മധുരമായകുട്ടികളേ-
നിങ്ങള്ക്ക്ഈ
പുരുഷോത്തമസംഗമയുഗത്തി
ല്തന്നെയാണ്ഉത്തമനിലുംഉത്ത
മപുരുഷനായിമാറേണ്ടത്. എല്ലാവരി
ലുംവെച്ച്ഉത്തമപുരുഷനാണ്ഈലക്ഷ്മി-
നാരായണന്.
ചോദ്യം :-
നിങ്ങള് കുട്ടികള് ബാബയുടെ കൂടെ ഏതൊരു ഗുപ്തമായ കാര്യമാണ്
ചെയ്തുകൊണ്ടിരിക്കുന്നത്?
ഉത്തരം :-
ആദിസനാതന
ദേവിദേവതാധര്മ്മത്തിന്റെയും ദൈവീകരാജധാനിയുടെയും സ്ഥാപനയാണ് നിങ്ങള് ബാബയുടെകൂടെ
ഗുപ്തമായ രീതിയില് ചെയ്തുകൊണ്ടിരിക്കുന്നത്. തോട്ടക്കാരനായ ബാബ വന്ന്
മുളളുകളാകുന്ന കാടിനെ പുഷ്പങ്ങളുടെ പൂന്തോട്ടമാക്കി മാറ്റുകയാണ് ചെയ്യുന്നത്.
സത്യയുഗമാകുന്ന പൂന്തോട്ടത്തില് അതീവ ദു:ഖം നല്കുന്ന വസ്തുക്കളൊന്നും
ഉണ്ടായിരിക്കുകയില്ല.
ഗീതം :-
അവസാനം ആ
ദിനം വന്നെത്തി........
ഓംശാന്തി.
ആത്മീയ അച്ഛന് ആത്മീയ കുട്ടികള്ക്ക് മനസ്സിലാക്കിത്തരുന്നു. ഈ ശരീരത്തിലൂടെ
തന്നെയല്ലേ മനസ്സിലാക്കിത്തരുന്നത്. ആത്മാവിന് ശരീരമില്ലാതെ ഒരു കാര്യവും
ചെയ്യാന് സാധിക്കുകയില്ല. ആത്മീയ അച്ഛനും ഒരേയൊരു പ്രാവശ്യം ഈ പുരുഷോത്തമ
സംഗമയുഗത്തില് ഒരു ശരീരം എടുക്കേണ്ടതായി വരുന്നു. ഇത് സംഗമയുഗമാണ് ഇതിനെ
പുരുഷോത്തമയുഗമെന്നും പറയും. എന്തുകൊണ്ടെന്നാല് ഈ സംഗമയുഗത്തിനുശേഷം പിന്നീട്
വരുന്നത് സത്യയുഗമാണ്. ഈ സത്യയുഗത്തെയും പുരുഷോത്തമയുഗമെന്നു പറയും. ബാബ വന്ന്
സ്ഥാപിക്കുന്നതും പുരുഷോത്തമയുഗത്തെയാണ്. സംഗമയുഗത്തിലേക്ക് വരുന്നതുകൊണ്ട്
ഇതിനേയും പുരുഷോത്തമയുഗം എന്നു പറയുന്നു. ഇവിടെയാണ് കുട്ടികളെ
പുരുഷോത്തമന്മാരാക്കി മാറ്റുന്നുത്. പിന്നീട് നിങ്ങള് പുതിയ ലോകത്തില്
പുരുഷോത്തമരായിരിക്കും. പുരുഷോത്തമന് എന്നാല് ഉത്തമനിലും ഉത്തമപുരുഷന്. രാധയും
കൃഷ്ണനും അഥവാ ലക്ഷ്മിയും നാരായണനുമാണ് പുരഷോത്തമര്. ഈ ജ്ഞാനം നിങ്ങള്ക്കുണ്ട്.
ഇവര് സ്വര്ഗ്ഗത്തിന്റെ അധികാരികളാണെന്ന് മറ്റു ധര്മ്മത്തിലുളളവരും
അംഗീകരിക്കുന്നുണ്ട്. അതുകൊണ്ടാണ് ഭാരതത്തിന് വളരെയധികം മഹിമയുളളത്. എന്നാല്
ഭാരതവാസികള് സ്വയം ഇതൊന്നും അറിയുന്നില്ല. ഇന്നയാള് സ്വര്ഗ്ഗവാസി ആയി എന്ന് പറയും,
എന്നാല് സ്വര്ഗ്ഗം എന്താണെന്ന് ഇവര് അറിയുന്നില്ല. അവര് സ്വര്ഗ്ഗത്തിലേക്ക് പോയി
എന്നതും ഇത്രയും കാലം നരകത്തിലായിരുന്നു എന്നതും അവര് തന്നെ സ്ഥിരീകരിക്കുകയാണ്.
ബാബയാണ് സ്വര്ഗ്ഗം സ്ഥാപിക്കുന്നത് പുതിയ ലോകത്തെയാണ് സ്വര്ഗ്ഗമെന്ന് പറയുന്നത്.
സ്വര്ഗ്ഗവും നരകവും രണ്ടും രണ്ടാണ്. മനുഷ്യര് സ്വര്ഗ്ഗത്തിന് ലക്ഷക്കണക്കിന്
വര്ഷങ്ങളുണ്ടെന്ന് കാണിച്ചിട്ടുണ്ട്. നിങ്ങള് കുട്ടികള്ക്കറിയാം ഇന്നലെ
സ്വര്ഗ്ഗമായിരുന്നു അപ്പോള് ഇവരുടെ രാജധാനി ഉണ്ടായിരുന്നു, ഇപ്പോള് വീണ്ടും
ബാബയില് നിന്ന് സമ്പത്ത് നേടിക്കൊണ്ടിരിക്കുകയാണ്.
ബാബ പറയുകയാണ് മധുരമായ ഓമന സന്താനങ്ങളേ, നിങ്ങള് ആത്മാക്കള് പതീതമായതുകൊണ്ടാണ്
നരകത്തില് വസിക്കുന്നത്. ഇനിയും കലിയുഗത്തിന് നാല്പതിനായിരം വര്ഷങ്ങളുണ്ടെന്ന്
പറയാറുണ്ട്. അതിനാല് എല്ലാവരെയും കലിയുഗവാസികളെന്നല്ലേ പറയുക. ഇത് പഴയ ലോകമല്ലേ.
പാവം മനുഷ്യര് ഘോരമായ അന്ധകാരത്തിലാണ്. അവസാനം എല്ലാം അഗ്നിക്കിരയാകുമ്പോള്
സര്വ്വതും നശിക്കുന്നു. നിങ്ങള് നമ്പര്വെസ് പുരുഷാര്ത്ഥമനുസരിച്ച്
പ്രീതബുദ്ധിയുളളവരാണ്. എത്രത്തോളം പ്രീതബുദ്ധിയുളളവരായി മാറുന്നുവോ അതനുസരിച്ച്
ഉയര്ന്ന പദവിയും പ്രാപ്തമാകും. അതിരാവിലെ എഴുന്നേറ്റ് ബാബയെ സ്നേഹത്തോടെ
ഓര്മ്മിക്കണം. സ്നേഹത്തിന്റെ കണ്ണുനീരും വരണം എന്തുകൊണ്ടെന്നാല് വളരെക്കാലത്തിനു
ശേഷമാണ് ബാബ വന്ന് കാണുന്നത്. ബാബാ അങ്ങ് വന്ന് ഞങ്ങളെ ദു:ഖത്തില് നിന്നും
മോചിപ്പിക്കുന്നു ഞങ്ങള് വിഷയസാഗരത്തില് മുങ്ങിത്താണ് എത്ര ദുഖികളായിരുന്നു.
ഇപ്പോള് ഇത് ഭയാനകമായ നരകമാണ്. ഇപ്പോള് നിങ്ങള്ക്ക് ബാബ മുഴുവന് ചക്രത്തിന്റെയും
രഹസ്യം മനസ്സിലാക്കിത്തന്നു. മൂലവതനം എന്താണെന്നും മനസ്സിലാക്കിത്തന്നു. മുമ്പ്
നിങ്ങള്ക്കും അറിയുമായിരുന്നില്ല, ഈ ലോകം തന്നെയാണ് മുള്ക്കാട്.
സ്വര്ഗ്ഗത്തെയാണ് അല്ലാഹുവിന്റെ പൂന്തോട്ടം എന്നു പറയുന്നത്, പൂക്കളുടെ തോട്ടം.
ബാബയെ തോട്ടക്കാരന് എന്നും പറയാറുണ്ടല്ലോ നിങ്ങളെ പൂവില് നിന്നും
മുളളാക്കിയതാരാണ്? രാവണന്. നിങ്ങള് കുട്ടികള്ക്കറിയാം ഭാരതം പൂക്കളുടെ
തോട്ടമായിരുന്നു ഇപ്പോള് കാടാണ്. കാട്ടില് മൃഗങ്ങളും, തേളുമെല്ലാം ഉണ്ടാകും,
സത്യയുഗത്തില് ക്രൂരമൃഗങ്ങളൊന്നും ഉണ്ടാവുകയില്ല. ശാസ്ത്രങ്ങളില് പല കാര്യങ്ങളും
എഴുതി വെച്ചിട്ടുണ്ട്. കൃഷ്ണനെ സര്പ്പം കൊത്തി, ഇങ്ങനെ സംഭവിച്ചു ..........
