15.09.2020           Morning Malayalam Murli       Om Shanti           BapDada Madhuban


മധുരമായ കുട്ടികളെ - ബാബ വന്നിരിക്കുന്നു നിങ്ങള്ക്ക്ജ്ഞാ നത്തിന്റെ മൂന്നാം നേത്രം നല്കുന്നതിന്, അതിലൂട െനിങ്ങ ള്സൃഷ്ടിയുട െആദി-മദ്ധ്യ-അന്ത്യത്തെ അറിയുന്നു

ചോദ്യം :-
ഏതൊരു കാര്യമാണ് സിംഹിണി ശക്തികള്ക്ക് മാത്രം ധൈര്യത്തോടെ മനസ്സിലാക്കി കൊടുക്കാന് സാധിക്കുന്നത്?

ഉത്തരം :-
മറ്റ് ധര്മ്മത്തിലുള്ളവര്ക്ക് ഈ കാര്യം മനസ്സിലാക്കി കൊടുക്കുക അതായത് ബാബ പറയുന്നു നിങ്ങള് സ്വയത്തെ ആത്മാവെന്ന് മനസ്സിലാക്കൂ, പരമാത്മാവെന്നല്ല. ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ എങ്കില് വികര്മ്മം നശിക്കും നിങ്ങള് മുക്തിധാമത്തിലേക്ക് പോകും. പരമാത്മാവെന്ന് മനസ്സിലാക്കുന്നതിലൂടെ വികര്മ്മം നശിക്കില്ല. ഈ കാര്യം വളരെ ധൈര്യത്തോടെ സിംഹിണി ശക്തികള്ക്ക് മാത്രമാണ് മനസ്സിലാക്കി കൊടുക്കാന് സാധിക്കുന്നത്. മനസ്സിലാക്കി കൊടുക്കുന്നതിന്റെയും അഭ്യാസം വേണം.

ഗീതം :-
നയനഹീനര്ക്ക് വഴി കാണിച്ച് കൊടുക്കൂ. . .

ഓംശാന്തി.
കുട്ടികള് അനുഭവം ചെയ്തുകൊണ്ടിരിക്കുന്നുണ്ട് -ആത്മീയ ഓര്മ്മയുടെ യാത്രയില് കഠിനത കാണപ്പെടുന്നു. ഭക്തി മാര്ഗ്ഗത്തില് വാതിലുകള് തോറും ഇടി കൊള്ളുക തന്നെ വേണം. അനേക പ്രകാരത്തിലുള്ള ജപ-തപ-യജ്ഞം ചെയ്യുന്നു, ശാസ്ത്രം മുതലായവ പഠിപ്പിക്കുന്നു, ആ കാരണം കൊണ്ട് തന്നെയാണ് ബ്രഹ്മാവിന്റെ രാത്രിയെന്ന് പറയുന്നത്. അരകല്പം രാത്രി, അരകല്പം പകല്. ബ്രഹ്മാവ് തനിച്ചായിരിക്കില്ലല്ലോ. പ്രജാപിതാവായ ബ്രഹ്മാവുണ്ടെങ്കില് തീര്ച്ചയായും അദ്ദേഹത്തിന്റെ കുമാരന്മാരും കുമാരിമാരും ഉണ്ടായിരിക്കും. എന്നാല് മനുഷ്യര്ക്കറിയില്ല. ബാബ തന്നെയാണ് കുട്ടികള്ക്ക് ജ്ഞാനത്തിന്റെ മൂന്നാമത്തെ നേത്രം നല്കുന്നത്, അതിലൂടെ നിങ്ങള്ക്ക് സൃഷ്ടിയുടെ ആദി-മദ്ധ്യ -അന്ത്യത്തിന്റെ ജ്ഞാനം ലഭിച്ചിരിക്കുന്നു. നിങ്ങള് കല്പം മുന്പും ബ്രാഹ്മണനായിരുന്നു പിന്നീട് ദേവതയുമായിരുന്നു, എന്തായിരുന്നോ അത് വീണ്ടുമാകും. നിങ്ങളാണ് ആദി സനാതന ദേവീദേവതാ ധര്മ്മത്തിന്റേത്. നിങ്ങള് തന്നെയാണ് പൂജ്യരില് നിന്ന് പൂജാരിയും വീണ്ടും പൂജ്യരുമാകുന്നത്. ഭാരതം തന്നെയാണ് അരകല്പം പൂജാരിയാകുന്നത്. ഇംഗ്ലീഷില് പൂജ്യരെ വര്ഷിപ്പ്വര്ത്തി(പൂജയ്ക്ക് യോഗ്യര്) എന്നും പൂജാരിയെ വര്ഷിപ്പര് എന്നും പറയുന്നു. ഭാരതം തന്നെയാണ് അരകല്പം പൂജാരിയാകുന്നത്. ആത്മാവ് അംഗീകരിക്കുന്നുണ്ട് നമ്മള് പൂജ്യരായിരുന്നു പിന്നീട് നമ്മള് തന്നെയാണ് പൂജാരിയാ യിരിക്കുന്നത്. പൂജ്യരില് നിന്ന് പൂജാരി പിന്നീട് വീണ്ടും പൂജ്യരാകുന്നു. ബാബ പൂജ്യനും പൂജാരി യുമാകുന്നില്ല. നിങ്ങള് പറയും പൂജ്യ പാവനനായ ദേവീ-ദേവതയായിരുന്നു പിന്നീട് 84 ജന്മങ്ങള്ക്ക് ശേഷം പൂര്ണ്ണമായും പതിത പൂജാരിയാകുന്നു. ആദി-സനാതന ദേവീ-ദേവതാ ധര്മ്മത്തില് പ്പെട്ടവരായിരുന്ന ഭാരതവാസികള്ക്ക് ഇപ്പോള് അവരുടെ ധര്മ്മത്തെക്കുറിച്ച് ഒന്നും തന്നെ അറിയില്ല. നിങ്ങളുടെ ഈ കാര്യങ്ങളെ എല്ലാ ധര്മ്മത്തില്പ്പെട്ടവരും മാനസ്സിലാക്കില്ല, ഈ ധര്മ്മത്തിലെ ആര് എവിടേക്ക് കണ്വര്ട്ടായി പോയിട്ടുണ്ടോ അവരാണ് വരിക. ഇങ്ങനെ അനേകം പേര് കണ്വര്ട്ടായി പോയിട്ടുണ്ട്. ബാബ പറയുകയാണ് ആരാണോ ശിവന്റെയും ദേവതകളുടെയും പൂജാരികള്, അവര്ക്ക് എളുപ്പമാണ്. അന്യ ധര്മ്മത്തിലുള്ളവര് പിന്തിരിയും, ആര് മതം മാറിപ്പോയവരാണോ അവര്ക്ക് ഉള്ബോധം വരും. വന്ന് മനസ്സിലാക്കാന് ശ്രമിക്കും. അല്ല എങ്കില് അംഗീകരിക്കില്ല. ആര്യസമാജത്തില് നിന്നും ധാരാളം പേര് വന്നിട്ടുണ്ട്. സിഖ്കാരും വന്നിട്ടുണ്ട്. ആദി സനാതന ദേവീ-ദേവതാ ധര്മ്മത്തിലുള്ളവര് ആര് കണ്വര്ട്ടായിട്ടുണ്ടോ, അവര്ക്ക് തന്റെ ധര്മ്മത്തിലേക്ക് തീര്ച്ചയായും വരേണ്ടി വരും. വൃക്ഷത്തിലും വേറെ-വേറെ സെക്ഷനുണ്ട്. പിന്നീട് വരുന്നതും നമ്പര്വെസായാണ്. ശാഖകളും ചില്ലകളും വന്നുകൊണ്ടിരിക്കും. അവര് പവിത്രമായത് കാരണം അവരുടെ പ്രഭാവം നന്നായി വരും. ഈ സമയം ദേവീ-ദേവതാ ധര്മ്മത്തിന്റെ അടിത്തറയില്ല അത് വീണ്ടും ഇടേണ്ടതായുണ്ട്. സഹോദരനും സഹോദരിയുമായി മാറുക തന്നെ വേണം. നമ്മള് ഒരച്ഛന്റെ മക്കള് എല്ലാ ആത്മാക്കളും സഹോദര-സഹോദരങ്ങളാണ്. പിന്നീട് സഹോദരിയും സഹോദരനുമാകുന്നു. ഇപ്പോള് പുതിയ സൃഷ്ടിയുടെ സ്ഥാപന നടന്നുകൊണ്ടിരിക്കുകയാണ്, ഏറ്റവും ആദ്യം ബ്രാഹ്മണര്. പുതിയ സൃഷ്ടിയുടെ സ്ഥാപനയില് പ്രജാപിതാ ബ്രഹ്മാവ് തീര്ച്ചയായും വേണം. ബ്രഹ്മാവിലൂടെ ബ്രാഹ്മണരുണ്ടാകും. ഇതിനെ രുദ്രജ്ഞാന യജ്ഞമെന്നും പറയുന്നു, ഇതില് ബ്രാഹ്മണര് തീര്ച്ചയായും വേണം. പ്രജാപിതാ ബ്രഹ്മാവിന്റെ സന്താനം തീര്ച്ചയായും വേണം. ബ്രഹ്മാവാണ് മുതുമുത്തച്ഛന്. ബ്രാഹ്മണരാണ് ആദ്യ നമ്പറിലെ കുടുമ. ആദം ബീബിയെ, ഏഡം ഈവിനെ അംഗീകരിക്കുന്നുമുണ്ട്. ഈ സമയം നിങ്ങള് പൂജാരിയില് നിന്ന് പൂജ്യരായിക്കൊണ്ടിരിക്കുന്നു. നിങ്ങളുടെ ഏറ്റവും നല്ല ഓര്മ്മ ചിഹ്ന ക്ഷേത്രമാണ് ദില്വാഡാ ക്ഷേത്രം. താഴെ തപസ്യയില് ഇരിക്കുന്നു, മുകളില് രാജധാനി, ഇവിടെ നിങ്ങള് ചൈതന്യത്തിലും ഇരിക്കുന്നു. ഈ ക്ഷേത്രവും നശിക്കും വീണ്ടും ഭക്തി മാര്ഗ്ഗത്തില് ഉണ്ടാക്കും.

നിങ്ങള്ക്കറിയാം ഇപ്പോള് നമ്മള് രാജയോഗം പഠിച്ചുകൊണ്ടിരിക്കുകയാണ്. പിന്നീട് പുതിയ ലോകത്തിലേക്ക് പോകും. അത് ജഢക്ഷേത്രമാണ്, നിങ്ങള് ചൈതന്യത്തില് ഇരിക്കുന്നു. മുഖ്യമായ ക്ഷേത്രം ഇത് കൃത്യമായി ഉണ്ടാക്കിയിട്ടുണ്ട്. സ്വര്ഗ്ഗത്തെ അല്ലെങ്കില് എവിടെ കാണിക്കും, അതുകൊണ്ട് മേല്ക്കൂരയില് കാണിച്ചിരിക്കുന്നു. ഇതില് വളരെ നന്നായി മനസ്സിലാക്കികൊടുക്കാന് സാധിക്കും. പറയൂ, ഭാരതം തന്നെയായിരുന്നു സ്വര്ഗ്ഗമായിരുന്നത് ഇപ്പോള് ഭാരതം നരകമാണ്. ഈ ധര്മ്മത്തില് പെട്ടവര് പെട്ടന്ന് മനസ്സിലാക്കും. ഹിന്ദുക്കളില് തന്നെ നോക്കുകയാണെങ്കില് അനേകം ധര്മ്മത്തില് പോയി പെട്ടിട്ടുണ്ട്. പുറത്ത് കൊണ്ടുവരുന്നതില് നിങ്ങള്ക്ക് വളരെ പ്രയത്നിക്കേണ്ടതായുണ്ട്. ബാബ മനസ്സിലാക്കി തന്നിട്ടുണ്ട് സ്വയത്തെ ആത്മാവെന്ന് മനസ്സിലാക്കി എന്നെ ഓര്മ്മിക്കൂ, അത്രമാത്രം, മറ്റൊരു കാര്യവും തന്നെ ചെയ്യാനില്ല. ആര്ക്കാണോ അഭ്യാസമില്ലാത്തത്, അവര് സംസാരിക്കരുത്. അല്ല എങ്കില് ബി.