12.02.20        Morning Tamil Lanka Murli        Om Shanti         BapDada        Madhuban


சாராம்சம்:
இனிய குழந்தைகளே, ஞானப் பாதையில் மாத்திரமே, உங்களுக்குச் சத்தியமானவரின் சகவாசம் உள்ளது. இப்பொழுது நீங்கள் உண்மையான தந்தையின் சகவாசத்தில் அமர்ந்திருக்கின்றீர்கள். தந்தையின் நினைவில் நிலைத்திருப்பது என்றால் சத்தியமானவரின் சகவாசத்தில் இருப்பதாகும்.

கேள்வி:
குழந்தைகளாகிய உங்களுக்கு இப்பொழுது ஏன் சத்தியமானவரின் சகவாசம் தேவை?

பதில்:
உண்மையான தந்தையினதும், உண்மையான ஆசிரியரதும், சற்குருவினதும் சகவாசத்தில் இருப்பதால் மாத்திரமே, தமோபிரதானான ஆத்மாக்களாகிய உங்களால் சதோபிரதானாக முடியும், அதாவது, உங்களால் அவலட்சணமானவர்களில் இருந்து அழகானவர்களாக மாற முடியும். சத்தியமானவரின் சகவாசம் இல்லாவிட்டால், பலவீனமான ஆத்மாக்கள் உறுதியானவர்களாக முடியாது. தந்தையின் சகவாசத்தினால் ஆத்மாக்கள் தூய்மையின் சக்தியைப் பெற்று, அவர்களுடைய படகுகள் 21 பிறவிகளுக்கு அக்கரைக்குச் செல்கின்றன.

ஓம் சாந்தி.
குழந்தைகளாகிய நீங்கள் சத்தியமானவரின் சகவாசத்தில் அமர்ந்திருக்கின்றீர்கள். ஒவ்வொரு சக்கரத்தினதும் சங்கமத்தின்பொழுது மாத்திரமே, குழந்தைகளாகிய நீங்கள் இந்தச் சத்தியமானவரின் ஒன்றுகூடலில் அமர்ந்திருக்கின்றீர்கள். சத்தியமானவரின் ஒன்றுகூடல் என்றால் என்ன என்பதை உலகம் அறியாது. சற்சங்கம் (சத்தியமானவரின் சகவாசம்) என்ற சொல் தொன்றுதொட்டு தொடர்ந்து வந்துள்ளது. பக்தி மார்க்கத்திலுள்ளவர்கள் கூறுகின்றார்கள்: நாங்கள் இன்ன இன்ன சற்சங்கத்திற்குச் செல்கின்றோம். உண்மையில் பக்தி மார்க்கத்தில் எவருமே உண்மையான சற்சங்கத்திற்குச் செல்வதில்லை. சற்சங்கங்கள் ஞான மார்க்கத்திலேயே இடம்பெற முடியும். இப்பொழுது நீங்கள் சத்தியமானவரின் சகவாசத்திலேயே அமர்ந்திருக்கின்றீர்கள். ஆத்மாக்களாகிய நீங்கள் உண்மையான தந்தையின் சகவாசத்தில் அமர்ந்துள்ளீர்கள். வேறு எங்குமே ஆத்மாக்கள் பரமாத்மாவான பரமதந்தையின் சகவாசத்தில் இருப்பதில்லை. அவர்களில் எவருக்குமே தந்தையைத் தெரியவும் மாட்டாது. சற்சங்கத்திற்குச் செல்வதாகக் கூறியபொழுதிலும் அவர்கள் சரீர உணர்விலேயே இருக்கின்றார்கள். நீங்கள் சரீர உணர்வுடையவர்கள் ஆகுவதில்லை. நீங்கள் ஆத்மாக்கள் என்பதையும், நீங்கள் இப்பொழுது சத்தியமானவரான, பாபாவின் சகவாசத்தில் அமர்ந்திருக்கின்றீர்கள் என்பதையும் புரிந்துகொள்கிறீர்கள். சத்தியமானவரின் சகவாசத்தில் வேறு எம் மனிதராலும் அமர முடியாதுள்ளது. சத்தியமானவரின் சகவாசம் என்ற சொல் இப்பொழுது மாத்திரமே உள்ளது. தந்தை இங்கமர்ந்திருந்து சத்தியமானவரின் சகவாசம் என்பதன் மிகச்சரியான அர்த்தத்தை விளங்கப்படுத்துகின்றார். இப்பொழுது ஆத்மாக்களாகிய நீங்கள் சத்தியமானவரான பரமாத்மாவாகிய பரமதந்தையுடன் அமர்ந்திருக்கிறீர்கள். அவரே உண்மையான தந்தையும், உண்மையான ஆசிரியரும், உண்மையான குருவும் ஆவார். இதன் அர்த்தம் நீங்கள் சத்தியமானவரின் சகவாசத்தில் அமர்ந்திருக்கிறீர்கள் என்பதாகும். அப்பொழுது நீங்கள் இங்கோ அல்லது வீட்டிலோ அமர்ந்திருந்;தாலும் உங்களை நீங்கள் ஆத்மாக்களாகக் கருதி, தந்தையை நினைவுசெய்கிறீர்கள். ஆத்மாக்களாகிய நாங்கள், எங்கள் உண்மையான தந்தையை நினைவு செய்கிறோம், அதாவது, நாங்கள் சத்தியமானவரின் சகவாசத்தில் உள்ளோம். தந்தை மதுவனத்தில் உள்ளார். தந்தையை நினைவுசெய்வதற்கு உங்களுக்குப் பல வழிமுறைகள் கொடுக்கப்படுகின்றன. நினைவுசெய்வதன் மூலமே உங்கள் பாவங்கள் அழிக்கப்பட முடியும். நீங்கள் 16 சுவர்க்கக் கலைகள் நிறைந்தவர்கள் ஆகுகின்றீர்கள் எனவும், ஏணியிலிருந்து கீழிறங்கி வருகையில் உங்கள் கலைகள் குறைவடைகின்றன எனவும் குழந்தைகளாகிய நீங்கள் அறிவீர்கள். பக்தி ஆரம்பத்தில் கலப்படமற்றதாக உள்ளது. பின்னர் நீங்கள் ஏணியிலிருந்து கீழிறங்கி வருகையில் பக்தி கலப்படமாகுவதனால், தமோபிரதான் ஆகுகின்றீர்கள். ஆதலால், சத்தியமானவரின் சகவாசம் நிச்சயமாகத் தேவைப்படுகிறது. இல்லாவிட்டால், எவ்வாறு உங்களால் தூய்மையாக முடியும்;? ஆத்மாக்களாகிய நீங்கள் இப்பொழுது உண்மையான தந்தையின் சகவாசத்தைப் பெற்றுள்ளீர்கள். நீங்கள் பாபாவை நினைவுசெய்து, அவருடைய சகவாசத்தைக் கொண்டிருக்க வேண்டும் என்பது ஆத்மாக்களாகிய உங்களுக்குத் தெரியும். நினைவுசெய்வதும் சகவாசமென அழைக்கப்படுகிறது. இது சத்தியமானவரின் சகவாசம். ஆத்மாக்களாகிய நீங்கள் அச்சரீரங்களைக் கொண்டிருக்கையிலேயே, என்னை நினைவுசெய்ய வேண்டும். இதுவே சத்தியமானவரின் சகவாசம். ஒருவர் முக்கியஸ்தர் ஒருவரினால் வசப்படுத்தப்பட்டதாலேயே அவர் சரீர உணர்வுடையவர் ஆகிவிட்டார்; எனக் கூறப்படுகிறது. இப்பொழுது நீங்கள் உண்மையான தந்தையின் சகவாசத்தைக் கொண்டிருக்கிறீர்கள். இதன் மூலம் நீங்கள் தமோபிரதானிலிருந்து சதோபிரதான் ஆகுவீர்கள். தந்தை கூறுகின்றார்: நான் ஒரேயொரு முறையே வருகின்றேன். இப்பொழுது ஆத்மாக்களாகிய நீங்கள் பரமாத்மாவின் சகவாசத்தில் இருப்பதினால் உங்களால் 21 பிறவிகளையும் கடந்து செல்ல முடிகிறது. பின்னர் நீங்கள் சரீரங்களின் சகவாசத்தை வைத்திருக்கின்றீர்கள். இதுவும் நாடகத்தில் ஏற்கெனவே நிச்சயிக்கப்பட்டுள்ளது. தந்தை கூறுகின்றார்: குழந்தைகளாகிய நீங்கள் எனது சகவாசத்தை வைத்திருப்பதால், சதோபிரதான் ஆகுகிறீர்கள். இதுவும் சத்திய யுகத்தவர் ஆகுவது என அழைக்கப்படுகிறது. ஆத்மாக்கள்; செயலின் தாக்கத்திற்கு