19.10.2020           Morning Malayalam Murli       Om Shanti           BapDada Madhuban


മധുരമായ കുട്ടികളേ- നിങ്ങള്ക്ക് ഇപ്പോള് വളരെ വളരെ സാധാരണമാ യിരിക്കണം, ഫാഷനബിളായ വിലകൂടിയ വസ്ത്രം ധരിക്കുന്ന തിലൂടെയും ദേഹാഭിമാനം വരും.

ചോദ്യം :-
ഭാഗ്യത്തില് ഉയര്ന്ന പദവി ഇല്ലെങ്കില് ഏതൊരു കാര്യത്തിലാണ് കുട്ടികള് അലസരാവുന്നത്?

ഉത്തരം :-
ബാബ പറയുന്നു കുട്ടികളേ തന്റെ ഉന്നതിയ്ക്കായി ചാര്ട്ട് വെയ്ക്കൂ. ഓര്മ്മയുടെ ചാര്ട്ട് വെയ്ക്കുന്നതിലൂടെ വളരെ അധികം ഗുണമുണ്ട്. നോട്ടുബുക്ക് സദാ കൈയ്യില് വെയ്ക്കണം. പരിശോധിക്കണം ഞാന് എത്ര സമയം ബാബയെ ഓര്മ്മിച്ചു? എന്റെ രജിസ്റ്റര് എങ്ങനെയുള്ളതാണ്? ദൈവീക സ്വഭാവമാണോ? കര്മ്മം ചെയ്തുകൊണ്ടും ബാബയുടെ ഓര്മ്മയുണ്ടോ? ഓര്മ്മയിലൂടെയേ കറ ഇളകൂ, ഭാഗ്യം ഉയര്ന്നതായി മാറൂ.

ഗീതം :-
ഭോലാനാഥനേക്കാള് വിചിത്രനായി..............

ഓംശാന്തി.
മധുര മധുരമായ കുട്ടികളുടെ പക്കല് വീട്ടില് ഈ ലക്ഷ്മീ നാരായണന്റെ ചിത്രം തീര്ച്ചയായും ഉണ്ടാകണം. ഇവരെ(ലക്ഷ്മീ നാരായണനെ) കാണുമ്പോള് വളരെ അധികം സന്തോഷം ഉണ്ടാകണം എന്തെന്നാല് നിങ്ങളുടെ പഠിപ്പിന്റെ പ്രധാനലക്ഷ്യം ഇതാണ്. നിങ്ങള്ക്ക് അറിയാം നമ്മള് വിദ്യാര്ത്ഥികളാണ് ഭഗവാനാണ് നമ്മെ പഠിപ്പിക്കുന്നത്. ഈശ്വരന്റെ സ്റ്റൂഡന്റ്സ് അഥവാ വിദ്യാര്ത്ഥികളാണ്, നമ്മള് ഇതാണ് പഠിക്കുന്നത്. എല്ലാവര്ക്കും ഈ ഒരു ഉദ്ദേശ്യമാണുള്ളത്. ഇവരെക്കണ്ട് വളരെ അധികം സന്തോഷിക്കണം. ഗീതവും കുട്ടികള് കേട്ടുവല്ലോ. വളരെ നിഷ്കളങ്കനാണ്. ചിലരാണെങ്കില് ശങ്കരനെ ഭോലാനാഥനെന്ന് കരുതുന്നു പിന്നീട് ശിവനേയും ശങ്കരനേയും ഒന്നാക്കുന്നു. ഇപ്പോള് നിങ്ങള് മനസ്സിലാക്കുന്നുണ്ട് ശിവന് ഉയര്ന്നതിലും ഉയര്ന്ന ഭഗവാനാണ് എന്നാല് ശങ്കരന് ദേവതയാണ് പിന്നീട് എങ്ങനെ രണ്ടുപേരെയും ഒന്നാക്കാന് സാധിക്കും. ഭക്തരുടെ രക്ഷ ചെയ്യുന്നവനേ എന്ന് വിളിക്കുന്നതും ഗീതത്തില് കേട്ടു എങ്കില് തീര്ച്ചയായും ഭക്തര് എന്തോ ആപത്തിലാണ്. എല്ലാവരുടേയും മുകളില് 5 വികാരങ്ങളാകുന്ന ആപത്തുണ്ട്. എല്ലാവരും ഭക്തരാണ്. ആരെയും ജ്ഞാനി എന്ന് പറയാന് കഴിയില്ല. ജ്ഞാനവും ഭക്തിയും വേറെ വേറെ വസ്തുക്കളാണ്. എങ്ങനെയാണോ ശിവനും ശങ്കരനും വേറെ വേറെ അതുപോലെയാണ്. എപ്പോള് ജ്ഞാനം ലഭിക്കുന്നുവോ അപ്പോള് ഭക്തിയുണ്ടാവുകയില്ല. നിങ്ങള് സുഖധാമത്തിന്റെ അധികാരിയാവുന്നു. അരകല്പത്തിലേയ്ക്ക് സദ്ഗതി ലഭിക്കുന്നു. ഒരു സൂചനയിലൂടെ തന്നെ നിങ്ങള് അരകല്പത്തിലേയ്ക്കുള്ള സമ്പത്ത് നേടുന്നു. നോക്കൂ ഭക്തരുടെ മേല് എത്ര ബുദ്ധിമുട്ടുകളാണ്. ജ്ഞാനത്തിലൂടെ നിങ്ങള് ദേവതയായി മാറുന്നു പിന്നീട് എപ്പോള് ഭക്തരുടെ കൂട്ടം ഉണ്ടാകുന്നുവോ അതായത് ദുഃഖം ഉണ്ടാകുന്നുവോ അപ്പോള് ബാബ വരുന്നു. ബാബ മനസ്സിലാക്കിത്തരുന്നു ഡ്രാമ അനുസരിച്ച് എന്തെല്ലാം കഴിഞ്ഞുപോയോ അതെല്ലാം ആവര്ത്തിക്കും. പിന്നീട് ഭക്തി ആരംഭിക്കുമ്പോള് വാമമാര്ഗ്ഗം ആരംഭിക്കുന്നു അതായത് പതിതമാകുന്നതിനുള്ള മാര്ഗ്ഗം ആരംഭിക്കുന്നു. അതിലും നമ്പര്വണ് കാമമാണ്, അതിനാലാണ് പറയുന്നത് കാമത്തെ ജയിച്ചാല് നിങ്ങള് ജഗദ്ജീത്തായി മാറും. അവര് എന്തെങ്കിലും വിജയം നേടുന്നുണ്ടോ. രാവണരാജ്യത്തില് വികാരമില്ലാതെ ആരുടേയും ശരീരം ഉണ്ടാകുന്നില്ല, സത്യയുഗത്തില് രാവണരാജ്യം ഉണ്ടാകില്ല. അഥവാ അവിടെയും രാവണന് ഉണ്ടെങ്കില് പിന്നെ ഭഗവാന് രാമരാജ്യം സ്ഥാപിച്ച് എന്ത് ചെയ്തു? അച്ഛന് എത്ര ചിന്തയുണ്ടാകുന്നു. എന്റെ കുട്ടികള് സുഖമായിരിക്കണം. ധനം സമ്പാദിച്ച് കുട്ടികള്ക്ക് നല്കുന്നു അവര് സുഖമായിരിക്കുന്നതിനുവേണ്ടി. പക്ഷേ ഇവിടെ അങ്ങിനെ നടക്കില്ല. ഇത് ദുഃഖത്തിന്റെ ലോകമാണ്. പരിധിയില്ലാത്ത അച്ഛന് പറയുന്നു നിങ്ങള് അവിടെ ജന്മ ജന്മാന്തരങ്ങളായി സുഖം അനുഭവിക്കും. അളവില്ലാത്ത ധനം ലഭിക്കും, 21 ജന്മങ്ങളിലേയ്ക്ക് അവിടെ ഒരു ദുഃഖവും ഉണ്ടാകില്ല. പാപ്പരാവില്ല. ഈ കാര്യങ്ങള് ബുദ്ധികൊണ്ട് മനസ്സിലാക്കി ഉള്ളിന്റെയുള്ളില് വളരെ സന്തോഷത്തോടെ ഇരിക്കണം. നിങ്ങളുടെ ജ്ഞാനവും യോഗവും എല്ലാം ഗുപ്തമാണ്. സ്ഥൂലത്തിലുള്ള ആയുധങ്ങള് ഒന്നുമില്ല. ബാബ മനസ്സിലാക്കിത്തരുന്നു ഇത് ജ്ഞാനത്തിന്റെ വാളാണ്. അവര് പിന്നീട് സ്ഥൂലത്തിലുള്ള ആയുധങ്ങള് അടയാളമായി ദേവിമാര്ക്ക് നല്കി. ശാസ്ത്രങ്ങള് പഠിപ്പിക്കുന്ന ആരും ഇത് ജ്ഞാനത്തിന്റെ വാളാണ്, ഇത് ജ്ഞാനത്തിന്റെ ഗദയാണ് എന്ന് പറയുകയില്ല. ഇത് പരിധിയില്ലാത്ത അച്ഛന് തന്നെയാണ് ഇരുന്ന് മനസ്സിലാക്കിത്തരുന്നത്. അവര് കരുതുന്നു ശക്തിസേന വിജയം നേടി എങ്കില് തീര്ച്ചയായും എന്തെങ്കിലും ആയുധം ഉണ്ടായിരിക്കും. ബാബ വന്ന് ഈ മുഴുവന് തെറ്റുകളും പറഞ്ഞുതരുന്നു. നിങ്ങളുടെ ഈ കാര്യം അനേകം മനുഷ്യര് കേള്ക്കും. വിദ്വാന്മാരും ഒരു ദിവസം വരും. പരിധിയില്ലാത്ത അച്ഛനല്ലേ. നിങ്ങള് കുട്ടികളുടെ മംഗളം ശ്രീമതത്തിലൂടെ നടക്കുന്നതിലാണ്, അപ്പോഴേ ദേഹാഭിമാനം മുറിയൂ, അതിനാലാണ് ധനവാന്മാര് വരാത്തത്. ബാബ പറയുന്നു ദേഹ- അഹങ്കാരത്തെ ഉപേക്ഷിക്കൂ. നല്ല വസ്ത്രം ധരിക്കണം എന്ന ലഹരി ഉണ്ടാവാറുണ്ട്. നിങ്ങള് ഇപ്പോള് വനവാസത്തിലാണ്. ഇപ്പോള് ഭര്ത്തൃപിതാവിന്റെ വീട്ടിലേയ്ക്ക് പോവുകയാണ്. അവിടെ നിങ്ങളെ വളരെ അധികം ആഭരണങ്ങള് അണിയിക്കും. ഇവിടെ വിലകൂടിയ വസ്ത്രം അണിയേണ്ടതില്ല. ബാബ പറയുന്നു വളരെ സാധാരണമായിരിക്കൂ. എങ്ങനെയുള്ള കര്മ്മമാണോ ഞാന് ചെയ്യുന്നത് അതുപോലെ കുട്ടികളും സാധാരണമായിരിക്കണം. ഇല്ലെങ്കില് ദേഹാഭിമാനം വരും. അതെല്ലാം വളരെ നഷ്ടം വരുത്തിവെയ്ക്കും. നിങ്ങള്ക്ക് അറിയാം നമ്മള് ഭര്ത്തൃപിതാവിന്റെ വീട്ടിലേയ്ക്ക് പോവുകയാണ്. അവിടെ നമുക്ക് വളരെ അധികം ആഭരണങ്ങള് ലഭിക്കും. ഇവിടെ നിങ്ങള്ക്ക് ആഭരണമൊന്നും അണിയേണ്ടതില്ല. ഇന്നുകാലത്ത് എത്ര മോഷണമാണ് നടക്കുന്നത്. വഴിയില്വച്ചുതന്നെ കൊള്ളക്കാര് തട്ടിയെടുക്കുന്നു. ദിനംപ്രതി ദിനം ഈ ബഹളങ്ങള് വര്ദ്ധിച്ചുകൊണ്ടിരിക്കും അതിനാല് ബാബ പറയുന്നു സ്വയം ആത്മാവാണെന്ന് മനസ്സിലാക്കി ബാബയെ ഓര്മ്മിക്കൂ. ദേഹാഭിമാനത്തിലേയ്ക്ക് വരുന്നതിനാല് ബാബയെ മറന്നുപോകുന്നു. ഈ പരിശ്രമം ഇപ്പോഴാണ് ഉണ്ടാകുന്നത്. പിന്നീട് ഒരിയ്ക്കലും ഭക്തിമാര്ഗ്ഗത്തില് ഈ പരിശ്രമം ചെയ്യേണ്ടിവരില്ല.

ഇപ്പോള് നിങ്ങള് സംഗമത്തിലാണ്. നിങ്ങള്ക്ക് അറിയാം ബാബ വരുന്നതുതന്നെ പുരുഷോത്തമ സംഗമയുഗത്തിലാണ്. യുദ്ധവും തീര്ച്ചയായും ഉണ്ടാകും. ആറ്റോമിക് ബോംബുകളും ഒരുപാട് ഉണ്ടാക്കിക്കൊണ്ടിരിക്കുന്നു. ഇതൊന്ന് നിര്ത്തലാക്കണം എന്ന് കരുതി എത്രതന്നെ ശ്രമിച്ചാലും ഇതിനെ തടയാന് കഴിയില്ല. ഡ്രാമയില് ഉള്ളതാണ്. മനസ്സിലാക്കിക്കൊടുത്താലും