14.10.2020           Morning Malayalam Murli       Om Shanti           BapDada Madhuban


മധുരമായ കുട്ടികളെ - സംഗമയുഗത്തില്തന് നെയാണ് നിങ്ങള്ക്ക് ആത്മ-അഭിമാനി യായി മാറാനുള്ള പരിശ്രമം ചെയ്യേണ്ടിവരുന്നത് സത്യയുഗത്തിലോ കലിയുഗത്തിലോ ഈ പരിശ്രമമില്ല.

ചോദ്യം :-
ശ്രീകൃഷ്ണന്റെ പേര് തന്റെ മാതാപിതാക്കളുടെ പേരിനെക്കാളും കൂടുതല് പ്രസിദ്ധമാണ്, എന്തുകൊണ്ട് ?

ഉത്തരം :-
1. എന്തുകൊണ്ടെന്നാല് ശ്രീകൃഷ്ണന് മുമ്പ് ആരുടെ ജന്മമുണ്ടായാലും ആ ജന്മം യോഗബലത്തിലൂടെയല്ല ഉണ്ടാകുന്നത്. കൃഷ്ണന്റെ മാതാപിതാക്കള് ഒന്നും യോഗബലത്തിലൂടെയല്ല ജന്മമെടുത്തത്. 2. പൂര്ണ്ണകര്മ്മാതീതമായ അവസ്ഥയുള്ളവര് രാധയും കൃഷ്ണനും തന്നെയാണ്, അവര് തന്നെയാണ് സദ്ഗതി പ്രാപ്തമാക്കുന്നത്. എപ്പോഴാണോ എല്ലാ പാപാത്മാക്കളും ഇല്ലാതാകുന്നത് അപ്പോള് പവിത്രമായ പുതിയ ലോകത്തില് ശ്രീകൃഷ്ണന് ജന്മമെടുക്കും, അതിനെ തന്നെയാണ് വൈകുണ്ഠം എന്നു പറയുന്നത്. 3. സംഗമയുഗത്തില് ശ്രീകൃഷ്ന്റെ ആത്മാവ് ഏറ്റവുമധികം പുരുഷാര്ത്ഥം ചെയ്യതിട്ടുണ്ട് അതുകൊണ്ടാണ് കൃഷ്ണന്റെ പേര് പ്രസിദ്ധമായത്.

ഓംശാന്തി.
മധുര -മധുരമായ ആത്മീയ കുട്ടികള്ക്ക് ആത്മീയ അച്ഛന് ഇരുന്ന് മനസ്സിലാക്കിതരുന്നു. അയ്യായിരം വര്ഷത്തിനുശേഷം ഒരു തവണ മാത്രമെ കുട്ടികളെ വന്ന് പഠിപ്പിക്കുന്നുള്ളൂ, വിളിക്കുന്നുണ്ട് ഞങ്ങള് പതിതരെ വന്ന് പാവനമാക്കി മാറ്റൂ. അതിനാല് തെളിയിക്കുന്നു, ഇത് പതിതമായ ലോകമാണെന്ന്. പുതിയ ലോകം, പാവനമായ ലോകം ഉണ്ടായിരുന്നു. പുതിയ കെട്ടിടത്തിന് ഭംഗിയുണ്ടാകും. പഴയത് പൊട്ടിയതും പൊളിഞ്ഞതുമായിരിക്കും. മഴയത്ത് വീണു പോകും. ഇപ്പോള് നിങ്ങള് കുട്ടികള്ക്കറിയാം ബാബ വന്നിരിക്കുകയാണ് പുതിയ ലോകമുണ്ടാക്കാന്. ഇപ്പോള് പഠിപ്പിക്കുകയാണ്. പിന്നീട് അയ്യായിരം വര്ഷത്തിനുശേഷം പഠിപ്പിക്കും. ഇങ്ങനെ ഒരിക്കലും ഒരു സാധു - സന്യാസിമാരും തന്റെ ശിഷ്യന്മാരെ പഠിപ്പിക്കില്ല. അവര്ക്കിത് അറിയുകയേയില്ല. കളിയെക്കുറിച്ചും അറിയില്ല എന്തുകൊണ്ടെന്നാല് നിവൃത്തിമാര്ഗ്ഗത്തിലുള്ളവരാണ്. ബാബക്കല്ലാതെ മറ്റാര്ക്കും സൃഷ്ടിയുടെ ആദി-മദ്ധ്യ- അന്ത്യത്തിന്റെ ജ്ഞാനം മനസ്സിലാക്കിതരാന് സാധിക്കില്ല. ആത്മ- അഭിമാനിയാകുന്നതില് തന്നെയാണ് കുട്ടികള്ക്ക് പരിശ്രമമുള്ളത് എന്തുകൊണ്ടെന്നാല് പകുതി കല്പത്തില് നിങ്ങള് ഒരിക്കലും ആത്മ- അഭിമാനിയായി മാറിയിട്ടില്ല. ഇപ്പോള് ബാബ പറയുന്നു സ്വയത്തെ ആത്മാവാണെന്ന് മനസ്സിലാക്കൂ. ആത്മാവു തന്നെയാണ് പരമാത്മാവും, ഇങ്ങനെയല്ല. അല്ല, സ്വയത്തെ ആത്മാവാണെന്ന് മനസ്സിലാക്കി പരമംപിതാ പരമാത്മാ ശിവനെ ഓര്മ്മിക്കണം. മുഖ്യമായത് ഓര്മ്മയുടെ യാത്രയാണ്, ഏതിലൂടെയാണോ നിങ്ങള് പതിതത്തില് നിന്ന് പാവനമായി മാറുന്നത്. ഇതിലൊരു സ്ഥൂലമായ കാര്യവുമില്ല. മൂക്കും ചെവിയുമൊന്നും അടക്കേണ്ട ആവശ്യമില്ല. ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ- എന്നതാണ് മുഖമായ കാര്യം. നിങ്ങള് പകുതി കല്പം മുതലെ ദേഹാഭിമാനത്തിന്റെ പിടിയിലാണ്. ആദ്യം സ്വയത്തെ ആത്മാവാണെന്ന് മനസ്സിലാക്കുമ്പോഴേ ബാബയെ ഓര്മ്മിക്കാന് സാധിക്കുകയുള്ളൂ. ഭക്തിമാര്ഗ്ഗത്തിലും ബാബാ- ബാബാ എന്ന് പറഞ്ഞുകൊണ്ടേ വന്നു. കുട്ടികള്ക്കറിയാം സത്യയുഗത്തില് ഒരേ ഒരു ലൗകിക അച്ഛനെയുള്ളൂ. അവിടെ പാരലൗകിക ബാബയെ ഓര്മ്മിക്കാറില്ല എന്തുകൊണ്ടെന്നാല് സുഖമാണ്. ഭക്തിമാര്ഗ്ഗത്തില് പിന്നീട് രണ്ട് അച്ഛന്മാരാകുന്നു. ലൗകികവും പാരലൗകികവും. ദുഖത്തില് എല്ലാവരും പാരലൗകിക ബാബയെയാണ് ഓര്മ്മിക്കുന്നത്. സത്യയുഗത്തില് ഭക്തിയുണ്ടാകുന്നില്ല. അവിടെയാണെങ്കില് ജ്ഞാനത്തിന്റെ പ്രാപ്തിയാണുള്ളത്. ജ്ഞാനമുണ്ടാകുകയുമില്ല. ഈ സമയത്തെ ജ്ഞാനത്തിന്റെ പ്രാപ്തിയാണ് ലഭിക്കുന്നത്. ബാബയാണെങ്കില് ഒരു തവണ മാത്രമാണ് വരുന്നത്. പകുതി കല്പം പരിധിയില്ലാത്ത അച്ഛന്റെ, സുഖത്തിന്റെ സമ്പത്താണുള്ളത്. പിന്നീട് ലൗകിക അച്ഛനില് നിന്ന് അല്പകാലത്തെ സമ്പത്ത് ലഭിക്കുന്നു. ഇത് മനുഷ്യര്ക്ക് മനസ്സിലാക്കിതരാന് സാധിക്കില്ല. ഇതാണ് പുതിയ കാര്യം, അയ്യായിരം വര്ഷത്തില് സംഗമയുഗത്തില് ഒരു തവണയാണ് ബാബ വരുന്നത്. എപ്പോഴാണോ കലിയുഗത്തിന്റെ അവസാനവും, സത്യയുഗ ആദിയിലെ സംഗമവും ഉണ്ടാകുന്നത് അപ്പോഴാണ് ബാബ വരുന്നത് - പുതിയ ലോകം വീണ്ടും സ്ഥാപിക്കാന്. പുതിയ ലോകത്തില് ഈ ലക്ഷ്മീ- നാരായണന്റെ രാജ്യമായിരുന്നു പിന്നീട് ത്രേതായുഗത്തില് രാമരാജ്യമായിരുന്നു. പിന്നീട് ദേവതകളുടെ ഇത്രയും ചിത്രം ഉണ്ടാക്കിയിട്ടുള്ളതെല്ലാം ഭക്തിമാര്ഗ്ഗത്തിലെ സാമഗ്രികളാണ്. ബാബ പറയുന്നു ഇവയെ എല്ലാം മറക്കൂ. ഇപ്പോള് തന്റെ വീടിനെയും പുതിയ ലോകത്തെയും ഓര്മ്മിക്കൂ.

