മധുരമായകുട്ടികളേ,
നിങ്ങള്മുഴുവന്വിശ്വത്തിലുംശാന്തിസ്ഥാപിക്കുന്നബാബ
യുടെസഹായികളായകുട്ടികളാണ്, ഇപ്പോള്നിങ്ങളുടെമുന്നില്സുഖത്തിന്റേയും,
ശാന്തിയുടേയുംലോകമാണുള്ളത്.
ചോദ്യം :-
ബാബ കുട്ടികളെ എന്തിന് വേണ്ടിയാണ് പഠിപ്പിക്കുന്നത്? പഠിപ്പിന്റെ സാരം എന്താണ്?
ഉത്തരം :-
ബാബ തന്റെ
കുട്ടികളെ സ്വര്ഗ്ഗത്തിലെ രാജകുമാരന്, വിശ്വത്തിന്റെ അധികാരികളാക്കുന്നതിനു
വേണ്ടിയാണ് പഠിപ്പിക്കുന്നത്. ബാബ പറയുന്നു കുട്ടികളേ, പഠിത്തത്തിന്റെ സാരമാണ്
ലോകത്തിലെ മുഴുവന് കാര്യങ്ങളും ഉപേക്ഷിക്കൂ, എന്റെ പക്കല് കോടികളുണ്ട്,
ലക്ഷങ്ങളുണ്ട് ഇങ്ങനെയൊരിക്കലും വിചാരിക്കരുത്. ഒന്നം കൂടെ വരില്ല, അതുകൊണ്ട്
നല്ല രീതിയില് പുരുഷാര്ത്ഥം ചെയ്യൂ, പഠിത്തത്തില് ശ്രദ്ധിക്കൂ.
ഗീതം :-
അവസാനം
ഇന്ന് ആദിനം വന്നു ചേര്ന്നു.....
ഓംശാന്തി.
കുട്ടികള് ഗീതം കേട്ടു- അവസാനം വിശ്വത്തില് ശാന്തിയുടെ സമയം വന്നു. വിശ്വത്തില്
എങ്ങനെയാണ് ശാന്തി സ്ഥാപിക്കപ്പെടേണ്ടത് എന്ന് എല്ലാവരും പറയുന്നുണ്ട് അതില്
നല്ല അഭിപ്രായം പറയുന്നവര്ക്ക് ഉപഹാരം നല്കുന്നു. നെഹ്രുവും അഭിപ്രായം
പറഞ്ഞിരുന്നു, പക്ഷേ ശാന്തി സ്ഥാപിക്കപ്പെട്ടില്ല. വെറുതെ അഭിപ്രായം പറഞ്ഞിട്ടു
പോയി. ഇപ്പോള് നിങ്ങള് കുട്ടികളുടെ ബുദ്ധിയിലുണ്ട് ഒരു സമയത്ത് വിശ്വത്തില്
സുഖവും, ശാന്തിയും, സമ്പത്തും എല്ലാം ഉണ്ടായിരുന്നു. ഇപ്പോള് ഇല്ല. ഇനി വീണ്ടും
ഉണ്ടാകുവാന് പോകുകയാണ്. ചക്രം തിരിയുമല്ലോ? ഇതെല്ലാം നിങ്ങള് സംഗമയുഗീ
ബ്രാഹ്മണരുടെ ബുദ്ധിയില് മാത്രമേയുള്ളൂ. നിങ്ങള്ക്കറിയാം, ഭാരതം വീണ്ടും
സ്വര്ണമായി മാറണം. ഭാരതത്തിനെത്തന്നെയാണ് സ്വര്ണ്ണപ്പക്ഷി എന്ന് വിളിക്കുന്നത്.
മഹിമയൊക്കെ പറയുന്നുവെങ്കിലും,ഇത് വെറുതെ പറച്ചില് മാത്രമാണ്. നിങ്ങളിപ്പോള്
പ്രാക്ടിക്കലായി പുരുഷാര്ത്ഥം ചെയ്തു കൊണ്ടിരിക്കുന്നു. നിങ്ങള്ക്കറിയാം ഇനി
വളരെക്കുറച്ചു ദിവസങ്ങളേ അവശേഷിക്കുന്നുള്ളു അതുകൊണ്ട് നരകത്തിലെ എല്ലാ ദു:ഖം
തരുന്ന കാര്യങ്ങളും മറക്കണം. നിങ്ങളുടെ ബുദ്ധിയില് സുഖത്തിന്റെ ലോകമാണ്.
പണ്ടുകാലത്ത് വിദേശത്തു നിന്നും മടങ്ങിയെത്തുവാന് സമയമെടുക്കുമായിരിക്കും,
മടങ്ങി വരുന്ന സമയത്ത് വിചാരിക്കും ഇനി കുറച്ചു സമയത്തിനുള്ളില് അവിടെ
എത്തിച്ചിച്ചേരും. ഇപ്പോഴാണെങ്കില് വിമാനത്തില് പെട്ടെന്നെത്തിച്ചേരും. നിങ്ങള്
കുട്ടികളുടെ ബുദ്ധിയിലുണ്ട് നമ്മുടെ സുഖത്തിന്റെ ദിവസങ്ങള് വരാന് പോകുകയാണ്,
അതിനുവേണ്ടിയാണ് നമ്മള് പുരുഷാര്ത്ഥം ചെയ്യുന്നത്. പുരുഷാര്ത്ഥത്തെക്കുറിച്ച്
ബാബ വളരെ സഹജമായി പറഞ്ഞു തരുന്നു. ഡ്രാമാപ്ലാന് അനുസരിച്ച് കല്പം മുന്പെന്നപോലെ,
ഇക്കാര്യം ഉറപ്പാണ്. നിങ്ങള് ദേവതകളായിരുന്നു, ദേവതകള്ക്ക് എത്രമാത്രം
ക്ഷേത്രങ്ങള് പണിയുന്നു. കുട്ടികള്ക്കറിയാം ധാരാളം ക്ഷേത്രങ്ങളൊക്കെ
പണിയുന്നുണ്ട്. ബാക്കി എത്ര ദിവസങ്ങള് ഉണ്ട്? നിങ്ങള് കുട്ടികള് ജ്ഞാനത്തിന്റെ
അതോറിട്ടിയാണ്. പരംപിതാ പരമാത്മാവ് സര്വ്വശക്തിവാന് ആള്മൈറ്റി അതോറിറ്റി എന്നു
പറയാറുണ്ട്. മറ്റുള്ളവര് ഭക്തിയുടെ അതോറിറ്റിയാണ,് ബാബയെ വിളിക്കുന്നത്
ആള്മൈറ്റി അതോറിറ്റി എന്നാണ്. നിങ്ങള് കുട്ടികള് നമ്പര്വാര്
പുരുഷാര്ത്ഥമനുസരിച്ച് തയാറായിക്കൊണ്ടിരിക്കുന്നു. സൃഷ്ടിയുടെ
ആദി-മധ്യ-അന്ത്യത്തിന്റെ ജ്ഞാനം നിങ്ങള് കുട്ടികള്ക്കുണ്ട്. ബാബയില് നിന്നും
സമ്പത്ത് നേടുന്നതിനു വേണ്ടി നമ്മള് പുരുഷാര്ത്ഥം ചെയ്തുകൊണ്ടിരിക്കുകയാണെന്ന്
നിങ്ങള് കുട്ടികള്ക്കറിയാം. ഭക്തിയുടെ അതോറിറ്റിയുള്ളവര് എല്ലാവരെയും
ഭക്തിയെക്കുറിച്ചു തന്നെ കേള്പ്പിക്കും. നിങ്ങള് ജ്ഞാനത്തിന്റെ
അതോറിറ്റിയുള്ളവരായതു കൊണ്ട് ജ്ഞാനം തന്നെ കേള്പ്പിക്കണം. സത്യയുഗത്തില്
ഭക്തിയില്ല. ഒരാളു പോലും പൂജാരിയായിട്ടില്ല. പൂജ്യര് മാത്രമേ ഉള്ളു. അരകല്പം
പൂജ്യര്, അരകല്പം പൂജാരികള്. ഭാരതവാസികള് തന്നെയാണ് പൂജ്യരായിരുന്നപ്പോള്
സ്വര്ഗമായിരുന്നു. ഇപ്പോള് ഭാരതം പൂജാരിയും നരകവുമായിരിക്കുന്നു. നിങ്ങള്
കുട്ടികള് ഇപ്പോള് പ്രാക്ടിക്കല് ജീവിതം നയിച്ചുകൊണ്ടിരിക്കുന്നു. നമ്പര്വാര്
പുരുഷാര്ത്ഥമനുസരിച്ച് സര്വ്വര്ക്കും പറഞ്ഞുകൊടുക്കുന്നു, വൃദ്ധി
പ്രാപിച്ചുകൊണ്ടുമിരിക്കുന്നു. ഡ്രാമയില് ആദ്യമേ തന്നെ അടങ്ങിയിട്ടുള്ളതാണ്.
