24.08.25 Avyakt Bapdada
Sinhala
Murli 16.11.2006 Om Shanti Madhuban
තීව්‍ර, ගිණි කන්දක්
වැනි තපස්යාවෙන් “මම” යන අවධානයේ වලිගය පුළුස්සා දමා,
බාප්දාදාට සමාන වන්න, මන්ද, පරිසමාප්තිය සමීප වන්නේ එවිට පමණයි.
අද, අනන්ත, අවිනාශී
සම්පත් වල අධිපති වන බාප්දාදා සෑම තැනකම සිටින ඔහුගේ අංග සම්පූර්ණ දරුවන්ගේ තැන්පත්
ගිණුම් දෙස බලනවා. ඔහු තුන් වර්ගයක ගිණුම් දකිනවා. 1. තමන්ගේම උත්සාහය තුළින්
ශ්‍රේෂ්ඨ ප්‍රතිලාභයේ තැන්පත් ගිණුම. 2. තෘප්තිය තුළින් ආශිර්වාද වල ගිණුම -
නිරන්තරයෙන් තෘප්තිමත්ව රැදී සිට අන් අයව තෘප්තිමත් කිරීමෙන්. 3. ඔබගේ සිතිවිලි,
වචන, ක්‍රියා සහ නෑ සම්බන්ධතා තුළින් ඔබ සිදු කරන අසීමිත පරහිතකාමි සේවයේ
පුණ්‍යකර්ම ගිණුම. ඔබ සියලු දෙනාමත් ඔබගේ මෙම ගිණුම් තුන පරීක්ෂා කර බලනවා ඇති. මෙම
ගිණුම් තුනේ ඔබ කෙතරම් රැස්කර තිබෙනවාද? ඔබ යමක් රැස් කර තිබෙන්නේද, නැද්ද, යන්නෙහි
ලක්ෂණය වන්නේ: සියලු දෙනා සහ තමන් සමග තෘප්තියේ ප්‍රතිමූර්තියක් වීම, සියලු දෙනා
කෙරෙහි සෑම විටම සුබ පැතුම් සහ පිවිතුරු හැගීම් තිබීම සහ සෑම විටම ප්‍රබෝදමත්
ස්ථිතිය අත්විදිම සහ සතුටේ භාග්‍යය තිබීම. එබැවින් පරීක්ෂා කර බලන්න: මෙම ගිණුම්
දෙකේ ලක්ෂණ ඔබ අත්දකිනවාද? මේ සියලු සම්පත් රැස් කරගැනීමේ යතුර වන්නේ, නිරහංකාර,
පරාර්ථකාමී උපකරණයක් වීමයි. නොකඩවා පරීක්ෂා කර බලන්න. තවද ඔබ යතුරේ අංකය දන්නවාද?
යතුරේ අංකය වන්නේ තිත් තුනක්, තිත් තුනකි. 1. ජීවාත්මයේ තිත. 2. පරමාත්ම පියාගේ
තිත. 3. නාටකයට නැවතීමේ තිතක් තැබීමේ තිත. ඔබ සියලු දෙනාටම මෙම යතුර තිබෙනවා නේද?
ඔබගේ සම්පත් විවර කර, ඔබ නොකඩවා ඒවා දෙස බලනවා නේද? මේ සියලුම සම්පත් වැඩි කරගැනීමේ
ක්‍රමය වන්නේ අධිෂ්ඨානය තිබීමයි. ඔබ තුළ අධිෂ්ඨානය තිබෙන විට, ඕනෑම කාර්යයකදි, එය
සිදුවෙයිද නොවෙයිද, කියා ඔබ නොසිතයි. අධිෂ්ඨානයේ ස්ථිතිය වන්නේ: එය දැනටමත් සිදු කර
අවසන්. එය දැනටමත් සිදු වී ඇත. “එය සිදු වෙයිද? එය එක්රැස් වෙයිද, නැද්ද?” නොවෙයි.
නැහැ. “මා මෙය කරනවා, නමුත්.... එය සිදු විය යුතුයි...” “එය විය යුතුයි හෝ එය මෙසේ
විය යුතුයි...” වත් නොවෙයි. අධිෂ්ඨානය ඇති කෙනෙක්ගේ බුද්ධියේ විශ්වාසය තිබීම ඔහු
අත්දකියි, ඔහු සැහැල්ලු වන අතර එය සහතික බව සලකයි.
