കണം. അവിനാശിയായ അച്ഛനെ ഓര്മ്മിക്കണം. ആത്മാക്കള് സഹോദരങ്ങളാണ്, ഞാന് ആത്മീയ സഹോദരനോട് സംസാരിക്കുകയാണ്- ഈ അഭ്യാസം ചെയ്യണം.

2. വായിലൂടെ ഒരിയ്ക്കലും ഒരു തലകീഴായ വാക്കുകളും വരാത്ത രീതിയില് വിചാര സാഗര മഥനം ചെയ്ത് ഉയര്ന്ന അവസ്ഥയുണ്ടാക്കണം. ഓരോ ചുവടിലും തന്റെ കണക്ക് പരിശോധിക്കണം.

വരദാനം :-
ഈശ്വരീയ സംഗത്തിലിരുന്ന് തലകീഴായ സംഗത്തിന്റെ ആക്രമണത്തില് നിന്നും രക്ഷ നേടുന്ന സദാ കാലത്തെ സത്സംഗിയായി ഭവിയ്ക്കട്ടെ.

എങ്ങനെയുളള മോശമായ സംഗമായാലും താങ്കളുടെ ശ്രേഷ്ഠ സംഗം അതിനു മുന്നില് പല മടങ്ങ് ശക്തിശാലിയാണ്. ഈശ്വരീയ സംഗത്തിനു മുന്നില് മറ്റേ സംഗം ഒന്നും തന്നെയല്ല. അത് ദുര്ബലമാണ്. എന്നാല് സ്വയം എപ്പോഴാണോ ദുര്ബലമാകുന്നത് അപ്പോഴാണ് തലകീഴായ സംഗത്തിന്റെ ആക്രമണമുണ്ടാകുന്നത്. ആരാണോ സദാ ഒരു ബാബയുടെ സംഗത്തിലിരിക്കുന്നത്, അതായത് സദാ കാലത്തെ സത്സംഗികള് അവര്ക്ക് മറ്റാരുടെയും കൂട്ടുകെട്ടിന്റെ പ്രഭാവത്തിലേക്ക് വരാന് സാധിക്കില്ല. വ്യര്ത്ഥ കാര്യങ്ങള്, വ്യര്ത്ഥ സംഗം അതായത് കുസംഗം അവരെ ആകര്ഷിക്കില്ല.

സ്ലോഗന് :-
മോശമായതിനെപ്പോലും നല്ലതിലേക്ക് പരിവര്ത്തനപ്പെടുത്തുന്നവര്ക്കു മാത്രമേ പ്രസന്ന ചിത്തരായിരിക്കുവാന് സാധിക്കൂ.