13.02.2020           Morning Malayalam Murli       Om Shanti           BapDada Madhuban


മധുരമായകുട്ടികളേ - ശാന്തിവേണമെങ്കില്അശരീരിയായിമാറൂ, ഈദേഹ-ബോധത്തിലേക്ക്വരുന്നതിലൂടെയാണ്അശാന്തിയുണ്ടാകുന്നത്, അതുകൊണ്ട്തന്റെസ്വധര്മ്മത്തില്സ്ഥിതിചെയ്യൂ.

ചോദ്യം :-
യഥാര്ത്ഥമായ ഓര്മ്മ എന്താണ്? ഓര്മ്മിക്കുന്ന സമയത്ത് ഏതൊരു കാര്യത്തിലാണ് വിശേഷിച്ചും ശ്രദ്ധിക്കേണ്ടത്?

ഉത്തരം :-
സ്വയം തന്നെ ഈ ദേഹത്തില് നിന്നും വേറിട്ട ആത്മാവാണെന്നു മനസ്സിലാക്കി ബാബയെ ഓര്മ്മിക്കണം - ഇതാണ് യഥാര്ത്ഥമായ ഓര്മ്മ. ഏതൊരു ദേഹത്തെയും ഓര്മ്മിക്കരുത്. ഈ കാര്യത്തില് തീര്ച്ചയായും ശ്രദ്ധ വെക്കണം. ഓര്മ്മയിലിരിക്കുന്നതിനായി ജ്ഞാനത്തിന്റെ ലഹരിയുണ്ടായിരിക്കണം. ബുദ്ധിയിലുണ്ടായിരിക്കണം ബാബ നമ്മെ മുഴുവന് വിശ്വത്തിന്റെയും അധികാരിയാക്കി മാറ്റുകയാണ്. നമ്മള് മുഴുവന് സമുദ്രത്തിന്റെയും, മുഴുവന് ഭൂമിയുടെയും അധികാരിയായിത്തീരുന്നു.

ഗീതം :-
അങ്ങയെ നേടിയ ഞങ്ങള്...

ഓംശാന്തി.
ഓം ശാന്തി എന്ന വാക്കിന്റെ അര്ത്ഥമാണ്, ഞാന് ആത്മാവ്. ഓം അര്ത്ഥം ഭഗവാനെന്നാണ് മനുഷ്യര് മനസ്സിലാക്കുന്നത്. എന്നാല് അങ്ങനെയല്ലല്ലോ. ഓം അര്ത്ഥം ഞാന് ആത്മാവ്. എന്റെ ശരീരം. അതുകൊണ്ടാണ് ഓം ശാന്തി എന്ന് പറയുന്നത്. ആത്മാവായ എന്റെ സ്വധര്മ്മമാണ് ശാന്തി. ആത്മാവ് തന്റെ പരിചയം നല്കുകയാണ്. മനുഷ്യര് ഓംശാന്തി എന്നു പറയുന്നുണ്ടെങ്കിലും ഓം എന്നതിന്റെ അര്ത്ഥം ആരും തന്നെ അറിയുന്നില്ല. ഓം ശാന്തി എന്ന അക്ഷരം വളരെ നല്ലതാണ്. ഞാന് ആത്മാവാണ്, എന്റെ സ്വധര്മ്മം ശാന്തിയാണ്. നമ്മള് ആത്മാക്കള് ശാന്തിധാമത്തില് വസിക്കുന്നവരാണ്. എത്ര ലളിതമായ അര്ത്ഥമാണ്. വലിച്ചു നീട്ടിയ അന്ധവിശ്വാസമൊന്നുമല്ല. ഈ സമയത്തെ മനുഷ്യര്ക്ക് ഇതു പഴയലോകമാണോ പുതിയലോകമാണോ എന്നതു പോലും അറിയുന്നില്ല. പുതിയലോകം എപ്പോള് പഴയതാകുന്നു, പഴയതു വീണ്ടും എപ്പോള് പുതിയതാകുന്നു എന്നൊന്നും തന്നെ അറിയുന്നില്ല. ആരോടെങ്കിലും നിങ്ങള് ഇതിനെക്കുറിച്ച് ചോദിച്ചാല് ആര്ക്കും പറയാന് സാധിക്കില്ല. ഇപ്പോള് കലിയുഗം പഴയലോകമാണ്. സത്യയുഗത്തെയാണ് പുതിയലോകം എന്നു