കൃഷ്ണനെ ദ്വാപരയുഗത്തിലേക്കു കൊണ്ടുവന്നു. ബാബ മനസ്സിലാക്കിത്തരുന്നു ഭക്തി
തികച്ചും വ്യത്യസ്തമാണ്, ജ്ഞാനസാഗരന് ഒരെയൊരു ബാബയാണ്. ബ്രഹ്മാ-വിഷ്ണു-ശങ്കര്
ജ്ഞാന സാഗരനല്ല. പതീതപാവനന് എന്നു വിളിക്കുന്നത് ഒരേയൊരു ജ്ഞാനസാഗരനെയാണ്.
ജ്ഞാനത്തിലൂടെ മാത്രമെ മനുഷ്യന് സദ്ഗതി ഉണ്ടാകുന്നുളളു. സദ്ഗതിയുടെ സ്ഥലങ്ങള്
രണ്ടാണ്-മുക്തിധാമം, ജീവന്മുക്തിധാമം. ഇപ്പോള് നിങ്ങള് കുട്ടികള്ക്കറിയാം ഇവിടെ
രാജധാനി സ്ഥാപിച്ചുകൊണ്ടിരിക്കുകയാണ് പക്ഷേ ഗുപ്തമാണ്. ബാബ തന്നെ വന്നാണ് ആദി
സനാതനദേവിദേവതാധര്മ്മത്തിന്റെ സ്ഥാപന ചെയ്യുന്നത് അപ്പോള് എല്ലാവരും
അവരവരുടേതായ മനുഷ്യ വസ്ത്രങ്ങളിലേക്കു വരുന്നു. ബാബക്ക് തന്റേതായ
വസ്ത്രങ്ങളില്ല അതിനാല് നിരാകാരനായ ഗോഡ്ഫാദര് എന്നു വിളിക്കുന്നു. ബാക്കി
എല്ലാവരും സാകാരിയാണ്. ബാബയെയാണ് നിരാകാര ആത്മാക്കളുടെ നിരാകാരനായ ഗോഡ്ഫാദര്
എന്നു വിളിക്കുന്നത്. ബാബയും അവിടെ വസിക്കുന്നു. പക്ഷേ ഗുപ്തമാണ് ബാബ തന്നെ
വന്നാണ് ആദി സനാതനദേവിദേവതാധര്മ്മത്തിന്റെ സ്ഥാപന ചെയ്യുന്നത്. മൂലവതനത്തില് ഒരു
ദു:ഖവുമില്ല. ബാബ പറയുന്നു- ബാബയെ ഓര്മ്മിക്കുന്നതില് മാത്രമാണ് നിങ്ങളുടെ
മംഗളമുളളത,് മന്മനാഭവ. ബാബയുടെ കുട്ടിയായി മാറി അര്ത്ഥം കുട്ടിക്ക് സമ്പത്തിന്റെ
അവകാശമുണ്ടല്ലോ. അല്ലാഹുവിനെ ഓര്മ്മിച്ചുവെങ്കില് സത്യയുഗീ പുതിയലോകത്തിന്റെ
സമ്പത്ത് തീര്ച്ചയായും കിട്ടും. ഈ പതീതമായ ലോകത്തിന്റെ വിനാശവും തീര്ച്ചയായും
ഉണ്ടാവുകതന്നെ വേണം. അമരപുരിയിലേക്കു പോവുകതന്നെ വേണം അമരനാഥന് നിങ്ങള്
പാര്വ്വതിമാര്ക്ക് അമരകഥ കേള്പ്പിച്ചു തരുകയാണ്. തീര്ത്ഥസ്ഥാനത്തേക്ക് എത്ര
മനുഷ്യരാണ് പോകുന്നത്, അമരനാഥിലേക്ക് എത്ര പേരാണ് പോകുന്നത് അവിടെയൊന്നും ഒന്നും
തന്നെയില്ല എല്ലാം തട്ടിപ്പാണ്. സത്യത്തിന്റെ തരിപോലുമില്ല. ഇങ്ങനെ പാടാറുമുണ്ട്
അസത്യമായ ശരീരം, അസത്യമായ മായ........... ഇതിന്റെയും അര്ത്ഥം അറിയണം .
ഇവിടെയാണെങ്കില് അസത്യം മാത്രമേയുളളൂ. ഇതും ജ്ഞാനത്തിന്റെ കാര്യമാണ്. അല്ലാതെ
ഇങ്ങനെയല്ല ഗ്ളാസിനെ ഗ്ളാസ് എന്നു പറയുന്നത് അസത്യമാണ് എന്നല്ല പറയുന്നത്.
ബാക്കി ബാബയെക്കുറിച്ച് എന്തെല്ലാം പറയുന്നുണ്ടോ അത് അസത്യമാണ് പറയുന്നത്. സത്യം
പറയുന്നത് ഒരു ബാബയാണ് . ഇപ്പോള് നിങ്ങള്ക്കറിയാം ബാബ വന്ന് സത്യം സത്യമായ
സത്യനാരായണന്റെ കഥ കേള്പ്പിക്കുയാണ്. അസത്യമായ വജ്രങ്ങളും മുത്തുകളും ഉണ്ടല്ലോ.