ඔබට සියලු සම්පත් වල
උපරිම ගිණුමක් රැස් කරගැනීමට අවශ්‍ය නම්, එවිට, “මන්මනභාව්” යන මන්ත්‍රය, ඔබගේ
යන්ත්‍රය බවට පත් කරගන්න, එය මගින් ඔබට නිරන්තරයෙන් පරම පියාගේ ඇසුර සහ සමීප බව
ඉබේටම අත්විදිය හැකි බව බාප්දාදා ඔබට මින් පෙරත් පවසා ඇත. ඔබ සමත් විය යුතුයි.
‘පාස්’ යන වචනයට අරුත් තුනක් තිබේ. පළමුවැන්න, සමීපව, ළගින් සිටීමයි. දෙවැන්න: සිදු
වූ කුමක් වුනත්, අතීතයයි. තුන්වැන්න සම්මාන ඇතිව සමත් (පාස් වීම) වීමයි. ඔබට ‘පාස්’
වර්ග තුනම ඇත්නම් එවිට ඔබ සියලු දෙනාම රාජධානියට අයිතියක් හිමි කරගැනීමට සම්පූර්ණ
පාස් එකක් ලබා ගනිවි. ඉතිං ඔබ සම්පූර්ණ පාස් එක හිමි කරගෙන තිබෙනවාද, නැත්නම් ඔබ එය
හිමි කරගැනීමට යනවාද? සම්පූර්ණ පාස් එක හිමි කරගත් අය, අත් ඔසවන්න! ඔබ එය හිමි කරගත
යුතුයි නොවෙයි, දැනටමත් හිමි කරගෙන ඇති අය? පළමු පේළියේ අසුන්ගෙන සිටින අය අත්
ඔසවන්නේ නැහැ. ඔබ එය තවම හිමි කරගෙන නැද්ද? එයට හේතුව ඔබ තවමත් අංගසම්පූර්ණ වී
නැතැයි, ඔබ සිතන නිසාද? කෙසේවෙතත්, ඔබ බුද්ධියේ විශ්වාසය ඇති ජයග්‍රාහී අයද?
නැත්නම් ඔබ එය බවට පත් විය යුතුද? ඔබට දැන් කාලයේ ඇමතුම, බැතිමතුන්ගේ ඇමතුම ඇසිය
හැක. ඔබ වෙතට පැමිණෙන්නේ ඔබගේ මනසේ කුමන හඩද? “මා අනිවාර්යෙන් මේ දැන්ම පරිසමාප්ත
සහ සමාන විය යුතුයි.” එසේ නැත්නම් ඔබ එය බවට පත් වෙයි, ඔබ ඒ ගැන සිතන්නේනම්, ඔබ එය
කරන්නම්, කියා සිතමින් සිටිනවාද? දැන් කාලයට අනුව, ඔබ සෑම මොහොතකම නිති-සූදානමින්
සිටීමේ පාඩම ස්ථිර කරගත යුතුයි. ඔබ “මගේ බාබා” කියා ඇති නිසා, සහ “ආදරණීය බාබා,
මිහිරි බාබා” පිළිගෙන ඇති බැවින්, ඔබ සෙනෙහස දක්වන කෙනාට සමාන වීම අපහසු නැත.
බාප්දාදා දැක
තිබෙන්නේ, විටින් විට, ඔබට සමාන වීමට ඇති බාධකය වන්නේ - එමෙන්ම එය ඔබ සියලු දෙනා
දන්නා, සුපතල වචනයකි; ඔබ සියලු දෙනාම එය දන්නා අතර එහි අත්දැකීම්ද තිබේ, එය - ‘මම’,
‘මම’ පිළිබද අවධානයයි. මේ නිසයි, බාප්දාදා ඔබට මින් පෙරද පවසා ඇත්තේ: ඔබ ‘මම’ යන
වචනය කියන ඕනෑම වෙලාවක, ‘මම’ පමණක් නොකියන්න, නමුත් “ජීවාත්මය වන මම” කියා පවසන්න.
මේ වචන එකට කියන්න. ‘මම’ ඇතැම් විට අහංකාරකම ගෙන එයි: ජීවාත්මයේ ‘මම’ නොවෙයි, ශරීර
අවධානයේ ‘මම’. එය ඇතැම් විට අහංකාරකම ගෙන එයි, ඇතැම් විට අපහාසාත්මක හැගීමක් සහ
විටෙක ඔබව සම්පූර්ණයෙන් අධෛර්යමත් කරවයි. එබැවින් ශරීර අවධානයේ ‘මම’, ඔබගේ සිහින
වලට වත් ඇතුළු වීමට ඉඩ නොදෙන්න.
