14.11.19           Morning Malayalam Murli       Om Shanti           BapDada Madhuban


മധുരമായ കുട്ടികളെ - ദേഹീഅഭിമാനിയായി സേവനം ചെയ്യുക യാണെങ്കില് സഫലതലഭി ച്ചുകൊണ്ടിരിക്കും

ചോദ്യം :-
ഏതൊരു സ്മൃതിയില് ഇരിക്കുകയാണെങ്കില് ദേഹാഭിമാനത്തിലേക്ക് വരില്ല?

ഉത്തരം :-
സദാ സ്മൃതി ഉണ്ടായിരിക്കണം നമ്മള് ഈശ്വരീയ സേവകരാണ്. സേവകന് ഒരിക്കലും ദേഹാഭിമാനം വരികയില്ല. എത്രത്തോളം യോഗത്തിലിരിക്കുന്നുവോ അത്രത്തോളം ദേഹാഭിമാനം ഇല്ലാതാകും.

ചോദ്യം :-
ദേഹാഭിമാനികള്ക്ക് ഡ്രാമ അനുസരിച്ച് ഏതൊരു ശിക്ഷയാണ് ലഭിക്കുക?

ഉത്തരം :-
അവരുടെ ബുദ്ധിയില് ഈ ജ്ഞാനം നില്ക്കുകയില്ല. ധനവാന്മാരില് ധനം കാരണം ദേഹാഭിമാനം ഉണ്ടാകുന്നു. അതുകൊണ്ട് അവര്ക്ക് ഈ ജ്ഞാനത്തെ മനസ്സിലാക്കാന് സാധിക്കില്ല. ഇതും അവര്ക്ക് ലഭിക്കുന്ന ഒരു ശിക്ഷയാണ്. സാധാരണക്കാര് സഹജമായും മനസ്സിലാക്കുന്നു.


ഓംശാന്തി.
ആത്മീയ പിതാവ് ബ്രഹ്മാവിലൂടെ നിര്ദ്ദേശം നല്കിക്കൊണ്ടിരിക്കുന്നു. ഓര്മ്മിക്കുകയാണെങ്കില് ഇവരെ പോലെയായി മാറും (ലക്ഷ്മീ-നാരായണന്) സതോപ്രധാനമായി തന്റെ സ്വര്ഗ്ഗീയ രാജ്യത്തിലേക്ക് പ്രവേശിക്കും. ഈ കാര്യം കേവലം നിങ്ങളോടല്ല പറയുന്നത്, ഈ ശബ്ദം മുഴുവന് ഭാരതത്തിലും, വിദേശത്തിലും എല്ലാവരിലേക്കും പോകും. വളരെയധികം പേര്ക്ക് സാക്ഷാത്കാരവും ഉണ്ടാവും. ആരുടെ സാക്ഷാത്കാരമാണ് ഉണ്ടാകേണ്ടത്? ഇതും ബുദ്ധികൊണ്ട് മനസ്സിലാക്കേണ്ട കാര്യമാണ്. ബാബ ബ്രഹ്മാവിലൂടെയാണ് സാക്ഷാത്കാരം ചെയ്യിപ്പിച്ച് പറയുന്നത്- രാജകുമാരനായിത്തീരണമെങ്കില് ബ്രഹ്മാവിന്റെയും ബ്രാഹ്മണരുടേയും അടുത്തേക്ക് പോകൂ. വിദേശീയരും ഇവരെക്കുറിച്ച് മനസ്സിലാക്കാന് ആഗ്രഹിക്കുന്നു. ഭാരതം സ്വര്ഗ്ഗമായിരുന്നപ്പോള് ആരുടെ രാജ്യമായിരുന്നു? ഇത് പൂര്ണ്ണമായും ആരും അറിയുന്നില്ല. ഭാരതം തന്നെയാണ് സ്വര്ഗ്ഗമായിരുന്നത്. ഇപ്പോള് നിങ്ങള്, സര്വ്വര്ക്കും ഇത് മനസ്സിലാക്കിക്കൊടുത്തുകൊണ്ടിരിക്കുകയാണ്. ഇതാണ് സഹജരാജയോഗം ഇതിലൂടെ ഭാരതം സ്വര്ഗ്ഗമായിത്തീരുന്നു. വിദേശീയരുടെ ബുദ്ധി കുറച്ചെങ്കിലും നല്ലതാണ് അവര് പെട്ടന്ന് മനസ്സിലാക്കും. ഇപ്പോള് സേവാധാരികളായ കുട്ടികള്ക്ക് എന്താണ് ചെയ്യേണ്ടത്? അവര്ക്കുള്ള