29.11.19           Morning Malayalam Murli       Om Shanti           BapDada Madhuban


മധുരമായ കുട്ടികളെ - നിങ്ങള്രാജ യോഗ ത്തിന്റെ പഠിപ്പ്പഠി ക്കുന്നത്രാജ്യപദവി യ്ക്കുവേണ്ടി യാണ്ഇ താണ് നിങ്ങളു ടെപുതി യപഠിപ്പ്

ചോദ്യം :-
ഈ പഠിപ്പില് പല കുട്ടികളും മുന്നോട്ടു പോകവേ തോറ്റു പോകുന്നു എന്തുകൊണ്ട്?

ഉത്തരം :-
കാരണം ഈ പഠിപ്പില് മായയോടൊപ്പമാണ് യുദ്ധമുളളത്. മായയുമായുളള മല്ലയുദ്ധത്തില് (ബോക്സിംഗ്) ബുദ്ധിയ്ക്ക് വളരെയധികം കഠിനമായ മുറിവ് പറ്റിയിട്ടുണ്ട്. മുറിവ് പറ്റിയതുകൊണ്ട് ബാബയോട് സത്യമല്ല. സത്യമായ കുട്ടികള് സദാ സുരക്ഷിതരായിരിക്കുന്നു.

ഓംശാന്തി.
നമ്മള് ആത്മാക്കളെ പരമാത്മാവാകുന്ന ബാബയാണ് പഠിപ്പിക്കുന്നതെന്ന് എല്ലാ കുട്ടികള്ക്കും നിശ്ചയമുണ്ടാകും. 5000 വര്ഷങ്ങള്ക്ക് ശേഷം ഒരേയൊരു തവണയാണ് പരിധിയില്ലാത്ത അച്ഛന് വന്ന് പരിധിയില്ലാത്ത കുട്ടികളെ പഠിപ്പിക്കുന്നത്. ഏതെങ്കിലും പുതിയ ആളുകള് ഈ കാര്യങ്ങള് കേള്ക്കുകയാണെങ്കില് മനസ്സിലാക്കുവാന് സാധിക്കില്ല. ആത്മീയ അച്ഛനാരാണ്, ആത്മീയ കുട്ടികളാരാണ് എന്നുളള കാര്യം മനസ്സിലാക്കുവാന് സാധിക്കില്ല. നമ്മള് സഹോദരങ്ങളാണെന്നുളളത് നിങ്ങള് കുട്ടികള്ക്കറിയാം. ബാബ നമ്മുടെ അച്ഛനുമാണ്, ടീച്ചറുമാണ്, സുപ്രീം ഗുരുവുമാണ്. നിങ്ങള് കുട്ടികള്ക്ക് ഇത് സ്വാഭാവികമായും ഓര്മ്മയുണ്ടാകുന്നു. സര്വ്വാത്മാക്കള്ക്കും ഒരേയൊരു ആത്മീയ പിതാവാണുളളതെന്ന കാര്യം ഇവിടെയിരുന്നുകൊണ്ട് നിങ്ങള് മനസ്സിലാക്കുന്നു. സര്വ്വാത്മാക്കളും ബാബയെത്തന്നെയാണ് ഓര്മ്മിക്കുന്നത്. ഏതു ധര്മ്മത്തിലുളളവരാണെങ്കിലും. എല്ലാ മനുഷ്യരും തീര്ച്ചയായും ഓര്മ്മിക്കുന്നുണ്ട്. ബാബ മനസ്സിലാക്കിത്തന്നിട്ടുണ്ട് സര്വ്വരിലും ആത്മാക്കളുണ്ടല്ലോ. ഇപ്പോള് ബാബ പറയുന്നു-ദേഹത്തിന്റെ എല്ലാ ധര്മ്മങ്ങളെയും ഉപേക്ഷിച്ച് സ്വയത്തെ ആത്മാവാണെന്നു മനസ്സിലാക്കണം. ഇപ്പോള് നിങ്ങള് ആത്മാക്കള് ഇവിടെ പാര്ട്ട് അഭിനയിച്ചുകൊണ്ടിരിക്കുകയാണ്. എങ്ങനെയുളള പാര്ട്ടാണ് അഭിനയിക്കുന്നതെന്ന് മനസ്സിലാക്കി തന്നിട്ടുണ്ട്. കുട്ടികളും നമ്പര്വൈസ് പുരുഷാര്ത്ഥമനുസരിച്ച് മനസ്സിലാക്കിയിട്ടുണ്ട്. നിങ്ങള് രാജയോഗികളല്ലേ. പഠിക്കുന്നവരെല്ലാവരും തന്നെ യോഗികളാണ്. പഠിപ്പിക്കുന്ന ടീച്ചറുമായി തീര്ച്ചയായും യോഗമുണ്ടാകുമല്ലോ. ലക്ഷ്യത്തെക്കുറിച്ചുളള അറിവുമുണ്ടാകും - ഈ പഠിപ്പിലൂടെ ഞങ്ങള് ഇന്നതായിത്തീരുന്നു. രാജാക്കന്മാരുടെയും രാജാവായിത്തീരുന്നതിനുളള പഠിപ്പ് ഇതൊന്നു മാത്രമാണ്. രാജയോഗമല്ലേ. രാജ്യപദവി പ്രാപ്തമാകുന്നതിനായാണ് ബാബയുമായി യോഗം വെക്കുന്നത്. മറ്റൊരു മനുഷ്യര്ക്കും ഒരിക്കലും രാജയോഗം പഠിപ്പിക്കാന് സാധിക്കില്ല. നിങ്ങളെ പഠിപ്പിക്കുന്നത് ഒരു മനുഷ്യനുമല്ല. പരമാത്മാവാണ് നിങ്ങള് ആത്മാക്കളെ പഠിപ്പിക്കുന്നത്. നിങ്ങള് പിന്നീട് മറ്റുള്ളവരെ പഠിപ്പിക്കുന്നു. നിങ്ങളും സ്വയത്തെ ആത്മാവാണെന്ന് മനസ്സിലാക്കൂ. നമ്മള് ആത്മാക്കളെ ബാബയാണ് പഠിപ്പിക്കുന്നത്. ഇത് ഓര്മ്മ വരാതെ ഒരിക്കലും ശക്തി നിറയുകയില്ല, അതുകൊണ്ട് വളരെയധികം പേരുടെ ബുദ്ധിയില് ഇരിക്കുന്നില്ല. അതുകൊണ്ടാണ് ബാബ എപ്പോഴും പറയുന്നത് യോഗയുക്തമായിരിക്കൂ, ഓര്മ്മയുടെ യാത്രയില് ഇരുന്നുകൊണ്ട് മനസ്സിലാക്കിക്കൊടുക്കൂ. നമ്മള് സഹോദരങ്ങള്ക്കാണ് മനസ്സിലാക്കിക്കൊടുക്കുന്നത്. നിങ്ങളും ആത്മാവാണ്, ബാബ എല്ലാവര്ക്കും അച്ഛനും ടീച്ചറും ഗുരുവുമാണ്. ആത്മാവിനെ വേണം കാണാന്. ഒരു സെക്കന്റില് ജീവന്മുക്തി എന്ന മഹിമയുണ്ടെങ്കിലും ഇതില് ധാരാളം പ്രയത്നമുണ്ട്. ആത്മാഭിമാനിയായി മാറാതെ നിങ്ങളുടെ വാക്കുകളില് ശക്തി നിറയുകയില്ല കാരണം എതു പ്രകാരത്തിലാണോ ബാബ മനസ്സിലാക്കിത്തരുന്നത് ആ രീതിയില് മറ്റാരും തന്നെ മനസ്സിലാക്കിത്തരികയില്ല. ചിലര് വളരെ നല്ല രീതിയില് മനസ്സിലാക്കിക്കൊടുക്കുന്നു. ആരാണ് മുള്ള് ആരാണ് പൂക്കള് എന്ന് അറിയാന് സാധിക്കുമല്ലോ. സ്കൂളില് കുട്ടികള് 5-6 ക്ലാസ്സ് വരെ പഠിച്ച് പിന്നീട് ട്രാന്സ്ഫര് ആകുന്നു. നല്ല-നല്ല കുട്ടികള് ട്രാന്സ്ഫര് ആകുമ്പോള് ആ ക്ലാസ്സിലുള്ള ടീച്ചര്ക്കും പെട്ടന്ന് അറിയാന് സാധിക്കും. ഈ കുട്ടികളും(ലക്ഷ്മീ-നാരായണന്) തീവ്രപുരുഷാര്ത്ഥികളാണ്, ഇവര് നന്നായി പഠിച്ചിട്ടുണ്ട് അതുകൊണ്ടാണ് ഉയര്ന്ന നമ്പറിലേക്ക് വന്നത്. ടീച്ചര്ക്ക് തീര്ച്ചയായും മനസ്സിലാക്കാന് സാധിക്കുമല്ലോ. അത് ലൗകീക പഠിപ്പാണ്, ഇവിടെ അങ്ങനെയില്ല. ഇത് പാരലൗകിക പഠിപ്പാണ്. മറ്റ് പഠിപ്പിനെ പോലെ ഇവര് പണ്ട് മുതലേ നന്നായി പഠിച്ചു വന്നതുകൊണ്ടാണ് ഇപ്പോള് നന്നായി പഠിക്കുന്നത് എന്നല്ല. മറ്റ് പരീക്ഷയിലാണെങ്കില് ട്രാന്സ്ഫര് ആകുമ്പോള് ടീച്ചര്ക്ക് മനസ്സിലാകുന്നു ഇവര് പഠിപ്പില് ഇത്രയും പ്രയത്നിച്ചു, അതുകൊണ്ടാണ് ആദ്യ നമ്പര് നേടിയത്. ഇവിടെ ഇത് പുതിയ പഠിപ്പായതു കൊണ്ട് പണ്ടേ പഠിക്കുന്ന കാര്യം വരുന്നില്ല. പുതിയ പഠിപ്പാണ് പഠിപ്പിക്കുന്ന ആളും പുതിയതാണ്. എല്ലാം പുതിയതാണ്. പുതിയവരെ പഠിപ്പിക്കുന്നു. അതിലും ആരാണോ നല്ല രീതിയില് പഠിക്കുന്നത് അവരെ നല്ല പുരുഷാര്ത്ഥികള് എന്നു പറയും. ഇത് പുതിയ ലോകത്തിലേക്കു വേണ്ടിയുള്ള പുതിയ ജ്ഞാനമാണ് ഇത് പഠിപ്പിക്കാന് മറ്റാരും തന്നെയില്ല. എത്രത്തോളം ശ്രദ്ധ നല്കുന്നോ അത്രത്തോളം ഉയര്ന്ന നമ്പറിലേക്ക് പോകുന്നു. ചിലര് വളരെ മധുരവും ആജ്ഞാകാരിയുമായിരിക്കും. കാണുമ്പോള് തന്നെ അറിയാന് സാധിക്കും ഇവരെ പഠിപ്പിക്കുന്ന ആള് വളരെ നല്ലതാണ്, ഇവരില് ഒരു അവഗുണവുമില്ല. പെരുമാറ്റത്തിലൂടെ സംസാരശൈലിയിലൂടെ മനസ്സിലാക്കാന് സാധിക്കുന്നു. ബാബ എല്ലാവരോടും ചോദിക്കാറുമുണ്ട്- ഇവര് എങ്ങനെ പഠിക്കുന്നു, ഇവരില് ഏതൊരു കുറവുകളുമില്ലല്ലോ. ഞങ്ങളോടു ചോദിക്കാതെ ബാബയ്ക്ക് വിവരങ്ങള് നല്കരുത് എന്നു പറയുന്നവരുമുണ്ട്. ചിലര് നന്നായി പഠിക്കുന്നവരുണ്ട്. ചിലര്ക്ക് അത്ര തീക്ഷണ ബുദ്ധിയില്ല. മായയുടെ യുദ്ധം വളരെയധികം ഉണ്ടാകുന്നു. ഇവരെ മായ വളരെയധികം ചതിക്കുന്നുണ്ടെന്ന് ബാബയ്ക്കറിയാം. 10 വര്ഷം പഠിപ്പിച്ചാലും മായ വളരെയധികം ശക്തിശാലിയാണ്- ദേഹ-അഹങ്കാരം വന്നു കഴിഞ്ഞാല് പെട്ടുപോകും. ബാബ മനസ്സിലാക്കിത്തരുന്നു ആരെല്ലാമാണോ ശക്തിശാലികള്, അവരുടെ മേല് മായയുടെ മുറിവേല്ക്കുകതന്നെ ചെയ്യും. മായയും ബലവാന്മാരോട് ബലവാനായിത്തന്നെ യുദ്ധം ചെയ്യും.

നിങ്ങള് മനസ്സിലാക്കുന്നുണ്ടാവും ബാബ ആരിലാണോ പ്രവേശിച്ചത് ഇവര് നമ്പര്വണ് ആണ്. പിന്നീടുള്ളവരെല്ലാം നമ്പര്വൈസ് ആണ്. ബാബ ഒന്നുരണ്ടു പേരുടെ ഉദാഹരണം നല്കാറുണ്ട്. വളരെയധികം പേര് നമ്പര്വൈസ് ആണ്. എങ്ങനെയാണോ ഡല്ഹിയിലെ ഗീത എന്ന കുട്ടി വളരെയധികം സമര്ത്ഥശാലി. വളരെ മധുരമാണ്. ബാബ എപ്പോഴും പറയാറുണ്ട് ഗീത സത്യമായ ഗീതയാണ്. മനുഷ്യര് ഭക്തിയിലെ ഗീത പഠിക്കാറുണ്ട് എന്നാല് ഈ കാര്യം മനസ്സിലാക്കുന്നില്ല ഭഗവാന് എങ്ങനെയാണ് രാജയോഗം പഠിപ്പിച്ച് രാജാക്കന്മാരുടെയും രാജാവാക്കി മാറ്റിയത്. സത്യയുഗം ഉണ്ടായിരുന്നപ്പോള് ഒരേയൊരു ധര്മ്മമായിരുന്നു, ഇത് ഇന്നലത്തെ കാര്യമാണ്. ബാബ പറയുന്നു ഞാന് നിങ്ങളെ വളരെയധികം ധനവാനാക്കി മാറ്റിയാണ് പോയത്. നിങ്ങള് കോടിമടങ്ങ് ഭാഗ്യശാലികളായിരുന്നു, ഇപ്പോള് നിങ്ങള് എന്തായിത്തീര്ന്നിരിക്കുകയാണ്. നിങ്ങള് ഇത് അനുഭവം ചെയ്യുന്നുമുണ്ടല്ലോ. മറ്റ് ഗീത കേള്പ്പിക്കുന്നവരില് നിന്നും ആര്ക്കെങ്കിലും എന്തെങ്കിലും ഫീലിംഗ് ഉണ്ടാവാറുണ്ടോ, അല്പം പോലും മനസ്സിലാക്കുന്നില്ല. ശ്രീമത് ഭഗവദ്ഗീതയ്ക്കാണ് ഏറ്റവും ഉയര്ന്ന മഹിമയുള്ളത്. അവര് ഗീതയുടെ ഗ്രന്ഥം വായിച്ചു കേള്പ്പിച്ചു തരുന്നു. ബാബ ഇവിടെ പുസ്തകം എടുത്ത് വായിക്കുന്നില്ല. വ്യത്യാസമുണ്ടല്ലോ. അവര്ക്ക് ഓര്മ്മയുടെ യാത്ര ഇല്ല. അവര് താഴേക്ക് അധഃപതിച്ചു കൊണ്ടിരിക്കുകയാണ്. സര്വ്വവ്യാപിയുടെ ജ്ഞാനത്തിലൂടെ എല്ലാവരും എന്തായിത്തീര്ന്നിരിക്കുന്നു എന്നു നോക്കൂ. നിങ്ങള്ക്കറിയാം കല്പ്പ-കല്പ്പം ഇതുപോലെത്തന്നെ സംഭവിക്കും. ബാബ പറയുന്നു, ഞാന് നിങ്ങളെ പഠിപ്പിച്ച് വിഷയസാഗരത്തില് നിന്നും അക്കരെ കടത്തുന്നു. ഭക്തിമാര്ഗ്ഗം തന്നെ വ്യത്യസ്തമാണ്. ശാസ്ത്രം പഠിക്കുക എന്നുള്ളത് ഭക്തിമാര്ഗ്ഗമായി. ബാബ പറയുന്നു ഇത് പഠിക്കുന്നതിലൂടെ ആര്ക്കും എന്നെ ലഭിക്കുകയില്ല. മറ്റുള്ളവര് പറയുന്നു ഏതു വഴിയിലൂടെ പോയാലും എല്ലാവരും ഒരു സ്ഥലത്തു തന്നെ എത്തിച്ചേരുന്നു. ചിലപ്പോള് പറയുന്നു ഭഗവാന് ഏതെങ്കിലും രൂപത്തില് വന്ന് പഠിപ്പിക്കുന്നു. ബാബ വന്നു പഠിപ്പിക്കുന്നു എങ്കില് പിന്നെ നിങ്ങള് എന്തിനാണ് ശാസ്ത്രങ്ങള് പഠിപ്പിക്കുന്നത്? ബാബ മനസ്സിലാക്കിത്തരുന്നു ഗീതയില് ആട്ടയില് ഉപ്പു കലര്ത്തിയപോലെ ചില ശബ്ദങ്ങള് ശരിയാണ്. അതിനെക്കുറിച്ച് നിങ്ങള്ക്ക് എടുത്ത് പറയാന് സാധിക്കും. സത്യയുഗത്തില് ശാസ്ത്രങ്ങള് ഒന്നും തന്നെ ഉണ്ടാകുന്നില്ല. ശാസ്ത്രങ്ങള് ഭക്തിമാര്ഗ്ഗത്തിലേതാണ്. അല്ലാതെ അനാദിയല്ല. ആരംഭം മുതല്ക്കേ ഉണ്ടെന്ന് പറയാന് കഴിയില്ല. അനാദി എന്നതിന്റെ അര്ത്ഥത്തെക്കുറിച്ച് മനസ്സിലാക്കുന്നില്ല. ബാബ മനസ്സിലാക്കിത്തരുന്നു ഈ ഡ്രാമ അനാദിയാണ്. ബാബ നിങ്ങളെ രാജയോഗം പഠിപ്പിക്കുന്നു. ഇപ്പോള് നിങ്ങളെ പഠിപ്പിക്കുന്നു പിന്നീട് അത് നിങ്ങളില് നിന്നും നഷ്ടപ്പെടുന്നു. നിങ്ങള് പറയുന്നു നമ്മുടെ രാജ്യം അനാദിയായിരുന്നു. രാജ്യം അതുതന്നെയാണ്, കേവലം പാവന അവസ്ഥയില് നിന്നും പതിതമായതിലൂടെ പേരിന് പരിവര്ത്തനം വന്നു. ദേവത എന്നതിനു പകരം ഹിന്ദു എന്നു പറയപ്പെട്ടു. ആദിസനാതന ദേവീദേവതാ ധര്മ്മമാണ് യഥാര്ത്ഥമായത്. എങ്ങനെയാണോ മറ്റുള്ളവര് സതോപ്രധാന അവസ്ഥയില് നിന്നും സതോ-രജോ-തമോവിലേക്ക് വരുന്നത് നിങ്ങളും അതുപോലെ അധഃപതിക്കുന്നു. രജോവിലേക്ക് വരുമ്പോള് അപവിത്രത കാരണം ദേവതയ്ക്കു പകരം ഹിന്ദുവെന്ന് പറയുന്നു. ഇല്ലെങ്കില് ഹിന്ദു എന്ന് പറയുന്നത് ഹിന്ദുസ്ഥാന്റെ പേരാണ്. നിങ്ങള് യഥാര്ത്ഥത്തില് ദേവീദേവതകളായിരുന്നില്ലേ. ദേവതകള് സദാ പാവനമാണ്. ഇപ്പോള് മനുഷ്യര് പതിതമായി. അപ്പോള് പേര് ഹിന്ദു എന്നാക്കി. ഹിന്ദുധര്മ്മം എപ്പോഴാണ്, ആരാണ് രചിച്ചത് എന്ന് അരോടെങ്കിലും ചോദിച്ചാല് ആര്ക്കും പറയാന് കഴിയില്ല. ആദിസനാതന ദേവീദേവതാ ധര്മ്മം ഉണ്ടായിരുന്നപ്പോള് ആ സമയത്തിന് സ്വര്ഗ്ഗം, പാരഡൈസ് എന്നെല്ലാം വളരെ നല്ല നല്ല പേരുകള് നല്കിയിരുന്നു. എന്താണോ കഴിഞ്ഞു പോയത് അത് വീണ്ടും ആവര്ത്തിക്കണം. ഈ സമയം നിങ്ങള്ക്ക് ആരംഭം മുതല്ക്ക് അവസാനം വരെ എല്ലാം അറിയാം. ഇത് മനസ്സിലാക്കുകയാണെങ്കില് ബ്രാഹ്മണനായിത്തന്നെ ജീവിച്ചിരിക്കുന്നു. പലരും മരിച്ചു പോകുന്നു(രാവണന്റേതാകുന്നു). ബാബയുടേതായി മാറുമ്പോഴാണ് മായയുടെ യുദ്ധം ഉണ്ടാകുന്നത്. യുദ്ധമുണ്ടാകുന്നതിലൂടെ ചിലര് കുലദ്രോഹിയായി മാറുന്നു. ആദ്യം രാവണന്റേതായിരുന്നു ഇപ്പോള് രാമന്റേതായിരിക്കുകയാണ്. പിന്നീട് രാവണന്, രാമന്റെ കുട്ടികള്ക്കു മേല് വിജയം പ്രാപ്തമാക്കി തന്റെ വശത്തേക്ക് കൊണ്ടുവരുന്നു. ചിലര്ക്ക് മായയുടെ അസുഖം പിടിപെടുന്നു പിന്നീട് അവിടെയും ഇവിടെയും ഇല്ലാത്ത അവസ്ഥയാവും. സന്തോഷവുമുണ്ടായിരിക്കില്ല വിഷമവും ഉണ്ടായിരിക്കില്ല. ഇടയിലുള്ള അവസ്ഥ ഉണ്ടാകുന്നു. നിങ്ങള്ക്കിടയിലും വളരെയധികം പേര്ക്ക് ഈ അവസ്ഥയാണ്. പൂര്ണ്ണമായും ബാബയുടേതുമാകില്ല. എന്നാല് പൂര്ണ്ണമായും രാവണന്റേതുമല്ല.