සෙනෙහස යන විෂයෙන්
ඔබගෙන් වැඩි දෙනෙක් සමත් වී ඇති බව බාප්දාදා දැක තිබේ. ඔබ සියලු දෙනාව මෙහි රැගෙන
ආවේ කුමක්ද? ඔබ මෙහි පැමිණියේ ගුවන් යානයෙන්, දුම්රියෙන් හෝ බස්රියෙන් වුවද, ඇත්ත
වශයෙන්ම ඔබ මෙහි ළගා වූයේ බාප්දාදාගේ සෙනෙහස් ගුවන්යානයෙනි. එබැවින් ඔබ සෙනෙහස යන
විෂයෙන් සමත් වී ඇති සේම, දැන් සමාන වීමේ විෂයෙන් ගෞරව සම්මාන ඇතිව සමත් වීමේ
විශ්මය සිදුකර පෙන්වන්න. ඔබ මෙයට කැමතිද? සමාන වීමට ඔබ කැමතිද? ඔබ එයට කැමති නමුත්
සමාන වීම ටිකක් අපහසුද? සමාන වන්න, එවිට පරිසමාප්තිය ඔබ ඉදිරියට පැමිණෙයි.
කෙසේවෙතත්, ඔබ අනිවාර්යෙන් යමක් වන බවට හදවතින් සිදු කළ පොරොන්දුව, විටෙක ටිකක්
දුර්වල වී, විභාගය බලවත් වෙයි. සෑම කෙනෙක්ම මෙයට ආශා කරන නමුත් යමකට ආශා කිරීම එක
දෙයක් වන අතර ප්‍රායෝගිකව එය සිදුවීම වෙනම දෙයකි. මෙයට හේතුව වන්නේ ඔබ පොරොන්දුවක්
සිදුකරන නමුත්, එයට අධිෂ්ඨානය අඩු වීමයි. සමාන වීම, දුරස්ථ වන අතර ගැටළුව ශක්තිමත්
වෙයි. එසේ නම් ඔබ දැන් කරන්නේ කුමක්ද?
එක් දෙයක් බාප්දාදාට
බොහෝ හාස්‍යය ගෙන එන කරුණකි. කුමක් ගැනද? ඔබලා මහාවීරයන්, නමුත් එය ග්‍රන්ථ
ශාස්ත්‍රවල තිබෙන අයුරින්මයි: හනුමාන් මහාවීරයෙක් ලෙස පෙන්වන නමුත් ඔවුන් ඔහුගේ
වලිගයත් පෙන්වා තිබේ. මෙම වලිගය, ‘මම’ යන්නෙහි අවධානයයි. මහාවීරයන් මෙම වලිගය
පුළුස්සා දමන තෙක්, ලංකාව, එනම්, මෙම පැරණි ලෝකය අවසන් නොවෙයි. එබැවින් දැන් මෙම
‘මම, මම’, යන වලිගය පුළුස්සා දමන්න, මන්ද, පරිසමාප්තිය සමීපයට පැමිණෙන්නේ එවිට
පමණයි. එය පුළුස්සා දැමීම සදහා, ඔබට සාමාන්‍ය සිහි කිරීම නොව, තීව්‍ර, ගිණි කන්දක්
වැනි තපස්යාව අවශ්‍යයි. ගිණි කන්දක් වැනි ස්මරණය අවශ්‍යයි. ගිණි කන්දේ දෙවගනගේ
ස්මාරකය තිබෙන්නේ මේ නිසයි. බලවත් සිහිපත් කිරීම. ඉතිං, ඔබ කළ යුත්තේ කුමක්ද කියා
ඔබට ඇසුණාද? දැන් ඔබගේ මනසේ මෙම ගැඹුරු සැලකිලිමත් බව තිබිය යුතුයි: “මා සමාන විය
යුතුයි. මා පරිසමාප්තිය සමීපයට ගෙන ආ යුතුයි”. සංගම යුගය හොද බවත් එබැවින් අප එහි
සමාප්තිය ගෙන එන්නේ කුමටද, කියා ඔබ කියයි. කෙසේවෙතත්, ඔබ පියා මෙන්ම, සානුකම්පිත,
කරුණාවන්ත, දයාවෙන් පිරි ජීවාත්මයි. එබැවින් දයාවන්ත ජීවාත්මයනේ, වර්ථමානයේ දුකින්
සිටින සහ බැතිමත් ජීවාත්ම කෙරෙහි සානුකම්පිත වන්න. දයාවෙන් පිරිපුන් වන්න! දුක වැඩි
වනවා. දුකින් වේදනා විදින අයට අනුකම්පා කර, අඩු තරමින් ඔවුන්ව මුක්ති දේශයට යවන්න.