ഡ്രാമ നിങ്ങളെക്കൊണ്ട് പുരുഷാര്ത്ഥം ചെയ്യിപ്പിക്കുന്നു, നിങ്ങള്
ചെയ്തുകൊണ്ടിരിക്കുന്നു. നിങ്ങള്ക്കറിയാം ഡ്രാമയില് നമ്മുടെ പാര്ട്ട്
അവിനാശിയാണ്. ലോകത്തിലുള്ളവര് ഇതൊന്നും അറിയുന്നേയില്ല. ഡ്രാമയില് നമ്മുടെ
പാര്ട്ടാണ് ഉള്ളത്. ഈ ഡ്രാമയില് നമ്മുടെ പാര്ട്ട് എങ്ങനെയാണ് എന്നുള്ള കാര്യം
പറയുന്നവരാണ് മനസ്സിലാക്കുന്നത്. ഈ സൃഷ്ടിചക്രം കറങ്ങിക്കൊണ്ടേയിരിക്കും. ഈ
ലോകത്തിന്റേ ഹിസ്റ്റിറിയും ജ്യോഗ്രഫിയും നിങ്ങള്ക്ക് അല്ലാതെ മറ്റാര്ക്കും
അറിയില്ല. ഉയര്ന്നതിലും ഉയര്ന്നതാരാണെന്ന് ലോകത്തില് മറ്റാര്ക്കും അറിയില്ല. ഋഷി
മുനിമാരെല്ലാം പറഞ്ഞിരുന്നത് ഞങ്ങള്ക്ക് അറിയില്ല എന്നു തന്നെയാണ്.
അറിയില്ല-അറിയില്ല എന്നാണ് പറഞ്ഞിരുന്നത്. ഇപ്പോള് നിങ്ങള് കുട്ടികള്ക്കറിയാം
രചയിതാവായ ആ ബാബ നമ്മളെ പഠിപ്പിക്കുകയാണ്. ബാബ ഇക്കാര്യം പലപ്രാവശ്യം
പറഞ്ഞിട്ടുള്ളതാണ് ഇവിടെ ഇരിക്കുമ്പോള് ആത്മ-അഭിമാനിയായിട്ടിരിക്കണം. ഒരു ബാബ
തന്നെയാണ് രാജയോഗം പഠിപ്പിക്കുന്നതും, ലോകത്തിന്റെ ഹിസ്റ്ററിയും ജ്യോഗ്രഫിയും
മനസ്സിലാക്കിത്തരുന്നതും. ബാബ പറയുന്നു, ഞാന് മനസ്സു വായിക്കുന്ന ആളല്ല. ഇത്രയും
വലിയ ലോകത്തില് ഇവയൊക്കെ എന്ത് വായിക്കുവാനാണ്. ബാബ പറയുന്നു, ഞാന്
ഡ്രാമയനുസരിച്ച് നിങ്ങളെ പാവനമാക്കുവാന് വന്നിരിക്കുകയാണ്. ഡ്രാമയില് എന്റെ
പാര്ട്ട് അഭിനയിക്കവാന് വേണ്ടി വന്നിരിക്കുകയാണ്. അല്ലാതെ ഞാന് ആരുടേയും മനസ്സു
വായിക്കുവാന് വരുന്നില്ല. എന്റെ പാര്ട്ട് എന്താണ്, നിങ്ങള് എന്തു
പാര്ട്ടാണഭിനയിക്കുന്നത് എന്നെല്ലാം പറഞ്ഞു തരുന്നു. നിങ്ങളീ ജ്ഞാനം പഠിച്ച്
മറ്റുള്ളവരേയും പഠിപ്പിക്കുന്നു. എന്റെ പാര്ട്ട് തന്നെ പതീതരെ പാവനമാക്കുക
എന്നതാണ്. ഇതും നിങ്ങള് കുട്ടികള് അറിയുന്നു, തീയതിയും കണക്കും എല്ലാം
നിങ്ങള്ക്കറിയാം. ലോകത്തിലെ മറ്റാര്ക്കും ഒന്നും അറിയില്ല, നിങ്ങളെ ബാബ
പഠിപ്പിക്കുകയാണ്, പിന്നെ ഈ ചക്രം പൂര്ത്തിയാകുമ്പോള് ബാബ വരും. ആ സമയത്ത്
എന്തെല്ലാം സീനുകള് നടന്നിരുന്നുവോ അതെല്ലാം കല്പത്തിനു ശേഷവും നടക്കും. ഒരു
സെക്കന്റു പോലെയല്ല അടുത്ത സെക്കന്റ്. ഈ നാടകം കറങ്ങികൊണ്ടേയിരിക്കും. നിങ്ങള്
കുട്ടികള്ക്ക് പരിധിയില്ലാത്ത നാടകത്തിനെക്കുറിച്ചറിയാം. എന്നിരുന്നാലും നിങ്ങള്
ഇടക്കിടക്ക് മറന്നു പോകുന്നു. ബാബ പറയുന്നു, നിങ്ങള് എന്നെ മാത്രം ഓര്മ്മിക്കൂ.
