31.07.2020           Morning Malayalam Murli       Om Shanti           BapDada Madhuban


മധുരമായ കുട്ടികളേ - ഇത് അത്ഭുതകരമായ പാഠശാലയാണ് ഇതില്പ ഠിക്കുന്ന നിങ്ങള്ആ ത്മാക്കളേയും കാണാന്കഴി യില്ലപഠിപ്പി ക്കുന്നയ ാളേയുംകാണ ാന്കഴിയി ല്ല, ഇതാണ്പുതിയ കാര്യം.

ചോദ്യം :-
ഈ പാഠശാലയില് മുഖ്യമായും ഏതൊരു പഠിപ്പാണ് നിങ്ങള്ക്ക് ലഭിക്കുന്നത് അത് മറ്റൊരു പാഠശാലയിലും നല്കുന്നില്ല?

ഉത്തരം :-
ഇവിടെ അച്ഛന് തന്റെ മക്കളെ പഠിപ്പിക്കുന്നു - കുട്ടികളേ, തന്റെ കര്മ്മേന്ദ്രിയങ്ങളെ വശത്താക്കൂ. ഒരിയ്ക്കലും ഒരു സഹോദരിയുടെ മേലും മോശമായ ദൃഷ്ടി വെയ്ക്കരുത്. നിങ്ങള് ആത്മാവിന്റെ രൂപത്തില് സഹോദരങ്ങളാണ് പിന്നെ പ്രജാപിതാ ബ്രഹ്മാവിന്റെ കുട്ടികള് സഹോദരീ സഹോദരങ്ങളാണ്. നിങ്ങള്ക്ക് ഒരിയ്ക്കലും മോശമായ ചിന്ത വരരുത്. ഇങ്ങനെയുള്ള പഠിപ്പ് ഈ യൂണിവേഴ്സിറ്റിയിലല്ലാതെ മറ്റെവിടെയും നല്കുകയില്ല.

ഗീതം :-
ദൂരദേശത്ത് വസിക്കുന്നവനേ....

ഓംശാന്തി.
ദൂരദേശത്ത് വസിക്കുന്ന ആത്മാവിനേയും കാണാന് കഴിയില്ല, ദൂരദേശത്ത് വസിക്കുന്ന പരമാത്മാവിനേയും കാണാന് കഴിയില്ല. ഈ കണ്ണുകള് കൊണ്ട് കാണാന് കളിയാത്തത് പരമാത്മാവിനേയും ആത്മാവിനേയും മാത്രമാണ്. ബാക്കി എല്ലാ വസ്തുക്കളേയും കണ്ണുകള് കൊണ്ട് കാണാന് കഴിയും. നാം ആത്മാക്കളാണ് എന്നത് മനസ്സിലാകുന്നു. ആത്മാവ് വേറെയാണ് ശരീരം വേറെയാണ് എന്ന് മനുഷ്യര് കരുതുന്നു. ആത്മാവ് ദൂരദേശത്തുനിന്ന് വന്ന് ശരീരത്തില് പ്രവേശിക്കുന്നു. നിങ്ങള് ഓരോ കാര്യങ്ങളും നല്ലരീതിയില് മനസ്സിലാക്കുന്നുണ്ട്. നാം ആത്മാക്കള് എങ്ങനെയാണ് ദൂരദേശത്തുനിന്ന് വരുന്നത്. ആത്മാവിനേയും കണ്ണുകൊണ്ട് കാണാന് കഴിയില്ല, പഠിപ്പിക്കുന്ന പരമാത്മാവിനേയും കണ്ണുകൊണ്ട് കാണാന് കഴിയില്ല. ഇങ്ങനെ ഒരു സത്സംഗത്തിലും അഥവാ ഒരു ശാസ്ത്രത്തിലും ഇതുവരെ കേട്ടിട്ടില്ല. ഒരിയ്ക്കലും കേട്ടിട്ടുമില്ല, കണ്ടിട്ടുമില്ല. ഇപ്പോള് നിങ്ങള്മനസ്സിലാക്കുന്നുണ്ട് നമ്മള് ആത്മാക്കളെ കാണാന് സാധിക്കില്ല. ആത്മാവിനുതന്നെയാണ് പഠിക്കേണ്ടത്. ആത്മാവുതന്നെയല്ലേ എല്ലാം ചെയ്യുന്നത്. ഇത് പുതിയ കാര്യമല്ലേ ഇത് ആര്ക്കും മനസ്സിലാക്കിത്തരാനും സാധിക്കില്ല. ജ്ഞാനസാഗരനായ പരമപിതാ പരമാത്മാവ,് അവരെയും കണ്ണുകൊണ്ട് കാണാന് സാധിക്കില്ല. നിരാകാരന് എങ്ങനെ പഠിപ്പിക്കും? ആത്മാവും ശരീരത്തില് വരുമല്ലോ. അതുപോലെ പരമപിതാ പരമാത്മാവും ഭാഗ്യശാലീ രഥത്തില് അഥവാ ഭഗീരഥനില് വരുന്നു. ഈ രഥത്തിനും തന്റേതായ ആത്മാവുണ്ട്. അവര്ക്കും തന്റെ ആത്മാവിനെ കാണാന് കഴിയില്ല. ബാബ ഈ രഥത്തെ ആധാരമാക്കിയാണ് വന്ന് കുട്ടികളെ പഠിപ്പിക്കുന്നത്. ആത്മാവും ഒരു ശരീരം ഉപേക്ഷിച്ച് അടുത്തത് എടുക്കും. ആത്മാവിനെ തിരിച്ച് അറിയാം, പക്ഷേ കാണാന് കഴിയില്ല. കാണാന് സാധിക്കാത്ത അച്ഛനാണ് നിങ്ങളെ പഠിപ്പിക്കുന്നത്. ഇത് തീര്ത്തും പുതിയ കാര്യമാണ്. ബാബ പറയുന്നു ഞാനും ഡ്രാമാ പ്ലാന് അനുസരിച്ച് എന്റെ സമയമാകുമ്പോള് വന്ന് ശരീരം ധാരണ ചെയ്യുന്നു. ഇല്ലെങ്കില് നിങ്ങള് മധുര മധുരമായ കുട്ടികളെ എങ്ങനെ ദുഃഖത്തില് നിന്നും രക്ഷിക്കും. ഇപ്പോള് നിങ്ങള് കുട്ടികള് ഉണര്ന്നിരിക്കുന്നു. ലോകത്തിലെ മനുഷ്യര് മുഴുവന് ഉറങ്ങിക്കിടക്കുകയാണ്. നിങ്ങളുടെ അടുത്ത് വന്ന് കാര്യങ്ങള് മനസ്സിലാക്കി ബ്രാഹ്മണനാകുന്നതുവരെ അവര് ഉറങ്ങും. മറ്റുസത്സംഗങ്ങളില് ആര്ക്ക് വേണമെങ്കിലും പോയി ഇരിക്കാന് കഴിയും. ഇവിടെ അതുപോലെ എല്ലാവര്ക്കും വരാന് കഴിയില്ല എന്തെന്നാല് ഇത് പാഠശാലയല്ലേ. വക്കീലാവാനുള്ള പരീക്ഷയില് നിങ്ങള് ചെന്നിരുന്നാല് ഒന്നും മനസ്സിലാക്കാന് സാധിക്കില്ല. ഇത് തീര്ത്തും പുതിയ കാര്യമാണ്. പഠിപ്പിക്കുന്ന ആളേയും കണ്ണുകൊണ്ട് കാണാന് കഴിയില്ല. പഠിക്കുന്നവരേയും കാണാന് പറ്റില്ല. ആത്മാവ് ഉള്ളില് കേള്ക്കുന്നു, ധാരണ ചെയ്യുന്നു. ഉള്ളില് നിശ്ചയം ഉണ്ടായിക്കൊണ്ടിരിക്കുന്നു. ഈ കാര്യം വളരെ ശരിയാണ്. പരമാത്മാവും ആത്മാവും രണ്ടിനേയും കണ്ണുകൊണ്ട് കാണാന് കഴിയില്ല. ബുദ്ധികൊണ്ട് മനസ്സിലാക്കാന് സാധിക്കും- ഞാന് ആത്മാവാണ്. ചിലര് ഇതുപോലും ആംഗീകരിക്കുന്നില്ല- പ്രകൃതിയാണ് എന്ന് പറയുന്നു. പിന്നീട് അതിന്റെ വര്ണ്ണനയും ചെയ്യുന്നു. അനേകം മതങ്ങളുണ്ടല്ലോ. നിങ്ങള് കുട്ടികള് ഈ ജ്ഞാനത്തില് ബിസിയായിരിക്കണം. ചതിക്കുന്ന കര്മ്മേന്ദ്രിയങ്ങളേയും വശത്താക്കണം. മുഖ്യമായത് കണ്ണാണ് അതാണ് എല്ലാം കാണുന്നത്. കണ്ണുകളാണ് കുഞ്ഞിനെക്കാണുന്നത് അപ്പോള് പറയും ഇത് എന്റെ കുട്ടിയാണെന്ന്. ഇല്ലെങ്കില്എങ്ങനെ മനസ്സിലാക്കും! ആരെങ്കിലും ജന്മനാ അന്ധനാണെങ്കില് അവര്ക്ക് പിന്നീട് മനസ്സിലാക്കിക്കൊടുക്കും ഇത് നിന്റെ സഹോദരനാണെന്ന്, കാണാന് കഴിയില്ല. ബുദ്ധികൊണ്ടാണ് മനസ്സിലാക്കുന്നത്. വാസ്തവത്തില് ആരെങ്കിലും അന്ധനായ സൂര്ദാസാണെങ്കില് ജ്ഞാനം നന്നായി ഗ്രഹിക്കാന് സാധിക്കും, എന്തുകൊണ്ടെന്നാല് ചതിക്കുന്ന കണ്ണുകള് ഇല്ലല്ലോ. ബാക്കി ഒരു കാര്യവും അവര്ക്ക് ചെയ്യാന് സാധിച്ചില്ലെങ്കിലും ശരി ജ്ഞാനം നന്നായി ഗ്രഹിക്കാന് സാധിക്കും. സ്ത്രീകളേയും നോക്കുകയില്ല. മറ്റുള്ളവരെ കാണുമ്പോഴാണ് ബുദ്ധി പോകുന്നത്. അത് നേടുകയും വേണം. കാണുന്നേയില്ലെങ്കില് പിന്നെ അതിനെ എങ്ങനെ നേടും? അതിനാല് ബാബ മനസ്സിലാക്കിത്തരുന്നു കര്മ്മേന്ദ്രിയങ്ങളെ ഉറച്ചതാക്കൂ. ക്രിമിനല് ദൃഷ്ടിയാല് അഥവാ മോശമായ ദൃഷ്ടികൊണ്ട് ഒരു സഹോദരിയേയും കാണരുത്. നിങ്ങളും സഹോദരീ സഹോദരന്മാരല്ലേ. മോശമായ ദൃഷ്ടിയുടെ അല്പം ചിന്തപോലും വരരുത്. തീര്ച്ചയായും ഇത് കലിയുഗമാണ്, സഹോദരീ സഹോദരന്മാര് പോലും മോശമായി മാറുന്നു. എന്നാല് നിയമപ്രകാരം സഹോദരീ സഹോദരന്മാര് തമ്മില് മോശമായ ദൃഷ്ടി ഉണ്ടാവരുത്.

നമ്മള് ഒരച്ഛന്റെ മക്കളാണ്. ബാബ ഡയറക്ഷന് നല്കുന്നു - നിങ്ങള് ബ്രഹ്മാകുമാരന്മാരും കുമാരികളുമാണെങ്കില് ഈ ജ്ഞാനം പക്കയായിരിക്കണം അതായത് ഞങ്ങള് സഹോദരീ സഹോദരങ്ങളാണ്. നമ്മള് ആത്മാക്കള് ഭഗവാന്റെ കുട്ടികള് സഹോദരങ്ങളാണ് പിന്നീട് ശരീരത്തില് പ്രജാപിതാ ബ്രഹ്മാവിലൂടെ സഹോദരീ സഹോദരന്മാരായി മാറുന്നു എന്തുകൊണ്ടെന്നാല് ദത്തെടുക്കുകയല്ലേ. മോശമായ ദൃഷ്ടിയുണ്ടാവുക സാധ്യമല്ല. ഇത് പക്കയായി മനസ്സിലാക്കു- നമ്മള് ആത്മാക്കളാണ്. ബാബ നമ്മെ പഠിപ്പിക്കുകയാണ്, നാം ആത്മാക്കള് ഈ ശരീരത്തിലൂടെ പഠിക്കുകയാണ്. ഇത് കര്മ്മേന്ദ്രിയങ്ങളാണ്. ഞാന് ആത്മാവ് ഇതില് നിന്നും വേറിട്ടതാണ്, ഈ കര്മ്മേന്ദ്രിയങ്ങളിലൂടെ നമ്മള് കര്മ്മം ചെയ്യുന്നു. ഞാന് കര്മ്മേന്ദ്രിയമല്ല. ഞാന് ഇതില് നിന്നും വേറിട്ട ആത്മാവാണ്. ഈ ശരീരം എടുത്ത് പാര്ട്ട് അഭിനയിക്കുകയാണ്, അതും അലൗകികമായി. മറ്റൊരു മനുഷ്യനും ഈ പാര്ട്ട് അഭിനയിക്കുന്നില്ല. നിങ്ങളാണ് അഭിനയിക്കുന്നത്. മിനിറ്റിന് മിനിറ്റിന് സ്വയം ആത്മാവാണെന്ന് മനസ്സിലാക്കി ബാബയെ ഓര്മ്മിക്കണം. പിന്നെ ബാബ തന്നെയാണ് നമ്മുടെ ടീച്ചറും ഗുരുവും. അവിടെ സാകാരത്തില് അച്ഛനും ടീച്ചറും ഗുരുവും വേറെ വേറെയായിരിക്കും. ഇവിടെ നിരാകാരനായ ഒരേയൊരു അച്ഛനും ടീച്ചറും സദ്ഗുരുവുമാണ്. ഇവിടെ കുട്ടികള്ക്ക് പുതിയ പഠിപ്പ് ലഭിക്കുകയാണ്. അച്ഛനും ടീച്ചറും ഗുരുവും മൂന്നുപേരും നിരാകാരനാണ്. പഠിക്കുന്ന നമ്മളും നിരാകാരനായ ആത്മാക്കളാണ് അതിനാലാണ് ആത്മാവും പരമാത്മാവും ഒരുപാടുകാലം വേറിട്ടിരുന്നു എന്ന് പറയുന്നത്. ഇവിടെ വെച്ചാണ് കണ്ടുമുട്ടുന്നത്. എപ്പോഴാണോ ബാബയ്ക്ക് വന്ന് പാവനമാക്കി മാറ്റേണ്ടത് അപ്പോള്. മൂലവതനത്തില് ആത്മാക്കള് എല്ലാവരും ഒത്തുകൂടും. അവിടെ ഒരു കളിയുമില്ല, അതു നമ്മുടെ വീടാണ്. അവിടെയാണ് എല്ലാ ആത്മാക്കളും വസിക്കുന്നത്. അവസാനം എല്ലാ ആത്മാക്കളും അവിടെയെത്തും. ഏതെല്ലാം ആത്മാക്കളാണോ പാര്ട്ട് അഭിനയിക്കാനായി വരുന്നത് അവര്ക്ക് ഇടയില് വെച്ച് തിരിച്ചുപോകാന് സാധിക്കില്ല. അവസാനം വരെ പാര്ട്ട് അഭിനയിക്കണം. എല്ലാവരും വരുന്നതുവരെ പുനര്ജന്മം എടുത്തുകൊണ്ടേയിരിക്കണം. സതോപ്രധാനത്തില് നിന്നും സതോ- രജോ- തമോയിലേയ്ക്ക് വരും. പിന്നീട് അവസാനം നാടകം പൂര്ത്തിയാവുമ്പോള് തമോപ്രധാനത്തില് നിന്നും സതോപ്രധാനമായി മാറണം. ബാബ എല്ലാ കാര്യവും ശരിയായി മനസ്സിലാക്കിത്തരുന്നില്ലേ, ഈ സംഗമത്തില് പുരുഷാര്ത്ഥിയായി മാറാന് സത്യമായ ഈ ഒരു സംഗം മാത്രമേയുള്ളു. ബാബ എപ്പോഴാണോ വരുന്നത്, എപ്പോഴാണോ കുട്ടികളെ കണ്ടുമുട്ടുന്നത്, അതിനെയാണ് സത്സംഗം എന്ന് പറയുന്നത്. ബാക്കി എല്ലാം കുസംഗങ്ങളാണ്. സത്യമായ സംഗം ഉയര്ത്തും മോശമായ സംഗം വീഴ്ത്തും....... എന്ന് പാടാറുണ്ട് കുസംഗം രാവണന്റേതാണ്. ബാബ പറയുന്നു ഞാന് നിങ്ങളെ അക്കരെ എത്തിക്കും. പിന്നീട് ആരാണ് നിങ്ങളെ മുക്കുന്നത്? എങ്ങനെയാണ് തമോപ്രധാനമായി മാറുന്നത്, അതും പറഞ്ഞുതരേണ്ടി വരുന്നു. മുന്നില് ശത്രുവായ മായയുണ്ട്. ശിവബാബ മിത്രമാണ്. ബാബയെ പതിമാരുടേയും പതി എന്നാണ് പറയുന്നത്. ഈ മഹിമ രാവന്റേതൊന്നുമല്ല. കേവലം രാവണന് എന്ന് മാത്രമേ പറയൂ, മറ്റൊന്നുമില്ല. രാവണനെ എന്തുകൊണ്ടാണ് കത്തിക്കുന്നത്? അവിടെയും നിങ്ങള്ക്ക് വളരെ അധികം സേവനം ചെയ്യാന് സാധിക്കും. ഒരു മനുഷ്യനും അറിയില്ല രാവണന് ആരാണ്? എപ്പോള് വരുന്നു, എന്തുകൊണ്ടാണ് കത്തിക്കുന്നത്? അന്ധവിശ്വാസമല്ലേ. നിങ്ങള് കുട്ടികളില് പറഞ്ഞുകൊടുക്കുന്നതിനുള്ള അഥോരിറ്റിയുണ്ട്. എങ്ങനെയാണോ അവര് അഥോരിറ്റിയോടെ ശാസ്ത്രങ്ങള് കേള്പ്പിക്കുന്നത്. കേള്ക്കുന്നവര് പോലും വളരെ സന്തോഷിക്കും. പൈസ കൊടുത്തുകൊണ്ടിരിക്കും. സംസ്കൃതം പഠിപ്പിക്കൂ, ഗീത പഠിപ്പിക്കൂ. ഇതിനായും വളരെ അധികം പൈസ കൊടുക്കുന്നു. ബാബ മനസ്സിലാക്കിത്തരുന്നു മക്കളേ നിങ്ങള് എത്ര സമയം എത്ര ധനം വ്യര്ത്ഥമാക്കി വന്നു.