ഇപ്പോള് നിങ്ങള് പുരുഷോത്തമസംഗമയുഗത്തിലേതാണ്. ഉത്തമപുരുഷനാകുന്നതിനുവേണ്ടി പുരുഷാര്ത്ഥം ചെയ്തുകൊണ്ടിരിക്കുകയാണ്. ഇതെല്ലാം വളരെയധികം നല്ല രീതിയില് മനസ്സിലാക്കേണ്ട കാര്യങ്ങളാണ്. ബാബ ചോദിക്കുമ്പോള് വളരെയധികം കുട്ടികള് കൈകള് ഉയര്ത്തുന്നു എന്നാല് മനസ്സിലാക്കുന്നതിനുള്ള ബുദ്ധി ഇല്ല. ബാബ ശുഭമായ വാക്കുകള് മാത്രം സംസാരിക്കാന് പറയുന്നുണ്ട്. ഞങ്ങള് നരനില് നിന്നും നാരായണനാകും എന്ന് പറയാറുണ്ട്. ഇത് നരനില് നിന്നും നാരായണനായി മാറുന്നതിന്റെ കഥയാണ്. അജ്ഞാനകാലഘട്ടത്തില് സത്യനാരായണന്റെ കഥ കേട്ടിരുന്നില്ലേ. എന്നാല് ആ സമയത്ത് ആര്ക്കും ഇങ്ങനെ ചോദിക്കാന് സാധിക്കില്ല. ഇത് ബാബയ്ക്കു മാത്രമേ ചോദിക്കാന് കഴിയൂ. നിങ്ങള്ക്ക് ഇവരെപ്പോലെ ആയിത്തീരാനുള്ള ധൈര്യമുണ്ടോ? നിങ്ങള്ക്ക് തീര്ച്ചയായും പാവനമാകണം. ആരെങ്കിലും വരുമ്പോള് ചോദിക്കാറുണ്ട് ഈ ജന്മത്തില് ഏതെങ്കിലും പാപ കര്മ്മങ്ങള് ചെയ്തില്ലല്ലോ? എല്ലാവരും ജന്മജന്മാന്തരത്തിലെ പാപികള് തന്നെയാണ്. ഈ ജന്മത്തിലെ പാപങ്ങള് പറയുകയാണെങ്കില് ഭാരരഹിതമായിത്തീരുന്നു. ഇല്ലെങ്കില് ഹൃദയത്തിനുള്ളില് കുത്തിക്കൊണ്ടേയിരിക്കും. സത്യം തുറന്നു പറയുന്നതിലൂടെ ഭാരരഹിതമാകുന്നു. പല കുട്ടികളും സത്യം തുറന്നു പറയുന്നില്ല. അപ്പോള് മായ ഒറ്റയടിക്ക് ശക്തമായി പ്രഹരിക്കും. നിങ്ങളുടേത് വളരെ കടുത്ത ബോക്സിംഗാണ്. മറ്റുള്ള ബോക്സിംഗില് ശരീരത്തിനാണ് മുറിവേല്ക്കുന്നത്, ഇവിടെ ബുദ്ധിയ്ക്ക് വളരെയധികം മുറിവേല്ക്കുന്നു. ഇത് ബാബയ്ക്കും അറിയാം. ബ്രഹ്മാവും പറയുന്നു എന്റെ വളരെ ജന്മങ്ങള്ക്കു ശേഷമുള്ള അവസാന ജന്മമാണിത്. വളരെയധികം പാവനമായിരുന്നു ഇപ്പോള് ഏറ്റവും പതിതമായിരിക്കുകയാണ്. ഇപ്പോള് വീണ്ടും പാവനമാകുന്നു. ബ്രഹ്മാവ് ഒരിക്കലും സ്വയത്തെ മഹാത്മാവാണെന്ന് പറയുന്നില്ല. ബാബയും ഇവര്ക്ക് (ബ്രഹ്മാവ്) സത്കാരം നല്കുന്നു, ബ്രഹ്മാവാണ് ഏറ്റവും കൂടുതല് പതിതമായിരിക്കുന്നത്. ബാബ പറയുന്നു ഞാന് പരദേശത്തില് പരന്റെ ശരീരത്തിലാണ് വരുന്നത്. ബ്രഹ്മാവിന്റെ വളരെയധികം ജന്മങ്ങളുടെ അന്തിമത്തിലാണ് ബാബ പ്രവേശിക്കുന്നത്. ഇവരാണ് പൂര്ണ്ണമായും 84 ജന്മം എടുത്തിട്ടുള്ളത്. ഇപ്പോള് ബ്രഹ്മാവും പാവനമാകുന്നതിനുള്ള പുരുഷാര്ത്ഥം ചെയ്യുകയാണ്, വളരെയധികം കരുതലോടെയും ഇരിക്കണം. ബാബയ്ക്ക് അറിയാമല്ലോ. കാരണം ഈ കുട്ടി(ബ്രഹ്മാവ്) വളരെ സമീപത്താണ്. ഒരിക്കലും ബാബയില് നിന്നും വേര്പിരിയാനാകില്ല. വിട്ടുപോകണം എന്നുള്ള സങ്കല്പ്പം പോലും വരില്ല. ബാബയുടെ ഏറ്റവും സമീപത്താണ് ഇരിക്കുന്നത്. എന്റെ ബാബ എന്റെ വീട്ടിലാണ് ഇരിക്കുന്നത് (ശരീരം). ബാബ (ബ്രഹ്മാബാബ) ഇടയ്ക്ക് തമാശയും പറയാറുണ്ട്. ബാബാ എന്നെ ഇന്ന് കുളിപ്പിക്കൂ, ഭോജനം കഴിപ്പിക്കൂ. ഞാന് ചെറിയ കുട്ടിയാണ്, അങ്ങനെ പല പ്രകാരത്തില് ബാബയെ ഓര്മ്മിക്കുന്നു. നിങ്ങള് കുട്ടികളോടും ഇതു പോലെ ഓര്മ്മിക്കാനായി മനസ്സിലാക്കിത്തരുന്നു. ബാബാ അങ്ങ് വളരെ മധുരമാണ്. പെട്ടെന്നുതന്നെ വിശ്വത്തിന്റെ അധികാരിയാക്കി മാറ്റുന്നു. ഈ കാര്യങ്ങള് ഒന്നും മറ്റാരുടെയും ബുദ്ധിയില് ഉണ്ടാവുകയില്ല. ബാബ എല്ലാവരെയും റിഫ്രഷ് ചെയ്യിപ്പിക്കുന്നു. എല്ലാവരും പുരുഷാര്ത്ഥം ചെയ്യുന്നുണ്ട്, എന്നാല് പെരുമാറ്റവും അതനുസരിച്ചായിരിക്കും. എന്തെങ്കിലും തെറ്റ് സംഭവിക്കുകയാണെങ്കില് പെട്ടെന്നുതന്നെ ബാബയ്ക്ക് എഴുതണം - ബാബാ എന്നില് നിന്നും ഈ തെറ്റ് സംഭവിച്ചു. ചില കുട്ടികള് എഴുതാറുണ്ട് - ബാബാ എന്നില് നിന്നും ഈ തെറ്റ് സംഭവിച്ചു, മാപ്പാക്കണം. എന്റെ കുട്ടിയായി മാറി പിന്നീട് തെറ്റ് ചെയ്യുന്നതിലൂടെ പാപം 100 മടങ്ങ് വര്ദ്ധിക്കുന്നു. മായയോട് തോല്ക്കുമ്പോള് പഴയതുപോലെത്തന്നെയായിത്തീരുന്നു. അങ്ങനെ വളരെയധികം പേര് തോറ്റുപോകുന്നു. ഇത് വളരെ വലിയ ബോക്സിംഗ് ആണ്. രാമന്റെയും രാവണന്റെയും യുദ്ധമാണ് ഉണ്ടാകുന്നത്. വാനര സൈന്യത്തെ ഉപയോഗിച്ചതിനെക്കുറിച്ച് കാണിച്ചിട്ടുണ്ട്. ഈ കഥയെല്ലാം കുട്ടിക്കളിപോലെയാണ് ഉണ്ടാക്കിയിരിക്കുന്നത്. ചെറിയ കുട്ടികള് വിവേകഹീനരായിരിക്കുമല്ലോ. ബാബയും പറയുന്നു ഈ കഥയെല്ലാം ഇവരുടെ തുച്ഛമായ ബുദ്ധിയിലൂടെ വന്നതാണ്. ഓരോരുത്തരും ഈശ്വരന്റെ രൂപമാണെന്ന് പറയുന്നു, അങ്ങനെയെങ്കില് ഓരോരുത്തരും ഈശ്വരനായി രചിക്കുകയും പാലിക്കുകയും വിനാശവും ചെയ്യണം. എന്നാല് ഈശ്വരന് ഒരിക്കലും വിനാശം ചെയ്യില്ലല്ലോ. ഇത് എത്ര വലിയ അജ്ഞതയാണ്. അതുകൊണ്ടാണ് പറയുന്നത് ഇത്രയും കാലം പാവകളുടെ പൂജ ചെയ്തു വന്നു. അത്ഭുതമാണ്. മനുഷ്യരുടെ ബുദ്ധി നോക്കൂ എന്തായിത്തീര്ന്നിരിക്കുന്നു. എത്രയാണ് ധനം ചിലവഴിച്ചുകൊണ്ടിരിക്കുന്നത്. ബാബ പരാതിപ്പെടുന്നു - ഞാന് നിങ്ങളെ ഇത്രയും ധനവാനാക്കി മാറ്റിയിരുന്നു നിങ്ങള് അതെല്ലാം തന്നെ എന്തുചെയ്തു! നിങ്ങള്ക്കും അറിയാം നമ്മള് ആദ്യം ദേവതകളായിരുന്നു പിന്നീട് ചക്രം കറങ്ങി ഇപ്പോള് ബ്രാഹ്മണനായിരിക്കുകയാണ്. ഇനി വീണ്ടും നമ്മള് തന്നെ ദേവതയായിത്തീരുന്നു. ഈ കാര്യം ബുദ്ധിയിലുണ്ടല്ലോ. ഇവിടെ ഇരിക്കുമ്പോഴും ബുദ്ധിയില് ഈ ജ്ഞാനം ഉണ്ടായിരിക്കണം. ബാബയും ജ്ഞാനസാഗരനാണ്. ശാന്തിധാമത്തിലാണ് വസിക്കുന്നത് അതുകൊണ്ട് ബാബയെ നോളെജ്ഫുള് എന്ന് പറയുന്നു. നിങ്ങള് ആത്മാക്കളിലും