നിര്ദ്ദേശങ്ങളും ബാബയ്ക്ക് നല്കണം. കുട്ടികള്ക്ക് പ്രാചീന-രാജയോഗമാണ് പഠിപ്പിച്ചുകൊടുക്കേണ്ടത്. നിങ്ങളുടെ പക്കല് മ്യൂസിയം അഥവാ പ്രദര്ശിനിയില് ധാരാളം പേര് വരുന്നു. ഇവര് നല്ല കാര്യമാണ് ചെയ്യുന്നത് എന്നെല്ലാം അഭിപ്രായങ്ങള് എഴുതാറുണ്ട് എന്നാല് സ്വയം മനസ്സിലാക്കുന്നില്ല. അല്പമെങ്കിലും ഏല്ക്കുകയാണെങ്കില് വരും. സാധാരണക്കാരാണ് തന്റെ ഭാഗ്യത്തെ നല്ലതാക്കിമാറ്റാനും മനസ്സിലാക്കാനുമുള്ള പുരുഷാര്ത്ഥം ചെയ്യുന്നത്. ധനവാന്മാര് പുരുഷാര്ത്ഥം ചെയ്യുന്നില്ല. വളരെയധികം ദേഹാഭിമാനമാണ്. ഇത് ഡ്രാമ അനുസരിച്ച് ബാബ നല്കിയിട്ടുള്ള ശിക്ഷ പോലെയാണ്. എങ്കിലും അവരിലൂടെയും ശബ്ദം പുറത്തേക്കുവരണം. വിദേശത്തുള്ളവരും ഈ ജ്ഞാനം ആഗ്രഹിക്കുന്നു. കേട്ട് വളരെയധികം സന്തോഷിക്കുന്നു. ഗവണ്മെന്റ് ഉദ്യോഗസ്ഥരുടെ സേവനത്തിനായി എത്രയാണ് പ്രയത്നിക്കുന്നത്, എന്നാല് അവര്ക്കൊന്നും സമയമില്ല. അവര്ക്ക് വീട്ടിലിരുന്നുകൊണ്ട് സാക്ഷാത്കാരം ലഭിച്ചാല് പോലും ബുദ്ധിയിലേക്ക് വരില്ല. അതുകൊണ്ട് ബാബ കുട്ടികള്ക്ക് നിര്ദ്ദേശം നല്കുന്നു, മനുഷ്യരുടെ നല്ല-നല്ല അഭിപ്രായങ്ങള് ഒരുമിച്ച് ശേഖരിച്ചുവെച്ച് ഒരു നല്ല പുസ്തകമുണ്ടാക്കണം. നിര്ദ്ദേശം നല്കുന്നുണ്ട്, ചെയ്തു നോക്കുകയാണെങ്കില് എല്ലാവര്ക്കും അത് നല്ലതായിത്തോന്നും. വിദേശത്തുള്ളവരും ഭാരതീയരും സഹജ രാജയോഗം അറിയാന് ആഗ്രഹിക്കുന്നുണ്ട്. സ്വര്ഗ്ഗത്തിലെ ദേവീദേവതകളുടെ രാജ്യപദവി സഹജ രാജയോഗത്തോലൂടെയാണ് ഭാരതത്തിന് പ്രാപ്തമായതെങ്കില് എന്തുകൊണ്ട് ഈ മ്യൂസിയം ഗവണ്മെന്റ് ഹൗസിനുള്ളില് വച്ചുകൂടാ. അവിടെ സമ്മേളനങ്ങളെല്ലാം നടക്കുന്നതാണ്. ഈ ചിന്തകള് കുട്ടികളില് ഉണ്ടായിരിക്കണം. എന്നാല് ഇപ്പോള് സമയമെടുക്കും. അത്രയും പെട്ടന്ന് ഉള്ക്കൊള്ളുന്ന നിര്മ്മല ബുദ്ധിയായിട്ടില്ല. ഗോദ്റേജിന്റെ പൂട്ടു കൊണ്ട് ബുദ്ധി പൂട്ടിയിരിക്കുകയാണ്. ഇപ്പോള് ശബ്ദം പുറത്തേക്കു വരികയാണെങ്കില് വിപ്ലവമുണ്ടാവും. തീര്ച്ചയായും ഉണ്ടാവണം. പറയൂ, ഗവണ്മെന്റ് ഹൗസിലും ഈ മ്യൂസീയം ഉണ്ടാവുകയാണെങ്കില് വളരെയധികം വിദേശീയര് വന്നു കാണും. കുട്ടികള്ക്ക് തീര്ച്ചയായും വിജയം ഉണ്ടാവുകതന്നെ വേണം. അപ്പോള് ഇങ്ങനെയുള്ള