වචන වලින් පමණක් සේවය නොකරන්න, මන්ද, දැන් ඔබගේ මනසින් සහ වචන වලින් එකවර සේවය
කිරීමේ අවශ්‍යතාවයක් තිබෙයි. දෙයාකාරයේම සේවාව එකවර සිදුවිය යුතුයි. සේවය කිරීමට
ඔබට අවස්ථාවක් ලබා දිය යුතු බව නොසිතන්න. ඇවිදින විට සහ එහෙ මෙහෙ යන එන විට ඔබගේ
මුහුණු සහ ක්‍රියාකාරකම් වලින් නොකඩවා පරම පියාගේ හැදින්වීම ලබා දෙන්න. ඔබගේ මුහුණු
වලින් පියාගේ හැදින්වීම ලබා දෙන්න. ඔබගේ ක්‍රියාකාරකම් තුළින් අඛණ්ඩව පියාව
හෙළිදරව් කරන්න. එබැවින් ඔබ එවන් නිරන්තර සේවාධාරීන් වේවා. අච්චා.
ඔබ සියලු දෙනා
ශාරීරිකව බාප්දාදා ඉදිරියේ අසුන්ගෙන සිටිනවා, නමුත් සෑම තැනකම සිටින සියලුම දරුවන්
ඔවුන්ගේ සූක්ෂම ස්වරූප වලින් බාබාගේ හදවත තුළ සිටියි. ඔවුන් දකින අතර සවන් දෙමින්ද
සිටියි. මේ දේශයේ සහ විදෙස් රට වලින් බොහෝ දරුවන් ඊ-මේල්, ලිපි සහ පණිවිඩ මගින්
ඔවුන්ගේ සෙනෙහස, සහ සිහි කිරීම එවා තිබේ. සෑම කෙනෙකුගේම සෙනෙහස පෞද්ගලිකව, නමින්
බාප්දාදාට ලැබී ඇති අතර ඔහු ඉදිරියේ සියලුම දරුවන්ව දැකීමෙන් හදවතින් බාප්දාදා මෙම
ගීතය ගායනා කරයි: අපූරුයි දරුවනේ! අපූරුයි! මේ වෙලාවේ සෑම කෙනෙක් තුළම ස්මරණය
ඉස්මතු වී ඇත. සියලු දෙනාම පණිවිඩකරු(දාදි ගුල්සා)ට වෙන වෙනම මෙසේ කියයි, “අහවලා
ඔහුගේ ස්මරණය එවා තිබේ, අහවලා ඇගේ ස්මරණය එවා තිබේ.” පරම පියා පවසන්නේ : ඔබ තුළ
සිතිවිල්ල ඇති වන විට, උපකරණය මාර්ගයෙන් පණිවිඩය පසුව පැමිණෙන නමුත්, උපකරණය
මාර්ගයෙන් පණිවිඩය පැමිණෙන්නට පෙර, සෙනෙහසේ සිතිවිල්ල පැමිණෙයි. එය හරිද? ඔබගෙන්
සමහරෙකුට ඔබගේ සිහි කිරීම හමු වී තිබෙනවා නේද? අච්චා.
ප්‍රථම වතාවට පැමිණි
අය ඔබගේ අත් ඔසවන්න! සේවයටත් ඔබ සියලු දෙනාම මෙහි පැමිණ ඇත්තේ ප්‍රථම වතාවටයි.
අච්චා. බාප්දාදා පවසන්නේ : සාදරයෙන් පිළිගන්නවා! එය ඔබගේ පැමිණීමේ වාරයයි. හොදයි,
දැන් කතා කරන්න!
මෙවර සියලු දෙනාටම
සේවය කර ඇත්තේ ඉන්දෝර් කලාපයයි:
(සියලු දෙනාටම එහි මත ‘මේරා බාබා’ ලියා තිබුණු කඩදාසි හදවතක් තිබුණා.) ඔබගේ අත්
හොදින් වනන අතර ඔබගේ හදවත්ද වැනිය හැක. සරළව මෙය මතකයේ තබා ගන්න, කිසිම විටෙක
‘මේරා’ අමතක නොකරන්න. ඔබ හොද අවස්ථාවක් ගෙන තිබේ. බාප්දාදා සෑම විටම පවසන්නේ :
එඩිතරකම පවත්වාගන්න අයට බාප්දාදා කෝටි ගුණයක උපකාර ලබා දෙනවා. ඉතිං ඔබ එඩිතරකම
පවත්වා ගෙන තිබෙනවා නේද? ඔබ හොදින් කටයුතු කර තිබේ. එය ඉන්දෝර් කලාපයයි. ඔහු, සකාර්
බාබාගේ ස්වරූපයේ සිටි විට, බාබා සිහි කළ අවසන් ස්ථානය වූයේ ඉන්දෝර් කලාපයයි (1968
ටේ මධ්‍යස්ථානයක් විවෘත කිරීමට සකාර් බාබා දිරිගැන්වූ අවසන් ස්ථානය වුයේ ඉන්දෝර්ය.)