உட்படாதவர்கள் எனச் சாதுக்கள், புனிதர்கள் போன்றோர் நினைக்கின்றார்கள். அனைவரையுமே பரமாத்மா என அவர்கள் நினைக்கின்றார்கள். இது பரமாத்மாவில் கலப்படம் உண்டென அர்த்தப்படுகின்றது. பரமாத்மாவில் எவ்விதக் கலப்படமும் கலக்கப்பட முடியாது. தந்தை வினவுகின்றார்: உண்மையாகவே என்னில் கலப்படம் கலக்கப்பட்டுள்ளதா? இல்லை; நான் எப்பொழுதும் பரந்தாமத்திலேயே வாழ்கின்றேன், ஏனெனில் நான் பிறப்பு இறப்புச் சக்கரத்தில் பிரவேசிப்பதில்லை. இது குழந்தைகளாகிய உங்களுக்குத் தெரியும். உங்கள் மத்தியிலும் சிலர் அதிகளவிலும், ஏனையோர் குறைவாகவும் என்னுடன் சகவாசத்தைக் கொண்டிருக்கிறீர்கள். உங்களிற் சிலர் யோகத்தில் அமர்ந்திருப்பதற்கு மிக நல்ல முயற்சியைச் செய்;கின்றீர்கள். ஆத்மாக்களாகிய நீங்கள் தந்தையின் சகவாசத்தில் அதிகளவில் நிலைத்திருந்தால் அதிக நன்மையை அடைவீர்கள்; உங்கள் பாவங்களும் அழிக்கப்படும். தந்தை கூறுகின்றார்: ஓ, ஆத்மாக்களே, உங்கள் தந்தையாகிய என்னை நினைவுசெய்யுங்கள். எனது சகவாசத்தில் நிலைத்திருங்கள். இச்சரீரத்தின் ஆதாரத்தை நான் பெற வேண்டியுள்ளது. இல்லையேல் எவ்வாறு பரமாத்மா ஆத்மாக்களாகிய உங்களுடன் பேசுவார்? எவ்வாறு ஆத்மாக்களாகிய நீங்கள் அவரைச் செவிமடுப்பீர்கள்? குழந்தைகளாகிய நீங்கள் இப்பொழுது சத்தியமானவரின் சகவாசத்தைக் கொண்டிருக்கின்றீர்கள். நீங்கள் உண்மையான தந்தையைச் சதா நினைவுசெய்ய வேண்டும். ஆத்மாக்களாகிய நீங்கள் சத்தியமானவரின் சகவாசத்தில் நிலைத்திருக்க வேண்டும். ஆத்மாக்கள் அற்புதமானவர்கள். பரமாத்மாவும் அற்புதமானவர். இவ்வுலகமும் அற்புதமானதே. இவ்வுலகச் சக்கரம் எவ்வாறு தொடர்ந்தும் சுழல்கின்றது என்பதுவும் ஓர் அற்புதமே. நாடகம் முழுவதிலும் நீங்கள் சகலதுறைப் பாகங்களையும் நடிக்கின்றீர்கள். ஆத்மாக்களாகிய நீங்கள் கொண்டிருக்கும் 84 பிறவிகளின் பாகம் உங்களுக்குள்ளே பதியப்பட்டுள்ளது. இதுவும் ஓர் அற்புதமே. சத்தியயுகத்து ஆத்மாக்களும், இக்காலத்து ஆத்மாக்களும் உள்ளனர். ஆத்மாக்கள் அனைவரை விடவும், நீங்களே அதிகளவுக்குச் சகலதுறை பாகங்களைக் கொண்டுள்ளீர்கள். ஒரு நாடகத்தில் சிலரின் பாகங்கள் ஆரம்பத்தில் ஆரம்பிக்கின்றன, சிலர் நடுப்பகுதியில் பாகங்களை நடிக்கின்றனர், சிலர் மிக இறுதியிலேயே வருகின்றனர். அந்த நாடகங்கள் அனைத்தும் எல்லைக்குட்பட்டவை. அவை மிக அண்மைக் காலத்திலேயே உருவாக்கப்பட ஆரம்பித்தன. இப்பொழுது விஞ்ஞானத்தின் விசையுள்ளது. சத்தியயுகத்தில் விஞ்ஞானத்தின் சக்தி அதிகளவில் இருக்கும். புதிய உலகம் விரைவில் உருவாக்கப்படுகிறது. அங்கு தூய்மையின் சக்தியே பிரதானமானது. ஆத்மாக்கள் இப்பொழுது பலவீனமாக உள்ளார்கள். அங்கே அவர்கள் சக்தி நிறைந்தவர்களாக இருக்கிறார்கள். இலக்ஷ்மியும் நாராயணனும் சக்தி நிறைந்தவர்கள். இராவணன் உங்களது சக்தியை அபகரித்து விட்டான். இப்பொழுது நீங்கள் இராவணனை வென்று, மிகவும் சக்தி நிறைந்தவர்கள் ஆகுகின்றீர்கள். ஆத்மாக்களாகிய நீங்கள் எந்தளவிற்கு அதிகமாகச் சத்தியமானவரின் சகவாசத்தில் நிலைத்திருக்கின்றீர்களோ, அதாவது, ஆத்மாக்களாகிய நீங்கள் தந்தையை எந்தளவிற்கு நினைவுசெய்கின்றீர்களோ, அந்தளவிற்குச் சக்தி நிறைந்தவர்கள் ஆகுவீர்கள். இக்கல்வியின் மூலம் நீங்கள் சக்தியைப் பெறுகிறீர்கள். நீங்கள் சக்தியைப் பெற்று, பின்னர் முழு உலகையும் ஆட்சிபுரிகிறீர்கள். இச் சங்கமயுகத்திலேயே ஆத்மாக்களாகிய நீங்கள் சத்தியமானவருடன் யோகம் செய்கின்றீர்கள். தந்தை கூறுகின்றார்: எனது சகவாசத்தில் நிலைத்திருப்பதினால், ஆத்மாக்களாகிய நீங்கள் மிகவும் சக்திவாய்ந்தவர்கள் ஆகுகின்றீர்கள். தந்தையே உலக சர்வசக்திவான். அவரிடமிருந்து நீங்கள் சக்தியைப் பெறுகின்றீர்கள். நீங்கள் வேதங்களினதும், சமயநூல்களினதும், உலகின் ஆரம்பம், மத்தி, இறுதி பற்றியதுமான ஞானம் அனைத்தையும் பெறுகிறீர்கள். தந்தை சர்வசக்திவானாக இருப்பது போன்று, நீங்களும் சர்வசக்திவானாகி உலகை ஆட்சிபுரிகின்றீர்கள். அதனை உங்களிடமிருந்து எவராலும் அபகரிக்க முடியாது. என்னிடமிருந்து நீங்கள் அதிகளவு சக்தியைப் பெறுகின்றீர்கள்;. இவரும் சக்தியைப் பெறுகின்றார். தந்தையை அதிகளவில் நினைவுசெய்யும்பொழுது, நீங்கள் அதிகளவு சக்தியைப் பெறுவீர்கள். தந்தை உங்களுக்கு வேறு எந்தச் சிரமத்தையும் கொடுப்பதில்லை. அவரை நினைவுசெய்யுங்கள்; அவ்வளவுதான்! இப்பொழுது 84 பிறவிகளின் சக்கரம் முடிவடைகிறது, நீங்கள் வீட்டிற்குத் திரும்ப வேண்டும். இதனைப் புரிந்துகொள்வது பெரிய விடயமல்ல. அளவுக்கதிகமான விபரத்திற்குச் செல்ல வேண்டிய தேவையில்லை. விதையைப் புரிந்துகொள்வதனால், எவ்வாறு அதிலிருந்து முழு விருட்சமும் வெளித்தோன்றுகின்றது என்பதை உங்களால் புரிந்துகொள்ள முடியும். அது உங்கள் புத்தியில் இரத்தினச் சுருக்கமாக உள்ளது. இவ்விடயங்கள் தனித்துவமானவை. மக்கள் பக்தி மார்க்கத்தில் அதிகளவில் தடுமாறுகிறார்கள். அவர்கள் பெரும் முயற்சியைச் செய்தபொழுதிலும், எதனையும் பெறுவதில்லை. தந்தை வந்தே உங்களை உலக அதிபதிகள் ஆக்குகின்றார். யோகசக்தியின் மூலமே நீங்கள் உலக அதிபதிகள் ஆகுகின்றீர்கள். இந்த முயற்சியையே நீங்கள் செய்ய வேண்டும். பாரதத்தின் யோகம் பிரபல்யமானது. யோகத்தின் மூலம் உங்கள் ஆயுட்காலம் மிக நீண்டதாகுகின்றது. சத்தியமானவரின் சகவாசத்தில் நிலைத்திருப்பதினால் நீங்கள் அதிகளவு நன்மையைப் பெறுகிறீர்கள். உங்கள் ஆயுட்காலம் நீண்டதாகுவதுடன், உங்கள் சரீரங்களும் நோயிலிருந்து விடுபடுகின்றன. குழந்தைகளாகிய