ചിന്തകള് ഉണ്ടായിരിക്കണം. ദേഹീ-അഭിമാനികള്ക്കു മാത്രമേ എന്തെല്ലാം ചെയ്യണം എന്ന ചിന്തകള് ഉണ്ടാവൂ. പാവപ്പെട്ട മനുഷ്യര്ക്ക് അറിയണം, അവര് ബാബയില് നിന്നും സമ്പത്ത് എടുക്കണം. നമ്മള് ഇതും എഴുതാറുണ്ട് ചിലവ് കൂടാതെ... നല്ല-നല്ല കുട്ടികള് വരുമ്പോള് അവര് അഭിപ്രായമെഴുതുന്നു. ഡെപ്യൂട്ടി പ്രൈംമിനിസ്റ്റര് ഉദ്ഘാടനം ചെയ്യാന് വരുന്നു പിന്നീട് പ്രൈംമിനിസ്റ്റര്, പ്രസിഡന്റ് എന്നിവരും വരും കാരണം ഇത് അത്ഭുതകരമായ ജ്ഞാനമാണെന്ന് അവര് പോയി പറഞ്ഞു കൊടുക്കും. ഇങ്ങനെയാണ് സത്യമായ ശാന്തി സ്ഥാപിക്കുന്നതെന്ന് പറയണം. അവര് ഈ കാര്യം വിലയിരുത്തുന്നു, മനസ്സിലാക്കുന്നു. ഇന്നല്ലെങ്കില് നാളെ അവര് ഈ കാര്യത്തെക്കുറിച്ച് ചിന്തിക്കുക തന്നെ ചെയ്യും. ബാബ പറയുന്നു വലിയ-വലിയ ആളുകളുടെ അടുത്തേയ്ക്ക് പോകൂ മുന്നോട്ടു പോകുന്തോറും അവര് മനസ്സിലാക്കും. മനുഷ്യരുടെ ബുദ്ധി തമോപ്രധാനമാണ് അതുകൊണ്ട് തലകീഴായ ജോലിയാണ് ചെയ്തു കൊണ്ടിരിക്കുന്നത്. ഓരോ ദിവസം കൂടുന്തോറും വീണ്ടും തമോപ്രധാനത വര്ദ്ധിച്ചുകൊണ്ടിരിക്കുന്നു.

നിങ്ങള് മനസ്സിലാക്കിക്കൊടുക്കാനായി പ്രയത്നിക്കുന്നു. ഈ വികാരീ ജോലി അവസാനിപ്പിക്കൂ തന്റെ ഉന്നതി ചെയ്യൂ. ബാബ വന്നിരിക്കുന്നത് പവിത്ര ദേവതയാക്കി മാറ്റാനാണ്. അവസാനം ഗവണ്മെന്റ് ഹൗസിലും നമ്മുടെ മ്യൂസീയം ഉണ്ടാകുന്ന ദിവസവും ഉണ്ടാവും. പറയൂ ഞങ്ങള് സ്വയം ചിലവ് വഹിച്ചോളാം. ഗവണ്മെന്റ് ഒരിക്കലും പൈസ നല്കുകയില്ല. നിങ്ങള് കുട്ടികള് പറയണം ഞങ്ങള്ക്ക് സ്വന്തം ചിലവിലൂടെ ഓരോ ഗവണ്മെന്റ് ഹൗസിലും ഈ മ്യൂസീയം വെക്കാന് സാധിക്കും. ഒരു വലിയ ഗവണ്മെന്റ് ഹൗസില് മാത്രമുണ്ടാവുകയാണെങ്കില് എല്ലാത്തിലും ഉണ്ടാകും. മനസ്സിലാക്കിക്കൊടുക്കുന്നവരും ആവശ്യമാണ്. ആര്ക്കെങ്കിലും വഴി പറഞ്ഞുകൊടുക്കുന്നതിനായി അവരോട് സമയം ചോദിക്കൂ. കക്കയുടെ ചിലവുപോലും ഇല്ലാതെ ജീവിതമുണ്ടാക്കാനുള്ള വഴി പറഞ്ഞു കൊടുക്കാം. ഇനി മുന്നോട്ടു പോകവേ ഇതാണ് സംഭവിക്കാന് പോകുന്നത്. എന്നാല് ബാബയും കുട്ടികളിലൂടെയാണ് മനസ്സിലാക്കിക്കൊടുക്കുന്നത്. നല്ല-നല്ല കുട്ടികള് ആരാണോ സ്വയത്തെ മഹാവീരനാണെന്ന് മനസ്സിലാക്കുന്നത് അവരെത്തന്നെയാണ് മായയും പിടികൂടുന്നത് വളരെ ഉയര്ന്ന ലക്ഷ്യമാണ്. വളരെയധികം കരുതല് ഉണ്ടായിരിക്കണം. ബോക്സിംങും ഒട്ടും ചെറുതല്ല. വളരെ വലിയ ബോക്സിംങാണ്. രാവണനെ ജയിക്കാനുള്ള യുദ്ധമൈതാനമാണിത്. ചെറിയ ദേഹ-അഭിമാനം പോലും വരരുത്. ഞാന് ഇങ്ങനെ സേവനം ചെയ്യുന്നു ഇത് ചെയ്യുന്നു... നമ്മള് ഈശ്വരീയ സേവകരാണ്. നമുക്ക് സന്ദേശം നല്കുക തന്നെ വേണം. ഇതില് വളരെയധികം ഗുപ്തമായ പ്രയത്നമുണ്ട്. നിങ്ങള് ജ്ഞാനയോഗത്തിന്റെ ബലത്തിലൂടേയാണ് സ്വയത്തിന് മനസ്സിലാക്കിക്കൊടുക്കുന്നത്. ഇവിടെ ഗുപ്തമായിരുന്നു കൊണ്ട് വിചാര സാഗര മഥനം ചെയ്യുകയാണെങ്കിലേ ലഹരി വര്ദ്ധിക്കൂ. വളരെ സ്നേഹത്തോടെ മനസ്സിലാക്കിക്കൊടുക്കണം, പരിധിയില്ലാത്ത അച്ഛന്റെ സമ്പത്ത് ഓരോ കല്പ്പവും ഭാരതവാസികള്ക്കാണ് ലഭിക്കുന്നത്. 5000 വര്ഷങ്ങള്ക്കു മുമ്പും ഈ ലക്ഷ്മീ-നാരായണന്റെ രാജ്യം ഉണ്ടായിരുന്നു. ഇപ്പോള് ഇതിനെ വേശ്യാലയം എന്നു പറയുന്നു. സത്യയുഗം ശിവാലയമാണ്. അത് ശിവബാബയുടെ സ്ഥാപനയാണ്. ഇത് രാവണന്റെ സ്ഥാപനയാണ്. രാത്രിയുടെയും പകലിന്റെയും വ്യത്യാസമുണ്ട്. നമ്മള് ആദ്യം എന്തായിരുന്നു എന്നതിനെക്കുറിച്ച് നിങ്ങള് അനുഭവം ചെയ്യുന്നുണ്ടാവും. ബാബ തനിക്ക് സമാനമാക്കി മാറ്റുന്നു. ദേഹീ അഭിമാനിയായിത്തീരുക എന്നുള്ളതാണ് മുഖ്യമായ കാര്യം. ദേഹീ-അഭിമാനിയായി ചിന്തിക്കണം നമുക്ക് ഇന്ന് പ്രൈംമിനിസ്റ്റര്ക്ക് പോയി മനസ്സിലാക്കിക്കൊടുക്കണം. അവര്ക്ക് ദൃഷ്ടി നല്കുകയാണെങ്കില് സാക്ഷാത്കാരം ലഭിക്കാന് സാദ്ധ്യതയുണ്ട്. നിങ്ങള്ക്ക് ദൃഷ്ടി നല്കാന് സാധിക്കും. അഥവാ ദേഹീ-അഭിമാനിയായി സ്ഥിതി ചെയ്യുകയാണെങ്കില് നിങ്ങളുടെ ബാറ്ററി നിറഞ്ഞുകൊണ്ടിരിക്കും. ദേഹീ അഭിമാനിയായി ഇരുന്ന്, സ്വയം ആത്മാവെന്ന് മനസ്സിലാക്കി ബാബയുമായി യോഗം വെയ്ക്കുകയാണെങ്കിലേ ബാറ്ററി നിറയൂ. സാധാരക്കാരുടെ ബാറ്ററി പെട്ടന്ന് തന്നെ നിറയുന്നു കാരണം അവര് വളരെ നല്ല രീതിയില് ബാബയെ ഓര്മ്മിക്കുന്നു. ജ്ഞാനം വളരെ നല്ല രീതിയിലുണ്ട്. എന്നാല് യോഗം കുറവാണെങ്കില് ബാറ്ററി നിറയുകയില്ല. കാരണം ദേഹാഹങ്കാരം ഉണ്ടാകും. യോഗം ഒട്ടും തന്നെയില്ല. അതുകൊണ്ടാണ് ജ്ഞാനമാകുന്ന ബാണത്തില് യോഗത്തിന്റെ മൂര്ച്ച ഇല്ലാത്തത്. വാളിനും മൂര്ച്ച വേണം. പത്തുരൂപയുടെ വാളുമുണ്ട് അമ്പത് രൂപയ്ക്ക് ലഭിക്കുന്ന വാളുമുണ്ട്. ഗുരു