08.02.21          Morning Odia Murli         Om Shanti         BapDada       Madhuban


ମିଠେ ବଚ୍ଚେ:
ବର୍ତ୍ତମାନ ବିଶେଷ ଭାବରେ ଭାରତ ଉପରେ ଏବଂ ସାଧାରଣ ଭାବରେ ସାରା ଦୁନିଆ ଉପରେ ବୃହସ୍ପତିର ଦଶା ପଡିଛି, ବାବା ତୁମମାନଙ୍କ ଦ୍ୱାରା ଭାରତକୁ ସୁଖଧାମରେ ପରିଣତ କରୁଛନ୍ତି ।

ପ୍ରଶ୍ନ:-
୧୬ କଳା ସମ୍ପୂର୍ଣ୍ଣ ହେବା ପାଇଁ ତୁମେ ପିଲାମାନେ କେଉଁ ପୁରୁଷାର୍ଥ କରୁଛ?

ଉତ୍ତର:-
ଯୋଗବଳ ଜମା କରିବାର ପୁରୁଷାର୍ଥ । ଯୋଗବଳ ଦ୍ୱାରା ତୁମେମାନେ ୧୬ କଳା ସମ୍ପୂର୍ଣ୍ଣ ହେଉଛ । ସେଥିପାଇଁ ବାବା କହୁଛନ୍ତି ଦେ ଦାନ ତୋ ଛୁଟେ ଗ୍ରହଣ ଅର୍ଥାତ୍ ବିକାର ଗୁଡିକୁ ଦାନ କରିଦେଲେ ଗ୍ରହଣରୁ ମୁକ୍ତ ହୋଇଯିବ । କାମ ବିକାର ଯାହାକି ତୁମକୁ ତଳକୁ ଖସାଇ ଦେଇଛି ତାକୁ ଦାନ କରିଦିଅ ତେବେ ୧୬ କଳା ସମ୍ପୂର୍ଣ୍ଣ ହୋଇଯିବ । (୨) ଦେହ-ଅଭିମାନକୁ ଛାଡି ଦେହୀ-ଅଭିମାନୀ ହୁଅ ଏବଂ ଶରୀରର ଅଭିମାନକୁ ତ୍ୟାଗ କର ।

ଗୀତ:-
ତୁମ ମାତା ପିତା .....

ଓମ୍ ଶାନ୍ତି ।
ମିଠା ମିଠା ଆତ୍ମିକ ପିଲାମାନେ ଆତ୍ମିକ ପିତାଙ୍କର ମହିମା ଶୁଣୁଛନ୍ତି । ଭକ୍ତିମାର୍ଗରେ ଭକ୍ତମାନେ କେବଳ ଗାୟନ କରୁଛନ୍ତି କିନ୍ତୁ ବାସ୍ତବରେ ତୁମେମାନେ ବାବାଙ୍କ ଠାରୁ ବର୍ସା ନେଉଛ । ତୁମେମାନେ ଜାଣିଛ - ବାବା ଆମ ଦ୍ୱାରା ହିଁ ଭାରତକୁ ସୁଖଧାମରେ ପରିଣତ କରୁଛନ୍ତି ଏବଂ ଯେଉଁମାନଙ୍କ ଦ୍ୱାରା କରୁଛନ୍ତି ନିଶ୍ଚିତ ଭାବରେ ସେହିମାନେ ହିଁ ସୁଖଧାମର ମାଲିକ ହେବେ । ତେଣୁ ତୁମମାନଙ୍କୁ ତ ବହୁତ ଖୁସି ହେବା ଦରକାର । ବାବାଙ୍କର ମହିମା ତ ଅପରମଅପାର । ଏବେ ତାଙ୍କଠାରୁ ସମ୍ପତ୍ତି ପାଉଛୁ । ବର୍ତ୍ତମାନ ପିଲାମାନଙ୍କ ଉପରେ ତଥା ସାରା ଦୁନିଆ ଉପରେ ବୃହସ୍ପତିର ଅବିନାଶୀ ଦଶା ପଡିଛି । ତୁମେ ବ୍ରାହ୍ମଣମାନେ ହିଁ ଜାଣିଛ ଯେ ବିଶେଷ ଭାବରେ ଭାରତରେ ଏବଂ ସାଧାରଣ ଭାବରେ ସମସ୍ତଙ୍କ ଉପରେ ବୃହସ୍ପତିର ଦଶା ପଡିବାକୁ ଯାଉଛି କାରଣ ବର୍ତ୍ତମାନ ତୁମେମାନେ ୧୬ କଳା ସମ୍ପୂର୍ଣ୍ଣ ହେବାକୁ ଯାଉଛ । ବର୍ତ୍ତମାନ ତ ତୁମମାନଙ୍କ ଭିତରେ କୌଣସି କଳା ନାହିଁ । ତେଣୁ ତୁମେ ପିଲାମାନେ ବହୁତ ଖୁସି ହେବା ଦରକାର । ଏମିତି ନୁହେଁ କି ଏଠାରେ ଖୁସିରେ ରହିବ, ଆଉ ବାହାରକୁ ଗଲେ ଖୁସି ହଜି ଯିବ । ସାରା ଦୁନିଆ ଯାହାଙ୍କର ମହିମା ଗାଉଛନ୍ତି ସେ ତୁମ ପାଖରେ ଅଛନ୍ତି । ବାବା ବୁଝାଉଛନ୍ତି - ୫ ହଜାର ବର୍ଷ ପୂର୍ବରୁ ମଧ୍ୟ ତୁମମାନଙ୍କୁ ରାଜ୍ୟ ଦେଇ ଯାଇଥିଲି । ଏବେ ତୁମେମାନେ ଦେଖିବ - ଧିରେ ଧିରେ ସମସ୍ତେ ଡାକିବେ । ତୁମମାନଙ୍କର ସ୍ଲୋଗାନ ମଧ୍ୟ ଚାରିଆଡେ ବିଖ୍ୟାତ ହୋଇଯିବ । ଯେପରି ଇନ୍ଦିରା ଗାନ୍ଧୀ କହୁଥିଲେ ଯେ ଏକ ଧର୍ମ, ଏକ ଭାଷା, ଏକ ରାଜ୍ୟ ହେଉ, ତାଙ୍କ ଭିତରେ ତ ଆତ୍ମା କହୁଛି ନା । ଆତ୍ମା ଜାଣିଛି ବାସ୍ତବରେ ଭାରତରେ ଗୋଟିଏ ରାଜଧାନୀ ଥିଲା, ଯାହାକି ପୁଣି ସମ୍ମୁଖରେ ଉପସ୍ଥିତ ହୋଇଛି । ଏବେ ବୁଝିପାରୁଛ ଯେ, କେତେବେଳେ ଏସବୁ ସମାପ୍ତ ହୋଇଯିବ, ଏହା କିଛି ନୂଆ କଥା ନୁହେଁ । ଭାରତକୁ ପୁଣି ୧୬ କଳା ସମ୍ପୂର୍ଣ୍ଣ ନିଶ୍ଚିତ ହେବାକୁ ପଡିବ । ତୁମେ ଜାଣିଛ ଆମେ ଏହି ଯୋଗବଳ ଦ୍ୱାରା ୧୬ କଳା ସମ୍ପୂର୍ଣ୍ଣ ହେବାକୁ ଯାଉଛୁ । ଏଭଳି କହିଥାନ୍ତି ନା - ଦେ ଦାନ ତୋ ଛୁଟେ ଗ୍ରହଣ ଅର୍ଥାତ୍ ଦାନ ଦେଲେ ଗ୍ରହଣ ଛାଡିଯିବ । ବାବା କହୁଛନ୍ତି ଏବେ ବିକାର ରୂପି, ଅବଗୁଣକୁ ଦାନ ଦେଇ ଦିଅ । ଏହା ହେଉଛି ରାବଣ ରାଜ୍ୟ । ବାବା ଆସି ଏଥିରୁ ମୁକ୍ତ କରୁଛନ୍ତି । କାମ ବିକାର ବହୁତ ବଡ ଅବଗୁଣ, ତୁମେମାନେ ଏବେ ଦେହ-ଅଭିମାନୀ ହୋଇଯାଇଛ । ଏବେ ତୁମମାନଙ୍କୁ ପୁଣି ଦେହୀ-ଅଭିମାନୀ ହେବାକୁ ପଡିବ । ଶରୀରର ଅଭିମାନକୁ ଛାଡିବାକୁ ପଡିବ । ଏହି କଥାକୁ କେବଳ ପିଲାମାନେ ହିଁ ଜାଣିଛନ୍ତି, ଦୁନିଆ ଜାଣିନାହିଁ । ଭାରତ ଯିଏକି ୧୬ କଳା ସମ୍ପୂର୍ଣ୍ଣ ଥିଲା ଦେବତାମାନଙ୍କର ରାଜ୍ୟ ଥିଲା, ସେହି ରାଜ୍ୟକୁ ଏବେ ଗ୍ରହଣ ଲାଗିଛି । ଏଠାରେ ଲକ୍ଷ୍ମୀ-ନାରାୟଣଙ୍କର ରାଜଧାନୀ ଥିଲା, ଭାରତ ସ୍ୱର୍ଗ ଥିଲା, ଯାହାକୁ ବର୍ତ୍ତମାନ ବିକାରର ଗ୍ରହଣ ଲାଗିଛି ତେଣୁ ବାବା କହୁଛନ୍ତି ଦେ ଦାନ ତୋ ଛୁଟେ ଗ୍ରହଣ । ଏହି କାମ ବିକାର ସମସ୍ତଙ୍କୁ ତଳକୁ ଖସାଇ ଦିଏ ତେଣୁ ବାବା କହୁଛନ୍ତି ଏହି ବିକାରର ଦାନ ଦେଲେ ତୁମେ ୧୬ କଳା ସଂପୂର୍ଣ୍ଣ ହୋଇଯିବ, ଯଦି ଏହାକୁ ଦାନ ନ ଦେବ ତେବେ ୧୬ କଳା ସମ୍ପୂର୍ଣ୍ଣ ହୋଇପାରିବ ନାହିଁ । ଏହି ଡ୍ରାମାରେ ଆତ୍ମାମାନଙ୍କୁ ନିଜ-ନିଜର ପାର୍ଟ ମିଳିଛି । ଏକଥା ମଧ୍ୟ ତୁମମାନଙ୍କ ବୁଦ୍ଧିରେ ଅଛି ଯେ, ତୁମ ଆତ୍ମାରେ କେତେ ପାର୍ଟ ରହିଛି । ତୁମେମାନେ ବିଶ୍ୱର ରାଜ୍ୟ-ଭାଗ୍ୟ ନେଉଛ । ଏହି ଡ୍ରାମା ଅବିନାଶୀ, ଯେଉଁ ଡ୍ରାମାରେ ବହୁତ ଅଭିନେତା ଏବଂ ଅଭିନେତ୍ରୀ ଅଛନ୍ତି । ଏଥିରେ ଫାଷ୍ଟକ୍ଲାସ ଅଭିନେତା ହେଉଛନ୍ତି ଲକ୍ଷ୍ମୀ-ନାରାୟଣ । ଡ୍ରାମାରେ ଏମାନଙ୍କର ନମ୍ବରୱାନ ପାର୍ଟ ରହିଛି । ବିଷ୍ଣୁ ହିଁ ବ୍ରହ୍ମା-ସରସ୍ୱତୀ ପୁଣି ବ୍ରହ୍ମା-ସରସ୍ୱତୀ ହିଁ ବିଷ୍ଣୁ ହେଉଛନ୍ତି । ଏମାନେ ୮୪ ଜନ୍ମ କିପରି ନେଉଛନ୍ତି, ସାରା ଚକ୍ର ବୁଦ୍ଧିରେ ଆସିଯାଉଛି । ଶାସ୍ତ୍ର ପଢିଲେ ଏସବୁ କଥା କେହି କହିପାରିବେ ? ସେମାନେ ତ କଳ୍ପର ଆୟୁଷକୁ ହିଁ ଲକ୍ଷ ଲକ୍ଷ ବର୍ଷ ବୋଲି କହି ଦେଉଛନ୍ତି । ତାହା ହେଲେ ତ ସ୍ୱସ୍ତିକା ମଧ୍ୟ ତିଆରି ହୋଇପାରିବ ନାହିଁ । ବ୍ୟାପାରୀମାନେ ତ ନିଜର ହିସାବ ଖାତା ଉପରେ ସ୍ୱସ୍ତିକ ଚିହ୍ନ ତିଆରି କରିଥାନ୍ତି । ଗଣେଷଙ୍କର ମଧ୍ୟ ପୂଜା କରନ୍ତି । ଏହା ହେଉଛି ବେହଦର ହିସାବ ଖାତା । ସ୍ୱସ୍ତିକାରେ ୪ ଭାଗ ହୋଇଥାଏ । ଯେପରି ଜଗନ୍ନାଥ ପୁରୀରେ ଚାଉଳ ହଣ୍ଡା ରଖିଥାନ୍ତି, ତାହା ଯେତେବେଳେ ସମ୍ପୂର୍ଣ୍ଣ ପ୍ରସ୍ତୁତ ହୋଇଯାଏ, ୪ ଭାଗ ହୋଇଯାଏ । ସେଠାରେ ଚାଉଳର ହିଁ ଭୋଗ ଲାଗିଥାଏ କାରଣ ସେମାନେ ଅନ୍ନ ବହୁତ ଖାଆନ୍ତି । ଶ୍ରୀନାଥ ଦ୍ୱାରରେ ଅନ୍ନ ହୁଏ ନାହିଁ । ସେଠାରେ ତ ଖାଣ୍ଟି ଘିଅରେ ଭୋଗ ତିଆରି ହୁଏ । ସେମାନେ ଭୋଜନ ମଧ୍ୟ ବହୁତ ସ୍ୱଚ୍ଛତାର ସହିତ ପ୍ରସ୍ତୁତ କରନ୍ତି, ମୁହଁ ବନ୍ଦ କରି ତିଆରି କରନ୍ତି । ପ୍ରସାଦ ବହୁତ ଇଜ୍ଜତର ସହିତ ନେଇ, ଭୋଗ ଲଗାଇଥାନ୍ତି ତା ପରେ ପୁଣି ପଣ୍ଡାମାନଙ୍କୁ ମିଳିଥାଏ । ଯାହାକୁ ଦୋକାନରେ ରଖନ୍ତି । ସେଠାରେ ବହୁତ ଭିଡ ହୁଏ । ଏସବୁ ବ୍ରହ୍ମାବାବା ଦେଖିଛନ୍ତି । ଏବେ ତୁମମାନଙ୍କୁ କିଏ ପାଠ ପଢାଉଛନ୍ତି? ଅତି ସ୍ନେହୀ ବାବା ଆସି ତୁମମାନଙ୍କର ସେବାଧାରୀ ହୋଇଛନ୍ତି । ତୁମମାନଙ୍କର ସେବା କରୁଛନ୍ତି, ତେବେ ତୁମମାନଙ୍କୁ ସେତିକି ନିଶା ରହୁଛି? ଆମ ଆତ୍ମାମାନଙ୍କୁ ବାବା ପାଠ ପଢାଉଛନ୍ତି । ଆତ୍ମା ହିଁ ସବୁ କିଛି କରିଥାଏ ନା । କିନ୍ତୁ ମନୁଷ୍ୟମାନେ କହୁଛନ୍ତି ଆତ୍ମା ନିର୍ଲେପ । ତୁମେମାନେ ଜାଣିଛ ଆତ୍ମାରେ ୮୪ ଜନ୍ମର ଅବିନାଶୀ ପାର୍ଟ ଭରି ହୋଇ ରହିଛି, ତାକୁ ନିର୍ଲେପ କହିବା ଅର୍ଥାତ୍ କର୍ମର ପ୍ରଭାବରୁ ମୁକ୍ତ ମୁଁ କହିବା ଯେମିତିକି ରାତି ଦିନରେ ଫରକ ହୋଇଯାଉଛି । ଏଠାରେ କେହି ଯଦି ଭଲ ରୂପେ ମାସେ-ଦେଢ ମାସ ଆସି ବୁଝିବେ ତେବେ ଯାଇ ଏସବୁ ପଏଣ୍ଟସ୍ ବୁଦ୍ଧିରେ ରହିବ । ଦିନ-ପ୍ରତିଦିନ ପଏଣ୍ଟସ୍ ବହୁତ ବାହାରୁଛି । କସ୍ତୁରୀ ସଦୃଶ ଅଟେ । ଯେତେବେଳେ ପିଲାମାନଙ୍କର ପୁରା ନିଶ୍ଚୟ ହୋଇଯାଉଛି ସେତେବେଳେ ବୁଝିପାରୁଛନ୍ତି ଯେ, ବାସ୍ତବରେ ପରମପିତା ପରମାତ୍ମା ଆସି ଦୁର୍ଗତିରୁ ସଦ୍‌ଗତି କରୁଛନ୍ତି ।