ജ്ഞാനമാര്ഗ്ഗമാണ് വിവേകത്തിന്റെ മാര്ഗ്ഗം, അതിലൂടെ നിങ്ങള് 21 ജന്മത്തേക്ക് വിവേകശാലികളായി മാറുന്നു. ഒരു ദു;ഖവും ഉണ്ടാകുന്നില്ല. സത്യയുഗത്തില് ഒരിക്കലും ആരും ഇങ്ങനെ പറയില്ല നമുക്ക് ശാന്തി വേണമെന്ന്. പറയാറില്ലേ - യാചിക്കുന്നതിനെക്കാളും മരിക്കുന്നതാണ് ഭേദം എന്ന്. ബാബ നിങ്ങളെ അങ്ങനെയുള്ള ധനവാനാക്കി മാറ്റുകയാണ് പിന്നെ ദേവതകള്ക്ക് ഭഗവാനില് നിന്ന് ഒരു വസ്തുവും യാചിക്കേണ്ട ആവശ്യമുണ്ടാകുന്നില്ല. ഇവിടെയാണെങ്കില് ആശിര്വാദങ്ങള് യാചിക്കുകയാണല്ലോ. പോപ് മുതലായവര് വരുമ്പോള് എത്രപേരാണ് ആശിര്വാദം വാങ്ങാന് പോകുന്നത്. പോപ്പ് എത്രപേരുടെ വിവാഹങ്ങളാണ് നടത്തികൊടുക്കുന്നത്. ബാബയാണെങ്കില് ഈ ജോലി ചെയ്യുന്നില്ല. ഭക്തിമാര്ഗ്ഗത്തില് എന്തെല്ലാം കഴിഞ്ഞുപോയിട്ടുണ്ടോ അത് ഇപ്പോള് നടന്നുകൊണ്ടിരിക്കുകയാണ് പിന്നീട് വീണ്ടും ആവര്ത്തിക്കും. ദിവസം തോറും ഭാരതം എത്രയാണ് അധപതിച്ചുകൊണ്ടുപോകുന്നത്. ഇപ്പോള് നിങ്ങള് സംഗമയുഗത്തിലാണ്. ബാക്കി എല്ലാവരും കലിയുഗത്തിലെ മനുഷ്യരാണ്. ഏതുവരെ ഇവിടേക്ക് വരുന്നില്ലയോ അതുവരെ ഒന്നും മനസ്സിലാക്കാന് സാധിക്കില്ല, ഇപ്പോള് സംഗമമാണോ അതോ കലിയുഗമാണോ എന്ന് ? ഒരു വീട്ടിലെ കുട്ടികള് തന്നെ മനസ്സിലാക്കുന്നു സംഗമത്തിലാണെന്ന്, അച്ഛന് പറയും നമ്മള് കലിയുഗത്തിലാണെന്ന് അപ്പോള് എത്ര ബുദ്ധിമുട്ടാണ് ഉണ്ടാവുന്നത്. കഴിക്കുന്നതിന്റെയും - കുടിക്കുന്നതിന്റെയും ബുദ്ധിമുട്ടുണ്ടാകുന്നു. നിങ്ങള് സംഗമയുഗികളാണ് പവിത്രമായ ഭോജനം കഴിക്കുന്നവരാണ്. ദേവതകള് ഒരിക്കലും ഉള്ളി മുതലായവയൊന്നും കഴിക്കില്ലല്ലോ. ഈ ദേവതകളെ പറയുന്നതു തന്നെ നിര്വ്വികാരികള് എന്നാണ്. ഭക്തിമാര്ഗ്ഗത്തില് എല്ലാം തമോപ്രധാനമായി മാറിയിരിക്കുന്നു. ഇപ്പോള് ബാബ പറയുന്നു സതോപ്രധാനമായി മാറൂ. ആത്മാവ് മുമ്പ് സതോപ്രധാനമായിരുന്നു പിന്നീട് തമോപ്രധാനമായി മാറിയതാണ് എന്ന് ആരും മനസ്സിലാക്കുന്നവര് ഇല്ല എന്തുകൊണ്ടെന്നാല് അവര് ആത്മാവിനെ നിര്ലേപമെന്ന് മനസ്സിലാക്കുന്നു. ആത്മാവു തന്നെയാണ് പരമാത്മാവ്, അങ്ങനെ- അങ്ങനെ എന്ന് പറയുന്നു. ബാബ പറയുന്നു ജ്ഞാനത്തിന്റെ സാഗരന് ഞാന് തന്നെയാണ്, ആരാണോ ഈ ദേവി- ദേവതാ ധര്മ്മത്തിലുള്ളവര് അവരെല്ലാവരും വന്ന് വീണ്ടും തന്റെ സമ്പത്തെടുക്കും. ഇപ്പോള് തൈകള് നടുകയാണ്. നിങ്ങള് മനസ്സിലാക്കും - ഇവര് ഇത്ര ഉയര്ന്ന പദവി പ്രാപ്തമാക്കുന്നതിന് യോഗ്യരല്ലെന്ന്. വീട്ടില് പോയി വിവാഹങ്ങളെല്ലാം നടത്തി മോശമായി മാറിക്കൊണ്ടിരിക്കുന്നു. അപ്പോള് തന്നെ മനസ്സിലാക്കാം ഉയര്ന്ന പദവി പ്രാപ്തമാക്കാന് സാധിക്കില്ല എന്ന്. ഇത് രാജധാനി സ്ഥാപിക്കപ്പെടുകയാണ്. ബാബ പറയുന്നു - ഞാന് നിങ്ങളെ രാജാക്കന്മാരുടെയും രാജാവാക്കി മാറ്റുകയാണ് അതിനാല് തീര്ച്ചയായും പ്രജയുണ്ടാക്കണം. ഇല്ലെങ്കില് രാജ്യമെങ്ങനെ പ്രാപ്തമാക്കും. ഇത് ഗീതയിലെ അക്ഷരമാണല്ലോ - ഇതിനെ പറയുന്നതു തന്നെ ഗീതയുടെ യുഗമെന്നാണ്. നിങ്ങള് രാജയോഗം പഠിക്കുകയാണ് - അറിയാം ആദി - സനാതന ദേവീ-ദേവതാ ധര്മ്മത്തിന്റെ അടിത്തറയിടുകയാണ്. സൂര്യവംശി - ചന്ദ്രവംശീ രണ്ട് രാജ്യത്തിന്റെയും സ്ഥാപന നടക്കുകയാണ്. ബ്രാഹ്മണകുലം സ്ഥാപിച്ചു കഴിഞ്ഞു. ബ്രാഹ്മണര് തന്നെയാണ് പിന്നീട് സൂര്യവംശികളും - ചന്ദ്രവംശികളുമായി മാറുന്നത്. ആരാണോ നല്ല രീതിയില് പരിശ്രമിക്കുന്നത് അവര് സൂര്യവംശികളായി മാറും. ബാക്കി ധര്മ്മത്തിലുള്ളവര് ആരെല്ലാമാണോ വരുന്നത് അവര് തന്റെ ധര്മ്മം സ്ഥാപിക്കാനാണ് വരുന്നത്. പിറകില് ആ ധര്മ്മത്തിന്റെ ആത്മാക്കള് വന്നുകൊണ്ടെയിരിക്കും, ധര്മ്മത്തിന്റെ അഭിവൃദ്ധിയുണ്ടായിക്കൊണ്ടിരിക്കുന്നു. മനസ്സിലാക്കൂ, കൃസ്ത്യാനിയാണെങ്കില് അവരുടെ ബീജരൂപം കൃസ്തുവായിരിയ്ക്കും. നിങ്ങളുടെ ബീജരൂപം ആരാണ് ? ബാബ, എന്തുകൊണ്ടെന്നാല് ബാബ തന്നെയാണ് ബ്രഹ്മാവിലൂടെ സ്വര്ഗ്ഗത്തിന്റെ സ്ഥാപന ചെയ്യുന്നത്. ബ്രഹ്മാവിനെ തന്നെയാണ് പ്രജാപിതാവെന്ന് പറയുന്നത്. രചയിതാവെന്ന് പറയില്ല. ഈ ബ്രഹ്മാവിലൂടെയാണ് കുട്ടികളെ ദത്തെടുക്കുന്നത്. ബ്രഹ്മാവിനെയും രചിക്കുകയാണല്ലോ. ബാബ വന്ന് പ്രവേശിച്ച് ബ്രഹ്മാവിനെ രചിക്കുന്നു. ശിവബാബ പറയുന്നു നിങ്ങള് എന്റെ കുട്ടികളാണെന്ന്. ബ്രഹ്മാവും പറയുകയാണ് നിങ്ങള് എന്റെ സാകാരി കുട്ടികളാണെന്ന്. ഇപ്പോള് നിങ്ങള് കറുത്തവരും പതിതരുമായി മാറിയിരിക്കുകയാണ്. ഇപ്പോള് വീണ്ടും ബ്രാഹ്മണരായി മാറിയിരിക്കുകയാണ്. ഈ സംഗമയുഗത്തില് തന്നെയാണ് നിങ്ങള് പുരുഷോത്തമ ദേവീ-ദേവതയാകാനുള്ള പരിശ്രമം ചെയ്യുന്നത്. ദേവതകള്ക്കും ശൂദ്രന്മാര്ക്കും ഒരു പരിശ്രമവും ചെയ്യേണ്ട ആവശ്യമില്ല, നിങ്ങള് ബ്രാഹ്മണര്ക്ക് ദേവതയായി മാറാന് വേണ്ടി പരിശ്രമിക്കേണ്ടി