പറയുന്നത്. ശരി എന്നാല് പുതിയതില് നിന്നും പഴയതായിത്തീരുവാന് എത്ര വര്ഷമെടുക്കുന്നു? ഇതും ആര്ക്കും അറിയില്ല. മനുഷ്യനായിട്ടും ഇതൊന്നും അറിയുന്നില്ല എങ്കില് മൃഗങ്ങളെക്കാളും മോശമെന്നേ പറയൂ. മൃഗങ്ങള് അവനവനുവേണ്ടി ഒന്നും ചെയ്യുന്നില്ലല്ലോ, മനുഷ്യര് പറയാറുണ്ട് ഞങ്ങള് പതിതരാണ്, പതിതപാവനാ വരൂ എന്ന്. പക്ഷേ ഭഗവാനെ അറിഞ്ഞിട്ടല്ല പറയുന്നത്. പാവനം എന്ന അക്ഷരം വളരെ നല്ലതാണ്. പാവനലോകം അര്ത്ഥം സ്വര്ഗ്ഗമാണ്, പുതിയലോകമാണ്. ദേവതകളുടെ ചിത്രമുണ്ടെങ്കിലും, ലക്ഷ്മിനാരായണന് പാവനലോകത്തിലെ അധികാരികളാണെന്നുളളത് ആരും അറിയുന്നില്ല. ഈ കാര്യങ്ങളെല്ലാം തന്നെ പരിധിയില്ലാത്ത അച്ഛനാണ് കുട്ടികള്ക്ക് മനസ്സിലാക്കിത്തരുന്നത്. പുതിയലോകം അര്ത്ഥം സ്വര്ഗ്ഗമാണ്. ദേവതകളെ സ്വര്ഗ്ഗവാസികളെന്നു പറയുന്നു. ഇപ്പോള് പഴയലോകമാണ്, നരകമാണ്. ഇവിടെയുളള മനുഷ്യര് നരകവാസികളാണ്. ആരെങ്കിലും മരിക്കുകയാണെങ്കില് പറയുന്നു സ്വര്ഗ്ഗവാസിയായിത്തീര്ന്നു, അപ്പോള് അതിനര്ത്ഥം ഇവിടെ നരകവാസികള് ആയിരുന്നു എന്നല്ലേ. കണക്കനുസരിച്ചു തന്നെ പറഞ്ഞുകൊടുക്കാം ഇത് നരകമാണെന്ന് പക്ഷേ അവരോട് നിങ്ങള് നരകവാസിയാണെന്നു പറഞ്ഞാല് അവര് പ്രശ്നങ്ങളുണ്ടാക്കും. ബാബ പറയുന്നു കാണാന് മനുഷ്യനെപ്പോലെയാണ്, മുഖം മനുഷ്യന്റെതാണ്, എന്നാല് സ്വഭാവം കുരങ്ങനെപ്പോലെയാണ്. മനുഷ്യന് സ്വയം ക്ഷേത്രങ്ങളില്പ്പോയി ദേവകതളുടെ മുന്നില് നിന്ന് പാടുന്നു - അങ്ങ് സര്വ്വഗുണസമ്പന്നനാണ്... തന്നെക്കുറിച്ച് പറയുന്നു ഞങ്ങള് പാപിയാണ് നീചനാണെന്ന്. എന്നാല് നേരിട്ട് പോയി നിങ്ങള് വികാരിയാണെന്നു പറയുകയാണെങ്കില് അവര് ദേഷ്യപ്പെടും. അതുകൊണ്ടാണ് ബാബ നിങ്ങള് കുട്ടികള്ക്കു മാത്രം മനസ്സിലാക്കിത്തരുന്നത്. പുറമെയുളളവരോട് ബാബ സംസാരിക്കുന്നില്ല കാരണം കലിയുഗി മനുഷ്യരാണ് നരകവാസികളാണ്. ഇപ്പോള് നിങ്ങള് സംഗമയുഗികളാണ്. നിങ്ങള് പവിത്രമായിക്കൊണ്ടിരിക്കുന്നു. നമ്മള് ബ്രാഹ്മണരെ ശിവബാബയാണ് പഠിപ്പിക്കുന്നത് എന്ന് അറിയാമല്ലോ. ബാബ പതിതപാവനനാണ്. നമ്മള് എല്ലാ ആത്മാക്കളെയും കൊണ്ടുപോകുന്നതിനായാണ് ബാബ വരുന്നത്. എത്ര ലളിതമായ കാര്യങ്ങളാണ്. ബാബ പറയുന്നു- കുട്ടികളേ, നിങ്ങള് ആത്മാക്കള് ശാന്തിധാമത്തില് നിന്നും പാര്ട്ട് അഭിനയിക്കാനായി വന്നിരിക്കുകയാണ്. ഈ ദുഃഖധാമത്തില് എല്ലാവരും ദുഃഖികളാണ് അതുകൊണ്ടാണ് പറയുന്നത് എങ്ങനെ മനസ്സിന് ശാന്തിയുണ്ടാകുമെന്ന്? ആത്മാവിന് എങ്ങനെ ശാന്തിയുണ്ടാകും എന്നല്ല പറയുന്നത്. നിങ്ങള് ഓം ശാന്തി എന്നല്ലേ പറയുന്നത്. എന്റെ സ്വധര്മ്മം ശാന്തിയാണ്. പിന്നീട് എന്തിനാണ് ശാന്തി യാചിക്കുന്നത്? സ്വയം ആത്മാവാണെന്നുളളത് മറന്ന് ദേഹാഭിമാനത്തിലേക്കു വരുന്നു. ആത്മാക്കള് ശാന്തിധാമത്തില് വസിക്കുന്നവരാണ്. ഇവിടെ ഒരിക്കലും ശാന്തി ലഭിക്കില്ല. അശരീരിയായാല് മാത്രമേ ശാന്തി ലഭിക്കൂ. ശരീരത്തോടൊപ്പം ആത്മാവുണ്ടെങ്കില് തീര്ച്ചയായും സംസാരിക്കേണ്ടി വരുന്നു, കര്മ്മങ്ങള് ചെയ്യേണ്ടതായി വരുന്നു. നമ്മള് ആത്മാക്കള് ശാന്തിധാമത്തില് നിന്നും ഇവിടെ പാര്ട്ട് അഭിനയിക്കാനായി വന്നിരിക്കുകയാണ്. രാവണനാണ് നമ്മുടെ ശത്രുവെന്നുള്ളത് ആര്ക്കും തന്നെ അറിയില്ല. എപ്പോള് മുതല് ഈ രാവണന് ശത്രുവായിമാറി? ഇതാരും അറിയുന്നില്ല. വലിയവലിയ വിദ്വാന്മാര്ക്ക് പണ്ഡിതന്മാര്ക്ക് പോലും രാവണന് ആരാണെന്നുളളത് അറിയില്ല. രാവണന്റെ കോലമുണ്ടാക്കി എല്ലാവരും കത്തിക്കുന്നുണ്ട്. ജന്മജന്മാന്തരം കത്തിച്ചു വന്നു. ഒന്നും അറിയാതെ. ആരോടു വേണമെങ്കിലും ചോദിക്കൂ രാവണന് ആരാണെന്ന്? അപ്പോള് പറയും അത് കല്പന മാത്രമാണ്. അറിയുന്നില്ലെങ്കില് പിന്നെന്ത് മറുപടി നല്കാനാണ്. ശാസ്ത്രങ്ങളിലും ഉണ്ടല്ലോ-അല്ലയോ രാമാ, ഈ ലോകം ഉണ്ടാക്കിയതല്ല, ഇതെല്ലാം ഒരു കല്പന മാത്രമാണ്. ഇങ്ങനെ പറയുന്നവര് ധാരാളമുണ്ട്. കല്പന എന്നതിന്റെ അര്ത്ഥമെന്താണ്? ഇത് സങ്കല്പങ്ങളുടെ ലോകമാണെന്ന് പറയാറുണ്ട്. എങ്ങനെ സങ്കല്പിക്കുന്നുവോ അതുപോലെയായിത്തീരുന്നു, ഇതിന്റെ അര്ത്ഥം മനസ്സിലാക്കുന്നില്ല. ബാബ കുട്ടികള്ക്ക് മനസ്സിലാക്കിത്തരുകയാണ്. ചിലര് നല്ല രീതിയില് മനസ്സിലാക്കുന്നു, ചിലര് ഒന്നും തന്നെ മനസ്സിലാക്കുന്നില്ല. നല്ല രീതിയില് മനസ്സിലാക്കുന്നവരെ ഒന്നാനമ്മയുടെ മക്കള് എന്നു പറയുന്നു. ഒന്നും തന്നെ മനസ്സിലാക്കാത്തവര് രണ്ടാനമ്മയുടെ മക്കളാണ്. രണ്ടാനമ്മയുടെ മക്കള്ക്ക് അവകാശിയായിത്തീരുവാന് സാധിക്കില്ല. ബാബയ്ക്കും ഈ രണ്ടുപ്രകാരത്തിലുളള കുട്ടികളാണുളളത്. ഒന്നാനമ്മയുടെ മക്കള് ബാബയുടെ ശ്രീമത്ത് പ്രകാരം പൂര്ണ്ണമായും മുന്നേറുന്നു. രണ്ടാനമ്മയുടെ മക്കള് ശ്രീമത്ത് പാലിക്കില്ല. ബാബയ്ക്കും പറയാന് സാധിക്കുന്നു ഈ കുട്ടി എന്റെ മതം പാലിക്കുന്നില്ല രാവണന്റെ മതമാണ് പാലിക്കുന്നതെന്ന്. രാമന് രാവണന് രണ്ടക്ഷരമാണ്. രാമരാജ്യം രാവണരാജ്യം. ഇപ്പോള് സംഗമമാണ്. ബാബ മനസ്സിലാക്കിത്തരുന്നു- ഈ ബ്രഹ്മാകുമാര്-കുമാരിമാരെല്ലാവരും ശിവബാബയില് നിന്നും സമ്പത്ത് എടുത്തുകൊണ്ടിരിക്കുകയാണ്, നിങ്ങളും എടുക്കില്ലേ? ശ്രീമത പ്രകാരം മുന്നേറില്ലേ? അപ്പോള് ആരുടെ മതമാണെന്ന് ചോദിക്കുന്നു? ബാബ നല്കുന്ന ശ്രീമതമാണ് പവിത്രമായിത്തീരൂ. അപ്പോള് പറയുന്നു ഞങ്ങള്ക്ക് പവിത്രമായിരിക്കണം, എന്നാല് പതി അംഗീകരിക്കുന്നില്ലെങ്കില് ഞങ്ങള് എന്തുചെയ്യും? പതിപരമേശ്വരന് എന്നല്ലേ പറയുന്നത്. നമ്മുടെ പതി, ഗുരു സര്വ്വതുമാണ് ഈശ്വരനെന്ന് ഭാരതത്തില് പഠിപ്പിക്കുന്നുണ്ട്. എന്നാല് അങ്ങനെയൊന്നും ആരും അംഗീകരിക്കുന്നില്ല, ആ സമയത്തു മാത്രം ശരി എന്നു പറയുന്നു. വീണ്ടും ക്ഷേത്രങ്ങളില് ഗുരുക്കന്മാരുടെ അടുത്തേക്ക് പോകുന്നു. പതി പത്നിമാരോട് പറയുന്നു നിങ്ങള് പുറമെ പോയി അലയരുത് ഞങ്ങള് രാമന്റെ മൂര്ത്തി നിങ്ങള്ക്ക് വീട്ടിലേക്ക് കൊണ്ടുവന്നു തരാം, നിങ്ങള് എന്തിനാണ് അയോധ്യയിലെല്ലാം പോയി അലയുന്നത്? എന്നാല് അംഗീകരിക്കുന്നില്ല. ഇതാണ് ഭക്തി മാര്ഗ്ഗത്തിലെ അലച്ചില്. അവര് തീര്ച്ചയായുയും അതനുഭവിക്കും അംഗീകരിക്കുകയില്ല. അവര് ഒരിക്കലും നമ്മള് പറയുന്ന കാര്യങ്ങള് അംഗീകരിക്കുകയില്ല. അതവരുടെ ക്ഷേത്രങ്ങളാണെന്ന് മനസ്സിലാക്കുന്നു. നോക്കൂ, നിങ്ങള്ക്ക് രാമനെയാണോ ഓര്മ്മിക്കേണ്ടത് അതോ ക്ഷേത്രത്തെയാണോ ഓര്മ്മിക്കേണ്ടത്? എന്നാല് മനസ്സിലാക്കുന്നില്ല. ബാബ മനസ്സിലാക്കിത്തരുന്നു ഭക്തീമാര്ഗ്ഗത്തില് അല്ലെയോ ഭഗവാനേ വന്ന് ഞങ്ങളുടെ സദ്ഗതി ചെയ്യൂ എന്നു വിളിക്കുന്നുണ്ട്. കാരണം ബാബയാണ് സര്വ്വരുടെയും സദ്ഗതി ദാതാവ്. ശരി ആ ഭഗവാന് എപ്പോഴാണ് വരുന്നത് - ഇതാര്ക്കും അറിയില്ല.

