18.02.2021           Morning Malayalam Murli       Om Shanti           BapDada Madhuban


മധുരമായ കുട്ടികളേ - സുഖം നല്കുന്ന ഒരേയൊരു ബാബയ െഓര്മ്മിക്കൂ, ഈ അല്പ സമയത്തിനുളളില്യ ോഗബലം ശേഖരിക്കൂ എങ്കില് അന്തിമ സമയത്ത്വളരെ പ്രയോജനപ്പെടും.

ചോദ്യം :-
പരിധിയില്ലാത്ത വൈരാഗിയായ കുട്ടികളേ, നിങ്ങള്ക്ക് സദാ ഏതൊരു സ്മൃതിയാണ് ഉണ്ടായിരിക്കേണ്ടത്?

ഉത്തരം :-
ഇത് നമ്മുടെ അപവിത്രമായ ശരീരമാണ്, ഇതിനെ ഉപേക്ഷിച്ച് തിരിച്ച് വീട്ടിലേക്ക് പോകണം- ഈ സ്മൃതി സദാ ഉണ്ടായിരിക്കണം. ബാബയും സമ്പത്തും ഓര്മ്മയുണ്ടായിരിക്കണം, മറ്റൊന്നും ഓര്മ്മ വരരുത്. ഇതാണ് പരിധിയില്ലാത്ത വൈരാഗ്യം. കര്മ്മം ചെയ്ത് ബാബയുടെ ഓര്മ്മയില് ഇരിക്കാനുള്ള പുരുഷാര്ത്ഥം ചെയ്യണം അതിലൂടെ പാപങ്ങളുടെ ഭാരം ശിരസ്സില് നിന്നും ഇറങ്ങും. ആത്മാവ് തമോപ്രധാനത്തില് നിന്നും സതോപ്രധാനമായി മാറും.

ഓംശാന്തി.
ബാബ കുട്ടികള്ക്ക് ദിവസവും വളരെ സഹജമായ കാര്യമാണ് മനസ്സിലാക്കി തരുന്നത്. ഇതാണ് ഈശ്വരീയ പാഠശാല. വാസ്തവത്തില് ഗീതയിലും പറയുന്നുണ്ട്-ഭഗവാനുവാച എന്ന്. ഭഗവാനാകുന്ന അച്ഛന് എല്ലാവര്ക്കും ഒന്നാണ്. എല്ലാവര്ക്കും ഭഗവാനാകാന് സാധിക്കില്ല. ശരിയാണ്, എല്ലാവരും ഒരച്ഛന്റെ കുട്ടികളായിരിക്കും. ബാബ സ്വര്ഗ്ഗമാകുന്ന പുതിയ ലോകത്തിന്റെ സ്ഥാപന ചെയ്യുന്നു എന്ന് തീര്ച്ചയായും ബുദ്ധിയില് വരണം. ആ അച്ഛനില് നിന്ന് നമുക്ക് തീര്ച്ചയായും സ്വര്ഗ്ഗത്തിലെ സമ്പത്ത് ലഭിച്ചിട്ടുണ്ടായിരിക്കും. ഭാരതത്തില് തന്നെയാണ് ശിവജയന്തിയുടെ മഹിമ പാടിയിട്ടുള്ളത്. എന്നാല് എങ്ങനെയാണ് ശിവജയന്തിയുണ്ടാകുന്നത് എന്ന് ബാബയാണ് വന്ന് മനസ്സിലാക്കിതരുന്നത്. ബാബ വരുന്നതു തന്നെ കല്പത്തിലെ സംഗമയുഗത്തിലാണ്. കുട്ടികളെ വീണ്ടും പതിതത്തില് നിന്ന് പാവനമാക്കി മാറ്റാന്, അതായത് സമ്പത്തു നല്കാന്. ഈ സമയം എല്ലാവര്ക്കും രാവണന്റെ ശാപമാണ് അതുകൊണ്ട് എല്ലാവരും ദുഃഖികളാണ്. ഇപ്പോള് കലിയുഗമാകുന്ന പഴയ ലോകമാണ്. നമ്മള് ബ്രഹ്മാമുഖ വംശാവലിയായ ബ്രാഹ്മണരാണ് എന്ന് സദാ ഓര്മ്മയില് വെക്കൂ. ആരെല്ലാമാണോ സ്വയത്തെ ബ്രഹ്മാകുമാരനും-ബ്രഹ്മാകുമാരിയുമാണെന്ന് മനസ്സിലാക്കുന്നത്, അവര് തീര്ച്ചയായും ഇതും മനസ്സിലാക്കണം-കല്പ-കല്പം നമ്മള് അച്ഛനില് നിന്നും ബ്രഹ്മാവിലൂടെ സമ്പത്തെടുക്കുന്നു. ഇത്രയുമധികം കുട്ടികള് മറ്റാര്ക്കുമുണ്ടാകില്ല. ശിവബാബ എല്ലാവരുടെയും അച്ഛനാണ്. ബ്രഹ്മാവും ശിവബാബയുടെ കുട്ടിയാണ്. എല്ലാ കുട്ടികള്ക്കും സമ്പത്ത് അച്ഛനില്നിന്നാണ് ലഭിക്കുന്നത്. സത്യയുഗത്തിലെ രാജധാനിയാണ് ബാബയുടെ സമ്പത്ത്. പരിധിയില്ലാത്ത ബാബ സ്വര്ഗ്ഗത്തിന്റെ രചയിതാവാണെങ്കില് തീര്ച്ചയായും നമുക്ക് സ്വര്ഗ്ഗത്തിലെ രാജ്യഭാഗ്യമുണ്ടായിരിക്കണം. എന്നാല് ഇത് മറന്നുപോയിരിക്കുകയാണ്. നമുക്ക് സ്വര്ഗ്ഗത്തിലെ രാജ്യഭാഗ്യമുണ്ടായിരുന്നു. എന്നാല് നിരാകാരനായ അച്ഛന് എങ്ങനെ നല്കും, തീര്ച്ചയായും ബ്രഹ്മാവിലൂടെ നല്കും. ഭാരതത്തില് ദേവതകളുടെ രാജ്യമുണ്ടായിരുന്നു. ഇപ്പോള് കല്പത്തിലെ സംഗമമാണ്. സംഗമയുഗത്തില് ബ്രഹ്മാവുള്ളതുകൊണ്ടാണ് ബി.കെ.യെന്നു പറയുന്നത്. ഇതില് അന്ധവിശ്വാസത്തിന്റെ യാതൊരു കാര്യവുമില്ല. ഇവിടെ ദത്തെടുക്കുകയാണ്. നമ്മള് ബ്രഹ്മാകുമാരനും-ബ്രഹ്മാകുമാരിമാരുമാണ്. ബ്രഹ്മാവ് ശിവബാബയുടെ കുട്ടിയാണ്. നമുക്ക് ശിവബാബയിലൂടെ വീണ്ടും സ്വര്ഗ്ഗത്തിലെ ചക്രവര്ത്തി പദവി ലഭിക്കുകയാണ്. ആദ്യവും ലഭിച്ചിട്ടുണ്ടായിരുന്നു, അയ്യായിരം വര്ഷം കടന്നുപോയി. നമ്മള് ദേവീ-ദേവത ധര്മ്മത്തിലുള്ളവരായിരുന്നു. അവസാനം വരെ വൃദ്ധിയുണ്ടായിക്കൊണ്ടേയിരിക്കും. ക്രിസ്തു വന്നു, അതിനാല് ഇപ്പോഴും ക്രിസ്ത്യന് ധര്മ്മമുണ്ട്. വൃദ്ധിയുണ്ടായിക്കൊണ്ടേയിരിക്കുന്നു. ക്രിസ്ത്യാനികള് ക്കറിയാം ക്രിസ്തുവിലൂടെയാണ് അവര് ക്രിസ്ത്യാനികളായി മാറിയത്. ഇന്നെയ്ക്ക് രണ്ടായിരം വര്ഷം മുമ്പ് ക്രിസ്തു വന്നിരുന്നു. ഇപ്പോള് വര്ദ്ധിച്ചുകൊണ്ടിരിക്കുകയാണ്. ആദ്യമാദ്യം സതോപ്രധാനം പിന്നീട് രജോ, തമോയിലേക്ക് വരണം. നിങ്ങള് സത്യയുഗത്തില് സതോപ്രധാനരായിരുന്നു പിന്നീട് രജോ, തമോയിലേക്ക് വന്നു. തമോപ്രധാനമായ സൃഷ്ടി പിന്നീട് തീര്ച്ചയായും സതോപ്രധാനമായി മാറുക തന്നെ ചെയ്യും. പുതിയ ലോകത്തില് ആദി സനാതന ദേവീ-ദേവത ധര്മ്മമായിരുന്നു. മുഖ്യമായി നാല് ധര്മ്മങ്ങളാണ് ഉള്ളത്. നിങ്ങളുടെ ധര്മ്മം പകുതി കല്പം വരെ തുടരുന്നു. ഇവിടെയും നിങ്ങള് സനാതന ധര്മ്മത്തിലേതാണ്. എന്നാല് വികാരികളായതു കാരണം നിങ്ങള്ക്ക് സ്വയം ദേവീ-ദേവതകളെന്ന് പറയാന് സാധിക്കില്ല. നിങ്ങള് ആദി സനാതന ദേവീ-ദേവതാ ധര്മ്മത്തിലേതായിരുന്നു എന്നാല് വാമമാര്ഗ്ഗത്തില് പോയതു കാരണം നിങ്ങള് പതിതമായി മാറി. അതിനാല് സ്വയത്തെ ഹിന്ദു എന്ന് പറയുന്നു. ഇപ്പോള്നിങ്ങള് ബ്രാഹ്മണരായി മാറിയിരിക്കുന്നു. ഉയര്ന്നതിലും ഉയര്ന്നത് ശിവബാബയാണ്. പിന്നീട് നിങ്ങള് ബ്രാഹ്മണരാണ്. നിങ്ങള് ബ്രാഹ്മണരുടെ ഉയര്ന്നതിലും ഉയര്ന്ന വര്ണ്ണമാണ്. ബ്രഹ്മാവിന്റെ കുട്ടികളായി മാറിയിരിക്കുകയാണ്. എന്നാല് സമ്പത്ത് ബ്രഹ്മാവില് നിന്ന് ലഭിക്കില്ല. ശിവബാബ ബ്രഹ്മാവിലൂടെ സ്വര്ഗ്ഗത്തിന്റെ സ്ഥാപന ചെയ്യുന്നു. നിങ്ങള് ആത്മാക്കള് ഇപ്പോള് ബാബയെ തിരിച്ചറിഞ്ഞിരിക്കുന്നു. ബാബ പറയുന്നു-എന്നിലൂടെ എന്നെ അറിയുന്നതു കാരണം മുഴുവന് സൃഷ്ടി ചക്രത്തിന്റെയും ജ്ഞാനത്തെ മനസ്സിലാക്കാന് സാധിക്കും. ഈ ജ്ഞാനം എനിക്കു മാത്രമെയുള്ളൂ. ഞാന് ജ്ഞാനത്തിന്റെ സാഗരം, ആനന്ദത്തിന്റെ സാഗരം, പവിത്രതയുടെയും സാഗരമാണ്. 