ഗോവിന്ദസിംഗിന്റെ വാളിനെക്കുറിച്ച് വളരെയധികം മഹിമയുണ്ട്. ഇതില് ഹിംസയുടെ കാര്യമില്ല. ദേവതകള് ഡബിള് അഹിംസകരാണ്. ഇന്ന് ഭാരതം ഇങ്ങനെയാണ് (നരകം) നാളെ ഇതുപോലെയായിത്തീരും (സ്വര്ഗ്ഗം). കുട്ടികള്ക്ക് എത്ര സന്തോഷം ഉണ്ടായിരിക്കണം. ഇന്നലെ നമ്മള് രാവണരാജ്യത്തിലായിരുന്നപ്പോള് ശ്വാസംമുട്ടി ജീവിക്കുകയായിരുന്നു. ഇന്നു നാം പരംപിതാ പരമാത്മാവിനോടൊപ്പമാണ് ജീവിക്കുന്നത്.

ഇപ്പോള് നിങ്ങള് ഈശ്വരീയ പരിവാരത്തിലേതാണ്. സത്യയുഗത്തില് നിങ്ങള് ദൈവീക പരിവാരത്തിലേതായിരിക്കും. ഇപ്പോള് സ്വയം ഭഗവാനാണ് നമ്മളെ പഠിപ്പിച്ചുകൊണ്ടിരിക്കുന്നത്, നമുക്ക് ഭഗവാനില് നിന്നും എത്ര സ്നേഹമാണ് ലഭിക്കുന്നത്. അരക്കല്പ്പം രാവണന്റെ സ്നേഹം ലഭിച്ചതിലൂടെ വാനരനു സമാനമായി. ഇപ്പോള് പരിധിയില്ലാത്ത ബാബയുടെ സ്നേഹം ലഭിക്കുന്നതിലൂടെ നിങ്ങള് ദേവതയായിത്തീരുന്നു. 5000 വര്ഷത്തിന്റെ കാര്യമാണ്. മനുഷ്യര് ലക്ഷക്കണക്കിന് വര്ഷമാണെന്ന് പറഞ്ഞു. ബ്രഹ്മാവ് നിങ്ങളേപ്പോലെ പൂജാരിയായിരുന്നു. വൃക്ഷത്തില് ഏറ്റവും അവസാനമാണ് നില്ക്കുന്നത്. സത്യയുഗത്തില് നിങ്ങള്ക്ക് എത്ര അളവറ്റ ധനമായിരുന്നു ഉണ്ടായിരുന്നത്. പിന്നീട് ഉണ്ടാക്കിയിട്ടുള്ള ക്ഷേത്രങ്ങളിലും അളവറ്റ ധനമുണ്ടായിരുന്നു, അതാണ് കൊള്ളയടിക്കപ്പെട്ടത്. മറ്റുള്ള ക്ഷേത്രങ്ങളും ഉണ്ടാകും. പ്രജകളുടെയും ക്ഷേത്രങ്ങള് ഉണ്ടാകും. ധനവാനായ പ്രജകളും ഉണ്ട്. പ്രജകളില് നിന്നും രാജാക്കന്മാര് കടം വാങ്ങിക്കാറുണ്ട്. ഇത് വളരെ മോശമായ ലോകമാണ്. ഏറ്റവും മോശമായ ദേശം കല്ക്കത്തയാണ്. ഇതിനെ പരിവര്ത്തനപ്പെടുത്തുന്നതിനായി നിങ്ങള് കുട്ടികള്ക്ക് പ്രയത്നിക്കണം. ആര് ചെയ്യുന്നുവോ അവര് നേടും. ദേഹാഭിമാനം വരികയാണെങ്കില് താഴേക്ക് വീണുപോകുന്നു. മന്മനാഭവയുടെ അര്ത്ഥം മനസ്സിലാക്കുന്നില്ല. കേവലം ശ്ലോകം മാത്രം വ്യാഖ്യാനിക്കുന്നു. നിങ്ങള് ബ്രാഹ്മണര്ക്കല്ലാതെ മറ്റാരിലും ഈ ജ്ഞാനമില്ല. മറ്റേതൊരു മഠത്തിലോ പ്രസ്ഥാനത്തിലോ ഉള്ളവര്ക്ക് ദേവതകളായി മാറാന് സാധിക്കില്ല. പ്രജാപിതാ ബ്രഹ്മാകുമാര്-കുമാരി അഥവാ ബ്രാഹ്മണരാവാതെ ഒരിക്കലും ദേവതയാവുകയില്ല. ആരാണോ കല്പ്പം മുമ്പായിത്തീര്ന്നത് അവരേ ആവുകയുള്ളൂ. സമയമെടുക്കുന്നു. വൃക്ഷം