‘‘స్వరాజ్యము యొక్క రిజల్టును చెక్ చేసుకుని
స్వయాన్ని ఛేంజ్ చేసుకోండి మరియు అఖండ రాజ్యానికి అధికారులుగా
అవ్వండి’’
ఈ రోజు హృదయాభిరాముడైన బాబా తమ అత్యంత ప్రియమైన పిల్లలను
కలుసుకునేందుకు వచ్చారు. ఎందుకు అత్యంత ప్రియమైనవారు? పిల్లలైన
మీలోని ప్రతి ఒక్కరూ మూడు సింహాసనాలకు యజమానులు అని మీకు తెలుసా?
ఒకటి, స్వరాజ్య సింహాసనము, రెండవది బాప్ దాదా హృదయ సింహాసనము
మరియు మూడవది భవిష్య సింహాసనము. మీరు మూడు సింహాసనాలకు
అధికారులు. మీ భవిష్య సింహాసనము కోసం కూడా ఇక్కడే అభ్యాసము
చేస్తున్నారు. భవిష్యత్తు కోసం తయారీలు మరియు పురుషార్థాన్ని
ఇప్పుడే చేస్తున్నారు. ఇప్పటి పురుషార్థము అనేక జన్మలకు రాజ్య
భాగ్యాన్ని ఇప్పించేటటువంటిది. ఈ సమయములోనే మీ రాజ్య భాగ్య
సంస్కారాలను ధారణ చేస్తున్నారు ఎందుకంటే ఇప్పటి పురుషార్థమే
భవిష్య రాజ్యానికి అధికారులుగా చేస్తుంది. కావున చెక్ చేసుకోండి,
ఈ సమయములో ఉన్న మీ పురుషార్థము యథార్థముగా ఉందా? ఏ విధముగా
భవిష్యత్తులో ఒకే రాజ్యముంటుందో, అలా ఇప్పుడు కూడా చెక్
చేసుకోండి - మా మనసులో ఒకే రాజ్యము నడుస్తుందా? పురుషార్థములో
ఒకే రాజ్యము ఉంటుందా? లేదా రాజ్యములో మాయ విఘ్నాలను
కలిగిస్తుందా? ఒక్క రాజ్యానికి బదులుగా మాయ ప్రభావము పడటము లేదు
కదా? రెండు రాజ్యాలైతే లేవు కదా? భవిష్యత్తు యొక్క విశేషతయే ఏక
రాజ్యము. ఇప్పటి అభ్యాసమే భవిష్యత్తులో కొనసాగుతుంది. కావున
చెక్ చేసుకోండి - ఇప్పుడు స్వరాజ్యము ఉందా? స్వరాజ్యములో ఎక్కడా
మాయ జోక్యము చేసుకోవడము లేదు కదా? రెండు రాజ్యాలైతే లేవు కదా?
ఒకవేళ రెండు రాజ్యాలు ఉన్నట్లయితే ఏక రాజ్యము యొక్క సంస్కారాలను
ఎప్పుడు నింపుకుంటారు? భవిష్య రాజ్యములోని విశేషతయే ఏక రాజ్యము
మరియు ఏక ధర్మము. అక్కడ ఏ ధర్మము ఉంటుంది? మీ విశేష ధారణ ఏమిటి?
సంపూర్ణ పవిత్రత. కావున చెక్ చేసుకోండి, ఒకే ధర్మము ఉందా?
మధ్యలో అపవిత్రత అనే రెండవ ధర్మము జోక్యము చేసుకోవడము లేదు కదా?
దీనితో పాటు ఇది కూడా చెక్ చేసుకోండి, లా అండ్ ఆర్డర్ ఒక్కరిదే
ఉంటుందా లేక మాయ కూడా మధ్యలో జోక్యము చేసుకుంటుందా? ఒక్కరి
రాజ్యమే నిర్విఘ్నముగా జరుగుతుందా? మరొక విషయమేమిటంటే - ఆ
రాజ్యములో సదా సుఖ-శాంతులు న్యాచురల్ గా ఉంటాయి, మరి ఇప్పుడు
చూసుకోండి - మీ రాజ్యములో సదా సుఖ-శాంతులు ఉన్నాయా? ఎవ్వరూ
మధ్యలో జోక్యము చేసుకోవడము లేదు కదా? స్వరాజ్యములో మాయ జోక్యము
చేసుకుని అశాంతిని వ్యాపింపజేయడము లేదు కదా? స్వరాజ్యములో ఏదో
ఒక సౌకర్యము లేక ప్రశంస యొక్క ప్రభావాన్ని అయితే మాయ
తీసుకురావడము లేదు కదా? సదా సుఖము, శాంతి, ఆనందము, ప్రేమ,
అతీంద్రియ సుఖము స్థిరముగా ఉంటున్నాయా? ఎందుకంటే భవిష్య
రాజ్యములో సర్వ ప్రాప్తులు, సంపన్నత ఉంటాయి అని మీకు తెలుసు.
వాటి కారణముగా సంతుష్టత కూడా ఉంటుంది. మరి ఇప్పుడు కూడా
స్వరాజ్యము సంపన్నముగా ఉంటుందా లేదా ఏదైనా లోటు ఉంటుందా?
ఎందుకంటే ఇప్పటి పురుషార్థములో ఒకవేళ లోపము ఉండిపోయినట్లయితే
ఇక భవిష్య అఖండ రాజ్యానికి అధికారులుగా ఎలా అవ్వగలరు! ఆధారమంతా
ఇప్పటి పురుషార్థముపైనే ఉంది. ఇప్పుడు ఏ లోపము ఉన్నా
భవిష్యత్తులో సంపూర్ణ రాజ్యానికి అధికారులుగా అవ్వలేరు.
బహుకాలపు ఈ స్వరాజ్య అభ్యాసము భవిష్య రాజ్యానికి అధికారులుగా
చేస్తుంది. కావున మీ ఈ చెకింగ్ సదా ఉండాలి ఎందుకంటే ఇప్పుడు
ఒకవేళ బహుకాలపు పురుషార్థము లేనట్లయితే ప్రారబ్ధము కూడా తక్కువ
లభిస్తుంది, అందుకే బాప్ దాదా ఎప్పటికప్పుడు ఈ అటెన్షన్ ను
ఇప్పిస్తున్నారు, ఏమని అంటే - దీని కోసం ఇప్పుడు స్వయాన్ని
సంపన్నముగా మరియు సంపూర్ణముగా తయారుచేసుకోండి. ఒకవేళ ఇప్పుడు
మధ్యమధ్యలో - పురుషార్థము నడుస్తూ ఉందిలే అని అన్నట్లయితే ఆ
పురుషార్థము మధ్యలో ‘అయితే-అయితే’ అనేది రావడము లేదు కదా! ఇది
అయితే అయిపోతుందిలే, ఇది అయితే చేస్తాములే, ఈ సంస్కారము 21
జన్మల అవినాశీ, అఖండ రాజ్యానికి అధికారులుగా అవ్వనివ్వదు.
బాప్ దాదా సదా కోసం అటెన్షన్ ను ఇప్పిస్తున్నారు, చెక్
చేసుకోండి - ఒకవేళ ఏ విఘ్నము వచ్చినా కానీ, తుఫాను వచ్చినా కానీ,
ఆ తుఫాను తోఫాగా (కానుకగా) అయిపోతుందా? ఆ తుఫాను, తుఫాను కాదు,
కానుకగా అయిపోవాలి. ఏ విధమైన మాయా దాడి జరిగినా, మాయ అక్కడ
దానిని దాడిలా అనుభవము చేయిస్తుంది, ఆ అనుభవము కూడా మనకు ఎలా
అనుభవమవ్వాలంటే ఆ అనుభవము అనే మెట్లు మనల్ని ముందుకు
తీసుకువెళ్తున్నాయి అన్నట్లు అనిపించాలి. దీని కోసం బాప్ దాదా
చెప్తున్నారు, సదా మీ చార్టును మీరే చెక్ చేసుకోండి. ఎంతగా మీ
చార్టును చెక్ చేసుకుంటారో అంతగానే చెక్ చేసుకుని ఛేంజ్
చేసుకుంటారు. మరి ప్రతి ఒక్కరూ మీ చార్టును చెక్
చేసుకుంటున్నారా? చేసుకుంటున్నారా? ఎవరైతే రోజూ చెక్
చేసుకుంటున్నారో, వారు చేతులెత్తండి. ఎవరైతే రోజూ చెక్
చేసుకుంటున్నారో, వారు చేతులెత్తండి, అప్పుడప్పుడూ చేసుకునేవారు
కాదు. రోజూ చార్టు చెక్ చేసుకోండి మరియు ఛేంజ్ చేసుకోండి
ఎందుకంటే సమయము యొక్క సూచనను బాప్ దాదా చాలాకాలం నుండి
ఇస్తున్నారు. సమయాన్ని చూస్తున్నారు కూడా. మనుష్యుల మనసులలో
చింత పెరుగుతుంది మరియు మీ మనసులో చింత కాదు, ప్రభు చింతన ఉంది.
