മധുരമായകുട്ടികളേ -
സ്വയത്തെരാജതിലകംലഭിക്കാന്യോഗ്യമാക്കിമാറ്റൂ, എത്രപഠിപ്പ്പഠിക്കുന്നുവോ,
ശ്രീമതംപാലിക്കുന്നുവോ, അത്രയുംരാജതിലകംലഭിക്കും.
ചോദ്യം :-
ഏതൊരു സ്മൃതിയിലിരിക്കുകയാണെങ്കില് രാവണത്വത്തിന്റെ സ്മൃതി വിസ്മൃതമായിപ്പോകും?
ഉത്തരം :-
സദാ
സ്മൃതിയുണ്ടായിരിക്കണം നമ്മള് സ്ത്രീയോ പുരുഷനോ അല്ല, നമ്മള് ആത്മാക്കളാണ്,
നമ്മള് വലിയച്ഛനില്(ശിവബാബ)നിന്നും ചെറിയച്ഛനിലൂടെ(ബ്രഹ്മാബാബ) സമ്പത്ത്
എടുത്തുകൊണ്ടി രിക്കുകയാണ്. ഈ സ്മൃതിയിലൂടെ രാവണത്വത്തിന്റെ സ്മൃതി മറപ്പിക്കും.
ഒരു അച്ഛന്റെ കുട്ടികളാണെന്നുളള സ്മൃതി ഉണരുന്നതോടെ രാവണത്വത്തിന്റെ സ്മൃതി
സമാപ്തമാകുന്നു. ഇതും പവിത്രമായിരിക്കാനുളള വളരെ നല്ല യുക്തിയാണ്. പക്ഷേ ഇതില്
പ്രയത്നം ആവശ്യമാണ്.
ഗീതം :-
അങ്ങയെ
നേടിയ ഞങ്ങള് ലോകം മുഴുവനും നേടിക്കഴിഞ്ഞു..........
ഓംശാന്തി.
ആത്മീയ അച്ഛന് ആത്മീയ കുട്ടികള്ക്ക് മനസ്സിലാക്കിത്തരുന്നു. എല്ലാവരും തിലകം
തൊടുന്നത് ഇവിടെ നെറ്റിയിലാണ്. ഇവിടം ആത്മാവിന്റെ നിവാസസ്ഥാനമാണ്, രണ്ടാമതായി
രാജതിലകവും ഇവിടെത്തന്നെയാണ് തൊടുക. ഇത് ആത്മാവിന്റെ അടയാളം തന്നെയാണ്. ഇപ്പോള്
ആത്മാക്കള്ക്ക് അച്ഛനില് നിന്നും സ്വര്ഗ്ഗത്തിന്റെ ചക്രവര്ത്തി പദവി ലഭിക്കണം.
വിശ്വത്തിന്റെ രാജതിലകം വേണം. സൂര്യവംശി-ചന്ദ്രവംശി മഹാരാജാ
മഹാറാണിയായിത്തീരുന്നതിനുവേണ്ടിയാണ് പഠിക്കുന്നത്. ഇത് പഠിക്കുക അര്ത്ഥം സ്വയം
തനിക്കു വേണ്ടി രാജതിലകം നല്കുകയാണ്. നിങ്ങള് ഇവിടേക്കു വന്നിരിക്കുന്നതു തന്നെ
പഠിക്കുന്നതിനു വേണ്ടിയാണ്. ബാബാ, ഞങ്ങള് അങ്ങയില് നിന്നും വിശ്വത്തിന്റെ
സ്വരാജ്യം അവശ്യം പ്രാപ്തമാക്കുമെന്ന് ഭൃഗുടിയില് വസിക്കുന്ന ആത്മാവാണ്
പറയുന്നത്. സ്വയത്തിന് വേണ്ടി ഓരോരുത്തര്ക്കും സ്വന്തം പുരുഷാര്ത്ഥം ചെയ്യണം.