நீங்கள் இவ்விடயங்கள் அனைத்தையும் புத்தியில் பதித்து வைத்துள்ளீர்கள். வேறு எவருமன்றி, பிராமணர்களாகிய நீங்கள் மாத்திரமே சத்தியமானவரின் சகவாசத்தைக் கொண்டிருக்கிறீர்கள். நீங்களே பிரஜாபிதா பிரம்மாவின் குழந்தைகளும், நீங்களே பாட்டனாரின் பேரக் குழந்தைகளும் ஆவீர்கள். ஆகவே, நீங்களே அவரது பேரக் குழந்தைகள் என்பதை அறிந்து, அதிகச் சந்தோஷத்தைக் கொண்டிருக்க வேண்டும். பாட்டனாரிடமிருந்து நீங்கள் உங்கள் ஆஸ்தியைப் பெறுகின்றீர்கள். இதுவே நினைவு யாத்திரை. இவ்விடயங்களைக் கடைவதற்கு நீங்கள் உங்கள் புத்தியைப் பயன்படுத்த வேண்டும். அந்தச் சற்சங்கங்களில் மக்கள் எங்காவது ஓரிடத்தில் ஒன்றுகூடுகிறார்;கள்; இங்கு அவ்வாறான கேள்விக்கே இடமில்லை. நீங்கள் ஓரிடத்தில் அமர்ந்திருக்கும்பொழுதே சத்தியமானவரின் சகவாசம் இருக்க முடியும் என்றில்லை; இல்லை. நீங்கள் நடந்தும், உலாவியும்; திரியும்பொழுதும், அமர்ந்திருக்கும்பொழுதும் அவரை நினைவுசெய்கின்றீர்கள். அதாவது, நீங்கள் சத்தியமானவரின் சகவாசத்தில் இருக்கின்றீர்கள், எனினும் அது அவரை நினைவுசெய்யும்பொழுது மாத்திரமே ஆகும். நீங்கள் நினைவு செய்யாவிட்டால், நீங்கள் சரீர உணர்வில் இருக்கின்றீர்கள் என்றே அர்த்தமாகும். சரீரங்கள் பொய்யானவை. சரீரங்கள் உண்மையானவை அல்ல. சரீரங்கள் உயிரற்றவை. அவை பஞ்ச பூதங்களினால் ஆக்கப்பட்டவை. அவற்றினுள் ஆத்மா இல்லாவிட்டால், அவற்றினால் நகர முடியாது. மனிதச் சரீரங்களுக்கு எப்பெறுமதியும் இல்லை. வேறு உயிரினங்களின் சரீரங்களுக்குச் சிறிதேனும் பெறுமதி உள்ளது. ஆத்மாக்களே பாக்கியம் அனைத்தையும் பெறுகின்றனர். ஆத்மா கூறுகின்றார்: நான் இன்னார். தந்தை கூறுகின்றார்: ஆத்மாக்கள் என்னவாகி விட்டார்கள் என்பதைப் பாருங்கள். அவர்கள் முட்டை, மீன் போன்ற அனைத்தையும் உண்கின்றார்கள். அவர்கள் அனைவரும் பஸ்மாசூரன் (தன்னைத் தானே எரித்து மரணித்த அசுரன்) ஆவர். அவர்கள் தங்களை எரித்துக் கொள்கிறார்கள். எவ்வாறு? ஒவ்வொருவரும் காமச் சிதையில் அமர்ந்து தங்களையே எரித்துக் கொள்கிறார்கள், எனவே அவர்கள் பஸ்மாசூரன்கள் ஆவார்கள். நீங்கள் இப்பொழுது ஞானச் சிதையில் அமர்ந்திருந்து, தேவர்கள் ஆகுகின்றீர்கள். உலகம் முழுவதிலுமுள்ள அனைவரும் காமச் சிதையில் அமர்ந்ததினால் எரிந்து விட்டார்கள். ஆத்மாக்கள் தமோபிரதானாகவும், அவலட்சணமாகவும் ஆகியுள்ளார்கள். தந்தை குழந்தைகளாகிய உங்களை அவலட்சணமானவரிலிருந்து அழகானவர்களாக மாற்றுவதற்கு வருகின்றார். ஆதலால் தந்தை கூறுகின்றார்: குழந்தைகளே, சரீர உணர்வைத் துறந்து, உங்களை ஆத்மாக்களாகக் கருதுங்கள். குழந்தைகள் பாடசாலையில் கற்று, பின்னர் அவர்கள் வீட்டிலிருக்கும்பொழுது தாங்கள் கற்றுள்ள