15.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളേ - ഈ സംഗമയുഗം ഉയരുന്ന കലയുട െയുഗമാണ്, ഇതില് എല്ലാ വരുടെയും നന്മ ഉണ്ടാകും, അതിനാല് പറയാറുണ്ട്, നിങ്ങളുട െകയറുന്ന കലയിലൂട െസര്വ്വര്ക്കും നന്മ ഉണ്ടാകും.

ചോദ്യം :-
ബാബ എല്ലാ ബ്രാഹ്മണരായ കുട്ടികള്ക്കും വളരെ വളരെ ആശംസകള് നല്കുകയാണ് - എന്തുകൊണ്ട്?

ഉത്തരം :-
എന്തുകൊണ്ടെന്നാല് ബാബ പറയുകയാണ് എന്റെ കുട്ടികളായ നിങ്ങള് മനുഷ്യനില് നിന്നും ദേവതകളായി മാറുകയാണ്. നിങ്ങള് ഇപ്പോള് രാവണന്റെ ചങ്ങലകളില് നിന്നും മുക്തമാവുകയാണ്, നിങ്ങള്ക്ക് സ്വര്ഗ്ഗത്തിന്റെ രാജ്യാധികാരം കിട്ടും, പദവിയോടെ വിജയികളാകും, ഞാന് ആകുന്നില്ല അതിനാല് ബാബ നിങ്ങള്ക്ക് വളരെ-വളരെ ആശംസകള് നേരുകയാണ്. നിങ്ങള് ആത്മാക്കള് പട്ടങ്ങളാണ്, നിങ്ങളുടെ ചരട് എന്റെ കൈയിലാണ്. ഞാന് നിങ്ങളെ സ്വര്ഗ്ഗത്തിന്റെ അധികാരികളാക്കും.

ഗീതം :-
അവസാനം ആ ദിനം ഇന്ന് വന്നു.....

ഓംശാന്തി.
ഈ അമരകഥ ആരാണ് കേള്പ്പിച്ചു കൊണ്ടിരിക്കുന്നത്? അമരകഥ എന്ന് പറഞ്ഞാലും, സത്യ നാരായണ കഥ എന്ന് പറഞ്ഞാലും, മുക്കണ്ണിന്റെ കഥ എന്ന് പറഞ്ഞാലും ശരി - ഇത് മൂന്നും മുഖ്യമാണ്. ഇപ്പോള് നിങ്ങള് ആരുടെ അടുത്താണ് ഇരിക്കുന്നത് അതോടൊപ്പം ആരാണ് നിങ്ങള്ക്ക് കേള്പ്പിച്ചു തന്നു കൊണ്ടിരിക്കുന്നത്? സത്സംഗങ്ങള് ബ്രഹ്മാബാബയും ധാരാളം നടത്തിയിട്ടുണ്ട്. അവിടെ മനുഷ്യരെയാണ് കാണാന് സാധിക്കുക. ഇന്ന സന്യാസിയാണ് ഇന്ന് കഥ കേള്പ്പിക്കുന്നത് എന്നെല്ലാം പറയാറുണ്ട്. ശിവാനന്ദ സ്വാമിയാണ് എന്നെല്ലാം പറയാറുണ്ട്. ഭാരതത്തിലാണെങ്കില് ധാരാളം സത്സംഗങ്ങളുണ്ട്. ഓരോ തെരുവകളിലും സത്സംഗങ്ങളുണ്ട്. മാതാക്കളും പുസ്കങ്ങളെല്ലാം പിടിച്ച് സത്സംഗങ്ങള് നടത്തുന്നുണ്ട്. അവിടെയെല്ലാം മനുഷ്യരെയാണ് കാണുക എന്നാല് ഇവിടെയുള്ളത് അത്ഭുതകരമായ കാര്യങ്ങളാണ്. നിങ്ങളുടെ ബുദ്ധിയില് ആരാണ് ഉള്ളത്? പരമാത്മാവ്. നിങ്ങള് പറയും ഇപ്പോള് ബാബ സമീപത്ത് വന്നിട്ടുണ്ട്. നിരാകാരനായ ബാബയാണ് നമ്മളെ പഠിപ്പിച്ചു കൊണ്ടിരിക്കുന്നത്. മനുഷ്യര് പറയുന്നത് അല്ലയോ ഈശ്വരാ എന്നാണ് അതിലൂടെ നാമത്തില് നിന്നും രൂപത്തില് നിന്നും ഈശ്വരന് വേറിട്ടതാണ് എന്ന് കാണിക്കുകയാണ്. ബാബ മനസ്സിലാക്കി തരുകയാണ് നാമ രൂപത്തില് നിന്നും വേറിട്ടതായ ഒരു വസ്തുവുമില്ല. നിങ്ങള് കുട്ടികള്ക്കറിയാം ഇവിടെ സാകാരി മനുഷ്യനൊന്നുമല്ല പഠിപ്പിച്ചു