ബാബാ, ഞങ്ങള് അപ്രകാരം സത്പുത്രരായി കാണിക്കാം എന്ന് പറയുന്നു. അങ്ങ് ഞങ്ങളുടെ
പെരുമാറ്റത്തെ നോക്കണം എങ്ങനെയുണ്ടെന്ന്. അവനവനും അറിയാന് സാധിക്കുന്നു ഞങ്ങള്
രാജതിലകത്തിന് യോഗ്യരാണോ അല്ലയോ എന്ന്. നിങ്ങള് കുട്ടികള്ക്ക് ബാബയുടെ
സത്പുത്രനായി കാണിക്കുക തന്നെ വേണം. ബാബാ, ഞങ്ങള് അങ്ങയുടെ പേര് തീര്ച്ചയായും
പ്രശസ്ഥമാക്കും. ഞങ്ങള് അങ്ങയുടെ സഹയോഗികളും അവനവന്റെ സഹയോഗികളുമായി ഭാരതത്തില്
തങ്ങളുടെ രാജ്യം ഭരിക്കും. ഭാരതവാസികള് നമ്മുടെ രാജ്യം എന്ന് പറയാറുണ്ടല്ലോ.
പക്ഷേ ഇപ്പോള് നമ്മള് വിഷയവൈതരണി നദിയില് പെട്ടിരിക്കയാണെന്ന് ആ
പാവങ്ങള്ക്കറിയില്ല. ഇപ്പോള് നമ്മള് ആത്മാക്കളുടെ രാജ്യമല്ലല്ലോ. ഇപ്പോള്
ആത്മാക്കള് തലകീഴായി തൂങ്ങി കിടക്കുകയാണ്. ഭക്ഷണത്തിനുളള വകപോലുമില്ല. എപ്പോഴാണോ
ഭാരതത്തിന്റെ അവസ്ഥ ഇതുപോലെയാകുന്നത്, അപ്പോഴാണ് ബാബ വന്ന് നമുക്ക് രാജയോഗം
പഠിപ്പിക്കുന്നത്. പരിധിയില്ലാത്ത അച്ഛനെ ഓര്മ്മിക്കണം ബാബ തന്നെയാണ്
സ്വര്ഗ്ഗത്തെ രചിക്കുന്നത്. ബാബ പതിതപാവനനും ജ്ഞാനസാഗരനുമാണ്. ഇത് നിങ്ങള്
കുട്ടികളുടെ ബുദ്ധിയിലല്ലാതെ മറ്റാരുടെയും ബുദ്ധിയിലില്ല. ഇത് കേവലം നിങ്ങള്ക്കേ
അറിയൂ നമ്മുടെ അച്ഛന് ജ്ഞാനസാഗരനും സുഖസാഗരനുമാണ്. ബാബയുടെ ഈ മഹിമകളെല്ലാം തന്നെ
പക്കയായി ഓര്മ്മിക്കണം ഒരിക്കലും മറക്കരുത്. അച്ഛന്റെ മഹിമയല്ലേ. ബാബ പുനര്ജന്മ
രഹിതനാണ്. കൃഷ്ണന്റെ മഹിമ തീര്ത്തും വേറിട്ടതാണ്. പ്രധാനമന്ത്രിയുടെയും
രാഷ്ട്രപതിയുടെയും മഹിമയ്ക്ക് വ്യത്യാസമുണ്ടാകുമല്ലോ. ബാബ പറയുന്നു എനിക്കും ഈ
ഡ്രാമയില് ഉയര്ന്നതിലും ഉയര്ന്ന പാര്ട്ട് ലഭിച്ചിട്ടുണ്ട്. ഇത് പരിധിയില്ലാത്ത
നാടകമാണ്, ഈ നാടകത്തിന്റെ ആയുസ്സ് ഇത്രയാണ് എന്നൊക്കെ നാടകത്തിലുളള
അഭിനേതാക്കള്ക്ക് അറിയണമല്ലോ. അഥവാ അറിയുന്നില്ലെങ്കില് അവരെ വിവേകശൂന്യരെന്നേ
പറയൂ. പക്ഷേ ഇത് ആര്ക്കും തന്നെ മനസ്സിലാകുന്നില്ല. മനുഷ്യര് എന്തില് നിന്നും
എന്തായി തീരുന്നു എന്നതിന്റെ വ്യത്യാസത്തെക്കുറിച്ച് ബാബ വന്ന്
മനസ്സിലാക്കിത്തരുന്നു. ഇപ്പോള് നിങ്ങള്ക്ക് മനസ്സിലാക്കാന് സാധിക്കുന്നു, 84
ജന്മങ്ങള് എങ്ങനെ എടുക്കുന്നു എന്നതിനെക്കുറിച്ച് മനുഷ്യര്ക്ക് തീര്ത്തും
അറിയില്ല. ഭാരതം എത്ര ഉയര്ന്നതായിരുന്നു, ഇതിന്റെ ചിത്രങ്ങളുമുണ്ടല്ലോ. സോമനാഥ
ക്ഷേത്രത്തില് നിന്നും എത്ര ധനമാണ് കൊളളയടിക്കപ്പെട്ട് കൊണ്ടുപോയത്. ആദ്യം എത്ര
ധനമുണ്ടായിരുന്നു. ഇപ്പോള് നിങ്ങള് കുട്ടികള് ഇവിടേക്ക് പരിധിയില്ലാത്ത
അച്ഛനുമായി കൂടിക്കാഴ്ച നടത്താന് വന്നിരിക്കുകയാണ്. കുട്ടികള്ക്കറിയാം ശ്രീമത്ത്
പ്രകാരമാണ് ബാബയില് നിന്നും രാജതിലകം നേടുന്നത്. ഇതില് തീര്ച്ചയായും പവിത്രമായി
മാറണം. ജന്മജന്മാന്തരം വിഷയവൈതരണി നദിയില് മുങ്ങിത്താണ് മതിയായില്ലേ.