ഇന്നത്തെക്കാലത്ത് അസത്യത്തിന്റെ വളരെയധികം പ്രഭാവമുണ്ട്, അതിന്റെ തിളക്കം
കണ്ടാല് സത്യത്തെക്കാളും നല്ലതെന്നേ തോന്നിക്കൂ. ഈ അസത്യമായ കല്ല് മുമ്പ്
ഉണ്ടായിരുന്നില്ല. പിന്നീട് വിദേശത്ത് നിന്ന് വന്നതാണ്. അസത്യത്തെയും സത്യത്തെയും
കൂട്ടിച്ചേര്ക്കുന്നു, അറിയാനേ സാധിക്കില്ല. പിന്നീട് ഇതിനെ തിരിച്ചറിയാനുളള
സാധനങ്ങളും ഇറങ്ങി. ഇപ്പോള് അസത്യമായ മുത്തുകളെ കണ്ടാല് പോലും തിരിച്ചറിയാന്
സാധിക്കില്ല. ഇപ്പോള് നിങ്ങള് കുട്ടികള്ക്ക് ഒരു സംശയവും പാടില്ല. സംശയമുളളവര്
പിന്നീട് വരുകയില്ല. പ്രദര്ശിനിയില് എത്ര പേരാണ് വരുന്നത്, ബാബ പറയുന്നു ഇപ്പോള്
വലിയ-വലിയ കടകള് തുറക്കൂ, ഇതാണ് നിങ്ങളുടെ ഒരേയൊരു സത്യമായ കട. നിങ്ങള് സത്യമായ
കട തുറക്കുന്നു. വലിയ വലിയ സന്യാസികള്ക്ക് വലിയവലിയ കടകളാണ്, അവിടേക്ക്
ഉന്നതരായ മനുഷ്യര് പോകുന്നു. നിങ്ങളും വലിയ വലിയ സെന്ററുകള് തുറക്കൂ.
ഭക്തിമാര്ഗ്ഗത്തിലെ കാര്യങ്ങള് തികച്ചും വ്യത്യസ്തമാണ്. ഭക്തി തുടക്കം മുതലേ
ഉണ്ടായതാണ് എന്നൊരിക്കലും പറയാന് സാധിക്കില്ല. ജ്ഞാനത്തിലൂടെയാണ് സദ്ഗതി അഥവാ
പകല് ഉണ്ടാവുന്നത്. അവിടെ സമ്പൂര്ണ്ണ നിര്വികാരി വിശ്വത്തിന്റെ അധികാരികളാണ്. ഈ
ലക്ഷ്മിനാരായണന് വിശ്വത്തിന്റെ അധികാരികളായിരുന്നു എന്നുപോലും
മനുഷ്യര്ക്കറിയില്ല. സൂര്യവംശികളും ചന്ദ്രവംശികളും മാത്രം, മറ്റൊരു ധര്മ്മവും
ഇല്ല. കുട്ടികള് ഗീതവും കേട്ടു. നിങ്ങള് മനസ്സിലാക്കുന്നു അവസാനം ഈ
സംഗമത്തിലേക്ക് നാം വന്നെത്തി, ഈ സമയത്താണ് നമ്മള് വന്ന് തന്റെ പരിധിയില്ലാത്ത
അച്ഛനുമായുളള മിലനം നടത്തുന്നത്, പരിധിയില്ലാത്ത സമ്പത്ത് പ്രാപ്തമാക്കാന്
പുരുഷാര്ത്ഥം ചെയ്യുന്നത്. സത്യയുഗത്തില് ഇങ്ങനെ ഒരിക്കലും പറയില്ല - അവസാനം ആ
ദിവസം വന്നെത്തി എന്ന്. ഒരുപാടു ധാന്യങ്ങളും മറ്റും ഉണ്ടാകും എന്നെല്ലാം
മനുഷ്യര് മനസ്സിലാക്കുന്നു. സ്വര്ഗ്ഗത്തിന്റെ സ്ഥാപന നമ്മള് ചെയ്യുന്നു എന്നാണ്
മനസ്സിലാക്കുന്നത്. വിദ്യാര്ത്ഥികളുടേത് പുതിയ രക്തമാണ്, ഇവര് ഒരുപാട് സഹായിക്കും
എന്ന് വിചാരിക്കുന്നതുകൊണ്ട് ഗവണ്മെന്റ് അവര്ക്കു വേണ്ടി ധാരാളം
പരിശ്രമിക്കുന്നു. കല്ലുകളെറിയുന്നതും അവര് തന്നെയാണ്. ബഹളമുണ്ടാക്കാന്
ആദ്യമാദ്യം വിദ്യാര്ത്ഥികള് തന്നെയാണ് മുന്നിട്ട് നില്ക്കുന്നത്. അവര് വളരെ
സമര്ത്ഥശാലികളായിരിക്കും. അവരുടേത് പുതിയ രക്തമാണെന്ന് പറയും. ഇപ്പോള് പുതിയ
രക്തത്തിന്റെ കാര്യമില്ല. അതാണ് രക്തബന്ധം, ഇപ്പോള് ഇത് നിങ്ങളുടെആത്മീയ
ബന്ധമാണ്. പറയാറുണ്ടല്ലോ ബാബാ ഞാന് അങ്ങയുടെ രണ്ട് മാസത്തെ കുട്ടിയാണ്. ചില