മനസ്സിലാക്കില്ല. മരണം ഉണ്ടാകണം പിന്നെ എങ്ങനെ തടയാന് കഴിയും. മനസ്സിലാക്കിയാലും നിര്ത്തില്ല. ഡ്രാമയില് നിശ്ചിതമാണ്. യാദവരും കൗരവരും നശിക്കുകതന്നെ വേണം. യാദവര് യൂറോപ്പുവാസികളാണ്. അവര്ക്കാണ് സയന്സിന്റെ അഹങ്കാരമുള്ളത്, അതിലൂടെയാണ് വിനാശമുണ്ടാകുന്നത്. പിന്നീട് സൈലന്സിന്റെ വിജയം ഉണ്ടാകും. നിങ്ങളെ ശാന്തസ്വരൂപമായി ഇരിക്കാന് പഠിപ്പിക്കുന്നു. ബാബയെ ഓര്മ്മിക്കൂ- പരിപൂര്ണ്ണ സൈലന്സ്. ഞാന് ആത്മാവ് ശരീരത്തില് നിന്നും വേറിട്ടതാണ്. ശരീരം ഉപേക്ഷിക്കാനായി നമ്മള് എങ്ങനെ പുരുഷാര്ത്ഥം ചെയ്യുന്നുവോ അതുപോലെ ശരീരം ഉപേക്ഷിക്കാനായി ആരെങ്കിലും പുരുഷാര്ത്ഥം ചെയ്യുമോ? മുഴുവന് ലോകത്തിലും പോയി തിരഞ്ഞോളൂ- ആരെങ്കിലും ഇങ്ങനെ പറയുമോ- ഹേയ് ആത്മാവേ ഇപ്പോള് നിനക്ക് ശരീരം ഉപേക്ഷിച്ച് പോകണം. അതിനാല് പവിത്രമായി മാറൂ ഇല്ലെങ്കില് ശിക്ഷ അനുഭവിക്കേണ്ടതായി വരും. ശിക്ഷകള് അനുഭവിക്കുന്നത് ആരാണ്? ആത്മാവ്. ആ സമയത്ത് സാക്ഷാത്ക്കാരം ഉണ്ടാകും. നിങ്ങള് ഇന്ന ഇന്ന പാപങ്ങള് ചെയ്തൂ ഇപ്പോള് ശിക്ഷ അനുഭവിക്കൂ. ആ സമയത്ത് അനുഭവമാകും. ഇതുപോലെ ജന്മ ജന്മാന്തരങ്ങളിലേയ്ക്കുള്ള ശിക്ഷ ലഭിക്കുന്നു. ഇത്രയും ദുഃഖം അനുഭവിക്കുന്നു പിന്നെ സുഖം ബാക്കി എന്തുണ്ട്. ബാബ പറയുന്നു- ഇപ്പോള് ഒരു പാപകര്മ്മവും ചെയ്യരുത്. തന്റെ രജിസ്റ്റര് വെയ്ക്കൂ. എല്ലാ സ്ക്കൂളിലും സ്വഭാവത്തിന്റെ രജിസ്റ്റര് വെയ്ക്കുമല്ലോ. വിദ്യാഭ്യാസമന്ത്രിയും പറയും ഭാരതത്തിന്റെ സ്വഭാവം ശരിയല്ല. പറയൂ ഞങ്ങള് ഈ ലക്ഷ്മീ നാരായണന്മാരെപ്പോലെയുള്ള സ്വഭാവം ഉണ്ടാക്കുകയാണ്. ഈ ലക്ഷ്മീ നാരായണന്റെ ചിത്രം സദാ കൂടെയുണ്ടാകണം. ഇതാണ് പ്രധാന ലക്ഷ്യം. നമ്മള് ഇങ്ങനെയായി മാറും. നമ്മള് ശ്രീമതത്തിലൂടെ ഈ ആദിസനാതന ദേവീ ദേവതാധര്മ്മത്തിന്റെ സ്ഥാപന ചെയ്യുകയാണ്. ഇവിടെ പെരുമാറ്റത്തെ നേരെയാക്കണം. ഇവിടെ നിങ്ങളുടെ കച്ചേരിയും ഉണ്ടാകുന്നു. എല്ലാ സെന്ററിലും കുട്ടികളുടെ കച്ചേരിയുണ്ടാവണം. ദിവസവും പറയൂ ചാര്ട്ട് വെയ്ക്കൂ എങ്കില് നേരെയാവും. ആരുടെ ഭാഗ്യത്തിലാണോ ഇല്ലാത്തത് അവര് അലസരായിരിക്കും. ചാര്ട്ട് വെയ്ക്കുന്നത് വളരെ നല്ലതാണ്.