വലുതായിക്കഴിഞ്ഞാല് അഭിവൃദ്ധിയും പ്രാപിക്കുന്നു. സേവനം ഉറുമ്പ് മാര്ഗ്ഗത്തില് നിന്നും ആകാശ മാര്ഗത്തിലേതാകുന്നു. ബാബ മനസ്സിലാക്കിത്തരുന്നു മധുരമായ കുട്ടികളെ, ബാബയെ ഓര്മ്മിക്കൂ സ്വദര്ശനചക്രം കറക്കൂ. നിങ്ങളുടെ മുഴുവന് 84 ജന്മത്തിന്റെയും ജ്ഞാനമുണ്ട്. നിങ്ങള് ബ്രാഹ്മണര് തന്നെയാണ് പിന്നീട് ദേവതാ കുലത്തിലേക്കും ക്ഷത്രിയ കുലത്തിലേക്കും വരുന്നത്. സൂര്യവംശീ ചന്ദ്രവംശിയുടെ അര്ത്ഥം പോലും ആരും മനസ്സിലാക്കുന്നില്ല. പ്രയത്നിച്ച് മനസ്സിലാക്കിക്കൊടുക്കുന്നു. എന്നിട്ടും മനസ്സിലാക്കുന്നില്ലെങ്കില് ഇപ്പോള് സമയമായിട്ടില്ല എന്നാണര്ത്ഥം. വീണ്ടും വരിക തന്നെ ചെയ്യും. പുറമേ നിന്നു നോക്കുമ്പോള് ബ്രഹ്മാകുമാരീസിനെ കുറിച്ച് അറിയാന് സാധിക്കില്ല. ഉള്ളിലേക്ക് വരികയാണെങ്കില് കാണാന് കഴിയുന്നു ഇവര് വളരെ നല്ല കാര്യമാണ് ചെയ്തുകൊണ്ടിരിക്കുന്നത്. ഇവര് മനുഷ്യരുടെ സംസ്കാരത്തെ ഉദ്ധരിക്കുന്നു. ദേവതകളുടെ സംസ്കാരം നോക്കൂ എങ്ങനെയുള്ളതാണെന്ന്. സമ്പൂര്ണ്ണ നിര്വ്വികാരി... ബാബ പറയുന്നു കാമം മഹാശത്രുവാണ്. ഈ പഞ്ചഭൂതങ്ങള് കാരണമാണ് നിങ്ങളുടെ സംസ്കാരം ഇത്രയ്ക്കും മോശമായത്. ഏതു സമയത്താണോ മനസ്സിലാകുന്നത് ആ സമയം നല്ലതാകാന് പ്രയത്നിക്കുന്നു. പുറത്ത് പോയിക്കഴിഞ്ഞാല് എല്ലാം മറന്നു പോകുന്നു. അപ്പോഴാണ് പറയുന്നത് നൂറു-നൂറുകണക്കിന് അലങ്കരിച്ചാലും... ബാബ ആക്ഷേപിക്കുകയല്ല മനസ്സിലാക്കിത്തരുകയാണ്. ദൈവീക പെരുമാറ്റം കൊണ്ടുവരൂ, ക്രോധത്തിലേക്ക് വന്ന് എന്തിനാണ് ഒച്ചയിടുന്നത്. സ്വര്ഗ്ഗത്തില് ഒരിക്കലും ക്രോധമുണ്ടാവുകയില്ല. എന്തുണ്ടെങ്കിലും ബാബ അത് മുന്നില് ഇരുന്നുകൊണ്ട് മനസ്സിലാക്കിത്തരുന്നു. ബാബയ്ക്ക് ഒരിക്കലും ദേഷ്യം വരികയില്ല. ബാബ എല്ലാം വ്യക്തമാക്കി പറഞ്ഞു തരുന്നു. ഡ്രാമയും നിയമമനുസരിച്ചാണ് മുന്നോട്ടു പോകുന്നത്. ഡ്രാമയില് യാതൊരു തെറ്റും ഇല്ല. അനാദി അവിനാശി ഉണ്ടാക്കപ്പെട്ടിട്ടുള്ളതാണ്. ഇപ്പോഴുണ്ടാകുന്ന ഓരോ ദൃശ്യവും വീണ്ടും 5000 വര്ഷത്തിനു ശേഷവും ഉണ്ടാകും. പലരും പറയുന്നു ഈ പര്വ്വതം പൊട്ടിപ്പോവുകയാണെങ്കില് പിന്നീട് എങ്ങനെ വീണ്ടും ഉണ്ടാകും. ഒരു നാടകം കാണുകയാണെങ്കില് അതില് ഒരു കെട്ടിടം