കുട്ടികള് ആത്മീയ പിറന്നാള് ആഘോഷിക്കാറുണ്ട്. ഈശ്വരീയ പിറന്നാള് തന്നെ വേണം
ആഘോഷിക്കാന്. ഭൗതിക പിറന്നാള് കാന്സല് ചെയ്യണം. നമ്മള്ബ്രാഹ്മണരെയാണ്
കഴിപ്പിക്കുന്നത്. അപ്പോള് ആഘോഷിക്കേണ്ടതും ഈ പിറന്നാളാണ്. അതാണ് ആസൂരിയ ജന്മം,
ഇതാണ് ഈശ്വരീയ ജന്മം. രാത്രിയും പകലും പോലെയുള്ള വ്യത്യാസമുണ്ട്, പക്ഷേ
എപ്പോഴാണോ നിശ്ചയം ഉണ്ടാവുന്നത്. ഈശ്വരീയ ജന്മം ആഘോഷിച്ച് പിന്നീട് ആസൂരീയ
ജന്മത്തിലേക്ക് പോകുന്നവരുണ്ട്. ഇങ്ങനെയും ഉണ്ടാവുന്നുണ്ട് ഈശ്വരീയ ജന്മം
ആഘോഷിച്ചാഘോഷിച്ച് പിന്നീട് അപ്രത്യക്ഷമാകുന്നു. ഇന്നത്തെ കാലത്താണെങ്കില്
വിവാഹ വാര്ഷികം പോലും ആഘോഷിക്കുന്നുണ്ട്. വിവാഹത്തെ നല്ലൊരു ശുഭകാര്യമാണെന്ന്
മനസ്സിലാക്കുന്നു. നരകത്തിലേക്ക് പോകുന്ന ദിവസത്തെയാണ് ആഘോഷിക്കുന്നത്.
അത്ഭുതമല്ലേ. ബാബ ഈ കാര്യങ്ങളെല്ലാം മനസ്സിലാക്കിത്തരുന്നു. ഇപ്പോള് നിങ്ങള്ക്ക്
ബ്രാഹ്മണരോടൊപ്പം ഈശ്വരീയ ജന്മദിനം ആഘോഷിക്കണം. നമ്മള് ശിവബാബയുടെ കുട്ടികളാണ്,
നമ്മള് ഈശ്വരീയ പിറന്നാള് ആഘോഷിക്കുന്നുണ്ടെങ്കില് ശിവബാബയുടെയും ഓര്മ്മ വരുന്നു.
നിശ്ചയബുദ്ധികളായ കുട്ടികള് ജന്മദിനം ആഘോഷിക്കണം. ആസുരീയ ജന്മദിനം മറക്കണം. ഇത്
ബാബ നല്കുന്ന നിര്ദ്ദേശമാണ്. അഥവാ പക്കാ നിശ്ചയബുദ്ധിയാണെങ്കില് മാത്രം. ഞങ്ങള്
ബാബയുടേതായി മാറിക്കഴിഞ്ഞു, ഞങ്ങള്ക്ക് രണ്ടാമതൊരാളില്ല എന്നാല് അന്തിമമനം പോലെ
ഗതിയായിത്തീരും. ബാബയുടെ ഓര്മ്മയില് മരിച്ചു കഴിഞ്ഞാല് അടുത്ത ജന്മവും
അതുപോലത്തേത് ലഭിക്കുന്നു. ഇല്ലെങ്കില് ആരാണോ തന്റെ പത്നിയെ അന്തിമ സമയത്ത്
സ്മരിച്ചത്........ ഗ്രന്ഥത്തില് എഴുതപ്പെട്ടിട്ടുണ്ട്. ചിലര് ഇങ്ങനെയും
പറയുന്നു അന്തിമസമയത്ത് വായില് ഗംഗാജലം വേണമെന്ന്. ഇതെല്ലാം തന്നെ
ഭക്തിമാര്ഗ്ഗത്തിലുളള കാര്യങ്ങളാണ്. ബാബ നിങ്ങളോട് പറയുന്നു, സ്വദര്ശന
ചക്രധാരിയായി ശരീരം ഉപേക്ഷിക്കണം. ബുദ്ധിയില് ബാബയും ചക്രവും
ഓര്മ്മയുണ്ടായിരിക്കണം. ആ രീതിയില് പുരുഷാര്ത്ഥം ചെയ്താലല്ലേ അന്തിമ സമയത്തും
ഓര്മ്മവരൂ. സ്വയം ആത്മാവെന്നു മനസ്സിലാക്കൂ, ബാബയെ ഓര്മ്മിക്കൂ, കാരണം
നിങ്ങള്ക്കിപ്പോള് അശരീരിയായി തിരികെ വീട്ടിലേക്ക് പോകണം. ഇവിടെ പാര്ട്ട്
അഭിനയിച്ച്-അഭിനയിച്ച് സതോപ്രധാന അവസ്ഥയില് നിന്നും
തമോപ്രധാനമായിത്തീര്ന്നിരിക്കുകയാണ്. ഇനി വീണ്ടും സതോപ്രധാനമായി മാറണം. ഈ
സമയത്ത് എല്ലാ ആത്മാക്കളും അപവിത്രമാണ് അപ്പോള് പിന്നെങ്ങനെ പവിത്രമായ ശരീരം
ലഭിക്കും? ബാബ ധാരാളം ഉദാഹരണങ്ങള് പറഞ്ഞു തന്നിട്ടുണ്ട് കാരണം രത്നവ്യാപാരിയല്ലേ.