ബാബ മനസ്സിലാക്കിത്തരുന്നു രാവണനാണ് നിങ്ങളുടെ ശത്രു. രാവണന്റെ ഏറ്റവും വലിയ അത്ഭുതമാണ് വര്ഷം തോറും കത്തിക്കുന്നുണ്ടെങ്കിലും രാവണന് മരിക്കുന്നില്ല. രാവണന് എന്താണ് എന്നുള്ളതുപോലും ആര്ക്കും അറിയില്ല. ഇപ്പോള് നിങ്ങള് കുട്ടികള്ക്ക് അറിയാം നമുക്ക് പരിധിയില്ലാത്ത അച്ഛനില് നിന്നും സമ്പത്ത് ലഭിക്കുന്നു. ശിവജയന്തി ആഘോഷിക്കുന്നുണ്ടെങ്കിലും ശിവനെ ആര്ക്കും അറിയില്ല. ശിവനാണ് ഭഗവാന് എന്നുള്ളത് ഗവണ്മെന്റിനു പോലും നിങ്ങള് മനസ്സിലാക്കിക്കൊടുക്കണം. ശിവബാബ തന്നെയാണ് കല്പ്പ കല്പ്പം വന്ന് ഭാരതത്തെ നരകവാസിയില് നിന്നും സ്വര്ഗ്ഗവാസി അതായത് യാചകനില് നിന്നും രാജകുമാരനാക്കി മാറ്റുന്നത്. ബാബ പതീതത്തില് നിന്നും പാവനമാക്കിമാറ്റുന്നു. ബാബ തന്നെയാണ് സര്വ്വരുടേയും സദ്ഗതി ദാതാവ്. ഈ സമയം എല്ലാ മനുഷ്യാത്മാക്കളും ഇവിടെത്തന്നെയുണ്ട്. ക്രിസ്തുവിന്റെ ആത്മാവും ഏതെങ്കിലും ജന്മം എടുത്തിട്ടുണ്ടാവും. ആര്ക്കും തിരിച്ച് വീട്ടിലേക്ക് പോകാന് സാധിക്കില്ല. ഇവരെല്ലാവരുടെയും സദ്ഗതി ചെയ്യുന്നത് എറ്റവും ഉയര്ന്ന ഒരേയൊരു ബാബയാണ്. ബാബ വരുന്നത് ഭാരതഭൂമിയിലാണ്. വാസ്തവത്തില് സദ്ഗതി നല്കുന്ന ബാബയുടെ ഭക്തി തന്നെയാണ് ചെയ്യേണ്ടതും. ആ നിരാകാരനായ പിതാവിനെ എപ്പോഴും മുകളിലാണെന്ന് മനസ്സിലാക്കിയാണ് ഓര്മ്മിക്കുന്നത്. കാരണം ബാബ വസിക്കുന്നത് ഇവിടെയല്ലല്ലോ. കൃഷ്ണന് മുകളില് ഉണ്ടെന്ന് ആരും മനസ്സിലാക്കില്ല. മറ്റെല്ലാ ദേവീദേവതകളെയും താഴെ ഭൂമിയില് വസിച്ചവരാണെന്ന് മനസ്സിലാക്കിയാണ് ഓര്മ്മിക്കുന്നത്. കൃഷ്ണനും ഇവിടെ ജീവിച്ചതാണെന്ന് മനസ്സിലാക്കിയാണ് ഓര്മ്മിക്കുന്നത്. നിങ്ങള് കുട്ടികളുടെ ഓര്മ്മയാണ് യഥാര്ത്ഥ ഓര്മ്മ. നിങ്ങള് സ്വയം തന്നെ ഈ ദേഹത്തില് നിന്നും വേറിട്ട ആത്മാവാണെന്ന് മനസ്സിലാക്കിയാണ് ബാബയെ ഓര്മ്മിക്കുന്നത്. ബാബ പറയുന്നു നിങ്ങള്ക്ക് ഏതൊരു ദേഹത്തെയും ഓര്മ്മ വരരുത്. ഈ കാര്യത്തില് തീര്ച്ചയായും ശ്രദ്ധിക്കണം. നിങ്ങള് സ്വയം തന്നെ ആത്മാവാണെന് മനസ്സിലാക്കി