നമ്മുടെ ബാബ അച്ഛനാണ്, ടീച്ചറാണ്, ഗുരുവാണ്. നിങ്ങളുടെ ബുദ്ധി ആ ഭാഗത്തേക്കു
പോകണം. ബാബയുടെ മഹിമ കേട്ട് ആത്മാവും സന്തോഷിക്കുന്നു. എല്ലാവരും പറയുന്നു,
നമ്മുടെ ബാബ അച്ഛനാണ് , ടീച്ചറാണ്, അത് സത്യം തന്നെ സത്യമാണ്. പഠിത്തവും സത്യവും,
സമ്പൂര്ണ്ണവുമാണ്. മനുഷ്യരുടെ പഠിത്തം അപൂര്ണ്ണമാണ്. അപ്പോള് നിങ്ങള്
കുട്ടികളുടെ ബുദ്ധിയില് എത്ര സന്തോഷമുണ്ടായിരിക്കണം. വലിയ പരീക്ഷ
പാസ്സാകുന്നവര്ക്കും വളരെ സന്തോഷമുണ്ടായിരിക്കും. നിങ്ങള് എത്ര ഉയര്ന്ന പഠിത്തം
പഠിക്കുന്നു അപ്പോള് എത്ര വിടര്ന്ന സന്തോഷമുണ്ടായിരിക്കണം . ഭഗവാന് ബാബ,
പരിധിയില്ലാത്ത അച്ഛന് നമ്മളെ പഠിപ്പിക്കുന്നു, നിങ്ങള്ക്ക് രോമാഞ്ചമുണ്ടാകണം.
അതേ കഥാഭാഗം ആവര്ത്തിച്ചുകൊണ്ടിരിക്കുന്നു , ഇത് നിങ്ങള്ക്കല്ലാതെ ആര്ക്കും
അറിയില്ല. കാരണം കല്പത്തിന്റെ ആയുസ്സ്പോലും വര്ദ്ധിപ്പിച്ചു. നിങ്ങളുടെ
ബുദ്ധിയില് 5000- വര്ഷത്തിന്റെ മുഴുവന് സ്റ്റോറിയും കറങ്ങികൊണ്ടിരിക്കുന്നു,
ഇതിനെത്തന്നെയാണ് സ്വദര്ശനചക്രമെന്ന് പറയുന്നത്.
കുട്ടികള് പറയുന്നു, ബാബാ കൊടുങ്കാറ്റ് വളരെ വരുന്നു , ഞങ്ങള് മറന്നു പോകുന്നു.
ബാബ ചോദിക്കുന്നു, നിങ്ങള് ആരെയാണ് മറന്നുപോകുന്നത്? ഏതൊരു ബാബയാണോ നിങ്ങളെ
ഡബിള് കിരീടധാരി വിശ്വത്തിന്റെ അധികാരിയാക്കുന്നത് ആ ബാബയെ നിങ്ങള് എങ്ങനെ
മറക്കും! മറ്റാരേയും മറക്കുന്നുമില്ല. ഭാര്യ, കുട്ടികള്, ചെറിയച്ഛന്, മാമന്,
മിത്ര സംബന്ധികള് എല്ലാം ഓര്മ്മ വരുന്നുണ്ട്. ബാക്കി ഈ കാര്യത്തെ എന്തുകൊണ്ട്
നിങ്ങള് മറന്നു പോകുന്നു. നിങ്ങളുടെ യുദ്ധവും ഈ ഓര്മ്മയില് തന്നെയാണ്, അതിനാല്
എത്ര സാധിക്കുമോ ഓര്മ്മയില് ഇരിക്കണം. കുട്ടികള്ക്ക് തന്റെ ഉന്നതിക്ക് വേണ്ടി
അതിരാവിലെ എഴുന്നേറ്റ് ബാബയുടെ ഓര്മ്മയില് ഉല്ലാസയാത്ര നടത്തണം. നിങ്ങള്
മട്ടുപ്പാവില് അഥവാ പുറത്ത് തണുത്ത കാറ്റുള്ളിടത്ത് പോകൂ. ഇവിടെത്തന്നെ
വന്നിരിക്കേണ്ട ആവശ്യമില്ല. പുറത്തും പൊയ്ക്കോളൂ , രാവിലെത്തെ സമയം ഭയക്കേണ്ട
യാതൊരു കാര്യവുമില്ല. പുറത്ത് സഞ്ചരിക്കൂ. നോക്കൂ ആര് ബാബയെ അധികം
ഓര്മ്മിക്കുന്നു- പരസ്പരം ഈ കാര്യം സംസാരിക്കൂ, എത്ര സമയം നമ്മള് ഓര്മ്മിച്ചു
ഇത് പിന്നീട് പറയണം. മറ്റു സമയങ്ങളില് നമ്മുടെ ബുദ്ധി എവിടേക്ക് പോയി. ഇതിനെയാണ്
പരസ്പരം ഉന്നതി നേടുക എന്ന് പറയുന്നത്. നോട്ട് ചെയ്യൂ എത്ര സമയം ബാബയെ
ഓര്മ്മിച്ചു. ബാബ പ്രാക്ടീസ് പറഞ്ഞുതരുന്നു. ഓര്മ്മയില് നിങ്ങള് ഒരു മണിക്കൂര്
നടന്നാല്പോലും നിങ്ങളുടെ കാലുകള് ക്ഷീണിക്കില്ല. ഓര്മ്മയിലൂടെ നിങ്ങളുടെ എത്ര
പാപം നശിക്കുന്നു. ചക്രത്തെ നിങ്ങള് കുട്ടികള് അറിയുന്നു, രാത്രിയും, പകലും
നിങ്ങളുടെ ബുദ്ധിയില് ഉണ്ടായിരിക്കണം ഇപ്പോള് നമുക്ക് വീട്ടിലേക്ക് പോകണം.