നിങ്ങള്ക്ക് അറിയാം നമ്മള് ഈ 84 ജന്മങ്ങളുടെ ചക്രത്തെ അറിയുന്നതിലൂടെയാണ് ചക്രവര്ത്തീ രാജാവായി മാറുന്നത്. എത്ര സഹജമാണ് മാത്രമല്ല പവിത്രമായും മാറണം. ഓര്മ്മയുടെ യാത്രയുടെ ചാര്ട്ട് വെയ്ക്കൂ, ഇതില് നിങ്ങള്ക്ക് വളരെ അധികം പ്രയോജനമുണ്ട്. നോട്ടുബുക്ക് എടുക്കുന്നില്ലെങ്കില് മനസ്സിലാക്കിക്കോളൂ- ബാബയെ ഓര്മ്മിക്കുന്നില്ല. നോട്ടുബുക്ക് സദാ കൈയ്യില് വെയ്ക്കൂ. തന്റെ ചാര്ട്ട് വെയ്ക്കൂ- എത്ര സമയം ബാബയെ ഓര്മ്മിച്ചു. ഓര്മ്മിക്കാതെ കറ ഇളകില്ല. കറ പോകുന്നതിനായി വസ്തുക്കളെ മണ്ണെണ്ണയിലിടാറില്ലേ. കര്മ്മം ചെയ്തുകൊണ്ടും ബാബയെ ഓര്മ്മിക്കണം എങ്കില് പുരുഷാര്ത്ഥത്തിന്റെ ഫലം ലഭിക്കും. പരിശ്രമമല്ലേ. വെറുതേ ആരെങ്കിലും തലയില് കിരീടം വെച്ചുതരുമോ. ബാബ ഇത്രയും വലിയ പദവി നല്കുന്നു എങ്കില് കുറച്ച് പരിശ്രമവും ഉണ്ടാകുമല്ലോ. ഇതില് കൈയ്യും കാലും ചലിപ്പിക്കേണ്ട ആവശ്യമില്ല. പഠിപ്പ് വളരെ സഹജമാണ്. ബുദ്ധിയിലുണ്ട് ശിവബാബയിലൂടെ നമ്മള് ഇതായി മാറുകയാണ്. എവിടേയ്ക്ക് പോവുകയാണെങ്കിലും ബാഡ്ജ് ധരിക്കണം. പറയൂ, വാസ്തവത്തില് അടയാളചിഹ്നം ഇതാണ്. മനസ്സിലാക്കിക്കൊടുക്കുന്നതില് വളരെ അധികം രാജകീയത ഉണ്ടാവണം. വളരെ മധുരമായി മനസ്സിലാക്കിക്കൊടുക്കണം. അടയാളചിഹ്നത്തെക്കുറിച്ചും മനസ്സിലാക്കിക്കൊടുക്കണം. പ്രീത ബുദ്ധിയെന്നും വിപരീത ബുദ്ധിയെന്നും എന്തിനെയാണ് പറയുന്നത്? നിങ്ങള്ക്ക് ബാബയെ അറിയാമോ? ലൗകിക പിതാവിനെ ഗോഡ് എന്ന് പറയില്ല. ആ പരിധിയില്ലാത്ത അച്ഛന് തന്നെയാണ് പതിത പാവനന്, സുഖ സാഗരന്. അവരില് നിന്നു തന്നെയാണ് അളവില്ലാത്ത സുഖം ലഭിക്കുന്നത്. അജ്ഞാനകാലത്തില് മാതാപിതാക്കളാണ് സുഖം നല്കുന്നത് എന്ന് കരുതുന്നു. ഭര്ത്തൃപിതാവിന്റെ വീട്ടിലേയ്ക്ക് അയയ്ക്കുന്നു. ഇപ്പോള് ഇത് നിങ്ങളുടെ ഭര്ത്തൃപിതാവിന്റെ പരിധിയില്ലാത്ത ഗൃഹമാണ്. അത് പരിധിയുള്ളതാണ്. ആ മാതാപിതാക്കള്അഞ്ചാറ് ലക്ഷമോ കോടിയോ തരും. നിങ്ങള്ക്കാണെങ്കില് ബാബ പേരുവെച്ചിരിക്കുന്നത് കോടാനുകോടി സമ്പാദ്യമുണ്ടാക്കുന്ന കുട്ടികള് എന്നാണ്. അവിടെ പൈസയുടെ കാര്യമേയില്ല. എല്ലാം ലഭിക്കും. വലിയ നല്ല നല്ല കൊട്ടാരങ്ങളുണ്ടാകും. ജന്മ ജന്മാന്തരങ്ങളിലേയ്ക്കായി നിങ്ങള്ക്ക് കൊട്ടാരം ലഭിക്കും. സുദാമാവിന്റെ ഉദാഹരണമുണ്ടല്ലോ. ഒരു പിടി അവില് എന്ന് കേട്ടിട്ടുണ്ട് അതിനാല് ഇവിടേയ്ക്ക് അതും കൊണ്ടുവരുന്നു. ഇപ്പോള് ഉണങ്ങിയ അവില് കഴിക്കുമോ. അതിനാല് അതിനോടൊപ്പം കുറച്ച് മസാലകളും കൊണ്ടുവരുന്നു. എത്ര സ്നേഹത്തോടെയാണ് കൊണ്ടുവരുന്നത്. ബാബ നമുക്ക് ജന്മ ജന്മാന്തരങ്ങളിലേയ്ക്ക് നല്കും