ജ്ഞാനയോഗത്തിലൂടെയാണ്നിശ്ചയംഉണ്ടാകുന്നത്,
സാക്ഷാത്ക്കാരത്തിലൂടെയല്ല. സാക്ഷാത്ക്കാരവുംഡ്രാമയില്അടങ്ങിയതാണ്,
അല്ലാതെഅതിലൂടെആരുടേയുംമംഗളംഉണ്ടാകുന്നില്ല.
ചോദ്യം :-
ബാബ ഏതൊരു ശക്തിയാണ് കാണിക്കാത്തത്, ബാബയുടെ പക്കല് ഏത് മന്ത്രവിദ്യയാണുള്ളത്?
ഉത്തരം :-
ഭഗവാന്
ശക്തിശാലിയാണ്, ഭഗവാന് മരിച്ചവരെപ്പോലും ജീവിപ്പിക്കാന് സാധിക്കുമെന്ന് മനുഷ്യര്
കരുതുന്നു. എന്നാല് ബാബ പറയുന്നു ഈ ശക്തി ഞാന് കാണിക്കുന്നില്ല. ബാക്കി ആരാണോ
തീവ്രഭക്തി ചെയ്യുന്നത് അവര്ക്ക് സാക്ഷാത്ക്കാരം നല്കുന്നു. ഇതും ഡ്രാമയില്
ഉള്ളതാണ്. സാക്ഷാത്ക്കാരം നല്കുന്നതിനുള്ള മന്ത്രവിദ്യ ബാബയുടെ പക്കലുണ്ട്
അതിനാലാണ് പല കുട്ടികള്ക്കും വീട്ടില് ഇരിക്കുമ്പോള്ത്തന്നെ ബ്രഹ്മാവിന്റേയോ
അല്ലെങ്കില് കൃഷ്ണന്റേയോ സാക്ഷാത്ക്കാരം ഉണ്ടാകുന്നത്.
ഗീതം :-
ആരാണ് എന്റെ
മനസ്സിന്റെ വാതില്ക്കല് വന്നത്....
ഓംശാന്തി.
ഇത് കുട്ടികളുടെ അനുഭവത്തിന്റെ ഗീതമാണ്. സത്സംഗങ്ങള് അനവധിയുണ്ട്, പ്രത്യേകിച്ച്
ഭാരതത്തില് ഒരുപാട് സത്സംഗങ്ങളുണ്ട്, അനേകം മത മതാന്തരങ്ങളുണ്ട്, വാസ്തവത്തില്
അതൊന്നും സത്സംഗങ്ങളല്ല. സത്സംഗം ഒന്നേയുള്ളു. ബാക്കി അവിടെ നിങ്ങള് ഏതെങ്കിലും
വിദ്വാന്, ആചാര്യന്, പണ്ഢിതന് മുതലായവരില് നിന്നും കേള്ക്കുന്നു, ബുദ്ധി
അവരിലേക്കാണ് പോകുന്നത്. ഇവിടെയാണെങ്കില് വ്യത്യസ്തമായ കാര്യമാണ്. ഈ സത്സംഗം
ഒരേയൊരു തവണ ഈ സംഗമയുഗത്തിലാണ് നടക്കുന്നത്. ഇത് തീര്ത്തും വളരെ പുതിയ കാര്യമാണ്,
ആ പരിധിയില്ലാത്ത ബാബക്ക് ശരീരവുമില്ല. പറയുന്നു, ഞാന് നിങ്ങളുടെ നിരാകാരനായ
ശിവബാബയാണ്. നിങ്ങള് മറ്റു സത്സംഗങ്ങളില് പോകുമ്പോള് ശരീരത്തെയാണ് കാണുന്നത്.
ശാസ്ത്രത്തെ ഓര്മ്മിച്ച് പിന്നീട് കേള്പ്പിക്കുന്നു, അനേക പ്രകാരത്തിലുള്ള
ശാസ്ത്രങ്ങളുണ്ട്. അതെല്ലാം നിങ്ങള് ജന്മ ജന്മാന്തരങ്ങളായി കേട്ടുവന്നു. ഇപ്പോള്
ഇത് പുതിയ കാര്യമാണ്. ബുദ്ധികൊണ്ടാണ് ആത്മാവ് അറിയുന്നത്, ബാബ പറയുന്നു- അല്ലയോ
എന്റെ കളഞ്ഞുപോയി തിരികെക്കിട്ടിയ മക്കളേ, അല്ലയോ എന്റെ സാളിഗ്രാമങ്ങളേ! നിങ്ങള്
കുട്ടികള്ക്കറിയാം 5000 വര്ഷങ്ങള്ക്ക് മുന്പും ബാബ ഈ ശരീരത്തിലൂടെ നമ്മെ
പഠിപ്പിച്ചിരുന്നു. നിങ്ങളുടെ ബുദ്ധി തീര്ത്തും ദൂരേക്ക് സഞ്ചരിക്കുന്നു.