ക്ഷീണിച്ചില്ലേ. ഞങ്ങളില് യാതൊരു ഗുണവുമില്ല, ഞങ്ങള് പാപികളാണെന്നാണ് പറയുന്നത്
അപ്പോള് തീര്ച്ചയായും എപ്പോഴോ ഒരിക്കല് ഗുണമുണ്ടായിരുന്നു ഇപ്പോഴില്ല.
ഇപ്പോള് നിങ്ങള്ക്ക് മനസ്സിലായി -നമ്മള് വിശ്വത്തിന്റെ അധികാരികളായിരുന്നു,
സര്വ്വഗുണസമ്പന്ന രായിരുന്നു. ഇപ്പോള് നമ്മളില് ഗുണങ്ങളൊന്നുമില്ല. ഇതും ബാബ
തന്നെയാണ് മനസ്സിലാക്കിത്തന്നത്. കുട്ടികളുടെ രചയിതാവ് അച്ഛനാണ്. അപ്പോള് അച്ഛനു
തന്നെ എല്ലാ കുട്ടികളുടെ മേലും ദയയും തോന്നുന്നു. ബാബ പറയുന്നു ഡ്രാമയില് എന്റെ
പാര്ട്ടും ഇതുതന്നെയാണ്. എത്രത്തോളം തമോപ്രധാനമായിരിക്കുന്നു. അസത്യം, പാപം,
ലഹള എന്തെല്ലാമാണ്. നമ്മള് ഒരു സമയത്ത് വിശ്വത്തിന്റെ അധികാരികള്, ഡബിള്
കിരീടധാരികളായിരുന്നു എന്ന് എല്ലാ ഭാരതവാസികളായ കുട്ടികളും മറന്നു പോയി. ബാബ
അവര്ക്ക് സ്മൃതി ഉണര്ത്തുകയാണ്, നിങ്ങള് ആദ്യം വിശ്വത്തിന്റെ അധികാരികളായിരുന്നു
പിന്നീട് 84 ജന്മങ്ങളെടുത്ത് താഴേക്ക് വന്നിരിക്കുകയാണ്. നിങ്ങള് 84
ജന്മങ്ങളെക്കുറിച്ച് മറന്നു കഴിഞ്ഞു. 84 ജന്മത്തിനു പകരം 84 ലക്ഷം ജന്മങ്ങളാണ്
നല്കിയിരിക്കുന്നത്, എത്ര അത്ഭുതമാണ്, കല്പത്തിന്റെ ആയുസ്സ് ലക്ഷക്കണക്കിന്
വര്ഷങ്ങളാണെന്നും പറഞ്ഞു. എത്ര ഘോരാന്ധകാരമാണ്. എത്ര അസത്യമാണ്. ഭാരതം
തന്നെയായിരുന്നു സത്യഖണ്ഡം, ഇപ്പോള് അതേ ഭാരതം അസത്യ
ഖണ്ഡമായിത്തീര്ന്നിരിക്കുന്നു. ആരാണ് സത്യഖണ്ഡം സ്ഥാപിച്ചത്, അസത്യ ഖണ്ഡം ആര്
സ്ഥാപിച്ചു എന്നുളളത് ആര്ക്കും തന്നെ അറിയില്ല. രാവണനെക്കുറിച്ചും ആര്ക്കും
അറിയില്ല. ഭക്തര് രാവണനെ കത്തിക്കാറുണ്ട്. ധാര്മ്മിക ചിന്താഗതിയുളള ഏതെങ്കിലും
മനുഷ്യരോട് നിങ്ങള് ചോദിക്കൂ, മനുഷ്യര് എന്തെല്ലാമാണ് ചെയ്തുകൊണ്ടിരിക്കുന്നത്.
സ്വര്ഗ്ഗം, പാരഡൈസ് എന്നെല്ലാം പറയുന്ന സത്യയുഗത്തില് എങ്ങനെ ചെകുത്താനായ രാവണന്
വന്നു. നരകത്തിലെ മനുഷ്യര്ക്ക് ഏങ്ങനെ സ്വര്ഗ്ഗത്തില് സ്ഥാനം ലഭിക്കുന്നു.
അപ്പോള് ഇതെല്ലാം തെറ്റാണെന്ന് അവര് മനസ്സിലാക്കും. നിങ്ങള്ക്ക്
രാമരാജ്യത്തിന്റെ ചിത്രം വെച്ച് പറഞ്ഞു കൊടുക്കുവാന് സാധിക്കും, ഇതില് രാവണന്
എവിടെ നിന്നു വരാനാണ്. നിങ്ങള് മനസ്സിലാക്കി കൊടുത്താലും അവര് മനസ്സിലാക്കില്ല.
വളരെ വിരളം പേരെ ഇത് കേള്ക്കൂ. നിങ്ങള് വളരെ കുറച്ചുപേര് മാത്രമേയുളളൂ, അതും
മുന്നോട്ടു പോകവേ ഇതില് എത്ര പേരുണ്ടാകുമെന്ന് നോക്കണം.
അപ്പോള് ബാബ മനസ്സിലാക്കിത്തന്നു- ആത്മാവിന്റെ ചെറിയ അടയാളവും ഇവിടെത്തന്നെയാണ്
കാണിക്കുന്നത്. വലിയ അടയാളമാണ് രാജതിലകം. ഇപ്പോള് ബാബ വന്നിരിക്കുകയാണ്. എങ്ങനെ
അവനവന് വലിയ തിലകം(രാജതിലകം) നല്കാന് സാധിക്കും, നിങ്ങള് എങ്ങനെയാണ് സ്വരാജ്യം
പ്രാപ്തമാക്കുക? ഈ വഴിയെല്ലാം ബാബ മനസ്സിലാക്കിത്തരുകയാണ്. അതിന്റെ പേരാണ്
രാജയോഗം. രാജയോഗം പഠിപ്പിക്കുന്നത് ഒരേയൊരു ബാബയാണ്. കൃഷ്ണനെ ഒരിക്കലും അച്ഛന്
എന്ന് പറയാന് സാധിക്കില്ല. കൃഷ്ണന് ചെറിയ കുട്ടിയാണ്, രാധയുമായി സ്വയംവരം
നടക്കുമ്പോള് അവര്ക്ക് ഒരു കുട്ടിയുണ്ടാകുന്നു. ബാക്കി കൃഷ്ണന് ഇത്രയും
റാണിമാരുണ്ടെന്ന് പറയുന്നതെല്ലാം അസത്യമാണ്. പക്ഷേ ഇതും ഡ്രാമയില്
അടങ്ങിയിട്ടുളളതാണ്. ഇങ്ങനെയുളള കാര്യങ്ങള് വീണ്ടും കേള്ക്കും. നമ്മള്
ആത്മാക്കള് എങ്ങനെ മുകളില് നിന്നും വന്ന് പാര്ട്ട് അഭിനയിക്കുന്നു എന്ന് ഇപ്പോള്
നിങ്ങള് കുട്ടികളുടെ ബുദ്ധിയിലുണ്ട്. ഒരു ശരീരത്തെ ഉപേക്ഷിച്ച് മറ്റൊന്ന്
എടുക്കുന്നു. ഇത് വളരെ സഹജമാണ്. കുട്ടികള് ജനിച്ചാല് അവര്ക്ക് എന്തെല്ലാം
പറയണമെന്ന് പഠിപ്പിച്ചു കൊടുക്കുന്നു. പഠിപ്പിച്ചു കൊടുക്കുമ്പോഴാണ് അവര്
പഠിക്കുന്നത്. ബാബ നിങ്ങളെ എന്തെല്ലാമാണ് പഠിപ്പിക്കുന്നത്? കേവലം അച്ഛനെയും
സമ്പത്തിനെയും ഓര്മ്മിക്കാനായി മാത്രം പറയുന്നു. അങ്ങ് മാതാപിതാവാണെന്നുളള മഹിമ
പാടുന്നു......... സുഖത്തിന്റെ സമ്പത്ത് ലഭിക്കുന്നതിനായി ആത്മാവാണ് പാടുന്നത്.