കൊണ്ടിരിക്കുന്നത് എന്നാല് നിങ്ങള് ലോകത്തില് എവിടെ പോയാലും സാകാരികള് തന്നെയായിരിക്കും പഠിപ്പിക്കുന്നുണ്ടാവുക. ഇവിടെയുള്ളത് പരമപിതാവാണ്, ബാബയെയാണ് നിരാകാരന്, ഗോഡ്ഫാദര് എന്നെല്ലാം വിളിക്കുന്നത്, ആ നിരാകാരനാണ് ഇപ്പോള് സാകാരത്തിലിരുന്ന് പഠിപ്പിച്ചു കൊണ്ടിരിക്കുന്നത്. ഇത് തികച്ചും പുതിയ കാര്യങ്ങളല്ലേ. ജന്മജന്മാന്തരങ്ങളായി നിങ്ങള് കേട്ടു കൊണ്ടിരിക്കുകയായിരുന്നു, ഇത് ആ പണ്ഡിതനാണ്, ഗുരുവാണ് എന്നെല്ലാം. ധാരാളം പേരുകളുണ്ട്. ഭാരതം വളരെ വലുതാണ്. എല്ലാം മനസ്സിലാക്കി തരുന്നതും അഭ്യാസം ചെയ്യിപ്പിച്ചു കൊണ്ടിരിക്കുന്നതും മനുഷ്യര് തന്നെയാണ്. മനുഷ്യരെ തന്നെയാണ് ശിഷ്യരാക്കി മാറ്റിയിരിക്കുന്നത്. അനേക പ്രകാരത്തിലുള്ള മനുഷ്യരുണ്ട്, ഇന്നയാള് കേള്പ്പിക്കുന്നു. എപ്പോഴും ശരീരത്തിന്റെ പേരാണ് പറയാറുള്ളത്. ഭക്തി മാര്ഗ്ഗത്തില് അല്ലയോ പതിതപാവനാ വരൂ എന്ന് നിരാകാരനെ വിളിക്കാറുണ്ട്. ബാബ വന്നിട്ടാണ് നിങ്ങള്ക്ക് മനസ്സിലാക്കി തരുന്നത്. നിങ്ങള് കുട്ടികള്ക്ക് അറിയാം കല്പകല്പം മുഴുവന് പതിതമായ ലോകത്തിനെയും പാവനമാക്കാന് നിരാകാരനായ ബാബ വരും. നിങ്ങള് ആരെല്ലാമാണോ ഇവിടെ ഇരിക്കുന്നത് അതിലും പാകപ്പെട്ടവരും പാകപ്പെടാത്തവരും ഉണ്ട് എന്തുകൊണ്ടെന്നാല് അരകല്പം നിങ്ങള് ദേഹാഭിമാനികളായിരുന്നു. ഇപ്പോള് ഈ ജന്മം ദേഹിഅഭിമാനിയാകണം. ദേഹത്തില് വസിക്കുന്ന ആത്മാവിനാണ് പരമാത്മാവ് മനസ്സിലാക്കി തരുന്നത്. സംസ്ക്കാരം കൊണ്ടു പോകുന്നതും ആത്മാവാണ്. അവയവങ്ങളിലൂടെ ഞാന് ആരാണ് എന്ന് പറയുന്നതും ആത്മാവാണ്. പക്ഷെ ആരും ആത്മാഭിമാനികളല്ല. ബാബ മനസ്സിലാക്കി തരുകയാണ് ആരാണോ ഭാരതത്തില് സൂര്യ ചന്ദ്ര വംശത്തില് ജീവിച്ചിരുന്നത് അവരാണ് ഈ സമയത്ത് ബ്രാഹ്മണരാകുന്നത് പിന്നീട് അവര് ദേവതകളാകും. ദേഹാഭിമാനികളായി ജീവിക്കുന്ന ശീലമാണ് ഇപ്പോള് ആത്മാവിലുള്ളത്, ദേഹിഅഭിമാനിയായിരിക്കാന് മറന്നു പോകുന്നുണ്ട് അതിനാല് ഇടയ്ക്കിടക്ക് ബാബ പറയുകയാണ് ദേഹിഅഭിമാനിയായി മാറൂ. ആത്മാവ് തന്നെയാണ് ഭിന്ന ഭിന്ന വസ്ത്രങ്ങള് ധാരണ ചെയ്ത് പാര്ട്ട് അഭിനയിക്കുന്നത്. ശരീരത്തിലുള്ളത് ആത്മാവിന് ഉപയോഗിക്കാനുള്ള അവയവങ്ങളാണ്. ഇപ്പോള് ബാബ കുട്ടികളോട് പറയുകയാണ് മന്മനാഭവ: ബാക്കി കേവലം ഗീത പഠിച്ചതിലൂടെയൊന്നും രാജ്യഭാഗ്യം പ്രാപ്തമാകില്ല. നിങ്ങളെ ഈ സമയത്ത് ത്രികാലദര്ശികളാക്കി മാറ്റുകയാണ്. രാത്രി പകലിന്റെ വ്യത്യാസമില്ലേ. ബാബ മനസ്സിലാക്കി