കെ യുടെ പേര് മോശമാക്കും. അഥവാ മറ്റുള്ള ധര്മ്മത്തിലുള്ളവരാണെങ്കില് മനസ്സിലാക്കി കൊടുക്കണം നിങ്ങള് മുക്തിയിലേക്ക് പോകാന് ആഗ്രഹിക്കുന്നുണ്ടെങ്കില് സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ. സ്വയത്തെ പരമാത്മാവെന്ന് മനസ്സിലാക്കരുത്. സ്വയത്തെ ആത്മാവാണെന്ന് മനസ്സിലാക്കി ബാബയെ ഓര്മ്മിക്കുകയാണെങ്കില് നിങ്ങളുടെ ജന്മ-ജന്മാന്തരത്തെ പാപം മുറിയും അങ്ങനെ മുക്തിധാമത്തിലേക്ക് പോകും. നിങ്ങള്ക്കായി ഈ മന്മനാഭവയുടെ മന്ത്രം തന്നെ ധാരാളമാണ് എന്നാല് സംസാരിക്കാനുള്ള ധൈര്യം വേണം. സിംഹിണി ശക്തികള്ക്ക് തന്നെയാണ് സേവനം ചെയ്യാന് സാധിക്കുന്നത്. സന്യാസിമാര് വിദേശത്ത് പോയി, വരൂ നിങ്ങള്ക്ക് ആത്മീയ ജ്ഞാനം നല്കാമെന്ന് പറഞ്ഞ് വിദേശികളെയും കൂട്ടികൊണ്ട് വരാറുണ്ട്. അവര്ക്ക് ബാബയേ അറിയുകയില്ല. ബ്രഹ്മത്തെ ഭഗവാനാണെന്ന് കരുതി പറയുന്നു, ഇതിനെ ഓര്മ്മിക്കൂ. വെറും ഈ മന്ത്രം നല്കുന്നു, ഏതെങ്കിലും പക്ഷിയെ പിടിച്ച്കൊണ്ട് വന്ന് തന്റെ കൂട്ടിലിടുന്നത് പോലെ. അതുകൊണ്ട് ഇങ്ങനെ-ഇങ്ങനെ മനസ്സിലാക്കി ക്കൊടുക്കുന്നതിലും സമയമെടുക്കുന്നു. ബാബ പറഞ്ഞിട്ടുണ്ടായിരുന്നു- ഓരോ ചിത്രത്തിലും ശിവ ഭഗവാനുവാചാ എന്ന് എഴുതിയിട്ടുണ്ടാകണം.

നിങ്ങള്ക്കറിയാം ഈ ലോകത്ത് നാഥനില്ലാതെ എല്ലാവരും അനാഥനാണ്. വിളിക്കുന്നുണ്ട് അങ്ങ് മാതാ-പിതാവാണ്......ശരി അതിന്റെ അര്ത്ഥമെന്താണ്? വെറുതേ പറഞ്ഞുകൊണ്ടേയിരിക്കുന്നു, അങ്ങയുടെ കൃപയിലൂടെ അളവില്ലാത്ത സുഖമെന്ന്. ഇപ്പോള് ബാബ നിങ്ങളെ സ്വര്ഗ്ഗത്തിന്റെ സുഖത്തിന് വേണ്ടി പഠിപ്പിച്ചുകൊണ്ടിരിക്കുന്നു, അതിന് വേണ്ടി നിങ്ങള് പുരുഷാര്ത്ഥം ചെയ്തുകൊണ്ടിരിക്കുന്നു. ആര് ചെയ്യുമോ അവര് നേടും. ഈ സമയം എല്ലാവരും പതിതരാണ്. പാവന ലോകം ഒരേഒരു സ്വര്ഗ്ഗം പുതിയ ലോകമാണ്. ഇവിടെ സതോപ്രധാനമായി ആരും ഉണ്ടായിരിക്കില്ല. സത്യയുഗത്തില് ആരാണോ സതോപ്രധാനമായിരുന്നത് അവര് തന്നെയാണ് തമോപ്രധാനവും പതിതരുമാകുന്നത്. ക്രിസ്തുവിന് പിറകെ അദ്ദേഹത്തിന്റെ ധര്മ്മത്തില്പ്പെട്ട ആരെല്ലാമാണോ വരുന്നത്, അവരും