21 ജന്മം നിങ്ങള് പവിത്രമായി മാറുന്നു പിന്നീട് വിഷയ സാഗരത്തില് വീണുപോകുന്നു. ഇപ്പോള് ജ്ഞാനസാഗരമായ ബാബ നിങ്ങളെ പതിതത്തില് നിന്നും പാവനമാക്കി മാറ്റുന്നു. ഗംഗാ ജലത്തിനൊന്നും പാവനമാക്കി മാറ്റാന് സാധിക്കില്ല. സ്നാനം ചെയ്യാന് പോകുന്നുണ്ടെങ്കിലും ആ ജലം പതിത-പാവനിയല്ല. ഈ നദികള് സത്യയുഗത്തിലുമുണ്ട്, കലിയുഗത്തിലുമുണ്ട്. വെള്ളത്തിന് വ്യത്യാസമുണ്ടായിരിക്കില്ലല്ലോ. പറയാറുണ്ട് - സര്വ്വരുടെയും സദ്ഗതി ദാതാവ് ഒരു രാമനാണെന്ന്. ബാബയാകുന്ന രാമന് തന്നെയാണ് ജ്ഞാനത്തിന്റെ സാഗരവും പതിത - പാവനനും.

ബാബ വന്ന് ജ്ഞാനം മനസ്സിലാക്കിതരുന്നതിലൂടെ നിങ്ങള് സ്വര്ഗ്ഗത്തിലെ അധികാരിയായി മാറുന്നു. സത്യ-ത്രേതായുഗത്തില് ഭക്തി, ശാസ്ത്രമൊന്നും ഉണ്ടായിരിക്കില്ല. നിങ്ങള് ബാബയില് നിന്ന് സദാ സുഖത്തിന്റെ സമ്പത്തെടുക്കുന്നു. സത്യയുഗത്തില് ഗംഗാ സ്നാനമോ അഥവാ യാത്രയോ ചെയ്യേണ്ടതായ ആവശ്യമില്ല. നിങ്ങളുടെത് ആത്മീയ യാത്രയാണ്. ഇത് ഒരു മനുഷ്യനും പഠിപ്പിക്കാന് സാധിക്കില്ല. ബാബ സര്വ്വആത്മാക്കളുടെയും അച്ഛനാണ്, ശരീരത്തിന്റെ പിതാവ് ഒരുപാടുണ്ട്. ആത്മീയ അച്ഛന് ഒന്നു മാത്രമെയുള്ളൂ. ഇത് ഉറച്ച രീതിയില് ഓര്മ്മയില് വെക്കൂ. നിങ്ങള്ക്ക് എത്ര അച്ഛന്മാരുണ്ടെന്ന് ബാബയും ചോദിക്കുമ്പോള് ആശയക്കുഴപ്പത്തില് വരുന്നു, ഇവര് എന്താണ് ചോദിക്കുന്നതെന്ന്? അച്ഛന് എല്ലാവര്ക്കും ഒന്നു മാത്രമല്ലെയുള്ളൂ. രണ്ടും മൂന്നും അച്ഛന് എങ്ങനെയാണ് ഉണ്ടാവുക! ബാബ മനസ്സിലാക്കിതരുന്നു, ദുഃഖത്തിലാണ് ഭഗവാനെ ഓര്മ്മിക്കുന്നത്. ദുഃഖത്തില് എപ്പോഴും പറയുന്നു-അല്ലയോ പരംപിതാപരമാത്മാവേ ഞങ്ങളെ ദുഃഖത്തില് നിന്ന് മുക്തമാക്കൂ എന്ന്. അതിനാല് രണ്ട് അച്ഛന്മാരായില്ലേ! ഒന്ന് ശരീരത്തിന്റെ അച്ഛനും മറ്റൊന്ന് ആത്മീയ അച്ഛനും. അങ്ങ് മാതാവും പിതാവുമാണ്, നമ്മള് അങ്ങയുടെ സന്താനങ്ങളാണ്.... അങ്ങയുടെ കൃപയാല് അളവറ്റ സുഖമുണ്ട് എന്ന മഹിമ പാടുന്നത് ആത്മീയ അച്ഛന്റെതാണ്. ലൗകീക അച്ഛനില് നിന്നും അമ്മയില് നിന്നും അളവറ്റ സുഖം ലഭിക്കുന്നില്ല. ദുഃഖമുണ്ടാകുമ്പോള് ഭഗവാനാകുന്ന ബാബയെ സ്മരിക്കുന്നു. ഈ ബാബ മാത്രമാണ് ഇങ്ങനെയുളള ചോദ്യം ചോദിക്കുന്നത്, മറ്റൊരാള്ക്കും ചോദിക്കാന് സാധിക്കില്ല.