ബാബയെ ഓര്മ്മിക്കൂ. ബാബ നമ്മെ മുഴുവന് വിശ്വത്തിന്റെയും അധികാരിയാക്കി മാറ്റുന്നു. മുഴുവന് സമുദ്രത്തിന്റെയും, ആകാശത്തിന്റെയും, ഭൂമിയുടെയും അധികാരിയാക്കി മാറ്റുന്നു. ഇപ്പോള് എല്ലാം തുണ്ടുതുണ്ടായി മുറിഞ്ഞിരിക്കുകയാണ്. മറ്റുള്ളവരുടെ പരിധിയിലേക്ക് കയറാന് അനുവദിക്കുന്നില്ല. സത്യയുഗത്തില് ഇങ്ങനെയുള്ള കാര്യങ്ങളൊന്നും ഉണ്ടാകുകയില്ല. ഒരേയൊരു ബാബ തന്നെയാണ് ഭഗവാന്. അല്ലാതെ എല്ലാവരെയും ഭഗവാന് എന്നു പറയില്ല. ഹിന്ദു-ചൈന ഭയി-ഭായി, ഹിന്ദു-മുസ്ലീം ഭായി-ഭായി എന്ന് പറയുന്നു. എന്നാല് അര്ത്ഥം മനസ്സിലാക്കുന്നില്ല. ഹിന്ദു-മുസ്ലീം സഹോദരീ-സഹോദരന് എന്ന് ഒരിക്കലും പറയില്ല. ആത്മാക്കള് പരസ്പരം സഹോദരങ്ങളാണ്. എന്നാല് ഈ കാര്യത്തെക്കുറിച്ച് ആരും അറിയുന്നില്ല. ശാസ്ത്രങ്ങളെല്ലാം കേട്ട് സത്യമാണ് സത്യമാണ് എന്നു പറഞ്ഞുകൊണ്ടിരിക്കുന്നു, അര്ത്ഥമൊന്നും തന്നെ മനസ്സിലാക്കിയിട്ടല്ല. വാസ്തവത്തില് എല്ലാം അസത്യമാണ്. സത്യഖണ്ഡത്തില് സത്യം മാത്രമേ പറയൂ. ഇവിടെ അസത്യം മാത്രമാണ് പറയുന്നത്. നിങ്ങള് ആരോടെങ്കിലും അസത്യമല്ലേ പറഞ്ഞത് എന്ന് ചോദിച്ചാല് അവര് ദേഷ്യപ്പെടും. നിങ്ങള് സത്യം കേള്പ്പിച്ചാല്പ്പോലും മറ്റുള്ളവര് നിങ്ങളെ ആക്ഷേപിക്കും. നിങ്ങള് ബ്രാഹ്മണര്ക്കു മാത്രമേ ബാബയെക്കുറിച്ച് അറിയൂ. നിങ്ങള് കുട്ടികള് ഇപ്പോള് ദൈവീക ഗുണങ്ങള് ധാരണ ചെയ്യുകയാണ്. ഇപ്പോള് പഞ്ചതത്വങ്ങളും തമോപ്രധാനമാണ് എന്ന് നിങ്ങള്ക്കറിയാം. ഇന്നത്തെ മനുഷ്യര് ഭൂതപൂജയും ചെയ്യുന്നുണ്ട്. ഭൂതങ്ങളെത്തന്നെയാണ് (ശരീരം) തന്നെയാണ് ഓര്മ്മിച്ചുകൊണ്ടിരിക്കുന്നത് . ബാബ പറയുന്നു സ്വയം തന്നെ ആത്മാവാണെന്ന് മനസ്സിലാക്കി എന്നെ ഓര്മ്മിക്കൂ. ഭൂതങ്ങളെ ഓര്മ്മിക്കരുത്. ഗൃഹസ്ഥവ്യവഹാരത്തിലിരുന്നും ബുദ്ധിയോഗം ബാബയോടൊപ്പം വയ്ക്കണം. ഇപ്പോള് ദേഹീ അഭിമാനിയായി മാറണം. എത്രത്തോളം ബാബയെ ഓര്മ്മിക്കുന്നുവോ വികര്മ്മം നശിക്കുന്നു. ജ്ഞാനത്തിന്റെ മൂന്നാമത്തെ നേത്രമാണ് നിങ്ങള്ക്ക് ലഭിക്കുന്നത്.

