13.11.19           Morning Malayalam Murli       Om Shanti           BapDada Madhuban


മധുരമായകുട്ടികളെ - ശ്രീമതമത്തിലൂടെനടക്കുന്നത്തന്നെയാണ്ബാബയ്ക്ക്ആദരവ്നല്കല്, മന്മത്തിലൂടെനടക്കുന്നത്അനാദരവുമാണ്

ചോദ്യം :-
ഗൃഹസ്ഥ വ്യവഹാരത്തില് കഴിയുന്നവരുടെ ഏതൊരു കാര്യത്തെയാണ് ബാബ എതിര്ക്കുന്നില്ലെങ്കിലും ഒരു നിര്ദ്ദേശം നല്കുന്നു - അതെന്താണ്?

ഉത്തരം :-
ബാബ പറയുകയാണ് - കുട്ടികളെ, എല്ലാവരുമായും സംബന്ധം വെച്ചോളൂ, എന്ത് ജോലി വേണമെങ്കിലും ചെയ്തോളൂ, സമ്പര്ക്കം പുലര്ത്തേണ്ടതുങ്കില് ചെയ്യൂ, വര്ണ്ണ വസ്ത്രം ധരിക്കേണ്ടതുണ്ടെങ്കില് ധരിച്ചോളൂ, ബാബയ്ക്ക് എതിര്പ്പില്ല. ബാബ കേവലം നിര്ദ്ദേശം നല്കുകയാണ്- കുട്ടികളെ, ദേഹ സഹിതം ദേഹത്തിന്റെ എല്ലാ സംബന്ധത്തില് നിന്നും മമത്വം വേര്പെടുത്തി എന്നെ ഓര്മ്മിക്കൂ.

ഓംശാന്തി.
ശിവബാബയിരുന്ന് കുട്ടികള്ക്ക് മനസ്സിലാക്കി തരികയാണ്, തനിക്കു സമാനമാക്കി മാറ്റുന്നിനുള്ള പുരുഷാര്ത്ഥം ചെയ്യിപ്പിക്കുകയാണ്. എങ്ങനെയാണോ ഞാന് ജ്ഞാനത്തിന്റെ സാഗരനായിരിക്കുന്നത് അതുപോലെ കുട്ടികളും ആവണം. എല്ലാവരും ഒരു പോലെ ആവുകയില്ല എന്ന് മധുരമായ കുട്ടികള്ക്കറിയാം. എല്ലാവര്ക്കും അവരവരുടെ പുരുഷാര്ത്ഥം ചെയ്യണം. സ്ക്കൂളില് അനേകം വിദ്യാര്ത്ഥികള് പഠിക്കുന്നുണ്ട്, എന്നാല് എല്ലാവരും ഒരുപോലെ പദവിയോടുകൂടി പാസാവുന്നില്ല. എങ്കിലും ടീച്ചര് പുരുഷാര്ത്ഥം ചെയ്യിപ്പിക്കുന്നു. നിങ്ങള് കുട്ടികളും പുരുഷാര്ത്ഥം ചെയ്യുകയാണ്. ബാബ ചോദിക്കുകയാണ് നിങ്ങള് എന്തായി മാറും. നരനില് നിന്ന് നാരായണനും നാരിയില് നിന്ന് ലക്ഷ്മിയുമാകാനാണ് ഞങ്ങള് വന്നിരിക്കുന്നതെന്ന് എല്ലാവരും പറയും. ഇത് ശരിയാണെങ്കിലും തന്റെ പെരുമാറ്റത്തെക്കൂടി നോക്കണം. ബാബ ഉയര്ന്നതിലും ഉയര്ന്നതാണ്. ടീച്ചറുമാണ്, ഗുരുവുമാണ്. ഈ ബാബയെ ആര്ക്കും അറിയുകയില്ല. ശിവബാബ നമ്മുടെ അച്ഛനും ടീച്ചറും സദ്ഗുരുവുമാണ് എന്ന് നിങ്ങള് കുട്ടികള്ക്കറിയാം. എന്നാല് ബാബ ഏതുപോലെയാണോ അതുപോലെ ബാബയെ മനസ്സിലാക്കുക ബുദ്ധിമുട്ടാണ്. അച്ഛനെ അറിയുമ്പോള് ടീച്ചറെ മറക്കുന്നു, പിന്നീട് ഗുരുവിനെ മറക്കുന്നു. അച്ഛന് കുട്ടികള് ബഹുമാനം നല്കുക തന്നെ വേണമല്ലോ. എന്തിനെയാണ് ബഹുമാനം എന്ന് പറയുന്നത്? ബാബ പഠിപ്പിക്കുന്ന കാര്യങ്ങള് നല്ല