ବାବା କହୁଛନ୍ତି ଏବେ ତୁମମାନଙ୍କ ଉପରେ ବୃହସ୍ପତିର ଦଶା ପଡିଛି । ମୁଁ ତୁମକୁ ସ୍ୱର୍ଗର ମାଲିକ କରୁଛି ପୁଣି ରାବଣ ତୁମ ଉପରେ ରାହୁର ଦଶା ବସାଇ ଦେଇଛି । ବର୍ତ୍ତମାନ ବାବା ଆସି ସ୍ୱର୍ଗର ମାଲିକ କରୁଛନ୍ତି । ତେଣୁ ନିଜକୁ ଘାଟାରେ ପକାଇବା ଅନୁଚିତ୍ । ବ୍ୟାପାରୀମାନେ ନିଜର ଖାତା ସର୍ବଦା ଠିକ୍ ରଖନ୍ତି । ଯେଉଁମାନେ ବ୍ୟାପାରରେ ଘାଟା କରନ୍ତି ସେମାନଙ୍କୁ ଅନାଡି ଅର୍ଥାତ୍ ବୋକା ବୋଲି କୁହାଯାଏ । ଏହା ତ ସବୁଠାରୁ ବଡ ବ୍ୟାପାର ଅଟେ । ତେଣୁ ଏହି ବ୍ୟାପାର କୋଟିକରେ କେହି ଜଣେ ଜଣେ ହିଁ କରନ୍ତି । ଏହା ଅବିନାଶୀ ବ୍ୟାପାର, ଆଉ ସବୁ ବ୍ୟାପାର ମାଟିରେ ମିଶିଯିବ । ଏବେ ତୁମର ସତ୍ୟ ବ୍ୟାପାର ହେଉଛି । ବାବା ଜ୍ଞାନର ସାଗର, ସୌଦାଗର, ରତ୍ନାଗର ଅଟନ୍ତି । ପ୍ରଦର୍ଶନୀରେ ତ ବହୁତ ଆସନ୍ତି । ସେଣ୍ଟରକୁ ବହୁତ ମୁସ୍କିଲରେ କେହି କେହି ଆସନ୍ତି । ଭାରତ ବହୁତ-ଲମ୍ବା ଚଉଡା ଅଟେ ନା । ସବୁ ସ୍ଥାନକୁ ତୁମକୁ ଯିବାକୁ ହେବ । ପାଣିର ଗଙ୍ଗା ତ ସାରା ଭାରତରେ ରହିଛି । ଏକଥା ମଧ୍ୟ ତୁମକୁ ବୁଝାଇବାକୁ ହେବ । ପତିତ-ପାବନ କୌଣସି ପାଣିର ଗଙ୍ଗା ନୁହେଁ । ତୁମ ଜ୍ଞାନ ଗଙ୍ଗାମାନଙ୍କୁ ସମସ୍ତଙ୍କ ପାଖକୁ ଯିବାକୁ ହେବ । ଚତୁର୍ଦ୍ଦିଗରେ ମେଳା ପ୍ରଦର୍ଶନୀ ଲାଗୁ ଥିବ, ଦିନକୁ ଦିନ ଚିତ୍ର ତିଆରି ହୋଇ ଚାଲିବ । ଏଭଳି ଶୋଭାବାନ ଚିତ୍ର ତିଆରି ହେବ ଯାହାକୁ ଦେଖିଲେ ମଜା ଆସିଯିବ ସେମାନେ କହିବେ ଏମାନେ ତ ଠିକ ବୁଝାଉଛନ୍ତି । ଏବେ ଲକ୍ଷ୍ମୀ ନାରାୟଣଙ୍କର ରାଜଧାନୀ ସ୍ଥାପନ ହେଉଛି । ସିଢିର ଚିତ୍ର ମଧ୍ୟ ଫାଷ୍ଟକ୍ଲାସ ଅଟେ । ଏବେ ବ୍ରାହ୍ମଣ ଧର୍ମର ସ୍ଥାପନା ହେଉଛି । ଯେଉଁ ବ୍ରାହ୍ମଣମାନେ ପୁଣି ଦେବତା ହେଉଛନ୍ତି । ଏବେ ତୁମେମାନେ ପୁରୁଷାର୍ଥ କରୁଛ ତେଣୁ ନିଜକୁ ପଚାର ଯେ, ଆମ ଭିତରେ କୌଣସି ଛୋଟ କିମ୍ବା ବଡ କଣ୍ଟା ନାହିଁ ତ ? କାମ ବିକାରର କଣ୍ଟା ନାହିଁ ତ? କ୍ରୋଧର ଛୋଟ କଣ୍ଟା ମଧ୍ୟ ବହୁତ ଖରାପ ଅଟେ । ଦେବତାମାନେ କ୍ରୋଧୀ ନୁହଁନ୍ତି । ଶାସ୍ତ୍ରରେ ବର୍ଣ୍ଣିତ ଅଛି - ଶଙ୍କରଙ୍କର ଆଖି ଖୋଲିଲେ ବିନାଶ ହୋଇଯିବ । ଏହା ମଧ୍ୟ ଏକ କଳଙ୍କ ଲଗାଇଛନ୍ତି । ବିନାଶ ତ ନିଶ୍ଚିତ ହେବ । ସୂକ୍ଷ୍ମଲୋକରେ କଣ ଶଙ୍କରଙ୍କର ବେକରେ ସାପ ଆଦି ଥାଏ । ସୂକ୍ଷ୍ମଲୋକ କିମ୍ବା ବ୍ରହ୍ମଲୋକରେ ସର୍ପ ଆଦି କିଛି ନଥାଏ । ଏହିଠାରେ ହିଁ ସବୁ କିଛି ରହିଛି । ସ୍ୱର୍ଗ ମଧ୍ୟ ଏହିଠାରେ ହିଁ ହେବ । ବର୍ତ୍ତମାନ ସମସ୍ତ ମନୁଷ୍ୟ କଣ୍ଟା ସଦୃଶ ହୋଇଯାଇଛନ୍ତି ଅର୍ଥାତ୍ ଜଣେ ଅନ୍ୟ ଜଣଙ୍କୁ ଦୁଃଖ ଦେଉଛନ୍ତି, ତେଣୁ ଏହାକୁ କଣ୍ଟାର ଜଙ୍ଗଲ କୁହାଯାଏ । ସତ୍ୟଯୁଗ ହେଉଛି ଫୁଲର ବଗିଚା । ତୁମେମାନେ ଏବେ ଦେଖୁଛ ବାବା କିପରି ଫୁଲର ବଗିଚା ତିଆରି କରୁଛନ୍ତି । ବହୁତ ସୁନ୍ଦର ବଗିଚା ତିଆରି କରୁଛନ୍ତି । ସିଏ ସମସ୍ତଙ୍କୁ ହସୀନ ଅର୍ଥାତ୍ ସୁନ୍ଦର କରୁଛନ୍ତି । ରାବଣ ସମସ୍ତଙ୍କୁ ବିଲ୍‌କୁଲ କଳା କରିଦେଇଛି । ଏବେ ପିଲାମାନେ ଖୁସି ହେବା ଦରକାର ଯେ ଆମ ଉପରେ ବୃହସ୍ପତିର ଦଶା ପଡିଛି । ଅଧା ସମୟ ସୁଖ, ଅଧା ସମୟ ଦୁଃଖ, ସେଥିରେ ଲାଭ କଣ? ବାସ୍ତବରେ ଆମର ୩/୪ ଭାଗ ସୁଖ ଏବଂ ୧/୪ ଭାଗ ଦୁଃଖ ରହିଛି । ଡ୍ରାମା ଏହିଭଳି ନିର୍ମିତ ହୋଇଛି । ବହୁତ ଲୋକ ପଚାରନ୍ତି ଡ୍ରାମା ଏପରି କାହିଁକି ତିଆରି ହୋଇଛି? ଆରେ ଏହି ଡ୍ରାମା ତ ଅନାଦି ଅଟେ ନା । କାହିଁକି ଏଭଳି ତିଆରି ହୋଇଛି, ଏହି ପ୍ରଶ୍ନ ଆସି ପାରିବ ନାହିଁ । ଏହା ଅନାଦି ଅବିନାଶୀ ଡ୍ରାମା ଯାହାକି ପୂର୍ବ ନିର୍ମିତ ଅଟେ । ଏଥିରୁ କାହାକୁ ମଧ୍ୟ ମୋକ୍ଷ ମିଳିପାରିବ ନାହିଁ । ଏହି ସୃଷ୍ଟି ତ ଅନାଦି ଯାହାକି ଚାଲିଆସୁଛି ଏବଂ ଆଗକୁ ମଧ୍ୟ ଚାଲିବ । ପ୍ରଳୟ ହେବ ନାହିଁ ।

ବାବା ନୂଆ ଦୁନିଆର ସ୍ଥାପନା କରୁଛନ୍ତି କିନ୍ତୁ ଏହା ଦ୍ୱାରା ମନୁଷ୍ୟମାନଙ୍କୁ କେତେ ପ୍ରାପ୍ତି ହୋଇଥାଏ । ସେଥିପାଇଁ ଯେତେବେଳେ ମନୁଷ୍ୟମାନେ ପତିତ ଦୁଃଖୀ ହୋଇଯାଆନ୍ତି ସେତେବେଳେ ମୋତେ ଡାକନ୍ତି । ମୁଁ ଆସି ସମସ୍ତଙ୍କର କାୟା କଳ୍ପତରୁ କରୁଛି ଯାହା ଦ୍ୱାରା ଅଧାକଳ୍ପ ପର୍ଯ୍ୟନ୍ତ କେବେ ବି ଅକାଳମୃତ୍ୟୁ ହେବ ନାହିଁ । କାରଣ ତୁମେମାନେ କାଳ ଉପରେ ବିଜୟ ପ୍ରାପ୍ତ କରୁଛ । ସେଥିପାଇଁ ସନ୍ତାନମାନଙ୍କୁ ଏବେ ବହୁତ ପୁରୁଷାର୍ଥ କରିବାକୁ ହେବ । ଯେତିକି ଉଚ୍ଚ ପଦ ପାଇବ ସେତିକି ଭଲ । ଦୁନିଆରେ ସମସ୍ତେ ନିଜ ନିଜର ରୋଜଗାର ପାଇଁ ପୁରୁଷାର୍ଥ କରିଥାନ୍ତି । କାଠ ବିକ୍ରି କରୁଥିବା ବ୍ୟକ୍ତି କହିବ ମୁଁ ମଧ୍ୟ ବହୁତ ରୋଜଗାର କରିବି । କେହି ଠକ ଉପାୟରେ ମଧ୍ୟ ଟଙ୍କା ରୋଜଗାର କରିଥାନ୍ତି । ତେବେ ଏଠାରେ ତ ପଇସା ଉପରେ ହିଁ ବିପଦ ରହିଛି । ସେଠାରେ ତ ତୁମର ପଇସା କେହି ଲୁଟିବେ ନାହିଁ । ଦେଖ, ବର୍ତ୍ତମାନର ଦୁନିଆରେ କଣ କଣ ସବୁ ହେଉଛି । ସେଠାରେ ଦୁଃଖର କୌଣସି କଥା ହିଁ ନାହିଁ । ଏବେ ତୁମେମାନେ ବାବାଙ୍କଠାରୁ ବହୁତ ସମ୍ପତ୍ତି