മുഴുവന് ജ്ഞാനവും അടങ്ങിയിട്ടുണ്ട്. ഇങ്ങനെ പറയാറുണ്ട് ഈ ജ്ഞാനത്തിലൂടെ എന്റെ കണ്ണുകള് തുറന്നു. ബാബ നിങ്ങള്ക്ക് ജ്ഞാനത്തിന്റെ നേത്രമാണ് നല്കുന്നത്. ആത്മാവിന് സൃഷ്ടിയുടെ ആദി, മധ്യ, അന്ത്യത്തെക്കുറിച്ചുള്ള അറിവ് ലഭിച്ചു. ചക്രം കറങ്ങിക്കൊണ്ടിരിക്കുന്നു. ബ്രാഹ്മണര്ക്കു മാത്രമാണ് സ്വദര്ശന ചക്രം ലഭിക്കുന്നത്. ദേവതകളെ പഠിപ്പിക്കുന്നവര് ആരും തന്നെയില്ല. അവര്ക്ക് അവിടെ പഠിപ്പിന്റെ ആവശ്യം തന്നെയില്ല. പഠിക്കേണ്ടത് നിങ്ങള്ക്കാണ് കാരണം നിങ്ങളാണ് ദേവതയായി മാറുന്നത്. ഇപ്പോള് ബാബ നിങ്ങള്ക്ക് ഈ പുതിയ-പുതിയ കാര്യങ്ങള് മനസ്സിലാക്കിത്തരുന്നു. ഈ പുതിയ പഠിപ്പ് പഠിച്ച് നിങ്ങള് ഉയര്ന്നവരാകുന്നു. ഫസ്റ്റ് സോ ലാസ്റ്റ്. ലാസ്റ്റ് സോ ഫസ്റ്റ്. ഇത് പഠിപ്പാണ്. ഇപ്പോള് നിങ്ങള് മനസ്സിലാക്കുന്നു ബാബ ഓരോ കല്പ്പവും വന്ന് നമ്മളെ പതിതത്തില് നിന്നും പാവനമാക്കുന്നു, പിന്നീട് ഈ ജ്ഞാനം തന്നെ ഇല്ലാതായിത്തീരുന്നു. ശരി!

വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുരമധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹസ്മരണയും സുപ്രഭാതം. ആത്മീയ അച്ഛന്റെ ആത്മീയ കുട്ടികള്ക്ക് നമസ്കാരം.

ധാരണയ്ക്കുള്ള മുഖ്യ സാരം:-
1) വളരെയധികം ആജ്ഞാകാരിയും മധുരവുമായി ജീവിക്കണം. ദേഹ-അഹങ്കാരത്തിലേക്ക് വരരുത്. ബാബയുടേതായി മാറി പിന്നീട് ഒരു തെറ്റും ചെയ്യരുത്. മായയുമായുളള ബോക്സിംഗില് വളരെയധികം കരുതലോടെ കഴിയണം.

2) തന്റെ വാക്കുകളില് ശക്തി നിറയ്ക്കുന്നതിനു വേണ്ടി ആത്മാഭിമാനി സ്ഥിതിയുടെ അഭ്യാസം ചെയ്യണം. സ്മൃതിയുണ്ടായിരിക്കണം - ബാബ പഠിപ്പിച്ചിട്ടുള്ളതാണ് നമ്മള് കേള്പ്പിച്ചു കൊണ്ടിരിക്കുന്നത് അപ്പോള് അതില് ശക്തി നിറയും.

വരദാനം :-

അപവിത്രതയുടെ അംശമായ - ആലസ്യത്തിന്റെയും അശ്രദ്ധയുടെയുടെയും ത്യാഗം ചെയ്യുന്ന സമ്പൂര്ണ്ണ നിര്വ്വികാരിയായി ഭവിക്കൂ

ദിനചര്യയുടെ ഏതെങ്കിലും കര്മ്മത്തില് കയറ്റിറക്കത്തിലേക്ക് വരിക, ആലസ്യത്തിലേക്ക് വരിക അല്ലെങ്കില് അശ്രദ്ധരാകുക - ഇത് വികാരത്തിന്റെ അംശമാണ്, അതിന്റെ പ്രഭാവം പൂജനീയമാകുന്നതിലും ഉണ്ടാകുന്നു. അഥവാ താങ്കള് അമൃതവേളയില് സ്വയത്തെ ജാഗ്രത് സ്ഥിതിയില് അനുഭവം ചെയ്യുന്നില്ല, ബുദ്ധിമുട്ടോടെ അല്ലെങ്കില് ആലസ്യത്തോടെയാണ് ഇരിക്കുന്നതെങ്കില് പൂജാരിയും ബുദ്ധിമുട്ടോടെ അല്ലെങ്കില് ആലസ്യത്തോടെ പൂജ ചെയ്യും. അതുകൊണ്ട് ആലസ്യത്തിന്റെയും അശ്രദ്ധയുടെയും ത്യാഗം ചെയ്യൂ അപ്പോള് സമ്പൂര്ണ്ണ നിര്വ്വികാരിയാകാന് സാധിക്കും.

സ്ലോഗന് :-
സേവനം ചെയ്യൂ എന്നാല് വ്യര്ത്ഥമായ ചിലവല്ല.