එය හොදයි. ඔබ සියලු දෙනාම ඉතා සතුටින් නේද? ඔබ ලොතරැයියක් දිනාගෙන තිබෙනවා. කලාපයකට
සේවය කිරීමට වාරයක් ලැබෙන විට, සේවාධාරීන් සියලු දෙනාටම පැමිණීමට අවසර ලැබෙයි. එසේ
නැත්නම් රැගෙන එන සංඛ්‍යාවට ඔබට කෝටාවක් ලබා දෙනවා. කෙසේවෙතත්, දැන් කී දෙනෙක්
සිටිනවාද කියා බලන්න! සෑම කලාපයකටම එය හොද අවස්ථාවකි; ඔබට අවශ්‍ය සංඛ්‍යාවක් රැගෙන
එන්න. එබැවින් කෙටි කාලයකදි ඔබ සියලු දෙනා ඔබගේ පුණ්‍යකර්ම ගිණුමේ බොහෝ රැස් කර
තිබෙනවා. ඔබගේ හදවතින් යග්යා සේවය කිරීම යනු, සීඝ්‍ර වේගයකින් ඔබගේ පුණ්‍යකර්ම
ගිණුම වැඩි කරගැනීමයි, මන්ද, ඔබ තුනම වටිනා ලෙස භාවිතා කරයි - ඔබගේ සිතිවිලි, කාලය
සහ ශරීරය. ඔබ සිතිවිලි ඇති කරන්නේ නම්, ඒවා යග්යාවට සේවයක් සිදු කරන ඒවාය. යග්යාවට
සේවය කිරීමට ඔබගේ කාලය ඔබ වැය කළ අතර යග්යාවේ සේවය වෙනුවෙන් ඔබගේ සිරුර ඔබ පුද
කළේය. එබැවින් එය සේවයද, නැත්නම් එහි ඵලයද? ප්‍රායෝගික ඵලය වන්නේ: යග්යාවේ සේවය කරන
අතර කිසිවෙකුට නිෂ්ඵල සිතිවිලි ඇති වුණාද? කිසිවෙකුට එවන් සිතිවිලි ඇති වුණාද? ඔබ
සතුටින් රැදී සිටි අතර ඔබ සියලු දෙනා සතුට බෙදා හැරියා. එබැවින් ඔබට මෙහිදි
ස්වර්ණමය අත්දැකීමක් ලැබුණා. ඔබ කොහේ සිටියත්, නොකඩවා මෙම අත්දැකීම මතු කරගෙන එය
එහිදි වැඩි කරගන්න. මායාගේ ඕනෑම සිතිවිල්ලක් පැමිණෙන විට, ඔබගේ මනසේ ගුවන්
යානාවෙන්, ශාන්තිවාන් වලට එන්න. ඔය සෑම කෙනෙකුටම ඔබගේ මනසේ ගුවන් යානයක් තිබෙනවා
නේද? ඔය සෑම කෙනෙකුටම මනසේ ගුවන් යානාවක් තිබෙනවා. බාප්දාදා සෑම බ්‍රහ්මින්
කෙනෙකුටම ශ්‍රේෂ්ඨ මනසක ගුවන් යානයක උපන් දින තෑග්ගක් ලබා දී ඇත. මෙම ගුවන් යානයේ
ඔබට එතරම් උත්සාහයක් දැරීමට අවශ්‍ය නොවෙයි. ආරම්භ කිරීමට (ඉහළ යාමට), සරළව මෙසේ
කියන්න “මගේ බාබා”. එපමණයි. ඔබගේ ගුවන් යානය පියාසර කරවන අන්දම ඔබ දන්නවා නේද?
එබැවින් ඕනෑම දෙයක් සිදුවන විට, මධුබන් වලට එන්න, එපමණයි. භක්ති මාර්ගයේ, වන්දනා
ස්ථාන සතරේ වන්දනා ගමනක යන අය, තමන් ඉතා වාසනාවන්ත බව සලකයි, එමෙන්ම ඔබට තිබෙන්නේ
මධුබන් වල වන්දනා ස්ථාන සතරයි. එබැවින් ඔබ මෙම ස්ථාන සතරේ වන්දනා ගමනේ ගොස්
තිබෙනවාද? ඔබ පාණ්ඩව භවන්හි වන්දනා ස්ථාන සතර දැක තිබෙනවාද? මෙහි කවුරු පැමිණියත්,
ඔවුන් පාණ්ඩව භවන් වලට යයි. 1. ශ්‍රේෂ්ඨතම වන්දනා ගමන ශාන්ති ස්ථම්භයයි. 2.