പുരുഷാര്ത്ഥം ചെയ്യൂ , കലിയുഗീ മനുഷ്യര്ക്ക് ഇത് അല്പംപോലും അറിയില്ല -
മുക്തിക്ക് വേണ്ടി എത്രമാത്രം പരിശ്രമം ചെയ്യുന്നു. അനേക വഴികളാണ്. നിങ്ങള്
ബ്രാഹ്മണര്ക്ക് ഒരേയൊരു വഴി , ആരാണോ ബ്രാഹ്മണരാകുന്നത് അവര്ക്കെല്ലാവര്ക്കും
ശ്രീമതം ഉണ്ട്. നിങ്ങള് ബാബയുടെ ശ്രീമതത്തിലൂടെ ദേവതയാകുന്നു. ദേവതമാരുടേത്
ശ്രീമതമല്ല. ശ്രീമതം ഇപ്പോള് നിങ്ങള് ബ്രാഹ്മണര്ക്കാണ് ലഭിക്കുന്നത്. ഭഗവാന്
നിരാകാരനാണ്. ആ ബാബ നിങ്ങളെ രാജയോഗം പഠിപ്പിക്കുന്നു, അതിലൂടെ നിങ്ങള് തന്റെ
രാജ്യഭാഗ്യം എടുത്ത് എത്ര ഉയര്ന്ന വിശ്വത്തിന്റെ അധികാരിയാകുന്നു.
ഭക്തിമാര്ഗത്തില് വേദശാസ്ത്രങ്ങള് എത്രയാണ്. പക്ഷേ പ്രയോജനത്തില് വരുന്നത്
ഒരേയൊരു ഗീതയാണ്. ഭഗവാന് വന്ന് രാജയോഗം പഠിപ്പിച്ചു , ഇതിനെയാണ് ഗീത എന്ന്
പറയുന്നത്. ഇപ്പോള് നിങ്ങള് ബാബയില് നിന്ന് പഠിച്ചുകൊണ്ടിരിക്കുന്നു, ഇതിലൂടെ
നിങ്ങള് സ്വര്ഗരാജ്യം നേടുന്നു. ആരാണോ പഠിച്ചത് അവര് നേടി. ഡ്രാമയില്
പാര്ട്ടുണ്ടല്ലോ. ജ്ഞാനം കേള്പ്പിക്കുന്ന ജ്ഞാന സാഗരന് ഒരേയൊരു ബാബയാണ്. ഡ്രാമാ
പ്ലാന് അനുസരിച്ച് ആ ബാബ കലിയുഗ അന്ത്യത്തിലും സത്യയുഗത്തിന്റെ ആരംഭത്തിലുമുള്ള
സംഗമത്തില് വരുന്നു. ഒരു കാര്യത്തിലും ആശയക്കുഴപ്പത്തില് വരരുത്. ബാബ ഈ
ബ്രഹ്മാവില് വന്ന് പഠിപ്പിക്കുന്നു, വേറാര്ക്കും പഠിപ്പിക്കുവാന് കഴിയില്ല. ഈ
ബ്രഹ്മാവും മുമ്പ് ആരില് നിന്നെങ്കിലും പഠിച്ചിട്ടുണ്ടെങ്കില് ആ ഗുരുവില് നിന്ന്
വേറെയും വളരെയധികം പേര് പഠിച്ചിരിക്കണം. ബാബ പറയുന്നു ഈ ഗുരുക്കന്മാരെപ്പോലും
ബാബ തന്നെയാണ് ഉദ്ധരിക്കുന്നത്. ഇപ്പോള് നിങ്ങള് കുട്ടികള്ക്ക് ലക്ഷ്യം
മുന്നിലുണ്ട്. നമ്മള് ഇതാണ്, ഇത് നരനില് നിന്ന് നാരായണനാകുന്ന സത്യമായ കഥയാണ്.