അപ്പോള് ബാബ വന്നിരിക്കുകയാണ്. ബാബാ എന്ന വാക്ക് എത്ര മധുരമാണ്. ബാബ മാതാവും,
പിതാവുമാണ്. ആരെങ്കിലും കേള്ക്കുകയാണെങ്കില് ഇവരുടെ മാതാപിതാവ് ആരാണ്? എന്ന്
ചോദിക്കും നല്ലരീതിയില് ഇത് സാക്ഷാത്ക്കാരം ചെയ്താലും അതിലും സംശയിക്കുന്നു.
ഇടക്ക് ബ്രഹ്മാവിനെയും, ഇടക്ക് കൃഷ്ണനെയും കാണുന്നു. അതിനാല് ഇത് എന്താണ് എന്ന്
ചിന്തിച്ചുകൊണ്ടിരിക്കും. ഒരുപാട് പേര്ക്ക് വീട്ടില് ഇരിക്കെത്തന്നെ
ബ്രഹ്മാവിന്റെ സാക്ഷാത്ക്കാരം ഉണ്ടാകുന്നു. ഇപ്പോള് ബ്രഹ്മാവിനെ ആരും
പൂജിക്കുന്നില്ല. കൃഷ്ണന്റെ പൂജ ചെയ്യുന്നുണ്ട്. ബ്രഹ്മാവിനെ ആര്ക്കും
അറിയുകയില്ല. പ്രജാപിതാ ബ്രഹ്മാവ് ഇപ്പോഴാണ് വന്നത്, ഇതാണ് പ്രജാപിതാവ്. ബാബ
ഇരുന്ന് മനസ്സിലാക്കിത്തരികയാണ് മുഴുവന് ലോകവും പതിതമാണെങ്കില് തീര്ച്ചയായും
വളരെയധികം ജന്മങ്ങളുടെ അന്തിമത്തില് ഇവരും പതിതമാണ്. ആരും പാവനമായവരില്ല,
അതിനാലാണ് കുംഭമേളയിലും, ഹരിദ്വാറിലും ഗംഗ സാഗരത്തില് ലയിക്കുന്നത് കാണാന്
പോകുന്നത്, സ്നാനം ചെയ്യുന്നതിലൂടെ പാവനമായി മാറും എന്നു കരുതുന്നു. എന്നാല് ഈ
നദികള്ക്ക് പതീത പാവനിയാവാന് സാധിക്കില്ല. നദികള് സാഗരത്തില് നിന്നാണ്
പുറപ്പെടുന്നത്. വാസ്തവത്തില് നിങ്ങളാണ് ജ്ഞാനഗംഗകള്, മഹത്വം നിങ്ങളുടേതാണ്.
നിങ്ങള് ജ്ഞാനഗംഗകള് എല്ലായിടത്തും ഒഴുകുന്നു, പിന്നീട് അവര് കാണിക്കുന്നത്
അമ്പ് എയ്തപ്പോള് ഗംഗ പുറത്തുവന്നു എന്നാണ്. അമ്പ് എയ്യുന്ന കാര്യമില്ല. ഈ
ജ്ഞാനഗംഗകള് ദേശ- വിദേശങ്ങളിലേക്ക് വരെ ഒഴുകുന്നു.
ശിവബാബ പറയുന്നു, ഞാന് ഡ്രാമയുടെ ബന്ധനത്തില് ബന്ധിതനാണ്. എല്ലാവരുടേയും
പാര്ട്ട് നിശ്ചയിച്ചിട്ടുണ്ട്. എന്റെ പാര്ട്ടും നിശ്ചിതമാണ്. ചിലര് കരുതുന്നു
ഭഗവാന് വളരെ ശക്തിശാലിയാണ്, മരിച്ചവരെപ്പോലും ജീവിപ്പിക്കാന് സാധിക്കും. ഇതെല്ലാം
അസത്യമാണ്. ഞാന് വരുന്നത് പഠിപ്പിക്കാനാണ്. ബാക്കി എന്ത് ശക്തി കാണിക്കാനാണ്.
സാക്ഷാത്ക്കാരത്തിന്റെ മന്ത്രവിദ്യയുണ്ട്. തീവ്രഭക്തി ചെയ്യുകയാണെങ്കില് ഞാന്
സാക്ഷാത്ക്കാരം നല്കും. എങ്ങനെയാണോ കാളിയുടെ രൂപം കാണിക്കുന്നത്, കാളിയില്
പിന്നീട് എണ്ണ സമര്പ്പിക്കുന്നു. ഇപ്പോള് ഇങ്ങനെയുള്ള കാളിയില്ല, എന്നാല്
കാളിയുടെ തീവ്രഭക്തി ഒരുപാടുപേര് ചെയ്യുന്നു. വാസ്തവത്തില് കാളി ജഗദംബയാണ്.
കാളിയുടെ രൂപം ഇങ്ങനെയല്ല, എന്നാല് തീവ്ര ഭക്തി ചെയ്യുന്നതിലൂടെ ബാബ
ഭാവനക്കുള്ള ഫലം നല്കുന്നു. കാമചിതയില് ഇരിക്കുന്നതിലൂടെ കറുത്തവരായി മാറി,
ഇപ്പോള് ജ്ഞാനചിതയില് ഇരുന്ന് വെളുത്തവരാകുന്നു. ഏത് കാളിയാണോ ഇപ്പോള്
ജഗദംബയായിരിക്കുന്നത് അവര് എങ്ങനെ സാക്ഷാത്ക്കാരം നല്കും. ബാബ
മനസ്സിലാക്കിത്തരുന്നു ഈ സാക്ഷാത്ക്കാരത്തിന്റെ ചാവി എന്റെ കൈയ്യിലാണ്.
അല്പകാലത്തിലേക്ക് ഭാവന പൂര്ത്തീകരിക്കാനായി സാക്ഷാത്ക്കാരം നല്കുന്നു. എന്നാല്
അവരൊന്നും എന്റെ അടുത്തെത്തുന്നില്ല.കാളിയുടെ ഉദാഹരണം നല്കുകയാണ്. ഈ രീതിയില്
ഒരുപാടുപേരുണ്ട്- ഹനുമാന്, ഗണേശന് മുതലായവര്. സിക്കുകാര് ഗുരുനാനാക്കിന്റെ ഭക്തി
ഒരുപാട് ചെയ്യുമ്പോള് അവര്ക്കും സാക്ഷാത്ക്കാരമുണ്ടാകും. എന്നാല് അതിലൂടെ
താഴേക്കാണ് വരുന്നത്. ബാബ കുട്ടികള്ക്ക് കാണിച്ചുതരികയാണ്, നോക്കൂ ഇവര്
ഗുരുനാനാക്കിന്റെ ഭക്തിയാണ് ചെയ്യുന്നത്. എന്നാല് സാക്ഷാത്ക്കാരം
ചെയ്യിക്കുന്നത് ഞാനാണ്. ഗുരുനാനാക്ക് എങ്ങനെ സാക്ഷാത്ക്കാരം ചെയ്യിക്കും.
അവരുടെ കൈയ്യില് സാക്ഷാത്ക്കാരം ചെയ്യിക്കുന്നതിനുള്ള ചാവിയില്ല. ഈ ബാബ പറയുന്നു
എനിക്ക് വിനാശം, സ്ഥാപന എന്നിവയുടെ സാക്ഷാത്ക്കാരം ആ ബാബയാണ് കാണിച്ചുതന്നത്,
എന്നാല് സാക്ഷാത്ക്കാരത്തിലൂടെ ആരുടേയും മംഗളം ഉണ്ടാകുന്നില്ല. ഇങ്ങനെ ഒരുപാട്
പേര്ക്ക് സാക്ഷാത്ക്കാരം ഉണ്ടായിട്ടുണ്ട്. അവര് ഇന്നില്ല. വളരെയധികം കുട്ടികള്
പറയാറുണ്ട് , എപ്പോള് ഞങ്ങള്ക്ക് സാക്ഷാത്ക്കാരം ഉണ്ടാകുന്നുവോ അപ്പോള് നിശ്ചയം
ഉറക്കും. എന്നാല് സാക്ഷാത്ക്കാരത്തിലൂടെ നിശ്ചയം ഉണ്ടാവുക സാധ്യമല്ല.
നിശ്ചയമുണ്ടാകുന്നത് ജ്ഞാനയോഗത്തിലൂടെയാണ്. 5000 വര്ഷങ്ങള്ക്ക് മുന്പും ഞാന്
പറഞ്ഞിരുന്നു, ഈ സാക്ഷാത്ക്കാരം ഞാനാണ് ചെയ്യിക്കുന്നത്. മീരയും സാക്ഷാത്ക്കാരം
കണ്ടിരുന്നു. ആത്മാവ് അവിടേക്ക് പോയി എന്നല്ല. ഇരിക്കെ തന്നെ സാക്ഷാത്ക്കാരം
ഉണ്ടാകുന്നു. എന്നാല് എന്നെ പ്രാപ്തമാക്കാന് ആര്ക്കും സാധിക്കില്ല.