ഭക്തിമാര്ഗ്ഗത്തില് നിങ്ങള് പാടാറുണ്ട്-ബാബാ അങ്ങ് വരുകയാണെങ്കില് ഞങ്ങള് അങ്ങയില് നിന്നുമല്ലാതെ മറ്റാരില് നിന്നും കേള്ക്കില്ല. മറ്റെല്ലാവരും ദുഃഖമാണ് നല്കുന്നത്. ബാബ തന്നെയാണ് സുഖം നല്കുന്നത്. അതിനാല് ബാബ വന്ന് നിങ്ങള് എന്താണ് പറഞ്ഞിരുന്നതെന്ന് സ്മൃതിയുണര്ത്തി തരുന്നു. നിങ്ങള്ക്കറിയാം നിങ്ങളെ തന്നെയാണ് ബ്രഹ്മാകുമാരിയെന്നും ബ്രഹ്മാകുമാരനെന്നും അറിയപ്പെടുന്നത്. മനുഷ്യരുടെത് കല്ലുബുദ്ധികളായതു കാരണം അവര് ബി.കെ എന്ന് എന്താണെന്ന് പോലും മനസ്സിലാക്കുന്നില്ല. മമ്മയും ബാബയും ആരാണ്! ഇവര് സന്യാസിയൊന്നുമല്ല. സന്യാസിയെ ഗുരു എന്ന് പറയും. മാതാവും പിതാവെന്നും പറയില്ല. ബാബയാകുന്ന അച്ഛന് വന്ന് ദൈവീക ധര്മ്മത്തിന്റെ സ്ഥാപന ചെയ്യുന്നു. അവിടെ ഈ ലക്ഷ്മീ-നാരായണനും രാജാ-റാണിയായി രാജ്യം ഭരിച്ചിരുന്നു. ആദ്യം പവിത്രമായിരുന്നു പിന്നീട് അപവിത്രമായി മാറുന്നു. പൂജ്യരായവരാണ് പിന്നീട് 84 ജന്മങ്ങള് എടുക്കുന്നത്. ആദ്യം പരിധിയില്ലാത്ത അച്ഛന്റെ 21 ജന്മത്തെ സുഖത്തിന്റെ സമ്പത്ത് ലഭിക്കുന്നു. 21 കുലത്തെ ഉദ്ധരിക്കുന്നവരാണ് കുമാരികള്. ഇത് നിങ്ങളുടെ മഹിമയാണ്. നിങ്ങള് കുമാരിമാരാണ്, ഗൃഹസ്ഥികളല്ല. വലിയവരാണെങ്കിലും മര്ജീവയായി മാറി എല്ലാവരും ബാബയുടെ ആണ്കുട്ടികളും പെണ്കുട്ടി കളുമായിക്കഴിഞ്ഞു. പ്രജാപിതാ ബ്രഹ്മാവിന് ഒരുപാട് കുട്ടികളുണ്ട്. ഇനിയും വൃദ്ധി പ്രാപിച്ചുകൊണ്ടേയിരിക്കും. പിന്നീട് ഈ ബ്രാഹ്മണരെല്ലാവരും ദേവതകളായി മാറും. ഇത് ശിവബാബയുടെ യജ്ഞമാണ്. ഇതിനെയാണ് രാജസ്വ യജ്ഞം, സ്വരാജ്യം പ്രാപ്തമാക്കാനുള്ള യജ്ഞം എന്ന് പറയുന്നത്. ആത്മാക്കള്ക്ക് ബാബയില് നിന്നും സ്വര്ഗ്ഗരാജ്യത്തിന്റെ സമ്പത്ത് ലഭിക്കുന്നു. ഈ രാജസ്വ അശ്വമേധ യജ്ഞത്തില് എന്താണ് ചെയ്യേണ്ടത്? ശരീര സഹിതം എന്തെല്ലാമുണ്ടോ, അവയെല്ലാം ബലിയര്പ്പിക്കണം അഥവാ സ്വാഹാ ചെയ്യണം. ഈ യജ്ഞത്തിലൂടെ നിങ്ങള് വീണ്ടും രാജ്യം പ്രാപ്തമാക്കും. ബാബ ഓര്മ്മിപ്പിക്കുകയാണ്, ഭക്തിമാര്ഗ്ഗത്തില് നിങ്ങള് തന്നെയാണ് പാടിയിരുന്നത് - അല്ലയോ ബാബ, ബാബ വരുമ്പോള് ഞങ്ങള് ബലിയര്പ്പണമാകും സമര്പ്പണമാകും എന്ന്. ഇപ്പോള് നിങ്ങള് എല്ലാവരും സ്വയത്തെ ബ്രഹ്മാകുമാരനെന്നും ബ്രഹ്മാകുമാരിയെന്നും മനസ്സിലാക്കുന്നു. ഗൃഹസ്ഥത്തില് ഇരിക്കൂ പക്ഷെ കമലപുഷ്പത്തിനു സമാനം പാവനമായി മാറണം. സ്വയത്തെ ആത്മാവാണെന്ന് മനസ്സിലാക്കൂ. നമ്മള് ബാബയുടെ കുട്ടികളാണ്. നിങ്ങള് ആത്മാക്കള് പ്രിയതമകളാണ്. ബാബ പറയുന്നു - ഞാനാണ് ഒരേ ഒരു പ്രിയതമന്. നിങ്ങള് പ്രിയതമനാകുന്ന എന്നെയാണ് വിളിച്ചുകൊണ്ടിരിക്കുന്നത്. നിങ്ങള് അര കല്പത്തിലെ പ്രിയതമകളാണ്. പരംപിതാപരമാത്മാവ് എന്ന് പറയുന്നത് നിരാകാരനെയാണ്. നിരാകാരനായ ആത്മാവും ഈ ശരീരത്തിലൂടെയാണ് പാര്ട്ടഭിനയിക്കുന്നത്. ഭക്തിമാര്ഗ്ഗത്തിലും നിങ്ങള്ക്ക് പാര്ട്ടഭിനയിക്കണം. ഭക്തി എന്നാല് രാത്രി. അന്ധകാരത്തില് മനുഷ്യര് അലയുന്നു. ദ്വാപരയുഗം മുതലാണ് നിങ്ങള് അലയാന് തുടങ്ങിയത്. ഈ സമയം മഹാ ദുഃഖിയായി മാറിയിരിക്കുന്നു. ഇപ്പോള് പഴയ ലോകത്തിന്റെ അവസാനമാണ്. ഈ പൈസയെല്ലാം മണ്ണിനോട് ചേരുക തന്നെ വേണം. കോടിപതികളാണെങ്കിലും രാജാക്കന്മാരാണെങ്കിലും അവര്ക്ക് കുട്ടികള് ജനിക്കുമ്പോള് അറിയാം ഈ ധനമെല്ലാം ഇവര്ക്കുള്ളതാണ്, കുട്ടികളും പേരക്കുട്ടികളും അനുഭവിക്കുമെന്ന്. ബാബ പറയുന്നു- ആരും ഒന്നും അനുഭവിക്കില്ല. ഈ ലോകം തന്നെ ഇല്ലാതാകാന് പോവുകയാണ്. ബാക്കി കുറച്ചു സമയം മാത്രമെയുള്ളൂ. ഒരുപാട് വിഘ്നങ്ങളുണ്ടാകും. പരസ്പരം കലഹിക്കും, രക്തത്തിന്റെ നദി ഒഴുകുന്ന തരത്തില് അവസാനം യുദ്ധമുണ്ടാക്കും. നിങ്ങള്ക്ക് ആരുമായും യുദ്ധമില്ല. നിങ്ങള് യോഗബലത്തിലാണ് കഴിയുന്നത്. നിങ്ങള് ഓര്മ്മയിലിരിക്കുകയാണെങ്കില്, മോശമായ ചിന്തയും കൊണ്ട് ആരെങ്കിലും നിങ്ങളുടെ അടുത്ത് വരുകയാണെങ്കില് അവര്ക്ക് ഭയങ്കരമായ സാക്ഷാത്കാരമുണ്ടായി ഉടന് തന്നെ അവര് ഓടിപ്പോകും. നിങ്ങള് ശിവബാബയെ ഓര്മ്മിക്കുകയാണെങ്കില് അവര് ഓടിപ്പോകും. ആരാണോ പക്കാ കുട്ടികള് അവര് എന്റെത് ഒരു ശിവബാബ മറ്റാരുമില്ല എന്ന പുരുഷാര്ത്ഥത്തില് കഴിയുന്നു. ബാബ മനസ്സിലാക്കി തരുന്നു, കൈകൊണ്ട് കര്മ്മം ചെയ്യുകയാണെങ്കിലും.... കുട്ടികള്ക്ക് വീടിനെയും സംരക്ഷിക്കണം. നിങ്ങള് ആത്മാക്കള് ബാബയെ ഓര്മ്മിക്കൂ എന്നാല് എല്ലാ പാപഭാരവും ഇല്ലാതാകും. ബാബയെ മാത്രം ഓര്മ്മിക്കുകയാണെങ്കില് നിങ്ങള് തമോപ്രധാനത്തില് നിന്നും സതോപ്രധാനമായി മാറും. എന്നാല് നമ്പര്വൈസ് പുരുഷാര്ത്ഥമനുസരിച്ച് മാത്രം. പിന്നീട് നിങ്ങളെല്ലാവരും ഈ ശരീരം ഉപേക്ഷിക്കും ബാബ എല്ലാ ആത്മാക്കളെയും കൊതുകിന്കൂട്ടത്തെപ്പോലെ കൊണ്ടുപോകും. ബാക്കി മുഴുവന് ലോകത്തിനും ശിക്ഷകള് അനുഭവിക്കണം. വളരെ കുറച്ചു പേരു മാത്രമെ ഭരാതത്തില് വസിക്കുകയുള്ളൂ. അതിനുവേണ്ടിയാണ് ഈ മഹാഭാരത യുദ്ധമുള്ളത്. ബ്രാഹ്മണരുടെതും ധാരാളം വൃദ്ധിയുണ്ടായിരിക്കും. പ്രദര്ശിനിയിലൂടെയും പ്രൊജെക്റ്ററിലൂടെയുമെല്ലാം എത്ര പേരാണ് കേട്ടുകൊണ്ടിരിക്കുന്നത്. അവര് പ്രജയായി മാറുന്നു. രാജാവ് ഒരാള് മാത്രമല്ലേയുണ്ടാകൂ ബാക്കിയെല്ലാം പ്രജകളാണ്. മന്ത്രിയും പ്രജയുടെ വരിയിലേ വരൂ. ധാരാളം പ്രജകളുണ്ടാകും. ഒരു രാജാവിന് ലക്ഷക്കണക്കിന് പ്രജകളുണ്ടായിരിക്കും. അതിനാല് രാജാ-റാണിയാകുന്നതിനായി തീര്ച്ചയായും പരിശ്രമിക്കേണ്ടതായുണ്ട്.

ബാബ പറയുന്നു- എല്ലാം ചെയ്തുകൊണ്ടും നിരന്തരം എന്നെ ഓര്മ്മിക്കൂ. എങ്ങനെയാണോ പ്രിയതമകളും പ്രിയതമനും പരസ്പരം ഓര്മ്മിക്കുന്നത്, അവരുടേത് ശരീരത്തിന്റെ സ്നേഹമാണ്. നിങ്ങള് കുട്ടികള് ഈ സമയം പ്രിയതമകളാണ്. നിങ്ങളുടെ പ്രിയതമന് വന്നിരിക്കുന്നു. നിങ്ങളെ പഠിപ്പിക്കുകയാണ്. പഠിച്ച്- പഠിച്ച് നിങ്ങള് ദേവതയായി മാറും. ഓര്മ്മയിലൂടെ വികര്മ്മങ്ങള് വിനാശമാകുകയും നിങ്ങള് സദാ നിരോഗികളായി മാറുകയും ചെയ്യും. പിന്നീട് 84ന്റെ ചക്രത്തെയും ഓര്മ്മിക്കണം. സത്യയുഗത്തില് ഇത്ര ജന്മം, ത്രേതായുഗത്തില് ഇത്ര ജന്മം. നമ്മള് ദേവീ-ദേവത ധര്മ്മത്തിലുള്ളവര് പൂര്ണ്ണമായും 84ന്റെ ചക്രം കറങ്ങിയിട്ടുണ്ട്. മുന്നോട്ടു പോകുമ്പോള് നിങ്ങള് വളരെയധികം വൃദ്ധി പ്രാപിക്കും. നിങ്ങള്ക്ക് ആയിരക്കണക്കിനു സെന്ററുകള് ഉണ്ടാകും. ഓരോ തെരുവ് തോറും നിങ്ങള് മനസ്സിലാക്കി കൊടുത്തുകൊണ്ടേയിരിക്കും - ബാബയേയും സമ്പത്തിനെയും ഓര്മ്മിക്കൂ. ഇപ്പോള് തിരിച്ച് വീട്ടിലേക്കു പോകാം. ഇത് അപവിത്രമായ ശരീരമാണ്. ഇതാണ് പരിധിയില്ലാത്ത വൈരാഗ്യം. സന്യാസിമാര് പരിധിയുള്ള വീടാണ് ഉപേക്ഷിക്കുന്നത്. അവര് ഹഠയോഗികള്. അവര്ക്ക് രാജയോഗം പഠിപ്പിക്കാന് സാധിക്കില്ല. പറയുന്നുണ്ട്- ഈ ഭക്തിയും അനാദിയാണ്. ബാബ പറയുന്നു- ഈ ഭക്തി ദ്വാപരയുഗം മുതലാണ് ആരംഭിക്കുന്നത്. 84 ജന്മങ്ങള് ഇറങ്ങി ഇപ്പോള് നിങ്ങള് തമോപ്രധാനമായി മാറി. നിങ്ങള് തന്നെയാണ് ദേവീ-ദേവതകളായി മാറുന്നത്. ക്രിസ്ത്യാനികള് പറയും അവര് ക്രിസ്ത്യനായിരുന്നു എന്ന്. നിങ്ങള്ക്കറിയാം നമ്മള് ആദ്യം സത്യയുഗത്തിലായിരുന്നു. ബാബ ദേവീ-ദേവത ധര്മ്മത്തിന്റെ സ്ഥാപന ചെയ്തു. ലക്ഷ്മീ-നാരായണനായവര് ഇപ്പോള് ബ്രാഹ്മണരായി മാറി. സത്യയുഗത്തില് ഒരു രാജാവും റാണിയും ഒരു ഭാഷയും മാത്രമേയുണ്ടായിരുന്നുള്ളൂ. ഇതും നിങ്ങള് കുട്ടികള് സാക്ഷാത്കാരം ചെയ്തിട്ടുണ്ട്. നിങ്ങളെല്ലാവരും ആദി സനാതന ധര്മ്മത്തിന്റേതാണ്. നിങ്ങള് തന്നെയാണ് 84 ജന്മങ്ങള് എടുക്കുന്നത്. മനുഷ്യര് പറയുന്നു-ആത്മാവ് നിര്ലേപമാണ്, ഈശ്വരന് സര്വ്വവ്യാപിയാണെന്ന്, ഇത് തെറ്റാണ.് എല്ലാവരിലുമുളളത് ആത്മാവാണ്, പിന്നെങ്ങനെ നമ്മളിലും പരമാത്മാവുണ്ടെന്ന് പറയാന് സാധിക്കും! അപ്പോള് എല്ലാവരും അച്ഛന്മാരായി മാറിയില്ലേ. എത്ര തമോപ്രധാനമായിരിക്കുന്നു. മുമ്പെല്ലാം എന്ത് കേള്ക്കുകയാണെങ്കിലും അത് അംഗീകരിക്കുമായിരുന്നു. ഇപ്പോള് ബാബ വന്ന് സത്യം കേള്പ്പിക്കുന്നു. നിങ്ങള്ക്ക് ജ്ഞാനത്തിന്റെ മൂന്നാമത്തെ നേത്രം നല്കുന്നു. അതിലൂടെ നിങ്ങള് സൃഷ്ടിയുടെ ആദി-മദ്ധ്യ-അന്ത്യത്തെ അറിയുന്നു. ഇതു തന്നെയാണ് അമരകഥ. ബാക്കി സൂക്ഷ്മ വതനത്തിലൊന്നും അമരകഥയില്ല. ഇതെല്ലാം ഭക്തിമാര്ഗ്ഗത്തിലെ തൈകളാണ്. നിങ്ങള് അമരന്മാരായി മാറുന്നതിനുവേണ്ടി അമരകഥ കേള്ക്കുകയാണ്. സത്യയുഗത്തില് നിങ്ങള് സന്തോഷത്തോടുകൂടി ഒരു ശരീരം ഉപേക്ഷിച്ച് മറ്റൊരു ശരീരമെടുക്കും. ഇവിടെ ആരെങ്കിലും മരിക്കുകയാണെങ്കില് കരയുന്നു. സത്യയുഗത്തില് രോഗങ്ങളൊന്നും ഉണ്ടാകുന്നില്ല. സദാ ആരോഗ്യമുള്ളവരാകുന്നു. ആയസ്സും വര്ദ്ധിക്കുന്നു. സത്യയുഗത്തില് ആരും പതിതരായിട്ടില്ല. നമ്മളാണ് 84 ജന്മങ്ങളുടെ ചക്രത്തെയും പൂര്ത്തിയാക്കിയത് എന്ന് ഉറപ്പാക്കണം. ഇപ്പോള് ബാബ നമ്മളെ തിരിച്ചുകൊണ്ടുപോകാന് വന്നിരിക്കുകയാണ്. പാവനമായി മാറാനുള്ള യുക്തികളും നിങ്ങള്ക്ക് പറഞ്ഞുതരുന്നു. അച്ഛനായ എന്നെയും സമ്പത്തിനെയും ഓര്മ്മിക്കൂ. സത്യയുഗത്തില് 16 കലാ സമ്പൂര്ണ്ണരും പിന്നീട് കലകള് കുറഞ്ഞുകൊണ്ടിരിക്കുന്നു. ഇപ്പോള് നമ്മളില് ഒരു