രീതിയില് പഠിക്കുന്നതാണ് ആദരവ് നല്കല്. ബാബ അതി മധുരമാണ്. ഉള്ളില് സന്തോഷം വര്ദ്ധിപ്പിക്കണം. അപാര സന്തോഷമുണ്ടായിരിക്കണം. ഓരോരുത്തരും അവരവരോട് ചോദിക്കണം - ഞങ്ങള്ക്ക് ഇങ്ങനെയുള്ള സന്തോഷമുണ്ടോ? എല്ലാവര്ക്കും ഒരുപോലെയാകാന് സാധിക്കില്ല. പഠിപ്പിലും വളരെ വ്യത്യാസമുണ്ട്. ആ സ്കൂളുകളിലും വളരെ വ്യത്യാസമുണ്ട്. അവിടെ സാധാരണ ടീച്ചറാണ് പഠിപ്പിക്കുന്നത്, ഇവിടെ അസാധാരണ ടീച്ചറും. ഇങ്ങനെയൊരു ടീച്ചര് എവിടെയും ഉണ്ടായിരിക്കുകയില്ല. നിരാകാരനായ അച്ഛന് ടീച്ചറായും മാറുന്നുണ്ട് എന്ന കാര്യം ആര്ക്കും അറിയുക പോലുമില്ല. കേവലം ശ്രീകൃഷ്ണന്റെ പേര് കൊടുത്തിരിക്കുന്നു എന്നാല് ശ്രീകൃഷ്ണന് എങ്ങനെയാണ് അച്ഛനാവുക എന്ന കാര്യം പോലും അറിയില്ല. കൃഷ്ണന് ദേവതയാണല്ലോ. ഈ ശരീരം ബാബയുടേതല്ല എന്ന കാര്യം നിങ്ങള്ക്കറിയാം. ഞാന് ലോണെടുത്തിരിക്കുകയാണ് എന്ന് ബാബ സ്വയം പറയുകയാണ്. ഇദ്ദേഹം ആദ്യവും മനുഷ്യനായിരുന്നു. ഇപ്പോഴും മനുഷ്യനാണ്. ഇത് ഭഗവാനല്ല. ഭഗവാന് ഒരെയൊരു നിരാകാരനാണ്. ഇപ്പോള് നിങ്ങള് കുട്ടികള്ക്ക് വളരെയധികം രഹസ്യങ്ങള് മനസ്സിലാക്കി തന്നു. എന്നിട്ടും അവസാനം ബാബയെ മനസ്സിലാക്കാന്, ടീച്ചറെ മനസ്സിലാക്കുക്കാന് ഇപ്പോഴും സാധിക്കുന്നില്ല, ഇടയ്ക്കിടയ്ക്ക് മറന്നു പോകുന്നു. ദേഹധാരിയിലേക്ക് ബുദ്ധിയോഗം പോകുന്നു. ആത്യന്തികമായി ബാബ അച്ഛനും ടീച്ചറും സദ്ഗുരുവുമാണ് - ഈ നിശ്ചയം ഇപ്പോള് ബുദ്ധിയിലില്ല. ഇപ്പോള് മറക്കുന്നുണ്ട്. വിദ്യാര്ത്ഥികള് ടീച്ചറെ എപ്പോഴെങ്കിലും മറക്കുമോ! ഹോസ്റ്റലില് താമസിക്കുന്നവര് ഒരിക്കലും മറക്കുകയില്ല. ഹോസ്റ്റലില് താമസിക്കുന്ന കുട്ടികള് മറ്റുള്ളവരെക്കാളും ഉറച്ചവരാകുമല്ലോ. ഇവിടെ അത്രപോലും ഉറച്ച നിശ്ചയം ഇല്ല. നമ്പര്വൈസ് പുരുഷാര്ത്ഥമനുസരിച്ച് ഹോസ്റ്റലില് ഇരിക്കുന്നുണ്ട്, അപ്പോള് തീര്ച്ചയായും വിദ്യാര്ത്ഥിയാണല്ലോ. എന്നാല് അത്രപോലും ഉറച്ച നിശ്ചയമില്ല, അവരവരുടെ പുരുഷാര്ത്ഥമനുസരിച്ച് പദവി നേടുന്നുവെന്ന് മാത്രം അറിയാം. മറ്റുള്ള പഠിപ്പിലൂടെ വക്കീലാവാം ഡോക്ടറാവാം എന്ജിനീയറാവാം. ഇവിടെയാണെങ്കില് നിങ്ങള് വിശ്വത്തിന്റെ അധികാരിയായി മാറി ക്കൊണ്ടിരിക്കുകയാണ്. അപ്പോള് അങ്ങനെയുള്ള കുട്ടികളുടെ ബുദ്ധി എങ്ങനെയുള്ളതായിരിക്കണം? പെരുമാറ്റവും സംസാരവും എത്ര നല്ലതായിരിക്കണം.