ബാബ പറയുന്നു, ഏതുപ്രകാരത്തിലുള്ള സംശയമാണെങ്കിലും ശരി ഏത് ബ്രാഹ്മിണിയോട്
വേണമെങ്കിലും ചോദിച്ചോളൂ. ഇതും അറിയാം കുട്ടികള് നമ്പര്വൈസാണ്, നദികളും
നമ്പര്വൈസ് ആയിരിക്കും. ചിലര് കുളങ്ങളാണ്, വളരെ മോശമാണ്, ദുര്ഗന്ധം വമിക്കുന്ന
വെള്ളമായിരിക്കും. അവിടേക്കും വളരെ ഭാവനയോടെ മനുഷ്യര് പോകുന്നു. അതാണ് ഭക്തിയുടെ
അന്ധവിശ്വാസം. ഒരിക്കലും ആരെയും ഭക്തിയില് നിന്നും വേര്പെടുത്തരുത്. എപ്പോള്
ജ്ഞാനത്തിലേക്ക് വരുന്നുവോ അപ്പോള് സ്വതവേ ഭക്തി ഉപേക്ഷിക്കും. ബാബയും
നാരായണന്റെ ഭക്തനായിരുന്നു, ചിത്രത്തില് ലക്ഷ്മി, ദാസിയെപ്പോലെ കാല് തടവുന്നത്
കണ്ടു അപ്പോള് അത് തീര്ത്തും നല്ലതായി തോന്നിയില്ല. സത്യയുഗത്തില്
ഇങ്ങനെയുണ്ടാകില്ല. അതിനാല് ഞാന് ഒരു ചിത്രകാരനോട് ഈ ദാസിപ്പണിയില് നിന്നും
ലക്ഷ്മിക്ക് മോചനം നല്കാന് ആവശ്യപ്പെട്ടു. ബാബ ഭക്തനായിരുന്നു, ജ്ഞാനം
ഉണ്ടായിരുന്നില്ല. എല്ലാവരും ഭക്തരാണ്. നമ്മളാണെങ്കില് ബാബയുടെ അധികാരി
കുട്ടികളാണ്. ബ്രഹ്മാണ്ഢത്തിന്റേയും അധികാരിയാക്കി മാറ്റുന്നത് കുട്ടികളെയാണ്.
പറയുന്നു നിങ്ങള്ക്ക് രാജ്യഭാഗ്യം നല്കുന്നു. ഇങ്ങനെയുള്ള അച്ഛനെ എവിടെയെങ്കിലും
കണ്ടിട്ടുണ്ടോ? ഈ അച്ഛനെ പൂര്ണ്ണമായും ഓര്മ്മിക്കണം. ബാബയെ നിങ്ങള്ക്ക് ഈ
കണ്ണുകളിലൂടെ കാണാന് കഴിയില്ല. ബാബയുമായി യോഗം വെക്കണം. ജ്ഞാനവും, യോഗവും വളരെ
സഹജമാണ്. ബീജത്തേയും വൃക്ഷത്തേയും അറിയണം. നിങ്ങള് ആ നിരാകാരീ വൃക്ഷത്തില്
നിന്നും സാകാരീ വൃക്ഷത്തിലേക്ക് വന്നിരിക്കുകയാണ്. ബാബ സാക്ഷാത്ക്കാരത്തിന്റെ
രഹസ്യവും മനസ്സിലാക്കിത്തന്നു. വൃക്ഷത്തിന്റെ രഹസ്യവും മനസ്സിലാക്കിത്തന്നു.
കര്മ്മം- അകര്മ്മം- വികര്മ്മത്തിന്റെ ഗതിയും ബാബ മനസ്സിലാക്കിത്തന്നു. അച്ഛന്,
ടീച്ചര്, ഗുരു മൂന്നുപേരില് നിന്നും പഠിപ്പ് ലഭിക്കുന്നു. ഇപ്പോള് ബാബ പറയുന്നു,
ഞാന് നിങ്ങള്ക്ക് ഇങ്ങനെയുള്ള പഠിപ്പാണ് നല്കുന്നത്, ഇങ്ങനെയുള്ള കര്മ്മങ്ങളാണ്
പഠിപ്പിക്കുന്നത് ഇതിലൂടെ നിങ്ങള് 21 ജന്മങ്ങളിലേയ്ക്ക് സദാ സുഖിയായി മാറുന്നു.