ശിവബാബയാണ് നമ്മെ പഠിപ്പിക്കുന്നതെന്ന് നിങ്ങള് കുട്ടികള്ക്കറിയാം. ഇവിടെ
നിങ്ങള് ശിവബാബയുടെ അടുത്തേക്കാണ് വന്നിരിക്കുന്നത്. ഭാഗീരഥന് എന്നു പറയുന്നത്
മനുഷ്യ രഥത്തെയാണ്. ഇതില് പരമപിതാവായ പരമാത്മാവാണ് പ്രവേശിച്ചിട്ടുളളത്, പക്ഷേ
രഥത്തിന്റെ പേരെന്താണ്? ബ്രഹ്മാവ് തന്നെയാണ് പേര് എന്നുളളത് നിങ്ങള്
കുട്ടികള്ക്ക് ഇപ്പോള് അറിയാം. കാരണം ബ്രഹ്മാവിലൂടെയാണ് ബ്രാഹ്മണരെ രചിക്കുന്നത്.
ആദ്യം ഉണ്ടാകുന്നത് ബ്രാഹ്മണരാകുന്ന കുടുമികളാണ് പിന്നീടാണ് ദേവതകള്. ആദ്യം
വേണ്ടത് ബ്രാഹ്മണരാണ് അതുകൊണ്ടാണ് വിരാടരൂപത്തിലും കാണിച്ചിരിക്കുന്നത്. നിങ്ങള്
ബ്രാഹ്മണര് തന്നെയാണ് പിന്നീട് ദേവതകളായിത്തീരുന്നത്. ബാബ വളരെ നല്ല രീതിയിലാണ്
മനസ്സിലാക്കിത്തരുന്നത് എന്നിട്ടും കുട്ടികള് മറന്നു പോകുന്നു. ബാബ പറയുന്നു
കുട്ടികളേ സദാ ഈ സ്മൃതിയിലിരിക്കൂ നമ്മള് സ്ത്രീയോ പുരുഷനോ അല്ല ആത്മാക്കളാണ്.
നമ്മള് വലിയച്ഛനില് നിന്നും(ശിവബാബ) ചെറിയച്ഛനിലൂടെ സമ്പത്ത്
നേടിക്കൊണ്ടിരിക്കുകയാണ് എന്ന സ്മൃതി സദാ ഉണ്ടായിരിക്കണം എങ്കില് രാവണത്വത്തില്
നിന്നും മുക്തമാകുന്നു. ഇതാണ് പവിത്രമായിരിക്കാനുളള വളരെ നല്ല യുക്തി. ബാബയുടെ
അടുത്തേക്ക് ധാരാളം ദമ്പതികള് വരുന്നുണ്ട്, രണ്ടുപേരും ബാബാ എന്നു പറയുന്നുണ്ട്.