බාප්දාදාගේ කාමරය: මෙය සෙනෙහසේ වන්දනා ගමනයි. 3. කුටිය: ස්නේහ මිලනයක (සෙනෙහසේ කුඩා
හමුවක) වන්දනා ගමන. 4. ඉතිහාසයේ (හිස්ට්‍රි) ශාලාව. ඉතිං ඔබ සියලු දෙනා මෙම ස්ථාන
සතරේ වන්දනා ගමනේ ගොස් තිබෙනවාද? එබැවින් ඔබ දැනටමත් බොහෝ භාග්‍යවන්ත අය බවට පත් වී
ඇත. ඉතිං ඔබට දැන් ඕනෑම වන්දනා ස්ථානයක් සිහි කළ හැක. ඔබ විටෙක ටිකක් දුකට පත්
වන්නේ නම්, එවිට කුටියට පැමිණ, හදවතට සමීප කතාබහක යෙදෙන්න. ඔබට ශක්තිමත් වීමට
අවශ්‍ය නම්, ශාන්ති ස්ථම්භයට එන්න, එමෙන්ම ඔබ තුළ සීඝ්‍ර වේගයකින් නිෂ්ඵල සිතිවිලි
හට ගන්නේ නම්, හිස්ට්‍රි ශාලාවට එන්න. සමාන වීමට අධිෂ්ඨානගත සිතිවිල්ල ඇති වන්නේ
නම්, බාප්දාදාගේ කාමරයට එන්න. එය හොදයි. සියලු දෙනාම මෙම ස්වර්ණමය අවස්ථාව ගෙන
තිබේ, නමුත්, එහි වාසය කරන අතර වුවද, (ඔබ වාසය කරන ස්ථානයේ) නිරන්තරයෙන් අඛණ්ඩව මෙම
ස්වර්ණමය අවස්ථාව අරගන්න. අච්චා. ඔබ බොහෝ නිර්භීතයි.
CAD – (Coronary
artery disease) (හෘදයේ කිරීටක ධමණි රෝගය):
(ශාන්තිවාන් වලදි
ඔවුන් ඉතා හොද සම්මන්ත්‍රණයක් පැවැත්වූවා). ඔබ හොදින් සියල්ල සිදු කළා. ඔබලා අතරේ
රැස්වීමක් පැවැත්වූවා. ජනාධිපතිගේ කැමැත්ත වී ඇත්තේ මෙම කාර්යය සිදුවිය යුතු බවයි.
ඔහුගේ ආශාවට අනුව ඔහුත් සමග එකට ක්‍රියා කරමින් නොකඩවා ඉදිරියට ගමන් කරන්න, එමෙන්ම
බ්‍රහ්මණයන්ගේ රැස්වීමේදීද ඔබගේ වැඩසටහනේ තොරතුරු පවසා ඔවුන්ගේ අවවාද ලබා ගන්න.
එවිට සියලු බ්‍රහ්මින්වරුන්ගේ අවවාද වලින් එය බලයෙන් පිරෙයි. කාර්යය හොදයි: එය
නොකඩවා කරගෙන යන්න, එය නොකඩවා පතුරන්න, එමෙන්ම නොකඩවා භාරතයේ විශේෂත්වය හෙළිදව්
කරන්න. ඔබ වෙහෙස වී වැඩ කරයි. ඔබ හොද වැඩසටහනක් පැවැත්වූවා. CAD කණ්ඩායමේ අය
පරිත්‍යාගශීලී හදවතක් පෙන්වීය. එයට සුබ පැතුම්. අච්චා.
ද්විත්ව විදේශික
සහෝදර සහෝදරියන්:
සෑම වාරයකම ද්විත්ව
විදේශික දරුවන් පෙනී සිටීම සමූහය බබලවයි (චාර් චන්ද් ළගානා). ද්විත්ව විදේශිකයන්
දකින විට, සියලු දෙනාම උද්යෝගිමත් වෙයි. සියලුම ද්විත්ව විදේශිකයන් දෙගුණයක
උනන්දුවෙන් සහ උදයෝගයෙන් ඉදිරියට ගමන් කරනවා; ඔබ ඇවිදිනවා නොවෙයි, ඔබ පියාසර කරනවා.