ప్రభు చింతన ఉన్న కారణముగా మీకు సదా తెలుసు - మేము నిమిత్తులము,
నిర్మానచిత్తులము ఎందుకంటే చేయించేవారు బాబా. దీని కారణముగా మీ
మనసులో చింత లేదు, చేయించేవారు చేయిస్తున్నారు అన్న స్మృతి సదా
ముందుకు తీసుకువెళ్తూ ఉంది.
ఇప్పుడు విశేషముగా ప్రతి ఒక్కరూ చెక్ చేసుకోవాలి - ఈ
సంగమయుగము యొక్క ఒక్కొక్క సెకండు, సమయము మరియు సంకల్పాలు
శుభముగా నడుస్తున్నాయా? ఈ సమయానికి ఉన్న మహత్వాన్ని తెలుసుకోండి,
ఒక్క సెకండు సెకండు కాదు, కానీ ఒక్క సెకండుకు కూడా విలువ ఉంది,
మహత్వము ఉంది. అప్పుడప్పుడు పిల్లలు ఏమంటారంటే, సంకల్పాలు
వచ్చాయి కానీ రెండు-నాలుగు సెకండ్లు మాత్రమే వచ్చాయి అని, కానీ
సంగమ సమయానికి విలువ ఉంది, ఇప్పటి ఒక్క సెకండు ఒక్క గంటతో
సమానము. ఈ సమయానికి అంతటి మహత్వము ఉంది, ఎందుకంటే బాప్ దాదా
అన్నారు, అకస్మాత్తుగా ఏ సమయములోనైనా మీ ఫైనల్ పేపర్ రావచ్చు,
బాప్ దాదా కూడా ముందు చెప్పరు, అందుకే ఈ సమయములోని అటెన్షన్
ఏమిటంటే, స్వయాన్ని సంపూర్ణముగా మరియు సంపన్నముగా చేసుకోవడము.
బాప్ దాదా ఏవైతే సర్వ ఖజానాలను ఇచ్చారో, ఆ ఒక్కొక్క ఖజానాను
సమయానికి కార్యములో వినియోగించండి. మీరు ఖజానాలకు యజమానులు.
యజమాని యొక్క విశేషత ఏమిటంటే, ఏ సమయములో ఏ ఖజానా అవసరమో ఆ
సమయములో ఆ ఖజానాను కార్యములో వినియోగిస్తారు. ఒకవేళ ఇముడ్చుకునే
శక్తిని ఆజ్ఞాపిస్తే ఇముడ్చుకునే శక్తి కార్యములోకి వస్తుందా?
ఎందుకంటే యజమాని అని ఎవరిని అంటారంటే, ఎవరైతే సమయానికి తమ
ఖజానాలను కార్యములో వినియోగించగలరో వారిని. మరి ఇప్పుడు అందరూ
స్వయముపై అంతటి అటెన్షన్ ను పెట్టాలి. అందరిలోనూ సంతోషము యొక్క
ఖజానా సదా ముఖములో మరియు నడవడికలో కనిపించాలి. సంతోషము అవినాశీ
తండ్రి యొక్క ప్రసాదము. అవినాశీ తండ్రి ఇచ్చిన కానుకను
అవినాశీగా నిలుపుకోండి. సంతోషము గురించి ఏమంటూ ఉంటారంటే -
సంతోషము వంటి ఔషధము ఇంకేదీ లేదు, సంతోషము వంటి ఖజానా ఇంకేదీ
లేదు. ఎవరిలోనైతే సదా సంతోషము ఉంటుందో, అది వారి నయనాల ద్వారా,
ముఖము ద్వారా, నడవడిక ద్వారా ఆటోమేటిక్ గా కనిపిస్తుంది. బాప్
దాదా ఇచ్చిన వరదానమేమిటంటే, సదా సంతోషముగా ఉండండి మరియు సదా
సంతోషాన్ని పంచండి, ఎందుకంటే సంతోషాన్ని పంచినట్లయితే సంతోషము
పెరుగుతుంది. మిగతా ఏ ఖజానాలను పంచినా అవి తరిగిపోతాయి, కానీ
సంతోషము యొక్క ఖజానాను ఎంతగా పంచుతారో అంతగా అది పెరుగుతుంది.
కావున చెక్ చేసుకోండి, సంతోషము యొక్క ఖజానా స్థిరముగా నిలిచి
ఉందా?