ടീച്ചര് പഠിപ്പിക്കുമല്ലോ. ഗുരുക്കന്മാരും പവിത്രതയുടെ പാഠം പഠിപ്പിക്കും അഥവാ
കഥകള് കേള്പ്പിക്കും. എന്നാല് ഒന്നും ധാരണയാവുന്നില്ല. ഇവിടെയാണെങ്കില് ബാബ
പറയുന്നു, അന്തിമ ബുദ്ധി പോലെയാണ് ഗതിയുണ്ടാവുക. മനുഷ്യന് മരിക്കുന്ന സമയത്ത്,
രാമ രാമാ എന്നു പറയൂ അപ്പോള് ബുദ്ധി അവിടേക്ക് പോകും... എന്ന് പറയാറുണ്ട്.
ഇപ്പോള് ബാബ പറയുന്നു, നിങ്ങള്ക്ക് സാകാരവുമായുള്ള യോഗം മുറിഞ്ഞു. ഇപ്പോള്
നിങ്ങളെ ഞാന് വളരെ നല്ല കര്മ്മങ്ങള് പഠിപ്പിക്കുന്നു. ശ്രീകൃഷ്ണന്റെ ചിത്രം
നോക്കൂ, പഴയ ലോകത്തെ തട്ടിയകറ്റി പുതിയ ലോകത്തിലേക്ക് വരുന്നു. നിങ്ങളും പഴയ
ലോകത്തെ തട്ടിയകറ്റി പുതിയ ലോകത്തിലേക്ക് പോകുന്നു. അതിനാല് നിങ്ങളുടെ കാലുകള്
നരകത്തിനുനേര്ക്കാണ്, മുഖം സ്വര്ഗ്ഗത്തിനുനേര്ക്കാണ്. ശ്മശാനത്തിനുള്ളിലേക്ക്
പ്രവേശിക്കുമ്പോള് മൃതശരീരത്തിന്റെ മുഖം മറുവശത്തേക്ക് തിരിക്കുന്നു. കാല്
പിറകിലേക്കുമാക്കുന്നു. ഈ ചിത്രവും അങ്ങനെ നിര്മ്മിച്ചതാണ്.
മമ്മ, ബാബ, പിന്നെ നിങ്ങള് കുട്ടികള്, നിങ്ങള്ക്ക് മമ്മാ-ബാബയെ ഫോളോ ചെയ്യണം,
എങ്കിലേ അവരുടെ സിംഹാസനത്തില് ഇരിക്കാന് സാധിക്കൂ. രാജാവിന്റെ കുട്ടികളെ
രാജകുമാരന്, രാജകുമാരി എന്നല്ലേ വിളിക്കുക. നിങ്ങള്ക്കറിയാം, നമ്മള് ഭാവിയില്
രാജകുമാരനും, രാജകുമാരിയുമായി മാറും. ഇങ്ങനെയുള്ള കര്മ്മം നിങ്ങളെ
പഠിപ്പിക്കുന്ന അച്ഛനോ ടീച്ചറോ സദ്ഗുരുവോ വേറെയുണ്ടോ! നിങ്ങള് സദാകാലത്തേക്ക്
സുഖിയായി മാറും. ഇത് ശിവബാബയുടെ വരമാണ്, ബാബ ആശീര്വ്വാദം നല്കുകയാണ്. ഞങ്ങളുടെ
മേല് ബാബയുടെ കൃപയുണ്ട് എന്നല്ല, കേവലം പറയുന്നതുകൊണ്ട് ഒന്നും സംഭവിക്കില്ല.
നിങ്ങള്ക്ക് പഠിക്കണം. കേവലം ആശീര്വാദത്തിലൂടെ നിങ്ങള് ആയിത്തീരില്ല. ബാബയുടെ
നിര്ദ്ദേശത്തിലൂടെ നടക്കണം. ജ്ഞാനയോഗത്തിന്റെ ധാരണയുണ്ടാവണം. ബാബ
മനസ്സിലാക്കിത്തരുന്നു മുഖത്തിലൂടെ രാമ-രാമാ എന്ന് പറയുന്നതും ശബ്ദമുണ്ടാക്കലാണ്.