തരുകയാണ് ഞാന് നിങ്ങളെ രാജയോഗം പഠിപ്പിച്ചു കൊണ്ടിരിക്കുകയാണ്. കൃഷ്ണന് സത്യയുഗത്തിലെ രാജകുമാരനായിരുന്നു. ആരാണോ സൂര്യവംശത്തിലെ ദേവതകളായിരുന്നത് അവരില് ഇപ്പോള് ഒരു ജ്ഞാനവുമില്ല. ജ്ഞാനം പ്രായലോപമാകും. സദ്ഗതിക്കു വേണ്ടിയാണ് ജ്ഞാനം. സത്യയുഗത്തില് ആരും ദുര്ഗതിയില് ഉണ്ടാകില്ല. അത് സത്യയുഗമാണ്. ഇപ്പോള് കലിയുഗമാണ്. ഭാരതത്തില് ആദ്യം സൂര്യവംശത്തില് 8 ജന്മങ്ങള് പിന്നീട് ചന്ദ്രവംശത്തില് 12 ജന്മങ്ങളും എടുക്കും. ഇപ്പോള് നിങ്ങള്ക്ക് കിട്ടിയിരിക്കുന്ന ഈ ഒരു ജന്മം നിങ്ങളുടെ ഏറ്റവും നല്ല ജന്മമാണ്. നിങ്ങള് പ്രജാപിതാ ബ്രഹ്മാമുഖ വംശാവലികളാണ്. ഇതാണ് സര്വ്വോത്തമ ധര്മ്മം. ദേവതാ ധര്മ്മത്തെ പോലും സര്വ്വോത്തമ ധര്മ്മം എന്ന് പറയില്ല. ബ്രാഹ്മണ ധര്മ്മമാണ് ഏറ്റവും ഉയര്ന്നത്. ദേവതകള് പ്രാലബ്ധമാണ് അനുഭവിക്കുന്നത്.

ഇന്നുകാലത്ത് ധാരാളം സാമൂഹിക സേവകരുണ്ട്. നിങ്ങളുടേത് ആത്മീയ സേവനമാണ്. മനുഷ്യര് ചെയ്തുകൊണ്ടിരിക്കുന്നത് ഭൗതിക സേവനങ്ങളാണ്. ആത്മീയ സേവനം കേവലം ഒരു തവണയാണ് നടക്കുന്നത്. ആദ്യമൊന്നും ഈ സാമൂഹിക സേവകരൊന്നും ഉണ്ടായിരുന്നില്ല. രാജാ - റാണിമാരാണ് രാജ്യം ഭരിച്ചിരുന്നത്. സത്യയുഗത്തില് ദേവി ദേവതകളുണ്ടായിരുന്നു. നിങ്ങള് പൂജ്യരായിരുന്നു പിന്നീട് പൂജാരികളായും മാറി. ലക്ഷ്മി നാരായണന് ദ്വാപരത്തില് എപ്പോഴാണോ വാമ മാര്ഗ്ഗത്തിലേക്ക് പോകുന്നത് അപ്പോഴാണ് ക്ഷേത്രങ്ങള് പണിയുന്നത്. ആദ്യമാദ്യം ശിവക്ഷേത്രങ്ങളാണ് പണിയുക. സര്വ്വരുടേയും സദ്ഗതി ദാതാവായതു കൊണ്ട് തീര്ച്ചയായും ബാബക്ക് പൂജ ഉണ്ടാകുമല്ലോ. ശിവബാബ തന്നെയാണ് ആത്മാക്കളെ നിര്വ്വികാരികളാക്കി മാറ്റുന്നത്. പിന്നെയാണ് ദേവതകളെ പൂജിക്കാന് തുടങ്ങുന്നത്. നിങ്ങള് പൂജ്യരായിരുന്നു പിന്നീട് നിങ്ങള് തന്നെ പൂജാരികളായി മാറി. ബാബ മനസ്സിലാക്കി തന്നിട്ടുണ്ട് - ചക്രത്തെ ഓര്മ്മിച്ചുക്കൊണ്ടിരിക്കു. ഏണിപ്പടി ഇറങ്ങി ഇറങ്ങി ഏറ്റവും താഴെ എത്തിയിരിക്കുകയാണ്. ഇപ്പോള് നിങ്ങള് ഉയരുന്ന കലയിലാണ്. പറയാറുണ്ടല്ലോ നിങ്ങളുടെ ഉയരുന്ന കലയിലൂടെ സര്വ്വര്ക്കും നന്മ ഉണ്ടാകും. മുഴുവന് ലോകത്തിലെ മനുഷ്യരെയും ഇപ്പോള് ഉയരുന്ന കലയിലേക്ക് കൊണ്ടു വരുകയാണ്. പതിത പാവനന് വന്ന് സര്വ്വരെയും പാവനമാക്കി മാറ്റുന്നുണ്ട്. എപ്പോള് സത്യയുഗത്തിലായിരുന്നോ അപ്പോള് ഉയര്ന്ന കലയായിരുന്നു അതോടൊപ്പം ബാക്കി എല്ലാ ആത്മാക്കളും മുക്തിധാമത്തിലുമായിരിക്കും.