നശിച്ചാല് പിന്നീട് വിണ്ടും നാടകം ആവര്ത്തിക്കുമ്പോള് അതേ കെട്ടിടത്തെ കാണാന് സാധിക്കും. വീണ്ടും ആവര്ത്തിക്കുന്നു. ഇത് മനസ്സിലാക്കാനുള്ള ബുദ്ധി ആവശ്യമാണ്. മറ്റുള്ളവരുടെ ബുദ്ധിയില് ഇരിക്കാന് വളരെയധികം ബുദ്ധിമുട്ടാണ്. വിശ്വത്തിന്റെ ചരിത്രവും ഭൂമിശാസ്ത്രവുമല്ലേ. രാമരാജ്യത്തില് ഈ ദേവതകളുടെ രാജ്യമുണ്ടായിരുന്നു. അവരുടെ പൂജ ഉണ്ടായിരുന്നു. ബാബ മനസ്സിലാക്കിത്തരുന്നു നിങ്ങള് തന്നെയാണ് പൂജ്യരും പൂജാരികളുമായിത്തിരുന്നത്. ഹംസോ എന്നതിന്റെ അര്ത്ഥവും നിങ്ങള് കുട്ടികള്ക്ക് മനസ്സിലായി. നമ്മള് തന്നെ ദേവത. നമ്മള് തന്നെ ക്ഷത്രിയര്... കുട്ടിക്കരണം മറിയുന്ന കളി പോലെയാണ്. ഇതിനെ നല്ല രീതിയില് മനസ്സിലാക്കാനും മനസ്സിലാക്കിക്കൊടുക്കാനും പ്രയത്നിക്കണം. ബാബ ഒരിക്കലും ജോലി ഉപേക്ഷിക്കാന് പറയുന്നില്ല. കേവലം സതോപ്രധാനമായി മാറണം ചരിത്രത്തിന്റെയും ഭൂമിശാസ്ത്രത്തിന്റെയും രഹസ്യം മനസ്സിലാക്കികൊടുക്കൂ. മുഖ്യമായ കാര്യമാണ് മന്മനാഭവ. സ്വയം ആത്മാവെന്ന് മനസ്സിലാക്കി ബാബയെ ഓര്മ്മിക്കുകയാണെങ്കില് സതോപ്രധാനമായിത്തീരുന്നു. ഓര്മ്മയുടെ യാത്രയാണ് നമ്പര്വണ്. ബാബ പറയുന്നു ഞാന് നിങ്ങള് കുട്ടികളെ കൂടെ കൊണ്ടുപോകും. സത്യയുഗത്തില് എത്ര കുറച്ചു മനുഷ്യരാണ്. കലിയുഗത്തില് ധാരാളം മനുഷ്യരാണ്. ആരാണ് എല്ലാവരെയും തിരികെ കൊണ്ടുപോകുക. പഠിപ്പ് വളരെ മധുരമാണ് കാരണം ജ്ഞാനം സമ്പാദ്യത്തിന്റെ ഉറവിടമാണ്. നിങ്ങള്ക്ക് അളവറ്റ ഖജനാവാണ് ലഭിക്കുന്നത്. ഭക്തിയില് ഒന്നും തന്നെ ലഭിക്കുന്നില്ല. ഇവിടെ കാലു പിടിക്കേണ്ട കാര്യമില്ല. മറ്റുള്ളവര് ഗുരുക്കന്മാരുടെ മുന്നിലേക്ക് ഇതിനുവേണ്ടി പോകുന്നു. ഇതില് നിന്നെല്ലാം ബാബ നമ്മളെ മുക്തമാക്കുകയാണ്. ഇങ്ങനെയുള്ള ബാബയെ ഓര്മ്മിക്കണം. ബാബ നമ്മുടെ അച്ഛനാണെന്ന തിരിച്ചറിവ് ലഭിച്ചു കഴിഞ്ഞു. ബാബയില് നിന്നും തീര്ച്ചയായും സമ്പത്ത് ലഭിക്കുന്നുണ്ട്. ആ സന്തോഷം എപ്പോഴും ഉണ്ടായിരിക്കണം. പലരും ഇങ്ങനെ എഴുതാറുണ്ട് ഞങ്ങള് ധനവാന്മാരുടെ പക്കലേക്ക് പോകുമ്പോള് സാധാരണക്കാരാണ് എന്ന ലജ്ജ ഉണ്ടാകുന്നു. ബാബ പറയുന്നു സാധാരണക്കാരാണെങ്കില് വളരേയധികം നല്ലതാണ്. ധനവാനാകുകയണെങ്കില് ഒരിക്കലും ഇങ്ങോട്ടു വരികയുമില്ല. ശരി!