നമ്മള് ഒരച്ഛന്റെ കുട്ടികളാണെന്നുളള സ്മൃതി ലഭിച്ചു എങ്കില് രാവണത്വത്തിന്റെ
സ്മൃതി ഇല്ലാതാക്കണം. ഇതില് പ്രയത്നം ആവശ്യമാണ്. പ്രയത്നം കൂടാതെ ഒന്നും തന്നെ
ലഭിക്കില്ല. നമ്മള് ബാബയുടേതായിത്തീര്ന്നി രിക്കുകയാണ്, അതുകൊണ്ട് ബാബയെത്തന്നെ
ഓര്മ്മിക്കണം. ബാബയും ഇതുതന്നെയാണ് പറയുന്നത് എന്നെ ഓര്മ്മിക്കൂ എന്നാല്
വികര്മ്മം നശിക്കും. 84 ജന്മത്തിന്റെ കഥ വളരെ സഹജമാണ്. ബാക്കി ബാബയെ
ഓര്മ്മിക്കുന്നതിലാണ് മുഴുവന് പ്രയത്നവും. ബാബ പറയുന്നു കുറഞ്ഞത് 8
മണിക്കൂറെങ്കിലും ഓര്മ്മയിലിരിക്കാനുളള പുരുഷാര്ത്ഥം ചെയ്യൂ. ഒരു മണിക്കൂര്,
അരമണിക്കൂര്......ക്ലാസ്സിലേക്ക് വരുകയാണെങ്കില് സ്മൃതിയില് വരുന്നു അച്ഛനാണ്
നമ്മെ പഠിപ്പിക്കുന്നത്. ഇപ്പോള് നമ്മള് ബാബയുടെ സന്മുഖത്താണ്. ബാബ
കുട്ടികളേ-കുട്ടികളേ എന്ന് പറഞ്ഞാണ് മനസ്സിലാക്കിത്തരുന്നത്. നിങ്ങള് കുട്ടികള്
കേള്ക്കുന്നു. ബാബ പറയുന്നു മോശമായത് കാണരുത്, കേള്ക്കരുത്.......... ഇതെല്ലാം
തന്നെ ഇപ്പോഴത്തെ കാര്യങ്ങളാണ്.
ഇപ്പോള് നിങ്ങള് കുട്ടികള്ക്ക് അറിയാം നമ്മള് ജ്ഞാനസാഗരനായ ബാബയുടെ
സന്മുഖത്തേക്ക് വന്നിരിക്കുകയാണ്. ജ്ഞാനസാഗനായ ബാബ മഴുവന് സൃഷ്ടിയുടെയും
ജ്ഞാനത്തെ കേള്പ്പിച്ചു തരുന്നു. ഈ ജ്ഞാനം ആര് ഉള്ക്കൊണ്ടോ ഇല്ലയോ എന്നുളളത്
അവരവര്ക്കനുസരിച്ചിരിക്കും. ബാബ വന്ന് നമുക്ക് ജ്ഞാനം നല്കി കൊണ്ടിരിക്കുകയാണ്.
നാം ഇപ്പോള് രാജയോഗം പഠിക്കുന്നു. ഇതിനുശേഷം ശാസത്രങ്ങളുടെയോ ഭക്തിയുടെയോ അംശം
പോലും ഉണ്ടാകില്ല. ഭക്തിമാര്ഗ്ഗത്തില് അല്പം പോലും ജ്ഞാനമുണ്ടാകില്ല,
ജ്ഞാനമാര്ഗ്ഗത്തില് ഭക്തിയുടെ അംശം ലേശം പോലും ഉണ്ടാകില്ല. ജ്ഞാനസാഗരനായ ബാബ
വന്നാലേ ജ്ഞാനം കേള്പ്പിക്കൂ. ജ്ഞാനം സദ്ഗതിയ്ക്കു വേണ്ടിയാണ്. സദ്ഗതിദാതാവ്
ഒരേയൊരു ഭഗവാനാണ്. എല്ലാവരും വിളിക്കുന്നതും ഒരേയൊരു പതിതപാവനനെയാണ്, മറ്റാരെയും
പതിതപാവനന് എന്നു പറയില്ല. ഇപ്പോള് ബാബയിലൂടെ നിങ്ങള് കുട്ടികള് സത്യമായ
കാര്യങ്ങള് കേട്ടുകൊണ്ടിരിക്കുകയാണ്. ബാബ പറയുന്നു- കുട്ടികളേ, ഞാന് നിങ്ങളെ
എത്ര ധനവാനാക്കി മാറ്റിയിരുന്നു. 5000 വര്ഷങ്ങളുടെ കാര്യമാണ്. നിങ്ങള് ഡബിള്
കിരീടധാരികളായിരുന്നു, പവിത്രതയുടെയും കിരീടമുണ്ടായിരുന്നു. പിന്നീട് എപ്പോഴാണോ
രാവണരാജ്യം ആരംഭിച്ചത് അപ്പോള് നിങ്ങള് പൂജാരികളായിത്തീര്ന്നു. ഇപ്പോള് ബാബ
പഠിപ്പിക്കാനായി വന്നിരിക്കുകയാണ്, അപ്പോള് ബാബയുടെ ശ്രീമതം പാലിക്കണം,
മറ്റുളളവര്ക്ക് വഴി പറഞ്ഞു കൊടുക്കണം. ബാബ പറയുന്നു എനിക്ക് ഈ ശരീരം ലോണായി
എടുക്കണം. മഹിമ മുഴുവനും ശിവബാബയുടേതാണ് ബാക്കി ബ്രഹ്മാവ് ശിവബാബയുടെ രഥമാണ്.