ബാബയിരുന്ന് മനസ്സിലാക്കി തരുകയാണ് മധുരമധുരമായ കുട്ടികളെ എന്റെ ജന്മം ഭാരതത്തിലാണ് ഉണ്ടാവുക. ശിവബാബ വന്നിരുന്നു എന്ന് കീര്ത്തി പാടിയിട്ടുണ്ടല്ലോ. ഇപ്പോള് വീണ്ടും വന്നിരിക്കുകയാണ്. ഇതിനെയാണ് പറയുന്നത് രാജസ്വ അശ്വമേധ അവിനാശി രുദ്ര ജ്ഞാന യജ്ഞമെന്ന്. സ്വരാജ്യം പ്രാപ്തമാക്കുന്നതിന് വേണ്ടിയാണ് യജ്ഞം രചിച്ചിരിക്കുന്നത്. വിഘ്നങ്ങള് ഉണ്ടാകുമായിരുന്നു, ഇപ്പോഴും ഉണ്ടല്ലോ. മാതാക്കളുടെ മുകളില് എത്ര അത്യാചാരമാണ് നടന്ന് കൊണ്ടിരിക്കുന്നത്. പറയുന്നുണ്ട് ബാബ ഇവര് ഞങ്ങളെ അപമാനിക്കുന്നു എന്ന്. ബാബ ഇവര് ഞങ്ങളെ വിടുന്നില്ല, ഞങ്ങളെ രക്ഷിക്കു എന്നെല്ലാം പറയുന്നുണ്ട്. ദ്രൗപദിയെ രക്ഷിച്ചതായി കാണിക്കാറുണ്ട്. ഇപ്പോള് നിങ്ങള് 21 ജന്മങ്ങളിലേക്ക് വേണ്ടി പരിധിയില്ലാത്ത ബാബയില് നിന്നും സമ്പത്ത് നേടുന്നതിന് വേണ്ടിയാണ് വന്നിരിക്കുന്നത്. ഓര്മ്മയുടെ യാത്രയിലിരുന്ന് സ്വയത്തെ പവിത്രരാക്കി മാറ്റുകയാണല്ലോ. പിന്നെയും വികാരത്തിലേക്ക് പോയാല് കഴിഞ്ഞു, പാടെ വീണു പോകും അതുകൊണ്ടാണ് ബാബ പറയുന്നത് തീര്ച്ചയായും പവിത്രമായി ജീവിക്കണം എന്ന്. ആരാണോ കല്പം മുമ്പ് ആയിരുന്നത് അവരാണ് ഇപ്പോഴും പവിത്രമായി ജീവിക്കുന്നതിന്റെ പ്രതിജ്ഞ ചെയ്യുക. പിന്നെ ചിലര് പവിത്രമായിരിക്കുന്നു, ചിലര് പവിത്രമായിരിക്കുന്നുമില്ല. ഓര്മ്മയാണ് മുഖ്യമായ കാര്യം. ഓര്മ്മയിലിരിക്കുക, പവിത്രമായിരിക്കുക അതോടൊപ്പം സ്വദര്ശന ചക്രം കറക്കുകയാണെങ്കില് ഉയര്ന്ന പദവി കിട്ടും. വിഷ്ണുവിന്റെ രണ്ടു രൂപങ്ങളാണല്ലോ രാജ്യം ഭരിക്കുന്നത്. പക്ഷെ വിഷ്ണുവിന് കാണിച്ചിരിക്കുന്ന ശംഖും ചക്രവുമൊന്നും ദേവതകള്ക്ക് ഉണ്ടായിരുന്നില്ല. ലക്ഷ്മി നാരായണനും ഉണ്ടായിരുന്നില്ല. സൂക്ഷ്മവതനത്തിലാണ് വിഷ്ണു വസിക്കുന്നത്, വിഷ്ണുവിന് ചക്രത്തിന്റെ ജ്ഞാനം ആവശ്യമില്ല. അവിടെ ആംഗ്യഭാഷയാണ് ഉള്ളത്. ഇപ്പോള് നിങ്ങള്ക്കറിയാം നിങ്ങള് വസിച്ചിരുന്നത് ശാന്തിധാമത്തിലായിരുന്നു. അത് നിരാകാരി ലോകമാണ്. ഇപ്പോള് ആത്മാവ് എന്താണ് എന്നത് പോലും മനുഷ്യര് അറിയുന്നില്ല. ആത്മാവ് തന്നെയാണ് പരമാത്മാവ് എന്നും പറയുന്നുണ്ട്. തിളങ്ങുന്ന നക്ഷത്രമാണ്, ഭ്രുകുടിയിലാണ് ആത്മാവ് വസിക്കുന്നത് എന്നെല്ലാം പറയുന്നുണ്ട്. ഈ കണ്ണുകള് കൊണ്ട് ആര്ക്കും ആത്മാവിനെ കാണാന് സാധിക്കില്ല. ആര് എത്ര തന്നെ പ്രയത്നിച്ചാലും, കണ്ണാടി കൂട്ടില് ഒരു മനുഷ്യനെ അടച്ചിട്ട് ആത്മാവ് എങ്ങനെയാണ് വേര്പെട്ട് പോകുന്നത് എന്ന് കാണാന് പരിശ്രമിക്കുന്നുണ്ട് പക്ഷെ ആത്മാവ് എന്താണ്, എങ്ങനെയാണ് ശരീരത്തില് നിന്നും വേര്പെടുന്നത് ഇതൊന്നും അറിയുന്നില്ല. ബാക്കി ആത്മാവ് നക്ഷത്ര സമാനമാണ് എന്നെല്ലാം പറയാറുണ്ട്. ദിവ്യദൃഷ്ടിയിലൂടെ മാത്രമേ ആത്മാവിനെ കാണാന് സാധിക്കുകയുള്ളു. ഭക്തി മാര്ഗ്ഗത്തില് ധാരാളം പേര്ക്ക് സാക്ഷാത്കാരവും കിട്ടാറുണ്ട്. എഴുതിയിട്ടുണ്ട് അര്ജ്ജുനന് അഖണ്ഡ ജ്യോതിയുടെ സാക്ഷാത്കാരം കിട്ടി എന്ന്, അപ്പോള് അത് സഹിക്കാന് കഴിയുന്നില്ല എന്ന് അര്ജ്ജുനന് പറഞ്ഞു എന്നെല്ലാം. ബാബ മനസ്സിലാക്കി തരുകയാണ് അത്രയും തേജോമയമായ ഒന്നും തന്നെയില്ല. ശരീരത്തില് ആത്മാവ് പ്രവേശിക്കുന്നത് പോലും അറിയാന് കഴിയില്ല. ഇപ്പോള്നിങ്ങള്ക്കറിയാം ബാബ ബ്രഹ്മാബാബയുടെ ശരീരത്തിലേക്ക് പ്രവേശിച്ച് എങ്ങനെയാണ് സംസാരിക്കുന്നത് എന്നത്. ആത്മാവ് വന്ന് സംസാരിക്കുന്നുണ്ട്, ഇതും ഡ്രാമയില് അടങ്ങിയതാണ്, ഇതില് ആരുടെയും ശക്തിയുടെ കാര്യമൊന്നുമില്ല. ആത്മാവ് ശരീരം ഉപേക്ഷിച്ച് പുറത്തേക്ക് പോകുന്നതായി കാണുന്നതും സാക്ഷാത്കാരത്തിന്റെ കാര്യമാണ്. അത്ഭുതകരമായ കാര്യമല്ലേ. ബാബ പറയുകയാണ് - ഞാന് സാധാരണ ശരീരത്തിലേക്കാണ് വരുന്നത്. ആത്മാക്കളെ വിളിക്കാറുണ്ടല്ലോ. മുമ്പെല്ലാം ആത്മാക്കളെ വിളിച്ച് അവരോട് പലതും ചോദിക്കുമായിരുന്നു. എന്നാല് ഇപ്പോള് തമോപ്രധാനമായല്ലോ. ബാബ വരുന്നത് തന്നെ പതിതരെ പാവനമാക്കുന്നതിനാണ്. 84 ജന്മങ്ങള് എന്ന് പറയുന്നുണ്ടല്ലോ അതിനാല് മനസ്സിലാക്കണം ആരാണോ ആദ്യം വന്നത്, അവര് തന്നെയായിരിക്കും 84 ജന്മങ്ങള് എടുത്തവര്. ശാസ്ത്രങ്ങളില് ലക്ഷക്കണക്കിനു വര്ഷങ്ങളുടെ കാര്യമാണ് പറയുന്നത്. ഇപ്പോള് ബാബ മനസ്സിലാക്കി തരുകയാണ് - ഞാന് നിങ്ങളെ സ്വര്ഗ്ഗത്തിലേക്ക് അയച്ചിരുന്നു. നിങ്ങള് അവിടെ രാജ്യം ഭരിച്ചിരുന്നു. നിങ്ങള് ഭാരതവാസികളെ സ്വര്ഗ്ഗത്തിലേക്ക് അയച്ചിരുന്നു. സംഗമത്തില് രാജയോഗം അഭ്യസിപ്പിച്ചിരുന്നു. ബാബ പറയുകയാണ് ഞാന് കല്പത്തിന്റെ സംഗമയുഗത്തിലാണ് വരുന്നത്. എന്നാല് ഗീതയില് യുഗയുഗങ്ങളില് വരുന്നു എന്നാണ് എഴുതിയിരിക്കുന്നത്.