അതിനാലാണ് ദാതാവ് എന്ന് പറയുന്നത്. ഭക്തിമാര്ഗ്ഗത്തില് ഈശ്വരാര്ത്ഥം നല്കുമ്പോള് അല്പകാലത്തിലേയ്ക്കായി അത് അടുത്ത ജന്മത്തില് ലഭിക്കും. ഏതെങ്കിലും പാവങ്ങള്ക്ക് നല്കുകയാണ്, കോളേജ് തുറക്കുകയാണ് എങ്കില് അടുത്ത ജന്മത്തില് പഠിപ്പ് ദാനം ലഭിക്കുന്നു. ധര്മ്മശാല നിര്മ്മിക്കുകയാണെങ്കില് കെട്ടിടം ലഭിക്കുന്നു എന്തുകൊണ്ടെന്നാല് ധര്മ്മശാലയില് ഒരുപാട് പേര് വന്ന് സുഖം നേടുന്നു. ഇത് ജന്മ ജന്മാന്തരങ്ങളിലേയ്ക്കുള്ള കാര്യമാണ്. നിങ്ങള്ക്ക് അറിയാം- ശിവബാബയ്ക്ക് എന്ത് നല്കുന്നുവോ അത് നമ്മുടെതന്നെ കാര്യത്തിനാണ് ഉപയോഗിക്കുന്നത്. ശിവബാബ തന്റെ കൈയ്യില് വെയ്ക്കുന്നില്ല. ഇവരോടും പറഞ്ഞു എല്ലാം നല്കൂ എങ്കില് വിശ്വത്തിന്റെ അധികാരിയായി മാറാം. വിനാശത്തിന്റെ സാക്ഷാത്ക്കാരവും ചെയ്യിച്ചു, രാജധാനിയുടെ സാക്ഷാത്ക്കാരവും ചെയ്യിച്ചു. പെട്ടെന്ന് ലഹരി കയറി. ബാബ നമ്മെ വിശ്വത്തിന്റെ അധികാരിയാക്കുന്നു. ഗീതയിലും അര്ജുനന് സാക്ഷാത്ക്കാരം നല്കിയതായി കാണിച്ചിട്ടുണ്ട്. എന്നെ ഓര്മ്മിക്കൂ എങ്കില് നിങ്ങള് ഇതായി മാറും. വിനാശത്തിന്റേയും സ്ഥാപനയുടേയും സാക്ഷാത്ക്കാരം ചെയ്യിച്ചു. അതിനാല് ഇദ്ദേഹത്തിനും ആരംഭത്തില് തന്നെ സന്തോഷത്തിന്റെ ലഹരിയും വര്ദ്ധിച്ചു. ഡ്രാമയില് ഈ പാര്ട്ടുണ്ടായിരുന്നു. ഭഗീരഥനേയും ആരും അറിയുന്നില്ല. അതിനാല് നിങ്ങള് കുട്ടികള് ഈ ലക്ഷ്യത്തെ ബുദ്ധിയില് വെയ്ക്കണം. നമ്മള് ഇതായി മാറുന്നു. എത്ര പുരുഷാര്ത്ഥം ചെയ്യുന്നുവോ അത്രയും ഉയര്ന്ന പദവി നേടും. ഫോളോ ഫാദര് എന്ന് പാടാറുണ്ട്. ഈ സമയത്തെ കാര്യമാണ്. പരിധിയില്ലാത്ത അച്ഛന് പറയുന്നു ഞാന് എന്ത് നിര്ദേശമാണോ നല്കുന്നത് അത് അനുസരിച്ച് നടക്കൂ. ഇവര് എന്താണ് ചെയ്തത് എന്നതും പറഞ്ഞുതരുന്നു. ബാബയെ കച്ചവടക്കാരന്, രത്നാകരന്, മാന്ത്രികന് എന്നെല്ലാം പറയാറുണ്ടല്ലോ. ബാബ പെട്ടെന്നാണ് എല്ലാം ഉപേക്ഷിച്ചത്. മുമ്പ് ആ രത്നങ്ങളുടെ വ്യാപാരമായിരുന്നു, ഇപ്പോള് അവിനാശിയായ ജ്ഞാനരത്നങ്ങളുടെ വ്യാപാരിയായി മാറി. നരകത്തെ സ്വര്ഗ്ഗമാക്കി മാറ്റുക എന്നത് എത്ര വലിയ ഇന്ദ്രജാലമാണ്. പിന്നെ കച്ചവടക്കാരനുമാണ്. കുട്ടികളുമായി എത്ര നല്ല കച്ചവടമാണ് ചെയ്യുന്നത്. കല്ലുനിറഞ്ഞ ഒരുപിടി അവില് എടുത്തിട്ട് പകരം കൊട്ടാരം നല്കുന്നു. എത്ര നല്ല സമ്പാദ്യം ചെയ്യിക്കുന്നയാളാണ്. ആഭരണങ്ങളുടെ വ്യാപാരത്തിലും ഇങ്ങനെ സംഭവിക്കുന്നു. ഏതെങ്കിലും അമേരിക്കക്കാരന് സാധനം വാങ്ങാന് വന്നാല് 100 ന്റെ സാധനം 500 രൂപയ്ക്കും എടുക്കും. അവരില് നിന്നും ഒരുപാട് പണം വാങ്ങിക്കും. നിങ്ങളുടെ പക്കലുള്ള ഏറ്റവും പഴയ വസ്തു പ്രാചീന യോഗമാണ്.