ക്ലാവ് പറ്റുന്നത് ആഭരണത്തിനല്ല സ്വര്ണ്ണത്തിനാണ്. 24 കാരറ്റില് നിന്നും 22
കാരറ്റാക്കിത്തീര്ക്കണമെങ്കില് സ്വര്ണ്ണത്തിന്റെ കൂടെ വെളളിയാണ് കലര്ത്തുക.
ഇപ്പോള് യഥാര്ത്ഥ സ്വര്ണ്ണം തന്നെയില്ല. എല്ലാവരില് നിന്നും സ്വര്ണ്ണം
വാങ്ങിക്കൊണ്ടിരിക്കുകയാണ്. ഇന്നത്തെക്കാലത്തെ പണത്തിന്റെ നോട്ടുകളും നോക്കൂ
എങ്ങനെയെല്ലാമാണ് ഉണ്ടാക്കുന്നതെന്ന്. കടലാസു പോലുമല്ല. കുട്ടികള്
മനസ്സിലാക്കുന്നു, കല്പകല്പം ഇങ്ങനെത്തന്നെ സംഭവിച്ചു. പൈസയും പൂര്ണ്ണ രീതിയില്
പരിശോധിക്കാറുണ്ട്. ചിലര് അന്വേഷണം നടത്തുമ്പോള് ലോക്കറുകളെല്ലാം തുറപ്പിക്കും.
പക്ഷേ ഇങ്ങനെയൊരു മഹിമയുണ്ട്, ചിലരുടെ മണ്ണോടുമണ്ണാവുന്നു, ചിലരുടെ
രാജാക്കന്മാര് പിടിക്കുന്നു....... തീവ്രമായ അഗ്നി ബാധയുമുണ്ടാകുന്നു. ഇതെല്ലാം
തന്നെ സംഭവിക്കേണ്ടതാണെന്ന് നിങ്ങള് കുട്ടികള്ക്കറിയാം, അതിനാല് നിങ്ങള് എല്ലാ
ബാഗ്ബാഗേജുകളും ഭാവിയിലേക്കുവേണ്ടി തയ്യാറാക്കുന്നു. മറ്റാര്ക്കും തന്നെ
ഇതിനെക്കുറിച്ചറിയില്ല, നിങ്ങള് കുട്ടികള്ക്ക് മാത്രമാണ് 21 ജന്മത്തേക്കുളള
സമ്പത്ത് ലഭിക്കുന്നത്. നിങ്ങളുടെ ധനം കൊണ്ടാണ് ഭാരതം സ്വര്ഗ്ഗമായിത്തീരുന്നത്.
അതില് നിങ്ങള് തന്നെയാണ് വസിക്കുന്നതും.