ନେଉଛ । ତେବେ ନିଜକୁ ଚେକ୍ କରିବା ଦରକାର - ମୁଁ ସ୍ୱର୍ଗକୁ ଯିବା ପାଇଁ ଯୋଗ୍ୟ ହୋଇଛି? (ନାରଦର ଉଦାହରଣ) ମନୁଷ୍ୟ ଅନେକ ତୀର୍ଥ ଆଦି କରିଥାନ୍ତି କିନ୍ତୁ ତାଦ୍ୱାରା କିଛି ହେଲେ ମିଳେ ନାହିଁ । ଏହା ଉପରେ ଏକ ମଧ୍ୟ ଗୀତ ରହିଛି - ଚାରୋ ତରଫ ଲଗାୟେ ଫେରେ ଫିର ଭି ହରଦମ ଦୂର ରହେ ଅର୍ଥାତ୍ ଚାରିଆଡେ ଚକ୍ର ଲଗାଇଲି ପୁଣି ମଧ୍ୟ ଦୂରରେ ରହିଲି । ବାବା ତୁମକୁ ବହୁତ ଭଲ ଯାତ୍ରା ଶିଖାଉଛନ୍ତି, ଏଥିରେ କୌଣସି କଷ୍ଟ ନାହିଁ । ବାବା କହୁଛନ୍ତି, କେବଳ ମୋତେ ସ୍ମରଣ କର ତେବେ ତୁମର ବିକର୍ମ ବିନାଶ ହେବ । ବହୁତ ଭଲ ଯୁକ୍ତି ଶିଖାଉଛନ୍ତି । ପିଲାମାନେ ମଧ୍ୟ ଶୁଣୁଛନ୍ତି । ଏହା ମୋର ଲୋନ୍ ନେଇଥିବା ଶରୀର । ବ୍ରହ୍ମାବାବା ବହୁତ ଖୁସି ହେଉଛନ୍ତି, ମୁଁ ବାବାଙ୍କୁ ଏହି ଶରୀର ଲୋନ୍‌ରେ ଦେଇଛି । ବାବା ଶରୀରର ମାଧ୍ୟମ ନେଇ ଆମକୁ ବିଶ୍ୱର ମାଲିକ କରୁଛନ୍ତି । ତେଣୁ ତାଙ୍କର ନାମ ହେଉଛି ଭାଗୀରଥ । ବର୍ତ୍ତମାନ ପିଲାମାନେ ରାମପୁରୀକୁ ଯିବାର ପୁରୁଷାର୍ଥ କରୁଛନ୍ତି । ତେଣୁ ଖୁବ ପୁରୁଷାର୍ଥ କରିବା ଉଚିତ୍ । କଣ୍ଟା ହେବା ଉଚିତ୍ ନୁହେଁ ଅର୍ଥାତ୍ କାହାକୁ ଦୁଃଖ ଦେବା ଉଚିତ୍ ନୁହେଁ ।

ତୁମେ ବ୍ରାହ୍ମଣ-ବ୍ରାହ୍ମଣୀ ଅଟ । ସବୁର ଆଧାର ହେଲା ମୁରଲୀ । ମୁରଲୀ ଯଦି ତୁମକୁ ନ ମିଳିବ ତେବେ ଶ୍ରୀମତ କେଉଁଠୁ ଆଣିବ । ଏପରି ନୁହେଁ କେବଳ ଜଣେ ବ୍ରାହ୍ମଣୀ ହିଁ ମୁରଲୀ ଶୁଣାଇବେ । କେହି ବି ମୁରଲୀ ପଢି ଶୁଣାଇପାରିବେ । ଅନ୍ୟମାନଙ୍କୁ ମଧ୍ୟ କହିବା ଉଚିତ୍ - ଆଜି ତୁମେ ଶୁଣାଅ । ବର୍ତ୍ତମାନ ତ ପ୍ରଦର୍ଶନୀ ବୁଝାଇବା ପାଇଁ ବହୁତ ଭଲ ଚିତ୍ର ତିଆରି ହୋଇଛି । ମୁଖ୍ୟ ମୁଖ୍ୟ ଚିତ୍ର ନିଜ ଦୋକାନରେ ରଖ ଅର୍ଥାତ୍ ନିଜ ସେଣ୍ଟରରେ ରଖ । ଯାହା ଦ୍ୱାରା ଅନେକଙ୍କର କଲ୍ୟାଣ ହେବ । କୁହ, ଆସ ଆମେ ତୁମକୁ ଏହି ଚିତ୍ର ସମ୍ବନ୍ଧରେ ବୁଝାଇବୁ । ଏହି ସୃଷ୍ଟିଚକ୍ର କିପରି ଘୂରୁଛି । କାହାର କଲ୍ୟାଣ କରିବାରେ ଯଦି କିଛି ସମୟ ଚାଲିଗଲା ତେବେ କୌଣସି ଚିନ୍ତା ନାହିଁ । ସେ ସୌଦା କରିବା ସହିତ ତାଙ୍କୁ ଏହି ସୌଦା ମଧ୍ୟ କରାଇପାରିବ । ଏହା ବାବାଙ୍କର ଅବିନାଶୀ ଜ୍ଞାନ ରତ୍ନର ଦୋକାନ ଅଟେ । ଏଥିରେ ନମ୍ବରୱାନ ଚିତ୍ର ହେଲା ସିଢି ଚିତ୍ର ଏବଂ ଗୀତାର ଭଗବାନ ଶିବ । ଭାରତକୁ ଶିବ ଭଗବାନ ଆସିଥିଲେ ତେଣୁ ତାଙ୍କର ଜୟନ୍ତୀ ପାଳନ କରୁଛନ୍ତି । ଏବେ ପୁଣି ସେହି ବାବା ଆସିଛନ୍ତି ଏବଂ ଯଜ୍ଞ ମଧ୍ୟ ରଚନା କରିଛନ୍ତି । ପିଲାମାନଙ୍କୁ ରାଜଯୋଗର ଜ୍ଞାନ ଶୁଣାଉଛନ୍ତି । ବାବା ଆସି ଆମମାନଙ୍କୁ ରାଜାମାନଙ୍କର ରାଜା କରୁଛନ୍ତି । ବାବା କହୁଛନ୍ତି ମୁଁ ତୁମକୁ ସୂର୍ଯ୍ୟବଂଶୀ ରାଜା-ରାଣୀ କରୁଛି, ଯାହାଙ୍କୁ ବିକାରୀ ରାଜାମାନେ ମଧ୍ୟ ନମନ୍ କରୁଛନ୍ତି । ତେବେ ସ୍ୱର୍ଗର ମହାରାଜା-ମହାରାଣୀ ହେବାର ପୁରା ପୁରୁଷାର୍ଥ କରିବା ଦରକାର । ବାବା କୌଣସି ଘର ତିଆରି କରିବା ପାଇଁ ମନା କରୁ ନାହାଁନ୍ତି । ଭଲେ କର, ପଇସା ମାଟିରେ ମିଶିଯିବ । ତେଣୁ ସେହି ପଇସାରେ କାହିଁକି ଘର ତିଆରି ନ କରିବ, ଆରାମରେ ରୁହ । ପଇସା କାମରେ ଲାଗିଯିବା ଦରକାର । ଘର ମଧ୍ୟ ତିଆରି କର, ଖାଇବା ପାଇଁ ମଧ୍ୟ ରଖ । ଦାନ-ପୁଣ୍ୟ ମଧ୍ୟ କର । ଯେପରି କାଶ୍ମୀରର ରାଜାଙ୍କର ନିଜର ସମ୍ପତ୍ତିକୁ ଆର୍ଯ୍ୟ ସମାଜକୁ ଦାନରେ ଦେଇଦେଲେ । ନିଜର ଧର୍ମ, ଜାତି ପାଇଁ ମଧ୍ୟ କିଛି କରିଥାନ୍ତି ନା । ଏଠାରେ ସେପରି କୌଣସି କଥା ନାହିଁ । ସମସ୍ତେ ତ ବାବାଙ୍କର ସନ୍ତାନ । ଏଠାରେ ଜାତି ଆଦିର କୌଣସି କଥା ନାହିଁ । ସେ ସବୁ ହେଲା ଦେହର ଜାତି । ମୁଁ ତ ତୁମ ଆତ୍ମାମାନଙ୍କୁ ପବିତ୍ର କରି ବିଶ୍ୱର ରାଜତ୍ୱ ଦେଉଛି । ଡ୍ରାମା ଅନୁସାରେ ଭାରତବାସୀ ହିଁ ରାଜ୍ୟଭାଗ୍ୟ ନେବେ । ଏବେ ତୁମେ ପିଲାମାନେ ଜାଣୁଛ - ଆମ ଉପରେ ବୃହସ୍ପତିର ଦଶା ପଡିଛି । ଶ୍ରୀମତ କହୁଛି ମୋତେ ମନେ ପକାଅ, ଆଉ କିଛି କଥା ନାହିଁ । ଭକ୍ତିମାର୍ଗରେ ବ୍ୟାପାରୀମାନେ ନିଜ ଆୟରୁ କିଛି ନା କିଛି ଧର୍ମ କାର୍ଯ୍ୟ ପାଇଁ ବାହାର କରନ୍ତି । ଯାହାର ଫଳ ତାଙ୍କୁ ପରବର୍ତ୍ତୀ ଜନ୍ମରେ ଅଳ୍ପକାଳ ପାଇଁ ମିଳିଯାଏ । ବତ୍ତର୍ମାନ ତ ମୁଁ ଡାଇରେକ୍ଟ ଆସିଛି, ତେଣୁ ତୁମେମାନେ ନିଜ ଧନକୁ ଏହି କାର୍ଯ୍ୟରେ ଲଗାଅ । ମୋର କିଛି ଆବଶ୍ୟକ ନାହିଁ । ଶିବାବାବାବ କଣ ନିଜ ପାଇଁ ଘର ତିଆରି କରିବେ । ଏହା ସବୁ ତୁମ ବ୍ରାହ୍ମଣମାନଙ୍କ ପାଇଁ । ଗରୀବ ସାହୁକାର ଏକାଠି ରହିଥାନ୍ତି । କେହି-କେହି ବିଗିଡିଯାଆନ୍ତି - ଭଗବାନଙ୍କଠାରେ ମଧ୍ୟ ସମଦୃଷ୍ଟି ନାହିଁ । କାହାକୁ ମହଲରେ, କାହାକୁ କୁଡିଆ ଘରେ ରଖୁଛନ୍ତି । ଶିବବାବାଙ୍କୁ ଭୁଲିଯାଉଛନ୍ତି । ଯଦି ଶିବବାବାଙ୍କ ସ୍ମୃତିରେ ରହିବେ କେବେ ଏପରି କଥା କହିବେ ନାହିଁ । ସମସ୍ତଙ୍କୁ ତ ପଚାରିବାକୁ ପଡିବ ନା । ଦେଖାଯାଏ ଏମାନେ ନିଜ ଘରେ ଏପରି ଆରାମରେ ରହୁଛନ୍ତି ତେଣୁ ସେମାନଙ୍କୁ ସେପରି ପ୍ରବନ୍ଧ ଦେବାକୁ ପଡିଥାଏ । କୁହାଯାଏ ସମସ୍ତଙ୍କୁ ଖାତିରି କର । କୌଣସି ଜିନିଷ ନଥିଲେ ମଧ୍ୟ ମିଳିଯିବ । ବାବାଙ୍କର ତ ପିଲାମାନଙ୍କ ପ୍ରତି ବହୁତ ସ୍ନେହ ରହିଛି । ଏତେ ଅଗାଢ ସ୍ନେହ, ଆଉ କାହାର ନଥିବ । ବାବା ପିଲାମାନଙ୍କୁ କେତେ ବୁଝାଇଛନ୍ତି, କହୁଛନ୍ତି ବହୁତ ପୁରୁଷାର୍ଥ କର । ଅନ୍ୟମାନଙ୍କ ପାଇଁ ମଧ୍ୟ ଉପାୟ ବାହାର କର । ଏଥିରେ ଦରକାର ୩ ପାଦ ଭୂମି, ଯେଉଁଠାରେ ପିଲାମାନେ ବୁଝାଇବେ । ଯଦି କୌଣସି ଧନୀ ଲୋକର ବଡ ହଲଟିଏ ମିଳିଯିବ ତେବେ ଆମକୁ କେବଳ ଚିତ୍ର ହିଁ ଲଗାଇବାକୁ ହେବ । ଘଣ୍ଟାଏ-ଦୁଇ ଘଣ୍ଟା ସକାଳେ ଏବଂ ସନ୍ଧ୍ୟାରେ କ୍ଳାସ କରି ଚାଲିଯିବୁ, ଖର୍ଚ୍ଚ ସବୁ ଆମର ହେବ କିନ୍ତୁ ନାମ ତୁମର ହେବ । ଏଠାକୁ ବହୁତ ଆସିବେ, କଉଡିରୁ ହୀରା ହେବେ । ଆଚ୍ଛା

ମିଠା ମିଠା ସିକିଲଧେ ସନ୍ତାନମାନଙ୍କ ପ୍ରତି ମାତା-ପିତା, ବାପଦାଦାଙ୍କର ମଧୁର ସ୍ନେହଭରା ସ୍ମୃତି ଏବଂ ସୁପ୍ରଭାତ୍ । ଆତ୍ମିକ ପିତାଙ୍କର ଆତ୍ମିକ ସନ୍ତାନମାନଙ୍କୁ ନମସ୍ତେ ।

ଧାରଣା ପାଇଁ ମୁଖ୍ୟ ସାର :
(୧) ନିଜ ଭିତରେ ଯେଉଁ ସବୁ କଣ୍ଟା ରହିଛି ସେଗୁଡିକୁ ଚେକ୍ କରି ବାହାର କରି ଦେବାକୁ ପଡିବ । ରାମପୁରୀକୁ ଯିବା ପାଇଁ ପୁରୁଷାର୍ଥ କରିବାକୁ ପଡିବ ।

(୨) ଅବିନାଶୀ ଜ୍ଞାନ ରତ୍ନର ସୌଦା କରି କାହାର ନା କାହାର ମଧ୍ୟ କଲ୍ୟାଣ କରିବା ପାଇଁ ସମୟ ଦେବାକୁ ପଡିବ । ନିଜେ ପବିତ୍ର ହେବା ସହିତ ଅନ୍ୟମାନଙ୍କୁ ମଧ୍ୟ କରିବାକୁ ପଡିବ ।

ବରଦାନ:-
ଫୁଲ୍ଷ୍ଟପ୍ ଅର୍ଥାତ୍ ବିନ୍ଦୁ ଲଗାଇବା ଆଧାରରେ ଶ୍ରେଷ୍ଠ ସ୍ଥିତି ରୂପୀ ମେଡାଲ ଅର୍ଥାତ୍ ପଦକ ପ୍ରାପ୍ତ କରୁଥିବା ମହାବୀର ହୁଅ ।

ଏହି ଅନାଦି ଡ୍ରାମାରେ ଆତ୍ମିକ ସେନା ବାହିନୀର ସୈନିକମାନଙ୍କୁ କେହି କୌଣସି ମେଡାଲ ଦିଅନ୍ତି ନାହିଁ କିନ୍ତୁ ଡ୍ରାମା ଅନୁସାରେ ସେମାନଙ୍କୁ ଶ୍ରେଷ୍ଠ ସ୍ଥିତି ରୂପକ ମେଡାଲ ପ୍ରାପ୍ତ ହୋଇଥାଏ । ଏହି ମେଡାଲ ସେହିମାନଙ୍କୁ ହିଁ ପ୍ରାପ୍ତ ହୋଇଥାଏ ଯେଉଁମାନେ ପ୍ରତ୍ୟେକ ଆତ୍ମାଙ୍କର ପାର୍ଟକୁ ସାକ୍ଷୀ ହୋଇ ଦେଖିବା ସହିତ ଫୁଲ୍‌ଷ୍ଟପର ମାତ୍ରା ସହଜରେ ଲଗାଇ ଦିଅନ୍ତି । ଏହିଭଳି ଆତ୍ମାମାନଙ୍କ ସ୍ଥିତିର ମୂଳଦୁଆ ଅନୁଭବ ଆଧାରରେ ହୋଇଥିବା କାରଣରୁ କୌଣସି ପ୍ରକାରର ସମସ୍ୟା ରୂପୀ ପ୍ରତିବନ୍ଧକ ସେମାନଙ୍କୁ ଅଟକାଇ ପାରିନଥାଏ ।

ସ୍ଲୋଗାନ:-
ପ୍ରତ୍ୟେକ ପରିସ୍ଥିତି ରୂପୀ ପାହାଡକୁ ଅତିକ୍ରମ କରି ନିଜର ଲକ୍ଷ୍ୟ ସ୍ଥଳକୁ ପ୍ରାପ୍ତ କରୁଥିବା ଉଡନ୍ତାପକ୍ଷୀ ହୁଅ ।