13.04.19           Morning Malayalam Murli       Om Shanti           BapDada Madhuban


മധുരമായകുട്ടികളേ- നിങ്ങള്ക്ക്യോഗബലത്തിലൂടെഈഉപ്പുകടല്മറികടന്ന്വീട്ടിലേയ്ക്ക്പോകണംഅ
തിനാല്എവിടേയ്ക്കാണോപോകേണ്ടത്ആസ്ഥാനത്തെഓര്മ്മിക്കൂ, ഇപ്പോള്നമ്മള്യാചകനില്നിന്നുംധനികനായിമാറുകയാണ്എന്നസന്തോഷ
ത്തില്ഇരിക്കൂ.

ചോദ്യം :-
ഏത് കുട്ടികള്ക്കാണ് ദൈവീക ഗുണങ്ങള് എന്ന വിഷയത്തില് ശ്രദ്ധയുള്ളത്, അവരുടെ അടയാളങ്ങള് എന്തെല്ലാമായിരിക്കും?

ഉത്തരം :-
അവരുടെ ബുദ്ധിയിലുണ്ടാകും - എങ്ങനെയുള്ള കര്മ്മം നമ്മള് ചെയ്യുന്നുവോ അത് കണ്ട് മറ്റുള്ളവരും ചെയ്യും. അവര് ഒരിയ്ക്കലും ആരെയും ബുദ്ധിമുട്ടിക്കില്ല. അവരുടെ മുഖത്തില് നിന്നും ഒരിയ്ക്കലും തലതിരിഞ്ഞ വാക്കുകള് വരില്ല. മനസ്സാ-വാചാ-കര്മ്മണാ ആര്ക്കും ദുഃഖം നല്കില്ല. ബാബയ്ക്ക് സമാനം സുഖം നല്കുന്നതിനുള്ള ലക്ഷ്യമുണ്ടെങ്കില് അപ്പോള് പറയും ദൈവീക ഗുണങ്ങള് എന്ന വിഷയത്തില് ശ്രദ്ധയുണ്ട്.

ഓംശാന്തി.
മധുര മധുരമായ ആത്മീയ കുട്ടികളെപ്രതി ആത്മീയ അച്ഛന് മനസ്സിലാക്കിത്തരികയാണ്. ഓര്മ്മയുടെ യാത്രയും പഠിപ്പിക്കുകയാണ്. ഓര്മ്മയുടെ യാത്ര എന്നതിന്റെ അര്ത്ഥവും കുട്ടികള് മനസ്സിലാക്കിയിട്ടുണ്ടാകും. ഭക്തിമാര്ഗ്ഗത്തിലും എല്ലാവരും ദേവതകളേയും ശിവബാബയേയും ഓര്മ്മിക്കുന്നുണ്ട്. പക്ഷേ ഓര്മ്മയിലൂടെയേ വികര്മ്മം വിനാശമാകൂ എന്നത് അറിയില്ലായിരുന്നു. കുട്ടികള്ക്ക് അറിയാം ബാബ പതിത പാവനനാണ്, പാവനമാകുന്നതിനുള്ള യുക്തി പറഞ്ഞുതരുന്നതും ബാബ തന്നെയാണ്. ആത്മാവിനുതന്നെയാണ് പാവനമായി മാറേണ്ടത്, ആത്മാവുതന്നെയാണ് പതിതമാകുന്നത്. കുട്ടികള്ക്ക് അറിയാം ബബ ഭാരതത്തില് വന്നാണ് ഓര്മ്മയുടെ യാത്ര പഠിപ്പിക്കുന്നത് ബാക്കി ഒരു സ്ഥലത്തും പഠിപ്പിക്കാന് സാധിക്കില്ല. ഭൗതീകയാത്രകള് കുട്ടികള് ഒരുപാട് ചെയ്തു, ഈ യാത്ര പഠിപ്പിക്കാന് ഒരേ ഒരു ബാബയ്ക്ക് മാത്രമേ കഴിയൂ. ഇപ്പോള് നിങ്ങള് കുട്ടികള്ക്ക് ബാബ മനസ്സിലാക്കിത്തന്നു മായ കാരണം എല്ലാവരുടെ ബുദ്ധിയിലും അവിവേകം എന്ന പൂട്ട് ഇട്ടിരിക്കുന്നു. ഇപ്പോള് ബാബയിലൂടെ നിങ്ങള്ക്ക് മനസ്സിലായി നമ്മള് എത്ര വിവേകശാലികളായിരുന്നു, ധനവാനും പവിത്രവുമായിരുന്നു. നമ്മള് മുഴുവന് വിശ്വത്തിന്റേയും അധികാരികളായിരുന്നു. ഇപ്പോള് നമ്മള് വീണ്ടും ആയിക്കൊണ്ടിരിക്കുകയാണ്. ബാബ എത്ര വലിയ പരിധിയില്ലാത്ത രാജധാനിയാണ് നല്കുന്നത്. ലൗകിക പിതാവാണെങ്കില് ലക്ഷങ്ങളോ കോടികളോ തരും. ഇവിടെയാണെങ്കില് മധുരമായ പരിധിയില്ലാത്ത ബാബ പരിധിയില്ലാത്ത രാജധാനി നല്കാന് വന്നിരിക്കുന്നു, അതിനാല് നിങ്ങള് ഇവിടെ പഠിക്കാന് വന്നതാണ്. ആരുടെ അടുത്ത്? പരിധിയില്ലാത്ത ബാബയുടെ അടുത്ത്. ബാബാ എന്ന വാക്ക് മമ്മാ എന്നതിനേക്കാള് മധുരമാണ്. മമ്മ നന്നായി പാലിക്കുന്നുണ്ട് എന്നാലും അച്ഛന് അച്ഛന് തന്നെയാണ്, അച്ഛനിലൂടെയാണ് പരിധിയില്ലാത്ത സമ്പത്ത് ലഭിക്കുന്നത്. നിങ്ങള് സദാ സുഖിയും സദാ സുമംഗലിയുമാകുന്നു. ബാബ നമ്മളെ വീണ്ടും എന്താക്കി മാറ്റുന്നു! ഇത് പുതിയ കാര്യമല്ല. ഗീതവുമുണ്ട് രാവിലെ ധനവാനായിരുന്നു രാത്രിയായപ്പോള് യാചകനായി എന്ന്. നിങ്ങളും രാവിലെ ധനികനും പിന്നീട് പരിധിയില്ലാത്ത രാത്രിയില് യാചകനും ആകുന്നു. ബാബ ദിവസവും സ്മൃതി ഉണര്ത്തുന്നു - കുട്ടികളേ, ഇന്നലെ നിങ്ങള് വിശ്വത്തിന്റെ അധികാരികളായിരുന്നു, ഇന്ന് നിങ്ങള് യാചകനായിരിക്കുന്നു. ഇപ്പോള് വീണ്ടും പ്രഭാതം വരുമ്പോള് നിങ്ങള് വീണ്ടും ധനികരാകുന്നു. എത്ര സഹജമായ കാര്യമാണ്. നിങ്ങള് കുട്ടികള്ക്ക് വളരെ അധികം സന്തോഷം ഉണ്ടായിരിക്കണം- കാരണം ധനികനായി മാറുകയാണ്. ബ്രാഹ്മണരുടെ പകലും ബ്രാഹ്മണരുടെ രാത്രിയും. ഇപ്പോള് പകലില് നിങ്ങള് ധനികനാവുകയാണ് തീര്ച്ചയായും ആവുകതന്നെ ചെയ്യും. പക്ഷേ നമ്പര്വൈസ് പുരുഷാര്ത്ഥം അനുസരിച്ചായിരിക്കും. ബബ പറയുന്നു ഇത് അതേ ഉപ്പുകടലാണ്, യോഗബലത്തിലൂടെ ഇതിനെ മറികടക്കാന് നിങ്ങള്ക്കു മാത്രമേ സാധിക്കൂ. എവിടേയ്ക്കാണോ പോകേണ്ടത് ആ സ്ഥാനത്തെ ഓര്മ്മവെയ്ക്കണം. നമ്മുക്ക് ഇപ്പോള് വീട്ടിലേയ്ക്ക് പോകണം. ബാബ നേരിട്ട് വന്നിരിക്കുകയാണ് നമ്മളെ കൊണ്ടുപോകാന്. വളരെ സ്നേഹത്തോടെ മനസ്സിലാക്കിത്തരുന്നു- മധുരമായ കുട്ടികളേ, നിങ്ങള് തന്നെയാണ് പാവനമായിരുന്നത്, 84 ജന്മങ്ങള് എടുത്ത് പതിതമായിരിക്കുന്നു വീണ്ടും പാവനമാകണം. പാവനമായി മാറാന് മറ്റൊരു ഉപായവുമില്ല. നിങ്ങള്ക്ക് അറിയാം പതിതപാവനന് വന്നിരിക്കുന്നു നിങ്ങള് ആ ബാബയുടെ മതപ്രകാരം നടന്ന് പാവനമായി മാറുകയാണ്. ഞാന് ഇന്ന പദവി നേടും എന്നതില് കുട്ടികള്ക്ക് വളരെ അധികം സന്തോഷമുണ്ട്. ബാബ പറയുന്നു നിങ്ങള് 21 ജന്മങ്ങളിലേയ്ക്ക് സദാ സുഖിയായി മാറും. ബാബ സുഖധാമത്തിന്റേയും രാവണന് ദുഃഖധാമത്തിന്റേയും സമ്പത്ത് നല്കുന്നു. നിങ്ങള് കുട്ടികള്ക്ക് അറിയാം രാവണന് നമ്മുടെ പഴയ ശത്രുവാണ്, രാവണനാണ് നിങ്ങളെ 5 വികാരങ്ങളാകുന്ന കൂട്ടിലിട്ട് അടച്ചത്. ബാബ വന്ന് പുറത്ത് എടുക്കുന്നു. ആര് എത്രത്തോളം ബാബയെ ഓര്മ്മിക്കുന്നുവോ അത്രത്തോളം മറ്റുള്ളവര്ക്ക് പരിചയവും നല്കും. ഓര്മ്മിക്കാത്തവര് ദേഹാഭിമാനത്തിലായിരിക്കും. അവര്ക്ക് ബാബയെ ഓര്മ്മിക്കാനും സാധിക്കില്ല ബാബയുടെ പരിചയം നല്കാനും സാധിക്കില്ല. നമ്മള് ആത്മാക്കള് സഹോദരങ്ങളാണ്, വീട്ടില് നിന്ന് ഇവിടേയ്ക്ക് വന്നത് ഭിന്ന-ഭിന്ന പാര്ട്ട് അഭിനയിക്കാനാണ്. മുഴുവന് പാര്ട്ടും എങ്ങനെയാണ് അഭിനയിക്കുന്നത്, ഇതും നിങ്ങളുടെ ബുദ്ധിയിലുണ്ട്. ആര്ക്കാണോ പക്കാ നിശ്ചയമുള്ളത് അവര് ഇവിടെ വന്ന് റിഫ്രഷാകും. ടീച്ചറുടെ കൂടെത്തന്നെ ഇരിക്കേണ്ടി വരുന്ന തരത്തിലുള്ള പഠിപ്പല്ല ഇത്. തന്റെ വീട്ടില് ഇരുന്നുകൊണ്ടും പഠിക്കാന് സാധിക്കും. കേവലം ഒരാഴ്ച നല്ല രീതിയില് മനസ്സിലാക്കു പിന്നീട് ബ്രാഹ്മിണിമാര് ചിലരെ ഒരു മാസം, ചിലരെ 6 മാസം, ചിലരെ 12 മാസങ്ങള്ക്കുശേഷം കൊണ്ടുവരുന്നു. ബാബ പറയുന്നു നിശ്ചയം ഉണ്ടായി ഉടന് ഓടിവന്നു.

ഞങ്ങള് വികാരത്തിലേയ്ക്കു പോകില്ല എന്നതില് രാഖിയും ബന്ധിക്കണം. ഞങ്ങള് ശിവബാബയോട് പ്രതിജ്ഞ ചെയ്യുകയാണ്. ശിവബാബ തന്നെയാണ് പറയുന്നത്- കുട്ടികളേ, നിങ്ങള്ക്ക് തീര്ച്ചയായും നിര്വ്വികാരിയായി മാറണം. അഥവാ വികാരത്തിലേയ്ക്ക് പോയാല് സമ്പാദ്യം ഇല്ലാതാകും, 100 മടങ്ങ് ശിക്ഷ വര്ദ്ധിക്കും. 