നിങ്ങള്ക്ക് ഇപ്പോള് ഭോലാനാഥനായ അച്ഛനെ ലഭിച്ചു. എത്ര നിഷ്കളങ്കനാണ്. നിങ്ങളെ എന്താക്കി മാറ്റുന്നു. കല്ലിനും മണ്ണിനും പകരം നിങ്ങളെ 21 ജന്മങ്ങളിലേയ്ക്ക് എന്താക്കി മാറ്റുന്നു. മനുഷ്യര്ക്ക് ഒന്നും അറിയില്ല. ചിലപ്പോള് പറയും ഭോലാനാഥന് നല്കിയതാണ്, ചിലപ്പോള് പറയും അംബയാണ് നല്കിയത്, ഗുരുവാണ് നല്കിയത്. ഇവിടെയാണെങ്കില് പഠിപ്പാണ്. നിങ്ങള് ഈശ്വരീയ പാഠശാലയിലാണ് ഇരിക്കുന്നത്. ഈശ്വരീയ പാഠശാല എന്ന് പറയുന്നത് ഗീതയെയാണ്. ഗീതയിലുള്ളത് ഭഗവാന് ഉച്ചരിച്ചതാണ്. പക്ഷേ ഭഗവാന് എന്ന് ആരെയാണ് പറയുന്നത് ഇതുപോലും ആര്ക്കും അറിയില്ല. ആരോട് വേണമെങ്കിലും ചോദിക്കൂ- പരമപിതാ പരമാത്മാവിനെ അറിയാമോ? ബാബ തോട്ടക്കാരനുമാണ്. നിങ്ങളെ മുള്ളുകളില് നിന്നും പൂക്കളാക്കി മാറ്റുന്നു. അതിനെ അള്ളാഹുവിന്റെ പൂന്തോട്ടം എന്നാണ് പറയുന്നത്. യൂറോപ്പുകാരും പാരഡൈസ്(സ്വര്ഗ്ഗം) എന്ന് പറയാറുണ്ട്. തീര്ച്ചയായും ഭാരതം പരിസ്ഥാനായിരുന്നു എന്നാല് ഇപ്പോള് ശവപ്പറമ്പാണ്. ഇപ്പോള് വീണ്ടും നിങ്ങള് പരിസ്ഥാന്റെ അധികാരികളായി മാറുകയാണ്. ബാബ വന്ന് ഉറങ്ങിയവരെ ഉണര്ത്തുന്നു. ഇതും നിങ്ങള് നമ്പര്വൈസ് പുരുഷാര്ത്ഥം അനുസരിച്ചാണ് അറിയുന്നത്. ആരാണോ സ്വയം ഉണര്ന്നത് അവര് മറ്റുള്ളവരേയും ഉണര്ത്തും. അഥവാ ഉണര്ത്തുന്നില്ലെങ്കില് സ്വയം ഉണര്ന്നിട്ടില്ല എന്നതാണര്ത്ഥം. അതിനാല് ബാബ പറയുന്നു ഈ ഗീതങ്ങളുടേയും പാര്ട്ട് ഡ്രാമയിലുണ്ട്. ചില ഗീതങ്ങള് വളരെ നല്ലതാണ്. എപ്പോള് നിങ്ങള് ഉദാസീനരാകുന്നുവോ അപ്പോള് ഈ ഗീതം കേള്ക്കൂ നിങ്ങള്ക്ക് സന്തോഷമുണ്ടാകും. രാത്രിയിലെ യാത്രക്കാരാ ക്ഷീണിക്കരുത്- ഇതും നല്ലതാണ്. ഇപ്പോള് രാത്രി പൂര്ത്തിയാവുകയാണ്. മനുഷ്യര് കരുതുന്നു എത്ര കൂടുതല് ഭക്തിചെയ്യുന്നുവോ അത്രയും പെട്ടെന്ന് ഭഗവാനെ ലഭിക്കും. ഹനുമാന് മുതലായവരുടെ സാക്ഷാത്ക്കാരം ഉണ്ടായാല് ഭഗവാനെ ലഭിച്ചു എന്ന് കരുതുന്നു. ബാബ പറയുന്നു ഈ സാക്ഷാത്ക്കാരങ്ങളെല്ലാം ഡ്രാമയില് ഉള്ളതാണ്. എന്ത് ഭാവനവെയ്ക്കുന്നോ അതിന്റെ സാക്ഷാത്ക്കാരം ഉണ്ടാകുന്നു. ബാക്കി ഇങ്ങനെയൊന്നും സംഭവിക്കുന്നില്ല. ബാബ പറയുന്നു ഈ ബാഡ്ജ് എപ്പോഴും എല്ലാവരുടെ പക്കലും ഉണ്ടാവണം. വ്യത്യസ്ത രീതിയിലുള്ളത് ഉണ്ടാക്കുന്നു. ഇത് മനസ്സിലാക്കിക്കൊടുക്കുന്നതിന് വളരെ നല്ലതാണ്.