ఇప్పుడు పిల్లలందరికీ భారత్ వారు కావచ్చు, విదేశాల వారు
కావచ్చు, పిల్లలందరికీ బాప్ దాదా ఒక విషయములో విశేషమైన
అభినందనలను తెలియజేస్తున్నారు, అది ఏ విషయము? దేశములో గాని,
విదేశాలలో గాని అందరూ తమ ఉల్లాస-ఉత్సాహాలతో ఆత్మలకు బాబా
సందేశాన్ని ఇచ్చారు. అందరూ తమ సంతోషముతో ఏదైతే కార్యాన్ని
చేశారో, ఆ కార్యములో ప్రోగ్రామ్ ఒకటి చేసారు. ప్రతి చోట ఒక
ప్రోగ్రామ్ నే చేసారు కానీ దానికి ఫలము వేయి రెట్లు పొందారు.
బాప్ దాదాకు ఇదే సంకల్పము ఉంది, అదేమిటంటే, ఇప్పటి
సమయమనుసారముగా ఏవైతే పరిస్థితులు ఉన్నాయో, అవి మున్ముందు మరింత
నాజూకుగా అవుతూ ఉంటాయి, అందుకే గ్రామములోనైనా లేక ఏ మూలన అయినా,
మా తండ్రి వచ్చారు కానీ మాకు మీరు సందేశము ఇవ్వలేదు అన్న
ఫిర్యాదు ఉండిపోకూడదు. అందుకే అందరూ ఏవైతే ఉల్లాస-ఉత్సాహాలతో ఈ
సేవను చేశారో, బాప్ దాదా సంతోషిస్తున్నారు మరియు ఇలాగే
పరస్పరములో కలుసుకుని ఇటువంటి ప్రోగ్రాములను తయారుచేస్తూ ఉండండి.
బాప్ దాదా చూసారు, ఉల్లాస-ఉత్సాహాలను మరియు ధైర్యమును అందరూ
తమ-తమ విధి అనుసారముగా కార్యములో వినియోగించారు కానీ ఇప్పుడైతే
అందరూ చాలా బాగా చేసారు. మున్ముందు కోసం కూడా సమయమనుసారముగా ఈ
లక్ష్యాన్ని పెట్టుకోండి, ఏ మూల కూడా సందేశము లేకుండా
మిగిలిపోకూడదు. ఇందులో స్వ పురుషార్థము కూడా బాగా అవుతుంది
మరియు ఆత్మల కళ్యాణము కూడా జరుగుతుంది. అందరికీ ఈ ప్రోగ్రాములు
మంచిగా అనిపించాయి కదా! మంచిగా అనిపించాయా! బాప్ దాదా
పిల్లలందరికీ పదే-పదే ఇదే చెప్తున్నారు - ఆత్మల పట్ల దయార్ద్ర
హృదయులుగా అవ్వండి. ఈ రోజుల్లో దుఃఖము, అశాంతి కారణముగా అందరూ
- దయ చూపించండి, కృప చూపించండి అని మనసు లోతుల్లో నుండి
అడుగుతున్నారు. మరి బాబాకు సహచరులు పిల్లలైన మీరే. బాబా పిల్లల
నుండి, ఇప్పుడు ప్రతి బిడ్డ నుండి దయా హృదయపు పాత్రను చూడాలని
కోరుకుంటున్నారు. ఈ దుఃఖమయ ప్రపంచము మారి సుఖమయ ప్రపంచము రావాలి
అన్నది మీ అందరి ఉత్సాహము. మరి సుఖమయ ప్రపంచము రావడానికి, ఈ
దుఃఖ-అశాంతులు వినాశనము అవ్వడానికి పరిస్థితులు మారుతున్నాయి.
కావున ఈ రోజు బాబా ఇస్తున్న ఈ సందేశాన్నే గుర్తుంచుకోండి -
ఇప్పుడు మనసా కావచ్చు, వాచా కావచ్చు, ముఖము మరియు నడవడికతో
కావచ్చు, సేవ వేగాన్ని పెంచుతూ వెళ్ళండి. మీ రాజ్యాన్ని
సమీపముగా తీసుకువస్తూ వెళ్ళండి. అచ్ఛా.
ఈ సారి బాప్ దాదాను కలవడానికి మొదటిసారిగా ఎవరైతే వచ్చారో,
వారు చేతులెత్తండి. అచ్ఛా, చాలా మంది ఉన్నారు. అందరూ లేవండి.
అభినందనలు. ఎంతైనా సమాప్తికి ముందే చేరుకున్నారు. కొత్త జన్మ
తీసుకున్నారు. దీని కోసం ఇప్పుడు వచ్చిన పిల్లలకు అందరి తరఫు
నుండి బాప్ దాదా మరియు నలువైపులా ఉన్న పిల్లల నుండి అభినందనలు,
అభినందనలు. బ్రాహ్మణ పరివారాన్ని చూస్తే సంతోషము కలుగుతుంది కదా!