63 ജന്മം നിങ്ങള് ചതിയില്പ്പെട്ടു. ഇപ്പോള് പറയുന്നു പവിത്രമാകൂ. എന്നെ ഓര്മ്മിക്കുകയാണെങ്കില് നിങ്ങളുടെ വികര്മ്മം വിനാശമാകും. ആത്മാക്കള് സഹോദരങ്ങളാണ്. ആരുടേയും നാമരൂപത്തില് കുടുങ്ങരുത്. അഥവാ ആരെങ്കിലും ദിവസവും പഠിക്കുന്നില്ലെങ്കില് അവരെ പെട്ടെന്ന് കൊണ്ടുവരേണ്ടതില്ല. ബാബ പറയാറുണ്ട് ഒരു ദിവസം കൊണ്ടും ലക്ഷ്യത്തില് അമ്പ് തറയ്ക്കാം പക്ഷേ വളരെ യുക്തിയോടെ കാര്യങ്ങള് ചെയ്യണം. നിങ്ങള് ബ്രാഹ്മണരാണ് സര്വ്വോത്തമം. അവിടെ സത്സംഗമൊന്നും ഉണ്ടാകില്ല. സത്സംഗമുണ്ടാകുന്നത് ഭക്തിമാര്ഗ്ഗത്തിലാണ്. നിങ്ങള്ക്ക് അറിയാം സത്യമായ സംഗം ഉയര്ത്തും, പക്ഷേ എപ്പോഴാണോ സത്യയുഗത്തിന്റെ സ്ഥാപനയുണ്ടാകുന്നത് അപ്പോള് മാത്രമാണ് സത്യത്തിന്റെ സംഗം ലഭിക്കുന്നത്. ഇത് ആരുടേയും ബുദ്ധിയില് വരുന്നില്ല കാരണം ബുദ്ധിയില് പൂട്ടിട്ടിരിക്കുകയാണ്. ഇപ്പോള് സത്യയുഗത്തിലേയ്ക്ക് പോകണം. പുരുഷോത്തമ സംഗമയുഗത്തില് മാത്രമാണ് സത്യത്തിന്റെ സംഗം ലഭിക്കുന്നത്. ആ ഗുരുക്കന്മാര് സംഗമയുഗികളല്ല. ബാബ എപ്പോഴാണോ വരുന്നത് അപ്പോള് മക്കളേ-മക്കളേ എന്നു വിളിക്കുന്നു. ആ ഗുരുക്കന്മാരെ നിങ്ങള് അച്ഛാ എന്നു വിളിക്കുമോ. ബുദ്ധിയില് പൂര്ണ്ണമായും ഗോദ്റേജിന്റെ പൂട്ടിട്ടിരിക്കുകയാണ്. ബാബ വന്ന് പൂട്ട് തുറക്കുന്നു. മനുഷ്യര് വന്ന് വജ്രതുല്യ ജീവിതം ഉണ്ടാക്കുന്നതിനായി ബാബ എന്തെല്ലാം യുക്തികളാണ് രചിക്കുന്നതെന്ന് നോക്കൂ. മാഗസീനും പുസ്തകങ്ങളും അച്ചടിക്കുന്നു. വളരെ പേരുടെ മംഗളമുണ്ടായാല് അവരുടെ ആശീര്വാദവും ലഭിക്കും. പ്രജകളെ ഉണ്ടാക്കുന്ന പുരുഷാര്ത്ഥം ചെയ്യണം. സ്വയം ബന്ധനത്തില് നിന്നും മുക്തമാകണം. ശരീരനിര്വ്വഹണാര്ത്ഥം സേവനം തീര്ച്ചയായും ചെയ്യണം. ഈശ്വരീയ സേവനം രാവിലേയും വൈകുന്നേരവുമാണ് ഉണ്ടാകുന്നത്. അപ്പോള് എല്ലാവര്ക്കും സമയമുണ്ട്, ആരുടെ കൂടെയാണോ നിങ്ങള് ലൗകിക സേവനം ചെയ്യുന്നത് അവര്ക്കും പരിചയം നല്കിക്കൊണ്ടിരിക്കൂ നിങ്ങള്ക്ക് രണ്ട് അച്ചന്മാരുണ്ട്. ലൗകിക പിതാവ് എല്ലാവരുടേയും വേറെ വേറെയാണ്. എന്നാല് എല്ലാവരുടേയും പാരലൗകിക പിതാവ് ഒന്നാണ്. ആ പിതാവ് സുപ്രീമാണ്. ബാബ പറയുന്നു എനിക്കും പാര്ട്ടുണ്ട്. ഇപ്പോള് നിങ്ങള് കുട്ടികള്ക്ക് എന്റെ പരിചയം ലഭിച്ചുകഴിഞ്ഞു. ആത്മാവിനേയും നിങ്ങള് അറിഞ്ഞുകഴിഞ്ഞു. ആത്മാവിനെക്കുറിച്ച് പറയുന്നത് ഭൃഗുടിയില് തിളങ്ങുന്ന ദിവ്യ നക്ഷത്രം... എന്നാണ്. അത് അകാലസിംഹാസനവും കൂടിയാണ്. ആത്മാവിനെ ഒരിയ്ക്കലും കാലന് വിഴുങ്ങില്ല. അത് അഴുക്കുള്ളതാകുന്നു ശുദ്ധമാകുന്നു എന്നുമാത്രം, ആത്മാവിന്റെ സിംഹാസനം ശോഭിക്കുന്നത് ഭൃകുഢി മദ്ധ്യത്തിലാണ്. തിലകത്തിന്റെ അടയാളം നല്കുന്നതും ഇവിടെയാണ്. ബാബ പറയുന്നു നിങ്ങള് സ്വയം നിങ്ങളെ രാജ്യതിലകം പ്രാപ്തമാക്കുന്നതിന് യോഗ്യരാക്കി മാറ്റൂ. ഞാന് എല്ലാവര്ക്കും രാജ്യതിലകം നല്കും അങ്ങനെയല്ല. നിങ്ങള് സ്വയം പ്രാപ്തമാക്കു. ബാബയ്ക്ക് അറിയാം അര് എത്രത്തോളം സേവനം ചെയ്യുന്നുണ്ട്. മാഗസീനുകളിലും വളരെ നല്ല കൃതികള് വരുന്നുണ്ട്. ഇതിനോടൊപ്പം യോഗത്തില് ഇരിക്കുന്നതിനുള്ള പരിശ്രമവും ചെയ്യണം ഇതിലൂടെ മാത്രമേ വികര്മ്മം വിനാശമാകൂ. ദിനം പ്രതി ദിനം നിങ്ങള് നല്ല രാജയോഗിയായി മാറും. ഇപ്പോള് ശരീരം ഉപേക്ഷിച്ചു ഞങ്ങള് വീട്ടിലേയ്ക്കുപോകും എന്ന് മനസ്സിലാക്കുന്ന അവസ്ഥയുണ്ടാകും. സൂക്ഷ്മവതനത്തിലേയ്ക്കാണെങ്കില് കുട്ടികള് പോകുന്നുണ്ട്, മൂലവതനത്തേയും നല്ല രീതിയില് മനസ്സിലാക്കുന്നുണ്ട് അത് നമ്മള് ആത്മാക്കളുടെ വീടാണെന്ന്. മനുഷ്യര് ശാന്തിധാമത്തിലെത്താനാണ് ഭക്തി ചെയ്യുന്നത്. അവര്ക്ക് സുഖധാമത്തെക്കുറിച്ച് അറിയുകയേയില്ല. ബാബയ്ക്കല്ലാതെ മറ്റാര്ക്കും സ്വര്ഗ്ഗത്തിലേയ്ക്ക് പോകുന്നതിനുവേണ്ടിയുള്ള പഠിപ്പ് പഠിപ്പിക്കാന് സാധിക്കില്ല. ഇത് പ്രവൃത്തീമാര്ഗ്ഗമാണ്. ഇരുകൂട്ടര്ക്കും മുക്തിധാമത്തിലേയ്ക്കു പോകണം. അവര് തലതിരിഞ്ഞ വഴിയാണ് പറഞ്ഞുതരുന്നത്, ആരും പോകുന്നില്ല. എല്ലാവരേയും അവസാനം ബാബ കൊണ്ടുപോകും. ഇത് ബാബയുടെ കര്ത്തവ്യമാണ്. ചിലര് നല്ല രീതിയില് പഠിച്ച് രാജ്യഭാഗ്യം എടുക്കുന്നു. ബാക്കിയെല്ലാവരും എങ്ങനെ പഠിക്കും. അവര് എങ്ങനെ നമ്പര്വൈസായി വരുന്നുവോ അതുപോലെ നമ്പര്വൈസായി പോകും. ഈ കാര്യങ്ങളില് അധിക സമയം കളയരുത്.