விடயங்களைத் தங்கள் புத்தியில் வைத்திருக்கிறார்கள். இதுவும் உங்கள் புத்தியில் நிலைத்திருக்க வேண்டும். இது உங்கள் மாணவ வாழ்க்கை. உங்கள் இலக்கும், இலட்சியமும் உங்கள் முன்னால் உள்ளன. நீங்கள் அமர்ந்தும், நடந்தும், உலாவியும்; திரியும்பொழுது, இந்த ஞானத்தை உங்கள் புத்தியில் வைத்திருங்கள். குழந்தைகளாகிய நீங்கள் புத்துணர்ச்சி ஊட்டப்படுவதற்கே இங்கு வந்துள்ளீர்கள். ஏனையோருக்கு விளங்கப்படுத்துவதற்கான வழிமுறைகளும் உங்களுக்குக் கொடுக்கப்படுகின்றன. வெளியுலகில் எண்ணிக்கையற்ற சற்சங்கங்கள் உள்ளன. எனவே பலர்; ஒன்றுகூடுகின்றார்கள். உண்மையில் அது சத்தியமானவரின் சகவாசம் அல்ல. குழந்தைகளாகிய நீங்களே இப்பொழுது சத்தியமானவரின் சகவாசத்தைப் பெற்றுள்ளீர்கள். தந்தையே வந்து சத்தியயுகத்தை ஸ்தாபிக்கின்றார். நீங்கள் அதன் அதிபதிகள் ஆகுகின்றீர்கள். நீங்கள் சரீர உணர்வை, அதாவது, பொய்யான உணர்வைக் கொண்டிருந்ததனாலேயே வீழ்ந்தீர்கள். சத்தியமானவரின்; சகவாசத்தைக் கொண்டிருப்பதனால், நீங்கள் மேலேறுகின்றீர்கள். நீங்கள் அந்த வெகுமதியை அரைச் சக்கரத்திற்கு அனுபவம் செய்கிறீர்கள். அங்கும் நீங்கள் சத்தியமானவரின் சகவாசத்தைக் கொண்டிருப்பீர்கள் என்றில்லை; இல்லை. சத்தியமானவரின் சகவாசம், பொய்மையின் சகவாசம் இரண்டும் ஒரேநேரத்தில் இருக்கும்பொழுதே அவை குறிப்பிடப்படுகின்றன. உண்மையான தந்தை வரும்பொழுதே அனைத்தையும் விளங்கப்படுத்துகின்றார். உண்மையான தந்தை வரும்வரை எவராலும் எதனையும் புரிந்துகொள்ள முடிவதில்லை. தந்தை இப்பொழுது குழந்தைகளாகிய உங்களுக்குக் கூறுகின்றார்: ஓ ஆத்மாக்களே, எனது சகவாசத்தைக் கொண்டிருங்கள். சரீரதாரிகளின் சகவாசத்திற்கு அப்பால் செல்லுங்கள். சத்தியயுகத்தில் சரீரங்களின் சகவாசம் இருந்தாலும் நீங்கள் தூய்மையாகவே உள்ளீர்கள். இப்பொழுது நீங்கள் சத்தியமானவரின் சகவாசத்தை வைத்திருப்பதால், தூய்மையற்றவரிலிருந்து தூய்மையாகுகின்றீர்கள். பின்பு நீங்கள் சதோபிரதான் சரீரங்களைப் பெறுகிறீர்கள். ஆத்மாக்களாகிய நீங்களும் சதோபிரதான் ஆகுவீர்கள். இப்பொழுது உலகம் தமோபிரதானாக உள்ளது. உலகம் புதியதாகி, பின்னர் பழையதாகுகின்றது. புதிய உலகில் ஆதிசனாதன தேவிதேவதா தர்மம் நிச்சயமாக இருந்தது. இப்பொழுது அந்தத் தர்மம் மறைந்து விட்டது. அவர்கள் தங்களை ஆதிசனாதன இந்து சமயம் என அழைக்கிறார்கள்; அவர்கள் குழப்பமடைந்துள்ளார்கள். பாரத மக்களாகிய நீங்கள் புராதன தேவ தர்மத்திற்கே உரியவர்கள் என்பதை இப்பொழுது நீங்கள் புரிந்துகொண்டீர்கள். சத்திய யுகத்து அதிபதிகளாக இருந்தவர்கள் நீங்களே, ஆனால் அந்தப் போதை எங்கே? அவர்கள் ஒவ்வொரு சக்கரத்தினதும் கால எல்லையை மிக நீண்டதென