కానీ ఎవరైతే ఇప్పుడు వచ్చారో వారికి బాప్ దాదా ఇదే చెప్తున్నారు
- ఇప్పుడు చాలా సమయము గడిచిపోయింది, చాలా కొద్ది సమయమే మిగిలి
ఉంది, అందుకే పురుషార్థాన్ని తీవ్రతరం చేయండి. తీవ్ర
పురుషార్థులు ముందుకు వెళ్తారు. నడవ వద్దు, ఎగరండి. ఎగిరే కళ
యొక్క పురుషార్థాన్ని చేసినట్లయితే ఆలస్యముగా వచ్చినా సరే బాబా
ఇచ్చే వారసత్వముపై తమ పూర్తి హక్కును తీసుకోవచ్చు. ప్రతి సెకండు
సంతోషముగా ఉండండి మరియు అందరికీ సందేశము ఇవ్వాలి. అచ్ఛా.
ఈ రోజు బాప్ దాదా - స్వరాజ్య అధికారిగా అయి స్వరాజ్యపు
రిజల్టును చెక్ చేసుకోండి అని ఏదైతే చెప్పారో, దానిని చెక్
చేసుకుని ఎటువంటి లోపాన్ని అయినా బహుకాలము నుండి ఛేంజ్
చేసుకోవాలి, ఎందుకంటే బహుకాలము అఖండ రాజ్యము ఉండాలంటే దానికి
బహుకాలపు పురుషార్థము అవసరము. వారు బహుకాలపు ప్రారబ్ధానికి
స్వతహాగానే అధికారులుగా అవుతారు, అందుకే అండర్ లైన్ చేసుకోండి
- బహుకాలపు పురుషార్థము ఉండాలి. చెకింగ్ చేసుకోండి మరియు ఛేంజ్
చేసుకోండి.
నలువైపులా ఉన్న బాప్ దాదా హృదయ సింహాసనాధికారులైన పిల్లలు
ప్రతి ఒక్కరికీ బాప్ దాదా ప్రతిరోజూ అమృతవేళ విశేషముగా శక్తిని
పంచుతారు. అమృతవేళలో విశేషముగా వరదానాలను, శక్తులను పంచుతారు.
ఎవరైతే అమృతవేళలోని శక్తిని, విశేష వరదానాలను స్వీకరిస్తారో,
వారు విశేషముగా తీవ్ర పురుషార్థులు అవుతారు. అమృతవేళకు
మహత్వాన్ని ఇవ్వడము అంటే బాప్ దాదా హృదయ సింహాసనాధికారులుగా సదా
ఉండటము. కొంతమంది పిల్లలకు అటెన్షన్ ఉంది మరియు బాప్ దాదా
వారికి రోజూ - వాహ్ పిల్లలు వాహ్ అని సర్టిఫికేట్ ను ఇస్తారు!
నలువైపులా ఉన్న తీవ్ర పురుషార్థీ పిల్లలకు, ప్రతి సమయము బాప్
దాదాను తమ సహచరునిగా చేసుకుని కంబైన్డుగా ఉండే అభ్యాసమున్న
పిల్లలకు బాప్ దాదా విశేషముగా వరదానాన్ని ఇస్తున్నారు - సదా
ఎగురుతూ వెళ్ళండి మరియు ఇతరులకు కూడా ఎగిరే సహయోగాన్ని అందించి
ఎగిరేలా చేస్తూ ఉండండి. అందరూ విజయులే మరియు విజయానికి ఫలముగా
అన్నివేళలా బాప్ దాదా నుండి దీవెనలు ప్రాప్తిస్తాయి. అమరులుగా
అయి అందరికీ అమృతాన్ని తాగిస్తూ ఉండండి. నలువైపులా ఉన్న పిల్లలు
బాప్ దాదా ఎదురుగా ఉన్నారు. ప్రతి బిడ్డ పట్ల బాప్ దాదాకు
మనసులో ప్రేమ ఉంది ఎందుకంటే ప్రతి బిడ్డలో ఏదో ఒక విశేషత ఉంది.
ఇప్పుడు సర్వ విశేషతలతో స్వయాన్ని విశేష ఆత్మగా చేసుకుని
ముందుకు సాగుతూ వెళ్ళండి. బాప్ దాదా తరఫున ప్రతి బిడ్డ పర్సనల్
గా పదమాల రెట్లు ప్రియస్మృతులను స్వీకరించండి. అచ్ఛా, ఇప్పుడిక
కలుస్తూనే ఉంటాము. నమస్తే.