ബാബയെ ഓര്മ്മിക്കാന് പോലും സമയം കിട്ടുന്നില്ല എന്നാണല്ലോ പറയുന്നത് എങ്കില് പിന്നെ ഇതിലെന്തിനാണ് സമയം കളയുന്നത്. ഇത് നിശ്ചയമാണ് പരിധിയില്ലാത്ത അച്ഛന് ടീച്ചറും സദ്ഗുരുവും കൂടിയാണ്. അതിനാല് രണ്ടാമത് ഒരാളെ ഓര്മ്മിക്കേണ്ട ആവശ്യംപോലുമില്ല. നിങ്ങള്ക്ക് അറിയാം കല്പം മുമ്പും ശ്രീമതത്തിലൂടെ നടന്ന് പാവനമായി മാറിയിട്ടുണ്ട്. ഓരോ നിമിഷവും ചക്രം കറക്കിക്കൊണ്ടിരിക്കണം. നിങ്ങളുടെ പേര് സ്വദര്ശന ചക്രധാരി എന്നാണ്. ജ്ഞാനസാഗരനില് നിന്നും നിറയ്ക്കാന് നിങ്ങള്ക്ക് സമയം എടുക്കില്ല. കാലിയാകുന്നതില് സമയം എടുക്കും. നിങ്ങള് കളഞ്ഞുപോയി തിരികെക്കിട്ടിയ മധുരമായ മക്കളാണ് എന്തെന്നാല് കല്പത്തിനുശേഷം വന്ന് കണ്ടുമുട്ടിയിരിക്കുകയാണ്. ഇതില് പക്കാ നിശ്ചയം വേണം. നമ്മള് 84 ജന്മങ്ങള്ക്കു ശേഷം വീണ്ടും വന്ന് ബാബയെ കണ്ടുമുട്ടിയിരിക്കുകയാണ്. ബാബ പറയുന്നു ആരാണോ ആദ്യം ഭക്തി ചെയ്തത് അവരാണ് ആദ്യം ജ്ഞാനം നേടുന്നതിന് യോഗ്യരായി മാറുന്നത് എന്തുകൊണ്ടെന്നാല് ഭക്തിയുടെ ഫലം നല്കണം. അതിനാല് സദാ തന്റെ ഫലത്തെ അഥവാ സമ്പത്തിനെ ഓര്മ്മിച്ചുകൊണ്ടിരിക്കു. ഫലം എന്നത് ഭക്തിമാര്ഗ്ഗത്തിലെ വാക്കാണ്. സമ്പത്ത് എന്നത് ശരിയാണ്. പരിധിയില്ലാത്ത ബാബയെ ഓര്മ്മിക്കുന്നതിലൂടെ സമ്പത്ത് ലഭിക്കുന്നു അതല്ലാതെ മറ്റൊരു ഉപായവുമില്ല. ഭാരതത്തിന്റെ പ്രാചീനയോഗം വളരെ പ്രസിദ്ധമാണ്. ഭാരതത്തിലെ പ്രാചീനയോഗമാണ് ഞങ്ങള് പഠിക്കുന്നത് എന്നാണ് അവര് കരുതുന്നത്. ബാബ മനസ്സിലാക്കിത്തരുന്നു അവര് ഡ്രാമ അനുസരിച്ച് ഹഠയോഗിയായി മാറുന്നു. രാജയോഗം നിങ്ങള് ഇപ്പോഴാണ് പഠിക്കുന്നത് എന്തുകൊണ്ടെന്നാല് ഇപ്പോള് സംഗമയുഗമാണ്. അവരുടെ ധര്മ്മം വേറെയാണ്. വാസ്തവത്തില് അവരെ ഗുരു എന്നു പറയാന് പാടില്ല. പക്ഷേ ഡ്രാമ അനുസരിച്ച് വീണ്ടും തീര്ച്ചയായും ഇത് ആവര്ത്തിക്കും. നിങ്ങള് കുട്ടികള്ക്ക് ഇപ്പോള് സത്യമായി മാറണം. ധര്മ്മത്തിലാണ് ശക്തി. നിങ്ങളെ ഞാന് ദേവീദേവതയാക്കുന്നു ഈ ധര്മ്മം വളരെ അധികം സുഖം നല്കുന്നതാണ്. എന്നോട് യോഗം വെയ്ക്കുന്നവര്ക്കും എന്റെ ശക്തി ലഭിക്കുന്നു. അതിനാല് ബാബ സ്വയം സ്ഥാപന ചെയ്യുന്ന ധര്മ്മത്തിന് വളരെ അധികം ശക്തിയുണ്ട്. നിങ്ങള് മുഴുവന് വിശ്വത്തിന്റേയും അധികാരിയാവുന്നു. ബാബ ഈ ധര്മ്മത്തിന്റെ മഹിമ ചെയ്യുകയാണ് ഈ ധര്മ്മത്തിന് വളരെ അധികം ശക്തിയുണ്ട്. സര്വ്വശക്തിവാനായ ബാബയില് നിന്നും ഒരുപാടുപേര്ക്ക് ശക്തി ലഭിക്കുന്നുണ്ട്. വാസ്തവത്തില് ശക്തി എല്ലാവര്ക്കും ലഭിക്കുന്നുണ്ട് പക്ഷേ നമ്പര്വൈസാണ്. നിങ്ങള്ക്ക് എത്ര ശക്തിവേണോ അത്രയും ശക്തി ഇപ്പോള് ബാബയില് നിന്നും എടുക്കൂ ഒപ്പം ദൈവീക ഗുണങ്ങളാകുന്ന വിഷയവും വേണം. ആരെയും ബുദ്ധിമുട്ടിക്കരുത്, ദുഃഖം നല്കരുത്. ബ്രഹ്മാബാബ ഒരിയ്ക്കലും ആരോടും മോശമായി സംസാരിക്കില്ല. അറിയാം എങ്ങനെയുള്ള കര്മ്മങ്ങള് ഞാന് ചെയ്യുന്നോ, എന്നെക്കണ്ട് മറ്റുള്ളവരും അതുപോലെ ചെയ്യും. ആസുരീയ അവഗുണങ്ങളില് നിന്ന് ദൈവീക ഗുണങ്ങളിലേയ്ക്ക് വരണം. ഞാന് ആര്ക്കും ദുഃഖം നല്കുന്നില്ലല്ലോ എന്ന് നോക്കണം? ആര്ക്കും ദുഃഖം നല്കാത്തതായി ഒരാള് പോലുമില്ല. എന്തെങ്കിലും തെറ്റുകള് സംഭവിച്ചുകൊണ്ടിരിക്കുന്നു. മനസ്സാ- വാചാ- കര്മ്മണാ ആര്ക്കും ദുഃഖം നല്കാത്ത ആ അവസ്ഥ അന്തിമത്തില് വരും. ഈ സമയത്ത് നമ്മള് പുരുഷാര്ത്ഥീ അവസ്ഥയിലാണ്. ഓരോ കാര്യവും നമ്പര്വൈസ് പുരുഷാര്ത്ഥം അനുസരിച്ചാണ് നടക്കുന്നത്. എല്ലാവരും സുഖത്തിനുവേണ്ടിയാണ് പുരുഷാര്ത്ഥം ചെയ്യുന്നത്. പക്ഷേ ബാബയ്ക്കല്ലാതെ മറ്റാര്ക്കും സുഖം നല്കാന് സാധിക്കില്ല. സോമനാഥ ക്ഷേത്രത്തില് എത്രയധികം വജ്രങ്ങളും വൈഢൂര്യങ്ങളും ഉണ്ടായിരുന്നു. അതെല്ലാം എവിടെ നിന്ന് വന്നതാണ്, എങ്ങനെയാണ് സമ്പന്നരായത്. മുഴുവന് ദിവസവും ഈ പഠിപ്പിന്റെ ചിന്തനത്തില് കഴിയണം. ഗൃഹസ്ഥവ്യവഹാരത്തില് ഇരുന്നുകൊണ്ടും കമലപുഷ്പ സമാനം പവിത്രമായി മാറണം. നിങ്ങള് ഈ പുരുഷാര്ത്ഥം ചെയ്തിട്ടുണ്ട് അതിനാലാണ് മാലയുണ്ടാക്കിയിരിക്കുന്നത്. കല്പ കല്പം ഉണ്ടാക്കും. മാല ആരുടെ ഓര്മ്മചിഹ്നമാണ്- ഇതും നിങ്ങള്ക്ക് അറിയാം. അവരാണെങ്കില് മാലയെ സ്മരിച്ച് വളരെ സന്തുഷ്ടരാകുന്നു. ഭക്തിയില് എന്താണ് സംഭവിക്കുന്നത്, ജ്ഞാനത്തില് എന്താണ് സംഭവിക്കുന്നത് - ഇത് നിങ്ങള് മാത്രമാണ് അറിയുന്നത്. ആര്ക്ക് വേണമെങ്കിലും മനസ്സിലാക്കിക്കൊടുക്കാന് നിങ്ങള്ക്ക് സാധിക്കും. പുരുഷാര്ത്ഥം ചെയ്ത് ചെയ്ത് അവസാനം അന്തിമ റിസള്ട്ട് കല്പം മുമ്പത്തേതുപോലെ പുറത്തുവരും. എല്ലാവരും തന്റെ പരിശോധന നടത്തിക്കൊണ്ടിരിക്കു. നിങ്ങള്ക്ക് അറിയാം നമ്മുക്ക് ഇതായി മാറണം. പുരുഷാര്ത്ഥത്തിനുള്ള മാര്ജിന് ലഭിച്ചിട്ടുണ്ട്. നമ്പര്വൈസ് പുരുഷാര്ത്ഥം അനുസരിച്ച് ബാബയും നിങ്ങളെ സ്വാഗതം ചെയ്യുന്നു. നിങ്ങള് കുട്ടികള് ആരെയെല്ലാം സ്വാഗതം ചെയ്യുന്നുണ്ടോ അതിലും അധികമായി ബാബ നിങ്ങളെ സ്വാഗതം ചെയ്യുന്നു. ബാബയുടെ ജോലിതന്നെ ഇതാണ്- നിങ്ങളെ സ്വാഗതം ചെയ്യുക. സ്വാഗതം അര്ത്ഥം സദ്ഗതി. ഇതാണ് സര്വ്വശ്രേഷ്ഠമായ സ്വാഗതം. നിങ്ങള് എല്ലാവരേയും സ്വാഗതം ചെയ്യാനാണ് ബാബ വരുന്നത്. ശരി.