எழுதியுள்ளார்கள். அனைத்தையும் அவர்கள் மறந்து விட்டார்கள். இது புதிர் விளையாட்டு எனப்படுகின்றது. உண்மையான தந்தை இப்பொழுது உங்களுக்குக் கொடுக்கின்ற ஞானம் அனைத்தையும் கற்பதனால், நீங்கள் உயர்ந்ததோர் அந்தஸ்தைப் பெறுகின்றீர்கள். அரைச் சக்கரத்தின் பின் மீண்டும் இராவண இராச்சியம் ஆரம்பிப்பதால், நீங்கள் மீண்டும் வீழ்ந்து விடுகிறீர்கள்; உலகம் பழையதாகுகின்றது. நீங்களே புதிய உலகின் அதிபதிகளாக இருந்தீர்கள் என்பதைப் புரிந்துகொள்கிறீர்கள். நீங்கள் இப்பொழுது பழைய உலகில் இருக்கிறீர்கள். இவ்வளவைக் கூட உங்களிற் சிலர் நினைவு செய்வதில்லை. பாபா உங்களைச் சுவர்க்கவாசிகளாக ஆக்குகின்றார். நீங்கள் அரைச்; சக்கரத்திற்குச் சுவர்க்கவாசிகளாக இருக்கின்றீர்கள், அரைச் சக்கரத்தின் பின்னர் இராவண இராச்சியம் ஆரம்பிப்பதனால் நீங்கள் வீழ்ந்து விடுகிறீர்கள். உலகம் பழையதாக ஆகும். பாபா உங்களைச் சுவர்க்கவாசிகள் ஆக்குகின்றார் என்பதை நீங்கள் புரிந்துகொள்கிறீர்கள். நீங்கள் அரைச் சக்கரத்திற்கு சுவர்க்கவாசிகளாக இருக்கின்றீர்கள். பின்னர் நீங்கள் அரைச்சக்கரத்திற்குச் நரகவாசிகள் ஆகினீர்கள். நீங்கள் செய்யும் முயற்சிகளுக்கேற்ப, வரிசைக்கிரமமாக, நீங்களும் மாஸ்டர் சர்வசக்திவான்கள் ஆகுகிறீர்கள். உங்களுக்கு இந்த ஞான அமிர்தம் உரிய அளவில் (னழளந) கொடுக்கப்படுகிறது. சிவபாபா பழைய அவயவங்களைப் பெற்றுள்ளார்; அவர் புதிய அவயவங்களைப் பெறுவதில்லை, அவர் ஒரு பழைய ஹார்மோனியத்தைப் பெறுகிறார். ஓய்வுபெறும் ஸ்திதியின் காலத்தின்பொழுதே தந்தை வருகின்றார். குழந்தைகளாகிய நீங்கள் சந்தோஷத்தை அனுபவம் செய்கின்றீர்கள்;; தந்தையும் சந்தோஷத்தை அனுபவம் செய்கின்றார். தந்தை கூறுகின்றார்: நான் குழந்தைகளாகிய உங்களுக்கு இந்த ஞானத்தைக் கொடுத்து, உங்களை இராவணனிடமிருந்து விடுதலையாக்குவதற்கு வருகின்றேன். இப்பாகம் மிகுந்த சந்தோஷத்துடன் நடிக்கப்படுகின்றது. தந்தை தனது பாகத்தைப் பெருமளவு சந்தோஷத்துடன் நடிக்கின்றார். தந்தை ஒவ்வொரு சக்கரத்திலும் வரவேண்டியுள்ளது. இப்பாகம் ஒருபொழுதும் முடிவிற்கு வருவதில்லை. குழந்தைகளாகிய நீங்கள் பெருமளவு சந்தோஷத்தைக் கொண்டிருக்க வேண்டும். நீங்கள் எந்தளவிற்குச் சத்தியமானவரின் சகவாசத்தில் இருக்கின்றீர்களோ, அதற்கேற்ப, நீங்கள் மிகுந்த சந்தோஷத்தைக் கொண்டிருப்பீர்கள். உங்களின் நினைவு குறைவாக இருக்கும்பொழுது நீங்கள் அந்தளவு சந்தோஷத்தையும் கொண்டிருப்பதில்லை. தந்தை தனது சொத்தைக் குழந்தைகளாகிய உங்களுக்கே கொடுக்கின்றார். நேர்மையான இதயங்களைக் கொண்டிருக்கும் குழந்தைகள் மீது, தந்தை பெரும் அன்பைக் கொண்டிருக்கின்றார். பிரபு நேர்மையான இதயத்தினால் களிப்படைகிறார். உள்ளும் புறமும் நேர்மையாக