നിങ്ങള്ക്കാണെങ്കില് ശബ്ദത്തിനും ഉപരിപോകണം. മൗനമായിരിക്കണം. വളരെ നല്ല-നല്ല
കളികളും വരുന്നുണ്ട്. പഠിക്കാത്തവരെ ബുദ്ധു എന്നാണ് പറയുന്നത്. ബാബ പറയുന്നു
നിങ്ങള് ഇപ്പോള് എല്ലാം മറന്ന് തീര്ത്തും ബുദ്ധുവായി മാറൂ. ഞാന് നിങ്ങള്ക്ക്
എന്ത് നിര്ദ്ദേശമാണോ നല്കുന്നത് അതനുസരിച്ച് നടക്കൂ. പരംധാമത്തില് നിങ്ങള് എല്ലാ
ആത്മാക്കളും ശരീരമില്ലാതെ വസിക്കുന്നു പിന്നീട് ഇവിടെ വന്ന് ശരീരം എടുക്കുന്നു
അപ്പോഴാണ് ജീവാത്മാവ് എന്ന് പറയുന്നത്. ആത്മാവ് പറയുന്നു, ഞാന് ഒരു ശരീരം
ഉപേക്ഷിച്ച് അടുത്തത് എടുക്കുന്നു ബാബ പറയുന്നു, ഞാന് നിങ്ങളെ ഫസ്റ്റ് ക്ലാസ്
കര്മ്മമാണ് പഠിപ്പിക്കുന്നത്. ടീച്ചര് പഠിപ്പിക്കുന്നു, ഇതില് ശക്തി
കാണിക്കുന്നതിന്റെ കാര്യമെന്താണ്. ബാക്കി സാക്ഷാത്ക്കാരം നല്കുന്നു, ഇതിനെ
മാന്ത്രികവിദ്യ എന്നു പറയുന്നു. മനുഷ്യനില് നിന്നും ദേവതയായി മാറുക, ഇങ്ങനെയൊരു
മാന്ത്രികവിദ്യ ആര്ക്കും ചെയ്യാന്കഴിയില്ല. ബാബ വ്യാപാരി കൂടിയാണ്, പഴയത്
എടുത്ത് പുതിയത് നല്കുന്നു. ഇതിനെ പഴയ ഇരുമ്പുപാത്രം എന്നാണ് പറയുന്നത്. ഒരു
മൂല്യവുമില്ല. ഇന്നുകാലത്ത് ചെമ്പിനുപോലും വില ലഭിക്കുന്നില്ല. അവിടെയാണെങ്കില്
സ്വര്ണ്ണനാണയങ്ങളാണ് ഉണ്ടാവുക. അത്ഭുതമല്ലേ. എന്തില് നിന്ന് എന്തായിമാറി!
ബാബ പറയുന്നു, ഞാന് നിങ്ങള്ക്ക് നമ്പര്വണ് കര്മ്മം പഠിപ്പിച്ചുതരുന്നു.
മന്മനാഭവയായിത്തീരൂ. പിന്നീടാണ് പഠിപ്പ് ,ഇതിലൂടെ സ്വര്ഗ്ഗത്തിലെ രാജകുമാരനായി
മാറും. ഇപ്പോള് തീര്ത്തും ഇല്ലാതായിമാറിയ ദേവീദേവതാ ധര്മ്മം വീണ്ടും
സ്ഥാപിതമാവുകയാണ്. മനുഷ്യര് നിങ്ങളുടെ പുതിയ കാര്യങ്ങള് കേട്ട് അത്ഭുതപ്പെടുന്നു,
പറയുന്നു ഭാര്യയും ഭര്ത്താവും ഒരുമിച്ചിരുന്നുകൊണ്ടും പവിത്രമായിരിക്കുകയോ- ഇത്
എങ്ങനെ സാധിക്കും! ബാബ പറയുന്നു തീര്ച്ചയായും ഒരുമിച്ച് കഴിഞ്ഞോളൂ, ഇല്ലെങ്കില്
എങ്ങനെ അറിയാന് സാധിക്കും. ഇടയില് ജ്ഞാനത്തിന്റെ വാളുണ്ടാകണം, ഇത്രയും ധീരത
കാണിക്കണം. പരീക്ഷയുണ്ടാകും. അതിനാല് മനുഷ്യര് ഈ കാര്യങ്ങളില് അത്ഭുതപ്പെടുന്നു
എന്തുകൊണ്ടെന്നാല് ശാസ്ത്രങ്ങളില് ഇങ്ങനെയുള്ള കാര്യങ്ങളില്ല. ഇവിടെ
പ്രാക്ടിക്കലായി പരിശ്രമം ചെയ്യണം. ഗാന്ധര്വ്വവിവാഹത്തിന്റെ കാര്യം ഇവിടത്തേതാണ്.
ഇപ്പോള് നിങ്ങള് പവിത്രമാവുകയാണ്. അതിനാല് ബാബ പറയുന്നു, ധീരത കാണിക്കണം.
സന്യാസിമാര്ക്കുമുന്നില് തെളിവ് നല്കണം. സമര്ത്ഥനായ ബാബയാണ് മുഴുവന് ലോകത്തേയും
പാവനമാക്കി മാറ്റുന്നത്. ബാബ പറയുന്നു, ഒരുമിച്ച് കഴിഞ്ഞോളൂ എന്നാല് നഗ്നമാകരുത്.
ഇതെല്ലാം യുക്തികളാണ്. വളരെ വലിയ പ്രാപ്തിയാണ് ലഭിക്കുക, കേവലം ഒരു ജന്മം
ബാബയുടെ നിര്ദ്ദേശങ്ങള് അനുസരിച്ച് പവിത്രമായിരിക്കണം. യോഗത്തിലൂടെയും
ജ്ഞാനത്തിലൂടെയും 21 ജന്മങ്ങളിലേക്ക് സദാ ആരോഗ്യവാനായി മാറുന്നു, ഇതിന്
പരിശ്രമമുണ്ടല്ലോ. നിങ്ങളാണ് ശക്തിസേന. മായയുടെമേല് വിജയം നേടി ജഗദ്ജീത്തായി
മാറുന്നു. എല്ലാവരും ആകില്ലല്ലോ. ഏത് കുട്ടികളാണോ പുരുഷാര്ത്ഥം ചെയ്യുന്നത് അവരേ
ആകുകയുള്ളൂ. നിങ്ങള് ഭാരതത്തെത്തന്നെ പവിത്രമാക്കി മാറ്റി പിന്നീട്
ഭാരതത്തില്ത്തന്നെ രാജ്യം ഭരിക്കുന്നു. യുദ്ധത്തിലൂടെ ഒരിക്കലും വിശ്വത്തിന്റെ
ചക്രവര്ത്തീ പദവി ലഭിക്കുക സാധ്യമല്ല. ഇത് അത്ഭുതമല്ലേ. ഈ സമയത്ത് എല്ലാവരും
പരസ്പരം കലഹിച്ച് നശിച്ചുപോകുന്നു. വെണ്ണ ഭാരതത്തിനാണ് ലഭിക്കുന്നത്.
നേടിത്തരുന്നത് വന്ദനം അര്ഹിക്കുന്ന മാതാക്കളാണ്. കൂടുതലുള്ളത് മാതാക്കളാണ്.
ഇപ്പോള് ബാബ പറയുന്നു, നിങ്ങള് ജന്മ ജന്മാന്തരം ഗുരുക്കന്മാരെ പ്രാപ്തമാക്കി,
ശാസ്ത്രങ്ങള് പഠിച്ചാണ് വന്നത്. ഇപ്പോള് ഞാന് നിങ്ങള്ക്ക്
മനസ്സിലാക്കിത്തരികയാണ് - നിങ്ങള് തന്നെ നിര്ണ്ണയിക്കൂ, ശരി എന്താണ്?
സത്യയുഗമാണ് ധാര്മ്മിക ലോകം. മായ പിന്നീട് അധാര്മ്മികരാക്കി മാറ്റുന്നു. ഇപ്പോള്
ഭാരതവാസികള് അധാര്മ്മികരായി മാറിയിരിക്കുന്നു. ധാര്മ്മികരല്ല അതിനാല് ശക്തിയുമി
ല്ല. അധാര്മ്മികരും, നേരില്ലാത്തവരും, നിയമങ്ങള് പാലിക്കാത്തവരും, ദരിദ്രരുമായി
മാറിയിരിക്കുന്നു. പരിധിയില്ലാത്ത ബാബയാണ് അതിനാല് പരിധിയില്ലാത്ത കാര്യങ്ങള്
മനസ്സിലാക്കിത്തരുന്നു, പറയുന്നു നിങ്ങളെ വീണ്ടും ധാര്മ്മികരും അതിശക്തരുമാക്കി
മാറ്റുകയാണ്. സ്വര്ഗ്ഗം നിര്മ്മിക്കുക എന്നത് ശക്തരുടെ ജോലിയാണ്. എന്നാല്
ഗുപ്തമാണ്. സൂക്ഷ്മത്തിലുള്ള യോദ്ധാക്കളാണ്. ബാബക്ക് കുട്ടികളോട് വളരെ യധികം
സ്നേഹമുണ്ട്. നിര്ദ്ദേശങ്ങളും നല്കുന്നു. അച്ഛന്റെ മതം, ടീച്ചറുടെ മതം,
ഗുരുവിന്റെ മതം, സ്വര്ണ്ണപ്പണിക്കാരന്റെ മതം, അലക്കുകാരന്റെ മതം- ഇതില്
എല്ലാമതവും വരുന്നു. ശരി.