ബാബ മനസ്സിലാക്കി തരുകയാണ് - കുട്ടികളെ, നിങ്ങള് ഒരിക്കലും കരയരുത്. നിങ്ങള് വിശ്വത്തിന്റെ അധികാരികളായി മാറുന്നവരാണ്. തലയിട്ടടിക്കരുത്. തലയിട്ടടിക്കുന്നത് കരച്ചിലിന്റെ ആധിക്യത്തിലാണ്. ബാബ പറയുകയാണ് കരയുന്നവര് നഷ്ടപ്പെടുത്തി... വിശ്വത്തിന്റെ ഉയര്ന്നതിലും ഉയര്ന്ന ചക്രവര്ത്തിപദമാണ് നഷ്ടപ്പെടുത്തുന്നത്. നരനില് നിന്ന് നാരായണനായി മാറാനാണ് വന്നിരിക്കുന്നതെന്ന് പറയും. എന്നാല് പെരുമാറ്റമെവിടെ! സംഖ്യാക്രമത്തിലുള്ള പുരുഷാര്ത്ഥമനുസരിച്ച് എല്ലാവരും പുരുഷാര്ത്ഥം ചെയ്തു കൊണ്ടിരിക്കുകയാണ്. ചിലര് നല്ല രീതിയില് സ്ക്കോളര്ഷിപ്പ് നേടി പാസാകും, ചിലര് തോറ്റു പോകും. എന്തായാലും നമ്പര്വൈസാണ്. നിങ്ങളിലും ചിലര് പഠിക്കുന്നവരും പഠിക്കാത്തവരും ഉണ്ട്. എതുപോലെയാണോ ഗ്രാമവാസികള് പഠിക്കാന് ഇഷ്ടപ്പെടാത്തത്. പുല്ല് മുറിക്കാന് പറഞ്ഞാല് വളരെ സന്തോഷത്തോടു കൂടി പോയി ചെയ്യും. അതാണ് സ്വതന്ത്ര ജീവിതമെന്ന് കരുതുന്നു. പഠിപ്പ് ബന്ധനമാണെന്ന് വിചാരിക്കുന്നു, ഇങ്ങനെ അനേകരുണ്ട്. സമ്പന്നരില് ജമീന്ദാര്മാര് കുറഞ്ഞവരല്ല. സ്വയം സ്വതന്ത്രരെന്ന് വളരെ സന്തോഷത്തോടു കൂടി ചിന്തിക്കുന്നു. ജോലിയുടെ പേരു പോലുമില്ല. ഓഫീസിലാണ് മനുഷ്യര് ജോലി ചെയ്യാറുള്ളത്. ഇപ്പോള് ബാബ നിങ്ങള് കുട്ടികളെ പഠിപ്പിക്കുന്നത് വിശ്വത്തിന്റെ അധികാരിയാക്കി മാറ്റുന്നതിനു വേണ്ടിയാണ്. ജോലിക്കു വേണ്ടിയല്ല. നിങ്ങളാണെങ്കില് ഈ പഠിപ്പിലൂടെ വിശ്വത്തിന്റെ അധികാരിയായി മാറിക്കൊണ്ടിരിക്കുകയാണല്ലോ. ഏറ്റവും ഉയര്ന്ന പഠിപ്പാണ്. നിങ്ങള് തികച്ചും സ്വതന്ത്രമായി വിശ്വത്തിന്റെ അധികാരിയായി മാറുകയാണ്. കാര്യം വളരെ ലളിതമാണ്. പഠിപ്പ് ഒന്നു മാത്രമാണ്, ഇതിലൂടെ നിങ്ങള് പവിത്രമായി മാറുമ്പോള് ഇത്രയും ഉയര്ന്ന മഹാരാജാവും മഹാറാണിയുമായി മാറുന്നു. ഏത് ധര്മ്മത്തിലുള്ളവരാണെങ്കിലും വന്ന് പഠിക്കൂ എന്ന് നിങ്ങള്ക്ക് പറയാന് സാധിക്കും. ഈ പഠിപ്പ് വളരെ ഉയര്ന്നതാണെന്ന് മനസ്സിലാക്കണം. വിശ്വത്തിന്റെ അധികാരിയാവുന്ന കാര്യമാണ് ബാബ പഠിപ്പിക്കുന്നത്. നിങ്ങളുടെ ബുദ്ധി ഇപ്പോള് വളരെ വിശാലമാക്കണം. നമ്പര്വെസ് പുരുഷാര്ത്ഥമനുസരിച്ച് പരിധിയുള്ള ബുദ്ധിയില് നിന്നും പരിധിയില്ലാത്ത ബുദ്ധിയുള്ളവരായി മാറണം. നമ്മളെല്ലാവരും മറ്റുള്ളവരെയും വിശ്വത്തിലെ അധികാരിയാക്കി മാറ്റും എന്നുള്ളതില് വളരെ സന്തോഷമുണ്ടായിരിക്കണം. യഥാര്ത്ഥില് സത്യയുഗത്തിലും ദാസ-ദാസിയുടെയും വേലക്കാരന്റെയുമെല്ലാം ജോലികള് ഉണ്ടായിരിക്കും. പഠിപ്പുള്ളവരുടെ മുന്നില് പഠിപ്പില്ലാത്തവര് പൂര്ണ്ണമായും ഭാരം ചുമക്കും. അതുകൊണ്ട് നല്ല രീതിയില് പഠിക്കുകയാണെങ്കില് നിങ്ങള്ക്ക് ഇതായി മാറാമെന്ന് ബാബ പറയുന്നു. ഞങ്ങള് ഇങ്ങനെയായി മാറുമെന്ന് കുട്ടികളും പറയും. എന്നാല് പഠിക്കാതെ എന്താവാനാണ്? പഠിക്കുന്നില്ലെങ്കില് ബാബയെ ഇത്രയും ആദരവോടുകൂടി ഓര്മ്മിക്കാനും സാധിക്കില്ല. നിങ്ങള് എത്രത്തോളം ഓര്മ്മിക്കുന്നുവോ അത്രയും നിങ്ങളുടെ വികര്മ്മം വിനാശമാകുമെന്ന് ബാബ പറയുന്നു. കുട്ടികള് പറയുന്നു ബാബ അങ്ങ് ആഗ്രഹിക്കുന്നതുപോലെ ഞങ്ങളെ നടത്തൂ, ബാബയും ഇദ്ദേഹത്തിലൂടെയാണല്ലോ ശ്രീമതം നല്കുന്നത്. എന്നാല് ഇദ്ദേഹത്തിന്റെ നിര്ദ്ദേശവും എടുക്കുന്നില്ല, ജീര്ണ്ണിച്ച മനുഷ്യ മതത്തിലൂടെ നടക്കുന്നു. ശിവബാബ ഈ രഥത്തിലൂടെ ശ്രീമതം നല്കുന്നത് കാണ്ടിട്ടും സ്വന്തം മതത്തിലൂടെ നടക്കുന്നു. കാല്കാശിന് പോലും വിലയില്ലാത്ത കക്കയ്ക്ക് സമാനമായ വഴിയിലൂടെ തന്നെ നടക്കുന്നു. രാവണന്റെ മതത്തിലൂടെ നടന്ന്-നടന്ന് ഇപ്പോള് കക്കയ്ക്ക് സമാനമായി മാറിയിരിക്കുന്നു. ഇപ്പോള് രാമനായ ശിവബാബ മതം നല്കുന്നു. നിശ്ചയത്തിലാണ് വിജയം, ഇതില് ഒരിക്കലും നഷ്ടമുണ്ടാവില്ല. കുറവിനെ പോലും നേട്ടമാക്കി ബാബ മാറ്റുന്നു. എന്നാല് നിശ്ചയബുദ്ധിയുള്ളവര്ക്കു മാത്രം. സംശയ ബുദ്ധിയുള്ളവര് ഉള്ളില് ഉറക്കം തൂങ്ങിക്കൊണ്ടിരിക്കും. നിശ്ചയബുദ്ധിയുള്ളവര്ക്ക് ഇടയ്ക്ക് ബുദ്ധിമുട്ട്, ഇടയ്ക്ക് നഷ്ടം ഇങ്ങനെയൊന്നും ഉണ്ടായിരിക്കുകയില്ല. ബാബ സ്വയം ഗ്യാരണ്ടി തരുന്നു ശ്രീമതത്തിലൂടെ നടക്കുകയാണെങ്കില് ഒരിക്കലും അമംഗളം ഉണ്ടാവുകയില്ല. മനുഷ്യ മതത്തെ ദേഹധാരിയുടെ മതമെന്ന് പറയുന്നു. ഇവിടെയുള്ളത് മനുഷ്യമതമാണ്. മനുഷ്യമതം, ഈശ്വരീയ മതം, ദൈവീക മതം എന്ന് പാടാറുണ്ടല്ലോ. ഇപ്പോള് നിങ്ങള്ക്ക് ഈശ്വരീയ മതം ലഭിച്ചിരിക്കുകയാണ്, ഇതിലൂടെ നിങ്ങള് മനുഷ്യനില് നിന്ന് ദേവതയായി മാറുന്നു. പിന്നീട് അവിടെ സ്വര്ഗത്തില് സുഖം നേടുന്നു. യാതൊരു തരത്തിലുമുള്ള ദുഃഖവും ഉണ്ടായിരിക്കില്ല. അതും സ്ഥായിയായ സുഖമാണ്. ഈ സമയത്ത് നിങ്ങള്ക്ക് ഭാവിയിലെ ആ അനുഭവം കൊണ്ടുവരണം.

ഇപ്പോള് ഇത് ശ്രീമതം ലഭിക്കുന്ന പുരുഷോത്തമ സംഗമയുഗമാണ്. ബാബ പറയുന്നു ഞാന് കല്പ- കല്പം കല്പത്തിന്റെ സംഗമയുഗത്തിലാണ് വരുന്നത്, ബാബയെ നിങ്ങള് അറിഞ്ഞു. ബാബയുടെ മതത്തിലൂടെ നിങ്ങള് നടക്കുന്നു. ബാബ പറയുന്നു - കുട്ടികളെ, നിങ്ങള് ഗൃഹസ്ഥവ്യവഹാരത്തില് കഴിഞ്ഞോളൂ, നിങ്ങള് വസ്ത്രം മുതലായവ മാറ്റണമെന്ന് ആര് പറഞ്ഞു. എന്ത് വേണമെങ്കിലും ധരിച്ചോളൂ. അനേകരുമായി സമ്പര്ക്കത്തില് വരേണ്ടി വരുമല്ലോ. പലനിറത്തിലുള്ള വസ്ത്രം ധരിക്കുന്നത് ബാബ തടയുന്നില്ല. എങ്ങനെയുള്ള വസ്ത്രം വേണമെങ്കിലും ധരിച്ചോളൂ, ഇതുമായി യാതൊരു ബന്ധവുമില്ല. ദേഹ സഹിതം ദേഹത്തിന്റെ എല്ലാ സംബന്ധങ്ങളെയും ഉപേക്ഷിക്കൂ എന്നാണ് ബാബ പറയുന്നത്. ബാക്കി എന്ത് വേണമെങ്കിലും ധരിച്ചോളൂ. കേവലം സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ, ഇതില് ഉറച്ച നിശ്ചയം വെയ്ക്കൂ. ആത്മാവ് തന്നെയാണ് പതിതവും പാവനവുമാകുന്നതെന്ന് അറിയാം, മഹാത്മാവിനെയാണ് മഹാന് ആത്മാവെന്ന് പറയുന്നത്, മഹാന് പരമാത്മാവെന്ന് പറയുകയില്ല. അങ്ങനെ പറയുന്നത് ശോഭനീയമല്ല. മനസ്സിലാക്കുന്നതിവേണ്ടി എത്ര നല്ല പോയന്റുകളുണ്ട്. സര്വ്വര്ക്കും സദ്ഗതി നല്കുന്ന സദ്ഗുരു ഒരു ബാബ മാത്രമാണ്. സത്യയുഗത്തില് ഒരിക്കലും അകാലമൃത്യു ഉണ്ടാവുകയില്ല. ബാബ നിങ്ങള് കുട്ടികളെ വീണ്ടും അങ്ങനെയുള്ള ദേവതയാക്കി മാറ്റുകയാണ് എന്ന് നിങ്ങള്ക്കറിയാം. ബുദ്ധിയില് മുമ്പ് ഇതുണ്ടായിരുന്നില്ല. കല്പത്തിന്റെ ആയുസ്സ് എത്രയാണെന്ന് പോലും അറിയുമായിരുന്നില്ല. ഇപ്പോള് മുഴുവന് കാര്യവും ഓര്മ്മയില് വന്നു. ആത്മാവിനെ തന്നെയാണ് പാപാത്മാവെന്നും പുണ്യാത്മാവെന്നും പറയുന്നത് എന്ന് കുട്ടികള്ക്ക് മനസ്സിലായി. പാപ പരമാത്മാവെന്ന് ഒരിക്കലും പറയുകയില്ല. എന്നിട്ടും ചിലര് പരമാത്മാവ് സര്വ്വവ്യാപിയാണെന്ന് പറയുന്നത് എത്ര വലിയ അറിവില്ലായ്മയാണ്. ഇത് ബാബയിരുന്ന് മനസ്സിലാക്കി തരികയാണ്. 