ഇപ്പോള് നിങ്ങള്ക്കറിയാം ഏണിപ്പടി എങ്ങനെയാണ് കയറുന്നതും ഇറങ്ങുന്നതും എന്നത്. ഉയരുന്ന കലയും പിന്നെ താഴുന്ന കലയും. ഇപ്പോള് ഇത് സര്വ്വരുടേയും ഉയരുന്ന കലക്കുള്ള സംഗമയുഗമാണ്. എല്ലാവരും ഉയരുകയാണ്. എല്ലാവര്ക്കും മുകളിലേക്ക് പോകണം പിന്നീട് സ്വര്ഗ്ഗത്തില് പാര്ട്ട് അഭിനയിക്കുന്നതിന് നിങ്ങള്ക്ക് വരണം. സത്യയുഗത്തില് രണ്ടാമതൊരു ധര്മ്മമുണ്ടായിരുന്നില്ല. അതായിരുന്നു നിര്വ്വികാരി ലോകം. പിന്നീട് ദേവി ദേവതകള് വാമമാര്ഗ്ഗത്തിലേക്ക് പോയി സര്വ്വരും വികാരികളാകും, യഥാ രാജാ റാണി തഥാ പ്രജ. ബാബ മനസ്സിലാക്കി തരുകയാണ് അല്ലയോ ഭാരതവാസികളെ നിങ്ങള് നിര്വ്വികാരി ലോകത്തിലായിരുന്നു. ഇപ്പോഴുള്ളത് വികാരി ലോകമാണ്. അനേക ധര്മ്മങ്ങളുണ്ട് ബാക്കി ഒരു ദേവിദേവത ധര്മ്മം മാത്രമില്ല. തീര്ച്ചയായും എപ്പോഴാണോ ഇല്ലാതിരിക്കുന്നത് അപ്പോഴാണല്ലോ വീണ്ടും സ്ഥാപന നടക്കുക. ബാബ പറയുകയാണ് ഞാന് വന്ന് ബ്രഹ്മാവിലൂടെ ആദി സനാതന ദേവി ദേവതാ ധര്മ്മത്തിന്റെ സ്ഥാപനയാണ് ചെയ്യുന്നത്. ഇവിടെ തന്നെയാണല്ലോ ചെയ്യുക. സൂക്ഷ്മ വതനത്തില് ചെയ്യില്ലല്ലോ. എഴുതിയിട്ടുണ്ട് ബ്രഹ്മാവിലൂടെ ആദി സനാതന ദേവി ദേവതാ ധര്മ്മത്തിന്റെ രചന രചിക്കും. ഈ സമയത്ത് നിങ്ങളെ പാവനമാണെന്ന് പറയില്ല. ഇപ്പോള് പാവനമായി മാറുകയാണ്. സമയമെടുക്കുമല്ലോ. പതിതത്തില് നിന്നും പാവനമാകുന്നത് എങ്ങനെയാണ്, ഇത് ഒരു ശാസ്ത്രങ്ങളിലുമില്ല. വാസ്തവത്തില് മഹിമ ഒരു ബാബക്കാണ് ഉള്ളത്. ആ അച്ഛനെ മറന്നതു കൊണ്ടാണ് അനാഥരായി മാറിയത്, യുദ്ധം ചെയ്തുകൊണ്ടിരിക്കുന്നത്. എന്നിട്ടും പറയുകയാണ് എല്ലാവരും ഒരുമിച്ച് എങ്ങനെയാണ് ഒന്നാവുക എന്നാണ്. സഹോദര - സഹോദരരാണല്ലോ. ബാബ അനുഭവിയാണ്. ബാബ തന്റെ ഭക്തിയും പൂര്ത്തിയാക്കി. ധാരാളം ഗുരുക്കന്മാരും ബ്രഹ്മാബാബക്കുണ്ടായിരുന്നു. ഇപ്പോള് ബാബ പറയുകയാണ് അതെല്ലാം ഉപേക്ഷിക്കു. ഇപ്പോള് എന്നെ നിങ്ങള്ക്ക് കിട്ടിയല്ലോ. സര്വ്വരുടേയും സദ്ഗതി ദാതാവ് ഒരു സത്യമായ ശ്രേഷ്ഠമായ അകാലനാണെന്ന് പറയാറില്ലേ. എന്നാല് അവര്ക്ക് അര്ത്ഥം അറിയില്ല. ധാരാളം പഠിച്ചു കൊണ്ടിരിക്കുന്നുമുണ്ട്. ബാബ മനസ്സിലാക്കി തരുന്നുണ്ട് ഇപ്പോള് എല്ലാവരും പതിതമാണ് പിന്നെ ഇതിനെ പാവന ലോകമാക്കി മാറ്റും. ഭാരതം അവിനാശിയാണ്. ഇത് ആര്ക്കും അറിയില്ല. ഭാരതത്തിന്റെ വിനാശം ഒരിക്കലും ഉണ്ടാകില്ല, ഒരിക്കലും പ്രളയവുമുണ്ടാകില്ല. കാണിക്കാറുണ്ട് സാഗരത്തില് ആലിലയില് ശ്രീകൃഷ്ണന് വന്നു എന്നെല്ലാം - ഇപ്പോള് ആലിലയില് കുട്ടിക്ക് വരാന് സാധിക്കില്ലല്ലോ. ബാബ മനസ്സിലാക്കി തരുകയാണ് നിങ്ങള് വളരെ സുഖമായി ഗര്ഭത്തില് നിന്ന് ജനിക്കും. സത്യയുഗത്തില് ഗര്ഭക്കൊട്ടാരം എന്നാണ് പറയുക. ഇവിടെ ഗര്ഭജയിലാണ്. ആത്മാവിന് ആദ്യം തന്നെ സാക്ഷാത്കാരം കിട്ടും. ഈ ശരീരം വിട്ട് അടുത്തതിലേക്ക് പോകണം എന്നതും അറിയും. അവിടെ എല്ലാവരും ആത്മാഭിമാനിയായിരിക്കും. മനുഷ്യര്ക്ക് രചയിതാവിന്റെയും രചനയുടേയും ആദി മദ്ധ്യ അന്ത്യത്തെ കുറിച്ച് അറിയില്ല. ഇപ്പോള് നിങ്ങള്ക്ക് അറിയാം ബാബയാണ് ജ്ഞാന സാഗരനാണ്. നിങ്ങള് മാസ്റ്റര് സാഗരമാണ്. നിങ്ങള് (മാതാക്കള്) നദികളാണ് , ഈ ഗോപന്മാര് ജ്ഞാന മാനസരോവരമാണ്. ഇവര് ജ്ഞാന നദികളുമുണ്ട് അതോടൊപ്പം സരോവരങ്ങളുമുണ്ട്. പ്രവൃത്തി മാര്ഗ്ഗവും വേണമല്ലോ. നിങ്ങളുടേത് പവിത്ര ഗൃഹസ്ഥ ആശ്രമമായിരുന്നു. ഇപ്പോള് പതിതമാണ്. ബാബ പറയുകയാണ് നിങ്ങള് ആത്മാക്കളാണ് ഇത് എപ്പോഴും സദാ ഓര്മ്മയില് വെക്കണം. ഒരു ബാബയെ ഓര്മ്മിക്കു. ബാബ ആജ്ഞ നല്കിയിട്ടുണ്ട് ഒരു ദേഹധാരിയേയും ഓര്മ്മിക്കരുത്. ഈ കണ്ണുകളിലൂടെ എന്തെല്ലാം കാണുന്നുവോ അതെല്ലാം നശിക്കും അതുകൊണ്ടാണ് ബാബ പറയുന്നത് മന്മനാഭവ, മദ്ധ്യാജി ഭവ. ഈ ശ്മശാനത്തെ മറന്നോളു. മായയുടെ കൊടുങ്കാറ്റുകള് ധാരാളം വരും, ഇതില് ഭയക്കരുത്. ധാരാളം കൊടുങ്കാറ്റുകള് വരും പക്ഷെ കര്മ്മേന്ദ്രിയങ്ങളിലൂടെ അങ്ങനെയുള്ള കര്മ്മം ചെയ്യരുത്. നിങ്ങള് ബാബയെ മറക്കുമ്പോഴാണ് കൊടുങ്കാറ്റ് വരുന്നത്. ഈ ഓര്മ്മയുടെ യാത്ര ഒരു തവണയാണ് നടക്കുന്നത്. മനുഷ്യര് ചെയ്യുന്നത് മൃത്യു ലോകത്തിലെ യാത്രകളാണ്, അമരലോകത്തിന്റെ യാത്ര ഇതാണ്. അതിനാല് ബാബ പറയുകയാണ് ഒരു ദേഹധാരിയേയും ഓര്മ്മിക്കരുത്.