വളരെക്കാലത്തെ വേര്പാടിനുശേഷം തിരികെക്കിട്ടിയ മധുര മധുരമായ സന്താനങ്ങള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണകളും സുപ്രഭാതവും. ആത്മീയ അച്ഛന്റെ
ആത്മീയ കുട്ടികള്ക്ക് നമസ്ക്കാരം.
ധാരണയ്ക്കുള്ള മുഖ്യ സാരം:-
1) ഈ ഒരു
അന്തിമജന്മത്തില് ബാബയുടെ നിര്ദ്ദേശം അനുസരിച്ച് നടന്ന് ഗൃഹസ്ഥത്തില്
കഴിഞ്ഞുകൊണ്ടും പവിത്രമായിരിക്കണം. ഇതില് ധീരത കാണിക്കണം.
2) ശ്രീമതം അനുസരിച്ച് സദാ
ശ്രേഷ്ഠ കര്മ്മം ചെയ്യണം. ശബ്ദത്തിനും ഉപരി പോകണം, എന്തെല്ലാം പഠിച്ചിട്ടുണ്ടോ
അല്ലെങ്കില് കേട്ടിട്ടുണ്ടോ അതിനെ മറന്ന് ബാബയെ ഓര്മ്മിക്കണം.
വരദാനം :-
പരിതസ്ഥിതികളെ സൗഭാഗ്യങ്ങളെന്ന് മനസ്സിലാക്കി തന്റെ നിശ്ചയത്തിന്റെ ഫൗണ്ടഷനെ
ശക്തമാക്കുന്ന ഉറച്ചതും, ഇളകാത്തവരുമായി ഭവിക്കട്ടെ.
ഏത് പരിതസ്ഥിതികള്
മുന്നില് വരികയാണെങ്കിലും താങ്കള് ഹൈജംപ് ചെയ്യുക.എന്തെന്നാല് പരിതസ്ഥിതികള്
വരുന്നതും ഒരു ഭാഗ്യമാണ്(ഗുഡ്ലക്ക്).ഇത് നിശ്ചയത്തിന്റെ ഫൗണ്ടേഷനെ
ഉറച്ചതാക്കാനുള്ള മാര്ഗ്ഗമാണ്.താങ്കള് അംഗദന് സമാനം ഉറച്ചതായി മാറുകയാണെങ്കില്
ഈ പരിതസ്ഥിതികള്താങ്കള്ക്കുമുന്നില് തലകുനിക്കും.ആദ്യം ഭയാനകമായ രൂപത്തില് വരും,
പിന്നീട് ദാസിയായി മാറും.സാഹചര്യങ്ങളോട് ഞങ്ങള് മഹാവീരന്മാരാണ് എന്നുപറഞ്ഞ്
വെല്ലുവിളിക്കൂ.എങ്ങിനെയാണോ വെള്ളത്തിനുമുകളില് വരവരച്ചാല് കാണാത്തത് അതുപോലെ
മാസ്റ്റര് സാഗരനായ എന്റെ മുന്നില് ഒരു പരിതസ്ഥിതിക്കും യുദ്ധം
ചെയ്യാനാകില്ല.സ്വസ്ഥിതിയില് ഇരിക്കുന്നതിലൂടെ ഉറച്ചതും,
ഇളകാത്തതുമായിത്തീരുന്നതാണ്.
സ്ലോഗന് :-
പഴയവര്ഷത്തെ
യാത്രയയക്കുന്നതിനൊപ്പം,കയ്പ്പേറിയ സ്വഭാവങ്ങള്ക്കും യാത്രയയപ്പുനല്കൂ..
അവ്യക്തസൂചന-ആത്മീയമായ
അന്തസ്സും(റോയല്റ്റി), പവിത്രതയും നിറഞ്ഞ വ്യക്തിത്വത്തെ ധാരണ ചെയ്യൂ.
വരദാതാവ്,വരദാനി എന്നീ
രണ്ട് സംബന്ധങ്ങളും സമീപതയുടെയും സ്നേഹത്തിന്റെയും ആധാരത്തില് നിരന്തരമായി
ഉണ്ടാകുന്നതിനൊപ്പം തന്നെ കമ്പൈന്ഡ്രൂപത്തില് സ്ഥിതിചെയ്യുകയും ചെയ്താല്
പവിത്രതയുടെ ഛത്രഛായ സ്വാഭാവികമായി ലഭിക്കും. എവിടെ സര്വ്വശക്തിവാനായ ബാബയുണ്ടോ
അവിടെ അപവിത്രതക്ക് സ്വപ്നത്തില്പ്പോലും വരാനാകില്ല. ഒറ്റക്കാകുമ്പോഴാണ്
പവിത്രതയാകുന്ന സിന്ദൂരം ഇല്ലാതാകുന്നത്.