അല്ലാതെ പുരാണത്തില് കാണിച്ചിരിക്കുന്ന പോലെ കാളയല്ല. ബലിയര്പ്പണം മുഴുവനും
ശിവബാബയ്ക്കാണ്, ബാബയാണ് നിങ്ങള്ക്ക് കേള്പ്പിച്ചു തരുന്നത് ഞാന്(ബ്രഹ്മാവ്)
ഇടയില് കേള്ക്കുന്നു. എനിക്ക് മാത്രം ഒറ്റയ്ക്ക് കേള്പ്പിച്ചു തരാന്
സാധിക്കില്ലില്ലോ. നിങ്ങള്ക്ക് കേള്പ്പിച്ചു തരുമ്പോള് ഞാനും കേള്ക്കുന്നു എന്നു
മാത്രം. ബ്രഹ്മാവും പുരുഷാര്ത്ഥി വിദ്യാര്ത്ഥിയാണ്. നിങ്ങളും വിദ്യാര്ത്ഥികളാണ്.
ബ്രഹ്മാവും പഠിക്കുന്നു, ബാബയുടെ ഓര്മ്മയിലിരിക്കുന്നു. എത്ര സന്തോഷത്തിലാണ്
ഇരിക്കുന്നത്. ലക്ഷ്മി-നാരായണനെ കാണുമ്പോള് എത്ര സന്തോഷിക്കുന്നു- നമുക്കും
ഇതായിത്തീരണം. നിങ്ങള് ഇവിടേക്ക് വന്നിരിക്കുന്നതു തന്നെ സ്വര്ഗ്ഗത്തിലെ
രാജകുമാരീ-കുമാരനായി മാറാനാണ്. ഇത് രാജയോഗമല്ലേ. ലക്ഷ്യവും മുന്നില് തന്നെയുണ്ട്.
പഠിപ്പിക്കുന്ന ഭഗവാന് മുന്നില് തന്നെയുണ്ട്, അപ്പോള് എന്തുകൊണ്ട് അത്രയ്ക്ക്
സന്തോഷമില്ല. ഉളളില് വളരെയധികം സന്തോഷമുണ്ടായിരിക്കണം. ബാബയില് നിന്നും നമ്മള്
കല്പകല്പം സമ്പത്ത് എടുത്തുകൊണ്ടിരിക്കുന്നുണ്ട്. ഇവിടെ നമ്മള് ജ്ഞാനസാഗരന്റെ
അടുത്തേക്കാണ് വരുന്നത്, അല്ലാതെ വെളളത്തിന്റെ കാര്യമല്ല. ഇവിടെ ബാബ നമുക്ക്
സന്മുഖത്ത് മനസ്സിലാക്കിത്തരുന്നു. നിങ്ങള് ദേവതയാകുന്നതിനു വേണ്ടിയുളള
പഠിപ്പാണ് പഠിക്കുന്നത്. ഇപ്പോള് നമ്മള് വീട്ടിലേക്ക് പോകുന്നു എന്ന സന്തോഷം
നിങ്ങള്ക്ക് ഉണ്ടായിരിക്കണം. ഇപ്പോള് ആര് എത്രത്തോളം പഠിക്കുന്നുവോ അത്രയ്ക്കും
ഉയര്ന്ന പദവി ലഭിക്കുന്നു. ഓരോരുത്തര്ക്കും അവരവരുടേതായ പുരുഷാര്ത്ഥം ചെയ്യണം.
ഒരിക്കലും ഹൃദയനൈരാശ്യം ഉണ്ടാകരുത്. വളരെ വലിയ ലോട്ടറിയാണ് ലഭിച്ചിരിക്കുന്നത്.
ഇതെല്ലാം മനസ്സിലാക്കിയിട്ടും ചില കുട്ടികള് ആശ്ചര്യപ്പെടുത്തി കൊണ്ട് ഓടിപ്പോയി
പഠിപ്പ് ഉപേക്ഷിക്കുന്നു. മായ എത്ര ശക്തിശാലിയാണ്. ശരി.