ഇപ്പോള് നിങ്ങള്ക്ക് വികര്മ്മാജീത്തായി മാറണം. സത്യയുഗത്തില് വികര്മ്മാജീത്ത് കാലഘട്ടമാണ്. നിങ്ങള് യോഗബലത്തിലൂടെ വികര്മ്മത്തിനുമേല് വിജയം പ്രാപ്തമാക്കുന്നു. ഭാരതത്തിലെ യോഗം പ്രശസ്തമാണ്. എന്നാല് മനുഷ്യര്ക്ക് ഇതിന്റെ മഹത്വത്തെക്കുറിച്ച് അറിയില്ല. സന്യാസിമാര് വിദേശത്ത് പോയി ഭാരതത്തിലെ പ്രാചീന രാജയോഗം പഠിപ്പിച്ചുതരാം എന്നു പറയുന്നുണ്ട്. എന്നാല് സന്യാസിമാര് ഹഠയോഗികളാണെന്നുള്ളത് അവര്ക്കറിയില്ല. സന്യാസിമാര്ക്കൊരിക്കലും രാജയോഗം പഠിപ്പിക്കാന് സാധിക്കില്ല. നിങ്ങള് രാജഋഷികളാണ്. അവര് പരിധിയുള്ള സന്യാസിമാരാണ്, നിങ്ങള് പരിധിയില്ലാത്ത സന്യാസിമാരും. രാത്രിയുടെയും പകലിന്റെയും വ്യത്യാസമാണ്. നിങ്ങള് ബ്രാഹ്മണര്ക്കല്ലാതെ മറ്റാര്ക്കും തന്നെ രാജയോഗം പഠിപ്പിച്ചുകൊടുക്കാന് സാധിക്കില്ല. ഇതെല്ലാം പുതിയ കാര്യങ്ങളാണ്. പുതിയവര്ക്കൊന്നും ഈ കാര്യങ്ങള് മനസ്സിലാക്കാന് സാധിക്കില്ല. അതുകൊണ്ടാണ് പുതിയവരെ മധുബനിലേക്ക് പ്രവേശിക്കാന് അനുവദിക്കാത്തത്. ഇത് ഇന്ദ്രസഭയല്ലേ. ഈ സമയം എല്ലാവരും കല്ലുബുദ്ധികളാണ് . സത്യയുഗത്തില് നിങ്ങള് പവിഴബുദ്ധികളാകുന്നു. ഇപ്പോള് രണ്ടിന്റേയും സംഗമമാണ്. കല്ലില് നിന്നും പവിഴത്തിനു സമാനമാക്കി മാറ്റാന് ബാബക്കല്ലാതെ മറ്റാര്ക്കും സാധിക്കില്ല. നിങ്ങള് പവിഴബുദ്ധിയായിത്തീരാനാണ് ഇവിടേക്ക് വന്നിരിക്കുന്നത്. ഭാരതം ആദ്യം സ്വര്ണ്ണ പക്ഷിക്ക് സമാനമായിരുന്നില്ലേ. ഈ ലക്ഷ്മീനാരായണനായിരുന്നു വിശ്വത്തിന്റെ അധികാരികള്. ലക്ഷ്മീനാരായണന്മാര് എപ്പോഴാണ് രാജ്യം ഭരിച്ചിരുന്നത് എന്നതുപോലും ആരും അറിയുന്നില്ല. ഇന്നേക്ക് അയ്യായിരം വര്ഷം മുന്പ് ഇവരുടെ രാജ്യമായിരുന്നു ഉണ്ടായിരുന്നത്. പിന്നീട് എവിടെപ്പോയി? നിങ്ങള്ക്ക് ഇതിനെക്കുറിച്ച് പറയാന് സാധിക്കും ഇവരിപ്പോള് 84 ജന്മം എടുത്തുകഴിഞ്ഞു. ഇപ്പോള് ഇവരുടെ ആത്മാക്കള് തമോപ്രധാനമായിരിക്കുകയാണ്. ഇപ്പോള് വീണ്ടും ബാബയിലൂടെ സതോ പ്രധാനമായിക്കൊണ്ടിരിക്കുകയാണ്, തതത്ത്വം. ഈ ജ്ഞാനം ബാബയ്ക്കല്ലാതെ മറ്റൊരു സാധു സന്യാസിമാര്ക്കും നല്കാന് സാധിക്കില്ല. അത് ഭക്തീമാര്ഗ്ഗമാണ്, ഇത് ജ്ഞാനമാര്ഗ്ഗമാണ്. നിങ്ങള് കുട്ടികളുടെ പക്കലുള്ള നല്ലനല്ല