ഇതിന്റെ മഹിമയാണ് ഭക്തി മാര്ഗത്തില് നടന്നു വരുന്നത്. ഭക്തി മാര്ഗത്തില് ആചാരം
നടന്നുവരുന്നു. ഇപ്പോള് ഈ രാവണ രാജ്യം പൂര്ത്തിയാകണം. നിങ്ങള്ക്ക് ദസറയിലും ,
മറ്റും പോകേണ്ട കാര്യമില്ല. ഇവര് എന്താണ് ചെയ്യുന്നത് എന്ന് നിങ്ങള്ക്ക്
മനസ്സിലാക്കുവാന് കഴിയും. ഇത് കുട്ടിക്കളിയാണ്. വലിയ- വലിയ വ്യക്തികള് പോലും
കാണുവാന് പോകുന്നു. രാവണനെ എന്തിന് കത്തിക്കുന്നു, ഇത് ആരാണ് , ആര്ക്കും
പറയുവാന് സാധിക്കില്ല. രാവണ രാജ്യമാണല്ലോ. ദസറ എത്ര സന്തോഷത്തോടെ ആഘോഷിക്കുന്നു,
രാവണന്റെ കോലവും കത്തിക്കുന്നു, പക്ഷേ ദു:ഖവും വര്ദ്ധിച്ചു, ഒന്നും
മനസ്സിലാക്കുന്നില്ല. ഇപ്പോള് നിങ്ങള് മനസ്സിലാക്കുന്നു നമ്മള് എത്ര
അറിവില്ലാത്തവരായിമാറി. രാവണന് അറിവില്ലാത്തവരാക്കി. ഇപ്പോള് നിങ്ങള് പറയും ബാബാ
ഞങ്ങള് തീര്ച്ചയായും ലക്ഷ്മി - നാരായണനാകും. നമ്മള് അതില് കുറഞ്ഞ
പുരുഷാര്ത്ഥമൊന്നും ചെയ്യില്ല. ഇത് ഒരെയൊരു സ്കൂളാണ്, പഠിത്തം എത്ര സഹജമാണ്.
വയസ്സായ മാതാക്കള്ക്ക് ഒന്നും ഓര്മ്മിക്കുവാന് കഴിയുന്നില്ലായെങ്കില് കേവലം
ബാബയെ ഓര്മ്മിക്കൂ. വായിലൂടെ ഹേ രാമ എന്ന് പറയാറില്ലേ. ബാബ വളരെ സഹജമായി പറഞ്ഞു
തരുന്നു,നിങ്ങള് ആത്മാവാണ്, പരമാത്മാവായ ബാബയെ ഓര്മ്മിക്കൂ എങ്കില് നിങ്ങളുടെ
തോണി അക്കരെ പോകും. എവിടേക്ക് പോകും? ശാന്തിധാമം- സുഖധാമത്തിലേക്ക്. ബാക്കി
എല്ലാം മറക്കൂ. ഏതൊന്നാണോ കേട്ടിട്ടുള്ളത് , പഠിച്ചിട്ടുള്ളത് അതെല്ലാം മറന്ന്
സ്വയത്തെ ആത്മാവ് എന്ന് മനസിലാക്കി ബാബയെ ഓര്മ്മിക്കൂ... എങ്കില് ബാബയില് നിന്നും
തീര്ച്ചയായും സമ്പത്ത് ലഭിക്കും. ബാബയുടെ ഓര്മ്മയിലൂടെ പാപം നശിക്കും. എത്ര
സഹജമാണ്.
ഭൃകുടി മദ്ധ്യത്തില് തിളങ്ങുന്ന അത്ഭുത നക്ഷത്രം എന്ന് പറയാറുണ്ട്. അപ്പോള്
തീര്ച്ചയായും ആത്മാവ് ഇത്രയും ചെറുതാണല്ലോ. ആത്മാവിനെ കാണുന്നതിന് ഡോക്ടര്മാര്
വളരെയധികം പരിശ്രമിക്കുന്നു. പക്ഷേ അത് വളരെ സൂക്ഷ്മമാണ്. ഹഠയോഗത്തിലൂടെയും
കാണുവാന് കഴിയില്ല. ബാബയും അതുപോലെ ബിന്ദുവാണ്. പറയുന്നു - ഏതുപോലെ നിങ്ങള്
സാധാരണമാണോ, ബാബയും അതുപോലെ സാധാരണമായി നിങ്ങളെ പഠിപ്പിക്കുന്നു. ഇവരെ ഭഗവാന്
എങ്ങനെബോണ് പഠിപ്പിക്കുന്നത്, ആര്ക്ക് എന്തറിയാം. കൃഷ്ണനാണ്
പഠിപ്പിക്കുന്നതെങ്കില് മുഴുവന് അമേരിക്ക, ജപ്പാന് എല്ലാ ഭാഗത്തു നിന്നും
വരുമായിരുന്നു. കൃഷ്ണന് അത്രയും ആകര്ഷണമുണ്ട്. എല്ലാവര്ക്കും കൃഷ്ണനോട്
സ്നേഹമുണ്ടല്ലോ. ഇപ്പോള് നിങ്ങള് കുട്ടികള്ക്കറിയാം നമ്മള് അതുപോലെ
ആയിത്തീരുകയാണ്. കൃഷ്ണന് രാജകുമാരനാണ് , കൃഷ്ണനെ മടിയില് എടുക്കുവാന്
ആഗ്രഹിക്കുന്നുവെങ്കില് പുരുഷാര്ത്ഥം ചെയ്യണം, ഇത് വലിയ കാര്യമൊന്നുമല്ല. ബാബ
തന്റെ കുട്ടികളെ സ്വര്ഗത്തിലെ രാജകുമാരന്, വിശ്വത്തിന്റെ അധികാരിയാക്കുന്നതിന്
പഠിപ്പിക്കുന്നു.