5000 വര്ഷങ്ങള്ക്ക് ശേഷം ബാബ വന്ന് പാപാത്മാക്കളെ പുണ്യാത്മാക്കളാക്കി മാറ്റുകയാണ് എന്ന് ഇപ്പോള് നിങ്ങള്ക്ക് മനസ്സിലായി. ഒരാളെ മാത്രമല്ല, എല്ലാ കുട്ടികളെയും ആക്കി മാറ്റുന്നു. ബാബ പറയുകയാണ് നിങ്ങള് കുട്ടികളെ ഇങ്ങനെയാക്കിമാറ്റുന്ന പരിധിയില്ലാത്ത അച്ഛനാണ് ഞാന്. തീര്ച്ചയായും കുട്ടികള്ക്ക് പരിധിയില്ലാത്ത സുഖം നല്കുന്നു. സത്യയുഗത്തില് പവിത്ര ആത്മാക്കാളാണ് ഉണ്ടായിരിക്കുക. രാവണനെ ജയിക്കുമ്പോഴാണ് നിങ്ങള് പുണ്യ ആത്മാവായി മാറുന്നത്. മായ എത്ര വിഘ്നം ഇടുന്നുണ്ട് എന്നത് നിങ്ങള് തന്നെ ഫീല് ചെയ്യുന്നുണ്ട്. ഒറ്റയടിക്ക് മൂക്കില് പിടിച്ച് ചുറ്റിയെറിയുന്നു. മായയുമായി യുദ്ധം നടക്കുന്നതെങ്ങനെയാണ് എന്ന് നിങ്ങള്ക്ക് മനസ്സിലായി. പിന്നീടവര് കൗരവ-പാണ്ഢവ യുദ്ധം, സൈന്യം മുതലായ എന്തെല്ലാമാണ് കാണിച്ചിരിക്കുന്നത്. ഈ യുദ്ധത്തെക്കുറിച്ച് ആര്ക്കും അറിയുകയില്ല. ഇത് ഗുപ്തമാണ്. ഇത് നിങ്ങള്ക്കാണറിയുക. മായയുമായി നമ്മള് ആത്മാക്കളാണ് യുദ്ധം ചെയ്യുന്നത്. നമ്മുടെ ഏറ്റവും വലിയ ശത്രു കാമ വികാരമാണെന്ന് ബാബ പറയുന്നു. യോഗബലത്തിലൂടെ നിങ്ങളതില് വിജയം നേടുന്നു. യോഗബലത്തിന്റെ അര്ത്ഥവും ആര്ക്കും അറിയുകയില്ല. ആരാണോ സതോപ്രധാനമായിരുന്നത് അവര് തന്നെയാണ് തമോപ്രധാനമാകുന്നതും. അനേക ജന്മങ്ങളുടെ അന്തിമ ജന്മത്തില് ഞാന് ഈ ശരീരത്തില് പ്രവേശിക്കുന്നുവെന്ന് ബാബ സ്വയം പറയുന്നു. ആത്മാവ് തന്നെയാണ് തമോപ്രധാനമാകുന്നത്, തതത്ത്വം. ബാബ ഒരാള്ക്ക് മാത്രമായി ഒന്നും പറയുന്നില്ല. സംഖ്യാക്രമത്തില് എല്ലാവരോടും പറയുന്നു. ആരെല്ലാമാണ് നമ്പര്വൈസെന്ന് ഇവിടെ നിങ്ങള്ക്ക് മനസ്സിലാകും മുന്നോട്ട് പോകുന്തോറും നിങ്ങള്ക്ക് കൂടുതല് മനസ്സിലാക്കാന് സാധിക്കും. മാലയുടെ സാക്ഷാത്ക്കാരവും നിങ്ങള്ക്ക് ഉണ്ടാകും. സ്ക്കൂളില് എപ്പോഴാണോ ട്രാന്സ്ഫര് ഉണ്ടാകുന്നത് അപ്പോള് എല്ലാം മനസ്സിലാക്കാന് സാധിക്കുമല്ലോ. മുഴുവന് റിസള്ട്ടും പുറത്തുവരും.