കലയുമില്ല. ബാബ തന്നെയാണ് ദുഃഖത്തില് നിന്നും മുക്തമാക്കി സുഖത്തിലേക്ക് കൊണ്ടുപോകുന്നത്. അതുകൊണ്ടാണ് ബാബയെ മുക്തിദാതാവെന്ന് പറയുന്നത്. എല്ലാവരെയും ബാബ തന്റെ കൂടെ കൊണ്ടുപോകുന്നു. നിങ്ങളുടെ ഗുരു നിങ്ങളെ കൂടെ കൊണ്ടുപോകുന്നില്ലല്ലോ! ഗുരു ശരീരമുപേക്ഷിക്കുമ്പോള് ശിഷ്യന് സിംഹാസനത്തില് ഇരിക്കും ശിഷ്യന്മാര്ക്കു തമ്മില് ഒരുപാട് പ്രശ്നങ്ങളുണ്ടാകുന്നു. പരസ്പരം സിംഹാസനത്തിനുവേണ്ടി വഴക്ക് കൂടുന്നു. ബാബ പറയുന്നു- ഞാന് നിങ്ങള് ആത്മാക്കളെ കൂടെ കൊണ്ടുപോകുന്നു. നിങ്ങള് സമ്പൂര്ണ്ണരായി മാറുന്നില്ല എങ്കില് ശിക്ഷകള് അനുഭവിക്കുകയും പദവി ഭ്രഷ്ടമാവുകയും ചെയ്യും. ഇവിടെ രാജധാനിയാണ് സ്ഥാപിക്കപ്പെടുന്നത്. ശരി.

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1. ആരെങ്കിലും മോശചിന്തയുമായി നിങ്ങളുടെ മുന്നിലേക്ക് വരുമ്പോള് തന്നെ അവര് പരിവര്ത്തനപ്പെടണം -അങ്ങനെയുള്ള യോഗാഭ്യാസമുണ്ടായിരിക്കണം. എന്റെത് ഒരു ശിവബാബ മറ്റാരുമില്ല. ഈ പുരുഷാര്ത്ഥത്തില് കഴിയണം.

2. സ്വരാജ്യം പ്രാപ്തമാക്കണമെങ്കില് ശരീരസഹിതം എന്തെല്ലാമുണ്ടോ അതിനെയെല്ലാം ബലിയര്പ്പിക്കണം. എപ്പോള് ഈ രുദ്രയജ്ഞത്തില് സര്വ്വതും സ്വാഹാ ചെയ്യുന്നുവോ അപ്പോള് രാജ്യ പദവി പ്രാപ്തമാകും.

വരദാനം :-
ജ്ഞാനീതൂ ആത്മാവായി മാറി ജ്ഞാനസാഗരനും ജ്ഞാനത്താല് നിറഞ്ഞിരിക്കുന്നവരുമായ സര്വ്വപ്രാപ്തി സ്വരൂപരായി ഭവിക്കട്ടെ.

ആരാണോ ജ്ഞാനീതൂ ആത്മാക്കള് അവര് സദാ ജ്ഞാനസാഗരനും ജ്ഞാനത്താല് നിറഞ്ഞിരിക്കുന്നവരുമായിരിക്കും. സര്വ്വപ്രാപ്തി സ്വരൂപരായിരിക്കുന്നത് കാരണം ഇച്ഛ എന്തെന്ന് പോലും അറിയാത്ത അവസ്ഥ സ്വതവേ തന്നെ ഉണ്ടായിരിക്കും. ആരാണോ അംശമാത്രമെങ്കിലും ഏതെങ്കിലും സ്വഭാവ സംസ്കാരത്തിന് അധീനമായിട്ടുള്ളവര്, നാമം-മാനം-പ്രശസ്ഥിക്ക് വേണ്ടി യാചിക്കുന്നവര്, എന്ത്- എന്തുകൊണ്ട് എന്ന ചോദ്യങ്ങള് ഉന്നയിക്കുന്നവര്, നിലവിളിക്കുന്നവര്, ഉള്ളൊന്നും പുറം മറ്റൊന്നുമായിട്ടുള്ളവര്- അവരെ ജ്ഞാനീതൂ ആത്മാവെന്ന് പറയാന് കഴിയില്ല.

സ്ലോഗന് :-
ഈ ജീവിതത്തില് അതീന്ദ്രിയ സുഖത്തിന്റെയും ആനന്ദത്തിന്റെയും അനുഭൂതി ചെയ്യുന്നവര് തന്നെയാണ് സഹജയോഗികള്.