വളരെക്കാലത്തെ വേര്പാടിനുശേഷം തിരിച്ചു കിട്ടിയ മധുരമധുരമായ ഓമന സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1. എല്ലാവരുടേയും ആശീര്വാദം നേടുന്നതിനുവേണ്ടി മംഗളകാരിയായി മാറണം. ശരീര നിര്വ്വഹണാര്ത്ഥം കര്മ്മങ്ങള് ചെയ്തുകൊണ്ടും സ്വയം ബന്ധനത്തില് നിന്നും മുക്തമായി രാവിലേയും വൈകുന്നേരവും ഈശ്വരീയ സേവനം തീര്ച്ചയായും ചെയ്യണം.

2. മറ്റു കാര്യങ്ങളില് തന്റെ സമയത്തെ വ്യര്ത്ഥമാക്കാതെ ബാബയെ ഓര്മ്മിച്ച് ശക്തി എടുക്കണം.സത്യവുമായുള്ള സംഗത്തില്ത്തന്നെ ഇരിക്കണം. മനസാ-വാചാ-കര്മ്മണാ എല്ലാവര്ക്കും സുഖം നല്കുന്നതിനുള്ള പുരുഷാര്ത്ഥമായിരിക്കണം ചെയ്യേണ്ടത്.

വരദാനം :-

പരിധിയുള്ള ആഗ്രഹങ്ങളെ ഉപേക്ഷിച്ച് ശ്രേഷ്ഠരാകുന്ന ഇച്ഛാ മാത്രം അവിദ്യരായി ഭവിക്കൂ

മനസ്സില് എന്തെങ്കിലും പരിധിയുള്ള ഇച്ഛ ഉണ്ടെങ്കില് അത് ശ്രേഷ്ഠരാകാന് അനുവദിക്കില്ല. ഏതുപോലെയാണോ വെയിലത്ത് നടക്കുമ്പോള് നിഴല് മുന്നില് പോകുന്നത്, അതിനെ അഥവാ പിടിക്കാന് പരിശ്രമിക്കുകയാണെങ്കില് പടിക്കാന് സാധിക്കാത്തത്, എന്നാല് തിരിഞ്ഞ് വരികയാണെങ്കില് പിറകെ വരും. ഇതുപോലെ തന്നെ ഇച്ഛ ആകര്ഷിച്ച് കരയിക്കുന്നതാണ്, അതിനെ ഉപേക്ഷിക്കുകയാണെങ്കില് അത് പിറകെ വരും. യാചിക്കുന്നവര്ക്ക് ഒരിക്കലും സമ്പന്നരാകാന് സാധിക്കില്ല. ഏതെങ്കിലും പരിധിയുള്ള ഇച്ഛകള്ക്ക് പിറകെ ഓടുന്നത് മൃഗതൃഷ്ണയ്ക്ക് സമാനമാണ്. ഇതില് നിന്ന് സദാ രക്ഷപ്പെട്ട് കഴിയുകയാണെങ്കില് ഇച്ഛാ മാത്രം അവിദ്യരായി തീരും.

സ്ലോഗന് :-
തന്റെ ശ്രേഷ്ഠ കര്മ്മം അല്ലെങ്കില് ശ്രേഷ്ഠ പെരുമാറ്റത്തിലൂടെ ആശീര്വ്വാദങ്ങള് ശേഖരിക്കൂ എങ്കില് പര്വ്വതം പോലെയുള്ള കാര്യം പോലും പഞ്ഞിക്ക് സമാനമായി അനുഭവപ്പെടും.