ബാബ ഒരു പുത്രിയോട് ചോദിച്ചു - നിങ്ങളുടെ പരീക്ഷയുടെ ചോദ്യപേപ്പര് എവിടെ നിന്നാണ് വരുന്നത്. ലണ്ടനില് നിന്നാണെന്ന് പറഞ്ഞു. നിങ്ങളുടെ പേപ്പര് എവിടെ നിന്ന് വരും? മുകളില് നിന്ന്. നിങ്ങളുടെ പേപ്പര് മുകളില് നിന്നാണ് വരുന്നത്. എല്ലാ സാക്ഷാത്ക്കാരവും കാണും. വളരെ അത്ഭുതകരമായ പഠിപ്പാണ്. ആരാണ് പഠിപ്പിക്കുന്നതെന്ന് ആര്ക്കും അറിയുകയില്ല. കൃഷ്ണ ഭഗവാനുവാച എന്ന് പറയുന്നു. എല്ലാവരും സംഖ്യാക്രമമായാണ് പഠിക്കുന്നത്. അതുകൊണ്ട് സന്തോഷവും ക്രമത്തിലായിരിക്കും. അതീന്ദ്രീയസുഖം എന്താണെന്ന് ഗോപ-ഗോപികമാരോട് ചോദിക്കൂ എന്ന് പാടാറുണ്ട് - ഇത് അന്തിമത്തെ കാര്യമാണ്. ബാബ മനസ്സിലാക്കി തരികയാണ്, ബാബയ്ക്കറിയാം - ഈ കുട്ടികള് ഒരിക്കലും വീണുപോകുന്നവരല്ല എന്നിട്ടും അറിയുന്നില്ല ഇവര്ക്കെന്താണ് സംഭിച്ചത്. പഠിപ്പ് പഠിക്കുന്നില്ല, ഭാഗ്യത്തിലില്ല. ആ ലോകത്തിലേക്കു പോയി ഒരു കുടുംബമുണ്ടാക്കൂ എന്ന് ചെറുതായൊന്ന് ഒന്നു പറഞ്ഞാല് തന്നെ പെട്ടെന്ന് പോകുന്നു. എവിടെ നിന്ന് വന്ന് എവിടേക്കോ തന്നെ പോകുന്നു. അവരുടെ പെരുമാറ്റം, വാക്ക്, കര്മ്മം എല്ലാം അങ്ങനെയായിരിക്കും. അല്പമെന്തെങ്കിലും ലഭിച്ചാല് നമുക്ക് പോയി വേറെ താമസിക്കാം എന്ന് ചിന്തിക്കുന്നു. പെരുമാറ്റത്തിലൂടെ മനസ്സിലാക്കാന് സാധിക്കുന്നു. അതിനര്ത്ഥം നിശ്ചയമല്ല എന്നാണ്, നാമമാത്രമായി ഇരിക്കുകയാണ്. ജ്ഞാനത്തിന്റെ ആദ്യക്ഷരം പോലും അറിയാത്ത ധാരാളം പേരുണ്ട്. പഠിക്കാന് ഇരിക്കുക പോലുമില്ല. മായ പഠിക്കാന് അനുവദിക്കുകയില്ല. ഇങ്ങനെയുള്ളവര് എല്ലാ സെന്ററുകളിലുമുണ്ട്. പലപ്പോഴും പഠിക്കാന് വരുന്നില്ല. അത്ഭുതമല്ലേ. വളരെ ഉയര്ന്ന പഠിപ്പാണ്. ഭഗവാനാണ് പഠിപ്പിക്കുന്നത്. ഈ പ്രവൃത്തി ചെയ്യരുതെന്ന് ബാബ പറഞ്ഞാല് അംഗീകരിക്കുന്നില്ല. തലകീഴായ പ്രവൃത്തി ചെയ്യുന്നു. രാജധാനി സ്ഥാപിച്ചു കൊണ്ടിരിക്കുകയാണ്, അപ്പോള് പല പ്രകാരത്തിലുള്ളവര് വേണമല്ലോ. മുകളില് നിന്ന് താഴെ വരേയ്ക്കും എല്ലാവരും ആയിത്തീരും. എന്നാല് പദവിയില് വ്യത്യാസമുണ്ടായിരിക്കുമല്ലോ. ഇവിടെയും നമ്പര്വൈസ് പദവിയാണുള്ളത്. കേവലം വ്യത്യാസമെന്താണുള്ളത്? അവിടെ കൂടുതല് ആയുസ്സും സുഖവും ഉണ്ടാകും. ഇവിടെ ആയുസ്സു കുറവും ദുഃഖവുമായിരിക്കും. കുട്ടികളുടെ ബുദ്ധിയില് ഇതെല്ലാം അത്ഭുതകരമായ കാര്യങ്ങളാണ്. ഈ ഡ്രാമ എങ്ങനെയാണ് ഉണ്ടാക്കപ്പെട്ടിട്ടുള്ളത്. വീണ്ടും കല്പ-കല്പ ം അതേ പാര്ട്ട് അഭിനയിക്കുന്നു. സ്വാഭാവവും പ്രവൃത്തിയുമെല്ലാം അതു തന്നെയാണ്... ഈ സൃഷ്ടി ചക്രം കറങ്ങികൊണ്ടിരിക്കുന്നു. ഉണ്ടായതും