ബാബ പറയുന്നു- കുട്ടികളേ, പഠിത്തത്തിന്റെ സാരമാണ് - ലോകത്തിലെ എല്ലാ കാര്യങ്ങളും
ഉപേക്ഷിക്കൂ. നമ്മുടെ പക്കല് കോടികളുണ്ട്, ലക്ഷങ്ങള് ഉണ്ട,് എന്ന് ഒരിക്കലും
കരുതരുത്. ഒന്നും കൈയില് വരില്ല, അതിനാല് നല്ല രീതിയില് പുരുഷാര്ത്ഥം ചെയ്യൂ.
ചില കുട്ടികള് ബാബയുടെ അടുത്ത് വരുമ്പോള് ബാബ പരാതി പറയും, 8- മാസമായി വന്നിട്ട്,
എന്നിട്ടും വിശ്വത്തിന്റെ ചക്രവര്ത്തി പദം തരുന്ന ആ ബാബയെ ഇത്ര സമയമായിട്ടും
കാണാന് വന്നില്ല. കുട്ടികള് പറയും ബാബ ഇന്ന ജോലിയുണ്ടായിരുന്നു. നോക്കൂ, നിങ്ങള്
മരിച്ചുപോകുകയാണെങ്കില് ഇവിടേക്ക് (മധുബന്) എങ്ങനെ വരും. അതിനാല് ഈ ഒഴിവുകഴിവ്
പറയരുത്. ബാബ രാജയോഗം പഠിപ്പിച്ചുകൊണ്ടിരിക്കുന്നു, പക്ഷേ നിങ്ങള്
പഠിക്കുന്നതേയില്ല. , ആരാണോ വളരെ ഭക്തി ചെയ്തത് അവര്ക്ക് ഏഴു ദിവസമല്ല കേവലം ഒരു
സെക്കന്റില് തന്നെ അമ്പ് തറക്കും. സെക്കന്റില് വിശ്വത്തിന്റെ അധികാരിയാകാം.
ബ്രഹ്മാബാബ സ്വയം അനുഭവിയാണ് , വിനാശം കണ്ടു, ചതുര്ഭുജരൂപം കണ്ടു, മനസ്സിലാക്കി,
ആഹാ, ഞാന് വിശ്വത്തിന്റെ അധികാരിയാകും. സാക്ഷാത്ക്കാരമുണ്ടായി , ഉല്സാഹം വന്നു
എല്ലാം ഉപേക്ഷിച്ചു. ഇവിടെ നിങ്ങള് കുട്ടികള്ക്കും അറിയാം വിശ്വത്തിന്റെ അധികാരം
നല്കുവാന് ബാബ വന്നിരിക്കുന്നു. അപ്പോള് ബാബ ചോദിക്കുന്നു, എപ്പോള് നിശ്ചയം വരും?
പറയുന്നു, ബാബാ 8 - മാസം . ബാബ മനസിലാക്കിത്തരുന്നു മുഖ്യമായ കാര്യം ജ്ഞാനവും ,
യോഗവുമാണ്. ബാക്കി സാക്ഷാത്കാരം കൊണ്ട് യാതൊരു പ്രയോജനവുമില്ല. ബാബയെ
തിരിച്ചറിഞ്ഞുവെങ്കില് പഠിക്കാന് ആരംഭിക്കൂ അപ്പോള് നിങ്ങളും
ഇവരെപ്പോലെയാകും(ലക്ഷ്മി - നാരായണന്), പോയിന്റ് ലഭിച്ചുകൊണ്ടിരിക്കും, ഇത്
ആര്ക്ക് വേണമെങ്കിലും മനസ്സിലാക്കിക്കൊടുക്കുവാന് കഴിയും. വളരെ മധുരതയോടെ
മനസിലാക്കി കൊടുക്കൂ. ശിവബാബ പതീത- പാവനനാണ്, ആ ബാബ പറയുന്നു, ബാബയെ ഓര്മ്മിക്കൂ
എങ്കില് പാവനമായി പാവന ലോകത്തിന്റെ അധികാരിയാകും. യുക്തിയോടെ
മനസ്സിലാക്കിക്കൊടുക്കണം. ഈശ്വരന് മുക്തി നല്കി മധുരമായ വീട്ടിലേക്ക്
തിരിച്ചുകൊണ്ടുപോകും - ഇത് നിങ്ങളും ആഗ്രഹിക്കുന്നില്ലേ. ശരി, ഇപ്പോള് നിങ്ങളുടെ
മേല് ഉള്ള അഴുക്കിനെ ഇല്ലാതാക്കുന്നതിന് വേണ്ടി ബാബ പറയുന്നു, എന്നെ ഓര്മ്മിക്കൂ.