നിങ്ങള് സ്വന്തം പുരുഷാര്ത്ഥത്തിലൂടെ അവനവന് തന്നെ രാജതിലകം നല്കുന്നു. ഏഴകളുടെ
നാഥനായ ബാബ സ്വര്ഗ്ഗത്തിന്റെ അധികാരിയാക്കി മാറ്റാന് വന്നിരിക്കുകയാണ്, പക്ഷേ
തന്റെ പുരുഷാര്ത്ഥ ത്തിലൂടെയും പഠിപ്പിലൂടെയും മാത്രമേ ആയിത്തീരുകയുളളൂ. ഇതില്
കൃപയുടെയോ ആശീര്വ്വാദത്തിന്റെയോ കാര്യമില്ല. പഠിപ്പിക്കുക എന്നത് ടീച്ചറുടെ
ധര്മ്മമാണ്. ഇതില് കൃപയുടെ കാര്യമില്ല, ടീച്ചര്ക്ക് ശമ്പളം ലഭിക്കുന്നത്
ഗവണ്മെന്റില് നിന്നാണ്. അപ്പോള് തീര്ച്ചയായും പഠിപ്പിക്കുമല്ലോ. ഇത്രയും വലിയ
സമ്മാനമാണ് ലഭിക്കുന്നത്. കോടിപതികളായി മാറുന്നു. കൃഷ്ണന്റെ കാലില് കോടിയുടെ
അടയാളത്തെ കാണിക്കുന്നുണ്ട്. നിങ്ങള് ഇവിടേക്ക് വന്നിരിക്കുന്നതു തന്നെ ഭാവിയില്
കോടിപതികളായിത്തീരാനാണ്. നിങ്ങള് വളരെയധികം സുഖിയും ധനവാനും അമരനുമായിത്തീരുന്നു.
കാലനുമേല് വിജയം പ്രാപിക്കുന്നു. പക്ഷേ ഈ കാര്യങ്ങളെക്കുറിച്ചൊന്നും
മനുഷ്യര്ക്ക് മനസ്സിലാക്കാന് സാധിക്കില്ല. അവിടെ നിങ്ങള്ക്ക് പൂര്ണ്ണ ആയുസ്സാണ്,
നിങ്ങള് അമരന്മാരായി മാറുന്നു. ഇതിന്റെ പ്രതീകമായി ലോകത്തിലെ മനുഷ്യര് പാണ്ഡവരെ
ആജാനുബാഹുവായി ചിത്രത്തില് കാണിച്ചിരിക്കുന്നു. പാണ്ഡവര് ഇത്രക്കും ഉയരം
കൂടിയവരാണെന്ന് മനസ്സിലാക്കുന്നു. വാസ്തവത്തില് നിങ്ങളാണ് പാണ്ഡവര്.
രാത്രിയുടെയും പകലിന്റെയും വ്യത്യാസമാണ്. മനുഷ്യര്ക്ക് ഒരുപാട് ഉയരമൊന്നും
ഉണ്ടാകില്ല. 6 അടിയേ ഉണ്ടാകൂ. ഭക്തിമാര്ഗ്ഗത്തില് ഏറ്റവുമാദ്യം ശിവന്റെ
ഭക്തിയാണ്. ശിവലിംഗത്തിന്റെ ചിത്രത്തെ ഒരിക്കലും അത്ര വലുതാക്കില്ലല്ലോ. ആദ്യം
ശിവന്റെ അവ്യഭിചാരിഭക്തിയാണ് ഉണ്ടാകുന്നത്. പിന്നീടാണ് ദേവതകളുടെ
മൂര്ത്തികളുണ്ടാക്കുന്നത്. അവരുടെ വലിയ ഉയര്ന്ന ചിത്രങ്ങള് ഉണ്ടാക്കുന്നു.
പാണ്ഡവരുടെയും വലിയ ചിത്രങ്ങള് ഉണ്ടാക്കുന്നു. ഇതെല്ലാം തന്നെ പൂജക്ക്
വേണ്ടിയാണ് ഉണ്ടാക്കുന്നത്. ലക്ഷ്മിയുടെ പൂജ 12 മാസത്തില് ഒരിക്കലാണ്
ഉണ്ടാകുന്നത്. എന്നാല് ജഗദംബയുടെ പൂജയാണെങ്കില് ദിവസേന ചെയ്യുന്നു. ഇതും ബാബ
മനസ്സിലാക്കിത്തന്നിട്ടുണ്ട് നിങ്ങള്ക്ക് ഡബിള് പൂജ ലഭിക്കുന്നു. ബാബക്ക് കേവലം
ശിവലിംഗത്തിന്റെ പൂജയാണ് ലഭിക്കുന്നത്. നിങ്ങള്ക്ക് സാലിഗ്രാമത്തിന്റെ രൂപത്തിലും
പിന്നെ ദേവതകളുടെ രൂപത്തിലും പൂജ ലഭിക്കുന്നു. രുദ്രയജ്ഞം രചിക്കുമ്പോള് എത്ര
സാലിഗ്രാമങ്ങളാണ് ഉണ്ടാക്കുന്നത് അപ്പോള് ആരാണ് ഉയര്ന്നത്? അതുകൊണ്ടാണ് ബാബ
കുട്ടികളോട് നമസ്തേ പറയുന്നത്, എത്ര ഉയര്ന്ന പദവിയാണ് നല്കുന്നത്.