ഉണ്ടാക്കപ്പെട്ടതും ഉണ്ടായികൊണ്ടിരിക്കുന്നതും... ഈ ചക്രം വീണ്ടും ആവര്ത്തിക്കപ്പെടും. സതോപ്രധാനം, സതോ, രജോ, തമോയിലേയ്ക്ക് വരുന്നു. ഇതില് സംശയിക്കേണ്ട കാര്യമില്ല. ശരി, സ്വയം ആത്മാവാണെന്ന് മനസ്സിലാക്കുന്നുണ്ടോ? ആത്മാവിന്റെ അച്ഛന് ശിവബാബയാണെന്ന് മനസ്സിലാക്കുന്നുണ്ടല്ലോ. ആരാണോ സതോപ്രധാനമായിരുന്നത് അവര് പിന്നീട് തമോപ്രധാനമാകുന്നു ബാബയെ ഓര്മ്മിക്കുന്നതിലൂടെ വീണ്ടും സതോപ്രധാനമായി മാറാന് സാധിക്കും. ഇത് നല്ലതല്ലേ. കേവലം ഇവിടെവരെ എത്തിക്കാന് കഴിയണം. പരിധിയില്ലാത്ത ബാബ സ്വര്ഗത്തിന്റെ സമ്പത്ത് നല്കുകയാണെന്ന് പറയൂ. ആ ബാബ തന്നെയാണ് പതിത പാവനന്. ബാബ ജ്ഞാനം നല്കുകയാണ്, ഇതില് ശാസ്ത്രങ്ങളുടെയൊന്നും കാര്യമില്ല. തുടക്കത്തില് ശാസ്ത്രം എവിടെ നിന്നാണ് വന്നത്? ഇവിടെയിപ്പോള് അനേകര് വരുന്നുണ്ട് അവര് പിന്നീടിരുന്ന് ശാസ്ത്രങ്ങള് ഉണ്ടാക്കുന്നു. സത്യയുഗത്തില് ശാസ്ത്രങ്ങള് ഉണ്ടായിരിക്കുകയില്ല. പരമ്പരയായി ഒരു വസ്തുവുമുണ്ടായിരിക്കുകയില്ല. പേരും രൂപവുമല്ലാം മാറുന്നു. ശരി!

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര-മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) ഒരിക്കലും തലയിട്ടടിക്കരുത്. നമ്മള് വിശ്വത്തിന്റെ അധികാരിയാവാന് പോകുന്നവരാണ് എന്ന കാര്യം ബുദ്ധിയിലുണ്ടായിരിക്കണം, നമ്മുടെ പെരുമാറ്റം, സംസാരം എല്ലാം വളരെ നല്ലതാക്കണം. ഒരിക്കലുംകരയരുത്.

2) നിശ്ചയബുദ്ധിയായി മാറി ഒരേയൊരു ബാബയുടെ മതത്തിലൂടെ നടക്കണം, ഒരിക്കലും സംശയിക്കുകയോ ഉറക്കം തൂങ്ങുകയോ ചെയ്യരുത്. നിശ്ചയത്തിലാണ് വിജയം, അതുകൊണ്ട് തന്റെ തന്നെ കാല്കാശിന്റെ വഴിയിലൂടെ നടത്തരുത്.

വരദാനം :-
തന്റെ പുരുഷാര്ത്ഥത്തിന്റെ വിധിയിലൂടെ സ്വന്തം ഉന്നതിയുടെ അനുഭവം ചെയ്യുന്ന സഫലതയുടെ നക്ഷത്രമായി ഭവിക്കൂ

ആരാണോ തന്റെ പുരുഷാര്ത്ഥത്തിന്റെ വിധിയിലൂടെ സ്വന്തം ഉന്നതി അഥവാ സഫലതയുടെ അനുഭവം ചെയ്യുന്നത്, അവരാണ് സഫലതയുടെ നക്ഷത്രങ്ങള്, അവരുടെ സങ്കല്പത്തില് തന്റെ പുരുഷാര്ത്ഥത്തെ പ്രതി ഒരിക്കലും ڇനടക്കുമോ ഇല്ലയോ എന്നറിയില്ലڈ, ചെയ്യാന് സാധിക്കുമോ അതോ ചെയ്യാന് സാധിക്കില്ലേ അറിയില്ല - ഈ അസഫതയുടെ അംശ-മാത്ര പോലും ഉണ്ടായിരിക്കില്ല. സ്വയത്തെ പ്രിതി സഫത അധികാരത്തിന്റെ രൂപത്തില് അനുഭവം ചെയ്യും, അവര്ക്ക് സഹജവും സ്വതവേയുമായി സഫലത ലഭിച്ചുകൊണ്ടിരിക്കുന്നു.

സ്ലോഗന് :-
സുഖ സ്വരൂപരായി സുഖം നല്കൂ എങ്കില് പുരുഷാര്ത്ഥത്തില് ആശീര്വ്വാദങ്ങള് വര്ദ്ധിച്ചുകൊണ്ടിരിക്കും.