നിങ്ങള് ആത്മീയ മിലിറ്ററിയല്ലേ. മിലിറ്ററിയ്ക്ക് എപ്പോഴും അടയാളം ഉണ്ടാകും. നിങ്ങള് കുട്ടികള്ക്കും ഇതുണ്ടെങ്കില് ലഹരിയുണ്ടാകും- നമ്മള് ഇതാവുകയാണ്. നമ്മള് വിദ്യാര്ത്ഥികളാണ്. ബാബ നമ്മെ മനുഷ്യനില് നിന്നും ദേവതയാക്കി മാറ്റുകയാണ്. മനുഷ്യര് ദേവതയുടെ പൂജ ചെയ്യുന്നു. ദേവതകള് ദേവതകളുടെ പൂജ ചെയ്യില്ല. ഇവിടെ മനുഷ്യര് ദേവതയുടെ പൂജ ചെയ്യുന്നു എന്തുകൊണ്ടെന്നാല് അവര് ശ്രേഷ്ഠരാണ്. ശരി!

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും പുലര്കാല വന്ദനവും. ആത്മീയ പിതാവിന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) ബുദ്ധിയില് സദാ തന്റെ പ്രധാനലക്ഷ്യം ഓര്മ്മ വെയ്ക്കണം. ലക്ഷ്മീ നാരായണന്റെ ചിത്രം സദാ കൂടെയുണ്ടാവണം, നാം ഇങ്ങനെയായി മാറുന്നതിനായി പഠിച്ചുകൊണ്ടിരിക്കുകയാണ്, ഇപ്പോള് നമ്മള് ഈശ്വരീയ വിദ്യാര്ത്ഥികളാണ് എന്ന സന്തോഷത്തില് കഴിയണം.

2) തന്റെ പഴയ കല്ലുനിറഞ്ഞ ഒരുപിടി അവില് നല്കി കൊട്ടാരം നേടണം. ബ്രഹ്മാബാബയെ ഫോളോ ചെയ്ത് അവിനാശിയായ ജ്ഞാനരത്നത്തിന്റെ വ്യാപാരിയായി മാറണം.

വരദാനം :-
അശരീരി സ്ഥിതിയാകുന്ന ഇഞ്ചക്ഷനിലൂടെ മനസ്സിനെ നിയന്ത്രിക്കുന്നവരായ ഏകാഗ്രചിത്തരായി ഭവിക്കട്ടെ.

ഇക്കാലത്ത് ആരെങ്കിലും നിയന്ത്രണത്തിലല്ലെങ്കില്, വളരെ ബുദ്ധിമുട്ടിക്കുന്നുവെങ്കില്, അക്രമാസക്തരാകുകയോ മാനസിക വിഭ്രാന്തി കാണിക്കുകയോ ചെയ്യുന്നുവെങ്കില് അവര്ക്ക് ശാന്തരാകാനുള്ള ഇഞ്ചക്ഷന് കൊടുക്കാറുണ്ട്. അതേപോലെ സങ്കല്പശക്തി താങ്കളുടെ നിയന്ത്രണത്തില് വരുന്നില്ലെങ്കില് അശരീരി സ്ഥിതിയുടെ ഇഞ്ചക്ഷന് കൊടുക്കൂ. പിന്നെ സങ്കല്പശക്തി വ്യര്ത്ഥമായിപ്പോവുകയില്ല. സഹജമായി ഏകാഗ്രചിത്തമാകും. പക്ഷെ അഥവാ ബുദ്ധിയുടെ കടിഞ്ഞാണ് ബാബക്ക് കൊടുത്തശേഷം പിന്നീട് തിരിച്ചെടുത്താല് മനസ്സ് വ്യര്ത്ഥത്തിന്റെ ബുദ്ധിമുട്ടിലേക്ക് തള്ളിവിടും. ഇപ്പോള് വ്യര്ത്ഥത്തിന്റെ ബുദ്ധിമുട്ടില് നിന്ന് മോചിതരാകൂ.

സ്ലോഗന് :-
തന്റെ പൂര്വ്വജ സ്വരൂപത്തെ സ്മൃതിയില് വെച്ച് സര്വ്വാത്മാക്കളിലും ദയ കാണിക്കൂ.