එය එහෙමයි නේද? ඔබ පියාසර කරන අයද නැත්නම් ඇවිදින අයද? ඇවිදින අය නොවෙයි, සෑම විටම
පියාසර කරන අය, අත් ඔසවන්න! අච්චා. ඔබ කොහොමත් මෙහි පැමිණිය යුත්තේ ගුවන් යානයෙන්
පියාසර කරමින්. එබැවින් ඔබට කොහොමත් පියාසර කිරීමේ පුහුණුව තිබෙනවා. එය සිරුරෙන්
පියාසර කිරීම වන අතර මෙය මනසින් පියාසර කිරීමයි. ඔබ හොදින් එඩිතරකම පවත්වාගෙන ඇත.
බලන්න, බාප්දාදා ඔහුගේ දරුවන්ව විවිධ කොණ් සතරෙන්ම සොයාගෙන තිබෙනවා. එය ඉතාම හොදයි.
ඔබව හදුන්වන්නේ ද්විත්ව විදේශිකයන් ලෙසයි, නමුත් ඇත්ත වශයෙන් ඔබ ආදිතම වශයෙන්,
භාරතයෙනි. එසේ නම් ඔබ පාලනය කිරීමට යන්නේ කොහේද? ඔබ පාලනය කිරීමට යන්නේ භාරතයේ නේද?
කෙසේවෙතත්, සේවය කිරීම සදහා ඔබ මහද්වීප පහටම ගොස් ඇත. මහද්වීප පහේම සියලුම විවිධ
ස්ථාන වල ඔබ බොහෝ උනන්දුවෙන් සහ උද්යෝගයෙන් ඉතා හොදින් සේවය කරයි. ඔබ බාධක විනාශ
කරන්නන් නේද? බාධක පැමිණෙන විට ඔබ බිය වන්නේ නැහැ නේද? “කුමක්ද වෙන්නේ? මෙය සිදු
වන්නේ ඇයි?” නැහැ. “කුමක් සිදු වුණත් එය අපගේ එඩිතරකම වැඩි කර ගැනීමේ ක්‍රමයයි. එය
අපව බිය ගැන්වීමට නොවෙයි, නමුත් අපගේ උනන්දුව සහ උද්යෝගය වැඩි කරගැනීමේ
ක්‍රමවේදයයි.” ඔබ මින් ශක්තිමත් නේද? ඔබ ශක්තිමත්ද? නැත්නම් ඔබ ටිකක් දුර්වලයිද?
නැහැ. ‘දුර්වලයි’ යන වචනයට ඔබ කැමති නැහැ. ඔබ ශක්තිමත්. ඔබ ශක්තිමත්ව රැදී සිටිවි.
ශක්තිමත්ව සිටීමෙන් ඔබ පරම පියා සමග ආපසු නිවහනට යනු ඇත. අච්චා.
දාදි ජන්කි ඇගේ
ඔස්ට්‍රේලියානු සංචාරය නිම කර පැමිණ ඇති අතර ඔවුන් බොහෝ ස්මරණය එවා තිබේ: ඊමේල්
මාර්ගයෙන්ද බාප්දාදාට ඔවුන්ගේ පණිවිඩ ලැබී තිබේ. විශාල වැඩසටහන් කෙබදු වන්නේද යත්,
ඒවා දැනටමත් නිමා කර ඇති බව, බාප්දාදා දකිනවා. ඒවා පවත්වන්නේ කෙසේද කියා ඔබ සියලු
දෙනාම ඉගෙනගෙන තිබේ. පහසුකම් සේවය වෙනුවෙන් භාවිතා කිරීමට ඔබට ඉතා හොද පුහුණුවක්
තිබෙනවා. ඔස්ට්‍රේලියාව අංක එක ලෙස බාප්දාදා දකිනවා. නමුත් බ්‍රිතාන්‍යය දැන් ටිකක්
ඉදිරියෙන් ගමන් කරයි. කෙසේවෙතත්, ආරම්භයේ ඔස්ට්‍රේලියාව අංක එක ලබා ගත් අතර දැන්
ඔස්ට්‍රේලියාව අංක එක විය යුතුයි. බ්‍රිතාන්‍යය අංක දෙක නොවෙයි, එයත් අංක එක වෙයි.
බාප්දාදාට ඔස්ට්‍රේලියාවේ වැඩිමහල් දරුවන්ව සිහිවෙයි, එමෙන්ම බාප්දාදාගේ ආදරණීය
දරුවා වන නිර්මල් ආශ්‍රමය. ඔබ ඇය හදුන්වන්නේ නිර්මලා දීදි කියා. ඔබ ඇය අමතන්නේ දීදි
කියා නේද? ආරම්භයේ සිට බාප්දාදා ඇයට ‘නිර්මල ආශ්‍රමය’ යන නම්බුනාමය ලබා දුන්නා.