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുര-മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണയും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) ഇപ്പോള് നമ്മള് ഇശ്വരീയ പരിവാരത്തിലേതാണ് എന്നുള്ള ലഹരിയും സന്തോഷവും സദാ ഉണ്ടായിരിക്കണം, സ്വയം ഭഗവാന് നമ്മെ പഠിപ്പിച്ചുകൊണ്ടിരിക്കുകയാണ്, ഭഗവാന്റെ സ്നേഹം നമുക്ക് ലഭിച്ചു കൊണ്ടിരിക്കുകയാണ്, ഈ സ്നേഹത്തിലൂടെയാണ് നമ്മള് ദേവതയായിത്തീരുന്നത്.

2) ഈ ഉണ്ടായതും ഉണ്ടാക്കപ്പെട്ടതുമായ നാടകത്തെ കൃത്യമായി മനസ്സിലാക്കണം. ഇതില് യാതൊരു തെറ്റും ഉണ്ടാവുകയില്ല. എന്തെല്ലാം പാര്ട്ടാണോ ഉണ്ടായത് അത് വീണ്ടും ആവര്ത്തിക്കപ്പെടും. ഈ കാര്യങ്ങളെ നല്ല ബുദ്ധിയോടെ മനസ്സിലാക്കുകയാണെങ്കില് ഒരിക്കലും ദേഷ്യം വരികയില്ല.

വരദാനം :-

ജ്ഞാനത്തിന്റെ ശ്രേഷ്ഠ ഖജനാവുകളെ മഹാദാനിയായി ദാനം ചെയ്യുന്ന മാസ്റ്റര് ജ്ഞാന സാഗരനായി ഭവിക്കൂ

ഏതുപോലെയാണോ ബാബ ജ്ഞാനത്തിന്റെ സാഗരന്, അതുപോലെ മാസ്റ്റര് ജ്ഞാന സാഗരനായി സദാ മറ്റുള്ളവര്ക്ക് ജ്ഞാന ദാനം നല്കിക്കൊണ്ടിരിക്കൂ. ജ്ഞാനത്തിന്റെ എത്ര ശ്രേഷ്ഠമായ ഖജനാവാണ് താങ്കള് കുട്ടികളുടെ പക്കലുള്ളത്. ആ ഖജനാവിനാല് നിറഞ്ഞവരായി, ഓര്മ്മയുടെ അനുഭവങ്ങളോടെ മറ്റുള്ളവരുടെ സേവനം ചെയ്യൂ. എന്തെല്ലാം ഖജനാവുകള് ലഭിച്ചിട്ടുണ്ടോ മഹാദാനിയായി അവയുടെ ദാനം ചെയ്തുകൊണ്ടിരിക്കൂ എന്തുകൊണ്ടെന്നാല് ഈ ഖജനാവുകള് എത്രത്തോളം ദാനം ചെയ്യുന്നോ അത്രയുമധികം വര്ദ്ധിച്ചുകൊണ്ടിരിക്കും. മഹാദാനിയാകുക അര്ത്ഥം നല്കലല്ല എന്നാല് കൂടുതല് നിറക്കലാണ്.

സ്ലോഗന് :-
ജീവന്മുക്തിയോടൊപ്പം ദേഹത്തില് നിന്ന് വേറിട്ട് വിദേഹിയായുക - ഇതാണ് പുരുഷാര്ത്ഥത്തിന്റെ ലാസ്റ്റ് സ്റ്റേജ്.