വളരെക്കാലത്തെ വേര്പാടിന്നുശേഷം തിരിച്ചു കിട്ടിയ മധുര-മധുരമായ കുട്ടികളെ പ്രതി
മാതാവും പിതാവുമായ ബാപ്ദാദയുടെ സ്നേഹസ്മരണയും പുലര്കാല വന്ദനവും ആത്മീയ അച്ഛന്റെ
ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1. സ്വയത്തെ
രാജതിലകം നല്കാന് യോഗ്യരാക്കി മാറ്റണം. സത്പുത്രനായ കുട്ടിയായി തെളിവ് നല്കണം.
പെരുമാറ്റം വളരെ രാജകീയമായിരിക്കണം. ബാബയുടെ പൂര്ണ്ണ സഹയോഗികളായിരിക്കണം.
2. നമ്മള്
വിദ്യാര്ത്ഥികളാണ്, നമ്മെ ഭഗവാനാണ് പഠിപ്പിക്കുന്നത്, ഈ സന്തോഷത്തോടെ പഠിപ്പ്
പഠിക്കണം. ഒരിക്കലും പുരുഷാര്ത്ഥത്തില് ഹൃദയനൈരാശ്യം ഉണ്ടാകരുത്.
വരദാനം :-
തന്റെ
അധികാരത്തിന്റെ ശക്തിയിലൂടെ ത്രിമൂര്ത്തി രചനയെ സഹയോഗിയാക്കി മാറ്റുന്ന
മാസ്റ്റര് രചയിതാവായി ഭവിക്കട്ടെ.
ത്രിമൂര്ത്തി ശക്തികളായ
മനസ്സ്, ബുദ്ധി, സംസ്കാരം താങ്കള് മാസ്റ്റര് രചയിതാവിന്റെ രചനകളാണ്. ഇവയെ തന്റെ
അധികാരത്തിന്റെ ശക്തിയിലൂടെ സഹയോഗിയാക്കി മാറ്റൂ. എങ്ങനെയാണോ രാജാവ് സ്വയം
ജോലിയൊന്നും ചെയ്യുന്നില്ല, മറ്റുള്ളവരെക്കൊണ്ട് ചെയ്യിപ്പിക്കുന്നു, ചെയ്യുന്ന
രാജ സേവകന് വേറെയുണ്ടായിരിക്കും, അതേപോലെ ആത്മാവും ചെയ്യിപ്പിക്കുന്നവനാണ്,
ചെയ്യുന്നത് ഈ വിശേഷ ത്രിമൂര്ത്തികളാണ്. അതിനാല് മാസ്റ്റര് രചയിതാവിന്റെ
വരദാനത്തെ സ്മൃതിയില് വെച്ച് ത്രിമൂര്ത്തി ശക്തികളെയും സാകാര
കര്മ്മേന്ദ്രിയങ്ങളെയും ശരിയായ മാര്ഗ്ഗത്തിലൂടെ നടത്തിക്കൂ.
സ്ലോഗന് :-
അവ്യക്ത
പാലനയുടെ വരദാനത്തിന്റെ അധികാരം എടുക്കുന്നതിന് വേണ്ടി സ്പഷ്ടവാദിയാകൂ.
അവ്യക്ത സൂചനകള്- ആത്മീയ
രാജകീയതയുടെയും പവിത്രതയുടെയും വ്യക്തിത്വം ധാരണ ചെയ്യൂ.
പവിത്രത കേവലം
ബ്രഹ്മചര്യമല്ല, അത് അടിത്തറയാണ്, എന്നാല് അതിനോടൊപ്പം നാലെണ്ണം വേറെയുമുണ്ട്.
ക്രോധവും അതിന്റെ എല്ലാ കൂട്ടുകാരുമുണ്ട്, ആ മഹാഭൂതങ്ങളുടെ ത്യാഗം, ഒപ്പം അവയുടെ
കുട്ടിമക്കളുടെയും ചെറിയ-ചെറിയ അംശത്തിന്റെയും വംശത്തിന്റെയും ത്യാഗം ചെയ്യൂ,
അപ്പോള് പറയാം പവിത്രതയുടെ ആത്മീയ രാജകീയത ധാരണ ചെയ്തിട്ടുണ്ടെന്ന്.