ആരാണോ ഈ ബ്രാഹ്മണ കുലത്തിലേത് അവര് നിങ്ങളുടെ അടുത്തേയ്ക്ക് വന്നുകൊണ്ടിരിക്കും അതിനാല് നിങ്ങള് പ്രദര്ശിനികള് നടത്തിക്കൊണ്ടേയിരിക്കൂ. ഇവിടുത്തെ പുഷ്പമാണെങ്കില് തീര്ച്ചയായും വരും. ഈ വൃക്ഷം വളര്ന്നുകൊണ്ടിരിക്കും. ബാബ ബീജം വിതച്ചു ഒരു ബ്രഹ്മാവ് പിന്നീട് ബ്രാഹ്മണ കുലം ഉണ്ടാകുന്നു. ഒരാളില് നിന്നും വര്ദ്ധിച്ചുവന്നു. ആദ്യം വീട്ടിലുള്ളവര് പിന്നെ മിത്രസംബന്ധികള് ശേഷം അടുത്തവീട്ടിലുള്ളവര് എന്നിങ്ങനെ വരാന് തുടങ്ങി. പിന്നീട് കേട്ട് കേട്ട് എത്രപേര് വന്നു. ഇതും സത്സംഗമാണ് എന്ന് മനസ്സിലാക്കി. പക്ഷേ ഇതില് പവിത്രതയുടെ പരിശ്രമമുണ്ട്, അതിനാലാണ് പ്രശ്നങ്ങള് ഉണ്ടായത്. ഇപ്പോഴും ഉണ്ടായിക്കൊണ്ടിരിക്കുന്നു അതിനാലാണ് ഗ്ലാനി പറയുന്നത്. പറയുന്നു ഓടിച്ചുകൊണ്ടുപോയി, പട്ടറാണിയാക്കി മാറ്റി. പട്ടറാണിയാവുന്നത് സ്വര്ഗ്ഗത്തിലല്ലേ. തീര്ച്ചയായും ഇവിടെ പവിത്രമായിട്ടുണ്ടാകും. നിങ്ങള് എല്ലാവരേയും കേള്പ്പിക്കുന്നു- ഇത് മഹാരാജാവും മഹാറാണിയുമാവുന്നതിനുള്ള ജ്ഞാനമാണ്. നരനില് നിന്നും നാരായണനായി മാറുന്നതിനുള്ള സത്യം സത്യമായ കഥ നിങ്ങള് സത്യമായ ഭഗവാനില് നിന്നും കേള്ക്കുകയാണ്. ഈ ലക്ഷ്മീ നാരായണന്മാരെ ആര്ക്കും ഭഗവാന് ഭഗവതി എന്നു പറയാന് കഴിയില്ല. പക്ഷേ പൂജാരിമാര് കൃഷ്ണന്റെ ചിത്രത്തെ എത്ര അംഗീകരിക്കുന്നുണ്ടോ അത്ര ലക്ഷ്മീ നാരായണന്മാരെ അംഗീകരിക്കുന്നില്ല. കൃഷ്ണന്റെ ചിത്രം ഒരുപാട് വാങ്ങിക്കാറുണ്ട്. കൃഷ്ണന് എന്തുകൊണ്ടാണ് ഇത്രയും അംഗീകാരം? എന്തുകൊണ്ടെന്നാല് ചെറിയ കുട്ടിയല്ലേ. മഹാത്മാക്കളേക്കാള് ശ്രേഷ്ഠമായാണ് കുഞ്ഞുങ്ങളെ കാണുന്നത് എന്തുകൊണ്ടെന്നാല് മഹാത്മാക്കള് കുടുംബം ആയ ശേഷം അതിനെ ഉപേക്ഷിച്ച് വരുന്നവരാണല്ലോ. ചിലര് ബാലബ്രഹ്മചാരികളുമായിരിക്കും. പക്ഷേ അവര്ക്ക് കാമം- ക്രോധം എന്നാല് എന്താണെന്ന് അറിയാം. ചെറിയ കുട്ടികള്ക്ക് ഇത് അറിയില്ല അതിനാല് മഹാത്മാക്കളേക്കാള് ശ്രേഷ്ഠമാണ് എന്ന് പറയുന്നു അതിനാലാണ് കൃഷ്ണന് കൂടുതല് അംഗീകാരമുള്ളത്. കൃഷ്ണനെക്കണ്ട് വളരെ അധികം സന്തുഷ്ടരാകുന്നു. ഭാരതത്തിന്റെ പ്രഭു കൃഷ്ണനാണ്. പെണ്കുട്ടികളും കൃഷ്ണനെ വളരെ അധികം സ്നേഹിക്കുന്നു. ഇവരെപ്പോലുള്ള പതിയെ ലഭിക്കണം, ഇവരെപ്പോലുള്ള കുഞ്ഞിനെ ലഭിക്കണം. കൃഷ്ണനില് വളരെ അധികം ആകര്ഷണമുണ്ട്. സതോപ്രധാനമല്ലേ. ബാബ പറഞ്ഞുകൊണ്ടിരിക്കുന്നു എത്രത്തോളം ഓര്മ്മയില് ഇരിക്കുന്നുവോ അത്രയും തമോപ്രധാനത്തില് നിന്നും തമോ, രജോയിലേയ്ക്ക് വന്നുകൊണ്ടിരിക്കും സന്തോഷവും ഉണ്ടാകും. ആദ്യം നിങ്ങള് സതോപ്രധാനമായിരുന്നപ്പോള് വളരെ അധികം സന്തോഷത്തിലായിരുന്നു പിന്നീട് കലകള് കുറയാന് തുടങ്ങി. നിങ്ങള് എത്ര ഓര്മ്മിക്കുന്നോ അത്രയും സുഖം അനുഭവമാകും മാത്രമല്ല നിങ്ങള് ട്രാന്സ്ഫറാകും. തമോയില് നിന്നും രജോ സതോയിലേയ്ക്ക് വന്നുകൊണ്ടിരിക്കും എങ്കില് ശക്തി, സന്തോഷം, ധാരണ എല്ലാം വര്ദ്ധിച്ചുകൊണ്ടിരിക്കും. ഈ സമയത്ത് നിങ്ങളുടെ ഉയരുന്ന കലയാണ്. സിക്കുകാരും പറയാറുണ്ട് അങ്ങയിലൂടെ എല്ലാവരുടേയും മംഗളം സംഭവിക്കുന്നു. നിങ്ങള്ക്ക് അറിയാം ഇപ്പോള് നിങ്ങളുടെ ഉയരുന്ന കലയുണ്ടാകുന്നത് ഓര്മ്മയിലൂടെയാണ്. എത്രത്തോളം ഓര്മ്മിക്കുന്നുവോ അത്രയും ശ്രേഷ്ഠമായ ഉയര്ന്ന കലയുണ്ടാകും. സമ്പൂര്ണ്ണമായി മാറേണ്ടേ. ചന്ദ്രന്റേയും രേഖ മാത്രം ഉണ്ടാകും പിന്നീട് വലുതായി വലുതായി സമ്പൂര്ണ്ണമായി മാറും. നിങ്ങളുടേതും അതുപോലെയാണ്. ചന്ദ്രനേയും ഗ്രഹണം ബാധിക്കുന്നു അപ്പോള് പറയുന്നു ദാനം നല്കൂ എങ്കില് ഗ്രഹണം മാറും. നിങ്ങള്ക്ക് പെട്ടെന്ന് 5 വികാരങ്ങളെ ദാനം ചെയ്യാന് സാധിക്കില്ല. കണ്ണുപോലും എത്ര ചതിക്കുന്നു. എന്റെ ദൃഷ്ടി മോശമാകുന്നുണ്ട് എന്ന് മനസ്സിലാക്കുന്നില്ല. നമ്മള് എപ്പോള് ബ്രഹ്മാകുമാരീ കുമാരന്മാരായി മാറിയോ അപ്പോള് നമ്മള് സഹോദരീ സഹോദരന്മാരായി മാറി. എന്നിട്ടും ഇവരുടെ മേല് കൈ വെയ്ക്കണം എന്ന ആഗ്രഹം വരുകയാണെങ്കില് അത് സഹോദര സ്നേഹമല്ല അത് സ്ത്രീയോടുള്ള ക്രിമിനല് സ്നേഹമാണ്. ചിലരുടെ മനസ്സ് കാര്ന്നുകൊണ്ടിരിക്കും ഞാന് ബാബയുടേതായി മാറി അതിനാല് എനിക്ക് ഒരു മോശമായ ദൃഷ്ടിയാലും കൈ വെയ്ക്കാന് സാധിക്കില്ല. പിന്നീട് പറയും ബാബാ ഇവര് എന്നോട് മോശമായി പെരുമാറുന്നു അത് എനിക്ക് ഇഷ്ടമാകുന്നില്ല. ബാബ പിന്നീട് മുരളി കേള്പ്പിക്കും- ഇതിലൂടെ നിങ്ങളുടെ അവസ്ഥ ശരിയായിരിക്കില്ല. തീര്ച്ചയായും മുരളി വളരെ നന്നായി കേള്പ്പിക്കും, ഒരുപാടുപേര്ക്ക് മനസ്സിലാക്കിക്കൊടുക്കും എന്നാലും അവസ്ഥ നല്ലതായിരിക്കില്ല. മോശമായ ദൃഷ്ടിയുണ്ടാകും. അത്രയും മോശമായ ലോകമാണ്. കുട്ടികള് മനസ്സിലാക്കുന്നുണ്ട് ലക്ഷ്യം അത്രയും വലുതാണ്. വിവേകശാലിയായി ബാബയുടെ ഓര്മ്മയില് ഇരിക്കണം. നമ്മള് ബ്രഹ്മാകുമാരീ കുമാരന്മാരാണ്. നമ്മുടെ ആത്മീയ സംബന്ധമാണ്, രക്തബന്ധമല്ല. തീര്ച്ചയായും രക്തത്തിലൂടെയാണ് എല്ലാവരും ജനിക്കുന്നത്, സത്യയുഗത്തിലും രക്തബന്ധം ഉണ്ടാകും എന്നാല് ആ ശരീരം യോഗബലത്തിലൂടെയാണ് ലഭിക്കുന്നത്. വികാരമില്ലാതെ എങ്ങനെ കുഞ്ഞ് ജനിക്കും എന്ന് ചോദിക്കും! ബാബ പറയുന്നു അത് നിര്വ്വികാരീ ലോകമാണ്, അവിടെ വികാരം ഉണ്ടാവുകയില്ല. അവിടെയും അഥവാ നഗ്നമാവുകയാണെങ്കില് അതും രാവണ രാജ്യമാകും. പിന്നീട് ഇവിടവും അവിടവും തമ്മില് വ്യത്യാസം എന്തുണ്ടാവും! ഇത് മനസ്സിലാക്കേണ്ട കാര്യമാണ്. മോശമായ ദൃഷ്ടി ഇല്ലാതാകുന്നതില് പരിശ്രമമുണ്ട്. കോളേജില് ആണ്കുട്ടികളും പെണ്കുട്ടികളും ഒരുമിച്ച് പഠിക്കുമ്പോള് ദൃഷ്ടി വളരെ മോശമാകുന്നു. കുട്ടികള്ക്ക് മനസ്സിലാക്കിക്കൊടുക്കണം നമ്മള് ഗോഡ് ഫാദറിന്റെ സന്താനങ്ങളാണ് അതിനാല് നമ്മള് പരസ്പരം സഹോദരീ സഹോദരന്മാരാണ്. എന്നിട്ടും എന്തിനാണ് മോശമായ ദൃഷ്ടി വെയ്ക്കുന്നത്. നമ്മള് ഈശ്വരന്റെ സന്താനങ്ങളാണ് എന്ന് എല്ലാവരും പറയുന്നുണ്ട്. ആത്മാക്കള് നിരാകാരീ സന്താനങ്ങളാണ്. പിന്നീട് ബാബ രചിക്കുകയാണെങ്കില് തീര്ച്ചയായും സാകാരിയായ ബ്രാഹ്മണരെയാവും രചിക്കുക. പ്രജാപിതാ ബ്രഹ്മാവ് സാകാരത്തിലായിരിക്കുമല്ലോ. അത് അഡോപ്ഷനാണ്. ദത്തെടുത്ത കുട്ടിയാണ്. പ്രജാപിതാ ബ്രഹ്മാവിലൂടെ എങ്ങനെയാണ് സൃഷ്ടി രചിക്കുന്നത് എന്നത് മനുഷ്യരുടെ ബുദ്ധിയില് ഒട്ടും വരുന്നില്ല.

നിങ്ങള് പ്രജാപിതാ ബ്രഹ്മാവിന്റെ കുട്ടികള് ബ്രഹ്മാകുമാരന് കുമാരിമാര് സഹോദരീ സഹോദരങ്ങളാണ്. മോശമായ ദൃഷ്ടിയില് വളരെ ശ്രദ്ധവേണം. ഇതിലൂടെ വളരെ അധികം പേര്ക്ക് ബുദ്ധിമുട്ടുണ്ടാവുന്നു. ഉയര്ന്നതിലും ഉയര്ന്ന പദവി നേടണമെങ്കില് പരിശ്രമിക്കണം. ബാബ പറയുന്നു പവിത്രമായി മാറൂ. ബാബ പറയുന്നത് ചിലര് അനുസരിക്കുന്നു, ചിലര് അനുസരിക്കുന്നില്ല. വളരെ പരിശ്രമമുണ്ട്. പരിശ്രമിക്കാതെ എങ്ങനെ ഉയര്ന്ന പദവി നേടും? കുട്ടികള് വളരെ ശ്രദ്ധയോടെയിരിക്കണം. സഹോദരീ സഹോദരന് എന്നതിന്റെ അര്ത്ഥം തന്നെ ഒരച്ഛന്റെ കുട്ടികള് എന്നതാണ് പിന്നീട് എന്തിന് മോശമായ ദൃഷ്ടിയുണ്ടാകണം. കുട്ടികള് മനസ്സിലാക്കുന്നുണ്ട് ബാബ പറയുന്നത് ശരിയാണ് - എന്റെ മോശമായ ദൃഷ്ടി പോകുന്നുണ്ട്. സ്ത്രീകളുടേതും പോകുന്നുണ്ട്, പുരുഷന്മാരുടേതും പോകുന്നുണ്ട്. ലക്ഷ്യമുണ്ടല്ലോ. ജ്ഞാനം വളരെ അധികം കേള്പ്പിക്കുന്നുണ്ട് എന്നാല് പെരുമാറ്റവും പവിത്രമാകണം അതിനാലാണ് ബാബ പറയുന്നത് ഏറ്റവും അധികം ചതിക്കുന്നത് കണ്ണുകളാണ്. നാവും മ്യാവു മ്യാവു എന്ന് പറയുന്നത് കണ്ണ് ഒരു വസ്തു കാണുമ്പോഴാണ് അപ്പോഴാണ് അത് കഴിക്കണം എന്ന ആഗ്രഹമുണ്ടാകുന്നത് അതിനാല് കര്മ്മേന്ദ്രിയങ്ങളുടെ മേല് വിജയം നേടണം. ശരി!

വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ കുട്ടികള്ക്ക് മാതാവും പിതാവുമായ ബാപ്ദാദയുടെ സ്നേഹ സ്മരണകളും സുപ്രഭാതവും. ആത്മീയ അച്ഛന്റെ ആത്മീയ കുട്ടികള്ക്ക് നമസ്ക്കാരം.

ധാരണയ്ക്കുള്ള മുഖ്യ സാരം:-
1) പവിത്രമായ പെരുമാറ്റത്തെ തന്റേതാക്കി മാറ്റണം. മോശമായ ദൃഷ്ടി, മോശമായ ചിന്ത ഇവ സമാപ്തമാക്കുന്നതിനായി സ്വയത്തെ ഈ കര്മ്മേന്ദ്രിയങ്ങളില് നിന്നും വേറിട്ട ആത്മാവാണെന്ന് മനസ്സിലാക്കണം.

2) പരസ്പരം ആത്മീയ സംബന്ധം വെയ്ക്കണം, രക്ത ബന്ധമല്ല. തന്റെ അമൂല്യമായ സമയവും ധനവും വ്യര്ത്ഥമാക്കരുത്. സംഗദോഷത്തില് നിന്നും സ്വയം വളരെ കരുതലോടെ ഇരിക്കണം.

വരദാനം :-
ബ്രഹ്മ-മുഹൂര്ത്ത സമയത്ത് നേടുകയും ദാനം നല്കുകയും ചെയ്യുന്ന ബാബയ്ക്ക് സമാനം വരദാനിയും, മഹാദാനിയുമായി ഭവിക്കൂ

ബ്രഹ്മ മുഹൂര്ത്ത സമയം വിശേഷിച്ചും ബ്രഹ്മലോക നിവാസിയായ ബാബ ജ്ഞാന സൂര്യന്റെ പ്രകാശത്തിന്റെയും ശക്തിയുടെയും കിരണങ്ങള് കുട്ടികള്ക്ക് വരദാന രൂപത്തില് നല്കുന്നു. ഓപ്പമൊപ്പം ബ്രഹ്മാ ബാബ ഭാഗ്യ വിധാതാവിന്റെ രൂപത്തില് ഭാഗ്യമാകുന്ന അമൃത് വിതരണം ചെയ്യുന്നു കേവലം ബുദ്ധിയാകുന്ന കലശം അമൃത് ധാരണ ചെയ്യാന് യോഗ്യമായിരിക്കണം. ഏതൊരു പ്രകാരത്തിലുമുള്ള വിഘ്നമോ തടസ്സമോ ഉണ്ടായിരിക്കരുത്, എങ്കില് മുഴുവന് ദിവസത്തേക്കും വേണ്ടി ശ്രേഷ്ഠ സ്ഥിതി അല്ലെങ്കില് കര്മ്മത്തിന്റെ മുഹൂര്ത്തം കണ്ടെത്താന് സാധിക്കും എന്തുകൊണ്ടെന്നാല്അമൃതവേളയുടെ അന്തരീക്ഷം തന്നെ വൃത്തിയെ പരിവര്ത്തനപ്പെടുത്തുന്നതാണ് അതുകൊണ്ട് ആ സമയം വരദാനം നേടി ദാനം ചെയ്യൂ അര്ത്ഥം വരദാനിയും മഹാദാനിയുമാകൂ.

സ്ലോഗന് :-
ക്രോധിയുടെ ജോലിയാണ് ക്രോധിക്കുക താങ്കളുടെ ജോലിയാണ് സ്നേഹം നല്കുക.