இருப்பவர்களும், மும்முரமாகச் சேவையில் ஈடுபடுபவர்களும் தந்தையினால் அதிகளவில் நேசிக்கப்படுகிறார்கள். அவர்களே பாபாவின் உண்மையான உதவியாளர்கள். உங்கள் இதயத்தையே வினவுங்கள்: நான் நிஜமாகவே உண்மையான சேவை செய்கிறேனா? நான் உண்மையான பாபாவின் சகவாசத்தில் நிலைத்திருக்கிறேனா? உண்மையான பாபாவின் சகவாசத்தில் நிலைத்திருக்காவிட்டால் நீங்கள் எந்த நிலையை அடைவீர்கள்? தொடர்ந்தும் பலருக்கும் பாதையைக் காட்டும்பொழுது நீங்கள் உயர்ந்ததோர் அந்தஸ்தைப் பெறுவீர்கள். நீங்கள் உண்மையான தந்தையிடமிருந்து என்ன ஆஸ்தியைக் கோருவீர்கள் என உங்களையே சோதித்துப் பாருங்கள். அது வரிசைக்கிரமமானது என்பதை நீங்கள் அறிவீர்கள். சிலர் பெரும் ஆஸ்தியையும், ஏனையோர் குறைவாகவும்; பெறுகிறார்கள். அதில் பகலுக்கும் இரவுக்குமான வேறுபாடு உள்ளது. அச்சா.

இனிமையிலும் இனிமையான, அன்புக்குரிய, எப்போதோ தொலைந்து இப்போது கண்டுபிடிக்கப்பட்டிருக்கும் குழந்தைகளுக்கு உங்கள் தாய், தந்தையாக இருக்கும் பாப்தாதாவின் அன்பும் நினைவுகளும் காலை வந்தனங்களும். ஆன்மீகத் தந்தை ஆன்மீகக் குழந்தைகளுக்கு நமஸ்தே சொல்கிறார்.

தாரணைக்கான சாராம்சம்:
1. நீங்கள் பெற்றுள்ள சரீரத்தின் உணர்வு அனைத்திற்கும் அப்பாற்பட்டிருந்து, சத்தியமானவரின் சகவாசத்தில் நிலைத்திருப்பதனால் தூய்மையானவர்கள் ஆகுங்கள்.

2. இந்த மாணவ வாழ்க்கையில், நடந்தும் உலாவியும் திரியும்பொழுது, இந்த ஞானத்தை உங்கள் புத்தியில் தொடர்ந்தும் சுற்ற வேண்டும். உங்கள் இலக்கையும், இலட்சியத்தையும் உங்கள் முன் வைத்து முயற்சி செய்யுங்கள். நேர்மையான இதயத்தைக் கொண்டிருந்து, தந்தையின் உதவியாளர் ஆகுங்கள்.

ஆசீர்வாதம்:
நீங்கள் உங்களுடைய சத்தியயுகத்துச் சுபாவத்தின் மூலம் சத்தியயுகத்துச் சேவையைச் செய்கின்ற, ஒரு மேன்மையான முயற்சியாளர் ஆவீர்களாக.

பழைய சம்ஸ்காரங்களின் கலப்படம் அல்லது அல்லது பொறாமைக்குரிய அல்லது பிடிவாதத்திற்குரிய அல்லது தங்களைச் சரியென்று நிரூபிக்க முயற்சிக்கின்ற சுபாவம் எதுவும் இல்லாத குழந்தைகளே, சத்தியயுகத்துச் சுபாவங்களைக் கொண்டுள்ளவர்கள். அத்தகைய சத்தியயுகத்துச் சுபாவங்களையும், எப்பொழுதும் ஹாஜி என்று (ஆம்) கூறுகின்ற சம்ஸ்காரத்தை உடையவர்களுமாகிய அத்தகைய மேன்மையான முயற்சியைச் செய்கின்ற, குழந்தைகளே நேரத்துக்கும் சேவைக்கும் ஏற்ப வளைந்து கொடுத்து, நிஜத் தங்கம் ஆகுகின்றார்கள். ஆணவத்தின் அல்லது அவமதிக்கப்பட்ட உணர்வின் கலப்படம் எதுவும் சேவையில் கலக்காதபொழுதே, நீங்கள் சத்தியயுகத்துச் சேவையைச் செய்பவர் என அழைக்கப்படுவீர்கள்.

சுலோகம்:
ஏன்?, என்ன? எனும் கேள்விகளை முடித்து விட்டு, சதா உங்கள் இதயத்தில் சந்தோஷமாக இருங்கள்.