വരുന്നു. ബാബ വരുന്നതു തന്നെ സംഗമത്തിലാണ്. ഇത് വളരെ ചെറിയ ഒരു യുഗമാണ് അതുകൊണ്ട് ഇതിനെ ലീപ് യുഗമെന്ന് പറയുന്നു. ഈ സംഗമയുഗത്തെക്കുറിച്ച് ആര്ക്കും ഒന്നും അറിയില്ല. ബാബക്കും പരിശ്രമിക്കേണ്ടി വരുന്നു. പെട്ടെന്നു തന്നെ പുതിയ ലോകം ഉണ്ടാകുന്നു, അങ്ങിനെയല്ല. നിങ്ങള്ക്ക് ദേവതകളായി മാറാന് സമയമെടുക്കുന്നു. ആരാണോ നല്ല കര്മ്മം ചെയ്യുന്നത് അവര് നല്ല കുലത്തില് പോയി ജന്മമെടുക്കുന്നു. ഇപ്പോള് നിങ്ങള് നമ്പര്വാര് പുരുഷാര്ത്ഥമനുസരിച്ച് പവിത്രമായി മാറുകയാണ്. ആത്മാവു തന്നെയാണ് ആയിമാറുന്നത്. ഇപ്പോള് നിങ്ങളുടെ ആത്മാവ് നല്ല കര്മ്മം പഠിച്ചുകൊണ്ടിരിക്കുകയാണ്. ആത്മാവു തന്നെയാണ് നല്ലത് അഥവാ മോശം സംസ്കാരം കൊണ്ടുപോകുന്നത്. ഇപ്പോള് നിങ്ങള് പൂക്കളായി മാറി നല്ല കുടുംബത്തില് ജന്മമെടുത്തുകൊണ്ടെയിരിക്കും. ഇവിടെ ആരാണോ നല്ല പുരുഷാര്ത്ഥം ചെയ്യുന്നത് അവര് തീര്ച്ചയായും നല്ല കുടുംബത്തില് ജന്മമെടുക്കും. നമ്പര്വൈസാണല്ലോ. എങ്ങനെയുള്ള കര്മ്മമാണോ ചെയ്യുന്നത് അങ്ങനെയുള്ള ജന്മമെടുക്കുന്നു. എപ്പോഴാണോ മോശമായ കര്മ്മം ചെയ്യുന്നവര് തീര്ത്തും ഇല്ലാതാകുന്നത് പിന്നീടാണ് സ്വര്ഗ്ഗത്തിന്റെ സ്ഥാപനയുണ്ടാകുന്നത്, തരംതിരിച്ചശേഷം. എന്തെല്ലാം തമോപ്രധാനമായിട്ടുണ്ടോ അവയെല്ലാം ഇല്ലാതാക്കുന്നു. പിന്നീട് പുതിയ ദേവതകളുടെ വരവ് തുടങ്ങുന്നു. എപ്പോഴാണോ ഭ്രഷ്ടാചാരമെല്ലാം ഇല്ലാതാകുന്നത് അപ്പോഴാണ് കൃഷ്ണന്റെ ജന്മമുണ്ടാകുന്നത്, അതുവരെ മാറിമറിഞ്ഞുകൊണ്ടിരിയ്ക്കും. എപ്പോഴാണോ ഒരു അപവിത്രമായവരും ഇല്ലാതാകുന്ത്, അതുവരെ നിങ്ങള് വന്നിട്ടും പോയിട്ടും ഇരിക്കും. കൃഷ്ണനെ സ്വീകരിക്കാനുള്ള മാതാപിതാക്കള് നേരത്തെ തന്നെ ഉണ്ടാകണമല്ലോ. പിന്നീടെല്ലാവരും സുഖമായിരിക്കും. ബാക്കിയുള്ളവരെല്ലാം പോകും, അപ്പോള് മാത്രമെ അതിനെ സ്വര്ഗ്ഗമെന്നു പറയാന് സാധിക്കുകയുള്ളൂ. നിങ്ങള് കൃഷ്ണനെ സ്വീകരിക്കുന്നവരായിരിക്കും. ഒരുപക്ഷെ നിങ്ങളുടെ മോശമായ ജന്മമായിരിക്കും എന്തുകൊണ്ടെന്നാല് രാവണരാജ്യമല്ലെ. ശുദ്ധമായ ജന്മമായിരിക്കാന് സാധിക്കില്ല. പവിത്രമായ ജന്മം ആദ്യമാദ്യം കൃഷ്ണന്റെ തന്നെയായിരിക്കും ഉണ്ടായിരിക്കുക. അതിനു ശേഷമാണ് പുതിയ ലോകമായ വൈകുണ്ഠം എന്നു പറയാന് സാധിക്കുന്നത്. കൃഷ്ണന് തീര്ത്തും പാവനമായ ലോകത്തിലാണ് വരിക. രാവണ സമ്പ്രദായം തികച്ചും ഇല്ലാതാകും. കൃഷ്ണന്റെ പേര് തന്റെ മാതാപിതാക്കളുടെ പേരിനെക്കാളും കൂടുതല് പ്രസിദ്ധമാണ്. കൃഷ്ണന്റെ മാതാപിതാക്കളുടെ പേര് അത്രയും പ്രസിദ്ധമല്ല. കൃഷ്ണന് മുമ്പ് ആരുടെ ജന്മമാണോ ഉണ്ടാകുന്നത് അതിനെ യോഗബലത്തിലൂടെയുള്ള ജന്മമെന്നു പറയില്ല. കൃഷ്ണന്റെ മാതാപിതാക്കള് യോഗബലത്തിലൂടെയാണ് ജന്മമെടുത്തത് എന്നതുമല്ല. ഇല്ല, അഥവാ അങ്ങനെയാണെങ്കില് അവരുടെയും പേര് പ്രശസ്തമാകുമായിരുന്നു. അതിനാല് തെളിയുന്നു അവരുടെ മാതാപിതാക്കള് അത്രയും പുരുഷാര്ത്ഥം ചെയ്തിട്ടില്ല, എത്രത്തോളമാണോ കൃഷ്ണന് ചെയതിട്ടുള്ളത്. ഈ കാര്യങ്ങളെല്ലാം മുന്നോട്ടുപോകുന്തോറും നിങ്ങള് മനസ്സിലാക്കും. പൂര്ണ്ണ കര്മ്മാതീത അവസ്ഥയുള്ളവര് ഈ രാധയും- കൃഷ്ണനും തന്നെയാണ്. അവര് തന്നെയാണ് സദ്ഗതിയിലേക്ക് വരുന്നത്. എപ്പോഴാണോ പാപാത്മാക്കളെല്ലാം ഇല്ലാതാകുന്നത് അപ്പോഴാണ് അവരുടെ ജന്മമുണ്ടാകുന്നത് പിന്നീട് പറയും പാവനമായ ലോകം അതുകൊണ്ടാണ് കൃഷ്ണന്റെ പേരിന് പ്രശസ്തിയുള്ളത്. മാതാപിതാക്കള്ക്ക് ഇത്രയുമില്ല. മുന്നോട്ട് പോകുമ്പോള് നിങ്ങള്ക്ക് ഒരുപാട് സാക്ഷാത്കാരമുണ്ടാകും. സമയമുണ്ടല്ലോ. നിങ്ങള്ക്ക് ആര്ക്ക് വേണമെങ്കിലും മനസ്സിലാക്കികൊടുക്കാന് സാധിക്കും - നമ്മള് ഇങ്ങനെയായിമാറാനാണ് പഠിക്കുന്നത്. വിശ്വത്തില് ഇവരുടെ രാജ്യമിപ്പോള് സ്ഥാപിച്ചുകൊണ്ടിരിക്കുകയാണ്. നമുക്കു വേണ്ടിയാണെങ്കില് പുതിയ ലോകം വേണം. ഇപ്പോള് നിങ്ങളെ ദൈവീക സമ്പ്രദായത്തിലുള്ളവരെന്ന് പറയില്ല. നിങ്ങളാണ് ബ്രാഹ്മണ സമ്പ്രദായത്തിലുള്ളവര്. ദേവതകളായി മാറുന്നവരാണ്. ദൈവീക സമ്പ്രദായത്തിലുള്ളവരായി മാറിക്കഴിഞ്ഞാല് പിന്നീട് നിങ്ങളുടെ ആത്മാവും ശരീരവും രണ്ടും സ്വച്ഛമായിരിക്കും. ഇപ്പോള് നിങ്ങള് സംഗമയുഗീ പുരുഷോത്തമരായി മാറാന് പോകുന്നവരാണ്. ഇതെല്ലാം പരിശ്രമത്തിന്റെ കാര്യമാണ്. ഓര്മ്മയിലൂടെ വികര്മ്മങ്ങളെ ജയിച്ചവരായി മാറണം. നിങ്ങള് സ്വയം പറയുന്നു ഓര്മ്മ ഇടക്കിടക്ക് മറന്നുപോകുന്നു. ബാബ പിക്നിക്കില് ഇരിക്കുമ്പോള് ബാബക്ക് ചിന്ത വരുന്നു. നമ്മള് ഓര്മ്മയിലിരിക്കുന്നില്ല എങ്കില് ബാബ എന്തു പറയും അതുകൊണ്ട് ബാബ പറയുന്നു നിങ്ങള് ഓര്മ്മയിലിരുന്ന് പിക്നിക്ക് ചെയ്യൂ. കര്മ്മം ചെയ്യതുകൊണ്ടും പ്രിയതമനെ ഓര്മ്മിക്കൂ എന്നാല് വികര്മ്മങ്ങള് വിനാശമാകും, ഇതില് തന്നെയാണ് പരിശ്രമമുള്ളത്. ഓര്മ്മയുലൂടെയാണ് ആത്മാവ് പവിത്രമായി മാറുന്നത്, അവിനാശിയായ ധനവും ശേഖരിക്കപ്പെടും. പിന്നീട് അഥവാ അപവിത്രമായി മാറുകയാണെങ്കില് മുഴുവന് ജ്ഞാനവും ഒഴുകിപോകുന്നു. മുഖ്യമായത് പവിത്രതയാണ്. ബാബയാണെങ്കില് നല്ല -നല്ല കാര്യങ്ങള് തന്നെയാണ് മനസ്സിലാക്കിതരുന്നത്. ഈ സൃഷ്ടിയുടെ ആദി-മദ്ധ്യ- അന്ത്യത്തിന്റെ ജ്ഞാനം വേറെ ആരിലുമില്ല. വേറെ ഏതെല്ലാം സത്സംഗങ്ങളുണ്ടോ അതെല്ലാം ഭക്തിമാര്ഗ്ഗത്തിന്റെതാണ്. ബാബ മനസ്സിലാക്കിതരുന്നു- ഭക്തി വാസ്തവത്തില് പ്രവൃത്തിമാര്ഗ്ഗത്തിലുള്ളവര്ക്കു തന്നെയാണ് ചെയ്യേണ്ടത്. നിങ്ങളിലാണെങ്കില് എത്ര ശക്തിയാണ് ഉള്ളത്. വീട്ടില് ഇരുന്നു തന്നെ നിങ്ങള്ക്ക് സുഖം ലഭിക്കുന്നു. സര്വ്വശക്തിവാനായ ബാബയില് നിന്ന് നിങ്ങള് ഇത്രയും ശക്തി എടുക്കുന്നു. സന്യാസിമാരിലും ആദ്യം ശക്തിയുണ്ടായിരുന്നു. കാടുകളില് വസിക്കുമായിരുന്നു. അപ്പോഴാണെങ്കില് എത്ര വലിയ -വലിയ കെട്ടിടങ്ങള് ഉണ്ടാക്കിയാണ് കഴിയുന്നത്. ഇപ്പോള് ആ ശക്തി ഇല്ല. ഏതുപോലെയാണോ നിങ്ങളിലും ആദ്യം സുഖത്തിന്റെ ശക്തിയുണ്ടാകുന്നത്. പിന്നീട് അപ്രത്യക്ഷമാകുന്നു. അവരിലും ആദ്യം ശാന്തിയുടെ ശക്തിയുണ്ടായിരുന്നു. ഇപ്പോള് ആ ശക്തിയില്ല. മുമ്പെല്ലാം സത്യം പറയുമായിരുന്നു രചയിതാവിനെയും രചനയെയും നമ്മള്ക്കറിയില്ല എന്ന്. ഇപ്പോഴാണെങ്കില് സ്വയത്തെ ശിവനാകുന്ന ഭഗവാനാണെന്നു പറഞ്ഞാണ് ഇരിക്കുന്നത്. ബാബ മനസ്സിലാക്കിതരുന്നു - ഈ സമയം മുഴുവന് വൃക്ഷവും ജീര്ണ്ണിച്ചിരിക്കുകയാണ്. അതുകൊണ്ട് സന്യാസിമാരെയും ഉദ്ധരിക്കാനാണ് ഞാന് വരുന്നത്. ഈ ലോകം തന്നെ മാറണം. എല്ലാ ആത്മാക്കളും തിരിച്ചു പോകും. ഒരാളുപോലുമില്ല ആര്ക്കാണോ അറിയുന്നത് നമ്മളുടെ ആത്മാവില് അവിനാശിയായ പാര്ട്ട് അടങ്ങിയിട്ടുണ്ടെന്ന് ഏതാണോ വീണ്ടും ആവര്ത്തിക്കുന്നത്. ആത്മാവ് ഇത്രയും ചെറുതാണ്, ഇതില് അവിനാശിയായ പാര്ട്ട് അടങ്ങിയിട്ടുണ്ട് ഏതാണോ ഒരിക്കലും വിനാശമാകാത്തത്. ഇതില് ബുദ്ധി വളരെ നല്ലതും പവിത്രമായതും വേണം. അത് അപ്പോഴേ നടക്കുകയുള്ളൂ എപ്പോഴാണോ ഓര്മ്മയുടെ യാത്രയില് മുഴുകിയിരിക്കുന്നത്. പരിശ്രമമില്ലാതെ പദവി ലഭിക്കുകയില്ലല്ലോ അതുകൊണ്ട് പാടാറുള്ളത് കയറിയാല് വൈകുണ്ഠം വരെ കയറാം....... എവിടെക്കിടക്കുന്നു ഉയര്ന്നതിലും ഉയര്ന്ന