ഗീതങ്ങള് കേള്ക്കുകയാണെങ്കില് രോമാഞ്ചമുണ്ടാകും. സന്തോഷത്തിന്റെ രസം പൂര്ണ്ണമായും ഉയരും. അതിനുശേഷവും ആ ലഹരി സ്ഥിരമായി നിലനില്ക്കണം. ഇതാണ് ജ്ഞാനാമൃതം. മറ്റുള്ള മനുഷ്യര് മദ്യം കഴിക്കുമ്പോള് അതിന്റെ ലഹരി ഉണ്ടാകുന്നു. ഇവിടെ ജ്ഞാനാമൃതം കുടിക്കുമ്പോഴുണ്ടാകുന്ന ലഹരിയാണ്. നിങ്ങളുടെ ലഹരി ഒരിക്കലും കുറയരുത്. അത് വര്ദ്ധിച്ചുകൊണ്ടേയിരിക്കണം. നിങ്ങള് ഈ ലക്ഷ്മീനാരായണനെക്കണ്ട് വളരെയധികം സന്തോഷിക്കുകയാണ്. നിങ്ങള്ക്കറിയാം നമ്മളും ഇവരെപ്പോലെ ശ്രീമതമനുസരിച്ച് ശ്രേഷ്ഠാചാരി ആയിക്കൊണ്ടിരിക്കുകയാണ്. ബ്രഹ്മാബാബയെ കണ്ടുകൊണ്ടും ബുദ്ധിയോഗം ബാബയിലും സമ്പത്തിലും മുഴുകിയിരിക്കണം. ശരി!

വളരെക്കാലത്തെ വേര്പാടിനുശേഷം തിരികെ കിട്ടിയ മധുരമധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയകുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) വികര്മ്മാജീത്ത് ആയി മാറുന്നതിനു വേണ്ടി യോഗബലത്തിലൂടെ വികര്മ്മങ്ങള്ക്കു മേല് വിജയം നേടണം. ഇവിടെ കണ്ടുകൊണ്ടും ബുദ്ധിയോഗം ബാബയിലും സമ്പത്തിലുമായിരിക്കണം.

2) ബാബയുടെ സമ്പത്തിന്റെ പൂര്ണ്ണ അധികാരം പ്രാപ്തമാക്കുന്നതിനുവേണ്ടി ഒന്നാനമ്മയുടെ കുട്ടികളായി മാറണം. ഒരേയൊരു ബാബയുടെ ശ്രീമതം പാലിക്കണം. ബാബ എന്താണോ മനസ്സിലാക്കിത്തരുന്നത് അത് മനസ്സിലാക്കിയതിനു ശേഷം മറ്റുള്ളവര്ക്കും മനസ്സിലാക്കി കൊടുക്കണം.

വരദാനം :-
സമ്പൂര്ണ്ണതയുടെ പ്രകാശത്തിലൂടെ അജ്ഞാനത്തിന്റെ മറ നീക്കം ചെയ്യുന്ന സെര്ച്ച് ലൈറ്റായി ഭവിക്കൂ

ഇപ്പോള് പ്രത്യക്ഷതയുടെ സമയം സമീപം വന്നുകൊണ്ടിരിക്കുകയാണ് അതുകൊണ്ട് അന്തര്മുഖിയായി ഗുഹ്യ അനുഭവങ്ങളുടെ രത്നങ്ങളാല് സ്വയത്തെ സമ്പന്നമാക്കൂ, ഇങ്ങനെയുള്ള സെര്ച്ച് ലൈറ്റാകൂ, താങ്കളുടെ സമ്പൂര്ണ്ണതയുടെ പ്രകാശത്തിലൂടെ അജ്ഞാനത്തിന്റെ മറ ഇല്ലാതാകണം. എന്തുകൊണ്ടെന്നാല് താങ്കള് ഭൂമിയിലെ നക്ഷത്രങ്ങള് ഈ വിശ്വത്തെ ഇളക്കങ്ങളില് നിന്ന് രക്ഷിച്ച് സുഖമയ ലോകം, സ്വര്ണ്ണിമ ലോകം നിര്മ്മിക്കുന്നവരാണ്. താങ്കള് പുരുഷോത്തമ ആത്മാക്കള് വിശ്വത്തിന് സുഖ-ശാന്തിയുടെ ശ്വാസം നല്കുന്നതിന് നിമിത്തമാണ്.

സ്ലോഗന് :-
മായയുടെയും പ്രകൃതിയുടെയും ആകര്ഷണത്തില് നിന്ന് ദൂരെ കഴിയൂ എങ്കില് സദാ ഹര്ഷിതമായിരിക്കും.