ബാബ എത്ര ഗുഹ്യമായ കാര്യങ്ങളാണ് കേള്പ്പിച്ചുതരുന്നത്. അപ്പോള് കുട്ടികള്ക്ക്
എത്ര സന്തോഷമുണ്ടായിരിക്കണം. നമ്മെ ഭഗവാന്-ഭഗവതിയാക്കി മാറ്റുന്നതിനുവേണ്ടി
ഭഗവാനാണ് പഠിപ്പിക്കുന്നത്. ബാബയോട് നിങ്ങള് എത്ര നന്ദി പറയണം. ബാബയെ
ഓര്മ്മിക്കുന്നതിലൂടെ സ്വപ്നങ്ങളും നല്ലതാകുന്നു. സാക്ഷാത്കാരങ്ങളും ലഭിക്കുന്നു,
ശരി.
വളരെക്കാലത്തെ വേര്പാടിനു ശേഷം തിരികെക്കിട്ടിയ മധുരമധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും. ആത്മീയ
അച്ഛന്റെ ആത്മീയകുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1. തന്റെ
ഈശ്വരീയ, ആത്മീയ ജന്മദിനം ആഘോഷിക്കണം, ആത്മീയ സംബന്ധം വെക്കണം, രക്തബന്ധമല്ല
വെക്കേണ്ടത്. ആസുരീയമായ ഭൗതിക ജന്മദിനം കാന്സല് ചെയ്യണം. അതൊന്നും തന്നെ
പിന്നീട് ഓര്മ്മ വരരുത്.
2. ഭാവിയിലേക്കു വേണ്ടി
തന്റെ ബാഗ്ബാഗേജ് തയ്യാറാക്കണം. തന്റെ പൈസ ഭാരതത്തെ സ്വര്ഗ്ഗമാക്കുന്നതിന്റെ
സേവനത്തില് സഫലമാക്കണം. സ്വയം തന്റെ പുരുഷാര്ത്ഥത്തിലൂടെ അവനവന് രാജതിലകം നല്കണം.
വരദാനം :-
സ്നേഹത്തിന്റേയും സഹയോഗത്തിന്റേയും വിധിയിലൂടെ സഹജയോഗിയായി ഭവിക്കട്ടെ.
ബാപ്ദാദക്ക് കുട്ടികളുടെ
സ്നേഹത്തോട് തന്നെയാണ് പ്രിയം.സ്നേഹത്തിലൂടെ കുട്ടികള് യജ്ഞസ്നേഹികളും
സഹയോഗികളുമായി മാറി പിന്നീട് സ്വതവേ സഹജയോഗികളായി മാറുന്നു. സഹയോഗം തന്നെയാണ്
സഹജയോഗം. ഹൃദയേശ്വരനായ ബാബക്ക് ഹൃദയത്തില് നിന്നുമുള്ള സ്നേഹവും ഹൃദയത്തില്
നിന്നുമുള്ള സഹയോഗവും തന്നെയാണ് പ്രിയം. ചെറിയ ഹൃദയമുള്ളവര് ചെറിയ
കൊടുക്കല്വാങ്ങലുകള് നടത്തി സന്തോഷിക്കുന്നു എന്നാല് വലിയഹൃദയമുള്ളവര്
പരിധിയില്ലാത്ത ബിസിനസ് നടത്തുന്നു. മൂല്യം സ്നേഹത്തിനാണ്, അതിനാലാണ് കുചേലന്റെ
അവിലിന് മഹിമയുള്ളത്. അതുപോലെ തന്നെയാണ് ആര് എത്ര തന്നാലും സ്നേഹമില്ലെങ്കില്
സമ്പാദ്യമുണ്ടാകില്ല. സ്നേഹത്തോടെ കുറച്ചെങ്കിലും ശേഖരിച്ചാല് അത് കോടികളായി
മാറും.
സ്ലോഗന് :-
സമയം, ശക്തി
എന്നിവ വ്യര്ത്ഥമാകാതിരിക്കാനായി ആദ്യം ചിന്തിക്കൂ, എന്നിട്ട് ചെയ്യൂ.
അവ്യക്തസൂചന- ഇപ്പോള്
സ്നേഹത്തിന്റെ അഗ്നിയെ ജ്വലിപ്പിച്ച് യോഗത്തെ ജ്വാലാസ്വരൂപമാക്കി മാറ്റൂ.
ബാപ്ദാദ കുട്ടികള്ക്ക്
പ്രത്യേകസൂചന നല്കുകയാണ്, കുട്ടികളേ ഇപ്പോള് തീവ്രപുരുഷാര്ത്ഥത്തിന്റെ ലഹരിയെ
അഗ്നിസ്വരൂപമാക്കി മാറ്റൂ.ജ്വാലാമുഖിയായി മാറൂ. മനസ്സിലും സംബന്ധസമ്പര്ക്കത്തിലും
ഏതെല്ലാം കര്മ്മക്കണക്കുകള് ബാക്കിയുണ്ടോ അവയെയെല്ലാം ജ്വാലാസ്വരൂപമായ
ഓര്മ്മകൊണ്ട് ഭസ്മമാക്കൂ.