ആദ്യം സതോപ്രധാനരായിരിക്കില്ലേ. എപ്പോഴാണോ ലക്ഷകണക്കിനാകുന്നത് അപ്പോഴാണ് സൈന്യം തയ്യാറാകുന്നത്, യുദ്ധം ചെയ്ത് രാജ്യം പിടിക്കാന്. അവര്ക്ക് സുഖവും കുറവാണ് അതുകൊണ്ട് ദുഃഖവും കുറവാണ്. നിങ്ങളുടേത് പോലെ സുഖം ആര്ക്കും ലഭിക്കുകയില്ല. നിങ്ങള് ഇപ്പോള് തയ്യാറെടുത്തുകൊണ്ടിരിക്കുകയാണ്- സുഖധാമത്തിലേക്ക് പോകുന്നതിന്. അല്ലാതെ എല്ലാ ധര്മ്മവും സ്വര്ഗ്ഗത്തിലേക്ക് വരുന്നില്ല. ഭാരതം എപ്പോഴാണോ സ്വര്ഗ്ഗമായിരുന്നത് അപ്പോള് അതുപോലെ പാവനമായ ഒരു ദേശം വേറെ ഉണ്ടായിരിക്കില്ല. എപ്പോഴാണോ ബാബ വരുന്നത് അപ്പോഴാണ് ഈശ്വരീയ രാജ്യം സ്ഥാപിക്കപ്പെടുന്നത്. അവിടെ യുദ്ധം മുതലായവയുടെ കാര്യമില്ല. യുദ്ധവും-വഴക്കുമെല്ലാം വളരെ സമയം കഴിഞ്ഞാണ് ആരംഭിക്കുന്നത്. ഭാരതവാസി ഇത്രയും യുദ്ധം ചെയ്തിട്ടില്ല. പരസ്പരം അല്പം യുദ്ധം ചെയ്ത് വേര്പെട്ടു. ദ്വാപരത്തിലാണ് പരസ്പരം ആക്രമിക്കുന്നത്. ഈ ചിത്രം മുതലായവ ഉണ്ടാക്കുന്നതിലും വലിയ ബുദ്ധി വേണം. ഇതും എഴുതണം സ്വര്ഗ്ഗമായിരുന്ന ഭാരതം പിന്നീട് എങ്ങനെയാണ് നരകം പോലെയായത്, വന്ന് മനസ്സിലാക്കൂ. ഭാരതം സദ്ഗതിയിലായിരുന്നു, ഇപ്പോള് ദുര്ഗതിയിലാണ്. ഇപ്പോള് സദ്ഗതി നേടുന്നതിന് വേണ്ടി ബാബ തന്നെ ജ്ഞാനം നല്കുന്നു. മനുഷ്യരില് ഈ ആത്മീയ ജ്ഞാനം ഉണ്ടായിരിക്കില്ല. ഇതുള്ളത് പരംപിതാ പരമാത്മാവിലാണ്. ബാബയാണ് ആത്മാക്കള്ക്ക് ഈ ജ്ഞാനം നല്കുന്നത്. ബാക്കി എല്ലാം മനുഷ്യര് മനുഷ്യര്ക്ക് തന്നെ നല്കുന്നതാണ്. ശാസ്ത്രവും മനുഷ്യരാണ് എഴുതിയിട്ടുള്ളത്, മനുഷ്യരാണ് പഠിക്കുന്നത്. ഇവിടെ നിങ്ങളെ ആത്മീയ അച്ഛനാണ് പഠിപ്പിക്കുന്നത്, പഠിക്കുന്നത് ആത്മാവുമാണ്. പഠിക്കുന്നത് ആത്മാവല്ലേ. ശാസ്ത്രം എഴുതുന്നതും പഠിക്കുന്നതും മനുഷ്യര് തന്നെയാണ്. പരമാത്മാവിന് ശാസ്ത്രം മുതലായവ പഠിക്കേണ്ടതിന്റെ ആവശ്യമില്ല. ബാബ പറയുകയാണ് ഈ ശാസ്ത്രം മുതലായവയിലൂടെ ആരുടെയും സദ്ഗതി ഉണ്ടാകുകയില്ല. എനിക്ക് തന്നെ വന്ന് എല്ലാവരെയും തിരിച്ച് കൊണ്ട് പോകണം. ഇപ്പോഴാണെങ്കില് ലോകത്തില് കോടിക്കണക്കിന് മനുഷ്യരുണ്ട്. സത്യയുഗത്തില് എപ്പോഴാണോ ഈ ലക്ഷ്മീ-നാരായണന്റെ രാജ്യമായിരുന്നത് അപ്പോള് 9 ലക്ഷമായിരുന്നു. വളരെ ചെറിയ വൃക്ഷമായിരിക്കും. എങ്കില് ചിന്തിക്കൂ ബാക്കി എല്ലാ ആത്മാക്കളും എവിടെ പോയി? ബ്രഹ്മത്തിലോ വെള്ളത്തിലോ ലയിച്ച് പോയിട്ടില്ല. അവരെല്ലാവരും മുക്തിധാമത്തില് ഇരിക്കുന്നു. ഓരോ ആത്മാവും അവിനാശിയാണ്. അതില് അവിനാശീ പാര്ട്ട് അടങ്ങിയിട്ടുണ്ട് അത് ഒരിക്കലും ഇല്ലാതാകുകയില്ല. ആത്മാവ് നശിക്കുകയില്ല. ആത്മാവൊരു ബിന്ദുവാണ്. ബാക്കി നിര്വ്വാണത്തിലേക്കൊന്നും ആരും പോകുന്നില്ല, എല്ലാവര്ക്കും വേഷം അഭിനയിക്കുക തന്നെ വേണം. എപ്പോഴാണോ എല്ലാ ആത്മാക്കളും വരുന്നത് അപ്പോള് ഞാന് വന്ന് എല്ലാവരെയും കൊണ്ട് പോകുന്നു. അന്തിമത്തില് തന്നെയാണ് ബാബയുടെ പാര്ട്ട്. പുതിയ ലോകത്തിന്റ സ്ഥാപനയും പിന്നീട് പഴയ ലോകത്തിന്റെ വിനാശവും. ഇതും ഡ്രാമയില് അടങ്ങിയിട്ടുണ്ട്. നിങ്ങള് ആര്യ സമാജികളുടെ സംഗത്തിന് മനസ്സിലാക്കി കൊടുക്കുകയാണെങ്കില് അതില് ആര് ഈ ദേവതാ ധര്മ്മത്തിലേതായിരിക്കുമോ അവര്ക്ക് ടച്ചാകും. തീര്ത്തും ഈ കാര്യം ശരിയാണ്, പരമാത്മാവ് എങ്ങനെ സര്വ്വവ്യാപിയാകും. ഭഗവാന് അച്ഛനാണ്. അവരില് നിന്ന് സമ്പത്താണ് ലഭിക്കുന്നത്. ഏതെങ്കിലും ആര്യ സമാജിയും നിങ്ങളുടെ അടുത്ത് വരാറില്ലേ. ഇതിനെ തന്നെയാണ് തൈ വെക്കലെന്ന് പറയുന്നത്. നിങ്ങള് മനസ്സിലാക്കി കൊടുത്തുകൊണ്ടേയിരിക്കൂ നിങ്ങളുടെ കുലത്തിലേതായി ആരുണ്ടോ അവര് വരും. ഭഗവാനായ ബാബ തന്നെയാണ് പാവനമാകുന്നതിനുള്ള യുക്തി പറഞ്ഞു തരുന്നത്. ഭഗവാനുവാചയാണ് എന്നെ മാത്രം ഓര്മ്മിക്കൂ. ഞാന് പതിത-പാവനനാണ്, എന്നെ ഓര്മ്മിക്കുന്നതിലൂടെ നിങ്ങളുടെ വികര്മ്മം വിനാശമാകും മുക്തിധാമത്തിലേക്ക് വരും. ഈ സന്ദേശം എല്ലാ ധര്മ്മത്തിലുള്ളവര്ക്കും വേണ്ടിയുള്ളതാണ്. പറയൂ , ബാബ പറയുകയാണ് ദേഹത്തിന്റെ എല്ലാ ധര്മ്മവും ഉപേക്ഷിച്ച് എന്നെ ഓര്മ്മിക്കൂ എങ്കില് നിങ്ങള് തമോപ്രധാനത്തില് നിന്നും സതോപ്രധാനമായി തീരും. ഞാന് ഗുജറാത്തിയാണ്, ഇന്നാളാണ് - ഇതെല്ലാം ഉപേക്ഷിക്കൂ. സ്വയത്തെ ആത്മാവെന്ന് മനസ്സിലാക്കൂ എന്നിട്ട് ബാബയെ ഓര്മ്മിക്കൂ. ഇതാണ് യോഗ അഗ്നി. സൂക്ഷിച്ച് ചുവട് വെയ്ക്കണം. എല്ലാവരും മനസ്സിലാക്കില്ല. ബാബ പറയുന്നു -പതിത പാവനന് ഞാന് മാത്രമാണ്. നിങ്ങളെല്ലാവരും പതിതരാണ്, നിര്വ്വാണധാമത്തിലേക്കും പാവനമാകാതെ വരാന് സാധിക്കില്ല. രചനയുടെ ആദി-മദ്ധ്യ-അന്ത്യത്തെയും അറിയണം. പൂര്ണ്ണമായും മനസ്സിലാക്കുന്നതിലൂടെ തന്നെയാണ് ഉയര്ന്ന പദവി നേടുന്നത്. ഭക്തി കുറച്ചാണ് ചെയ്തിട്ടുള്ളതെങ്കില് ജ്ഞാനവും കുറച്ചാണ് മനസ്സിലാക്കുക. ധാരാളം ഭക്തി ചെയ്തിട്ടുണ്ടെങ്കില് ധാരാളം ജ്ഞാനവും എടുക്കും. ബാബ എന്താണോ മനസ്സിലാക്കി തരുന്നത് അതിനെ ധാരണ ചെയ്യണം. വാനപ്രസ്ഥികള്ക്ക് കൂടുതല് എളുപ്പമാണ്. ഗൃഹസ്ഥ വ്യവഹാരത്തില് നിന്നും കരകയറുന്നു. വാനപ്രസ്ഥ അവസ്ഥ 60 വയസ്സിന് ശേഷമാണ് ഉണ്ടാകുന്നത്. ഗുരുവിനെ സ്വീകരിക്കുന്നതും അപ്പോഴാണ്. ഇന്നത്തെകാലത്ത് ചെറു പ്രായത്തില് തന്നെ ഗുവിന്റെ അടുത്ത് എത്തിക്കുന്നു. അല്ല എങ്കില് ആദ്യം അച്ഛന് പിന്നീട് ടീച്ചര് പിന്നീട് 60 വര്ഷങ്ങള്ക്ക് ശേഷമാണ് ഗുരുവിനെ സ്വീകരിക്കുന്നത്. സദ്ഗതി ദാതാവ് ഒരേഒരു ബാബയാണ്, ഈ അനേക ഗുരുക്കന്മാരല്ല. ഇതെല്ലാം തന്നെ പണം സമ്പാദിക്കാനുള്ള യുക്തികളാണ്, സത്ഗുരു ഒന്നുമാത്രമാണുള്ളത്- എല്ലാവരുടെയും സദ്ഗതി ചെയ്യുന്നവര്. ബാബ പറയുന്നു ഞാന് നിങ്ങള്ക്ക് എല്ലാ വേദ ശാസ്ത്രങ്ങളുടെയും സാരം മനസ്സിലാക്കി തരികയാണ്. ഇതെല്ലാം ഭക്തി മാര്ഗ്ഗത്തിലെ സാമഗ്രികളാണ്. പടി ഇറങ്ങേണ്ടതായുണ്ട്. ജ്ഞാനം, ഭക്തി പിന്നീട് ഭക്തിയോടുള്ള വൈരാഗ്യം. എപ്പോഴാണോ ജ്ഞാനം ലഭിക്കുന്നത് അപ്പോഴാണ് ഭക്തിയോടുള്ള വൈരാഗ്യമുണ്ടാകുന്നത്. ബാക്കി ലോകം ഉപേക്ഷിച്ച് എങ്ങോട്ട് പോകും? നിങ്ങള്ക്കറിയാം ഈ ലോകം തന്നെ നശിക്കണം. അതുകൊണ്ട് ഇപ്പോള് പരിധിയില്ലാത്ത ലോകത്തെ സന്യസിക്കണം. പവിത്രമാകാതെ വീട്ടിലേക്ക് പോകാന് സാധിക്കില്ല. പവിത്രമാകുന്നതിന് ഓര്മ്മയുടെ യാത്ര വേണം. ഭാരതത്തില് രക്തത്തിന്റെ നദികള് ഒഴുകിയതിന് ശേഷം പിന്നീട് പാലിന്റെ നദികള് ഒഴുകും. വിഷ്ണുവിനെയും ക്ഷീര സാഗരത്തിലാണ് കാണിക്കുന്നത്. മനസ്സിലാക്കി തരികയാണ് - ഈ യുദ്ധത്തിലൂടെയാണ് മുക്തി-ജീവന്മുക്തിയുടെ ഗേറ്റ് തുറക്കുന്നത്. നിങ്ങള് കുട്ടികള് എത്രത്തോളം മുന്നോട്ട് പോകുന്നു അത്രത്തോളം ശബ്ദം പരന്നുകൊണ്ടിരിക്കും. യുദ്ധം തുടങ്ങി കഴിഞ്ഞു. ഒരു പ്രകോപനം കൊണ്ട് നോക്കൂ മുന്പ് എന്തെല്ലാം സംഭവിച്ചു. മനസ്സിലാക്കുന്നുണ്ട് യുദ്ധം തീര്ച്ചയായും ചെയ്യും. യുദ്ധം നടന്നുകൊണ്ടേയിരിക്കുന്നുണ്ട്. പരസ്പരം സഹായികളായി മാറിക്കൊണ്ടിരിക്കുന്നുണ്ട്. നിങ്ങള്ക്ക് പുതിയ ലോകം വേണമെങ്കില് പഴയ ലോകം തീര്ച്ചയായും ഇല്ലാതാകണം. ശരി!

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) ഈ പഴയ ലോകം ഇപ്പോള് വിനാശമാകണം അതുകൊണ്ട് ഈ പഴയ ലോകത്തിന്റെ സന്യാസം ചെയ്യണം. ലോകത്തെ ഉപേക്ഷിച്ച് എങ്ങോട്ടും പോകേണ്ടതില്ല എന്നാല് ഇതിനെ ബുദ്ധി കൊണ്ട് മറക്കണം.

2) നിര്വ്വാണത്തിലേക്ക് പോകുന്നതിന് വേണ്ടി പൂര്ണ്ണമായും പാവനമാകണം. രചനയുടെ ആദി-മദ്ധ്യ- അന്ത്യത്തെ പൂര്ണ്ണമായും മനസ്സിലാക്കി പുതിയ ലോകത്തില് ഉയര്ന്ന പദവി നേടണം.

വരദാനം :-
ആലസ്യമാകുന്ന ഉറക്കത്തിനോട് മൊഴി ചൊല്ലുന്നവരായ നിദ്രാജീത്ത്, ചക്രവര്ത്തിയായി ഭവിക്കട്ടെ.

സാക്ഷാത്കാരമൂര്ത്തിയായി മാറി ഭക്തര്ക്ക് സാക്ഷാത്കാരം ചെയ്യിപ്പിച്ച് കൊടുക്കുന്നതിന് വേണ്ടി അഥവാ ചക്രവര്ത്തിയാകുന്നതിന് വേണ്ടി നിദ്രാജീത്താകൂ. വിനാശകാലം മറക്കുമ്പോഴാണ് അലസതയുടെ ഉറക്കം വരുന്നത്. ഭക്തരുടെ വിളി കേള്ക്കൂ, ദു:ഖിതരായ ആത്മാക്കളുടെ ദു:ഖത്തിന്റെ വിളി കേള്ക്കൂ, ദാഹിക്കുന്ന ആത്മാക്കളുടെ പ്രാര്ത്ഥനയുടെ ശബ്ദം കേള്ക്കൂ എങ്കില് ഒരിക്കലും ആലസ്യത്തിന്റെ ഉറക്കം വരില്ല. അതിനാല് ഇപ്പോള് തെളിഞ്ഞ ജ്യോതിയായി മാറി ആലസ്യത്തിന്റെ ഉറക്കത്തിനോട് മൊഴി ചൊല്ലൂ, സാക്ഷാത്കാര മൂര്ത്തിയാകൂ.

സ്ലോഗന് :-
രീരം- മനസ്സ്- ധനം, മനസ്സ്-വാക്ക്- കര്മ്മം ഏതെങ്കിലും വിധത്തില് ബാബയുടെ കര്ത്തവ്യങ്ങളില് സഹയോഗിയാകൂ എങ്കില് സഹജയോഗിയായി മാറും.