രാജാക്കന്മാരുടെയും രാജാവും ഇരട്ട കിരീടധാരികളും, എവിടെക്കിടക്കുന്നു പ്രജകള്. പഠിപ്പിക്കുന്നത് ഒന്നു തന്നെയാണ്. ഇതില് വളരെ നല്ല വിവേകം വേണം. ബബ വീണ്ടും -വീണ്ടും മനസ്സിലാക്കിതരുകയാണ് മുഖ്യമായത് ഓര്മ്മയുടെ യാത്രയാണ്. ഞാന് നിങ്ങളെ പഠിപ്പിച്ച് വിശ്വത്തിന്റെ അധികാരിയാക്കി മാറ്റുന്നു. അപ്പോള് ടീച്ചര് ഗുരുവുമായിരിക്കും. ബാബയാണെങ്കില് തന്നെ ടീച്ചര്മാരുടെയും ടീച്ചറും, അച്ഛന്മാരുടെയും അച്ഛനുമാണ്. ഇത് നിങ്ങള് കുട്ടികള്ക്കറിയാം ബാബ നമ്മുടെ വളരെ സ്നേഹിയാണ് എന്ന്. അങ്ങനെയുള്ള ബാബയെ ഒരുപാട് ഓര്മ്മിക്കണം. മുഴുവനായും പഠിക്കണം. ബാബയെ ഓര്മ്മിക്കുന്നില്ല എന്നുണ്ടെങ്കില് പാപങ്ങള് നശിക്കില്ല. ബാബ എല്ലാ ആത്മാക്കളെയും കൂടെകൊണ്ടുപോകും. ബാക്കി ശരീരങ്ങളെല്ലാം ഇല്ലാതാകും. ആത്മാക്കളെല്ലാം അവനവന്റെ ധര്മ്മത്തിന്റെ സെക്ഷനില് ചെന്നു വസിക്കുന്നു. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. ബുദ്ധിയെ പവിത്രമാക്കി മാറ്റുന്നതിനുവേണ്ടി ഓര്മ്മയുടെ യാത്രയില് മുഴുകിയിരിക്കണം. കര്മ്മങ്ങള് ചെയ്തുകൊണ്ടും ഒരു പ്രിയതമന്റെ ഓര്മ്മ ഉണ്ടായിരിക്കണം.

2. ഈ ചെറിയ യുഗത്തില് മനുഷ്യനില് നിന്ന് ദേവതയാകുന്നതിനുവേണ്ടിയുള്ള പരിശ്രമം ചെയ്യണം. നല്ല കര്മ്മങ്ങള്ക്കനുസരിച്ച് നല്ല സംസ്കാരങ്ങളെ ധാരണ ചെയ്ത് നല്ല കുലത്തിലേക്ക് പോകണം.

വരദാനം :-
ഭൂമിയിലെ പ്രകാശമായി ഭക്തര്ക്ക് ദൃഷ്ടിയിലൂടെ സായൂജ്യം നല്കുന്ന ദര്ശനീയ മൂര്ത്തി ആയി ഭവിക്കട്ടെ:

മുഴുവന് വിശ്വവും താങ്ങളുടെ ദൃഷ്ടിക്കു വേണ്ടി കാത്തിരിക്കുകയാണ്. എപ്പോഴാണോ ഭൂമിയിലെ പ്രകാശമായ നിങ്ങള് തന്റെ സമ്പൂര്ണ്ണ സ്ഥിതിയില് എത്തിച്ചേരുന്നത് അര്ത്ഥം സമ്പൂര്ണ്ണതയുടെ കണ്ണ് തുറക്കുന്നത് അപ്പോള് നിമിഷം കൊണ്ട് വിശ്വ പരിവര്ത്തനം നടക്കും. പിന്നെ താങ്കള് ദര്ശനീയ മൂര്ത്തികളായ ആത്മാക്കള് തന്റെ ദൃഷ്ടിയിലൂടെ ഭക്ത ആത്മാക്കള്ക്ക് സായൂജ്യം നല്കും. ദൃഷ്ടിയിലൂടെ സായൂജ്യം നേടുന്നവരുടെ ലൈന് നീണ്ടതായിരിക്കും അതിനാല് സമ്പൂര്ണ്ണതയുടെ കണ്ണ് തുറന്നിരിക്കണം.കണ്മിഴികള് അടയ്ക്കുന്നതും സങ്കല്പങ്ങളുടെ കോട്ടുവായിടുന്നതും അവസാനിപ്പിക്കൂ എങ്കില് ദര്ശനീയ മൂര്ത്തിയാകാം.

സ്ലോഗന് :-
നിര്മ്മലമായ സ്വഭാവം വിനയത്തിന്റെ അടയാളമാണ്. നിര്മ്മലമാകൂ, സഫലതാ കിട്ടും.