බොහෝ ජීවාත්ම ආධාර ලබා ගෙන පරම පියාට අයිති වූ ආශ්‍රමය. ඔවුන් දැන් පියාට අයත් අතර
නොකඩවා ඔහුට අයත්ව සිටිවි. එබැවින් ඕස්ට්‍රෙලියාවේ සියලුම දරුවන්ට විශේෂ ස්මරණය.
ඔවුන් ඉදිරියේ අසුන්ගෙන සිටිනවා. ඔබ ඕස්ට්‍රේලියාවෙන් නේද? ඕස්ට්‍රේලියාවේ අය
නැගිටින්න! ඉතා හොදයි. ඔවුන්ට ඉතා හොද උද්යෝගයක් තිබෙනවා. ලෝකයට සේවය කිරීමට ඔවුන්
බොහෝ සේ සූදානම් වනවා. ඔබට බාප්දාදාගේ උදව් මෙන්ම සාර්ථකත්වයද තිබේ. අච්චා.
ඔබට දැන් තිබෙන්නේ
කුමන අධිෂ්ඨානගත සිතිවිල්ලක්ද? සාර්ථකත්වය ඔබගේ ජන්ම උරුමය බව, ජයග්‍රහණය ඔබගේ ගෙල
වටා මාලය බවට සිතිවිල්ල ඇතිව දැන් අසුන් ගන්න. මෙම විශ්වාසය සහ ආධ්‍යාත්මික කුල්මත්
බවින් මෙම අත්දැකීමේ ප්‍රතිමූර්ති ලෙස අසුන් ගන්න. අච්චා. (බාබා අභ්‍යාසය
මෙහෙයවීය).
සෑම තැනකම සිටින,
කණස්සලු වලින් නිදහස්, සියලුම සැහැල්ලු අධිරාජවරුන්ට, දුකින් නිදහස් දේශයේ
අධිරාජයෙකුගේ ස්වරූපයේ නිරන්තරයෙන් ස්ථාවරව රැදී සිටින දරුවන්ට, සියලු සම්පත් වලින්
පිරිපුන් සහ ලෝකයේ ධනවත්ම දරුවන්ට, උනන්දුව සහ උද්යෝගයේ පියාපත් වලින් නිරන්තරයෙන්
පියාසර ස්ථිතියේ සිටින දරුවන්ට, බාප්දාදාට සමාන සහ සමාප්තිය සමීපයට ගෙන එන දරුවන්ට,
හදවතින් බාප්දාදාගේ සෙනෙහස, ස්මරණය සහ සුබ පැතුම්, භාග්‍යය පිරිනමන්නාගෙන් ආශිර්වාද
සහ නමස්තේ.
වරදානය:
ඔබ සියලු
දුර්වලතා පරිත්‍යාග කිරීමෙන් ඒවා අවසන් කර, දානපතියෙක් සහ භාග්‍යයේ දානපතියෙක්
වේවා.
භක්ති මාර්ගයේ ඔවුන්ට
ඇති ක්‍රමවේදය වන්නේ, ඔබට යම් දේක අඩුවක් තිබෙන විට, එම දේම දන් දෙන්නට කියා ඔබට
කීම. එය පරිත්‍යාග කිරීමෙන්, එම දීමේ ස්වරූපය, ලැබීමේ ස්වරූපයක් වෙයි. එබැවින් ඕනෑම
දුර්වලතාවයක් අවසන් කිරීමට, දානපතියෙක් සහ භාග්‍යය පිරිනමන්නෙක් වන්න. අන් අයට
ආධාරකයක් වී ඔවුන්ට පරම පියාගේ සම්පත් ලබා දීමට ඔබ උපකරණයක් වන්නේ නම්, දුර්වලතා
ඉබේටම ඉවත්ව යයි. ඔබගේ දානපති සහ භාග්‍යය පිරිනමන්නෙකුගේ බලවත් සංස්කාර වලට ඉස්මතු
වන්නට ඉඩ දෙන්න, එවිට ඔබගේ දුර්වල සංස්කාර ඉබේටම අවසන් වෙයි.
පාඨය:
ඔබගේ දුර්වලතා
ගැන නොව, ඔබගේ ශ්‍රේෂ්ඨ භාග්‍යය ගැනනොකඩවා ප්‍රශංසා ගීතගයන්න.
අව්‍යක්ත සංඥාව: සහජ
යෝගීවරයෙක් වීම සඳහා, පරමාත්ම දෙවියන්ගේ සෙනෙහසේ අත්දැකීම් ලබන්න.