കുട്ടികളെ, ശിവജയന്തിയുടെ ആശംസ നേരുന്നതിനായി എത്ര സന്ദേശങ്ങളാണ് അയക്കുന്നത് അയക്കുന്നത്. ബാബ പറയുകയാണ് തതത്ത്വം. നിങ്ങള് കുട്ടികള്ക്കും ബാബ ആശംസ നല്കുകയാണ്. വാസ്തവത്തില് നിങ്ങള്ക്ക് ആശംസ നല്കുന്നത് എന്തുകൊണ്ടെന്നാല് മനുഷ്യനില് നിന്നും ദേവതയാകാന് പോകുന്നത് നിങ്ങളാണ്. ആരാണോ പദവിയോടു കൂടി വിജയിക്കുന്നത് അവര്ക്ക് കൂടുതല് മാര്ക്കും അതോടൊപ്പം നല്ല നമ്പറും കിട്ടും. ബാബ നിങ്ങള്ക്ക് ആശംസ നല്കുകയാണ് ഇപ്പോള് നിങ്ങള് രാവണന്റെ ചങ്ങലയില് നിന്നും മുക്തരാകും. എല്ലാ ആത്മാക്കളും പട്ടങ്ങളാണ്. എല്ലാവരുടേയും ചരട് ബാബയുടെ കൈയിലാണ്. ബാബ എല്ലാവരേയും കൂട്ടി കൊണ്ടു പോകും. സര്വ്വരുടേയും സദ്ഗതി ദാതാവാണ്. നിങ്ങള് സ്വര്ഗ്ഗത്തിന്റെ രാജ്യാധികാരം പ്രാപ്തമാക്കുന്നതിന് പുരുഷാര്ത്ഥം ചെയ്യുകയാണ്. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും സുപ്രഭാവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) പദവിയോടെ വിജയിക്കുന്നതിന് വേണ്ടി ഒരു ബാബയെ ഓര്മ്മിക്കണം, ഒരു ദേഹധാരിയേയും ഓര്മ്മിക്കരുത്. ഈ കണ്ണുകളിലൂടെ എന്തെല്ലാം കാണുന്നുവോ, അതിനെ കണ്ടിട്ടും കാണാതിരിക്കണം.

2) നമ്മള് അമരലോകത്തിലേക്കുള്ള യാത്രയിലാണ് അതിനാല് മൃത്യുലോകത്തിന്റെ ഒന്നും ഓര്മ്മയുണ്ടാകരുത്. ഈ കര്മ്മേന്ദ്രിയങ്ങളിലൂടെ ഒരു വികര്മ്മവും ചെയ്യരുത്, ഇതില് ശ്രദ്ധിക്കണം.

വരദാനം :-
അതീന്ദ്രിയ സുഖമയ സ്ഥിതിയിലൂടെ അനേകം ആത്മാക്കളെ ആഹ്വാനം ചെയ്യുന്ന വിശ്വ മംഗളകാരിയായി ഭവിക്കൂ

എത്രത്തോളം അന്തിമ കര്മ്മാതീത അവസ്ഥ സമീപത്ത് വന്നുകൊണ്ടിരിക്കുന്നോ അത്രത്തോളം ശബ്ദത്തിന് ഉപരി ശാന്ത സ്വരൂപ സ്ഥിതി കൂടുതല് പ്രിയപ്പെട്ടതാകും - ഈ സ്ഥിതിയില് സദാ അതീന്ദ്രിയ സുഖത്തിന്റെ അനുഭൂതി ഉണ്ടായിരിക്കും ഈ അതീന്ദ്രിയ സുഖമയ സ്ഥിതിയിലൂടെ അനേകം ആത്മാക്കളെ സഹജമായി തന്നെ ആഹ്വാനം ചെയ്യാന് സാധിക്കും. ഈ ശക്തിശാലി സ്ഥിതി തന്നെയാണ് വിശ്വ മംഗളകാരി സ്ഥിതി. ഈ സ്ഥിതിയിലൂടെ എത്ര തന്നെ ദൂരെയുള്ള ആത്മാവിനും സന്ദേശം എത്തിക്കാന് സാധിക്കും.

സ്ലോഗന് :-
ഓരോരരുത്തരുടെയും വിശേഷതയെ സ്മൃതിയില് വച്ച് വിശ്വാസമുള്ളവരാകൂ അപ്പോള് സംഘടന ഏകതയുള്ളതാകും.