ശരി ,
വളരെക്കാലത്തെ വേര്പാടിനു ശേഷം തിരിച്ചു കിട്ടിയ മധുരമധുരമായ കുട്ടികള്ക്ക്
മാതാവും പിതാവുമായ ബാപ്ദാദയുടെ സ്നേഹസ്മരണയും, പുലര്കാല വന്ദനവും. ആത്മീയ
അച്ഛന്റെ ആത്മീയ കുട്ടികള്ക്ക് നമസ്കാരം.
ധാരണയ്ക്കുള്ള മുഖ്യ സാരം:-
1 അതിരാവിലെ
എഴുന്നേറ്റ് നടന്നുകൊണ്ട് ബാബയെ ഓര്മ്മിക്കൂ. പരസ്പരം ഇങ്ങനെ മധുരമായി
സംസാരിക്കൂ, ആരാണ് കൂടുതല് സമയം ബാബയെ ഓര്മ്മിക്കുന്നതെന്ന് നോക്കാം. പിന്നെ
തന്റെ അനുഭവം പറയണം.
2 ബാബയെ മനസ്സിലാക്കി
കഴിഞ്ഞുവെങ്കില് ഇനി ഒരു ഒഴിവു കഴിവും പറയരുത്. പഠിത്തത്തില് മുഴുകണം, മുരളി
ഒരിക്കലും മുടക്കരുത്.
വരദാനം :-
സര്വ്വരുടേയും ഗുണങ്ങളെ കണ്ടുകൊണ്ടും, സ്വയത്തില് ബാബയുടെ ഗുണങ്ങളെ ധാരണ
ചെയ്യുന്ന ഗുണമൂര്ത്തിയായി ഭവിക്കട്ടെ.
സംഗമയുഗത്തില് ഏത്
കുട്ടികളാണോ ഗുണങ്ങളുടെ മാലയെ ധാരണ ചെയ്യുന്നത് അവര് തന്നെയാണ് വിജയമാലയില്
വരുന്നത്. അതിനാല് ഹോളിഹംസമായി മാറി സര്വ്വരുടേയും ഗുണങ്ങളെ സ്വയത്തില് ധാരണ
ചെയ്യുക.ഈ ഗുണങ്ങളുടെ മാല എല്ലാവരുടേയും കഴുത്തില് ഉണ്ടാകട്ടെ.ബാബയുടെ ഗുണങ്ങളെ
ആരെല്ലാം എത്രയധികം ധാരണ ചെയ്യുന്നുവോ അവരുടെ കഴുത്തില് അത്രയും വലിയ മാല
വന്നുചേരുന്നു.ഗുണമാലയെ സ്മരിക്കുന്നതിലൂടെ സ്വയം ഗുണമൂര്ത്തികളായി
മാറുന്നു.ഇതിന്റെ ഓര്മ്മചിഹ്നമായിട്ടാണ് ദേവതകളുടേയും, ശക്തികളുടേയും കഴുത്തില്
മാല കാണിച്ചിരിക്കുന്നത്.
സ്ലോഗന് :-
സാക്ഷിസ്ഥിതി തന്നെയാണ് യഥാര്ത്ഥ നിര്ണ്ണയമെടുക്കാനുള്ള സിംഹാസനം.
അവ്യക്തസൂചന-ആത്മസ്ഥിതിയില് ഇരിക്കുന്നതിനുള്ള അഭ്യാസം
ചെയ്യൂ,അന്തര്മുഖിയായിമാറൂ....
അന്തര്മുഖിയായി കാര്യങ്ങള്
ചെയ്യുന്നതിലൂടെ വിഘ്നങ്ങളില്നിന്നും, വ്യര്ത്ഥ സങ്കല്പങ്ങളില് നിന്നും
സുരക്ഷിതരായി ഇരിക്കാം,മാത്രമല്ല ധാരാളം സമയവും ലാഭിക്കാം.ആരാണോ അന്തര്മുഖിയായി
ഇരിക്കുന്നത് അവരില് സ്മൃതിയുടെ സമര്ത്ഥത വന്നുചേരുന്നു ഒപ്പം ആത്മാരൂപി നേത്രം
പവര്ഫുള് ആവുകയും ചെയ്യുന്നു.ഇതുകൊണ്ടുതന്നെ ഏതെങ്കിലും വിഘ്നങ്ങള്
വരാനിരിക്കുന്നുണ്ടെങ്കില് അത് നേരത്തേ തിരിച്ചറിയാനാകും,ഇന്ന് ഒരു പരീക്ഷ
മുന്നില് വരാനുണ്ട്.....നേരത്തേ തിരിച്ചറിയുന്നതുകൊണ്ട്
ജാഗ്രതയോടെയിരിക്കുന്നതിനാല് സഫലത പ്രാപ്തമാക്കാനും സാധിക്കുന്നു.